UzbekAI

Ўзбекистон Республикасининг Қонуни

Ўзбекистон Республикасининг айрим қонун ҳужжатларига ўзгартиришлар киритиш тўғрисида

Қонунчилик палатаси томонидан 2024 йил 17 январда қабул қилинган Сенат томонидан 2024 йил 30 мартда маъқулланган

Мамлакатимизда фармацевтика ва кимё саноатини халқаро стандартларни инобатга олган ҳолда ривожлантириш ҳамда унга илғор илмий-техника ютуқларини ва инновацияларни жорий этиш бўйича кенг кўламли ишлар амалга оширилмоқда.

Дори воситаларини ишлаб чиқарувчиларга қўшимча шарт-шароитлар яратиш мақсадида мазкур Қонун билан «Дори воситалари ва фармацевтика фаолияти тўғрисида»ги Ўзбекистон Республикаси Қонунига дори моддаларини (субстанцияларни) давлат рўйхатидан ўтказиш тартибининг бекор қилинишини назарда тутувчи ўзгартириш киритилмоқда. Шу билан бирга « Фуқаролар соғлиғини сақлаш тўғрисида »ги ҳамда « Дори воситалари ва фармацевтика фаолияти тўғрисида »ги Ўзбекистон Республикаси қонунларига дори воситаларини рецепт билан ва рецептсиз бериладиган дори воситалари тоифасига киритиш тартибини тасдиқлаш ваколатини Ўзбекистон Республикаси Соғлиқни сақлаш вазирлиги зиммасига юкловчи, шунингдек рецептсиз ёки шифокор рецепти бўйича бериладиган дори воситалари тўғрисидаги ахборотни уларнинг тиббиётда қўлланилишига доир йўриқномаларда ҳамда Тиббиёт амалиётида қўлланилишига рухсат этилган дори воситалари, тиббий буюмлар ва тиббий техника давлат реестрида кўрсатиш талабини жорий этувчи ўзгартиришлар киритилмоқда.

Бундан ташқари импорт ўрнини босувчи кимёвий маҳсулотларни ишлаб чиқариш ҳажмларини кенгайтириш мақсадида «Гиёҳвандлик воситалари ва психотроп моддалар тўғрисида»ги Ўзбекистон Республикаси Қонунига юридик шахсларга IV рўйхат доирасида Ўзбекистон Республикаси Вазирлар Маҳкамаси томонидан белгиланадиган айрим прекурсорларни тегишли лицензияларга асосан ишлаб чиқариш ва тайёрлаш ҳуқуқини берувчи ўзгартириш киритилмоқда.

Ушбу Қонун аҳолининг ва тадбиркорлик субъектларининг тиббиёт амалиётида қўлланилишига рухсат этилган дори воситалари тўғрисидаги хабардорлик даражасини оширишга, шунингдек инвесторларни жалб этиш учун шарт-шароитлар яратишга ҳамда кимёвий маҳсулотлар ишлаб чиқаришни кўпайтиришга хизмат қилади.

1-модда. Ўзбекистон Республикасининг 1996 йил 29 августда қабул қилинган «Фуқаролар соғлиғини сақлаш тўғрисида»ги 265-I-сонли Қонуни (Ўзбекистон Республикаси Олий Мажлисининг Ахборотномаси, 1996 йил, № 9, 128-модда; 1999 йил, № 5, 124-модда; 2001 йил, № 5, 89-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 10, 536-модда; 2007 йил, № 10, 473-модда; 2010 йил, № 5, 177-модда; 2016 йил, № 12, 383-модда; 2017 йил, № 6, 300-модда; 2018 йил, № 1, 1-модда; 2019 йил, № 2, 47-модда, № 5, 265, 267-моддалар, № 9, 589, 592-моддалар; 2020 йил, № 12, 691-модда; 2021 йил, 4-сонга илова, № 8, 797-модда; 2022 йил, № 5, 464-модда, № 11, 1061-модда; 2023 йил, № 1, 2-модда) 35-моддасининг биринчи қисми чиқариб ташлансин.

2-модда. Ўзбекистон Республикасининг 1997 йил 25 апрелда қабул қилинган «Дори воситалари ва фармацевтика фаолияти тўғрисида»ги 415-I-сонли Қонунига (Ўзбекистон Республикасининг 2016 йил 4 январда қабул қилинган ЎРҚ-399-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2016 йил, № 1, 1-модда; 2017 йил, № 6, 300-модда; 2020 йил, № 7, 449-модда; 2021 йил, 4-сонга илова, № 10, 968-модда; 2023 йил, № 11, 922-модда) қуйидаги ўзгартиришлар киритилсин:

1) 6-модда биринчи қисмининг ўн бешинчи хатбошиси қуйидаги таҳрирда баён этилсин:

«дори воситаларини рецепт билан ва рецептсиз бериладиган дори воситалари тоифасига киритиш тартибини тасдиқлайди»;

2) 12-модда иккинчи қисмининг иккинчи хатбошиси қуйидаги таҳрирда баён этилсин:

«дори воситалари (бундан дори воситаларини ишлаб чиқаришда қўлланиладиган дори моддалари (субстанциялар) мустасно)»;

3) 14-модда :

биринчи қисмининг:

бешинчи хатбошиси чиқариб ташлансин;

олтинчи , еттинчи ва саккизинчи хатбошилари тегишинча бешинчи, олтинчи ва еттинчи хатбошилар деб ҳисоблансин;

иккинчи ва учинчи қисмлари қуйидаги таҳрирда баён этилсин:

«Рецептсиз бериладиган дори воситалари тўғрисидаги ахборот дори воситаларининг тиббиётда қўлланилишига доир йўриқномаларда, шунингдек Тиббиёт амалиётида қўлланилишига рухсат этилган дори воситалари, тиббий буюмлар ва тиббий техника давлат реестрида кўрсатилади. Рецептсиз бериладиган дори воситалари тўғрисидаги ахборот оммавий ахборот воситаларида ва ихтисослаштирилган босма нашрларда ҳам берилиши мумкин.

Рецепт бўйича бериладиган дори воситалари тўғрисидаги ва тиббий буюмлар ҳақидаги ахборот фақат тиббиёт ва фармацевтика ходимлари учун мўлжалланган ихтисослаштирилган босма нашрларда, дори воситаларининг ва тиббий буюмларнинг тиббиётда қўлланилишига доир йўриқномаларда, шунингдек Тиббиёт амалиётида қўлланилишига рухсат этилган дори воситалари, тиббий буюмлар ва тиббий техника давлат реестрида берилади»;

4) 20-модданинг иккинчи қисми қуйидаги таҳрирда баён этилсин:

«Дори воситаларини чакана реализация қилиш Ўзбекистон Республикаси Соғлиқни сақлаш вазирлиги томонидан тасдиқланадиган шаклдаги рецептлар бўйича ёки рецептсиз амалга оширилади».

3-модда. Ўзбекистон Республикасининг 1999 йил 19 августда қабул қилинган «Гиёҳвандлик воситалари ва психотроп моддалар тўғрисида»ги 813-I-сонли Қонуни (Ўзбекистон Республикаси Олий Мажлисининг Ахборотномаси, 1999 йил, № 9, 210-модда; 2001 йил, № 1-2, 23-модда; 2003 йил, № 1, 8-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 10, 536-модда; 2015 йил, № 8, 312-модда; 2017 йил, № 4, 138-модда, № 6, 300-модда; 2018 йил, № 10, 679-модда; 2019 йил, № 2, 47-модда, № 5, 267-модда, № 9, 592-модда; 2020 йил, № 3, 203-модда, № 7, 449-модда, № 10, 597-модда; 2021 йил, 4-сонга илова; 2022 йил, № 6, 569-модда) 19-моддасининг тўртинчи қисми қуйидаги таҳрирда баён этилсин:

«IV рўйхат доирасида Ўзбекистон Республикаси Вазирлар Маҳкамаси томонидан белгиланадиган айрим прекурсорларни ушбу Қонунда назарда тутилган мақсадларда ишлаб чиқариш ва тайёрлаш юридик шахслар томонидан уларда муайян прекурсорларни ишлаб чиқариш ҳамда тайёрлаш учун лицензиялар мавжуд бўлган тақдирда Ўзбекистон Республикасининг эҳтиёжлари доирасида амалга оширилади».

4-модда. Ўзбекистон Республикаси Соғлиқни сақлаш вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

5-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

6-модда. Ушбу Қонун расмий эълон қилинган кундан эътиборан кучга киради.

Ушбу Қонуннинг 3-моддаси ушбу Қонун кучга кирган кундан эътиборан уч ой ўтгач амалга киритилади.

Ўзбекистон Республикасининг Президенти Ш. МИРЗИЁЕВ

Тошкент ш.,

2024 йил 30 май,

ЎРҚ-928-сон

(Қонунчилик маълумотлари миллий базаси, 31.05.2024 й., 03/24/928/0384-сон)

lex.uz

Oʻzbekiston Respublikasining Qonuni

Oʻzbekiston Respublikasining ayrim qonun hujjatlariga oʻzgartirishlar kiritish toʻgʻrisida

Qonunchilik palatasi tomonidan 2024-yil 17-yanvarda qabul qilingan Senat tomonidan 2024-yil 30-martda maʼqullangan

Mamlakatimizda farmatsevtika va kimyo sanoatini xalqaro standartlarni inobatga olgan holda rivojlantirish hamda unga ilgʻor ilmiy-texnika yutuqlarini va innovatsiyalarni joriy etish boʻyicha keng koʻlamli ishlar amalga oshirilmoqda.

Dori vositalarini ishlab chiqaruvchilarga qoʻshimcha shart-sharoitlar yaratish maqsadida mazkur Qonun bilan “Dori vositalari va farmatsevtika faoliyati toʻgʻrisida”gi Oʻzbekiston Respublikasi Qonuniga dori moddalarini (substansiyalarni) davlat roʻyxatidan oʻtkazish tartibining bekor qilinishini nazarda tutuvchi oʻzgartirish kiritilmoqda. Shu bilan birga “ Fuqarolar sogʻligʻini saqlash toʻgʻrisida ”gi hamda “ Dori vositalari va farmatsevtika faoliyati toʻgʻrisida ”gi Oʻzbekiston Respublikasi qonunlariga dori vositalarini retsept bilan va retseptsiz beriladigan dori vositalari toifasiga kiritish tartibini tasdiqlash vakolatini Oʻzbekiston Respublikasi Sogʻliqni saqlash vazirligi zimmasiga yuklovchi, shuningdek retseptsiz yoki shifokor retsepti boʻyicha beriladigan dori vositalari toʻgʻrisidagi axborotni ularning tibbiyotda qoʻllanilishiga doir yoʻriqnomalarda hamda Tibbiyot amaliyotida qoʻllanilishiga ruxsat etilgan dori vositalari, tibbiy buyumlar va tibbiy texnika davlat reyestrida koʻrsatish talabini joriy etuvchi oʻzgartirishlar kiritilmoqda.

Bundan tashqari import oʻrnini bosuvchi kimyoviy mahsulotlarni ishlab chiqarish hajmlarini kengaytirish maqsadida “Giyohvandlik vositalari va psixotrop moddalar toʻgʻrisida”gi Oʻzbekiston Respublikasi Qonuniga yuridik shaxslarga IV roʻyxat doirasida Oʻzbekiston Respublikasi Vazirlar Mahkamasi tomonidan belgilanadigan ayrim prekursorlarni tegishli litsenziyalarga asosan ishlab chiqarish va tayyorlash huquqini beruvchi oʻzgartirish kiritilmoqda.

Ushbu Qonun aholining va tadbirkorlik subyektlarining tibbiyot amaliyotida qoʻllanilishiga ruxsat etilgan dori vositalari toʻgʻrisidagi xabardorlik darajasini oshirishga, shuningdek investorlarni jalb etish uchun shart-sharoitlar yaratishga hamda kimyoviy mahsulotlar ishlab chiqarishni koʻpaytirishga xizmat qiladi.

1-modda. Oʻzbekiston Respublikasining 1996-yil 29-avgustda qabul qilingan “Fuqarolar sogʻligʻini saqlash toʻgʻrisida”gi 265-I-sonli Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 128-modda; 1999-yil, № 5, 124-modda; 2001-yil, № 5, 89-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 536-modda; 2007-yil, № 10, 473-modda; 2010-yil, № 5, 177-modda; 2016-yil, № 12, 383-modda; 2017-yil, № 6, 300-modda; 2018-yil, № 1, 1-modda; 2019-yil, № 2, 47-modda, № 5, 265, 267-moddalar, № 9, 589, 592-moddalar; 2020-yil, № 12, 691-modda; 2021-yil, 4-songa ilova, № 8, 797-modda; 2022-yil, № 5, 464-modda, № 11, 1061-modda; 2023-yil, № 1, 2-modda) 35-moddasining birinchi qismi chiqarib tashlansin.

2-modda. Oʻzbekiston Respublikasining 1997-yil 25-aprelda qabul qilingan “Dori vositalari va farmatsevtika faoliyati toʻgʻrisida”gi 415-I-sonli Qonuniga (Oʻzbekiston Respublikasining 2016-yil 4-yanvarda qabul qilingan OʻRQ-399-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2016-yil, № 1, 1-modda; 2017-yil, № 6, 300-modda; 2020-yil, № 7, 449-modda; 2021-yil, 4-songa ilova, № 10, 968-modda; 2023-yil, № 11, 922-modda) quyidagi oʻzgartirishlar kiritilsin:

1) 6-modda birinchi qismining oʻn beshinchi xatboshisi quyidagi tahrirda bayon etilsin:

“dori vositalarini retsept bilan va retseptsiz beriladigan dori vositalari toifasiga kiritish tartibini tasdiqlaydi”;

2) 12-modda ikkinchi qismining ikkinchi xatboshisi quyidagi tahrirda bayon etilsin:

“dori vositalari (bundan dori vositalarini ishlab chiqarishda qoʻllaniladigan dori moddalari (substansiyalar) mustasno)”;

3) 14-modda :

birinchi qismining:

beshinchi xatboshisi chiqarib tashlansin;

oltinchi , yettinchi va sakkizinchi xatboshilari tegishincha beshinchi, oltinchi va yettinchi xatboshilar deb hisoblansin;

ikkinchi va uchinchi qismlari quyidagi tahrirda bayon etilsin:

“Retseptsiz beriladigan dori vositalari toʻgʻrisidagi axborot dori vositalarining tibbiyotda qoʻllanilishiga doir yoʻriqnomalarda, shuningdek Tibbiyot amaliyotida qoʻllanilishiga ruxsat etilgan dori vositalari, tibbiy buyumlar va tibbiy texnika davlat reyestrida koʻrsatiladi. Retseptsiz beriladigan dori vositalari toʻgʻrisidagi axborot ommaviy axborot vositalarida va ixtisoslashtirilgan bosma nashrlarda ham berilishi mumkin.

Retsept boʻyicha beriladigan dori vositalari toʻgʻrisidagi va tibbiy buyumlar haqidagi axborot faqat tibbiyot va farmatsevtika xodimlari uchun moʻljallangan ixtisoslashtirilgan bosma nashrlarda, dori vositalarining va tibbiy buyumlarning tibbiyotda qoʻllanilishiga doir yoʻriqnomalarda, shuningdek Tibbiyot amaliyotida qoʻllanilishiga ruxsat etilgan dori vositalari, tibbiy buyumlar va tibbiy texnika davlat reyestrida beriladi”;

4) 20-moddaning ikkinchi qismi quyidagi tahrirda bayon etilsin:

“Dori vositalarini chakana realizatsiya qilish Oʻzbekiston Respublikasi Sogʻliqni saqlash vazirligi tomonidan tasdiqlanadigan shakldagi retseptlar boʻyicha yoki retseptsiz amalga oshiriladi”.

3-modda. Oʻzbekiston Respublikasining 1999-yil 19-avgustda qabul qilingan “Giyohvandlik vositalari va psixotrop moddalar toʻgʻrisida”gi 813-I-sonli Qonuni (Oʻzbekiston Respublikasi Oliy Majlisining Axborotnomasi, 1999-yil, № 9, 210-modda; 2001-yil, № 1-2, 23-modda; 2003-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 536-modda; 2015-yil, № 8, 312-modda; 2017-yil, № 4, 138-modda, № 6, 300-modda; 2018-yil, № 10, 679-modda; 2019-yil, № 2, 47-modda, № 5, 267-modda, № 9, 592-modda; 2020-yil, № 3, 203-modda, № 7, 449-modda, № 10, 597-modda; 2021-yil, 4-songa ilova; 2022-yil, № 6, 569-modda) 19-moddasining toʻrtinchi qismi quyidagi tahrirda bayon etilsin:

“IV roʻyxat doirasida Oʻzbekiston Respublikasi Vazirlar Mahkamasi tomonidan belgilanadigan ayrim prekursorlarni ushbu Qonunda nazarda tutilgan maqsadlarda ishlab chiqarish va tayyorlash yuridik shaxslar tomonidan ularda muayyan prekursorlarni ishlab chiqarish hamda tayyorlash uchun litsenziyalar mavjud boʻlgan taqdirda Oʻzbekiston Respublikasining ehtiyojlari doirasida amalga oshiriladi”.

4-modda. Oʻzbekiston Respublikasi Sogʻliqni saqlash vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

5-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

6-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonunning 3-moddasi ushbu Qonun kuchga kirgan kundan eʼtiboran uch oy oʻtgach amalga kiritiladi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2024-yil 30-may,

OʻRQ-928-son

(Qonunchilik maʼlumotlari milliy bazasi, 31.05.2024-y., 03/24/928/0384-son)

lex.uz

Закон Республики Узбекистан

О внесении изменений в некоторые законодательные акты Республики Узбекистан

Принят Законодательной палатой 17 января 2024 года Одобрен Сенатом 30 марта 2024 года

В нашей стране осуществляется широкомасштабная работа по развитию и внедрению передовых научно-технических достижений и инноваций в фармацевтическую и химическую промышленность с учетом международных стандартов.

В целях создания дополнительных условий для производителей лекарственных средств данным Законом вносится изменение в Закон Республики Узбекистан «О лекарственных средствах и фармацевтической деятельности», предусматривающее отмену порядка государственной регистрации лекарственных веществ (субстанций). Вместе с тем в законы Республики Узбекистан « Об охране здоровья граждан » и « О лекарственных средствах и фармацевтической деятельности » вносятся изменения, возлагающие на Министерство здравоохранения Республики Узбекистан полномочия по утверждению порядка отнесения лекарственных средств к категории лекарственных средств, отпускаемых по рецепту и без рецепта, а также вводящие требование по указанию информации о лекарственных средствах, отпускаемых без рецепта или по рецепту врача, в инструкциях по их медицинскому применению и в Государственном реестре лекарственных средств, изделий медицинского назначения и медицинской техники, разрешенных к применению в медицинской практике.

Кроме того, в целях расширения объемов производства импортозамещающей химической продукции в Закон Республики Узбекистан «О наркотических средствах и психотропных веществах» вносится изменение, предоставляющее юридическим лицам право на производство и изготовление некоторых прекурсоров, определяемых Кабинетом Министров Республики Узбекистан в рамках Списка IV, на основании соответствующих лицензий.

Настоящий Закон послужит повышению степени информированности населения и субъектов предпринимательства о лекарственных средствах, разрешенных к применению в медицинской практике, а также созданию условий для привлечения инвесторов и увеличению производства химической продукции.

Статья 1. Часть первую статьи 35 Закона Республики Узбекистан от 29 августа 1996 года № 265-I «Об охране здоровья граждан» (Ведомости Олий Мажлиса Республики Узбекистан, 1996 г., № 9, ст. 128; 1999 г., № 5, ст. 124; 2001 г., № 5, ст. 89; Ведомости палат Олий Мажлиса Республики Узбекистан, 2006 г., № 10, ст. 536; 2007 г., № 10, ст. 473; 2010 г., № 5, ст. 177; 2016 г., № 12, ст. 383; 2017 г., № 6, ст. 300; 2018 г., № 1, ст. 1; 2019 г., № 2, ст. 47, № 5, ст.ст. 265, 267, № 9, ст.ст. 589, 592; 2020 г., № 12, ст. 691; 2021 г., приложение к № 4, № 8, ст. 797; 2022 г., № 5, ст. 464, № 11, ст. 1061; 2023 г., № 1, ст. 2) исключить.

Статья 2. Внести в Закон Республики Узбекистан от 25 апреля 1997 года № 415-I «О лекарственных средствах и фармацевтической деятельности» (в редакции Закона Республики Узбекистан от 4 января 2016 года № ЗРУ-399) (Ведомости палат Олий Мажлиса Республики Узбекистан, 2016 г., № 1, ст. 1; 2017 г., № 6, ст. 300; 2020 г., № 7, ст. 449; 2021 г., приложение к № 4, № 10, ст. 968; 2023 г., № 11, ст. 922) следующие изменения:

1) абзац пятнадцатый части первой статьи 6 изложить в следующей редакции:

«утверждает порядок отнесения лекарственных средств к категории лекарственных средств, отпускаемых по рецепту и без рецепта»;

2) абзац второй части второй статьи 12 изложить в следующей редакции:

«лекарственные средства (за исключением лекарственных веществ (субстанций), применяемых при производстве лекарственных средств)»;

3) в статье 14 :

в части первой :

абзац пятый исключить;

абзацы шестой , седьмой и восьмой считать соответственно абзацами пятым, шестым и седьмым;

части вторую и третью изложить в следующей редакции:

«Информация о лекарственных средствах, отпускаемых без рецепта, указывается в инструкциях по медицинскому применению лекарственных средств, а также в Государственном реестре лекарственных средств, изделий медицинского назначения и медицинской техники, разрешенных к применению в медицинской практике. Информация о лекарственных средствах, отпускаемых без рецепта, также может предоставляться в средствах массовой информации и специализированных печатных изданиях.

Информация о лекарственных средствах, отпускаемых по рецепту, и об изделиях медицинского назначения предоставляется только в специализированных печатных изданиях, предназначенных для медицинских и фармацевтических работников, инструкциях по медицинскому применению лекарственных средств и изделий медицинского назначения, а также в Государственном реестре лекарственных средств, изделий медицинского назначения и медицинской техники, разрешенных к применению в медицинской практике»;

4) часть вторую статьи 20 изложить в следующей редакции:

«Розничная реализация лекарственных средств осуществляется по рецептам, форма которых утверждается Министерством здравоохранения Республики Узбекистан, или без рецепта».

Статья 3. Часть четвертую статьи 19 Закона Республики Узбекистан от 19 августа 1999 года № 813-I «О наркотических средствах и психотропных веществах» (Ведомости Олий Мажлиса Республики Узбекистан, 1999 г., № 9, ст. 210; 2001 г., № 1-2, ст. 23; 2003 г., № 1, ст. 8; Ведомости палат Олий Мажлиса Республики Узбекистан, 2006 г., № 10, ст. 536; 2015 г., № 8, ст. 312; 2017 г., № 4, ст. 138, № 6, ст. 300; 2018 г., № 10, ст. 679; 2019 г., № 2, ст. 47, № 5, ст. 267, № 9, ст. 592; 2020 г., № 3, ст. 203, № 7, ст. 449, № 10, ст. 597; 2021 г., приложение к № 4; 2022 г., № 6, ст. 569) изложить в следующей редакции:

«Производство и изготовление некоторых прекурсоров, определяемых Кабинетом Министров Республики Узбекистан в рамках Списка IV, в целях, предусмотренных настоящим Законом, осуществляются юридическими лицами в пределах потребности Республики Узбекистан при наличии у них лицензии на производство и изготовление конкретных прекурсоров».

Статья 4. Министерству здравоохранения Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 5. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 6. Настоящий Закон вступает в силу со дня его официального опубликования.

Статья 3 настоящего Закона вводится в действие по истечении трех месяцев со дня вступления в силу настоящего Закона.

Президент Республики Узбекистан Ш. МИРЗИЁЕВ

г. Ташкент,

30 мая 2024 г.,

№ ЗРУ-928

(Национальная база данных законодательства, 31.05.2024 г., № 03/24/928/0384)

lex.uz