UzbekAI

Ўзбекистон Республикаси Олий таълим, фан ва инновациялар вазирлиги Ўзбекистон Республикаси Камбағалликни қисқартириш ва бандлик вазирлигининг

Қарори

Профессионал таълим муассасалари педагог кадрлари ва муҳандис-педагог кадрларнинг бўш лавозимларни эгаллаш учун уларни танлов асосида танлаб олиш тўғрисидаги низомга ўзгартиришлар киритиш ҳақида

Ўзбекистон Республикасининг «Педагогнинг мақоми тўғрисида»ги Қонуни ҳамда Ўзбекистон Республикаси Президентининг 2023 йил 3 июлдаги ПҚ-200-сон «Маъмурий ислоҳотлар доирасида олий таълим, фан ва инновациялар соҳасида давлат бошқарувини самарали ташкил қилиш чора-тадбирлари тўғрисида»ги қарорига мувофиқ Ўзбекистон Республикаси Олий таълим, фан ва инновациялар вазирлиги ҳамда Камбағалликни қисқартириш ва бандлик вазирлиги қарор қилади:

1. Ўзбекистон Республикаси Олий ва ўрта махсус таълим вазирлиги Ўрта махсус, касб-ҳунар таълими маркази, Вазирлар Маҳкамаси ҳузуридаги Давлат тест маркази ҳамда Меҳнат ва аҳолини ижтимоий муҳофаза қилиш вазирлигининг 2005 йил 24 мартдаги 04/ҚҚ, 01-76, 01/1184-сон қарори (рўйхат рақами 1461, 2005 йил 28 март) (Ўзбекистон Республикаси қонун ҳужжатлари тўплами, 2005 й., 12-13-сон, 96-модда) билан тасдиқланган Профессионал таълим муассасалари педагог кадрлари ва муҳандис-педагог кадрларининг бўш лавозимларни эгаллаш учун уларни танлов асосида танлаб олиш тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси Олий таълим, фан ва инновациялар вазирлигининг 2024 йил 9 апрелдаги 5-Қ/Қ-сон ҳамда Камбағалликни қисқартириш ва бандлик вазирлигининг 2024 йил 8 апрелдаги 5-2024/В-сон қарорига ИЛОВА

Профессионал таълим муассасалари педагог кадрлари ва муҳандис-педагог кадрларининг бўш лавозимларни эгаллаш учун уларни танлов асосида танлаб олиш тўғрисидаги низомга киритилаётган ўзгартиришлар

1. Муқаддиманинг биринчи хатбошиси қуйидаги таҳрирда баён этилсин:

«Мазкур Низом профессионал таълим муассасаларининг бўш (вакант) ўқитувчи ва ишлаб чиқариш таълими усталари лавозимларига танлов ўтказиш тартибини белгилайди.».

2. 8-банд қуйидаги таҳрирда баён этилсин:

«8. Ўзбекистон Республикасининг «Педагогнинг мақоми тўғрисида»ги Қонунининг 15-моддаси биринчи ва иккинчи қисмларида қайд этилган шахслар танловга қўйилмайдилар.».

3. 9-банддаги «Олий ва ўрта махсус таълим вазирлигининг Қорақалпоғистон Республикаси, Тошкент шаҳар ва вилоятлар Касбий таълимни ривожлантириш ва мувофиқлаштириш ҳудудий бошқармалари» деган сўзлар «Қорақалпоғистон Республикаси Олий таълим, фан ва инновациялар вазирлиги, вилоятлар ва Тошкент шаҳар олий таълим, фан ва инновациялар бошқармалари» деган сўзлар билан алмаштирилсин.

Олий таълим, фан ва инновациялар вазири К. ШАРИПОВ

Камбағалликни қисқартириш ва бандлик вазири Б. МУСАЕВ

Тошкент ш.,

2024 йил 9 апрель,

Тошкент ш,

2024 йил 8 апрель,

5-Қ/Қ-сон

5-2024/В-сон

(Қонунчилик маълумотлари миллий базаси, 27.04.2024 й., 10/24/1461-3/0305-сон)

Oʻzbekiston Respublikasi Oliy taʼlim, fan va innovatsiyalar vazirligi Oʻzbekiston Respublikasi Kambagʻallikni qisqartirish va bandlik vazirligining

Qarori

Professional taʼlim muassasalari pedagog kadrlari va muhandis-pedagog kadrlarning boʻsh lavozimlarni egallash uchun ularni tanlov asosida tanlab olish toʻgʻrisidagi nizomga oʻzgartirishlar kiritish haqida

Oʻzbekiston Respublikasining “Pedagogning maqomi toʻgʻrisida”gi Qonuni hamda Oʻzbekiston Respublikasi Prezidentining 2023-yil 3-iyuldagi PQ-200-son “Maʼmuriy islohotlar doirasida oliy taʼlim, fan va innovatsiyalar sohasida davlat boshqaruvini samarali tashkil qilish chora-tadbirlari toʻgʻrisida”gi qaroriga muvofiq Oʻzbekiston Respublikasi Oliy taʼlim, fan va innovatsiyalar vazirligi hamda Kambagʻallikni qisqartirish va bandlik vazirligi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligi Oʻrta maxsus, kasb-hunar taʼlimi markazi, Vazirlar Mahkamasi huzuridagi Davlat test markazi hamda Mehnat va aholini ijtimoiy muhofaza qilish vazirligining 2005-yil 24-martdagi 04/QQ, 01-76, 01/1184-son qarori (roʻyxat raqami 1461, 2005-yil 28-mart) (Oʻzbekiston Respublikasi qonun hujjatlari toʻplami, 2005-y., 12-13-son, 96-modda) bilan tasdiqlangan Professional taʼlim muassasalari pedagog kadrlari va muhandis-pedagog kadrlarining boʻsh lavozimlarni egallash uchun ularni tanlov asosida tanlab olish toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Oliy taʼlim, fan va innovatsiyalar vazirligining 2024-yil 9-apreldagi 5-Q/Q-son hamda Kambagʻallikni qisqartirish va bandlik vazirligining 2024-yil 8-apreldagi 5-2024/V-son qaroriga ILOVA

Professional taʼlim muassasalari pedagog kadrlari va muhandis-pedagog kadrlarining boʻsh lavozimlarni egallash uchun ularni tanlov asosida tanlab olish toʻgʻrisidagi nizomga kiritilayotgan oʻzgartirishlar

1. Muqaddimaning birinchi xatboshisi quyidagi tahrirda bayon etilsin:

“Mazkur Nizom professional taʼlim muassasalarining boʻsh (vakant) oʻqituvchi va ishlab chiqarish taʼlimi ustalari lavozimlariga tanlov oʻtkazish tartibini belgilaydi.”.

2. 8-band quyidagi tahrirda bayon etilsin:

“8. Oʻzbekiston Respublikasining “Pedagogning maqomi toʻgʻrisida”gi Qonunining 15-moddasi birinchi va ikkinchi qismlarida qayd etilgan shaxslar tanlovga qoʻyilmaydilar.”.

3. 9-banddagi “Oliy va oʻrta maxsus taʼlim vazirligining Qoraqalpogʻiston Respublikasi, Toshkent shahar va viloyatlar Kasbiy taʼlimni rivojlantirish va muvofiqlashtirish hududiy boshqarmalari” degan soʻzlar “Qoraqalpogʻiston Respublikasi Oliy taʼlim, fan va innovatsiyalar vazirligi, viloyatlar va Toshkent shahar oliy taʼlim, fan va innovatsiyalar boshqarmalari” degan soʻzlar bilan almashtirilsin.

Oliy taʼlim, fan va innovatsiyalar vaziri K. ShARIPOV

Kambagʻallikni qisqartirish va bandlik vaziri B. MUSAYEV

Toshkent sh.,

2024-yil 9-aprel,

Toshkent sh,

2024-yil 8-aprel,

5-Q/Q-son

5-2024/V-son

(Qonunchilik maʼlumotlari milliy bazasi, 27.04.2024-y., 10/24/1461-3/0305-son)