📅 2024-yil 2-iyul · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 2 июль · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 2 июля 2024 г. · Законы и кодексы
Официальный текст. Официальный документ. Редакционные примечания не включены.
📅 2 July 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида
Қонунчилик палатаси томонидан 2024 йил 23 апрелда қабул қилинган Сенат томонидан 2024 йил 18 майда маъқулланган
Ушбу Қонун билан «Лицензиялаш, рухсат бериш ва хабардор қилиш тартиб-таомиллари тўғрисида»ги Ўзбекистон Республикаси Қонунига ўзгартириш ва қўшимчалар киритилиб, уларга биноан «Умра» тадбирларини ташкил этиш ва ўтказиш бўйича хизматлар кўрсатишга доир фаолият лицензияланадиган фаолиятнинг алоҳида тури сифатида белгиланмоқда ҳамда Ўзбекистон Республикаси Дин ишлари бўйича қўмитаси мазкур соҳадаги лицензияловчи ваколатли орган сифатида белгиланмоқда.
Бундан ташқари «Давлат божи тўғрисида»ги Ўзбекистон Республикаси Қонунига «Умра» тадбирларини ташкил этиш ва ўтказиш бўйича фаолиятга лицензия берганлик учун тўланадиган давлат божи ставкаси миқдорини белгиловчи қўшимча киритилмоқда.
Ушбу Қонун «Умра» зиёратини амалга оширадиган фуқароларга янада қулай шарт-шароитлар яратишга, уларнинг ҳуқуқлари ва қонуний манфаатлари тўлақонли ҳимоя қилинишини таъминлашга ҳамда бундай фаолият билан шуғулланувчи юридик шахсларнинг масъулиятини оширишга хизмат қилади.
1-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда; 2023 йил, № 2, 103-модда, № 3, 186-модда, № 4, 265, 269-моддалар, № 6, 444, 445-моддалар, № 7, 538-модда; 2024 йил, № 1, 5, 6, 7-моддалар, № 2, 101, 105, 107, 108, 111, 112-моддалар) илованинг 28-банди қуйидаги таҳрирда баён этилсин:
« 28. Фаолиятнинг айрим турларини Ўзбекистон Республикаси Дин ишлари бўйича қўмитаси томонидан лицензиялаганлик учун тўланадиган давлат божи: а) диний таълим муассасаларининг фаолияти — БҲМнинг 10 баравари б) « Умра » тадбирларини ташкил этиш ва ўтказиш бўйича фаолият — БҲМнинг 10 баравари » .
2-модда. Ўзбекистон Республикасининг 2021 йил 14 июлда қабул қилинган «Лицензиялаш, рухсат бериш ва хабардор қилиш тартиб-таомиллари тўғрисида»ги ЎРҚ-701-сонли Қонунига (Ўзбекистон Республикаси Олий Мажлиси палаталарининг Ахборотномаси, 2021 йил, № 7, 661-модда; 2022 йил, № 4, 340-модда, № 5, 465-модда; 2023 йил, № 2, 103-модда, № 3, 185-модда, № 7, 533-модда, № 9, 710, №11, 921, 923-моддалар; 2024 йил, № 1, 5, 7-моддалар, № 2, 105, 112-моддалар) қуйидаги ўзгартириш ва қўшимчалар киритилсин:
1) 1-илова :
45-позициясининг «Лицензиялаш соҳасидаги ваколатли органлар» деган устунидаги «Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита» деган сўзлар «Ўзбекистон Республикаси Дин ишлари бўйича қўмитаси» деган сўзлар билан алмаштирилсин;
қуйидаги мазмундаги 51-позиция билан тўлдирилсин:
« 51. « Умра » тадбирларини ташкил этиш ва ўтказиш бўйича фаолият учун лицензия « Умра » тадбирларини ташкил этиш ва ўтказиш бўйича хизматлар кўрсатишга доир фаолият. Ўзбекистон Республикаси Дин ишлари бўйича қўмитаси » ;
2) 2-илова қуйидаги мазмундаги 123-позиция билан тўлдирилсин:
« 123. Давлат харидлари электрон тизими оператори фаолиятини амалга ошириш учун рухсатнома Давлат харидларининг субъектларига давлат харидлари электрон тизимларида харид қилиш тартиб-таомилларини амалга ошириш билан боғлиқ хизматлар кўрсатиш. Ўзбекистон Республикаси Иқтисодиёт ва молия вазирлиги »;
3) 4-илованинг :
I бўлими қуйидаги мазмундаги 44-позиция билан тўлдирилсин:
« 44. « Умра » тадбирларини ташкил этиш ва ўтказиш бўйича фаолият учун лицензия 200 » ;
II бўлими қуйидаги мазмундаги 113-позиция билан тўлдирилсин
« 113. Давлат харидлари электрон тизими оператори фаолиятини амалга ошириш учун рухсатнома 200 » .
3-модда. Ўзбекистон Республикаси Иқтисодиёт ва молия вазирлиги, Ўзбекистон Республикаси Дин ишлари бўйича қўмитаси ҳамда бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
5-модда. Ушбу Қонун расмий эълон қилинган кундан эътиборан уч ой ўтгач кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 2 июль,
ЎРҚ-935-сон
Oʻzbekiston Respublikasining Qonuni
Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida
Qonunchilik palatasi tomonidan 2024-yil 23-aprelda qabul qilingan Senat tomonidan 2024-yil 18-mayda maʼqullangan
Ushbu Qonun bilan “Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritilib, ularga binoan “Umra” tadbirlarini tashkil etish va oʻtkazish boʻyicha xizmatlar koʻrsatishga doir faoliyat litsenziyalanadigan faoliyatning alohida turi sifatida belgilanmoqda hamda Oʻzbekiston Respublikasi Din ishlari boʻyicha qoʻmitasi mazkur sohadagi litsenziyalovchi vakolatli organ sifatida belgilanmoqda.
Bundan tashqari “Davlat boji toʻgʻrisida”gi Oʻzbekiston Respublikasi Qonuniga “Umra” tadbirlarini tashkil etish va oʻtkazish boʻyicha faoliyatga litsenziya berganlik uchun toʻlanadigan davlat boji stavkasi miqdorini belgilovchi qoʻshimcha kiritilmoqda.
Ushbu Qonun “Umra” ziyoratini amalga oshiradigan fuqarolarga yanada qulay shart-sharoitlar yaratishga, ularning huquqlari va qonuniy manfaatlari toʻlaqonli himoya qilinishini taʼminlashga hamda bunday faoliyat bilan shugʻullanuvchi yuridik shaxslarning masʼuliyatini oshirishga xizmat qiladi.
1-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda; 2024-yil, № 1, 5, 6, 7-moddalar, № 2, 101, 105, 107, 108, 111, 112-moddalar) ilovaning 28-bandi quyidagi tahrirda bayon etilsin:
“ 28. Faoliyatning ayrim turlarini Oʻzbekiston Respublikasi Din ishlari boʻyicha qoʻmitasi tomonidan litsenziyalaganlik uchun toʻlanadigan davlat boji: a) diniy taʼlim muassasalarining faoliyati — BHMning 10 baravari b) “ Umra ” tadbirlarini tashkil etish va oʻtkazish boʻyicha faoliyat — BHMning 10 baravari ” .
2-modda. Oʻzbekiston Respublikasining 2021-yil 14-iyulda qabul qilingan “Litsenziyalash, ruxsat berish va xabardor qilish tartib-taomillari toʻgʻrisida”gi OʻRQ-701-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2021-yil, № 7, 661-modda; 2022-yil, № 4, 340-modda, № 5, 465-modda; 2023-yil, № 2, 103-modda, № 3, 185-modda, № 7, 533-modda, № 9, 710, №11, 921, 923-moddalar; 2024-yil, № 1, 5, 7-moddalar, № 2, 105, 112-moddalar) quyidagi oʻzgartirish va qoʻshimchalar kiritilsin:
1) 1-ilova :
45-pozitsiyasining “Litsenziyalash sohasidagi vakolatli organlar” degan ustunidagi “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita” degan soʻzlar “Oʻzbekiston Respublikasi Din ishlari boʻyicha qoʻmitasi” degan soʻzlar bilan almashtirilsin;
quyidagi mazmundagi 51-pozitsiya bilan toʻldirilsin:
“ 51. “ Umra ” tadbirlarini tashkil etish va oʻtkazish boʻyicha faoliyat uchun litsenziya “ Umra ” tadbirlarini tashkil etish va oʻtkazish boʻyicha xizmatlar koʻrsatishga doir faoliyat. Oʻzbekiston Respublikasi Din ishlari boʻyicha qoʻmitasi ” ;
2) 2-ilova quyidagi mazmundagi 123-pozitsiya bilan toʻldirilsin:
“ 123. Davlat xaridlari elektron tizimi operatori faoliyatini amalga oshirish uchun ruxsatnoma Davlat xaridlarining subyektlariga davlat xaridlari elektron tizimlarida xarid qilish tartib-taomillarini amalga oshirish bilan bogʻliq xizmatlar koʻrsatish. Oʻzbekiston Respublikasi Iqtisodiyot va moliya vazirligi ”;
3) 4-ilovaning :
I boʻlimi quyidagi mazmundagi 44-pozitsiya bilan toʻldirilsin:
“ 44. “ Umra ” tadbirlarini tashkil etish va oʻtkazish boʻyicha faoliyat uchun litsenziya 200 ” ;
II boʻlimi quyidagi mazmundagi 113-pozitsiya bilan toʻldirilsin
“ 113. Davlat xaridlari elektron tizimi operatori faoliyatini amalga oshirish uchun ruxsatnoma 200 ” .
3-modda. Oʻzbekiston Respublikasi Iqtisodiyot va moliya vazirligi, Oʻzbekiston Respublikasi Din ishlari boʻyicha qoʻmitasi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
5-modda. Ushbu Qonun rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 2-iyul,
OʻRQ-935-son
Закон Республики Узбекистан
О внесении изменений и дополнений в некоторые законодательные акты Республики Узбекистан
Принят Законодательной палатой 23 апреля 2024 года Одобрен Сенатом 18 мая 2024 года
Настоящим Законом в Закон Республики Узбекистан «О лицензировании, разрешительных и уведомительных процедурах» вносятся изменения и дополнения, согласно которым деятельность по оказанию услуг по организации и проведению мероприятий «Умра» определяется в качестве отдельного вида лицензируемой деятельности, и уполномоченным лицензирующим органом в данной сфере определяется Комитет по делам религий Республики Узбекистан.
Кроме того, в Закон Республики Узбекистан «О государственной пошлине» вносится дополнение, устанавливающее размер ставки государственной пошлины, уплачиваемой за выдачу лицензии для деятельности по организации и проведению мероприятий «Умра».
Настоящий Закон послужит созданию более удобных условий для граждан, которые будут осуществлять паломничество «Умра», полноценному обеспечению их прав и законных интересов и повышению ответственности юридических лиц, занимающихся данным видом деятельности.
Статья 1. Пункт 28 приложения к Закону Республики Узбекистан от 6 января 2020 года № ЗРУ-600 «О государственной пошлине» (Ведомости палат Олий Мажлиса Республики Узбекистан, 2020 г., № 1, ст. 1, № 3, ст. 201, № 5, ст. 298, № 10, ст. 593, № 12, ст. 691; 2021 г., № 1, ст. 13, приложение к № 4, № 7, ст. 661, № 8, ст.ст. 800, 803, № 10, ст. 968; 2022 г., № 2, ст. 76, № 3, ст.ст. 214, 216, № 4, ст. 340, № 5, ст.ст. 463, 464, 467, № 12, ст. 1186; 2023 г., № 2, ст. 103, № 3, ст. 186, № 4, ст.ст. 265, 269, № 6, ст.ст. 444, 445, № 7, ст. 538; 2024 г., № 1, ст.ст. 5, 6, 7, № 2, ст.ст. 101, 105, 107, 108, 111, 112) изложить в следующей редакции:
« 28. Государственная пошлина, уплачиваемая за лицензирование отдельных видов деятельности Комитетом по делам религий Республики Узбекистан а) деятельность религиозных образовательных учреждений — 10-кратный размер БРВ б) деятельность по организации и проведению мероприятий «Умра» — 10-кратный размер БРВ ».
Статья 2 . Внести в Закон Республики Узбекистан от 14 июля 2021 года № ЗРУ-701 «О лицензировании, разрешительных и уведомительных процедурах» (Ведомости палат Олий Мажлиса Республики Узбекистан, 2021 г., № 7, ст. 661; 2022 г., № 4, ст. 340, № 5, ст. 465; 2023 г., № 2, ст. 103, № 3, ст. 185, № 7, ст. 533, № 9, ст. 710, № 11, ст.ст. 921, 923; 2024 г., № 1, ст.ст. 5, 7, № 2, ст.ст. 105, 112) следующие изменение и дополнения:
1) в приложении № 1 :
в графе «Уполномоченные органы в области лицензирования» позиции 45 слова «Комитет по делам религий при Кабинете Министров Республики Узбекистан» заменить словами «Комитет по делам религий Республики Узбекистан»;
дополнить позицией 51 следующего содержания:
« 51. Лицензия для деятельности по организации и проведению мероприятий «Умра» Деятельность по оказанию услуг по организации и проведению мероприятий «Умра». Комитет по делам религий Республики Узбекистан »;
2) приложение № 2 дополнить позицией 123 следующего содержания:
« 123. Разрешение на осуществление деятельности оператора электронной системы государственных закупок Оказание субъектам государственных закупок услуг, связанных с проведением закупочных процедур в электронных системах государственных закупок. Министерство экономики и финансов Республики Узбекистан »;
3) в приложении № 4 :
раздел I дополнить позицией 44 следующего содержания:
« 44. Лицензия для деятельности по организации и проведению мероприятий «Умра» 200 »;
раздел II дополнить позицией 113 следующего содержания:
« 113. Разрешение на осуществление деятельности оператора электронной системы государственных закупок 200 ».
Статья 3. Министерству экономики и финансов Республики Узбекистан, Комитету по делам религий Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 5. Настоящий Закон вступает в силу по истечении трех месяцев со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
2 июля 2024 г.,
№ ЗРУ-935