📅 2024-yil 5-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 5 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 июня 2024 г. · Постановления Президента
Официальный текст. Официальный документ. Редакционные примечания не включены.
📅 5 June 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
«ЙЎЛ ХАРИТАСИ»
Ўзбекистон Республикасининг «Манфаатлар тўқнашуви тўғрисида»ги Қонуни ижросини самарали ташкил этиш чора-тадбирлари тўғрисида
Ўзбекистон Республикасининг «Манфаатлар тўқнашуви тўғрисида»ги Қонуни ижросини самарали ташкил этиш, ушбу Қонун билан белгиланган талабларни давлат органлари ва ташкилотларида жорий этишда ходимларнинг ҳуқуқ ва манфаатларига сўзсиз риоя этилишини таъминлаш, шунингдек, манфаатлар тўқнашувининг олдини олишга оид ҳуқуқий тартиботларнинг мазмун-моҳиятини давлат органлари ва ташкилотлари ходимлари ва кенг жамоатчиликка тушунтириш орқали мазкур Қонунни амалга киритишга ҳар томонлама ва пухта тайёргарлик кўриш мақсадида:
1. Давлат органлари ва ташкилотларида манфаатлар тўқнашувини аниқлаш, олдини олиш ва бу борада самарали назорат тизимини ўрнатишга қаратилган Ўзбекистон Республикасининг «Манфаатлар тўқнашуви тўғрисида»ги Қонуни (кейинги ўринларда — Қонун) қабул қилинганлиги маълумот учун қабул қилинсин.
Белгилансинки, Қонун билан ўрнатилган талаблар ва механизмларни давлат органлари ва ташкилотларида самарали жорий этиш, бу жараёнда ходимларнинг ҳуқуқ ва манфаатлари ҳимоясини таъминлаш ҳамда улар учун зарур тушунтириш ишларини олиб бориш давлат органлари ва ташкилотларининг биринчи раҳбарлари зиммасига юклатилади.
2. Ўзбекистон Республикасининг «Манфаатлар тўқнашуви тўғрисида»ги Қонуни ижросини ташкил этиш ишларини мувофиқлаштириш бўйича республика идоралараро комиссияси (кейинги ўринларда — Республика идоралараро комиссияси) 1-иловага мувофиқ таркибда тасдиқлансин.
Қуйидагилар Республика идоралараро комиссиясининг асосий вазифалари этиб белгилансин:
давлат органлари ва ташкилотларида манфаатлар тўқнашувини аниқлаш механизмларини самарали жорий этиш имкониятларини таҳлил қилиш;
давлат органлари ва ташкилотларида манфаатлар тўқнашувига сабаб бўлувчи ҳолатларни ўрганиш, уларни бартараф этиш бўйича қонунчиликка мувофиқ бўлган чораларнинг кўрилишида ягона амалиётни шакллантириш;
давлат органлари ва ташкилотларининг ахборот тизимлари, савдо платформалари ва бошқа дастурий таъминотлари Қонун билан белгиланган талабларга мувофиқ такомиллаштирилишини таъминлаш;
коррупцияга қарши курашиш бўйича фаолиятни амалга оширувчи давлат органларининг манфаатлар тўқнашуви ҳолатларини аниқлаш ва бартараф этиш бўйича фаолиятини мувофиқлаштириш ҳамда ҳамкорлигини ривожлантириш чораларини кўриш;
жамиятда манфаатлар тўқнашувининг олдини олиш ва уни бартараф этиш бўйича ҳуқуқий маданиятни юксалтиришга доир чора-тадбирлар ишлаб чиқилиши ҳамда амалга оширилишини ташкил этиш.
Белгилансинки, Коррупцияга қарши курашиш агентлиги ва Адлия вазирлиги Республика идоралараро комиссиясининг ишчи органлари ҳисобланади.
3. Республика идоралараро комиссияси (А. Арипов):
а) 2024 йил 1 июлга қадар Қонун татбиқ этиладиган давлат органлари ва ташкилотларининг аниқ рўйхати (кейинги ўринларда — рўйхат) шакллантирилишини таъминласин;
б) Қонун кучга киргунига қадар унда белгиланган талаблар ва механизмларнинг амалиётда ишлаши билан боғлиқ масалалар рўйхатдаги давлат органлари ва ташкилотларида тегишли ишчи гуруҳларни тузган ҳолда ўрганилишини ташкил этсин.
Бунда қуйидагиларга алоҳида эътибор қаратилсин:
давлат органлари ва ташкилотларида манфаатлар тўқнашувига олиб келиши мумкин бўлган ҳолатларни аниқлаш ҳамда уларни бартараф этиш чораларини кўриш;
давлат органлари ва ташкилотлари ходимлари томонидан уларнинг фаолиятида манфаатлар тўқнашувининг олдини олиш бўйича чекловларга риоя этилишини ўрганиш, жумладан ўриндошлик асосида ишлаш, тадбиркорлик фаолиятида иштирок этиш каби ҳолатларни аниқлаш;
давлат органлари ва ташкилотларида коррупцияга қарши бўлинмалар фаолияти йўлга қўйилганлигини ҳамда уларнинг малакали кадрлар билан тўлдирилганлигини ўрганиш;
давлат органлари ва ташкилотларида коррупцияга қарши курашиш ишлари самарадорлигини баҳолаш учун жорий этилган «E-anticor.uz» платформасидаги манфаатлар тўқнашуви билан боғлиқ маълумотларни таҳлил қилиш;
давлат органлари ва ташкилотларининг ахборот тизимлари, савдо платформалари ва бошқа дастурий таъминотлари Қонун талабларига мувофиқлигини ўрганиш, уларни такомиллаштириш чораларини кўриш;
в) Қонун кучга кирганидан кейин:
ҳар чоракда Республика идоралараро комиссиясининг ишчи органлари томонидан давлат органлари ва ташкилотлари кесимида манфаатлар тўқнашувига йўл қўйилган ҳолатлар таҳлил қилинишини, бундай ҳолатлар кўпайган давлат органлари ва ташкилотларига кечиктириб бўлмайдиган чораларни белгилаш учун тегишли тақдимномалар киритилишини;
ҳар ярим йилда манфаатлар тўқнашуви ҳолатларини аниқлаш ва уларни бартараф этиш, шунингдек, бундай ҳолатларнинг олдини олиш бўйича кўрилаётган чоралар Республика идоралараро комиссияси йиғилишларида тегишли давлат органлари ва ташкилотларининг биринчи раҳбарлари иштирокида танқидий муҳокама қилиб борилишини таъминласин.
4. Давлат органлари ва ташкилотларида манфаатлар тўқнашуви ҳолатларини аниқлаш учун шароит яратиш мақсадида Коррупцияга қарши курашиш агентлиги (А. Бурханов) Рақамли технологиялар вазирлиги (Ш. Шерматов) ва бошқа манфаатдор идоралар билан биргаликда 2024 йил якунига қадар:
«E-anticor.uz» электрон платформасида манфаатлар тўқнашуви билан боғлиқ ҳолатларни аниқлаш ва онлайн мониторинг қилиш имконини берувчи электрон модул ишга туширилишини;
Камбағалликни қисқартириш ва бандлик вазирлиги, Адлия вазирлиги, Иқтисодиёт ва молия вазирлиги, Солиқ қўмитаси, Давлат хизматини ривожлантириш агентлигининг тегишли ахборот тизимларини «Электрон ҳукумат» тизимининг Идоралараро интеграциялашув платформаси билан интеграция қилинишини таъминласин.
Бунда қуйидаги вазиятларда Коррупцияга қарши курашиш агентлигининг ташаббусига ёки давлат органлари ва ташкилотларининг онлайн сўровига асосан «E-anticor.uz» электрон платформаси орқали манфаатлар тўқнашуви ҳолатлари аниқланади:
мавжуд манфаатлар тўқнашуви тўғрисидаги хабарнома ҳамда эҳтимолий манфаатлар тўқнашуви тўғрисидаги декларацияларни ўрганишда;
давлат харидлари бўйича баённома ва шартномаларни, шунингдек, тижорат ташкилотларининг аффилланган шахслари ва бенефициарлари бўйича маълумотларни ўрганишда;
ходимнинг фаолиятида манфаатлар тўқнашувининг олдини олиш бўйича белгиланган чекловларга амал қилинишини текширишда;
манфаатлар тўқнашувини тартибга солиш бўйича таркибий бўлинмалар томонидан манфаатлар тўқнашувини аниқлаш учун электрон базалардан олинган маълумотларни ўрганишда;
оммавий ахборот воситалари, шу жумладан Интернет жаҳон ахборот тармоғи ва ижтимоий тармоқлардаги давлат органлари ва ташкилотларида манфаатлар тўқнашувига йўл қўйилаётганлиги ҳақидаги мурожаатларни текширишда.
«E-anticor.uz» электрон платформасида электрон модулни яратиш ва модернизация қилиш билан боғлиқ харажатлар Коррупцияга қарши курашиш агентлиги ҳузуридаги Жамоатчилик назоратини ривожлантириш жамғармаси ҳисобидан қопланиши белгилансин.
5. Манфаатлар тўқнашуви билан боғлиқ ҳолатларни аниқлашда жамоатчилик иштирокини таъминлаш мақсадида:
давлат органлари ва ташкилотлари ходимлари фаолиятида манфаатлар тўқнашуви ҳолатлари бўйича тегишли далилларни илова қилган ҳолда уларни аниқлашда фаол ёрдам берган шахсларга ундирилган жариманинг эллик фоизи миқдорида мукофот пули бериш;
Республика идоралараро комиссиясининг ишчи органлари томонидан ҳар чоракда давлат органлари ва ташкилотларида манфаатлар тўқнашувига йўл қўйилган ҳолатлар, уларни бартараф этиш, шунингдек, бундай ҳолатларнинг олдини олиш бўйича кўрилган чоралар ҳақида жамоатчиликни хабардор қилиб бориш амалиёти жорий этилсин.
6. Коррупцияга қарши курашиш агентлиги (А. Бурханов) Адлия вазирлиги (А. Ташкулов) билан биргаликда:
икки ой муддатда давлат органлари ва ташкилотлари учун манфаатлар тўқнашувини тартибга солиш бўйича услубий тавсияларни ишлаб чиқсин;
2024 йил 1 октябрга қадар халқаро экспертларни жалб этган ҳолда манфаатлар тўқнашувини ҳисобга олиш реестри, мавжуд манфаатлар тўқнашуви тўғрисидаги хабарнома ва эҳтимолий манфаатлар тўқнашуви тўғрисидаги декларациянинг намунавий шаклларини тасдиқласин.
7. Адлия вазирлиги (А. Ташкулов) Бош прокуратура (Н. Йўлдошев) ва Коррупцияга қарши курашиш агентлиги (А. Бурханов) билан биргаликда:
бир ой муддатда рўйхатдаги давлат органлари ва ташкилотларининг ходимлари ўртасида манфаатлар тўқнашуви бўйича билим ва кўникмаларни баҳолаш учун онлайн тест синовлари ўтказилишини;
уч ой муддатда рўйхатдаги давлат органлари ва ташкилотларида манфаатлар тўқнашуви ҳолатларини аниқлаш, уларни бартараф этиш ҳамда олдини олиш юзасидан ходимлар учун график асосида ўқув тренинг машғулотлари ташкил этилишини таъминласин.
8. Ўзбекистон Республикасининг «Манфаатлар тўқнашуви тўғрисида»ги Қонуни ижроси доирасида 2024 йилда амалга ошириладиган ишлар юзасидан «йўл харитаси» 2-иловага мувофиқ тасдиқлансин.
Белгилансинки, Республика идоралараро комиссиясининг ишчи органлари «йўл харитаси»да назарда тутилган чора-тадбирларнинг амалга оширилиши устидан тизимли мониторингни олиб боради ҳамда натижаси бўйича ҳар чоракда Республика идоралараро комиссиясига ахборот киритиб боради.
9. Олий Мажлис палаталарига рўйхатдаги давлат органлари ва ташкилотларида Қонун билан белгиланган талабларга риоя этилиши, шу жумладан уларнинг фаолиятида манфаатлар тўқнашувининг олдини олиш бўйича кўрилган чоралар устидан таъсирчан парламент назоратини олиб бориш тавсия этилсин.
10. Республика идоралараро комиссияси (А. Арипов) бир ой муддатда рўйхатдаги давлат органлари ва ташкилотлари томонидан Қонунни амалга ошириш бўйича идоравий дастурлар қабул қилинишини таъминласин.
11. Мазкур қарор ижросини самарали ташкил этиш ва мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Амалга оширилган чора-тадбирлар юзасидан 2024 йил 1 ноябрга қадар Ўзбекистон Республикаси Президентига ахборот берилсин.
Ўзбекистон Республикаси Президентининг 2024 йил 5 июндаги ПҚ-210-сон қарорига 1-ИЛОВА
Ўзбекистон Республикасининг «Манфаатлар тўқнашуви тўғрисида»ги Қонуни ижросини ташкил этиш ишларини мувофиқлаштириш бўйича республика идоралараро комиссияси
1. А. Арипов — Ўзбекистон Республикасининг Бош вазири, Республика идоралараро комиссияси раиси 2. А. Бурханов — Коррупцияга қарши курашиш агентлиги директори, Республика идоралараро комиссияси раиси ўринбосари 3. А. Ташкулов — адлия вазири, Республика идоралараро комиссияси раиси ўринбосари 4. Н. Йўлдошев — Бош прокурор 5. А. Бобоев — Ҳисоб палатаси раиси 6. Б. Мусаев — камбағалликни қисқартириш ва бандлик вазири 7. Ж. Мирзамаҳмудов — энергетика вазири 8. Б. Закиров — қурилиш ва уй-жой коммунал хўжалиги вазири 9. Б. Исламов — тоғ-кон саноати ва геология вазири 10. И. Махкамов — транспорт вазири 11. И. Абдурахмонов — қишлоқ хўжалиги вазири 12. Ш. Хамраев — сув хўжалиги вазири 13. Ш. Шерматов — рақамли технологиялар вазири 14. П. Бобожонов — ички ишлар вазири 15. Х. Умарова — мактабгача ва мактаб таълими вазири 16. К. Шарипов — олий таълим, фан ва инновациялар вазири 17. А. Худаяров — соғлиқни сақлаш вазири в.б. 18. И. Норқулов — иқтисодиёт ва молия вазирининг биринчи ўринбосари 19. Н. Сайдуллаев — Марказий банк раисининг биринчи ўринбосари 20. А. Ортиқов — Давлат активларини бошқариш агентлиги директори 21. Ж. Турсунов — Автомобиль йўллари қўмитаси раиси 22. А. Джурабаев — Ўзбекистон Миллий телерадиокомпанияси раиси 23. А. Қаюмов — Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари 24. У.Ш. Хусаинов — Бошқарув самарадорлиги агентлиги директори в.б. 25. Б. Сидиқов — «Ўзбекнефтгаз» АЖ бошқаруви раиси 26. Қ. Санақулов — «Навоий КМК» АЖ бошқаруви раиси 27. Б. Эшмуратов — «Ҳудудгазтаъминот» АЖ бошқаруви раиси 28. З. Нарзуллаев — «Ўзбекистон темир йўллари» АЖ бошқаруви раиси 29. Ш. Худайкулов — «Uzbekistan airways» АЖ бошқаруви раиси 30. У. Розукулов — «Ўзавтосаноат» АЖ бошқаруви раиси 31. А. Акбаржонов — «Ўзсаноатқурилишбанк» АТБ бошқаруви раиси 32. К. Туляганов — «Асакабанк» АТБ бошқаруви раиси
Ўзбекистон Республикаси Президентининг 2024 йил 5 июндаги ПҚ-210-сон қарорига 2-ИЛОВА
Ўзбекистон Республикасининг «Манфаатлар тўқнашуви тўғрисида»ги Қонуни ижроси доирасида 2024 йилда амалга ошириладиган ишлар юзасидан
Т/р Чора-тадбир номи Амалга ошириш механизми Муддати Масъул I. Қонунчилик ҳужжатларини «Манфаатлар тўқнашуви тўғрисида»ги Қонун талабларига мувофиқлаштириш чоралари 1. Давлат фуқаролик хизматини ташкил этиш тизимини йўлга қўйиш, шу жумладан, давлат фуқаролик хизмати татбиқ этиладиган давлат органлари ва ташкилотлари рўйхати ҳамда Давлат фуқаролик хизмати лавозимларининг давлат реестрини белгилаш. Ўзбекистон Республикаси Президенти қарори лойиҳаси 2024 йил июнь Давлат хизматини ривожлантириш агентлиги (А. Мусаев), Адлия вазирлиги (А.Ташкулов), давлат органлари ва ташкилотлари 2. Қонунчилик ҳужжатларини «Манфаатлар тўқнашуви тўғрисида»ги Қонун талабларига «пакет» принципи асосида комплекс мувофиқлаштириш ҳамда уларга тегишли ўзгартириш ва қўшимчалар киритилишини таъминлаш. Норматив-ҳуқуқий ҳужжат лойиҳалари 2024 йил июль Адлия вазирлиги (А.Ташкулов), Коррупцияга қарши курашиш агентлиги (А.Бурханов) 3. Тадбиркорлик фаолияти билан шуғулланиб келаётган шахс давлат фуқаролик хизматига қабул қилингандан сўнг тадбиркорлик фаолиятини тўхтатиб туриш тартибини белгилаш. Норматив-ҳуқуқий ҳужжат лойиҳаси 2024 йил август Адлия вазирлиги (А.Ташкулов), Давлат хизматини ривожлантириш агентлиги (А. Мусаев) II. Манфаатлар тўқнашуви ҳолатларини аниқлаш ва уларни бартараф этиш чоралари 4. «Манфаатлар тўқнашуви тўғрисида»ги Қонун татбиқ этиладиган давлат органлари ва ташкилотларининг аниқ рўйхатини шакллантириш. Ахборот-таҳлилий маълумотнома 2024 йил июнь Давлат активларини бошқариш агентлиги (А. Ортиқов) , Иқтисодиёт ва молия вазирлиги (И. Норқулов), Адлия вазирлиги (А. Ташкулов), Марказий банк (Н. Сайдуллаев) 5. Давлат органлари ва ташкилотларида яқин қариндошлар бевосита бўйсунувда ёки назорат йўналишидаги ташкилотларда ишлаётган ҳолатларни аниқлаш ҳамда натижаларини Республика идоралараро комиссиясига тақдим қилиш. Ахборот-таҳлилий маълумотнома 2024 йил июль Давлат органлари ва ташкилотлари Аниқланган ҳолатларнинг қонунчилик ҳужжатларига мувофиқлигини ўрганиш ҳамда манфаатлар тўқнашувини бартараф этиш чораларини кўриш. Амалий чора-тадбирлар 2024 йил октябрь Республика идоралараро комиссияси томонидан тузиладиган ишчи гуруҳ 6. Давлат органлари ва ташкилотларида ҳамда уларнинг бўйсунувида бўлган ташкилотларда ходимлар ўриндошлик асосида ишлаётган ҳолатларни аниқлаш ҳамда натижаларини Республика идоралараро комиссиясига тақдим қилиш. Ахборот-таҳлилий маълумотнома 2024 йил июль Давлат органлари ва ташкилотлари Аниқланган ҳолатларнинг қонунчилик ҳужжатларига мувофиқлигини ўрганиш ҳамда манфаатлар тўқнашувини бартараф этиш чораларини кўриш. Амалий чора-тадбирлар 2024 йил октябрь Республика идоралараро комиссияси томонидан тузиладиган ишчи гуруҳ 7. Давлат органлари ва ташкилотлари ходимларининг тадбиркорлик фаолиятида иштирок этиш ҳолатларини аниқлаш. Аниқланган ҳолатларнинг қонунчилик ҳужжатларига мувофиқлигини ўрганиш ҳамда манфаатлар тўқнашувини бартараф этиш чораларини кўриш. Амалий чора-тадбирлар 2024 йил октябрь Республика идоралараро комиссияси томонидан тузиладиган ишчи гуруҳ 8. 2023 йил давомида яқин қариндоши мансабдор шахс сифатида ишлаётган объектни текширишда давлат органлари ва ташкилотлари ходимларининг иштирок этиш ҳолатларини аниқлаш ҳамда манфаатлар тўқнашуви ҳолатларини таҳлил қилиш. Амалий чора-тадбирлар 2024 йил октябрь Республика идоралараро комиссияси томонидан тузиладиган ишчи гуруҳ 9. Давлат органлари ва ташкилотларидан ишдан бўшаган ходимнинг икки йил ичида ўз иш жойида бевосита назоратида бўлган ташкилотларга ишга кириш ҳолатларини аниқлаш ҳамда натижаларини Республика идоралараро комиссиясига тақдим қилиш. Ахборот-таҳлилий маълумотнома 2024 йил июль Давлат органлари ва ташкилотлари Аниқланган ҳолатларнинг қонунчилик ҳужжатларига мувофиқлигини ўрганиш ҳамда манфаатлар тўқнашувини тартибга солиш чораларини кўриш. Амалий чора-тадбирлар 2024 йил октябрь Республика идоралараро комиссияси томонидан тузиладиган ишчи гуруҳ 10. 2023 йил давомида давлат органлари ва ташкилотлари томонидан давлат харидларини амалга ошириш ва давлат мулкини хусусийлаштириш жараёнида манфаатлар тўқнашувига йўл қўйилган ҳолатларни аниқлаш ҳамда натижаларини Республика идоралараро комиссиясига тақдим қилиш. Ахборот-таҳлилий маълумотнома 2024 йил июль Ҳисоб палатаси (А. Бобоев), Бош прокуратура (Н. Йўлдошев) Аниқланган ҳолатларнинг қонунчилик ҳужжатларига мувофиқлигини ўрганиш ҳамда манфаатлар тўқнашувини бартараф этиш чораларини кўриш. Амалий чора-тадбирлар 2024 йил октябрь Республика идоралараро комиссияси томонидан тузиладиган ишчи гуруҳ 11. Ходим ўзи меҳнат (хизмат) фаолиятини амалга ошираётган давлат органи ёки бошқа ташкилотнинг назоратида бўлган тадбиркорлик фаолияти субъектининг акцияларига ёки устав фондидаги (устав капиталидаги) улушларига эгалик қилган, шунингдек, ушбу тадбиркорлик фаолияти субъектларининг бошқарув органи аъзоси бўлган ҳолатларни аниқлаш ҳамда натижаларини Республика идоралараро комиссиясига тақдим қилиш. Ахборот-таҳлилий маълумотнома 2024 йил июль Давлат органлари ва ташкилотлари Аниқланган ҳолатларнинг қонунчилик ҳужжатларига мувофиқлигини ўрганиш ҳамда манфаатлар тўқнашувини бартараф этиш чораларини кўриш. Амалий чора-тадбирлар 2024 йил октябрь Республика идоралараро комиссияси томонидан тузиладиган ишчи гуруҳ 12. Давлат органлари ва ташкилотларида коррупцияга қарши курашиш ишлари самарадорлигини баҳолаш учун жорий этилган «E-anticor.uz» платформаси орқали 2023 йилдаги манфаатлар тўқнашуви билан боғлиқ маълумотларни таҳлил қилиш. Ахборот-таҳлилий маълумотнома 2024 йил июль Коррупцияга қарши курашиш агентлиги (А. Бурханов) , Адлия вазирлиги (А. Ташкулов), давлат органлари ва ташкилотлари 13. Давлат органлари ва ташкилотлари ходимлари томонидан 2024 йилда манфаатлар тўқнашуви бўйича тўлдирилган йиллик декларацияларни таҳлил қилиш. Ахборот-таҳлилий маълумотнома 2024 йил июль Давлат органлари ва ташкилотлари, Коррупцияга қарши курашиш агентлиги (А. Бурханов) , Адлия вазирлиги (А. Ташкулов), Бош прокуратура (Н. Йўлдошев) Аниқланган ҳолатларнинг қонунчилик ҳужжатларига мувофиқлигини ўрганиш ҳамда манфаатлар тўқнашувини бартараф этиш чораларини кўриш. Амалий чора-тадбирлар 2024 йил октябрь 14. Давлат органлари ва ташкилотлари ходимлари фаолиятида манфаатлар тўқнашувининг олдини олиш бўйича қонунчилик ҳужжатларида белгиланган чекловларга риоя этилаётганлигини ўрганиш, бундай чекловларнинг самарадорлигини таҳлил қилиш. Ахборот-таҳлилий маълумотнома 2024 йил октябрь Адлия вазирлиги (А. Ташкулов), Коррупцияга қарши курашиш агентлиги (А. Бурханов) , Бош прокуратура (Н. Йўлдошев), Ҳисоб палатаси (А. Бобоев), Иқтисодиёт ва молия вазирлиги (И. Норқулов) 15. Манфаатлар тўқнашуви тўғрисида хабар бериш ва уларни тартибга солиш тизими жорий этилмаган ташкилотлардаги ҳолатларни таҳлил қилиш. Ахборот-таҳлилий маълумотнома 2024 йил август Адлия вазирлиги (А. Ташкулов), Коррупцияга қарши курашиш агентлиги (А. Бурханов) , Ҳисоб палатаси (А. Бобоев), Бош прокуратура (Н. Йўлдошев), давлат органлари ва ташкилотлари 16. Давлат органлари ва ташкилотларида коррупцияга қарши ички назорат бўлинмалари, одоб-ахлоқ комиссиялари ташкил этилганлигини ва фаолияти йўлга қўйилганлигини таҳлил қилиш ҳамда мавжуд имкониятлар доирасида алоҳида тузилмаларни ташкил этиш чораларини кўриш. Амалий чора-тадбирлар 2024 йил октябрь Давлат органлари ва ташкилотлари, Коррупцияга қарши курашиш агентлиги (А. Бурханов) , Адлия вазирлиги (А. Ташкулов), Ҳисоб палатаси (А. Бобоев), Иқтисодиёт ва молия вазирлиги (И. Норқулов) 17. 2023 йил давомида давлат органлари ва ташкилотларига жисмоний ва юридик шахслардан манфаатлар тўқнашуви бўйича келиб тушган мурожаатларни таҳлил қилиш. Ахборот-таҳлилий маълумотнома 2024 йил сентябрь Давлат органлари ва ташкилотлари, Адлия вазирлиги (А. Ташкулов), Коррупцияга қарши курашиш агентлиги (А. Бурханов) , Бош прокуратура (Н. Йўлдошев), Ҳисоб палатаси (А. Бобоев), Давлат хизматини ривожлантириш агентлиги (А. Мусаев) 18. Давлат органлари ва ташкилотларининг ахборот тизимлари, савдо платформалари ва бошқа дастурий таъминотлари «Манфаатлар тўқнашуви тўғрисида»ги Қонун билан белгиланаётган талабларга мувофиқлигини ўрганиш ҳамда мавжуд молиявий имкониятлари доирасида уларни такомиллаштириш бўйича ташкилий чораларни кўриш. Амалий чора-тадбирлар 2024 йил октябрь Рақамли технологиялар вазирлиги (Ш. Шерматов) , Коррупцияга қарши курашиш агентлиги (А. Бурханов) , Адлия вазирлиги (А. Ташкулов), Иқтисодиёт ва молия вазирлиги (И. Норқулов) 19. Давлат органлари ва ташкилотларида манфаатлар тўқнашуви тўғрисида хабар беришнинг электрон тизими йўлга қўйилганлигини ўрганиш ҳамда бундай тизимни жорий этиш имкониятларини таҳлил қилиш. Ахборот-таҳлилий маълумотнома 2024 йил сентябрь Рақамли технологиялар вазирлиги (Ш. Шерматов) , Коррупцияга қарши курашиш агентлиги (А. Бурханов) , Адлия вазирлиги (А. Ташкулов), Иқтисодиёт ва молия вазирлиги (И. Норқулов), давлат органлари ва ташкилотлари 20. Манфаатлар тўқнашуви ҳолатларини аниқлаш учун давлат органлари ва ташкилотлари ахборот тизимларининг ўзаро интеграцияси ҳолатларини ўрганиш. Бунда манфаатлар тўқнашуви ҳолатларини аниқлаш учун зарур маълумотларни сўров асосида олиш имкониятини яратиш чораларини кўриш. Ахборот-таҳлилий маълумотнома 2024 йил сентябрь Рақамли технологиялар вазирлиги (Ш. Шерматов) , Коррупцияга қарши курашиш агентлиги (А. Бурханов) , Адлия вазирлиги (А. Ташкулов), Иқтисодиёт ва молия вазирлиги (И. Норқулов), давлат органлари ва ташкилотлари 21. Давлат органлари ва ташкилотларида манфаатлар тўқнашуви ҳолатларини аниқлаш учун шароит яратиш мақсадида: «E-anticor.uz» электрон платформасида манфаатлар тўқнашуви билан боғлиқ ҳолатларни аниқлаш ва онлайн мониторинг қилиш имконини берувчи электрон модул ишга туширилишини; Камбағалликни қисқартириш ва бандлик вазирлиги, Адлия вазирлиги, Иқтисодиёт ва молия вазирлиги, Солиқ қўмитаси, Давлат хизматини ривожлантириш агентлигининг тегишли ахборот тизимларини «Электрон ҳукумат» тизимининг идоралараро интеграциялашув платформаси билан интеграция қилинишини таъминлаш. Амалий чора-тадбирлар 2024 йил декабрь Коррупцияга қарши курашиш агентлиги (А.Бурханов), Рақамли технологиялар вазирлиги (Ш.Шерматов), Адлия вазирлиги (А.Ташкулов), Камбағалликни қисқартириш ва бандлик вазирлиги (Б. Мусаев) , Иқтисодиёт ва молия вазирлиги (И. Норқулов), Солиқ қўмитаси (Ш.Кудбиев), Давлат хизматини ривожлантириш агентлиги (А. Мусаев) 22. «E-anticor.uz» электрон платформасида қуйидаги имкониятларни яратиш: халқаро ва бошқа расмий тадбирларда давлат фуқаролик хизматчилари қабул қилган совғалар электрон реестрини юритиш; манфаатлар тўқнашуви ҳолатлари бўйича статистик маълумотларни шакллантириш. Амалий чора-тадбирлар 2024 йил декабрь Коррупцияга қарши курашиш агентлиги (А.Бурханов), Рақамли технологиялар вазирлиги (Ш.Шерматов) , Адлия вазирлиги (А.Ташкулов) 23. Халқаро экспертларни жалб этган ҳолда манфаатлар тўқнашувини ҳисобга олиш реестри, мавжуд манфаатлар тўқнашуви тўғрисидаги хабарнома ва эҳтимолий манфаатлар тўқнашуви тўғрисидаги декларациянинг намунавий шаклларини тасдиқлаш ҳамда давлат органлари ва ташкилотларига юбориш. Амалий чора-тадбирлар 2024 йил октябрь Коррупцияга қарши курашиш агентлиги (А.Бурханов), Адлия вазирлиги (А.Ташкулов) 24. Мавжуд манфаатлар тўқнашуви тўғрисидаги хабарнома ва эҳтимолий манфаатлар тўқнашуви тўғрисидаги декларациянинг тасдиқланган намунавий шаклларини давлат органлари ва ташкилотлари расмий веб-сайтларига жойлаштириш. Амалий чора-тадбирлар 2024 йил сентябрь Давлат органлари ва ташкилотлари III. Манфаатлар тўқнашуви бўйича ходимларнинг билим ва кўникмаларини аниқлаш ҳамда тушунтириш ишларини амалга ошириш чоралари 25. Давлат органлари ва ташкилотлари ходимларининг манфаатлар тўқнашуви билан боғлиқ қонунчилик ҳужжатлари бўйича билим ва кўникмаларини онлайн тест синовлари орқали баҳолаш ҳамда уларнинг малакасини ошириш бўйича ташкилий чораларни белгилаш. Амалий чора-тадбирлар 2024 йил июль Адлия вазирлиги (А. Ташкулов), Коррупцияга қарши курашиш агентлиги (А. Бурханов) , Бош прокуратура (Н. Йўлдошев) 26. Миллий ва хорижий экспертларни жалб этган ҳолда, давлат органлари ва ташкилотларининг коррупцияга қарши курашиш, кадрлар билан ишлаш бўлинмалари ходимларининг ва Одоб-ахлоқ комиссияси аъзоларининг манфаатлар тўқнашувини аниқлаш, уларни бошқариш ва бартараф этиш бўйича билим ва кўникмаларини ошириб бориш. Режа-график асосида 2024 йил октябрь Адлия вазирлиги (А. Ташкулов), Коррупцияга қарши курашиш агентлиги (А. Бурханов) , Бош прокуратура (Н. Йўлдошев) 27. Давлат харидларида ва бошқа бюджет молиявий харажатларни амалга оширишда манфаатлар тўқнашуви ҳолатларининг олдини олиш ва тартибга солиш юзасидан давлат органлари ва ташкилотлари ходимлари учун онлайн ўқув тренинг ўтказиш. Режа-график асосида 2024 йил июль Иқтисодиёт ва молия вазирлиги (И. Норқулов), Ҳисоб палатаси (А. Бобоев), Коррупцияга қарши курашиш агентлиги (А. Бурханов) , Адлия вазирлиги (А. Ташкулов) 28. Давлат хизматида юзага келадиган манфаатлар тўқнашуви ҳолатлари, уларни бартараф этиш чоралари бўйича миллий қонунчилик ва халқаро стандартларга асосланган услубий қўлланма ишлаб чиқиш ҳамда давлат органлари ва ташкилотларига электрон тарқатиш. Амалий чора-тадбирлар 2024 йил август Коррупцияга қарши курашиш агентлиги (А. Бурханов) , Адлия вазирлиги (А. Ташкулов) 29. Давлат органлари ва ташкилотлари ходимлари иш столида эслатма сифатида фойдаланиши учун манфаатлар тўқнашуви билан боғлиқ ҳолатлар ва бундай вазиятларда кўриладиган чоралар бўйича иллюстратив тарқатма материалларни ишлаб чиқиш ҳамда тарқатиш. Амалий чора-тадбирлар 2024 йил август Давлат органлари ва ташкилотлари Коррупцияга қарши курашиш агентлиги (А. Бурханов) , Адлия вазирлиги (А. Ташкулов) IV. Манфаатлар тўқнашуви ҳолатларини аниқлаш ва бартараф этишда жамоатчилик иштирокини таъминлаш чоралари 30. Теле - ва радиодастурлар орқали «Манфаатлар тўқнашуви тўғрисида»ги Қонуннинг мазмун-моҳияти ва аҳамиятини кенг жамоатчиликка етказиш ҳамда уларни бундай ҳолатлар ҳақида хабардор бўлган тақдирда тегишли идораларга хабар беришга чақириш. Амалий чора-тадбирлар 2024 йил октябрь Адлия вазирлиги (А. Ташкулов), Коррупцияга қарши курашиш агентлиги (А. Бурханов) 31. Миллий ва хорижий экспертларни жалб этган ҳолда, нодавлат нотижорат ташкилотлар, фуқароларнинг ўзини ўзи бошқариш органлари ҳамда ОАВ вакиллари учун манфаатлар тўқнашувини аниқлаш ва бартараф этиш юзасидан махсус ўқув тренинглар ўтказиш. Режа-график асосида 2024 йил октябрь Адлия вазирлиги (А. Ташкулов), Коррупцияга қарши курашиш агентлиги (А. Бурханов) , Бош прокуратура (Н. Йўлдошев) 32. Давлат органлари ва ташкилотларининг ёки тегишли ҳуқуқни муҳофаза қилувчи органларнинг манфаатлар тўқнашуви ва коррупция ҳолатлари бўйича хабар бериш мумкин бўлган алоқа каналларини ОАВ ва ижтимоий тармоқлар орқали кенг тарғиб қилиш. Амалий чора-тадбирлар 2024 йил октябрь Давлат органлари ва ташкилотлари, Коррупцияга қарши курашиш агентлиги (А. Бурханов) , Адлия вазирлиги (А. Ташкулов)
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 5 июнь,
ПҚ-210-сон
Oʻzbekiston Respublikasi Prezidentining
Qarori
TARKIBI
“YOʻL XARITASI”
Oʻzbekiston Respublikasining “Manfaatlar toʻqnashuvi toʻgʻrisida”gi Qonuni ijrosini samarali tashkil etish chora-tadbirlari toʻgʻrisida
Oʻzbekiston Respublikasining “Manfaatlar toʻqnashuvi toʻgʻrisida”gi Qonuni ijrosini samarali tashkil etish, ushbu Qonun bilan belgilangan talablarni davlat organlari va tashkilotlarida joriy etishda xodimlarning huquq va manfaatlariga soʻzsiz rioya etilishini taʼminlash, shuningdek, manfaatlar toʻqnashuvining oldini olishga oid huquqiy tartibotlarning mazmun-mohiyatini davlat organlari va tashkilotlari xodimlari va keng jamoatchilikka tushuntirish orqali mazkur Qonunni amalga kiritishga har tomonlama va puxta tayyorgarlik koʻrish maqsadida:
1. Davlat organlari va tashkilotlarida manfaatlar toʻqnashuvini aniqlash, oldini olish va bu borada samarali nazorat tizimini oʻrnatishga qaratilgan Oʻzbekiston Respublikasining “Manfaatlar toʻqnashuvi toʻgʻrisida”gi Qonuni (keyingi oʻrinlarda — Qonun) qabul qilinganligi maʼlumot uchun qabul qilinsin.
Belgilansinki, Qonun bilan oʻrnatilgan talablar va mexanizmlarni davlat organlari va tashkilotlarida samarali joriy etish, bu jarayonda xodimlarning huquq va manfaatlari himoyasini taʼminlash hamda ular uchun zarur tushuntirish ishlarini olib borish davlat organlari va tashkilotlarining birinchi rahbarlari zimmasiga yuklatiladi.
2. Oʻzbekiston Respublikasining “Manfaatlar toʻqnashuvi toʻgʻrisida”gi Qonuni ijrosini tashkil etish ishlarini muvofiqlashtirish boʻyicha respublika idoralararo komissiyasi (keyingi oʻrinlarda — Respublika idoralararo komissiyasi) 1-ilovaga muvofiq tarkibda tasdiqlansin.
Quyidagilar Respublika idoralararo komissiyasining asosiy vazifalari etib belgilansin:
davlat organlari va tashkilotlarida manfaatlar toʻqnashuvini aniqlash mexanizmlarini samarali joriy etish imkoniyatlarini tahlil qilish;
davlat organlari va tashkilotlarida manfaatlar toʻqnashuviga sabab boʻluvchi holatlarni oʻrganish, ularni bartaraf etish boʻyicha qonunchilikka muvofiq boʻlgan choralarning koʻrilishida yagona amaliyotni shakllantirish;
davlat organlari va tashkilotlarining axborot tizimlari, savdo platformalari va boshqa dasturiy taʼminotlari Qonun bilan belgilangan talablarga muvofiq takomillashtirilishini taʼminlash;
korrupsiyaga qarshi kurashish boʻyicha faoliyatni amalga oshiruvchi davlat organlarining manfaatlar toʻqnashuvi holatlarini aniqlash va bartaraf etish boʻyicha faoliyatini muvofiqlashtirish hamda hamkorligini rivojlantirish choralarini koʻrish;
jamiyatda manfaatlar toʻqnashuvining oldini olish va uni bartaraf etish boʻyicha huquqiy madaniyatni yuksaltirishga doir chora-tadbirlar ishlab chiqilishi hamda amalga oshirilishini tashkil etish.
Belgilansinki, Korrupsiyaga qarshi kurashish agentligi va Adliya vazirligi Respublika idoralararo komissiyasining ishchi organlari hisoblanadi.
3. Respublika idoralararo komissiyasi (A. Aripov):
a) 2024-yil 1-iyulga qadar Qonun tatbiq etiladigan davlat organlari va tashkilotlarining aniq roʻyxati (keyingi oʻrinlarda — roʻyxat) shakllantirilishini taʼminlasin;
b) Qonun kuchga kirguniga qadar unda belgilangan talablar va mexanizmlarning amaliyotda ishlashi bilan bogʻliq masalalar roʻyxatdagi davlat organlari va tashkilotlarida tegishli ishchi guruhlarni tuzgan holda oʻrganilishini tashkil etsin.
Bunda quyidagilarga alohida eʼtibor qaratilsin:
davlat organlari va tashkilotlarida manfaatlar toʻqnashuviga olib kelishi mumkin boʻlgan holatlarni aniqlash hamda ularni bartaraf etish choralarini koʻrish;
davlat organlari va tashkilotlari xodimlari tomonidan ularning faoliyatida manfaatlar toʻqnashuvining oldini olish boʻyicha cheklovlarga rioya etilishini oʻrganish, jumladan oʻrindoshlik asosida ishlash, tadbirkorlik faoliyatida ishtirok etish kabi holatlarni aniqlash;
davlat organlari va tashkilotlarida korrupsiyaga qarshi boʻlinmalar faoliyati yoʻlga qoʻyilganligini hamda ularning malakali kadrlar bilan toʻldirilganligini oʻrganish;
davlat organlari va tashkilotlarida korrupsiyaga qarshi kurashish ishlari samaradorligini baholash uchun joriy etilgan “E-anticor.uz” platformasidagi manfaatlar toʻqnashuvi bilan bogʻliq maʼlumotlarni tahlil qilish;
davlat organlari va tashkilotlarining axborot tizimlari, savdo platformalari va boshqa dasturiy taʼminotlari Qonun talablariga muvofiqligini oʻrganish, ularni takomillashtirish choralarini koʻrish;
v) Qonun kuchga kirganidan keyin:
har chorakda Respublika idoralararo komissiyasining ishchi organlari tomonidan davlat organlari va tashkilotlari kesimida manfaatlar toʻqnashuviga yoʻl qoʻyilgan holatlar tahlil qilinishini, bunday holatlar koʻpaygan davlat organlari va tashkilotlariga kechiktirib boʻlmaydigan choralarni belgilash uchun tegishli taqdimnomalar kiritilishini;
har yarim yilda manfaatlar toʻqnashuvi holatlarini aniqlash va ularni bartaraf etish, shuningdek, bunday holatlarning oldini olish boʻyicha koʻrilayotgan choralar Respublika idoralararo komissiyasi yigʻilishlarida tegishli davlat organlari va tashkilotlarining birinchi rahbarlari ishtirokida tanqidiy muhokama qilib borilishini taʼminlasin.
4. Davlat organlari va tashkilotlarida manfaatlar toʻqnashuvi holatlarini aniqlash uchun sharoit yaratish maqsadida Korrupsiyaga qarshi kurashish agentligi (A. Burxanov) Raqamli texnologiyalar vazirligi (Sh. Shermatov) va boshqa manfaatdor idoralar bilan birgalikda 2024-yil yakuniga qadar:
“E-anticor.uz” elektron platformasida manfaatlar toʻqnashuvi bilan bogʻliq holatlarni aniqlash va onlayn monitoring qilish imkonini beruvchi elektron modul ishga tushirilishini;
Kambagʻallikni qisqartirish va bandlik vazirligi, Adliya vazirligi, Iqtisodiyot va moliya vazirligi, Soliq qoʻmitasi, Davlat xizmatini rivojlantirish agentligining tegishli axborot tizimlarini “Elektron hukumat” tizimining Idoralararo integratsiyalashuv platformasi bilan integratsiya qilinishini taʼminlasin.
Bunda quyidagi vaziyatlarda Korrupsiyaga qarshi kurashish agentligining tashabbusiga yoki davlat organlari va tashkilotlarining onlayn soʻroviga asosan “E-anticor.uz” elektron platformasi orqali manfaatlar toʻqnashuvi holatlari aniqlanadi:
mavjud manfaatlar toʻqnashuvi toʻgʻrisidagi xabarnoma hamda ehtimoliy manfaatlar toʻqnashuvi toʻgʻrisidagi deklaratsiyalarni oʻrganishda;
davlat xaridlari boʻyicha bayonnoma va shartnomalarni, shuningdek, tijorat tashkilotlarining affillangan shaxslari va benefitsiarlari boʻyicha maʼlumotlarni oʻrganishda;
xodimning faoliyatida manfaatlar toʻqnashuvining oldini olish boʻyicha belgilangan cheklovlarga amal qilinishini tekshirishda;
manfaatlar toʻqnashuvini tartibga solish boʻyicha tarkibiy boʻlinmalar tomonidan manfaatlar toʻqnashuvini aniqlash uchun elektron bazalardan olingan maʼlumotlarni oʻrganishda;
ommaviy axborot vositalari, shu jumladan Internet jahon axborot tarmogʻi va ijtimoiy tarmoqlardagi davlat organlari va tashkilotlarida manfaatlar toʻqnashuviga yoʻl qoʻyilayotganligi haqidagi murojaatlarni tekshirishda.
“E-anticor.uz” elektron platformasida elektron modulni yaratish va modernizatsiya qilish bilan bogʻliq xarajatlar Korrupsiyaga qarshi kurashish agentligi huzuridagi Jamoatchilik nazoratini rivojlantirish jamgʻarmasi hisobidan qoplanishi belgilansin.
5. Manfaatlar toʻqnashuvi bilan bogʻliq holatlarni aniqlashda jamoatchilik ishtirokini taʼminlash maqsadida:
davlat organlari va tashkilotlari xodimlari faoliyatida manfaatlar toʻqnashuvi holatlari boʻyicha tegishli dalillarni ilova qilgan holda ularni aniqlashda faol yordam bergan shaxslarga undirilgan jarimaning ellik foizi miqdorida mukofot puli berish;
Respublika idoralararo komissiyasining ishchi organlari tomonidan har chorakda davlat organlari va tashkilotlarida manfaatlar toʻqnashuviga yoʻl qoʻyilgan holatlar, ularni bartaraf etish, shuningdek, bunday holatlarning oldini olish boʻyicha koʻrilgan choralar haqida jamoatchilikni xabardor qilib borish amaliyoti joriy etilsin.
6. Korrupsiyaga qarshi kurashish agentligi (A. Burxanov) Adliya vazirligi (A. Tashkulov) bilan birgalikda:
ikki oy muddatda davlat organlari va tashkilotlari uchun manfaatlar toʻqnashuvini tartibga solish boʻyicha uslubiy tavsiyalarni ishlab chiqsin;
2024-yil 1-oktabrga qadar xalqaro ekspertlarni jalb etgan holda manfaatlar toʻqnashuvini hisobga olish reyestri, mavjud manfaatlar toʻqnashuvi toʻgʻrisidagi xabarnoma va ehtimoliy manfaatlar toʻqnashuvi toʻgʻrisidagi deklaratsiyaning namunaviy shakllarini tasdiqlasin.
7. Adliya vazirligi (A. Tashkulov) Bosh prokuratura (N. Yoʻldoshev) va Korrupsiyaga qarshi kurashish agentligi (A. Burxanov) bilan birgalikda:
bir oy muddatda roʻyxatdagi davlat organlari va tashkilotlarining xodimlari oʻrtasida manfaatlar toʻqnashuvi boʻyicha bilim va koʻnikmalarni baholash uchun onlayn test sinovlari oʻtkazilishini;
uch oy muddatda roʻyxatdagi davlat organlari va tashkilotlarida manfaatlar toʻqnashuvi holatlarini aniqlash, ularni bartaraf etish hamda oldini olish yuzasidan xodimlar uchun grafik asosida oʻquv trening mashgʻulotlari tashkil etilishini taʼminlasin.
8. Oʻzbekiston Respublikasining “Manfaatlar toʻqnashuvi toʻgʻrisida”gi Qonuni ijrosi doirasida 2024-yilda amalga oshiriladigan ishlar yuzasidan “yoʻl xaritasi” 2-ilovaga muvofiq tasdiqlansin.
Belgilansinki, Respublika idoralararo komissiyasining ishchi organlari “yoʻl xaritasi”da nazarda tutilgan chora-tadbirlarning amalga oshirilishi ustidan tizimli monitoringni olib boradi hamda natijasi boʻyicha har chorakda Respublika idoralararo komissiyasiga axborot kiritib boradi.
9. Oliy Majlis palatalariga roʻyxatdagi davlat organlari va tashkilotlarida Qonun bilan belgilangan talablarga rioya etilishi, shu jumladan ularning faoliyatida manfaatlar toʻqnashuvining oldini olish boʻyicha koʻrilgan choralar ustidan taʼsirchan parlament nazoratini olib borish tavsiya etilsin.
10. Respublika idoralararo komissiyasi (A. Aripov) bir oy muddatda roʻyxatdagi davlat organlari va tashkilotlari tomonidan Qonunni amalga oshirish boʻyicha idoraviy dasturlar qabul qilinishini taʼminlasin.
11. Mazkur qaror ijrosini samarali tashkil etish va muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Amalga oshirilgan chora-tadbirlar yuzasidan 2024-yil 1-noyabrga qadar Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidentining 2024-yil 5-iyundagi PQ-210-son qaroriga 1-ILOVA
Oʻzbekiston Respublikasining “Manfaatlar toʻqnashuvi toʻgʻrisida”gi Qonuni ijrosini tashkil etish ishlarini muvofiqlashtirish boʻyicha respublika idoralararo komissiyasi
1. A. Aripov — Oʻzbekiston Respublikasining Bosh vaziri, Respublika idoralararo komissiyasi raisi 2. A. Burxanov — Korrupsiyaga qarshi kurashish agentligi direktori, Respublika idoralararo komissiyasi raisi oʻrinbosari 3. A. Tashkulov — adliya vaziri, Respublika idoralararo komissiyasi raisi oʻrinbosari 4. N. Yoʻldoshev — Bosh prokuror 5. A. Boboyev — Hisob palatasi raisi 6. B. Musayev — kambagʻallikni qisqartirish va bandlik vaziri 7. J. Mirzamahmudov — energetika vaziri 8. B. Zakirov — qurilish va uy-joy kommunal xoʻjaligi vaziri 9. B. Islamov — togʻ-kon sanoati va geologiya vaziri 10. I. Maxkamov — transport vaziri 11. I. Abduraxmonov — qishloq xoʻjaligi vaziri 12. Sh. Xamrayev — suv xoʻjaligi vaziri 13. Sh. Shermatov — raqamli texnologiyalar vaziri 14. P. Bobojonov — ichki ishlar vaziri 15. X. Umarova — maktabgacha va maktab taʼlimi vaziri 16. K. Sharipov — oliy taʼlim, fan va innovatsiyalar vaziri 17. A. Xudayarov — sogʻliqni saqlash vaziri v.b. 18. I. Norqulov — iqtisodiyot va moliya vazirining birinchi oʻrinbosari 19. N. Saydullayev — Markaziy bank raisining birinchi oʻrinbosari 20. A. Ortiqov — Davlat aktivlarini boshqarish agentligi direktori 21. J. Tursunov — Avtomobil yoʻllari qoʻmitasi raisi 22. A. Djurabayev — Oʻzbekiston Milliy teleradiokompaniyasi raisi 23. A. Qayumov — Raqobatni rivojlantirish va isteʼmolchilar huquqlarini himoya qilish qoʻmitasi raisi oʻrinbosari 24. U.Sh. Xusainov — Boshqaruv samaradorligi agentligi direktori v.b. 25. B. Sidiqov — “Oʻzbekneftgaz” AJ boshqaruvi raisi 26. Q. Sanaqulov — “Navoiy KMK” AJ boshqaruvi raisi 27. B. Eshmuratov — “Hududgaztaʼminot” AJ boshqaruvi raisi 28. Z. Narzullayev — “Oʻzbekiston temir yoʻllari” AJ boshqaruvi raisi 29. Sh. Xudaykulov — “Uzbekistan airways” AJ boshqaruvi raisi 30. U. Rozukulov — “Oʻzavtosanoat” AJ boshqaruvi raisi 31. A. Akbarjonov — “Oʻzsanoatqurilishbank” ATB boshqaruvi raisi 32. K. Tulyaganov — “Asakabank” ATB boshqaruvi raisi
Oʻzbekiston Respublikasi Prezidentining 2024-yil 5-iyundagi PQ-210-son qaroriga 2-ILOVA
Oʻzbekiston Respublikasining “Manfaatlar toʻqnashuvi toʻgʻrisida”gi Qonuni ijrosi doirasida 2024-yilda amalga oshiriladigan ishlar yuzasidan
T/r Chora-tadbir nomi Amalga oshirish mexanizmi Muddati Masʼul I. Qonunchilik hujjatlarini “Manfaatlar toʻqnashuvi toʻgʻrisida”gi Qonun talablariga muvofiqlashtirish choralari 1. Davlat fuqarolik xizmatini tashkil etish tizimini yoʻlga qoʻyish, shu jumladan, davlat fuqarolik xizmati tatbiq etiladigan davlat organlari va tashkilotlari roʻyxati hamda Davlat fuqarolik xizmati lavozimlarining davlat reyestrini belgilash. Oʻzbekiston Respublikasi Prezidenti qarori loyihasi 2024-yil iyun Davlat xizmatini rivojlantirish agentligi (A. Musayev), Adliya vazirligi (A.Tashkulov), davlat organlari va tashkilotlari 2. Qonunchilik hujjatlarini “Manfaatlar toʻqnashuvi toʻgʻrisida”gi Qonun talablariga “paket” prinsipi asosida kompleks muvofiqlashtirish hamda ularga tegishli oʻzgartirish va qoʻshimchalar kiritilishini taʼminlash. Normativ-huquqiy hujjat loyihalari 2024-yil iyul Adliya vazirligi (A.Tashkulov), Korrupsiyaga qarshi kurashish agentligi (A.Burxanov) 3. Tadbirkorlik faoliyati bilan shugʻullanib kelayotgan shaxs davlat fuqarolik xizmatiga qabul qilingandan soʻng tadbirkorlik faoliyatini toʻxtatib turish tartibini belgilash. Normativ-huquqiy hujjat loyihasi 2024-yil avgust Adliya vazirligi (A.Tashkulov), Davlat xizmatini rivojlantirish agentligi (A. Musayev) II. Manfaatlar toʻqnashuvi holatlarini aniqlash va ularni bartaraf etish choralari 4. “Manfaatlar toʻqnashuvi toʻgʻrisida”gi Qonun tatbiq etiladigan davlat organlari va tashkilotlarining aniq roʻyxatini shakllantirish. Axborot-tahliliy maʼlumotnoma 2024-yil iyun Davlat aktivlarini boshqarish agentligi (A. Ortiqov) , Iqtisodiyot va moliya vazirligi (I. Norqulov), Adliya vazirligi (A. Tashkulov), Markaziy bank (N. Saydullayev) 5. Davlat organlari va tashkilotlarida yaqin qarindoshlar bevosita boʻysunuvda yoki nazorat yoʻnalishidagi tashkilotlarda ishlayotgan holatlarni aniqlash hamda natijalarini Respublika idoralararo komissiyasiga taqdim qilish. Axborot-tahliliy maʼlumotnoma 2024-yil iyul Davlat organlari va tashkilotlari Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish. Amaliy chora-tadbirlar 2024-yil oktabr Respublika idoralararo komissiyasi tomonidan tuziladigan ishchi guruh 6. Davlat organlari va tashkilotlarida hamda ularning boʻysunuvida boʻlgan tashkilotlarda xodimlar oʻrindoshlik asosida ishlayotgan holatlarni aniqlash hamda natijalarini Respublika idoralararo komissiyasiga taqdim qilish. Axborot-tahliliy maʼlumotnoma 2024-yil iyul Davlat organlari va tashkilotlari Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish. Amaliy chora-tadbirlar 2024-yil oktabr Respublika idoralararo komissiyasi tomonidan tuziladigan ishchi guruh 7. Davlat organlari va tashkilotlari xodimlarining tadbirkorlik faoliyatida ishtirok etish holatlarini aniqlash. Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish. Amaliy chora-tadbirlar 2024-yil oktabr Respublika idoralararo komissiyasi tomonidan tuziladigan ishchi guruh 8. 2023-yil davomida yaqin qarindoshi mansabdor shaxs sifatida ishlayotgan obyektni tekshirishda davlat organlari va tashkilotlari xodimlarining ishtirok etish holatlarini aniqlash hamda manfaatlar toʻqnashuvi holatlarini tahlil qilish. Amaliy chora-tadbirlar 2024-yil oktabr Respublika idoralararo komissiyasi tomonidan tuziladigan ishchi guruh 9. Davlat organlari va tashkilotlaridan ishdan boʻshagan xodimning ikki yil ichida oʻz ish joyida bevosita nazoratida boʻlgan tashkilotlarga ishga kirish holatlarini aniqlash hamda natijalarini Respublika idoralararo komissiyasiga taqdim qilish. Axborot-tahliliy maʼlumotnoma 2024-yil iyul Davlat organlari va tashkilotlari Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini tartibga solish choralarini koʻrish. Amaliy chora-tadbirlar 2024-yil oktabr Respublika idoralararo komissiyasi tomonidan tuziladigan ishchi guruh 10. 2023-yil davomida davlat organlari va tashkilotlari tomonidan davlat xaridlarini amalga oshirish va davlat mulkini xususiylashtirish jarayonida manfaatlar toʻqnashuviga yoʻl qoʻyilgan holatlarni aniqlash hamda natijalarini Respublika idoralararo komissiyasiga taqdim qilish. Axborot-tahliliy maʼlumotnoma 2024-yil iyul Hisob palatasi (A. Boboyev), Bosh prokuratura (N. Yoʻldoshev) Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish. Amaliy chora-tadbirlar 2024-yil oktabr Respublika idoralararo komissiyasi tomonidan tuziladigan ishchi guruh 11. Xodim oʻzi mehnat (xizmat) faoliyatini amalga oshirayotgan davlat organi yoki boshqa tashkilotning nazoratida boʻlgan tadbirkorlik faoliyati subyektining aksiyalariga yoki ustav fondidagi (ustav kapitalidagi) ulushlariga egalik qilgan, shuningdek, ushbu tadbirkorlik faoliyati subyektlarining boshqaruv organi aʼzosi boʻlgan holatlarni aniqlash hamda natijalarini Respublika idoralararo komissiyasiga taqdim qilish. Axborot-tahliliy maʼlumotnoma 2024-yil iyul Davlat organlari va tashkilotlari Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish. Amaliy chora-tadbirlar 2024-yil oktabr Respublika idoralararo komissiyasi tomonidan tuziladigan ishchi guruh 12. Davlat organlari va tashkilotlarida korrupsiyaga qarshi kurashish ishlari samaradorligini baholash uchun joriy etilgan “E-anticor.uz” platformasi orqali 2023-yildagi manfaatlar toʻqnashuvi bilan bogʻliq maʼlumotlarni tahlil qilish. Axborot-tahliliy maʼlumotnoma 2024-yil iyul Korrupsiyaga qarshi kurashish agentligi (A. Burxanov) , Adliya vazirligi (A. Tashkulov), davlat organlari va tashkilotlari 13. Davlat organlari va tashkilotlari xodimlari tomonidan 2024-yilda manfaatlar toʻqnashuvi boʻyicha toʻldirilgan yillik deklaratsiyalarni tahlil qilish. Axborot-tahliliy maʼlumotnoma 2024-yil iyul Davlat organlari va tashkilotlari, Korrupsiyaga qarshi kurashish agentligi (A. Burxanov) , Adliya vazirligi (A. Tashkulov), Bosh prokuratura (N. Yoʻldoshev) Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish. Amaliy chora-tadbirlar 2024-yil oktabr 14. Davlat organlari va tashkilotlari xodimlari faoliyatida manfaatlar toʻqnashuvining oldini olish boʻyicha qonunchilik hujjatlarida belgilangan cheklovlarga rioya etilayotganligini oʻrganish, bunday cheklovlarning samaradorligini tahlil qilish. Axborot-tahliliy maʼlumotnoma 2024-yil oktabr Adliya vazirligi (A. Tashkulov), Korrupsiyaga qarshi kurashish agentligi (A. Burxanov) , Bosh prokuratura (N. Yoʻldoshev), Hisob palatasi (A. Boboyev), Iqtisodiyot va moliya vazirligi (I. Norqulov) 15. Manfaatlar toʻqnashuvi toʻgʻrisida xabar berish va ularni tartibga solish tizimi joriy etilmagan tashkilotlardagi holatlarni tahlil qilish. Axborot-tahliliy maʼlumotnoma 2024-yil avgust Adliya vazirligi (A. Tashkulov), Korrupsiyaga qarshi kurashish agentligi (A. Burxanov) , Hisob palatasi (A. Boboyev), Bosh prokuratura (N. Yoʻldoshev), davlat organlari va tashkilotlari 16. Davlat organlari va tashkilotlarida korrupsiyaga qarshi ichki nazorat boʻlinmalari, odob-axloq komissiyalari tashkil etilganligini va faoliyati yoʻlga qoʻyilganligini tahlil qilish hamda mavjud imkoniyatlar doirasida alohida tuzilmalarni tashkil etish choralarini koʻrish. Amaliy chora-tadbirlar 2024-yil oktabr Davlat organlari va tashkilotlari, Korrupsiyaga qarshi kurashish agentligi (A. Burxanov) , Adliya vazirligi (A. Tashkulov), Hisob palatasi (A. Boboyev), Iqtisodiyot va moliya vazirligi (I. Norqulov) 17. 2023-yil davomida davlat organlari va tashkilotlariga jismoniy va yuridik shaxslardan manfaatlar toʻqnashuvi boʻyicha kelib tushgan murojaatlarni tahlil qilish. Axborot-tahliliy maʼlumotnoma 2024-yil sentabr Davlat organlari va tashkilotlari, Adliya vazirligi (A. Tashkulov), Korrupsiyaga qarshi kurashish agentligi (A. Burxanov) , Bosh prokuratura (N. Yoʻldoshev), Hisob palatasi (A. Boboyev), Davlat xizmatini rivojlantirish agentligi (A. Musayev) 18. Davlat organlari va tashkilotlarining axborot tizimlari, savdo platformalari va boshqa dasturiy taʼminotlari “Manfaatlar toʻqnashuvi toʻgʻrisida”gi Qonun bilan belgilanayotgan talablarga muvofiqligini oʻrganish hamda mavjud moliyaviy imkoniyatlari doirasida ularni takomillashtirish boʻyicha tashkiliy choralarni koʻrish. Amaliy chora-tadbirlar 2024-yil oktabr Raqamli texnologiyalar vazirligi (Sh. Shermatov) , Korrupsiyaga qarshi kurashish agentligi (A. Burxanov) , Adliya vazirligi (A. Tashkulov), Iqtisodiyot va moliya vazirligi (I. Norqulov) 19. Davlat organlari va tashkilotlarida manfaatlar toʻqnashuvi toʻgʻrisida xabar berishning elektron tizimi yoʻlga qoʻyilganligini oʻrganish hamda bunday tizimni joriy etish imkoniyatlarini tahlil qilish. Axborot-tahliliy maʼlumotnoma 2024-yil sentabr Raqamli texnologiyalar vazirligi (Sh. Shermatov) , Korrupsiyaga qarshi kurashish agentligi (A. Burxanov) , Adliya vazirligi (A. Tashkulov), Iqtisodiyot va moliya vazirligi (I. Norqulov), davlat organlari va tashkilotlari 20. Manfaatlar toʻqnashuvi holatlarini aniqlash uchun davlat organlari va tashkilotlari axborot tizimlarining oʻzaro integratsiyasi holatlarini oʻrganish. Bunda manfaatlar toʻqnashuvi holatlarini aniqlash uchun zarur maʼlumotlarni soʻrov asosida olish imkoniyatini yaratish choralarini koʻrish. Axborot-tahliliy maʼlumotnoma 2024-yil sentabr Raqamli texnologiyalar vazirligi (Sh. Shermatov) , Korrupsiyaga qarshi kurashish agentligi (A. Burxanov) , Adliya vazirligi (A. Tashkulov), Iqtisodiyot va moliya vazirligi (I. Norqulov), davlat organlari va tashkilotlari 21. Davlat organlari va tashkilotlarida manfaatlar toʻqnashuvi holatlarini aniqlash uchun sharoit yaratish maqsadida: “E-anticor.uz” elektron platformasida manfaatlar toʻqnashuvi bilan bogʻliq holatlarni aniqlash va onlayn monitoring qilish imkonini beruvchi elektron modul ishga tushirilishini; Kambagʻallikni qisqartirish va bandlik vazirligi, Adliya vazirligi, Iqtisodiyot va moliya vazirligi, Soliq qoʻmitasi, Davlat xizmatini rivojlantirish agentligining tegishli axborot tizimlarini “Elektron hukumat” tizimining idoralararo integratsiyalashuv platformasi bilan integratsiya qilinishini taʼminlash. Amaliy chora-tadbirlar 2024-yil dekabr Korrupsiyaga qarshi kurashish agentligi (A.Burxanov), Raqamli texnologiyalar vazirligi (Sh.Shermatov), Adliya vazirligi (A.Tashkulov), Kambagʻallikni qisqartirish va bandlik vazirligi (B. Musayev) , Iqtisodiyot va moliya vazirligi (I. Norqulov), Soliq qoʻmitasi (Sh.Kudbiyev), Davlat xizmatini rivojlantirish agentligi (A. Musayev) 22. “E-anticor.uz” elektron platformasida quyidagi imkoniyatlarni yaratish: xalqaro va boshqa rasmiy tadbirlarda davlat fuqarolik xizmatchilari qabul qilgan sovgʻalar elektron reyestrini yuritish; manfaatlar toʻqnashuvi holatlari boʻyicha statistik maʼlumotlarni shakllantirish. Amaliy chora-tadbirlar 2024-yil dekabr Korrupsiyaga qarshi kurashish agentligi (A.Burxanov), Raqamli texnologiyalar vazirligi (Sh.Shermatov) , Adliya vazirligi (A.Tashkulov) 23. Xalqaro ekspertlarni jalb etgan holda manfaatlar toʻqnashuvini hisobga olish reyestri, mavjud manfaatlar toʻqnashuvi toʻgʻrisidagi xabarnoma va ehtimoliy manfaatlar toʻqnashuvi toʻgʻrisidagi deklaratsiyaning namunaviy shakllarini tasdiqlash hamda davlat organlari va tashkilotlariga yuborish. Amaliy chora-tadbirlar 2024-yil oktabr Korrupsiyaga qarshi kurashish agentligi (A.Burxanov), Adliya vazirligi (A.Tashkulov) 24. Mavjud manfaatlar toʻqnashuvi toʻgʻrisidagi xabarnoma va ehtimoliy manfaatlar toʻqnashuvi toʻgʻrisidagi deklaratsiyaning tasdiqlangan namunaviy shakllarini davlat organlari va tashkilotlari rasmiy veb-saytlariga joylashtirish. Amaliy chora-tadbirlar 2024-yil sentabr Davlat organlari va tashkilotlari III. Manfaatlar toʻqnashuvi boʻyicha xodimlarning bilim va koʻnikmalarini aniqlash hamda tushuntirish ishlarini amalga oshirish choralari 25. Davlat organlari va tashkilotlari xodimlarining manfaatlar toʻqnashuvi bilan bogʻliq qonunchilik hujjatlari boʻyicha bilim va koʻnikmalarini onlayn test sinovlari orqali baholash hamda ularning malakasini oshirish boʻyicha tashkiliy choralarni belgilash. Amaliy chora-tadbirlar 2024-yil iyul Adliya vazirligi (A. Tashkulov), Korrupsiyaga qarshi kurashish agentligi (A. Burxanov) , Bosh prokuratura (N. Yoʻldoshev) 26. Milliy va xorijiy ekspertlarni jalb etgan holda, davlat organlari va tashkilotlarining korrupsiyaga qarshi kurashish, kadrlar bilan ishlash boʻlinmalari xodimlarining va Odob-axloq komissiyasi aʼzolarining manfaatlar toʻqnashuvini aniqlash, ularni boshqarish va bartaraf etish boʻyicha bilim va koʻnikmalarini oshirib borish. Reja-grafik asosida 2024-yil oktabr Adliya vazirligi (A. Tashkulov), Korrupsiyaga qarshi kurashish agentligi (A. Burxanov) , Bosh prokuratura (N. Yoʻldoshev) 27. Davlat xaridlarida va boshqa budjet moliyaviy xarajatlarni amalga oshirishda manfaatlar toʻqnashuvi holatlarining oldini olish va tartibga solish yuzasidan davlat organlari va tashkilotlari xodimlari uchun onlayn oʻquv trening oʻtkazish. Reja-grafik asosida 2024-yil iyul Iqtisodiyot va moliya vazirligi (I. Norqulov), Hisob palatasi (A. Boboyev), Korrupsiyaga qarshi kurashish agentligi (A. Burxanov) , Adliya vazirligi (A. Tashkulov) 28. Davlat xizmatida yuzaga keladigan manfaatlar toʻqnashuvi holatlari, ularni bartaraf etish choralari boʻyicha milliy qonunchilik va xalqaro standartlarga asoslangan uslubiy qoʻllanma ishlab chiqish hamda davlat organlari va tashkilotlariga elektron tarqatish. Amaliy chora-tadbirlar 2024-yil avgust Korrupsiyaga qarshi kurashish agentligi (A. Burxanov) , Adliya vazirligi (A. Tashkulov) 29. Davlat organlari va tashkilotlari xodimlari ish stolida eslatma sifatida foydalanishi uchun manfaatlar toʻqnashuvi bilan bogʻliq holatlar va bunday vaziyatlarda koʻriladigan choralar boʻyicha illustrativ tarqatma materiallarni ishlab chiqish hamda tarqatish. Amaliy chora-tadbirlar 2024-yil avgust Davlat organlari va tashkilotlari Korrupsiyaga qarshi kurashish agentligi (A. Burxanov) , Adliya vazirligi (A. Tashkulov) IV. Manfaatlar toʻqnashuvi holatlarini aniqlash va bartaraf etishda jamoatchilik ishtirokini taʼminlash choralari 30. Tele - va radiodasturlar orqali “Manfaatlar toʻqnashuvi toʻgʻrisida”gi Qonunning mazmun-mohiyati va ahamiyatini keng jamoatchilikka yetkazish hamda ularni bunday holatlar haqida xabardor boʻlgan taqdirda tegishli idoralarga xabar berishga chaqirish. Amaliy chora-tadbirlar 2024-yil oktabr Adliya vazirligi (A. Tashkulov), Korrupsiyaga qarshi kurashish agentligi (A. Burxanov) 31. Milliy va xorijiy ekspertlarni jalb etgan holda, nodavlat notijorat tashkilotlar, fuqarolarning oʻzini oʻzi boshqarish organlari hamda OAV vakillari uchun manfaatlar toʻqnashuvini aniqlash va bartaraf etish yuzasidan maxsus oʻquv treninglar oʻtkazish. Reja-grafik asosida 2024-yil oktabr Adliya vazirligi (A. Tashkulov), Korrupsiyaga qarshi kurashish agentligi (A. Burxanov) , Bosh prokuratura (N. Yoʻldoshev) 32. Davlat organlari va tashkilotlarining yoki tegishli huquqni muhofaza qiluvchi organlarning manfaatlar toʻqnashuvi va korrupsiya holatlari boʻyicha xabar berish mumkin boʻlgan aloqa kanallarini OAV va ijtimoiy tarmoqlar orqali keng targʻib qilish. Amaliy chora-tadbirlar 2024-yil oktabr Davlat organlari va tashkilotlari, Korrupsiyaga qarshi kurashish agentligi (A. Burxanov) , Adliya vazirligi (A. Tashkulov)
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 5-iyun,
PQ-210-son
Президента Республики Узбекистан
Постановление
СОСТАВ
О мерах по эффективной организации исполнения Закона Республики Узбекистан «О конфликте интересов»
В целях эффективной организации исполнения Закона Республики Узбекистан «О конфликте интересов», обеспечения безусловного соблюдения прав и интересов работников при внедрении требований, установленных настоящим Законом в государственных органах и организациях, а также всесторонней и тщательной подготовки к введению в действие настоящего Закона путем разъяснения его содержания и сущности правовых процедур, связанных с предотвращением конфликтов интересов, сотрудникам государственных органов и организаций и широкой общественности:
1. Принять к сведению, что принят Закон Республики Узбекистан «О конфликте интересов» (далее — Закон), направленный на выявление и предотвращение конфликтов интересов в государственных органах и организациях, а также создание эффективной системы контроля в данном направлении.
Определить, что эффективное внедрение требований и механизмов, установленных Законом , в государственных органах и организациях, обеспечение защиты прав и интересов сотрудников в данном процессе, а также проведение необходимой разъяснительной работы среди них возлагается на первых руководителей государственных органов и организаций.
2. Утвердить республиканскую межведомственную комиссию по координации работ по организации исполнения Закона Республики Узбекистан «О конфликте интересов» (далее — Республиканская межведомственная комиссия) в составе согласно приложению № 1 .
Определить основными задачами Республиканской межведомственной комиссии:
анализ возможностей эффективного внедрения механизмов выявления конфликта интересов в государственных органах и организациях;
изучение ситуаций, приводящих к конфликту интересов в государственных органах и организациях, формирование единой практики по принятию мер, направленных на их устранение в соответствии с законодательством;
обеспечение совершенствования информационных систем, торговых платформ и иного программного обеспечения государственных органов и организаций в соответствии с требованиями, установленными Законом ;
принятие мер по координации деятельности и развитию сотрудничества государственных органов, осуществляющих деятельность по противодействию коррупции, в части выявления и устранения случаев конфликта интересов;
организацию разработки и реализации мер по повышению правовой культуры для предотвращения и устранения конфликтов интересов в обществе.
Определить, что Агентство по противодействию коррупции и Министерство юстиции являются рабочими органами Республиканской межведомственной комиссии.
3. Республиканской межведомственной комиссии (А. Арипов):
а) до 1 июля 2024 года обеспечить формирование конкретного перечня государственных органов и организаций, на которые будет распространяться действие Закона (далее — перечень);
б) до вступления в силу Закона организовать изучение вопросов, связанных с практической реализацией указанных в нем требований и механизмов, путем формирования соответствующих рабочих групп в государственных органах и организациях, указанных в перечне.
При этом уделить особое внимание:
выявлению ситуаций в государственных органах и организациях, которые могут привести к конфликту интересов, и принятию мер по их устранению;
изучению соблюдения ограничений по предотвращению конфликта интересов сотрудниками государственных органов и организаций в их деятельности, в том числе выявлению таких случаев, как работа по совместительству, участие в предпринимательской деятельности;
изучению налаживания в государственных органах и организациях деятельности подразделений по противодействию коррупции, а также их укомплектованности квалифицированными кадрами;
проведению анализа сведений, связанных с конфликтом интересов, на платформе «E-anticor.uz», внедренной для оценки эффективности деятельности в государственных органах и организациях по противодействию коррупции;
изучению соответствия информационных систем, торговых платформ и других программных обеспечений государственных органов и организаций требованиям Закона , а также принятию мер по их совершенствованию;
в) после вступления в силу Закона обеспечить:
ежеквартальное проведение рабочими органами Республиканской межведомственной комиссии анализа случаев, приведших к возникновению конфликта интересов, в разрезе государственных органов и организаций, а также внесение соответствующих представлений в государственные органы и организации, в которых участились такие случаи, для определения безотлагательных мер;
каждые полгода проведение критического обсуждения на заседаниях Республиканской межведомственной комиссии мер, принимаемых по выявлению и устранению конфликтов интересов, а также предотвращению таких ситуаций, с участием первых руководителей соответствующих государственных органов и организаций.
4. Агентству по противодействию коррупции (А. Бурханов) совместно с Министерством цифровых технологий (Ш. Шерматов) и другими заинтересованными ведомствами до конца 2024 года в целях создания условий для выявления случаев конфликта интересов в государственных органах и организациях обеспечить:
запуск электронного модуля на электронной платформе «E-anticor.uz», позволяющего осуществлять онлайн-мониторинг и выявление ситуаций, связанных с конфликтом интересов;
интеграцию соответствующих информационных систем Министерства занятости и сокращения бедности, Министерства юстиции, Министерства экономики и финансов, Налогового комитета, Агентства развития государственной службы с Межведомственной интеграционной платформой системы «Электронное правительство».
При этом посредством электронной платформы «E-anticor.uz» по инициативе Агентства по противодействию коррупции или на основе онлайн-запроса государственных органов и организаций в следующих ситуациях выявляются случаи конфликта интересов:
при изучении уведомления о реальном конфликте интересов, а также деклараций о потенциальном конфликте интересов;
при изучении протоколов и договоров о государственных закупках, а также сведений об аффилированных лицах и бенефициарах коммерческих организаций;
при проверке соблюдения установленных ограничений по предотвращению конфликта интересов в деятельности сотрудников;
при изучении сведений, полученных из электронных баз данных, для выявления конфликтов интересов структурными подразделениями для регулирования конфликта интересов;
при проверке обращений о допущении конфликта интересов в государственных органах и организациях в средствах массовой информации, в том числе во Всемирной информационной сети Интернет и социальных сетях.
Определить, что расходы, связанные с созданием и модернизацией электронного модуля на электронной платформе «E-anticor.uz», покрываются за счет Фонда развития общественного контроля при Агентстве по противодействию коррупции.
5. В целях обеспечения участия общественности в выявлении случаев, связанных с конфликтом интересов, внедрить практику:
выплаты денежного вознаграждения в размере пятидесяти процентов от суммы взысканного штрафа лицам, активно содействовавшим выявлению случаев конфликта интересов в деятельности работников государственных органов и организаций, с приложением соответствующих доказательств;
ежеквартального информирования рабочими органами Республиканской межведомственной комиссии общественности о ситуациях, при которых допущены конфликты интересов в государственных органах и организациях, о принятых мерах по их устранению, а также предотвращению таких ситуаций.
6. Агентству по противодействию коррупции (А. Бурханов) совместно с Министерством юстиции (А. Ташкулов):
в двухмесячный срок разработать для государственных органов и организаций методические рекомендации по регулированию конфликтов интересов;
до 1 октября 2024 года с привлечением международных экспертов утвердить типовые формы реестра учета конфликтов интересов, уведомления о реальном конфликте интересов и декларации о потенциальном конфликте интересов.
7. Министерству юстиции (А. Ташкулов) совместно с Генеральной прокуратурой (Н. Йулдошев) и Агентством по противодействию коррупции (А. Бурханов):
в месячный срок провести онлайн-тесты для оценки знаний и навыков по конфликту интересов среди сотрудников государственных органов и организаций, указанных в перечне;
в трехмесячный срок обеспечить организацию учебных тренинговых занятий для сотрудников государственных органов и организаций, посвященных выявлению, устранению и предотвращению конфликтов интересов в государственных органах и организациях, указанных в перечне, на основе графика.
8. Утвердить «дорожную карту» по мерам, подлежащим осуществлению в 2024 году в рамках исполнения Закона Республики Узбекистан «О конфликте интересов» согласно приложению № 2 * .
Определить, что рабочие органы Республиканской межведомственной комиссии осуществляют системный мониторинг за осуществлением мер, предусмотренных «дорожной картой», по результатам которых ежеквартально представляют информацию в Республиканскую межведомственную комиссию.
9. Палатам Олий Мажлиса Республики Узбекистан рекомендовать проведение действенного парламентского контроля за принимаемыми мерами по соблюдению требований, установленных Законом , в государственных органах и организациях, указанных в перечне, в том числе предотвращению конфликтов интересов в их деятельности.
10. Республиканской межведомственной комиссии (А. Арипов) в месячный срок обеспечить принятие государственными органами и организациями, указанными в перечне, ведомственных программ по исполнению Закона .
11. Возложить на Премьер-министра Республики Узбекистан А.Н. Арипова ответственность за эффективную организацию и координацию исполнения настоящего постановления.
О реализованных мерах внести информацию Президенту Республики Узбекистан до 1 ноября 2024 года.
ПРИЛОЖЕНИЕ № 1 к постановлению Президента Республики Узбекистан от 5 июня 2024 года № ПП-210
Республиканской межведомственной комиссии по координации работ по организации исполнения Закона Республики Узбекистан
1. А. Арипов — Премьер-министр Республики Узбекистан, председатель Республиканской межведомственной комиссии 2. А. Бурханов — директор Агентства по противодействию коррупции, заместитель председателя Республиканской межведомственной комиссии 3. А. Ташкулов — министр юстиции, заместитель председателя Республиканской межведомственной комиссии 4. Н. Йулдашев — Генеральный прокурор 5. А. Бобоев — председатель Счетной палаты 6. Б. Мусаев — министр занятости и сокращения бедности 7. Ж. Мирзамахмудов — министр энергетики 8. Б. Закиров — министр строительства и жилищно-коммунального хозяйства 9. Б. Исламов — министр горнодобывающей промышленности и геологии 10. И. Махкамов — министр транспорта 11. И. Абдурахмонов — министр сельского хозяйства 12. Ш. Хамраев — министр водного хозяйства 13. Ш. Шерматов — министр цифровых технологий 14. П. Бобожонов — министр внутренних дел 15. Х. Умарова — министр дошкольного и школьного образования 16. К. Шарипов — министр высшего образования, науки и инноваций 17. А. Худаяров — и.о. министра здравоохранения 18. И. Норкулов — первый заместитель министра экономики и финансов 19. Н. Сайдуллаев — первый заместитель председателя Центрального банка 20. А. Ортиков — директор Агентства по управлению государственными активами 21. Ж. Турсунов — председатель Комитета по автомобильным дорогам 22. А. Джурабаев — председатель Национальной телерадиокомпании Узбекистана 23. А. Каюмов — заместитель председателя Комитета по развитию конкуренции и защите прав потребителей 24. У.Ш. Хусаинов — и.о. директор Агентства эффективности управления 25. Б. Сидиков — председатель правления АО «Узбекнефтегаз» 26. К. Санакулов — председатель правления АО «Навоийский ГМК» 27. Б. Эшмуратов — председатель правления АО «Худудгазтаъминот» 28. З. Нарзуллаев — председатель правления АО «Узбек и стон темир йуллари» 29. Ш. Худайкулов — председатель правления АО «Uzbekistan airways» 30. У. Розукулов — председатель правления АО «Узавтосаноат» 31. А. Акбаржонов — председатель правления АКБ «Узсаноаткурилишбанк» 32. К. Туляганов — председатель правления АКБ «Асакабанк»
Президент Республики Узбекистан Ш. МИРЗИЁЕВ
г. Ташкент,
5 июня 2024 г.,
№ ПП-210