📅 2024-yil 24-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 24 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 24 апреля 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 24 April 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ички ишлар вазирлиги ҳузуридаги Жазони ижро этиш департаментининг фаолиятини самарали ташкил этишга доир қўшимча чора-тадбирлар тўғрисида
Ўзбекистон Республикаси Ички ишлар вазирлиги ҳузуридаги Жазони ижро этиш департаментининг таркибий ва ҳудудий тузилмалари шахсий таркибининг хизмат ва жанговар тайёргарлиги самарадорлигини янада ошириш мақсадида Вазирлар Маҳкамаси қарор қилади:
1. Ўзбекистон Республикаси Ички ишлар вазирлигининг Наманган вилояти Уйчи туманидаги 6-сон тергов ҳибсхонаси ҳудудида бўш турган 0,7 га ер майдонида Ички ишлар вазирлиги ҳузуридаги Жазони ижро этиш департаментининг марказлаштирилган жамғармаси маблағлари ҳисобидан, алоҳида юридик шахс ташкил этмаган ҳолда, Ички ишлар вазирлиги ҳузуридаги Жазони ижро этиш департаментининг (кейинги ўринларда — департамент) ўқув полигонини ташкил этиш тўғрисидаги таклифига розилик берилсин.
2. Қуйидагилар ўқув полигонининг асосий вазифалари этиб белгилансин:
малакали мутахассисларни жалб қилган ҳолда департамент таркибий ва ҳудудий бўлинмалари ходимларининг хизмат, жанговар, жисмоний ва ахлоқий-психологик тайёргарлигини мунтазам ошириб бориш;
департамент тезкор ҳаракатлар отряди билан амалий-тактик ўқув машғулотлари ўтказиш орқали ходимларнинг жанговар шайлигини ошириш;
департамент таркибий ва ҳудудий бўлинмаларида юзага келиши мумкин бўлган ностандарт вазиятларда ходимларда тезкор ва тўғри қарор қабул қилиш кўникмаларини шакллантириш бўйича қисқа муддатли ўқув йиғинларини ташкил этиш.
3. Белгилансинки, ўқув полигони фаолиятини йўлга қўйиш учун зарур бино ва иншоотларни қуриш бўйича:
Ички ишлар вазирлиги — буюртмачи функциясини амалга оширади;
бош лойиҳа ва пудрат ташкилотлари белгиланган тартибда ўтказиладиган тендер (танлов) натижаларига кўра аниқланади;
ўқув полигонининг бино ва иншоотларини қуриш, ўқув-методик хоналар, ахборот-ресурс маркази, тест маркази, ётоқхона, ошхона, ўқув-тактик шаҳарчалар (умумқўшин тўсиқлар йўлакчаси), саф майдони, спорт майдони (мини-стадион, воркаут), ер ости жанговар ўқ отиш тири ташкил этиш ва моддий-техник базасини шакллантириш департаментнинг марказлаштирилган жамғармаси маблағлари ҳисобидан амалга оширилади.
4. Ўзбекистон Республикаси Қурилиш ва уй-жой коммунал хўжалиги вазирлиги объектлар бўйича ишлаб чиқилган лойиҳа-смета ҳужжатларини белгиланган тартибда экспертизадан ўтказсин ва қурилиш-монтаж ишларининг сифатли бажарилиши устидан тизимли назорат ўрнатсин.
5. Ўзбекистон Республикаси Ички ишлар вазирлиги:
2024 йил 31 декабрга қадар ўқув полигонини қуриш бўйича лойиҳа-смета ҳужжатлари ишлаб чиқилишини;
2025 йил 31 декабрга қадар ўқув полигонини қуриш ишлари якунига етказилишини таъминласин.
6. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
7. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ва Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2024 йил 24 апрелдаги 232-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Ўзбекистон Республикаси Вазирлар Маҳкамасининг 2017 йил 23 октябрдаги 861-сон қарори билан тасдиқланган Ўзбекистон Республикаси Ички ишлар вазирлиги ҳузуридаги Жазони ижро этиш департаментининг Марказлаштирилган жамғармаси маблағларини шакллантириш ва улардан фойдаланиш тартиби тўғрисидаги низомнинг 5-бандида :
саккизинчи хатбоши «консалтинг» сўзидан кейин «, суд» сўзи билан тўлдирилсин;
қуйидаги мазмундаги ўн тўртинчи — ўн олтинчи хатбошилар билан тўлдирилсин:
«Ўзбекистон Республикасида қидирувда бўлган маҳкумларни (шахсларни) ушлаш жараёнида кўмаклашган фуқаролар, ички ишлар органлари ходимлари ва бошқа соҳа ходимларини рағбатлантириш;
Ўзбекистон Республикаси Президенти, Ўзбекистон Республикаси Президенти Администрацияси ҳамда Вазирлар Маҳкамасининг қарорлари ва топшириқлари асосида ҳомийлик хайрияларини ажратиш;
жазони ижро этиш муассасаларининг ишлаб чиқариш бўлинмаларига юқори малакали менежерларни (мутахассисларни), зарур мутахассисликка эга бўлмаган хизмат кўрсатувчи ходимларни фуқаролик-ҳуқуқий шартнома асосида жалб қилиш».
2. Ўзбекистон Республикаси Вазирлар Маҳкамасининг 2020 йил 5 мартдаги 128-сон қарори билан тасдиқланган Озодликдан маҳрум этиш туридаги жазони ижро этиш муассасалари тўғрисидаги низомда :
5-бандда :
иккинчи ва учинчи хатбошилар чиқариб ташлансин;
тўртинчи хатбоши иккинчи хатбоши деб ҳисоблансин ва қуйидаги таҳрирда баён этилсин:
«Жазони ижро этиш муассасалари хўжалик юритувчи бошқа субъектлар билан ҳамкорликда фаолият юритиш ҳуқуқига эга»;
6-банд қуйидаги таҳрирда баён этилсин:
«6. Жазони ижро этиш муассасаларининг бинолари ва ҳудудлари қонунчилик ҳужжатларида белгиланган тартибда режимли объектлар тоифасига киради»;
24-банднинг тўртинчи ва бешинчи хатбошилари қуйидаги таҳрирда баён этилсин:
«маҳкумларни тарбиялаш, улар томонидан ҳуқуқбузарликлар содир этилишининг олдини олиш, шунингдек, уларга озод этилганидан сўнг ижтимоий мослашуви учун кўмаклашиш фаолиятини ташкил этиш;
жазони ижро этиш муассасаларининг молия-хўжалик ва ишлаб чиқариш фаолияти самарадорлигини ошириш орқали маҳкумларнинг бандлигини таъминлаш»;
25-бандда :
«а» кичик бандининг тўртинчи хатбошида «ЖИЭББга» сўзлари «ЖИЭДга» сўзлари билан алмаштирилсин;
«б» кичик бандида :
қуйидаги мазмундаги бешинчи хатбоши билан тўлдирилсин:
«маҳкумлар орасида кўнгилли ёнғин ўчириш отрядларини ташкил этиш ва уларга тушунтиришлар беришда Ўзбекистон Республикаси Фавқулодда вазиятлар вазирлигининг ҳудудий тузилмалари билан ҳамкорлик қилади»;
бешинчи — тўққизинчи хатбошилар тегишлича олтинчи — ўнинчи хатбошилар деб ҳисоблансин;
«в» кичик бандининг биринчи хатбоши қуйидаги таҳрирда баён этилсин:
«в) маҳкумларни тарбиялаш, улар томонидан ҳуқуқбузарликлар содир этилишининг олдини олиш, шунингдек, уларга озод этилганидан сўнг ижтимоий мослашуви учун кўмаклашиш фаолиятини ташкил этиш соҳасида»;
«г» кичик бандида :
биринчи хатбоши қуйидаги таҳрирда баён этилсин:
«г) жазони ижро этиш муассасаларининг молия-хўжалик ва ишлаб чиқариш фаолияти самарадорлигини ошириш орқали маҳкумларнинг бандлигини таъминлаш соҳасида»;
учинчи хатбоши қуйидаги таҳрирда баён этилсин:
«жазони ижро этиш муассасалари ишлаб чиқариш ҳамда қишлоқ хўжалиги фаолиятини ташкил этади ва ривожлантиришга кўмаклашади»;
26-бандда :
бешинчи хатбоши қуйидаги таҳрирда баён этилсин:
«ЖИЭД билан биргаликда Ўзбекистон Республикаси Олий Мажлисининг Инсон ҳуқуқлари бўйича вакили (Омбудсман), Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Инсон ҳуқуқлари бўйича Ўзбекистон Республикаси Миллий маркази ҳамда бошқа ташкилотлар билан ҳамкорлик қилиш»;
саккизинчи хатбошидан «ўрта махсус» сўзлари чиқариб ташлансин;
ўнинчи хатбоши «Ўзбекистон Республикаси» сўзларидан кейин «Иқтисодиёт ва» сўзлари билан тўлдирилсин.
Ўзбекистон Республикасининг Бош вазири А. АРИПОВ
Тошкент ш.,
2024 йил 24 апрель,
232-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Ichki ishlar vazirligi huzuridagi Jazoni ijro etish departamentining faoliyatini samarali tashkil etishga doir qoʻshimcha chora-tadbirlar toʻgʻrisida
Oʻzbekiston Respublikasi Ichki ishlar vazirligi huzuridagi Jazoni ijro etish departamentining tarkibiy va hududiy tuzilmalari shaxsiy tarkibining xizmat va jangovar tayyorgarligi samaradorligini yanada oshirish maqsadida Vazirlar Mahkamasi qaror qiladi:
1. Oʻzbekiston Respublikasi Ichki ishlar vazirligining Namangan viloyati Uychi tumanidagi 6-son tergov hibsxonasi hududida boʻsh turgan 0,7 ga yer maydonida Ichki ishlar vazirligi huzuridagi Jazoni ijro etish departamentining markazlashtirilgan jamgʻarmasi mablagʻlari hisobidan, alohida yuridik shaxs tashkil etmagan holda, Ichki ishlar vazirligi huzuridagi Jazoni ijro etish departamentining (keyingi oʻrinlarda — departament) oʻquv poligonini tashkil etish toʻgʻrisidagi taklifiga rozilik berilsin.
2. Quyidagilar oʻquv poligonining asosiy vazifalari etib belgilansin:
malakali mutaxassislarni jalb qilgan holda departament tarkibiy va hududiy boʻlinmalari xodimlarining xizmat, jangovar, jismoniy va axloqiy-psixologik tayyorgarligini muntazam oshirib borish;
departament tezkor harakatlar otryadi bilan amaliy-taktik oʻquv mashgʻulotlari oʻtkazish orqali xodimlarning jangovar shayligini oshirish;
departament tarkibiy va hududiy boʻlinmalarida yuzaga kelishi mumkin boʻlgan nostandart vaziyatlarda xodimlarda tezkor va toʻgʻri qaror qabul qilish koʻnikmalarini shakllantirish boʻyicha qisqa muddatli oʻquv yigʻinlarini tashkil etish.
3. Belgilansinki, oʻquv poligoni faoliyatini yoʻlga qoʻyish uchun zarur bino va inshootlarni qurish boʻyicha:
Ichki ishlar vazirligi — buyurtmachi funksiyasini amalga oshiradi;
bosh loyiha va pudrat tashkilotlari belgilangan tartibda oʻtkaziladigan tender (tanlov) natijalariga koʻra aniqlanadi;
oʻquv poligonining bino va inshootlarini qurish, oʻquv-metodik xonalar, axborot-resurs markazi, test markazi, yotoqxona, oshxona, oʻquv-taktik shaharchalar (umumqoʻshin toʻsiqlar yoʻlakchasi), saf maydoni, sport maydoni (mini-stadion, vorkaut), yer osti jangovar oʻq otish tiri tashkil etish va moddiy-texnik bazasini shakllantirish departamentning markazlashtirilgan jamgʻarmasi mablagʻlari hisobidan amalga oshiriladi.
4. Oʻzbekiston Respublikasi Qurilish va uy-joy kommunal xoʻjaligi vazirligi obyektlar boʻyicha ishlab chiqilgan loyiha-smeta hujjatlarini belgilangan tartibda ekspertizadan oʻtkazsin va qurilish-montaj ishlarining sifatli bajarilishi ustidan tizimli nazorat oʻrnatsin.
5. Oʻzbekiston Respublikasi Ichki ishlar vazirligi:
2024-yil 31-dekabrga qadar oʻquv poligonini qurish boʻyicha loyiha-smeta hujjatlari ishlab chiqilishini;
2025-yil 31-dekabrga qadar oʻquv poligonini qurish ishlari yakuniga yetkazilishini taʼminlasin.
6. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
7. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov va Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2024-yil 24-apreldagi 232-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Vazirlar Mahkamasining 2017-yil 23-oktabrdagi 861-son qarori bilan tasdiqlangan Oʻzbekiston Respublikasi Ichki ishlar vazirligi huzuridagi Jazoni ijro etish departamentining Markazlashtirilgan jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 5-bandida :
sakkizinchi xatboshi “konsalting” soʻzidan keyin “, sud” soʻzi bilan toʻldirilsin;
quyidagi mazmundagi oʻn toʻrtinchi — oʻn oltinchi xatboshilar bilan toʻldirilsin:
“Oʻzbekiston Respublikasida qidiruvda boʻlgan mahkumlarni (shaxslarni) ushlash jarayonida koʻmaklashgan fuqarolar, ichki ishlar organlari xodimlari va boshqa soha xodimlarini ragʻbatlantirish;
Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi hamda Vazirlar Mahkamasining qarorlari va topshiriqlari asosida homiylik xayriyalarini ajratish;
jazoni ijro etish muassasalarining ishlab chiqarish boʻlinmalariga yuqori malakali menejerlarni (mutaxassislarni), zarur mutaxassislikka ega boʻlmagan xizmat koʻrsatuvchi xodimlarni fuqarolik-huquqiy shartnoma asosida jalb qilish”.
2. Oʻzbekiston Respublikasi Vazirlar Mahkamasining 2020-yil 5-martdagi 128-son qarori bilan tasdiqlangan Ozodlikdan mahrum etish turidagi jazoni ijro etish muassasalari toʻgʻrisidagi nizomda :
5-bandda :
ikkinchi va uchinchi xatboshilar chiqarib tashlansin;
toʻrtinchi xatboshi ikkinchi xatboshi deb hisoblansin va quyidagi tahrirda bayon etilsin:
“Jazoni ijro etish muassasalari xoʻjalik yurituvchi boshqa subyektlar bilan hamkorlikda faoliyat yuritish huquqiga ega”;
6-band quyidagi tahrirda bayon etilsin:
“6. Jazoni ijro etish muassasalarining binolari va hududlari qonunchilik hujjatlarida belgilangan tartibda rejimli obyektlar toifasiga kiradi”;
24-bandning toʻrtinchi va beshinchi xatboshilari quyidagi tahrirda bayon etilsin:
“mahkumlarni tarbiyalash, ular tomonidan huquqbuzarliklar sodir etilishining oldini olish, shuningdek, ularga ozod etilganidan soʻng ijtimoiy moslashuvi uchun koʻmaklashish faoliyatini tashkil etish;
jazoni ijro etish muassasalarining moliya-xoʻjalik va ishlab chiqarish faoliyati samaradorligini oshirish orqali mahkumlarning bandligini taʼminlash”;
25-bandda :
“a” kichik bandining toʻrtinchi xatboshida “JIEBBga” soʻzlari “JIEDga” soʻzlari bilan almashtirilsin;
“b” kichik bandida :
quyidagi mazmundagi beshinchi xatboshi bilan toʻldirilsin:
“mahkumlar orasida koʻngilli yongʻin oʻchirish otryadlarini tashkil etish va ularga tushuntirishlar berishda Oʻzbekiston Respublikasi Favqulodda vaziyatlar vazirligining hududiy tuzilmalari bilan hamkorlik qiladi”;
beshinchi — toʻqqizinchi xatboshilar tegishlicha oltinchi — oʻninchi xatboshilar deb hisoblansin;
“v” kichik bandining birinchi xatboshi quyidagi tahrirda bayon etilsin:
“v) mahkumlarni tarbiyalash, ular tomonidan huquqbuzarliklar sodir etilishining oldini olish, shuningdek, ularga ozod etilganidan soʻng ijtimoiy moslashuvi uchun koʻmaklashish faoliyatini tashkil etish sohasida”;
“g” kichik bandida :
birinchi xatboshi quyidagi tahrirda bayon etilsin:
“g) jazoni ijro etish muassasalarining moliya-xoʻjalik va ishlab chiqarish faoliyati samaradorligini oshirish orqali mahkumlarning bandligini taʼminlash sohasida”;
uchinchi xatboshi quyidagi tahrirda bayon etilsin:
“jazoni ijro etish muassasalari ishlab chiqarish hamda qishloq xoʻjaligi faoliyatini tashkil etadi va rivojlantirishga koʻmaklashadi”;
26-bandda :
beshinchi xatboshi quyidagi tahrirda bayon etilsin:
“JIED bilan birgalikda Oʻzbekiston Respublikasi Oliy Majlisining Inson huquqlari boʻyicha vakili (Ombudsman), Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Inson huquqlari boʻyicha Oʻzbekiston Respublikasi Milliy markazi hamda boshqa tashkilotlar bilan hamkorlik qilish”;
sakkizinchi xatboshidan “oʻrta maxsus” soʻzlari chiqarib tashlansin;
oʻninchi xatboshi “Oʻzbekiston Respublikasi” soʻzlaridan keyin “Iqtisodiyot va” soʻzlari bilan toʻldirilsin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 24-aprel,
232-son