📅 2024-yil 1-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 1 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июля 2024 г. · Постановления Президента
Официальный текст. Официальный документ. Редакционные примечания не включены.
📅 1 July 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Йўллар ва йўл инфратузилмасининг яхши ҳолатда сақланишини таъминлаш ҳамда ҳудудларни ободонлаштириш бўйича амалдаги механизмларни такомиллаштириш чора-тадбирлари тўғрисида
Республикадаги автомобиль йўлларини яхшилаш, ички кўчаларни асфальт билан қоплаш ва замонавий пиёдалар йўлакчаларини барпо этиш борасида тизимли ишлар амалга оширилиб, бу мақсадлар учун биргина 2023 йилда 15 триллион 295 миллиард сўм, жумладан «Ташаббусли бюджет» лойиҳаси бўйича 1 триллион 271 миллиард сўм ажратилган.
Шу билан бирга, йўлларнинг яхши ҳолатда сақланишини таъминлаш ва назорат қилиш бўйича самарали механизмлар йўлга қўйилмаганлиги жойларда асфальт қопламаси ва тротуарларни назоратсиз бузиш ҳамда аввалги кўринишини тикламасдан ташлаб кетиш ҳолатлари кўпайишига шароит яратмоқда.
Умумий мулк ҳисобланган йўллар ва йўл инфратузилмасини асраб-авайлаш, шаҳарлар ва бошқа аҳоли пунктларига замонавий қиёфа бахш этиш, шунингдек, бу борада фуқаролар ва юридик шахсларнинг масъулиятини ошириш мақсадида:
1. Ўзбекистон Республикасида маҳаллалар, кўча ва йўллар, қишлоқ, туман ва шаҳарларни озода ҳолатда сақлаш, улардаги мавжуд инфратузилмани асраб-авайлаш, ҳудудларни кўкаламзорлаштириш ишларига давлат органлари ва ташкилотлари билан бир қаторда ҳар бир фуқаро ва ташкилот бирдек масъул эканлиги алоҳида таъкидлаб ўтилсин.
2. Ички ишлар вазирлиги, Транспорт вазирлиги ва Ўзбекистон маҳаллалари уюшмасининг амалдаги қонунчиликни белгиланган тартибда такомиллаштириш орқали 2024 йил 1 сентябрдан бошлаб қуйидаги тартибни жорий этиш ҳақидаги таклифига розилик берилсин:
жисмоний шахслар ва мулкчилик шаклидан қатъи назар ҳар қандай юридик шахс томонидан йўллар, тротуарлар ва бошқа йўл инфратузилмаси объектларида (кейинги ўринларда — йўл объекти) қурилиш ишларини олиб бориш, йўл объектини ҳар қандай кўринишда таъмирлаш, бузиш, қазиш, ўзгартириш ёки реконструкция қилиш (кейинги ўринларда — қурилиш ва таъмирлаш ишлари) фақатгина тегишли рухсатнома олингандан сўнг амалга оширилади;
рухсатномани расмийлаштириш ва бериш бўйича давлат хизматлари давлат хизматлари марказлари ҳамда Ягона интерактив давлат хизматлари портали орқали 5 кун муддатда кўрсатилади;
рухсатнома йўл объектини балансида сақловчи вилоят ёки туман (шаҳар) ҳокимликлари ёхуд бошқа ташкилотлар томонидан, коммуникация тармоқларидаги авария билан боғлиқ ёки бошқа кечиктириб бўлмайдиган ҳолатларда эса туман (шаҳар) ҳокимлиги томонидан берилади;
рухсатномада йўл объектида қурилиш ва таъмирлаш ишларини амалга ошириш ҳуқуқи берилган шахс, қурилиш ва таъмирлаш ишларини амалга оширишнинг мақсади ва муддати, рухсатноманинг ҳақиқийлигини текшириш имконини берувчи QR-код, шунингдек, ушбу муддат ичида йўл объектининг аввалги ҳолатини тикламаслик тегишли маъмурий ва фуқаровий жавобгарликка сабаб бўлиши ҳақида огоҳлантириш кўрсатилади;
йўл объектида қурилиш ва таъмирлаш ишларини амалга ошириш вақтида рухсатнома ҳамма учун кўринадиган жойга илиб қўйилиши ёки ҳар қандай шахснинг биринчи талабига кўра тақдим этилиши шарт ҳисобланади;
қурилиш ва таъмирлаш ишлари амалга оширилаётган жойда хавфсизлик чораларини кўриш масъулияти рухсатнома берилган шахс зиммасига юклатилади;
рухсатнома олмасдан туриб йўл объектида қурилиш ва таъмирлаш ишларини амалга ошириш, қурилиш ва таъмирлаш ишлари майдонида белгиланган тартибда рухсатномани илиб қўймаслик ёки тақдим этмаслик, қурилиш ва таъмирлаш ишлари амалга оширилаётган жойда хавфсизлик чораларини кўрмаслик, шунингдек, қурилиш ва таъмирлаш ишлари якунлангандан сўнг йўл объектининг аввалги ҳолатини тиклаш бўйича мажбуриятни бажармаслик қонунчиликка мувофиқ жавобгарликка сабаб бўлади.
3. Вазирлар Маҳкамаси бир ой муддатда:
а) йўл объектида қурилиш ва таъмирлаш ишларини амалга оширишга рухсатнома бериш тартибини тасдиқлаш бўйича Ҳукумат қарорини қабул қилсин;
б) қуйидагиларни назарда тутувчи қонун лойиҳаларини белгиланган тартибда Олий Мажлис Қонунчилик палатасига киритсин:
рухсатнома олмасдан туриб йўл объектида қурилиш ва таъмирлаш ишларини амалга ошириш, қурилиш майдонида белгиланган тартибда рухсатномани илиб қўймаслик ёки тақдим этмаслик, қурилиш ва таъмирлаш ишлари амалга оширилаётган жойда хавфсизлик чораларини кўрмаслик, шунингдек, қурилиш ва таъмирлаш ишлари якунлангандан сўнг йўл объектининг аввалги ҳолатини тиклаш бўйича мажбуриятни бажармаслик учун маъмурий жавобгарлик белгилашни;
Ўзбекистон Республикасининг «Лицензиялаш, рухсат бериш ва хабардор қилиш тартиб-таомиллари тўғрисида»ги Қонунига тегишли ўзгартиришлар киритишни.
4. Адлия вазирлиги мазкур қарорда назарда тутилган қоидалар қонунчиликда белгиланган тартибда жорий этилганидан сўнг, йўл объектида қурилиш ва таъмирлаш ишларини амалга ошириш учун рухсатнома «Лицензия» ахборот тизимида берилиши билан боғлиқ тегишли чора-тадбирлар кўрилишини таъминласин.
5. Белгилансинки:
йўл объектида қурилиш ва таъмирлаш ишлари амалга оширилганидан сўнг унинг аввалги кўринишини тикламаслик ҳолати юзасидан рухсатнома берган ташкилот ёки ҳудудий профилактика инспектори рухсатномада назарда тутилган қурилиш ишларини амалга ошириш муддати тугаган кундан эътиборан 10 кунлик муддатда айбдор шахсларни жавобгарликка тортиш ва етказилган моддий зарарни ундириш бўйича зарур чораларни кўриши шарт;
йўл объектига етказилган моддий зарар миқдори йўл объектини балансида сақловчи маҳаллий ҳокимликлар ёхуд бошқа ташкилотлар томонидан қонунчиликда белгиланган тартибда аниқланади;
рухсатнома олмасдан туриб йўл объектида қурилиш ва таъмирлаш ишларини амалга оширганлик ёки йўл объектининг аввалги ҳолатини тиклаш бўйича мажбуриятни бажармаслик ҳолати бўйича тегишли далилларни тақдим қилган ҳолда ҳуқуқбузарлик аниқланишига фаол ёрдам берган шахсларга ундирилган жариманинг 50 фоизи миқдорида мукофот пули берилади.
6. Ўзбекистон Республикасининг Уй-жой кодекси ва Шаҳарсозлик кодекси , шунингдек, амалдаги бошқа қонунчилик ҳужжатларига мувофиқ бино ва иншоотларнинг мулкдорлари ёки фойдаланувчилари ўзларига бириктирилган ер участкаси ва унга туташ ҳудудларда ободонлаштириш ишлари учун масъул эканлиги маълумот учун қабул қилинсин.
7. Ҳудудлар қиёфасини яхшилаш мақсадида эксперимент тариқасида 2024 йил 1 сентябрдан 2025 йил 1 сентябрга қадар Қорақалпоғистон Республикаси Вазирлар Кенгаши Раиси ва вилоятлар ҳокимлари белгилаб берадиган муайян ҳудудда қуйидагиларни назарда тутувчи чора-тадбирлар амалга оширилсин:
фуқаролар ва юридик шахсларнинг уларга тегишли бино ва иншоотга туташ ҳудудларни ободонлаштириш борасидаги масъулияти оммавий ахборот воситалари, ижтимоий тармоқлар орқали ҳар бир маҳаллада маҳалла раислари томонидан тушунтирилишини ташкил қилиш;
кўп қаватли уйлар ҳовлиси ва атрофи, йўл ҳамда кўча четларининг ободонлаштирилган намунавий кўринишини тасдиқлаш;
йўл ва кўча четларидаги бўш ерларни кўкаламзорлаштириш бўйича дастур тасдиқлаш.
Қорақалпоғистон Республикаси Вазирлар Кенгаши Раиси ва вилоятлар ҳокимлари мазкур бандда назарда тутилган чора-тадбирлар ўз вақтида ва самарали ташкил этилишини таъминласин.
Экология, атроф-муҳитни муҳофаза қилиш ва иқлим ўзгариши вазирлиги Қурилиш ва уй-жой коммунал хўжалиги вазирлиги ва бошқа манфаатдор вазирлик ва идоралар билан биргаликда 2025 йил 1 ноябрга қадар жойларда амалга оширилган чора-тадбирлар натижаларидан келиб чиқиб, ҳудудларни ободонлаштириш ишларини самарали ташкил этиш юзасидан асослантирилган таклифларни Ўзбекистон Республикаси Президенти Администрациясига киритсин.
8. Экология, атроф-муҳитни муҳофаза қилиш ва иқлим ўзгариши вазирлиги Ички ишлар вазирлиги билан биргаликда ободонлаштириш қоидаларининг амалиётда самарали ишлашини таъминлашга қаратилган, хусусан фуқаролар ва юридик шахслар томонидан ободонлаштириш борасидаги мажбуриятлар бажарилмаганлиги учун жавобгарликни аниқ белгилашни назарда тутувчи қонун лойиҳасини Вазирлар Маҳкамасига киритсин.
9. Қорақалпоғистон Республикаси Вазирлар Кенгаши Раиси, вилоятлар, Тошкент шаҳри ва туман (шаҳар) ҳокимлари бошчилигида ҳудудий ички ишлар органлари ва бошқа мутасадди идоралар раҳбарлари иштирокида ишчи гуруҳлар тузилиб, улар зиммасига йўллар ва кўчаларга ўзбошимчалик билан тўсиқ ўрнатиш ҳолатларини тўлиқ хатловдан ўтказиш ва бартараф этиш ҳамда айбдор шахсларга нисбатан қонунчиликда белгиланган тартибда жавобгарлик масаласини ҳал этиш бўйича зарур чоралар кўриш вазифаси юклансин.
Вазирлар Маҳкамаси 2024 йил 1 сентябрга қадар мазкур бандда назарда тутилган вазифалар ижроси юзасидан Ўзбекистон Республикаси Президенти Администрациясига батафсил ахборот киритсин.
10. Ички ишлар вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарор ижросини самарали ташкил қилишга масъул ва шахсий жавобгар этиб Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари белгилансин.
Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 1 июль,
ПҚ-241-сон
Oʻzbekiston Respublikasi Prezidentining
Qarori
Yoʻllar va yoʻl infratuzilmasining yaxshi holatda saqlanishini taʼminlash hamda hududlarni obodonlashtirish boʻyicha amaldagi mexanizmlarni takomillashtirish chora-tadbirlari toʻgʻrisida
Respublikadagi avtomobil yoʻllarini yaxshilash, ichki koʻchalarni asfalt bilan qoplash va zamonaviy piyodalar yoʻlakchalarini barpo etish borasida tizimli ishlar amalga oshirilib, bu maqsadlar uchun birgina 2023-yilda 15 trillion 295 milliard soʻm, jumladan “Tashabbusli budjet” loyihasi boʻyicha 1 trillion 271 milliard soʻm ajratilgan.
Shu bilan birga, yoʻllarning yaxshi holatda saqlanishini taʼminlash va nazorat qilish boʻyicha samarali mexanizmlar yoʻlga qoʻyilmaganligi joylarda asfalt qoplamasi va trotuarlarni nazoratsiz buzish hamda avvalgi koʻrinishini tiklamasdan tashlab ketish holatlari koʻpayishiga sharoit yaratmoqda.
Umumiy mulk hisoblangan yoʻllar va yoʻl infratuzilmasini asrab-avaylash, shaharlar va boshqa aholi punktlariga zamonaviy qiyofa baxsh etish, shuningdek, bu borada fuqarolar va yuridik shaxslarning masʼuliyatini oshirish maqsadida:
1. Oʻzbekiston Respublikasida mahallalar, koʻcha va yoʻllar, qishloq, tuman va shaharlarni ozoda holatda saqlash, ulardagi mavjud infratuzilmani asrab-avaylash, hududlarni koʻkalamzorlashtirish ishlariga davlat organlari va tashkilotlari bilan bir qatorda har bir fuqaro va tashkilot birdek masʼul ekanligi alohida taʼkidlab oʻtilsin.
2. Ichki ishlar vazirligi, Transport vazirligi va Oʻzbekiston mahallalari uyushmasining amaldagi qonunchilikni belgilangan tartibda takomillashtirish orqali 2024-yil 1-sentabrdan boshlab quyidagi tartibni joriy etish haqidagi taklifiga rozilik berilsin:
jismoniy shaxslar va mulkchilik shaklidan qatʼi nazar har qanday yuridik shaxs tomonidan yoʻllar, trotuarlar va boshqa yoʻl infratuzilmasi obyektlarida (keyingi oʻrinlarda — yoʻl obyekti) qurilish ishlarini olib borish, yoʻl obyektini har qanday koʻrinishda taʼmirlash, buzish, qazish, oʻzgartirish yoki rekonstruksiya qilish (keyingi oʻrinlarda — qurilish va taʼmirlash ishlari) faqatgina tegishli ruxsatnoma olingandan soʻng amalga oshiriladi;
ruxsatnomani rasmiylashtirish va berish boʻyicha davlat xizmatlari davlat xizmatlari markazlari hamda Yagona interaktiv davlat xizmatlari portali orqali 5 kun muddatda koʻrsatiladi;
ruxsatnoma yoʻl obyektini balansida saqlovchi viloyat yoki tuman (shahar) hokimliklari yoxud boshqa tashkilotlar tomonidan, kommunikatsiya tarmoqlaridagi avariya bilan bogʻliq yoki boshqa kechiktirib boʻlmaydigan holatlarda esa tuman (shahar) hokimligi tomonidan beriladi;
ruxsatnomada yoʻl obyektida qurilish va taʼmirlash ishlarini amalga oshirish huquqi berilgan shaxs, qurilish va taʼmirlash ishlarini amalga oshirishning maqsadi va muddati, ruxsatnomaning haqiqiyligini tekshirish imkonini beruvchi QR-kod, shuningdek, ushbu muddat ichida yoʻl obyektining avvalgi holatini tiklamaslik tegishli maʼmuriy va fuqaroviy javobgarlikka sabab boʻlishi haqida ogohlantirish koʻrsatiladi;
yoʻl obyektida qurilish va taʼmirlash ishlarini amalga oshirish vaqtida ruxsatnoma hamma uchun koʻrinadigan joyga ilib qoʻyilishi yoki har qanday shaxsning birinchi talabiga koʻra taqdim etilishi shart hisoblanadi;
qurilish va taʼmirlash ishlari amalga oshirilayotgan joyda xavfsizlik choralarini koʻrish masʼuliyati ruxsatnoma berilgan shaxs zimmasiga yuklatiladi;
ruxsatnoma olmasdan turib yoʻl obyektida qurilish va taʼmirlash ishlarini amalga oshirish, qurilish va taʼmirlash ishlari maydonida belgilangan tartibda ruxsatnomani ilib qoʻymaslik yoki taqdim etmaslik, qurilish va taʼmirlash ishlari amalga oshirilayotgan joyda xavfsizlik choralarini koʻrmaslik, shuningdek, qurilish va taʼmirlash ishlari yakunlangandan soʻng yoʻl obyektining avvalgi holatini tiklash boʻyicha majburiyatni bajarmaslik qonunchilikka muvofiq javobgarlikka sabab boʻladi.
3. Vazirlar Mahkamasi bir oy muddatda:
a) yoʻl obyektida qurilish va taʼmirlash ishlarini amalga oshirishga ruxsatnoma berish tartibini tasdiqlash boʻyicha Hukumat qarorini qabul qilsin;
b) quyidagilarni nazarda tutuvchi qonun loyihalarini belgilangan tartibda Oliy Majlis Qonunchilik palatasiga kiritsin:
ruxsatnoma olmasdan turib yoʻl obyektida qurilish va taʼmirlash ishlarini amalga oshirish, qurilish maydonida belgilangan tartibda ruxsatnomani ilib qoʻymaslik yoki taqdim etmaslik, qurilish va taʼmirlash ishlari amalga oshirilayotgan joyda xavfsizlik choralarini koʻrmaslik, shuningdek, qurilish va taʼmirlash ishlari yakunlangandan soʻng yoʻl obyektining avvalgi holatini tiklash boʻyicha majburiyatni bajarmaslik uchun maʼmuriy javobgarlik belgilashni;
Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonuniga tegishli oʻzgartirishlar kiritishni.
4. Adliya vazirligi mazkur qarorda nazarda tutilgan qoidalar qonunchilikda belgilangan tartibda joriy etilganidan soʻng, yoʻl obyektida qurilish va taʼmirlash ishlarini amalga oshirish uchun ruxsatnoma “Litsenziya” axborot tizimida berilishi bilan bogʻliq tegishli chora-tadbirlar koʻrilishini taʼminlasin.
5. Belgilansinki:
yoʻl obyektida qurilish va taʼmirlash ishlari amalga oshirilganidan soʻng uning avvalgi koʻrinishini tiklamaslik holati yuzasidan ruxsatnoma bergan tashkilot yoki hududiy profilaktika inspektori ruxsatnomada nazarda tutilgan qurilish ishlarini amalga oshirish muddati tugagan kundan eʼtiboran 10 kunlik muddatda aybdor shaxslarni javobgarlikka tortish va yetkazilgan moddiy zararni undirish boʻyicha zarur choralarni koʻrishi shart;
yoʻl obyektiga yetkazilgan moddiy zarar miqdori yoʻl obyektini balansida saqlovchi mahalliy hokimliklar yoxud boshqa tashkilotlar tomonidan qonunchilikda belgilangan tartibda aniqlanadi;
ruxsatnoma olmasdan turib yoʻl obyektida qurilish va taʼmirlash ishlarini amalga oshirganlik yoki yoʻl obyektining avvalgi holatini tiklash boʻyicha majburiyatni bajarmaslik holati boʻyicha tegishli dalillarni taqdim qilgan holda huquqbuzarlik aniqlanishiga faol yordam bergan shaxslarga undirilgan jarimaning 50 foizi miqdorida mukofot puli beriladi.
6. Oʻzbekiston Respublikasining Uy-joy kodeksi va Shaharsozlik kodeksi , shuningdek, amaldagi boshqa qonunchilik hujjatlariga muvofiq bino va inshootlarning mulkdorlari yoki foydalanuvchilari oʻzlariga biriktirilgan yer uchastkasi va unga tutash hududlarda obodonlashtirish ishlari uchun masʼul ekanligi maʼlumot uchun qabul qilinsin.
7. Hududlar qiyofasini yaxshilash maqsadida eksperiment tariqasida 2024-yil 1-sentabrdan 2025-yil 1-sentabrga qadar Qoraqalpogʻiston Respublikasi Vazirlar Kengashi Raisi va viloyatlar hokimlari belgilab beradigan muayyan hududda quyidagilarni nazarda tutuvchi chora-tadbirlar amalga oshirilsin:
fuqarolar va yuridik shaxslarning ularga tegishli bino va inshootga tutash hududlarni obodonlashtirish borasidagi masʼuliyati ommaviy axborot vositalari, ijtimoiy tarmoqlar orqali har bir mahallada mahalla raislari tomonidan tushuntirilishini tashkil qilish;
koʻp qavatli uylar hovlisi va atrofi, yoʻl hamda koʻcha chetlarining obodonlashtirilgan namunaviy koʻrinishini tasdiqlash;
yoʻl va koʻcha chetlaridagi boʻsh yerlarni koʻkalamzorlashtirish boʻyicha dastur tasdiqlash.
Qoraqalpogʻiston Respublikasi Vazirlar Kengashi Raisi va viloyatlar hokimlari mazkur bandda nazarda tutilgan chora-tadbirlar oʻz vaqtida va samarali tashkil etilishini taʼminlasin.
Ekologiya, atrof-muhitni muhofaza qilish va iqlim oʻzgarishi vazirligi Qurilish va uy-joy kommunal xoʻjaligi vazirligi va boshqa manfaatdor vazirlik va idoralar bilan birgalikda 2025-yil 1-noyabrga qadar joylarda amalga oshirilgan chora-tadbirlar natijalaridan kelib chiqib, hududlarni obodonlashtirish ishlarini samarali tashkil etish yuzasidan asoslantirilgan takliflarni Oʻzbekiston Respublikasi Prezidenti Administratsiyasiga kiritsin.
8. Ekologiya, atrof-muhitni muhofaza qilish va iqlim oʻzgarishi vazirligi Ichki ishlar vazirligi bilan birgalikda obodonlashtirish qoidalarining amaliyotda samarali ishlashini taʼminlashga qaratilgan, xususan fuqarolar va yuridik shaxslar tomonidan obodonlashtirish borasidagi majburiyatlar bajarilmaganligi uchun javobgarlikni aniq belgilashni nazarda tutuvchi qonun loyihasini Vazirlar Mahkamasiga kiritsin.
9. Qoraqalpogʻiston Respublikasi Vazirlar Kengashi Raisi, viloyatlar, Toshkent shahri va tuman (shahar) hokimlari boshchiligida hududiy ichki ishlar organlari va boshqa mutasaddi idoralar rahbarlari ishtirokida ishchi guruhlar tuzilib, ular zimmasiga yoʻllar va koʻchalarga oʻzboshimchalik bilan toʻsiq oʻrnatish holatlarini toʻliq xatlovdan oʻtkazish va bartaraf etish hamda aybdor shaxslarga nisbatan qonunchilikda belgilangan tartibda javobgarlik masalasini hal etish boʻyicha zarur choralar koʻrish vazifasi yuklansin.
Vazirlar Mahkamasi 2024-yil 1-sentabrga qadar mazkur bandda nazarda tutilgan vazifalar ijrosi yuzasidan Oʻzbekiston Respublikasi Prezidenti Administratsiyasiga batafsil axborot kiritsin.
10. Ichki ishlar vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qaror ijrosini samarali tashkil qilishga masʼul va shaxsiy javobgar etib Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari belgilansin.
Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 1-iyul,
PQ-241-son
Президента Республики Узбекистан
Постановление
О мерах по совершенствованию действующих механизмов обеспечения содержания в надлежащем состоянии дорог и дорожной инфраструктуры, а также благоустройства территорий
В республике осуществлена системная работа по улучшению автомобильных дорог, покрытию асфальтом внутренних улиц и строительству современных пешеходных дорожек, на эти цели только в 2023 году выделено 15 триллионов 295 миллиардов сумов, в том числе 1 триллион 271 миллиард сумов — по проекту «Инициативный бюджет».
Вместе с тем отсутствие эффективных механизмов по обеспечению и контролю содержания в надлежащем состоянии дорог создает условия для увеличения фактов бесконтрольного разрушения асфальтового покрытия и тротуаров на местах, а также оставления их без восстановления прежнего состояния.
В целях сохранения дорог и дорожной инфраструктуры, являющихся общим имуществом, придания современного облика городам и другим населенным пунктам, а также повышения ответственности граждан и юридических лиц в данном направлении:
1. Особо отметить, что в Республике Узбекистан каждый гражданин и организация несут равную ответственность наряду с государственными органами и организациями за содержание в чистоте махаллей, улиц и дорог, сел, районов и городов, сохранение имеющейся в них инфраструктуры, озеленение территорий.
2. Согласиться с предложением Министерства внутренних дел, Министерства транспорта и Ассоциации махаллей Узбекистана о внедрении начиная с 1 сентября 2024 года следующего порядка путем совершенствования в установленном порядке действующего законодательства:
проведение физическими лицами и всеми юридическими лицами независимо от их формы собственности строительных работ на дорогах, тротуарах и других объектах дорожной инфраструктуры (далее — дорожные объекты), их ремонт, разрушение, раскапывание, изменение или реконструкция в любой форме (далее — строительно-ремонтные работы) осуществляются только после получения соответствующего разрешения;
государственные услуги по оформлению и выдаче разрешения оказываются через центры государственных услуг и Единый портал интерактивных государственных услуг в пятидневный срок;
разрешение выдается областными или районными (городскими) хокимиятами либо другими организациями, на балансе которых находится дорожный объект, а в случаях аварии на коммуникационных сетях или в других неотложных случаях — районными (городскими) хокимиятами;
в разрешении указываются лицо, которому предоставлено право на осуществление строительно-ремонтных работ на дорожном объекте, цель и сроки осуществления строительно-ремонтных работ, QR-код, позволяющий проверить подлинность разрешения, а также уведомление о том, что не восстановление прежнего состояния дорожного объекта в указанный срок влечет соответствующую административную и гражданскую ответственность;
во время осуществления строительно-ремонтных работ на дорожном объекте разрешение должно быть вывешено на доступном для всех месте или должно предоставляться любому лицу по первому требованию;
ответственность за принятие мер безопасности на месте проведения строительно-ремонтных работ возлагается на лицо, которому выдано разрешение;
осуществление строительно-ремонтных работ на дорожном объекте без получения разрешения, неразмещение разрешения на площадке проведения строительно-ремонтных работ или его непредставление в установленном порядке, непринятие мер безопасности на месте проведения строительно-ремонтных работ, а также невыполнение обязательства по восстановлению первоначального состояния дорожного объекта после завершения строительно-ремонтных работ влечет к ответственности в соответствии с законодательством.
3. Кабинету Министров в месячный срок:
а) принять постановление Правительства по утверждению порядка выдачи разрешения на осуществление строительно-ремонтных работ на дорожном объекте;
б) внести в Законодательную палату Олий Мажлиса в установленном порядке проекты законов, предусматривающих:
установление административной ответственности за осуществление строительно-ремонтных работ на дорожном объекте без получения разрешения, неразмещение разрешения на площадке проведения строительно-ремонтных работ или его непредставление в установленном порядке, непринятие мер безопасности на месте проведения строительно-ремонтных работ, а также невыполнение обязательства по восстановлению первоначального состояния дорожного объекта после завершения строительно-ремонтных работ;
внесение соответствующих изменений в Закон Республики Узбекистан «О лицензировании, разрешительных и уведомительных процедурах».
4. Министерству юстиции после внедрения в установленном законодательством порядке правил, предусмотренных настоящим постановлением, обеспечить принятие соответствующих мер, связанных с выдачей разрешений на осуществление строительно-ремонтных работ на дорожном объекте через информационную систему «Лицензия».
5. Установить, что:
по факту не восстановления первоначального состояния дорожного объекта организация, выдавшая разрешение, или территориальный инспектор профилактики в десятидневный срок со дня окончания указанного в разрешении срока осуществления строительно-ремонтных работ должны принять необходимые меры по привлечению к ответственности виновных лиц и взысканию нанесенного материального ущерба;
размер нанесенного дорожному объекту материального ущерба определяется в установленном законодательством порядке местными хокимиятами либо другими организациями, на балансе которых находится дорожный объект;
лицам, проявившим активность в выявлении правонарушения с представлением соответствующих доказательств по факту осуществления строительно-ремонтных работ на дорожном объекте без получения разрешения или невыполнения обязательства по восстановлению прежнего состояния дорожного объекта, выплачивается денежное вознаграждение в размере 50 процентов взысканного штрафа.
6. Принять к сведению, что в соответствии с Жилищным кодексом и Градостроительным кодексом , а также другими актами законодательства Республики Узбекистан собственники или пользователи зданий и сооружений являются ответственными за осуществление благоустроительных работ на закрепленных за ними земельных участках и прилегающих к ним территориях.
7. В целях улучшения облика регионов в порядке эксперимента с 1 сентября 2024 года по 1 сентября 2025 года осуществить на территориях, определяемых Председателем Совета Министров Республики Каракалпакстан и хокимами областей, меры, предусматривающие:
организацию через средства массовой информации, социальные сети, а в каждой махалле со стороны их председателей разъяснений об ответственности граждан и юридических лиц за благоустройство территорий, прилегающих к принадлежащим им зданиям и сооружениям;
утверждение типового благоустроенного облика дворов и окрестностей многоэтажных домов, обочин дорог и улиц;
утверждение Программы по озеленению пустующих земель на обочинах дорог и улиц.
Председателю Совета Министров Республики Каракалпакстан и хокимам областей обеспечить своевременную и эффективную организацию мер, предусмотренных в настоящем пункте.
Министерству экологии, охраны окружающей среды и изменения климата совместно с Министерством строительства и жилищно-коммунального хозяйства, заинтересованными министерствами и ведомствами до 1 ноября 2025 года внести в Администрацию Президента Республики Узбекистан обоснованные предложения по эффективной организации благоустроительных работ территорий исходя из результатов осуществленных в регионах мер.
8. Министерству экологии, охраны окружающей среды и изменения климата совместно с Министерством внутренних дел внести в Кабинет Министров проект закона, направленный на обеспечение эффективной реализации на практике правил благоустройства, в частности предусматривающий конкретное определение ответственности за невыполнение гражданами и юридическими лицами обязательств по благоустройству.
9. Сформировать во главе с Председателем Совета Министров Республики Каракалпакстан, хокимами областей, города Ташкента и районов (городов) рабочие группы в составе руководителей региональных органов внутренних дел и других ответственных ведомств и возложить на них задачу проведения полной инвентаризации и устранения фактов самовольной установки ограждений на дорогах и улицах, а также принятия мер по решению вопроса ответственности в отношении виновных лиц в порядке, установленном законодательством.
Кабинету Министров до 1 сентября 2024 года внести в Администрацию Президента Республики Узбекистан подробную информацию об исполнении задач, предусмотренных настоящим пунктом.
10. Министерству внутренних дел совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Возложить на Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего постановления.
Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
1 июля 2024 г.,
№ ПП-241