UzbekAI

Ўзбекистон Республикаси Вазирлар Маҳкамасининг

қарори

Вазирлар Маҳкамасининг 2019 йил 5 июндаги 461-сон қарори билан тасдиқланган «Business city» замонавий ишбилармонлик марказлари рўйхатига қўшимча киритиш ҳақида

Навоий шаҳри марказининг меъморий қиёфасини янада яхшилаш ва ҳудудни ободонлаштириш, инвесторлар учун жозибадорлигини ошириш, замонавий объектлар қуриш ва хизмат кўрсатиш сифатини янада яхшилаш мақсадида, шунингдек, Ўзбекистон Республикаси Президентининг «Республика ҳудудларида «Business city» замонавий ишбилармонлик марказларини ташкил этиш чора-тадбирлари тўғрисида» 2018 йил 2 августдаги ПҚ-3895-сон қарори ҳамда «Навоий вилоятининг Кармана туманидан Навоий шаҳри таркибига ўтказилган ер участкаларининг ер фонди тоифасини ўзгартириш тўғрисида» 2022 йил 7 июлдаги Ф-62-сон фармойишига мувофиқ Вазирлар Маҳкамаси қарор қилади:

1. Вазирлар Маҳкамасининг 2019 йил 5 июндаги 461-сон қарори билан тасдиқланган «Business city» замонавий ишбилармонлик марказлари рўйхати қуйидаги таҳрирдаги 13-банд билан тўлдирилсин:

«13. «Янги Навоий шаҳарчаси» ишбилармонлик маркази».

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда Навоий вилояти ҳокими Н.Т. Турсунов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2024 йил 8 апрель,

192-сон

(Қонунчилик маълумотлари миллий базаси, 08.04.2024 й., 09/24/192/0271-сон)

lex.uz

Oʻzbekiston Respublikasi Vazirlar Mahkamasining

qarori

Vazirlar Mahkamasining 2019-yil 5-iyundagi 461-son qarori bilan tasdiqlangan “Business city” zamonaviy ishbilarmonlik markazlari roʻyxatiga qoʻshimcha kiritish haqida

Navoiy shahri markazining meʼmoriy qiyofasini yanada yaxshilash va hududni obodonlashtirish, investorlar uchun jozibadorligini oshirish, zamonaviy obyektlar qurish va xizmat koʻrsatish sifatini yanada yaxshilash maqsadida, shuningdek, Oʻzbekiston Respublikasi Prezidentining “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari toʻgʻrisida” 2018-yil 2-avgustdagi PQ-3895-son qarori hamda “Navoiy viloyatining Karmana tumanidan Navoiy shahri tarkibiga oʻtkazilgan yer uchastkalarining yer fondi toifasini oʻzgartirish toʻgʻrisida” 2022-yil 7-iyuldagi F-62-son farmoyishiga muvofiq Vazirlar Mahkamasi qaror qiladi:

1. Vazirlar Mahkamasining 2019-yil 5-iyundagi 461-son qarori bilan tasdiqlangan “Business city” zamonaviy ishbilarmonlik markazlari roʻyxati quyidagi tahrirdagi 13-band bilan toʻldirilsin:

“13. “Yangi Navoiy shaharchasi” ishbilarmonlik markazi”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda Navoiy viloyati hokimi N.T. Tursunov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 8-aprel,

192-son

(Qonunchilik maʼlumotlari milliy bazasi, 08.04.2024-y., 09/24/192/0271-son)

lex.uz