📅 2024-yil 8-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 8 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 апреля 2024 г. · Постановления Президента
Официальный текст. Официальный документ. Редакционные примечания не включены.
📅 8 April 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Муборак Рамазон ҳайитини нишонлаш тўғрисида
Халқимиз учун асрлар давомида эзгулик, меҳр-оқибат, хайру саховат, маънавий покланиш айёми бўлиб келаётган муборак Рамазон ойини бу йил юртимиз мўмин-мусулмонлари ўзгача шукуҳ ва ҳамжиҳатлик билан ўтказдилар. Айниқса, раҳмат ва мағфират нурлари ёғиладиган ушбу саодатли кунларда кам таъминланган ва эҳтиёжманд оилалар, ногиронлиги бўлган шахсларга моддий ва маънавий ёрдамлар кўрсатилаётгани, барча ҳудудларимизда кенг жамоатчилик вакиллари иштирокида эҳсон дастурхонлари ёзилиб, эл-юртимизнинг тинчлиги, бахти ва келажаги учун дуойи фотиҳалар қилинаётгани бу ойнинг файзу тароватини янада оширмоқда.
Ҳеч шубҳасиз, бундай савобли ва олийжаноб ишлар ер юзидаги барча инсонларни доимо дўст ва биродар бўлиб яшашга даъват этадиган муқаддас ислом динимизнинг эзгу ғояларини чуқур ҳис этган ҳолда, мамлакатимиздаги тинчлик ва барқарорликни, турли миллат ва конфессиялар ўртасидаги тотувликни мустаҳкамлашга, бугунги ёруғ ҳаётимизнинг қадрига етиб, уни янада обод ва фаровон этишга хизмат қилмоқда.
Муборак Рамазон ҳайити кунларида янада яққол намоён бўладиган ана шундай анъана ва қадриятларимизни асраб-авайлаш ҳамда кенг тарғиб этиш мақсадида:
1. Жорий йилда Рамазон ҳайитининг биринчи куни 10 апрель — чоршанба кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилиниб, мамлакатимизда 2024 йил 10 апрель куни Рамазон ҳайити байрами сифатида кенг нишонлансин.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита, Ўзбекистон маҳаллалари уюшмаси, Ижтимоий ҳимоя миллий агентлиги ва бошқа ҳамкор ташкилотлар билан биргаликда Рамазон ҳайитини халқимизнинг миллий анъана ва урф-одатларига уйғун ҳолда ўтказиш бўйича тегишли чора-тадбирларни амалга оширсин.
Туризм қўмитаси Транспорт вазирлиги билан биргаликда юртдошларимиз учун Рамазон ҳайити кунларида мўътабар зиёратгоҳлар ва тарихий қадамжоларга зиёратларни ташкил этиш мақсадида қулай шароит ва имкониятлар яратсин.
3. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Рамазон ҳайитини нишонлаш билан боғлиқ тадбирларни кенг ёритиш тавсия этилсин.
4. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг маслаҳатчиси М.М. Камилов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 8 апрель,
ПҚ-154-сон
Oʻzbekiston Respublikasi Prezidentining
Qarori
Muborak Ramazon hayitini nishonlash toʻgʻrisida
Xalqimiz uchun asrlar davomida ezgulik, mehr-oqibat, xayru saxovat, maʼnaviy poklanish ayyomi boʻlib kelayotgan muborak Ramazon oyini bu yil yurtimiz moʻmin-musulmonlari oʻzgacha shukuh va hamjihatlik bilan oʻtkazdilar. Ayniqsa, rahmat va magʻfirat nurlari yogʻiladigan ushbu saodatli kunlarda kam taʼminlangan va ehtiyojmand oilalar, nogironligi boʻlgan shaxslarga moddiy va maʼnaviy yordamlar koʻrsatilayotgani, barcha hududlarimizda keng jamoatchilik vakillari ishtirokida ehson dasturxonlari yozilib, el-yurtimizning tinchligi, baxti va kelajagi uchun duoyi fotihalar qilinayotgani bu oyning fayzu tarovatini yanada oshirmoqda.
Hech shubhasiz, bunday savobli va oliyjanob ishlar yer yuzidagi barcha insonlarni doimo doʻst va birodar boʻlib yashashga daʼvat etadigan muqaddas islom dinimizning ezgu gʻoyalarini chuqur his etgan holda, mamlakatimizdagi tinchlik va barqarorlikni, turli millat va konfessiyalar oʻrtasidagi totuvlikni mustahkamlashga, bugungi yorugʻ hayotimizning qadriga yetib, uni yanada obod va farovon etishga xizmat qilmoqda.
Muborak Ramazon hayiti kunlarida yanada yaqqol namoyon boʻladigan ana shunday anʼana va qadriyatlarimizni asrab-avaylash hamda keng targʻib etish maqsadida:
1. Joriy yilda Ramazon hayitining birinchi kuni 10-aprel — chorshanba kuniga toʻgʻri kelishi haqidagi Oʻzbekiston musulmonlari idorasining axboroti maʼlumot uchun qabul qilinib, mamlakatimizda 2024-yil 10-aprel kuni Ramazon hayiti bayrami sifatida keng nishonlansin.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Din ishlari boʻyicha qoʻmita, Oʻzbekiston mahallalari uyushmasi, Ijtimoiy himoya milliy agentligi va boshqa hamkor tashkilotlar bilan birgalikda Ramazon hayitini xalqimizning milliy anʼana va urf-odatlariga uygʻun holda oʻtkazish boʻyicha tegishli chora-tadbirlarni amalga oshirsin.
Turizm qoʻmitasi Transport vazirligi bilan birgalikda yurtdoshlarimiz uchun Ramazon hayiti kunlarida moʻtabar ziyoratgohlar va tarixiy qadamjolarga ziyoratlarni tashkil etish maqsadida qulay sharoit va imkoniyatlar yaratsin.
3. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga Ramazon hayitini nishonlash bilan bogʻliq tadbirlarni keng yoritish tavsiya etilsin.
4. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi M.M. Kamilov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 8-aprel,
PQ-154-son
Президента Республики Узбекистан
Постановление
О праздновании священного Рамазан хайита
Священный месяц Рамазан, на протяжении веков являющийся для нашего народа воплощением добра, милосердия, великодушия и духовного очищения, в нынешнем году мусульмане страны провели торжественно и сплоченно. В эти счастливые дни, озаренные светом благодарения и милости, малообеспеченным и нуждающимся семьям, лицам с инвалидностью оказывается материальная и моральная помощь, во всех регионах с участием представителей широкой общественности накрываются благотворительные дастарханы, возносятся молитвы за мир, счастье и будущее нашей страны, что еще более усиливает непреходящее значение этого месяца.
Несомненно, такие благие дела, осуществляемые с глубоким осознанием благородных идей священной религии ислам, призывающей всех людей на Земле всегда жить в дружбе и братстве, служат укреплению в стране мира и стабильности, согласия и единства между представителями разных наций и конфессий, умению ценить сегодняшнюю светлую жизнь, обеспечению ее дальнейшего процветания.
В целях бережного сохранения и широкой пропаганды наших традиций и ценностей, особенно ярко проявляющихся в дни священного Рамазан хайита:
1. Принимая во внимание информацию Управления мусульман Узбекистана о совпадении в текущем году первого дня Рамазан хайита с 10 апреля (среда), 10 апреля 2024 года широко отметить в нашей стране как праздник Рамазан хайит.
2. Совету Министров Республики Каракалпакстан, хокимиятам областей и города Ташкента совместно с Комитетом по делам религий, Ассоциацией махаллей Узбекистана, Национальным агентством социальной защиты и другими организациями-партнерами осуществить соответствующие меры для проведения Рамазан хайита созвучно национальным традициям и обычаям нашего народа.
Комитету по туризму совместно с Министерством транспорта создать благоприятные условия и возможности в целях организации для наших соотечественников в дни Рамазан хайита посещения священных мест паломничества и исторических святынь.
3. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации широко освещать мероприятия, связанные с празднованием Рамазан хайита.
4. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан М.М. Камилова.
Президент Республики Узбекистан Ш. МИРЗИЁЕВ
г. Ташкент,
8 апреля 2024 г.,
№ ПП-154