📅 2024-yil 30-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 30 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 мая 2024 г. · Постановления Президента
Официальный текст. Официальный документ. Редакционные примечания не включены.
📅 30 May 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Мажбурий рақамли маркировкалаш жараёнларини жадаллаштириш бўйича қўшимча чора-тадбирлар тўғрисида
Яширин ишлаб чиқаришнинг олдини олиш, аҳолини қалбаки маҳсулотлардан ҳимоя қилиш ҳамда рақамли маркировкалаш тизимини такомиллаштириш мақсадида:
1. Қуйидагилар:
қонунчилик ҳужжатларига мувофиқ, 2022 йил 1 январдан бошлаб рақамли маркировкаланган маҳсулотлар чакана савдосини амалга оширувчи тадбиркорлик субъектлари учун онлайн назорат-касса машинаси ва виртуал кассага уланган, штрих-кодлар ва рақамли маркировка кодларини тўғри ўқишни ва аниқлашни таъминловчи 2D-сканерлар, маълумотларни йиғувчи терминаллар ёки бошқа турдаги махсус қурилмалардан (кейинги ўринларда — маркировкани ўқиш қурилмалари) мажбурий фойдаланиш талаби белгиланганлиги;
мажбурий рақамли маркировкаланиши лозим бўлган маҳсулотларнинг чакана ёки улгуржи савдоси билан шуғулланувчи корхоналарга «Asl belgisi» маҳсулотларни маркировкалаш ва кузатиб бориш миллий ахборот тизимига уланиш мажбурияти юкланганлиги маълумот учун қабул қилинсин.
2. Белгилансинки, 2024 йил 1 сентябрдан бошлаб:
а) тадбиркорлик субъектлари томонидан маркировкаланадиган маҳсулотларни маркировкани ўқиш қурилмаларидан фойдаланмаган ҳолда сотиш ҳолатлари солиқ органлари базаси маълумотлари асосида аниқланганда, ушбу тадбиркорлик субъектлари шахсий кабинети орқали ҳолат юзасидан огоҳлантирилади ҳамда қуйидаги чораларни кўриш амалиёти жорий этилади:
икки марта огоҳлантиришдан сўнг қонун бузилиши бир ой ичида қайта такрорланган тақдирда, тадбиркорлик субъектларига нисбатан ҳуқуқбузарлик содир этилган чоракдаги фаолият юзасидан солиқ текшируви тайинланади;
қонун бузилиши солиқ текшируви якунлангандан бир ойдан кейин қайта такрорланганда тадбиркорлик субъектларини хабардор қилмасдан ҳамда Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилни текшириш кунида хабардор қилган ҳолда солиқ текшируви тайинланади;
б) солиқ органларига:
мажбурий рақамли маркировкаланиши лозим бўлган маҳсулотлар бўйича аниқланган қалбаки ва контрафакт ҳолатлар ҳамда маркировкалаш қоидалари бузилганлиги юзасидан текширувларни тадбиркорлик субъектларини хабардор қилмасдан ҳамда Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилни текшириш кунида хабардор қилган ҳолда амалга ошириш;
ҳар чоракда мажбурий рақамли маркировкаланиши лозим бўлган маҳсулотларнинг чакана савдоси билан шуғулланувчи тадбиркорлик субъектларига нисбатан солиқ текширувларини амалга ошириш ваколати берилади.
3. Солиқ қўмитаси ҳар чоракда мажбурий рақамли маркировкаланиши лозим бўлган маҳсулотларнинг чакана савдоси билан шуғулланувчи тадбиркорлик субъектлари орасидан ҳар бир ҳудуд кесимида инсон омилисиз автоматик тарзда камида 10 фоизини танлаб олган ҳолда, уларда назорат тадбирларини ўтказсин ҳамда қонун бузилиши ҳолатлари аниқланган субъектлар фаолиятини кейинги уч чорак давомида назорат қилиб борсин.
4. 2027 йил 1 январга қадар рақамли маркировкаланган маҳсулотлар чакана савдосини амалга оширувчи тадбиркорлик субъектлари учун маркировкани ўқиш қурилмаларини сотиб олиш билан боғлиқ харажатлар суммасига, бироқ битта қурилма учун базавий ҳисоблаш миқдорининг 4 бараваридан кўп бўлмаган миқдорда, ҳисобланган ва тўланиши лозим бўлган фойда солиғи ёки айланмадан олинадиган солиқ ёхуд якка тартибдаги тадбиркорлар томонидан тўланадиган жисмоний шахслардан олинадиган даромад солиғи суммаларини камайтириш ҳуқуқи берилсин.
5. Мажбурий рақамли маркировкаланиши лозим бўлган маҳсулотларни маркировкалаш учун зарур бўлган ва импорт қилинадиган ускуналар (ТИФ ТН кодлари: 7616 999 009, 9029 900 009, 8544 499 500 ва 8528 529 000) 2024 йил 1 июндан 2027 йил 1 июнга қадар божхона божидан озод қилинсин.
6. Шундай тартиб ўрнатилсинки, унга кўра 2024 йил 1 сентябрдан:
пиво маҳсулотларининг чакана савдоси фаолияти ваколатли органларни хабардор қилиш тартибида амалга ошириладиган фаолият турлари рўйхатига киритилади;
тамаки ва пиво маҳсулотлари билан чакана савдо қилиш ҳуқуқи учун базавий ҳисоблаш миқдорининг 10 фоизи миқдоридаги ҳар ойлик йиғим жорий этилади.
7. Солиқ қўмитаси манфаатдор вазирлик ва идоралар билан биргаликда уч ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
8. Мазкур қарор ижросини самарали ташкил қилишга масъул ва шахсий жавобгар этиб Солиқ қўмитаси раиси Ш.Д. Кудбиев белгилансин.
Қарор ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 30 май,
ПҚ-203-сон
Oʻzbekiston Respublikasi Prezidentining
Qarori
Majburiy raqamli markirovkalash jarayonlarini jadallashtirish boʻyicha qoʻshimcha chora-tadbirlar toʻgʻrisida
Yashirin ishlab chiqarishning oldini olish, aholini qalbaki mahsulotlardan himoya qilish hamda raqamli markirovkalash tizimini takomillashtirish maqsadida:
1. Quyidagilar:
qonunchilik hujjatlariga muvofiq, 2022-yil 1-yanvardan boshlab raqamli markirovkalangan mahsulotlar chakana savdosini amalga oshiruvchi tadbirkorlik subyektlari uchun onlayn nazorat-kassa mashinasi va virtual kassaga ulangan, shtrix-kodlar va raqamli markirovka kodlarini toʻgʻri oʻqishni va aniqlashni taʼminlovchi 2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalardan (keyingi oʻrinlarda — markirovkani oʻqish qurilmalari) majburiy foydalanish talabi belgilanganligi;
majburiy raqamli markirovkalanishi lozim boʻlgan mahsulotlarning chakana yoki ulgurji savdosi bilan shugʻullanuvchi korxonalarga “Asl belgisi” mahsulotlarni markirovkalash va kuzatib borish milliy axborot tizimiga ulanish majburiyati yuklanganligi maʼlumot uchun qabul qilinsin.
2. Belgilansinki, 2024-yil 1-sentabrdan boshlab:
a) tadbirkorlik subyektlari tomonidan markirovkalanadigan mahsulotlarni markirovkani oʻqish qurilmalaridan foydalanmagan holda sotish holatlari soliq organlari bazasi maʼlumotlari asosida aniqlanganda, ushbu tadbirkorlik subyektlari shaxsiy kabineti orqali holat yuzasidan ogohlantiriladi hamda quyidagi choralarni koʻrish amaliyoti joriy etiladi:
ikki marta ogohlantirishdan soʻng qonun buzilishi bir oy ichida qayta takrorlangan taqdirda, tadbirkorlik subyektlariga nisbatan huquqbuzarlik sodir etilgan chorakdagi faoliyat yuzasidan soliq tekshiruvi tayinlanadi;
qonun buzilishi soliq tekshiruvi yakunlangandan bir oydan keyin qayta takrorlanganda tadbirkorlik subyektlarini xabardor qilmasdan hamda Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni tekshirish kunida xabardor qilgan holda soliq tekshiruvi tayinlanadi;
b) soliq organlariga:
majburiy raqamli markirovkalanishi lozim boʻlgan mahsulotlar boʻyicha aniqlangan qalbaki va kontrafakt holatlar hamda markirovkalash qoidalari buzilganligi yuzasidan tekshiruvlarni tadbirkorlik subyektlarini xabardor qilmasdan hamda Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni tekshirish kunida xabardor qilgan holda amalga oshirish;
har chorakda majburiy raqamli markirovkalanishi lozim boʻlgan mahsulotlarning chakana savdosi bilan shugʻullanuvchi tadbirkorlik subyektlariga nisbatan soliq tekshiruvlarini amalga oshirish vakolati beriladi.
3. Soliq qoʻmitasi har chorakda majburiy raqamli markirovkalanishi lozim boʻlgan mahsulotlarning chakana savdosi bilan shugʻullanuvchi tadbirkorlik subyektlari orasidan har bir hudud kesimida inson omilisiz avtomatik tarzda kamida 10 foizini tanlab olgan holda, ularda nazorat tadbirlarini oʻtkazsin hamda qonun buzilishi holatlari aniqlangan subyektlar faoliyatini keyingi uch chorak davomida nazorat qilib borsin.
4. 2027-yil 1-yanvarga qadar raqamli markirovkalangan mahsulotlar chakana savdosini amalga oshiruvchi tadbirkorlik subyektlari uchun markirovkani oʻqish qurilmalarini sotib olish bilan bogʻliq xarajatlar summasiga, biroq bitta qurilma uchun bazaviy hisoblash miqdorining 4 baravaridan koʻp boʻlmagan miqdorda, hisoblangan va toʻlanishi lozim boʻlgan foyda soligʻi yoki aylanmadan olinadigan soliq yoxud yakka tartibdagi tadbirkorlar tomonidan toʻlanadigan jismoniy shaxslardan olinadigan daromad soligʻi summalarini kamaytirish huquqi berilsin.
5. Majburiy raqamli markirovkalanishi lozim boʻlgan mahsulotlarni markirovkalash uchun zarur boʻlgan va import qilinadigan uskunalar (TIF TN kodlari: 7616 999 009, 9029 900 009, 8544 499 500 va 8528 529 000) 2024-yil 1-iyundan 2027-yil 1-iyunga qadar bojxona bojidan ozod qilinsin.
6. Shunday tartib oʻrnatilsinki, unga koʻra 2024-yil 1-sentabrdan:
pivo mahsulotlarining chakana savdosi faoliyati vakolatli organlarni xabardor qilish tartibida amalga oshiriladigan faoliyat turlari roʻyxatiga kiritiladi;
tamaki va pivo mahsulotlari bilan chakana savdo qilish huquqi uchun bazaviy hisoblash miqdorining 10 foizi miqdoridagi har oylik yigʻim joriy etiladi.
7. Soliq qoʻmitasi manfaatdor vazirlik va idoralar bilan birgalikda uch oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Mazkur qaror ijrosini samarali tashkil qilishga masʼul va shaxsiy javobgar etib Soliq qoʻmitasi raisi Sh.D. Kudbiyev belgilansin.
Qaror ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 30-may,
PQ-203-son
Президента Республики Узбекистан
Постановление
О дополнительных мерах по ускорению процессов обязательной цифровой маркировки
В целях предупреждения теневого производства, защиты населения от фальсифицированной продукции, а также совершенствования системы цифровой маркировки:
1. Принять к сведению, что:
в соответствии с актами законодательства с 1 января 2022 года для субъектов предпринимательства, осуществляющих розничную торговлю продукцией с цифровой маркировкой, установлено требование обязательного использования 2D-сканеров, терминалов сбора данных либо специальных устройств иного типа (далее — устройства считывания маркировки), подключенных к онлайн-контрольно-кассовым машинам и виртуальным кассам, обеспечивающим правильное считывание и идентификацию штрих-кодов и кодов цифровой маркировки;
на предприятия, занимающиеся розничной или оптовой торговлей продукцией, подлежащей обязательной цифровой маркировке, возложено обязательство подключения к Национальной информационной системе мониторинга маркировки и отслеживания продукции «Asl belgisi».
2. Установить, что с 1 сентября 2024 года:
а) при выявлении факта реализации субъектами предпринимательства продукции с цифровой маркировкой без использования устройств считывания маркировки на основании сведений баз налоговых органов соответствующие субъекты предпринимательства предупреждаются об этом факте посредством персонального кабинета, а также внедряется практика принятия следующих мер:
назначение налоговой проверки деятельности субъектов предпринимательства за квартал, в котором было совершено правонарушение, — в случае совершения повторного нарушения законности в течение одного месяца после двукратного предупреждения;
назначение налоговой проверки без уведомления субъектов предпринимательства с уведомлением в день проверки Уполномоченного по защите прав и законных интересов субъектов предпринимательства при Президенте Республики Узбекистан — в случае повторного нарушения законности, совершенного в течение одного месяца со дня окончания налоговой проверки;
б) налоговые органы наделяются полномочиями:
проведения проверок по выявленным фактам подделки и контрафакта, а также нарушения правил маркировки продукции, подлежащей обязательной цифровой маркировке, — без уведомления субъектов предпринимательства с уведомлением в день проверки Уполномоченного по защите прав и законных интересов субъектов предпринимательства при Президенте Республики Узбекистан;
ежеквартального проведения налоговых проверок деятельности субъектов предпринимательства, занимающихся розничной торговлей товарами, подлежащими обязательной цифровой маркировке.
3. Налоговому комитету ежеквартально отбирать 10 процентов из числа субъектов предпринимательства, занимающихся розничной торговлей продукцией, подлежащей обязательной цифровой маркировке, в разрезе каждого региона без человеческого фактора в автоматическом режиме, проводить в них контрольные мероприятия, а также осуществлять контроль за субъектами предпринимательства, в деятельности которых выявлены случаи нарушения закона, в течение следующих трех кварталов.
4. Предоставить на срок до 1 января 2027 года субъектам предпринимательства, занимающимся розничной торговлей продукцией с цифровой маркировкой, право на уменьшение суммы начисленного и подлежащего оплате налога на прибыль или налога с оборота либо налога на доходы физических лиц, оплачиваемого индивидуальными предпринимателями, на сумму расходов, связанных с приобретением устройств считывания маркировки, но в размере, не превышающем четырехкратного размера базовой расчетной величины за одно устройство.
5. Освободить в период с 1 июня 2024 года по 1 июня 2027 года от таможенной пошлины импортируемое оборудование, необходимое для цифровой маркировки продукции, подлежащей обязательной цифровой маркировке (коды ТН ВЭД 7616 999 009, 9029 900 009, 8544 499 500 и 8528 529 000).
6. Установить порядок, в соответствии с которым с 1 сентября 2024 года:
деятельность по розничной торговле пивной продукцией включается в перечень видов деятельности, осуществляемых в порядке уведомления уполномоченных органов;
внедряется ежемесячный сбор в размере 10 процентов базовой расчетной величины за право розничной торговли табачной и пивной продукцией.
7. Налоговому комитету совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
8. Возложить на председателя Налогового комитета Ш.Д. Кудбиева персональную ответственность за эффективную организацию исполнения настоящего постановления.
Контроль за исполнением настоящего постановления возложить на заместителя Премьер-министра Д.А. Кучкарова
Президент Республики Узбекистан Ш. МИРЗИЁЕВ
г. Ташкент,
30 мая 2024 г.,
№ ПП-203