UzbekAI

Ўзбекистон Республикаси Энергетика вазирининг

буйруғи

Реактив қувват компенсацияси бўйича ишларни ташкил этиш тартиби тўғрисидаги низомга ўзгартиришлар киритиш ҳақида

Ўзбекистон Республикаси Президентининг 2022 йил 21 декабрдаги ПФ-269-сон « Янги Ўзбекистон маъмурий ислоҳотларини амалга ошириш чора-тадбирлари тўғрисида »ги ва 2023 йил 25 январдаги ПФ-14-сон « Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида »ги фармонларига ҳамда Ўзбекистон Республикаси Вазирлар Маҳкамасининг 2024 йил 24 февралдаги 100-сон «Қурилиш ва уй-жой коммунал хўжалиги соҳасида давлат бошқаруви тизими такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида»ги қарорига мувофиқ буюраман:

1. Электр энергетикада назорат бўйича давлат инспекцияси «Ўздавэнергоназорат» бошлиғининг 2008 йил 9 сентябрь 168-сон буйруғи (рўйхат рақами 1864, 2008 йил 10 октябрь) (Ўзбекистон Республикаси қонун ҳужжатлари тўплами, 2008 й., 40-41-сон, 419-модда) билан тасдиқланган Реактив қувват компенсацияси бўйича ишларни ташкил этиш тартиби тўғрисидаги низомга иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси билан келишилган.

3. Мазкур буйруқ расмий эълон қилинган кундан эътиборан кучга киради.

Келишилди:

Ўзбекистон Республикаси энергетика вазирининг 2024 йил 16 майдаги 64-сон буйруғига ИЛОВА

Реактив қувват компенсацияси бўйича ишларни ташкил этиш тартиби тўғрисидаги низомга киритилаётган ўзгартиришлар

1. Муқаддима қуйидаги таҳрирда баён этилсин:

«Мазкур Низом электр энергиясини электр тармоқлари бўйлаб узатишда технологик сарфларни камайтириш ҳамда реактив қувват компенсацияси бўйича ишларни ташкил этиш тартибини белгилайди.»

2. 11-банд қуйидаги таҳрирда баён этилсин:

«11. Ўзбекистон Республикаси Энергетика вазирлиги ҳузуридаги Электр энергияси, нефт маҳсулотлари ва газдан фойдаланишни назорат қилиш инспекцияси (кейинги ўринларда «Ўзэнергоинспекция») истеъмолчиларнинг электр ускуналарида реактив қувват компенсациясининг мақбул даражаси таъминланиши юзасидан назоратни амалга оширади.»

3. 15-банднинг биринчи хатбошисидан «Ўзбекэнерго» акциядорлик жамияти томонидан белгиланган тартибда тайёрланган,» деган сўзлар чиқариб ташлансин.

4. 27-банднинг биринчи хатбошисидаги «Ўздавэнергоназорат» инспекцияси» деган сўзлар «Ўзэнергоинспекция» деган сўз билан алмаштирилсин.

5. Илованинг 17-банди ўн олтинчи хатбошисидаги «Ўздавэнергоназорат» инспекцияси» деган сўзлар «Ўзэнергоинспекция» деган сўз билан алмаштирилсин.

Вазир Ж. МИРЗАМАҲМУДОВ

Рақобатни ривожлантириш ва истеъмолчилар ҳуқуқларини ҳимоя қилиш қўмитаси раисининг ўринбосари А. ҚАЮМОВ

Тошкент ш.,

2024 йил 16 май,

2024 йил 14 май

64-сон

(Қонунчилик маълумотлари миллий базаси, 03.06.2024 й., 10/24/1864-3/0395-сон)

Oʻzbekiston Respublikasi Energetika vazirining

buyrugʻi

Reaktiv quvvat kompensatsiyasi boʻyicha ishlarni tashkil etish tartibi toʻgʻrisidagi nizomga oʻzgartirishlar kiritish haqida

Oʻzbekiston Respublikasi Prezidentining 2022-yil 21-dekabrdagi PF-269-son “ Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida ”gi va 2023-yil 25-yanvardagi PF-14-son “ Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida ”gi farmonlariga hamda Oʻzbekiston Respublikasi Vazirlar Mahkamasining 2024-yil 24-fevraldagi 100-son “Qurilish va uy-joy kommunal xoʻjaligi sohasida davlat boshqaruvi tizimi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida”gi qaroriga muvofiq buyuraman:

1. Elektr energetikada nazorat boʻyicha davlat inspeksiyasi “Oʻzdavenergonazorat” boshligʻining 2008-yil 9-sentabr 168-son buyrugʻi (roʻyxat raqami 1864, 2008-yil 10-oktabr) (Oʻzbekiston Respublikasi qonun hujjatlari toʻplami, 2008-y., 40-41-son, 419-modda) bilan tasdiqlangan Reaktiv quvvat kompensatsiyasi boʻyicha ishlarni tashkil etish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi energetika vazirining 2024-yil 16-maydagi 64-son buyrugʻiga ILOVA

Reaktiv quvvat kompensatsiyasi boʻyicha ishlarni tashkil etish tartibi toʻgʻrisidagi nizomga kiritilayotgan oʻzgartirishlar

1. Muqaddima quyidagi tahrirda bayon etilsin:

“Mazkur Nizom elektr energiyasini elektr tarmoqlari boʻylab uzatishda texnologik sarflarni kamaytirish hamda reaktiv quvvat kompensatsiyasi boʻyicha ishlarni tashkil etish tartibini belgilaydi.”

2. 11-band quyidagi tahrirda bayon etilsin:

“11. Oʻzbekiston Respublikasi Energetika vazirligi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi (keyingi oʻrinlarda “Oʻzenergoinspeksiya”) isteʼmolchilarning elektr uskunalarida reaktiv quvvat kompensatsiyasining maqbul darajasi taʼminlanishi yuzasidan nazoratni amalga oshiradi.”

3. 15-bandning birinchi xatboshisidan “Oʻzbekenergo” aksiyadorlik jamiyati tomonidan belgilangan tartibda tayyorlangan,” degan soʻzlar chiqarib tashlansin.

4. 27-bandning birinchi xatboshisidagi “Oʻzdavenergonazorat” inspeksiyasi” degan soʻzlar “Oʻzenergoinspeksiya” degan soʻz bilan almashtirilsin.

5. Ilovaning 17-bandi oʻn oltinchi xatboshisidagi “Oʻzdavenergonazorat” inspeksiyasi” degan soʻzlar “Oʻzenergoinspeksiya” degan soʻz bilan almashtirilsin.

Vazir J. MIRZAMAHMUDOV

Raqobatni rivojlantirish va isteʼmolchilar huquqlarini himoya qilish qoʻmitasi raisining oʻrinbosari A. QAYuMOV

Toshkent sh.,

2024-yil 16-may,

2024-yil 14-may

64-son

(Qonunchilik maʼlumotlari milliy bazasi, 03.06.2024-y., 10/24/1864-3/0395-son)