📅 2024-yil 4-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 июня 2024 г. · Постановления Президента
Официальный текст. Официальный документ. Редакционные примечания не включены.
📅 4 June 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Бадиий таржима соҳасида Муҳаммад Ризо Огаҳий номидаги халқаро мукофотни таъсис этиш тўғрисида
Ўзбек адабиётининг энг яхши асарларини хорижий тилларга, жаҳон адабиётининг энг сара намуналарини ўзбек тилига таржима қилишни ҳар томонлама қўллаб-қувватлаш, самарали ижод қилаётган моҳир таржимонларни муносиб рағбатлантириш, бадиий таржиманинг савиясини янада ошириш, шунингдек, 2023 йил 22 декабрь куни ўтказилган Республика Маънавият ва маърифат кенгашининг кенгайтирилган йиғилишида илгари сурилган ташаббусларни амалга ошириш мақсадида:
1. Ўзбекистон Ёзувчилар уюшмаси, Ахборот ва оммавий коммуникациялар агентлиги, Фанлар академияси, Республика Маънавият ва маърифат марказининг бадиий таржима соҳасида Муҳаммад Ризо Огаҳий номидаги халқаро мукофотни (кейинги ўринларда — Халқаро мукофот) таъсис этиш тўғрисидаги таклифи маъқуллансин.
2. Халқаро мукофот учун танловлар 2025 йилдан бошлаб, ҳар икки йилда бир марта қуйидаги йўналишларда ўтказилиши ва ғолиблар аниқланиши белгилаб қўйилсин:
ўзбек адабиётининг насрий асарларидан хорижий тилларга қилинган энг яхши таржима;
ўзбек адабиётининг шеърий асарларидан хорижий тилларга қилинган энг яхши таржима;
ўзбек болалар адабиёти намуналаридан хорижий тилларга қилинган энг яхши таржима;
хорижий тилларда яратилган насрий асарлардан ўзбек тилига қилинган энг яхши таржима;
хорижий тилларда яратилган шеърий асарлардан ўзбек тилига қилинган энг яхши таржима;
хорижий тилларда яратилган болалар адабиёти намуналаридан ўзбек тилига қилинган энг яхши таржима.
3. Белгилансинки:
Халқаро мукофот ғолибларининг ҳар бири махсус диплом, кўкрак нишони ва базавий ҳисоблаш миқдорининг 300 баравари миқдорида бир марталик пул мукофоти билан тақдирланади;
ғолибларга Халқаро мукофот тантанали равишда топширилади.
4. Бадиий таржима соҳасида Муҳаммад Ризо Огаҳий номидаги халқаро мукофот кенгаши таркиби иловага мувофиқ тасдиқлансин.
Халқаро мукофот кенгаши (А.Н. Арипов):
2024 йил 1 октябрга қадар Халқаро мукофотнинг махсус дипломи ва кўкрак нишони лойиҳаларини тасдиқласин, шунингдек, расмий веб-сайтини яратсин;
Халқаро мукофотни маҳаллий ва хорижий оммавий ахборот воситалари, Интернет ва ижтимоий тармоқларда кенг тарғиб этиш орқали ижодий ташкилотлар, таржимонлар, ёзувчи ва шоирлар ўртасида оммалаштиришни ташкил этсин;
малакали мутахассис ва ижодкорлардан иборат таркибда талабгорларнинг ишларини кўриб чиқиш бўйича ишчи гуруҳлар фаолиятини йўлга қўйсин, ушбу ишчи гуруҳларнинг хулосаларини ҳамда кенг жамоатчиликнинг фикр-мулоҳазаларини инобатга олган ҳолда ғолибларни аниқлаб, тақдирлаб борсин;
Халқаро мукофот ғолиблари билан мунтазам фаол ижодий ҳамкорликни йўлга қўйсин.
Белгилансинки, Ўзбекистон Ёзувчилар уюшмаси Халқаро мукофот кенгашининг ишчи органи ҳисобланади.
5. Вазирлар Маҳкамаси бир ой муддатда Бадиий таржима соҳасида Муҳаммад Ризо Огаҳий номидаги халқаро мукофот тўғрисидаги низомни тасдиқласин.
6. Ташқи ишлар вазирлиги Халқаро мукофотни хорижий мамлакатларда кенг оммалаштириш ва ғолиб деб топилган чет эллик иштирокчиларнинг мамлакатимизга таклиф этилишига кўмаклашсин.
7. Белгилансинки, Халқаро мукофот танловини ташкил этиш ва ўтказиш, шу жумладан мазкур қарорнинг 3-бандида белгиланган чора-тадбирларни амалга ошириш билан боғлиқ харажатлар Маънавият ва ижодни қўллаб-қувватлаш мақсадли жамғармасининг харажатлар сметаси бўйича Ўзбекистон Ёзувчилар уюшмасига ажратиладиган маблағлар, ташкилотчилар маблағлари ва қонунчилик ҳужжатлари билан тақиқланмаган бошқа манбалар ҳисобидан қопланади.
8. Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа оммавий ахборот воситаларига ушбу қарор ижроси доирасида амалга оширилаётган тадбирларни кенг ёритиш тавсия этилсин.
9. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 4 июндаги ПҚ-205-сон қарорига ИЛОВА
Бадиий таржима соҳасида Муҳаммад Ризо Огаҳий номидаги халқаро мукофот кенгаши
1. А.Н. Арипов — Ўзбекистон Республикаси Бош вазири, Кенгаш раиси 2. Х.М. Султонов — Ўзбекистон Республикаси Президентининг маслаҳатчиси 3. О.Қ. Абдурахманов — Ўзбекистон Республикаси Президенти Администрацияси Ижтимоий ривожланиш департаменти раҳбари 4. С.С. Саидов — Ўзбекистон Ёзувчилар уюшмаси раиси, Кенгаш раисининг ўринбосари 5. А.А. Ходжаев — Ахборот ва оммавий коммуникациялар агентлиги директори 6. Б.А. Абдухалимов — Ўзбекистон Фанлар академияси вице-президенти 7. А.З. Саъдуллаев — Ёшлар ишлари агентлиги директори 8. О.А. Хасанов — Республика Маънавият ва маърифат маркази раҳбари 9. И.У. Ғофуров — Ўзбекистон Қаҳрамони, адабиётшунос олим ва таржимон 10. Ш.С. Сирожиддинов — Алишер Навоий номидаги Тошкент давлат ўзбек тили ва адабиёти университети ректори, Ўзбекистон Фанлар академияси академиги 11. К.А. Каримов — Қорақалпоғистон ёзувчилар уюшмаси раиси, Ўзбекистон халқ ёзувчиси 12. А. Мелибоев — «Жаҳон адабиёти» журнали бош муҳаррири 13. Н.Ж. Холбўтаев — Вазирлар Маҳкамасининг Давлат тилини ривожлантириш департаменти раҳбари, Кенгаш котиби
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 4 июнь,
ПҚ-205-сон
Oʻzbekiston Respublikasi Prezidentining
Qarori
TARKIBI
Badiiy tarjima sohasida Muhammad Rizo Ogahiy nomidagi xalqaro mukofotni taʼsis etish toʻgʻrisida
Oʻzbek adabiyotining eng yaxshi asarlarini xorijiy tillarga, jahon adabiyotining eng sara namunalarini oʻzbek tiliga tarjima qilishni har tomonlama qoʻllab-quvvatlash, samarali ijod qilayotgan mohir tarjimonlarni munosib ragʻbatlantirish, badiiy tarjimaning saviyasini yanada oshirish, shuningdek, 2023-yil 22-dekabr kuni oʻtkazilgan Respublika Maʼnaviyat va maʼrifat kengashining kengaytirilgan yigʻilishida ilgari surilgan tashabbuslarni amalga oshirish maqsadida:
1. Oʻzbekiston Yozuvchilar uyushmasi, Axborot va ommaviy kommunikatsiyalar agentligi, Fanlar akademiyasi, Respublika Maʼnaviyat va maʼrifat markazining badiiy tarjima sohasida Muhammad Rizo Ogahiy nomidagi xalqaro mukofotni (keyingi oʻrinlarda — Xalqaro mukofot) taʼsis etish toʻgʻrisidagi taklifi maʼqullansin.
2. Xalqaro mukofot uchun tanlovlar 2025-yildan boshlab, har ikki yilda bir marta quyidagi yoʻnalishlarda oʻtkazilishi va gʻoliblar aniqlanishi belgilab qoʻyilsin:
oʻzbek adabiyotining nasriy asarlaridan xorijiy tillarga qilingan eng yaxshi tarjima;
oʻzbek adabiyotining sheʼriy asarlaridan xorijiy tillarga qilingan eng yaxshi tarjima;
oʻzbek bolalar adabiyoti namunalaridan xorijiy tillarga qilingan eng yaxshi tarjima;
xorijiy tillarda yaratilgan nasriy asarlardan oʻzbek tiliga qilingan eng yaxshi tarjima;
xorijiy tillarda yaratilgan sheʼriy asarlardan oʻzbek tiliga qilingan eng yaxshi tarjima;
xorijiy tillarda yaratilgan bolalar adabiyoti namunalaridan oʻzbek tiliga qilingan eng yaxshi tarjima.
3. Belgilansinki:
Xalqaro mukofot gʻoliblarining har biri maxsus diplom, koʻkrak nishoni va bazaviy hisoblash miqdorining 300 baravari miqdorida bir martalik pul mukofoti bilan taqdirlanadi;
gʻoliblarga Xalqaro mukofot tantanali ravishda topshiriladi.
4. Badiiy tarjima sohasida Muhammad Rizo Ogahiy nomidagi xalqaro mukofot kengashi tarkibi ilovaga muvofiq tasdiqlansin.
Xalqaro mukofot kengashi (A.N. Aripov):
2024-yil 1-oktabrga qadar Xalqaro mukofotning maxsus diplomi va koʻkrak nishoni loyihalarini tasdiqlasin, shuningdek, rasmiy veb-saytini yaratsin;
Xalqaro mukofotni mahalliy va xorijiy ommaviy axborot vositalari, Internet va ijtimoiy tarmoqlarda keng targʻib etish orqali ijodiy tashkilotlar, tarjimonlar, yozuvchi va shoirlar oʻrtasida ommalashtirishni tashkil etsin;
malakali mutaxassis va ijodkorlardan iborat tarkibda talabgorlarning ishlarini koʻrib chiqish boʻyicha ishchi guruhlar faoliyatini yoʻlga qoʻysin, ushbu ishchi guruhlarning xulosalarini hamda keng jamoatchilikning fikr-mulohazalarini inobatga olgan holda gʻoliblarni aniqlab, taqdirlab borsin;
Xalqaro mukofot gʻoliblari bilan muntazam faol ijodiy hamkorlikni yoʻlga qoʻysin.
Belgilansinki, Oʻzbekiston Yozuvchilar uyushmasi Xalqaro mukofot kengashining ishchi organi hisoblanadi.
5. Vazirlar Mahkamasi bir oy muddatda Badiiy tarjima sohasida Muhammad Rizo Ogahiy nomidagi xalqaro mukofot toʻgʻrisidagi nizomni tasdiqlasin.
6. Tashqi ishlar vazirligi Xalqaro mukofotni xorijiy mamlakatlarda keng ommalashtirish va gʻolib deb topilgan chet ellik ishtirokchilarning mamlakatimizga taklif etilishiga koʻmaklashsin.
7. Belgilansinki, Xalqaro mukofot tanlovini tashkil etish va oʻtkazish, shu jumladan mazkur qarorning 3-bandida belgilangan chora-tadbirlarni amalga oshirish bilan bogʻliq xarajatlar Maʼnaviyat va ijodni qoʻllab-quvvatlash maqsadli jamgʻarmasining xarajatlar smetasi boʻyicha Oʻzbekiston Yozuvchilar uyushmasiga ajratiladigan mablagʻlar, tashkilotchilar mablagʻlari va qonunchilik hujjatlari bilan taqiqlanmagan boshqa manbalar hisobidan qoplanadi.
8. Oʻzbekiston Milliy axborot agentligi, Oʻzbekiston Milliy teleradiokompaniyasi va boshqa ommaviy axborot vositalariga ushbu qaror ijrosi doirasida amalga oshirilayotgan tadbirlarni keng yoritish tavsiya etilsin.
9. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 4-iyundagi PQ-205-son qaroriga ILOVA
Badiiy tarjima sohasida Muhammad Rizo Ogahiy nomidagi xalqaro mukofot kengashi
1. A.N. Aripov — Oʻzbekiston Respublikasi Bosh vaziri, Kengash raisi 2. X.M. Sultonov — Oʻzbekiston Respublikasi Prezidentining maslahatchisi 3. O.Q. Abduraxmanov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari 4. S.S. Saidov — Oʻzbekiston Yozuvchilar uyushmasi raisi, Kengash raisining oʻrinbosari 5. A.A. Xodjayev — Axborot va ommaviy kommunikatsiyalar agentligi direktori 6. B.A. Abduxalimov — Oʻzbekiston Fanlar akademiyasi vitse-prezidenti 7. A.Z. Saʼdullayev — Yoshlar ishlari agentligi direktori 8. O.A. Xasanov — Respublika Maʼnaviyat va maʼrifat markazi rahbari 9. I.U. Gʻofurov — Oʻzbekiston Qahramoni, adabiyotshunos olim va tarjimon 10. Sh.S. Sirojiddinov — Alisher Navoiy nomidagi Toshkent davlat oʻzbek tili va adabiyoti universiteti rektori, Oʻzbekiston Fanlar akademiyasi akademigi 11. K.A. Karimov — Qoraqalpogʻiston yozuvchilar uyushmasi raisi, Oʻzbekiston xalq yozuvchisi 12. A. Meliboyev — “Jahon adabiyoti” jurnali bosh muharriri 13. N.J. Xolboʻtayev — Vazirlar Mahkamasining Davlat tilini rivojlantirish departamenti rahbari, Kengash kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 4-iyun,
PQ-205-son
Президента Республики Узбекистан
Постановление
СОСТАВ
Об учреждении международной премии имени Мухаммада Ризо Огахи в области художественного перевода
В целях всесторонней поддержки перевода лучших произведений узбекской литературы на иностранные языки и образцов мировой литературы на узбекский язык, достойного стимулирования талантливых переводчиков, плодотворно занимающихся творчеством, дальнейшего повышения уровня художественного перевода, а также реализации инициатив, выдвинутых на состоявшемся 22 декабря 2023 года расширенном заседании Республиканского совета по духовности и просветительству:
1. Одобрить предложение Союза писателей Узбекистана, Агентства информации и массовых коммуникаций, Академии наук, Республиканского центра духовности и просветительства об учреждении Международной премии имени Мухаммада Ризо Огахи в области художественного перевода (далее — Международная премия).
2. Определить, что конкурсы на Международную премию проводятся начиная с 2025 года каждые два года и победители выявляются в следующих направлениях:
лучший перевод прозаических произведений узбекской литературы на иностранные языки;
лучший перевод поэтических произведений узбекской литературы на иностранные языки;
лучший перевод образцов узбекской детской литературы на иностранные языки;
лучший перевод на узбекский язык прозаических произведений, созданных на иностранных языках;
лучший перевод на узбекский язык поэтических произведений, созданных на иностранных языках;
лучший перевод на узбекский язык образцов детской литературы, созданных на иностранных языках.
3. Установить, что:
каждый из победителей Международной премии награждается специальным дипломом, нагрудным знаком и единовременным денежным вознаграждением в 300-кратном размере базовой расчетной величины;
Международная премия вручается победителям конкурса в торжественной обстановке.
4. Утвердить состав Совета Международной премии имени Мухаммада Ризо Огахи в области художественного перевода согласно приложению .
Совету Международной премии (А.Н. Арипов):
до 1 октября 2024 года утвердить проекты специального диплома и нагрудного знака Международной премии, а также создать официальный веб-сайт;
организовать популяризацию Международной премии среди творческих организаций, переводчиков, писателей и поэтов путем ее широкой пропаганды в отечественных и зарубежных средствах массовой информации, сети Интернет и социальных сетях;
наладить деятельность рабочих групп по рассмотрению работ претендентов в составе квалифицированных специалистов и литераторов, определять и награждать победителей с учетом заключений данных рабочих групп, мнений и суждений широкой общественности;
организовать постоянное активное творческое сотрудничество с победителями Международной премии.
Установить, что Союз писателей Узбекистана является рабочим органом Совета Международной премии.
5. Кабинету Министров в месячный срок утвердить Положение о Международной премии имени Мухаммада Ризо Огахи в области художественного перевода.
6. Министерству иностранных дел оказать содействие широкой популяризации Международной премии в зарубежных государствах и приглашению в нашу страну иностранных участников, признанных победителями.
7. Установить, что расходы, связанные с организацией и проведением конкурса на Международную премию, в том числе реализацией мер, определенных пунктом 3 настоящего постановления, покрываются за счет средств, выделяемых Союзу писателей Узбекистана по смете расходов Целевого фонда по поддержке сферы духовности и творчества, а также средств организаторов и иных источников, не запрещенных актами законодательства.
8. Рекомендовать Национальному информационному агентству Узбекистана, Национальной телерадиокомпании Узбекистана и другим средствам массовой информации широко освещать мероприятия, осуществляемые в рамках исполнения настоящего постановления.
9. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 4 июня 2024 года № ПП-205
Совета Международной премии имени Мухаммада Ризо Огахи в области художественного перевода
1. А.Н. Арипов — Премьер-министр Республики Узбекистан, председатель Совета 2. Х.М. Султонов — советник Президента Республики Узбекистан 3. О.К. Абдурахмонов — руководитель Департамента социального развития Администрации Президента Республики Узбекистан 4. С.С. Саидов — председатель Союза писателей Узбекистана, заместитель председателя Совета 5. А.А. Ходжаев — директор Агентства информации и массовых коммуникаций 6. Б. Абдухалимов — вице-президент Академии наук Узбекистана 7. А.З. Саъдуллаев — Директор Агентства по делам молодежи 8. О.А. Хасанов — руководитель Республиканского центра духовности и просветительства 9. И. Гафуров — Герой Узбекистана, ученый-литературовед и переводчик 10. Ш.С. Сирожиддинов — ректор Ташкентского государственного университета узбекского языка и литературы имени Алишера Навои, академик Академии наук Узбекистана 11. К.А. Каримов — председатель Союза писателей Каракалпакстана, народный писатель Узбекистана 12. А. Мелибоев — главный редактор журнала « Жаҳон адабиёти » 13. Н.Ж. Холбутаев — руководитель Департамента развития государственного языка Кабинета Министров, секретарь Совета
Президент Республики Узбекистан Ш. МИРЗИЁЕВ
г. Ташкент,
4 июня 2024 г.,
№ ПП-205