UzbekAI

Ўзбекистон Республикаси Президентининг

Қарори

ЎЗГАРТИРИШ

ТАРКИБИ

Ўзбекистон Республикасида «яшил» иқтисодиётга ўтишда миллий шаффофлик тизимини жорий этиш чора-тадбирлари тўғрисида

Мамлакатимизда «яшил» иқтисодиётни жадал ривожлантириш, илғор халқаро стандартларга мувофиқ ушбу йўналишда шаффофлик даражасини тубдан ошириш ҳамда Ўзбекистон Республикаси Президентининг 2022 йил 2 декабрдаги «2030 йилгача Ўзбекистон Республикасининг «яшил» иқтисодиётга ўтишига қаратилган ислоҳотлар самарадорлигини ошириш бўйича чора-тадбирлар тўғрисида»ги ПҚ-436-сон қарорида белгиланган вазифаларни самарали ва ўз вақтида амалга ошириш мақсадида:

1. Қуйидагилар:

Иқлим ўзгариши бўйича Париж битимининг (кейинги ўринларда — Париж битими) 13-моддасида иссиқхона газлари ажратмаларини қисқартириш ва иқлим ўзгаришига қарши курашишда мамлакатлар томонидан иқлим ўзгариши таъсирини юмшатиш ва унга мослашиш чоралари кўрилиши ҳисобидан эришилган натижаларни доимий равишда баҳолаб бориш мақсадида такомиллаштирилган шаффофлик тизимини йўлга қўйиш назарда тутилганлиги;

Париж битимига мувофиқ, шаффофлик тизими орқали иссиқхона газлари ажратмалари мониторинги натижалари ва ҳисоботларни, шунингдек, иқлим ўзгаришига мослашиш жараёнларига оид маълумотларни жамоатчилик эътиборига етказиб бориш талаб этилиши;

Ўзбекистон Республикаси Президентининг 2022 йил 2 декабрдаги «2030 йилгача Ўзбекистон Республикасининг «яшил» иқтисодиётга ўтишига қаратилган ислоҳотлар самарадорлигини ошириш бўйича чора-тадбирлар тўғрисида»ги ПҚ-436-сон қарорида миллий миқёсда иссиқхона газлари ажратмаларининг мониторинги, ҳисоботи ва текшируви бўйича шаффофлик тизимини (кейинги ўринларда — MRV тизими) яратиш ва ривожлантириш белгиланганлиги;

Иқтисодиёт ва молия вазирлиги томонидан Экология, атроф-муҳитни муҳофаза қилиш ва иқлим ўзгариши вазирлиги (кейинги ўринларда — Экология вазирлиги) ҳамда бошқа манфаатдор вазирлик ва идоралар билан биргаликда илғор халқаро стандартлар ва хорижий тажриба асосида Ўзбекистон Республикасида «яшил» иқтисодиётга ўтишда миллий шаффофлик тизимини жорий этиш концепцияси ишлаб чиқилганлиги маълумот учун қабул қилинсин.

2. Вазирлар Маҳкамаси бир ҳафта муддатда Ўзбекистон Республикасида «яшил» иқтисодиётга ўтишда миллий шаффофлик тизимини жорий этиш концепциясини тасдиқласин.

3. Шундай тартиб ўрнатилсинки, унга мувофиқ мамлакатимизда «яшил» иқтисодиётга ўтишда миллий шаффофлик тизими (кейинги ўринларда — миллий шаффофлик тизими) доирасида:

а) Иқтисодиёт ва молия вазирлиги миллий шаффофлик тизимининг миллий органи ҳисобланади ва у қуйидаги вазифаларни амалга оширади:

Экология вазирлиги билан биргаликда Энергетика вазирлиги, Қишлоқ хўжалиги вазирлиги ҳамда Инвестициялар, саноат ва савдо вазирлиги (кейинги ўринларда — тармоқ мувофиқлаштирувчилари) ишини самарали йўлга қўйиш ҳамда уларнинг фаолиятини мувофиқлаштириш;

2025 йилдан бошлаб ҳар 5 йилда Париж битими доирасида иқтисодий ва ижтимоий таъсирни баҳолаш асосида иқлим ўзгариши оқибатларини камайтириш бўйича миллий мажбуриятни белгилаш;

MRV тизими талабларига мувофиқ тақдим этилган маълумотларнинг тўлиқлиги, тўғрилиги ва сифатини назорат қилиш;

иқтисодиёт, шу жумладан саноат тармоқларида иссиқхона газлари ажратмалари қисқартирилишини мувофиқлаштириш ва тартибга солиш;

MRV тизимини ишлаб чиқиш, жорий этиш ва юритиш, шу жумладан барча MRV тизими ҳисобот элементларини қўллаб-қувватлаш учун онлайн платформа ишлаб чиқиш ва жорий этиш;

иссиқхона газлари ажратмалари қисқартирилишининг миллий реестрини жорий этиш, қисқартирилган иссиқхона газларининг миллий ва халқаро даражадаги савдосини мувофиқлаштириш, бунда биринчи навбатда миллий манфаатларни инобатга олган ҳолда, халқаро мажбуриятлар бажарилишини таъминлаш;

б) Экология вазирлиги қуйидаги вазифаларни амалга оширади:

Иқтисодиёт ва молия вазирлиги билан биргаликда Бирлашган Миллатлар Ташкилотининг Иқлим ўзгариши тўғрисидаги ҳадли конвенцияси доирасида Иссиқхона газлари хатлови миллий ҳисоботини тайёрлаш, тасдиқланган ҳисоботни Иқлим ўзгариши тўғрисидаги миллий ахборот ҳамда икки йиллик шаффофлик ҳисоботларига интеграция қилиш;

Иқтисодиёт ва молия вазирлиги билан келишилган ҳолда, миллий эҳтиёжлар, имкониятлар ва тартибларга мувофиқ расмий ҳисоботларни тайёрлаш ҳамда Бирлашган Миллатлар Ташкилотининг Иқлим ўзгариши тўғрисидаги ҳадли конвенцияси котибиятига тақдим этиб бориш;

муҳофаза этиладиган табиий ҳудудларни бошқариш, муҳофаза этиш, ўрмон фондини кенгайтириш, дарахтзорларни барпо этиш ва қайта тиклаш омилларига кўра иссиқхона газлари ютилишига оид маълумотларни тўплаш ва қайта ишлаш;

в) тармоқ мувофиқлаштирувчилари Экология вазирлиги, Иқтисодиёт ва молия вазирлиги ҳамда бошқа вазирликлар, идоралар ҳамда ташкилотлар билан биргаликда қуйидаги вазифаларни амалга оширади:

тармоқ бўйича иссиқхона газлари тўғрисидаги маълумотларни тўплаш, қайта ишлаш, уларнинг шаффофлигини таъминлаш ва бошқа маълумотлар билан интеграция қилиш ҳамда хатлов ҳисоботини тайёрлашда иштирок этиш;

тармоқда иссиқхона газлари ажратмаларини хатловдан ўтказиш ва унинг натижасида тўпланган ҳамда қайта ишланган маълумотларни миллий органга тақдим этиб бориш ҳамда уларнинг «Яшил иқтисодиёт» онлайн платформасига даврий юклаб борилишини таъминлаш.

4. Ўзбекистон Республикасида «яшил» иқтисодиётга ўтиш чораларини мувофиқлаштириш бўйича идоралараро кенгашга (Ж. Қўчқоров) иссиқхона газларининг хатлови бўйича қуйидаги қўшимча вазифалар юклансин:

иссиқхона газлари хатлови ҳисоботини тасдиқлаш;

хатлов тизимининг ички қоидаларини тасдиқлаш ва янгилаб бориш;

иссиқхона газлари ажратмаларини камайтириш фаолиятини мувофиқлаштириш;

хатлов тизими иштирокчиларининг салоҳиятини ошириш чораларини кўриш.

5. Иқтисодиёт ва молия вазирлиги Экология вазирлиги ҳамда манфаатдор вазирлик ва идоралар билан биргаликда:

а) 2024 йил 1 декабрга қадар миллий шаффофлик тизими онлайн платформаси (кейинги ўринларда — онлайн платформа) ишга туширилишини ва унинг «Яшил» иқтисодиёт онлайн платформасига интеграция қилинишини;

б) 2025 йил 1 январга қадар тажриба-синов тариқасида муайян соҳа, ҳудуд ва корхоналарда иссиқхона газлари ажратмалари хатловдан ўтказилишини таъминласин.

Бунда онлайн платформанинг фаолияти Иқтисодиёт ва молия вазирлиги ҳузуридаги «Яшил» иқтисодиёт лойиҳалари маркази томонидан мувофиқлаштирилади;

в) онлайн платформа ишга туширилгандан сўнг уч ой муддатда MRV тизимини жорий этишга оид қуйидагиларни назарда тутувчи норматив-ҳуқуқий ҳужжат лойиҳасини Вазирлар Маҳкамасига киритсин:

иссиқхона газлари ажратмалари ҳажми бўйича ўзаро кросс-текширувлар ва ҳисоб-китоб сифатини аниқлаш текширувлари рўйхатини юритиш;

иссиқхона газлари ажратмаларини қисқартириш ва уларни хатловдан ўтказиш учун ҳудудга хос ёндашувларни ишлаб чиқиш, хусусан, республика ҳудудлари бўйича иссиқхона газлари ажратмалари ҳажмини ҳисоблаш ва камайтиришнинг мақсадли кўрсаткичлари ҳамда прогнозларини белгилаш;

хатлов натижаларини мустақил текшириш тизимларини йўлга қўйиш, шу жумладан энергетика соҳасидаги ташкилотларда метан гази ажратмаларини ҳисоблашда сунъий йўлдош кузатувларидан фойдаланиш.

6. Экология вазирлиги ва Гидрометеорология хизмати агентлиги:

икки ой муддатда онлайн платформа самарали ишга туширилишини таъминлаш мақсадида 1990 — 2023 йиллар кесимида иссиқхона газлари ажратмалари тўғрисидаги батафсил маълумотларни Иқтисодиёт ва молия вазирлигига тақдим этсин;

Иқтисодиёт ва молия вазирлиги билан биргаликда уч ой муддатда иссиқхона газлари ажратмалари тўғрисидаги батафсил маълумотлар онлайн платформага жойлаштирилишини таъминласин.

7. Экология вазирлиги Иқтисодиёт ва молия вазирлиги, Энергетика вазирлиги билан биргаликда уч ой муддатда энергия ресурсларидан билвосита ҳосил бўладиган иссиқхона газлари ажратмалари ҳажмини аниқлаш, шунингдек, хўжалик юритувчи субъектлар томонидан иссиқхона газлари ажратмалари ҳажмини ҳисоблаш бўйича услубий қўлланмаларни (кўрсатмаларни) ишлаб чиқиб, тасдиқласин.

8. Ўзбекистон Республикаси Президентининг 2022 йил 2 декабрдаги ПҚ-436-сон қарори билан тасдиқланган Ўзбекистон Республикасида «яшил» иқтисодиётга ўтиш чораларини мувофиқлаштириш бўйича Идоралараро кенгаш таркибининг матни иловага мувофиқ таҳрирда баён этилсин.

9. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров ҳамда экология, атроф-муҳитни муҳофаза қилиш ва иқлим ўзгариши вазири А.А. Абдухакимов белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2024 йил 5 июндаги ПҚ-213-сон қарорига ИЛОВА

Ўзбекистон Республикаси Президентининг 2022 йил 2 декабрдаги ПҚ-436-сон қарорига киритилаётган

5-илова матни қуйидаги таҳрирда баён этилсин:

«Ўзбекистон Республикасида «яшил» иқтисодиётга ўтиш чораларини мувофиқлаштириш бўйича идоралараро кенгаш

1. Ж.А. Қўчқоров — Бош вазир ўринбосари — иқтисодиёт ва молия вазири, Идоралараро кенгаш раиси 2. А.А. Абдухакимов — экология, атроф-муҳитни муҳофаза қилиш ва иқлим ўзгариши вазири, Идоралараро кенгаш раиси ўринбосари 3. Ж.Т. Мирзамаҳмудов — энергетика вазири 4. И.Ю. Абдурахмонов — қишлоқ хўжалиги вазири 5. Ш.Р. Хамраев — сув хўжалиги вазири 6. И.Р. Махкамов — транспорт вазири 7. Ш.Х. Шерматов — рақамли технологиялар вазири 8. Б.И. Закиров — қурилиш ва уй-жой коммунал хўжалиги вазири 9. А.Х. Кулдашев — фавқулодда вазиятлар вазири 10. И.И. Норқулов — иқтисодиёт ва молия вазирининг биринчи ўринбосари 11. Ш.Ҳ. Далиев — олий таълим, фан ва инновациялар вазирининг биринчи ўринбосари 12. Б.А. Бегалов — Статистика агентлиги директори 13. Ш.Х. Хабибуллаев — Гидрометеорология хизмати агентлиги директори

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 5 июнь,

ПҚ-213-сон

(Қонунчилик маълумотлари миллий базаси, 06.06.2024 й., 07/24/213/0407-сон)

lex.uz

Oʻzbekiston Respublikasi Prezidentining

Qarori

OʻZGARTIRISh

TARKIBI

Oʻzbekiston Respublikasida “yashil” iqtisodiyotga oʻtishda milliy shaffoflik tizimini joriy etish chora-tadbirlari toʻgʻrisida

Mamlakatimizda “yashil” iqtisodiyotni jadal rivojlantirish, ilgʻor xalqaro standartlarga muvofiq ushbu yoʻnalishda shaffoflik darajasini tubdan oshirish hamda Oʻzbekiston Respublikasi Prezidentining 2022-yil 2-dekabrdagi “2030-yilgacha Oʻzbekiston Respublikasining “yashil” iqtisodiyotga oʻtishiga qaratilgan islohotlar samaradorligini oshirish boʻyicha chora-tadbirlar toʻgʻrisida”gi PQ-436-son qarorida belgilangan vazifalarni samarali va oʻz vaqtida amalga oshirish maqsadida:

1. Quyidagilar:

Iqlim oʻzgarishi boʻyicha Parij bitimining (keyingi oʻrinlarda — Parij bitimi) 13-moddasida issiqxona gazlari ajratmalarini qisqartirish va iqlim oʻzgarishiga qarshi kurashishda mamlakatlar tomonidan iqlim oʻzgarishi taʼsirini yumshatish va unga moslashish choralari koʻrilishi hisobidan erishilgan natijalarni doimiy ravishda baholab borish maqsadida takomillashtirilgan shaffoflik tizimini yoʻlga qoʻyish nazarda tutilganligi;

Parij bitimiga muvofiq, shaffoflik tizimi orqali issiqxona gazlari ajratmalari monitoringi natijalari va hisobotlarni, shuningdek, iqlim oʻzgarishiga moslashish jarayonlariga oid maʼlumotlarni jamoatchilik eʼtiboriga yetkazib borish talab etilishi;

Oʻzbekiston Respublikasi Prezidentining 2022-yil 2-dekabrdagi “2030-yilgacha Oʻzbekiston Respublikasining “yashil” iqtisodiyotga oʻtishiga qaratilgan islohotlar samaradorligini oshirish boʻyicha chora-tadbirlar toʻgʻrisida”gi PQ-436-son qarorida milliy miqyosda issiqxona gazlari ajratmalarining monitoringi, hisoboti va tekshiruvi boʻyicha shaffoflik tizimini (keyingi oʻrinlarda — MRV tizimi) yaratish va rivojlantirish belgilanganligi;

Iqtisodiyot va moliya vazirligi tomonidan Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda — Ekologiya vazirligi) hamda boshqa manfaatdor vazirlik va idoralar bilan birgalikda ilgʻor xalqaro standartlar va xorijiy tajriba asosida Oʻzbekiston Respublikasida “yashil” iqtisodiyotga oʻtishda milliy shaffoflik tizimini joriy etish konsepsiyasi ishlab chiqilganligi maʼlumot uchun qabul qilinsin.

2. Vazirlar Mahkamasi bir hafta muddatda Oʻzbekiston Respublikasida “yashil” iqtisodiyotga oʻtishda milliy shaffoflik tizimini joriy etish konsepsiyasini tasdiqlasin.

3. Shunday tartib oʻrnatilsinki, unga muvofiq mamlakatimizda “yashil” iqtisodiyotga oʻtishda milliy shaffoflik tizimi (keyingi oʻrinlarda — milliy shaffoflik tizimi) doirasida:

a) Iqtisodiyot va moliya vazirligi milliy shaffoflik tizimining milliy organi hisoblanadi va u quyidagi vazifalarni amalga oshiradi:

Ekologiya vazirligi bilan birgalikda Energetika vazirligi, Qishloq xoʻjaligi vazirligi hamda Investitsiyalar, sanoat va savdo vazirligi (keyingi oʻrinlarda — tarmoq muvofiqlashtiruvchilari) ishini samarali yoʻlga qoʻyish hamda ularning faoliyatini muvofiqlashtirish;

2025-yildan boshlab har 5 yilda Parij bitimi doirasida iqtisodiy va ijtimoiy taʼsirni baholash asosida iqlim oʻzgarishi oqibatlarini kamaytirish boʻyicha milliy majburiyatni belgilash;

MRV tizimi talablariga muvofiq taqdim etilgan maʼlumotlarning toʻliqligi, toʻgʻriligi va sifatini nazorat qilish;

iqtisodiyot, shu jumladan sanoat tarmoqlarida issiqxona gazlari ajratmalari qisqartirilishini muvofiqlashtirish va tartibga solish;

MRV tizimini ishlab chiqish, joriy etish va yuritish, shu jumladan barcha MRV tizimi hisobot elementlarini qoʻllab-quvvatlash uchun onlayn platforma ishlab chiqish va joriy etish;

issiqxona gazlari ajratmalari qisqartirilishining milliy reyestrini joriy etish, qisqartirilgan issiqxona gazlarining milliy va xalqaro darajadagi savdosini muvofiqlashtirish, bunda birinchi navbatda milliy manfaatlarni inobatga olgan holda, xalqaro majburiyatlar bajarilishini taʼminlash;

b) Ekologiya vazirligi quyidagi vazifalarni amalga oshiradi:

Iqtisodiyot va moliya vazirligi bilan birgalikda Birlashgan Millatlar Tashkilotining Iqlim oʻzgarishi toʻgʻrisidagi hadli konvensiyasi doirasida Issiqxona gazlari xatlovi milliy hisobotini tayyorlash, tasdiqlangan hisobotni Iqlim oʻzgarishi toʻgʻrisidagi milliy axborot hamda ikki yillik shaffoflik hisobotlariga integratsiya qilish;

Iqtisodiyot va moliya vazirligi bilan kelishilgan holda, milliy ehtiyojlar, imkoniyatlar va tartiblarga muvofiq rasmiy hisobotlarni tayyorlash hamda Birlashgan Millatlar Tashkilotining Iqlim oʻzgarishi toʻgʻrisidagi hadli konvensiyasi kotibiyatiga taqdim etib borish;

muhofaza etiladigan tabiiy hududlarni boshqarish, muhofaza etish, oʻrmon fondini kengaytirish, daraxtzorlarni barpo etish va qayta tiklash omillariga koʻra issiqxona gazlari yutilishiga oid maʼlumotlarni toʻplash va qayta ishlash;

v) tarmoq muvofiqlashtiruvchilari Ekologiya vazirligi, Iqtisodiyot va moliya vazirligi hamda boshqa vazirliklar, idoralar hamda tashkilotlar bilan birgalikda quyidagi vazifalarni amalga oshiradi:

tarmoq boʻyicha issiqxona gazlari toʻgʻrisidagi maʼlumotlarni toʻplash, qayta ishlash, ularning shaffofligini taʼminlash va boshqa maʼlumotlar bilan integratsiya qilish hamda xatlov hisobotini tayyorlashda ishtirok etish;

tarmoqda issiqxona gazlari ajratmalarini xatlovdan oʻtkazish va uning natijasida toʻplangan hamda qayta ishlangan maʼlumotlarni milliy organga taqdim etib borish hamda ularning “Yashil iqtisodiyot” onlayn platformasiga davriy yuklab borilishini taʼminlash.

4. Oʻzbekiston Respublikasida “yashil” iqtisodiyotga oʻtish choralarini muvofiqlashtirish boʻyicha idoralararo kengashga (J. Qoʻchqorov) issiqxona gazlarining xatlovi boʻyicha quyidagi qoʻshimcha vazifalar yuklansin:

issiqxona gazlari xatlovi hisobotini tasdiqlash;

xatlov tizimining ichki qoidalarini tasdiqlash va yangilab borish;

issiqxona gazlari ajratmalarini kamaytirish faoliyatini muvofiqlashtirish;

xatlov tizimi ishtirokchilarining salohiyatini oshirish choralarini koʻrish.

5. Iqtisodiyot va moliya vazirligi Ekologiya vazirligi hamda manfaatdor vazirlik va idoralar bilan birgalikda:

a) 2024-yil 1-dekabrga qadar milliy shaffoflik tizimi onlayn platformasi (keyingi oʻrinlarda — onlayn platforma) ishga tushirilishini va uning “Yashil” iqtisodiyot onlayn platformasiga integratsiya qilinishini;

b) 2025-yil 1-yanvarga qadar tajriba-sinov tariqasida muayyan soha, hudud va korxonalarda issiqxona gazlari ajratmalari xatlovdan oʻtkazilishini taʼminlasin.

Bunda onlayn platformaning faoliyati Iqtisodiyot va moliya vazirligi huzuridagi “Yashil” iqtisodiyot loyihalari markazi tomonidan muvofiqlashtiriladi;

v) onlayn platforma ishga tushirilgandan soʻng uch oy muddatda MRV tizimini joriy etishga oid quyidagilarni nazarda tutuvchi normativ-huquqiy hujjat loyihasini Vazirlar Mahkamasiga kiritsin:

issiqxona gazlari ajratmalari hajmi boʻyicha oʻzaro kross-tekshiruvlar va hisob-kitob sifatini aniqlash tekshiruvlari roʻyxatini yuritish;

issiqxona gazlari ajratmalarini qisqartirish va ularni xatlovdan oʻtkazish uchun hududga xos yondashuvlarni ishlab chiqish, xususan, respublika hududlari boʻyicha issiqxona gazlari ajratmalari hajmini hisoblash va kamaytirishning maqsadli koʻrsatkichlari hamda prognozlarini belgilash;

xatlov natijalarini mustaqil tekshirish tizimlarini yoʻlga qoʻyish, shu jumladan energetika sohasidagi tashkilotlarda metan gazi ajratmalarini hisoblashda sunʼiy yoʻldosh kuzatuvlaridan foydalanish.

6. Ekologiya vazirligi va Gidrometeorologiya xizmati agentligi:

ikki oy muddatda onlayn platforma samarali ishga tushirilishini taʼminlash maqsadida 1990 — 2023-yillar kesimida issiqxona gazlari ajratmalari toʻgʻrisidagi batafsil maʼlumotlarni Iqtisodiyot va moliya vazirligiga taqdim etsin;

Iqtisodiyot va moliya vazirligi bilan birgalikda uch oy muddatda issiqxona gazlari ajratmalari toʻgʻrisidagi batafsil maʼlumotlar onlayn platformaga joylashtirilishini taʼminlasin.

7. Ekologiya vazirligi Iqtisodiyot va moliya vazirligi, Energetika vazirligi bilan birgalikda uch oy muddatda energiya resurslaridan bilvosita hosil boʻladigan issiqxona gazlari ajratmalari hajmini aniqlash, shuningdek, xoʻjalik yurituvchi subyektlar tomonidan issiqxona gazlari ajratmalari hajmini hisoblash boʻyicha uslubiy qoʻllanmalarni (koʻrsatmalarni) ishlab chiqib, tasdiqlasin.

8. Oʻzbekiston Respublikasi Prezidentining 2022-yil 2-dekabrdagi PQ-436-son qarori bilan tasdiqlangan Oʻzbekiston Respublikasida “yashil” iqtisodiyotga oʻtish choralarini muvofiqlashtirish boʻyicha Idoralararo kengash tarkibining matni ilovaga muvofiq tahrirda bayon etilsin.

9. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov hamda ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2024-yil 5-iyundagi PQ-213-son qaroriga ILOVA

Oʻzbekiston Respublikasi Prezidentining 2022-yil 2-dekabrdagi PQ-436-son qaroriga kiritilayotgan

5-ilova matni quyidagi tahrirda bayon etilsin:

“Oʻzbekiston Respublikasida “yashil” iqtisodiyotga oʻtish choralarini muvofiqlashtirish boʻyicha idoralararo kengash

1. J.A. Qoʻchqorov — Bosh vazir oʻrinbosari — iqtisodiyot va moliya vaziri, Idoralararo kengash raisi 2. A.A. Abduxakimov — ekologiya, atrof-muhitni muhofaza qilish va iqlim oʻzgarishi vaziri, Idoralararo kengash raisi oʻrinbosari 3. J.T. Mirzamahmudov — energetika vaziri 4. I.Y. Abduraxmonov — qishloq xoʻjaligi vaziri 5. Sh.R. Xamrayev — suv xoʻjaligi vaziri 6. I.R. Maxkamov — transport vaziri 7. Sh.X. Shermatov — raqamli texnologiyalar vaziri 8. B.I. Zakirov — qurilish va uy-joy kommunal xoʻjaligi vaziri 9. A.X. Kuldashev — favqulodda vaziyatlar vaziri 10. I.I. Norqulov — iqtisodiyot va moliya vazirining birinchi oʻrinbosari 11. Sh.H. Daliyev — oliy taʼlim, fan va innovatsiyalar vazirining birinchi oʻrinbosari 12. B.A. Begalov — Statistika agentligi direktori 13. Sh.X. Xabibullayev — Gidrometeorologiya xizmati agentligi direktori

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 5-iyun,

PQ-213-son

(Qonunchilik maʼlumotlari milliy bazasi, 06.06.2024-y., 07/24/213/0407-son)

lex.uz

Президента Республики Узбекистан

Постановление

ИЗМЕНЕНИЕ,

«СОСТАВ

О мерах по внедрению национальной системы прозрачности при переходе на «зеленую» экономику в Республике Узбекистан

В целях ускоренного развития «зеленой» экономики в стране, кардинального повышения уровня прозрачности в данном направлении в соответствии с передовыми международными стандартами, а также эффективного и своевременного осуществления задач, определенных постановлением Президента Республики Узбекистан от 2 декабря 2022 года № ПП-436 «О мерах по повышению эффективности реформ, направленных на переход Республики Узбекистан на «зеленую» экономику до 2030 года»:

1. Принять к сведению, что:

в статье 13 Парижского соглашения об изменении климата (далее — Парижское соглашение) предусмотрено налаживание усовершенствованной системы прозрачности в целях оценки на постоянной основе результатов, достигнутых странами в сокращении выбросов парниковых газов и противодействии изменению климата за счет принятия мер по смягчению влияния и адаптации к изменению климата;

согласно Парижскому соглашению , требуется доведение до общественности результатов мониторинга и отчетности по выбросам парниковых газов, а также сведений о процессах адаптации к изменению климата посредством системы прозрачности;

постановлением Президента Республики Узбекистан от 2 декабря 2022 года №ПП-436 «О мерах по повышению эффективности реформ, направленных на переход Республики Узбекистан на «зеленую» экономику до 2030 года» определены создание и развитие системы прозрачности по мониторингу, отчетности и верификации выбросов парниковых газов (далее — система MRV) в национальном масштабе;

Министерством экономики и финансов совместно с Министерством экологии, охраны окружающей среды и изменения климата (далее — Минэкологии), а также другими заинтересованными министерствами и ведомствами на основе передовых международных стандартов и зарубежного опыта разработана Концепция внедрения национальной системы прозрачности при переходе на «зеленую» экономику в Республике Узбекистан.

2. Кабинету Министров в недельный срок утвердить Концепцию внедрения национальной системы прозрачности при переходе на «зеленую» экономику в Республике Узбекистан.

3. Установить порядок, в соответствии с которым в рамках национальной системы прозрачности при переходе на «зеленую» экономику в Республике Узбекистан (далее — Национальная система прозрачности):

а) Министерство экономики и финансов определяется национальным органом Национальной системы прозрачности и осуществляет следующие задачи:

эффективную организацию и координацию совместно с Минэкологии деятельности Министерства энергетики, Министерства сельского хозяйства и Министерства инвестиций, промышленности и торговли (далее — отраслевые координаторы);

определение каждые 5 лет начиная с 2025 года национальных обязательств по снижению последствий изменения климата на основе оценки экономического и социального воздействия в рамках Парижского соглашения ;

осуществление контроля за полнотой, достоверностью и качеством сведений, представленных в соответствии с требованиями системы MRV;

координацию и регулирование сокращения выбросов парниковых газов в отраслях экономики, в том числе промышленности;

разработку, внедрение и ведение системы MRV, включая разработку и внедрение онлайн-платформы поддержки элементов отчетности системы MRV;

внедрение национального реестра сокращения выбросов парниковых газов, координацию реализации сокращенных парниковых газов на национальном и международном уровнях, обеспечение исполнения международных обязательств, принимая во внимание в первую очередь национальные интересы;

б) Минэкологии осуществляет следующие задачи:

подготовку совместно с Министерством экономики и финансов Национального отчета по инвентаризации парниковых газов в рамках Рамочной конвенции Организации Объединенных Наций об изменении климата, интеграцию утвержденного отчета с Национальным сообщением об изменении климата и двухгодичными отчетами о прозрачности;

подготовку в соответствии с национальными потребностями, возможностями и процедурами и представление официальных отчетов в Секретариат Рамочной конвенции Организации Объединенных Наций об изменении климата по согласованию с Министерством экономики и финансов;

управление и охрану охраняемых природных территорий, расширение лесного фонда, сбор и обработку сведений о поглощении парниковых газов по факторам создания и восстановления древесных насаждений;

в) отраслевые координаторы совместно с Минэкологии, Министерством экономики и финансов, а также другими министерствами, ведомствами и организациями осуществляют следующие задачи:

участие в сборе, обработке, обеспечении прозрачности и интеграции сведений о парниковых газах по отрасли с другими сведениями, а также в подготовке отчета по инвентаризации;

проведение инвентаризации выбросов парниковых газов в отрасли, представление сведений, собранных и обработанных по результатам инвентаризации, в Национальный орган, а также обеспечение периодического размещения этих сведений на онлайн-платформе «Зеленая» экономика.

4. Возложить на Межведомственный совет по координации мер по переходу на «зеленую» экономику в Республике Узбекистан (Д. Кучкаров) следующие дополнительные задачи по инвентаризации парниковых газов:

утверждение отчета по инвентаризации парниковых газов;

утверждение и регулярное обновление внутренних правил системы инвентаризации;

осуществление координации деятельности по снижению выбросов парниковых газов;

принятие мер по повышению потенциала участников системы инвентаризации.

5. Министерству экономики и финансов совместно с Минэкологии, а также заинтересованными министерствами и ведомствами обеспечить:

а) в срок до 1 декабря 2024 года запуск онлайн-платформы Национальной системы прозрачности (далее — онлайн-платформа) и ее интеграцию с онлайн-платформой «Зеленая» экономика;

б) в срок до 1 января 2025 года проведение в порядке эксперимента инвентаризации выбросов парниковых газов в определенных отраслях, регионах и на предприятиях.

При этом функционирование онлайн-платформы координируется Центром проектов «зеленой» экономики при Министерстве экономики и финансов;

в) в трехмесячный срок внесение в Кабинет Министров после запуска онлайн-платформы проекта нормативно-правового акта о внедрении системы MRV, предусматривающего:

ведение перечня взаимных кросс-проверок и проверок на определение качества расчетов по объему выбросов парниковых газов;

разработку региональных подходов к сокращению и инвентаризации выбросов парниковых газов, в частности определение целевых показателей и прогнозов расчета и снижения объема выбросов парниковых газов по регионам республики;

внедрение систем независимой проверки результатов инвентаризации, включая использование спутниковых наблюдений, при расчете выбросов метана в организациях энергетической отрасли.

6. Минэкологии и Агентству гидрометеорологической службы:

в двухмесячный срок представить в Министерство экономики и финансов подробные сведения о выбросах парниковых газов в разрезе 1990 — 2023 годов в целях обеспечения эффективного запуска онлайн-платформы;

в трехмесячный срок совместно с Министерством экономики и финансов обеспечить размещение на онлайн-платформе подробных сведений о выбросах парниковых газов.

7. Минэкологии совместно с Министерством экономики и финансов и Министерством энергетики в трехмесячный срок разработать и утвердить методические пособия (указания) по определению объема выбросов парниковых газов, косвенно образующихся от энергоресурсов, а также расчету объема выбросов парниковых газов хозяйствующими субъектами.

8. Текст состава Межведомственного совета по координации мер по переходу на «зеленую» экономику в Республике Узбекистан, утвержденного постановлением Президента Республики Узбекистан от 2 декабря 2022 года № ПП-436, изложить согласно приложению .

9. Возложить на заместителя Премьер-министра Д.А. Кучкарова и министра экологии, охраны окружающей среды и изменения климата А.А. Абдухакимова персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ к постановлению Президента Республики Узбекистан от 5 июня 2024 года № ПП-213

вносимое в постановление Президента Республики Узбекистан от 2 декабря 2022 года № ПП-436

Текст приложения № 5 изложить в следующей редакции:

Межведомственного совета по координации мер по переходу на «зеленую» экономику в Республике Узбекистан

1. Д.А. Кучкаров — заместитель Премьер-министра — министр экономики и финансов, председатель Межведомственного совета 2. А.А. Абдухакимов — министр экологии, охраны окружающей среды и изменения климата, заместитель председателя Межведомственного совета 3. Ж.Т. Мирзамахмудов — министр энергетики 4. И.Ю. Абдурахмонов — министр сельского хозяйства 5. Ш.Р. Хамраев — министр водного хозяйства 6. И.Р. Махкамов — министр транспорта 7. Ш.Х. Шерматов — министр цифровых технологий 8. Б.И. Закиров — министр строительства и жилищно-коммунального хозяйства 9. А.Х. Кулдашев — министр по чрезвычайным ситуациям 10. И.И. Норкулов — первый заместитель министра экономики и финансов 11. Ш.Х. Далиев — первый заместитель министра высшего образования, науки и инноваций 12. Б.А. Бегалов — директор Агентства статистики 13. Ш.Х. Хабибуллаев — директор Агентства гидрометеорологической службы

Президент Республики Узбекистан Ш. МИРЗИЁЕВ

г. Ташкент,

5 июня 2024 г.,

№ ПП-213

(Национальная база данных законодательства, 06.06.2024 г., № 07/24/213/0407)

lex.uz