UzbekAI

Ўзбекистон Республикаси Президентининг

Қарори

РЎЙХАТИ

РЎЙХАТИ

ТАРКИБИ

УСТУВОР ВАЗИФАЛАРИ

Давлат иштирокидаги йирик корхоналарни трансформация қилиш ва хусусийлаштириш жараёнларини жадаллаштириш чора-тадбирлари тўғрисида

Мамлакатимизда иқтисодий ўсишни таъминлаш, миллий иқтисодиётнинг рақобатбардошлигини ошириш ва унда давлат иштирокини қисқартириш ҳамда тўғридан-тўғри хорижий инвестициялар оқимини кўпайтиришда хусусийлаштириш муҳим омил бўлиб қолмоқда.

Хусусан, ўтган уч йилда профессионал консультантлар орқали ташкил этилган оммавий савдолар натижаларига кўра, хорижий инвесторларга 26 та актив 1,3 миллиард АҚШ долларига сотилди.

Давлат иштирокидаги йирик корхоналар ва тижорат банкларининг (кейинги ўринларда — давлат иштирокидаги йирик корхоналар) фаолият самарадорлигини ошириш, замонавий бошқарув тизимини жорий этиш ва уларни трансформация қилиш бўйича тизимли ишларни давом эттириш, шунингдек, ишлаб чиқаришни модернизация қилиш, техник ва технологик жиҳатдан қайта жиҳозлаш учун хусусийлаштириш орқали хорижий инвестицияларни жалб этишни жадаллаштириш мақсадида:

1. Қуйидагилар:

Профессионал консультантларни жалб қилган ҳолда халқаро бозорда оммавий савдоларга чиқариладиган акция пакетлари (улушлари) рўйхати 1-иловага мувофиқ;

Халқаро фонд бозорида акцияларининг бирламчи (IPO) ва (ёки) иккиламчи (SPO) оммавий таклифи ўтказиладиган давлат иштирокидаги йирик корхоналар рўйхати 2-иловага мувофиқ;

Давлат иштирокидаги йирик корхоналар устав капиталидаги акция пакетларини (улушларини) хусусийлаштириш олди тайёргарлик ишларини мувофиқлаштиришга масъул бўлган ишчи гуруҳлар (кейинги ўринларда — ишчи гуруҳлар) таркиби 3-иловага мувофиқ тасдиқлансин.

2. Ишчи гуруҳларнинг асосий вазифалари этиб қуйидагилар белгилансин:

давлат иштирокидаги йирик корхоналарнинг молиявий ҳисоботлари халқаро стандартлар асосида тайёрланишини таъминлаш;

савдо жараёнларини ташкил этиш учун профессионал консультантлар жалб этилиши ва давлат иштирокидаги йирик корхоналар томонидан нуфузли халқаро рейтинг ташкилотларининг барқарор кўрсаткичларига эришилишини мувофиқлаштириб бориш;

хорижий давлатлардаги қимматли қоғозлар бозорини тартибга солувчи органлар ва биржалар билан ўзаро ҳамкорлик қилинишини таъминлаш, тегишли меморандум ва шартномаларни тузиш учун музокаралар олиб бориш;

андеррайтерлар фаолиятини мувофиқлаштириш ва маркетинг материаллари тайёрланишини ташкил қилиш;

амалга оширилаётган ишлар юзасидан ҳар чоракда Давлат активларини хусусийлаштириш ва хусусийлаштириш жараёнларини мувофиқлаштириш бўйича давлат комиссиясига ахборот киритиб бориш.

Ишчи гуруҳлар бир ой муддатда бириктирилган корхоналардаги давлат акция пакетларини савдога чиқариш бўйича «йўл харитаси»ни ишлаб чиқиб, унинг Давлат активларини хусусийлаштириш ва хусусийлаштириш жараёнларини мувофиқлаштириш бўйича давлат комиссиясига (А. Арипов) тасдиқлаш учун киритилишини таъминласин.

3. Иқтисодиёт ва молия вазирлигининг давлат иштирокидаги йирик корхоналарни трансформация қилишда уларнинг раҳбар ва раҳбар ўринбосарларининг устувор вазифаларини 4-иловага мувофиқ белгилаш тўғрисидаги таклифи маъқуллансин.

Иқтисодиёт ва молия вазирлиги икки ой муддатда мазкур қарорга 4-иловада белгиланган устувор вазифалардан келиб чиқиб, давлат иштирокидаги йирик корхоналарнинг раҳбар ва раҳбар ўринбосарлари кесимида амалга ошириладиган ишлар бўйича чора-тадбирларнинг бошқарув органлари қарорлари асосида тасдиқланишини таъминласин.

4. Белгилансинки:

а) Иқтисодиёт ва молия вазирлиги акциядор бўлган давлат иштирокидаги йирик корхоналарни хусусийлаштиришга тайёрлаш, ишончли бошқарувчиларни жалб этиш ва мазкур жараёнларни мувофиқлаштириш учун халқаро консультантлар ва юридик хизмат кўрсатувчи ташкилотлар «UzAssets» инвестиция компанияси» АЖ томонидан жалб қилинади. Бунда:

«UzAssets» инвестиция компанияси» АЖ томонидан амалга ошириладиган харажатлар Давлат активларини бошқариш, трансформация ва хусусийлаштириш жамғармаси (кейинги ўринларда — Жамғарма) маблағлари ҳисобидан қоплаб берилади;

Жамғармадан ажратилган маблағлар «UzAssets» инвестиция компанияси» АЖнинг устав капиталидаги Иқтисодиёт ва молия вазирлигининг улушини оширишга йўналтирилади;

б) Давлат активларини бошқариш агентлиги (кейинги ўринларда — Давактив агентлиги) ва «UzAssets» инвестиция компанияси» АЖ давлат иштирокидаги йирик корхоналарни трансформация қилиш ва хусусийлаштириш олди тайёрлаш учун профессионал ташкилотларни (инвестиция воситачилари, ишончли бошқарувчилар, юридик хизмат кўрсатувчи ва консалтинг ташкилотлари, инвестиция банки, PR-компанияси ёки бошқа ихтисослашган компанияларни) қонунчилик ҳужжатларида белгиланган тартибда жалб этади.

Бунда, улар билан тузиладиган шартномалар ва шартномага оид қўшимча келишувлар «Лойиҳалар ва импорт контрактларини комплекс экспертиза қилиш маркази» ДУКда экспертизадан ўтказилмайди.

5. Иқтисодиёт ва молия вазирлиги ҳамда Давактив агентлиги Энергетика вазирлиги билан биргаликда 2024 йил 1 июлга қадар жалб этилган консультант таклифи асосида «Иссиқлик электр станциялари» АЖ устав капиталидаги 51 фоиз ва ундан юқори миқдордаги давлат улушини ёхуд унинг таркибидаги алоҳида иссиқлик электр станцияларини хусусийлаштиришни бошласин.

6. Давактив агентлиги кимё саноати корхоналарини хусусийлаштириш ва ислоҳ қилиш дастурига мувофиқ «Деҳқонобод калий заводи» АЖ устав капиталидаги давлат акциялар пакетини 2024 йил якунига қадар хусусийлаштириш жараёнини якунласин.

7. Иқтисодиёт ва молия вазирлиги ҳамда Давактив агентлиги 2024 йил 1 июлга қадар профессионал консультантларни жалб этган ҳолда «Samarqand Avtomobil zavodi» МЧЖ устав капиталидаги «Ўзавтосаноат» АЖнинг 75,2 фоиз улушини савдога чиқариш ишларини бошласин.

8. Белгилансинки, 2024 йил 1 июлдан бошлаб, давлат иштирокидаги йирик корхоналарда:

корпоратив бошқарув тизимини такомиллаштириш, жумладан бошқарув органлари фаолияти самарадорлигини янада ошириш учун кузатув кенгашига бўйсунадиган корпоратив котибият ташкил этилади;

корпоратив бошқарувнинг янгиланган қоидалари ва ахлоқ кодекси жорий этилади;

кузатув кенгашининг баённомаларини масофадан ахборот-коммуникация технологияларидан фойдаланган ҳолда электрон овоз бериш бюллетенлари орқали расмийлаштириш имконияти яратилади.

9. Давактив агентлиги Ташқи ишлар вазирлиги, Инвестициялар, саноат ва савдо вазирлиги, Иқтисодиёт ва молия вазирлиги, Ахборот ва оммавий коммуникациялар агентлиги ва Савдо-саноат палатаси билан биргаликда мазкур қарорга асосан хусусийлаштирилиши белгиланган активларнинг халқаро бозорларда савдоларини ташкил қилиш ва салоҳиятли инвесторларни жалб қилиш мақсадида хорижий оммавий ахборот воситалари ҳамда халқаро PR-консалтинг компаниялари ҳамкорлигида кенг қамровли тарғибот-ташвиқот ишларини ташкиллаштириш, шунингдек, давра суҳбатлари ва тақдимотлар («Road Show») ўтказиш чораларини кўрсин.

10. Мазкур қарорнинг ижросини самарали ташкил қилишга масъул этиб Бош вазир ўринбосари Ж.А. Қўчқоров ва Давлат активларини бошқариш агентлиги директори А.Ж. Ортиков белгилансин.

Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2024 йил 19 апрелдаги ПҚ-163-сон қарорига 1-ИЛОВА

Профессионал консультантларни жалб қилган ҳолда халқаро бозорда оммавий савдоларга чиқариладиган акция пакетлари (улушлари)

Т/р Ташкилот номи Жойлашган жойи Сотиладиган улуш миқдори (фоизда) Оммавий савдолар консультант жалб этиш оммавий савдони эълон қилиш 1. «Иссиқлик электр станциялари» АЖ Тошкент шаҳри 51 2024 йил II чорак 2025 йил II чорак 2. «Деҳқонобод калий заводи» АЖ Қашқадарё вилояти 100 2024 йил II чорак 2024 йил IV чорак 4. «Ўзагросуғурта» АЖ Тошкент шаҳри 94,5 2024 йил III чорак 2025 йил I чорак 5. «Inter Нotel» МЧЖ Тошкент шаҳри 100 2024 йил II чорак 2025 йил I чорак 6. «Samarqand Avtomobil zavodi» МЧЖ Самарқанд вилояти 75,2 2024 йил III чорак 2024 йил IV чорак 7. «Тошкент металлургия заводи» МЧЖ Тошкент шаҳри 49,9 2024 йил III чорак 2025 йил II чорак

Ўзбекистон Республикаси Президентининг 2024 йил 19 апрелдаги ПҚ-163-сон қарорига 2-ИЛОВА

Халқаро фонд бозорида акцияларининг бирламчи (IPO) ва (ёки) иккиламчи (SPO) оммавий таклифи ўтказиладиган давлат иштирокидаги йирик корхоналар

Т/р Акциядорлик жамияти номи Жойлашган ҳудуди Давлат улуши Сотиш шакли Савдони эълон қилиш муддати 1. «Навоий КМК» АЖ Навоий вилояти 5 фоизгача IPO 2025 йил III чорак 2. «Олмалиқ КМК» АЖ Тошкент вилояти 5 фоизгача IPO 2025 йил IV чорак 3. «Ўзбекгидроэнерго» АЖ Тошкент шаҳри 5 фоизгача SPO 2025 йил II чорак 4. «Ўзбектелеком» АЖ Тошкент шаҳри 5 фоизгача IPO 2025 йил IV чорак

Ўзбекистон Республикаси Президентининг 2024 йил 19 апрелдаги ПҚ-163-сон қарорига 3-ИЛОВА

Давлат иштирокидаги йирик корхоналар устав капиталидаги акция пакетларини (улушларини) хусусийлаштириш олди тайёргарлик ишларини мувофиқлаштиришга масъул бўлган ишчи гуруҳлар

Т/р Корхона номи Ишчи гуруҳлар 1. «Олмалиқ КМК» АЖ а.Н. Арипов Ўзбекистон Республикаси Бош вазири А.Ж. Ортиқов Давлат активларини бошқариш агентлиги директори О.З. Насритдинходжаев тоғ-кон саноати ва геология вазирининг биринчи ўринбосари 2. «Навоий КМК» АЖ Ж.А. Қўчқоров Ўзбекистон Республикаси Бош вазири ўринбосари Б.Ф. Исламов тоғ-кон саноати ва геология вазири Ж.Х. Қаршибаев иқтисодиёт ва молия вазири ўринбосари 3. «Ўзбекгидроэнерго» АЖ Ж.Т. Мирзамаҳмудов энергетика вазири А.Ж. Ортиқов Давлат активларини бошқариш агентлиги директори И.И. Норқулов иқтисодиёт ва молия вазирининг биринчи ўринбосари 4. «Иссиқлик электр станциялари» АЖ Ж.А. Қўчқоров Ўзбекистон Республикаси Бош вазири ўринбосари А.Ж. Ортиқов Давлат активларини бошқариш агентлиги директори А.И. Ахмедхаджаев энергетика вазирининг биринчи ўринбосари 5. «Деҳқонобод калий заводи» АЖ А.Ж. Ортиқов Давлат активларини бошқариш агентлиги директори Т.Р. Мухаммеджанов «Ўзкимёсаноат» АЖ бошқаруви раиси в.б. И.И. Норқулов иқтисодиёт ва молия вазирининг биринчи ўринбосари 6. «Ўзбектелеком» АК Н.Д. Хусанов Давлат активларини бошқариш агентлиги директорининг биринчи ўринбосари Ш.Х. Шерматов рақамли технологиялар вазири Ж.Ҳ. Каршибаев иқтисодиёт ва молия вазири ўринбосари 7. «Тошкент металлургия заводи» МЧЖ Ш.А. Вафаев Тикланиш ва тараққиёт жамғармаси ижрочи директори А.Э. Миралиев Давлат активларини бошқариш агентлиги директори ўринбосари О.З. Насритдинходжаев тоғ-кон саноати ва геология вазирининг биринчи ўринбосари 8. «UzAuto Motors» АЖ «UzAuto Motors Powertrain» АЖ «Samarqand avtomobil zavodi» МЧЖ Ж.Ҳ. Каршибаев иқтисодиёт ва молия вазири ўринбосари У.У. Розуқулов «Ўзавтосаноат» АЖ бошқаруви раиси С.М. Гулямов «UzAuto Motors Powertrain» АЖ директори 9. «Ўзагросуғурта» АЖ И.И. Норқулов иқтисодиёт ва молия вазирининг биринчи ўринбосари Н.Д. Хусанов Давлат активларини бошқариш агентлиги директорининг биринчи ўринбосари А.Я. Хайдаров иқтисодиёт ва молия вазири ўринбосари 10. «Inter hotel» МЧЖ А.Қ. Мирсоатов «Ўзмиллийбанк» АЖ бошқаруви раиси А.Э. Миралиев Давлат активларини бошқариш агентлиги директори ўринбосари Ж.Ҳ. Каршибаев иқтисодиёт ва молия вазири ўринбосари

Ўзбекистон Республикаси Президентининг 2024 йил 19 апрелдаги ПҚ-163-сон қарорига 4-ИЛОВА

Давлат иштирокидаги йирик корхоналарни трансформация қилишда уларнинг раҳбар ва раҳбар ўринбосарларининг

1. Корхоналарнинг рентабеллиги ва операцион самарадорлигини ошириш ҳисобига молиявий барқарорлигини таъминлаш.

2. Молиявий ҳисоботларни халқаро стандартлар (IFRS)га ўтказиш ва ошкор этиб борилишини таъминлаш.

3. Халқаро илғор амалиётдан келиб чиқиб корхоналар фаолиятига замонавий корпоратив бошқарув тизимини (жумладан ESG, ISO, CSR) жорий этиш ҳамда бошқарув органлари таркибига халқаро тажрибага эга соҳа мутахассисларини кенг жалб этиш.

4. Корхоналарнинг узоқ муддатли ривожланиш стратегияларини ишлаб чиқиш ва самарадорликнинг муҳим кўрсаткичларини (KPI) татбиқ этиш.

5. Инвестиция маблағларидан фойдаланиш самарадорлигини ошириш мақсадида мавжуд барча инвестиция лойиҳаларини қайта баҳолаш ҳамда уларни бошқаришга замонавий усулларни татбиқ этиш.

6. Маҳсулотларни ишлаб чиқаришда маҳаллийлаштиришни кенгайтириш ҳамда маҳаллий ишлаб чиқарувчиларни қўллаб-қувватлаш.

7. Корхоналарда замонавий ахборот технологияларидан кенг фойдаланиш, ишлаб чиқариш самарадорлигини оширишга қаратилган дастурий таъминотларни жорий қилиш.

8. Харидлар тизимининг шаффофлигини таъминлаш ҳамда коррупциядан ҳоли харидлар тизимини яратиш, харидлар жараёнини доимий аудитдан ўтказиш («форензик») чораларини кўриш.

9. Барқарор халқаро рейтинг кўрсаткичларига эришиш, улар бўйича халқаро стандартлар асосида хулосаларни олиш.

10. Носоҳавий активларни белгиланган тартибда таркибий ўзгартириш ва/ёки хусусийлаштириш чораларини кўриш.

11. Давлат кафолатлари ва мажбуриятларидан фойдаланмаган ҳолда корхоналарни ривожлантириш ва модернизация қилиш учун хорижий банклар ва капитал бозорларидан маблағларни, шунингдек, айланма маблағларни жалб этиш.

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 19 апрель,

ПҚ-163-сон

(Қонунчилик маълумотлари миллий базаси, 26.04.2024 й., 07/24/163/0300-сон; 27.12.2025 й., 06/25/259/1224-сон; 08.09.2026 й., 06/26/177/0904-сон)

lex.uz

Oʻzbekiston Respublikasi Prezidentining

Qarori

ROʻYXATI

ROʻYXATI

TARKIBI

USTUVOR VAZIFALARI

Davlat ishtirokidagi yirik korxonalarni transformatsiya qilish va xususiylashtirish jarayonlarini jadallashtirish chora-tadbirlari toʻgʻrisida

Mamlakatimizda iqtisodiy oʻsishni taʼminlash, milliy iqtisodiyotning raqobatbardoshligini oshirish va unda davlat ishtirokini qisqartirish hamda toʻgʻridan-toʻgʻri xorijiy investitsiyalar oqimini koʻpaytirishda xususiylashtirish muhim omil boʻlib qolmoqda.

Xususan, oʻtgan uch yilda professional konsultantlar orqali tashkil etilgan ommaviy savdolar natijalariga koʻra, xorijiy investorlarga 26 ta aktiv 1,3 milliard AQSH dollariga sotildi.

Davlat ishtirokidagi yirik korxonalar va tijorat banklarining (keyingi oʻrinlarda — davlat ishtirokidagi yirik korxonalar) faoliyat samaradorligini oshirish, zamonaviy boshqaruv tizimini joriy etish va ularni transformatsiya qilish boʻyicha tizimli ishlarni davom ettirish, shuningdek, ishlab chiqarishni modernizatsiya qilish, texnik va texnologik jihatdan qayta jihozlash uchun xususiylashtirish orqali xorijiy investitsiyalarni jalb etishni jadallashtirish maqsadida:

1. Quyidagilar:

Professional konsultantlarni jalb qilgan holda xalqaro bozorda ommaviy savdolarga chiqariladigan aksiya paketlari (ulushlari) roʻyxati 1-ilovaga muvofiq;

Xalqaro fond bozorida aksiyalarining birlamchi (IPO) va (yoki) ikkilamchi (SPO) ommaviy taklifi oʻtkaziladigan davlat ishtirokidagi yirik korxonalar roʻyxati 2-ilovaga muvofiq;

Davlat ishtirokidagi yirik korxonalar ustav kapitalidagi aksiya paketlarini (ulushlarini) xususiylashtirish oldi tayyorgarlik ishlarini muvofiqlashtirishga masʼul boʻlgan ishchi guruhlar (keyingi oʻrinlarda — ishchi guruhlar) tarkibi 3-ilovaga muvofiq tasdiqlansin.

2. Ishchi guruhlarning asosiy vazifalari etib quyidagilar belgilansin:

davlat ishtirokidagi yirik korxonalarning moliyaviy hisobotlari xalqaro standartlar asosida tayyorlanishini taʼminlash;

savdo jarayonlarini tashkil etish uchun professional konsultantlar jalb etilishi va davlat ishtirokidagi yirik korxonalar tomonidan nufuzli xalqaro reyting tashkilotlarining barqaror koʻrsatkichlariga erishilishini muvofiqlashtirib borish;

xorijiy davlatlardagi qimmatli qogʻozlar bozorini tartibga soluvchi organlar va birjalar bilan oʻzaro hamkorlik qilinishini taʼminlash, tegishli memorandum va shartnomalarni tuzish uchun muzokaralar olib borish;

anderrayterlar faoliyatini muvofiqlashtirish va marketing materiallari tayyorlanishini tashkil qilish;

amalga oshirilayotgan ishlar yuzasidan har chorakda Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasiga axborot kiritib borish.

Ishchi guruhlar bir oy muddatda biriktirilgan korxonalardagi davlat aksiya paketlarini savdoga chiqarish boʻyicha “yoʻl xaritasi”ni ishlab chiqib, uning Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasiga (A. Aripov) tasdiqlash uchun kiritilishini taʼminlasin.

3. Iqtisodiyot va moliya vazirligining davlat ishtirokidagi yirik korxonalarni transformatsiya qilishda ularning rahbar va rahbar oʻrinbosarlarining ustuvor vazifalarini 4-ilovaga muvofiq belgilash toʻgʻrisidagi taklifi maʼqullansin.

Iqtisodiyot va moliya vazirligi ikki oy muddatda mazkur qarorga 4-ilovada belgilangan ustuvor vazifalardan kelib chiqib, davlat ishtirokidagi yirik korxonalarning rahbar va rahbar oʻrinbosarlari kesimida amalga oshiriladigan ishlar boʻyicha chora-tadbirlarning boshqaruv organlari qarorlari asosida tasdiqlanishini taʼminlasin.

4. Belgilansinki:

a) Iqtisodiyot va moliya vazirligi aksiyador boʻlgan davlat ishtirokidagi yirik korxonalarni xususiylashtirishga tayyorlash, ishonchli boshqaruvchilarni jalb etish va mazkur jarayonlarni muvofiqlashtirish uchun xalqaro konsultantlar va yuridik xizmat koʻrsatuvchi tashkilotlar “UzAssets” investitsiya kompaniyasi” AJ tomonidan jalb qilinadi. Bunda:

“UzAssets” investitsiya kompaniyasi” AJ tomonidan amalga oshiriladigan xarajatlar Davlat aktivlarini boshqarish, transformatsiya va xususiylashtirish jamgʻarmasi (keyingi oʻrinlarda — Jamgʻarma) mablagʻlari hisobidan qoplab beriladi;

Jamgʻarmadan ajratilgan mablagʻlar “UzAssets” investitsiya kompaniyasi” AJning ustav kapitalidagi Iqtisodiyot va moliya vazirligining ulushini oshirishga yoʻnaltiriladi;

b) Davlat aktivlarini boshqarish agentligi (keyingi oʻrinlarda — Davaktiv agentligi) va “UzAssets” investitsiya kompaniyasi” AJ davlat ishtirokidagi yirik korxonalarni transformatsiya qilish va xususiylashtirish oldi tayyorlash uchun professional tashkilotlarni (investitsiya vositachilari, ishonchli boshqaruvchilar, yuridik xizmat koʻrsatuvchi va konsalting tashkilotlari, investitsiya banki, PR-kompaniyasi yoki boshqa ixtisoslashgan kompaniyalarni) qonunchilik hujjatlarida belgilangan tartibda jalb etadi.

Bunda, ular bilan tuziladigan shartnomalar va shartnomaga oid qoʻshimcha kelishuvlar “Loyihalar va import kontraktlarini kompleks ekspertiza qilish markazi” DUKda ekspertizadan oʻtkazilmaydi.

5. Iqtisodiyot va moliya vazirligi hamda Davaktiv agentligi Energetika vazirligi bilan birgalikda 2024-yil 1-iyulga qadar jalb etilgan konsultant taklifi asosida “Issiqlik elektr stansiyalari” AJ ustav kapitalidagi 51 foiz va undan yuqori miqdordagi davlat ulushini yoxud uning tarkibidagi alohida issiqlik elektr stansiyalarini xususiylashtirishni boshlasin.

6. Davaktiv agentligi kimyo sanoati korxonalarini xususiylashtirish va isloh qilish dasturiga muvofiq “Dehqonobod kaliy zavodi” AJ ustav kapitalidagi davlat aksiyalar paketini 2024-yil yakuniga qadar xususiylashtirish jarayonini yakunlasin.

7. Iqtisodiyot va moliya vazirligi hamda Davaktiv agentligi 2024-yil 1-iyulga qadar professional konsultantlarni jalb etgan holda “Samarqand Avtomobil zavodi” MCHJ ustav kapitalidagi “Oʻzavtosanoat” AJning 75,2 foiz ulushini savdoga chiqarish ishlarini boshlasin.

8. Belgilansinki, 2024-yil 1-iyuldan boshlab, davlat ishtirokidagi yirik korxonalarda:

korporativ boshqaruv tizimini takomillashtirish, jumladan boshqaruv organlari faoliyati samaradorligini yanada oshirish uchun kuzatuv kengashiga boʻysunadigan korporativ kotibiyat tashkil etiladi;

korporativ boshqaruvning yangilangan qoidalari va axloq kodeksi joriy etiladi;

kuzatuv kengashining bayonnomalarini masofadan axborot-kommunikatsiya texnologiyalaridan foydalangan holda elektron ovoz berish byulletenlari orqali rasmiylashtirish imkoniyati yaratiladi.

9. Davaktiv agentligi Tashqi ishlar vazirligi, Investitsiyalar, sanoat va savdo vazirligi, Iqtisodiyot va moliya vazirligi, Axborot va ommaviy kommunikatsiyalar agentligi va Savdo-sanoat palatasi bilan birgalikda mazkur qarorga asosan xususiylashtirilishi belgilangan aktivlarning xalqaro bozorlarda savdolarini tashkil qilish va salohiyatli investorlarni jalb qilish maqsadida xorijiy ommaviy axborot vositalari hamda xalqaro PR-konsalting kompaniyalari hamkorligida keng qamrovli targʻibot-tashviqot ishlarini tashkillashtirish, shuningdek, davra suhbatlari va taqdimotlar (“Road Show”) oʻtkazish choralarini koʻrsin.

10. Mazkur qarorning ijrosini samarali tashkil qilishga masʼul etib Bosh vazir oʻrinbosari J.A. Qoʻchqorov va Davlat aktivlarini boshqarish agentligi direktori A.J. Ortikov belgilansin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2024-yil 19-apreldagi PQ-163-son qaroriga 1-ILOVA

Professional konsultantlarni jalb qilgan holda xalqaro bozorda ommaviy savdolarga chiqariladigan aksiya paketlari (ulushlari)

T/r Tashkilot nomi Joylashgan joyi Sotiladigan ulush miqdori (foizda) Ommaviy savdolar konsultant jalb etish ommaviy savdoni eʼlon qilish 1. “Issiqlik elektr stansiyalari” AJ Toshkent shahri 51 2024-yil II chorak 2025-yil II chorak 2. “Dehqonobod kaliy zavodi” AJ Qashqadaryo viloyati 100 2024-yil II chorak 2024-yil IV chorak 4. “Oʻzagrosugʻurta” AJ Toshkent shahri 94,5 2024-yil III chorak 2025-yil I chorak 5. “Inter Notel” MCHJ Toshkent shahri 100 2024-yil II chorak 2025-yil I chorak 6. “Samarqand Avtomobil zavodi” MCHJ Samarqand viloyati 75,2 2024-yil III chorak 2024-yil IV chorak 7. “Toshkent metallurgiya zavodi” MCHJ Toshkent shahri 49,9 2024-yil III chorak 2025-yil II chorak

Oʻzbekiston Respublikasi Prezidentining 2024-yil 19-apreldagi PQ-163-son qaroriga 2-ILOVA

Xalqaro fond bozorida aksiyalarining birlamchi (IPO) va (yoki) ikkilamchi (SPO) ommaviy taklifi oʻtkaziladigan davlat ishtirokidagi yirik korxonalar

T/r Aksiyadorlik jamiyati nomi Joylashgan hududi Davlat ulushi Sotish shakli Savdoni eʼlon qilish muddati 1. “Navoiy KMK” AJ Navoiy viloyati 5 foizgacha IPO 2025-yil III chorak 2. “Olmaliq KMK” AJ Toshkent viloyati 5 foizgacha IPO 2025-yil IV chorak 3. “Oʻzbekgidroenergo” AJ Toshkent shahri 5 foizgacha SPO 2025-yil II chorak 4. “Oʻzbektelekom” AJ Toshkent shahri 5 foizgacha IPO 2025-yil IV chorak

Oʻzbekiston Respublikasi Prezidentining 2024-yil 19-apreldagi PQ-163-son qaroriga 3-ILOVA

Davlat ishtirokidagi yirik korxonalar ustav kapitalidagi aksiya paketlarini (ulushlarini) xususiylashtirish oldi tayyorgarlik ishlarini muvofiqlashtirishga masʼul boʻlgan ishchi guruhlar

T/r Korxona nomi Ishchi guruhlar 1. “Olmaliq KMK” AJ a.N. Aripov Oʻzbekiston Respublikasi Bosh vaziri A.J. Ortiqov Davlat aktivlarini boshqarish agentligi direktori O.Z. Nasritdinxodjayev togʻ-kon sanoati va geologiya vazirining birinchi oʻrinbosari 2. “Navoiy KMK” AJ J.A. Qoʻchqorov Oʻzbekiston Respublikasi Bosh vaziri oʻrinbosari B.F. Islamov togʻ-kon sanoati va geologiya vaziri J.X. Qarshibayev iqtisodiyot va moliya vaziri oʻrinbosari 3. “Oʻzbekgidroenergo” AJ J.T. Mirzamahmudov energetika vaziri A.J. Ortiqov Davlat aktivlarini boshqarish agentligi direktori I.I. Norqulov iqtisodiyot va moliya vazirining birinchi oʻrinbosari 4. “Issiqlik elektr stansiyalari” AJ J.A. Qoʻchqorov Oʻzbekiston Respublikasi Bosh vaziri oʻrinbosari A.J. Ortiqov Davlat aktivlarini boshqarish agentligi direktori A.I. Axmedxadjayev energetika vazirining birinchi oʻrinbosari 5. “Dehqonobod kaliy zavodi” AJ A.J. Ortiqov Davlat aktivlarini boshqarish agentligi direktori T.R. Muxammedjanov “Oʻzkimyosanoat” AJ boshqaruvi raisi v.b. I.I. Norqulov iqtisodiyot va moliya vazirining birinchi oʻrinbosari 6. “Oʻzbektelekom” AK N.D. Xusanov Davlat aktivlarini boshqarish agentligi direktorining birinchi oʻrinbosari Sh.X. Shermatov raqamli texnologiyalar vaziri J.H. Karshibayev iqtisodiyot va moliya vaziri oʻrinbosari 7. “Toshkent metallurgiya zavodi” MCHJ Sh.A. Vafayev Tiklanish va taraqqiyot jamgʻarmasi ijrochi direktori A.E. Miraliyev Davlat aktivlarini boshqarish agentligi direktori oʻrinbosari O.Z. Nasritdinxodjayev togʻ-kon sanoati va geologiya vazirining birinchi oʻrinbosari 8. “UzAuto Motors” AJ “UzAuto Motors Powertrain” AJ “Samarqand avtomobil zavodi” MCHJ J.H. Karshibayev iqtisodiyot va moliya vaziri oʻrinbosari U.U. Rozuqulov “Oʻzavtosanoat” AJ boshqaruvi raisi S.M. Gulyamov “UzAuto Motors Powertrain” AJ direktori 9. “Oʻzagrosugʻurta” AJ I.I. Norqulov iqtisodiyot va moliya vazirining birinchi oʻrinbosari N.D. Xusanov Davlat aktivlarini boshqarish agentligi direktorining birinchi oʻrinbosari A.Ya. Xaydarov iqtisodiyot va moliya vaziri oʻrinbosari 10. “Inter hotel” MCHJ A.Q. Mirsoatov “Oʻzmilliybank” AJ boshqaruvi raisi A.E. Miraliyev Davlat aktivlarini boshqarish agentligi direktori oʻrinbosari J.H. Karshibayev iqtisodiyot va moliya vaziri oʻrinbosari

Oʻzbekiston Respublikasi Prezidentining 2024-yil 19-apreldagi PQ-163-son qaroriga 4-ILOVA

Davlat ishtirokidagi yirik korxonalarni transformatsiya qilishda ularning rahbar va rahbar oʻrinbosarlarining

1. Korxonalarning rentabelligi va operatsion samaradorligini oshirish hisobiga moliyaviy barqarorligini taʼminlash.

2. Moliyaviy hisobotlarni xalqaro standartlar (IFRS)ga oʻtkazish va oshkor etib borilishini taʼminlash.

3. Xalqaro ilgʻor amaliyotdan kelib chiqib korxonalar faoliyatiga zamonaviy korporativ boshqaruv tizimini (jumladan ESG, ISO, CSR) joriy etish hamda boshqaruv organlari tarkibiga xalqaro tajribaga ega soha mutaxassislarini keng jalb etish.

4. Korxonalarning uzoq muddatli rivojlanish strategiyalarini ishlab chiqish va samaradorlikning muhim koʻrsatkichlarini (KPI) tatbiq etish.

5. Investitsiya mablagʻlaridan foydalanish samaradorligini oshirish maqsadida mavjud barcha investitsiya loyihalarini qayta baholash hamda ularni boshqarishga zamonaviy usullarni tatbiq etish.

6. Mahsulotlarni ishlab chiqarishda mahalliylashtirishni kengaytirish hamda mahalliy ishlab chiqaruvchilarni qoʻllab-quvvatlash.

7. Korxonalarda zamonaviy axborot texnologiyalaridan keng foydalanish, ishlab chiqarish samaradorligini oshirishga qaratilgan dasturiy taʼminotlarni joriy qilish.

8. Xaridlar tizimining shaffofligini taʼminlash hamda korrupsiyadan holi xaridlar tizimini yaratish, xaridlar jarayonini doimiy auditdan oʻtkazish (“forenzik”) choralarini koʻrish.

9. Barqaror xalqaro reyting koʻrsatkichlariga erishish, ular boʻyicha xalqaro standartlar asosida xulosalarni olish.

10. Nosohaviy aktivlarni belgilangan tartibda tarkibiy oʻzgartirish va/yoki xususiylashtirish choralarini koʻrish.

11. Davlat kafolatlari va majburiyatlaridan foydalanmagan holda korxonalarni rivojlantirish va modernizatsiya qilish uchun xorijiy banklar va kapital bozorlaridan mablagʻlarni, shuningdek, aylanma mablagʻlarni jalb etish.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 19-aprel,

PQ-163-son

(Qonunchilik maʼlumotlari milliy bazasi, 26.04.2024-y., 07/24/163/0300-son; 27.12.2025-y., 06/25/259/1224-son; 08.09.2026-y., 06/26/177/0904-son)

lex.uz

Президента Республики Узбекистан

Постановление

пакетов акций (долей), выставляемых на публичные торги на международном рынке с привлечением профессиональных консультантов

крупных предприятий с государственным участием, первичное (IPO) и (или) вторичное (SPO) публичное предложение акций которых будет проведено на международном фондовом рынке

СОСТАВ

ПРИОРИТЕТНЫЕ ЗАДАЧИ

О мерах по трансформации и ускорению процессов приватизации крупных предприятий с государственным участием

В обеспечении экономического роста в стране, повышении конкурентоспособности национальной экономики и сокращении участия государства в ней, а также увеличении потока прямых иностранных инвестиций важным фактором является приватизация.

В частности, по результатам публичных торгов, организованных за последние три года профессиональными консультантами, зарубежным инвесторам реализованы 26 активов на 1,3 миллиарда долларов США.

В целях повышения эффективности деятельности крупных предприятий и коммерческих банков с государственным участием (далее — крупные предприятия с государственным участием), внедрения современной системы управления, продолжения системной работы по их трансформации, а также ускорения привлечения иностранных инвестиций путем приватизации для модернизации, технического и технологического переоснащения производства:

1. Утвердить:

Перечень пакетов акций (долей), выставляемых на публичные торги на международном рынке с привлечением профессиональных консультантов, согласно приложению № 1 ;

Перечень крупных предприятий с государственным участием, первичное (IPO) и (или) вторичное (SPO) публичное предложение акций которых будет проведено на международном фондовом рынке, согласно приложению № 2 ;

Состав рабочих групп, ответственных за координацию работ по предприватизационной подготовке пакетов акций (долей) в уставном капитале крупных предприятий с государственным участием (далее — рабочие группы), согласно приложению № 3 .

2. Определить основными задачами рабочих групп:

обеспечение подготовки финансовых отчетов крупных предприятий с государственным участием на основе международных стандартов;

осуществление координации привлечения профессиональных консультантов для организации процессов торгов и достижения крупными предприятиями с государственным участием устойчивых показателей авторитетных международных рейтинговых организаций;

обеспечение взаимодействия с органами, регулирующими рынок ценных бумаг, и биржами в зарубежных государствах, проведение переговоров для заключения соответствующих меморандумов и договоров;

координацию деятельности андеррайтеров и организацию подготовки маркетинговых материалов;

внесение ежеквартально в Государственную комиссию по приватизации государственных активов и координации процессов приватизации информации об осуществляемой работе.

Рабочим группам в месячный срок разработать «Дорожную карту» по выставлению на торги государственных пакетов акций закрепленных предприятий и обеспечить ее внесение на утверждение в Государственную комиссию по приватизации государственных активов и координации процессов приватизации (А. Арипов).

3. Одобрить предложение Министерства экономики и финансов об определении приоритетных задач руководителей и заместителей руководителей крупных предприятий с государственным участием в процессе их трансформации согласно приложению № 4 .

Министерству экономики и финансов в двухмесячный срок исходя из приоритетных задач, определенных в приложении № 4 к настоящему постановлению, обеспечить утверждение мер по работам, предстоящим к осуществлению в разрезе руководителей и заместителей руководителей крупных предприятий с государственным участием, на основе решений их органов управления.

4. Установить, что:

а) международные консультанты и организации, оказывающие юридические услуги, привлекаются АО «Инвестиционная компания «UzAssets» для подготовки к приватизации крупных предприятий с государственным участием, акционером которых является Министерство экономики и финансов, привлечения доверительных управляющих и координации данных процессов. При этом:

расходы, осуществляемые АО «Инвестиционная компания «UzAssets», покрываются за счет средств Фонда управления, трансформации и приватизации государственных активов (далее — Фонд);

средства, выделенные из Фонда, направляются на увеличение доли Министерства экономики и финансов в уставном капитале АО «Инвестиционная компания «UzAssets»;

б) Агентство по управлению государственными активами (далее — Агентство госактивов) и АО «Инвестиционная компания «UzAssets» привлекают в порядке, установленном актами законодательства, профессиональные организации (инвестиционных посредников, доверительных управляющих, организации, оказывающие юридические услуги, и консалтинговые организации, инвестиционные банки, PR-компанию или другие специализированные компании) для трансформации и предприватизационной подготовки крупных предприятий с государственным участием.

При этом заключаемые с ними договоры и дополнительные соглашения к ним не подлежат проведению экспертизы в ГУП «Центр комплексной экспертизы проектов и импортных контрактов».

5. Министерству экономики и финансов, Агентству госактивов совместно с Министерством энергетики в срок до 1 июля 2024 года на основе предложения привлеченного консультанта начать приватизацию государственной доли в размере 51 процента и более в уставном капитале АО «Тепловые электрические станции» или отдельных тепловых электрических станций в его составе.

6. Агентству госактивов на основании программы приватизации и реформирования предприятий химической промышленности до конца 2024 года завершить процесс приватизации государственного пакета акций в уставном капитале АО «Дехканабадский калийный завод».

7. Министерству экономики и финансов и Агентству госактивов в срок до 1 июля 2024 года начать работу по выставлению на торги 75,2 процента доли АО «Узавтосаноат» в уставном капитале ООО «Samarqand Avtomobil zavodi» с привлечением профессиональных консультантов.

8. Определить, что начиная с 1 июля 2024 года на крупных предприятиях с государственным участием:

создается корпоративный секретариат, подчиняющийся наблюдательному совету, для совершенствования системы корпоративного управления, в частности, дальнейшего повышения эффективности деятельности органов управления;

внедряются обновленные правила корпоративного управления и кодекс этики;

создается возможность оформления протоколов наблюдательного совета в дистанционном режиме с использованием информационно-коммуникационных технологий посредством электронных бюллетеней голосования.

9. Агентству госактивов совместно с Министерством иностранных дел, Министерством инвестиций, промышленности и торговли, Министерством экономики и финансов, Агентством информации и массовых коммуникаций и Торгово-промышленной палатой в целях организации торгов активов, подлежащих приватизации на основании настоящего постановления, на международных рынках и привлечения потенциальных инвесторов принять меры по организации широкомасштабной информационно-разъяснительной работы, а также проведению «круглых столов» и презентаций (Road Show) в сотрудничестве с зарубежными средствами массовой информации и международными PR-консалтинговыми компаниями.

10. Возложить на заместителя Премьер-министра Д.А. Кучкарова и директора Агентства по управлению государственными активами А.Ж. Ортикова ответственность за эффективную организацию исполнения настоящего постановления.

Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ № 1 к постановлению Президента Республики Узбекистан от 19 апреля 2024 года № ПП-163

ПЕРЕЧЕНЬ

№ Наименование организации Местоположение Объем реализуемой доли (процент) Публичные торги привлечение консультанта объявление публичных торгов 1. АО «Тепловые электрические станции» город Ташкент 51 II квартал 2024 года II квартал 2025 года 2. АО «Дехканабадский калийный завод» Кашкадарьинская область 100 II квартал 2024 года IV квартал 2024 года 4. АО «Узагросугурта» город Ташкент 94,5 III квартал 2024 года I квартал 2025 года 5. ООО «Inter Нotel» город Ташкент 100 II квартал 2024 года I квартал 2025 года 6. ООО «Samarqand Avtomobil zavodi» Самаркандская область 75,2 III квартал 2024 года IV квартал 2024 года 7. ООО «Ташкентский металлургический завод» город Ташкент 49,9 III квартал 2024 года II квартал 2025 года

ПРИЛОЖЕНИЕ № 2 к постановлению Президента Республики Узбекистан от 19 апреля 2024 года № ПП-163

ПЕРЕЧЕНЬ

№ Наименование акционерного общества Месторасположение Государственная доля Форма реализации Сроки объявления торгов 1. АО «Навоийский ГМК» Навоийская область До 5 процентов IPO III квартал 2025 года 2. АО «Алмалыкский ГМК» Ташкентская область До 5 процентов IPO IV квартал 2025 года 3. АО «Узбекгидроэнерго» город Ташкент До 5 процентов SPO II квартал 2025 года 4. АО «Узбектелеком» город Ташкент До 5 процентов IPO IV квартал 2025 года

ПРИЛОЖЕНИЕ № 3 к постановлению Президента Республики Узбекистан от 19 апреля 2024 года № ПП-163

рабочих групп, ответственных за координацию работ по предприватизационной подготовке пакетов акций (долей) в уставном капитале крупных предприятий с государственным участием

№ Наименование предприятия Рабочие группы 1. АО «Алмалыкский ГМК» а.Н. Арипов Премьер-министр Республики Узбекистан А.Ж. Ортиков директор Агентства по управлению государственными активами О.З. Насритдинходжаев первый заместитель министра горнодобывающей промышленности и геологии 2. АО «Навоийский ГМК» Д.А. Кучкаров заместитель Премьер-министра Республики Узбекистан Б.Ф. Исламов министр горнодобывающей промышленности и геологии Ж.Х. Каршибаев заместитель министра экономики и финансов 3. АО «Узбекгидроэнерго» Ж.Т. Мирзамахмудов министр энергетики А.Ж. Ортиков директор Агентства по управлению государственными активами И.И. Норкулов первый заместитель министра экономики и финансов 4. АО «Тепловые электрические станции» Д.А. Кучкаров заместитель Премьер-министра Республики Узбекистан А.Ж. Ортиков директор Агентства по управлению государственными активами А.И. Ахмедхаджаев первый заместитель министра энергетики 5. АО «Дехканабадский калийный завод» А.Ж. Ортиков директор Агентства по управлению государственными активами Т.Р. Мухаммеджанов и.о. председателя правления АО «Узкимёсаноат» И.И. Норкулов первый заместитель министра экономики и финансов 6. АК «Узбектелеком» Н.Д. Хусанов первый заместитель директора Агентства по управлению государственными активами Ш.Х. Шерматов министр цифровых технологий Ж.Х. Каршибаев заместитель министра экономики и финансов 7. ООО «Ташкентский металлургический завод» Ш.А. Вафаев исполнительный директор Фонда реконструкции и развития А.Э. Миралиев заместитель директора Агентства по управлению государственными активами О.З. Насритдинходжаев первый заместитель министра горнодобывающей промышленности и геологии 8. АО «UzAuto Motors» АО «UzAuto Motors Powertrain» ООО «Samarqand avtomobil zavodi» Ж.Х. Каршибаев заместитель министра экономики и финансов У.У. Розукулов председатель правления АО «Узавтосаноат» С.М. Гулямов директор АО «UzAuto Motors Powertrain» 9. АО «Узагросугурта» И.И. Норкулов первый заместитель министра экономики и финансов Н.Д. Хусанов первый заместитель директора Агентства по управлению государственными активами А.Я. Хайдаров заместитель министра экономики и финансов 10. ООО «Inter hotel» А.К. Мирсоатов председатель правления АО «Узнацбанк» А.Э. Миралиев заместитель директора Агентства по управлению государственными активами Ж.Х. Каршибаев заместитель министра экономики и финансов

ПРИЛОЖЕНИЕ № 4 к постановлению Президента Республики Узбекистан от 19 апреля 2024 года № ПП-163

руководителей и заместителей руководителей крупных предприятий с государственным участием в процессе их трансформации

1. Обеспечение финансовой стабильности предприятий путем повышения их рентабельности и операционной эффективности.

2. Обеспечение перехода финансовой отчетности на международные стандарты (IFRS) и ее раскрытие.

3. Внедрение современной системы корпоративного управления (включая ESG, ISO, CSR) в деятельность предприятий исходя из передовой международной практики, а также широкое привлечение в состав органов управления специалистов сферы, обладающих международным опытом.

4. Разработка долгосрочных стратегий развития предприятий и внедрение ключевых показателей эффективности (KPI).

5. В целях повышения эффективности использования инвестиционных средств проведение переоценки всех существующих инвестиционных проектов и внедрение современных методов управления ими.

6. Расширение локализации при производстве продукции и поддержка отечественных производителей.

7. Широкое использование современных информационных технологий, внедрение программного обеспечения, направленного на повышение эффективности производства на предприятиях.

8. Обеспечение прозрачности системы закупок и создание свободной от коррупции системы закупок, принятие мер по постоянному аудиту процесса закупок («форензик»).

9. Достижение стабильных международных рейтинговых показателей, получение заключений по ним на основе международных стандартов.

10. Принятие мер по реструктуризации и/или приватизации непрофильных активов в установленном порядке.

11. Привлечение средств из зарубежных банков и рынков капитала, а также оборотных средств на развитие и модернизацию предприятий, без использования государственных гарантий и обязательств.

Президент Республики Узбекистан Ш. МИРЗИЁЕВ

г. Ташкент,

19 апреля 2024 г.,

№ ПП-163

(Национальная база данных законодательства, 26.04.2024 г., № 07/24/163/0300; 27.12.2025 г., № 06/25/259/1224)

lex.uz