UzbekAI

Ўзбекистон Республикаси Вазирлар Маҳкамасининг

қарори

Ўзбекистон Республикаси Давлат чегара ўтказиш пунктларида давлат назоратидан ўтказиш тартиботлари такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида

Ўзбекистон Республикасининг «Солиқ ва бюджет сиёсатининг 2024 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги Қонуни ижросини таъминлаш, шунингдек, чегара ўтказиш пунктларида ундирилиши белгиланган йиғимларни божхона ҳудудида тўлаш тартибини такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

божхона ҳамроҳлигидаги кузатув учун божхона йиғимларини транспорт воситаси божхона ҳамроҳлигига олингандан сўнг ҳам тўлаш имкониятини белгилаш;

чегара ўтказиш пунктларида ундирилиши белгиланган чет давлатлар автотранспорт воситаларининг Ўзбекистон Республикаси ҳудудига кирганлиги ва унинг ҳудуди орқали транзити учун йиғимни божхона ҳудудида тўлаш имкониятини яратиш.

2. Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2024 йил 17 апрелдаги 210-сон қарорига ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2020 йил 22 декабрдаги 800-сон қарори билан тасдиқланган Божхона назорати остида автомобиль йўлларида ташилаётган товарларнинг божхона ҳамроҳлигидаги кузатувини ташкил этиш тартиби тўғрисида низомнинг 24-банди биринчи хатбошисидаги «қонунчилик ҳужжатларига мувофиқ олдиндан» сўзлари «олдиндан ёки божхона ҳудудида» сўзлари билан алмаштирилсин.

2. Вазирлар Маҳкамасининг 2021 йил 14 апрелдаги 214-сон қарори 7-бандининг биринчи хатбошисидаги «2024 йил 1 январга» сўзлари «2025 йил 1 сентябрга» сўзлари билан алмаштирилсин.

3. Вазирлар Маҳкамасининг 2022 йил 31 декабрдаги 737-сон қарори билан тасдиқланган Товар ва транспорт воситалари билан транзит операцияларини амалга ошириш тартиби тўғрисида низомда :

а) 18-бандда :

биринчи хатбоши «транзит декларацияси расмийлаштирилгунга қадар» сўзларидан кейин «ёки божхона ҳудудида» сўзлари билан тўлдирилсин;

учинчи хатбошисидан «транзит декларация расмийлаштирилгандан сўнг» сўзлари чиқариб ташлансин;

б) илованинг «1-босқич» позицияси «Бажариш муддатлари» устунидаги «Транзит декларацияси расмийлаштирилгунга қадар» сўзларидан кейин «ёки божхона ҳудудида» сўзлари билан тўлдирилсин.

4. Вазирлар Маҳкамасининг «Ўзбекистон Республикаси Давлат чегараси орқали ўтказиш пунктларида автотранспорт воситалари ҳаракатини янада тартибли ташкил этиш ҳамда назорат тартиботларини соддалаштириш тўғрисида» 2023 йил 3 октябрдаги 522-сон қарорининг 1-бандидаги «чет давлатлар автотранспорт воситаларининг Ўзбекистон Республикаси ҳудудига кирганлиги ва унинг ҳудуди орқали транзити учун йиғим ҳамда божхона ҳамроҳлигида кузатиб бориш учун божхона йиғими бундан мустасно» сўзлари чиқариб ташлансин.

Ўзбекистон Республикасининг Бош вазири А. АРИПОВ

Тошкент ш.,

2024 йил 17 апрель,

210-сон

(Қонунчилик маълумотлари миллий базаси, 18.04.2024 й., 09/24/210/0286-сон)

lex.uz

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Davlat chegara oʻtkazish punktlarida davlat nazoratidan oʻtkazish tartibotlari takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida

Oʻzbekiston Respublikasining “Soliq va budjet siyosatining 2024-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi Qonuni ijrosini taʼminlash, shuningdek, chegara oʻtkazish punktlarida undirilishi belgilangan yigʻimlarni bojxona hududida toʻlash tartibini takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

bojxona hamrohligidagi kuzatuv uchun bojxona yigʻimlarini transport vositasi bojxona hamrohligiga olingandan soʻng ham toʻlash imkoniyatini belgilash;

chegara oʻtkazish punktlarida undirilishi belgilangan chet davlatlar avtotransport vositalarining Oʻzbekiston Respublikasi hududiga kirganligi va uning hududi orqali tranziti uchun yigʻimni bojxona hududida toʻlash imkoniyatini yaratish.

2. Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2024-yil 17-apreldagi 210-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2020-yil 22-dekabrdagi 800-son qarori bilan tasdiqlangan Bojxona nazorati ostida avtomobil yoʻllarida tashilayotgan tovarlarning bojxona hamrohligidagi kuzatuvini tashkil etish tartibi toʻgʻrisida nizomning 24-bandi birinchi xatboshisidagi “qonunchilik hujjatlariga muvofiq oldindan” soʻzlari “oldindan yoki bojxona hududida” soʻzlari bilan almashtirilsin.

2. Vazirlar Mahkamasining 2021-yil 14-apreldagi 214-son qarori 7-bandining birinchi xatboshisidagi “2024-yil 1-yanvarga” soʻzlari “2025-yil 1-sentabrga” soʻzlari bilan almashtirilsin.

3. Vazirlar Mahkamasining 2022-yil 31-dekabrdagi 737-son qarori bilan tasdiqlangan Tovar va transport vositalari bilan tranzit operatsiyalarini amalga oshirish tartibi toʻgʻrisida nizomda :

a) 18-bandda :

birinchi xatboshi “tranzit deklaratsiyasi rasmiylashtirilgunga qadar” soʻzlaridan keyin “yoki bojxona hududida” soʻzlari bilan toʻldirilsin;

uchinchi xatboshisidan “tranzit deklaratsiya rasmiylashtirilgandan soʻng” soʻzlari chiqarib tashlansin;

b) ilovaning “1-bosqich” pozitsiyasi “Bajarish muddatlari” ustunidagi “Tranzit deklaratsiyasi rasmiylashtirilgunga qadar” soʻzlaridan keyin “yoki bojxona hududida” soʻzlari bilan toʻldirilsin.

4. Vazirlar Mahkamasining “Oʻzbekiston Respublikasi Davlat chegarasi orqali oʻtkazish punktlarida avtotransport vositalari harakatini yanada tartibli tashkil etish hamda nazorat tartibotlarini soddalashtirish toʻgʻrisida” 2023-yil 3-oktabrdagi 522-son qarorining 1-bandidagi “chet davlatlar avtotransport vositalarining Oʻzbekiston Respublikasi hududiga kirganligi va uning hududi orqali tranziti uchun yigʻim hamda bojxona hamrohligida kuzatib borish uchun bojxona yigʻimi bundan mustasno” soʻzlari chiqarib tashlansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 17-aprel,

210-son

(Qonunchilik maʼlumotlari milliy bazasi, 18.04.2024-y., 09/24/210/0286-son)

lex.uz