UzbekAI

Ўзбекистон Республикаси Президентининг

Қарори

«ЙЎЛ ХАРИТАСИ»

Қори Ниёзий номидаги Тарбия педагогикаси миллий институтини ташкил этиш тўғрисида

Ёшлар тарбияси соҳасининг илмий-методик таъминотини амалга ошириш, буюк алломаларимиз ва жадидларнинг ушбу йўналишдаги қарашларини илмий тадқиқ этиш асосида замонавий методикаларни ишлаб чиқиш, ўқувчилар тарбияси масаласида маҳалла ва ота-оналар ўртасидаги самарали ҳамкорликни таъминлаш, ота-оналар ва ўқитувчилар учун ушбу мавзуга оид ўқув ва оммабоп адабиётлар яратишни тизимли йўлга қўйиш мақсадида:

1. Мактабгача ва мактаб таълими вазирлигининг Қори Ниёзий номидаги Ўзбекистон педагогика фанлари илмий-тадқиқот институти негизида Қори Ниёзий номидаги Тарбия педагогикаси миллий институтини (кейинги ўринларда — Институт) ташкил этиш тўғрисидаги таклифига розилик берилсин.

2. Белгилансинки:

Институт янги тарбия методикаларини яратиш ва амалиётга жорий қилиш бўйича олий таълимдан кейинги таълимни амалга оширувчи давлат муассасаси ҳисобланади ҳамда тарбия соҳасини такомиллаштиришга оид илмий асослантирилган истиқболли таклифлар ишлаб чиқади;

Институт бевосита Мактабгача ва мактаб таълими вазирлиги бўйсунувида фаолият олиб боради;

Институтга мактабгача ва мактаб таълими вазири томонидан лавозимга тайинланадиган ва лавозимидан озод этиладиган директор раҳбарлик қилади;

Институт директори ўринбосарлари ҳамда Институтнинг Қорақалпоғистон Республикаси филиали директори Мактабгача ва мактаб таълими вазирлиги билан келишилган ҳолда Институт директори томонидан лавозимга тайинланади ва лавозимидан озод этилади;

Институт ходимлари таркиби танлов асосида шакллантирилади;

Институт ходимларига Фанлар академияси тизимидаги илмий-тадқиқот институтлари ходимлари учун белгиланган меҳнатга ҳақ тўлаш ва моддий рағбатлантириш шартлари татбиқ этилади.

3. Қуйидагилар:

Қори Ниёзий номидаги Тарбия педагогикаси миллий институтининг асосий вазифалари 1-иловага мувофиқ;

2024 — 2027 йилларда Қори Ниёзий номидаги Тарбия педагогикаси миллий институти фаолиятини такомиллаштириш бўйича «йўл харитаси» 2-иловага мувофиқ;

2024 — 2027 йилларда тарбия педагогикаси йўналишида илмий-тадқиқот ишларини ривожлантиришнинг мақсадли кўрсаткичлари 3-иловага мувофиқ тасдиқлансин.

4. Олий таълим, фан ва инновациялар вазирлиги (К. Шарипов), Мактабгача ва мактаб таълими вазирлиги (Х. Умарова) уч ой муддатда Институт ҳузурида «Педагогика назарияси. Педагогик таълимотлар тарихи», «Таълим ва тарбия назарияси ва методикаси» ҳамда «Ижтимоий педагогика» ихтисосликлари бўйича илмий кенгашларни ташкил этиш чораларини кўрсин.

5. Мактабгача ва мактаб таълими вазирлигининг 2025/2026 ўқув йилидан бошлаб умумий ўрта таълим муассасаларида тажриба-синов тариқасида босқичма-босқич жаҳонда тан олинган ижтимоий-эмоционал таълим (Social and Emotional Learning — SEL) методикаларини жорий қилиш тўғрисидаги таклифи маъқуллансин.

Белгилансинки, ижтимоий-эмоционал таълим методикаларини жорий қилиш доирасида:

умумий ўрта таълим муассасалари ўқувчилари 5 та ижтимоий-эмоционал (ўз-ўзини англаш, ўз-ўзини бошқариш, ижтимоий хабардорлик, тенгдошлари билан муносабатларни шакллантириш ва масъулиятли қарор қабул қилиш) компетенцияларга ўргатилади ҳамда ушбу жараёнга ота-оналар ва кенг жамоатчилик вакиллари жалб қилинади;

ижтимоий-эмоционал таълим методикалари умумий ўрта таълим ҳамда педагог кадрлар малакасини ошириш ва қайта тайёрлаш дастурларига киритилади;

ижтимоий-эмоционал таълим методикаларини амалиётга татбиқ этиш учун тажриба-синов доирасида танлаб олинган умумий ўрта таълим муассасаларида Институтнинг малакали ходимлари, хорижий мутахассислар ва педагог кадрлардан иборат бўлган тренерлар гуруҳлари шакллантирилади;

ижтимоий-эмоционал таълим методикаларини жорий қилиш жараёнлари Институт томонидан доимий мониторинг қилиб борилади ва аниқланган камчиликларни бартараф этиш бўйича зарур чоралар кўрилади.

6. Мактабгача ва мактаб таълими вазирлиги (Х. Умарова):

а) Олий таълим, фан ва инновациялар вазирлиги билан биргаликда уч ой муддатда Тарбия соҳасидаги илмий тадқиқотларни мувофиқлаштирувчи республика кенгаши фаолиятини ташкил этсин;

б) 2025 йил 1 майга қадар:

Институтнинг илмий-тадқиқот йўналишлари тарбия соҳасидаги мавжуд муаммолар асосида шакллантирилишини;

Институт томонидан тарбия методикаларини ишлаб чиқиш бўйича етакчи хорижий университетлар ва илмий марказлар билан ҳамкорлик ўрнатилишини ва қўшма тадқиқотлар олиб борилишини;

мактабгача ва умумий ўрта таълим ташкилотлари тарбияланувчилари ва ўқувчилари учун миллий тарбия йўналишида туркум адабиётлар нашр этилишини;

Институт томонидан тарбия йўналишида амалга ошириладиган лойиҳаларга давлат ва нодавлат ташкилотлари, олий таълим муассасалари ва жамоатчилик институтларининг мутахассислари ҳамда олимлари, шунингдек, хорижий экспертлар жалб қилинишини таъминласин.

7. Мактабгача ва мактаб таълими вазирлиги (Х. Умарова) Республика Маънавият ва маърифат маркази (О. Хасанов), Ёшлар ишлари агентлиги (А. Саъдуллаев), Ўзбекистон маҳаллалари уюшмаси (К. Куранбаев) ҳамда Миллий гвардия (Р. Джураев) билан биргаликда:

а) 2024/2025 ўқув йилидан бошлаб:

умумий ўрта таълим муассасаларида «Фарзанд тарбиясида ота-онанинг масъулияти» мавзусида тарбия ҳафталикларини ўтказиб борсин;

ота-оналарнинг фарзанд тарбияси борасидаги билимини оширишга қаратилган «Намунали ота-оналар мактаби» лойиҳасини амалга оширсин;

миллий тарбиянинг ҳудудий анъаналарини ўрганиш, тиклаш ва замонавий маънавий-ахлоқий тарбия тизимига жорий қилишга қаратилган илмий тадқиқотларни амалга оширсин;

б) 2024 йил 1 декабрга қадар:

ўқувчиларда «ҳуқуқбузарликка қарши иммунитет»ни шакллантиришда «мактаб — ота-она — маҳалла» ҳамкорлиги занжирини яратиш бўйича илмий асосланган ўқув ва оммабоп услубий тавсиялар ишлаб чиқсин;

ота-оналарнинг фарзанд тарбиясига оид дунёқарашини кенгайтиришга хизмат қиладиган халқчил тилдаги адабиётлар яратилишини ташкил этсин;

в) 2024 йил декабрь ойида «Тарбия — шахс маданий-маънавий камолотининг мезони» мавзусида халқаро форум ўтказсин;

г) 2025 йил якунига қадар ота-оналар, ўқитувчилар ва ўқувчилар учун ёшлар тарбиясига оид рақамли контентларни жойлаштириш мақсадида «milliytarbiya.uz» электрон платформаси ва унинг мобиль версиясини ишлаб чиқсин ҳамда уни замонавий ва қизиқарли контентлар билан тўлдириб борсин;

д) Институт томонидан ишлаб чиқилган методик тавсиялар асосида ёшлар таълим-тарбиясига бағишланган подкаст, видеоконтентлар яратиш ва оммавий ахборот воситалари орқали ёритиш ишларини тизимли ташкил қилсин.

8. Қуйидагилар Институт фаолиятини молиялаштириш манбалари этиб белгилансин:

Институт бинолари ва иншоотларини сақлаш, унинг ходимлари меҳнатига ҳақ тўлаш учун Давлат бюджетидан ажратиладиган маблағлар;

илмий-тадқиқот лойиҳаларини амалга ошириш учун Олий таълим, фан ва инновациялар вазирлиги томонидан ўтказиладиган танловлар натижаларига кўра ажратиладиган грантлар;

халқаро грантлар ва шартнома асосида хизматлар кўрсатишдан тушадиган тушумлар;

жисмоний ва юридик шахсларнинг ҳомийлик хайриялари;

қонунчилик ҳужжатлари билан тақиқланмаган бошқа манбалар.

9. Институт Ўқувчиларни касб-ҳунарга йўналтириш ва психологик-педагогик республика ташхис марказининг Тошкент шаҳри, Олмазор тумани, Зиё кўчаси, 6-уй манзилида жойлашган биносига оператив бошқарув ҳуқуқи асосида бепул жойлаштирилсин.

10. Белгилансинки, Институтнинг Давлат бюджети маблағлари ҳисобидан қопланадиган харажатларини молиялаштириш 2024 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Мактабгача ва мактаб таълими вазирлигига ажратилган маблағлар доирасида амалга оширилади, 2025 йилдан бошлаб Давлат бюджети параметрларида назарда тутилади.

11. Мактабгача ва мактаб таълими вазирлиги Адлия вазирлиги билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

12. Мазкур қарорнинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Х.У. Умарова белгилансин.

Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдурахманов зиммасига юклансин.

Ўзбекистон Республикаси Президентининг 2024 йил 21 июндаги ПҚ-232-сон қарорига 1-ИЛОВА

Қори Ниёзий номидаги Тарбия педагогикаси миллий институтининг асосий вазифалари

1) педагогика ва психология соҳаларида тарбия методикасига оид фундаментал, амалий ва инновацион тадқиқотларни олиб бориш, соҳада илмий ва илмий-педагогик кадрлар тайёрлаш;

2) тарбия мазмунини таҳлил қилиш, уни ривожлантириш бўйича лойиҳалар ишлаб чиқиш ҳамда амалиётга татбиқ этиш;

3) аждодларимиз ва жадидларнинг комил инсонни шакллантириш ва ёшларни ватанпарварлик руҳида тарбиялашга оид ёндашувларини тадқиқ қилиш ҳамда замон талабларига мос равишда таълим жараёнида қўллаш бўйича илмий асосланган ишланмалар ва методикаларни яратиш;

4) ота-оналар ва ўқитувчилар учун тарбиявий методикалар бўйича қўлланмалар ва тавсиялар ишлаб чиқиш, уларни оммалаштириш;

5) фарзанд тарбиясида «мактаб — ота-она — маҳалла» ҳамкорлигининг самарали механизмларини ишлаб чиқиш ва уни амалга ошириш бўйича методик тавсияномалар яратиш;

6) тарбия методикаларига оид рақамли контентлар ишлаб чиқиш ва амалиётга жорий қилиш;

7) алоҳида таълим эҳтиёжлари бўлган болаларнинг тарбиясига оид илмий-методик таъминотни яратиш.

Ўзбекистон Республикаси Президентининг 2024 йил 21 июндаги ПҚ-232-сон қарорига 2-ИЛОВА

2024 — 2027 йилларда Қори Ниёзий номидаги Тарбия педагогикаси миллий институти фаолиятини такомиллаштириш бўйича

Т/р Чора-тадбирлар номи Амалга ошириш механизми Бажариш муддати Молиялаштириш манбалари Ижро учун масъуллар I. Ташкилий ва меъёрий-ҳуқуқий асосларни яратиш 1. Қори Ниёзий номидаги Тарбия педагогикаси миллий институти (кейинги ўринларда — Институт) фаолиятини ташкил этиш. 1. Маҳаллий ва хорижий юқори малакали мутахассисларни жалб қилган ҳолда Институт уставини ишлаб чиқиш. 2024 йил июль - Мактабгача ва мактаб таълими вазирлиги (Х. Умарова) 2. Институт уставини тасдиқлаш ва давлат рўйхатидан ўтказиш. 2024 йил июль 2. Тарбия масалаларига бағишланган илмий тадқиқотларни мувофиқлаштирувчи республика кенгаши тўғрисидаги низомни ишлаб чиқиш ва тасдиқлаш. 1. Тарбия масалаларига бағишланган илмий тадқиқотларни мувофиқлаштирувчи Республика кенгаши тўғрисидаги низом лойиҳасини ишлаб чиқиш. 2024 йил октябрь - Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 2. Республика кенгаши тўғрисидаги низомни Олий таълим, фан ва инновациялар вазирлиги ҳамда Мактабгача ва мактаб таълими вазирлигининг қўшма қарори билан тасдиқлаш. 2024 йил ноябрь 3. Республика кенгаши таркибини шакллантириш ва ўрнатилган тартибда тасдиқлаш. 2025 йил январь II. Кадрлар салоҳиятини ошириш 3. Институт ходимлари таркибини танлов асосида шакллантириш. 1. Институтга ходимларни танлов асосида танлаб олиш бўйича Танлов комиссияси таркибини шакллантириш ва тасдиқлаш. 2024 йил август - Мактабгача ва мактаб таълими вазирлиги (Х. Умарова) 2. Оммавий ахборот воситаларида эълон бериш. 2024 йил сентябрь 3. Танловга тушган аризаларни кўриб чиқиш ва суҳбат асосида қарор қабул қилиш. 2024 йил декабрь 4. Институтнинг раҳбар кадрлари ва илмий ходимларини хорижий университетлар ва илмий марказларга қисқа муддатли стажировка ҳамда малака оширишга юбориш. 1. Институтнинг раҳбар кадрлари ва илмий ходимларини хорижий университет ва илмий марказларга қисқа муддатли стажировка ва малака оширишга юбориш учун режа-графикни ишлаб чиқиш ва тасдиқлаш. 2024 йил ноябрь Давлат бюджети ва бюджетдан ташқари маблағлар доирасида, қонунчилик ҳужжатлари билан тақиқланмаган бошқа манбалар Мактабгача ва мактаб таълими вазирлиги (Х. Умарова), Ташқи ишлар вазирлиги (Б. Саидов), «Эл-юрт умиди» жамғармаси (А. Бекмуродов) 2. Хорижий ҳамкорлар ва халқаро ташкилотлар ёрдамида Институтнинг раҳбар кадрлари ва илмий ходимларини стажировка ва малака оширишларини ташкиллаштириш. Режа-график асосида 5. Тарбия методикалари ривожланган давлатлардан етакчи мутахассисларни эксперт сифатида жалб этиш. 1. Зарур мутахассисларни жалб қилиш бўйича тегишли хорижий ташкилотлар (илмий ва таълим муассасалари) билан ҳамкорлик алоқаларини ўрнатиш. 2024 йил декабрь Халқаро молия институтлари, хорижий ва донор ташкилотларнинг грантлари ва маблағлари, бюджетдан ташқари маблағлар Мактабгача ва мактаб таълими вазирлиги (Х. Умарова), Ташқи ишлар вазирлиги (Б. Саидов) 2. Хорижлик мутахассисларни ўрнатилган тартибда ишга жалб этиш бўйича ҳамкорлик шартномаларини имзолаш. 2025 йилдан бошлаб босқичма-босқич 3. Келишувга мувофиқ хорижий экспертлар фаолиятини йўлга қўйиш. келишув муддатлари асосида III. Илмий-тадқиқот ишларининг самарадорлигини ошириш 6. Институт нинг илмий-тадқиқот йўналишларини мактабгача ва мактаб таълими тизимидаги тарбиявий масалаларга оид илмий муаммолар асосида шакллантириш. 1. Мактабгача ва мактаб таълими тизимидаги тарбиявий масалаларга оид илмий муаммоларни ўрганиш ва маълумотлар базасини шакллантириш. 2024 йил декабрь - Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 2. Институтнинг бўлимлари ва илмий гуруҳлари вазифаларидан келиб чиқиб, маълумотлар базасидаги мавзуларни бажаришга илмий салоҳиятни йўналтириш ва бириктириш. 2024 — 2027 йиллар давомида 3. Илмий изланишлар натижадорлиги юзасидан тизимли мониторинг олиб бориш. Доимий 7. Институт ҳузурида «Педагогика назарияси. Педагогик таълимотлар тарихи», «Таълим ва тарбия назарияси ва методикаси» ҳамда «Ижтимоий педагогика» ихтисосликлари бўйича илмий кенгашларни ташкил этиш. 1. Институт ҳузурида илмий кенгашларни ташкил этиш бўйича илмий кенгаш таркибини шакллантириш. 2024 йил август - Мактабгача ва мактаб таълими вазирлиги (Х. Умарова), Олий аттестация комиссияси (А. Юсупов) 2. Олий аттестация комиссиясида илмий кенгашлар таркибини тасдиқлаш. 2024 йил сентябрь 3. Илмий кенгашлар фаолиятини самарали ташкил этиш. 2024 йил октябрь 8. Институт ҳузурида «Педагогика назарияси. Педагогик таълимотлар тарихи», «Таълим ва тарбия назарияси ва методикаси» ҳамда «Ижтимоий педагогика» ихтисосликлари бўйича докторантлар, илмий ва илмий-педагогик кадрлар тайёрлашни йўлга қўйиш. 1. Докторантура ихтисосликлари бўйича квота ажратиш. 2. Квота доирасида қабул жараёнларини амалга ошириш. 2025 йил якунига қадар Давлат бюджети маблағлари доирасида Олий таълим, фан ва инновациялар вазирлиги (К. Шарипов), Мактабгача ва мактаб таълими вазирлиги (Х. Умарова) 9. Хорижий университетлар ва илмий марказлар билан ҳамкорликда қўшма илмий тадқиқотларни йўлга қўйиш. 1. Етакчи университетлар ва илмий марказлар билан қўшма илмий тадқиқотлар олиб бориш бўйича ҳамкорлик алоқаларини ўрнатиш ва келишувларга эришиш. 2. Институт илмий ходимлари нинг хорижий давлатлар (Япония, Россия, Жанубий Корея, Финляндия, Белоруссия) илмий-тадқиқот марказларида тажриба алмашиши ва турли илмий конференциялардаги иштирокини таъминлаш. 2024 — 2027 йиллар давомида Олий таълим, фан ва инновациялар вазирлиги томонидан илмий-тадқиқот лойиҳалари бўйича ўтказиладиган танлов натижаларига кўра ажратиладиган грантлар, Институтнинг бюджетдан ташқари маблағлари, халқаро грантлар, қонунчилик ҳужжатлари билан тақиқланмаган бошқа манбалар Мактабгача ва мактаб таълими вазирлиги (Х. Умарова) 10. Қори Ниёзий номидаги Ўзбекистон педагогика фанлари илмий-тадқиқот институтининг 95 йиллиги муносабати билан Тошкент шаҳрида «Тарбия — шахс маданий-маънавий камолотининг мезони» мавзусида халқаро форум ўтказиш. 1. «Тарбия — шахс маданий-маънавий камолотининг мезони» мавзусида халқаро форум ўтказиш юзасидан чора-тадбирлар дастурини ишлаб чиқиш. 2024 йил сентябрь Давлат бюджети ва бюджетдан ташқари маблағлар доирасида, қонунчилик ҳужжатлари билан тақиқланмаган бошқа манбалар Мактабгача ва мактаб таълими вазирлиги (Х. Умарова) 2. Форум дастури ҳамда кун тартибини шакллантириш. 2024 йил октябрь 3. Форум иштирокчиларини таклиф этиш ва форумни ўтказиш. 2024 йил декабрь IV. Рақамли технологиялар инфратузилмасини ривожлантириш 11. Институтни замонавий компьютер техника воситалари билан таъмин лаш. 1. Институтда компьютер жамланмаларига бўлган эҳтиёжларни аниқлаш. 2024 йил декабрь Давлат бюджети ва бюджетдан ташқари маблағлар доирасида, қонунчилик ҳужжатлари билан тақиқланмаган бошқа манбалар Мактабгача ва мактаб таълими вазирлиги (Х. Умарова) 2. Компьютер техника воситаларининг техник топшириқларини ишлаб чиқиш. 2025 йил март 3. Компьютер жамланмаларини белгиланган тартибда харид қилиш. 2025 йил июнь 4. Харид қилинган компьютер жамланмаларини Институтга етказиш. 2025 йил давомида 12. «Milliytarbiya.uz» электрон платформасини ишлаб чиқиш ва унинг ресурсларини доимий янгилаб бориш. 1. «Milliytarbiya.uz» электрон платформасини яратиш бўйича техник топшириқларни ишлаб чиқиш. 2024 йил декабрь Таълим соҳасидаги ислоҳотларга кўмаклашиш жамғармаси, халқаро молия институтлари, хорижий ва донор ташкилотларнинг грантлари ва маблағлари Мактабгача ва мактаб таълими вазирлиги (Х. Умарова), Маънавият ва маърифат маркази (О. Хасанов), Ёшлар ишлари агентлиги (А. Саъдуллаев) 2. Электрон платформа ва унинг мобиль иловасини яратиш. 2025 йил май 3. Электрон платформанинг самарали фаолиятини йўлга қўйиш ва унинг ресурсларини доимий янгилаб бориш. 2025 йил декабрь 13. Институт томонидан ёшларнинг таълим-тарбияси юзасидан амалга оширилган тадқиқот натижаларига мувофиқ ишлаб чиқилган методик тавсиялар асосида подкаст, видеоконтентлар яратиш ва оммавий ахборот воситалари орқали ёритиш. 1. Ёшларнинг таълим-тарбияси юзасидан илмий тадқиқотлар ўтказиш. 2024 йил декабрь Давлат бюджет ва бюджетдан ташқари маблағлар доирасида, қонунчилик ҳужжатлари билан тақиқланмаган бошқа манбалар Ёшлар ишлари агентлиги (А. Саъдуллаев), Мактабгача ва мактаб таълими вазирлиги (Х. Умарова), Маданият вазирлиги (О. Назарбеков), Ўзбекистон Миллий телерадиокомпанияси (А. Джурабаев) 2. Тадқиқот натижаларига мувофиқ методик тавсиялар ишлаб чиқиш. 2024 йил декабрь 3. Методик тавсиялар асосида подкаст, видеоконтентлар яратиш ва оммавий ахборот воситалари орқали ёритиш. 2025 йил давомида 14. Миллий тарбия бўйича контентлар яратиш, тарқатиш ва оммалаштириш мақсадида Институт ҳузурида Мультимедиа студиясини ташкил этиш. 1. Мультимедиа студиясини ташкил этиш бўйича техник топшириқларни ишлаб чиқиш ва тасдиқлаш. 2024 йил декабрь Таълим соҳасидаги ислоҳотларга кўмаклашиш жамғармаси, халқаро молия институтлари, хорижий ва донор ташкилотларнинг грантлари ва маблағлари Мактабгача ва мактаб таълими вазирлиги (Х. Умарова) 2. Техник топшириқларга мувофиқ Мультимедиа студиясини ташкил этиш ва жиҳозлаш бўйича белгиланган тартибда танлов ўтказиш. 2025 йил июнь 3. Мультимедиа студиясини ташкил этиш ва жиҳозлаш. Танлов натижаларига мувофиқ V. Моддий-техник базани мустаҳкамлаш 15. Илмий-тадқиқот натижаларини педагогик амалиётга татбиқ этиш ва оммалаштириш. 1. Институт ҳузурида «Тарбия методикалари» илмий-оммабоп журналини ташкил этиш. 2025 йил март Таълим соҳасидаги ислоҳотларга кўмаклашиш жамғармаси, халқаро молия институтлари, хорижий ва донор ташкилотларнинг грантлари ва маблағлари Мактабгача ва мактаб таълими вазирлиги (Х. Умарова), Ахборот ва оммавий коммуникациялар агентлиги (А. Ходжаев) 2. Журнал фаолиятини ташкил этиш бўйича низом ишлаб чиқиш, тасдиқлаш ва амалиётга жорий қилиш. 2025 йил декабрь 3. Институт ҳузурида кўп функционал босмахона очиш. 2026 йил июнь

Ўзбекистон Республикаси Президентининг 2024 йил 21 июндаги ПҚ-232-сон қарорига 3-ИЛОВА

2024 — 2027 йилларда мактабгача ва мактаб таълими соҳасида илмий-тадқиқот ишларини ривожлантириш бўйича эришиладиган мақсадли кўрсаткичлар

Т/р Кўрсаткич номи Ўлчов бирлиги Йиллар кесимида Масъул ижрочилар 2024 йил 2025 йил 2026 йил 2027 йил I. Мактабгача ва умумий ўрта таълим ташкилотлари таълим-тарбия жараёнларининг илмий-методик таъминотини яратиш 1. Тайёрланадиган янги монографиялар сони та 4 6 11 15 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 2. Яратиладиган янги ўқув қўлланмалар сони та 2 3 4 6 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 3. Яратиладиган янги методик қўлланмалар сони та 5 8 10 15 Мактабгача ва мактаб таълими вазирлиги (Х. Умарова) 4. «Ота-оналар университети» жамоатчилик тузилмаси фаолиятини ривожлантириш бўйича ишлаб чиқиладиган услубий қўлланмалар ва методик тавсияномалар сони та 1 3 5 7 Мактабгача ва мактаб таълими вазирлиги (Х. Умарова) 5. «Таълим муассасаси — оила — маҳалла» ҳамкорлиги бўйича ишлаб чиқиладиган услубий қўлланмалар ва методик тавсияномалар сони та 1 4 6 8 Мактабгача ва мактаб таълими вазирлиги (Х. Умарова), Ўзбекистон маҳаллалари уюшмаси (К. Куранбаев), Олий таълим, фан ва инновациялар вазирлиги (К. Шарипов) II. Қори Ниёзий номидаги Тарбия педагогикаси миллий институти ходимларининг илмий салоҳияти кўрсаткичлари 6. Қори Ниёзий номидаги Тарбия педагогикаси миллий институтида (кейинги ўринларда — Институт) ўтказиладиган халқаро конференциялар ва мастер-класслар учун жалб этиладиган хорижий мутахассислар сони нафар 2 3 6 8 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 7. Мактабгача ва умумий ўрта таълим ташкилотларида ҳамда маҳаллаларда ташкил этиладиган миллий тарбияга оид семинарлар ва давра суҳбатлари сони нафар 20 50 70 100 Мактабгача ва мактаб таълими вазирлиги (Х. Умарова), Ўзбекистон маҳаллалари уюшмаси (К. Куранбаев) 8. Институтнинг илмий даражага эга бўлган фан докторлари салмоғи нафар 7 9 10 11 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) III. Институт профессор-ходимлари, докторант ва таянч докторантларининг хорижий давлатлардаги стажировкасини ташкил этиш орқали рақобат муҳитини яратиш 9. Стажировкалар ташкил этиладиган хорижий илмий марказлар ва олий таълим муассасалари (филиаллари) сони та 1 2 4 5 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 10. Чет элга стажировкага юбориладиган Институт ходимлари сони нафар 1 4 7 10 Мактабгача ва мактаб таълими вазирлиги (Х. Умарова) 11. Чет элга малака оширишга юбориладиган Институт ходимлари сони нафар 1 4 7 10 Мактабгача ва мактаб таълими вазирлиги (Х. Умарова) 12. Институтда илмий лойиҳаларни амалга ошириш учун жалб қилинадиган хорижий мутахассислар сони нафар 1 4 6 8 Мактабгача ва мактаб таълими вазирлиги (Х. Умарова) 13. Хорижий илмий ташкилотлар билан ҳамкорликда ўтказиладиган илмий лойиҳалар сони та 1 2 3 4 Мактабгача ва мактаб таълими вазирлиги (Х. Умарова) IV. Умумий ўрта таълим мактабларининг раҳбар-ходимлари ва педагогларини миллий тарбия методикалари билан таништириш ва методик маҳоратини ошириш, миллий тарбия методикаларини тажриба-синовдан ўтказиш 14. Педагогларни миллий тарбия методикалари билан таништириш ва методик маҳоратини оширишга қаратилган семинар-тренинглар, давра суҳбатлар, вебинарлар ва консультациялар сони та 10 15 20 25 Мактабгача ва мактаб таълими вазирлиги (Х. Умарова) V. Илмий-тадқиқот натижаларини оммалаштиришга қаратилган республика ва халқаро конференциялар, симпозиумларнинг кўрсаткичлари 15. Вазирлар Маҳкамасининг режаси асосида Институтда ўтказиладиган республика конференциялари сони та 5 8 10 14 Мактабгача ва мактаб таълими вазирлиги (Х. Умарова) 16. Вазирлар Маҳкамасининг режаси асосида Институтда ўтказиладиган халқаро конференциялари сони та 2 5 7 9 Мактабгача ва мактаб таълими вазирлиги (Х. Умарова) 17. Институтда ўтказиладиган республика ва халқаро конференцияларга жалб этиладиган мутахассислар сони нафар 400 730 765 785 Мактабгача ва мактаб таълими вазирлиги (Х. Умарова) VI. Юқори малакали илмий педагогик кадрлар тайёрлаш натижадорлигини ошириш 18. Ҳимоя қилинадиган фалсафа доктори диссертациялари (PhD) сони нафар 5 20 22 27 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 19. Ҳимоя қилинадиган фан доктори диссертациялари (DSc) сони нафар 1 3 4 6 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 20. Web of Science ва Scopus илмий-техник маълумотлар базасида Q1 ва Q2 квартиль журналларида чоп этилган мақолалар улуши фоизда (жами мақолалар сонига нисбатан) 5 7 10 15 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 21. Scopus, Web of Science халқаро маълумотлар базасига киритилган ҳар бир мақолага тўғри келувчи иқтибослар сони та 3 5 7 10 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов) 22. Иқтибослар сони бўйича «Ҳирш» индекси (h-индекс) 5 ва ундан юқори бўлган илмий ходимлар улуши фоизда (жами илмий ходимлар сонига нисбатан) 50 60 65 70 Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (К. Шарипов)

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 21 июнь,

ПҚ-232-сон

(Қонунчилик маълумотлари миллий базаси, 25.06.2024 й., 07/24/232/0446-сон)

lex.uz

Oʻzbekiston Respublikasi Prezidentining

Qarori

“YOʻL XARITASI”

Qori Niyoziy nomidagi Tarbiya pedagogikasi milliy institutini tashkil etish toʻgʻrisida

Yoshlar tarbiyasi sohasining ilmiy-metodik taʼminotini amalga oshirish, buyuk allomalarimiz va jadidlarning ushbu yoʻnalishdagi qarashlarini ilmiy tadqiq etish asosida zamonaviy metodikalarni ishlab chiqish, oʻquvchilar tarbiyasi masalasida mahalla va ota-onalar oʻrtasidagi samarali hamkorlikni taʼminlash, ota-onalar va oʻqituvchilar uchun ushbu mavzuga oid oʻquv va ommabop adabiyotlar yaratishni tizimli yoʻlga qoʻyish maqsadida:

1. Maktabgacha va maktab taʼlimi vazirligining Qori Niyoziy nomidagi Oʻzbekiston pedagogika fanlari ilmiy-tadqiqot instituti negizida Qori Niyoziy nomidagi Tarbiya pedagogikasi milliy institutini (keyingi oʻrinlarda — Institut) tashkil etish toʻgʻrisidagi taklifiga rozilik berilsin.

2. Belgilansinki:

Institut yangi tarbiya metodikalarini yaratish va amaliyotga joriy qilish boʻyicha oliy taʼlimdan keyingi taʼlimni amalga oshiruvchi davlat muassasasi hisoblanadi hamda tarbiya sohasini takomillashtirishga oid ilmiy asoslantirilgan istiqbolli takliflar ishlab chiqadi;

Institut bevosita Maktabgacha va maktab taʼlimi vazirligi boʻysunuvida faoliyat olib boradi;

Institutga maktabgacha va maktab taʼlimi vaziri tomonidan lavozimga tayinlanadigan va lavozimidan ozod etiladigan direktor rahbarlik qiladi;

Institut direktori oʻrinbosarlari hamda Institutning Qoraqalpogʻiston Respublikasi filiali direktori Maktabgacha va maktab taʼlimi vazirligi bilan kelishilgan holda Institut direktori tomonidan lavozimga tayinlanadi va lavozimidan ozod etiladi;

Institut xodimlari tarkibi tanlov asosida shakllantiriladi;

Institut xodimlariga Fanlar akademiyasi tizimidagi ilmiy-tadqiqot institutlari xodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi.

3. Quyidagilar:

Qori Niyoziy nomidagi Tarbiya pedagogikasi milliy institutining asosiy vazifalari 1-ilovaga muvofiq;

2024 — 2027-yillarda Qori Niyoziy nomidagi Tarbiya pedagogikasi milliy instituti faoliyatini takomillashtirish boʻyicha “yoʻl xaritasi” 2-ilovaga muvofiq;

2024 — 2027-yillarda tarbiya pedagogikasi yoʻnalishida ilmiy-tadqiqot ishlarini rivojlantirishning maqsadli koʻrsatkichlari 3-ilovaga muvofiq tasdiqlansin.

4. Oliy taʼlim, fan va innovatsiyalar vazirligi (K. Sharipov), Maktabgacha va maktab taʼlimi vazirligi (X. Umarova) uch oy muddatda Institut huzurida “Pedagogika nazariyasi. Pedagogik taʼlimotlar tarixi”, “Taʼlim va tarbiya nazariyasi va metodikasi” hamda “Ijtimoiy pedagogika” ixtisosliklari boʻyicha ilmiy kengashlarni tashkil etish choralarini koʻrsin.

5. Maktabgacha va maktab taʼlimi vazirligining 2025/2026 oʻquv yilidan boshlab umumiy oʻrta taʼlim muassasalarida tajriba-sinov tariqasida bosqichma-bosqich jahonda tan olingan ijtimoiy-emotsional taʼlim (Social and Emotional Learning — SEL) metodikalarini joriy qilish toʻgʻrisidagi taklifi maʼqullansin.

Belgilansinki, ijtimoiy-emotsional taʼlim metodikalarini joriy qilish doirasida:

umumiy oʻrta taʼlim muassasalari oʻquvchilari 5 ta ijtimoiy-emotsional (oʻz-oʻzini anglash, oʻz-oʻzini boshqarish, ijtimoiy xabardorlik, tengdoshlari bilan munosabatlarni shakllantirish va masʼuliyatli qaror qabul qilish) kompetensiyalarga oʻrgatiladi hamda ushbu jarayonga ota-onalar va keng jamoatchilik vakillari jalb qilinadi;

ijtimoiy-emotsional taʼlim metodikalari umumiy oʻrta taʼlim hamda pedagog kadrlar malakasini oshirish va qayta tayyorlash dasturlariga kiritiladi;

ijtimoiy-emotsional taʼlim metodikalarini amaliyotga tatbiq etish uchun tajriba-sinov doirasida tanlab olingan umumiy oʻrta taʼlim muassasalarida Institutning malakali xodimlari, xorijiy mutaxassislar va pedagog kadrlardan iborat boʻlgan trenerlar guruhlari shakllantiriladi;

ijtimoiy-emotsional taʼlim metodikalarini joriy qilish jarayonlari Institut tomonidan doimiy monitoring qilib boriladi va aniqlangan kamchiliklarni bartaraf etish boʻyicha zarur choralar koʻriladi.

6. Maktabgacha va maktab taʼlimi vazirligi (X. Umarova):

a) Oliy taʼlim, fan va innovatsiyalar vazirligi bilan birgalikda uch oy muddatda Tarbiya sohasidagi ilmiy tadqiqotlarni muvofiqlashtiruvchi respublika kengashi faoliyatini tashkil etsin;

b) 2025-yil 1-mayga qadar:

Institutning ilmiy-tadqiqot yoʻnalishlari tarbiya sohasidagi mavjud muammolar asosida shakllantirilishini;

Institut tomonidan tarbiya metodikalarini ishlab chiqish boʻyicha yetakchi xorijiy universitetlar va ilmiy markazlar bilan hamkorlik oʻrnatilishini va qoʻshma tadqiqotlar olib borilishini;

maktabgacha va umumiy oʻrta taʼlim tashkilotlari tarbiyalanuvchilari va oʻquvchilari uchun milliy tarbiya yoʻnalishida turkum adabiyotlar nashr etilishini;

Institut tomonidan tarbiya yoʻnalishida amalga oshiriladigan loyihalarga davlat va nodavlat tashkilotlari, oliy taʼlim muassasalari va jamoatchilik institutlarining mutaxassislari hamda olimlari, shuningdek, xorijiy ekspertlar jalb qilinishini taʼminlasin.

7. Maktabgacha va maktab taʼlimi vazirligi (X. Umarova) Respublika Maʼnaviyat va maʼrifat markazi (O. Xasanov), Yoshlar ishlari agentligi (A. Saʼdullayev), Oʻzbekiston mahallalari uyushmasi (K. Kuranbayev) hamda Milliy gvardiya (R. Djurayev) bilan birgalikda:

a) 2024/2025 oʻquv yilidan boshlab:

umumiy oʻrta taʼlim muassasalarida “Farzand tarbiyasida ota-onaning masʼuliyati” mavzusida tarbiya haftaliklarini oʻtkazib borsin;

ota-onalarning farzand tarbiyasi borasidagi bilimini oshirishga qaratilgan “Namunali ota-onalar maktabi” loyihasini amalga oshirsin;

milliy tarbiyaning hududiy anʼanalarini oʻrganish, tiklash va zamonaviy maʼnaviy-axloqiy tarbiya tizimiga joriy qilishga qaratilgan ilmiy tadqiqotlarni amalga oshirsin;

b) 2024-yil 1-dekabrga qadar:

oʻquvchilarda “huquqbuzarlikka qarshi immunitet”ni shakllantirishda “maktab — ota-ona — mahalla” hamkorligi zanjirini yaratish boʻyicha ilmiy asoslangan oʻquv va ommabop uslubiy tavsiyalar ishlab chiqsin;

ota-onalarning farzand tarbiyasiga oid dunyoqarashini kengaytirishga xizmat qiladigan xalqchil tildagi adabiyotlar yaratilishini tashkil etsin;

v) 2024-yil dekabr oyida “Tarbiya — shaxs madaniy-maʼnaviy kamolotining mezoni” mavzusida xalqaro forum oʻtkazsin;

g) 2025-yil yakuniga qadar ota-onalar, oʻqituvchilar va oʻquvchilar uchun yoshlar tarbiyasiga oid raqamli kontentlarni joylashtirish maqsadida “milliytarbiya.uz” elektron platformasi va uning mobil versiyasini ishlab chiqsin hamda uni zamonaviy va qiziqarli kontentlar bilan toʻldirib borsin;

d) Institut tomonidan ishlab chiqilgan metodik tavsiyalar asosida yoshlar taʼlim-tarbiyasiga bagʻishlangan podkast, videokontentlar yaratish va ommaviy axborot vositalari orqali yoritish ishlarini tizimli tashkil qilsin.

8. Quyidagilar Institut faoliyatini moliyalashtirish manbalari etib belgilansin:

Institut binolari va inshootlarini saqlash, uning xodimlari mehnatiga haq toʻlash uchun Davlat budjetidan ajratiladigan mablagʻlar;

ilmiy-tadqiqot loyihalarini amalga oshirish uchun Oliy taʼlim, fan va innovatsiyalar vazirligi tomonidan oʻtkaziladigan tanlovlar natijalariga koʻra ajratiladigan grantlar;

xalqaro grantlar va shartnoma asosida xizmatlar koʻrsatishdan tushadigan tushumlar;

jismoniy va yuridik shaxslarning homiylik xayriyalari;

qonunchilik hujjatlari bilan taqiqlanmagan boshqa manbalar.

9. Institut Oʻquvchilarni kasb-hunarga yoʻnaltirish va psixologik-pedagogik respublika tashxis markazining Toshkent shahri, Olmazor tumani, Ziyo koʻchasi, 6-uy manzilida joylashgan binosiga operativ boshqaruv huquqi asosida bepul joylashtirilsin.

10. Belgilansinki, Institutning Davlat budjeti mablagʻlari hisobidan qoplanadigan xarajatlarini moliyalashtirish 2024-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Maktabgacha va maktab taʼlimi vazirligiga ajratilgan mablagʻlar doirasida amalga oshiriladi, 2025-yildan boshlab Davlat budjeti parametrlarida nazarda tutiladi.

11. Maktabgacha va maktab taʼlimi vazirligi Adliya vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

12. Mazkur qarorning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.

Oʻzbekiston Respublikasi Prezidentining 2024-yil 21-iyundagi PQ-232-son qaroriga 1-ILOVA

Qori Niyoziy nomidagi Tarbiya pedagogikasi milliy institutining asosiy vazifalari

1) pedagogika va psixologiya sohalarida tarbiya metodikasiga oid fundamental, amaliy va innovatsion tadqiqotlarni olib borish, sohada ilmiy va ilmiy-pedagogik kadrlar tayyorlash;

2) tarbiya mazmunini tahlil qilish, uni rivojlantirish boʻyicha loyihalar ishlab chiqish hamda amaliyotga tatbiq etish;

3) ajdodlarimiz va jadidlarning komil insonni shakllantirish va yoshlarni vatanparvarlik ruhida tarbiyalashga oid yondashuvlarini tadqiq qilish hamda zamon talablariga mos ravishda taʼlim jarayonida qoʻllash boʻyicha ilmiy asoslangan ishlanmalar va metodikalarni yaratish;

4) ota-onalar va oʻqituvchilar uchun tarbiyaviy metodikalar boʻyicha qoʻllanmalar va tavsiyalar ishlab chiqish, ularni ommalashtirish;

5) farzand tarbiyasida “maktab — ota-ona — mahalla” hamkorligining samarali mexanizmlarini ishlab chiqish va uni amalga oshirish boʻyicha metodik tavsiyanomalar yaratish;

6) tarbiya metodikalariga oid raqamli kontentlar ishlab chiqish va amaliyotga joriy qilish;

7) alohida taʼlim ehtiyojlari boʻlgan bolalarning tarbiyasiga oid ilmiy-metodik taʼminotni yaratish.

Oʻzbekiston Respublikasi Prezidentining 2024-yil 21-iyundagi PQ-232-son qaroriga 2-ILOVA

2024 — 2027-yillarda Qori Niyoziy nomidagi Tarbiya pedagogikasi milliy instituti faoliyatini takomillashtirish boʻyicha

T/r Chora-tadbirlar nomi Amalga oshirish mexanizmi Bajarish muddati Moliyalashtirish manbalari Ijro uchun masʼullar I. Tashkiliy va meʼyoriy-huquqiy asoslarni yaratish 1. Qori Niyoziy nomidagi Tarbiya pedagogikasi milliy instituti (keyingi oʻrinlarda — Institut) faoliyatini tashkil etish. 1. Mahalliy va xorijiy yuqori malakali mutaxassislarni jalb qilgan holda Institut ustavini ishlab chiqish. 2024-yil iyul - Maktabgacha va maktab taʼlimi vazirligi (X. Umarova) 2. Institut ustavini tasdiqlash va davlat roʻyxatidan oʻtkazish. 2024-yil iyul 2. Tarbiya masalalariga bagʻishlangan ilmiy tadqiqotlarni muvofiqlashtiruvchi respublika kengashi toʻgʻrisidagi nizomni ishlab chiqish va tasdiqlash. 1. Tarbiya masalalariga bagʻishlangan ilmiy tadqiqotlarni muvofiqlashtiruvchi Respublika kengashi toʻgʻrisidagi nizom loyihasini ishlab chiqish. 2024-yil oktabr - Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 2. Respublika kengashi toʻgʻrisidagi nizomni Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligining qoʻshma qarori bilan tasdiqlash. 2024-yil noyabr 3. Respublika kengashi tarkibini shakllantirish va oʻrnatilgan tartibda tasdiqlash. 2025-yil yanvar II. Kadrlar salohiyatini oshirish 3. Institut xodimlari tarkibini tanlov asosida shakllantirish. 1. Institutga xodimlarni tanlov asosida tanlab olish boʻyicha Tanlov komissiyasi tarkibini shakllantirish va tasdiqlash. 2024-yil avgust - Maktabgacha va maktab taʼlimi vazirligi (X. Umarova) 2. Ommaviy axborot vositalarida eʼlon berish. 2024-yil sentabr 3. Tanlovga tushgan arizalarni koʻrib chiqish va suhbat asosida qaror qabul qilish. 2024-yil dekabr 4. Institutning rahbar kadrlari va ilmiy xodimlarini xorijiy universitetlar va ilmiy markazlarga qisqa muddatli stajirovka hamda malaka oshirishga yuborish. 1. Institutning rahbar kadrlari va ilmiy xodimlarini xorijiy universitet va ilmiy markazlarga qisqa muddatli stajirovka va malaka oshirishga yuborish uchun reja-grafikni ishlab chiqish va tasdiqlash. 2024-yil noyabr Davlat budjeti va budjetdan tashqari mablagʻlar doirasida, qonunchilik hujjatlari bilan taqiqlanmagan boshqa manbalar Maktabgacha va maktab taʼlimi vazirligi (X. Umarova), Tashqi ishlar vazirligi (B. Saidov), “El-yurt umidi” jamgʻarmasi (A. Bekmurodov) 2. Xorijiy hamkorlar va xalqaro tashkilotlar yordamida Institutning rahbar kadrlari va ilmiy xodimlarini stajirovka va malaka oshirishlarini tashkillashtirish. Reja-grafik asosida 5. Tarbiya metodikalari rivojlangan davlatlardan yetakchi mutaxassislarni ekspert sifatida jalb etish. 1. Zarur mutaxassislarni jalb qilish boʻyicha tegishli xorijiy tashkilotlar (ilmiy va taʼlim muassasalari) bilan hamkorlik aloqalarini oʻrnatish. 2024-yil dekabr Xalqaro moliya institutlari, xorijiy va donor tashkilotlarning grantlari va mablagʻlari, budjetdan tashqari mablagʻlar Maktabgacha va maktab taʼlimi vazirligi (X. Umarova), Tashqi ishlar vazirligi (B. Saidov) 2. Xorijlik mutaxassislarni oʻrnatilgan tartibda ishga jalb etish boʻyicha hamkorlik shartnomalarini imzolash. 2025-yildan boshlab bosqichma-bosqich 3. Kelishuvga muvofiq xorijiy ekspertlar faoliyatini yoʻlga qoʻyish. kelishuv muddatlari asosida III. Ilmiy-tadqiqot ishlarining samaradorligini oshirish 6. Institut ning ilmiy-tadqiqot yoʻnalishlarini maktabgacha va maktab taʼlimi tizimidagi tarbiyaviy masalalarga oid ilmiy muammolar asosida shakllantirish. 1. Maktabgacha va maktab taʼlimi tizimidagi tarbiyaviy masalalarga oid ilmiy muammolarni oʻrganish va maʼlumotlar bazasini shakllantirish. 2024-yil dekabr - Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 2. Institutning boʻlimlari va ilmiy guruhlari vazifalaridan kelib chiqib, maʼlumotlar bazasidagi mavzularni bajarishga ilmiy salohiyatni yoʻnaltirish va biriktirish. 2024 — 2027-yillar davomida 3. Ilmiy izlanishlar natijadorligi yuzasidan tizimli monitoring olib borish. Doimiy 7. Institut huzurida “Pedagogika nazariyasi. Pedagogik taʼlimotlar tarixi”, “Taʼlim va tarbiya nazariyasi va metodikasi” hamda “Ijtimoiy pedagogika” ixtisosliklari boʻyicha ilmiy kengashlarni tashkil etish. 1. Institut huzurida ilmiy kengashlarni tashkil etish boʻyicha ilmiy kengash tarkibini shakllantirish. 2024-yil avgust - Maktabgacha va maktab taʼlimi vazirligi (X. Umarova), Oliy attestatsiya komissiyasi (A. Yusupov) 2. Oliy attestatsiya komissiyasida ilmiy kengashlar tarkibini tasdiqlash. 2024-yil sentabr 3. Ilmiy kengashlar faoliyatini samarali tashkil etish. 2024-yil oktabr 8. Institut huzurida “Pedagogika nazariyasi. Pedagogik taʼlimotlar tarixi”, “Taʼlim va tarbiya nazariyasi va metodikasi” hamda “Ijtimoiy pedagogika” ixtisosliklari boʻyicha doktorantlar, ilmiy va ilmiy-pedagogik kadrlar tayyorlashni yoʻlga qoʻyish. 1. Doktorantura ixtisosliklari boʻyicha kvota ajratish. 2. Kvota doirasida qabul jarayonlarini amalga oshirish. 2025-yil yakuniga qadar Davlat budjeti mablagʻlari doirasida Oliy taʼlim, fan va innovatsiyalar vazirligi (K. Sharipov), Maktabgacha va maktab taʼlimi vazirligi (X. Umarova) 9. Xorijiy universitetlar va ilmiy markazlar bilan hamkorlikda qoʻshma ilmiy tadqiqotlarni yoʻlga qoʻyish. 1. Yetakchi universitetlar va ilmiy markazlar bilan qoʻshma ilmiy tadqiqotlar olib borish boʻyicha hamkorlik aloqalarini oʻrnatish va kelishuvlarga erishish. 2. Institut ilmiy xodimlari ning xorijiy davlatlar (Yaponiya, Rossiya, Janubiy Koreya, Finlyandiya, Belorussiya) ilmiy-tadqiqot markazlarida tajriba almashishi va turli ilmiy konferensiyalardagi ishtirokini taʼminlash. 2024 — 2027-yillar davomida Oliy taʼlim, fan va innovatsiyalar vazirligi tomonidan ilmiy-tadqiqot loyihalari boʻyicha oʻtkaziladigan tanlov natijalariga koʻra ajratiladigan grantlar, Institutning budjetdan tashqari mablagʻlari, xalqaro grantlar, qonunchilik hujjatlari bilan taqiqlanmagan boshqa manbalar Maktabgacha va maktab taʼlimi vazirligi (X. Umarova) 10. Qori Niyoziy nomidagi Oʻzbekiston pedagogika fanlari ilmiy-tadqiqot institutining 95 yilligi munosabati bilan Toshkent shahrida “Tarbiya — shaxs madaniy-maʼnaviy kamolotining mezoni” mavzusida xalqaro forum oʻtkazish. 1. “Tarbiya — shaxs madaniy-maʼnaviy kamolotining mezoni” mavzusida xalqaro forum oʻtkazish yuzasidan chora-tadbirlar dasturini ishlab chiqish. 2024-yil sentabr Davlat budjeti va budjetdan tashqari mablagʻlar doirasida, qonunchilik hujjatlari bilan taqiqlanmagan boshqa manbalar Maktabgacha va maktab taʼlimi vazirligi (X. Umarova) 2. Forum dasturi hamda kun tartibini shakllantirish. 2024-yil oktabr 3. Forum ishtirokchilarini taklif etish va forumni oʻtkazish. 2024-yil dekabr IV. Raqamli texnologiyalar infratuzilmasini rivojlantirish 11. Institutni zamonaviy kompyuter texnika vositalari bilan taʼmin lash. 1. Institutda kompyuter jamlanmalariga boʻlgan ehtiyojlarni aniqlash. 2024-yil dekabr Davlat budjeti va budjetdan tashqari mablagʻlar doirasida, qonunchilik hujjatlari bilan taqiqlanmagan boshqa manbalar Maktabgacha va maktab taʼlimi vazirligi (X. Umarova) 2. Kompyuter texnika vositalarining texnik topshiriqlarini ishlab chiqish. 2025-yil mart 3. Kompyuter jamlanmalarini belgilangan tartibda xarid qilish. 2025-yil iyun 4. Xarid qilingan kompyuter jamlanmalarini Institutga yetkazish. 2025-yil davomida 12. “Milliytarbiya.uz” elektron platformasini ishlab chiqish va uning resurslarini doimiy yangilab borish. 1. “Milliytarbiya.uz” elektron platformasini yaratish boʻyicha texnik topshiriqlarni ishlab chiqish. 2024-yil dekabr Taʼlim sohasidagi islohotlarga koʻmaklashish jamgʻarmasi, xalqaro moliya institutlari, xorijiy va donor tashkilotlarning grantlari va mablagʻlari Maktabgacha va maktab taʼlimi vazirligi (X. Umarova), Maʼnaviyat va maʼrifat markazi (O. Xasanov), Yoshlar ishlari agentligi (A. Saʼdullayev) 2. Elektron platforma va uning mobil ilovasini yaratish. 2025-yil may 3. Elektron platformaning samarali faoliyatini yoʻlga qoʻyish va uning resurslarini doimiy yangilab borish. 2025-yil dekabr 13. Institut tomonidan yoshlarning taʼlim-tarbiyasi yuzasidan amalga oshirilgan tadqiqot natijalariga muvofiq ishlab chiqilgan metodik tavsiyalar asosida podkast, videokontentlar yaratish va ommaviy axborot vositalari orqali yoritish. 1. Yoshlarning taʼlim-tarbiyasi yuzasidan ilmiy tadqiqotlar oʻtkazish. 2024-yil dekabr Davlat budjet va budjetdan tashqari mablagʻlar doirasida, qonunchilik hujjatlari bilan taqiqlanmagan boshqa manbalar Yoshlar ishlari agentligi (A. Saʼdullayev), Maktabgacha va maktab taʼlimi vazirligi (X. Umarova), Madaniyat vazirligi (O. Nazarbekov), Oʻzbekiston Milliy teleradiokompaniyasi (A. Djurabayev) 2. Tadqiqot natijalariga muvofiq metodik tavsiyalar ishlab chiqish. 2024-yil dekabr 3. Metodik tavsiyalar asosida podkast, videokontentlar yaratish va ommaviy axborot vositalari orqali yoritish. 2025-yil davomida 14. Milliy tarbiya boʻyicha kontentlar yaratish, tarqatish va ommalashtirish maqsadida Institut huzurida Multimedia studiyasini tashkil etish. 1. Multimedia studiyasini tashkil etish boʻyicha texnik topshiriqlarni ishlab chiqish va tasdiqlash. 2024-yil dekabr Taʼlim sohasidagi islohotlarga koʻmaklashish jamgʻarmasi, xalqaro moliya institutlari, xorijiy va donor tashkilotlarning grantlari va mablagʻlari Maktabgacha va maktab taʼlimi vazirligi (X. Umarova) 2. Texnik topshiriqlarga muvofiq Multimedia studiyasini tashkil etish va jihozlash boʻyicha belgilangan tartibda tanlov oʻtkazish. 2025-yil iyun 3. Multimedia studiyasini tashkil etish va jihozlash. Tanlov natijalariga muvofiq V. Moddiy-texnik bazani mustahkamlash 15. Ilmiy-tadqiqot natijalarini pedagogik amaliyotga tatbiq etish va ommalashtirish. 1. Institut huzurida “Tarbiya metodikalari” ilmiy-ommabop jurnalini tashkil etish. 2025-yil mart Taʼlim sohasidagi islohotlarga koʻmaklashish jamgʻarmasi, xalqaro moliya institutlari, xorijiy va donor tashkilotlarning grantlari va mablagʻlari Maktabgacha va maktab taʼlimi vazirligi (X. Umarova), Axborot va ommaviy kommunikatsiyalar agentligi (A. Xodjayev) 2. Jurnal faoliyatini tashkil etish boʻyicha nizom ishlab chiqish, tasdiqlash va amaliyotga joriy qilish. 2025-yil dekabr 3. Institut huzurida koʻp funksional bosmaxona ochish. 2026-yil iyun

Oʻzbekiston Respublikasi Prezidentining 2024-yil 21-iyundagi PQ-232-son qaroriga 3-ILOVA

2024 — 2027-yillarda maktabgacha va maktab taʼlimi sohasida ilmiy-tadqiqot ishlarini rivojlantirish boʻyicha erishiladigan maqsadli koʻrsatkichlar

T/r Koʻrsatkich nomi Oʻlchov birligi Yillar kesimida Masʼul ijrochilar 2024-yil 2025-yil 2026-yil 2027-yil I. Maktabgacha va umumiy oʻrta taʼlim tashkilotlari taʼlim-tarbiya jarayonlarining ilmiy-metodik taʼminotini yaratish 1. Tayyorlanadigan yangi monografiyalar soni ta 4 6 11 15 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 2. Yaratiladigan yangi oʻquv qoʻllanmalar soni ta 2 3 4 6 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 3. Yaratiladigan yangi metodik qoʻllanmalar soni ta 5 8 10 15 Maktabgacha va maktab taʼlimi vazirligi (X. Umarova) 4. “Ota-onalar universiteti” jamoatchilik tuzilmasi faoliyatini rivojlantirish boʻyicha ishlab chiqiladigan uslubiy qoʻllanmalar va metodik tavsiyanomalar soni ta 1 3 5 7 Maktabgacha va maktab taʼlimi vazirligi (X. Umarova) 5. “Taʼlim muassasasi — oila — mahalla” hamkorligi boʻyicha ishlab chiqiladigan uslubiy qoʻllanmalar va metodik tavsiyanomalar soni ta 1 4 6 8 Maktabgacha va maktab taʼlimi vazirligi (X. Umarova), Oʻzbekiston mahallalari uyushmasi (K. Kuranbayev), Oliy taʼlim, fan va innovatsiyalar vazirligi (K. Sharipov) II. Qori Niyoziy nomidagi Tarbiya pedagogikasi milliy instituti xodimlarining ilmiy salohiyati koʻrsatkichlari 6. Qori Niyoziy nomidagi Tarbiya pedagogikasi milliy institutida (keyingi oʻrinlarda — Institut) oʻtkaziladigan xalqaro konferensiyalar va master-klasslar uchun jalb etiladigan xorijiy mutaxassislar soni nafar 2 3 6 8 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 7. Maktabgacha va umumiy oʻrta taʼlim tashkilotlarida hamda mahallalarda tashkil etiladigan milliy tarbiyaga oid seminarlar va davra suhbatlari soni nafar 20 50 70 100 Maktabgacha va maktab taʼlimi vazirligi (X. Umarova), Oʻzbekiston mahallalari uyushmasi (K. Kuranbayev) 8. Institutning ilmiy darajaga ega boʻlgan fan doktorlari salmogʻi nafar 7 9 10 11 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) III. Institut professor-xodimlari, doktorant va tayanch doktorantlarining xorijiy davlatlardagi stajirovkasini tashkil etish orqali raqobat muhitini yaratish 9. Stajirovkalar tashkil etiladigan xorijiy ilmiy markazlar va oliy taʼlim muassasalari (filiallari) soni ta 1 2 4 5 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 10. Chet elga stajirovkaga yuboriladigan Institut xodimlari soni nafar 1 4 7 10 Maktabgacha va maktab taʼlimi vazirligi (X. Umarova) 11. Chet elga malaka oshirishga yuboriladigan Institut xodimlari soni nafar 1 4 7 10 Maktabgacha va maktab taʼlimi vazirligi (X. Umarova) 12. Institutda ilmiy loyihalarni amalga oshirish uchun jalb qilinadigan xorijiy mutaxassislar soni nafar 1 4 6 8 Maktabgacha va maktab taʼlimi vazirligi (X. Umarova) 13. Xorijiy ilmiy tashkilotlar bilan hamkorlikda oʻtkaziladigan ilmiy loyihalar soni ta 1 2 3 4 Maktabgacha va maktab taʼlimi vazirligi (X. Umarova) IV. Umumiy oʻrta taʼlim maktablarining rahbar-xodimlari va pedagoglarini milliy tarbiya metodikalari bilan tanishtirish va metodik mahoratini oshirish, milliy tarbiya metodikalarini tajriba-sinovdan oʻtkazish 14. Pedagoglarni milliy tarbiya metodikalari bilan tanishtirish va metodik mahoratini oshirishga qaratilgan seminar-treninglar, davra suhbatlar, vebinarlar va konsultatsiyalar soni ta 10 15 20 25 Maktabgacha va maktab taʼlimi vazirligi (X. Umarova) V. Ilmiy-tadqiqot natijalarini ommalashtirishga qaratilgan respublika va xalqaro konferensiyalar, simpoziumlarning koʻrsatkichlari 15. Vazirlar Mahkamasining rejasi asosida Institutda oʻtkaziladigan respublika konferensiyalari soni ta 5 8 10 14 Maktabgacha va maktab taʼlimi vazirligi (X. Umarova) 16. Vazirlar Mahkamasining rejasi asosida Institutda oʻtkaziladigan xalqaro konferensiyalari soni ta 2 5 7 9 Maktabgacha va maktab taʼlimi vazirligi (X. Umarova) 17. Institutda oʻtkaziladigan respublika va xalqaro konferensiyalarga jalb etiladigan mutaxassislar soni nafar 400 730 765 785 Maktabgacha va maktab taʼlimi vazirligi (X. Umarova) VI. Yuqori malakali ilmiy pedagogik kadrlar tayyorlash natijadorligini oshirish 18. Himoya qilinadigan falsafa doktori dissertatsiyalari (PhD) soni nafar 5 20 22 27 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 19. Himoya qilinadigan fan doktori dissertatsiyalari (DSc) soni nafar 1 3 4 6 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 20. Web of Science va Scopus ilmiy-texnik maʼlumotlar bazasida Q1 va Q2 kvartil jurnallarida chop etilgan maqolalar ulushi foizda (jami maqolalar soniga nisbatan) 5 7 10 15 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 21. Scopus, Web of Science xalqaro maʼlumotlar bazasiga kiritilgan har bir maqolaga toʻgʻri keluvchi iqtiboslar soni ta 3 5 7 10 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) 22. Iqtiboslar soni boʻyicha “Hirsh” indeksi (h-indeks) 5 va undan yuqori boʻlgan ilmiy xodimlar ulushi foizda (jami ilmiy xodimlar soniga nisbatan) 50 60 65 70 Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov)

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 21-iyun,

PQ-232-son

(Qonunchilik maʼlumotlari milliy bazasi, 25.06.2024-y., 07/24/232/0446-son)

lex.uz

Президента Республики Узбекистан

Постановление

Об образовании Национального института педагогики воспитания имени Кары-Ниязи

В целях научно-методического обеспечения сферы воспитания молодежи, выработки современных методик в данном направлении на основе научного изучения взглядов наших великих мыслителей и джадидов, обеспечения эффективного взаимодействия махалли и родителей в вопросах воспитания учащихся, организации на системной основе работы по созданию для родителей и учителей учебной и популярной литературы по данной тематике:

1. Одобрить предложение Министерства дошкольного и школьного образования о создании Национального института педагогики воспитания имени Кары-Ниязи (далее — Институт) на базе Узбекского научно-исследовательского института педагогических наук имени Кары-Ниязи.

2. Установить, что:

Институт является государственным учреждением, осуществляющим послевузовское образование в сфере разработки и внедрения в практику новых методик воспитания, и подготавливающим научно обоснованные перспективные предложения по совершенствованию сферы воспитания;

Институт осуществляет свою деятельность непосредственно в подчинении Министерства дошкольного и школьного образования;

Институтом руководит директор, назначаемый на должность и освобождаемый от должности министром дошкольного и школьного образования;

заместители директора Института, а также директор Каракалпакского Республиканского филиала Института назначаются на должность и освобождаются от должности директором Института по согласованию с Министерством дошкольного и школьного образования;

состав работников Института формируется на конкурсной основе;

на работников Института распространяются условия оплаты труда и материального стимулирования, определенные для работников научно-исследовательских институтов системы Академии наук.

3. Утвердить:

Основные задачи Национального института педагогики воспитания имени Кары-Ниязи согласно приложению № 1 * ;

«Дорожную карту» по совершенствованию деятельности Национального института педагогики воспитания имени Кары-Ниязи в 2024 — 2027 годах согласно приложению № 2 * ;

Целевые показатели развития научно-исследовательских работ в сфере педагогики воспитания в 2024 — 2027 годах согласно приложению № 3 * .

4. Министерству высшего образования, науки и инноваций (К. Шарипов) и Министерству дошкольного и школьного образования (Х. Умарова) в трехмесячный срок принять меры по созданию при Институте научных советов по специализациям «Теория педагогики. История педагогических учений», «Теория и методика обучения и воспитания» и «Социальная педагогика».

5. Одобрить предложение Министерства дошкольного и школьного образования о поэтапном внедрении с 2025/2026 учебного года в общих средних образовательных учреждениях в порядке опытного эксперимента всемирно признанных методик социально-эмоционального воспитания (Social and Emotional Learning — SEL).

Определить, что в рамках внедрения методик социально-эмоционального воспитания:

учащиеся общих средних образовательных учреждений обучаются 5 социально-эмоциональным компетенциям (самопознание, самоуправление, социальная осведомленность, формирование отношений со сверстниками и принятие ответственных решений) и к данному процессу привлекаются родители и представители широкой общественности;

методики социально-эмоционального обучения включаются в программы общего среднего образования, а также повышения квалификации и переподготовки педагогических кадров;

в целях внедрения в практику методик социально-эмоционального обучения в общих средних образовательных учреждениях, отобранных в рамках опытного эксперимента, формируются группы тренеров, состоящие из квалифицированных работников Института, зарубежных специалистов и педагогических кадров;

Институт ведет регулярный мониторинг процессов внедрения методик социально-эмоционального обучения и принимает необходимые меры по устранению выявленных недостатков.

6. Министерству дошкольного и школьного образования (Х. Умарова):

а) совместно с Министерством высшего образования, науки и инноваций в трехмесячный срок организовать деятельность Республиканского совета по координации научных исследований в сфере воспитания;

б) в срок до 1 мая 2025 года обеспечить:

формирование направлений научных исследований Института на основе имеющихся проблем в сфере воспитания;

установление сотрудничества и осуществление Институтом совместных исследований с ведущими зарубежными университетами и научными центрами по разработке методик воспитания;

издание цикла литературы в направлении национального воспитания для воспитанников и учащихся дошкольных и общих средних образовательных организаций;

привлечение специалистов и ученых государственных и негосударственных организаций, высших образовательных учреждений и общественных институтов, а также зарубежных экспертов к проектам в сфере воспитания, реализуемым Институтом.

7. Министерству дошкольного и школьного образования (Х. Умарова) совместно с Республиканским центром духовности и просветительства (О. Хасанов), Агентством по делам молодежи (А. Саъдуллаев), Ассоциацией махаллей Узбекистана (К. Куранбаев) и Национальной гвардией (Р. Джураев):

а) начиная с 2024/2025 учебного года:

проводить в общих средних образовательных учреждениях воспитательные недели на тему «Ответственность родителей в воспитании детей»;

реализовать проект «Школа образцовых родителей», направленного на повышение знаний родителей в воспитании детей;

осуществлять научные исследования по изучению, возрождению и внедрению в современную систему духовно-нравственного воспитания традиций национального воспитания регионов страны;

б) в срок до 1 декабря 2024 года:

разработать научно обоснованные учебные и популярные методические рекомендации по созданию цепочки взаимодействия «школа — родители — махалля» в целях формирования у учащихся иммунитета к правонарушениям;

организовать создание литературы, предназначенной для расширения кругозора родителей в вопросах воспитания детей, на доступном языке;

в) провести в декабре 2024 года Международный форум на тему «Воспитание как критерий культурного и духовного становления личности»;

г) в срок до конца 2025 года разработать электронную платформу «milliytarbiya.uz» и ее мобильную версию в целях размещения цифровых контентов по воспитанию молодежи, предназначенную для родителей, преподавателей и учащихся, а также регулярно обновлять данную платформу современными и познавательными контентами;

д) организовать на системной основе работу по созданию и освещению в средствах массовой информации подкастов и видеоконтентов, посвященных обучению и воспитанию молодежи, на основе разработанных Институтом методических рекомендаций.

8. Определить источниками финансирования деятельности Института:

средства Государственного бюджета, выделяемые на содержание зданий и сооружений, а также оплату труда работников Института;

гранты, выделяемые по результатам конкурсов на научно-исследовательские проекты, проводимых Министерством высшего образования, науки и инноваций;

поступления от международных грантов и оказания услуг на договорной основе;

благотворительные пожертвования физических и юридических лиц;

иные источники, не запрещенные актами законодательства.

9. Разместить Институт на безвозмездной основе в здании Республиканского центра профессиональной ориентации и психолого-педагогической диагностики учащихся, расположенном по адресу: город Ташкент, Алмазарский район, улица Зиё, 6 на основе права оперативного управления.

10. Установить, что финансирование расходов Института, подлежащих покрытию за счет Государственного бюджета, осуществляется в 2024 году — в рамках средств республиканского бюджета Республики Узбекистан, выделяемых Министерству дошкольного и школьного образования в качестве распорядителя бюджетных средств первого уровня, с 2025 года — предусматривается в параметрах Государственного бюджета.

11. Министерству дошкольного и школьного образования совместно с Министерством юстиции в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

12. Возложить на министра дошкольного и школьного образования Х.У. Умарову персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахманова.

Президент Республики Узбекистан Ш. МИРЗИЁЕВ

г. Ташкент,

21 июня 2024 г.,

№ ПП-232

(Национальная база данных законодательства, 25.06.2024 г., № 07/24/232/0446)

lex.uz