📅 2024-yil 26-iyun · Vazirlik va idoralar hujjatlari · Vazirlar Mahkamasi huzuridagi Soliq qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 26 июнь · Вазирлик ва идоралар ҳужжатлари · Вазирлар Маҳкамаси ҳузуридаги Солиқ қўмитаси
Расмий матн. Расмий ҳужжат. Таҳририй изоҳлар киритилмаган.
📅 26 июня 2024 г. · Документы министерств и ведомств · Налогового комитета при Кабинете Министров
Официальный текст. Официальный документ. Редакционные примечания не включены.
📅 26 June 2024 · Ministry and agency documents · Vazirlar Mahkamasi huzuridagi Soliq qoʻmitasi
Official text. Official document. Editorial notes are not included.
Ўзбекистон Республикаси Вазирлар Маҳкамаси ҳузуридаги Солиқ қўмитасининг
қарори
Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низомга ўзгартириш ва қўшимчалар киритиш ҳақида
Ўзбекистон Республикасининг Солиқ кодекси ва Ўзбекистон Республикаси Президентининг 2023 йил 29 декабрдаги ПҚ-422-сон «Ўзбекистон Республикасининг «2024 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги қарорига мувофиқ Ўзбекистон Республикаси Вазирлар Маҳкамаси ҳузуридаги Солиқ қўмитаси қарор қилади:
1. Ўзбекистон Республикаси Давлат солиқ қўмитасининг 2019 йил 8 июлдаги 2019-45-сон қарори (рўйхат рақами 3172, 2019 йил 12 июль) (Ўзбекистон Республикаси қонун ҳужжатлари тўплами, 2019 й., 28-сон, 514-модда) билан тасдиқланган Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низомга иловага мувофиқ ўзгартириш ва қўшимчалар киритилсин.
2. Мазкур қарор Ўзбекистон Республикаси Иқтисодиёт ва молия вазирлиги ҳамда Савдо-саноат палатаси билан келишилган.
3. Мазкур қарор расмий эълон қилинган кундан эътиборан кучга киради.
Келишилди:
Ўзбекистон Республикаси Вазирлар Маҳкамаси ҳузуридаги Солиқ қўмитасининг 2024 йил 26 июндаги 2024-08-сон қарорига ИЛОВА
Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низомга киритилаётган ўзгартириш ва қўшимчалар
1. Муқаддимадан «Ўзбекистон Республикасининг Солиқ кодекси ҳамда Ўзбекистон Республикаси Вазирлар Маҳкамасининг 2019 йил 17 апрелдаги 320-сон «Давлат солиқ хизмати органлари фаолиятини янада такомиллаштириш чора-тадбирлари тўғрисида»ги қарорига мувофиқ» деган сўзлар чиқариб ташлансин.
2. 4-бандда :
«а» кичик банд «хизмат кўрсатувчи корхоналар» деган сўзлардан кейин «бундан алкогол ва пиво маҳсулотлари ишлаб чиқарувчи корхоналар мустасно» деган сўзлар билан тўлдирилсин;
«б» кичик банд қуйидаги таҳрирда баён этилсин:
«б) тижорат банклари, суғурта ташкилотлари, товар-хом ашё, фонд ва валюта биржалари;»;
«в» кичик банд қуйидаги таҳрирда баён этилсин:
«в) «Навоий кон-металлургия комбинати» АЖ, «Олмалиқ КМК» АЖ, «Ўзбекистон темир йўллари» АЖ ҳамда уларнинг таъсисчилигидаги ташкилотлар;»;
«д» кичик банд қуйидаги таҳрирда баён этилсин:
«д) маҳсулот (товар, иш ва хизмат)ларни сотишдан олинган соф тушуми ўтган календар йил якуни бўйича базавий ҳисоблаш миқдорининг 735 минг бараваридан юқори бўлган ёки кетма-кет келадиган ўн икки ойлик давр якуни бўйича ушбу миқдордан ошган ҳамда ходимлар сони ўртача йиллик 10 нафардан кам бўлмаган юридик шахслар, чет эл юридик шахсларининг Ўзбекистон Республикасидаги доимий муассасалари (бўлинмалари), бундан пахта-тўқимачилик кластерлари, тўқимачилик маҳсулотлари ишлаб чиқарувчи корхоналар, алкогол маҳсулотларининг улгуржи савдоси билан шуғулланувчи корхоналар мустасно;»
3. 6-банд «йирик солиқ тўловчилар тоифасида қолади» деган сўзлардан кейин «бундан мазкур мезонларга ўзгартириш ва қўшимчалар киритилган ҳолатлар мустасно» деган сўзлар билан тўлдирилсин.
4. 7-бандда :
биринчи хатбошидаги «бир» ва «Иқтисодиёт ва молия вазирлиги» деган сўзлар тегишли равишда «уч» ва «Вазирлар Маҳкамаси» деган сўзлар билан алмаштирилсин;
иккинчи хатбошидаги «Иқтисодиёт ва молия вазирлиги» деган сўзлар «Вазирлар Маҳкамаси» деган сўзлар билан алмаштирилсин.
Раис Ш. КУДБИЕВ
Иқтисодиёт ва молия вазири Д. КУЧКАРОВ
Ўзбекистон Савдо-саноат палатаси раиси Д. ВАХАБОВ
Тошкент ш.,
2024 йил 26 июнь,
2024 йил 20 июнь
2024 йил 20 июнь
2024-08-сон
Oʻzbekiston Respublikasi Vazirlar Mahkamasi huzuridagi Soliq qoʻmitasining
qarori
Yuridik shaxslarni yirik soliq toʻlovchilar toifasiga kiritishning mezonlarini belgilash toʻgʻrisidagi nizomga oʻzgartirish va qoʻshimchalar kiritish haqida
Oʻzbekiston Respublikasining Soliq kodeksi va Oʻzbekiston Respublikasi Prezidentining 2023-yil 29-dekabrdagi PQ-422-son “Oʻzbekiston Respublikasining “2024-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi qaroriga muvofiq Oʻzbekiston Respublikasi Vazirlar Mahkamasi huzuridagi Soliq qoʻmitasi qaror qiladi:
1. Oʻzbekiston Respublikasi Davlat soliq qoʻmitasining 2019-yil 8-iyuldagi 2019-45-son qarori (roʻyxat raqami 3172, 2019-yil 12-iyul) (Oʻzbekiston Respublikasi qonun hujjatlari toʻplami, 2019-y., 28-son, 514-modda) bilan tasdiqlangan Yuridik shaxslarni yirik soliq toʻlovchilar toifasiga kiritishning mezonlarini belgilash toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror Oʻzbekiston Respublikasi Iqtisodiyot va moliya vazirligi hamda Savdo-sanoat palatasi bilan kelishilgan.
3. Mazkur qaror rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Vazirlar Mahkamasi huzuridagi Soliq qoʻmitasining 2024-yil 26-iyundagi 2024-08-son qaroriga ILOVA
Yuridik shaxslarni yirik soliq toʻlovchilar toifasiga kiritishning mezonlarini belgilash toʻgʻrisidagi nizomga kiritilayotgan oʻzgartirish va qoʻshimchalar
1. Muqaddimadan “Oʻzbekiston Respublikasining Soliq kodeksi hamda Oʻzbekiston Respublikasi Vazirlar Mahkamasining 2019-yil 17-apreldagi 320-son “Davlat soliq xizmati organlari faoliyatini yanada takomillashtirish chora-tadbirlari toʻgʻrisida”gi qaroriga muvofiq” degan soʻzlar chiqarib tashlansin.
2. 4-bandda :
“a” kichik band “xizmat koʻrsatuvchi korxonalar” degan soʻzlardan keyin “bundan alkogol va pivo mahsulotlari ishlab chiqaruvchi korxonalar mustasno” degan soʻzlar bilan toʻldirilsin;
“b” kichik band quyidagi tahrirda bayon etilsin:
“b) tijorat banklari, sugʻurta tashkilotlari, tovar-xom ashyo, fond va valyuta birjalari;”;
“v” kichik band quyidagi tahrirda bayon etilsin:
“v) “Navoiy kon-metallurgiya kombinati” AJ, “Olmaliq KMK” AJ, “Oʻzbekiston temir yoʻllari” AJ hamda ularning taʼsischiligidagi tashkilotlar;”;
“d” kichik band quyidagi tahrirda bayon etilsin:
“d) mahsulot (tovar, ish va xizmat)larni sotishdan olingan sof tushumi oʻtgan kalendar yil yakuni boʻyicha bazaviy hisoblash miqdorining 735 ming baravaridan yuqori boʻlgan yoki ketma-ket keladigan oʻn ikki oylik davr yakuni boʻyicha ushbu miqdordan oshgan hamda xodimlar soni oʻrtacha yillik 10 nafardan kam boʻlmagan yuridik shaxslar, chet el yuridik shaxslarining Oʻzbekiston Respublikasidagi doimiy muassasalari (boʻlinmalari), bundan paxta-toʻqimachilik klasterlari, toʻqimachilik mahsulotlari ishlab chiqaruvchi korxonalar, alkogol mahsulotlarining ulgurji savdosi bilan shugʻullanuvchi korxonalar mustasno;”
3. 6-band “yirik soliq toʻlovchilar toifasida qoladi” degan soʻzlardan keyin “bundan mazkur mezonlarga oʻzgartirish va qoʻshimchalar kiritilgan holatlar mustasno” degan soʻzlar bilan toʻldirilsin.
4. 7-bandda :
birinchi xatboshidagi “bir” va “Iqtisodiyot va moliya vazirligi” degan soʻzlar tegishli ravishda “uch” va “Vazirlar Mahkamasi” degan soʻzlar bilan almashtirilsin;
ikkinchi xatboshidagi “Iqtisodiyot va moliya vazirligi” degan soʻzlar “Vazirlar Mahkamasi” degan soʻzlar bilan almashtirilsin.
Rais Sh. KUDBIYEV
Iqtisodiyot va moliya vaziri D. KUCHKAROV
Oʻzbekiston Savdo-sanoat palatasi raisi D. VAXABOV
Toshkent sh.,
2024-yil 26-iyun,
2024-yil 20-iyun
2024-yil 20-iyun
2024-08-son