📅 2024-yil 16-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 16 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 мая 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 16 May 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги тизимидаги мактабларда соғлом овқатлантиришни аутсорсинг усулида ташкил этиш тўғрисида» 2021 йил 14 апрелдаги 218-сон қарорига Ихтисослаштирилган таълим муассасалари агентлиги тизимидаги мактабларда соғлом овқатлантириш тизимини такомиллаштиришга қаратилган ўзгартиришлар киритиш ҳақида
Бугунги кунда Ихтисослаштирилган таълим муассасалари агентлиги тизимидаги мактабларда ўқувчиларни соғлом овқатлантириш аутсорсинг асосида самарали ташкил этиб келинмоқда.
Шу билан бирга, ўқувчиларни соғлом овқатлантириш аутсорсинг асосида ташкил этиладиган мактаблар сони ортиб бораётганлиги сабабли таомлар сифатини доимий назорат қилишда айрим қийинчиликларга олиб келмоқда.
Бу эса, ўз навбатида, аутсорсер томонидан тайёрлаб берилаётган таомлар сифати ва таркибининг таомномага мувофиқлигини доимий назорат қилиб бориш тизимини янада такомиллаштириш заруратини юзага келтирмоқда.
Ўзбекистон Республикаси Президентининг «Мактабгача ва мактаб таълими вазирлиги ҳамда унинг тизимидаги ташкилотлар фаолиятини самарали ташкил этиш чора-тадбирлари тўғрисида» 2023 йил 26 майдаги ПФ-79-сон Фармонига мувофиқ Ихтисослаштирилган таълим муассасалари агентлиги тизимидаги мактабларда соғлом овқатлантириш тизимини янада такомиллаштириш мақсадида Вазирлар Маҳкамаси қарор қилади:
1. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги тизимидаги мактабларда соғлом овқатлантиришни аутсорсинг усулида ташкил этиш тўғрисида» 2021 йил 14 апрелдаги 218-сон қарорига иловага мувофиқ ўзгартиришлар киритилсин.
2. Мазкур қарорнинг бажарилишини назорат қилиш Ўзбекистон Республикаси мактабгача ва мактаб таълими вазири Ҳ.Ў. Умарова зиммасига юклансин.
Вазирлар Маҳкамасининг 2024 йил 16 майдаги 284-сон қарорига ИЛОВА
Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги тизимидаги мактабларда соғлом овқатлантиришни аутсорсинг усулида ташкил этиш тўғрисида» 2021 йил 14 апрелдаги 218-сон қарорига киритилаётган ўзгартиришлар
1. Қарорда :
а) номидаги , муқаддимадаги , 1-банддаги ҳамда 2-банднинг иккинчи хатбошисидаги «Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш» сўзлари «Мактабгача ва мактаб таълими вазирлиги ҳузуридаги Ихтисослаштирилган таълим муассасалари» сўзлари билан алмаштирилсин;
б) 3-банднинг биринчи хатбошисидаги «Ўзбекистон Республикаси Санитария-эпидемиологик осойишталик ва жамоат саломатлиги хизмати Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги» сўзлари «Санитария-эпидемиологик осойишталик ва жамоат саломатлиги қўмитаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги» сўзлари билан алмаштирилсин;
в) 4 ва 5-бандлар қуйидаги таҳрирда баён этилсин:
«4. Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси билан биргаликда мактабларда ўқувчиларга берилаётган таомлар сифати устидан қатъий назоратни таъминласин.
5. Ўзбекистон Республикаси Иқтисодиёт ва молия вазирлиги мазкур қарор ижросини таъминлаш билан боғлиқ харажатларни молиялаштиришни Ўзбекистон Республикаси Давлат бюджета параметрларида назарда тутсин».
2. Иловада:
а) номидаги , 1-банддаги , Низомга 1-илованинг белгисидаги ва номидаги , Низомга 2-илованинг белгисидаги, Низомга 3-илованинг белгисидаги ҳамда Низомга 4-илованинг белгисидаги «Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги» сўзлари «Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги» сўзлари билан алмаштирилсин;
б) 2-банд қуйидаги мазмундаги бешинчи хатбоши билан тўлдирилсин:
«мактаб ишчи гуруҳи — мактаб директори раҳбарлигида ташкил этиладиган, директор бошчилик қиладиган, ҳамшира, тарбиячи ҳамда бошқа ходимлардан иборат таркиб»;
в) 12-банднинг учинчи хатбошиси қуйидаги таҳрирда баён этилсин:
«Комиссия томонидан тасдиқланадиган танлов ҳужжати ва баҳолаш мезонларида танловда иштирок этувчи талабгорнинг мазкур соҳада етарли катта иш тажрибасига (мазкур соҳада камида икки йиллик иш тажрибасига эга, умумий овқатланиш майдони мавжуд бўлган), тегишли молиявий, моддий-техник ва логистика базасига (техника, ишчилар сони ва уларнинг таркиби) эга бўлган талабгорларга устунлик берилади»;
г) 13-банд қуйидаги таҳрирда баён этилсин:
«13. Агентлик директори ўринбосари комиссия раиси ҳисобланади ва комиссия таркибини ҳар йил учун алоҳида тасдиқлайди.
Комиссия таркиби тоқ сонли аъзолардан иборат бўлиб, Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси, Мактабгача ва мактаб таълими вазирлигининг 2 нафар ходимидан ташкил топади»;
д) 14-банднинг биринчи ва иккинчи хатбошиларидаги «Комиссия» сўзи «Мактаб ишчи гуруҳи» сўзлари билан алмаштирилсин;
е) 19-банднинг олтинчи хатбошисидаги «гастроэнтеролог, аллерголог,» сўзлари чиқариб ташлансин;
ж) 21 -банднинг еттинчи хатбошисидан «ювиш воситалари, олинадиган соф фойда» сўзлари «ювиш воситалари, солиқлар, олинадиган соф фойда» сўзлари билан алмаштирилсин;
з) 24-банд қуйидаги таҳрирда баён этилсин:
«24. Ўқув йили давомида янги синфлар очилганда (ёки ёпилганда), ўқувчилар сони ўзгарганда ҳамда маҳаллий ижро этувчи ҳокимият органлари томонидан тасдиқланган ўртача бозор нархлари кескин ўзгарганда, аутсорсер ва мактаб томонидан шартнома бўйича умумий бошланғич сумманинг 10 фоизидан ошмаган миқдорда қўшимча шартнома тузилиши мумкин»;
и) 28-банднинг биринчи хатбошисидаги «комиссия» сўзи «мактаб ишчи гуруҳи» сўзлари билан алмаштирилсин;
к) 31-банддаги «хизматининг» сўзи «қўмитасининг» сўзи билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2024 йил 16 май,
284-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi tizimidagi maktablarda sogʻlom ovqatlantirishni autsorsing usulida tashkil etish toʻgʻrisida” 2021-yil 14-apreldagi 218-son qaroriga Ixtisoslashtirilgan taʼlim muassasalari agentligi tizimidagi maktablarda sogʻlom ovqatlantirish tizimini takomillashtirishga qaratilgan oʻzgartirishlar kiritish haqida
Bugungi kunda Ixtisoslashtirilgan taʼlim muassasalari agentligi tizimidagi maktablarda oʻquvchilarni sogʻlom ovqatlantirish autsorsing asosida samarali tashkil etib kelinmoqda.
Shu bilan birga, oʻquvchilarni sogʻlom ovqatlantirish autsorsing asosida tashkil etiladigan maktablar soni ortib borayotganligi sababli taomlar sifatini doimiy nazorat qilishda ayrim qiyinchiliklarga olib kelmoqda.
Bu esa, oʻz navbatida, autsorser tomonidan tayyorlab berilayotgan taomlar sifati va tarkibining taomnomaga muvofiqligini doimiy nazorat qilib borish tizimini yanada takomillashtirish zaruratini yuzaga keltirmoqda.
Oʻzbekiston Respublikasi Prezidentining “Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari toʻgʻrisida” 2023-yil 26-maydagi PF-79-son Farmoniga muvofiq Ixtisoslashtirilgan taʼlim muassasalari agentligi tizimidagi maktablarda sogʻlom ovqatlantirish tizimini yanada takomillashtirish maqsadida Vazirlar Mahkamasi qaror qiladi:
1. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi tizimidagi maktablarda sogʻlom ovqatlantirishni autsorsing usulida tashkil etish toʻgʻrisida” 2021-yil 14-apreldagi 218-son qaroriga ilovaga muvofiq oʻzgartirishlar kiritilsin.
2. Mazkur qarorning bajarilishini nazorat qilish Oʻzbekiston Respublikasi maktabgacha va maktab taʼlimi vaziri H.Oʻ. Umarova zimmasiga yuklansin.
Vazirlar Mahkamasining 2024-yil 16-maydagi 284-son qaroriga ILOVA
Vazirlar Mahkamasining “Oʻzbekiston Respublikasi Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi tizimidagi maktablarda sogʻlom ovqatlantirishni autsorsing usulida tashkil etish toʻgʻrisida” 2021-yil 14-apreldagi 218-son qaroriga kiritilayotgan oʻzgartirishlar
1. Qarorda :
a) nomidagi , muqaddimadagi , 1-banddagi hamda 2-bandning ikkinchi xatboshisidagi “Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish” soʻzlari “Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari” soʻzlari bilan almashtirilsin;
b) 3-bandning birinchi xatboshisidagi “Oʻzbekiston Respublikasi Sanitariya-epidemiologik osoyishtalik va jamoat salomatligi xizmati Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi” soʻzlari “Sanitariya-epidemiologik osoyishtalik va jamoat salomatligi qoʻmitasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;
v) 4 va 5-bandlar quyidagi tahrirda bayon etilsin:
“4. Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi bilan birgalikda maktablarda oʻquvchilarga berilayotgan taomlar sifati ustidan qatʼiy nazoratni taʼminlasin.
5. Oʻzbekiston Respublikasi Iqtisodiyot va moliya vazirligi mazkur qaror ijrosini taʼminlash bilan bogʻliq xarajatlarni moliyalashtirishni Oʻzbekiston Respublikasi Davlat budjeta parametrlarida nazarda tutsin”.
2. Ilovada:
a) nomidagi , 1-banddagi , Nizomga 1-ilovaning belgisidagi va nomidagi , Nizomga 2-ilovaning belgisidagi, Nizomga 3-ilovaning belgisidagi hamda Nizomga 4-ilovaning belgisidagi “Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi” soʻzlari “Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;
b) 2-band quyidagi mazmundagi beshinchi xatboshi bilan toʻldirilsin:
“maktab ishchi guruhi — maktab direktori rahbarligida tashkil etiladigan, direktor boshchilik qiladigan, hamshira, tarbiyachi hamda boshqa xodimlardan iborat tarkib”;
v) 12-bandning uchinchi xatboshisi quyidagi tahrirda bayon etilsin:
“Komissiya tomonidan tasdiqlanadigan tanlov hujjati va baholash mezonlarida tanlovda ishtirok etuvchi talabgorning mazkur sohada yetarli katta ish tajribasiga (mazkur sohada kamida ikki yillik ish tajribasiga ega, umumiy ovqatlanish maydoni mavjud boʻlgan), tegishli moliyaviy, moddiy-texnik va logistika bazasiga (texnika, ishchilar soni va ularning tarkibi) ega boʻlgan talabgorlarga ustunlik beriladi”;
g) 13-band quyidagi tahrirda bayon etilsin:
“13. Agentlik direktori oʻrinbosari komissiya raisi hisoblanadi va komissiya tarkibini har yil uchun alohida tasdiqlaydi.
Komissiya tarkibi toq sonli aʼzolardan iborat boʻlib, Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi, Maktabgacha va maktab taʼlimi vazirligining 2 nafar xodimidan tashkil topadi”;
d) 14-bandning birinchi va ikkinchi xatboshilaridagi “Komissiya” soʻzi “Maktab ishchi guruhi” soʻzlari bilan almashtirilsin;
e) 19-bandning oltinchi xatboshisidagi “gastroenterolog, allergolog,” soʻzlari chiqarib tashlansin;
j) 21 -bandning yettinchi xatboshisidan “yuvish vositalari, olinadigan sof foyda” soʻzlari “yuvish vositalari, soliqlar, olinadigan sof foyda” soʻzlari bilan almashtirilsin;
z) 24-band quyidagi tahrirda bayon etilsin:
“24. Oʻquv yili davomida yangi sinflar ochilganda (yoki yopilganda), oʻquvchilar soni oʻzgarganda hamda mahalliy ijro etuvchi hokimiyat organlari tomonidan tasdiqlangan oʻrtacha bozor narxlari keskin oʻzgarganda, autsorser va maktab tomonidan shartnoma boʻyicha umumiy boshlangʻich summaning 10 foizidan oshmagan miqdorda qoʻshimcha shartnoma tuzilishi mumkin”;
i) 28-bandning birinchi xatboshisidagi “komissiya” soʻzi “maktab ishchi guruhi” soʻzlari bilan almashtirilsin;
k) 31-banddagi “xizmatining” soʻzi “qoʻmitasining” soʻzi bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 16-may,
284-son