📅 2024-yil 4-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 4 апреля 2024 г. · Указы Президента
Официальный текст. Официальный документ. Редакционные примечания не включены.
📅 4 April 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Меҳнат миграцияси жараёнларини такомиллаштириш ҳамда хорижда вақтинча меҳнат фаолиятини амалга ошираётган шахсларни қўллаб-қувватлашга доир қўшимча чора-тадбирлар тўғрисида
[Кўчирма]
Меҳнат миграцияси жараёнларини бошқариш тизимининг самарадорлигини ошириш, чет элда меҳнат фаолиятини амалга ошириш истагида бўлган фуқароларга қулай шарт-шароитларни яратиш, меҳнат миграциясидан қайтиб келган шахсларни реинтеграция қилиш, шу жумладан уларнинг бандлигини таъминлаш, касбий малакасини ошириш ва тадбиркорлик ташаббусларини рағбатлантириш мақсадида:
1. Камбағалликни қисқартириш ва бандлик вазирлигининг қуйидаги таклифларига розилик берилсин:
а) қуйидагиларни ташкил этиш:
«Ўзбекистон Республикаси Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги» давлат корхонаси негизида давлат муассасаси шаклида Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлигини (кейинги ўринларда — Агентлик);
Камбағалликни қисқартириш ва бандлик вазирлигининг 4 та штат бирлигини қисқартириш ҳисобига Вазирлар Маҳкамасининг ижро этувчи тузилмасида 4 штат бирлигидан иборат бўлган Ташқи меҳнат миграцияси масалалари бўлимини (кейинги ўринларда — Бўлим).
2. Қуйидагилар:
Агентлик, Бўлим ва атташе фаолиятини ташкил этиш тартиби 1-иловага мувофиқ;
Агентлик, унинг ҳудудий бошқармалари ва хориждаги ваколатхоналари фаолиятини молиялаштириш манбалари 2-иловага мувофиқ тасдиқлансин.
3. Белгилансинки, 2024 йил 1 июндан бошлаб Камбағалликни қисқартириш ва бандлик вазирлиги ҳузуридаги Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси (кейинги ўринларда — Жамғарма) маблағлари ҳисобидан:
а) «Xorijda ish» меҳнат миграцияси электрон дастурий мажмуасида рўйхатдан ўтган ва ташкиллаштирилган меҳнат миграциясига кетаётган фуқароларга:
хорижий тиллар ва (ёки) касб бўйича малака имтиҳонларини топшириш билан боғлиқ харажатларини қоплаш учун, башарти улар муваффақиятли топширилганда ва сертификат олинганда — базавий ҳисоблаш миқдорининг уч бараваригача миқдорда;
хорижда меҳнат фаолиятини амалга оширишга «ишчи виза»ни расмийлаштириш билан боғлиқ харажатларини қоплаш учун — базавий ҳисоблаш миқдорининг беш бараваригача миқдорда;
йўл чиптасини харид қилиш билан боғлиқ харажатларини қоплаш учун — базавий ҳисоблаш миқдорининг икки бараваригача миқдорда компенсация тўланади;
в) суғурта ташкилотларига — Ижтимоий реестр, «Темир дафтар», «Аёллар дафтари», «Ёшлар дафтари»дан бирига киритилган ва ташкиллаштирилган меҳнат миграциясига кетаётган фуқароларнинг ҳаёти ва соғлиғи, шунингдек, бошқа таваккалчиликларини суғурталаш бўйича суғурта мукофотини қоплаш мақсадида ҳар бир суғурталанган фуқаро учун йилига бир марта уч юз минг сўмгача миқдорда субсидия тўланади;
г) хорижда меҳнат қилиш даврида зўравонликка, мажбурий меҳнатга дучор бўлган ва камситилган, меҳнат ҳамда бошқа ҳуқуқлари бузилган, мураккаб молиявий аҳволда, шахсини тасдиқловчи ҳужжатларсиз ва яшаш учун маблағсиз қолган Ўзбекистон Республикаси фуқароларига адвокатнинг, юридик хизматлар кўрсатувчи ташкилотларнинг ёки ҳуқуқни муҳофаза қилиш ташкилотларининг хизматлари учун белгиланган тартибда ҳақ тўланади.
Камбағалликни қисқартириш ва бандлик вазирлиги (Б. Мусаев) манфаатдор вазирлик ҳамда идоралар билан биргаликда икки ой муддатда мазкур бандга мувофиқ, субсидия, компенсация ва бошқа тўловларни ажратиш тартибини тасдиқласин.
4. Белгилаб қўйилсинки, Фармоннинг 3-банди «а» кичик бандида назарда тутилган компенсацияларни олиш учун фуқаро «Xorijda ish» меҳнат миграцияси электрон дастурий мажмуаси орқали электрон тарзда ёки бевосита Агентликка асословчи ҳужжатларни илова қилган ҳолда ариза билан мурожаат қилади.
Бунда, компенсация суммаси фуқаро хорижда ишга жойлашганидан сўнг бир ойдан кечикмасдан унинг аризасида кўрсатилган банк пластик картасига ўтказиб берилади.
5. Белгилансинки, 2024 йил 1 июндан бошлаб ҳужжатларни онлайн талаб қилиб олиш бўйича консуллик йиғимлари миқдори фуқаролик ҳолати далолатномаларини қайд этганлик ҳақида такрорий гувоҳномалар берганлик учун давлат божи миқдорига тенглаштирилади.
Ташқи ишлар вазирлиги (Б. Саидов) манфаатдор вазирлик ва идоралар билан биргаликда уч ой муддатда қонунчилик ҳужжатларига доимий консуллик ҳисобида туриш бадалини бекор қилиш, шунингдек, ҳисобда туриш тартиб-таомилларини қайта кўриб чиқиб, уларнинг шартларини соддалаштириш бўйича тегишли ўзгартиришлар киритилишини таъминласин.
6. Камбағалликни қисқартириш ва бандлик вазирлиги (Б. Мусаев) ҳамда Ташқи ишлар вазирлиги (Б. Саидов) манфаатдор вазирлик ва идоралар билан биргаликда:
оғир аҳволда қолган меҳнат мигрантларига моддий ёрдам кўрсатиш имкониятларини кенгайтириш мақсадида 2024-2025 йилларда Буюк Британияда (Лондон), Германияда (Берлин), Туркияда (Истанбул) ва Саудия Арабистонида (Ар-Риёд) Агентликнинг ваколатхоналарини ёки меҳнат мигрантларини ҳуқуқий ҳимоя қилиш марказларини (кейинги ўринларда — марказлар) очиш бўйича мазкур давлатлар ваколатли органлари билан музокаралар ўтказсин;
музокаралар натижаларидан келиб чиқиб, Агентлик ваколатхоналарини ва (ёки) марказларни очиш, жиҳозлаш ва сақлаб туриш харажатларини Жамғарма ҳисобидан қоплаш бўйича зарур чора-тадбирларни амалга оширсин.
7. Белгилансинки, 2024 йил 1 июлдан бошлаб Ўзбекистон Республикасининг дипломатик ваколатхоналари ва консуллик муассасалари ходимлари учун белгиланган пенсияни ҳисоблаб чиқариш, вояга етмаган фарзандларининг умумтаълим муассасаларида таҳсил олиши билан боғлиқ тўловларни қоплаб бериш (умумтаълим муассасалари пулли бўлганда), шунингдек, уларга моддий ёрдам кўрсатиш ва рағбатлантириш тартиби Агентликнинг хориждаги ваколатхоналари ходимлари ва вакилларига нисбатан ҳам татбиқ этилади.
8. Камбағалликни қисқартириш ва бандлик вазирлиги (Б. Мусаев) Ички ишлар вазирлиги (П. Бобожонов), Рақамли технологиялар вазирлиги (Ш. Шерматов) ҳамда бошқа манфаатдор вазирлик ва идоралар билан биргаликда:
а) 2024 йил 1 сентябрга қадар:
меҳнат мигрантларига ёрдам кўрсатиш учун туну кун ишлайдиган Call-марказ фаолиятини ташкил этсин ҳамда ягона телефон рақамининг узлуксиз ишлашини таъминласин;
чет элдан чиқувчи абонентлар учун Call-марказ рақамига қўнғироқларни бепул асосда амалга ошириш имконини яратсин;
б) 2025 йил 1 июлга қадар:
Ўзбекистондан ташқарига чиқувчи ва давлат ҳудудига кириб келувчи шахсларнинг аниқ ҳисобини юритиш имконини берувчи ягона идоралараро ва тўлиқ интеграция қилинган электрон маълумотлар базасини;
меҳнат мигрантлари учун бўлиб турган мамлакатлари ва у ердаги бўш иш ўринлари тўғрисида маълумотларни жойлаштириш, ватандошлар билан онлайн мулоқот қилиш ва пул ўтказмаларини амалга ошириш, қийин ҳаётий вазиятга тушиб қолган фуқароларга ёрдам кўрсатувчи ташкилотлар билан боғланиш имконини берувчи мобиль иловани яратсин.
9. Белгилансинки:
Call-марказ фаолиятини юритиш, мобиль иловани яратиш ва уни келгусида техник қўллаб-қувватлаш билан боғлиқ барча харажатлар Жамғарма маблағлари ҳисобидан молиялаштирилади;
ягона электрон маълумотлар базасини яратиш ва уни келгусида техник қўллаб-қувватлаш билан боғлиқ харажатлар Жамғарма ва Ички ишлар вазирлигининг маблағлари ҳисобидан тенг улушларда қопланади.
Ички ишлар вазирлиги (П. Бобожонов) 90 кун ва ундан ортиқ муддатга хорижга чиқиб кетган Ўзбекистон Республикаси фуқаролари бўйича маълумотларни ҳар ой якуни бўйича кейинги ойнинг 5-санасига қадар Агентликка тақдим этиб борсин.
10. Белгилансинки, 2024 йил 1 июлдан бошлаб хусусий бандлик агентликларига хорижда меҳнат фаолиятини амалга ошириш истагида бўлган шахсларга Ўзбекистон Республикасининг ташқарисида ишга жойлаштириш бўйича хизматлар кўрсатганлик учун ҳақ ундиришга рухсат этилади. Бунда:
хорижда меҳнат фаолиятини амалга ошириш истагида бўлган фуқаролар томонидан тўланадиган маблағлар тижорат банкларида очилган махсус ҳисобварақда сақланади;
махсус ҳисобварақда сақланган маблағлар хусусий бандлик агентлиги томонидан шартнома мажбуриятлари тўлиқ бажарилганидан сўнг хусусий бандлик агентлигининг асосий ҳисобварағига ўтказилади.
11. Шундай тартиб ўрнатилсинки, унга мувофиқ 2024 йил 1 июндан бошлаб:
а) Бандликка кўмаклашиш давлат жамғармаси маблағлари ҳисобидан меҳнат миграциясидан қайтган шахсларни ишга қабул қилган иш берувчиларга (бюджет ташкилотлари, давлат корхоналари, устав капиталида давлат улуши 50 фоиз ва ундан ортиқ бўлган юридик шахслар бундан мустасно) ҳар бир ишга олинган бундай ходим учун 12 ой давомида ойига 500 минг сўмдан субсидия тўланади. Бунда:
субсидия 2024 йил 1 июндан 2026 йил 1 январга қадар ишга қабул қилинган шахсларга нисбатан тўланади;
меҳнат миграциясидан қайтиб келган шахс билан тузилган ва Ягона миллий меҳнат тизимида рўйхатдан ўтказилган меҳнат шартномаси субсидия тўлаш учун асос бўлиб ҳисобланади;
меҳнат миграциясидан қайтиб келган шахслар деб хорижда уч ва ундан ортиқ ой мобайнида меҳнат фаолияти билан шуғулланиб, яшаш манзилига қайтиб келганлигига бир йилдан кўп вақт бўлмаган шахслар тушунилади;
б) Маҳаллабай ишлаш ва тадбиркорликни ривожлантириш агентлигининг «Онлайн маҳалла» электрон платформасида «Реинтеграция» модули яратилади;
в) ҳар бир маҳаллада «маҳалла еттилиги» томонидан меҳнат миграциясидан қайтиб келган шахсларни хатловдан ўтказиш ва натижаларини «Реинтеграция» модулига киритиш амалиёти йўлга қўйилади;
г) меҳнат миграциясидан қайтиб келган шахсларга реинтеграция ёрдами кўрсатилиши ва уларнинг расмий бандлиги таъминланиши ҳоким ёрдамчилари фаолиятининг асосий самарадорлик кўрсаткичларидан (KPI) бири этиб белгиланади.
12. Камбағалликни қисқартириш ва бандлик вазирлиги (Б.Мусаев):
а) бир ой муддатда «маҳалла еттилиги» томонидан меҳнат миграциясидан қайтиб келган шахсларни хатловдан ўтказиш ва улар тўғрисидаги маълумотларни қайд этиш бўйича йўриқнома ва намунавий сўровнома шаклини ишлаб чиқсин ҳамда ҳар бир маҳаллага етказиб берилишини таъминласин;
б) 2024 йил 1 июнга қадар:
«Xorijda ish» меҳнат миграцияси электрон дастурий мажмуаси ва «Бандлик хизмати» ахборот тизимининг «Онлайн маҳалла» электрон платформаси билан интеграция қилинишини таъминласин;
ҳоким ёрдамчиларига «Онлайн маҳалла» электрон платформаси орқали миллий вакансиялар базасидаги ва хорижий иш берувчиларда мавжуд бўлган бўш иш ўринлари ҳамда ушбу иш ўринларига қўйилган талаблар тўғрисидаги маълумотларни реал вақт режимида электрон тарзда олиш имкониятини яратсин.
13. Соғлиқни сақлаш вазирлиги (А. Худаяров) 2024 йил 1 июндан бошлаб:
меҳнат миграциясидан қайтиб келган шахслар ҳамда уларнинг оила аъзоларини бепул тиббий кўрикдан ўтказиш;
меҳнат миграциясидан қайтиб келган, ижтимоий аҳамиятли касалликка чалинган шахсларга Ўзбекистон Республикаси Давлат бюджети маблағлари ҳисобидан қопланадиган тиббий ёрдамнинг кафолатланган ҳажмлари рўйхатига мувофиқ бепул тиббий ёрдам кўрсатиш амалиётини йўлга қўйсин.
14. Марказий банк (М. Нурмуратов) ҳамда Ўзбекистон фермер, деҳқон хўжаликлари ва томорқа ер эгалари кенгаши (А. Хаитов) меҳнат миграциясидан қайтиб келган шахсларга тадбиркорлик фаолиятини амалга ошириш, шунингдек, томорқа ер участкаларида қишлоқ хўжалиги маҳсулотларини етиштириш, чорвачилик, паррандачилик, асаларичилик, балиқчилик ва бошқа фаолият турлари билан шуғулланиши учун «Кичик бизнесни узлуксиз қўллаб-қувватлаш» комплекс дастури ва оилавий тадбиркорликни ривожлантириш дастурларига мувофиқ кредитлар ажратилишини таъминласин.
15. Ижтимоий ҳимоя миллий агентлиги (М. Оллоёров):
а) 2024 йил 1 июлга қадар «Инсон» ижтимоий хизматлар марказлари негизида ота-онаси хорижда меҳнат қилаётган болаларга ижтимоий ёрдам кўрсатиш амалиётини жорий қилсин;
б) 2025 йил 1 январдан бошлаб туман (шаҳар)лардаги «Инсон» ижтимоий хизматлар марказларида фаолият юритаётган ижтимоий ходимлар томонидан:
хорижда вақтинча меҳнат фаолиятини амалга ошираётган фуқаролар хонадонидаги аҳволни ўрганиб, уларнинг ижтимоий хизматлар ва ёрдамга бўлган эҳтиёжи аниқланишини;
хорижда вақтинча меҳнат фаолиятини амалга ошираётган фуқароларнинг оилалари билан, шу жумладан, кейс-менежмент усулини қўллаган ҳолда самарали иш ташкил этилиши, улардан ижтимоий хизматлар ва ёрдам олиш бўйича буюртмалар қабул қилиниши, заруратга қараб буюртмалар масъул вазирлик ва идораларга юборилишини;
оғир аҳволга тушиб қолган ва оғир аҳволга тушиб қолиш хавфи юқори бўлган оилалар мунтазам равишда мониторинг қилиб борилиши, улар учун ижтимоий хизмат ва ёрдамлар ташкил этилишини;
хорижда вақтинча меҳнат фаолиятини амалга ошираётган фуқароларнинг болаларига таълим, тиббиёт ва бошқа ижтимоий хизматлардан фойдаланишга ёрдам берилишини таъминласин.
16. Қуйидагилар:
2024-2025 йилларда миграция соҳасидаги устувор вазифаларни амалга ошириш бўйича «йўл харитаси» (кейинги ўринларда — «йўл харитаси») 3-иловага * мувофиқ;
2024 — 2026 йилларда меҳнат фаолиятини амалга ошириш истагида бўлган фуқароларни тайёрлаш ва чет элга ташкиллаштирилган тартибда юборишнинг ҳудудлар кесимидаги мақсадли кўрсаткичлари 5-иловага * мувофиқ тасдиқлансин.
Вазирлик, идоралар ва маҳаллий ижро этувчи ҳокимият органлари раҳбарларига «йўл харитаси» ва мақсадли кўрсаткичларда назарда тутилган вазифалар ва тадбирларнинг сифатли ҳамда ўз вақтида амалга оширилишини таъминлаш учун шахсий жавобгарлик юклансин.
17. Қуйидагиларга:
халқ депутатлари вилоят, туман, шаҳар Кенгашларига — ҳокимларнинг ҳудудларни ижтимоий-иқтисодий ривожлантиришга оид ҳисоботларини эшитиш доирасида ташқи меҳнат миграцияси соҳасида амалга оширилган ишларни муҳокама қилиш;
Олий Мажлис Сенатига — халқ депутатлари вилоят, туман, шаҳар Кенгашларига мазкур йўналишдаги фаолиятини амалга оширишга кўмаклашиш тавсия этилсин.
Камбағалликни қисқартириш ва бандлик вазирлиги ҳар йили Олий Мажлис Сенатига ташқи меҳнат миграцияси соҳасида амалга оширилган ишлар тўғрисида ахборот киритиб борсин.
18. Ўзбекистон Миллий телерадиокомпанияси (А. Джурабаев) Ўзбекистон Миллий ахборот агентлиги (А. Кўчимов) билан биргаликда оммавий ахборот воситалари орқали мазкур Фармон ва «йўл харитаси»нинг амалга оширилиши тўғрисида аниқ кўрсаткичлар ва натижаларни ифодалаган ҳолда, ахборот-таҳлилий шарҳларни тизимли равишда тайёрлаш ва эълон қилиш чораларини кўрсин.
19. Камбағалликни қисқартириш ва бандлик вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
20. Мазкур Фармоннинг ижросини самарали ташкил қилишга масъул ва шахсий жавобгар этиб камбағалликни қисқартириш ва бандлик вазири Б.А. Мусаев ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
Фармон ижросини назорат қилиш, ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 4 апрелдаги ПФ-59-сон Фармонига 1-ИЛОВА
Ўзбекистон Республикаси Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги, Вазирлар Маҳкамасининг Ташқи меҳнат миграцияси масалалари бўлими ва Ўзбекистон Республикасининг дипломатик ва консуллик муассасаларидаги меҳнат миграцияси масалалари бўйича атташе фаолиятини ташкил этиш тартиби
Т/р Номланиши Асосий фаолият йўналишлари Фаолиятини ташкил этиш тартиби 1. Ташқи меҳнат миграцияси агентлиги 1. Ўзбекистон Республикаси фуқароларини уюшган ҳолда танлаш, дастлабки мослаштириш тадбирларига тайёргарлик кўриш ва ўтказиш ҳамда чет элда ишга жойлаштириш жараёнларини самарали бошқариш ва назорат қилиш. 2. Маҳаллий ва чет эллик малакали мутахассисларни, хорижий иш берувчиларни жалб қилган ҳолда хорижга меҳнат фаолиятини амалга ошириш учун кетаётган фуқароларни чет тиллари ва касбий кўникмаларга ўқитишни ташкил қилиш ва келгусида уларга халқаро намунадаги сертификатлар бериш. 3. Хорижга кетишдан олдинги мажбурий дастлабки мослаштириш дастурларини, шунингдек, фуқароларни қонуний меҳнат миграциясини амалга оширишга рағбатлантириш бўйича чора-тадбирлар мажмуасини ишлаб чиқиш ва ижро этиш. 4. Ўзбекистон Республикаси фуқароларини хорижда ишга жойлаштириш ва уларнинг меҳнат ҳуқуқларини таъминлаш жараёнларини тартибга солишга доир масалалар юзасидан хорижий давлатларнинг ваколатли органлари билан ўзаро ҳамкорлик қилиш. 5. Меҳнат миграциясидан қайтиб келган фуқароларни реинтеграция қилиш тадбирларини амалга оширишда иштирок этиш. 6. Чет эл фуқароларига Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномани белгиланган тартибда бериш. 7. Чет эл фуқаролари ва фуқаролиги бўлмаган шахслар томонидан Ўзбекистон Республикаси ҳудудида меҳнат фаолиятини амалга ошириш қоидаларига риоя этилишини назорат қилиш. 8. Ташқи меҳнат миграцияси соҳасини комплекс таҳлил қилиш ва ушбу йўналишдаги норматив-ҳуқуқий базани такомиллаштириш бўйича таклифлар ишлаб чиқиш. 9. Аҳолини миграция вазияти, халқаро меҳнат бозоридаги ҳолат ва имкониятлар, кириб келаётган ва бўлиб турган давлатнинг қонунчилигидаги ўзгаришлар ҳақида мунтазам равишда хабардор қилиб бориш. 1. Агентлик ташқи меҳнат миграция соҳасида ягона давлат сиёсатининг амалга оширилишини таъминлашга масъул бўлган давлат бошқаруви органи ҳисобланади. 2. Агентлик ходимлари меҳнатига ҳақ тўлаш, бино ва иншоотларини сақлаш харажатларини молиялаштириш, шунингдек, Агентлик, унинг Қорақалпоғистон Республикаси, вилоятлар ва Тошкент шаҳридаги ҳудудий бошқармалари жорий харажатларини қоплаш — Агентликнинг ўз маблағлари ҳисобидан, хориждаги ваколатхоналарнинг жорий харажатларини қоплаш эса — Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси (кейинги ўринларда — Жамғарма) маблағлари ҳисобидан амалга оширилади. 3. Агентлик қайта ташкил этилаётган давлат корхонасининг ҳуқуқ ва мажбуриятлари, шунингдек, шартномалари бўйича ҳуқуқий вориси ҳисобланади. 4. Камбағалликни қисқартириш ва бандлик вазирининг ўринбосари — Агентлик директори (кейинги ўринларда — Агентлик директори) Ўзбекистон Республикаси Президенти томонидан лавозимга тайинланади ва лавозимидан озод этилади. 5. Агентлик директори Ўзбекистон Республикаси Вазирлар Маҳкамаси томонидан лавозимга тайинланадиган ва лавозимидан озод этиладиган уч нафар, шу жумладан, бир нафар биринчи ўринбосарга эга бўлади. 6. Агентлик, унинг ҳудудий бошқармалари ва хориждаги ваколатхоналари тузилмасини тасдиқлаш, ходимларини лавозимга тайинлаш ва лавозимидан озод қилиш, шунингдек, уларни рағбатлантириш Агентлик директори томонидан амалга оширилади. 7. Жамғарма фаолиятини бошқариш Агентлик директори томонидан амалга оширилади. 8. Ягона тариф сеткаси бўйича меҳнатга ҳақ тўлашнинг тасдиқланган разрядларига асосан Агентлик ходимларининг лавозим маошини белгилашда тариф коэффициентлари 2 баравар оширилган миқдорда қўлланади. 9. Агентлик директорига қуйидаги ҳуқуқлар берилади: Агентликка юкланган вазифаларни бажариш доирасида давлат органлари, илмий-таълим муассасаларининг юқори малакали мутахассисларини, шу жумладан хорижий мутахассис ва экспертларни шартнома асосида жалб этиш; ўрнатилган меҳнатга ҳақ тўлаш фондидан тежаб қолинган, шунингдек, тасдиқланган штатлар жадвалида назарда тутилган штат бирликлари тўлдирилмаганлиги сабабли бўшаб қолган маблағларни Агентлик, унинг ҳудудий бошқармалари ва хориждаги ваколатхоналари ходимларини моддий рағбатлантиришга йўналтириш. 2. Ташқи меҳнат миграцияси масалалари бўлими 1. Ваколатли давлат органларининг, шу жумладан Камбағалликни қисқартириш ва бандлик вазирлиги, Ички ишлар вазирлиги, Ташқи ишлар вазирлиги, Ташқи меҳнат миграцияси агентлиги, Ёшлар ишлари агентлиги, Маҳаллабай ишлаш ва тадбиркорликни ривожлантириш агентлигининг миграция соҳасидаги фаолиятини мувофиқлаштириш. 2. Чет эллик фуқаролар ва фуқаролиги бўлмаган шахслар томонидан Ўзбекистон Республикасида бўлиш қоидаларини бузиш ҳолатларини ўз вақтида аниқлаш, ички миграция оқимларини кўпайтириш учун шароит яратилиши устидан назоратни амалга ошириш. 3. Республика ва унинг ташқарисидаги миграция вазиятини тизимли асосда комплекс таҳлил қилиб бориш, шу жумладан: мамлакатимиз ва хориждаги миграция вазиятини таҳлил қилиш; миграция сиёсатини амалга ошириш борасида хорижий тажрибани ўрганиш ҳамда ушбу йўналишдаги ҳуқуқни қўллаш амалиётини таҳлил қилиш; қисқа, ўрта ва узоқ муддатли даврда миграция жараёнларини ривожлантиришнинг прогноз сценарийларини ишлаб чиқиш. 4. Миграция соҳасини такомиллаштириш, ташқи меҳнат миграциясини диверсификациялаш, хорижда меҳнат фаолиятини амалга ошираётган фуқароларнинг ҳуқуқлари ва қонуний манфаатларини ҳимоя қилиш юзасидан таклифлар тайёрлаш. 5. Жамғарма маблағларидан мақсадли ва самарали фойдаланилишини назорат қилиш. 1. Бўлим Камбағалликни қисқартириш ва бандлик вазирлигининг 4 та штат бирлигини қисқартириш ҳисобига шакллантирилади. 2. Бўлим Ўзбекистон Республикаси Президентининг 2019 йил 20 августдаги ПФ–5785-сон Фармони асосида ташкил этилган Ташқи меҳнат миграцияси масалалари бўйича республика комиссиясининг ишчи органи ҳисобланади. 3. Бўлим бевосита Ўзбекистон Республикаси Бош вазирига бўйсунади. 3. Меҳнат миграцияси масалалари бўйича атташе 1. Салоҳиятли иш берувчилар билан музокаралар ўтказиш, фуқароларни хорижда ташкиллаштирилган тартибда ишга жойлаштириш кўламини кенгайтириш, ноқонуний меҳнат миграциясининг олдини олиш. 2. Хорижда меҳнат фаолиятини амалга ошираётган фуқароларнинг ҳуқуқлари ва қонуний манфаатларини ҳимоя қилиш. 3. Хорижда бўлиб турган даврида зўравонлик, мажбурий меҳнатга дучор бўлган, жароҳат олган, бахтсиз ҳодиса натижасида жабрланган, мураккаб молиявий аҳволга тушиб қолган, шахсини тасдиқловчи ҳужжатларсиз ёки маблағсиз қолган фуқароларга ёрдам кўрсатиш. 4. Хорижда меҳнат фаолиятини амалга ошираётган Ўзбекистон Республикаси фуқароларининг ҳисобини юритиш, уларнинг меҳнат ва яшаш шароитини ўрганиш ва аниқланган муаммоларни бартараф этиш бўйича чоралар кўриш. 1. Атташе Агентлик директорининг тақдимномасига асосан Ўзбекистон Республикаси ташқи ишлар вазири томонидан лавозимга тайинланади ва лавозимидан озод этилади. 2. Атташе фаолияти Ўзбекистон Республикасининг хорижий давлатлардаги дипломатик ваколатхона ва консуллик муассасалари раҳбарлари томонидан ташкил этилади. 3. Атташе фаолиятини мувофиқлаштириш ва назорат қилиш Агентлик директори томонидан амалга оширилади. 4. Атташе фаолиятини моддий ва молиявий таъминлаш, шу жумладан унга иш ҳақи тўлаш, хизмат сафари ва хорижий давлатдаги яшаш харажатларини компенсация қилиш, транспорт ва алоқа воситалари билан таъминлаш билан боғлиқ харажатлар Жамғарма маблағлари ҳисобидан қопланади.
Ўзбекистон Республикаси Президентининг 2024 йил 4 апрелдаги ПФ-59-сон Фармонига 2-ИЛОВА
Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги, унинг ҳудудий бошқармалари ва хориждаги ваколатхоналари фаолиятини молиялаштириш манбалари
Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги, унинг ҳудудий бошқармалари ва хориждаги ваколатхоналари фаолиятини молиялаштириш қуйидаги манбалар ҳисобидан амалга оширилади:
Ўзбекистон Республикаси Давлат бюджетининг маблағлари;
Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари;
чет эл фуқароларига республика ҳудудида меҳнат фаолиятини амалга ошириш ҳуқуқини берадиган тасдиқномалар берганлик учун йиғимлар;
қонун ҳужжатларига мувофиқ пулли хизматлар кўрсатишдан тушадиган маблағлар;
юридик ва жисмоний шахсларнинг ҳомийлик хайриялари, халқаро ташкилотларнинг грантлари ва мақсадли маблағлари;
қонун ҳужжатларида тақиқланмаган бошқа манбалар.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 4 апрель,
ПФ-59-сон
Oʻzbekiston Respublikasi Prezidentining
Farmoni
Mehnat migratsiyasi jarayonlarini takomillashtirish hamda xorijda vaqtincha mehnat faoliyatini amalga oshirayotgan shaxslarni qoʻllab-quvvatlashga doir qoʻshimcha chora-tadbirlar toʻgʻrisida
[Koʻchirma]
Mehnat migratsiyasi jarayonlarini boshqarish tizimining samaradorligini oshirish, chet elda mehnat faoliyatini amalga oshirish istagida boʻlgan fuqarolarga qulay shart-sharoitlarni yaratish, mehnat migratsiyasidan qaytib kelgan shaxslarni reintegratsiya qilish, shu jumladan ularning bandligini taʼminlash, kasbiy malakasini oshirish va tadbirkorlik tashabbuslarini ragʻbatlantirish maqsadida:
1. Kambagʻallikni qisqartirish va bandlik vazirligining quyidagi takliflariga rozilik berilsin:
a) quyidagilarni tashkil etish:
“Oʻzbekiston Respublikasi Kambagʻallikni qisqartirish va bandlik vazirligi huzuridagi Tashqi mehnat migratsiyasi agentligi” davlat korxonasi negizida davlat muassasasi shaklida Kambagʻallikni qisqartirish va bandlik vazirligi huzuridagi Tashqi mehnat migratsiyasi agentligini (keyingi oʻrinlarda — Agentlik);
Kambagʻallikni qisqartirish va bandlik vazirligining 4 ta shtat birligini qisqartirish hisobiga Vazirlar Mahkamasining ijro etuvchi tuzilmasida 4 shtat birligidan iborat boʻlgan Tashqi mehnat migratsiyasi masalalari boʻlimini (keyingi oʻrinlarda — Boʻlim).
2. Quyidagilar:
Agentlik, Boʻlim va attashe faoliyatini tashkil etish tartibi 1-ilovaga muvofiq;
Agentlik, uning hududiy boshqarmalari va xorijdagi vakolatxonalari faoliyatini moliyalashtirish manbalari 2-ilovaga muvofiq tasdiqlansin.
3. Belgilansinki, 2024-yil 1-iyundan boshlab Kambagʻallikni qisqartirish va bandlik vazirligi huzuridagi Xorijda mehnat faoliyatini amalga oshiruvchi shaxslarni qoʻllab-quvvatlash hamda ularning huquq va manfaatlarini himoya qilish jamgʻarmasi (keyingi oʻrinlarda — Jamgʻarma) mablagʻlari hisobidan:
a) “Xorijda ish” mehnat migratsiyasi elektron dasturiy majmuasida roʻyxatdan oʻtgan va tashkillashtirilgan mehnat migratsiyasiga ketayotgan fuqarolarga:
xorijiy tillar va (yoki) kasb boʻyicha malaka imtihonlarini topshirish bilan bogʻliq xarajatlarini qoplash uchun, basharti ular muvaffaqiyatli topshirilganda va sertifikat olinganda — bazaviy hisoblash miqdorining uch baravarigacha miqdorda;
xorijda mehnat faoliyatini amalga oshirishga “ishchi viza”ni rasmiylashtirish bilan bogʻliq xarajatlarini qoplash uchun — bazaviy hisoblash miqdorining besh baravarigacha miqdorda;
yoʻl chiptasini xarid qilish bilan bogʻliq xarajatlarini qoplash uchun — bazaviy hisoblash miqdorining ikki baravarigacha miqdorda kompensatsiya toʻlanadi;
v) sugʻurta tashkilotlariga — Ijtimoiy reyestr, “Temir daftar”, “Ayollar daftari”, “Yoshlar daftari”dan biriga kiritilgan va tashkillashtirilgan mehnat migratsiyasiga ketayotgan fuqarolarning hayoti va sogʻligʻi, shuningdek, boshqa tavakkalchiliklarini sugʻurtalash boʻyicha sugʻurta mukofotini qoplash maqsadida har bir sugʻurtalangan fuqaro uchun yiliga bir marta uch yuz ming soʻmgacha miqdorda subsidiya toʻlanadi;
g) xorijda mehnat qilish davrida zoʻravonlikka, majburiy mehnatga duchor boʻlgan va kamsitilgan, mehnat hamda boshqa huquqlari buzilgan, murakkab moliyaviy ahvolda, shaxsini tasdiqlovchi hujjatlarsiz va yashash uchun mablagʻsiz qolgan Oʻzbekiston Respublikasi fuqarolariga advokatning, yuridik xizmatlar koʻrsatuvchi tashkilotlarning yoki huquqni muhofaza qilish tashkilotlarining xizmatlari uchun belgilangan tartibda haq toʻlanadi.
Kambagʻallikni qisqartirish va bandlik vazirligi (B. Musayev) manfaatdor vazirlik hamda idoralar bilan birgalikda ikki oy muddatda mazkur bandga muvofiq, subsidiya, kompensatsiya va boshqa toʻlovlarni ajratish tartibini tasdiqlasin.
4. Belgilab qoʻyilsinki, Farmonning 3-bandi “a” kichik bandida nazarda tutilgan kompensatsiyalarni olish uchun fuqaro “Xorijda ish” mehnat migratsiyasi elektron dasturiy majmuasi orqali elektron tarzda yoki bevosita Agentlikka asoslovchi hujjatlarni ilova qilgan holda ariza bilan murojaat qiladi.
Bunda, kompensatsiya summasi fuqaro xorijda ishga joylashganidan soʻng bir oydan kechikmasdan uning arizasida koʻrsatilgan bank plastik kartasiga oʻtkazib beriladi.
5. Belgilansinki, 2024-yil 1-iyundan boshlab hujjatlarni onlayn talab qilib olish boʻyicha konsullik yigʻimlari miqdori fuqarolik holati dalolatnomalarini qayd etganlik haqida takroriy guvohnomalar berganlik uchun davlat boji miqdoriga tenglashtiriladi.
Tashqi ishlar vazirligi (B. Saidov) manfaatdor vazirlik va idoralar bilan birgalikda uch oy muddatda qonunchilik hujjatlariga doimiy konsullik hisobida turish badalini bekor qilish, shuningdek, hisobda turish tartib-taomillarini qayta koʻrib chiqib, ularning shartlarini soddalashtirish boʻyicha tegishli oʻzgartirishlar kiritilishini taʼminlasin.
6. Kambagʻallikni qisqartirish va bandlik vazirligi (B. Musayev) hamda Tashqi ishlar vazirligi (B. Saidov) manfaatdor vazirlik va idoralar bilan birgalikda:
ogʻir ahvolda qolgan mehnat migrantlariga moddiy yordam koʻrsatish imkoniyatlarini kengaytirish maqsadida 2024-2025-yillarda Buyuk Britaniyada (London), Germaniyada (Berlin), Turkiyada (Istanbul) va Saudiya Arabistonida (Ar-Riyod) Agentlikning vakolatxonalarini yoki mehnat migrantlarini huquqiy himoya qilish markazlarini (keyingi oʻrinlarda — markazlar) ochish boʻyicha mazkur davlatlar vakolatli organlari bilan muzokaralar oʻtkazsin;
muzokaralar natijalaridan kelib chiqib, Agentlik vakolatxonalarini va (yoki) markazlarni ochish, jihozlash va saqlab turish xarajatlarini Jamgʻarma hisobidan qoplash boʻyicha zarur chora-tadbirlarni amalga oshirsin.
7. Belgilansinki, 2024-yil 1-iyuldan boshlab Oʻzbekiston Respublikasining diplomatik vakolatxonalari va konsullik muassasalari xodimlari uchun belgilangan pensiyani hisoblab chiqarish, voyaga yetmagan farzandlarining umumtaʼlim muassasalarida tahsil olishi bilan bogʻliq toʻlovlarni qoplab berish (umumtaʼlim muassasalari pulli boʻlganda), shuningdek, ularga moddiy yordam koʻrsatish va ragʻbatlantirish tartibi Agentlikning xorijdagi vakolatxonalari xodimlari va vakillariga nisbatan ham tatbiq etiladi.
8. Kambagʻallikni qisqartirish va bandlik vazirligi (B. Musayev) Ichki ishlar vazirligi (P. Bobojonov), Raqamli texnologiyalar vazirligi (Sh. Shermatov) hamda boshqa manfaatdor vazirlik va idoralar bilan birgalikda:
a) 2024-yil 1-sentabrga qadar:
mehnat migrantlariga yordam koʻrsatish uchun tunu kun ishlaydigan Call-markaz faoliyatini tashkil etsin hamda yagona telefon raqamining uzluksiz ishlashini taʼminlasin;
chet eldan chiquvchi abonentlar uchun Call-markaz raqamiga qoʻngʻiroqlarni bepul asosda amalga oshirish imkonini yaratsin;
b) 2025-yil 1-iyulga qadar:
Oʻzbekistondan tashqariga chiquvchi va davlat hududiga kirib keluvchi shaxslarning aniq hisobini yuritish imkonini beruvchi yagona idoralararo va toʻliq integratsiya qilingan elektron maʼlumotlar bazasini;
mehnat migrantlari uchun boʻlib turgan mamlakatlari va u yerdagi boʻsh ish oʻrinlari toʻgʻrisida maʼlumotlarni joylashtirish, vatandoshlar bilan onlayn muloqot qilish va pul oʻtkazmalarini amalga oshirish, qiyin hayotiy vaziyatga tushib qolgan fuqarolarga yordam koʻrsatuvchi tashkilotlar bilan bogʻlanish imkonini beruvchi mobil ilovani yaratsin.
9. Belgilansinki:
Call-markaz faoliyatini yuritish, mobil ilovani yaratish va uni kelgusida texnik qoʻllab-quvvatlash bilan bogʻliq barcha xarajatlar Jamgʻarma mablagʻlari hisobidan moliyalashtiriladi;
yagona elektron maʼlumotlar bazasini yaratish va uni kelgusida texnik qoʻllab-quvvatlash bilan bogʻliq xarajatlar Jamgʻarma va Ichki ishlar vazirligining mablagʻlari hisobidan teng ulushlarda qoplanadi.
Ichki ishlar vazirligi (P. Bobojonov) 90 kun va undan ortiq muddatga xorijga chiqib ketgan Oʻzbekiston Respublikasi fuqarolari boʻyicha maʼlumotlarni har oy yakuni boʻyicha keyingi oyning 5-sanasiga qadar Agentlikka taqdim etib borsin.
10. Belgilansinki, 2024-yil 1-iyuldan boshlab xususiy bandlik agentliklariga xorijda mehnat faoliyatini amalga oshirish istagida boʻlgan shaxslarga Oʻzbekiston Respublikasining tashqarisida ishga joylashtirish boʻyicha xizmatlar koʻrsatganlik uchun haq undirishga ruxsat etiladi. Bunda:
xorijda mehnat faoliyatini amalga oshirish istagida boʻlgan fuqarolar tomonidan toʻlanadigan mablagʻlar tijorat banklarida ochilgan maxsus hisobvaraqda saqlanadi;
maxsus hisobvaraqda saqlangan mablagʻlar xususiy bandlik agentligi tomonidan shartnoma majburiyatlari toʻliq bajarilganidan soʻng xususiy bandlik agentligining asosiy hisobvaragʻiga oʻtkaziladi.
11. Shunday tartib oʻrnatilsinki, unga muvofiq 2024-yil 1-iyundan boshlab:
a) Bandlikka koʻmaklashish davlat jamgʻarmasi mablagʻlari hisobidan mehnat migratsiyasidan qaytgan shaxslarni ishga qabul qilgan ish beruvchilarga (budjet tashkilotlari, davlat korxonalari, ustav kapitalida davlat ulushi 50 foiz va undan ortiq boʻlgan yuridik shaxslar bundan mustasno) har bir ishga olingan bunday xodim uchun 12 oy davomida oyiga 500 ming soʻmdan subsidiya toʻlanadi. Bunda:
subsidiya 2024-yil 1-iyundan 2026-yil 1-yanvarga qadar ishga qabul qilingan shaxslarga nisbatan toʻlanadi;
mehnat migratsiyasidan qaytib kelgan shaxs bilan tuzilgan va Yagona milliy mehnat tizimida roʻyxatdan oʻtkazilgan mehnat shartnomasi subsidiya toʻlash uchun asos boʻlib hisoblanadi;
mehnat migratsiyasidan qaytib kelgan shaxslar deb xorijda uch va undan ortiq oy mobaynida mehnat faoliyati bilan shugʻullanib, yashash manziliga qaytib kelganligiga bir yildan koʻp vaqt boʻlmagan shaxslar tushuniladi;
b) Mahallabay ishlash va tadbirkorlikni rivojlantirish agentligining “Onlayn mahalla” elektron platformasida “Reintegratsiya” moduli yaratiladi;
v) har bir mahallada “mahalla yettiligi” tomonidan mehnat migratsiyasidan qaytib kelgan shaxslarni xatlovdan oʻtkazish va natijalarini “Reintegratsiya” moduliga kiritish amaliyoti yoʻlga qoʻyiladi;
g) mehnat migratsiyasidan qaytib kelgan shaxslarga reintegratsiya yordami koʻrsatilishi va ularning rasmiy bandligi taʼminlanishi hokim yordamchilari faoliyatining asosiy samaradorlik koʻrsatkichlaridan (KPI) biri etib belgilanadi.
12. Kambagʻallikni qisqartirish va bandlik vazirligi (B.Musayev):
a) bir oy muddatda “mahalla yettiligi” tomonidan mehnat migratsiyasidan qaytib kelgan shaxslarni xatlovdan oʻtkazish va ular toʻgʻrisidagi maʼlumotlarni qayd etish boʻyicha yoʻriqnoma va namunaviy soʻrovnoma shaklini ishlab chiqsin hamda har bir mahallaga yetkazib berilishini taʼminlasin;
b) 2024-yil 1-iyunga qadar:
“Xorijda ish” mehnat migratsiyasi elektron dasturiy majmuasi va “Bandlik xizmati” axborot tizimining “Onlayn mahalla” elektron platformasi bilan integratsiya qilinishini taʼminlasin;
hokim yordamchilariga “Onlayn mahalla” elektron platformasi orqali milliy vakansiyalar bazasidagi va xorijiy ish beruvchilarda mavjud boʻlgan boʻsh ish oʻrinlari hamda ushbu ish oʻrinlariga qoʻyilgan talablar toʻgʻrisidagi maʼlumotlarni real vaqt rejimida elektron tarzda olish imkoniyatini yaratsin.
13. Sogʻliqni saqlash vazirligi (A. Xudayarov) 2024-yil 1-iyundan boshlab:
mehnat migratsiyasidan qaytib kelgan shaxslar hamda ularning oila aʼzolarini bepul tibbiy koʻrikdan oʻtkazish;
mehnat migratsiyasidan qaytib kelgan, ijtimoiy ahamiyatli kasallikka chalingan shaxslarga Oʻzbekiston Respublikasi Davlat budjeti mablagʻlari hisobidan qoplanadigan tibbiy yordamning kafolatlangan hajmlari roʻyxatiga muvofiq bepul tibbiy yordam koʻrsatish amaliyotini yoʻlga qoʻysin.
14. Markaziy bank (M. Nurmuratov) hamda Oʻzbekiston fermer, dehqon xoʻjaliklari va tomorqa yer egalari kengashi (A. Xaitov) mehnat migratsiyasidan qaytib kelgan shaxslarga tadbirkorlik faoliyatini amalga oshirish, shuningdek, tomorqa yer uchastkalarida qishloq xoʻjaligi mahsulotlarini yetishtirish, chorvachilik, parrandachilik, asalarichilik, baliqchilik va boshqa faoliyat turlari bilan shugʻullanishi uchun “Kichik biznesni uzluksiz qoʻllab-quvvatlash” kompleks dasturi va oilaviy tadbirkorlikni rivojlantirish dasturlariga muvofiq kreditlar ajratilishini taʼminlasin.
15. Ijtimoiy himoya milliy agentligi (M. Olloyorov):
a) 2024-yil 1-iyulga qadar “Inson” ijtimoiy xizmatlar markazlari negizida ota-onasi xorijda mehnat qilayotgan bolalarga ijtimoiy yordam koʻrsatish amaliyotini joriy qilsin;
b) 2025-yil 1-yanvardan boshlab tuman (shahar)lardagi “Inson” ijtimoiy xizmatlar markazlarida faoliyat yuritayotgan ijtimoiy xodimlar tomonidan:
xorijda vaqtincha mehnat faoliyatini amalga oshirayotgan fuqarolar xonadonidagi ahvolni oʻrganib, ularning ijtimoiy xizmatlar va yordamga boʻlgan ehtiyoji aniqlanishini;
xorijda vaqtincha mehnat faoliyatini amalga oshirayotgan fuqarolarning oilalari bilan, shu jumladan, keys-menejment usulini qoʻllagan holda samarali ish tashkil etilishi, ulardan ijtimoiy xizmatlar va yordam olish boʻyicha buyurtmalar qabul qilinishi, zaruratga qarab buyurtmalar masʼul vazirlik va idoralarga yuborilishini;
ogʻir ahvolga tushib qolgan va ogʻir ahvolga tushib qolish xavfi yuqori boʻlgan oilalar muntazam ravishda monitoring qilib borilishi, ular uchun ijtimoiy xizmat va yordamlar tashkil etilishini;
xorijda vaqtincha mehnat faoliyatini amalga oshirayotgan fuqarolarning bolalariga taʼlim, tibbiyot va boshqa ijtimoiy xizmatlardan foydalanishga yordam berilishini taʼminlasin.
16. Quyidagilar:
2024-2025-yillarda migratsiya sohasidagi ustuvor vazifalarni amalga oshirish boʻyicha “yoʻl xaritasi” (keyingi oʻrinlarda — “yoʻl xaritasi”) 3-ilovaga * muvofiq;
2024 — 2026-yillarda mehnat faoliyatini amalga oshirish istagida boʻlgan fuqarolarni tayyorlash va chet elga tashkillashtirilgan tartibda yuborishning hududlar kesimidagi maqsadli koʻrsatkichlari 5-ilovaga * muvofiq tasdiqlansin.
Vazirlik, idoralar va mahalliy ijro etuvchi hokimiyat organlari rahbarlariga “yoʻl xaritasi” va maqsadli koʻrsatkichlarda nazarda tutilgan vazifalar va tadbirlarning sifatli hamda oʻz vaqtida amalga oshirilishini taʼminlash uchun shaxsiy javobgarlik yuklansin.
17. Quyidagilarga:
xalq deputatlari viloyat, tuman, shahar Kengashlariga — hokimlarning hududlarni ijtimoiy-iqtisodiy rivojlantirishga oid hisobotlarini eshitish doirasida tashqi mehnat migratsiyasi sohasida amalga oshirilgan ishlarni muhokama qilish;
Oliy Majlis Senatiga — xalq deputatlari viloyat, tuman, shahar Kengashlariga mazkur yoʻnalishdagi faoliyatini amalga oshirishga koʻmaklashish tavsiya etilsin.
Kambagʻallikni qisqartirish va bandlik vazirligi har yili Oliy Majlis Senatiga tashqi mehnat migratsiyasi sohasida amalga oshirilgan ishlar toʻgʻrisida axborot kiritib borsin.
18. Oʻzbekiston Milliy teleradiokompaniyasi (A. Djurabayev) Oʻzbekiston Milliy axborot agentligi (A. Koʻchimov) bilan birgalikda ommaviy axborot vositalari orqali mazkur Farmon va “yoʻl xaritasi”ning amalga oshirilishi toʻgʻrisida aniq koʻrsatkichlar va natijalarni ifodalagan holda, axborot-tahliliy sharhlarni tizimli ravishda tayyorlash va eʼlon qilish choralarini koʻrsin.
19. Kambagʻallikni qisqartirish va bandlik vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
20. Mazkur Farmonning ijrosini samarali tashkil qilishga masʼul va shaxsiy javobgar etib kambagʻallikni qisqartirish va bandlik vaziri B.A. Musayev hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
Farmon ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 4-apreldagi PF-59-son Farmoniga 1-ILOVA
Oʻzbekiston Respublikasi Kambagʻallikni qisqartirish va bandlik vazirligi huzuridagi Tashqi mehnat migratsiyasi agentligi, Vazirlar Mahkamasining Tashqi mehnat migratsiyasi masalalari boʻlimi va Oʻzbekiston Respublikasining diplomatik va konsullik muassasalaridagi mehnat migratsiyasi masalalari boʻyicha attashe faoliyatini tashkil etish tartibi
T/r Nomlanishi Asosiy faoliyat yoʻnalishlari Faoliyatini tashkil etish tartibi 1. Tashqi mehnat migratsiyasi agentligi 1. Oʻzbekiston Respublikasi fuqarolarini uyushgan holda tanlash, dastlabki moslashtirish tadbirlariga tayyorgarlik koʻrish va oʻtkazish hamda chet elda ishga joylashtirish jarayonlarini samarali boshqarish va nazorat qilish. 2. Mahalliy va chet ellik malakali mutaxassislarni, xorijiy ish beruvchilarni jalb qilgan holda xorijga mehnat faoliyatini amalga oshirish uchun ketayotgan fuqarolarni chet tillari va kasbiy koʻnikmalarga oʻqitishni tashkil qilish va kelgusida ularga xalqaro namunadagi sertifikatlar berish. 3. Xorijga ketishdan oldingi majburiy dastlabki moslashtirish dasturlarini, shuningdek, fuqarolarni qonuniy mehnat migratsiyasini amalga oshirishga ragʻbatlantirish boʻyicha chora-tadbirlar majmuasini ishlab chiqish va ijro etish. 4. Oʻzbekiston Respublikasi fuqarolarini xorijda ishga joylashtirish va ularning mehnat huquqlarini taʼminlash jarayonlarini tartibga solishga doir masalalar yuzasidan xorijiy davlatlarning vakolatli organlari bilan oʻzaro hamkorlik qilish. 5. Mehnat migratsiyasidan qaytib kelgan fuqarolarni reintegratsiya qilish tadbirlarini amalga oshirishda ishtirok etish. 6. Chet el fuqarolariga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomani belgilangan tartibda berish. 7. Chet el fuqarolari va fuqaroligi boʻlmagan shaxslar tomonidan Oʻzbekiston Respublikasi hududida mehnat faoliyatini amalga oshirish qoidalariga rioya etilishini nazorat qilish. 8. Tashqi mehnat migratsiyasi sohasini kompleks tahlil qilish va ushbu yoʻnalishdagi normativ-huquqiy bazani takomillashtirish boʻyicha takliflar ishlab chiqish. 9. Aholini migratsiya vaziyati, xalqaro mehnat bozoridagi holat va imkoniyatlar, kirib kelayotgan va boʻlib turgan davlatning qonunchiligidagi oʻzgarishlar haqida muntazam ravishda xabardor qilib borish. 1. Agentlik tashqi mehnat migratsiya sohasida yagona davlat siyosatining amalga oshirilishini taʼminlashga masʼul boʻlgan davlat boshqaruvi organi hisoblanadi. 2. Agentlik xodimlari mehnatiga haq toʻlash, bino va inshootlarini saqlash xarajatlarini moliyalashtirish, shuningdek, Agentlik, uning Qoraqalpogʻiston Respublikasi, viloyatlar va Toshkent shahridagi hududiy boshqarmalari joriy xarajatlarini qoplash — Agentlikning oʻz mablagʻlari hisobidan, xorijdagi vakolatxonalarning joriy xarajatlarini qoplash esa — Xorijda mehnat faoliyatini amalga oshiruvchi shaxslarni qoʻllab-quvvatlash hamda ularning huquq va manfaatlarini himoya qilish jamgʻarmasi (keyingi oʻrinlarda — Jamgʻarma) mablagʻlari hisobidan amalga oshiriladi. 3. Agentlik qayta tashkil etilayotgan davlat korxonasining huquq va majburiyatlari, shuningdek, shartnomalari boʻyicha huquqiy vorisi hisoblanadi. 4. Kambagʻallikni qisqartirish va bandlik vazirining oʻrinbosari — Agentlik direktori (keyingi oʻrinlarda — Agentlik direktori) Oʻzbekiston Respublikasi Prezidenti tomonidan lavozimga tayinlanadi va lavozimidan ozod etiladi. 5. Agentlik direktori Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimidan ozod etiladigan uch nafar, shu jumladan, bir nafar birinchi oʻrinbosarga ega boʻladi. 6. Agentlik, uning hududiy boshqarmalari va xorijdagi vakolatxonalari tuzilmasini tasdiqlash, xodimlarini lavozimga tayinlash va lavozimidan ozod qilish, shuningdek, ularni ragʻbatlantirish Agentlik direktori tomonidan amalga oshiriladi. 7. Jamgʻarma faoliyatini boshqarish Agentlik direktori tomonidan amalga oshiriladi. 8. Yagona tarif setkasi boʻyicha mehnatga haq toʻlashning tasdiqlangan razryadlariga asosan Agentlik xodimlarining lavozim maoshini belgilashda tarif koeffitsiyentlari 2 baravar oshirilgan miqdorda qoʻllanadi. 9. Agentlik direktoriga quyidagi huquqlar beriladi: Agentlikka yuklangan vazifalarni bajarish doirasida davlat organlari, ilmiy-taʼlim muassasalarining yuqori malakali mutaxassislarini, shu jumladan xorijiy mutaxassis va ekspertlarni shartnoma asosida jalb etish; oʻrnatilgan mehnatga haq toʻlash fondidan tejab qolingan, shuningdek, tasdiqlangan shtatlar jadvalida nazarda tutilgan shtat birliklari toʻldirilmaganligi sababli boʻshab qolgan mablagʻlarni Agentlik, uning hududiy boshqarmalari va xorijdagi vakolatxonalari xodimlarini moddiy ragʻbatlantirishga yoʻnaltirish. 2. Tashqi mehnat migratsiyasi masalalari boʻlimi 1. Vakolatli davlat organlarining, shu jumladan Kambagʻallikni qisqartirish va bandlik vazirligi, Ichki ishlar vazirligi, Tashqi ishlar vazirligi, Tashqi mehnat migratsiyasi agentligi, Yoshlar ishlari agentligi, Mahallabay ishlash va tadbirkorlikni rivojlantirish agentligining migratsiya sohasidagi faoliyatini muvofiqlashtirish. 2. Chet ellik fuqarolar va fuqaroligi boʻlmagan shaxslar tomonidan Oʻzbekiston Respublikasida boʻlish qoidalarini buzish holatlarini oʻz vaqtida aniqlash, ichki migratsiya oqimlarini koʻpaytirish uchun sharoit yaratilishi ustidan nazoratni amalga oshirish. 3. Respublika va uning tashqarisidagi migratsiya vaziyatini tizimli asosda kompleks tahlil qilib borish, shu jumladan: mamlakatimiz va xorijdagi migratsiya vaziyatini tahlil qilish; migratsiya siyosatini amalga oshirish borasida xorijiy tajribani oʻrganish hamda ushbu yoʻnalishdagi huquqni qoʻllash amaliyotini tahlil qilish; qisqa, oʻrta va uzoq muddatli davrda migratsiya jarayonlarini rivojlantirishning prognoz ssenariylarini ishlab chiqish. 4. Migratsiya sohasini takomillashtirish, tashqi mehnat migratsiyasini diversifikatsiyalash, xorijda mehnat faoliyatini amalga oshirayotgan fuqarolarning huquqlari va qonuniy manfaatlarini himoya qilish yuzasidan takliflar tayyorlash. 5. Jamgʻarma mablagʻlaridan maqsadli va samarali foydalanilishini nazorat qilish. 1. Boʻlim Kambagʻallikni qisqartirish va bandlik vazirligining 4 ta shtat birligini qisqartirish hisobiga shakllantiriladi. 2. Boʻlim Oʻzbekiston Respublikasi Prezidentining 2019-yil 20-avgustdagi PF–5785-son Farmoni asosida tashkil etilgan Tashqi mehnat migratsiyasi masalalari boʻyicha respublika komissiyasining ishchi organi hisoblanadi. 3. Boʻlim bevosita Oʻzbekiston Respublikasi Bosh vaziriga boʻysunadi. 3. Mehnat migratsiyasi masalalari boʻyicha attashe 1. Salohiyatli ish beruvchilar bilan muzokaralar oʻtkazish, fuqarolarni xorijda tashkillashtirilgan tartibda ishga joylashtirish koʻlamini kengaytirish, noqonuniy mehnat migratsiyasining oldini olish. 2. Xorijda mehnat faoliyatini amalga oshirayotgan fuqarolarning huquqlari va qonuniy manfaatlarini himoya qilish. 3. Xorijda boʻlib turgan davrida zoʻravonlik, majburiy mehnatga duchor boʻlgan, jarohat olgan, baxtsiz hodisa natijasida jabrlangan, murakkab moliyaviy ahvolga tushib qolgan, shaxsini tasdiqlovchi hujjatlarsiz yoki mablagʻsiz qolgan fuqarolarga yordam koʻrsatish. 4. Xorijda mehnat faoliyatini amalga oshirayotgan Oʻzbekiston Respublikasi fuqarolarining hisobini yuritish, ularning mehnat va yashash sharoitini oʻrganish va aniqlangan muammolarni bartaraf etish boʻyicha choralar koʻrish. 1. Attashe Agentlik direktorining taqdimnomasiga asosan Oʻzbekiston Respublikasi tashqi ishlar vaziri tomonidan lavozimga tayinlanadi va lavozimidan ozod etiladi. 2. Attashe faoliyati Oʻzbekiston Respublikasining xorijiy davlatlardagi diplomatik vakolatxona va konsullik muassasalari rahbarlari tomonidan tashkil etiladi. 3. Attashe faoliyatini muvofiqlashtirish va nazorat qilish Agentlik direktori tomonidan amalga oshiriladi. 4. Attashe faoliyatini moddiy va moliyaviy taʼminlash, shu jumladan unga ish haqi toʻlash, xizmat safari va xorijiy davlatdagi yashash xarajatlarini kompensatsiya qilish, transport va aloqa vositalari bilan taʼminlash bilan bogʻliq xarajatlar Jamgʻarma mablagʻlari hisobidan qoplanadi.
Oʻzbekiston Respublikasi Prezidentining 2024-yil 4-apreldagi PF-59-son Farmoniga 2-ILOVA
Kambagʻallikni qisqartirish va bandlik vazirligi huzuridagi Tashqi mehnat migratsiyasi agentligi, uning hududiy boshqarmalari va xorijdagi vakolatxonalari faoliyatini moliyalashtirish manbalari
Kambagʻallikni qisqartirish va bandlik vazirligi huzuridagi Tashqi mehnat migratsiyasi agentligi, uning hududiy boshqarmalari va xorijdagi vakolatxonalari faoliyatini moliyalashtirish quyidagi manbalar hisobidan amalga oshiriladi:
Oʻzbekiston Respublikasi Davlat budjetining mablagʻlari;
Xorijda mehnat faoliyatini amalga oshiruvchi shaxslarni qoʻllab-quvvatlash hamda ularning huquq va manfaatlarini himoya qilish jamgʻarmasi mablagʻlari;
chet el fuqarolariga respublika hududida mehnat faoliyatini amalga oshirish huquqini beradigan tasdiqnomalar berganlik uchun yigʻimlar;
qonun hujjatlariga muvofiq pulli xizmatlar koʻrsatishdan tushadigan mablagʻlar;
yuridik va jismoniy shaxslarning homiylik xayriyalari, xalqaro tashkilotlarning grantlari va maqsadli mablagʻlari;
qonun hujjatlarida taqiqlanmagan boshqa manbalar.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 4-aprel,
PF-59-son
Президента Республики Узбекистан
Указ
О дополнительных мерах по совершенствованию процессов трудовой миграции и поддержке лиц, осуществляющих временную трудовую деятельность за рубежом
[Извлечение]
В целях повышения эффективности системы управления процессами трудовой миграции, создания благоприятных условий для граждан, желающих осуществлять трудовую деятельность за рубежом, реинтеграции лиц, вернувшихся из трудовой миграции, в том числе обеспечения их занятости, повышения профессиональной квалификации и стимулирования предпринимательских инициатив:
1. Согласиться с предложениями Министерства занятости и сокращения бедности:
а) об образовании:
Агентства внешней трудовой миграции при Министерстве занятости и сокращения бедности (далее — Агентство) в форме государственного учреждения на базе Государственного предприятия «Агентство внешней трудовой миграции при Министерстве занятости и сокращения бедности Республики Узбекистан»;
Отдела по вопросам внешней трудовой миграции в исполнительной структуре Кабинета Министров (далее — Отдел), состоящего из 4 штатных единиц, за счет сокращения 4 штатных единиц Министерства занятости и сокращения бедности.
2. Утвердить:
порядок организации деятельности Агентства, Отдела и атташе согласно приложению № 1 ;
источники финансирования деятельности Агентства, его территориальных управлений и представительств за рубежом согласно приложению № 2 .
3. Установить, что с 1 июня 2024 года за счет средств Фонда поддержки и защиты прав и интересов граждан, осуществляющих трудовую деятельность за рубежом при Министерстве занятости и сокращения бедности (далее — Фонд):
а) гражданам, прошедшим регистрацию в электронном программном комплексе трудовой миграции «Xorijda ish» и выезжающим в организованную трудовую миграцию, выплачивается компенсация на покрытие расходов, связанных:
со сдачей квалификационного экзамена по иностранным языкам и (или) профессиям — до трехкратного размера базовой расчетной величины, при условии успешной сдачи экзамена и получения сертификата;
с оформлением «рабочей визы» для осуществления трудовой деятельности за рубежом — до пятикратного размера базовой расчетной величины;
с приобретением проездного билета — до двукратного размера базовой расчетной величины;
в) страховым организациям выплачивается субсидия на покрытие страховой премии по страхованию жизни и здоровья, а также других рисков граждан, включенных в Социальный реестр, одну из тетрадей — «Железную тетрадь», «Женскую тетрадь» или «Молодежную тетрадь» и выезжающих в организованную трудовую миграцию, — один раз в год в размере до 300 тысяч сумов за каждого застрахованного гражданина;
г) гражданам Республики Узбекистан, подвергшимся насилию, принудительному труду и дискриминации, трудовые и иные права которых были нарушены, попавшим в сложное финансовое положение, оставшимся без документов, подтверждающих личность, без средств к существованию в период осуществления трудовой деятельности за рубежом, — в установленном порядке оплачиваются услуги адвоката, организаций, оказывающих юридические услуги, или правозащитных организаций.
Министерству занятости и сокращения бедности (Б. Мусаев) совместно с заинтересованными министерствами и ведомствами в двухмесячный срок на основании настоящего пункта утвердить порядок выделения субсидии, компенсации и иных выплат.
4. Определить, что для получения компенсации, предусмотренной подпунктом «а» пункта 3 настоящего Указа, гражданин обращается в электронной форме посредством электронного программного комплекса трудовой миграции «Xorijda ish» либо непосредственно в Агентство с заявлением, приложив обосновывающие документы.
При этом сумма компенсации не позднее одного месяца после трудоустройства гражданина за рубежом зачисляется на указанную в его заявлении банковскую пластиковую карту.
5. Установить, что с 1 июня 2024 года размер консульского сбора за онлайн-истребование документов приравнивается к размеру государственной пошлины за выдачу дубликатов свидетельств о регистрации актов гражданского состояния.
Министерству иностранных дел (Б. Саидов) совместно с заинтересованными министерствами и ведомствами в трехмесячный срок обеспечить внесение соответствующих изменений в акты законодательства, предусматривающих отмену взноса за постановку на постоянный консульский учет, а также пересмотр процедур учета с последующим упрощением его условий.
6. Министерству занятости и сокращения бедности (Б. Мусаев) и Министерству иностранных дел (Б. Саидов) совместно с заинтересованными министерствами и ведомствами:
в целях расширения возможностей оказания материальной помощи трудовым мигрантам, оказавшимся в тяжелом положении, провести переговоры с компетентными органами соответствующих иностранных государств по открытию в 2024-2025 годах в Великобритании (Лондоне), Германии (Берлине), Турции (Стамбуле) и ОАЭ (Эр-Рияде) представительств либо центров по оказанию правовой помощи трудовым мигрантам (далее — центры) Агентства;
исходя из результатов переговоров принять необходимые меры по покрытию за счет средств Фонда расходов, связанных с открытием представительств и (или) центров Агентства, а также их оснащением и содержанием.
7. Определить, что с 1 июля 2024 года установленный для работников дипломатических представительств и консульских учреждений Республики Узбекистан за рубежом порядок расчета пенсии, покрытия платежей, связанных с обучением в общеобразовательных учреждениях (если обучение в общеобразовательных учреждениях ведется на платной основе) их несовершеннолетних детей, а также оказания им материальной помощи и поощрения распространяется также на работников представительств и представителей Агентства за рубежом.
8. Министерству занятости и сокращения бедности (Б. Мусаев) совместно с Министерством внутренних дел (П. Бобожонов), Министерством цифровых технологий (Ш. Шерматов) и другими заинтересованными министерствами и ведомствами:
а) в срок до 1 сентября 2024 года:
организовать деятельность круглосуточного Call-центра по оказанию помощи трудовым мигрантам и обеспечить непрерывное функционирование единого номера телефона;
создать возможность осуществления бесплатных звонков на номер Call-центра для абонентов, звонящих из-за рубежа;
б) в срок до 1 июля 2025 года:
создать единую межведомственную и полностью интегрированную электронную базу данных, предоставляющую возможность вести точный учет лиц, выезжающих за пределы Узбекистана, а также прибывающих на территорию нашей страны;
создать мобильное приложение для трудовых мигрантов, предоставляющее им возможность размещать сведения о стране своего пребывания и наличии свободных рабочих мест, онлайн-общения с соотечественниками и осуществления денежных переводов, связаться с организациями, предоставляющими помощь гражданам, оказавшимся в тяжелой жизненной ситуации.
9. Установить, что:
все расходы, связанные с осуществлением деятельности Call-центра, созданием мобильного приложения и дальнейшей его технической поддержкой, финансируются за счет средств Фонда;
расходы, связанные с созданием единой электронной базы данных и ее последующей технической поддержкой, покрываются за счет средств Фонда и Министерства внутренних дел в равных долях.
Министерству внутренних дел (П. Бобожонов) представлять Агентству до пятого числа месяца, следующего за отчетным, сведения о гражданах Республики Узбекистан, выехавших за рубеж на срок 90 дней и более.
10. Установить, что с 1 июля 2024 года частным агентствам занятости разрешается взимать плату за оказание услуг по трудоустройству за пределами Республики Узбекистан с лиц, изъявивших желание осуществлять трудовую деятельность за рубежом. При этом:
средства, выплачиваемые гражданами, изъявившими осуществлять трудовую деятельность за рубежом, хранятся на специальном счете, открытом в коммерческих банках;
перевод средств, хранящихся на специальном счете, на основной расчетный счет частного агентства занятости осуществляется после полного выполнения частным агентством занятости договорных обязательств.
11. Установить порядок, в соответствии с которым с 1 июня 2024 года:
а) работодателям (за исключением бюджетных организаций, государственных предприятий, юридических лиц, государственная доля в уставном капитале которых составляет 50 процентов и более), принявшим на работу лиц, вернувшихся из трудовой миграции, за счет средств Государственного фонда содействия занятости в течение 12 месяцев выплачивается ежемесячная субсидия в размере по 500 тысяч сумов за каждого такого трудоустроенного работника. При этом:
субсидия выплачивается в отношении лиц, принятых на работу в период с 1 июня 2024 года по 1 января 2026 года;
основанием для выплаты субсидии является трудовой договор, заключенный с лицом, вернувшимся из трудовой миграции и зарегистрированный в Единой национальной системе труда;
лицами, вернувшимися из трудовой миграции, являются лица, занимавшиеся трудовой деятельностью за рубежом в течение трех и более месяцев и с момента возвращения на место проживания которых прошло не более одного года;
б) на электронной платформе «Онлайн махалла» Агентства по работе махаллабай и развитию предпринимательства создается модуль «Реинтеграция»;
в) в каждой махалле внедряется практика проведения «махаллинской семеркой» переписи лиц, вернувшихся из трудовой миграции, и внесения ее результатов в модуль «Реинтеграция»;
г) оказание реинтеграционной помощи лицам, вернувшимся из трудовой миграции, и обеспечение их официальной занятости являются одними из основных показателей эффективности деятельности (KPI) помощников хокимов.
12. Министерству занятости и сокращения бедности (Б. Мусаев):
а) в месячный срок разработать и обеспечить доведение до каждой махалли инструкции и формы типовой анкеты по проведению «махаллинской семеркой» переписи лиц, вернувшихся из трудовой миграции, и формированию данных о них;
б) до 1 июня 2024 года:
обеспечить интеграцию электронного программного комплекса трудовой миграции «Xorijda ish» и информационной системы «Служба занятости» с электронной платформой «Онлайн махалла»;
создать для помощников хокимов возможность для получения в электронной форме сведений о свободных рабочих местах, имеющихся в национальной базе вакансий и у зарубежных работодателей, а также о требованиях к данным рабочим местам посредством электронной платформы «Онлайн махалла» в режиме реального времени.
13. Министерству здравоохранения (А. Худаяров) с 1 июня 2024 года наладить практику:
проведения бесплатного медицинского осмотра лиц, вернувшихся из трудовой миграции, и членов их семей;
оказания лицам, вернувшимся из трудовой миграции и страдающим социально значимым заболеванием, бесплатной медицинской помощи в соответствии с Перечнем гарантированного объема медицинской помощи, покрываемого за счет средств Государственного бюджета.
14. Центральному банку (М. Нурмуратов) и Совету фермерских, дехканских хозяйств и владельцев приусадебных земель Узбекистана (А. Хаитов) в соответствии с Комплексной программой непрерывной поддержки малого бизнеса и программами развития семейного предпринимательства обеспечить выделение лицам, вернувшимся из трудовой миграции, кредитов на осуществление предпринимательской деятельности, а также выращивание сельскохозяйственной продукции на приусадебных участках, занятие животноводством, птицеводством, пчеловодством, рыбоводством и другими видами деятельности.
15. Национальному агентству социальной защиты (М. Оллоёров):
а) внедрить до 1 июля 2024 года на базе центров социальных услуг «Инсон» практику оказания социальной помощи детям, родители которых осуществляют временную трудовую деятельность за рубежом;
б) обеспечить с 1 января 2025 года проведение социальными работниками, осуществляющими деятельность в центрах социальных услуг «Инсон» в районах (городах):
изучения положения дел в семьях граждан, осуществляющих временную трудовую деятельность за рубежом, выявления их потребностей в социальных услугах и помощи;
эффективной организации работы с семьями граждан, осуществляющих временную трудовую деятельность за рубежом, в том числе с применением метода «кейс-менеджмент», принятия их заявок на получение социальных услуг и помощи, при необходимости, направления заявок ответственным министерствам и ведомствам;
мониторинга семей, оказавшихся в трудном положении и с высоким риском оказаться в нем, на регулярной основе, организации для них социальных услуг и помощи;
оказания детям граждан, осуществляющим временную трудовую деятельность за рубежом, помощи в пользовании услугами образования, медицины и другими социальными услугами.
16. Утвердить:
«Дорожную карту» по реализации приоритетных задач в сфере миграции в 2024-2025 годах (далее — «Дорожная карта») согласно приложению № 3 * ;
Целевые показатели подготовки и направления за рубеж в организованном порядке граждан, изъявивших желание осуществлять трудовую деятельность, в 2024 — 2026 годах в разрезе регионов согласно приложению № 5 * .
Возложить на руководителей министерств, ведомств и органов исполнительной власти на местах персональную ответственность за качественное и своевременное осуществление задач и мероприятий, предусмотренных в «Дорожной карте» и целевых показателях.
17. Рекомендовать:
областным, районным, городским Кенгашам народных депутатов проводить в рамках заслушивания отчетов хокимов о социально-экономическом развитии территорий обсуждение хода работ в сфере внешней трудовой миграции;
Сенату Олий Мажлиса оказывать областным, районным, городским Кенгашам народных депутатов содействие в осуществлении деятельности в данном направлении.
Министерству занятости и сокращения бедности ежегодно вносить в Сенат Олий Мажлиса информацию о проделанной работе в сфере внешней трудовой миграции.
18. Национальной телерадиокомпании Узбекистана (А. Джурабаев) совместно с Национальным информационным агентством Узбекистана (А. Кучимов) принять меры по подготовке и освещению информационно-аналитических обзоров с изложением конкретных показателей и результатов по реализации настоящего Указа и «Дорожной карты» посредством средств массовой информации.
19. Министерству занятости и сокращения бедности совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
20. Возложить на министра занятости и сокращения бедности Б.А. Мусаева, Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего Указа.
Контроль за исполнением настоящего Указа, осуществление координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к Указу Президента Республики Узбекистан от 4 апреля 2024 года № УП-59
Порядок организации деятельности Агентства внешней трудовой миграции при Министерстве занятости и сокращения бедности, Отдела по вопросам внешней трудовой миграции Кабинета Министров и атташе по вопросам трудовой миграции в дипломатических и консульских учреждениях Республики Узбекистан
№ Наименование Основные направления деятельности Порядок организации деятельности 1. Агентство внешней трудовой миграции 1. Организованный набор граждан Республики Узбекистан, эффективное управление и контроль за процессами предварительной подготовки, проведения адаптационных мероприятий и трудоустройства за рубежом. 2. Организация обучения иностранным языкам и профессиональным навыкам граждан, выезжающих за границу для осуществления трудовой деятельности, с привлечением отечественных и иностранных квалифицированных специалистов, с последующей выдачей им сертификата международного образца. 3. Разработка и реализация обязательных предварительных программ по адаптации, а также комплекса мер по стимулированию осуществления законной трудовой миграции граждан до их выезда за границу. 4. Взаимное сотрудничество с уполномоченными органами зарубежных государств по вопросам трудоустройства и регулирования процессов обеспечения трудовых прав граждан Республики Узбекистан за рубежом. 5. Участие в осуществлении мероприятий по реинтеграции граждан, вернувшихся из трудовой миграции. 6. Выдача в установленном порядке иностранным гражданам подтверждений на право осуществления трудовой деятельности на территории Республики Узбекистан. 7. Контроль за соблюдением правил осуществления трудовой деятельности на территории Республики Узбекистан иностранными гражданами и лицами без гражданства. 8. Комплексный анализ сферы внешней трудовой миграции и разработка предложений по совершенствованию нормативно-правовой базы в данном направлении. 9. Регулярное информирование населения о миграционной ситуации, положении и возможностях международного рынка труда, изменениях законодательства страны прибывания. 1. Агентство является органом государственного управления, ответственным за обеспечение реализации единой государственной политики в сфере внешней трудовой миграции. 2. Финансирование расходов по выплате заработной платы работникам Агентства, содержанию зданий и сооружений, а также покрытие текущих расходов Агентства, его территориальных управлений в Республике Каракалпакстан, областях и городе Ташкенте осуществляются за счет собственных средств Агентства, а покрытие текущих расходов представительств Агентства за рубежом — за счет средств Фонда поддержки и защиты прав и интересов граждан, осуществляющих трудовую деятельность за рубежом (далее — Фонд). 3. Агентство является правопреемником по правам и обязательствам, а также договорам реорганизуемого государственного предприятия. 4. Заместитель министра занятости и сокращения бедности — директор Агентства (далее — директор Агентства) назначается на должность и освобождается от должности Президентом Республики Узбекистан. 5. Директор Агентства имеет трех заместителей, в том числе одного первого, назначаемых на должность и освобождаемых от должности Кабинетом Министров Республики Узбекистан. 6. Утверждение структуры Агентства, его территориальных управлений и представительств за рубежом, назначение на должность и освобождение от должности работников, а также их стимулирование осуществляются директором Агентства. 7. Управление деятельностью Фонда осуществляется директором Агентства. 8. При определении должностного оклада работников Агентства согласно утвержденным разрядам по оплате труда по Единой тарифной сетке тарифный коэффициент применяется с увеличением в 2 раза. 9. Директору Агентства предоставляется право: привлекать высококвалифицированных специалистов государственных органов, научно-образовательных учреждений, в том числе иностранных специалистов и экспертов на договорной основе, в рамках выполнения задач, возложенных на Агентство; направлять сэкономленные средства установленного фонда оплаты труда, а также средства, высвобожденные по причине неукомплектования штатных единиц, предусмотренных утвержденным штатным расписанием, на материальное стимулирование работников Агентства, его территориальных управлений и представительств за рубежом. 2. Отдел по вопросам внешней трудовой миграции 1. Осуществление координации деятельности уполномоченных государственных органов, в том числе Министерства занятости и сокращения бедности, Министерства внутренних дел, Министерства иностранных дел, Агентства внешней трудовой миграции, Агентства по делам молодежи, Агентства по работе махаллабай и развитию предпринимательства в сфере внешней трудовой миграции. 2. Своевременное выявление нарушения правил прибывания в Республике Узбекистан иностранных граждан и лиц без гражданства, осуществление контроля за созданием условий для увеличения внутреннего миграционного потока. 3. Проведение на системной основе комплексного анализа миграционной ситуации в республике и за ее пределами, в том числе: анализа миграционной ситуации в стране и за рубежом; изучения зарубежного опыта по осуществлению миграционной политики, а также анализа правоприменительной практики в данном направлении; разработки прогнозных сценариев развития миграционных процессов в краткосрочный, среднесрочный и долгосрочный периоды. 4. Подготовка предложений по совершенствованию сферы миграции, диверсификации внешней трудовой миграции, защите прав и законных интересов граждан, осуществляющих трудовую деятельность за рубежом. 5. Контроль за целевым и эффективным использованием средств Фонда. 1. Отдел формируется за счет сокращения 4 штатных единиц Министерства занятости и сокращения бедности. 2. Отдел является рабочим органом Республиканской комиссии по вопросам внешней трудовой миграции, созданной Указом Президента Республики Узбекистан от 20 августа 2019 года № УП - 5785. 3. Отдел непосредственно подчиняется Премьер-министру Республики Узбекистан. 3. Атташе по вопросам трудовой миграции 1. Проведение переговоров с потенциальными работодателями, расширение масштабов организованного трудоустройства граждан за рубежом, предупреждение нелегальной трудовой миграции. 2. Защита прав и законных интересов граждан, осуществляющих трудовую деятельность за рубежом. 3. Оказание помощи гражданам, подвергшимся насилию, принудительному труду, получившим травму и пострадавшим в результате несчастного случая, попавшим в сложное финансовое положение и оставшимся без документов, подтверждающих личность, или без средств существования в период пребывания за границей. 4. Ведение учета граждан Республики Узбекистан, осуществляющих трудовую деятельность за рубежом, изучение их условий труда и жизни, принятие мер по устранению выявленных проблем. 1. Атташе назначается на должность и освобождается от должности министром иностранных дел Республики Узбекистан по представлению директора Агентства. 2. Деятельность атташе организуется руководителями дипломатических представительств и консульских учреждений Республики Узбекистан в иностранных государствах. 3. Координация и контроль деятельности атташе осуществляются директором Агентства. 4. Расходы, связанные с материальным и финансовым обеспечением деятельности атташе, в том числе с выплатой заработной платы, компенсацией расходов на служебные командировки и проживание в зарубежных государствах, обеспечением их транспортом, средствами связи, покрываются за счет средств Фонда.
ПРИЛОЖЕНИЕ № 2 к Указу Президента Республики Узбекистан от 4 апреля 2024 года № УП-59
Источники финансирования деятельности Агентства внешней трудовой миграции при Министерстве занятости и сокращения бедности, его территориальных управлений и представительств за рубежом
Финансирование деятельности Агентства внешней трудовой миграции при Министерстве занятости и сокращения бедности, его территориальных управлений и представительств за рубежом осуществляется за счет следующих источников:
средств Государственного бюджета Республики Узбекистан;
средств Фонда поддержки и защиты прав и интересов граждан, осуществляющих трудовую деятельность за рубежом;
сборов за выдачу подтверждений на право осуществления трудовой деятельности на территории республики иностранным гражданам;
поступлений от оказания платных услуг согласно законодательству;
благотворительных пожертвований юридических и физических лиц, грантов и целевых средств международных организаций;
иных источников, не запрещенных законодательством.
Президент Республики Узбекистан Ш. МИРЗИЁЕВ
г. Ташкент,
4 апреля 2024 г.,
№ УП-59