📅 2024-yil 3-iyun · Vazirlik va idoralar hujjatlari · Adliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 3 июнь · Вазирлик ва идоралар ҳужжатлари · Адлия вазири
Расмий матн. Расмий ҳужжат. Таҳририй изоҳлар киритилмаган.
📅 3 июня 2024 г. · Документы министерств и ведомств · Министр юстиции
Официальный текст. Официальный документ. Редакционные примечания не включены.
📅 3 June 2024 · Ministry and agency documents · Adliya vaziri
Official text. Official document. Editorial notes are not included.
Ўзбекистон Республикаси адлия вазирининг
буйруғи
НИЗОМ
РЎЙХАТИ
Адвокат стажёри ва ёрдамчисининг фаолиятини ташкил этиш тартиби тўғрисидаги низомни тасдиқлаш ҳақида
Ўзбекистон Республикасининг «Адвокатура тўғрисида»ги Қонунига мувофиқ буюраман:
1. Адвокат стажёри ва ёрдамчисининг фаолиятини ташкил этиш тартиби тўғрисидаги низом 1-иловага мувофиқ тасдиқлансин.
2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.
3. Мазкур буйруқ Ўзбекистон Республикаси Адвокатлар палатаси билан келишилган.
4. Ушбу буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси адлия вазирининг 2024 йил 3 июндаги 10-мҳ-сон буйруғига 1-ИЛОВА
Адвокат стажёри ва ёрдамчисининг фаолиятини ташкил этиш тартиби тўғрисидаги
Мазкур Низом адвокат стажёри (бундан буён матнда стажёр деб юритилади) ва адвокат ёрдамчисининг (бундан буён матнда ёрдамчи деб юритилади) фаолиятини ташкил этиш тартибини белгилайди.
1-боб. Умумий қоидалар
1. Адвокат ёрдамчи ва стажёрга эга бўлиши мумкин.
2. Олий юридик маълумотга эга бўлган шахс адвокатнинг стажёри бўлиши мумкин.
Ўзбекистон Республикасининг юридик маълумотга эга бўлган фуқароси адвокат ёрдамчиси бўлиши мумкин.
3. Белгиланган тартибда муомалага лаёқатсиз ёки муомала лаёқати чекланган деб топилган, шунингдек судланганлик ҳолати тугалланмаган ёки судланганлиги олиб ташланмаган шахс стажёр ёки ёрдамчи бўлиши мумкин эмас.
4. Стажёр ва ёрдамчига нисбатан Адвокатнинг касб этикаси қоидалари ва адвокатлик сирини сақлашга доир талаблар татбиқ этилади.
5. Стажёр ва ёрдамчининг меҳнатига ҳақ тўлаш ва ижтимоий суғуртаси адвокатлик тузилмасига келиб тушган маблағлар ҳисобидан амалга оширилади.
6. Стажёр ва ёрдамчи билан меҳнат шартномаси тузиш ва уни бекор қилиш Ўзбекистон Республикаси Меҳнат кодексига асосан амалга оширилади.
7. Стажёр ва ёрдамчи адвокатлик бюроси, адвокатлик фирмаси ва адвокатлар ҳайъатида фаолият юритган тақдирда унга адвокатлик тузилмаси томонидан, юридик маслаҳатхонада фаолият юритган тақдирда Ўзбекистон Республикаси Адвокатлар палатасининг ҳудудий бошқармаси (бундан буён матнда ҳудудий бошқарма деб юритилади) томонидан гувоҳнома берилади.
Бунда, стажёр ёки ёрдамчи билан меҳнат шартномаси бекор қилинганда гувоҳнома адвокатлик тузилмасига (ҳудудий бошқармага) қайтарилиши керак.
8. Адвокатлик тузилмаси (ҳудудий бошқарма) раҳбари томонидан стажёр ёки ёрдамчи билан меҳнат шартномаси тузилганлиги ва бекор қилинганлиги бўйича буйруқларнинг нусхаларини улар расмийлаштирилган кундан эътиборан беш иш куни ичида «Юридик ёрдам» ахборот тизимига киритилади.
9. Стажёр ва ёрдамчи адвокатлик фаолияти билан мустақил равишда шуғулланишга ҳақли эмас.
2-боб. Стажировкани ташкил этиш
10. Стажёр томонидан адвокат мақомига эга бўлишга тайёрланиш ва унинг касбий билимларини ҳамда кўникмаларини ҳосил қилиш стажировканинг асосий вазифасидир.
11. Стажировка адвокатлик тузилмасида ўталади.
12. Камида уч йиллик иш стажига эга бўлган адвокат стажёрга, стажировка ўташ даврида раҳбарлик қилиши мумкин.
13. Адвокат мақомига эга бўлишга талабгор шахс (бундан буён матнда талабгор деб юритилади) стажировкани қайси адвокатлик тузилмасида ўташ ниятида бўлса, ўша адвокатлик тузилмасига ариза билан мурожаат қилади. Талабгор стажировкани юридик маслаҳатхонада ўташ учун тегишли ҳудудий бошқармага ариза билан мурожаат қилади.
Бунда, ушбу аризага қуйидаги ҳужжатлар илова қилинади:
Ўзбекистон Республикаси фуқароси паспортининг (идентификацияловчи ID-картаси) нусхаси;
олий юридик маълумот тўғрисидаги диплом нусхаси;
судланмаганлик (ёки судланганлик) тўғрисида маълумотнома;
охирги иш жойи бўйича тасдиқланган қоғоз шаклидаги меҳнат дафтарчасини ёки электрон меҳнат дафтарчасидан кўчирмани, бундан биринчи марта ишга кираётган шахслар мустасно. Ўриндошлик асосида ишга кираётган шахслар меҳнат дафтарчасининг ўрнига асосий иш жойидан олинган белгиланган намунадаги маълумотномани тақдим этади.
14. Талабгорнинг аризаси келиб тушган кундан эътиборан беш иш куни муддатда адвокатлик тузилмаси (ҳудудий бошқарма) мазкур Низомнинг 13-бандига асосан тақдим этилган ҳужжатларни ўрганиб чиқади.
15. Талабгорнинг аризасини ўрганиб чиқиш натижаларига кўра адвокатлик тузилмаси (ҳудудий бошқарма) талабгорни суҳбатга чақириш ёки суҳбатга чақиришни рад этиш ҳақида қарор қилади ва шу куни бу ҳақда талабгорни хабардор қилади.
16. Адвокатлик тузилмаси (ҳудудий бошқарма) раҳбари томонидан стажёр билан ўтказилган суҳбат натижаларига кўра стажёрни ишга қабул қилиш ёки ишга қабул қилишни рад этиш тўғрисида қарор қабул қилинади.
17. Стажёрни ишга қабул қилиш адвокатлик тузилмаси (ҳудудий бошқарма) раҳбарининг буйруғи билан амалга оширилади. Буйруқ чиқариш учун стажёр билан тузилган меҳнат шартномаси асос бўлади.
Бунда, ушбу буйруқ билан стажёрга стажировка раҳбари тайинланади.
18. Стажировка камида уч ой давом этади. Стажировканинг энг кўп муддати икки йилдир.
Узоқ муддат (вақтинча меҳнатга қобилиятсизлик, ҳомиладорлик ва туғиш таътиллари, бола парваришлаш таътиллари, ишдан ажралган ҳолда малака ошириш, стажировка раҳбарининг лицензиясининг амал қилиши тўхтатиб турилиши ёки тугатилиши каби ҳолатларда) ишда бўлмаган вақт стажировка муддатига қўшилмайди.
19. Стажировка раҳбарининг адвокатлик мақоми, адвокатлик фаолияти учун лицензиясининг амал қилиши тўхтатиб турилиши ёки тугатилиши сабабли стажировканинг маълум муддати ўталмай қолган тақдирда, стажёрнинг танловига кўра стажировка ана шу даврга узайтирилиши ёки стажёр бошқа адвокатлик тузилмасида ёки бошқа адвокат раҳбарлигида стажировкани давом эттириши мумкин.
20. Стажировка ўташи устидан назоратни стажировка раҳбари амалга оширади.
Стажировка раҳбари:
стажёр томонидан аниқ ишлар бўйича қонунчилик, жумладан адвокатурага оид қонунчилик ҳужжатлари ва суд амалиёти ўрганилиши;
стажёрнинг касбий тайёргарлик бўйича машғулотларда иштирок этиши;
стажёрнинг стажировка ўташи тўғрисида ўз вақтида ва тўлиқ ҳисобот бериши устидан назорат қилади.
21. Стажировка даврида стажёр адвокатлик фаолиятининг барча йўналишларидаги соҳаларда касбий билимлар ва кўникмаларга эга бўлиши керак.
Бунда, стажировка раҳбари стажёрни Адвокатнинг касб этикаси қоидалари билан таништириши, стажёрга зарур маслаҳатлар ва тушунтиришлар бериши, ўрганиш учун зарур бўлган қонунчилик ҳужжатлари ва суд амалиётини тавсия қилиши шарт.
22. Стажёр стажировкани ўташ даврида қуйидаги ҳуқуқларга эга:
Адвокатлар палатаси ва адвокатлик тузилмаси томонидан ташкил этиладиган амалий машғулотларда ва семинар-тренингларда иштирок этиш;
адвокатлик тузилмасида мавжуд бўлган ҳуқуқий маълумотлар базаларидан, махсус адабиётлардан фойдаланиш;
стажировка раҳбари томонидан берилган топшириқларни бажариш учун зарур бўлган ҳужжат ва бошқа материалларни тўплаш;
ҳуқуқий ҳужжатларнинг лойиҳаларини тайёрлаш;
стажировка раҳбари билан биргаликда тегишли суд ёки терговчининг рухсати билан суд мажлисларида, тергов ҳаракатларида қатнашиш.
23. Стажёр стажировкани ўташ даврида қуйидаги мажбуриятларни бажаради:
стажировка раҳбарининг топшириқларини виждонан, ўз вақтида ва тўлиқ ҳажмда бажариш;
адвокатлик сирини сақлаш;
адвокатура тўғрисидаги қонунчилик ҳужжатлари талаблари ва Адвокатнинг касб этикаси қоидаларига риоя қилиш;
адвокатлик тузилмасининг меҳнат интизомига риоя этиш.
24. Стажировка муддати тугаганидан кейин стажировка раҳбари стажёрга тавсифнома тузади, унда унинг тайёргарлик даражаси, стажировка давомида у томонидан касбга доир олинган амалий ва назарий билимлари ҳамда кўникмалари, стажировка раҳбарининг топшириқларини бажаришда фаоллиги, шунингдек стажёрни малака имтиҳонини топширишга кириши тўғрисидаги тавсияси акс эттирилган бўлиши керак.
Стажёрга тавсифнома адвокатлик тузилмаси раҳбарининг (ҳудудий бошқарма) имзоси ва тузилманинг муҳри билан тасдиқланади.
3-боб. Ёрдамчи ишини ташкил этиш
25. Ёрдамчини адвокатлик бюроси, адвокатлик фирмаси ёки адвокатлар ҳайъатига ишга қабул қилиш адвокатлик тузилмаси раҳбари томонидан, юридик маслаҳатхонага ишга қабул қилиш ҳудудий бошқарма раҳбарининг буйруғи билан амалга оширилади.
Бунда, ушбу буйруқ билан ёрдамчига мутасадди-адвокат тайинланади.
26. Ёрдамчининг меҳнат шароитлари қонун ҳужжатларида белгиланган тартибда тузиладиган меҳнат шартномаси билан белгиланади.
27. Айни бир шахс бир вақтнинг ўзида битта адвокатлик тузилмасида адвокатлик фаолиятини амалга ошираётган бир неча мутасадди-адвокатларнинг ёрдамчиси бўлиши мумкин, бу ҳол ёрдамчини ишга қабул қилиш тўғрисидаги буйруқда ва меҳнат шартномасининг шартларида акс эттирилиши керак.
28. Ёрдамчининг терговга қадар текширувни амалга оширувчи органларда, суриштирув, дастлабки тергов органларида, судларда ҳамда бошқа давлат органларида ишларни юритишига йўл қўйилмайди.
29. Ёрдамчи мутасадди-адвокат кўрсатмасига асосан мутасадди-адвокатнинг иш юритувидаги ишлар бўйича мутасадди-адвокатнинг процессуал ваколатларига тааллуқлиларидан ташқари топшириқларни бажаради.
30. Ёрдамчи мутасадди-адвокатнинг топшириғига биноан:
ҳуқуқий ҳужжатлар лойиҳаларини ишлаб чиқади ёки уларнинг ишлаб чиқилишида иштирок этади;
сўровлар, илтимосномалар, аризалар ва мутасадди-адвокатнинг адвокатлик фаолияти учун зарур бўлган бошқа ҳужжатларнинг тайёрланишида иштирок этади;
суриштирув, дастлабки тергов органларига, судларга ҳамда бошқа давлат органлари ва ташкилотларига бериб юбориш учун материаллар тайёрлайди;
мутасадди-адвокатнинг юритувида бўлган ва тугалланган юридик ёрдам кўрсатиш билан боғлиқ ишларнинг ҳисобга олинишини амалга оширади;
мутасадди-адвокат томонидан адвокатлик фаолиятини амалга оширилиши билан боғлиқ бошқа топшириқларни бажаради.
31. Ёрдамчи қуйидаги ҳуқуқларга эга ҳисобланади:
адвокатлик тузилмасининг ишида иштирок этиш;
Адвокатлар палатаси ва унинг ҳудудий бошқармалари ҳамда адвокатлик тузилмаси томонидан ташкил этиладиган амалий машғулотларда ва семинар-тренингларда иштирок этиш;
адвокатлик тузилмасида мавжуд бўлган ҳуқуқий маълумотлар базаларидан, махсус адабиётлардан фойдаланиш;
мутасадди-адвокат билан биргаликда тегишли суд ёки терговчининг рухсати билан суд мажлисларида, тергов ҳаракатларида қатнашиш.
32. Ёрдамчи қуйидаги мажбуриятларни бажаради:
мутасадди-адвокатнинг топшириқларини виждонан, ўз вақтида ва тўлиқ ҳажмда бажариш;
белгиланган тартибда бажарган ишлари тўғрисида мутасадди-адвокатга ҳисобот тақдим этиш;
ўз касбий билимлари ва кўникмаларини доимий равишда ошириб бориш;
адвокатлик сирини сақлаш;
адвокатура тўғрисидаги қонунчилик ҳужжатлари талаблари ва Адвокатнинг касб этикаси қоидаларига риоя қилиш;
адвокатлик тузилмасининг меҳнат интизомига риоя этиш.
4-боб. Якунловчи қоида
33. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради.
Ўзбекистон Республикаси адлия вазирининг 2024 йил 3 июндаги 10-мҳ-сон буйруғига 2-ИЛОВА
Ўз кучини йўқотган деб топилаётган идоравий норматив-ҳуқуқий ҳужжатлар
1. Ўзбекистон Республикаси адлия вазирининг 2009 йил 27 мартдаги 79-мҳ-сон «Адвокат стажёрининг фаолиятини ташкил этиш тартиби тўғрисидаги низомни тасдиқлаш ҳақида»ги буйруғи (рўйхат рақами 1928, 2009 йил 27 март) (Ўзбекистон Республикаси қонун ҳужжатлари тўплами, 2009 й., 13-сон, 152-модда).
2. Ўзбекистон Республикаси адлия вазирининг 2018 йил 6 январдаги 8-мҳ-сон «Адвокат стажёрининг фаолиятини ташкил этиш тартиби тўғрисидаги низомнинг 5-бандига ўзгартириш киритиш ҳақида»ги буйруғи (рўйхат рақами 1928-1, 2018 йил 6 январь) (Қонун ҳужжатлари маълумотлари миллий базаси, 08.01.2018 й., 10/18/1928-1/0520-сон).
3. Ўзбекистон Республикаси адлия вазирининг 2018 йил 12 декабрдаги 549-мҳ-сон «Адвокат стажёрининг фаолиятини ташкил этиш тартиби тўғрисидаги низомнинг 13-бандига ўзгартириш киритиш ҳақида»ги буйруғи (рўйхат рақами 1928-2, 2018 йил 12 декабрь) (Қонун ҳужжатлари маълумотлари миллий базаси, 13.12.2018 й., 10/18/1928-2/2305-сон).
4. Ўзбекистон Республикаси адлия вазирининг 2009 йил 27 мартдаги 80-мҳ-сон «Адвокат ёрдамчисининг фаолиятини ташкил этиш тартиби тўғрисидаги низомни тасдиқлаш ҳақида»ги буйруғи (рўйхат рақами 1929, 2009 йил 27 март) (Ўзбекистон Республикаси қонун ҳужжатлари тўплами, 2009 й., 13-сон, 153-модда).
5. Ўзбекистон Республикаси адлия вазирининг 2019 йил 1 июлдаги 273-мҳ-сон «Адвокат ёрдамчисининг фаолиятини ташкил этиш тартиби тўғрисидаги низомнинг 11-бандига ўзгартириш киритиш тўғрисида»ги буйруғи (рўйхат рақами 1929-1, 2019 йил 1 июль) (Қонун ҳужжатлари маълумотлари миллий базаси, 01.07.2019 й., 10/19/1929-1/3350-сон).
Вазир А. ТАШКУЛОВ
Адвокатлар палатаси раиси Ш. САДИКОВ
Тошкент ш.,
2024 йил 3 июнь,
2024 йил 27 май
10-мҳ-сон
Oʻzbekiston Respublikasi adliya vazirining
buyrugʻi
NIZOM
ROʻYXATI
Advokat stajyori va yordamchisining faoliyatini tashkil etish tartibi toʻgʻrisidagi nizomni tasdiqlash haqida
Oʻzbekiston Respublikasining “Advokatura toʻgʻrisida”gi Qonuniga muvofiq buyuraman:
1. Advokat stajyori va yordamchisining faoliyatini tashkil etish tartibi toʻgʻrisidagi nizom 1-ilovaga muvofiq tasdiqlansin.
2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.
3. Mazkur buyruq Oʻzbekiston Respublikasi Advokatlar palatasi bilan kelishilgan.
4. Ushbu buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi adliya vazirining 2024-yil 3-iyundagi 10-mh-son buyrugʻiga 1-ILOVA
Advokat stajyori va yordamchisining faoliyatini tashkil etish tartibi toʻgʻrisidagi
Mazkur Nizom advokat stajyori (bundan buyon matnda stajyor deb yuritiladi) va advokat yordamchisining (bundan buyon matnda yordamchi deb yuritiladi) faoliyatini tashkil etish tartibini belgilaydi.
1-bob. Umumiy qoidalar
1. Advokat yordamchi va stajyorga ega boʻlishi mumkin.
2. Oliy yuridik maʼlumotga ega boʻlgan shaxs advokatning stajyori boʻlishi mumkin.
Oʻzbekiston Respublikasining yuridik maʼlumotga ega boʻlgan fuqarosi advokat yordamchisi boʻlishi mumkin.
3. Belgilangan tartibda muomalaga layoqatsiz yoki muomala layoqati cheklangan deb topilgan, shuningdek sudlanganlik holati tugallanmagan yoki sudlanganligi olib tashlanmagan shaxs stajyor yoki yordamchi boʻlishi mumkin emas.
4. Stajyor va yordamchiga nisbatan Advokatning kasb etikasi qoidalari va advokatlik sirini saqlashga doir talablar tatbiq etiladi.
5. Stajyor va yordamchining mehnatiga haq toʻlash va ijtimoiy sugʻurtasi advokatlik tuzilmasiga kelib tushgan mablagʻlar hisobidan amalga oshiriladi.
6. Stajyor va yordamchi bilan mehnat shartnomasi tuzish va uni bekor qilish Oʻzbekiston Respublikasi Mehnat kodeksiga asosan amalga oshiriladi.
7. Stajyor va yordamchi advokatlik byurosi, advokatlik firmasi va advokatlar hayʼatida faoliyat yuritgan taqdirda unga advokatlik tuzilmasi tomonidan, yuridik maslahatxonada faoliyat yuritgan taqdirda Oʻzbekiston Respublikasi Advokatlar palatasining hududiy boshqarmasi (bundan buyon matnda hududiy boshqarma deb yuritiladi) tomonidan guvohnoma beriladi.
Bunda, stajyor yoki yordamchi bilan mehnat shartnomasi bekor qilinganda guvohnoma advokatlik tuzilmasiga (hududiy boshqarmaga) qaytarilishi kerak.
8. Advokatlik tuzilmasi (hududiy boshqarma) rahbari tomonidan stajyor yoki yordamchi bilan mehnat shartnomasi tuzilganligi va bekor qilinganligi boʻyicha buyruqlarning nusxalarini ular rasmiylashtirilgan kundan eʼtiboran besh ish kuni ichida “Yuridik yordam” axborot tizimiga kiritiladi.
9. Stajyor va yordamchi advokatlik faoliyati bilan mustaqil ravishda shugʻullanishga haqli emas.
2-bob. Stajirovkani tashkil etish
10. Stajyor tomonidan advokat maqomiga ega boʻlishga tayyorlanish va uning kasbiy bilimlarini hamda koʻnikmalarini hosil qilish stajirovkaning asosiy vazifasidir.
11. Stajirovka advokatlik tuzilmasida oʻtaladi.
12. Kamida uch yillik ish stajiga ega boʻlgan advokat stajyorga, stajirovka oʻtash davrida rahbarlik qilishi mumkin.
13. Advokat maqomiga ega boʻlishga talabgor shaxs (bundan buyon matnda talabgor deb yuritiladi) stajirovkani qaysi advokatlik tuzilmasida oʻtash niyatida boʻlsa, oʻsha advokatlik tuzilmasiga ariza bilan murojaat qiladi. Talabgor stajirovkani yuridik maslahatxonada oʻtash uchun tegishli hududiy boshqarmaga ariza bilan murojaat qiladi.
Bunda, ushbu arizaga quyidagi hujjatlar ilova qilinadi:
Oʻzbekiston Respublikasi fuqarosi pasportining (identifikatsiyalovchi ID-kartasi) nusxasi;
oliy yuridik maʼlumot toʻgʻrisidagi diplom nusxasi;
sudlanmaganlik (yoki sudlanganlik) toʻgʻrisida maʼlumotnoma;
oxirgi ish joyi boʻyicha tasdiqlangan qogʻoz shaklidagi mehnat daftarchasini yoki elektron mehnat daftarchasidan koʻchirmani, bundan birinchi marta ishga kirayotgan shaxslar mustasno. Oʻrindoshlik asosida ishga kirayotgan shaxslar mehnat daftarchasining oʻrniga asosiy ish joyidan olingan belgilangan namunadagi maʼlumotnomani taqdim etadi.
14. Talabgorning arizasi kelib tushgan kundan eʼtiboran besh ish kuni muddatda advokatlik tuzilmasi (hududiy boshqarma) mazkur Nizomning 13-bandiga asosan taqdim etilgan hujjatlarni oʻrganib chiqadi.
15. Talabgorning arizasini oʻrganib chiqish natijalariga koʻra advokatlik tuzilmasi (hududiy boshqarma) talabgorni suhbatga chaqirish yoki suhbatga chaqirishni rad etish haqida qaror qiladi va shu kuni bu haqda talabgorni xabardor qiladi.
16. Advokatlik tuzilmasi (hududiy boshqarma) rahbari tomonidan stajyor bilan oʻtkazilgan suhbat natijalariga koʻra stajyorni ishga qabul qilish yoki ishga qabul qilishni rad etish toʻgʻrisida qaror qabul qilinadi.
17. Stajyorni ishga qabul qilish advokatlik tuzilmasi (hududiy boshqarma) rahbarining buyrugʻi bilan amalga oshiriladi. Buyruq chiqarish uchun stajyor bilan tuzilgan mehnat shartnomasi asos boʻladi.
Bunda, ushbu buyruq bilan stajyorga stajirovka rahbari tayinlanadi.
18. Stajirovka kamida uch oy davom etadi. Stajirovkaning eng koʻp muddati ikki yildir.
Uzoq muddat (vaqtincha mehnatga qobiliyatsizlik, homiladorlik va tugʻish taʼtillari, bola parvarishlash taʼtillari, ishdan ajralgan holda malaka oshirish, stajirovka rahbarining litsenziyasining amal qilishi toʻxtatib turilishi yoki tugatilishi kabi holatlarda) ishda boʻlmagan vaqt stajirovka muddatiga qoʻshilmaydi.
19. Stajirovka rahbarining advokatlik maqomi, advokatlik faoliyati uchun litsenziyasining amal qilishi toʻxtatib turilishi yoki tugatilishi sababli stajirovkaning maʼlum muddati oʻtalmay qolgan taqdirda, stajyorning tanloviga koʻra stajirovka ana shu davrga uzaytirilishi yoki stajyor boshqa advokatlik tuzilmasida yoki boshqa advokat rahbarligida stajirovkani davom ettirishi mumkin.
20. Stajirovka oʻtashi ustidan nazoratni stajirovka rahbari amalga oshiradi.
Stajirovka rahbari:
stajyor tomonidan aniq ishlar boʻyicha qonunchilik, jumladan advokaturaga oid qonunchilik hujjatlari va sud amaliyoti oʻrganilishi;
stajyorning kasbiy tayyorgarlik boʻyicha mashgʻulotlarda ishtirok etishi;
stajyorning stajirovka oʻtashi toʻgʻrisida oʻz vaqtida va toʻliq hisobot berishi ustidan nazorat qiladi.
21. Stajirovka davrida stajyor advokatlik faoliyatining barcha yoʻnalishlaridagi sohalarda kasbiy bilimlar va koʻnikmalarga ega boʻlishi kerak.
Bunda, stajirovka rahbari stajyorni Advokatning kasb etikasi qoidalari bilan tanishtirishi, stajyorga zarur maslahatlar va tushuntirishlar berishi, oʻrganish uchun zarur boʻlgan qonunchilik hujjatlari va sud amaliyotini tavsiya qilishi shart.
22. Stajyor stajirovkani oʻtash davrida quyidagi huquqlarga ega:
Advokatlar palatasi va advokatlik tuzilmasi tomonidan tashkil etiladigan amaliy mashgʻulotlarda va seminar-treninglarda ishtirok etish;
advokatlik tuzilmasida mavjud boʻlgan huquqiy maʼlumotlar bazalaridan, maxsus adabiyotlardan foydalanish;
stajirovka rahbari tomonidan berilgan topshiriqlarni bajarish uchun zarur boʻlgan hujjat va boshqa materiallarni toʻplash;
huquqiy hujjatlarning loyihalarini tayyorlash;
stajirovka rahbari bilan birgalikda tegishli sud yoki tergovchining ruxsati bilan sud majlislarida, tergov harakatlarida qatnashish.
23. Stajyor stajirovkani oʻtash davrida quyidagi majburiyatlarni bajaradi:
stajirovka rahbarining topshiriqlarini vijdonan, oʻz vaqtida va toʻliq hajmda bajarish;
advokatlik sirini saqlash;
advokatura toʻgʻrisidagi qonunchilik hujjatlari talablari va Advokatning kasb etikasi qoidalariga rioya qilish;
advokatlik tuzilmasining mehnat intizomiga rioya etish.
24. Stajirovka muddati tugaganidan keyin stajirovka rahbari stajyorga tavsifnoma tuzadi, unda uning tayyorgarlik darajasi, stajirovka davomida u tomonidan kasbga doir olingan amaliy va nazariy bilimlari hamda koʻnikmalari, stajirovka rahbarining topshiriqlarini bajarishda faolligi, shuningdek stajyorni malaka imtihonini topshirishga kirishi toʻgʻrisidagi tavsiyasi aks ettirilgan boʻlishi kerak.
Stajyorga tavsifnoma advokatlik tuzilmasi rahbarining (hududiy boshqarma) imzosi va tuzilmaning muhri bilan tasdiqlanadi.
3-bob. Yordamchi ishini tashkil etish
25. Yordamchini advokatlik byurosi, advokatlik firmasi yoki advokatlar hayʼatiga ishga qabul qilish advokatlik tuzilmasi rahbari tomonidan, yuridik maslahatxonaga ishga qabul qilish hududiy boshqarma rahbarining buyrugʻi bilan amalga oshiriladi.
Bunda, ushbu buyruq bilan yordamchiga mutasaddi-advokat tayinlanadi.
26. Yordamchining mehnat sharoitlari qonun hujjatlarida belgilangan tartibda tuziladigan mehnat shartnomasi bilan belgilanadi.
27. Ayni bir shaxs bir vaqtning oʻzida bitta advokatlik tuzilmasida advokatlik faoliyatini amalga oshirayotgan bir necha mutasaddi-advokatlarning yordamchisi boʻlishi mumkin, bu hol yordamchini ishga qabul qilish toʻgʻrisidagi buyruqda va mehnat shartnomasining shartlarida aks ettirilishi kerak.
28. Yordamchining tergovga qadar tekshiruvni amalga oshiruvchi organlarda, surishtiruv, dastlabki tergov organlarida, sudlarda hamda boshqa davlat organlarida ishlarni yuritishiga yoʻl qoʻyilmaydi.
29. Yordamchi mutasaddi-advokat koʻrsatmasiga asosan mutasaddi-advokatning ish yurituvidagi ishlar boʻyicha mutasaddi-advokatning protsessual vakolatlariga taalluqlilaridan tashqari topshiriqlarni bajaradi.
30. Yordamchi mutasaddi-advokatning topshirigʻiga binoan:
huquqiy hujjatlar loyihalarini ishlab chiqadi yoki ularning ishlab chiqilishida ishtirok etadi;
soʻrovlar, iltimosnomalar, arizalar va mutasaddi-advokatning advokatlik faoliyati uchun zarur boʻlgan boshqa hujjatlarning tayyorlanishida ishtirok etadi;
surishtiruv, dastlabki tergov organlariga, sudlarga hamda boshqa davlat organlari va tashkilotlariga berib yuborish uchun materiallar tayyorlaydi;
mutasaddi-advokatning yurituvida boʻlgan va tugallangan yuridik yordam koʻrsatish bilan bogʻliq ishlarning hisobga olinishini amalga oshiradi;
mutasaddi-advokat tomonidan advokatlik faoliyatini amalga oshirilishi bilan bogʻliq boshqa topshiriqlarni bajaradi.
31. Yordamchi quyidagi huquqlarga ega hisoblanadi:
advokatlik tuzilmasining ishida ishtirok etish;
Advokatlar palatasi va uning hududiy boshqarmalari hamda advokatlik tuzilmasi tomonidan tashkil etiladigan amaliy mashgʻulotlarda va seminar-treninglarda ishtirok etish;
advokatlik tuzilmasida mavjud boʻlgan huquqiy maʼlumotlar bazalaridan, maxsus adabiyotlardan foydalanish;
mutasaddi-advokat bilan birgalikda tegishli sud yoki tergovchining ruxsati bilan sud majlislarida, tergov harakatlarida qatnashish.
32. Yordamchi quyidagi majburiyatlarni bajaradi:
mutasaddi-advokatning topshiriqlarini vijdonan, oʻz vaqtida va toʻliq hajmda bajarish;
belgilangan tartibda bajargan ishlari toʻgʻrisida mutasaddi-advokatga hisobot taqdim etish;
oʻz kasbiy bilimlari va koʻnikmalarini doimiy ravishda oshirib borish;
advokatlik sirini saqlash;
advokatura toʻgʻrisidagi qonunchilik hujjatlari talablari va Advokatning kasb etikasi qoidalariga rioya qilish;
advokatlik tuzilmasining mehnat intizomiga rioya etish.
4-bob. Yakunlovchi qoida
33. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.
Oʻzbekiston Respublikasi adliya vazirining 2024-yil 3-iyundagi 10-mh-son buyrugʻiga 2-ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
1. Oʻzbekiston Respublikasi adliya vazirining 2009-yil 27-martdagi 79-mh-son “Advokat stajyorining faoliyatini tashkil etish tartibi toʻgʻrisidagi nizomni tasdiqlash haqida”gi buyrugʻi (roʻyxat raqami 1928, 2009-yil 27-mart) (Oʻzbekiston Respublikasi qonun hujjatlari toʻplami, 2009-y., 13-son, 152-modda).
2. Oʻzbekiston Respublikasi adliya vazirining 2018-yil 6-yanvardagi 8-mh-son “Advokat stajyorining faoliyatini tashkil etish tartibi toʻgʻrisidagi nizomning 5-bandiga oʻzgartirish kiritish haqida”gi buyrugʻi (roʻyxat raqami 1928-1, 2018-yil 6-yanvar) (Qonun hujjatlari maʼlumotlari milliy bazasi, 08.01.2018-y., 10/18/1928-1/0520-son).
3. Oʻzbekiston Respublikasi adliya vazirining 2018-yil 12-dekabrdagi 549-mh-son “Advokat stajyorining faoliyatini tashkil etish tartibi toʻgʻrisidagi nizomning 13-bandiga oʻzgartirish kiritish haqida”gi buyrugʻi (roʻyxat raqami 1928-2, 2018-yil 12-dekabr) (Qonun hujjatlari maʼlumotlari milliy bazasi, 13.12.2018-y., 10/18/1928-2/2305-son).
4. Oʻzbekiston Respublikasi adliya vazirining 2009-yil 27-martdagi 80-mh-son “Advokat yordamchisining faoliyatini tashkil etish tartibi toʻgʻrisidagi nizomni tasdiqlash haqida”gi buyrugʻi (roʻyxat raqami 1929, 2009-yil 27-mart) (Oʻzbekiston Respublikasi qonun hujjatlari toʻplami, 2009-y., 13-son, 153-modda).
5. Oʻzbekiston Respublikasi adliya vazirining 2019-yil 1-iyuldagi 273-mh-son “Advokat yordamchisining faoliyatini tashkil etish tartibi toʻgʻrisidagi nizomning 11-bandiga oʻzgartirish kiritish toʻgʻrisida”gi buyrugʻi (roʻyxat raqami 1929-1, 2019-yil 1-iyul) (Qonun hujjatlari maʼlumotlari milliy bazasi, 01.07.2019-y., 10/19/1929-1/3350-son).
Vazir A. TASHKULOV
Advokatlar palatasi raisi Sh. SADIKOV
Toshkent sh.,
2024-yil 3-iyun,
2024-yil 27-may
10-mh-son
министра юстиции Республики Узбекистан
Приказ
ПОЛОЖЕНИЕ
ПЕРЕЧЕНЬ
Об утверждении положения о порядке организации деятельности стажера и помощника адвоката
В соответствии с Законом Республики Узбекистан «Об адвокатуре» приказываю:
1. Утвердить Положение о порядке организации деятельности стажера и помощника адвоката согласно приложению № 1 .
2. Признать утратившими силу некоторые ведомственные нормативно-правовые акты согласно приложению № 2 .
3. Настоящий приказ согласован с Палатой адвокатов Республики Узбекистан.
4. Настоящий приказ вступает в силу со дня его официального опубликования.
Согласовано:
ПРИЛОЖЕНИЕ № 1 к приказу министра юстиции Республики Узбекистан от 3 июня 2024 года № 10-мх
о порядке организации деятельности стажера и помощника адвоката
Настоящее Положение определяет порядок организации деятельности стажера (далее — стажер) и помощника адвоката (далее — помощник).
Глава 1. Общие положения
1. Адвокат может иметь помощника и стажера.
2. Стажером адвоката может быть лицо, имеющее высшее юридическое образование.
Помощником адвоката может быть гражданин Республики Узбекистан, имеющий юридическое образование.
3. Стажером и помощником не может быть лицо, признанное в установленном порядке недееспособным или ограниченно дееспособным, а также имеющее непогашенную или неснятую судимость.
4. На стажера и помощника распространяются Правила профессиональной этики адвокатов и требования о сохранении адвокатской тайны.
5. Оплата труда и социальное страхование стажера и помощника производятся из средств, поступивших в адвокатское формирование.
6. Заключение и прекращение трудового договора со стажером и помощником осуществляется в порядке, установленном Трудовым кодексом Республики Узбекистан.
7. Стажеру и помощнику предоставляется удостоверение в случае осуществления деятельности в адвокатском бюро, адвокатской фирме и коллегии адвокатов, а в случае осуществления деятельности в юридической консультации — территориальным управлением Палаты адвокатов Республики Узбекистан (далее — территориальное управление).
При этом при расторжении трудового договора со стажером или помощником удостоверение подлежит возврату в адвокатское формирование (территориальное управление).
8. Копии приказов руководителя адвокатского формирования (территориального управления) о заключении и расторжении трудового договора со стажером или помощником вносятся в информационную систему «Юридическая помощь» в течение пяти рабочих дней со дня их оформления.
9. Стажер и помощник не вправе самостоятельно заниматься адвокатской деятельностью.
Глава 2. Организация стажировки
10. Основными задачами стажировки являются подготовка к получению стажером статуса адвоката и приобретение им профессиональных знаний и навыков.
11. Стажировка проходит в адвокатском формировании.
12. Адвокат с опытом работы не менее трех лет может руководить стажером в течение периода стажировки.
13. Для прохождения стажировки лицо, претендующее на приобретение статуса адвоката (далее — претендент), обращается с заявлением в адвокатское формирование, в котором намерен проходить стажировку. Для прохождения стажировки в юридической консультации претендент обращается с заявлением в соответствующее территориальное управление.
При этом к данному заявлению прилагаются следующие документы:
Копия паспорта гражданина Республики Узбекистан (идентификационная ID-карта);
копия диплома о высшем юридическом образовании;
справка о несудимости (или судимости);
трудовая книжка в бумажной форме или выписка из электронной трудовой книжки, заверенная по последнему месту работу, за исключением лиц, поступающих на работу впервые. Лица, поступающие на работу по совместительству, вместо трудовой книжки представляют справку установленного образца с основного места работы.
14. Адвокатское формирование (территориальное управление) изучает документы претендента, представленные в соответствии с пунктом 13 настоящего Положения, в течение пяти рабочих дней со дня поступления заявления.
15. По результатам изучения заявления претендента адвокатское формирование (территориальное управление) принимает решение о вызове претендента на собеседование или об отказе в вызове на собеседование и в этот же день уведомляет претендента об этом.
16. Решение о приеме на работу или отказе в приеме на работу стажера принимается по результатам собеседования со стажером, руководителем адвокатского формирования (территориального управления).
17. Прием на работу стажера осуществляется по приказу руководителя адвокатского формирования (территориального управления). Основанием для издания приказа является трудовой договор, заключенный со стажером.
При этом, настоящим приказом стажеру назначается руководитель стажировки.
18. Стажировка длится не менее трех месяцев. Предельный срок стажировки составляет два года.
Время длительного отсутствия на работе (в связи с временной нетрудоспособностью, по беременности и родам, по уходу за ребенком, повышение квалификации в отрыве от работы, приостановление или прекращение действия лицензии руководителя стажировки и т. п.) в срок стажировки не засчитывается.
19. В случае несоблюдения руководителем стажировки определенного срока стажировки в связи с приостановлением или прекращением действия его адвокатского статуса, лицензии на адвокатскую деятельность, стажировка по выбору стажера может быть продлена на этот период или стажер может продолжить стажировку в другом адвокатском формировании или под руководством другого адвоката.
20. Контроль за прохождением стажировки осуществляет руководитель стажировки.
Руководитель стажировки, обеспечивая прохождение стажировки, контролирует:
изучение стажером законодательства по конкретным делам, включая законодательные акты, касающиеся адвокатуры, и судебной практики;
участие стажера в занятиях по профессиональной подготовке;
своевременную и полную отчетность стажера о прохождении стажировки.
21. За период стажировки стажер должен овладеть профессиональными знаниями и навыками во всех направлениях адвокатской деятельности.
При этом руководитель стажировки обязан ознакомить стажера с Правилами профессиональной этики адвокатов, давать стажеру необходимые советы и разъяснения, рекомендовать необходимые для изучения законодательные акты и судебную практику.
22. Стажер в период прохождения стажировки имеет право:
участия в практических занятиях и семинарах, организуемых Палатой адвокатов и адвокатским формированием;
пользоваться имеющимися в адвокатском формировании правовыми базами данных, специальной литературой;
сбором документов и иных материалов, необходимых для выполнения заданий, поставленных руководителем стажировки;
готовить проекты правовых документов;
совместно с руководителем стажировки принимать участие в судебных заседаниях, следственных действиях с разрешения соответствующего суда или следователя.
23. Стажер в период прохождения стажировки несет следующие обязанности:
добросовестно, своевременно и в полном объеме выполнять поручения руководителя стажировки;
хранить адвокатскую тайну;
соблюдать требования законодательства об адвокатуре и Правила профессиональной этики адвоката;
соблюдать дисциплину труда адвокатского формирования.
24. По окончании срока стажировки руководитель стажировки составляет на стажера характеристику, которая должна отражать степень его подготовки, полученные им в ходе стажировки практические и теоретические профессиональные знания, и навыки, активность в выполнении поручений руководителя стажировки, а также рекомендацию о допуске стажера к сдаче квалификационного экзамена.
Характеристика на стажера утверждается руководителем адвокатского формирования (территориального управления) и заверяется его печатью.
Глава 3. Организация работы помощника
25. Прием на работу помощника в адвокатское бюро, адвокатскую фирму или коллегию адвокатов осуществляется руководителем адвокатского формирования, прием на работу в юридическую консультацию приказом руководителя территориального управления.
При этом, настоящим приказом помощнику назначается адвокат-куратор.
26. Условия труда помощника определяются трудовым договором, заключаемым в порядке, установленном законодательством.
27. Одно лицо может быть одновременно помощником нескольких адвокатов-кураторов, осуществляющих адвокатскую деятельность в одном адвокатском формировании, что должно быть отражено в приказе о зачислении в помощники и условиях трудового договора.
28. Помощник не допускается к ведению дел в органах, осуществляющих доследственную проверку, органах дознания, предварительного следствия, судах и других государственных органах.
29. Помощник по указанию адвоката-куратора выполняет поручения по делам, находящимся в производстве адвоката-куратора, кроме относящихся к процессуальным полномочиям последнего.
30. Помощник по поручению адвоката-куратора:
разрабатывает или принимает участие в разработке проектов правовых документов;
участвует в подготовке запросов, ходатайств, заявлений и иных документов, необходимых для адвокатской деятельности адвоката-куратора;
подготавливает материалы для передачи их в органы дознания, предварительного следствия, суды и другие государственные органы и организации;
осуществляет учет выполненных и находящихся в ведений адвоката-куратора дел, связанных с оказанием юридической помощи;
выполняет иные поручения, связанные с осуществлением адвокатом-куратором адвокатской деятельности.
31. Помощник имеет право:
участвовать в работе адвокатского формирования;
участвовать в практических занятиях и семинарах, организуемых Палатой адвокатов и ее территориальными управлениями, а также адвокатским формированием;
пользоваться имеющимися в адвокатском формировании правовыми базами данных, специальной литературой;
совместно с адвокатом-куратором принимать участие в судебных заседаниях, следственных действиях с разрешения соответствующего суда или следователя.
32. Помощник несет следующие обязанности:
добросовестно, своевременно и в полном объеме выполнять поручения адвоката-куратора;
представлять адвокату-куратору отчет о проделанной работе в установленном порядке;
постоянно повышать свои профессиональные знания и навыки;
хранить адвокатскую тайну;
соблюдать требования законодательства об адвокатуре и Правила профессиональной этики адвоката;
соблюдать дисциплину труда адвокатского формирования.
Глава 4. Заключительное положение
33. Лица, виновные в нарушении требований настоящего Положения, несут ответственность в установленном законодательством порядке.
ПРИЛОЖЕНИЕ № 2 к приказу министра юстиции Республики Узбекистан от 3 июня 2024 года № 10-мх
ведомственных нормативно-правовых актов, признаваемых утратившими силу
1. Приказ министра юстиции Республики Узбекистан от 27 марта 2009 года № 79-мх «Об утверждении Положения о порядке организации деятельности стажера адвоката» (рег. № 1928 от 27 марта 2009 года) (Собрание законодательства Республики Узбекистан, 2009 г., № 13, ст. 152).
2. Приказ министра юстиции Республики Узбекистан от 6 января 2018 года № 8-мх «О внесении изменения в пункт 5 Положения о порядке организации деятельности стажера адвоката» (рег. № 1928-1 от 6 января 2018 года) (Собрание законодательства Республики Узбекистан, 08.01.2018 г., № 10/18/1928-1/0520-сон).
3. Приказ министра юстиции Республики Узбекистан от 12 декабря 2018 года № 549-мх «О внесении изменения в пункт 13 Положения о порядке организации деятельности стажера адвоката» (рег. № 1928-2 от 12 декабря 2018 года) (Собрание законодательства Республики Узбекистан, 13.12.2018 г., № 10/18/1928-2/2305-сон).
4. Приказ министра юстиции Республики Узбекистан от 27 марта 2009 года № 80-мх «Об утверждении Положения о порядке организации деятельности помощника адвоката» (рег. № 1929 от 27 марта 2009 года) (Собрание законодательства Республики Узбекистан, 2009 г., № 13, ст. 153).
5. Приказ министра юстиции Республики Узбекистан от 1 июля 2019 года № 279-мх «О внесении изменения в пункт 11 Положения о порядке организации деятельности помощника адвоката» (рег. № 1929-1 от 1 июля 2019 года) (Собрание законодательства Республики Узбекистан, 01.07.2019 г., № 10/19/1929-1/3350).
Министр А. ТАШКУЛОВ
Председатель Палаты адвокатов Ш. САДИКОВ
г. Ташкент,
3 июня 2024 г.,
27 мая 2024 г.
№ 10-мх