📅 2024-yil 15-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 15 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 мая 2024 г. · Постановления Президента
Официальный текст. Официальный документ. Редакционные примечания не включены.
📅 15 May 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Учинчи Тошкент халқаро инвестиция форуми ва Хорижий инвесторлар кенгашининг навбатдаги йиғилиши доирасида эришилган келишувларнинг ижросини таъминлаш чора-тадбирлари тўғрисида
[Кўчирма]
2024 йил 2-3 май кунлари ўтказилган учинчи Тошкент халқаро инвестиция форуми ва Хорижий инвесторлар кенгашининг иккинчи ялпи мажлиси доирасида 93 та мамлакатдан жами 2 500 дан зиёд хорижий иштирокчилар қатнашиб, ҳукуматлараро ва идоралараро ҳужжатлар, 26 млрд АҚШ долларидан ортиқ миқдордаги инвестиция лойиҳаларини амалга ошириш бўйича келишувларга эришилди, шунингдек, республикада инвестиция муҳитини мустаҳкамлаш бўйича таклиф ва ташаббуслар ишлаб чиқилди.
Учинчи Тошкент халқаро инвестиция форуми ҳамда Хорижий инвесторлар кенгашининг иккинчи ялпи мажлиси доирасида эришилган келишувлар, имзоланган ҳужжатлар ҳамда илгари сурилган таклиф ва ташаббусларнинг сўзсиз, ўз вақтида ва тўлиқ ҳажмда амалга оширилишини таъминлаш мақсадида:
1. Қуйидагилар:
Учинчи Тошкент халқаро инвестиция форуми доирасида эришилган инвестиция битимлари ва келишувларни амалга ошириш бўйича амалий ҳаракатлар режаси («йўл харитаси») 1-иловага * мувофиқ;
Учинчи Тошкент халқаро инвестиция форумида илгари сурилган таклифлар ва ташаббусларни амалга ошириш бўйича амалий ҳаракатлар режаси («йўл харитаси») 2-иловага * мувофиқ;
Ўзбекистон Республикаси Президенти ҳузуридаги Хорижий инвесторлар кенгашининг иккинчи ялпи мажлисида илгари сурилган таклифлар ва ташаббусларни амалга ошириш бўйича амалий ҳаракатлар режаси («йўл харитаси») 3-иловага * мувофиқ тасдиқлансин.
2. Вазирликлар, идоралар, хўжалик бирлашмалари ва тижорат банклари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
бир ҳафта муддатда «йўл хариталари»да белгиланган ҳар бир лойиҳани амалга ошириш бўйича тармоқ, ҳудуд ва туман кесимида аниқ механизмларни ҳамда 2024 йил якунига қадар ойлар кесимида комплекс тармоқ жадвалларини ишлаб чиқиб, тасдиқлаш учун Вазирлар Маҳкамасига киритсин;
«йўл хариталари»да назарда тутилган барча имзоланган ҳужжатлар ва эришилган келишувларнинг белгиланган муддатларда самарали, сўзсиз, сифатли ва тўлиқ ҳажмда амалга оширилишини таъминласин;
«йўл хариталари» ижроси ҳолати тўғрисида Инвестициялар, саноат ва савдо вазирлигига ҳар икки ҳафтада ахборот тақдим этиб борсин.
3. Инвестициялар, саноат ва савдо вазирлиги (Л. Қудратов) ҳар икки ҳафтада Ўзбекистон Республикаси Президенти Администрацияси ва Вазирлар Маҳкамасига ушбу қарор ижроси юзасидан таҳлилий ахборот киритиб борсин.
4. Вазирлар Маҳкамаси (Ж. Ходжаев) Инвестициялар, саноат ва савдо вазирлиги (Л. Қудратов) билан биргаликда:
Учинчи Тошкент халқаро инвестиция форуми ҳамда Хорижий инвесторлар кенгашининг иккинчи ялпи мажлиси давомида барча имзоланган ҳужжатлар ва эришилган келишувлар ўз вақтида ва сифатли бажарилиши устидан мунтазам ва тизимли мониторинг ҳамда қатъий назорат олиб борсин;
«йўл хариталари» нинг сўзсиз ижросини таъминлаш бўйича масъул вазирлик ва идораларнинг фаолиятини мувофиқлаштирсин, ҳар икки ҳафтада ҳисоботларни танқидий муҳокама қилиб борсин, шунингдек, чора-тадбирларнинг ижросига тўсқинлик қилувчи омилларни бартараф этиш чораларини кўрсин;
имзоланган ҳужжатлар ва эришилган келишувлар амалга оширилиши ҳолатини муҳокама қилиш, эҳтимолий муаммоли масалаларни аниқлаш ва уларни ўз вақтида бартараф этиш мақсадида хорижий ҳамкорлар билан доимий ва самарали ўзаро ҳамкорлик йўлга қўйилишини таъминлаш юзасидан таъсирчан ва аниқ чораларни кўрсин.
5. Мазкур қарорга 1 — 3-иловаларга * мувофиқ «йўл хариталари»нинг ижроси ҳар икки ҳафтада Вазирлар Маҳкамаси Раёсати мажлисида муҳокама қилиб борилсин.
6. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 15 май,
ПҚ-179-сон
Oʻzbekiston Respublikasi Prezidentining
Qarori
Uchinchi Toshkent xalqaro investitsiya forumi va Xorijiy investorlar kengashining navbatdagi yigʻilishi doirasida erishilgan kelishuvlarning ijrosini taʼminlash chora-tadbirlari toʻgʻrisida
[Koʻchirma]
2024-yil 2-3-may kunlari oʻtkazilgan uchinchi Toshkent xalqaro investitsiya forumi va Xorijiy investorlar kengashining ikkinchi yalpi majlisi doirasida 93 ta mamlakatdan jami 2 500 dan ziyod xorijiy ishtirokchilar qatnashib, hukumatlararo va idoralararo hujjatlar, 26 mlrd AQSH dollaridan ortiq miqdordagi investitsiya loyihalarini amalga oshirish boʻyicha kelishuvlarga erishildi, shuningdek, respublikada investitsiya muhitini mustahkamlash boʻyicha taklif va tashabbuslar ishlab chiqildi.
Uchinchi Toshkent xalqaro investitsiya forumi hamda Xorijiy investorlar kengashining ikkinchi yalpi majlisi doirasida erishilgan kelishuvlar, imzolangan hujjatlar hamda ilgari surilgan taklif va tashabbuslarning soʻzsiz, oʻz vaqtida va toʻliq hajmda amalga oshirilishini taʼminlash maqsadida:
1. Quyidagilar:
Uchinchi Toshkent xalqaro investitsiya forumi doirasida erishilgan investitsiya bitimlari va kelishuvlarni amalga oshirish boʻyicha amaliy harakatlar rejasi (“yoʻl xaritasi”) 1-ilovaga * muvofiq;
Uchinchi Toshkent xalqaro investitsiya forumida ilgari surilgan takliflar va tashabbuslarni amalga oshirish boʻyicha amaliy harakatlar rejasi (“yoʻl xaritasi”) 2-ilovaga * muvofiq;
Oʻzbekiston Respublikasi Prezidenti huzuridagi Xorijiy investorlar kengashining ikkinchi yalpi majlisida ilgari surilgan takliflar va tashabbuslarni amalga oshirish boʻyicha amaliy harakatlar rejasi (“yoʻl xaritasi”) 3-ilovaga * muvofiq tasdiqlansin.
2. Vazirliklar, idoralar, xoʻjalik birlashmalari va tijorat banklari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
bir hafta muddatda “yoʻl xaritalari”da belgilangan har bir loyihani amalga oshirish boʻyicha tarmoq, hudud va tuman kesimida aniq mexanizmlarni hamda 2024-yil yakuniga qadar oylar kesimida kompleks tarmoq jadvallarini ishlab chiqib, tasdiqlash uchun Vazirlar Mahkamasiga kiritsin;
“yoʻl xaritalari”da nazarda tutilgan barcha imzolangan hujjatlar va erishilgan kelishuvlarning belgilangan muddatlarda samarali, soʻzsiz, sifatli va toʻliq hajmda amalga oshirilishini taʼminlasin;
“yoʻl xaritalari” ijrosi holati toʻgʻrisida Investitsiyalar, sanoat va savdo vazirligiga har ikki haftada axborot taqdim etib borsin.
3. Investitsiyalar, sanoat va savdo vazirligi (L. Qudratov) har ikki haftada Oʻzbekiston Respublikasi Prezidenti Administratsiyasi va Vazirlar Mahkamasiga ushbu qaror ijrosi yuzasidan tahliliy axborot kiritib borsin.
4. Vazirlar Mahkamasi (J. Xodjayev) Investitsiyalar, sanoat va savdo vazirligi (L. Qudratov) bilan birgalikda:
Uchinchi Toshkent xalqaro investitsiya forumi hamda Xorijiy investorlar kengashining ikkinchi yalpi majlisi davomida barcha imzolangan hujjatlar va erishilgan kelishuvlar oʻz vaqtida va sifatli bajarilishi ustidan muntazam va tizimli monitoring hamda qatʼiy nazorat olib borsin;
“yoʻl xaritalari” ning soʻzsiz ijrosini taʼminlash boʻyicha masʼul vazirlik va idoralarning faoliyatini muvofiqlashtirsin, har ikki haftada hisobotlarni tanqidiy muhokama qilib borsin, shuningdek, chora-tadbirlarning ijrosiga toʻsqinlik qiluvchi omillarni bartaraf etish choralarini koʻrsin;
imzolangan hujjatlar va erishilgan kelishuvlar amalga oshirilishi holatini muhokama qilish, ehtimoliy muammoli masalalarni aniqlash va ularni oʻz vaqtida bartaraf etish maqsadida xorijiy hamkorlar bilan doimiy va samarali oʻzaro hamkorlik yoʻlga qoʻyilishini taʼminlash yuzasidan taʼsirchan va aniq choralarni koʻrsin.
5. Mazkur qarorga 1 — 3-ilovalarga * muvofiq “yoʻl xaritalari”ning ijrosi har ikki haftada Vazirlar Mahkamasi Rayosati majlisida muhokama qilib borilsin.
6. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 15-may,
PQ-179-son
Президента Республики Узбекистан
Постановление
О мерах по обеспечению исполнения договоренностей, достигнутых в рамках III Ташкентского международного инвестиционного форума и очередного заседания Совета иностранных инвесторов
[Извлечение]
В рамках проведенных 2-3 мая 2024 года III Ташкентского международного инвестиционного форума и второго пленарного заседания Совета иностранных инвесторов приняли участие более 2 500 зарубежных участников из 93 стран мира, достигнуты соглашения по межправительственным и межведомственным документам, реализации инвестиционных проектов стоимостью свыше 26 миллиардов долларов США, а также выработаны предложения и инициативы по укреплению инвестиционного климата в республике.
В целях обеспечения безусловной и своевременной реализации в полном объеме достигнутых договоренностей, подписанных документов, а также выдвинутых предложений и инициатив в рамках III Ташкентского международного инвестиционного форума и второго пленарного заседания Совета иностранных инвесторов:
1. Утвердить:
План практических действий («Дорожную карту») по реализации инвестиционных соглашений и договоренностей, достигнутых в рамках III Ташкентского международного инвестиционного форума, согласно приложению № 1 * ;
План практических действий («Дорожную карту») по реализации предложений и инициатив, выдвинутых на III Ташкентском международном инвестиционном форуме, согласно приложению № 2 * ;
План практических действий («Дорожную карту») по реализации предложений и инициатив, выдвинутых на втором пленарном заседании Совета иностранных инвесторов при Президенте Республики Узбекистан, согласно приложению № 3 * .
2. Министерствам, ведомствам, хозяйственным объединениям и коммерческим банкам, Совету Министров Республики Каракалпакстан, хокимиятам областей и города Ташкента:
в недельный срок разработать и внести на утверждение в Кабинет Министров конкретные механизмы в разрезе отраслей, регионов и районов, а также помесячные комплексные отраслевые графики реализации до конца 2024 года каждого проекта, определенного «дорожными картами»;
обеспечить эффективную, безусловную, качественную и полную реализацию в установленные сроки всех подписанных документов и достигнутых договоренностей, предусмотренных «дорожными картами»;
каждые две недели представлять информацию о состоянии исполнения «дорожных карт» в Министерство инвестиций, промышленности и торговли.
3. Министерству инвестиций, промышленности и торговли (Л. Кудратов) каждые две недели вносить аналитическую информацию по исполнению настоящего постановления в Администрацию Президента Республики Узбекистан и Кабинет Министров.
4. Кабинету Министров (Ж. Ходжаев) совместно с Министерством инвестиций, промышленности и торговли (Л. Кудратов):
вести непрерывный и системный мониторинг, а также осуществлять жесткий контроль за своевременной и качественной реализацией всех подписанных документов и договоренностей, достигнутых в ходе III Ташкентского международного инвестиционного форума и второго пленарного заседания Совета иностранных инвесторов;
координировать деятельность министерств и ведомств, ответственных за обеспечение безусловной реализации «дорожных карт», каждые две недели проводить критическое обсуждение их отчетов, а также принимать меры по искоренению факторов, препятствующих реализации мер;
принимать действенные и конкретные меры по обеспечению установления регулярного и эффективного взаимодействия с зарубежными партнерами в целях проведения обсуждения по состоянию исполнения подписанных документов и достигнутых договоренностей, а также выявления и своевременного решения возможных проблемных вопросов.
5. Каждые две недели на заседании Президиума Кабинета Министров проводить обсуждение состояния исполнения «дорожных карт» в соответствии с приложениями № 1 — 3 * к настоящему постановлению.
6. Контроль за исполнением настоящего постановления возложить на Премьер-министра Республики Узбекистан А.Н. Арипова
Президент Республики Узбекистан Ш. МИРЗИЁЕВ
г. Ташкент,
15 мая 2024 г.,
№ ПП-179