📅 2024-yil 19-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 19 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 апреля 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 19 April 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тупроқ унумдорлигини ошириш тизимининг такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида
Ўзбекистон Республикасининг «Тупроқни муҳофаза қилиш ва унинг унумдорлигини ошириш тўғрисида»ги Қонуни ҳамда Ўзбекистон Республикаси Президентининг «Қишлоқ хўжалиги ерлари деградациясига қарши курашиш, тупроқнинг гумус миқдори ва унумдорлигини оширишни қўллаб-қувватлашнинг қўшимча чора-тадбирлари тўғрисида» 2024 йил 13 февралдаги ПҚ-71-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
тупроқшунослик йўналишидаги фаолиятни ягона тизимда амалга ошириш ва унинг шаффофлигини таъминлаш;
қишлоқ хўжалиги ерларининг агрокимёвий ҳолати тўғрисидаги ахборотлардан фойдаланиш самарадорлигини ошириш ҳамда уларни тупроққа оид маълумотлар фондида акс эттириш;
норматив-ҳуқуқий ҳужжатлардаги номувофиқликларни бартараф этиш.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.
Вазирлар Маҳкамасининг 2024 йил 19 апрелдаги 224-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Қишлоқ хўжалигида тупроқнинг агрокимёвий таҳлил тизимини такомиллаштириш, экин ерларида тупроқнинг унумдорлигини ошириш чора-тадбирлари тўғрисида» 2019 йил 18 июндаги 510-сон қарорида :
а) 5-банддаги «Иқтисодий тараққиёт ва камбағалликни қисқартириш вазирлиги» сўзлари «Иқтисодиёт ва молия вазирлиги» сўзлари билан алмаштирилсин;
б) 6-банддаги «Инновацион ривожланиш вазирлиги, Ўсимликлар карантини ва ҳимояси агентлигига» сўзлари «Олий таълим, фан ва инновациялар вазирлиги, Қишлоқ хўжалиги вазирлиги ҳузуридаги Тупроқшунослик ва агрокимёвий тадқиқотлар институти ҳамда Ўсимликлар карантини ва ҳимояси агентлигига» сўзлари билан алмаштирилсин;
в) 1-иловада :
1-банднинг ўн биринчи хатбошиси қуйидаги таҳрирда баён этилсин:
« тупроқ — ер юзасининг табиий ёки антропоген омиллар таъсири натижасида шаклланадиган, ўсимликларнинг яшаши учун зарур унумдорлик хусусиятларига эга бир нечта қатламдан иборат бўлган устки қисми»;
4-банд қуйидаги таҳрирда баён этилсин:
«4. Суғориладиган қишлоқ хўжалиги ерларида тупроқнинг агрокимёвий таҳлилини ўтказишда илмий-услубий раҳбарлик Қишлоқ хўжалиги вазирлиги ҳузуридаги Тупроқшунослик ва агрокимёвий тадқиқотлар институти (кейинги ўринларда — Тупроқшунослик ва агрокимёвий тадқиқотлар институти) томонидан амалга оширилади»;
6-банднинг биринчи хатбошиси «Республика агрокимёвий таҳлил маркази» сўзларидан олдин «Тупроқшунослик ва агрокимёвий тадқиқотлар институти ҳамда» сўзлари билан тўлдирилсин;
9-банддаги «Ўсимликлар карантини ва ҳимояси агентлиги» сўзлари «Қишлоқ хўжалиги вазирлиги» сўзлари билан алмаштирилсин;
37-банд қуйидаги таҳрирда баён этилсин:
«37. Тупроқнинг агрокимёвий таҳлили бўйича якуний маълумотларни кўриб чиқиш юзасидан ҳар бир туманда комиссия тузилади. Мазкур комиссия таркибига туман ҳокимининг ўринбосари (раис), туман қишлоқ хўжалиги бўлими бошлиғи (раис ўринбосари), Ўсимликлар карантини ва ҳимояси туман бўлими бошлиғи, туман фермер, деҳқон хўжаликлари ва томорқа ер эгалари кенгаши раиси киритилади»;
иловада :
«I-босқич, III-босқич ва IV-босқич» позицияларининг «Ижрочилар» устуни «Республика агрокимёвий таҳлил маркази» сўзларидан олдин «Тупроқшунослик ва агрокимёвий тадқиқотлар институти,» сўзлари билан тўлдирилсин;
«V-босқич» позициясининг «Тадбирлар» устунидаги биринчи хатбоши қуйидаги таҳрирда баён этилсин:
«Тупроқнинг агрокимёвий таҳлили бўйича якуний маълумотларни кўриб чиқиш юзасидан ҳар бир туманда комиссия тузилади. Мазкур комиссия таркибига туман ҳокимининг ўринбосари (раис), туман қишлоқ хўжалиги бўлими бошлиғи (раис ўринбосари), Ўсимликлар карантини ва ҳимояси туман бўлими бошлиғи, туман фермер, деҳқон хўжаликлари ва томорқа ер эгалари кенгаши раиси киритилади».
2. Вазирлар Маҳкамасининг 2019 йил 9 июлдаги 571-сон қарори билан тасдиқланган Ўзбекистон Республикаси Қишлоқ хўжалиги вазирлиги тўғрисидаги низомнинг 9-банди қуйидаги таҳрирда баён этилсин:
«9. Вазирлик тизимига қуйидагилар киради:
Вазирлик марказий аппарати;
Қорақалпоғистон Республикаси Қишлоқ хўжалиги вазирлиги, вилоятлар ва Тошкент шаҳар қишлоқ хўжалиги бошқармалари (кейинги ўринларда — ҳудудий бўлинмалар), туманлар (Қувасой шаҳар) қишлоқ хўжалиги бўлимлари (кейинги ўринларда — туман (Қувасой шаҳар) бўлимлари);
Ветеринария ва чорвачиликни ривожлантириш қўмитаси;
Ипакчилик ва жун саноатини ривожлантириш қўмитаси;
Ўсимликлар карантини ва ҳимояси агентлиги;
Агросаноат мажмуи устидан назорат қилиш инспекцияси;
Қишлоқ хўжалигида хизматлар кўрсатиш агентлиги;
Тошкент давлат аграр университети;
Уруғчиликни ривожлантириш маркази;
Андижон қишлоқ хўжалиги ва агротехнологиялар институти;
Халқаро қишлоқ хўжалиги университети;
Озиқ-овқат технологияси ва муҳандислиги халқаро институти;
Қорақалпоғистон қишлоқ хўжалиги ва агротехнологиялар институти;
Термиз агротехнологиялар ва инновацион ривожланиш институти;
Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази;
Қишлоқ хўжалиги экинлари навларини синаш маркази;
Қишлоқ хўжалиги техникаси ва технологияларини сертификатлаш ва синаш давлат маркази;
«Қишлоқ хўжалигида билим ва инновациялар миллий маркази» давлат муассасаси;
«Маъмурий-хўжалик хизмати» давлат муассасаси;
«Агросаноатни рақамлаштириш маркази» МЧЖ;
Тупроқшунослик ва агрокимёвий тадқиқотлар институти;
«Агросервис оператор» давлат унитар корхонаси;
«Ўзбекистон Республикаси давлат ер тузишни лойиҳалаш» давлат илмий-лойиҳалаш институти — «Ўздаверлойиҳа» давлат илмий-лойиҳалаш институти».
3. Вазирлар Маҳкамасининг 2019 йил 17 июлдаги 599-сон қарори билан тасдиқланган Қишлоқ хўжалигига мўлжалланган ерларнинг ер кадастрига доир ахборотни вазирликлар ва идораларнинг ҳамда маҳаллий давлат ҳокимияти органларининг расмий веб-сайтларига жойлаштириш ва улардан фойдаланиш тартиби тўғрисидаги низомнинг 9-банди «д» кичик банди биринчи хатбошисидаги «ва «Тупроқ таркиби ва репозиторийси, сифати таҳлил маркази» давлат унитар корхонаси» сўзлари чиқариб ташлансин.
4. Вазирлар Маҳкамасининг 2022 йил 7 июндаги 311-сон қарори билан тасдиқланган Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги тўғрисидаги низомнинг 13-банди «б» кичик банди бешинчи хатбошиси қуйидаги таҳрирда баён этилсин:
«тупроқнинг агрокимёвий таҳлилини ўтказиш дастурини тасдиқлайди, қишлоқ хўжалиги ерларининг агрокимёвий ҳолати тўғрисидаги ахборотни маълумотлар банкига, Қишлоқ хўжалиги вазирлигининг Геоахборот тизимига ва «Ерлар деградацияси» гепорталига киритиб боради ҳамда тупроққа оид маълумотлар фондида акс эттириш учун Тупроқшунослик ва агрокимёвий тадқиқотлар институтига тақдим этади».
Ўзбекистон Республикасининг Бош вазири А. АРИПОВ
Тошкент ш.,
2024 йил 19 апрель,
224-сон
Oʻzbekiston Respublikasi Vazirlar Mahkamasining
qarori
Tuproq unumdorligini oshirish tizimining takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Oʻzbekiston Respublikasining “Tuproqni muhofaza qilish va uning unumdorligini oshirish toʻgʻrisida”gi Qonuni hamda Oʻzbekiston Respublikasi Prezidentining “Qishloq xoʻjaligi yerlari degradatsiyasiga qarshi kurashish, tuproqning gumus miqdori va unumdorligini oshirishni qoʻllab-quvvatlashning qoʻshimcha chora-tadbirlari toʻgʻrisida” 2024-yil 13-fevraldagi PQ-71-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
tuproqshunoslik yoʻnalishidagi faoliyatni yagona tizimda amalga oshirish va uning shaffofligini taʼminlash;
qishloq xoʻjaligi yerlarining agrokimyoviy holati toʻgʻrisidagi axborotlardan foydalanish samaradorligini oshirish hamda ularni tuproqqa oid maʼlumotlar fondida aks ettirish;
normativ-huquqiy hujjatlardagi nomuvofiqliklarni bartaraf etish.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Vazirlar Mahkamasining 2024-yil 19-apreldagi 224-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Qishloq xoʻjaligida tuproqning agrokimyoviy tahlil tizimini takomillashtirish, ekin yerlarida tuproqning unumdorligini oshirish chora-tadbirlari toʻgʻrisida” 2019-yil 18-iyundagi 510-son qarorida :
a) 5-banddagi “Iqtisodiy taraqqiyot va kambagʻallikni qisqartirish vazirligi” soʻzlari “Iqtisodiyot va moliya vazirligi” soʻzlari bilan almashtirilsin;
b) 6-banddagi “Innovatsion rivojlanish vazirligi, Oʻsimliklar karantini va himoyasi agentligiga” soʻzlari “Oliy taʼlim, fan va innovatsiyalar vazirligi, Qishloq xoʻjaligi vazirligi huzuridagi Tuproqshunoslik va agrokimyoviy tadqiqotlar instituti hamda Oʻsimliklar karantini va himoyasi agentligiga” soʻzlari bilan almashtirilsin;
v) 1-ilovada :
1-bandning oʻn birinchi xatboshisi quyidagi tahrirda bayon etilsin:
“ tuproq — yer yuzasining tabiiy yoki antropogen omillar taʼsiri natijasida shakllanadigan, oʻsimliklarning yashashi uchun zarur unumdorlik xususiyatlariga ega bir nechta qatlamdan iborat boʻlgan ustki qismi”;
4-band quyidagi tahrirda bayon etilsin:
“4. Sugʻoriladigan qishloq xoʻjaligi yerlarida tuproqning agrokimyoviy tahlilini oʻtkazishda ilmiy-uslubiy rahbarlik Qishloq xoʻjaligi vazirligi huzuridagi Tuproqshunoslik va agrokimyoviy tadqiqotlar instituti (keyingi oʻrinlarda — Tuproqshunoslik va agrokimyoviy tadqiqotlar instituti) tomonidan amalga oshiriladi”;
6-bandning birinchi xatboshisi “Respublika agrokimyoviy tahlil markazi” soʻzlaridan oldin “Tuproqshunoslik va agrokimyoviy tadqiqotlar instituti hamda” soʻzlari bilan toʻldirilsin;
9-banddagi “Oʻsimliklar karantini va himoyasi agentligi” soʻzlari “Qishloq xoʻjaligi vazirligi” soʻzlari bilan almashtirilsin;
37-band quyidagi tahrirda bayon etilsin:
“37. Tuproqning agrokimyoviy tahlili boʻyicha yakuniy maʼlumotlarni koʻrib chiqish yuzasidan har bir tumanda komissiya tuziladi. Mazkur komissiya tarkibiga tuman hokimining oʻrinbosari (rais), tuman qishloq xoʻjaligi boʻlimi boshligʻi (rais oʻrinbosari), Oʻsimliklar karantini va himoyasi tuman boʻlimi boshligʻi, tuman fermer, dehqon xoʻjaliklari va tomorqa yer egalari kengashi raisi kiritiladi”;
ilovada :
“I-bosqich, III-bosqich va IV-bosqich” pozitsiyalarining “Ijrochilar” ustuni “Respublika agrokimyoviy tahlil markazi” soʻzlaridan oldin “Tuproqshunoslik va agrokimyoviy tadqiqotlar instituti,” soʻzlari bilan toʻldirilsin;
“V-bosqich” pozitsiyasining “Tadbirlar” ustunidagi birinchi xatboshi quyidagi tahrirda bayon etilsin:
“Tuproqning agrokimyoviy tahlili boʻyicha yakuniy maʼlumotlarni koʻrib chiqish yuzasidan har bir tumanda komissiya tuziladi. Mazkur komissiya tarkibiga tuman hokimining oʻrinbosari (rais), tuman qishloq xoʻjaligi boʻlimi boshligʻi (rais oʻrinbosari), Oʻsimliklar karantini va himoyasi tuman boʻlimi boshligʻi, tuman fermer, dehqon xoʻjaliklari va tomorqa yer egalari kengashi raisi kiritiladi”.
2. Vazirlar Mahkamasining 2019-yil 9-iyuldagi 571-son qarori bilan tasdiqlangan Oʻzbekiston Respublikasi Qishloq xoʻjaligi vazirligi toʻgʻrisidagi nizomning 9-bandi quyidagi tahrirda bayon etilsin:
“9. Vazirlik tizimiga quyidagilar kiradi:
Vazirlik markaziy apparati;
Qoraqalpogʻiston Respublikasi Qishloq xoʻjaligi vazirligi, viloyatlar va Toshkent shahar qishloq xoʻjaligi boshqarmalari (keyingi oʻrinlarda — hududiy boʻlinmalar), tumanlar (Quvasoy shahar) qishloq xoʻjaligi boʻlimlari (keyingi oʻrinlarda — tuman (Quvasoy shahar) boʻlimlari);
Veterinariya va chorvachilikni rivojlantirish qoʻmitasi;
Ipakchilik va jun sanoatini rivojlantirish qoʻmitasi;
Oʻsimliklar karantini va himoyasi agentligi;
Agrosanoat majmui ustidan nazorat qilish inspeksiyasi;
Qishloq xoʻjaligida xizmatlar koʻrsatish agentligi;
Toshkent davlat agrar universiteti;
Urugʻchilikni rivojlantirish markazi;
Andijon qishloq xoʻjaligi va agrotexnologiyalar instituti;
Xalqaro qishloq xoʻjaligi universiteti;
Oziq-ovqat texnologiyasi va muhandisligi xalqaro instituti;
Qoraqalpogʻiston qishloq xoʻjaligi va agrotexnologiyalar instituti;
Termiz agrotexnologiyalar va innovatsion rivojlanish instituti;
Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazi;
Qishloq xoʻjaligi ekinlari navlarini sinash markazi;
Qishloq xoʻjaligi texnikasi va texnologiyalarini sertifikatlash va sinash davlat markazi;
“Qishloq xoʻjaligida bilim va innovatsiyalar milliy markazi” davlat muassasasi;
“Maʼmuriy-xoʻjalik xizmati” davlat muassasasi;
“Agrosanoatni raqamlashtirish markazi” MChJ;
Tuproqshunoslik va agrokimyoviy tadqiqotlar instituti;
“Agroservis operator” davlat unitar korxonasi;
“Oʻzbekiston Respublikasi davlat yer tuzishni loyihalash” davlat ilmiy-loyihalash instituti — “Oʻzdaverloyiha” davlat ilmiy-loyihalash instituti”.
3. Vazirlar Mahkamasining 2019-yil 17-iyuldagi 599-son qarori bilan tasdiqlangan Qishloq xoʻjaligiga moʻljallangan yerlarning yer kadastriga doir axborotni vazirliklar va idoralarning hamda mahalliy davlat hokimiyati organlarining rasmiy veb-saytlariga joylashtirish va ulardan foydalanish tartibi toʻgʻrisidagi nizomning 9-bandi “d” kichik bandi birinchi xatboshisidagi “va “Tuproq tarkibi va repozitoriysi, sifati tahlil markazi” davlat unitar korxonasi” soʻzlari chiqarib tashlansin.
4. Vazirlar Mahkamasining 2022-yil 7-iyundagi 311-son qarori bilan tasdiqlangan Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi toʻgʻrisidagi nizomning 13-bandi “b” kichik bandi beshinchi xatboshisi quyidagi tahrirda bayon etilsin:
“tuproqning agrokimyoviy tahlilini oʻtkazish dasturini tasdiqlaydi, qishloq xoʻjaligi yerlarining agrokimyoviy holati toʻgʻrisidagi axborotni maʼlumotlar bankiga, Qishloq xoʻjaligi vazirligining Geoaxborot tizimiga va “Yerlar degradatsiyasi” geportaliga kiritib boradi hamda tuproqqa oid maʼlumotlar fondida aks ettirish uchun Tuproqshunoslik va agrokimyoviy tadqiqotlar institutiga taqdim etadi”.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 19-aprel,
224-son