UzbekAI

Ўзбекистон Республикаси Вазирлар Маҳкамасининг

қарори

ДИСЛОКАЦИЯСИ

КОЭФФИЦИЕНТЛАРИ

2024 йил ҳосилидан буғдой харид қилиш ва ички бозорда нархлар барқарорлигини таъминлаш чора-тадбирлари тўғрисида

Ўзбекистон Республикаси Президентининг «Ғалла етиштириш ва сотишда эркин рақобатни таъминлайдиган бозор тамойилларини жорий этиш тўғрисида» 2021 йил 15 ноябрдаги ПҚ-10-сон қарорига мувофиқ, шунингдек, ғалла бозорини эркинлаштириш бўйича ислоҳотларни давом эттириш, ички бозорни буғдой ва ун маҳсулотлари билан узлуксиз таъминлаш ҳамда уларнинг нархлари барқарорлигини сақлаш мақсадида Вазирлар Маҳкамаси қарор қилади:

1. Ўзбекистон Республикаси Қишлоқ хўжалиги вазирлиги, Иқтисодиёт ва молия вазирлиги, Қорақалпоғистон Республикаси Вазирлар Кенгаши ва вилоятлар ҳокимликларининг 2024 йил ҳосилидан суғориладиган майдонларнинг ҳар гектаридан ўртача 2,5 тоннадан жами 2 млн 550 минг тонна буғдойнинг, жумладан:

1 млн 513 минг тоннасини фермер хўжаликлари ҳамда бошқа буғдой етиштирувчилар (кейинги ўринларда — буғдой етиштирувчилар) томонидан кейинчалик биржа савдоларида сотиш учун Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасининг (кейинги ўринларда — Жамғарма) тижорат вакилида вақтинчалик сақлашга қабул қилиш;

837 минг тоннасини товар буғдой давлат ресурси сифатида;

200 минг тоннасини уруғлик учун Жамғарма маблағлари ҳисобидан харид қилиш тўғрисидаги таклифлари маъқуллансин.

2. Белгилансинки, 2024 йил ғалла ҳосилидан бошлаб буғдойни сақлаш қувватига эга бўлган хўжалик юритувчи субъектлар Жамғарма номидан буғдой етиштирувчилардан товар буғдойни харид қилиш, қабул қилиш ва сақлаш, шунингдек, харидорларга юклаб жўнатиш ишларини амалга ошириш бўйича тижорат вакили (кейинги ўринларда — Жамғарманинг тижорат вакили) ҳисобланади. Бунда Жамғарманинг тижорат вакили:

товар буғдойни харид қилиш ва сотиш бўйича буғдой етиштирувчилар ҳамда Жамғарма билан белгиланган шаклдаги электрон ҳисобварақ-фактурани расмийлаштиради ва ҳисобини алоҳида юритади;

буғдойни қабул қилиш ва омбордан чиқариш жараёнида «d-xarid.uz» ахборот тизимига киритиладиган молиявий ҳисоб-китоблар ва маълумотларнинг ҳаққонийлигига шахсан жавобгар ҳисобланади.

3. Шундай тартиб ўрнатилсинки, унга мувофиқ 2024 йил ғалла ҳосилидан бошлаб:

давлат ресурси сифатида товар буғдойни харид қилиш жараёнида қўшилган қиймат солиғи ҳисобга олинмайди ва сотишда солиқ солиш базасига киритилмайди;

устав фондида давлат улуши 50 фоиз ва ундан юқори бўлган тижорат банклари томонидан Жамғарманинг тижорат вакили ҳисобварағидаги дебит айланмасидан давлат ресурси сифатида товар буғдойни харид қилиш жараёнида банк хизматлари ундирилмайди;

давлат ресурси сифатида ҳамда вақтинча сақлашга қабул қилинадиган буғдойнинг сифати, сақланиши ҳамда харидорларга юклаб жўнатилишида товар буғдойнинг сифати бўйича назорат Вазирлар Маҳкамаси ҳузуридаги Агросаноат мажмуи устидан назорат қилиш инспекцияси (кейинги ўринларда — «Ўзагроинспекция») томонидан амалга оширилади;

Жамғарманинг тижорат вакили «Ўзагроинспекция» назорати остида давлат ресурси сифатида сақланаётган товар буғдой ҳажмларини икки йилда бир маротаба тўлиқ хатловдан ўтказади, аввалги йилларда ўтказилган ва хатлов даврида қолдиқда турган товар буғдой партияларининг табиий камайишига йўл қўймайди.

4. Қуйидагилар:

2024 йил ҳосилидан вақтинчалик сақлаш, давлат ресурси ва уруғлик учун буғдойни қабул қилиш омборлари дислокацияси 1-иловага мувофиқ;

2024 йил ҳосилидан давлат ресурси сифатида харид қилинадиган буғдой нархларини аниқлаш коэффициентлари 2-иловага мувофиқ тасдиқлансин.

5. Қорақалпоғистон Республикаси Вазирлар Кенгаши, вилоят ва туманлар ҳокимликлари Ўзбекистон Республикаси Қишлоқ хўжалиги вазирлиги билан биргаликда бир ҳафта муддатда давлат ресурси сифатида харид қилинадиган ва вақтинча сақлаш учун қабул қилинадиган ҳамда уруғлик буғдой ҳажмларини буғдой етиштирувчилар кесимида тасдиқлаш юзасидан ўз қарорларини қабул қилсинлар.

Давлат ресурси сифатида харид қилинадиган буғдой учун тўловлар 2024 йилнинг март-май ойларида Ўзбекистон Республика товар-хомашё биржасида (кейинги ўринларда — Биржа) 3-синф буғдой учун шаклланган ўртача нархдан (ўртача котировкадан) келиб чиққан ҳолда, буғдой топширилган кундан эътиборан икки ҳафта муддатда буғдой етиштирувчиларнинг махсус ҳисобварақларига тўлиқ ўтказилсин.

Биржа уч кун муддатда ўзининг расмий веб-саҳифасига 2024 йилнинг март-май ойларида биржа савдоларида 3-синф буғдой учун шаклланган ўртача нарх тўғрисидаги маълумотларни туманлар кесимида жойлаштирсин.

Вақтинча сақлаш учун қабул қилинадиган товар буғдойни сақлаш харажатлари Жамғарманинг тижорат вакили ва буғдой етиштирувчилар ўртасида тузилган шартномага мувофиқ 2025 йил 1 январга қадар Жамғарма маблағлари ҳисобидан ҳамда ушбу буғдойни ташиб келтириш учун транспорт, қабул қилиш ва харидорларга юклаб жўнатиш харажатлари буғдой етиштирувчилар ҳисобидан амалга оширилсин.

6. Шундай тартиб ўрнатилсинки:

Жамғарма маблағлари ҳисобидан давлат ресурси сифатида 2022-2023 йиллар ва 2024 йилда харид қилинган, шунингдек, вақтинча сақлашга қабул қилинган 5 ва ундан юқори синфлардаги товар буғдой барча хўжалик юритувчи субъектларга биржа савдолари орқали чекловларсиз сотилади;

донни қайта ишлаш қувватига эга бўлган буғдой етиштирувчилар ўзлари етиштирган, шунингдек, Жамғарманинг тижорат вакили сифатида ўз омборларига вақтинча сақлаш учун қабул қилган товар буғдойдан 75 фоизидан кам бўлмаган миқдорда ун ишлаб чиқариш ва биржа савдолари орқали сотиш мажбуриятини олганда, товар буғдойни график асосида қайта ишлаб сотишга рухсат берилади.

7. Вақтинча сақлашга қабул қилинадиган буғдойни биржа савдоларида сотишдан тушган маблағлар, биринчи навбатда, Жамғарма маблағлари ҳисобидан буғдой етиштириш харажатларини молиялаштиришга ажратилган кредит ҳамда уруғлик буғдойдан юзага келган қарздорликни сўндиришга йўналтирилсин.

8. Уруғлик буғдой тайёрлаш корхоналари томонидан уруғлик буғдойнинг ҳар бир тоннаси 2024 йилнинг март-май ойларида Биржада 3-синф буғдой учун шаклланган ўртача нархда (ўртача котировка) Вазирлар Маҳкамасининг «Қишлоқ хўжалиги экинлари уруғчилигига оид айрим норматив-ҳуқуқий ҳужжатларни тасдиқлаш тўғрисида» 2022 йил 12 октябрдаги 641-сон қарорида бошоқли дон уруғларининг авлодлари учун белгиланган устамалар ҳисобга олинган ҳолда харид қилинсин. Бунда:

Жамғарма уруғлик буғдойни харид қилиш, тайёрлаш ва суғурта харажатларини кредитлаш учун 12 ой муддатга (шундан 6 ой имтиёзли давр билан), Ўзбекистон Республикаси Марказий банки асосий ставкасининг 50 фоизи миқдорида (шундан банк маржаси 4 фоиз) кредит ресурсларини уруғлик буғдой тайёрлаш корхоналарига хизмат кўрсатувчи тижорат банкларига жойлаштиради;

тижорат банклари ушбу кредит ресурслари ҳисобидан уруғлик буғдой тайёрлаш корхоналарига Ўзбекистон Республикаси Марказий банки асосий ставкасининг 50 фоизи миқдорида 12 ой муддатга (шундан 6 ой имтиёзли давр билан) кредит ажратади.

Уруғлик буғдой тайёрлаш корхоналарига 2023-2024 йиллар ҳосилидан уруғлик буғдойни харид қилиш, тайёрлаш ва суғурта тўловлари учун Жамғармадан ажратилган қарз маблағларини қайтариш муддати, истисно тариқасида, 2025 йил 1 октябрга қадар узайтирилади.

9. Ўзбекистон Республикаси Иқтисодиёт ва молия вазирлиги:

а) ўн кун муддатда:

Транспорт вазирлиги ва Қишлоқ хўжалиги вазирлиги билан биргаликда 2024 йил учун буғдой ҳосилини ташишнинг тавсиявий тарифини;

Жамғарманинг тижорат вакиллари билан биргаликда буғдойни қабул қилиш, сақлаш ва харидорларга юклаб жўнатиш бўйича хизматлар тарифининг энг юқори чекланган даражасини тасдиқласин ва жойларга етказилишини таъминласин;

б) Жамғарма ва Биржа билан биргаликда Қорақалпоғистон Республикаси Вазирлар Кенгаши ҳамда вилоятлар ҳокимликлари томонидан буғдой етиштирувчилар кесимида тасдиқланган вақтинча сақлаш учун қабул қилинадиган буғдойни биржа савдоларига қўйиш бўйича ойлик графикларни умумлаштирган ҳолда тасдиқласин ҳамда келгуси ойда биржа савдоларига қўйиладиган буғдой ҳажмларини жорий ойнинг 30-санасига қадар Биржанинг расмий веб-саҳифасига жойлаштириб борсин;

в) Жамғарма билан биргаликда:

давлат ресурси сифатида харид қилинадиган буғдойни биржа савдоларига қўйиш бўйича ойлик графикни 2024 йил 30 сентябрга қадар ишлаб чиқсин ва тасдиқлаш учун Вазирлар Маҳкамасига киритсин;

келгуси ойларда биржа савдоларига қўйиладиган буғдой тўғрисидаги маълумотларни календарь ой бошланишидан икки кун олдин Биржанинг расмий веб-саҳифасига жойлаштириш учун тақдим этиб борсин;

зарур ҳолларда, ички бозорда нарх барқарорлигини сақлаш мақсадида буғдой танқислиги кузатилган ҳудудлар учун биржа савдоларига қўшимча буғдой қўйиш тўғрисида Вазирлар Маҳкамасига таклиф киритсин.

Бунда Жамғарманинг тижорат вакиллари томонидан буғдой танқислиги кузатилган ҳудудларда товар буғдойни харид қилиш ва сотиш жараёнида қўшилган қиймат солиғи ҳисобга олинмайди ва сотишда солиқ солиш базасига киритилмайди.

10. Вақтинча сақлашга қабул қилинадиган буғдой биржа савдоларига ойма-ой график асосида қўйилишини инобатга олиб, 2024 йил ҳосили учун буғдой етиштириш харажатларини молиялаштиришга ажратилган кредитларни қайтариш муддати, истисно тариқасида, 2025 йил 1 январга қадар узайтирилсин.

Бунда Жамғарма томонидан 2024 йил буғдой ҳосилини етиштириш харажатларини молиялаштириш учун тижорат банкларига жойлаштирилган кредит ресурсларининг қайтариш муддати Жамғарма ва тижорат банклари ўртасида тузилган битимларда белгиланган кредит ресурсини қайтаришнинг охирги муддатидан бошлаб мутаносиб равишда узайтирилади.

11. Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасига:

биржа савдоларидан буғдой харид қилган ёки мазкур қарорнинг 5-бандига мувофиқ буғдойни қайта ишлашга йўналтирган хўжалик юритувчи субъектлар томонидан ишлаб чиқарилган ун маҳсулотларининг биржа савдоларига график асосида чиқарилиши устидан доимий назорат ўрнатиш вазифаси юклансин;

зарур ҳолларда, бир савдо сессиясида бир харидор томонидан харид қилинадиган буғдой ва ун маҳсулотларининг максимал миқдорини (лимитини) белгилаш ҳамда унга ўзгартиришлар киритиш ваколати берилсин.

12. Давлат захирасидаги буғдой Ўзбекистон Республикаси Иқтисодиёт ва молия вазирлиги ҳузуридаги Давлат захираларини бошқариш қўмитаси ҳамда Жамғарманинг ёзма кўрсатмасига асосан икки йилда бир марта Жамғарманинг тижорат вакили томонидан харид қилинадиган янги ҳосилни жамлаш ва аввал захирада сақланган буғдойни биржа савдоларига чиқариш орқали янгилансин.

Бунда буғдойни янгилаш жараёнида ажратиб олинадиган донли аралашма (оралиқ маҳсулот) биржа савдолари орқали сотилади ҳамда юзага келган салбий фарқ ва қўшимча харажатлар Жамғарма маблағлари ҳисобидан қопланади.

13. Жамғарма томонидан тижорат вакилига ўтказиб бериладиган ва қайтариладиган маблағлар ҳамда вақтинча сақлаш учун буғдой топширган буғдой етиштирувчиларнинг маҳсулот сотишдан тушган маблағлари ҳаракати қонунчилик ҳужжатларига мувофиқ ундирувга қаратилмайдиган махсус мақсадли ҳисобварақларда амалга оширилиши белгилаб қўйилсин.

14. Ўзбекистон Республикаси Бош прокуратурасига ва Марказий банкка 2024 йил ҳосилидан буғдой харид қилиш ва сотишда шаффофликни таъминланиши, тўловлар ўз вақтида амалга оширилиши ҳамда ажратилган кредитлар сўндирилиши устидан кунлик назорат ўрнатиш тавсия этилсин.

15. Ўзбекистон Республикаси Ички ишлар вазирлиги Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда йўлларда ғалла ўриш ва дон ташиш техникаларининг ҳаракатланиш хавфсизлигини таъминлаш, ғалла майдонларида ёнғин келиб чиқишининг олдини олиш, шунингдек, етиштирилган ҳосилни талон-торож қилинишига йўл қўймаслик юзасидан зарур чораларни кўрсинлар.

16. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ҳамда Қорақалпоғистон Республикаси Вазирлар Кенгаши Раиси ва вилоятлар ҳокимлари зиммасига юклансин.

Вазирлар Маҳкамасининг 2024 йил 11 июндаги 325-сон қарорига 1-ИЛОВА

2024 йил ҳосилидан вақтинчалик сақлаш, давлат ресурси ва уруғлик учун буғдойни қабул қилиш омборлари

тонна Т/р Корхоналар номи Жами қабул қилинадиган буғдой Шу жумладан: товар буғдой шундан: уруғлик буғдой давлат ресурси сифатида харид қилинадиган буғдой вақтинча сақлашга қабул қилинадиган буғдой Қорақалпоғистон Республикаси 1. «Қорақалпоқдонмаҳсулотлари» АЖ 24 833 24 833 20 932 3 901 2. «Чимбойдонмаҳсулотлари» МЧЖ 12 770 12 170 12 170 600 3. «Қўнғирот ун заводи» АЖ 12 354 11 904 8 685 3 219 450 4. «Тўрткўлдонмаҳсулотлари» МЧЖ 12 184 12 184 8 483 3 701 5. «Тўрткўл пахта толаси агро кластер» МЧЖ 4 832 4 032 4 032 800 6. «Bulding house one» МЧЖ 4 800 4 000 4 000 800 7. «Гулдурсин ғалла кластер» МЧЖ 4 000 4 000 4 000 8. «Қипчоқ ғалла кластер» МЧЖ 4 000 4 000 4 000 9. «Тахиатошдонмаҳсулотлари» АЖ 22 377 19 677 19 677 2 700 10. «Дон кластер» МЧЖ 500 500 11. «Noʻkus best-seeds» МЧЖ («Уруғчиликни ривожлантириш маркази» давлат муассасаси) 4 150 4 150 Жами: 106 800 96 800 38 100 58 700 10 000 Андижон вилояти 1. «Андижондонмаҳсулотлари» АЖ 72 119 66 100 23 906 42 194 6 019 2. «Асакадонмаҳсулотлари» АЖ 65 088 61 838 21 320 40 518 3 250 3. «Қўрғонтепадонмаҳсулотлари» АЖ 52 452 48 612 16 974 31 638 3 840 4. «Andijon best-seeds» МЧЖ («Уруғчиликни ривожлантириш маркази» давлат муассасаси) 2 141 2 141 Жами: 191 800 176 550 62 200 114 350 15 250 Бухоро вилояти 1. «Бухородонмаҳсулотлари» АЖ 59 291 55 843 11 674 44 169 3 448 2. «Қоракўлдонмаҳсулотлари» АЖ 14 718 14 718 5 243 9 475 3. «Когондонмаҳсулотлари» АЖ 33 127 33 127 20 024 13 103 4. «Buxara best seeds» МЧЖ («Уруғчиликни ривожлантириш маркази» давлат муассасаси) 3 703 3 703 5. «Яккатут пахтачилик, ғаллачилик, шоличилик ва уруғчилик» кластери 49 763 43 112 15 359 27 753 6 651 6. «Ромитан супер элита уруғчилик» МЧЖ 160 160 7. «Когон асл элита уруғчилик» МЧЖ 207 207 8. «Бухоро асл элита уруғчилик» МЧЖ 588 588 9. «Вобкент элита уруғчилик» МЧЖ 254 254 10. «Ғиждувон супер элита уруғчилиги» МЧЖ 420 420 11. «Buxara seed cluster» МЧЖ 669 669 Жами: 162 900 146 800 52 300 94 500 16 100 Жиззах вилояти 1. «Жиззахдонмаҳсулотлари» АЖ * 68 895 62 186 25 374 36 812 6 709 2. «Зарбдор элеватори» АЖ * 39 822 39 822 14 304 25 518 3. «Дўстликдонмаҳсулотлари» АЖ * 95 172 89 821 32 422 57 399 5 351 4. «Дафна ифори» МЧЖ 7 000 7 000 7 000 5. «Silverleafe» МЧЖ ҚК 3 471 3 471 3 471 6. «Doʻstlik best-seeds» МЧЖ («Уруғчиликни ривожлантириш маркази» давлат муассасаси) 568 568 7. «Дўстлик тумани элита уруғчилик хўжалиги» МЧЖ 140 140 8. Зарбдор тумани «Ютуқ майдони» уруғчилик фермер хўжалиги 568 568 9. «Ш. Рашидов тумани элита уруғчилик хўжалиги» МЧЖ 120 120 10. «Пахтакор тумани элита уруғчилик хўжалиги» МЧЖ 150 150 11. «Семуруғ кластер» МЧЖ 375 375 12. «Пахтакор сара бошоқ даласи» МЧЖ 319 319 Жами: 216 600 202 300 72 100 130 200 14 300 Қашқадарё вилояти 1. «Қашқадарёдонмаҳсулотлари» АЖ * 31 800 29 100 13 800 15 300 2 700 2. «Косон ДМҚҚ» МЧЖ * 78 400 71 900 26 200 45 700 6 500 3. «Дон-халқ ризқи» АЖ 41 500 39 800 15 200 24 600 1 700 4. «Дунё-М» АЖ * 60 900 58 100 40 500 17 600 2 800 5. «Қамаши ДҚҚ» МЧЖ 27 050 27 050 19 100 7 950 6. «Индорама агро» МЧЖ 45 900 41 900 41 900 4 000 7. «Yakkabogʻ best-seeds» МЧЖ («Уруғчиликни ривожлантириш маркази» давлат муассасаси) 6 200 6 200 8. «Nishon new don best-seeds» МЧЖ («Уруғчиликни ривожлантириш маркази» давлат муассасаси) 2 900 2 900 9. «Kasbi don best-seeds» МЧЖ («Уруғчиликни ривожлантириш маркази» давлат муассасаси) 2 700 2 700 10. «EMG inter investment» МЧЖ ХК 3 100 3 100 3 100 11. «Қамаши олтин бошоқлари кластер» МЧЖ 17 150 17 150 17 150 12. «Касби дон агро кластер» МЧЖ 14 100 14 100 14 100 13. «Нишон кластер теххизмат МТП» МЧЖ 4 400 4 400 4 400 14. «Агродон ААА» МЧЖ 7 500 7 500 7 500 15. «Shodlik paxta don klaster» МЧЖ 8 000 8 000 8 000 Жами: 351 600 322 100 114 800 207 300 29 500 Навоий вилояти 1. «Навоийдонмаҳсулотлари» АЖ 46 532 43 536 19 555 23 981 2996 2. «Қизилтепа ун заводи» АЖ 21 486 21 486 7 745 13 741 3. «Сарой уни» МЧЖ 11 578 11 578 11 578 4. «Navoiy-gʻalla best-seeds» МЧЖ («Уруғчиликни ривожлантириш маркази» давлат муассасаси) 3 704 3 704 Жами: 83 300 76 600 27 300 49 300 6 700 Наманган вилояти 1. «Намангандонмаҳсулотлари» АЖ * 73 748 73 748 35 880 37 868 2. «Учқурғондонмаҳсулотлари» АЖ 54 183 54 183 24 020 30 163 3. «Попдонмаҳсулотлари» АЖ 42 169 42 169 42 169 4. «Uchqoʻrgʻon best-seeds» МЧЖ («Уруғчиликни ривожлантириш маркази» давлат муассасаси) 4 719 4 719 5. «Chortoq don best-seeds» МЧЖ («Уруғчиликни ривожлантириш маркази» давлат муассасаси) 5 594 5 594 6. Элита уруғчилик хўжаликлари («Уруғчиликни ривожлантириш маркази» давлат муассасаси) 461 461 7. «NAM seeds» МЧЖ 226 226 Жами: 181100 170 100 59 900 110 200 11 000 Самарқанд вилояти 1. «Самарқанддонмаҳсулотлари» АЖ 47 840 44 593 18 071 26 522 3 247 2. «Оқтош дон» АЖ 26 883 24 949 11 434 13 515 1 934 3. «Жума элеватори» АЖ 41 964 41 964 38 438 3 526 4. «Жомбойдонмаҳсулотлари» АЖ 15 246 14 045 8 207 5 838 1 201 5. «Каттаминг уруғчилик кластери» МЧЖ 1 792 1 792 6. «Motrud best-seeds» МЧЖ («Уруғчиликни ривожлантириш маркази» давлат муассасаси) 2 488 2 488 7. «Zirabuloq best-seeds» МЧЖ («Уруғчиликни ривожлантириш маркази» давлат муассасаси) 1 485 1 485 8. «Pet agro oil» МЧЖ 38 606 38 606 38 606 9. «Afrosiyob jins tekstil» МЧЖ 21 545 21 545 21 545 10. «Maroqand sifat tekstil» МЧЖ 6 556 6 556 6 556 11. «Мирзаев Шухрат Кенжаевич» фермер хўжалиги 9 941 9 462 9 462 479 12. «Kattakurgan gʻalla cluster» МЧЖ 13 030 13 030 13 030 13. «Самарқанд-Иштихон элита уруғчилик хўжалиги» МЧЖ 142 142 14. «Каттақўрғон элита уруғчилик хўжалиги» МЧЖ 128 128 15. «Пахтачи элита уруғчилик хўжалиги» МЧЖ 128 128 16. «Пайариқ элита уруғчилик хўжалиги» МЧЖ 113 113 17. «Пастдарғом элита уруғчилик хўжалиги» МЧЖ 113 113 Жами: 228 000 214 750 76 150 138 600 13 250 Сурхондарё вилояти 1. «Сурхондарёдонмаҳсулотлари» АЖ 87 371 80 697 28 227 52 470 6 674 2. «Шўрчидонмаҳсулотлари» АЖ 113 183 105 457 45 973 59 484 7 726 3. «Jarqoʻrgʻon best-seeds» МЧЖ («Уруғчиликни ривожлантириш маркази» давлат муассасаси) 3 800 3 800 4. «Муҳаббат Аловутдин Аттор» МЧЖ 11 023 11 023 11 023 5. «Бек агро экспорт» МЧЖ 11 023 11 023 11 023 Жами: 226 400 208 200 74 200 134 000 18 200 Сирдарё вилояти 1. «Оқолтиндонмаҳсулотлари» АЖ * 112 676 106 176 41 489 64 687 6 500 2. «Ховосдонмаҳсулотлари» АЖ * 43 313 43 313 24 311 19 002 3. «Индорама агро» МЧЖ 28 940 28 940 28 940 4. «Poli tex Sirdaryo» МЧЖ 2 700 2 700 5. «Бобур қишлоқ хўжалиги» МЧЖ 5 373 5 373 5 373 6. «Сардоба ғалла кластер» МЧЖ 898 898 898 7. «Oqoltin best-seeds» МЧЖ («Уруғчиликни ривожлантириш маркази» давлат муассасаси) 7 400 7 400 Жами: 201 300 184 700 65 800 118 900 16 600 Тошкент вилояти 1. «Тошкентдонмаҳсулотлари» АЖ 98 642 91 864 32 056 59 808 6 778 2. «Оҳангарон дон» АЖ 120411 115 130 40 174 74 956 5 281 3. «Ғалла-Алтег» АЖ 35 306 35 306 12 320 22 986 4. «TST agroklaster» МЧЖ 1 000 1 000 5. «Tashkent best-seeds» МЧЖ («Уруғчиликни ривожлантириш маркази» давлат муассасаси) 4 671 4 671 6. «Yuqorichirchiq best-seeds» МЧЖ («Уруғчиликни ривожлантириш маркази» давлат муассасаси) 4 170 4 170 Жами: 264 200 242 300 84 550 157 750 21 900 Фарғона вилояти 1. «Фарғонадонмаҳсулотлари» АЖ 44 400 41 700 27 041 14 659 2 700 2. «Боғдоддонмаҳсулотлари» АЖ 50 200 50 200 22 000 28 200 3. «Қўқондонмаҳсулотлари» АЖ * 76 435 69 150 25 313 43 837 7 285 4. «Қувадонмаҳсулотлари» АЖ 7 980 6 380 4 567 1 813 1 600 5. «Eko green trede 777» МЧЖ 33 300 33 300 33 300 6. «Барака Қува ун» МЧЖ 7 920 7 920 3 279 4 641 7. «Фарғона дон кластер» МЧЖ 22 400 19 100 19100 3 300 8. «Сўхдонмаҳсулотлари» МЧЖ 1 000 1 000 1 000 9. «Bagʻdod best-seeds» МЧЖ («Уруғчиликни ривожлантириш маркази» давлат муассасаси) 3 100 3 100 10. «Фурқат дон кластер» МЧЖ 415 415 11. «Риштон сара уруғлари» МЧЖ 1 300 1 300 12. «Beshariq Crusher» МЧЖ 3 150 3 150 3 150 Жами: 251 600 231 900 82 200 149 700 19 700 Хоразм вилояти 1. «Хоразмдонмаҳсулотлари» АЖ 6 205 6 205 3 286 2 919 2. «Боғот дон» АЖ 13 690 13 690 8 745 4 945 3. «Хонқадонмаҳсулотлари» АЖ 10 950 10 950 7 827 3 123 4. «Urganch best-seeds» МЧЖ («Уруғчиликни ривожлантириш маркази» давлат муассасаси) 2 400 2 400 5. «Хоразм фахри уруғчилик кластери» МЧЖ 3 781 3 781 6. «Хонқа табиий маҳсулот» МЧЖ 7 382 7 382 7 382 7. «Қўшкўпир само кластер» МЧЖ 8 213 8 213 8 213 8. «Умида» фермер хўжалиги 3 874 3 874 3 874 9. «Шовот дон» МЧЖ 7 114 7 114 5 246 1 868 10. «Питнак агро дон» МЧЖ 3 710 3 710 2 296 1 414 11. «Гурлан дон қабул қилиш» МЧЖ 8 257 8 257 8 257 12. «Хоразм нурли замин» фермер хўжалиги 8 381 7 505 7 505 876 13. «Боғот» элита уруғчилик хўжалиги 134 134 14. «Гурлан» элита уруғчилик хўжалиги 134 134 15. «Хонқа» элита уруғчилик хўжалиги 102 102 16. «Хива» элита уруғчилик хўжалиги 73 73 Жами: 84 400 76 900 27 400 49 500 7 500 Республика бўйича жами: 2 550 000 2 350 000 837 000 1 513 000 200 000

Вазирлар Маҳкамасининг 2024 йил 11 июндаги 325-сон қарорига 2-ИЛОВА

2024 йил ҳосилидан давлат ресурси сифатида харид қилинадиган буғдой нархларини аниқлаш

Буғдой синфлари Клейковина миқдори (фоиздан кам бўлмаганда) Қўлланиладиган коэффициент Қаттиқ буғдой 1 синф 28 1,641 2 синф 25 1,447 3 синф 22 1,316 4 синф 18 1,000 Юмшоқ буғдой 1 синф 32 1,366 2 синф 28 1,162 3 синф 23 1,000 4 синф 18 0,895 5 синф қаттиқ ва юмшоқ буғдой чегараланмаган 0,827

Ўзбекистон Республикасининг Бош вазири А. АРИПОВ

Тошкент ш.,

2024 йил 11 июнь,

325-сон

(Қонунчилик маълумотлари миллий базаси, 14.06.2024 й., 09/24/325/0417-сон; 02.04.2025 й., 09/25/197/0299-сон; 10.04.2025 й., 09/25/211/0323-сон; 04.06.2025 й., 09/25/345/0491-сон; 28.07.2025 й., 09/25/466/0655-сон)

lex.uz

Oʻzbekiston Respublikasi Vazirlar Mahkamasining

qarori

DISLOKATSIYASI

KOEFFITSIYENTLARI

2024-yil hosilidan bugʻdoy xarid qilish va ichki bozorda narxlar barqarorligini taʼminlash chora-tadbirlari toʻgʻrisida

Oʻzbekiston Respublikasi Prezidentining “Gʻalla yetishtirish va sotishda erkin raqobatni taʼminlaydigan bozor tamoyillarini joriy etish toʻgʻrisida” 2021-yil 15-noyabrdagi PQ-10-son qaroriga muvofiq, shuningdek, gʻalla bozorini erkinlashtirish boʻyicha islohotlarni davom ettirish, ichki bozorni bugʻdoy va un mahsulotlari bilan uzluksiz taʼminlash hamda ularning narxlari barqarorligini saqlash maqsadida Vazirlar Mahkamasi qaror qiladi:

1. Oʻzbekiston Respublikasi Qishloq xoʻjaligi vazirligi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi va viloyatlar hokimliklarining 2024-yil hosilidan sugʻoriladigan maydonlarning har gektaridan oʻrtacha 2,5 tonnadan jami 2 mln 550 ming tonna bugʻdoyning, jumladan:

1 mln 513 ming tonnasini fermer xoʻjaliklari hamda boshqa bugʻdoy yetishtiruvchilar (keyingi oʻrinlarda — bugʻdoy yetishtiruvchilar) tomonidan keyinchalik birja savdolarida sotish uchun Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasining (keyingi oʻrinlarda — Jamgʻarma) tijorat vakilida vaqtinchalik saqlashga qabul qilish;

837 ming tonnasini tovar bugʻdoy davlat resursi sifatida;

200 ming tonnasini urugʻlik uchun Jamgʻarma mablagʻlari hisobidan xarid qilish toʻgʻrisidagi takliflari maʼqullansin.

2. Belgilansinki, 2024-yil gʻalla hosilidan boshlab bugʻdoyni saqlash quvvatiga ega boʻlgan xoʻjalik yurituvchi subyektlar Jamgʻarma nomidan bugʻdoy yetishtiruvchilardan tovar bugʻdoyni xarid qilish, qabul qilish va saqlash, shuningdek, xaridorlarga yuklab joʻnatish ishlarini amalga oshirish boʻyicha tijorat vakili (keyingi oʻrinlarda — Jamgʻarmaning tijorat vakili) hisoblanadi. Bunda Jamgʻarmaning tijorat vakili:

tovar bugʻdoyni xarid qilish va sotish boʻyicha bugʻdoy yetishtiruvchilar hamda Jamgʻarma bilan belgilangan shakldagi elektron hisobvaraq-fakturani rasmiylashtiradi va hisobini alohida yuritadi;

bugʻdoyni qabul qilish va ombordan chiqarish jarayonida “d-xarid.uz” axborot tizimiga kiritiladigan moliyaviy hisob-kitoblar va maʼlumotlarning haqqoniyligiga shaxsan javobgar hisoblanadi.

3. Shunday tartib oʻrnatilsinki, unga muvofiq 2024-yil gʻalla hosilidan boshlab:

davlat resursi sifatida tovar bugʻdoyni xarid qilish jarayonida qoʻshilgan qiymat soligʻi hisobga olinmaydi va sotishda soliq solish bazasiga kiritilmaydi;

ustav fondida davlat ulushi 50 foiz va undan yuqori boʻlgan tijorat banklari tomonidan Jamgʻarmaning tijorat vakili hisobvaragʻidagi debit aylanmasidan davlat resursi sifatida tovar bugʻdoyni xarid qilish jarayonida bank xizmatlari undirilmaydi;

davlat resursi sifatida hamda vaqtincha saqlashga qabul qilinadigan bugʻdoyning sifati, saqlanishi hamda xaridorlarga yuklab joʻnatilishida tovar bugʻdoyning sifati boʻyicha nazorat Vazirlar Mahkamasi huzuridagi Agrosanoat majmui ustidan nazorat qilish inspeksiyasi (keyingi oʻrinlarda — “Oʻzagroinspeksiya”) tomonidan amalga oshiriladi;

Jamgʻarmaning tijorat vakili “Oʻzagroinspeksiya” nazorati ostida davlat resursi sifatida saqlanayotgan tovar bugʻdoy hajmlarini ikki yilda bir marotaba toʻliq xatlovdan oʻtkazadi, avvalgi yillarda oʻtkazilgan va xatlov davrida qoldiqda turgan tovar bugʻdoy partiyalarining tabiiy kamayishiga yoʻl qoʻymaydi.

4. Quyidagilar:

2024-yil hosilidan vaqtinchalik saqlash, davlat resursi va urugʻlik uchun bugʻdoyni qabul qilish omborlari dislokatsiyasi 1-ilovaga muvofiq;

2024-yil hosilidan davlat resursi sifatida xarid qilinadigan bugʻdoy narxlarini aniqlash koeffitsiyentlari 2-ilovaga muvofiq tasdiqlansin.

5. Qoraqalpogʻiston Respublikasi Vazirlar Kengashi, viloyat va tumanlar hokimliklari Oʻzbekiston Respublikasi Qishloq xoʻjaligi vazirligi bilan birgalikda bir hafta muddatda davlat resursi sifatida xarid qilinadigan va vaqtincha saqlash uchun qabul qilinadigan hamda urugʻlik bugʻdoy hajmlarini bugʻdoy yetishtiruvchilar kesimida tasdiqlash yuzasidan oʻz qarorlarini qabul qilsinlar.

Davlat resursi sifatida xarid qilinadigan bugʻdoy uchun toʻlovlar 2024-yilning mart-may oylarida Oʻzbekiston Respublika tovar-xomashyo birjasida (keyingi oʻrinlarda — Birja) 3-sinf bugʻdoy uchun shakllangan oʻrtacha narxdan (oʻrtacha kotirovkadan) kelib chiqqan holda, bugʻdoy topshirilgan kundan eʼtiboran ikki hafta muddatda bugʻdoy yetishtiruvchilarning maxsus hisobvaraqlariga toʻliq oʻtkazilsin.

Birja uch kun muddatda oʻzining rasmiy veb-sahifasiga 2024-yilning mart-may oylarida birja savdolarida 3-sinf bugʻdoy uchun shakllangan oʻrtacha narx toʻgʻrisidagi maʼlumotlarni tumanlar kesimida joylashtirsin.

Vaqtincha saqlash uchun qabul qilinadigan tovar bugʻdoyni saqlash xarajatlari Jamgʻarmaning tijorat vakili va bugʻdoy yetishtiruvchilar oʻrtasida tuzilgan shartnomaga muvofiq 2025-yil 1-yanvarga qadar Jamgʻarma mablagʻlari hisobidan hamda ushbu bugʻdoyni tashib keltirish uchun transport, qabul qilish va xaridorlarga yuklab joʻnatish xarajatlari bugʻdoy yetishtiruvchilar hisobidan amalga oshirilsin.

6. Shunday tartib oʻrnatilsinki:

Jamgʻarma mablagʻlari hisobidan davlat resursi sifatida 2022-2023-yillar va 2024-yilda xarid qilingan, shuningdek, vaqtincha saqlashga qabul qilingan 5 va undan yuqori sinflardagi tovar bugʻdoy barcha xoʻjalik yurituvchi subyektlarga birja savdolari orqali cheklovlarsiz sotiladi;

donni qayta ishlash quvvatiga ega boʻlgan bugʻdoy yetishtiruvchilar oʻzlari yetishtirgan, shuningdek, Jamgʻarmaning tijorat vakili sifatida oʻz omborlariga vaqtincha saqlash uchun qabul qilgan tovar bugʻdoydan 75 foizidan kam boʻlmagan miqdorda un ishlab chiqarish va birja savdolari orqali sotish majburiyatini olganda, tovar bugʻdoyni grafik asosida qayta ishlab sotishga ruxsat beriladi.

7. Vaqtincha saqlashga qabul qilinadigan bugʻdoyni birja savdolarida sotishdan tushgan mablagʻlar, birinchi navbatda, Jamgʻarma mablagʻlari hisobidan bugʻdoy yetishtirish xarajatlarini moliyalashtirishga ajratilgan kredit hamda urugʻlik bugʻdoydan yuzaga kelgan qarzdorlikni soʻndirishga yoʻnaltirilsin.

8. Urugʻlik bugʻdoy tayyorlash korxonalari tomonidan urugʻlik bugʻdoyning har bir tonnasi 2024-yilning mart-may oylarida Birjada 3-sinf bugʻdoy uchun shakllangan oʻrtacha narxda (oʻrtacha kotirovka) Vazirlar Mahkamasining “Qishloq xoʻjaligi ekinlari urugʻchiligiga oid ayrim normativ-huquqiy hujjatlarni tasdiqlash toʻgʻrisida” 2022-yil 12-oktabrdagi 641-son qarorida boshoqli don urugʻlarining avlodlari uchun belgilangan ustamalar hisobga olingan holda xarid qilinsin. Bunda:

Jamgʻarma urugʻlik bugʻdoyni xarid qilish, tayyorlash va sugʻurta xarajatlarini kreditlash uchun 12 oy muddatga (shundan 6 oy imtiyozli davr bilan), Oʻzbekiston Respublikasi Markaziy banki asosiy stavkasining 50 foizi miqdorida (shundan bank marjasi 4 foiz) kredit resurslarini urugʻlik bugʻdoy tayyorlash korxonalariga xizmat koʻrsatuvchi tijorat banklariga joylashtiradi;

tijorat banklari ushbu kredit resurslari hisobidan urugʻlik bugʻdoy tayyorlash korxonalariga Oʻzbekiston Respublikasi Markaziy banki asosiy stavkasining 50 foizi miqdorida 12 oy muddatga (shundan 6 oy imtiyozli davr bilan) kredit ajratadi.

Urugʻlik bugʻdoy tayyorlash korxonalariga 2023-2024-yillar hosilidan urugʻlik bugʻdoyni xarid qilish, tayyorlash va sugʻurta toʻlovlari uchun Jamgʻarmadan ajratilgan qarz mablagʻlarini qaytarish muddati, istisno tariqasida, 2025-yil 1-oktabrga qadar uzaytiriladi.

9. Oʻzbekiston Respublikasi Iqtisodiyot va moliya vazirligi:

a) oʻn kun muddatda:

Transport vazirligi va Qishloq xoʻjaligi vazirligi bilan birgalikda 2024-yil uchun bugʻdoy hosilini tashishning tavsiyaviy tarifini;

Jamgʻarmaning tijorat vakillari bilan birgalikda bugʻdoyni qabul qilish, saqlash va xaridorlarga yuklab joʻnatish boʻyicha xizmatlar tarifining eng yuqori cheklangan darajasini tasdiqlasin va joylarga yetkazilishini taʼminlasin;

b) Jamgʻarma va Birja bilan birgalikda Qoraqalpogʻiston Respublikasi Vazirlar Kengashi hamda viloyatlar hokimliklari tomonidan bugʻdoy yetishtiruvchilar kesimida tasdiqlangan vaqtincha saqlash uchun qabul qilinadigan bugʻdoyni birja savdolariga qoʻyish boʻyicha oylik grafiklarni umumlashtirgan holda tasdiqlasin hamda kelgusi oyda birja savdolariga qoʻyiladigan bugʻdoy hajmlarini joriy oyning 30-sanasiga qadar Birjaning rasmiy veb-sahifasiga joylashtirib borsin;

v) Jamgʻarma bilan birgalikda:

davlat resursi sifatida xarid qilinadigan bugʻdoyni birja savdolariga qoʻyish boʻyicha oylik grafikni 2024-yil 30-sentabrga qadar ishlab chiqsin va tasdiqlash uchun Vazirlar Mahkamasiga kiritsin;

kelgusi oylarda birja savdolariga qoʻyiladigan bugʻdoy toʻgʻrisidagi maʼlumotlarni kalendar oy boshlanishidan ikki kun oldin Birjaning rasmiy veb-sahifasiga joylashtirish uchun taqdim etib borsin;

zarur hollarda, ichki bozorda narx barqarorligini saqlash maqsadida bugʻdoy tanqisligi kuzatilgan hududlar uchun birja savdolariga qoʻshimcha bugʻdoy qoʻyish toʻgʻrisida Vazirlar Mahkamasiga taklif kiritsin.

Bunda Jamgʻarmaning tijorat vakillari tomonidan bugʻdoy tanqisligi kuzatilgan hududlarda tovar bugʻdoyni xarid qilish va sotish jarayonida qoʻshilgan qiymat soligʻi hisobga olinmaydi va sotishda soliq solish bazasiga kiritilmaydi.

10. Vaqtincha saqlashga qabul qilinadigan bugʻdoy birja savdolariga oyma-oy grafik asosida qoʻyilishini inobatga olib, 2024-yil hosili uchun bugʻdoy yetishtirish xarajatlarini moliyalashtirishga ajratilgan kreditlarni qaytarish muddati, istisno tariqasida, 2025-yil 1-yanvarga qadar uzaytirilsin.

Bunda Jamgʻarma tomonidan 2024-yil bugʻdoy hosilini yetishtirish xarajatlarini moliyalashtirish uchun tijorat banklariga joylashtirilgan kredit resurslarining qaytarish muddati Jamgʻarma va tijorat banklari oʻrtasida tuzilgan bitimlarda belgilangan kredit resursini qaytarishning oxirgi muddatidan boshlab mutanosib ravishda uzaytiriladi.

11. Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasiga:

birja savdolaridan bugʻdoy xarid qilgan yoki mazkur qarorning 5-bandiga muvofiq bugʻdoyni qayta ishlashga yoʻnaltirgan xoʻjalik yurituvchi subyektlar tomonidan ishlab chiqarilgan un mahsulotlarining birja savdolariga grafik asosida chiqarilishi ustidan doimiy nazorat oʻrnatish vazifasi yuklansin;

zarur hollarda, bir savdo sessiyasida bir xaridor tomonidan xarid qilinadigan bugʻdoy va un mahsulotlarining maksimal miqdorini (limitini) belgilash hamda unga oʻzgartirishlar kiritish vakolati berilsin.

12. Davlat zaxirasidagi bugʻdoy Oʻzbekiston Respublikasi Iqtisodiyot va moliya vazirligi huzuridagi Davlat zaxiralarini boshqarish qoʻmitasi hamda Jamgʻarmaning yozma koʻrsatmasiga asosan ikki yilda bir marta Jamgʻarmaning tijorat vakili tomonidan xarid qilinadigan yangi hosilni jamlash va avval zaxirada saqlangan bugʻdoyni birja savdolariga chiqarish orqali yangilansin.

Bunda bugʻdoyni yangilash jarayonida ajratib olinadigan donli aralashma (oraliq mahsulot) birja savdolari orqali sotiladi hamda yuzaga kelgan salbiy farq va qoʻshimcha xarajatlar Jamgʻarma mablagʻlari hisobidan qoplanadi.

13. Jamgʻarma tomonidan tijorat vakiliga oʻtkazib beriladigan va qaytariladigan mablagʻlar hamda vaqtincha saqlash uchun bugʻdoy topshirgan bugʻdoy yetishtiruvchilarning mahsulot sotishdan tushgan mablagʻlari harakati qonunchilik hujjatlariga muvofiq undiruvga qaratilmaydigan maxsus maqsadli hisobvaraqlarda amalga oshirilishi belgilab qoʻyilsin.

14. Oʻzbekiston Respublikasi Bosh prokuraturasiga va Markaziy bankka 2024-yil hosilidan bugʻdoy xarid qilish va sotishda shaffoflikni taʼminlanishi, toʻlovlar oʻz vaqtida amalga oshirilishi hamda ajratilgan kreditlar soʻndirilishi ustidan kunlik nazorat oʻrnatish tavsiya etilsin.

15. Oʻzbekiston Respublikasi Ichki ishlar vazirligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda yoʻllarda gʻalla oʻrish va don tashish texnikalarining harakatlanish xavfsizligini taʼminlash, gʻalla maydonlarida yongʻin kelib chiqishining oldini olish, shuningdek, yetishtirilgan hosilni talon-toroj qilinishiga yoʻl qoʻymaslik yuzasidan zarur choralarni koʻrsinlar.

16. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov hamda Qoraqalpogʻiston Respublikasi Vazirlar Kengashi Raisi va viloyatlar hokimlari zimmasiga yuklansin.

Vazirlar Mahkamasining 2024-yil 11-iyundagi 325-son qaroriga 1-ILOVA

2024-yil hosilidan vaqtinchalik saqlash, davlat resursi va urugʻlik uchun bugʻdoyni qabul qilish omborlari

tonna T/r Korxonalar nomi Jami qabul qilinadigan bugʻdoy Shu jumladan: tovar bugʻdoy shundan: urugʻlik bugʻdoy davlat resursi sifatida xarid qilinadigan bugʻdoy vaqtincha saqlashga qabul qilinadigan bugʻdoy Qoraqalpogʻiston Respublikasi 1. “Qoraqalpoqdonmahsulotlari” AJ 24 833 24 833 20 932 3 901 2. “Chimboydonmahsulotlari” MCHJ 12 770 12 170 12 170 600 3. “Qoʻngʻirot un zavodi” AJ 12 354 11 904 8 685 3 219 450 4. “Toʻrtkoʻldonmahsulotlari” MCHJ 12 184 12 184 8 483 3 701 5. “Toʻrtkoʻl paxta tolasi agro klaster” MCHJ 4 832 4 032 4 032 800 6. “Bulding house one” MCHJ 4 800 4 000 4 000 800 7. “Guldursin gʻalla klaster” MCHJ 4 000 4 000 4 000 8. “Qipchoq gʻalla klaster” MCHJ 4 000 4 000 4 000 9. “Taxiatoshdonmahsulotlari” AJ 22 377 19 677 19 677 2 700 10. “Don klaster” MCHJ 500 500 11. “Noʻkus best-seeds” MCHJ (“Urugʻchilikni rivojlantirish markazi” davlat muassasasi) 4 150 4 150 Jami: 106 800 96 800 38 100 58 700 10 000 Andijon viloyati 1. “Andijondonmahsulotlari” AJ 72 119 66 100 23 906 42 194 6 019 2. “Asakadonmahsulotlari” AJ 65 088 61 838 21 320 40 518 3 250 3. “Qoʻrgʻontepadonmahsulotlari” AJ 52 452 48 612 16 974 31 638 3 840 4. “Andijon best-seeds” MCHJ (“Urugʻchilikni rivojlantirish markazi” davlat muassasasi) 2 141 2 141 Jami: 191 800 176 550 62 200 114 350 15 250 Buxoro viloyati 1. “Buxorodonmahsulotlari” AJ 59 291 55 843 11 674 44 169 3 448 2. “Qorakoʻldonmahsulotlari” AJ 14 718 14 718 5 243 9 475 3. “Kogondonmahsulotlari” AJ 33 127 33 127 20 024 13 103 4. “Buxara best seeds” MCHJ (“Urugʻchilikni rivojlantirish markazi” davlat muassasasi) 3 703 3 703 5. “Yakkatut paxtachilik, gʻallachilik, sholichilik va urugʻchilik” klasteri 49 763 43 112 15 359 27 753 6 651 6. “Romitan super elita urugʻchilik” MCHJ 160 160 7. “Kogon asl elita urugʻchilik” MCHJ 207 207 8. “Buxoro asl elita urugʻchilik” MCHJ 588 588 9. “Vobkent elita urugʻchilik” MCHJ 254 254 10. “Gʻijduvon super elita urugʻchiligi” MCHJ 420 420 11. “Buxara seed cluster” MCHJ 669 669 Jami: 162 900 146 800 52 300 94 500 16 100 Jizzax viloyati 1. “Jizzaxdonmahsulotlari” AJ * 68 895 62 186 25 374 36 812 6 709 2. “Zarbdor elevatori” AJ * 39 822 39 822 14 304 25 518 3. “Doʻstlikdonmahsulotlari” AJ * 95 172 89 821 32 422 57 399 5 351 4. “Dafna ifori” MCHJ 7 000 7 000 7 000 5. “Silverleafe” MCHJ QK 3 471 3 471 3 471 6. “Doʻstlik best-seeds” MCHJ (“Urugʻchilikni rivojlantirish markazi” davlat muassasasi) 568 568 7. “Doʻstlik tumani elita urugʻchilik xoʻjaligi” MCHJ 140 140 8. Zarbdor tumani “Yutuq maydoni” urugʻchilik fermer xoʻjaligi 568 568 9. “Sh. Rashidov tumani elita urugʻchilik xoʻjaligi” MCHJ 120 120 10. “Paxtakor tumani elita urugʻchilik xoʻjaligi” MCHJ 150 150 11. “Semurugʻ klaster” MCHJ 375 375 12. “Paxtakor sara boshoq dalasi” MCHJ 319 319 Jami: 216 600 202 300 72 100 130 200 14 300 Qashqadaryo viloyati 1. “Qashqadaryodonmahsulotlari” AJ * 31 800 29 100 13 800 15 300 2 700 2. “Koson DMQQ” MCHJ * 78 400 71 900 26 200 45 700 6 500 3. “Don-xalq rizqi” AJ 41 500 39 800 15 200 24 600 1 700 4. “Dunyo-M” AJ * 60 900 58 100 40 500 17 600 2 800 5. “Qamashi DQQ” MCHJ 27 050 27 050 19 100 7 950 6. “Indorama agro” MCHJ 45 900 41 900 41 900 4 000 7. “Yakkabogʻ best-seeds” MCHJ (“Urugʻchilikni rivojlantirish markazi” davlat muassasasi) 6 200 6 200 8. “Nishon new don best-seeds” MCHJ (“Urugʻchilikni rivojlantirish markazi” davlat muassasasi) 2 900 2 900 9. “Kasbi don best-seeds” MCHJ (“Urugʻchilikni rivojlantirish markazi” davlat muassasasi) 2 700 2 700 10. “EMG inter investment” MCHJ XK 3 100 3 100 3 100 11. “Qamashi oltin boshoqlari klaster” MCHJ 17 150 17 150 17 150 12. “Kasbi don agro klaster” MCHJ 14 100 14 100 14 100 13. “Nishon klaster texxizmat MTP” MCHJ 4 400 4 400 4 400 14. “Agrodon AAA” MCHJ 7 500 7 500 7 500 15. “Shodlik paxta don klaster” MCHJ 8 000 8 000 8 000 Jami: 351 600 322 100 114 800 207 300 29 500 Navoiy viloyati 1. “Navoiydonmahsulotlari” AJ 46 532 43 536 19 555 23 981 2996 2. “Qiziltepa un zavodi” AJ 21 486 21 486 7 745 13 741 3. “Saroy uni” MCHJ 11 578 11 578 11 578 4. “Navoiy-gʻalla best-seeds” MCHJ (“Urugʻchilikni rivojlantirish markazi” davlat muassasasi) 3 704 3 704 Jami: 83 300 76 600 27 300 49 300 6 700 Namangan viloyati 1. “Namangandonmahsulotlari” AJ * 73 748 73 748 35 880 37 868 2. “Uchqurgʻondonmahsulotlari” AJ 54 183 54 183 24 020 30 163 3. “Popdonmahsulotlari” AJ 42 169 42 169 42 169 4. “Uchqoʻrgʻon best-seeds” MCHJ (“Urugʻchilikni rivojlantirish markazi” davlat muassasasi) 4 719 4 719 5. “Chortoq don best-seeds” MCHJ (“Urugʻchilikni rivojlantirish markazi” davlat muassasasi) 5 594 5 594 6. Elita urugʻchilik xoʻjaliklari (“Urugʻchilikni rivojlantirish markazi” davlat muassasasi) 461 461 7. “NAM seeds” MCHJ 226 226 Jami: 181100 170 100 59 900 110 200 11 000 Samarqand viloyati 1. “Samarqanddonmahsulotlari” AJ 47 840 44 593 18 071 26 522 3 247 2. “Oqtosh don” AJ 26 883 24 949 11 434 13 515 1 934 3. “Juma elevatori” AJ 41 964 41 964 38 438 3 526 4. “Jomboydonmahsulotlari” AJ 15 246 14 045 8 207 5 838 1 201 5. “Kattaming urugʻchilik klasteri” MCHJ 1 792 1 792 6. “Motrud best-seeds” MCHJ (“Urugʻchilikni rivojlantirish markazi” davlat muassasasi) 2 488 2 488 7. “Zirabuloq best-seeds” MCHJ (“Urugʻchilikni rivojlantirish markazi” davlat muassasasi) 1 485 1 485 8. “Pet agro oil” MCHJ 38 606 38 606 38 606 9. “Afrosiyob jins tekstil” MCHJ 21 545 21 545 21 545 10. “Maroqand sifat tekstil” MCHJ 6 556 6 556 6 556 11. “Mirzayev Shuxrat Kenjayevich” fermer xoʻjaligi 9 941 9 462 9 462 479 12. “Kattakurgan gʻalla cluster” MCHJ 13 030 13 030 13 030 13. “Samarqand-Ishtixon elita urugʻchilik xoʻjaligi” MCHJ 142 142 14. “Kattaqoʻrgʻon elita urugʻchilik xoʻjaligi” MCHJ 128 128 15. “Paxtachi elita urugʻchilik xoʻjaligi” MCHJ 128 128 16. “Payariq elita urugʻchilik xoʻjaligi” MCHJ 113 113 17. “Pastdargʻom elita urugʻchilik xoʻjaligi” MCHJ 113 113 Jami: 228 000 214 750 76 150 138 600 13 250 Surxondaryo viloyati 1. “Surxondaryodonmahsulotlari” AJ 87 371 80 697 28 227 52 470 6 674 2. “Shoʻrchidonmahsulotlari” AJ 113 183 105 457 45 973 59 484 7 726 3. “Jarqoʻrgʻon best-seeds” MCHJ (“Urugʻchilikni rivojlantirish markazi” davlat muassasasi) 3 800 3 800 4. “Muhabbat Alovutdin Attor” MCHJ 11 023 11 023 11 023 5. “Bek agro eksport” MCHJ 11 023 11 023 11 023 Jami: 226 400 208 200 74 200 134 000 18 200 Sirdaryo viloyati 1. “Oqoltindonmahsulotlari” AJ * 112 676 106 176 41 489 64 687 6 500 2. “Xovosdonmahsulotlari” AJ * 43 313 43 313 24 311 19 002 3. “Indorama agro” MCHJ 28 940 28 940 28 940 4. “Poli tex Sirdaryo” MCHJ 2 700 2 700 5. “Bobur qishloq xoʻjaligi” MCHJ 5 373 5 373 5 373 6. “Sardoba gʻalla klaster” MCHJ 898 898 898 7. “Oqoltin best-seeds” MCHJ (“Urugʻchilikni rivojlantirish markazi” davlat muassasasi) 7 400 7 400 Jami: 201 300 184 700 65 800 118 900 16 600 Toshkent viloyati 1. “Toshkentdonmahsulotlari” AJ 98 642 91 864 32 056 59 808 6 778 2. “Ohangaron don” AJ 120411 115 130 40 174 74 956 5 281 3. “Gʻalla-Alteg” AJ 35 306 35 306 12 320 22 986 4. “TST agroklaster” MCHJ 1 000 1 000 5. “Tashkent best-seeds” MCHJ (“Urugʻchilikni rivojlantirish markazi” davlat muassasasi) 4 671 4 671 6. “Yuqorichirchiq best-seeds” MCHJ (“Urugʻchilikni rivojlantirish markazi” davlat muassasasi) 4 170 4 170 Jami: 264 200 242 300 84 550 157 750 21 900 Fargʻona viloyati 1. “Fargʻonadonmahsulotlari” AJ 44 400 41 700 27 041 14 659 2 700 2. “Bogʻdoddonmahsulotlari” AJ 50 200 50 200 22 000 28 200 3. “Qoʻqondonmahsulotlari” AJ * 76 435 69 150 25 313 43 837 7 285 4. “Quvadonmahsulotlari” AJ 7 980 6 380 4 567 1 813 1 600 5. “Eko green trede 777” MCHJ 33 300 33 300 33 300 6. “Baraka Quva un” MCHJ 7 920 7 920 3 279 4 641 7. “Fargʻona don klaster” MCHJ 22 400 19 100 19100 3 300 8. “Soʻxdonmahsulotlari” MCHJ 1 000 1 000 1 000 9. “Bagʻdod best-seeds” MCHJ (“Urugʻchilikni rivojlantirish markazi” davlat muassasasi) 3 100 3 100 10. “Furqat don klaster” MCHJ 415 415 11. “Rishton sara urugʻlari” MCHJ 1 300 1 300 12. “Beshariq Crusher” MCHJ 3 150 3 150 3 150 Jami: 251 600 231 900 82 200 149 700 19 700 Xorazm viloyati 1. “Xorazmdonmahsulotlari” AJ 6 205 6 205 3 286 2 919 2. “Bogʻot don” AJ 13 690 13 690 8 745 4 945 3. “Xonqadonmahsulotlari” AJ 10 950 10 950 7 827 3 123 4. “Urganch best-seeds” MCHJ (“Urugʻchilikni rivojlantirish markazi” davlat muassasasi) 2 400 2 400 5. “Xorazm faxri urugʻchilik klasteri” MCHJ 3 781 3 781 6. “Xonqa tabiiy mahsulot” MCHJ 7 382 7 382 7 382 7. “Qoʻshkoʻpir samo klaster” MCHJ 8 213 8 213 8 213 8. “Umida” fermer xoʻjaligi 3 874 3 874 3 874 9. “Shovot don” MCHJ 7 114 7 114 5 246 1 868 10. “Pitnak agro don” MCHJ 3 710 3 710 2 296 1 414 11. “Gurlan don qabul qilish” MCHJ 8 257 8 257 8 257 12. “Xorazm nurli zamin” fermer xoʻjaligi 8 381 7 505 7 505 876 13. “Bogʻot” elita urugʻchilik xoʻjaligi 134 134 14. “Gurlan” elita urugʻchilik xoʻjaligi 134 134 15. “Xonqa” elita urugʻchilik xoʻjaligi 102 102 16. “Xiva” elita urugʻchilik xoʻjaligi 73 73 Jami: 84 400 76 900 27 400 49 500 7 500 Respublika boʻyicha jami: 2 550 000 2 350 000 837 000 1 513 000 200 000

Vazirlar Mahkamasining 2024-yil 11-iyundagi 325-son qaroriga 2-ILOVA

2024-yil hosilidan davlat resursi sifatida xarid qilinadigan bugʻdoy narxlarini aniqlash

Bugʻdoy sinflari Kleykovina miqdori (foizdan kam boʻlmaganda) Qoʻllaniladigan koeffitsiyent Qattiq bugʻdoy 1 sinf 28 1,641 2 sinf 25 1,447 3 sinf 22 1,316 4 sinf 18 1,000 Yumshoq bugʻdoy 1 sinf 32 1,366 2 sinf 28 1,162 3 sinf 23 1,000 4 sinf 18 0,895 5 sinf qattiq va yumshoq bugʻdoy chegaralanmagan 0,827

Oʻzbekiston Respublikasining Bosh vaziri A. ARIPOV

Toshkent sh.,

2024-yil 11-iyun,

325-son

(Qonunchilik maʼlumotlari milliy bazasi, 14.06.2024-y., 09/24/325/0417-son; 02.04.2025-y., 09/25/197/0299-son; 10.04.2025-y., 09/25/211/0323-son; 04.06.2025-y., 09/25/345/0491-son; 28.07.2025-y., 09/25/466/0655-son)

lex.uz