📅 2024-yil 26-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 26 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 апреля 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 26 April 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Одам савдосига қарши курашиш ва муносиб меҳнат масалалари бўйича миллий комиссия қайта ташкил қилинганлиги муносабати билан Ўзбекистон Республикаси Ҳукуматининг айрим ҳужжатларига ўзгартиришлар киритиш тўғрисида
Ўзбекистон Республикаси Президентининг «Одам савдосига қарши курашиш ва муносиб меҳнат тамойилларини кенг жорий этишга оид қўшимча чора-тадбирлар тўғрисида» 2023 йил 21 декабрдаги ПФ-210-сон Фармони ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Одам савдосига қарши курашиш ва муносиб меҳнат тамойилларини кенг жорий этишга оид қўшимча чора-тадбирлар тўғрисида» 2023 йил 21 декабрдаги ПФ-210-сон Фармонига кўра:
а) Одам савдосига ва мажбурий меҳнатга қарши курашиш миллий комиссияси Одам савдосига қарши курашиш ва муносиб меҳнат масалалари бўйича миллий комиссия этиб қайта ташкил қилинганлиги;
б) Одам савдосига қарши курашиш ва муносиб меҳнат масалалари бўйича миллий комиссия:
Ўзбекистон Республикаси ички ишлар вазири — Миллий комиссия раисининг ўринбосари раҳбарлик қиладиган Одам савдосига қарши курашиш масалалари бўйича кичик комиссиядан;
Ўзбекистон Республикаси камбағалликни қисқартириш ва бандлик вазири — Миллий комиссия раисининг ўринбосари раҳбарлик қиладиган Муносиб меҳнат масалалари бўйича кичик комиссиядан иборат эканлиги маълумот учун қабул қилинсин.
2. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартиришлар киритилсин:
Одам савдосига қарши курашиш ва муносиб меҳнат масалалари бўйича миллий комиссия қайта ташкил қилинганлиги сабабли унинг ҳудудий комиссиялари ва Муносиб меҳнат масалалари бўйича кичик комиссиянинг номини ўзгартириш;
маъмурий ислоҳотлар доирасида Ўзбекистон Республикаси Камбағалликни қисқартириш ва бандлик вазирлиги сифатида қайта ташкил этилганлиги боис ушбу Вазирликнинг номини ўзгартириш.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Вазирлар Маҳкамасининг 2024 йил 26 апрелдаги 239-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг «Одам савдосидан жабрланган ёки одам савдосидан жабрланган деб тахмин қилинаётган шахсларни миллий даражадаги қайта йўналтириш тизимини тасдиқлаш тўғрисида» 2021 йил 8 февралдаги 60-сон қарорида :
а) 1-иловада :
7-банднинг бешинчи хатбошиси , 12-банднинг биринчи хатбошиси ва 46-банднинг биринчи ва тўртинчи хатбошиларидаги «Бандлик ва меҳнат муносабатлари» сўзлари «Камбағалликни қисқартириш ва бандлик» сўзлари билан алмаштирилсин;
8-банддаги «Одам савдосига ва мажбурий меҳнатга қарши курашиш бўйича ҳудудий комиссия» сўзлари «Одам савдосига қарши курашиш ва муносиб меҳнат масалалари бўйича ҳудудий комиссия (кейинги ўринларда — ҳудудий комиссия)» сўзлари билан алмаштирилсин;
31-банддаги «Одам савдосига ва мажбурий меҳнатга қарши курашиш бўйича ҳудудий комиссияга (кейинги ўринларда — ҳудудий комиссия)» сўзлари «ҳудудий комиссияга» сўзлари билан алмаштирилсин;
34-банднинг учинчи хатбошисидан «Одам савдосига ва мажбурий меҳнатга қарши курашиш бўйича» сўзлари чиқариб ташлансин;
78-банддаги «Мажбурий меҳнатга қарши курашиш» сўзлари «Муносиб меҳнат» сўзлари билан алмаштирилсин;
9-илованинг матнидаги «Одам савдосига ва мажбурий меҳнатга қарши курашиш» сўзлари «Одам савдосига қарши курашиш ва муносиб меҳнат масалалари» сўзлари билан алмаштирилсин;
10-илованинг матнидаги «Одам савдосига ва мажбурий меҳнатга қарши курашиш» сўзлари «Одам савдосига қарши курашиш ва муносиб меҳнат масалалари» сўзлари билан алмаштирилсин;
б) 2-иловада :
2-банди тўртинчи хатбошиси ҳамда 4-бандининг биринчи хатбошисидаг и «Одам савдосига ва мажбурий меҳнатга қарши курашиш» сўзлари «Одам савдосига қарши курашиш ва муносиб меҳнат масалалари» сўзлари билан алмаштирилсин;
6-банддан «Одам савдосига ва мажбурий меҳнатга қарши курашиш бўйича» сўзлари чиқариб ташлансин.
2. Вазирлар Маҳкамасининг 2021 йил 22 ноябрдаги 708-сон қарори билан тасдиқланган Одам савдоси соҳасидаги жиноятлар тўғрисидаги маълумотларнинг ягона ахборот базасини юритиш тартиби тўғрисидаги низомнинг 3-банди иккинчи хатбошисидаги «Одам савдосига ва мажбурий меҳнатга қарши курашиш» сўзлари «Одам савдосига қарши курашиш ва муносиб меҳнат масалалари» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2024 йил 26 апрель,
239-сон
Oʻzbekiston Respublikasi Vazirlar Mahkamasining
qarori
Odam savdosiga qarshi kurashish va munosib mehnat masalalari boʻyicha milliy komissiya qayta tashkil qilinganligi munosabati bilan Oʻzbekiston Respublikasi Hukumatining ayrim hujjatlariga oʻzgartirishlar kiritish toʻgʻrisida
Oʻzbekiston Respublikasi Prezidentining “Odam savdosiga qarshi kurashish va munosib mehnat tamoyillarini keng joriy etishga oid qoʻshimcha chora-tadbirlar toʻgʻrisida” 2023-yil 21-dekabrdagi PF-210-son Farmoni ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Odam savdosiga qarshi kurashish va munosib mehnat tamoyillarini keng joriy etishga oid qoʻshimcha chora-tadbirlar toʻgʻrisida” 2023-yil 21-dekabrdagi PF-210-son Farmoniga koʻra:
a) Odam savdosiga va majburiy mehnatga qarshi kurashish milliy komissiyasi Odam savdosiga qarshi kurashish va munosib mehnat masalalari boʻyicha milliy komissiya etib qayta tashkil qilinganligi;
b) Odam savdosiga qarshi kurashish va munosib mehnat masalalari boʻyicha milliy komissiya:
Oʻzbekiston Respublikasi ichki ishlar vaziri — Milliy komissiya raisining oʻrinbosari rahbarlik qiladigan Odam savdosiga qarshi kurashish masalalari boʻyicha kichik komissiyadan;
Oʻzbekiston Respublikasi kambagʻallikni qisqartirish va bandlik vaziri — Milliy komissiya raisining oʻrinbosari rahbarlik qiladigan Munosib mehnat masalalari boʻyicha kichik komissiyadan iborat ekanligi maʼlumot uchun qabul qilinsin.
2. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirishlar kiritilsin:
Odam savdosiga qarshi kurashish va munosib mehnat masalalari boʻyicha milliy komissiya qayta tashkil qilinganligi sababli uning hududiy komissiyalari va Munosib mehnat masalalari boʻyicha kichik komissiyaning nomini oʻzgartirish;
maʼmuriy islohotlar doirasida Oʻzbekiston Respublikasi Kambagʻallikni qisqartirish va bandlik vazirligi sifatida qayta tashkil etilganligi bois ushbu Vazirlikning nomini oʻzgartirish.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Vazirlar Mahkamasining 2024-yil 26-apreldagi 239-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Odam savdosidan jabrlangan yoki odam savdosidan jabrlangan deb taxmin qilinayotgan shaxslarni milliy darajadagi qayta yoʻnaltirish tizimini tasdiqlash toʻgʻrisida” 2021-yil 8-fevraldagi 60-son qarorida :
a) 1-ilovada :
7-bandning beshinchi xatboshisi , 12-bandning birinchi xatboshisi va 46-bandning birinchi va toʻrtinchi xatboshilaridagi “Bandlik va mehnat munosabatlari” soʻzlari “Kambagʻallikni qisqartirish va bandlik” soʻzlari bilan almashtirilsin;
8-banddagi “Odam savdosiga va majburiy mehnatga qarshi kurashish boʻyicha hududiy komissiya” soʻzlari “Odam savdosiga qarshi kurashish va munosib mehnat masalalari boʻyicha hududiy komissiya (keyingi oʻrinlarda — hududiy komissiya)” soʻzlari bilan almashtirilsin;
31-banddagi “Odam savdosiga va majburiy mehnatga qarshi kurashish boʻyicha hududiy komissiyaga (keyingi oʻrinlarda — hududiy komissiya)” soʻzlari “hududiy komissiyaga” soʻzlari bilan almashtirilsin;
34-bandning uchinchi xatboshisidan “Odam savdosiga va majburiy mehnatga qarshi kurashish boʻyicha” soʻzlari chiqarib tashlansin;
78-banddagi “Majburiy mehnatga qarshi kurashish” soʻzlari “Munosib mehnat” soʻzlari bilan almashtirilsin;
9-ilovaning matnidagi “Odam savdosiga va majburiy mehnatga qarshi kurashish” soʻzlari “Odam savdosiga qarshi kurashish va munosib mehnat masalalari” soʻzlari bilan almashtirilsin;
10-ilovaning matnidagi “Odam savdosiga va majburiy mehnatga qarshi kurashish” soʻzlari “Odam savdosiga qarshi kurashish va munosib mehnat masalalari” soʻzlari bilan almashtirilsin;
b) 2-ilovada :
2-bandi toʻrtinchi xatboshisi hamda 4-bandining birinchi xatboshisidag i “Odam savdosiga va majburiy mehnatga qarshi kurashish” soʻzlari “Odam savdosiga qarshi kurashish va munosib mehnat masalalari” soʻzlari bilan almashtirilsin;
6-banddan “Odam savdosiga va majburiy mehnatga qarshi kurashish boʻyicha” soʻzlari chiqarib tashlansin.
2. Vazirlar Mahkamasining 2021-yil 22-noyabrdagi 708-son qarori bilan tasdiqlangan Odam savdosi sohasidagi jinoyatlar toʻgʻrisidagi maʼlumotlarning yagona axborot bazasini yuritish tartibi toʻgʻrisidagi nizomning 3-bandi ikkinchi xatboshisidagi “Odam savdosiga va majburiy mehnatga qarshi kurashish” soʻzlari “Odam savdosiga qarshi kurashish va munosib mehnat masalalari” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 26-aprel,
239-son