📅 2024-yil 24-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 24 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 мая 2024 г. · Постановления Президента
Официальный текст. Официальный документ. Редакционные примечания не включены.
📅 24 May 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЕСПУБЛИКА КОМИССИЯСИ ТАРКИБИ
РЎЙХАТИ
Тадбиркорлик субъектларига субсидиялар, имтиёзлар ва преференцияларни тақдим этиш тартибларини такомиллаштириш бўйича қўшимча чора-тадбирлар тўғрисида
Ўзбекистон Республикаси Президентининг 2024 йил 23 январдаги «Тадбиркорлик субъектларининг барқарорлик рейтингини жорий этиш чора-тадбирлари тўғрисида»ги ПҚ-39-сон қарорига мувофиқ, шунингдек, тадбиркорлик субъектларини давлат томонидан қўллаб-қувватлаш ҳамда уларга субсидиялар, имтиёзлар ва преференцияларни тақдим этиш тартибларини янада такомиллаштириш мақсадида:
1. Ўзбекистон Республикаси Президентининг 2024 йил 23 январдаги «Тадбиркорлик субъектларининг барқарорлик рейтингини жорий этиш чора-тадбирлари тўғрисида»ги ПҚ-39-сон қарорига мувофиқ:
қонунчилик талабларига риоя этган ҳолда фаолият юритаётган тадбиркорлик субъектларини аниқлаш ва қўшимча рағбатлантиришни назарда тутувчи Тадбиркорлик субъектларининг барқарорлик рейтинги (кейинги ўринларда — рейтинг) жорий этилганлиги;
тадбиркорлик субъектларига субсидиялар, имтиёзлар ва преференциялар уларнинг рейтинг даражасидан келиб чиққан ҳолда жорий этилиши белгиланганлиги маълумот учун қабул қилинсин.
2. Шундай тартиб ўрнатилсинки, унга мувофиқ юридик шахс ташкил этган ҳолда фаолият юритаётган тадбиркорлик субъектларига субсидиялар, солиқ ва божхона имтиёзлари ҳамда преференциялар (кейинги ўринларда — қўллаб-қувватлаш чоралари) уларнинг рейтинг даражасидан келиб чиққан ҳолда қуйидаги тартибда жорий этилади:
а) қўллаб-қувватлаш чоралари «В» ва ундан юқори рейтинг даражасига эга тадбиркорлик субъектларига амалдагисига нисбатан қуйидаги миқдорларда тақдим этилади:
«ААА» тоифа — амалдаги миқдорнинг 100 фоизи;
«АА» тоифа — амалдаги миқдорнинг 90 фоизи;
«А» тоифа — амалдаги миқдорнинг 80 фоизи;
«ВВВ» тоифа — амалдаги миқдорнинг 70 фоизи;
«ВВ» тоифа — амалдаги миқдорнинг 60 фоизи;
«В» тоифа — амалдаги миқдорнинг 50 фоизи;
б) қўллаб-қувватлаш чоралари рўйхатдан ўтганига олти ой бўлмаган, шунингдек, Ўзбекистон Республикаси Президентининг 2022 йил 30 декабрдаги ПФ-287-сон Фармонига мувофиқ 4 ва 5-тоифадаги туманларда фаолият юритаётган тадбиркорлик субъектларига уларнинг рейтинг даражасидан қатъи назар амалдаги миқдорларда тақдим этилади;
в) тадбиркорлик субъектларининг рейтинг даражаси:
пасайган тақдирда, қўллаб-қувватлаш чораларини тақдим этиш уч ой давомида сақлаб қолинади;
юқорилаган тақдирда, қўллаб-қувватлаш чоралари кейинги ойдан бошлаб янгиланган рейтинг даражасига мувофиқ миқдорларда тақдим этилади.
Белгилансинки, мазкур бандда белгиланган мезонлар ушбу қарор қабул қилингунга қадар жорий этилган қўллаб-қувватлаш чораларига нисбатан татбиқ этилмайди.
3. Тадбиркорлик субъектларига тақдим этиладиган субсидиялар, имтиёзлар ва преференцияларни мақбуллаштириш ҳамда уларнинг самарадорлигини таъминлаш бўйича республика комиссияси (кейинги ўринларда — Республика комиссияси) 1-иловага мувофиқ таркибда тузилсин.
4. Республика комиссияси (Ж. Қўчқоров) 2024 йил 1 октябрга қадар қуйидагиларни назарда тутувчи таклифларни Ўзбекистон Республикаси Президенти Администрациясига киритсин:
амалдаги барча қўллаб-қувватлаш чораларини хатловдан ўтказган ҳолда, уларнинг иқтисодиётга ва соғлом рақобат муҳитига таъсирини таҳлил қилиш ҳамда самарадорлигини баҳолаш натижалари бўйича тубдан қайта кўриб чиқиш;
туман ва шаҳар тоифасидан келиб чиқиб, тадбиркорлик субъектларига қўллаб-қувватлаш чораларини қўллаш тартиби натижадорлигини баҳолаш;
қўллаб-қувватлаш чораларини тақдим этишда тадбиркорлик субъектлари томонидан эришилиши лозим бўлган аниқ мақсадли кўрсаткичларни белгилаш тартибини жорий этиш;
давлат томонидан қўллаб-қувватлаш чоралари тақдим этиладиган соҳалар, тармоқлар ва фаолият йўналишлари доирасини аниқ белгилаш;
қонунчилик ҳужжатларига имтиёзлар ва преференциялар тушунчаси, турлари ва шаклларини тўлиқ ифодалайдиган нормаларни киритиш;
қўллаб-қувватлаш чораларидан фойдаланиш самарадорлигини мониторинг қилиш ва баҳолаш, мақсадсиз фойдаланилган маблағларни мажбурий тартибда қайтариш тартибини жорий этиш;
қўллаб-қувватлаш чораларидан фойдаланиш натижадорлиги тўғрисидаги маълумотларни очиқ эълон қилиб бориш;
таҳлиллар ва баҳолаш натижалари бўйича самарасиз деб топилган қўллаб-қувватлаш чораларини бекор қилиш.
5. Белгилансинки:
Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳар йили 1 июлга қадар қўллаб-қувватлаш чораларининг соғлом рақобат муҳитига таъсирини баҳолайди ҳамда баҳолаш натижаларини Иқтисодиёт ва молия вазирлигига киритади;
2-иловага мувофиқ рўйхатда келтирилган вазирлик ва идоралар (кейинги ўринларда — манфаатдор вазирлик ва идоралар) ҳар йили 1 июлга қадар тадбиркорлик субъектларига тақдим этилган қўллаб-қувватлаш чоралари ҳамда уларнинг самарадорлиги тўғрисидаги ҳисоботларни Иқтисодиёт ва молия вазирлигига тақдим этади;
Иқтисодиёт ва молия вазирлиги Ҳисоб палатаси билан биргаликда ҳар йили 1 августга қадар қўллаб-қувватлаш чораларининг самарадорлигини баҳолаш якунлари бўйича Республика комиссиясига ахборот киритиб боради;
Республика комиссияси ҳар йили 1 октябрга қадар қўллаб-қувватлаш чораларининг самарадорлигини баҳолаш якунлари бўйича маълумотномани ҳамда ушбу чораларнинг амал қилишини давом эттириш, бекор қилиш ёки уларни тақдим этиш тартибини такомиллаштириш ҳақидаги таклифларни Ўзбекистон Республикаси Президенти Администрациясига киритиб боради.
6. Манфаатдор вазирлик ва идоралар:
2024 йил 1 июлга қадар солиқ ва божхона имтиёзларини бериш учун асос бўладиган (лицензия, гувоҳнома ва бошқалар) ҳужжатларнинг тўғрилиги ва ҳаққонийлигини тасдиқлаш учун Солиқ ва Божхона қўмиталари билан ўзаро маълумот алмашиш амалиётини йўлга қўйсин;
2025 йил 1 январга қадар тадбиркорлик субъектларига тақдим этилган қўллаб-қувватлаш чораларидан мақсадли ва самарали фойдаланишни тегишли ахборот тизимларида идоралараро ахборот алмашинуви орқали мониторинг қилиш тартибини жорий этсин.
7. 2025 йил 1 январдан бошлаб «subsidiya.mf.uz» платформасида тадбиркорлик субъектларига тақдим этиладиган қўллаб-қувватлаш чораларининг турлари, муддатлари ва тартибини ўз ичига олган алоҳида реестр юритилиши йўлга қўйилсин.
Бунда қўллаб-қувватлаш чоралари ҳақидаги маълумотлар манфаатдор вазирлик ва идоралар томонидан «subsidiya.mf.uz» платформасига мажбурий тартибда киритилади.
Манфаатдор вазирлик ва идоралар уч ой муддатда тегишлича қўллаб-қувватлаш чораларини хатловдан ўтказган ҳолда, «subsidiya.mf.uz» платформасида алоҳида реестрни юритиш учун қўллаб-қувватлаш чоралари рўйхатини ва улар ҳақидаги маълумотларни тақдим этсин.
8. Солиқ қўмитаси, Рақобатни ривожлантириш ва истеъмолчилар ҳуқуқларини ҳимоя қилиш қўмитаси Иқтисодиёт ва молия вазирлиги билан биргаликда 2024 йил 1 декабрга қадар «Тадбиркорларнинг барқарорлик рейтинги» электрон платформаси ҳамда Рақобатни ривожлантириш ва истеъмолчилар ҳуқуқларини ҳимоя қилиш қўмитасининг ахборот тизими «subsidiya.mf.uz» платформасига интеграция қилинишини таъминласин.
9. Иқтисодиёт ва молия вазирлиги:
а) уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин;
б) 2024 йил 1 октябрга қадар:
манфаатдор вазирлик ва идоралар билан биргаликда тадбиркорлик субъектларига субсидиялар, имтиёзлар ва преференциялар тақдим этилишини тизимли мониторинг қилиш ва уларнинг самарадорлигини баҳолаш тартибини (методологиясини) ишлаб чиқсин ва тасдиқлаш учун Вазирлар Маҳкамасига киритсин;
Ҳисоб палатаси билан биргаликда тадбиркорлик субъектлари томонидан мақсадсиз фойдаланилган ҳамда асоссиз олинган субсидияларни қайтариб олиш тартибини ишлаб чиқсин.
10. Мазкур қарорнинг ижросини самарали ташкил қилишга масъул этиб Бош вазир ўринбосари Ж.А. Қўчқоров белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 24 майдаги ПҚ-193-сон қарорига 1-ИЛОВА
Тадбиркорлик субъектларига тақдим этиладиган субсидиялар, имтиёзлар ва преференцияларни мақбуллаштириш ҳамда уларнинг самарадорлигини таъминлаш бўйича
1. Ж.А. Қўчқоров — Бош вазир ўринбосари — иқтисодиёт ва молия вазири, Республика комиссияси раиси 2. Д.А. Ваҳобов — Савдо-саноат палатаси раиси, Республика комиссияси раиси ўринбосари 3. М.Р. Абдуллаев — Ҳисоб палатаси раисининг биринчи ўринбосари, Республика комиссияси раиси ўринбосари 4. Д.С. Қосимов — Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил 5. А.Д. Ташкулов — адлия вазири 6. Л.Ш. Кудратов — инвестициялар, саноат ва савдо вазири 7. Б.А. Мусаев — камбағалликни қисқартириш ва бандлик вазири 8. К.А. Шарипов — олий таълим, фан ва инновациялар вазири 9. Х.У. Умарова — мактабгача ва мактаб таълими вазири 10. А.А. Худаяров — соғлиқни сақлаш вазири в.б. 11. И.Ю. Абдураҳмонов — қишлоқ хўжалиги вазири 12. Ш.Р. Хамраев — сув хўжалиги вазири 13. И.Р. Махкамов — транспорт вазири 14. Лавозими бўйича — Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси 15. А.Я. Хайдаров — иқтисодиёт ва молия вазири ўринбосари 16. Ш.Д. Кудбиев — Солиқ қўмитаси раиси 17. А.Ю. Мавлонов — Божхона қўмитаси раиси 18. У.Р. Шадиев — Туризм қўмитаси раиси 19. А.Ж. Ортиқов — Давлат активларини бошқариш агентлиги директори 20. М.М. Убайдуллаев — Маҳаллабай ишлаш ва тадбиркорликни ривожлантириш агентлиги директори 21. Т.А. Саттаров — Ўзбекистон фермер, деҳқон хўжаликлари ва томорқа ер эгалари кенгаши раиси ўринбосари 22. И.Р. Тангриев — Вазирлар Маҳкамасининг котибият мудири, Республика комиссияси котиби
Ўзбекистон Республикаси Президентининг 2024 йил 24 майдаги ПҚ-193-сон қарорига 2-ИЛОВА
Тадбиркорлик субъектларига субсидиялар, имтиёзлар ва преференциялар тақдим этиш ҳамда уларнинг самарадорлигини таъминлаш учун масъул вазирлик ва идораларнинг
Т/р Субсидия, имтиёз ва преференциялар Масъул вазирлик ва идоралар 1. Аҳолининг тадбиркорлик ташаббусларини қўллаб-қувватлаш бўйича субсидиялар Камбағалликни қисқартириш ва бандлик вазирлиги 2. Экспорт фаолияти билан шуғулланувчи тадбиркорлик субъектларини қўллаб-қувватлаш билан боғлиқ субсидиялар, имтиёзлар ва преференциялар Инвестициялар, саноат ва савдо вазирлиги 3. Қишлоқ хўжалиги соҳасига оид субсидиялар, имтиёзлар ва преференциялар Қишлоқ хўжалиги вазирлиги 4. Сув хўжалиги соҳасига оид субсидиялар, имтиёзлар ва преференциялар Сув хўжалиги вазирлиги 5. Саноат ва ишлаб чиқариш соҳасига оид субсидиялар, имтиёзлар ва преференциялар Инвестициялар, саноат ва савдо вазирлиги, Иқтисодиёт ва молия вазирлиги 6. Энергетика соҳасига оид субсидиялар, имтиёзлар ва преференциялар Энергетика вазирлиги 7. Транспорт соҳасига оид субсидиялар, имтиёзлар ва преференциялар Транспорт вазирлиги 8. Таълим соҳасини ривожлантириш билан боғлиқ субсидиялар, имтиёзлар ва преференциялар Олий таълим, фан ва инновациялар вазирлиги, Мактабгача ва мактаб таълими вазирлиги 9. Соғлиқни сақлаш соҳасини ривожлантириш билан боғлиқ субсидиялар, имтиёзлар ва преференциялар Соғлиқни сақлаш вазирлиги 10. Туризм соҳасини ривожлантириш билан боғлиқ субсидиялар, имтиёзлар ва преференциялар Туризм қўмитаси 11. Солиқ соҳасига оид имтиёзлар ва преференциялар Солиқ қўмитаси 12. Божхона соҳасига оид имтиёзлар ва преференциялар Божхона қўмитаси 13. Давлат кўчмас мулки объектлари билан боғлиқ имтиёзлар ва преференциялар Давлат активларини бошқариш агентлиги 14. Ер ва ер ажратиш билан боғлиқ имтиёзлар ва преференциялар Кадастр агентлиги 15. Тадбиркорлик субъектлари учун банк кредитлари бўйича имтиёзлар Маҳаллабай ишлаш ва тадбиркорликни ривожлантириш агентлиги, Марказий банк, тижорат банклари
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 24 май,
ПҚ-193-сон
Oʻzbekiston Respublikasi Prezidentining
Qarori
RESPUBLIKA KOMISSIYASI TARKIBI
ROʻYXATI
Tadbirkorlik subyektlariga subsidiyalar, imtiyozlar va preferensiyalarni taqdim etish tartiblarini takomillashtirish boʻyicha qoʻshimcha chora-tadbirlar toʻgʻrisida
Oʻzbekiston Respublikasi Prezidentining 2024-yil 23-yanvardagi “Tadbirkorlik subyektlarining barqarorlik reytingini joriy etish chora-tadbirlari toʻgʻrisida”gi PQ-39-son qaroriga muvofiq, shuningdek, tadbirkorlik subyektlarini davlat tomonidan qoʻllab-quvvatlash hamda ularga subsidiyalar, imtiyozlar va preferensiyalarni taqdim etish tartiblarini yanada takomillashtirish maqsadida:
1. Oʻzbekiston Respublikasi Prezidentining 2024-yil 23-yanvardagi “Tadbirkorlik subyektlarining barqarorlik reytingini joriy etish chora-tadbirlari toʻgʻrisida”gi PQ-39-son qaroriga muvofiq:
qonunchilik talablariga rioya etgan holda faoliyat yuritayotgan tadbirkorlik subyektlarini aniqlash va qoʻshimcha ragʻbatlantirishni nazarda tutuvchi Tadbirkorlik subyektlarining barqarorlik reytingi (keyingi oʻrinlarda — reyting) joriy etilganligi;
tadbirkorlik subyektlariga subsidiyalar, imtiyozlar va preferensiyalar ularning reyting darajasidan kelib chiqqan holda joriy etilishi belgilanganligi maʼlumot uchun qabul qilinsin.
2. Shunday tartib oʻrnatilsinki, unga muvofiq yuridik shaxs tashkil etgan holda faoliyat yuritayotgan tadbirkorlik subyektlariga subsidiyalar, soliq va bojxona imtiyozlari hamda preferensiyalar (keyingi oʻrinlarda — qoʻllab-quvvatlash choralari) ularning reyting darajasidan kelib chiqqan holda quyidagi tartibda joriy etiladi:
a) qoʻllab-quvvatlash choralari “V” va undan yuqori reyting darajasiga ega tadbirkorlik subyektlariga amaldagisiga nisbatan quyidagi miqdorlarda taqdim etiladi:
“AAA” toifa — amaldagi miqdorning 100 foizi;
“AA” toifa — amaldagi miqdorning 90 foizi;
“A” toifa — amaldagi miqdorning 80 foizi;
“VVV” toifa — amaldagi miqdorning 70 foizi;
“VV” toifa — amaldagi miqdorning 60 foizi;
“V” toifa — amaldagi miqdorning 50 foizi;
b) qoʻllab-quvvatlash choralari roʻyxatdan oʻtganiga olti oy boʻlmagan, shuningdek, Oʻzbekiston Respublikasi Prezidentining 2022-yil 30-dekabrdagi PF-287-son Farmoniga muvofiq 4 va 5-toifadagi tumanlarda faoliyat yuritayotgan tadbirkorlik subyektlariga ularning reyting darajasidan qatʼi nazar amaldagi miqdorlarda taqdim etiladi;
v) tadbirkorlik subyektlarining reyting darajasi:
pasaygan taqdirda, qoʻllab-quvvatlash choralarini taqdim etish uch oy davomida saqlab qolinadi;
yuqorilagan taqdirda, qoʻllab-quvvatlash choralari keyingi oydan boshlab yangilangan reyting darajasiga muvofiq miqdorlarda taqdim etiladi.
Belgilansinki, mazkur bandda belgilangan mezonlar ushbu qaror qabul qilingunga qadar joriy etilgan qoʻllab-quvvatlash choralariga nisbatan tatbiq etilmaydi.
3. Tadbirkorlik subyektlariga taqdim etiladigan subsidiyalar, imtiyozlar va preferensiyalarni maqbullashtirish hamda ularning samaradorligini taʼminlash boʻyicha respublika komissiyasi (keyingi oʻrinlarda — Respublika komissiyasi) 1-ilovaga muvofiq tarkibda tuzilsin.
4. Respublika komissiyasi (J. Qoʻchqorov) 2024-yil 1-oktabrga qadar quyidagilarni nazarda tutuvchi takliflarni Oʻzbekiston Respublikasi Prezidenti Administratsiyasiga kiritsin:
amaldagi barcha qoʻllab-quvvatlash choralarini xatlovdan oʻtkazgan holda, ularning iqtisodiyotga va sogʻlom raqobat muhitiga taʼsirini tahlil qilish hamda samaradorligini baholash natijalari boʻyicha tubdan qayta koʻrib chiqish;
tuman va shahar toifasidan kelib chiqib, tadbirkorlik subyektlariga qoʻllab-quvvatlash choralarini qoʻllash tartibi natijadorligini baholash;
qoʻllab-quvvatlash choralarini taqdim etishda tadbirkorlik subyektlari tomonidan erishilishi lozim boʻlgan aniq maqsadli koʻrsatkichlarni belgilash tartibini joriy etish;
davlat tomonidan qoʻllab-quvvatlash choralari taqdim etiladigan sohalar, tarmoqlar va faoliyat yoʻnalishlari doirasini aniq belgilash;
qonunchilik hujjatlariga imtiyozlar va preferensiyalar tushunchasi, turlari va shakllarini toʻliq ifodalaydigan normalarni kiritish;
qoʻllab-quvvatlash choralaridan foydalanish samaradorligini monitoring qilish va baholash, maqsadsiz foydalanilgan mablagʻlarni majburiy tartibda qaytarish tartibini joriy etish;
qoʻllab-quvvatlash choralaridan foydalanish natijadorligi toʻgʻrisidagi maʼlumotlarni ochiq eʼlon qilib borish;
tahlillar va baholash natijalari boʻyicha samarasiz deb topilgan qoʻllab-quvvatlash choralarini bekor qilish.
5. Belgilansinki:
Raqobatni rivojlantirish va isteʼmolchilar huquqlarini himoya qilish qoʻmitasi har yili 1-iyulga qadar qoʻllab-quvvatlash choralarining sogʻlom raqobat muhitiga taʼsirini baholaydi hamda baholash natijalarini Iqtisodiyot va moliya vazirligiga kiritadi;
2-ilovaga muvofiq roʻyxatda keltirilgan vazirlik va idoralar (keyingi oʻrinlarda — manfaatdor vazirlik va idoralar) har yili 1-iyulga qadar tadbirkorlik subyektlariga taqdim etilgan qoʻllab-quvvatlash choralari hamda ularning samaradorligi toʻgʻrisidagi hisobotlarni Iqtisodiyot va moliya vazirligiga taqdim etadi;
Iqtisodiyot va moliya vazirligi Hisob palatasi bilan birgalikda har yili 1-avgustga qadar qoʻllab-quvvatlash choralarining samaradorligini baholash yakunlari boʻyicha Respublika komissiyasiga axborot kiritib boradi;
Respublika komissiyasi har yili 1-oktabrga qadar qoʻllab-quvvatlash choralarining samaradorligini baholash yakunlari boʻyicha maʼlumotnomani hamda ushbu choralarning amal qilishini davom ettirish, bekor qilish yoki ularni taqdim etish tartibini takomillashtirish haqidagi takliflarni Oʻzbekiston Respublikasi Prezidenti Administratsiyasiga kiritib boradi.
6. Manfaatdor vazirlik va idoralar:
2024-yil 1-iyulga qadar soliq va bojxona imtiyozlarini berish uchun asos boʻladigan (litsenziya, guvohnoma va boshqalar) hujjatlarning toʻgʻriligi va haqqoniyligini tasdiqlash uchun Soliq va Bojxona qoʻmitalari bilan oʻzaro maʼlumot almashish amaliyotini yoʻlga qoʻysin;
2025-yil 1-yanvarga qadar tadbirkorlik subyektlariga taqdim etilgan qoʻllab-quvvatlash choralaridan maqsadli va samarali foydalanishni tegishli axborot tizimlarida idoralararo axborot almashinuvi orqali monitoring qilish tartibini joriy etsin.
7. 2025-yil 1-yanvardan boshlab “subsidiya.mf.uz” platformasida tadbirkorlik subyektlariga taqdim etiladigan qoʻllab-quvvatlash choralarining turlari, muddatlari va tartibini oʻz ichiga olgan alohida reyestr yuritilishi yoʻlga qoʻyilsin.
Bunda qoʻllab-quvvatlash choralari haqidagi maʼlumotlar manfaatdor vazirlik va idoralar tomonidan “subsidiya.mf.uz” platformasiga majburiy tartibda kiritiladi.
Manfaatdor vazirlik va idoralar uch oy muddatda tegishlicha qoʻllab-quvvatlash choralarini xatlovdan oʻtkazgan holda, “subsidiya.mf.uz” platformasida alohida reyestrni yuritish uchun qoʻllab-quvvatlash choralari roʻyxatini va ular haqidagi maʼlumotlarni taqdim etsin.
8. Soliq qoʻmitasi, Raqobatni rivojlantirish va isteʼmolchilar huquqlarini himoya qilish qoʻmitasi Iqtisodiyot va moliya vazirligi bilan birgalikda 2024-yil 1-dekabrga qadar “Tadbirkorlarning barqarorlik reytingi” elektron platformasi hamda Raqobatni rivojlantirish va isteʼmolchilar huquqlarini himoya qilish qoʻmitasining axborot tizimi “subsidiya.mf.uz” platformasiga integratsiya qilinishini taʼminlasin.
9. Iqtisodiyot va moliya vazirligi:
a) uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin;
b) 2024-yil 1-oktabrga qadar:
manfaatdor vazirlik va idoralar bilan birgalikda tadbirkorlik subyektlariga subsidiyalar, imtiyozlar va preferensiyalar taqdim etilishini tizimli monitoring qilish va ularning samaradorligini baholash tartibini (metodologiyasini) ishlab chiqsin va tasdiqlash uchun Vazirlar Mahkamasiga kiritsin;
Hisob palatasi bilan birgalikda tadbirkorlik subyektlari tomonidan maqsadsiz foydalanilgan hamda asossiz olingan subsidiyalarni qaytarib olish tartibini ishlab chiqsin.
10. Mazkur qarorning ijrosini samarali tashkil qilishga masʼul etib Bosh vazir oʻrinbosari J.A. Qoʻchqorov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 24-maydagi PQ-193-son qaroriga 1-ILOVA
Tadbirkorlik subyektlariga taqdim etiladigan subsidiyalar, imtiyozlar va preferensiyalarni maqbullashtirish hamda ularning samaradorligini taʼminlash boʻyicha
1. J.A. Qoʻchqorov — Bosh vazir oʻrinbosari — iqtisodiyot va moliya vaziri, Respublika komissiyasi raisi 2. D.A. Vahobov — Savdo-sanoat palatasi raisi, Respublika komissiyasi raisi oʻrinbosari 3. M.R. Abdullayev — Hisob palatasi raisining birinchi oʻrinbosari, Respublika komissiyasi raisi oʻrinbosari 4. D.S. Qosimov — Tadbirkorlik subyektlarining huquqlari va qonuniy manfaatlarini himoya qilish boʻyicha vakil 5. A.D. Tashkulov — adliya vaziri 6. L.Sh. Kudratov — investitsiyalar, sanoat va savdo vaziri 7. B.A. Musayev — kambagʻallikni qisqartirish va bandlik vaziri 8. K.A. Sharipov — oliy taʼlim, fan va innovatsiyalar vaziri 9. X.U. Umarova — maktabgacha va maktab taʼlimi vaziri 10. A.A. Xudayarov — sogʻliqni saqlash vaziri v.b. 11. I.Y. Abdurahmonov — qishloq xoʻjaligi vaziri 12. Sh.R. Xamrayev — suv xoʻjaligi vaziri 13. I.R. Maxkamov — transport vaziri 14. Lavozimi boʻyicha — Raqobatni rivojlantirish va isteʼmolchilar huquqlarini himoya qilish qoʻmitasi raisi 15. A.Y. Xaydarov — iqtisodiyot va moliya vaziri oʻrinbosari 16. Sh.D. Kudbiyev — Soliq qoʻmitasi raisi 17. A.Y. Mavlonov — Bojxona qoʻmitasi raisi 18. U.R. Shadiyev — Turizm qoʻmitasi raisi 19. A.J. Ortiqov — Davlat aktivlarini boshqarish agentligi direktori 20. M.M. Ubaydullayev — Mahallabay ishlash va tadbirkorlikni rivojlantirish agentligi direktori 21. T.A. Sattarov — Oʻzbekiston fermer, dehqon xoʻjaliklari va tomorqa yer egalari kengashi raisi oʻrinbosari 22. I.R. Tangriyev — Vazirlar Mahkamasining kotibiyat mudiri, Respublika komissiyasi kotibi
Oʻzbekiston Respublikasi Prezidentining 2024-yil 24-maydagi PQ-193-son qaroriga 2-ILOVA
Tadbirkorlik subyektlariga subsidiyalar, imtiyozlar va preferensiyalar taqdim etish hamda ularning samaradorligini taʼminlash uchun masʼul vazirlik va idoralarning
T/r Subsidiya, imtiyoz va preferensiyalar Masʼul vazirlik va idoralar 1. Aholining tadbirkorlik tashabbuslarini qoʻllab-quvvatlash boʻyicha subsidiyalar Kambagʻallikni qisqartirish va bandlik vazirligi 2. Eksport faoliyati bilan shugʻullanuvchi tadbirkorlik subyektlarini qoʻllab-quvvatlash bilan bogʻliq subsidiyalar, imtiyozlar va preferensiyalar Investitsiyalar, sanoat va savdo vazirligi 3. Qishloq xoʻjaligi sohasiga oid subsidiyalar, imtiyozlar va preferensiyalar Qishloq xoʻjaligi vazirligi 4. Suv xoʻjaligi sohasiga oid subsidiyalar, imtiyozlar va preferensiyalar Suv xoʻjaligi vazirligi 5. Sanoat va ishlab chiqarish sohasiga oid subsidiyalar, imtiyozlar va preferensiyalar Investitsiyalar, sanoat va savdo vazirligi, Iqtisodiyot va moliya vazirligi 6. Energetika sohasiga oid subsidiyalar, imtiyozlar va preferensiyalar Energetika vazirligi 7. Transport sohasiga oid subsidiyalar, imtiyozlar va preferensiyalar Transport vazirligi 8. Taʼlim sohasini rivojlantirish bilan bogʻliq subsidiyalar, imtiyozlar va preferensiyalar Oliy taʼlim, fan va innovatsiyalar vazirligi, Maktabgacha va maktab taʼlimi vazirligi 9. Sogʻliqni saqlash sohasini rivojlantirish bilan bogʻliq subsidiyalar, imtiyozlar va preferensiyalar Sogʻliqni saqlash vazirligi 10. Turizm sohasini rivojlantirish bilan bogʻliq subsidiyalar, imtiyozlar va preferensiyalar Turizm qoʻmitasi 11. Soliq sohasiga oid imtiyozlar va preferensiyalar Soliq qoʻmitasi 12. Bojxona sohasiga oid imtiyozlar va preferensiyalar Bojxona qoʻmitasi 13. Davlat koʻchmas mulki obyektlari bilan bogʻliq imtiyozlar va preferensiyalar Davlat aktivlarini boshqarish agentligi 14. Yer va yer ajratish bilan bogʻliq imtiyozlar va preferensiyalar Kadastr agentligi 15. Tadbirkorlik subyektlari uchun bank kreditlari boʻyicha imtiyozlar Mahallabay ishlash va tadbirkorlikni rivojlantirish agentligi, Markaziy bank, tijorat banklari
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 24-may,
PQ-193-son
Президента Республики Узбекистан
Постановление
СОСТАВ РЕСПУБЛИКАНСКОЙ КОМИССИИ
Перечень
О дополнительных мерах по совершенствованию процедур предоставления субсидий, льгот и преференций субъектам предпринимательства
В соответствии с постановлением Президента Республики Узбекистан от 23 января 2024 года № ПП-39 «О мерах по внедрению рейтинга устойчивости субъектов предпринимательства», а также в целях дальнейшего совершенствования государственной поддержки субъектов предпринимательства и процедур предоставления им субсидий, льгот и преференций:
1. Принять к сведению, что в соответствии с постановлением Президента Республики Узбекистан от 23 января 2024 года № ПП-39 «О мерах по внедрению рейтинга устойчивости субъектов предпринимательства»:
внедрен Рейтинг устойчивости субъектов предпринимательства (далее — рейтинг), предусматривающий выявление и дополнительное поощрение субъектов предпринимательства, осуществляющих деятельность с соблюдением требований законодательства;
установлено, что субсидии, льготы и преференции субъектам предпринимательства внедряются в зависимости от их уровня рейтинга.
2. Установить порядок внедрения субсидий, налоговых и таможенных льгот, а также преференций (далее — меры поддержки) субъектам предпринимательства, осуществляющим деятельность с образованием юридического лица, в зависимости от их уровня рейтинга, в соответствии с которым:
а) меры поддержки предоставляются субъектам предпринимательства с уровнем рейтинга «В» и выше в следующих размерах по отношению к действующим:
категории «ААА» — 100 процентов действующего размера;
категории «АА» — 90 процентов действующего размера;
категории «А» — 80 процентов действующего размера;
категории «ВВВ» — 70 процентов действующего размера;
категории «ВВ» — 60 процентов действующего размера;
категории «В» — 50 процентов действующего размера;
б) меры поддержки субъектам предпринимательства со дня регистрации которых не прошло шести месяцев, а также осуществляющим деятельность в районах, отнесенным в соответствии с Указом Президента Республики Узбекистан от 30 декабря 2022 года № УП-287 «О мерах по разделению территорий республики на категории и внедрению дифференцированной системы поддержки предпринимательства» к 4 и 5-ой категориям, предоставляются в действующем размере независимо от их уровня рейтинга;
в) в случае, если уровень рейтинга субъектов предпринимательства:
понижается — предоставление мер поддержки продолжается в течение трех месяцев;
повышается — меры поддержки предоставляются в размере, соответствующем новому уровню рейтинга, начиная со следующего месяца.
Установить, что критерии, определенные настоящим пунктом, не распространяются на меры поддержки, внедренные до принятия настоящего постановления.
3. Создать Республиканскую комиссию по оптимизации и обеспечению эффективности субсидий, льгот и преференций, предоставляемых субъектам предпринимательства (далее — Республиканская комиссия), в составе согласно приложению № 1.
4. Республиканской комиссии (Д. Кучкаров) в срок до 1 октября 2024 года внести в Администрацию Президента Республики Узбекистан предложения, предусматривающие:
кардинальный пересмотр всех действующих мер поддержки по результатам анализа воздействия на экономику и атмосферу здоровой конкуренции и оценки эффективности данных мер с проведением их инвентаризации;
проведение оценки результативности порядка применения мер поддержки к субъектам предпринимательства исходя из категории районов и городов;
внедрение порядка установления конкретных целевых показателей для предоставления мер поддержки, подлежащих достижению субъектами предпринимательства;
конкретное определение перечня сфер, отраслей и направлений деятельности, по которым предоставляются меры государственной поддержки;
включение в акты законодательства норм, полностью отображающих понятие, виды и формы льгот и преференций;
внедрение порядка мониторинга и оценки эффективности пользования мерами поддержки, обязательного возврата средств в случае их нецелевого использования;
регулярное опубликование в открытых источниках сведений о результативности пользования мерами поддержки;
отмену мер поддержки, признанных неэффективными по результатам анализа и оценки.
5. Установить, что:
Комитет по развитию конкуренции и защите прав потребителей ежегодно до 1 июля проводит оценку воздействия мер поддержки на атмосферу здоровой конкуренции и вносит результаты оценки в Министерство экономики и финансов;
министерства и ведомства, приведенные в перечне согласно приложению № 2 (далее — заинтересованные министерства и ведомства), ежегодно до 1 июля представляют в Министерство экономики и финансов отчеты по мерам поддержки, предоставленным субъектам предпринимательства, а также их эффективности;
Министерство экономики и финансов совместно со Счетной палатой ежегодно до 1 августа вносят в Республиканскую комиссию информацию по итогам оценки эффективности мер поддержки;
Республиканская комиссия ежегодно до 1 октября вносит в Администрацию Президента Республики Узбекистан справку по итогам оценки эффективности мер поддержки и предложения по продолжению действия, отмене либо совершенствованию порядка предоставления мер поддержки.
6. Заинтересованным министерствам и ведомствам:
в срок до 1 июля 2024 года внедрить практику обмена данными с Налоговым и Таможенным комитетами для подтверждения подлинности и достоверности документов (лицензий, свидетельств и других), являющихся основанием для предоставления налоговых и таможенных льгот;
в срок до 1 января 2025 года внедрить порядок ведения мониторинга целевого и эффективного пользования мерами поддержки, предоставленными субъектам предпринимательства, посредством межведомственного обмена данными соответствующих информационных систем.
7. Внедрить с 1 января 2025 года ведение отдельного реестра на платформе «subsidiya.mf.uz», включающего виды, сроки и порядок мер поддержки, предоставляемых субъектам предпринимательства.
При этом сведения о мерах поддержки размещаются заинтересованными министерствами и ведомствами на платформе «subsidiya.mf.uz» в обязательном порядке.
Заинтересованным министерствам и ведомствам в трехмесячный срок представить перечень мер поддержки и сведения о них для ведения отдельного реестра на платформе «subsidiya.mf.uz» с проведением инвентаризации мер поддержки по подведомственности.
8. Налоговому комитету, Комитету по развитию конкуренции и защите прав потребителей совместно с Министерством экономики и финансов в срок до 1 декабря 2024 года обеспечить осуществление интеграции электронной платформы «Рейтинг устойчивости предпринимателей» и информационной системы Комитета по развитию конкуренции и защите прав потребителей с платформой «subsidiya.mf.uz».
9. Министерству экономики и финансов:
а) в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления;
б) в срок до 1 октября 2024 года:
совместно с заинтересованными министерствами и ведомствами разработать и внести на утверждение в Кабинет Министров порядок (методологию) ведения мониторинга и оценки эффективности предоставления субсидий, льгот и преференций субъектам предпринимательства;
совместно со Счетной палатой разработать порядок возврата средств субсидий в случае их нецелевого использования и необоснованного получения субъектами предпринимательства.
10. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 24 мая 2024 года № ПП-193
по оптимизации и обеспечению эффективности субсидий, льгот и преференций, предоставляемых субъектам предпринимательства
1. Д.А. Кучкаров — заместитель Премьер-министра — министр экономики и финансов, председатель Республиканской комиссии 2. Д.А. Вахобов — председатель Торгово-промышленной палаты, заместитель председателя Республиканской комиссии 3. М.Р. Абдуллаев — первый заместитель председателя Счетной палаты, заместитель председателя Республиканской комиссии 4. Д.С. Касымов — Уполномоченный по защите прав и законных интересов субъектов предпринимательства 5. А.Д. Ташкулов — министр юстиции 6. Л.Ш. Кудратов — министр инвестиций, промышленности и торговли 7. Б.А. Мусаев — министр занятости и сокращения бедности 8. К.А. Шарипов — министр высшего образования, науки и инноваций 9. Х.У. Умарова — министр дошкольного и школьного образования 10. А.А. Худаяров — и.о. министра здравоохранения 11. И.Ю. Абдурахмонов — министр сельского хозяйства 12. Ш.Р. Хамраев — министр водного хозяйства 13. И.Р. Махкамов — министр транспорта 14. По должности — председатель Комитета по развитию конкуренции и защите прав потребителей 15. А.Я. Хайдаров — заместитель министра экономики и финансов 16. Ш.Д. Кудбиев — председатель Налогового комитета 17. А.Ю. Мавлонов — председатель Таможенного комитета 18. У.Р. Шадиев — председатель Комитета по туризму 19. А.Ж. Ортиков — директор Агентства по управлению государственными активами 20. М.М. Убайдуллаев — директор Агентства по работе махаллабай и развитию предпринимательства 21. Т.А. Саттаров — заместитель председателя Совета фермерских, дехканских хозяйств и владельцев приусадебных земель Узбекистана 22. И.Р. Тангриев — заведующий секретариатом Кабинета Министров, секретарь Республиканской комиссии
ПРИЛОЖЕНИЕ № 2 к постановлению Президента Республики Узбекистан от 24 мая 2024 года № ПП-193
министерств и ведомств, ответственных за предоставление субсидий, льгот и преференций субъектам предпринимательства и обеспечение их эффективности
№ Субсидии, льготы и преференции Ответственные министерства и ведомства 1. Субсидии по поддержке предпринимательских инициатив населения Министерство занятости и сокращения бедности 2. Субсидии, льготы и преференции, связанные с поддержкой субъектов предпринимательства, осуществляющих экспортную деятельность Министерство инвестиций, промышленности и торговли 3. Субсидии, льготы и преференции в сфере сельского хозяйства Министерство сельского хозяйства 4. Субсидии, льготы и преференции в сфере водного хозяйства Министерство водного хозяйства 5. Субсидии, льготы и преференции в сфере промышленности и производства Министерство инвестиций, промышленности и торговли, Министерство экономики и финансов 6. Субсидии, льготы и преференции в сфере энергетики Министерство энергетики 7. Субсидии, льготы и преференции в сфере транспорта Министерство транспорта 8. Субсидии, льготы и преференции, связанные с развитием сферы образования Министерство высшего образования, науки и инноваций, Министерство дошкольного и школьного образования 9. Субсидии, льготы и преференции, связанные с развитием сферы здравоохранения Министерство здравоохранения 10. Субсидии, льготы и преференции, связанные с развитием сферы туризма Комитет по туризму 11. Льготы и преференции в налоговой сфере Налоговый комитет 12. Льготы и преференции в таможенной сфере Таможенный комитет 13. Льготы и преференции, связанные с государственным недвижимым имуществом Агентство по управлению государственными активами 14. Льготы и преференции, связанные с землей и выделением земли Агентство по кадастру 15. Льготы по банковским кредитам для субъектов предпринимательства Агентство по работе махаллабай и развитию предпринимательства, Центральный банк, коммерческие банки
Президент Республики Узбекистан Ш. МИРЗИЁЕВ
г. Ташкент,
24 мая 2024 г.,
№ ПП-193