📅 2024-yil 16-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 16 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 мая 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 16 May 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
низом
СХЕМАСИ
Қорақалпоғистон Республикасида меҳмонхона хизматларини ривожлантириш ҳамда қулай шарт-шароитлар яратиш чора-тадбирлари тўғрисида
Ўзбекистон Республикаси Президентининг «Қорақалпоғистон Республикасини комплекс ижтимоий-иқтисодий ривожлантириш ва аҳоли бандлигини таъминлашнинг қўшимча чора-тадбирлари тўғрисида» 2024 йил 9 февралдаги ПҚ-66-сон қарорига мувофиқ Вазирлар Маҳкамаси қарор қилади:
1. Қуйидагиларни назарда тутувчи Қорақалпоғистон Республикасида уч юлдузлига айлантириладиган мавжуд меҳмонхоналар учун субсидия ажратиш тартиби тўғрисидаги низом иловага мувофиқ тасдиқлансин:
субсидия ажратиш бўйича тадбиркорга қўйиладиган талаблар, субсидия олиш учун мурожаат қилиш тартиби ҳамда тақдим этиладиган ҳужжатлар;
мурожаатни кўриб чиқиш ва қарор қабул қилиш тартиби, субсидия ажратишни рад этиш асослари.
2. Ўзбекистон Республикаси Туризм қўмитаси Рақамли технологиялар вазирлиги ҳамда Адлия вазирлиги билан биргаликда икки ой муддатда:
ушбу қарор билан тасдиқланган Низом асосида давлат хизмати Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали жорий этилишини таъминласин;
ЯИДХПда давлат хизматини кўрсатишнинг ҳар бир босқичида мурожаатларни кўриб чиқишни кузатиб бориш тартибини жорий этсин.
3. Ўзбекистон Республикаси Адлия вазирлиги Туризм қўмитаси органлари томонидан давлат хизматларини кўрсатишнинг белгиланган тартибига риоя этилиши бўйича уларнинг фаолияти юзасидан, шу жумладан, ЯИДХП орқали доимий назорат ўрнатсин.
4. Мазкур қарорнинг бажарилишини назорат қилиш Ўзбекистон Республикаси Туризм қўмитаси раиси А.Ў. Аққулов зиммасига юклансин.
Вазирлар Маҳкамасининг 2024 йил 16 майдаги 287-сон қарорига ИЛОВА
Қорақалпоғистон Республикасида уч юлдузлига айлантириладиган мавжуд меҳмонхоналар учун субсидия ажратиш тартиби тўғрисида
1-боб. Умумий қоидалар
1. Ушбу Низом Қорақалпоғистон Республикасида фаолият юритаётган, юлдуз тоифасига эга бўлмаган мавжуд меҳмонхоналарни уч юлдузли тоифага айлантириш мақсадида тадбиркорлик субъектига меҳмонхона хоналарини жиҳозлаш учун сарфланган харажатларнинг бир қисмини Ўзбекистон Республикаси Туризм қўмитасининг Туризмни қўллаб-қувватлаш жамғармаси (кейинги ўринларда — Жамғарма) маблағлари ҳисобидан қоплаб бериш учун субсидия ажратиш тартибини белгилайди.
2. Ушбу Низомда қуйидаги тушунчадан фойдаланилади:
субсидия — Қорақалпогистон Республикасида меҳмонхона хизматларини кўрсатаётган тадбиркорлик субъектига мавжуд меҳмонхонани уч юлдузли тоифага айлантиргани учун меҳмонхонанинг ҳар бир хонасига Жамғарма маблағлари ҳисобидан сарфланган харажатларнинг бир қисмини қоплаш учун ажратиладиган маблағлар;
тадбиркор — Қорақалпоғистон Республикасида фаолият юритаётган, уч юлдуз тоифасига эга бўлмаган мавжуд меҳмонхонани уч юлдузли тоифага айлантириш орқали меҳмонхона хоналарини жиҳозлаш учун сарфланган харажатларнинг бир қисмини қоплаш мақсадида мурожаат қилган тадбиркорлик субъекти.
3. Субсидия Давлат хизматлари марказлари ёки Ягона интерактив давлат хизматлари портали (кейинги ўринларда — ЯИДХП) орқали Ўзбекистон Республикаси Туризм қўмитаси (кейинги ўринларда — Қўмита) томонидан ажратилади.
4. Меҳмонхона хизматларини сертификатлаштириш, уларга тоифа бериш, шунингдек, сертификатлаштирилган хизматларининг стандартлаштириш бўйича норматив ҳужжатлар талабларига мувофиқлигининг давлат назорати Қўмитанинг «Туризм хизматларини сертификатлаш маркази» ДУК томонидан амалга оширилади.
5. Субсидия Қорақалпоғистон Республикасида фаолият юритаётган ва тоифага эга бўлмаган меҳмонхона белгиланган тартибда уч юлдузли тоифага эга бўлганда ажратилади.
6. Тадбиркор субсидия олиш учун ҳужжатларни топшириш санасида банкротлик ёки тугатиш жараёнида бўлмаслиги лозим.
7. Тадбиркорга уч юлдузли тоифага айлантириладиган мавжуд меҳмонхоналарнинг ҳар бир хонасига Жамғарма маблағлари ҳисобидан йигирма миллион сўмдан субсидия ажратилади.
2-боб. Тадбиркорга субсидия ажратиш тартиби
8. Субсидия ушбу Низомга 1-иловага мувофиқ схема бўйича ажратилади.
9. Тадбиркор давлат хизматидан фойдаланиш учун Давлат хизматлари марказига шахсан келиб мурожаат этади ёки давлат хизматларидан электрон шаклда фойдаланиш учун ЯИДХПда рўйхатдан ўтади.
Тадбиркор ўзи келиб мурожаат этган тақдирда, Давлат хизматлари маркази ходими тадбиркор номидан, ЯИДХП орқали мурожаат этган тақдирда эса, мустақил равишда ушбу Низомга 2-иловада келтирилган шаклга мувофиқ давлат хизматидан фойдаланиш учун сўровномани электрон шаклда тўлдиради.
Субсидия олиш мақсадида тақдим этилган сўровномадаги маълумотларнинг тўғрилиги ва ҳақиқийлигига тадбиркор масъул ҳисобланади.
10. Сўровнома тўлдирилганидан сўнг тадбиркор маълумотлар тўғрилигини текширади ва имзоларни идентификация қилишнинг замонавий воситалари (дактилоскопия, электрон рақамли имзо, Мобил-ID ва бошқалар) билан тасдиқлайди.
Тадбиркор ЯИДХП орқали мурожаат этган тақдирда, сўровномани электрон рақамли имзо билан тасдиқлаш талаб этилмайди.
11. Қўмита сўровнома келиб тушган кундан бошлаб ўн иш кунида унинг мазкур Низомда белгиланган талабларга мослигини ўрганиб чиқади.
12. Қўмита Низомнинг 11-бандида белгиланган муддат ичида сўровномани кўриб чиқиб, субсидия бериш ёки субсидия беришни рад этиш тўғрисида (рад этиш асосларини кўрсатилган ҳолда) қарор қабул қилади ҳамда қарорнинг электрон нусхасини тегишли Давлат хизматлари марказига (ўзи келиб мурожаат этганда) ёки талабгорга (электрон тарзда мурожаат этганда) ЯИДХПдаги шахсий кабинетига юборади.
13. Субсидия бериш тўғрисидаги қарорда субсидия миқдори, меҳмонхона номи, юлдуз тоифаси ва хоналар фонди, жойлашган ери (почта манзили) ва унинг кадастр рақами, субсидия олаётган тадбиркор (юридик шахс) номи ва СТИР ҳамда тижорат банкидаги ҳисобварағи кўрсатилади.
14. Субсидия бериш қуйидаги асосларга кўра рад этилади:
сўровномада ушбу Низомга 2-иловада кўрсатилган маълумотлар тўлиқ кўрсатилмаганлиги;
тадбиркор ушбу Низомнинг 5 ва 6-бандларда кўрсатилган талабларга жавоб бермаслиги;
бир марта субсидия тақдим этилган тадбиркор субсидия олиш учун такроран мурожаат қилганда.
Субсидия беришни ушбу бандда кўрсатилмаган асослар бўйича рад этишга йўл қўйилмайди.
15. Тадбиркор субсидия беришни рад этиш тўғрисидаги қарор нусхасини олган кундан бошлаб икки ой ичида қарорда кўрсатилган камчиликларни бартараф этиши ҳамда уларнинг бартараф этилганлигини тасдиқловчи ҳужжатларни илова қилган ҳолда, субсидия олиш учун такроран мурожаат қилиши мумкин.
16. Сўровнома такроран тақдим этилган кундан бошлаб беш иш кунида қайта кўриб чиқилади. Бунда субсидия беришни янги асослар бўйича рад этишга йўл қўйилмайди.
17. Ушбу Низомнинг 15-бандида кўрсатилган муддат тугагандан сўнг тақдим этилган сўровнома янги берилган деб ҳисобланади.
18. Субсидия бериш тўғрисида қарор қабул қилинган кундан бошлаб ўн иш куни ичида Қўмита тадбиркорнинг хизмат кўрсатувчи тижорат банкидаги ҳисобварағига маблағларни ўтказиб беради.
19. Субсидия бериш учун Жамғарма ҳисобидан маблағлар ажратилган тадбиркорлар рўйхати (реестри) Қўмитанинг расмий веб-сайтига жойлаштириб борилади.
20. Қўмита субсидия бериш ишларини ташкил этиш, мувофиқлаштириш, мониторинг қилиш ва Жамғарма ҳисобидан ажратилган маблағларнинг тадбиркорга етказилиши учун масъул ҳисобланади.
21. Тадбиркор субсидия ажратилган даврдан бошлаб беш йилдан кам бўлмаган муддатда меҳмонхона хизматини кўрсатиши ва меҳмонхонага берилган юлдуз тоифасини сақлаб қолиши лозим.
Тадбиркор беш йил мобайнида меҳмонхона хизматларини ташкил қила олмаган ёки меҳмонхонанинг юлдуз тоифаси пасайган такдирда, ажратилган субсидияни фаолият юритган даврига мутаносиб равишда чегирган ҳолда, қолган маблағларни Жамғармага қайтаради.
Жамғармага қайтариладиган маблағлар Қўмита қарорига мувофиқ тадбиркор томонидан Жамғарманинг махсус ҳисобварағига ўтказилади.
Қўмита Жамғарманинг махсус ҳисобварағига қайтариладиган маблағлар тадбиркор томонидан белгиланган муддатда тўлиқ ўтказилмаган тақдирда, Қўмита маблағларни ундириш бўйича судга мурожаат қилади ҳамда субсидия сифатида ажратилган маблағларнинг белгиланган тартибда тадбиркордан қайтариш чораларини кўради.
22. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотлар сир сақланишини таъминлайди.
3-боб. Якунловчи қоидалар
23. Тадбиркор ваколатли органларнинг ходимлари хатти-ҳаракатлари устидан қонунчиликда белгиланган тартибда шикоят қилишлари мумкин.
24. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.
Қорақалпоғистон Республикасида уч юлдузлига айлантириладиган мавжуд меҳмонхоналар учун субсидия ажратиш тартиби тўғрисидаги низомга 1-ИЛОВА
Қорақалпоғистон Республикасида уч юлдузлига айлантириладиган мавжуд меҳмонхоналар учун субсидия ажратиш
Босқичлар Субъектлар Тадбирлар Бажариш муддатлари 1-босқич Тадбиркор Туризм қўмитасига субсидия олиш учун Давлат хизматлари марказлари ёки Ягона интерактив давлат хизматлари (кейинги ўринларда — ЯИДХП) орқали сўровнома билан мурожаат қилади. Тадбиркорнинг хоҳишига кўра 2-босқич Туризм қўмитаси Сўровномани кўриб чиқади ва субсидия бериш ёки беришни рад этиш тўғрисида қарор қабул қилади ҳамда Давлат хизматлари маркази ёки тадбиркорнинг ЯИДХПдаги шахсий кабинетига юборади. 10 иш кунда 3-босқич Тадбиркор Субсидия беришни рад этиш тўғрисидаги қарорни олганда, қарорда кўрсатилган камчиликларни бартараф этиш ва уларнинг бартараф этилганлигини тасдиқловчи тегишли ҳужжатларни (маълумотларни) илова қилган ҳолда, Туризм қўмитасига такроран Давлат хизматлари маркази ёки ЯИДХП орқали мурожаат қилади. 2 ойдан кўп бўлмаган муддатда 4-босқич Туризм қўмитаси Сўровнома такроран тақдим этилганда, уни қайта кўриб чиқиш. 5 иш кунда 5-босқич Туризм қўмитаси Тадбиркорнинг тижорат банкидаги ҳисобварағига маблағларни ўтказиб беради. 10 иш кунда
Қорақалпоғистон Республикасида уч юлдузлига айлантириладиган мавжуд меҳмонхоналар учун субсидия ажратиш тартиби тўғрисидаги низомга 2-ИЛОВА
СЎРОВНОМА I. Тадбиркор тўғрисида маълумот: 1. Юридик шахснинг номи тўлиқ номи 2. Юридик шахснинг СТИР 3. Юридик шахснинг жойлашган ери (почта манзили) 4. Телефон рақами 5. Электрон почта манзили (агар мавжуд бўлса) 6. Банк реквизитлари II. Меҳмонхона тўғрисида маълумот: 7. Меҳмонхона номи 8. Меҳмонхона жойлашган манзил 9. Кўчмас мулкнинг кадастр рақами 10. Мувофиқлик сертификати олинган сана ва рақами 11. Меҳмонхонадаги хоналарнинг сони
Ўзбекистон Республикасининг Бош вазири А. АРИПОВ
Тошкент ш.,
2024 йил 16 май,
287-сон
Oʻzbekiston Respublikasi Vazirlar Mahkamasining
qarori
nizom
SXEMASI
Qoraqalpogʻiston Respublikasida mehmonxona xizmatlarini rivojlantirish hamda qulay shart-sharoitlar yaratish chora-tadbirlari toʻgʻrisida
Oʻzbekiston Respublikasi Prezidentining “Qoraqalpogʻiston Respublikasini kompleks ijtimoiy-iqtisodiy rivojlantirish va aholi bandligini taʼminlashning qoʻshimcha chora-tadbirlari toʻgʻrisida” 2024-yil 9-fevraldagi PQ-66-son qaroriga muvofiq Vazirlar Mahkamasi qaror qiladi:
1. Quyidagilarni nazarda tutuvchi Qoraqalpogʻiston Respublikasida uch yulduzliga aylantiriladigan mavjud mehmonxonalar uchun subsidiya ajratish tartibi toʻgʻrisidagi nizom ilovaga muvofiq tasdiqlansin:
subsidiya ajratish boʻyicha tadbirkorga qoʻyiladigan talablar, subsidiya olish uchun murojaat qilish tartibi hamda taqdim etiladigan hujjatlar;
murojaatni koʻrib chiqish va qaror qabul qilish tartibi, subsidiya ajratishni rad etish asoslari.
2. Oʻzbekiston Respublikasi Turizm qoʻmitasi Raqamli texnologiyalar vazirligi hamda Adliya vazirligi bilan birgalikda ikki oy muddatda:
ushbu qaror bilan tasdiqlangan Nizom asosida davlat xizmati Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali joriy etilishini taʼminlasin;
YIDXPda davlat xizmatini koʻrsatishning har bir bosqichida murojaatlarni koʻrib chiqishni kuzatib borish tartibini joriy etsin.
3. Oʻzbekiston Respublikasi Adliya vazirligi Turizm qoʻmitasi organlari tomonidan davlat xizmatlarini koʻrsatishning belgilangan tartibiga rioya etilishi boʻyicha ularning faoliyati yuzasidan, shu jumladan, YIDXP orqali doimiy nazorat oʻrnatsin.
4. Mazkur qarorning bajarilishini nazorat qilish Oʻzbekiston Respublikasi Turizm qoʻmitasi raisi A.Oʻ. Aqqulov zimmasiga yuklansin.
Vazirlar Mahkamasining 2024-yil 16-maydagi 287-son qaroriga ILOVA
Qoraqalpogʻiston Respublikasida uch yulduzliga aylantiriladigan mavjud mehmonxonalar uchun subsidiya ajratish tartibi toʻgʻrisida
1-bob. Umumiy qoidalar
1. Ushbu Nizom Qoraqalpogʻiston Respublikasida faoliyat yuritayotgan, yulduz toifasiga ega boʻlmagan mavjud mehmonxonalarni uch yulduzli toifaga aylantirish maqsadida tadbirkorlik subyektiga mehmonxona xonalarini jihozlash uchun sarflangan xarajatlarning bir qismini Oʻzbekiston Respublikasi Turizm qoʻmitasining Turizmni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan qoplab berish uchun subsidiya ajratish tartibini belgilaydi.
2. Ushbu Nizomda quyidagi tushunchadan foydalaniladi:
subsidiya — Qoraqalpogiston Respublikasida mehmonxona xizmatlarini koʻrsatayotgan tadbirkorlik subyektiga mavjud mehmonxonani uch yulduzli toifaga aylantirgani uchun mehmonxonaning har bir xonasiga Jamgʻarma mablagʻlari hisobidan sarflangan xarajatlarning bir qismini qoplash uchun ajratiladigan mablagʻlar;
tadbirkor — Qoraqalpogʻiston Respublikasida faoliyat yuritayotgan, uch yulduz toifasiga ega boʻlmagan mavjud mehmonxonani uch yulduzli toifaga aylantirish orqali mehmonxona xonalarini jihozlash uchun sarflangan xarajatlarning bir qismini qoplash maqsadida murojaat qilgan tadbirkorlik subyekti.
3. Subsidiya Davlat xizmatlari markazlari yoki Yagona interaktiv davlat xizmatlari portali (keyingi oʻrinlarda — YIDXP) orqali Oʻzbekiston Respublikasi Turizm qoʻmitasi (keyingi oʻrinlarda — Qoʻmita) tomonidan ajratiladi.
4. Mehmonxona xizmatlarini sertifikatlashtirish, ularga toifa berish, shuningdek, sertifikatlashtirilgan xizmatlarining standartlashtirish boʻyicha normativ hujjatlar talablariga muvofiqligining davlat nazorati Qoʻmitaning “Turizm xizmatlarini sertifikatlash markazi” DUK tomonidan amalga oshiriladi.
5. Subsidiya Qoraqalpogʻiston Respublikasida faoliyat yuritayotgan va toifaga ega boʻlmagan mehmonxona belgilangan tartibda uch yulduzli toifaga ega boʻlganda ajratiladi.
6. Tadbirkor subsidiya olish uchun hujjatlarni topshirish sanasida bankrotlik yoki tugatish jarayonida boʻlmasligi lozim.
7. Tadbirkorga uch yulduzli toifaga aylantiriladigan mavjud mehmonxonalarning har bir xonasiga Jamgʻarma mablagʻlari hisobidan yigirma million soʻmdan subsidiya ajratiladi.
2-bob. Tadbirkorga subsidiya ajratish tartibi
8. Subsidiya ushbu Nizomga 1-ilovaga muvofiq sxema boʻyicha ajratiladi.
9. Tadbirkor davlat xizmatidan foydalanish uchun Davlat xizmatlari markaziga shaxsan kelib murojaat etadi yoki davlat xizmatlaridan elektron shaklda foydalanish uchun YIDXPda roʻyxatdan oʻtadi.
Tadbirkor oʻzi kelib murojaat etgan taqdirda, Davlat xizmatlari markazi xodimi tadbirkor nomidan, YIDXP orqali murojaat etgan taqdirda esa, mustaqil ravishda ushbu Nizomga 2-ilovada keltirilgan shaklga muvofiq davlat xizmatidan foydalanish uchun soʻrovnomani elektron shaklda toʻldiradi.
Subsidiya olish maqsadida taqdim etilgan soʻrovnomadagi maʼlumotlarning toʻgʻriligi va haqiqiyligiga tadbirkor masʼul hisoblanadi.
10. Soʻrovnoma toʻldirilganidan soʻng tadbirkor maʼlumotlar toʻgʻriligini tekshiradi va imzolarni identifikatsiya qilishning zamonaviy vositalari (daktiloskopiya, elektron raqamli imzo, Mobil-ID va boshqalar) bilan tasdiqlaydi.
Tadbirkor YIDXP orqali murojaat etgan taqdirda, soʻrovnomani elektron raqamli imzo bilan tasdiqlash talab etilmaydi.
11. Qoʻmita soʻrovnoma kelib tushgan kundan boshlab oʻn ish kunida uning mazkur Nizomda belgilangan talablarga mosligini oʻrganib chiqadi.
12. Qoʻmita Nizomning 11-bandida belgilangan muddat ichida soʻrovnomani koʻrib chiqib, subsidiya berish yoki subsidiya berishni rad etish toʻgʻrisida (rad etish asoslarini koʻrsatilgan holda) qaror qabul qiladi hamda qarorning elektron nusxasini tegishli Davlat xizmatlari markaziga (oʻzi kelib murojaat etganda) yoki talabgorga (elektron tarzda murojaat etganda) YIDXPdagi shaxsiy kabinetiga yuboradi.
13. Subsidiya berish toʻgʻrisidagi qarorda subsidiya miqdori, mehmonxona nomi, yulduz toifasi va xonalar fondi, joylashgan yeri (pochta manzili) va uning kadastr raqami, subsidiya olayotgan tadbirkor (yuridik shaxs) nomi va STIR hamda tijorat bankidagi hisobvaragʻi koʻrsatiladi.
14. Subsidiya berish quyidagi asoslarga koʻra rad etiladi:
soʻrovnomada ushbu Nizomga 2-ilovada koʻrsatilgan maʼlumotlar toʻliq koʻrsatilmaganligi;
tadbirkor ushbu Nizomning 5 va 6-bandlarda koʻrsatilgan talablarga javob bermasligi;
bir marta subsidiya taqdim etilgan tadbirkor subsidiya olish uchun takroran murojaat qilganda.
Subsidiya berishni ushbu bandda koʻrsatilmagan asoslar boʻyicha rad etishga yoʻl qoʻyilmaydi.
15. Tadbirkor subsidiya berishni rad etish toʻgʻrisidagi qaror nusxasini olgan kundan boshlab ikki oy ichida qarorda koʻrsatilgan kamchiliklarni bartaraf etishi hamda ularning bartaraf etilganligini tasdiqlovchi hujjatlarni ilova qilgan holda, subsidiya olish uchun takroran murojaat qilishi mumkin.
16. Soʻrovnoma takroran taqdim etilgan kundan boshlab besh ish kunida qayta koʻrib chiqiladi. Bunda subsidiya berishni yangi asoslar boʻyicha rad etishga yoʻl qoʻyilmaydi.
17. Ushbu Nizomning 15-bandida koʻrsatilgan muddat tugagandan soʻng taqdim etilgan soʻrovnoma yangi berilgan deb hisoblanadi.
18. Subsidiya berish toʻgʻrisida qaror qabul qilingan kundan boshlab oʻn ish kuni ichida Qoʻmita tadbirkorning xizmat koʻrsatuvchi tijorat bankidagi hisobvaragʻiga mablagʻlarni oʻtkazib beradi.
19. Subsidiya berish uchun Jamgʻarma hisobidan mablagʻlar ajratilgan tadbirkorlar roʻyxati (reyestri) Qoʻmitaning rasmiy veb-saytiga joylashtirib boriladi.
20. Qoʻmita subsidiya berish ishlarini tashkil etish, muvofiqlashtirish, monitoring qilish va Jamgʻarma hisobidan ajratilgan mablagʻlarning tadbirkorga yetkazilishi uchun masʼul hisoblanadi.
21. Tadbirkor subsidiya ajratilgan davrdan boshlab besh yildan kam boʻlmagan muddatda mehmonxona xizmatini koʻrsatishi va mehmonxonaga berilgan yulduz toifasini saqlab qolishi lozim.
Tadbirkor besh yil mobaynida mehmonxona xizmatlarini tashkil qila olmagan yoki mehmonxonaning yulduz toifasi pasaygan takdirda, ajratilgan subsidiyani faoliyat yuritgan davriga mutanosib ravishda chegirgan holda, qolgan mablagʻlarni Jamgʻarmaga qaytaradi.
Jamgʻarmaga qaytariladigan mablagʻlar Qoʻmita qaroriga muvofiq tadbirkor tomonidan Jamgʻarmaning maxsus hisobvaragʻiga oʻtkaziladi.
Qoʻmita Jamgʻarmaning maxsus hisobvaragʻiga qaytariladigan mablagʻlar tadbirkor tomonidan belgilangan muddatda toʻliq oʻtkazilmagan taqdirda, Qoʻmita mablagʻlarni undirish boʻyicha sudga murojaat qiladi hamda subsidiya sifatida ajratilgan mablagʻlarning belgilangan tartibda tadbirkordan qaytarish choralarini koʻradi.
22. Davlat xizmatlari markazlari va vakolatli organ oʻz faoliyatini amalga oshirishi natijasida olingan maʼlumotlar sir saqlanishini taʼminlaydi.
3-bob. Yakunlovchi qoidalar
23. Tadbirkor vakolatli organlarning xodimlari xatti-harakatlari ustidan qonunchilikda belgilangan tartibda shikoyat qilishlari mumkin.
24. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.
Qoraqalpogʻiston Respublikasida uch yulduzliga aylantiriladigan mavjud mehmonxonalar uchun subsidiya ajratish tartibi toʻgʻrisidagi nizomga 1-ILOVA
Qoraqalpogʻiston Respublikasida uch yulduzliga aylantiriladigan mavjud mehmonxonalar uchun subsidiya ajratish
Bosqichlar Subyektlar Tadbirlar Bajarish muddatlari 1-bosqich Tadbirkor Turizm qoʻmitasiga subsidiya olish uchun Davlat xizmatlari markazlari yoki Yagona interaktiv davlat xizmatlari (keyingi oʻrinlarda — YIDXP) orqali soʻrovnoma bilan murojaat qiladi. Tadbirkorning xohishiga koʻra 2-bosqich Turizm qoʻmitasi Soʻrovnomani koʻrib chiqadi va subsidiya berish yoki berishni rad etish toʻgʻrisida qaror qabul qiladi hamda Davlat xizmatlari markazi yoki tadbirkorning YIDXPdagi shaxsiy kabinetiga yuboradi. 10 ish kunda 3-bosqich Tadbirkor Subsidiya berishni rad etish toʻgʻrisidagi qarorni olganda, qarorda koʻrsatilgan kamchiliklarni bartaraf etish va ularning bartaraf etilganligini tasdiqlovchi tegishli hujjatlarni (maʼlumotlarni) ilova qilgan holda, Turizm qoʻmitasiga takroran Davlat xizmatlari markazi yoki YIDXP orqali murojaat qiladi. 2 oydan koʻp boʻlmagan muddatda 4-bosqich Turizm qoʻmitasi Soʻrovnoma takroran taqdim etilganda, uni qayta koʻrib chiqish. 5 ish kunda 5-bosqich Turizm qoʻmitasi Tadbirkorning tijorat bankidagi hisobvaragʻiga mablagʻlarni oʻtkazib beradi. 10 ish kunda
Qoraqalpogʻiston Respublikasida uch yulduzliga aylantiriladigan mavjud mehmonxonalar uchun subsidiya ajratish tartibi toʻgʻrisidagi nizomga 2-ILOVA
SOʻROVNOMA I. Tadbirkor toʻgʻrisida maʼlumot: 1. Yuridik shaxsning nomi toʻliq nomi 2. Yuridik shaxsning STIR 3. Yuridik shaxsning joylashgan yeri (pochta manzili) 4. Telefon raqami 5. Elektron pochta manzili (agar mavjud boʻlsa) 6. Bank rekvizitlari II. Mehmonxona toʻgʻrisida maʼlumot: 7. Mehmonxona nomi 8. Mehmonxona joylashgan manzil 9. Koʻchmas mulkning kadastr raqami 10. Muvofiqlik sertifikati olingan sana va raqami 11. Mehmonxonadagi xonalarning soni
Oʻzbekiston Respublikasining Bosh vaziri A. ARIPOV
Toshkent sh.,
2024-yil 16-may,
287-son