📅 2024-yil 24-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 24 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 мая 2024 г. · Постановления Президента
Официальный текст. Официальный документ. Редакционные примечания не включены.
📅 24 May 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАШКИЛИЙ ТУЗИЛМАСИ
Вазирлар Маҳкамаси ҳузуридаги Атом энергияси агентлигининг фаолиятини самарали ташкил этиш чора-тадбирлари тўғрисида
Ўзбекистон Республикаси Президентининг 2024 йил 24 майдаги «Ер қаъридан фойдаланиш, саноат, радиация ва ядро хавфсизлиги ҳамда атом энергиясидан фойдаланиш соҳаларида давлат бошқаруви ва назорати тизимини такомиллаштириш чора-тадбирлари тўғрисида»ги ПФ-79-сон Фармони ижросини таъминлаш мақсадида:
1. Қуйидагилар :
Вазирлар Маҳкамаси ҳузуридаги Атом энергияси агентлиги фаолиятининг асосий йўналишлари 1-иловага мувофиқ;
Вазирлар Маҳкамаси ҳузуридаги Атом энергияси агентлигининг ташкилий тузилмаси 2-иловага мувофиқ тасдиқлансин.
2. Белгилаб қўйилсинки:
а) Вазирлар Маҳкамаси ҳузуридаги Атом энергияси агентлиги (кейинги ўринларда — Агентлик) директори мақоми бўйича вазирнинг биринчи ўринбосарига тенглаштирилади;
б) Агентлик тизимидаги ташкилотлар раҳбарлари Вазирлар Маҳкамаси билан келишилган ҳолда Агентлик директори томонидан лавозимга тайинланади ва лавозимидан озод этилади;
в) Агентлик ва унинг тизимидаги ташкилотларга атом энергияси соҳасидаги лойиҳалар доирасида:
лойиҳалар концепциялари, параметрлари ва шартларини ишлаб чиқишда зарур хизматларни, шу жумладан, маркетинг, муҳандислик ва бошқа хизматларни кўрсатишга ихтисослашган компаниялар билан тўғридан-тўғри шартномалар тузишга;
хўжалик жамиятларини ташкил этиш (устав капиталида иштирок этиш) ва мазкур жамиятлар билан тўғридан-тўғри шартномалар тузишга;
иқтисодиёт тармоқларидаги лойиҳаларни молиялаштиришда иштирок этишга рухсат берилади.
3. Энергетика вазирлиги ҳузуридаги Атом энергетикасини ривожлантириш агентлигининг Атом энергетикасини ривожлантириш жамғармаси Агентлик ҳузурида Атом энергиясидан фойдаланиш соҳасини ривожлантириш жамғармаси (кейинги ўринларда — Жамғарма) этиб қайта ташкил этилсин.
Белгилансинки:
а) қуйидагилар Жамғарма маблағларини шакллантириш манбалари ҳисобланади:
Жамғарманинг кутилаётган харажатларидан келиб чиқиб, Иқтисодиёт ва молия вазирлиги билан келишилган ҳолда ўрнатиладиган, «Навоийуран» давлат корхонаси йиллик фойдасидан ҳисобланган дивидендининг 4 фоизи миқдоридаги ажратмалари;
халқаро молия институтлари ва донор ташкилотларининг грантлари, имтиёзли кредитлари ва бошқа мақсадли маблағлари;
жисмоний ва юридик шахсларнинг ҳомийлик хайриялари;
Жамғарманинг вақтинча бўш турган маблағларини тижорат банклари депозитларига жойлаштиришдан олинадиган даромадлар;
қонунчиликда тақиқланмаган бошқа манбалар;
б) Жамғарма маблағлари:
Агентликнинг моддий-техника базасини мустаҳкамлашга;
Агентлик ходимлари меҳнатига ҳақ тўлаш, уларни моддий рағбатлантириш ва ижтимоий ҳимоя қилишга;
Агентлик ходимларини тайёрлаш, қайта тайёрлаш, уларнинг малакасини ошириш ва амалиёт ўташини, шу жумладан, хорижий давлатларга хизмат сафарларини ташкил қилиш, халқаро конференциялар, семинарлар ва бошқа тадбирларда иштирок этишини таъминлашга;
атом энергиясидан фойдаланиш объектларини, шу жумладан, ташқи инфратузилма объектларини қуриш бўйича инвестиция лойиҳаларини амалга ошириш билан боғлиқ Агентлик зиммасидаги вазифаларни амалга оширишга;
атом энергиясидан тинчлик мақсадларида фойдаланиш соҳасида илмий тадқиқотлар, тажриба-конструкторлик ва инновацион ишларни қўллаб-қувватлаш, иқтисодиёт тармоқларида илғор ядро технологияларини жорий этиш билан боғлиқ комплекс чора-тадбирларни амалга оширишга;
Агентликка хорижий мутахассислар ва консультантларни жалб этишга;
Агентлик фаолиятига замонавий ахборот технологияларини жорий этишга;
Агентлик фаолиятини қўллаб-қувватлаш ва ривожлантириш билан боғлиқ бошқа тадбирларни молиялаштиришга йўналтирилади.
4. Агентлик директорига:
юкланган топшириқ ва вазифаларни амалга ошириш доирасида консультантлар сифатида давлат органлари ва ташкилотлари, лойиҳа институтлари, илм-фан ва таълим муассасалари, шунингдек, атом энергиясидан тинчлик мақсадларида фойдаланиш соҳасидаги етакчи халқаро ва чет эл компаниялари мутахассисларини тўғридан-тўғри шартномалар тузиш йўли билан жалб этиш;
юқори малакали хорижий мутахассисларни белгиланган тартибда ишга қабул қилиш, шунингдек, Агентликнинг бюджетдан ташқари маблағлари ва қонунчилик ҳужжатларида тақиқланмаган бошқа манбалар ҳисобидан уларнинг меҳнатига миллий ёки чет эл валютасида (хориждаги ҳисобварақларга ўтказган ҳолда) ҳақ тўлаш ҳуқуқи берилсин.
5. Агентлик ва унинг тизим ташкилотлари ходимларининг лавозим маошини белгилашда Давлат бюджети маблағлари ҳисобидан ягона тариф сеткаси бўйича меҳнатга ҳақ тўлашнинг тасдиқланган разрядларига мувофиқ тариф коэффициенти 1,8 бараварга оширилган ҳолда қўлланиши белгилансин.
6. Тошкент шаҳри, Миробод тумани, Ойбек кўчаси 26- ва 26/1-уйларда жойлашган бино ва иншоотлар Агентлик тасарруфида қолдирилсин.
7. Агентлик манфаатдор вазирлик ва идоралар билан биргаликда икки ой муддатда қонунчиликка ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
8. Мазкур қарор ижросини назорат қилиш, ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 24 майдаги ПҚ-188-сон қарорига 1-ИЛОВА
Вазирлар Маҳкамаси ҳузуридаги Атом энергияси агентлиги фаолиятининг асосий йўналишлари
1. Атом энергиясидан фойдаланиш соҳасида ягона давлат сиёсатини амалга ошириш.
2. Давлат бошқаруви органларининг, маҳаллий давлат ҳокимияти органларининг атом энергиясидан фойдаланиш соҳасидаги фаолиятини мувофиқлаштириш.
3. Атом энергиясидан фойдаланиш соҳасига доир давлат дастурлари ва бошқа дастурларни ишлаб чиқиш ҳамда амалга ошириш.
4. Атом энергиясидан фойдаланиш соҳасида хавфсизликни таъминлаш чора-тадбирларини ишлаб чиқиш.
5. Атом энергиясидан фойдаланиш соҳасидаги норматив-ҳуқуқий ҳужжатлар лойиҳаларини ишлаб чиқишда иштирок этиш, шунингдек, мазкур соҳадаги норма ва қоидаларни ўз ваколатлари доирасида ишлаб чиқиш ҳамда қабул қилиш.
6. Тасарруфидаги атом энергиясидан фойдаланиш объектларида ёнғин хавфсизлиги чоралари ишлаб чиқилиши ва амалга оширилишини ташкил этиш.
7. Тасарруфидаги атом энергиясидан фойдаланиш объектларининг жисмоний ҳимоясини таъминлаш чораларини кўриш.
8. Тасарруфидаги ядровий қурилмаларни ва (ёки) сақлаш пунктларини тадқиқ этишга, жойлаштиришга, лойиҳалаштиришга, барпо этишга ҳамда улардан фойдаланишга оид ишларни ташкил этиш.
9. Фундаментал тадқиқотларнинг, илмий изланиш, тажриба-конструкторлик ва инновацион ишларнинг лойиҳаларини тайёрлаш ҳамда амалга оширишга, илғор технологияларни жорий этишга кўмаклашиш.
10. Тасарруфидаги атом энергиясидан фойдаланиш объектларида радиация ва ядро хавфсизлиги тизимини яратиш ҳамда такомиллаштириш.
11. Тасарруфидаги атом энергиясидан фойдаланиш объектларидаги ядровий материаллар ва технологияларнинг, радиоактив материалларнинг тарқалиб кетмаслиги, шунингдек, радиация ҳамда ядро хавфсизлигини таъминлашга доир тадбирларни амалга ошириш юзасидан чоралар кўриш.
12. Атом энергиясидан фойдаланиш объектларини эксплуатация қилиш учун зарур бўлган кадрларни тайёрлаш, қайта тайёрлаш ва уларнинг малакасини ошириш тизимини, шу жумладан, чет элда ташкил этиш.
13. Аварияга оид ташқи ва ички режани ишлаб чиқиш ҳамда амалга оширишда иштирок этиш.
14. Ўзбекистон Республикаси ҳудудида радиациявий вазиятни мониторинг қилишнинг ягона автоматлаштирилган давлат тизимини ташкил қилишда ва унинг ишлашида иштирок этиш.
15. Ядровий материаллар, ишлатиб бўлинган ядровий ёқилғи ва радиоактив чиқиндилар билан боғлиқ ишларни амалга ошириш бўйича дастурларнинг шакллантирилишини ва рўёбга чиқарилишини таъминлаш устидан идоравий назоратни амалга ошириш.
16. Ядровий қурилмаларнинг ва (ёки) сақлаш пунктларининг бош (илмий, конструкторлик ва лойиҳалаштириш) ташкилотларини белгилаш, улар тўғрисидаги низомларни тасдиқлаш.
17. Атом энергиясидан фойдаланиш соҳасида халқаро ҳамкорликни амалга ошириш, атом энергиясидан тинчлик йўлида фойдаланиш соҳасидаги халқаро шартномалар бўйича Ўзбекистон Республикасининг мажбуриятлари бажарилишини таъминлаш.
Ўзбекистон Республикаси Президентининг 2024 йил 24 майдаги ПҚ-188-сон қарорига 2-ИЛОВА
Вазирлар Маҳкамаси ҳузуридаги Атом энергияси агентлигининг
Атом энергияси агентлиги «Атом электр станцияси қурилиши дирекцияси» ДК Тошкент шаҳридаги «ММФИ» миллий тадқиқот ядро университети филиали Атом инжиниринг маркази — «Uzatom Worley Engineering» МЧЖ ҚК Атом энергиясидан фойдаланиш соҳасини ривожлантириш жамғармаси (юридик шахс мақомига эга бўлмаган)
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 24 май,
ПҚ-188-сон
Oʻzbekiston Respublikasi Prezidentining
Qarori
TASHKILIY TUZILMASI
Vazirlar Mahkamasi huzuridagi Atom energiyasi agentligining faoliyatini samarali tashkil etish chora-tadbirlari toʻgʻrisida
Oʻzbekiston Respublikasi Prezidentining 2024-yil 24-maydagi “Yer qaʼridan foydalanish, sanoat, radiatsiya va yadro xavfsizligi hamda atom energiyasidan foydalanish sohalarida davlat boshqaruvi va nazorati tizimini takomillashtirish chora-tadbirlari toʻgʻrisida”gi PF-79-son Farmoni ijrosini taʼminlash maqsadida:
1. Quyidagilar :
Vazirlar Mahkamasi huzuridagi Atom energiyasi agentligi faoliyatining asosiy yoʻnalishlari 1-ilovaga muvofiq;
Vazirlar Mahkamasi huzuridagi Atom energiyasi agentligining tashkiliy tuzilmasi 2-ilovaga muvofiq tasdiqlansin.
2. Belgilab qoʻyilsinki:
a) Vazirlar Mahkamasi huzuridagi Atom energiyasi agentligi (keyingi oʻrinlarda — Agentlik) direktori maqomi boʻyicha vazirning birinchi oʻrinbosariga tenglashtiriladi;
b) Agentlik tizimidagi tashkilotlar rahbarlari Vazirlar Mahkamasi bilan kelishilgan holda Agentlik direktori tomonidan lavozimga tayinlanadi va lavozimidan ozod etiladi;
v) Agentlik va uning tizimidagi tashkilotlarga atom energiyasi sohasidagi loyihalar doirasida:
loyihalar konsepsiyalari, parametrlari va shartlarini ishlab chiqishda zarur xizmatlarni, shu jumladan, marketing, muhandislik va boshqa xizmatlarni koʻrsatishga ixtisoslashgan kompaniyalar bilan toʻgʻridan-toʻgʻri shartnomalar tuzishga;
xoʻjalik jamiyatlarini tashkil etish (ustav kapitalida ishtirok etish) va mazkur jamiyatlar bilan toʻgʻridan-toʻgʻri shartnomalar tuzishga;
iqtisodiyot tarmoqlaridagi loyihalarni moliyalashtirishda ishtirok etishga ruxsat beriladi.
3. Energetika vazirligi huzuridagi Atom energetikasini rivojlantirish agentligining Atom energetikasini rivojlantirish jamgʻarmasi Agentlik huzurida Atom energiyasidan foydalanish sohasini rivojlantirish jamgʻarmasi (keyingi oʻrinlarda — Jamgʻarma) etib qayta tashkil etilsin.
Belgilansinki:
a) quyidagilar Jamgʻarma mablagʻlarini shakllantirish manbalari hisoblanadi:
Jamgʻarmaning kutilayotgan xarajatlaridan kelib chiqib, Iqtisodiyot va moliya vazirligi bilan kelishilgan holda oʻrnatiladigan, “Navoiyuran” davlat korxonasi yillik foydasidan hisoblangan dividendining 4 foizi miqdoridagi ajratmalari;
xalqaro moliya institutlari va donor tashkilotlarining grantlari, imtiyozli kreditlari va boshqa maqsadli mablagʻlari;
jismoniy va yuridik shaxslarning homiylik xayriyalari;
Jamgʻarmaning vaqtincha boʻsh turgan mablagʻlarini tijorat banklari depozitlariga joylashtirishdan olinadigan daromadlar;
qonunchilikda taqiqlanmagan boshqa manbalar;
b) Jamgʻarma mablagʻlari:
Agentlikning moddiy-texnika bazasini mustahkamlashga;
Agentlik xodimlari mehnatiga haq toʻlash, ularni moddiy ragʻbatlantirish va ijtimoiy himoya qilishga;
Agentlik xodimlarini tayyorlash, qayta tayyorlash, ularning malakasini oshirish va amaliyot oʻtashini, shu jumladan, xorijiy davlatlarga xizmat safarlarini tashkil qilish, xalqaro konferensiyalar, seminarlar va boshqa tadbirlarda ishtirok etishini taʼminlashga;
atom energiyasidan foydalanish obyektlarini, shu jumladan, tashqi infratuzilma obyektlarini qurish boʻyicha investitsiya loyihalarini amalga oshirish bilan bogʻliq Agentlik zimmasidagi vazifalarni amalga oshirishga;
atom energiyasidan tinchlik maqsadlarida foydalanish sohasida ilmiy tadqiqotlar, tajriba-konstruktorlik va innovatsion ishlarni qoʻllab-quvvatlash, iqtisodiyot tarmoqlarida ilgʻor yadro texnologiyalarini joriy etish bilan bogʻliq kompleks chora-tadbirlarni amalga oshirishga;
Agentlikka xorijiy mutaxassislar va konsultantlarni jalb etishga;
Agentlik faoliyatiga zamonaviy axborot texnologiyalarini joriy etishga;
Agentlik faoliyatini qoʻllab-quvvatlash va rivojlantirish bilan bogʻliq boshqa tadbirlarni moliyalashtirishga yoʻnaltiriladi.
4. Agentlik direktoriga:
yuklangan topshiriq va vazifalarni amalga oshirish doirasida konsultantlar sifatida davlat organlari va tashkilotlari, loyiha institutlari, ilm-fan va taʼlim muassasalari, shuningdek, atom energiyasidan tinchlik maqsadlarida foydalanish sohasidagi yetakchi xalqaro va chet el kompaniyalari mutaxassislarini toʻgʻridan-toʻgʻri shartnomalar tuzish yoʻli bilan jalb etish;
yuqori malakali xorijiy mutaxassislarni belgilangan tartibda ishga qabul qilish, shuningdek, Agentlikning budjetdan tashqari mablagʻlari va qonunchilik hujjatlarida taqiqlanmagan boshqa manbalar hisobidan ularning mehnatiga milliy yoki chet el valyutasida (xorijdagi hisobvaraqlarga oʻtkazgan holda) haq toʻlash huquqi berilsin.
5. Agentlik va uning tizim tashkilotlari xodimlarining lavozim maoshini belgilashda Davlat budjeti mablagʻlari hisobidan yagona tarif setkasi boʻyicha mehnatga haq toʻlashning tasdiqlangan razryadlariga muvofiq tarif koeffitsiyenti 1,8 baravarga oshirilgan holda qoʻllanishi belgilansin.
6. Toshkent shahri, Mirobod tumani, Oybek koʻchasi 26- va 26/1-uylarda joylashgan bino va inshootlar Agentlik tasarrufida qoldirilsin.
7. Agentlik manfaatdor vazirlik va idoralar bilan birgalikda ikki oy muddatda qonunchilikka ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Mazkur qaror ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 24-maydagi PQ-188-son qaroriga 1-ILOVA
Vazirlar Mahkamasi huzuridagi Atom energiyasi agentligi faoliyatining asosiy yoʻnalishlari
1. Atom energiyasidan foydalanish sohasida yagona davlat siyosatini amalga oshirish.
2. Davlat boshqaruvi organlarining, mahalliy davlat hokimiyati organlarining atom energiyasidan foydalanish sohasidagi faoliyatini muvofiqlashtirish.
3. Atom energiyasidan foydalanish sohasiga doir davlat dasturlari va boshqa dasturlarni ishlab chiqish hamda amalga oshirish.
4. Atom energiyasidan foydalanish sohasida xavfsizlikni taʼminlash chora-tadbirlarini ishlab chiqish.
5. Atom energiyasidan foydalanish sohasidagi normativ-huquqiy hujjatlar loyihalarini ishlab chiqishda ishtirok etish, shuningdek, mazkur sohadagi norma va qoidalarni oʻz vakolatlari doirasida ishlab chiqish hamda qabul qilish.
6. Tasarrufidagi atom energiyasidan foydalanish obyektlarida yongʻin xavfsizligi choralari ishlab chiqilishi va amalga oshirilishini tashkil etish.
7. Tasarrufidagi atom energiyasidan foydalanish obyektlarining jismoniy himoyasini taʼminlash choralarini koʻrish.
8. Tasarrufidagi yadroviy qurilmalarni va (yoki) saqlash punktlarini tadqiq etishga, joylashtirishga, loyihalashtirishga, barpo etishga hamda ulardan foydalanishga oid ishlarni tashkil etish.
9. Fundamental tadqiqotlarning, ilmiy izlanish, tajriba-konstruktorlik va innovatsion ishlarning loyihalarini tayyorlash hamda amalga oshirishga, ilgʻor texnologiyalarni joriy etishga koʻmaklashish.
10. Tasarrufidagi atom energiyasidan foydalanish obyektlarida radiatsiya va yadro xavfsizligi tizimini yaratish hamda takomillashtirish.
11. Tasarrufidagi atom energiyasidan foydalanish obyektlaridagi yadroviy materiallar va texnologiyalarning, radioaktiv materiallarning tarqalib ketmasligi, shuningdek, radiatsiya hamda yadro xavfsizligini taʼminlashga doir tadbirlarni amalga oshirish yuzasidan choralar koʻrish.
12. Atom energiyasidan foydalanish obyektlarini ekspluatatsiya qilish uchun zarur boʻlgan kadrlarni tayyorlash, qayta tayyorlash va ularning malakasini oshirish tizimini, shu jumladan, chet elda tashkil etish.
13. Avariyaga oid tashqi va ichki rejani ishlab chiqish hamda amalga oshirishda ishtirok etish.
14. Oʻzbekiston Respublikasi hududida radiatsiyaviy vaziyatni monitoring qilishning yagona avtomatlashtirilgan davlat tizimini tashkil qilishda va uning ishlashida ishtirok etish.
15. Yadroviy materiallar, ishlatib boʻlingan yadroviy yoqilgʻi va radioaktiv chiqindilar bilan bogʻliq ishlarni amalga oshirish boʻyicha dasturlarning shakllantirilishini va roʻyobga chiqarilishini taʼminlash ustidan idoraviy nazoratni amalga oshirish.
16. Yadroviy qurilmalarning va (yoki) saqlash punktlarining bosh (ilmiy, konstruktorlik va loyihalashtirish) tashkilotlarini belgilash, ular toʻgʻrisidagi nizomlarni tasdiqlash.
17. Atom energiyasidan foydalanish sohasida xalqaro hamkorlikni amalga oshirish, atom energiyasidan tinchlik yoʻlida foydalanish sohasidagi xalqaro shartnomalar boʻyicha Oʻzbekiston Respublikasining majburiyatlari bajarilishini taʼminlash.
Oʻzbekiston Respublikasi Prezidentining 2024-yil 24-maydagi PQ-188-son qaroriga 2-ILOVA
Vazirlar Mahkamasi huzuridagi Atom energiyasi agentligining
Atom energiyasi agentligi “Atom elektr stansiyasi qurilishi direksiyasi” DK Toshkent shahridagi “MMFI” milliy tadqiqot yadro universiteti filiali Atom injiniring markazi — “Uzatom Worley Engineering” MChJ QK Atom energiyasidan foydalanish sohasini rivojlantirish jamgʻarmasi (yuridik shaxs maqomiga ega boʻlmagan)
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 24-may,
PQ-188-son
Президента Республики Узбекистан
Постановление
ОРГАНИЗАЦИОННАЯ СТРУКТУРА
О мерах по эффективной организации деятельности Агентства по атомной энергии при Кабинете Министров
В целях обеспечения исполнения Указа Президента Республики Узбекистан от 24 мая 2024 года № УП-79 «О мерах по совершенствованию системы государственного управления и контроля в области использования недр, промышленной, радиационной и ядерной безопасности, а также использования атомной энергии»:
1. Утвердить:
Основные направления деятельности Агентства по атомной энергии при Кабинете Министров согласно приложению № 1 ;
Организационную структуру Агентства по атомной энергии при Кабинете Министров согласно приложению № 2 .
2. Установить, что:
а) директор Агентства по атомной энергии при Кабинете Министров (далее — Агентство) по статусу приравнивается к первому заместителю министра;
б) руководители организаций в системе Агентства назначаются на должность и освобождаются от должности директором Агентства по согласованию с Кабинетом Министров;
в) Агентству и организациям в его системе в рамках проектов в сфере атомной энергетики разрешается:
заключать прямые договора с компаниями, специализированными на оказании необходимых услуг, включая маркетинговые, инжиниринговые и прочие услуги, при разработке концепций, параметров и условий проектов;
создавать (участвовать в уставном капитале) хозяйственные общества и заключать прямые договора с этими обществами;
участвовать в финансировании проектов в отраслях экономики.
3. Преобразовать Фонд развития атомной энергетики при Агентстве по развитию атомной энергетики при Министерстве энергетики в Фонд развития сферы использования атомной энергии при Агентстве (далее — Фонд).
Определить, что:
а) источниками формирования средств Фонда являются:
отчисления в размере 4 процентов дивидендов, начисленных по годовой прибыли Государственного предприятия «Навоийуран», устанавливаемых по согласованию с Министерством экономики и финансов исходя из прогнозируемых расходов Фонда;
гранты, льготные кредиты и другие целевые средства международных финансовых институтов и организаций-доноров;
благотворительные пожертвования физических и юридических лиц;
доходы, получаемые от размещения временно свободных средств Фонда на депозиты коммерческих банков;
иные источники, не запрещенные законодательством;
б) средства Фонда направляются на:
укрепление материально-технической базы Агентства;
оплату труда, материальное стимулирование и социальную защиту работников Агентства;
подготовку, переподготовку, повышение квалификации и прохождение практики работниками Агентства, включая организацию служебных командировок в зарубежные государства, обеспечение участия в международных конференциях, семинарах и других мероприятиях;
осуществление возложенных на Агентство задач, связанных с реализацией инвестиционных проектов строительства объектов использования атомной энергии, включая объекты внешней инфраструктуры;
поддержку научных исследований, опытно-конструкторских и инновационных работ в области использования атомной энергии в мирных целях, реализацию комплекса мер, связанных с внедрением передовых ядерных технологий в отраслях экономики;
привлечение зарубежных специалистов и консультантов к деятельности Агентства;
внедрение современных информационных технологий в деятельность Агентства;
финансирование иных мероприятий, связанных с поддержкой и развитием деятельности Агентства.
4. Предоставить директору Агентства право на:
привлечение в качестве консультантов в рамках реализации возложенных поручений и задач специалистов государственных органов и организаций, проектных институтов, научных и образовательных учреждений, а также ведущих международных и зарубежных компаний в области использования атомной энергии в мирных целях путем заключения прямых договоров;
прием на работу в установленном порядке высококвалифицированных зарубежных специалистов, а также оплату их труда в национальной или иностранной валюте (с перечислением на счета за рубежом) за счет внебюджетных средств Агентства и иных источников, не запрещенных актами законодательства.
5. Установить, что при определении должностного оклада работников Агентства и организаций его системы по утвержденным разрядам оплаты труда по Единой тарифной сетке тарифный коэффициент применяется с увеличением в 1,8 раза за счет средств Государственного бюджета.
6. Оставить в распоряжении Агентства здания и сооружения, расположенные по адресу: город Ташкент, Мирабадский район, улица Ойбека, дома 26 и 26/1.
7. Агентству совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
8. Контроль за исполнением настоящего постановления, осуществление координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 24 мая 2024 года № ПП-188
Основные направления деятельности Агентства по атомной энергии при Кабинете Министров
1. Осуществление единой государственной политики в области использования атомной энергии.
2. Координация деятельности органов государственного управления, органов государственной власти на местах в области использования атомной энергии.
3. Разработка и реализация государственных и иных программ в области использования атомной энергии.
4. Разработка мер обеспечения безопасности в области использования атомной энергии.
5. Участие в разработке нормативно-правовых актов в области использования атомной энергии, а также в рамках своих полномочий разработка и утверждение норм и правил в данной области.
6. Организация разработки и реализации мер пожарной безопасности на подведомственных объектах использования атомной энергии.
7. Принятие мер по обеспечению физической защиты подведомственных объектов использования атомной энергии.
8. Организация работ по изысканию, размещению, проектированию, строительству и эксплуатации подведомственных ядерных установок и (или) пунктов хранения.
9. Содействие в подготовке и реализации проектов фундаментальных исследований, научно-изыскательских, опытно-конструкторских и инновационных работ, внедрению передовых технологий.
10. Создание и совершенствование системы радиационной и ядерной безопасности на подведомственных объектах использования атомной энергии.
11. Принятие мер по нераспространению ядерных материалов и технологий, радиоактивных материалов, а также реализации мероприятий по обеспечению радиационной и ядерной безопасности на подведомственных объектах использования атомной энергии.
12. Организация системы подготовки, переподготовки и повышения квалификации кадров, необходимых для эксплуатации объектов использования атомной энергии, в том числе за границей.
13. Участие в разработке и реализации внешнего и внутреннего аварийного плана.
14. Участие в создании и функционировании Единой государственной автоматизированной системы мониторинга радиационной обстановки на территории Республики Узбекистан.
15. Осуществление ведомственного контроля за обеспечением формирования и реализации программ по обращению с ядерными материалами, отработавшим ядерным топливом и радиоактивными отходами.
16. Определение головных организаций (научных, конструкторских и проектных) ядерных установок и (или) пунктов хранения, утверждение положений о них.
17. Осуществление международного сотрудничества в области использования атомной энергии, обеспечение исполнения обязательств Республики Узбекистан по международным договорам в области использования атомной энергии в мирных целях.
ПРИЛОЖЕНИЕ № 2 к постановлению Президента Республики Узбекистан от 24 мая 2024 года № ПП-188
Агентства по атомной энергии при Кабинете Министров
Агентство по атомной энергии ГП «Дирекция по строительству атомной электростанции» Филиал Национального исследовательского ядерного университета «МИФИ» в городе Ташкенте Центр атомного инжиниринга — СП ООО «Uzatom Worley Engineering» Фонд развития сферы использования атомной энергии (без статуса юридического лица)
Президент Республики Узбекистан Ш. МИРЗИЁЕВ
г. Ташкент,
24 мая 2024 г.,
№ ПП-188