📅 2024-yil 24-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 24 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 мая 2024 г. · Постановления Президента
Официальный текст. Официальный документ. Редакционные примечания не включены.
📅 24 May 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
«Тошкент вилоятининг Бўка туманида қуввати 263 МВт бўлган қуёш фотоэлектр станциясини ҳамда ҳаво электр узатиш тармоғини қуриш» инвестиция лойиҳасини амалга ошириш чора-тадбирлари тўғрисида
Аҳолини ва иқтисодиёт тармоқларини энергия ресурслари билан барқарор таъминлаш, электр энергияси ишлаб чиқаришда табиий газдан фойдаланишни камайтириш ҳамда қайта тикланувчи энергия манбаларидан фойдаланиш кўламини кенгайтиришга тўғридан-тўғри хорижий инвестицияларни фаол жалб қилиш мақсадида:
1. Қуйидагилар:
а) Ўзбекистон Республикаси Ҳукумати номидан Инвестициялар, саноат ва савдо вазирлиги ҳамда «China Datang Overseas Investment Co. ltd.» (Хитой Халқ Республикаси) компанияси (кейинги ўринларда — Инвестор) ўртасида «Тошкент вилоятининг Бўка туманида қуввати 263 МВт бўлган қуёш фотоэлектр станциясини ҳамда ҳаво электр узатиш тармоғини қуриш» инвестиция лойиҳаси (кейинги ўринларда — Инвестиция лойиҳаси) доирасида 2024 йил 25 январда инвестиция шартномаси (кейинги ўринларда — Инвестиция шартномаси) имзоланганлиги ҳамда унга мувофиқ Инвестор:
Инвестиция лойиҳасини амалга оширишнинг бутун даври мобайнида Тошкент вилоятининг Бўка туманида қуввати 263 МВт бўлган қуёш фотоэлектр станциясини лойиҳалаштириши, молиялаштириши, қуриши ҳамда эксплуатация қилиши;
юзага келиши мумкин бўлган хавф-хатарларни ўз зиммасига олган ҳолда дастлабки баҳолаш бўйича жами 150 млн АҚШ доллари миқдорида тўғридан-тўғри хорижий инвестицияларни жалб этиши;
б) 2024 йил 25 январда «Ўзбекистон миллий электр тармоқлари» АЖ ва Инвестор ўртасида Электр энергиясини сотиб олиш тўғрисидаги битим ҳамда 2024 йил 26 декабрда «Ўзбекистон миллий электр тармоқлари» АЖнинг ушбу битимда белгиланган ҳуқуқ ва мажбуриятларини «Ўзэнергосотиш» АЖга ўтказиш орқали қайта расмийлаштириш ҳақидаги қўшимча битим (кейинги ўринларда — Битим) имзоланганлиги ва шунга мувофиқ:
Инвестор ушбу битим бўйича ўз ҳуқуқ ва мажбуриятларидан лойиҳа доирасида ўзи томонидан ташкил этилган «DATANG BUKA NEW ENERGY DEVELOPMENT» МЧЖ (кейинги ўринларда — Лойиҳа компанияси) фойдасига воз кечиши;
Лойиҳа компанияси ишлаб чиқарилган электр энергиясини «Ўзэнергосотиш» АЖга кафолатланган тарзда сотиш мажбуриятини олиши;
Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 12 млн АҚШ доллари миқдорида биринчи даражали банк кафолатини тақдим этиши;
Инвестиция лойиҳаси доирасида қуёш фотоэлектр станциясини ягона электр энергияси тармоғига улаш учун ҳаво электр узатиш тармоқлари Лойиҳа компанияси томонидан қурилиши ҳамда ишга туширилгандан сўнг уларни «Ўзбекистон миллий электр тармоқлари» АЖга топшириш мажбуриятини олиши;
Лойиҳа компанияси томонидан ҳаво электр узатиш тармоқларини қуриш учун сарфланган харажатлар «Ўзбекистон миллий электр тармоқлари» АЖ томонидан «Ўзэнергосотиш» АЖ орқали 10 йил давомида ойлик тўловлар асосида қопланиши;
«Ўзэнергосотиш» АЖ 25 йил давомида электр энергиясини кафолатланган тарзда харид қилиш мажбуриятини олиши белгиланганлиги маълумот учун қабул қилинсин.
2. Инвестиция лойиҳасини амалга ошириш доирасида:
Ўзбекистон Республикаси Ҳукумати номидан Инвестициялар, саноат ва савдо вазирлиги ва Инвестор ўртасида тузилган Инвестиция шартномаси тасдиқлансин;
2024 йил 25 январда «Ўзбекистон миллий электр тармоқлари» АЖ ва Инвестор ўртасида имзоланган Электр энергиясини сотиб олиш тўғрисидаги битим ҳамда 2024 йил 26 декабрда «Ўзбекистон миллий электр тармоқлари» АЖнинг ушбу битимда белгиланган ҳуқуқ ва мажбуриятларини «Ўзэнергосотиш» АЖга ўтказиш орқали қайта расмийлаштириш ҳақидаги қўшимча битим маъқуллансин.
3. Инвестициялар, саноат ва савдо вазирлиги, Энергетика вазирлиги ҳамда «Ўзэнергосотиш» АЖга Инвестор томонидан Инвестиция лойиҳасини амалга ошириш доирасида имзоланган битимлар бўйича мажбуриятлар бажарилмаган тақдирда, Инвестор ҳуқуқини Инвестиция лойиҳасини молиялаштиришда иштирок этадиган бошқа кредиторларга тўғридан-тўғри ўтказиш ҳақида битимлар тузиш ҳуқуқи берилсин.
4. Қуйидагиларга:
«Ўзбекистон миллий электр тармоқлари» АЖ ва «Ўзэнергосотиш» АЖга Инвестор билан биргаликда Битимда белгиланган тартиб-таомилларга мувофиқ Инвестиция лойиҳасини амалга ошириш учун халқаро мустақил инжиниринг компанияси ва бошқа маслаҳатчиларни тўғридан-тўғри шартномалар тузган ҳолда жалб қилишга;
«Ўзэнергосотиш» АЖга Инвестор томонидан ишлаб чиқариладиган электр энергиясини уч ой мобайнида сотиб олиш мажбурияти бажарилишининг таъминоти сифатида Лойиҳа компанияси фойдасига хорижий банкнинг чет эл валютасида тасдиқланган ва тикланадиган аккредитивини очишга рухсат берилсин.
5. Иқтисодиёт ва молия вазирига Ўзбекистон Республикаси Ҳукумати номидан «Ўзэнергосотиш» АЖнинг аккредитив очадиган хорижий банк олдидаги тўлов мажбуриятлари Осиё тараққиёт банки, Жаҳон банки ёки Европа тикланиш ва тараққиёт банки кафолати орқали бажарилган тақдирда, мазкур банк билан Ўзбекистон Республикаси Ҳукуматига мақбул шаклдаги ушбу банк харажатларини қоплаш тўғрисидаги битимни имзолаш ваколати берилсин.
6. Инвестиция лойиҳасини амалга ошириш доирасида Лойиҳа компаниясига, барча солиқлар ва йиғимлар тўланган ҳолда, Инвестиция лойиҳасини молиялаштириш доирасида қуйидаги ҳуқуқлар берилсин:
кредит олиш, чет эл валютасида маблағлар олиш ва улардан фойдаланиш (шу жумладан, чет эл валютасида кредит тушумлари) учун чет элдаги хорижий банкларда банк ҳисобварақлари очиш;
Ўзбекистон Республикасидан ташқарида бўлган хорижий пудрат ташкилотлари, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш.
7. Энергетика вазирлиги, Қишлоқ хўжалиги вазирлиги, Сув хўжалиги вазирлиги, Иқтисодиёт ва молия вазирлиги, Тошкент вилояти ҳокимлигининг Инвестиция лойиҳасини амалга ошириш учун ажратиладиган Тошкент вилоятининг Бўка тумани ҳудудидаги иловага мувофиқ жами 610,2 гектар ер участкаларини қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказиш тўғрисидаги таклифига розилик берилсин.
8. Тошкент вилояти ҳокимлиги:
а) бир ой муддатда Инвестиция шартномаси ва Битимда кўрсатилган шартларга мос келадиган Инвестиция лойиҳасини амалга ошириш учун ер участкалари Энергетика вазирлигига доимий фойдаланиш ҳуқуқи билан ажратилишини таъминласин;
Энергетика вазирлиги томонидан мазкур бандда назарда тутилган ер участкаси қуёш фотоэлектр станциясини қуриш учун Инвестиция лойиҳасини амалга ошириш муддатига тенг даврга Инвесторга ижарага берилишини таъминласин;
б) Энергетика вазирлиги, Иқтисодиёт ва молия вазирлиги, Қишлоқ хўжалиги вазирлиги ҳамда Инвестор билан биргаликда бир ой муддатда Инвестиция лойиҳасини амалга ошириш учун Тошкент вилоятининг Бўка тумани ҳудудида ҳаво электр узатиш тармоқларини ва электр инфратузилмаси қурилмаларини қуриш учун зарур ер участкаларини танлаб олсин ва уларнинг чегараларига аниқлик киритиб, тегишлилиги бўйича оммавий сервитут белгилаш ва Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклиф киритиш чораларини кўрсин;
в) Инвестор томонидан тақдим этиладиган лойиҳа ҳужжатлари асосида танланган ер участкаларини Энергетика вазирлигига доимий фойдаланиш ҳуқуқи билан ажратсин.
Энергетика вазирлиги мазкур ер участкалари Инвестиция лойиҳасини амалга ошириш муддатига тенг даврга Инвесторга ижарага берилишини таъминласин.
Бунда Инвестор томонидан ер участкалари учун тўланадиган ижара тўлови миқдори ер солиғи миқдорига тенглаштирилсин.
9. Белгилансинки, Инвестиция лойиҳасини амалга ошириш доирасида:
Энергетика вазирлиги қишлоқ хўжалигига мўлжалланган ерлардан фойдаланганлик (тоифаси ўзгартирилганлиги) учун қишлоқ хўжалиги ишлаб чиқариши нобудгарчилиги ўрнини қоплашдан (компенсация тўловларидан) озод қилинади;
қуёш фотоэлектр станциясини қуриш билан боғлиқ қурилиш ва ер ишларини бажариш, бино ва иншоотлар пойдеворларини лойиҳалаштириш нормалари ва қоидалари Битимга мувофиқ халқаро стандартлар билан тартибга солинади;
электр энергиясининг сотиб олиниши ва ҳаво электр узатиш тармоқларини қуришга сарфланган харажатлар бўйича тўловлар чет эл валютасида деноминацияланган қатъий тариф бўйича миллий валютада амалга оширилади.
10. Инвесторнинг буюртманомасига биноан Инвестиция лойиҳасини амалга ошириш доирасида:
Ташқи ишлар вазирлиги — жалб қилинадиган хорижий мутахассислар учун кириш визалари, зарур ҳолларда, Ислом Каримов номидаги Тошкент халқаро аэропортида белгиланган тартибда расмийлаштирилишини;
Ички ишлар вазирлиги — жалб қилинадиган пудрат ташкилотларининг хорижий мутахассислари ҳамда уларнинг оила аъзоларига кўп марталик виза берилиши ва унинг муддати узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини;
Камбағалликни қисқартириш ва бандлик вазирлиги — хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтиришини) белгиланган тартибда таъминласин.
11. Инвестициялар, саноат ва савдо вазирлиги Инвестиция лойиҳаси амалга оширилиши, шунингдек, томонларнинг Инвестиция шартномаси ва Битим доирасидаги мажбуриятлари бажарилиши устидан доимий назорат ўрнатсин.
12. Адлия вазирлиги Инвестиция лойиҳасини амалга ошириш доирасида Инвестиция шартномаси ҳамда унинг қоидаларига мувофиқ имзоланган битимлар юзасидан юридик хулосалар берсин.
13. Экология, атроф-муҳитни муҳофаза қилиш ва иқлим ўзгариши вазирлиги лойиҳа ҳужжатлари белгиланган тартибда экологик экспертизадан ўтказилишини ва Инвестиция лойиҳасини амалга оширишда табиатни муҳофаза қилишга оид қонунчилик ҳужжатларига риоя этилишини таъминласин.
14. Мазкур қарорнинг ижросини самарали ташкил қилишга масъул ва шахсий жавобгар этиб энергетика вазири Ж.Т. Мирзамаҳмудов белгилансин.
Қарор ижроси учун масъул вазирлик ва идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 24 майдаги ПҚ-190-сон қарорига ИЛОВА
«Тошкент вилоятининг Бўка туманида қуввати 263 МВт бўлган қуёш фотоэлектр станциясини ҳамда ҳаво электр узатиш тармоғини қуриш» инвестиция лойиҳасини амалга ошириш доирасида қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказилаётган ер участкалари
Ҳудуд номи Контур рақами Жами ер участкаси майдони (гектар) шундан: лалми ерлар кўп йиллик дарахтзорлар бўз ерлар яйловлар бошқа ерлар Бўка тумани «Бўстон» МФЙ 10556к,10589к,10591к, 10603қ,10612,10613к 23 17,46 - 2,15 1,9 1,49 10506, 10556к, 10557, 10558, 10559, 10560, 10561, 10562, 10563, 10564, 10565, 10566, 10567, 10568, 10569, 10573, 10574, 10575, 10576, 10577, 10579, 10582, 10583, 10584, 10589к, 10591к 195,45 13,2 0,47 121,38 30,4 30 10608к, 10610, 10611, 10614, 10615к, 10616к 49,73 40,46 - - 3,13 6,14 10503, 10504, 10505, 10507, 10510, 10543, 10544, 10545, 10546, 10547, 10548, 10550, 10551, 10552, 10553, 10554, 10555, 10613к, 10615к 352,82 195,14 - 8,8 116,94 31,94 Жами 621,0 266,3 0,5 132,3 152,4 69,6
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 24 май,
ПҚ-190-сон
Oʻzbekiston Respublikasi Prezidentining
Qarori
ROʻYXATI
“Toshkent viloyatining Boʻka tumanida quvvati 263 MVt boʻlgan quyosh fotoelektr stansiyasini hamda havo elektr uzatish tarmogʻini qurish” investitsiya loyihasini amalga oshirish chora-tadbirlari toʻgʻrisida
Aholini va iqtisodiyot tarmoqlarini energiya resurslari bilan barqaror taʼminlash, elektr energiyasi ishlab chiqarishda tabiiy gazdan foydalanishni kamaytirish hamda qayta tiklanuvchi energiya manbalaridan foydalanish koʻlamini kengaytirishga toʻgʻridan-toʻgʻri xorijiy investitsiyalarni faol jalb qilish maqsadida:
1. Quyidagilar:
a) Oʻzbekiston Respublikasi Hukumati nomidan Investitsiyalar, sanoat va savdo vazirligi hamda “China Datang Overseas Investment Co. ltd.” (Xitoy Xalq Respublikasi) kompaniyasi (keyingi oʻrinlarda — Investor) oʻrtasida “Toshkent viloyatining Boʻka tumanida quvvati 263 MVt boʻlgan quyosh fotoelektr stansiyasini hamda havo elektr uzatish tarmogʻini qurish” investitsiya loyihasi (keyingi oʻrinlarda — Investitsiya loyihasi) doirasida 2024-yil 25-yanvarda investitsiya shartnomasi (keyingi oʻrinlarda — Investitsiya shartnomasi) imzolanganligi hamda unga muvofiq Investor:
Investitsiya loyihasini amalga oshirishning butun davri mobaynida Toshkent viloyatining Boʻka tumanida quvvati 263 MVt boʻlgan quyosh fotoelektr stansiyasini loyihalashtirishi, moliyalashtirishi, qurishi hamda ekspluatatsiya qilishi;
yuzaga kelishi mumkin boʻlgan xavf-xatarlarni oʻz zimmasiga olgan holda dastlabki baholash boʻyicha jami 150 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi;
b) 2024-yil 25-yanvarda “Oʻzbekiston milliy elektr tarmoqlari” AJ va Investor oʻrtasida Elektr energiyasini sotib olish toʻgʻrisidagi bitim hamda 2024-yil 26-dekabrda “Oʻzbekiston milliy elektr tarmoqlari” AJning ushbu bitimda belgilangan huquq va majburiyatlarini “Oʻzenergosotish” AJga oʻtkazish orqali qayta rasmiylashtirish haqidagi qoʻshimcha bitim (keyingi oʻrinlarda — Bitim) imzolanganligi va shunga muvofiq:
Investor ushbu bitim boʻyicha oʻz huquq va majburiyatlaridan loyiha doirasida oʻzi tomonidan tashkil etilgan “DATANG BUKA NEW ENERGY DEVELOPMENT” MCHJ (keyingi oʻrinlarda — Loyiha kompaniyasi) foydasiga voz kechishi;
Loyiha kompaniyasi ishlab chiqarilgan elektr energiyasini “Oʻzenergosotish” AJga kafolatlangan tarzda sotish majburiyatini olishi;
Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 12 mln AQSH dollari miqdorida birinchi darajali bank kafolatini taqdim etishi;
Investitsiya loyihasi doirasida quyosh fotoelektr stansiyasini yagona elektr energiyasi tarmogʻiga ulash uchun havo elektr uzatish tarmoqlari Loyiha kompaniyasi tomonidan qurilishi hamda ishga tushirilgandan soʻng ularni “Oʻzbekiston milliy elektr tarmoqlari” AJga topshirish majburiyatini olishi;
Loyiha kompaniyasi tomonidan havo elektr uzatish tarmoqlarini qurish uchun sarflangan xarajatlar “Oʻzbekiston milliy elektr tarmoqlari” AJ tomonidan “Oʻzenergosotish” AJ orqali 10 yil davomida oylik toʻlovlar asosida qoplanishi;
“Oʻzenergosotish” AJ 25 yil davomida elektr energiyasini kafolatlangan tarzda xarid qilish majburiyatini olishi belgilanganligi maʼlumot uchun qabul qilinsin.
2. Investitsiya loyihasini amalga oshirish doirasida:
Oʻzbekiston Respublikasi Hukumati nomidan Investitsiyalar, sanoat va savdo vazirligi va Investor oʻrtasida tuzilgan Investitsiya shartnomasi tasdiqlansin;
2024-yil 25-yanvarda “Oʻzbekiston milliy elektr tarmoqlari” AJ va Investor oʻrtasida imzolangan Elektr energiyasini sotib olish toʻgʻrisidagi bitim hamda 2024-yil 26-dekabrda “Oʻzbekiston milliy elektr tarmoqlari” AJning ushbu bitimda belgilangan huquq va majburiyatlarini “Oʻzenergosotish” AJga oʻtkazish orqali qayta rasmiylashtirish haqidagi qoʻshimcha bitim maʼqullansin.
3. Investitsiyalar, sanoat va savdo vazirligi, Energetika vazirligi hamda “Oʻzenergosotish” AJga Investor tomonidan Investitsiya loyihasini amalga oshirish doirasida imzolangan bitimlar boʻyicha majburiyatlar bajarilmagan taqdirda, Investor huquqini Investitsiya loyihasini moliyalashtirishda ishtirok etadigan boshqa kreditorlarga toʻgʻridan-toʻgʻri oʻtkazish haqida bitimlar tuzish huquqi berilsin.
4. Quyidagilarga:
“Oʻzbekiston milliy elektr tarmoqlari” AJ va “Oʻzenergosotish” AJga Investor bilan birgalikda Bitimda belgilangan tartib-taomillarga muvofiq Investitsiya loyihasini amalga oshirish uchun xalqaro mustaqil injiniring kompaniyasi va boshqa maslahatchilarni toʻgʻridan-toʻgʻri shartnomalar tuzgan holda jalb qilishga;
“Oʻzenergosotish” AJga Investor tomonidan ishlab chiqariladigan elektr energiyasini uch oy mobaynida sotib olish majburiyati bajarilishining taʼminoti sifatida Loyiha kompaniyasi foydasiga xorijiy bankning chet el valyutasida tasdiqlangan va tiklanadigan akkreditivini ochishga ruxsat berilsin.
5. Iqtisodiyot va moliya vaziriga Oʻzbekiston Respublikasi Hukumati nomidan “Oʻzenergosotish” AJning akkreditiv ochadigan xorijiy bank oldidagi toʻlov majburiyatlari Osiyo taraqqiyot banki, Jahon banki yoki Yevropa tiklanish va taraqqiyot banki kafolati orqali bajarilgan taqdirda, mazkur bank bilan Oʻzbekiston Respublikasi Hukumatiga maqbul shakldagi ushbu bank xarajatlarini qoplash toʻgʻrisidagi bitimni imzolash vakolati berilsin.
6. Investitsiya loyihasini amalga oshirish doirasida Loyiha kompaniyasiga, barcha soliqlar va yigʻimlar toʻlangan holda, Investitsiya loyihasini moliyalashtirish doirasida quyidagi huquqlar berilsin:
kredit olish, chet el valyutasida mablagʻlar olish va ulardan foydalanish (shu jumladan, chet el valyutasida kredit tushumlari) uchun chet eldagi xorijiy banklarda bank hisobvaraqlari ochish;
Oʻzbekiston Respublikasidan tashqarida boʻlgan xorijiy pudrat tashkilotlari, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish.
7. Energetika vazirligi, Qishloq xoʻjaligi vazirligi, Suv xoʻjaligi vazirligi, Iqtisodiyot va moliya vazirligi, Toshkent viloyati hokimligining Investitsiya loyihasini amalga oshirish uchun ajratiladigan Toshkent viloyatining Boʻka tumani hududidagi ilovaga muvofiq jami 610,2 gektar yer uchastkalarini qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazish toʻgʻrisidagi taklifiga rozilik berilsin.
8. Toshkent viloyati hokimligi:
a) bir oy muddatda Investitsiya shartnomasi va Bitimda koʻrsatilgan shartlarga mos keladigan Investitsiya loyihasini amalga oshirish uchun yer uchastkalari Energetika vazirligiga doimiy foydalanish huquqi bilan ajratilishini taʼminlasin;
Energetika vazirligi tomonidan mazkur bandda nazarda tutilgan yer uchastkasi quyosh fotoelektr stansiyasini qurish uchun Investitsiya loyihasini amalga oshirish muddatiga teng davrga Investorga ijaraga berilishini taʼminlasin;
b) Energetika vazirligi, Iqtisodiyot va moliya vazirligi, Qishloq xoʻjaligi vazirligi hamda Investor bilan birgalikda bir oy muddatda Investitsiya loyihasini amalga oshirish uchun Toshkent viloyatining Boʻka tumani hududida havo elektr uzatish tarmoqlarini va elektr infratuzilmasi qurilmalarini qurish uchun zarur yer uchastkalarini tanlab olsin va ularning chegaralariga aniqlik kiritib, tegishliligi boʻyicha ommaviy servitut belgilash va Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga taklif kiritish choralarini koʻrsin;
v) Investor tomonidan taqdim etiladigan loyiha hujjatlari asosida tanlangan yer uchastkalarini Energetika vazirligiga doimiy foydalanish huquqi bilan ajratsin.
Energetika vazirligi mazkur yer uchastkalari Investitsiya loyihasini amalga oshirish muddatiga teng davrga Investorga ijaraga berilishini taʼminlasin.
Bunda Investor tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.
9. Belgilansinki, Investitsiya loyihasini amalga oshirish doirasida:
Energetika vazirligi qishloq xoʻjaligiga moʻljallangan yerlardan foydalanganlik (toifasi oʻzgartirilganligi) uchun qishloq xoʻjaligi ishlab chiqarishi nobudgarchiligi oʻrnini qoplashdan (kompensatsiya toʻlovlaridan) ozod qilinadi;
quyosh fotoelektr stansiyasini qurish bilan bogʻliq qurilish va yer ishlarini bajarish, bino va inshootlar poydevorlarini loyihalashtirish normalari va qoidalari Bitimga muvofiq xalqaro standartlar bilan tartibga solinadi;
elektr energiyasining sotib olinishi va havo elektr uzatish tarmoqlarini qurishga sarflangan xarajatlar boʻyicha toʻlovlar chet el valyutasida denominatsiyalangan qatʼiy tarif boʻyicha milliy valyutada amalga oshiriladi.
10. Investorning buyurtmanomasiga binoan Investitsiya loyihasini amalga oshirish doirasida:
Tashqi ishlar vazirligi — jalb qilinadigan xorijiy mutaxassislar uchun kirish vizalari, zarur hollarda, Islom Karimov nomidagi Toshkent xalqaro aeroportida belgilangan tartibda rasmiylashtirilishini;
Ichki ishlar vazirligi — jalb qilinadigan pudrat tashkilotlarining xorijiy mutaxassislari hamda ularning oila aʼzolariga koʻp martalik viza berilishi va uning muddati uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini;
Kambagʻallikni qisqartirish va bandlik vazirligi — xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirishini) belgilangan tartibda taʼminlasin.
11. Investitsiyalar, sanoat va savdo vazirligi Investitsiya loyihasi amalga oshirilishi, shuningdek, tomonlarning Investitsiya shartnomasi va Bitim doirasidagi majburiyatlari bajarilishi ustidan doimiy nazorat oʻrnatsin.
12. Adliya vazirligi Investitsiya loyihasini amalga oshirish doirasida Investitsiya shartnomasi hamda uning qoidalariga muvofiq imzolangan bitimlar yuzasidan yuridik xulosalar bersin.
13. Ekologiya, atrof-muhitni muhofaza qilish va iqlim oʻzgarishi vazirligi loyiha hujjatlari belgilangan tartibda ekologik ekspertizadan oʻtkazilishini va Investitsiya loyihasini amalga oshirishda tabiatni muhofaza qilishga oid qonunchilik hujjatlariga rioya etilishini taʼminlasin.
14. Mazkur qarorning ijrosini samarali tashkil qilishga masʼul va shaxsiy javobgar etib energetika vaziri J.T. Mirzamahmudov belgilansin.
Qaror ijrosi uchun masʼul vazirlik va idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 24-maydagi PQ-190-son qaroriga ILOVA
“Toshkent viloyatining Boʻka tumanida quvvati 263 MVt boʻlgan quyosh fotoelektr stansiyasini hamda havo elektr uzatish tarmogʻini qurish” investitsiya loyihasini amalga oshirish doirasida qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazilayotgan yer uchastkalari
Hudud nomi Kontur raqami Jami yer uchastkasi maydoni (gektar) shundan: lalmi yerlar koʻp yillik daraxtzorlar boʻz yerlar yaylovlar boshqa yerlar Boʻka tumani “Boʻston” MFY 10556k,10589k,10591k, 10603q,10612,10613k 23 17,46 - 2,15 1,9 1,49 10506, 10556k, 10557, 10558, 10559, 10560, 10561, 10562, 10563, 10564, 10565, 10566, 10567, 10568, 10569, 10573, 10574, 10575, 10576, 10577, 10579, 10582, 10583, 10584, 10589k, 10591k 195,45 13,2 0,47 121,38 30,4 30 10608k, 10610, 10611, 10614, 10615k, 10616k 49,73 40,46 - - 3,13 6,14 10503, 10504, 10505, 10507, 10510, 10543, 10544, 10545, 10546, 10547, 10548, 10550, 10551, 10552, 10553, 10554, 10555, 10613k, 10615k 352,82 195,14 - 8,8 116,94 31,94 Jami 621,0 266,3 0,5 132,3 152,4 69,6
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 24-may,
PQ-190-son
Президента Республики Узбекистан
Постановление
О мерах по реализации инвестиционного проекта «Строительство солнечной фотоэлектростанции мощностью 263 МВт и воздушных линий электропередач в Букинском районе Ташкентской области»
В целях стабильного обеспечения энергоресурсами населения и отраслей экономики, сокращения потребления природного газа при выработке электроэнергии, а также активного привлечения прямых иностранных инвестиций в расширение масштаба использования возобновляемых источников энергии:
1. Принять к сведению, что:
а) между Правительством Республики Узбекистан в лице Министерства инвестиций, промышленности и торговли и компанией «China Datang Overseas Investment Co.Ltd.» (Китайская Народная Республика) (далее — Инвестор) в рамках инвестиционного проекта «Строительство солнечной фотоэлектростанции мощностью 263 МВт и воздушных линий электропередач в Букинском районе Ташкентской области» (далее — Инвестиционный проект) 25 января 2024 года подписан инвестиционный договор (далее — Инвестиционный договор), в соответствии с которым Инвестор осуществляет:
проектирование, финансирование, строительство и эксплуатацию солнечной фотоэлектростанции мощностью 263 МВт в Букинском районе Ташкентской области на протяжении всего периода реализации Инвестиционного проекта;
привлечение прямых иностранных инвестиций в размере по предварительным расчетам всего 150 млн долларов США с принятием на себя возможных рисков;
б) между АО «Национальные электрические сети Узбекистана» и Инвестором 25 января 2024 года подписано Соглашение о закупке электроэнергии и 26 декабря 2024 года дополнительное соглашение о переоформлении прав и обязательств АО «Национальные электрические сети Узбекистана», указанных в данном Соглашении путем их передачи АО «Ўзэнергосотиш» (далее — Соглашение), в соответствии с которым
Инвестор по данному соглашению уступает свои права и обязательства в пользу организованного им в рамках проекта ООО «DATANG BUKA NEW ENERGY DEVELOPMENT» (далее — Проектная компания);
Проектная компания принимает обязательство гарантированной продажи произведенной электрической энергии АО «Ўзэнергосотиш»;
Проектная компания предоставляет гарантию первоклассного банка в размере 12 млн долларов США в качестве обеспечения надлежащего исполнения своих обязательств в период строительства;
Проектная компания в рамках Инвестиционного проекта принимает обязательство по строительству воздушных линий электропередач для подключения солнечной фотоэлектростанции к единой электроэнергетической сети, после ввода в эксплуатацию — их передаче АО «Национальные электрические сети Узбекистана»;
АО «Национальные электрические сети Узбекистана» через АО «Ўзэнергосотиш» покрывает расходы, затраченные Проектная компания на строительство воздушных линий электропередач, в течение 10 лет на основе ежемесячных платежей;
АО «Ўзэнергосотиш» принимает обязательство гарантированной закупки электрической энергии в течение 25 лет.
2. В рамках реализации Инвестиционного проекта:
утвердить Инвестиционный договор, заключенный между Правительством Республики Узбекистан в лице Министерства инвестиций, промышленности и торговли и Инвестором;
одобрить Соглашение о закупке электроэнергии, подписанное 25 января 2024 года между АО «Национальные электрические сети Узбекистана» и Инвестором, а также Дополнительное соглашение от 26 декабря 2024 года о переоформлении прав и обязательств АО «Национальные электрические сети Узбекистана», указанных в данном Соглашении путем их передачи АО «Ўзэнергосотиш».
3. Предоставить Министерству инвестиций, промышленности и торговли, Министерству энергетики и АО «Ўзэнергосотиш» право на заключение соглашений о прямой передаче прав Инвестора другим кредиторам, принимающим участие в финансировании Инвестиционного проекта, в случае неисполнения Инвестором обязательств по соглашениям, подписанным в рамках реализации Инвестиционного проекта.
4. Разрешить АО «Национальные электрические сети Узбекистана» и АО «Ўзэнергосотиш»:
привлечение совместно с Инвестором международных независимых инжиниринговых компаний и других консультантов для реализации Инвестиционного проекта в соответствии с процедурами, определенными в Соглашении, с заключением прямых договоров;
открытие подтвержденного в иностранной валюте и возобновляемого аккредитива иностранного банка в пользу Инвестора в качестве обеспечения исполнения обязательства по закупке производимой Инвестором электрической энергии на протяжении трех месяцев.
5. Уполномочить министра экономики и финансов подписать от имени Правительства Республики Узбекистан соглашение с иностранным банком, открывающим аккредитив, о возмещении его расходов в форме, приемлемой для Правительства Республики Узбекистан, в случае исполнения обязательств АО «Ўзэнергосотиш» перед данным банком под гарантию Азиатского банка развития, Всемирного банка либо Европейского банка реконструкции и развития.
6. Предоставить Проектной компании в рамках реализации Инвестиционного проекта после оплаты всех налогов и сборов следующие права в пределах финансирования Инвестиционного проекта:
открывать банковские счета в иностранных банках за рубежом для получения кредитов, получения и использования денежных средств в иностранной валюте (включая кредитные поступления в иностранной валюте);
напрямую осуществлять платежи иностранным подрядным организациям, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
7. Согласиться с предложением Министерства энергетики, Министерства сельского хозяйства, Министерства водного хозяйства, Министерства экономики и финансов и хокимията Ташкентской области о переводе в общей сложности 621,0 гектаров земельных участков на территории Букинского района Ташкентской области, выделяемых для реализации Инвестиционного проекта, из категории земель сельскохозяйственного назначения в категорию земель промышленности, транспорта, связи, обороны и иного назначения согласно приложению .
8. Хокимияту Ташкентской области:
а) в месячный срок для реализации Инвестиционного проекта обеспечить выделение Министерству энергетики земельных участков, соответствующих условиям, указанным в Инвестиционном договоре и Соглашении, с правом постоянного пользования;
Министерству энергетики обеспечить передачу в аренду Инвестору земельных участков, предусмотренных настоящим пунктом, для строительства солнечной фотоэлектростанции на период, равный сроку реализации Инвестиционного проекта;
б) совместно с Министерством энергетики, Министерством экономики и финансов, Министерством сельского хозяйства и Инвестором в месячный срок выбрать земельные участки на территории Букинского района Ташкентской области, необходимые для строительства воздушных линий электропередач и сооружений электроинфраструктуры и реализации Инвестиционного проекта, внести уточнения в границы выбранных земельных участков, принять меры по установлению публичного сервитута соответственно и внесению предложения в Правительственную комиссию по рассмотрению вопросов изменения категорий земельного фонда земель сельскохозяйственного назначения и лесного фонда;
в) выделить Министерству энергетики выбранные земельные участки с правом постоянного пользования на основании проектной документации, представленной Инвестором.
Министерству энергетики обеспечить передачу в аренду Инвестору вышеуказанных земельных участков на период, равный сроку реализации Инвестиционного проекта.
При этом приравнять размер арендной платы за земельные участки, оплачиваемой Инвестором, к размеру земельного налога.
9. Установить, что в рамках реализации Инвестиционного проекта:
Министерство энергетики освобождается от возмещения потерь сельскохозяйственного производства (компенсационных выплат) за использование (изменение категории) земель сельскохозяйственного назначения;
нормы и правила выполнения строительных и земельных работ, связанных со строительством солнечной фотоэлектростанции, а также проектирования фундаментов зданий и сооружений регулируются международными стандартами в соответствии с Соглашением;
платежи по расходам, затраченным на закупку электроэнергии и строительство воздушных линий электропередач, осуществляются в национальной валюте по фиксированному тарифу, деноминированному в иностранной валюте.
10. По заявкам Инвестора в рамках реализации Инвестиционного проекта:
Министерству иностранных дел обеспечить оформление в установленном порядке въездных виз привлекаемым зарубежным специалистам, при необходимости — в Международном аэропорту Ташкент имени Ислама Каримова;
Министерству внутренних дел обеспечить выдачу и продление срока действия многоразовых виз, а также регистрацию по месту пребывания и ее продление зарубежным специалистам привлекаемых подрядных организаций, а также членам их семей;
Министерству занятости и сокращения бедности обеспечить выдачу (продление) в установленном порядке подтверждений на право осуществления трудовой деятельности на территории Республики Узбекистан иностранным гражданам.
11. Министерству инвестиций, промышленности и торговли установить постоянный контроль за реализацией Инвестиционного проекта, а также выполнением сторонами обязательств в рамках Инвестиционного договора и Соглашения.
12. Министерству юстиции выдать юридические заключения по соглашениям, подписанным в соответствии с Инвестиционным договором и его положениями в рамках реализации Инвестиционного проекта.
13. Министерству экологии, охраны окружающей среды и изменения климата обеспечить проведение в установленном порядке экологической экспертизы проектной документации и соблюдение актов законодательства об охране природы при реализации Инвестиционного проекта.
14. Возложить на министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
Осуществление координации и контроля за деятельностью министерств и ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 24 мая 2024 года № ПП-190
ПЕРЕЧЕНЬ
земельных участков, переводимых из категории земель сельскохозяйственного назначения в категорию земель промышленности, транспорта, связи, обороны и иного назначения в рамках реализации инвестиционного проекта «Строительство солнечной фотоэлектростанции мощностью 263 МВт и воздушных линий электропередач в Букинском районе Ташкентской области»
Наименование территории Номер контура Общая площадь земельных участков (в гектарах) из них: богарные земли многолетние древесные насаждения целинные земли пастбища прочие земли СГМ «Бустон» Букинского района 10556к,10589к,10591к, 10603қ,10612,10613к 23 17,46 - 2,15 1,9 1,49 10506, 10556к, 10557, 10558, 10559, 10560, 10561, 10562, 10563, 10564, 10565, 10566, 10567, 10568, 10569, 10573, 10574, 10575, 10576, 10577, 10579, 10582, 10583, 10584, 10589к, 10591к 195,45 13,2 0,47 121,38 30,4 30 10608к, 10610, 10611, 10614, 10615к, 10616к 49,73 40,46 - - 3,13 6,14 10503, 10504, 10505, 10507, 10510, 10543, 10544, 10545, 10546, 10547, 10548, 10550, 10551, 10552, 10553, 10554, 10555, 10613к, 10615к 352,82 195,14 - 8,8 116,94 31,94 Всего 621,0 266,3 0,5 132,3 152,4 69,6
Президент Республики Узбекистан Ш. МИРЗИЁЕВ
г. Ташкент,
24 мая 2024 г.,
№ ПП-190