📅 2024-yil 30-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 30 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 мая 2024 г. · Постановления Президента
Официальный текст. Официальный документ. Редакционные примечания не включены.
📅 30 May 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Жадидлар мероси давлат музейини ташкил этиш тўғрисида
Маърифатпарвар жадидларнинг Ватанимиз ва жаҳон тарихидаги муҳим ўрни ва аҳамиятини, миллий истиқлолимизнинг маънавий асосларини яратишдаги фидойиликларини, ибратли ҳаёти ва фаолиятини, бой илмий-ижодий меросини чуқур ўрганиш ва фаол тарғиб этиш ҳамда уларнинг хотирасини абадийлаштириш борасидаги ишларни янада кенгайтириш, шунингдек, 2023 йил 22 декабрь куни ўтказилган Республика Маънавият ва маърифат кенгашининг кенгайтирилган йиғилишида илгари сурилган ташаббусларни амалга ошириш мақсадида:
1. Маданият ва санъатни ривожлантириш жамғармаси (кейинги ўринларда — Жамғарма), Маданий мерос агентлиги ва Бухоро вилояти ҳокимлигининг Бухоро шаҳридаги тарихий маскан — Хўжа Гулрез кўчаси 13-уй манзилида жойлашган Ҳовли Поён мажмуасида Жадидлар мероси давлат музейини (кейинги ўринларда — Музей) ташкил этиш тўғрисидаги таклифи маъқуллансин.
2. Қуйидагилар Музей фаолиятининг асосий вазифалари этиб белгилансин:
жадидлик ҳаракатига оид мамлакатимиз ва хориждаги турли манбалар ва тарихий ҳужжатларни аниқлаш, тўплаш, сақлаш, ўрганиш, тиклаш, нусхалаш, эълон қилиш, улар асосида Музей фондини бойитиб бориш ва экспозицияларни яратиш, шунингдек, маданий-маърифий ва илмий-тадқиқот фаолиятини амалга ошириш;
маърифатпарвар жадидларнинг Ватанимиз ва жаҳон тарихидаги муҳим ўрни ва аҳамиятини, миллий истиқлолимизнинг маънавий асосларини яратишдаги ҳиссаси ва фидойиликларини ҳаққоний ёритиш, аҳоли, айниқса, ёшлар ўртасида кенг тарғиб қилиш;
музей экспозицияларини яратишда замонавий ахборот технологияларидан кенг фойдаланиш, халқаро ҳамкорликни йўлга қўйиш ва мустаҳкамлаш.
3. Белгилансинки:
Музей Жамғарма тизимига киради ҳамда Музей фаолияти унинг биносида қурилиш-монтаж ишлари якунланганидан сўнг бошланади;
Музей биносини мукаммал таъмирлаш, жиҳозлаш ва ҳудудини ободонлаштириш, Музей экспозициясини яратиш билан боғлиқ харажатлар иловага * мувофиқ ажратиладиган манбалар ҳисобидан қопланади;
Музейни сақлаш харажатлари — Бухоро вилояти маҳаллий бюджети маблағлари, Музейнинг ўз даромадлари ва қонунчилик ҳужжатлари билан тақиқланмаган бошқа манбалар ҳисобидан қопланади;
Музейга штат бирликларини ажратиш ҳамда ходимларга иш ҳақи тўлаш Маданий мерос агентлиги тизимидаги музейлар учун белгиланган тартибга мувофиқ амалга оширилади.
4. Жамғарма:
а) Маданий мерос агентлиги ва Адлия вазирлиги билан биргаликда Музей уставини тасдиқлаш, давлат рўйхатидан ўтказиш ва малакали мутахассислар билан тўлдириш ҳамда Музей фаолиятига кўмаклашиш юзасидан тегишли чоралар кўрсин;
б) Фанлар академияси, Ахборот ва оммавий коммуникациялар агентлиги, «Ўзархив» агентлиги, Олий таълим, фан ва инновациялар вазирлиги, Маданий мерос агентлиги, Ўзбекистон Ёзувчилар уюшмаси, Республика Маънавият ва маърифат маркази, Қатағон қурбонлари хотираси давлат музейи билан биргаликда:
Музейни жадидлик ҳаракатига оид музей ашёлари ва коллекциялари билан тўлдириб боришни ташкил этсин;
ушбу мақсадда жадидлик ҳаракатига оид ноёб китоб, қўлёзма, архив ҳужжатлари ва бошқа материалларни аниқлаш бўйича чуқур фундаментал ва амалий тадқиқотлар олиб борилишини йўлга қўйсин, шунингдек, аниқланган материалларни таъмирлаш ва рақамлаштириш чораларини кўрсин;
в) бир ой муддатда Музей фаолиятини самарали ташкил этиш, шунингдек, Музей биносини таъмирлаш, жиҳозлаш ва ҳудудини ободонлаштириш, Музей экспозициясини яратиш билан боғлиқ ишларни жадаллаштириш бўйича Вазирлар Маҳкамасига тегишли қарор лойиҳасини белгиланган тартибда киритсин.
5. Маданий мерос агентлиги «Миллий меросга менинг ҳиссам» умумхалқ акцияси доирасида аҳолидан жадидлик ҳаракатига оид тарихий материаллар, ашёлар, ноёб суратларнинг Музей учун харид қилиб борилишини таъминласин.
6. Ташқи ишлар вазирлиги Музейга хорижий давлатлардаги турли архив, музей, кутубхона ва бошқа илмий-маърифий муассасалар ҳамда тегишли мутахассислар билан ҳамкорликни йўлга қўйишга кўмаклашсин.
7. Музейни ташкил этиш учун белгиланган тартибда шакллантириладиган рўйхатлар бўйича импорт қилинадиган музей ашёлари ва коллекциялари, китоб ва қўлёзмалар, шунингдек, Ўзбекистон Республикасида ишлаб чиқарилмайдиган қурилиш материаллари, асбоб-ускуналар, бутловчи буюмлар, жиҳозлар, эҳтиёт қисмлар, металл конструкциялар, мебель ва инвентарлар 2025 йил 1 январга қадар божхона божидан озод этилсин.
8. Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа оммавий ахборот воситаларига Музей фаолиятини кенг ёритиб бориш тавсия этилсин.
9. Мазкур қарор ижросини самарали ташкил қилишга масъул ва шахсий жавобгар этиб Маданият ва санъатни ривожлантириш жамғармаси раиси Г.О. Умерова ҳамда Бухоро вилояти ҳокими Б.К. Зарипов белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 30 май,
ПҚ-201-сон
Oʻzbekiston Respublikasi Prezidentining
qarori
Jadidlar merosi davlat muzeyini tashkil etish toʻgʻrisida
Maʼrifatparvar jadidlarning Vatanimiz va jahon tarixidagi muhim oʻrni va ahamiyatini, milliy istiqlolimizning maʼnaviy asoslarini yaratishdagi fidoyiliklarini, ibratli hayoti va faoliyatini, boy ilmiy-ijodiy merosini chuqur oʻrganish va faol targʻib etish hamda ularning xotirasini abadiylashtirish borasidagi ishlarni yanada kengaytirish, shuningdek, 2023-yil 22-dekabr kuni oʻtkazilgan Respublika Maʼnaviyat va maʼrifat kengashining kengaytirilgan yigʻilishida ilgari surilgan tashabbuslarni amalga oshirish maqsadida:
1. Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma), Madaniy meros agentligi va Buxoro viloyati hokimligining Buxoro shahridagi tarixiy maskan — Xoʻja Gulrez koʻchasi 13-uy manzilida joylashgan Hovli Poyon majmuasida Jadidlar merosi davlat muzeyini (keyingi oʻrinlarda — Muzey) tashkil etish toʻgʻrisidagi taklifi maʼqullansin.
2. Quyidagilar Muzey faoliyatining asosiy vazifalari etib belgilansin:
jadidlik harakatiga oid mamlakatimiz va xorijdagi turli manbalar va tarixiy hujjatlarni aniqlash, toʻplash, saqlash, oʻrganish, tiklash, nusxalash, eʼlon qilish, ular asosida Muzey fondini boyitib borish va ekspozitsiyalarni yaratish, shuningdek, madaniy-maʼrifiy va ilmiy-tadqiqot faoliyatini amalga oshirish;
maʼrifatparvar jadidlarning Vatanimiz va jahon tarixidagi muhim oʻrni va ahamiyatini, milliy istiqlolimizning maʼnaviy asoslarini yaratishdagi hissasi va fidoyiliklarini haqqoniy yoritish, aholi, ayniqsa, yoshlar oʻrtasida keng targʻib qilish;
muzey ekspozitsiyalarini yaratishda zamonaviy axborot texnologiyalaridan keng foydalanish, xalqaro hamkorlikni yoʻlga qoʻyish va mustahkamlash.
3. Belgilansinki:
Muzey Jamgʻarma tizimiga kiradi hamda Muzey faoliyati uning binosida qurilish-montaj ishlari yakunlanganidan soʻng boshlanadi;
Muzey binosini mukammal taʼmirlash, jihozlash va hududini obodonlashtirish, Muzey ekspozitsiyasini yaratish bilan bogʻliq xarajatlar ilovaga * muvofiq ajratiladigan manbalar hisobidan qoplanadi;
Muzeyni saqlash xarajatlari — Buxoro viloyati mahalliy budjeti mablagʻlari, Muzeyning oʻz daromadlari va qonunchilik hujjatlari bilan taqiqlanmagan boshqa manbalar hisobidan qoplanadi;
Muzeyga shtat birliklarini ajratish hamda xodimlarga ish haqi toʻlash Madaniy meros agentligi tizimidagi muzeylar uchun belgilangan tartibga muvofiq amalga oshiriladi.
4. Jamgʻarma:
a) Madaniy meros agentligi va Adliya vazirligi bilan birgalikda Muzey ustavini tasdiqlash, davlat roʻyxatidan oʻtkazish va malakali mutaxassislar bilan toʻldirish hamda Muzey faoliyatiga koʻmaklashish yuzasidan tegishli choralar koʻrsin;
b) Fanlar akademiyasi, Axborot va ommaviy kommunikatsiyalar agentligi, “Oʻzarxiv” agentligi, Oliy taʼlim, fan va innovatsiyalar vazirligi, Madaniy meros agentligi, Oʻzbekiston Yozuvchilar uyushmasi, Respublika Maʼnaviyat va maʼrifat markazi, Qatagʻon qurbonlari xotirasi davlat muzeyi bilan birgalikda:
Muzeyni jadidlik harakatiga oid muzey ashyolari va kolleksiyalari bilan toʻldirib borishni tashkil etsin;
ushbu maqsadda jadidlik harakatiga oid noyob kitob, qoʻlyozma, arxiv hujjatlari va boshqa materiallarni aniqlash boʻyicha chuqur fundamental va amaliy tadqiqotlar olib borilishini yoʻlga qoʻysin, shuningdek, aniqlangan materiallarni taʼmirlash va raqamlashtirish choralarini koʻrsin;
v) bir oy muddatda Muzey faoliyatini samarali tashkil etish, shuningdek, Muzey binosini taʼmirlash, jihozlash va hududini obodonlashtirish, Muzey ekspozitsiyasini yaratish bilan bogʻliq ishlarni jadallashtirish boʻyicha Vazirlar Mahkamasiga tegishli qaror loyihasini belgilangan tartibda kiritsin.
5. Madaniy meros agentligi “Milliy merosga mening hissam” umumxalq aksiyasi doirasida aholidan jadidlik harakatiga oid tarixiy materiallar, ashyolar, noyob suratlarning Muzey uchun xarid qilib borilishini taʼminlasin.
6. Tashqi ishlar vazirligi Muzeyga xorijiy davlatlardagi turli arxiv, muzey, kutubxona va boshqa ilmiy-maʼrifiy muassasalar hamda tegishli mutaxassislar bilan hamkorlikni yoʻlga qoʻyishga koʻmaklashsin.
7. Muzeyni tashkil etish uchun belgilangan tartibda shakllantiriladigan roʻyxatlar boʻyicha import qilinadigan muzey ashyolari va kolleksiyalari, kitob va qoʻlyozmalar, shuningdek, Oʻzbekiston Respublikasida ishlab chiqarilmaydigan qurilish materiallari, asbob-uskunalar, butlovchi buyumlar, jihozlar, ehtiyot qismlar, metall konstruksiyalar, mebel va inventarlar 2025-yil 1-yanvarga qadar bojxona bojidan ozod etilsin.
8. Oʻzbekiston Milliy axborot agentligi, Oʻzbekiston Milliy teleradiokompaniyasi va boshqa ommaviy axborot vositalariga Muzey faoliyatini keng yoritib borish tavsiya etilsin.
9. Mazkur qaror ijrosini samarali tashkil qilishga masʼul va shaxsiy javobgar etib Madaniyat va sanʼatni rivojlantirish jamgʻarmasi raisi G.O. Umerova hamda Buxoro viloyati hokimi B.K. Zaripov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 30-may,
PQ-201-son
Президента Республики Узбекистан
Постановление
О создании Государственного музея наследия джадидов
В целях дальнейшего расширения масштаба работ по глубокому изучению и широкой пропаганде важной роли и значения джадидов — просветителей в отечественной и мировой истории, их самоотверженности в деле создания духовных основ национальной независимости, поучительной жизни и деятельности, богатого научно-творческого наследия и увековечения их памяти, а также реализации инициатив, выдвинутых на проведенном 22 декабря 2023 года расширенном заседании Республиканского совета по духовности и просветительству:
1. Одобрить предложение Фонда развития культуры и искусства (далее — Фонд), Агентства культурного наследия и хокимията Бухарской области о создании Государственного музея наследия джадидов (далее — Музей) в историческом месте в городе Бухара — комплексе «Ховли Поён», расположенного по адресу: город Бухара, улица Ходжа Гулрез, дом 13.
2. Определить основными задачами деятельности Музея:
выявление, сбор, хранение, изучение, восстановление, копирование, обнародование различных отечественных и зарубежных источников и исторических документов, посвященных движению джадидов, обогащение музейного фонда и создание экспозиций на их основе, а также осуществление культурно-просветительской и научно-исследовательской деятельности;
достоверное освещение и широкая пропаганда среди населения, особенно молодежи, важной роли и значения наших предков джадидов — просветителей в отечественной и мировой истории, их вклада и самоотверженности в деле создания духовных основ национальной независимости;
широкое использование современных информационных технологий в создании музейных экспозиций, налаживание и укрепление международного сотрудничества в данном направлении.
3. Установить, что:
Музей входит в систему Фонда и его деятельность будет начата после завершения строительно-монтажных работ в его здании;
расходы, связанные с капитальным ремонтом и оснащением здания Музея, благоустройством его территории, созданием музейной экспозиции, подготовкой эскизной и проектно-сметной документации, будут покрываться за счет источников, выделяемых согласно приложению * ;
расходы на содержание Музея — будут покрываться за счет средств местного бюджета Бухарской области, собственных доходов Музея и иных источников, не запрещенных актами законодательства;
выделение штатных единиц и выплата заработной платы работникам Музея будет осуществляться в соответствии с порядком, установленным для музеев системы Агентства культурного наследия.
4. Фонду:
а) совместно с Агентством культурного наследия и Министерством юстиции принять соответствующие меры по утверждению устава Музея, его государственной регистрации и укомплектованию квалифицированными специалистами, а также содействию деятельности Музея;
б) совместно с Академией наук, Агентством информации и массовых коммуникаций, Агентством «Узархив», Министерством высшего образования, науки и инноваций, Агентством культурного наследия, Союзом писателей Узбекистана, Республиканским центром духовности и просветительства, Государственным музеем памяти жертв репрессий:
организовать обогащение Музея музейными предметами и коллекциями, посвященными движению джадидов;
наладить в этих целях проведение глубоких фундаментальных и прикладных исследований по выявлению уникальных книг, рукописей, архивных документов и других материалов, посвященных движению джадидов, а также принять меры по реставрации и оцифровке выявленных материалов;
в) в месячный срок внести в установленном порядке в Кабинет Министров проект соответствующего постановления по ускорению работ, связанных с эффективной организацией деятельности Музея, а также ремонтом и оснащением здания Музея, благоустройством его территории, созданием музейной экспозиции.
5. Агентству культурного наследия в рамках всенародной акции «Мой вклад в национальное наследие» обеспечить практику приобретения у населения посвященных движению джадидов исторических материалов, предметов, уникальных снимков для Музея.
6. Министерству иностранных дел оказать содействие Музею в налаживании сотрудничества с различными архивами, музеями, библиотеками, другими научно-просветительскими учреждениями и соответствующими специалистами зарубежных государств.
7. Освободить на срок до 1 января 2025 года от таможенной пошлины музейные предметы и коллекции, книги и рукописи, импортируемые для создания Музея по перечням, формируемым в установленном порядке, а также не производимые в Республике Узбекистан строительные материалы, оборудование, комплектующие изделия, инструменты, запасные части, металлоконструкции, мебель и инвентарь.
8. Рекомендовать Национальному информационному агентству Узбекистана, Национальной телерадиокомпании Узбекистана и другим средствам массовой информации широко освещать деятельность Музея.
9. Возложить на председателя Фонда развития культуры и искусства Г.О. Умерову и хокима Бухарской области Б.К. Зарипова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ответственных организаций возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
30 мая 2024 г.,
№ ПП-201