UzbekAI

Ўзбекистон Республикаси Соғлиқни сақлаш вазирининг

буйруғи

РЎЙХАТИ

Диспансер кузатувида турган руҳий ҳолати бузилган шахсларнинг ягона электрон реестридан фойдаланишга рухсат этиладиган шахслар рўйхатини тасдиқлаш тўғрисида

Ўзбекистон Республикасининг «Психиатрия ёрдами тўғрисида»ги Қонуни ва Ўзбекистон Республикаси Президентининг 2024 йил 19 февралдаги ПҚ-75-сон «Қонунларнинг ижтимоий муносабатларни тартибга солишдаги ролини ҳамда норма ижодкорлиги жараёни сифатини янада ошириш бўйича қўшимча чора-тадбирлар тўғрисида»ги қарорига мувофиқ буюраман:

1. Диспансер кузатувида турган руҳий ҳолати бузилган шахсларнинг ягона электрон реестридан фойдаланишга рухсат этиладиган шахслар рўйхати иловага мувофиқ тасдиқлансин.

2. Мазкур буйруқ расмий эълон қилинган кундан эътиборан кучга киради.

Ўзбекистон Республикаси соғлиқни сақлаш вазирининг 2024 йил 15 майдаги 11-сон буйруғига ИЛОВА

Диспансер кузатувида турган руҳий ҳолати бузилган шахсларнинг ягона электрон реестридан фойдаланишга рухсат этиладиган шахсларнинг

1. Диспансер кузатувида турган руҳий ҳолати бузилган шахсларнинг ягона электрон реестри администраторлари:

1) Республика ихтисослаштирилган руҳий саломатлик илмий-амалий тиббий маркази директори;

2) Республика ихтисослаштирилган руҳий саломатлик илмий-амалий тиббий маркази директори ўринбосарлари;

3) Республика ихтисослаштирилган руҳий саломатлик илмий-амалий тиббий марказининг Ташкилий-услубий бўлими мудири;

Бунда, администраторларга ушбу ягона электрон реестрдаги барча маълумотларни кўриш ва кўчириб олиш, таҳлил қилиш, давлат психиатрия муассасалари ходимларига кириш имконипятини бериш ёки таъқиқлаш ваколати берилади.

2. Диспансер кузатувида турган руҳий ҳолати бузилган шахсларнинг ягона электрон реестри фойдаланувчилари:

1) Давлат психиатрия муассасалари бош шифокорлари;

2) Давлат психиатрия муассасалари амбулатор тизими шифокор психиатрлари ва туман (шаҳар) тиббиёт бирлашмалари шифокор психиатрлари;

3) Давлат психиатрия муассасалари тиббий статистлари;

Бунда, фойдаланувчиларга ушбу ягона электрон реестрдаги барча маълумотларни кўриш ва кўчириб олиш, таҳлил қилиш ҳамда маълумотлар киритиш имконияти берилади, шунингдек, давлат психиатрия муассасалари бош шифокорларига мазкур муассасаларнинг ходимларига кириш имкониятини бериш ёки таъқиқлаш ваколати берилади.

3. Диспансер кузатувида турган руҳий ҳолати бузилган шахсларнинг ягона электрон реестри кузатувчилари:

1) Ўзбекистон Республикаси Соғлиқни сақлаш вазирлиги Тиббий ёрдамни ташкиллаштириш департаменти бошлиғи, Ихтисослашган ва стационар тиббий ёрдам бўлимининг бошлиғи ва Статистика ва самарадорликни баҳолаш бўлимининг бошлиғи;

2) Ўзбекистон Республикаси Соғлиқни сақлаш вазирлигининг руҳий саломатлик масалалари бўйича бош мутахассислари ва консультантлари;

3) Давлат психиатрия муассасалари стационар бўлимлари шифокор психиатрлари, давлат психиатрия муассасалари тиббий рўйхатчи ва архив ходимлари;

Бунда, кузатувчиларга ушбу ягона электрон реестрдаги барча маълумотларни кўриш ва кўчириб олиш, таҳлил қилиш имконияти берилади.

Вазир А. ХУДАЯРОВ

Тошкент ш.,

2024 йил 15 май,

11-сон

(Қонунчилик маълумотлари миллий базаси, 31.05.2024 й., 10/24/3514/0387-сон)

Oʻzbekiston Respublikasi Sogʻliqni saqlash vazirining

buyrugʻi

ROʻYXATI

Dispanser kuzatuvida turgan ruhiy holati buzilgan shaxslarning yagona elektron reyestridan foydalanishga ruxsat etiladigan shaxslar roʻyxatini tasdiqlash toʻgʻrisida

Oʻzbekiston Respublikasining “Psixiatriya yordami toʻgʻrisida”gi Qonuni va Oʻzbekiston Respublikasi Prezidentining 2024-yil 19-fevraldagi PQ-75-son “Qonunlarning ijtimoiy munosabatlarni tartibga solishdagi rolini hamda norma ijodkorligi jarayoni sifatini yanada oshirish boʻyicha qoʻshimcha chora-tadbirlar toʻgʻrisida”gi qaroriga muvofiq buyuraman:

1. Dispanser kuzatuvida turgan ruhiy holati buzilgan shaxslarning yagona elektron reyestridan foydalanishga ruxsat etiladigan shaxslar roʻyxati ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Oʻzbekiston Respublikasi sogʻliqni saqlash vazirining 2024-yil 15-maydagi 11-son buyrugʻiga ILOVA

Dispanser kuzatuvida turgan ruhiy holati buzilgan shaxslarning yagona elektron reyestridan foydalanishga ruxsat etiladigan shaxslarning

1. Dispanser kuzatuvida turgan ruhiy holati buzilgan shaxslarning yagona elektron reyestri administratorlari:

1) Respublika ixtisoslashtirilgan ruhiy salomatlik ilmiy-amaliy tibbiy markazi direktori;

2) Respublika ixtisoslashtirilgan ruhiy salomatlik ilmiy-amaliy tibbiy markazi direktori oʻrinbosarlari;

3) Respublika ixtisoslashtirilgan ruhiy salomatlik ilmiy-amaliy tibbiy markazining Tashkiliy-uslubiy boʻlimi mudiri;

Bunda, administratorlarga ushbu yagona elektron reyestrdagi barcha maʼlumotlarni koʻrish va koʻchirib olish, tahlil qilish, davlat psixiatriya muassasalari xodimlariga kirish imkonipyatini berish yoki taʼqiqlash vakolati beriladi.

2. Dispanser kuzatuvida turgan ruhiy holati buzilgan shaxslarning yagona elektron reyestri foydalanuvchilari:

1) Davlat psixiatriya muassasalari bosh shifokorlari;

2) Davlat psixiatriya muassasalari ambulator tizimi shifokor psixiatrlari va tuman (shahar) tibbiyot birlashmalari shifokor psixiatrlari;

3) Davlat psixiatriya muassasalari tibbiy statistlari;

Bunda, foydalanuvchilarga ushbu yagona elektron reyestrdagi barcha maʼlumotlarni koʻrish va koʻchirib olish, tahlil qilish hamda maʼlumotlar kiritish imkoniyati beriladi, shuningdek, davlat psixiatriya muassasalari bosh shifokorlariga mazkur muassasalarning xodimlariga kirish imkoniyatini berish yoki taʼqiqlash vakolati beriladi.

3. Dispanser kuzatuvida turgan ruhiy holati buzilgan shaxslarning yagona elektron reyestri kuzatuvchilari:

1) Oʻzbekiston Respublikasi Sogʻliqni saqlash vazirligi Tibbiy yordamni tashkillashtirish departamenti boshligʻi, Ixtisoslashgan va statsionar tibbiy yordam boʻlimining boshligʻi va Statistika va samaradorlikni baholash boʻlimining boshligʻi;

2) Oʻzbekiston Respublikasi Sogʻliqni saqlash vazirligining ruhiy salomatlik masalalari boʻyicha bosh mutaxassislari va konsultantlari;

3) Davlat psixiatriya muassasalari statsionar boʻlimlari shifokor psixiatrlari, davlat psixiatriya muassasalari tibbiy roʻyxatchi va arxiv xodimlari;

Bunda, kuzatuvchilarga ushbu yagona elektron reyestrdagi barcha maʼlumotlarni koʻrish va koʻchirib olish, tahlil qilish imkoniyati beriladi.

Vazir A. XUDAYAROV

Toshkent sh.,

2024-yil 15-may,

11-son

(Qonunchilik maʼlumotlari milliy bazasi, 31.05.2024-y., 10/24/3514/0387-son)