📅 2024-yil 13-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 13 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 мая 2024 г. · Постановления Президента
Официальный текст. Официальный документ. Редакционные примечания не включены.
📅 13 May 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«ЙЎЛ ХАРИТАСИ»
«Термиз халқаро савдо маркази» эркин савдо зонаси фаолиятини йўлга қўйиш ва ривожлантириш бўйича қўшимча чора-тадбирлар тўғрисида
«Термиз халқаро савдо маркази» эркин савдо зонаси фаолиятини йўлга қўйиш ва ривожлантириш, республикада ишлаб чиқарилаётган саноат ва истеъмол товарларининг экспорт бозорини диверсификация қилиш ва янги транспорт-логистика тизимини ташкил этишни жадаллаштириш мақсадида:
1. Иқтисодиёт ва молия вазирлиги, Инвестициялар, саноат ва савдо вазирлиги, Транспорт вазирлиги, Божхона қўмитаси, Давлат хавфсизлик хизмати Чегара қўшинлари ва Сурхондарё вилояти ҳокимлигининг «Термиз халқаро савдо маркази» эркин савдо зонаси (кейинги ўринларда — Марказ) фаолиятини жадаллаштириш бўйича таклифлари маъқуллансин.
Белгилансинки, Марказ ҳудудида:
фаолият юритувчи Ўзбекистон Республикасида рўйхатга олинган тадбиркорлик субъектларига Афғонистон Ислом Республикаси фуқаролари, чет эл фуқаролари ва фуқаролиги бўлмаган шахсларни меҳнат фаолиятини амалга ошириш ҳуқуқи учун тасдиқнома олмасдан меҳнат шартномалари асосида ишга қабул қилишга рухсат берилади;
Афғонистон Ислом Республикаси ва Покистон Ислом Республикаси фуқароларига савдо дўконлари, хизмат кўрсатиш ва ишлаб чиқариш учун мўлжалланган бино ва иншоотларни ижарага олиш, шунингдек, истисно тариқасида, мулк ҳуқуқи билан сотиб олиш ҳуқуқи берилади. Бунда ер участкасига бўлган ҳуқуқ қонунчиликда белгиланган тартибда ижара ҳуқуқи асосида давлат рўйхатидан ўтказилади;
улгуржи ва чакана савдода тўлов воситаси сифатида, истисно тариқасида, ўзбек сўми билан бир вақтда АҚШ доллари, Россия рубли, евро, юань валюталарини қабул қилишга рухсат берилади. Бунда қабул қилинган нақд хорижий валюта Марказда ташкил этилган тижорат банклари филиаллари орқали Марказда фаолият юритадиган юридик шахсларнинг ҳисобварақларига ўтказилади;
Марказ ҳудудида ташкил этиладиган замонавий тиббиёт клиникасида Афғонистон Ислом Республикаси фуқароларига тиббий хизматлар кўрсатилади ҳамда ушбу клиникада даволаш имкони бўлмаган оғир турдаги касалликларга чалинган беморларга республика ҳудудида жойлашган давлат ва нодавлат тиббиёт муассасаларида даволаниш учун тиббий кириш визалари олиш учун йўлланма берилади;
Ўзбекистон Республикаси фуқаролари, чет эл фуқаролари, шунингдек, фуқаролиги бўлмаган шахслар Марказ ҳудудига шахсини тасдиқловчи ҳужжат асосида назорат-ўтказиш пунктларида белгиланган тартибда текширувдан ўтказилгандан сўнг киритилади ҳамда уларга Марказ ҳудудида ташкил этилган барча хизматлардан фойдаланиш имконияти яратилади;
чет эл фуқаролари ва фуқаролиги бўлмаган шахсларнинг Ўзбекистон Республикасига кириш визасини расмийлаштирмасдан, чегара ва божхона назоратидан ўтган ҳолда махсус йўлак орқали кириши (чиқиши) ҳамда ўн беш кун муддатгача Марказ ҳудудида бўлиши тартиби жорий этилади;
савдо дўконлари, хизмат кўрсатиш ва ишлаб чиқариш учун мўлжалланган бино ва иншоотларни олган, шунингдек, шартнома асосида ишлаш, таълим муассасаларида ўқиш, банк филиалларида фаолият юритиш, савдо-сотиқ ва бошқа фаолият тури билан шуғулланиш мақсадида ташриф буюраётган мамлакатда ўн беш кундан ортиқ муддат бўлишни режалаштирган чет эл фуқаролари ва фуқаролиги бўлмаган шахслар Ўзбекистон Республикасига кириш визасини расмийлаштирган ҳолда кириб келишлари талаб этилади.
2. Шундай тартиб ўрнатилсинки, унга мувофиқ Марказ ҳудудида:
сотиб олинган товарлар бўйича қўшилган қиймат солиғини қайтариш (Tax Free) қоидалари қўлланмайди;
харид қилинган товарлар Ўзбекистон Республикаси ҳудудига белгиланган тартибда божхона тўловлари тўлангандан сўнг олиб кирилади. Бунда божсиз олиб кириш нормалари татбиқ этилмайди;
жойлашган объектларни бошқариш, эксплуатация қилиш, ижарага бериш ва сотиш «Termez International Trade Centre» МЧЖ томонидан амалга оширилади;
жамоат тартибини сақлаш, содир этилган ҳуқуқбузарликлар бўйича суриштирув ва тергов тадбирларини ўтказиш қонунчилик ҳужжатларига мувофиқ белгиланган тартибда амалга оширилади.
3. Иқтисодиёт ва молия вазирлиги, Сурхондарё вилояти ҳокимлиги, Инвестициялар, саноат ва савдо вазирлиги, Тикланиш ва тараққиёт жамғармаси ҳамда «Сурхон саноат таъминот» МЧЖнинг қуйидаги таклифлари маъқуллансин:
Марказ ҳудудидаги бино ва иншоотларни мулкий мажмуа сифатида «Termez International Trade Centre» МЧЖга сотиш;
«Термиз халқаро савдо маркази» эркин савдо зонаси дирекцияси» давлат унитар корхонасини белгиланган тартибда тугатиш.
4. Тикланиш ва тараққиёт жамғармаси, Сурхондарё вилояти ҳокимлиги ва «Termez International Trade Centre» МЧЖнинг Сурхондарё вилояти ҳокимлигига Тикланиш ва тараққиёт жамғармаси маблағлари ҳисобидан Термиз халқаро савдо маркази объектлари қурилишига ажратилган 20 млн АҚШ доллари миқдоридаги кредит маблағларини қайтариш мажбуриятини «Termez International Trade Centre» МЧЖга ўтказиш ҳамда кредитнинг тўлов муддатини 2028 йил 31 декабрга қадар узайтириш тўғрисидаги таклифи маъқуллансин.
5. Марказ ҳудудини қўриқлаш, жамоат тартибини сақлаш ҳамда божхона расмийлаштирувини амалга ошириш учун Давлат хавфсизлик хизмати Чегара қўшинларига 129 та, Божхона қўмитасига 62 та, Ички ишлар вазирлигига 67 та штат бирлиги ажратилсин.
Ажратилаётган штат бирликларини инобатга олган ҳолда Марказ ҳудудида янги божхона пости ташкил этилсин.
Сурхондарё вилояти ҳокимлиги «Termez International Trade Centre» МЧЖ билан биргаликда божхона постини Марказ ҳудудида барпо этилган биноларга жойлаштириш чораларини кўрсин.
Қўшимча штат бирликларини сақлаш учун зарур маблағлар 2024 йилда тегишлича Божхона қўмитаси, Давлат хавфсизлик хизмати, Ички ишлар вазирлигига ажратилган бюджет маблағлари ҳисобидан, 2025 йилдан бошлаб умумий тартибда Давлат бюджетидан ажратилсин.
6. «Термиз халқаро савдо маркази» эркин савдо зонаси фаолиятини йўлга қўйиш ва ривожлантириш бўйича «йўл харитаси» (кейинги ўринларда — «Йўл харитаси») 1-иловага мувофиқ тасдиқлансин.
7. Ўзбекистон Республикаси Президентининг 2020 йил 12 ноябрдаги «Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида»ги ПФ-6109-сон Фармонига мувофиқ ташкил этилган Ишчи гуруҳ (А.Н. Арипов):
ҳар чоракда камида бир маротаба «Термиз халқаро савдо маркази» эркин савдо зонаси фаолиятини ташкил этиш ва ривожлантириш масалаларини кўриб чиқиб, тезкор қарорлар қабул қилиб борсин;
«Йўл харитаси»да белгиланган вазифалар бажарилишини доимий назорат қилиб борсин.
8. Ўзбекистон Республикаси Президентининг 2018 йил 12 апрелдаги «Ўзбекистон Республикаси Давлат божхона хизмати органларининг фаолиятини ташкил этиш тўғрисида»ги ПҚ-3665-сон қарорига 2-иловага мувофиқ ўзгартириш ва қўшимчалар киритилсин.
9. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Ходжаев, Сурхондарё вилояти ҳокими У.Б. Қосимов белгилансин.
Қарор ижроси бўйича масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 13 майдаги ПҚ-176-сон қарорига 1-ИЛОВА
«Термиз халқаро савдо маркази» эркин савдо зонаси фаолиятини йўлга қўйиш ва ривожлантириш бўйича
Т/р Чора-тадбир номи Амалга ошириладиган вазифалар Муддат Масъул ижрочилар 1. «Термиз халқаро савдо маркази» эркин савдо зонаси (кейинги ўринларда — Марказ) фаолиятини ташкил этиш. Эркин савдо зоналари фаолиятини ташкил этиш бўйича умумий талабларни белгиловчи норматив-ҳуқуқий ҳужжатни ишлаб чиқиш ва Вазирлар Маҳкамасига киритиш. 2024 йил июнь Инвестициялар, саноат ва савдо вазирлиги (Л. Кудратов) , Божхона қўмитаси (А. Мавлонов) 2. Чегара ва божхона хизмати ходимларининг Марказ ҳудудида фаолият юритиши учун қулай шароит яратиш. 1. Чегара ва божхона хизматини Марказ ҳудудида «ноль» қийматда ижара ҳуқуқи асосида жойлаштириш. 2024 йил 1 июнь «Termez International Trade Centre» МЧЖ 2. Коммунал хизмат, алоқа учун тўловларни Марказ маблағлари ҳисобидан молиялаштириш. Доимий равишда 3. Марказ ҳудудида доимий фаолият кўрсатадиган кўргазма-ярмаркани ташкил этиш. 1. Марказ ҳудудида маҳаллий ишлаб чиқарувчилар ва тадбиркорларнинг маҳсулотлари ва хизматлари намуналари жамланган доимий фаолият кўрсатадиган кўргазма-ярмаркани ташкил этиш. Марказ фаолияти бошлангач Инвестициялар, саноат ва савдо вазирлиги (Л. Кудратов) , Савдо-саноат палатаси (Д. Ваҳабов) 2. Кўргазма-ярмарка фаолияти билан Афғонистон Ислом Республикаси тадбиркорларини таништириш, уларга ишлаб чиқарувчилар билан шартномалар имзолашга кўмаклашиш. Доимий равишда 3. Кўргазма-ярмарка базасида Ўзбекистон-Афғонистон тадбиркорлари бизнес форумини ўтказиб бориш. Ҳар чоракда бир маротаба 4. Марказ ҳудудида мультивалюта тизимини йўлга қўйиб, чакана савдони ўзбек сўми, АҚШ доллари, Россия рубли, евро, юань валюталарида амалга оширишга рухсат бериш. Эркин савдо зоналарида мультивалюта тизимини жорий этишни назарда тутувчи таклиф ишлаб чиқиш ва белгиланган тартибда Вазирлар Маҳкамасига киритиш. 2024 йил 1 июль Марказий банк (М. Нурмуратов) 5. Марказ ҳудудида фаолият олиб борувчи чет эл фуқаролари ва фуқаролиги бўлмаган шахсларга фақатгина Марказда филиаллари мавжуд бўлган Ўзбекистон банкларида миллий ва халқаро тўлов тизимлари (Visa, Mastercard, UnionPay ва бошқалар) карталари очишга ва хизмат кўрсатишга рухсат бериш. Марказда филиаллари мавжуд бўлган Ўзбекистон банкларида миллий ва халқаро тўлов тизимлари карталари очиш ва хизмат кўрсатишни ташкил этишни назарда тутувчи таклиф ишлаб чиқиш ва белгиланган тартибда Вазирлар Маҳкамасига киритиш. 2024 йил 1 июль Марказий банк (М. Нурмуратов) 6. Марказ ҳудудида бизнес мактабини ташкил этиш. 1. Ўзбекистон-Афғонистон бизнес мактабини ташкил этиш бўйича зарур чора-тадбирларни амалга ошириш. 2024 йил 1 июль Олий таълим, фан ва инновациялар вазирлиги (К. Шарипов) , Ташқи ишлар вазирлиги (Б. Саидов) , «Termez International Trade Centre» МЧЖ 2. Ўзбекистон-Афғонистон бизнес мактабига мутасадди олий таълим муассасаларининг инглиз, форсий (урду, пушту) тилларида бизнес ва менежмент асослари курсларидан таълим бера оладиган профессор-ўқитувчиларни танлов асосида жалб этиш. 2024 йил август 3. Ўзбекистон-Афғонистон бизнес мактабига қабул қилинган талабаларга белгиланган тартибда кўп марталик визалар беришни ташкил этиш. Доимий равишда 7. Марказ ҳудудида ташкил этилган тиббиёт клиникаси йўлланмалари асосида Афғонистон фуқаролари бўлган беморларга даволаниш ва тиббий ёрдам олиш учун Ўзбекистон Республикаси ҳудудига кириш визаларини беришнинг соддалаштирилган тартибини жорий этиш. 1. Марказ ҳудудида жойлашган тиббиёт клиникасининг виза талабномаларини қабул қилиш ва кўриб чиқиш тартибини жорий этиш. 2. Виза талабномалари асосида кўп марталик визалар беришни ташкил этиш. 3. Афғонистон фуқароларига электрон виза беришни жадаллаштириш мақсадида Марказ ҳудудида янги инвестор томонидан виза маркази фаолиятини ташкил этишга кўмаклашиш. 2024 йил 1 август Ташқи ишлар вазирлиги (Б. Саидов) , «Termez International Trade Centre» МЧЖ 8. Афғонистон Ислом Республикасининг Мозори Шариф шаҳридан Марказ ҳудудигача (95 км) экспресс автобус қатновини йўлга қўйиш (Shuttle bus). 1. Афғонистон Ислом Республикаси билан йўловчи ташиш автобусларини бериш ва Мозори Шариф шаҳридан Марказ ҳудудигача қатновни ташкил этиш бўйича келишув имзолаш. 2024 йил якунига қадар «Termez International Trade Centre» МЧЖ 2. Афғонистон Ислом Республикасининг Мозори Шариф шаҳридан Марказ ҳудудигача автобус қатновини йўлга қўйиш. Доимий равишда 9. Афғонистон Ислом Республикаси ҳудудидан Ўзбекистон Республикаси ҳудудига юк ташувчи автотранспорт воситаларини Марказ ҳудудида ташкил этилган халқаро логистика марказида божхона назорати ва чегара назоратидан ўтказишни ташкил этиш. 1. Марказ ҳудудида Божхона қўмитаси тизимида янги ташқи иқтисодий фаолият божхона постини ташкил этиш. 2. Божхона постини барча зарур божхона назорати ўлчов ускуналари билан жиҳозлаш. 3. Божхона пости фаолиятини самарали ташкил этиш. 2024 йил 1 июнь Божхона қўмитаси (Б. Мавлонов) 10. Марказ ҳудудида қимматбаҳо металлардан заргарлик буюмлари ишлаб чиқаришга ихтисослашган корхоналарни ташкил этиш. 1. Марказ ҳудудида Афғонистон фуқароларидан аввал фойдаланишда бўлган заргарлик буюмларини қабул қилиб олиш марказини ташкил этиш. 2. Корхоналарга заргарликка оид қонунчиликда назарда тутилган имтиёз ва преференцияларни қўллаш. 2024 йил 1 июль «Termez International Trade Centre» МЧЖ, Савдо-саноат палатаси (Д. Ваҳабов) , Миллий банк 11. Афғонистон Ислом Республикаси фуқаролари ва тадбиркорларини Ўзбекистонда ишлаб чиқариладиган маҳсулотлар намуналари ҳамда хизмат турлари билан таништириш ва экспортни йўлга қўйиш. Марказ ҳудудида, истисно тариқасида, бир йил мобайнида ижара тўловисиз жойлаштириладиган Ўзбекистонда ишлаб чиқарилган саноат ва истеъмол маҳсулотларининг доимий кўргазма-ярмаркасини ташкил этиш. 2024 йил 1 июль Инвестициялар, саноат ва савдо вазирлиги (Л. Кудратов) , Савдо-саноат палатаси (Д. Ваҳабов) , Қорақалпоғистон Республикаси Вазирлар Кенгаши, вилоятлар, Тошкент шаҳри ҳокимликлари 12. Маҳаллий корхоналар импорт қилаётган хомашё (қишлоқ хўжалиги, қурилиш ва безак тошлари, руда ва бошқалар) маҳсулотларини Афғонистон Ислом Республикаси корхоналари томонидан харид қилиш имкониятларини доимий ўрганиб бориш. 1. Афғонистон ҳудудида жойлашган корхоналарга Ўзбекистон Республикасида ишлаб чиқарилаётган саноат ва истеъмол товарларини етказиб беришни кенгайтириш бўйича чора-тадбирлар режасини ишлаб чиқиш. 2. Ишлаб чиқилган чора-тадбирлар режасини белгиланган тартибда Вазирлар Маҳкамасига киритиш. 2024 йил 1 август Инвестициялар, саноат ва савдо вазирлиги (Л. Кудратов) , Иқтисодиёт ва молия вазирлиги (И. Норқулов) , Савдо-саноат палатаси (Д. Ваҳабов)
Ўзбекистон Республикаси Президентининг 2024 йил 13 майдаги ПҚ-176-сон қарорига 2-ИЛОВА
Ўзбекистон Республикаси Президентининг 2018 йил 12 апрелдаги «Ўзбекистон Республикаси Давлат божхона хизмати органларининг фаолиятини ташкил этиш тўғрисида»ги ПҚ-3665-сон қарорига киритилаётган ўзгартириш ва қўшимчалар
1. 1-банднинг саккизинчи хатбошисидаги «штатларининг чекланган сони» сўзлари «рўйхати» сўзи билан алмаштирилсин.
2. 3-банд қуйидаги таҳрирда баён этилсин:
«3. Ўзбекистон Республикаси давлат божхона хизмати органлари ходимларининг (мутахассис, ёрдамчи ва хизмат кўрсатувчи ходимлардан ташқари) умумий чекланган штатлар сони 4 684 нафар, шу жумладан, қўмита раиси ўринбосарлари сони 4 нафар этиб белгилансин.
Бунда умумий чекланган штатлар сонининг 169 та штат бирлиги 2024 йил 1 сентябрда, 115 та штат бирлиги 2025 йил 1 сентябрда киритилади»;
3. 6-иловада :
илова номидаги «чекланган штат бирлиги» сўзлари «рўйхати» сўзи билан алмаштирилсин;
«Штат бирлиги сони» устуни ва «жами» позицияси чиқариб ташлансин;
4. 7-иловада :
«Штат бирлиги сони» устуни чиқариб ташлансин;
қуйидаги мазмундаги 3 1 -позиция билан тўлдирилсин:
« 3 1 . «Учқўрғон» чегара божхона пости » ;
қуйидаги мазмундаги 17 1 -позиция билан тўлдирилсин:
« 17 1 . «Кесканёр» чегара божхона пости » ;
қуйидаги мазмундаги 17 2 -позиция билан тўлдирилсин:
« 17 2 . «Хонобод» чегара божхона пости » ;
қуйидаги мазмундаги 17 3 -позиция билан тўлдирилсин:
« 17 3 . «Қорасув» чегара божхона пости » ;
қуйидаги мазмундаги 17 4 -позиция билан тўлдирилсин:
« 17 4 . «Мингтепа» чегара божхона пости » ;
қуйидаги мазмундаги 29 1 -позиция билан тўлдирилсин:
« 29 1 . «Пушмон» чегара божхона пости » ;
52-позиция чиқариб ташлансин;
қуйидаги мазмундаги 58 1 -позиция билан тўлдирилсин:
« 58 1 . «Термиз халқаро савдо маркази» ТИФ божхона пости » ;
қуйидаги мазмундаги изоҳ билан тўлдирилсин:
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 13 май,
ПҚ-176-сон
Oʻzbekiston Respublikasi Prezidentining
qarori
“YOʻL XARITASI”
“Termiz xalqaro savdo markazi” erkin savdo zonasi faoliyatini yoʻlga qoʻyish va rivojlantirish boʻyicha qoʻshimcha chora-tadbirlar toʻgʻrisida
“Termiz xalqaro savdo markazi” erkin savdo zonasi faoliyatini yoʻlga qoʻyish va rivojlantirish, respublikada ishlab chiqarilayotgan sanoat va isteʼmol tovarlarining eksport bozorini diversifikatsiya qilish va yangi transport-logistika tizimini tashkil etishni jadallashtirish maqsadida:
1. Iqtisodiyot va moliya vazirligi, Investitsiyalar, sanoat va savdo vazirligi, Transport vazirligi, Bojxona qoʻmitasi, Davlat xavfsizlik xizmati Chegara qoʻshinlari va Surxondaryo viloyati hokimligining “Termiz xalqaro savdo markazi” erkin savdo zonasi (keyingi oʻrinlarda — Markaz) faoliyatini jadallashtirish boʻyicha takliflari maʼqullansin.
Belgilansinki, Markaz hududida:
faoliyat yurituvchi Oʻzbekiston Respublikasida roʻyxatga olingan tadbirkorlik subyektlariga Afgʻoniston Islom Respublikasi fuqarolari, chet el fuqarolari va fuqaroligi boʻlmagan shaxslarni mehnat faoliyatini amalga oshirish huquqi uchun tasdiqnoma olmasdan mehnat shartnomalari asosida ishga qabul qilishga ruxsat beriladi;
Afgʻoniston Islom Respublikasi va Pokiston Islom Respublikasi fuqarolariga savdo doʻkonlari, xizmat koʻrsatish va ishlab chiqarish uchun moʻljallangan bino va inshootlarni ijaraga olish, shuningdek, istisno tariqasida, mulk huquqi bilan sotib olish huquqi beriladi. Bunda yer uchastkasiga boʻlgan huquq qonunchilikda belgilangan tartibda ijara huquqi asosida davlat roʻyxatidan oʻtkaziladi;
ulgurji va chakana savdoda toʻlov vositasi sifatida, istisno tariqasida, oʻzbek soʻmi bilan bir vaqtda AQSh dollari, Rossiya rubli, yevro, yuan valyutalarini qabul qilishga ruxsat beriladi. Bunda qabul qilingan naqd xorijiy valyuta Markazda tashkil etilgan tijorat banklari filiallari orqali Markazda faoliyat yuritadigan yuridik shaxslarning hisobvaraqlariga oʻtkaziladi;
Markaz hududida tashkil etiladigan zamonaviy tibbiyot klinikasida Afgʻoniston Islom Respublikasi fuqarolariga tibbiy xizmatlar koʻrsatiladi hamda ushbu klinikada davolash imkoni boʻlmagan ogʻir turdagi kasalliklarga chalingan bemorlarga respublika hududida joylashgan davlat va nodavlat tibbiyot muassasalarida davolanish uchun tibbiy kirish vizalari olish uchun yoʻllanma beriladi;
Oʻzbekiston Respublikasi fuqarolari, chet el fuqarolari, shuningdek, fuqaroligi boʻlmagan shaxslar Markaz hududiga shaxsini tasdiqlovchi hujjat asosida nazorat-oʻtkazish punktlarida belgilangan tartibda tekshiruvdan oʻtkazilgandan soʻng kiritiladi hamda ularga Markaz hududida tashkil etilgan barcha xizmatlardan foydalanish imkoniyati yaratiladi;
chet el fuqarolari va fuqaroligi boʻlmagan shaxslarning Oʻzbekiston Respublikasiga kirish vizasini rasmiylashtirmasdan, chegara va bojxona nazoratidan oʻtgan holda maxsus yoʻlak orqali kirishi (chiqishi) hamda oʻn besh kun muddatgacha Markaz hududida boʻlishi tartibi joriy etiladi;
savdo doʻkonlari, xizmat koʻrsatish va ishlab chiqarish uchun moʻljallangan bino va inshootlarni olgan, shuningdek, shartnoma asosida ishlash, taʼlim muassasalarida oʻqish, bank filiallarida faoliyat yuritish, savdo-sotiq va boshqa faoliyat turi bilan shugʻullanish maqsadida tashrif buyurayotgan mamlakatda oʻn besh kundan ortiq muddat boʻlishni rejalashtirgan chet el fuqarolari va fuqaroligi boʻlmagan shaxslar Oʻzbekiston Respublikasiga kirish vizasini rasmiylashtirgan holda kirib kelishlari talab etiladi.
2. Shunday tartib oʻrnatilsinki, unga muvofiq Markaz hududida:
sotib olingan tovarlar boʻyicha qoʻshilgan qiymat soligʻini qaytarish (Tax Free) qoidalari qoʻllanmaydi;
xarid qilingan tovarlar Oʻzbekiston Respublikasi hududiga belgilangan tartibda bojxona toʻlovlari toʻlangandan soʻng olib kiriladi. Bunda bojsiz olib kirish normalari tatbiq etilmaydi;
joylashgan obyektlarni boshqarish, ekspluatatsiya qilish, ijaraga berish va sotish “Termez International Trade Centre” MChJ tomonidan amalga oshiriladi;
jamoat tartibini saqlash, sodir etilgan huquqbuzarliklar boʻyicha surishtiruv va tergov tadbirlarini oʻtkazish qonunchilik hujjatlariga muvofiq belgilangan tartibda amalga oshiriladi.
3. Iqtisodiyot va moliya vazirligi, Surxondaryo viloyati hokimligi, Investitsiyalar, sanoat va savdo vazirligi, Tiklanish va taraqqiyot jamgʻarmasi hamda “Surxon sanoat taʼminot” MChJning quyidagi takliflari maʼqullansin:
Markaz hududidagi bino va inshootlarni mulkiy majmua sifatida “Termez International Trade Centre” MChJga sotish;
“Termiz xalqaro savdo markazi” erkin savdo zonasi direksiyasi” davlat unitar korxonasini belgilangan tartibda tugatish.
4. Tiklanish va taraqqiyot jamgʻarmasi, Surxondaryo viloyati hokimligi va “Termez International Trade Centre” MChJning Surxondaryo viloyati hokimligiga Tiklanish va taraqqiyot jamgʻarmasi mablagʻlari hisobidan Termiz xalqaro savdo markazi obyektlari qurilishiga ajratilgan 20 mln AQSh dollari miqdoridagi kredit mablagʻlarini qaytarish majburiyatini “Termez International Trade Centre” MChJga oʻtkazish hamda kreditning toʻlov muddatini 2028-yil 31-dekabrga qadar uzaytirish toʻgʻrisidagi taklifi maʼqullansin.
5. Markaz hududini qoʻriqlash, jamoat tartibini saqlash hamda bojxona rasmiylashtiruvini amalga oshirish uchun Davlat xavfsizlik xizmati Chegara qoʻshinlariga 129 ta, Bojxona qoʻmitasiga 62 ta, Ichki ishlar vazirligiga 67 ta shtat birligi ajratilsin.
Ajratilayotgan shtat birliklarini inobatga olgan holda Markaz hududida yangi bojxona posti tashkil etilsin.
Surxondaryo viloyati hokimligi “Termez International Trade Centre” MChJ bilan birgalikda bojxona postini Markaz hududida barpo etilgan binolarga joylashtirish choralarini koʻrsin.
Qoʻshimcha shtat birliklarini saqlash uchun zarur mablagʻlar 2024-yilda tegishlicha Bojxona qoʻmitasi, Davlat xavfsizlik xizmati, Ichki ishlar vazirligiga ajratilgan budjet mablagʻlari hisobidan, 2025-yildan boshlab umumiy tartibda Davlat budjetidan ajratilsin.
6. “Termiz xalqaro savdo markazi” erkin savdo zonasi faoliyatini yoʻlga qoʻyish va rivojlantirish boʻyicha “yoʻl xaritasi” (keyingi oʻrinlarda — “Yoʻl xaritasi”) 1-ilovaga muvofiq tasdiqlansin.
7. Oʻzbekiston Respublikasi Prezidentining 2020-yil 12-noyabrdagi “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari toʻgʻrisida”gi PF-6109-son Farmoniga muvofiq tashkil etilgan Ishchi guruh (A.N. Aripov):
har chorakda kamida bir marotaba “Termiz xalqaro savdo markazi” erkin savdo zonasi faoliyatini tashkil etish va rivojlantirish masalalarini koʻrib chiqib, tezkor qarorlar qabul qilib borsin;
“Yoʻl xaritasi”da belgilangan vazifalar bajarilishini doimiy nazorat qilib borsin.
8. Oʻzbekiston Respublikasi Prezidentining 2018-yil 12-apreldagi “Oʻzbekiston Respublikasi Davlat bojxona xizmati organlarining faoliyatini tashkil etish toʻgʻrisida”gi PQ-3665-son qaroriga 2-ilovaga muvofiq oʻzgartirish va qoʻshimchalar kiritilsin.
9. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev, Surxondaryo viloyati hokimi U.B. Qosimov belgilansin.
Qaror ijrosi boʻyicha masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 13-maydagi PQ-176-son qaroriga 1-ILOVA
“Termiz xalqaro savdo markazi” erkin savdo zonasi faoliyatini yoʻlga qoʻyish va rivojlantirish boʻyicha
T/r Chora-tadbir nomi Amalga oshiriladigan vazifalar Muddat Masʼul ijrochilar 1. “Termiz xalqaro savdo markazi” erkin savdo zonasi (keyingi oʻrinlarda — Markaz) faoliyatini tashkil etish. Erkin savdo zonalari faoliyatini tashkil etish boʻyicha umumiy talablarni belgilovchi normativ-huquqiy hujjatni ishlab chiqish va Vazirlar Mahkamasiga kiritish. 2024-yil iyun Investitsiyalar, sanoat va savdo vazirligi (L. Kudratov) , Bojxona qoʻmitasi (A. Mavlonov) 2. Chegara va bojxona xizmati xodimlarining Markaz hududida faoliyat yuritishi uchun qulay sharoit yaratish. 1. Chegara va bojxona xizmatini Markaz hududida “nol” qiymatda ijara huquqi asosida joylashtirish. 2024-yil 1-iyun “Termez International Trade Centre” MChJ 2. Kommunal xizmat, aloqa uchun toʻlovlarni Markaz mablagʻlari hisobidan moliyalashtirish. Doimiy ravishda 3. Markaz hududida doimiy faoliyat koʻrsatadigan koʻrgazma-yarmarkani tashkil etish. 1. Markaz hududida mahalliy ishlab chiqaruvchilar va tadbirkorlarning mahsulotlari va xizmatlari namunalari jamlangan doimiy faoliyat koʻrsatadigan koʻrgazma-yarmarkani tashkil etish. Markaz faoliyati boshlangach Investitsiyalar, sanoat va savdo vazirligi (L. Kudratov) , Savdo-sanoat palatasi (D. Vahabov) 2. Koʻrgazma-yarmarka faoliyati bilan Afgʻoniston Islom Respublikasi tadbirkorlarini tanishtirish, ularga ishlab chiqaruvchilar bilan shartnomalar imzolashga koʻmaklashish. Doimiy ravishda 3. Koʻrgazma-yarmarka bazasida Oʻzbekiston-Afgʻoniston tadbirkorlari biznes forumini oʻtkazib borish. Har chorakda bir marotaba 4. Markaz hududida multivalyuta tizimini yoʻlga qoʻyib, chakana savdoni oʻzbek soʻmi, AQSh dollari, Rossiya rubli, yevro, yuan valyutalarida amalga oshirishga ruxsat berish. Erkin savdo zonalarida multivalyuta tizimini joriy etishni nazarda tutuvchi taklif ishlab chiqish va belgilangan tartibda Vazirlar Mahkamasiga kiritish. 2024-yil 1-iyul Markaziy bank (M. Nurmuratov) 5. Markaz hududida faoliyat olib boruvchi chet el fuqarolari va fuqaroligi boʻlmagan shaxslarga faqatgina Markazda filiallari mavjud boʻlgan Oʻzbekiston banklarida milliy va xalqaro toʻlov tizimlari (Visa, Mastercard, UnionPay va boshqalar) kartalari ochishga va xizmat koʻrsatishga ruxsat berish. Markazda filiallari mavjud boʻlgan Oʻzbekiston banklarida milliy va xalqaro toʻlov tizimlari kartalari ochish va xizmat koʻrsatishni tashkil etishni nazarda tutuvchi taklif ishlab chiqish va belgilangan tartibda Vazirlar Mahkamasiga kiritish. 2024-yil 1-iyul Markaziy bank (M. Nurmuratov) 6. Markaz hududida biznes maktabini tashkil etish. 1. Oʻzbekiston-Afgʻoniston biznes maktabini tashkil etish boʻyicha zarur chora-tadbirlarni amalga oshirish. 2024-yil 1-iyul Oliy taʼlim, fan va innovatsiyalar vazirligi (K. Sharipov) , Tashqi ishlar vazirligi (B. Saidov) , “Termez International Trade Centre” MChJ 2. Oʻzbekiston-Afgʻoniston biznes maktabiga mutasaddi oliy taʼlim muassasalarining ingliz, forsiy (urdu, pushtu) tillarida biznes va menejment asoslari kurslaridan taʼlim bera oladigan professor-oʻqituvchilarni tanlov asosida jalb etish. 2024-yil avgust 3. Oʻzbekiston-Afgʻoniston biznes maktabiga qabul qilingan talabalarga belgilangan tartibda koʻp martalik vizalar berishni tashkil etish. Doimiy ravishda 7. Markaz hududida tashkil etilgan tibbiyot klinikasi yoʻllanmalari asosida Afgʻoniston fuqarolari boʻlgan bemorlarga davolanish va tibbiy yordam olish uchun Oʻzbekiston Respublikasi hududiga kirish vizalarini berishning soddalashtirilgan tartibini joriy etish. 1. Markaz hududida joylashgan tibbiyot klinikasining viza talabnomalarini qabul qilish va koʻrib chiqish tartibini joriy etish. 2. Viza talabnomalari asosida koʻp martalik vizalar berishni tashkil etish. 3. Afgʻoniston fuqarolariga elektron viza berishni jadallashtirish maqsadida Markaz hududida yangi investor tomonidan viza markazi faoliyatini tashkil etishga koʻmaklashish. 2024-yil 1-avgust Tashqi ishlar vazirligi (B. Saidov) , “Termez International Trade Centre” MChJ 8. Afgʻoniston Islom Respublikasining Mozori Sharif shahridan Markaz hududigacha (95 km) ekspress avtobus qatnovini yoʻlga qoʻyish (Shuttle bus). 1. Afgʻoniston Islom Respublikasi bilan yoʻlovchi tashish avtobuslarini berish va Mozori Sharif shahridan Markaz hududigacha qatnovni tashkil etish boʻyicha kelishuv imzolash. 2024-yil yakuniga qadar “Termez International Trade Centre” MChJ 2. Afgʻoniston Islom Respublikasining Mozori Sharif shahridan Markaz hududigacha avtobus qatnovini yoʻlga qoʻyish. Doimiy ravishda 9. Afgʻoniston Islom Respublikasi hududidan Oʻzbekiston Respublikasi hududiga yuk tashuvchi avtotransport vositalarini Markaz hududida tashkil etilgan xalqaro logistika markazida bojxona nazorati va chegara nazoratidan oʻtkazishni tashkil etish. 1. Markaz hududida Bojxona qoʻmitasi tizimida yangi tashqi iqtisodiy faoliyat bojxona postini tashkil etish. 2. Bojxona postini barcha zarur bojxona nazorati oʻlchov uskunalari bilan jihozlash. 3. Bojxona posti faoliyatini samarali tashkil etish. 2024-yil 1-iyun Bojxona qoʻmitasi (B. Mavlonov) 10. Markaz hududida qimmatbaho metallardan zargarlik buyumlari ishlab chiqarishga ixtisoslashgan korxonalarni tashkil etish. 1. Markaz hududida Afgʻoniston fuqarolaridan avval foydalanishda boʻlgan zargarlik buyumlarini qabul qilib olish markazini tashkil etish. 2. Korxonalarga zargarlikka oid qonunchilikda nazarda tutilgan imtiyoz va preferensiyalarni qoʻllash. 2024-yil 1-iyul “Termez International Trade Centre” MChJ, Savdo-sanoat palatasi (D. Vahabov) , Milliy bank 11. Afgʻoniston Islom Respublikasi fuqarolari va tadbirkorlarini Oʻzbekistonda ishlab chiqariladigan mahsulotlar namunalari hamda xizmat turlari bilan tanishtirish va eksportni yoʻlga qoʻyish. Markaz hududida, istisno tariqasida, bir yil mobaynida ijara toʻlovisiz joylashtiriladigan Oʻzbekistonda ishlab chiqarilgan sanoat va isteʼmol mahsulotlarining doimiy koʻrgazma-yarmarkasini tashkil etish. 2024-yil 1-iyul Investitsiyalar, sanoat va savdo vazirligi (L. Kudratov) , Savdo-sanoat palatasi (D. Vahabov) , Qoraqalpogʻiston Respublikasi Vazirlar Kengashi, viloyatlar, Toshkent shahri hokimliklari 12. Mahalliy korxonalar import qilayotgan xomashyo (qishloq xoʻjaligi, qurilish va bezak toshlari, ruda va boshqalar) mahsulotlarini Afgʻoniston Islom Respublikasi korxonalari tomonidan xarid qilish imkoniyatlarini doimiy oʻrganib borish. 1. Afgʻoniston hududida joylashgan korxonalarga Oʻzbekiston Respublikasida ishlab chiqarilayotgan sanoat va isteʼmol tovarlarini yetkazib berishni kengaytirish boʻyicha chora-tadbirlar rejasini ishlab chiqish. 2. Ishlab chiqilgan chora-tadbirlar rejasini belgilangan tartibda Vazirlar Mahkamasiga kiritish. 2024-yil 1-avgust Investitsiyalar, sanoat va savdo vazirligi (L. Kudratov) , Iqtisodiyot va moliya vazirligi (I. Norqulov) , Savdo-sanoat palatasi (D. Vahabov)
Oʻzbekiston Respublikasi Prezidentining 2024-yil 13-maydagi PQ-176-son qaroriga 2-ILOVA
Oʻzbekiston Respublikasi Prezidentining 2018-yil 12-apreldagi “Oʻzbekiston Respublikasi Davlat bojxona xizmati organlarining faoliyatini tashkil etish toʻgʻrisida”gi PQ-3665-son qaroriga kiritilayotgan oʻzgartirish va qoʻshimchalar
1. 1-bandning sakkizinchi xatboshisidagi “shtatlarining cheklangan soni” soʻzlari “roʻyxati” soʻzi bilan almashtirilsin.
2. 3-band quyidagi tahrirda bayon etilsin:
“3. Oʻzbekiston Respublikasi davlat bojxona xizmati organlari xodimlarining (mutaxassis, yordamchi va xizmat koʻrsatuvchi xodimlardan tashqari) umumiy cheklangan shtatlar soni 4 684 nafar, shu jumladan, qoʻmita raisi oʻrinbosarlari soni 4 nafar etib belgilansin.
Bunda umumiy cheklangan shtatlar sonining 169 ta shtat birligi 2024-yil 1-sentabrda, 115 ta shtat birligi 2025-yil 1-sentabrda kiritiladi”;
3. 6-ilovada :
ilova nomidagi “cheklangan shtat birligi” soʻzlari “roʻyxati” soʻzi bilan almashtirilsin;
“Shtat birligi soni” ustuni va “jami” pozitsiyasi chiqarib tashlansin;
4. 7-ilovada :
“Shtat birligi soni” ustuni chiqarib tashlansin;
quyidagi mazmundagi 3 1 -pozitsiya bilan toʻldirilsin:
“ 3 1 . “Uchqoʻrgʻon” chegara bojxona posti ” ;
quyidagi mazmundagi 17 1 -pozitsiya bilan toʻldirilsin:
“ 17 1 . “Keskanyor” chegara bojxona posti ” ;
quyidagi mazmundagi 17 2 -pozitsiya bilan toʻldirilsin:
“ 17 2 . “Xonobod” chegara bojxona posti ” ;
quyidagi mazmundagi 17 3 -pozitsiya bilan toʻldirilsin:
“ 17 3 . “Qorasuv” chegara bojxona posti ” ;
quyidagi mazmundagi 17 4 -pozitsiya bilan toʻldirilsin:
“ 17 4 . “Mingtepa” chegara bojxona posti ” ;
quyidagi mazmundagi 29 1 -pozitsiya bilan toʻldirilsin:
“ 29 1 . “Pushmon” chegara bojxona posti ” ;
52-pozitsiya chiqarib tashlansin;
quyidagi mazmundagi 58 1 -pozitsiya bilan toʻldirilsin:
“ 58 1 . “Termiz xalqaro savdo markazi” TIF bojxona posti ” ;
quyidagi mazmundagi izoh bilan toʻldirilsin:
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 13-may,
PQ-176-son
Президента Республики Узбекистан
Постановление
«ДОРОЖНАЯ КАРТА»
О дополнительных мерах по организации и развитию деятельности зоны свободной торговли «Международный торговый центр Термез»
В целях организации и развития деятельности зоны свободной торговли «Международный торговый центр Термез», диверсификации рынка экспорта производимых в республике промышленных и потребительских товаров, а также ускорения создания новой транспортно-логистической системы:
1. Одобрить предложения Министерства экономики и финансов, Министерства инвестиций, промышленности и торговли, Министерства транспорта, Таможенного комитета, Пограничных войск Службы государственной безопасности и хокимията Сурхандарьинской области об ускорении деятельности зоны свободной торговли «Международный торговый центр Термез» (далее — Центр).
Определить, что на территории Центра:
субъектам предпринимательства, зарегистрированным в Республике Узбекистан, осуществляющим деятельность на территории Центра, разрешается принимать на работу граждан Исламской Республики Афганистан, иностранных граждан и лиц без гражданства на основании трудовых договоров без получения подтверждения на право осуществления трудовой деятельности;
гражданам Исламской Республики Афганистан и Исламской Республики Пакистан предоставляется право на аренду, а также, в порядке исключения, приобретение на праве собственности торговых магазинов, зданий и сооружений, предназначенных для оказания услуг и производства. При этом право на земельный участок подлежит государственной регистрации в порядке, установленном законодательством, на основе права аренды;
в порядке исключения, наряду с узбекским сумом, разрешается принятие таких видов валют, как доллары США, российский рубль, евро и юань в качестве средства оплаты в оптовой и розничной торговле. При этом принятая наличная иностранная валюта зачисляется на счета юридических лиц, осуществляющих деятельность в Центре, посредством филиалов коммерческих банков, организованных в Центре;
в создаваемой на территории Центра современной медицинской клинике оказываются медицинские услуги гражданам Исламской Республики Афганистан, а также больным, страдающим тяжелыми заболеваниями, лечение которых невозможно в данных клиниках, выдается направление на получение медицинских въездных виз для лечения в расположенных на территории республики государственных и негосударственных медицинских учреждениях;
граждане Республики Узбекистан, иностранные граждане, а также лица без гражданства допускаются на территорию Центра на основании документов, удостоверяющих личность, после проведения проверки на контрольно-пропускных пунктах в установленном порядке, а также им предоставляется возможность пользования всеми услугами, организованными на территории Центра;
внедряется порядок въезда (выезда) иностранных граждан и лиц без гражданства через специальный коридор с прохождением пограничного и таможенного контроля без оформления въездной визы в Республику Узбекистан, а также пребывания на территории Центра не более пятнадцати дней;
требуется оформление въездной визы для посещения Республики Узбекистан иностранными гражданами и лицами без гражданства, приобретшими торговые магазины, здания и сооружения, предназначенные для оказания услуг и производства, а также прибывающими в целях работы по договору, обучения в образовательных учреждениях, осуществления деятельности в филиалах банков, осуществления торговой и иного вида деятельности и планирующими пребывание в стране на срок более пятнадцати дней.
2. Установить порядок, в соответствии с которым на территории Центра:
правила возврата сумм налога на добавленную стоимость по приобретенным товарам (Tax Free) не применяются;
приобретенные товары ввозятся на территорию Республики Узбекистан после оплаты таможенных платежей в установленном порядке. При этом нормы беспошлинного ввоза товаров, не применяются;
управление, эксплуатация, передача в аренду и реализация размещенных объектов осуществляются ООО «Termez International Trade Centre»;
охрана общественного порядка, проведение мероприятий дознания и следствия по совершенным правонарушениям осуществляются в установленном порядке в соответствии с актами законодательства.
3. Одобрить предложения Министерства экономики и финансов, хокимията Сурхандарьинской области, Министерства инвестиций, промышленности и торговли, Фонда реконструкции и развития, а также ООО «Сурхон саноат таъминот», предусматривающие:
реализацию зданий и сооружений на территории Центра ООО «Termez International Trade Centre» в качестве имущественного комплекса;
упразднение Государственного унитарного предприятия «Дирекция зоны свободной торговли «Международный торговый центр Термез» в установленном порядке.
4. Одобрить предложение Фонда реконструкции и развития, хокимията Сурхандарьинской области и ООО «Termez International Trade Centre» по передаче ООО «Termez International Trade Centre» обязательства по возврату кредитных средств в размере 20 млн долларов США, выделенных хокимияту Сурхандарьинской области на строительство объектов Международного торгового центра Термез за счет средств Фонда реконструкции и развития, а также продлению срока погашения кредита до 31 декабря 2028 года.
5. В целях охраны, поддержания общественного порядка на территории Центра, а также осуществления таможенного оформления выделить Пограничным войскам Службы государственной безопасности 129 штатных единиц, Таможенному комитету — 62 штатные единицы, Министерству внутренних дел — 67 штатных единиц.
Создать на территории Центра новый таможенный пост с учетом выделяемых штатных единиц.
Хокимияту Сурхандарьинской области совместно с ООО «Termez International Trade Centre» принять меры по размещению таможенного поста в зданиях, построенных на территории Центра.
Средства, необходимые для содержания дополнительных штатных единиц, выделить за счет бюджетных средств, выделенных соответственно Таможенному комитету, Службе государственной безопасности и Министерству внутренних дел на 2024 год, с 2025 года — из Государственного бюджета в общем порядке.
6. Утвердить «Дорожную карту» по организации и развитию деятельности зоны свободной торговли «Международный торговый центр Термез» (далее — «Дорожная карта») согласно приложению № 1 .
7. Рабочей группе (А.Н. Арипов), созданной в соответствии с Указом Президента Республики Узбекистан от 12 ноября 2020 года № УП-6109 «О мерах по дальнейшему развитию деятельности специальных экономических и малых промышленных зон в Сурхандарьинской области и городе Ташкенте»:
ежеквартально не реже одного раза рассматривать и оперативно принимать решения по вопросам организации и развития деятельности зоны свободной торговли «Международный торговый центр Термез»;
осуществлять постоянный контроль за выполнением задач, определенных «Дорожной картой».
8. Внести изменения и дополнения в постановление Президента Республики Узбекистан от 12 апреля 2018 года № ПП-3665 «Об организации деятельности органов Государственной таможенной службы Республики Узбекистан» согласно приложению № 2 .
9. Возложить на заместителя Премьер-министра Ж.А. Ходжаева и хокима Сурхандарьинской области У.Б. Косимова персональную ответственность за эффективную организацию исполнения настоящего постановления.
Осуществление координации и контроля за деятельностью ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 13 мая 2024 года № ПП-176
по организации и развитию деятельности зоны свободной торговли «Международный торговый центр Термез»
№ Наименование мер Осуществляемые задачи Сроки Ответственные исполнители 1. Организация деятельности зоны свободной торговли «Международный торговый центр Термез» (далее — Центр). Разработка и внесение в Кабинет Министров нормативно-правового акта, устанавливающего общие требования к организации деятельности зон свободной торговли. Июнь 2024 года Министерство инвестиций, промышленности и торговли (Л. Кудратов) , Таможенный комитет (А. Мавлонов) 2. Создание благоприятных условий для осуществления деятельности сотрудников пограничной и таможенной служб на территории Центра. 1. Размещение пограничной и таможенной служб на территории Центра на основе права аренды по «нулевой» стоимости . 1 июня 2024 года ООО «Termez International Trade Centre» 2. Финансирование расходов по платежам за связь и коммунальные услуги за счет средств Центра. На постоянной основе 3. Создание постоянно действующей выставки-ярмарки на территории Центра. 1. Создание постоянно действующей выставки-ярмарки на территории Центра, на которой представлены образцы продукции и виды услуг отечественных производителей и предпринимателей. После начала функционирования Центра Министерство инвестиций, промышленности и торговли (Л. Кудратов) , Торгово-промышленная палата (Д. Вахабов) 2. Ознакомление с деятельностью выставки-ярмарки предпринимателей из Исламской Республики Афганистан, оказание им содействия в заключении договоров с производителями. На постоянной основе 3. Регулярное проведение бизнес-форумов предпринимателей Узбекистана и Афганистана на базе выставки-ярмарки. Ежеквартально 4. Внедрение на территории Центра системы мультивалюты и предоставление разрешения на осуществление розничной торговли в таких валютах, как узбекский сум, доллары США, российский рубль, евро, юань. Разработка и внесение в установленном порядке в Кабинет Министров предложения, предусматривающего внедрение системы мультивалюты в зонах свободной торговли. 1 июля 2024 года Центральный банк (М. Нурмуратов) 5. Предоставление иностранным гражданам и лицам без гражданства, осуществляющим деятельность на территории Центра, разрешения открывать карты национальных и международных платежных систем (Visa, Mastercard, UnionPay и другие) и обслуживаться исключительно в банках Узбекистана, имеющих филиалы в Центре. Разработка и внесение в установленном порядке в Кабинет Министров предложения, предусматривающего организацию открытия и обслуживания карт национальных и международных платежных систем в банках Узбекистана, имеющих филиалы в Центре. 1 июля 2024 года Центральный банк (М. Нурмуратов) 6. Создание бизнес-школы на территории Центра. 1. Реализация необходимых мер по созданию Узбекско-афганской бизнес-школы. 1 июля 2024 года Министерство высшего образования, науки и инноваций (К. Шарипов) , Министерство иностранных дел (Б. Саидов) , ООО «Termez International Trade Centre» 2. Привлечение к преподаванию на курсах по основам бизнеса и менеджмента в Узбекско-афганской бизнес-школе профессоров-преподавателей профильных высших образовательных учреждений, способных преподавать на таких языках, как английский, фарси (урду, пушту) на конкурсной основе. Август 2024 года 3. Организация выдачи многоразовых виз студентам, принятым на учебу в Узбекско-афганскую бизнес-школу, в установленном порядке. На постоянной основе 7. Внедрение упрощенного порядка выдачи виз для въезда на территорию Республики Узбекистан в целях лечения и получения медицинской помощи больным из числа граждан Афганистана на основании направления медицинской клиники, созданной на территории Центра. 1. Внедрение порядка приема и рассмотрения визовых требований медицинской клиники, расположенной на территории Центра. 2. Организация выдачи многоразовых виз на основании визовых требований. 3. Оказание содействия новому инвестору в организации деятельности визового центра на территории Центра в целях ускорения выдачи электронных виз гражданам Афганистана. 1 августа 2024 года Министерство иностранных дел (Б. Саидов) , ООО «Termez International Trade Centre» 8. Организация автобусного экспресс-сообщения (Shuttle bus) из города Мазари-Шариф Исламской Республики Афганистан до территории Центра (95 км). 1. Подписание с Исламской Республикой Афганистан соглашения по передаче пассажирских автобусов и организации их движения из города Мазари-Шариф до территории Центра. До конца 2024 года ООО «Termez International Trade Centre» 2. Организация автобусного сообщения из города Мазари-Шариф Исламской Республики Афганистан до территории Центра. На постоянной основе 9. Организация проведения таможенного и пограничного контроля автотранспортных средств, осуществляющих грузоперевозки из территории Исламской Республики Афганистан на территорию Республики Узбекистан, в международном логистическом центре, созданном на территории Центра. 1. Создание в системе Таможенного комитета нового таможенного поста внешнеэкономической деятельности на территории Центра. 2. Оснащение таможенного поста всеми необходимыми измерительными приборами таможенного контроля. 3. Эффективная организация деятельности таможенного поста. 1 июня 2024 года Таможенный комитет (Б. Мавлонов) 10. Создание на территории Центра предприятий, специализированных на изготовлении ювелирных изделий из драгоценных металлов. 1. Создание центра по приему бывших в употреблении ювелирных изделий от граждан Афганистана на территории Центра. 2. Применение к соответствующим предприятиям льгот и преференций, предусмотренных законодательством о ювелирном деле. 1 июля 2024 года ООО «Termez International Trade Centre», Торгово-промышленная палата (Д. Вахабов) , Национальный банк 11. Ознакомление граждан и предпринимателей Исламской Республики Афганистан с видами услуг и образцами продукции, произведенной в Узбекистане, а также организация их экспорта. Создание постоянно действующей выставки-ярмарки промышленной и потребительской продукции, произведенной в Узбекистане, размещаемой на территории Центра, в порядке исключения, без взимания арендной платы в течение одного года. 1 июля 2024 года Министерство инвестиций, промышленности и торговли (Л. Кудратов) , Торгово-промышленная палата (Д. Вахабов) , Совет Министров Республики Каракалпакстан, хокимияты областей и города Ташкента 12. Регулярное изучение возможностей закупки предприятиями Исламской Республики Афганистан сырьевой продукции (сельскохозяйственной, отделочных и строительных камней, руды и прочей), импортируемых отечественными предприятиями. 1. Разработка плана мер по расширению поставки предприятиям, расположенным на территории Афганистана, промышленных и потребительских товаров, производимых в Республике Узбекистан. 2. Внесение в Кабинет Министров в установленном порядке разработанного плана мер. 1 августа 2024 года Министерство инвестиций, промышленности и торговли (Л. Кудратов) , Министерство экономики и финансов (И. Норкулов) , Торгово-промышленная палата (Д. Вахабов)
ПРИЛОЖЕНИЕ № 2 к постановлению Президента Республики Узбекистан от 13 мая 2024 года № ПП-176
Изменения и дополнения, вносимые в постановление Президента Республики Узбекистан от 12 апреля 2018 года № ПП-3665 «Об организации деятельности органов Государственной таможенной службы Республики Узбекистан»
1. В абзаце восьмом пункта 1 слова «предельную штатную численность аппарата» заменить словами «перечень аппаратов».
2. Пункт 3 изложить в следующей редакции:
«3. Установить общую предельную штатную численность органов государственной таможенной службы Республики Узбекистан в количестве 4 684 единиц (без учета специалистов, вспомогательного и обслуживающего персоналов), включая четырех заместителей председателя комитета.
При этом 169 штатных единиц общей предельной штатной численности вводится 1 сентября 2024 года, 115 штатных единиц — 1 сентября 2025 года».
3. В приложении № 6 :
в наименовании приложения слова «Предельная штатная численность» заменить словами «Перечень»;
графу «Численность штатных единиц» и позицию «Всего» исключить.
4. В приложении № 7 :
графу «Численность штатных единиц» исключить;
дополнить позицией 3 1 следующего содержания:
« 3 1 . Приграничный таможенный пост «Учкургон» »;
дополнить позицией 17 1 следующего содержания:
« 17 1 . Приграничный таможенный пост «Кесканёр» »;
дополнить позицией 17 2 следующего содержания:
« 17 2 . Приграничный таможенный пост «Хонобод» »;
дополнить позицией 17 3 следующего содержания:
« 17 3 . Приграничный таможенный пост «Корасув» »;
дополнить позицией 17 4 следующего содержания:
« 17 4 . Приграничный таможенный пост «Мингтепа» »;
дополнить позицией 29 1 следующего содержания:
« 29 1 . Приграничный таможенный пост «Пушмон» »;
позицию 52 исключить;
дополнить позицией 58 1 следующего содержания:
« 58 1 . Приграничный пост ВЭД «Международный торговый центр Термез» »;
дополнить примечанием следующего содержания:
Президент Республики Узбекистан Ш. МИРЗИЁЕВ
г. Ташкент,
13 мая 2024 г.,
№ ПП-176