UzbekAI

Ўзбекистон Республикаси Вазирлар Маҳкамасининг

қарори

НИЗОМ

ТИЗИМИ

СХЕМАСИ

РЎЙХАТИ

Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги ва унинг тизимидаги ташкилотлари фаолиятини самарали йўлга қўйиш чоралари тўғрисида

Сўнгги йилларда стандартлаштириш, техник жиҳатдан тартибга солиш, мувофиқликни баҳолаш соҳаларини ривожлантириш ва уларни халқаро нормалар билан уйғунлаштириш борасида тизимли чора-тадбирлар амалга оширилди.

Ўзбекистон Республикаси Президентининг «Техник жиҳатдан тартибга солиш соҳасидаги давлат бошқарувини янада такомиллаштиришга доир чора-тадбирлар тўғрисида» 2024 йил 27 февралдаги ПФ-41-сон Фармони билан Ўзбекистон техник жиҳатдан тартибга солиш агентлиги Вазирлар Маҳкамаси бўйсунувига ўтказилди ҳамда фаолиятининг асосий йўналишлари белгилаб берилди.

Шу билан бирга, Ўзбекистон Республикасининг « Стандартлаштириш тўғрисида »ги ва « Техник жиҳатдан тартибга солиш тўғрисида »ги қонунлари қабул қилиниши муносабати билан соҳа фаолиятини тартибга солувчи қонуности ҳужжатларни мазкур қонунларга мувофиқлаштириш зарурати юзага келмоқда.

Техник жиҳатдан тартибга солиш соҳасидаги давлат бошқарувини самарали ташкил этишни таъминлаш ҳамда ҳукумат қарорларини Ўзбекистон Республикасининг « Стандартлаштириш тўғрисида »ги ва « Техник жиҳатдан тартибга солиш тўғрисида »ги қонунларига мувофиқлаштириш ва комплекс тизимлаштириш мақсадида Вазирлар Маҳкамаси қарор қилади:

1. Қуйидагиларни назарда тутувчи:

а) Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги тўғрисидаги низом 1-иловага мувофиқ:

Ўзбекистон техник жиҳатдан тартибга солиш агентлигининг (кейинги ўринларда — Агентлик) тузилмаси, Агентлик ҳамда унинг тизимидаги ташкилотларнинг вазифа ва функциялари;

Агентликнинг республика ва маҳаллий ижро этувчи ҳокимият органлари ҳамда бошқа ташкилотлар билан ўзаро ҳамкорлик тартиби;

Агентлик фаолиятини ташкил этиш, унинг марказий аппарати таркибий бўлинмаларининг тизимдаги ташкилотлар билан ҳамкорлик қилиш тартиби;

Агентлик ва унинг тизимидаги ташкилотлар фаолиятини молиялаштириш, ходимларини моддий рағбатлантириш тартиби;

б) Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекцияси тўғрисидаги низом 2-иловага мувофиқ:

Техник жиҳатдан тартибга солиш соҳасида назорат инспекциясининг (кейинги ўринларда — Инспекция) асосий вазифалари ва функциялари;

Инспекция ва давлат инспекторларининг ҳуқуқлари, мажбуриятлари ҳамда жавобгарлиги;

Инспекция фаолиятини ташкил этиш, унинг бошқа органлар билан ўзаро ҳамкорлиги;

Инспекция фаолиятини молиялаштириш манбалари ва ходимларини моддий рағбатлантириш тартиби тасдиқлансин.

2. Ўзбекистон Республикаси Ҳукуматининг 3-иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

Ўзбекистон Республикаси Ҳукуматининг стандартлаштириш, техник жиҳатдан тартибга солиш, мувофиқликни баҳолаш соҳаларига оид ҳужжатларида қўлланилган тушунчаларни Қонунга мувофиқлаштириш;

техник жиҳатдан тартибга солиш, стандартлаштириш, мувофиқликни баҳолаш ҳамда метрология соҳасидаги қонунчилик талабларига риоя этилишини таъминлаш бўйича давлат назорати органлари фаолиятини такомиллаштириш;

стандартлаштириш, техник жиҳатдан тартибга солиш, мувофиқликни баҳолаш соҳаларига оид қонуности ҳужжатларни тизимлаштириш.

3. Ўзбекистон Республикаси Ҳукуматининг 4-иловага мувофиқ айрим қарорлари ўз кучини йўқотган деб ҳисоблансин.

4. Мазкур қарорнинг бажарилишини назорат қилиш Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директори А.Р. Жуманазаров зиммасига юклансин.

Вазирлар Маҳкамасининг 2024 йил 1 июлдаги 370-сон қарорига 1-ИЛОВА

Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги тўғрисида

1-боб. Умумий қоидалар

1. Ушбу Низом Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг (кейинги ўринларда — Агентлик) мақоми, асосий вазифалари, функциялари, ҳуқуқлари ҳамда жавобгарлигини, фаолиятини ташкил этиш ва ҳисобот бериш тартибини, шунингдек, Агентлик директори ҳамда унинг ўринбосарларининг асосий функционал вазифалари ва жавобгарлигини белгилайди.

2. Агентлик техник жиҳатдан тартибга солиш, шу жумладан, стандартлаштириш ва метрология (кейинги ўринларда — техник жиҳатдан тартибга солиш) соҳаларида давлат сиёсатини амалга оширувчи мустақил республика ижро этувчи ҳокимият органи ҳисобланади.

3. Агентлик бевосита Ўзбекистон Республикаси Вазирлар Маҳкамасига (кейинги ўринларда — Вазирлар Маҳкамаси) бўйсунади ва ўз фаолияти юзасидан ҳисобот беради.

4. Агентлик ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низом ва бошқа қонунчилик ҳужжатларига амал қилади.

5. Агентликнинг ўз ваколатлари доирасида қабул қилган қарорлари республика ва маҳаллий ижро этувчи ҳокимияти органлари ҳамда бошқа ташкилотлар, мансабдор шахслар ва фуқаролар томонидан ижро этилиши мажбурий ҳисобланади.

6. Агентлик Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ҳамда бланкаларга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида шахсий ғазна ҳисобварақларига, банк ҳисобварақларига, шу жумладан, хорижий валютадаги шахсий ғазна ҳисобварақларига эга бўлади.

7. Агентликнинг расмий номи:

а) давлат тилида:

тўлиқ номи — Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги;

қисқартмаси — Техник тартибга солиш агентлиги;

б) рус тилида:

тўлиқ номи — Узбекское агентство по техническому регулированию при Кабинете Министров Республики Узбекистан;

қисқартмаси — Агентство технического регулирования;

в) инглиз тилида:

тўлиқ номи — Uzbek agency for technical regulation under the Cabinet of Ministers of the Republic of Uzbekistan;

қисқартмаси — Agency for technical regulation.

8. Агентлик жойлашган жой (почта манзили): 100049, Тошкент шаҳар, Олмазор тумани, Фаробий кўчаси, 333а-уй.

2-боб. Агентликнинг тузилмаси

9. Агентлик тизимига қуйидагилар киради:

Агентликнинг марказий аппарати;

Техник жиҳатдан тартибга солиш соҳасида назорат инспекцияси (кейинги ўринларда — Инспекция) ҳамда унинг Қорақалпоғистон Республикаси, вилоятлар ва Тошкент шаҳри бўлимлари;

«Ўзбекистон стандартлар институти» давлат муассасаси (кейинги ўринларда — Стандартлар институти);

«Ўзбекистон илмий-синов ва сифат назорати маркази» давлат муассасаси ҳамда унинг Қорақалпоғистон Республикаси, вилоятлар ва шаҳарлардаги филиаллари;

«Ўзбекистон миллий метрология институти» давлат муассасаси ҳамда унинг Қорақалпоғистон Республикаси, вилоятлар ва шаҳарлардаги бўлимлари.

3-боб. Агентликнинг асосий вазифалари ва функциялари

1-§. Агентликнинг асосий вазифалари ва функциялари

10. Қуйидагилар Агентликнинг асосий вазифалари ҳисобланади:

Ўзбекистон Республикасининг « Техник жиҳатдан тартибга солиш тўғрисида », « Стандартлаштириш тўғрисида » ҳамда « Метрология тўғрисида »ги қонунлари, техник жиҳатдан тартибга солиш соҳасидаги норматив ҳужжатлар, ўлчашларнинг ягона бирликда бўлишини таъминлашга доир норматив ҳужжатлар ҳамда норматив-ҳуқуқий ҳужжатларнинг амалга оширилишини таъминлаш;

техник жиҳатдан тартибга солиш соҳасида халқаро стандартларни, шу жумладан, сифат менежменти тизими бўйича халқаро стандартларни қўллаш асосида маҳсулотлар сифати ва рақобатбардошлигини оширишга доир ягона давлат сиёсатини амалга ошириш;

техник жиҳатдан тартибга солиш соҳасини ривожлантириш, мазкур соҳада илмий-техник ахборотни тарқатиш ҳамда соҳанинг халқаро, давлатлараро ва хорижий мамлакатларнинг миллий тизимлари билан уйғунлаштирилишини таъминлаш;

маҳсулотлар (ишлар, хизматлар) сифати ва хавфсизлик талабларига риоя этилиши ҳамда истеъмолчиларнинг ҳуқуқларини нотўғри ўлчаш натижаларининг салбий оқибатларидан ҳимоя қилиш чораларини кўриш;

техник жиҳатдан тартибга солиш соҳасида кадрларни қайта тайёрлаш ва уларнинг малакасини оширишни ташкил этиш;

маҳаллий маҳсулотларни ишлаб чиқаришда халқаро стандартлар ва техник регламентларни жорий этиш орқали уларнинг замонавий талабларга мувофиқлигини таъминлаш ва ташқи бозорларда рақобатбардошлигини ошириш бўйича манзилли чоралар кўриш;

сифатни бошқаришнинг замонавий тизимларини, биринчи навбатда, экспорт қилувчи корхоналарда кенг жорий этиш ва маҳсулотларнинг техник регламентлар ва стандартлаштиришга доир норматив ҳужжатлар талабларига мувофиқлигини таъминлаш;

халқаро ташкилотлар ва хорижий давлатлар билан миллий мувофиқликни баҳолаш, синов ҳамда ўлчаш натижаларини экспорт бозорларида тан олиш борасида ҳамкорликни кенгайтириш;

техник жиҳатдан тартибга солиш ва метрология тизимларини янада ривожлантириш, реализация қилинадиган маҳсулотлар хавфсизлигини тизимли назорат қилишни таъминлашда уларнинг самарадорлигини ошириш;

техник жиҳатдан тартибга солиш соҳасини рақамлаштириш орқали самарадорлик ва натижадорликка эришиш, тадбиркорлик субъектларига кўрсатиладиган давлат хизматлари турларини кенгайтириш, шаффоф ва коррупциядан холи самарали тизимни жорий этиш;

техник жиҳатдан тартибга солиш, шу жумладан, стандартлаштириш ва метрология соҳаларидаги қонунчилик ҳужжатлари бузилишининг олдини олиш ва профилактикасини таъминлаш бўйича таъсирчан чоралар кўриш;

техник жиҳатдан тартибга солиш соҳасидаги масалаларда саноат корхоналарига ва тадбиркорлик субъектларига ҳар томонлама кўмаклашиш;

техник жиҳатдан тартибга солиш соҳасидаги норматив ҳужжатларнинг мажбурий талаблари, ўлчашларнинг ягона бирликда бўлиши ва тўғрилиги таъминланиши, мажбурий сертификатлаштириш қоидаларига амал қилиниши юзасидан давлат назоратини ташкил этиш ва унинг амалга оширилишини мувофиқлаштириш;

стандартлаштириш соҳасидаги давлат сиёсатини амалга ошириш;

техник жиҳатдан тартибга солиш, шу жумладан, стандартлаштириш, сертификатлаш ва метрология масалалари бўйича республика ҳамда маҳаллий ижро этувчи ҳокимият органлари ва бошқа ташкилотлар, шунингдек, уларнинг ҳузурида ташкил этиладиган стандартлаштириш бўйича техник қўмиталар фаолиятини мувофиқлаштириш;

манфаатдор томонларни стандартлаштиришга доир норматив ҳужжатлар билан белгиланган тартибда таъминлашни мувофиқлаштириш;

миллий қонунчиликни, техник тартибга солиш, мувофиқликни баҳолаш ва стандартлаштиришга доир норматив ҳужжатларни халқаро талабларга, шу жумладан, Жаҳон савдо ташкилоти талабларига уйғунлаштириш;

техник жиҳатдан тартибга солиш, стандартлаштириш, мувофиқликни баҳолаш ва метрология соҳасини ривожлантиришнинг асосий индикаторлари бўйича ишларни ташкил қилиш ва мувофиқлаштириш.

11. Агентлик ўзига юкланган вазифаларни бажариш учун қуйидаги функцияларни амалга оширади:

а) Ўзбекистон Республикасининг « Техник жиҳатдан тартибга солиш тўғрисида », « Стандартлаштириш тўғрисида » ҳамда « Метрология тўғрисида »ги қонунлари, техник жиҳатдан тартибга солиш соҳасидаги норматив ҳужжатлар, ўлчашларнинг ягона бирликда бўлишини таъминлашга доир норматив ҳужжатлар ҳамда норматив-ҳуқуқий ҳужжатларнинг амалий жиҳатдан амалга оширилишини таъминлаш соҳасида:

техник жиҳатдан тартибга солиш соҳасидаги ваколатли давлат органлари ва бошқа ташкилотлар томонидан киритилган техник регламентларни ишлаб чиқиш дастурларининг лойиҳалари юзасидан Вазирлар Маҳкамасига умумлаштирилган таклифлар киритади;

техник жиҳатдан тартибга солиш соҳаси ва сифат менежменти тизимларини жорий этиш, шунингдек, техник регламентларни ишлаб чиқиш борасида давлат органлари ва бошқа ташкилотлар фаолиятини мувофиқлаштиради;

техник жиҳатдан тартибга солиш соҳасидаги норматив ҳужжатларга мувофиқ эмас деб топилган маҳсулотлар тўғрисидаги маълумотлар реестрини юритади;

техник регламентларни тасдиқлаш, уларга ўзгартириш ва қўшимчалар киритиш, шунингдек, мазкур регламентларни бекор қилиш тўғрисида Вазирлар Маҳкамасига таклифлар киритади;

ўз ваколати доирасида техник регламентларни қўллаш бўйича услубий тавсияларни тасдиқлайди;

техник регламентлар талабларига риоя этилишини таъминлайдиган ҳамда техник регламентларда белгиланган маҳсулотнинг мувофиқлигини баҳолаш учун зарур бўлган, намуналар олиш, синаш ва ўлчаш усулларини белгилайдиган стандартлар рўйхатларини тасдиқлайди;

техник жиҳатдан тартибга солиш соҳасидаги норматив ҳужжатлар талабларига риоя этилиши устидан ўз ваколати доирасида давлат назорати амалга оширилишини таъминлайди;

техник жиҳатдан тартибга солиш соҳасидаги норматив ҳужжатлар давлат фондини шакллантиришни мувофиқлаштиради;

маҳсулотлар стандартларини, уларга ўзгартиришларни давлат рўйхатидан ўтказади, стандартлаштириш, метрология, сертификатлаштириш бўйича нормалар ва қоидаларга доир таклифларни ишлаб чиқади;

бир турдаги маҳсулотлар учун норматив ҳужжатларни ишлаб чиқиш бўйича тармоқ тузилмаларини ташкил этишга кўмаклашади, уларга илмий-методик раҳбарликни таъминлайди;

халқаро ва давлатлараро илмий-техник ҳамкорликни ривожлантиради;

б) техник жиҳатдан тартибга солиш соҳасида халқаро стандартларни, шу жумладан, сифат менежменти тизими бўйича халқаро стандартларни қўллаш асосида маҳсулотлар сифати ва рақобатбардошлигини оширишга доир ягона давлат сиёсатини амалга ошириш соҳасида:

янги қонунчилик ҳужжатларини ишлаб чиқиш ва амалдаги қонунчилик ҳужжатларини такомиллаштириш юзасидан таклифлар киритади;

илмий-тадқиқот ишларини амалга оширишни мувофиқлаштиради;

техник жиҳатдан тартибга солиш соҳасини ривожлантириш бўйича асосий йўналишларни, концепцияларни, истиқболли дастурларни ишлаб чиқади;

Ўзбекистон Республикасининг миллий эталон базасини шакллантириш ва ривожлантириш, миллий эталонларни халқаро эталонлар ва бошқа давлатларнинг миллий эталонлари билан солиштиришни мувофиқлаштиради;

давлат органлари ва бошқа ташкилотлар, стандартлаштириш бўйича техник қўмиталар, тадбиркорларнинг таклифларини ҳисобга олган ҳолда, давлат органлари томонидан Ўзбекистон Республикаси миллий стандартларини ишлаб чиқиш ва қайта кўриб чиқиш бўйича стандартлаштириш режасини тасдиқлайди;

маҳсулотларни, ишлаб чиқариш жараёнларини, хизматларни, сифат менежменти тизимларини ва мувофиқликни баҳолаш бўйича ишларни амалга оширадиган ходимларнинг сертификатлаштириш, ўлчаш ва синаш воситаларини қиёслаш, синаш, турини тасдиқлаш, метрологик аттестациядан ўтказиш, ўлчашларни бажариш методикалари, метрологик экспертизадан ўтказиш, ўлчашларнинг ягона бирликда бўлиши ва тўғрилигини таъминлаш бўйича норматив ҳужжатларни рўйхатга олиш ҳамда сифат бўйича эксперт-аудиторлар фаолиятини тартибга солишга оид қоидалар ва талабларни белгилайди;

рисола, журналлар нашр этади, оммавий ахборот воситаларида ёки ўзининг расмий веб-сайтида маълумотларни эълон қилади;

аккредитация қилинган мувофиқликни баҳолаш органларининг хизматларидан фойдаланишга тўсиқлар яратилишига ва улар ўртасидаги рақобатни чеклашга йўл қўймайди;

в) техник жиҳатдан тартибга солиш соҳасини ривожлантириш, мазкур соҳада илмий-техник ахборотни тарқатиш ҳамда соҳани халқаро, давлатлараро ва хорижий мамлакатларнинг миллий тизимлари билан уйғунлаштирилишини таъминлаш соҳасида:

республикада ишлаб чиқариладиган ва импорт бўйича олиб келинаётган маҳсулотлар мувофиқлигини баҳолаш, хорижий мамлакатларнинг ваколатли идоралари билан мувофиқликни баҳолаш натижаларини эътироф этиш ишларини ташкил этади;

ўз ваколатлари доирасида техник жиҳатдан тартибга солиш, мувофиқликни баҳолаш ва метрология соҳасида умуммажбурий бўлган норматив ҳужжатларни ишлаб чиқади, тасдиқлайди ва белгиланган тартибда рўйхатдан ўтказади;

штрихли кодлаш тизимини жорий этиш бўйича ягона сиёсатни амалга оширади ва Ўзбекистон Республикасида ишлаб чиқариладиган товарлар штрихли кодларининг давлат реестрини юритишни ташкил этади;

манфаатдор шахсларни маҳсулотлар, синов ва ўлчаш усулларини стандартлаштириш, метрология, сертификатлаштириш бўйича норматив ҳужжатлар билан таъминлашни ташкил этади, шунингдек, мазкур соҳалардаги ютуқларнинг илмий-техник тарғиботини амалга оширади;

ўзига берилган ваколатлар доирасида халқаро (минтақавий) ва миллий стандартлар бўйича маълумотларнинг ягона ахборот базаси яратилишини ташкил этади;

ўлчаш услублари, воситалари ва натижаларига қўйиладиган умумий метрологик талабларни белгилайди;

сифат менежменти тизимларини жорий этиш ва сертификатлаштириш соҳасида мувофиқлаштириш ишларини амалга оширади;

Ўзбекистон Республикасида мажбурий равишда мувофиқлиги баҳоланадиган объектларнинг рўйхатини ва республикадан ташқарида амалга оширилган мувофиқликни баҳолаш натижаларини Ўзбекистон Республикасида тан олиш тартибини тасдиқлаш тўғрисида Вазирлар Маҳкамасига таклифлар киритади;

эталонларни ва энг юқори аниқликдаги ўлчаш воситаларини сақлаш ҳамда халқаро даражада солиштириш, шунингдек, катталик бирликларини сақлаш ва узатиш ишлари бажарилишини мувофиқлаштиради;

мувофиқлик сертификатлари, мувофиқлик тўғрисидаги декларациялар, сифат менежменти тизимлари, аттестациядан ўтказилган сифат бўйича эксперт-аудиторларнинг, давлат синовларидан ўтган ва тури тасдиқланган ёки метрологик аттестациядан ўтказилган ўлчаш воситаларининг давлат реестрини юритади;

Ўзбекистон Республикасининг мувофиқликни баҳолаш натижаларини ўзаро тан олиш тўғрисидаги ва техник жиҳатдан тартибга солиш соҳасидаги бошқа масалаларга доир халқаро шартномаларини тузиш бўйича таклифлар тайёрлайди;

техник жиҳатдан тартибга солиш соҳасида халқаро ҳамкорликни амалга оширади;

маҳсулотнинг, уни ишлаб чиқариш жараёнларининг ёки усулларининг техник регламентлар талабларига мувофиқлиги презумпциясини таъминлайдиган стандартлар рўйхатини тасдиқлайди;

г) маҳсулотлар (ишлар, хизматлар) сифати ва хавфсизлик талабларига риоя этилиши ҳамда истеъмолчиларнинг ҳуқуқларини нотўғри ўлчаш натижаларининг салбий оқибатларидан ҳимоя қилиш чораларини кўриш соҳасида:

техник жиҳатдан тартибга солиш соҳасидаги норматив ҳужжатларга, мувофиқликни баҳолашга, ўлчашларнинг ягона бирликда бўлишини таъминлашга риоя этиш масалалари бўйича назорат органлари билан ўзаро ҳамкорлик қилади;

техник жиҳатдан тартибга солиш соҳасидаги норматив ҳужжатлар талабларига риоя этилишини, ўлчашларнинг ягона бирликда бўлиши ва тўғрилиги, мажбурий сертификатлаштириш қоидалари таъминланишини ташкил этади ва бу борада давлат назоратини амалга оширади;

метрология текшируви ва давлат метрология назоратини амалга оширади, шунингдек, метрологияга оид фаолият соҳасидаги ҳаракатларни мувофиқлаштиради;

инсон ҳаёти, соғлиғи, жисмоний ва юридик шахслар мулки, атроф-муҳит учун хавфли ва сифатсиз бўлган маҳсулотлар олиб кирилиши, ишлаб чиқарилиши ва реализация қилиниши хавфининг мониторингини юритади;

д) техник жиҳатдан тартибга солиш соҳасида кадрларни қайта тайёрлаш ва уларнинг малакасини оширишни ташкил этиш соҳасида:

кадрларни қайта тайёрлаш ва уларнинг малакасини ошириш соҳасида илмий, муҳандис-техник кадрларни, шунингдек, бошқа манфаатдор шахсларни ўқитишни ташкил этади;

кадрлар малакасини даврий ошириш ва уларни қайта тайёрлаш ишларини амалга оширади;

кадрлар малакасини ошириш ва қайта тайёрлашдан ўтган кадрларнинг ягона ахборот-маълумот базаси яратилиши ва кузатиб борилишини ташкил этади;

олий таълим муассасалари, илмий-тадқиқот муассасалари ва бошқа манфаатдор ташкилотлар, шунингдек, хусусий сектор билан инновацияларни жорий этишга йўналтирилган ўзаро ҳамкорлик тадбирларини ишлаб чиқади ҳамда амалга оширади;

иқтисодиёт тармоқлари учун кадрлар малакасини ошириш ва уларни қайта тайёрлаш жараёнларига замонавий инновацион педагогик технологияларни, ўқитишнинг самарали шакл ва усулларини жорий этади;

е) маҳаллий маҳсулотларни ишлаб чиқаришда халқаро стандартлар ва техник регламентларни жорий этиш орқали уларнинг замонавий талабларга мувофиқлигини таъминлаш ва ташқи бозорларда рақобатбардошлигини ошириш бўйича манзилли чоралар кўриш соҳасида:

халқаро амалиётни доимий ўрганади, унинг натижаларига кўра маҳаллий маҳсулотларни замонавий талабларга мувофиқлигини таъминлаш ва уларнинг ташқи бозорларда рақобатбардошлигини оширишда илғор методларни жорий этиш бўйича таклифлар тайёрлайди;

халқаро (минтақавий) стандартларнинг ҳамда техник регламентларнинг давлат органлари ва бошқа ташкилотлар томонидан жорий этилишини мувофиқлаштиради;

давлат органлари ва бошқа ташкилотларга, шунингдек, бошқа манфаатдор ташкилотларга техник регламентларни ишлаб чиқишда амалий ёрдам беради, уларни илмий-методик қўлланма билан таъминлайди;

техник регламентларнинг ишлаб чиқилишида техник жиҳатдан тартибга солиш соҳасидаги эксперт комиссиялари фаолиятини ўз ваколати доирасида мувофиқлаштиради;

ж) сифатни бошқаришнинг замонавий тизимларини, биринчи навбатда, экспорт қилувчи корхоналарда кенг жорий этиш ва маҳсулотларни техник регламентлар ва стандартлаштиришга доир норматив ҳужжатлар талабларига мувофиқлигини таъминлаш соҳасида:

давлат органлари ва бошқа ташкилотлар маҳаллий ижро этувчи ҳокимият органлари билан биргаликда ташкилотларда замонавий сифат менежменти тизимларини жорий этиш жадвалларини тасдиқлайди ва уларнинг амалга оширилишини таъминлаш бўйича назоратни амалга оширади;

экспортга йўналтирилган маҳсулотларни халқаро стандартларга мувофиқ, шу жумладан, халқаро даражада эътироф этилган мувофиқликни баҳолаш органларини жалб этган ҳолда сертификатлаштириш ишларини ташкил этади;

халқаро стандартларга мувофиқ сифат менежменти тизимларини жорий этишнинг афзалликларини оммавий ахборот воситаларида кенг ёритиб боради;

з) халқаро ташкилотлар ва хорижий давлатлар билан миллий мувофиқликни баҳолаш, синов ҳамда ўлчаш натижаларини экспорт бозорларида тан олиш борасида ҳамкорликни кенгайтириш соҳасида:

халқаро ва минтақавий стандартлаштириш (ISO, IEC, SMIIC), метрология (OIML, BIPM, CООМEТ) ҳамда бошқа ташкилотларда республика манфаатларини ифода этади;

миллий сертификатларни ва синаш ҳамда ўлчашлар натижалари чет давлатларда эътироф этилишига эришиш бўйича чоралар кўради;

Ўзбекистон Республикасининг халқаро шартномалари ва халқаро ташкилотларга аъзолик бўйича мажбуриятларини бажаради;

мутахассисларнинг чет элда ва Ўзбекистон Республикасида стандартлаштириш, метрология, сертификатлаштириш ва техник жиҳатдан тартибга солиш соҳасидаги халқаро ўқув ва малака ошириш дастурларида иштирок этишига кўмаклашиш мақсадида тегишли халқаро дастурлар доирасида ўзаро ҳамкорлик, грант ва техник кўмакни жалб этишга оид таклифлар тайёрлашда ва уларни амалга оширишда қатнашади;

халқаро, минтақавий ва давлатлараро ташкилотларга қўшилиш бўйича белгиланган тартибда таклифлар киритади;

халқаро стандартларга мувофиқ сифат менежменти тизимларини, биринчи навбатда, экспорт қилувчи корхоналарда жорий қилишни мувофиқлаштиради;

маҳаллий маҳсулотларни ташқи бозорларга экспорт қилишда мамлакатлар талаблари тўғрисида маълумот берилишида республика корхоналарига амалий ёрдам кўрсатади;

и) техник жиҳатдан тартибга солиш ва метрология тизимларини янада ривожлантириш, реализация қилинадиган маҳсулотлар хавфсизлигини тизимли назорат қилишни таъминлашда уларнинг самарадорлигини ошириш соҳасида:

реализация қилинадиган маҳсулотлар хавфсизлигини тизимли назорат қилишни таъминлашда техник жиҳатдан тартибга солиш ва метрология тизимларини ривожлантириш, уларнинг самарадорлигини оширишга қаратилган таклифларни киритади;

техник жиҳатдан тартибга солиш ва метрология тизимларини ривожлантириш бўйича қабул қилинган чора-тадбирларни амалга оширади;

давлат органлари ва бошқа ташкилотларнинг техник жиҳатдан тартибга солиш ва метрология тизимларининг самарадорлигини ошириш бўйича фаолиятини ўз ваколати доирасида мувофиқлаштиради;

техник жиҳатдан тартибга солиш соҳасидаги норматив ҳужжатларга ва қонунчиликда белгиланган мажбурий талабларга номувофиқ деб топилган маҳсулотлар тўғрисидаги маълумотларни умумлаштиради ва реестрини юритади;

мажбурий давлат рўйхатидан ўтказилиши лозим бўлган, хавф даражаси юқори бўлган маҳсулотлар рўйхатини шакллантиради, шунингдек, мазкур маҳсулотларнинг давлат рўйхатидан ўтказилишини таъминлайди;

к) техник жиҳатдан тартибга солиш соҳасини рақамлаштириш орқали самарадорлик ва натижадорликка эришиш, тадбиркорлик субъектларига кўрсатиладиган давлат хизматлари турларини кенгайтириш, шаффоф ва коррупциядан холи самарали тизимни жорий этиш соҳасида:

стандартлаштириш, метрология, шу жумладан, маҳсулотларни, ишлаб чиқариш жараёнларини, хизматларни, сифат менежменти тизимларини, ходимларни сертификатлаштириш ва сифат бўйича эксперт-аудиторларни аттестациядан ўтказиш бўйича дастурий таъминотларни ишлаб чиқади;

техник жиҳатдан тартибга солиш соҳасида ягона маълумотлар базаларини, шу жумладан техник регламентлар маълумотлар базасини, давлат реестрларининг электрон базасини ташкил этади, шакллантиради ва юритади;

тадбиркорлик субъектлари ва аҳолига кўрсатиладиган интерактив давлат хизматлари турларини кенгайтириш бўйича таклифлар тайёрлайди;

маҳсулотларнинг сифати ва хавфсизлиги тўғрисида жамоатчилик фикрини ўрганиш ҳамда доимий тарзда «қайта алоқа» принципи бўйича ўрганиш натижаларини ёритиш имкониятини берадиган махсус Интернет-портални яратишни ташкил этади;

Ўзбекистон Республикаси Очиқ маълумотлар порталида жойлаштириладиган маълумотлар рўйхатини кенгайтириш чораларини кўради;

техник жиҳатдан тартибга солиш соҳасида очиқлик ва шаффофликни таъминлаш ҳамда коррупцион омилларни қисқартиришга қаратилган ахборот тизимлари ва ресурсларини ишлаб чиқади ҳамда амалиётга жорий этади;

техник жиҳатдан тартибга солиш соҳасида ахборот ва кибер хавфсизликни таъминлаш, ахборот хавфсизлиги сиёсатини амалиётга жорий этишни таъминлайди;

л) техник жиҳатдан тартибга солиш, шу жумладан, стандартлаштириш ва метрология соҳаларидаги қонунчилик ҳужжатлари бузилишининг олдини олиш ва профилактикасини таъминлаш бўйича таъсирчан чоралар кўриш соҳасида:

техник жиҳатдан тартибга солиш соҳасидаги норматив ҳужжатлар бузилишининг олдини олиш юзасидан профилактика ишларини ўтказиш бўйича режа-жадвалларни тасдиқлайди;

ўз ваколати доирасида техник жиҳатдан тартибга солиш соҳасидаги қонунчилик ҳужжатлари бузилишининг олдини олиш ишларини мувофиқлаштиради;

техник жиҳатдан тартибга солиш соҳасидаги норматив ҳужжатларнинг мажбурий талабларига, ўлчашларнинг ягона бирликда бўлиши ва тўғрилиги таъминланиши, мажбурий сертификатлаштириш қоидалари бузилиш ҳолатларининг таҳлилини ўтказади ва қонунчилик ҳужжатлари талабларига риоя этишга кўмаклашадиган механизмларни ишлаб чиқади;

тадбиркорлик субъектларига улар томонидан ҳуқуқбузарликларга йўл қўйиб бўлмаслиги тўғрисида тушунтиришлар, шунингдек, ҳуқуқбузарликни содир этишга мойил бўлган тадбиркорлик субъектларини содир этилган ҳуқуқбузарлик учун жавобгарлик тўғрисида огоҳлантириш ишларини мувофиқлаштиради;

мажлислар, семинарлар, «очиқ эшиклар» кунлари, конференциялар ва учрашувлар ўтказиш йўли билан қонунчилик ҳужжатлари талабларининг мумкин бўлган бузилишларининг олдини олиш бўйича тушунтириш ишлари ўтказилишини ташкил этади;

профилактика ва давлат назорати натижалари бўйича корхоналарга ва тармоқларга киритилган тақдимномаларни ижроси юзасидан Вазирлар Маҳкамасига умумлаштирилган маълумотлар ва таклифлар киритади;

қонунчилик ҳужжатлари бузилишларининг олдини олиш чора-тадбирларини оммавий ахборот воситаларида ёритиб боради;

моддий-техник базани тегишли модернизация қилиб, мустаҳкамлаб ва янгилаб, ташқи ва ички манбалардан келиб тушадиган маълумотларни таҳлил қилишнинг илғор автоматлаштирилган таҳлил қилиш усулларини жорий этишни ташкил этади ва уларнинг қўлланилишини мувофиқлаштиради;

техник жиҳатдан тартибга солиш соҳасидаги норматив ҳужжатлар ҳамда соҳага оид бошқа қонунчилик ҳужжатлари билан аҳоли ва тадбиркорлик субъектларини ўз вақтида таништириш ва уларни етказиш ишларини ташкил этади;

м) техник жиҳатдан тартибга солиш соҳасидаги масалаларда саноат корхоналари ва тадбиркорлик субъектларига ҳар томонлама кўмаклашиш соҳасида:

н) техник жиҳатдан тартибга солиш соҳасидаги норматив ҳужжатларнинг мажбурий талаблари, ўлчашларнинг ягона бирликда бўлиши ва тўғрилиги таъминланиши, мажбурий сертификатлаштириш қоидаларига амал қилиниши юзасидан давлат назоратини ташкил этиш ва унинг амалга оширилишини мувофиқлаштириш соҳасида:

техник жиҳатдан тартибга солиш, стандартлаштириш, сертификатлаштириш ва метрология соҳасидаги қонунчилик ҳужжатлари бузилишининг олдини олиш юзасидан давлат назоратини ўтказиш бўйича режа-жадвалларни тасдиқлайди;

давлат назорати натижалари асосида корхоналарда техник регламент ва стандартлар талабларига риоя этмаганлик учун корхона ва тармоқ раҳбарларига тақдимномалар киритади;

маҳсулотларни ишлаб чиқариш ва реализация қилиш борасида ҳуқуқбузарликларни аниқлаш, уларнинг олдини олиш ва уларга чек қўйиш ишларини ташкил этади;

техник жиҳатдан тартибга солиш соҳасидаги норматив ҳужжатларнинг мажбурий талаблари, ўлчашларнинг ягона бирликда бўлиши ва тўғрилиги таъминланиши, мажбурий сертификатлаштириш қоидаларининг бузилиш ҳолатларини таҳлил қилади ва қонунчилик ҳужжатлари талабларига риоя этишга кўмаклашадиган механизмларни ишлаб чиқади;

техник жиҳатдан тартибга солиш соҳасидаги норматив ҳужжатларнинг мажбурий талаблари, ўлчашларнинг ягона бирликда бўлиши ва тўғрилиги таъминланиши, мажбурий сертификатлаштириш қоидаларини бузилишига олиб келадиган шароитларни ўрганишни ташкил этади, бундай шароитлар қўлланилишини бартараф этиш бўйича чора-тадбирларни ишлаб чиқади ва амалга оширади;

ўтказилган давлат назорати натижаларини мувофиқлаштиради ва амалга оширилган ишлар бўйича маълумотлар ва таклифларни Вазирлар Маҳкамасига киритади;

давлат назорати натижалари бўйича аниқланган ҳолатлар юзасидан маълумотларни оммавий ахборот воситаларида ёритиб боради;

о) стандартлаштириш соҳасидаги давлат сиёсатини амалга ошириш соҳасида:

Ўзбекистон Республикасининг стандартлаштириш соҳасида давлат сиёсатини юритиш бўйича тегишли таклифларни Вазирлар Маҳкамасига киритади;

стандартлаштириш соҳасидаги давлат сиёсатини амалга ошириш мақсадида давлат органлари фаолиятини идоралараро мувофиқлаштиришни таъминлайди;

стандартлаштириш соҳасидаги фаолиятни норматив-ҳуқуқий тартибга солишни шунингдек, стандартларни қабул қилиш, келишиш ва муҳокама қилиш бўйича ахборот тизимларини яратиш ишларини мувофиқлаштиради;

миллий стандартлаштириш тизимини ривожлантиришнинг стратегик ва устувор йўналишларини белгилайди;

замований ва илғор стандартларни қабул қилиш ва жорий қилиш ишларини мувофиқлаштиради;

стандартларни ишлаб чиқиш, келишиш, тасдиқлаш, рўйхатдан ўтказиш, амалга киритиш, уларга ўзгартишлар киритиш, уларни қайта кўриб чиқиш, тўхтатиб туриш ёки бекор қилиш чоғида келишмовчиликлар мавжуд бўлган тақдирда, шунингдек, стандартлаштириш бўйича техник қўмиталар фаолияти билан боғлиқ бўлган ҳолларда стандартлаштириш масалалари бўйича узил-кесил қарор қабул қилади;

Стандартлаштириш бўйича миллий орган ҳузурида Апелляция комиссиясини тузади ва унинг фаолиятини ташкил этади, Апелляция комиссияси тўғрисидаги низом ва Апелляция комиссиясининг таркибини тасдиқлайди;

п) техник жиҳатдан тартибга солиш, шу жумладан, стандартлаштириш, сертификатлаш ва метрология масалалари бўйича республика ҳамда маҳаллий ижро этувчи ҳокимият органлари ва бошқа ташкилотлар, шунингдек, уларнинг ҳузурида ташкил этиладиган стандартлаштириш бўйича техник қўмиталар фаолиятини мувофиқлаштириш соҳасида:

республика ҳамда маҳаллий ижро этувчи ҳокимият органлари ва бошқа ташкилотларга стандартлаштириш бўйича техник қўмиталарни ташкил этиш зарурати тўғрисида ташаббусларни илгари суради ва техник регламентларнинг жорий этилишини таъминлаш юзасидан кўрсатмалар киритади;

халқаро (минтақавий) ташкилотларнинг стандартлаштириш институтлари ва уларнинг техник қўмиталари билан ўзаро яқин ва фаол ҳамкорликни амалга оширади;

р) манфаатдор томонларни стандартлаштиришга доир норматив ҳужжатлар билан белгиланган тартибда таъминлашни мувофиқлаштириш соҳасида:

техник жиҳатдан тартибга солиш соҳасидаги норматив ҳужжатлар давлат фонди юритилишини мувофиқлаштиради;

стандартлаштиришга доир норматив ҳужжатларнинг ягона маълумотлар базасини кузатиб боради;

стандартлаштиришга доир норматив ҳужжатлар, техник жиҳатдан тартибга солиш, метрология ва сертификатлаштириш соҳасидаги норматив ҳужжатларни ўз ваколати доирасида ишлаб чиқади;

с) миллий қонунчиликни, техник тартибга солиш, мувофиқликни баҳолаш ва стандартлаштиришга доир норматив ҳужжатларни халқаро талабларга, шу жумладан, Жаҳон савдо ташкилоти талабларига уйғунлаштириш соҳасида:

Ўзбекистон миллий стандартларини ишлаб чиқиш ва қайта кўриб чиқишнинг тармоқ жадвалларини шакллантиришда иштирок этади ва мувофиқлаштиради;

халқаро амалиётни доимий равишда ўрганади, унинг натижалари бўйича илғор амалиётларни жорий қилиш бўйича таклифлар киритади;

стандартлаштириш бўйича халқаро (минтақавий) ташкилотларнинг стандартлаштириш бўйича техник қўмиталари фаолиятида ҳамда миллий стандартларни халқаро даражада тарқатишда фаол иштирок этади;

соҳага оид миллий қонунчилик ва норматив ҳужжатларни Жаҳон савдо ташкилотининг битим ва қоидаларига мувофиқлаштиради;

т) техник жиҳатдан тартибга солиш, стандартлаштириш, мувофиқликни баҳолаш ва метрология соҳасини ривожлантиришнинг асосий индикаторлари бўйича ишларни ташкил қилиш ва мувофиқлаштириш соҳасида:

халқаро стандартларни қабул қилиш ва миллий стандартларни халқаро талаблар билан уйғунлаштириш чораларини кўриб боради;

профилактика тадбирларининг онлайн тарзда ҳамда жойига чиққан ҳолда ўтказилишини ташкил қилади;

техник жиҳатдан тартибга солиш, мувофиқликни баҳолаш ва метрология соҳасида фаолият кўрсатаётган кадрлар малакасини оширишни мувофиқлаштиради;

техник жиҳатдан тартибга солиш соҳасидаги норматив ҳужжатларни ишлаб чиқиш ва тасдиқлаш ишларини мувофиқлаштиради;

мувофиқликни баҳолаш ва метрология соҳаларининг моддий-техник базасини ривожлантириш чораларини кўриб боради;

соҳада кўрсатилаётган хизматларни рақамлаштириш мақсадида ахборот тизимларини жорий қилади;

стандартлаштириш бўйича миллий техник қўмиталарнинг халқаро (минтақавий) ташкилотларнинг стандартлаштириш бўйича техник қўмиталарга аъзолигини таъминлашда кўмаклашади;

ишлаб чиқарувчи ташкилотлар томонидан халқаро стандартларга мувофиқ сифат менежмент тизимларини жорий этишни мувофиқлаштиради.

импорт ва маҳаллий маҳсулотларнинг мувофиқлигини баҳолаш бўйича зарур чоралар кўриб боради.

12. Агентлик ўзига юкланган вазифалар ва функцияларни бевосита, шунингдек, ўзининг тизим ташкилотлари орқали амалга оширади.

2-§. Агентлик марказий аппаратининг асосий вазифалари ва функциялари

13. Агентлик марказий аппаратининг асосий вазифалари унинг тизимидаги ташкилотлар билан биргаликда Агентликка юкланган вазифа ва функцияларнинг самарали бажарилишини ташкил этиш ҳамда таъминлаш ҳисобланади.

14. Агентликнинг марказий аппарати унга юкланган асосий вазифаларга мувофиқ қуйидаги функцияларни амалга оширади:

Агентлик ва унинг раҳбарияти фаолиятини ташкилий ва ахборот-таҳлил жиҳатидан таъминлайди;

Агентлик ва унинг тизимидаги ташкилотлар томонидан Ўзбекистон Республикаси Конституциясига ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг Фармонлари, қарорлари ва фармойишларига, Вазирлар Маҳкамасининг қарорларига ва фармойишларига шунингдек, мазкур Низомга ва бошқа қонунчилик ҳужжатларига мувофиқ талабларнинг бажарилишида тизимли назоратни таъминлайди;

Агентлик томонидан Вазирлар Маҳкамаси, Ўзбекистон Республикаси Президенти Администрациясига киритиладиган ҳужжатларнинг сифатли ҳамда ўз вақтида ишлаб чиқилишини ва уларнинг иқтисодий ва ҳуқуқий экспертизадан ўтказилишини ташкил этади;

Агентлик ва унинг тизимидаги ташкилотлар фаолиятига белгиланган тартибда раҳбарлик қилади, уларнинг фаолиятини мувофиқлаштиради ва назорат қилади;

Агентликнинг фаолияти, шу жумладан, норма ижодкорлиги соҳасидаги фаолияти ҳуқуқий таъминланишини ташкил этади;

Агентликнинг ваколатига тегишли оператив, ташкилий, кадрлар, молия, ишлаб чиқариш-хўжалик масалалари ва бошқа масалаларни ҳал этади.

4-боб. Агентликнинг ҳуқуқлари ва жавобгарлиги

15. Агентлик ўзига юкланган вазифалар ва функцияларни амалга ошириш учун қуйидаги ҳуқуқларга эга:

корхоналарда техник регламент ва стандартлар талабларига риоя этмаганлик учун корхона ва тармоқ раҳбарларига тақдимномалар киритиш;

техник жиҳатдан тартибга солиш соҳасидаги масалаларни ҳал этиш учун давлат органлари ва бошқа ташкилотлар мутахассисларини белгиланган тартибда жалб этиш;

норматив-ҳуқуқий ҳужжатлар лойиҳаларини ишлаб чиқиш ва белгиланган тартибда киритиш, техник жиҳатдан тартибга солиш ҳамда маҳсулотлар сифатини бошқариш масалалари бўйича қонунчилик ҳужжатлари ва техник жиҳатдан тартибга солиш соҳасидаги норматив ҳужжатлар лойиҳаларини кўриб чиқиш ҳамда улар юзасидан хулосалар бериш;

техник жиҳатдан тартибга солиш соҳасидаги норматив ҳужжатларнинг мажбурий талабларини бузганликда айбдор бўлган ишлаб чиқарувчиларга, ишлаб чиқарувчининг ваколатли вакилига, сотувчиларга, импорт қилувчиларга ёки ижрочиларга нисбатан молиявий санкцияларни қўллаш юзасидан судга мурожаат қилиш;

техник жиҳатдан тартибга солиш соҳасидаги норматив ҳужжатлар талабларига номувофиқ маҳсулотни муомаладан чиқариш ёки чақириб олиш тўғрисидаги кўрсатмаларни бажармаганлик учун юридик шахсларга нисбатан молиявий жарима қўллаш бўйича судга мурожаат қилиш;

Агентлик ваколатига кирадиган масалаларда республика ва маҳаллий ижро этувчи ҳокимият органлари ҳамда бошқа ташкилотлар фаолиятини белгиланган тартибда мувофиқлаштириш;

Агентлик ваколатига кирадиган масалаларни ҳал этиш учун республика ва маҳаллий ижро этувчи ҳокимият органлари ҳамда бошқа ташкилотлардан зарур ахборотни белгиланган тартибда сўраш ва олиш;

техник жиҳатдан тартибга солиш соҳасидаги норматив ҳужжатлар ҳамда соҳага оид бошқа қонунчилик ҳужжатлари бузилишларининг олдини олишда мувофиқликни баҳолаш органларидан маҳсулотга расмийлаштирилган мувофиқликни тасдиқловчи ҳужжатлар ва уларни расмийлаштиришга асос бўлган ҳужжатлар тўпламларини сўраб олади;

Агентлик ваколатига кирадиган масалалар бўйича зарур статистика ахборотини статистика органларидан бепул олиш;

Агентлик ўзининг ташкилий тузилмаси доирасида унинг тизимидаги ташкилотларнинг давлат мулкини бир бўлинмадан бошқасига белгиланган тартибда бериш;

Агентлик ва унинг тизимидаги ташкилотлар ходимлари томонидан тегишли соҳада улар фаолиятининг асосий кўрсаткичлари бўйича параметрларнинг бажарилиши ҳисобга олинган ҳолда, уларни ижтимоий муҳофаза қилиш ва моддий рағбатлантириш тартиби, миқдори ва шартларини белгилаш;

Агентлик ваколатига кирадиган масалалар бўйича Вазирлар Маҳкамаси, республика ва маҳаллий ижро этувчи ҳокимият органлари ҳамда бошқа ташкилотларга кўриб чиқиш учун таклифлар киритиш;

Агентлик ваколатига кирадиган масалалар бўйича идоралараро тусдаги халқаро шартномаларни белгиланган тартибда тузиш;

Агентлик ваколатига тегишли бўлган масалалар бўйича халқаро даражада Ўзбекистон Республикаси манфаатларини белгиланган тартибда ифода этиш;

ўз ваколати доирасида давлат органлари ва бошқа ташкилотлар томонидан ишлаб чиқилган техник регламентларни экспертизадан ўтказиш;

ўз ваколати доирасида техник регламентларни ишлаб чиқиш;

стандартлаштириш бўйича техник қўмиталарни ташкил қилишда манфаатдор вазирлик ва идоралар билан биргаликда иштирок этиш;

давлат назорати натижаларини таҳлил қилиш асосида маҳсулотлар сифати ва рақобатбардошлигини ошириш ҳамда сифат менежменти тизимларини такомиллаштириш юзасидан тавсиялар киритиш;

республика иқтисодиёти учун алоҳида аҳамиятга эга бўлган маҳсулотларни техник жиҳатдан тартибга солишга, метрология ва мувофиқликни баҳолашга оид муаммоларни кўриб чиқиш бўйича вақтинча илмий-техник комиссиялар тузиш;

назорат қилинаётган маҳсулотлар кўрсаткичларининг белгиланган талабларга мувофиқлигини текшириш мақсадида сотиш ва сақлаш корхоналарида назорат харидини ўтказиш йўли билан маҳаллий маҳсулотлар сифатининг давлат назоратини амалга ошириш;

Агентлик ҳузуридаги Стандартлаштириш, метрология ва сертификатлаштиришни ривожлантириш махсус жамғармаси (кейинги ўринларда — Махсус жамғарма) маблағларидан белгиланган тартибда фойдаланиш;

техник жиҳатдан тартибга солиш соҳасидаги норматив ҳужжатлар қоидалари бузилганлиги учун қонунчилик ҳужжатларида белгиланган тартибда жавобгарлик чораларини қўллаш;

ишлаб чиқарилаётган маҳсулотларнинг рақобатбардошлигини ва сифатини таъминламайдиган ҳамда амалдаги қонунчилик ҳужжатларига зид бўлган стандартлаштириш соҳасидаги норматив ҳужжатларни бекор қилиш, уларнинг амал қилиш муддатини чеклаш ёки қайта кўриб чиқиш тўғрисида бажарилиши мажбурий бўлган қарорларни белгиланган тартибда қабул қилиш;

техник жиҳатдан тартибга солиш соҳасида халқаро лойиҳалар ва дастурларни ишлаб чиқиш ва амалга оширишда қатнашиш;

мувофиқлик сертификатлари бланкларини, сертификатлаштириш тизимида қўлланиладиган мувофиқлик белгиси шаклини ва ўлчамларини тасдиқлаш;

мажбурий сертификатлаштириш талабларига риоя этилиши юзасидан давлат назоратини амалга ошириш;

техник жиҳатдан тартибга солиш соҳасидаги норматив ҳужжатларнинг бузилиш аломатлари аниқланган ҳолатларда, хўжалик юритувчи субъектлардан зарур ҳужжатлар ва бошқа ахборотларни сўраш;

техник жиҳатдан тартибга солиш соҳасидаги норматив ҳужжатлар талаблари бузилишларининг олдини олиш ва (ёки) оқибатларини бартараф этиш, дастлабки ҳолатини тиклаш тўғрисида қонунчиликда белгиланган тартибда давлат органлари ва бошқа ташкилотларга, уларнинг мансабдор шахсларига бажариш учун мажбурий бўлган кўрсатмаларни бериш, шунингдек, берилган кўрсатмаларнинг бажарилишини назорат қилиш;

белгиланган тартибда ўз ваколати доирасида давлат органлари ва бошқа ташкилотлар ҳамда мансабдор шахслар ва фуқаролар томонидан бажарилиши мажбурий бўлган норматив-ҳуқуқий ҳужжатларни қабул қилиш;

зарур ҳолларда, белгиланган тартибда давлат органлари ва бошқа ташкилотлар билан қўшма қарорлар ва бошқа ҳужжатлар чиқариш.

Агентлик қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

16. Агентлик:

Агентликка юкланган вазифа ва функцияларнинг самарали бажарилиши, шунингдек, техник жиҳатдан тартибга солиш, стандартлаштириш, ўлчашларнинг ягона бирликда бўлишини таъминлаш ва мувофиқликни баҳолаш соҳасидаги давлат сиёсатини амалга ошириш;

Агентликнинг фаолияти билан боғлиқ бўлган прогноз кўрсаткичларга эришишни сўзсиз таъминлаш;

Вазирлар Маҳкамасига ва Ўзбекистон Республикаси Президенти Администрациясига киритиладиган норматив-ҳуқуқий ҳужжатлар ва бошқа ҳужжатлар лойиҳалари, шунингдек, Агентлик томонидан қабул қилинадиган буйруқлар амалга оширилишининг сифати, пировард натижалари ва оқибатлари;

техник жиҳатдан тартибга солиш, стандартлаштириш, ўлчашларнинг ягона бирликда бўлишини таъминлаш ва мувофиқликни баҳолаш тизимини ривожлантириш, шунингдек, кўрсатилган соҳаларда ҳудудларни ижтимоий-иқтисодий ривожлантириш ва улардаги муаммоли масалаларни ҳал қилиш бўйича дастурлар, тадбирлар режалари, «йўл хариталари» ва бошқа ҳужжатларнинг самарали амалга оширилиши;

ўз ваколати доирасида фуқаролар ва тадбиркорлик субъектларининг қонуний ҳуқуқ ва манфаатлари ҳимоя қилиниши ва уларга риоя этилиши таъминланиши учун жавоб беради.

5-боб. Агентлик раҳбарларининг асосий функционал вазифалари

17. Қуйидагилар Агентлик директорининг асосий функционал вазифалари ҳисобланади:

Ўзбекистон Республикаси Конституцияси ва қонунлари талабларига, шунингдек, бошқа норматив-ҳуқуқий ҳужжатларга риоя этиш;

Агентлик фаолиятига яккабошчилик асосида умумий раҳбарлик қилиш, Ўзбекистон Республикаси Президентининг тегишли ҳужжатлари, Вазирлар Маҳкамасининг қарорлари ва бошқа қонунчилик ҳужжатлари билан Агентликка юкланган вазифа ва функцияларнинг бажарилишини ташкил этиш;

Ўзбекистон Республикаси Президентининг ҳужжатлари ва Вазирлар Маҳкамасининг қарорлари билан тасдиқланган Агентликнинг фаолиятини янада такомиллаштириш бўйича концепциялар, комплекс дастурлар ва комплекс чора-тадбирлар ижросини танқидий ва чуқур таҳлил қилиш;

Агентлик, унинг тизимидаги ташкилотлар фаолияти билан боғлиқ прогноз кўрсаткичларга эришишни сўзсиз таъминлаш бўйича амалий чора-тадбирларни ишлаб чиқиш ва қабул қилиш;

Ўзбекистон Республикаси Президенти Администрацияси бўлинмалари ва Вазирлар Маҳкамасининг таркибий бўлинмалари, шунингдек, Агентлик ваколатига кирувчи масалалар бўйича тегишли вазирликлар ва идоралар билан ҳамкорлик қилиш, Вазирлар Маҳкамаси ва унинг Раёсати мажлисларида масалаларни кўриб чиқишда иштирок этиш;

Ўзбекистон Республикаси Президенти ҳамда Ўзбекистон Республикасининг Бош вазири ва унинг ўринбосарлари топшириқларини бажариш;

ўз ўринбосарлари ваколатини белгилаш, улар ўртасида мажбуриятларни тақсимлаш, Агентликнинг бошқа мансабдор шахслари ваколатларини белгилаш, Агентлик фаолиятининг алоҳида участкаларига раҳбарлик қилиш учун ўз ўринбосарлари ва бошқа мансабдор шахсларнинг шахсий масъулият даражасини белгилаш;

Агентлик фаолиятининг режалаштирилишини ташкил этиш, Агентлик ва ўз ўринбосарларининг ҳар чораклик иш режаларини тасдиқлаш, уларнинг бажарилиши юзасидан назоратни таъминлаш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини ташкил этиш ва мониторинг олиб боришнинг амалий тизимини яратиш, Агентлик фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига , «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида » 2021 йил 31 майдаги ПҚ-5132-сон ва «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти маслаҳатчиларининг, Вазирлар Маҳкамаси ва унинг комплекслари, давлат бошқаруви органлари ва бошқа ташкилотлар, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорларига мувофиқ Агентлик тизимидаги ташкилотлар раҳбарларининг шахсий масъулиятини ошириш чораларни кўриш;

Агентлик ходимларини тизимли қайта тайёрлашни ва уларнинг малакасини оширишни ташкил этиш;

Агентлик тизимида кадрларни танлаш ва жой-жойига қўйиш, уларнинг самарали фаолияти учун зарур шарт-шароитлар яратиш, Агентликнинг кадрлар захирасини шакллантириш;

Ўзбекистон Республикаси Президенти, Ўзбекистон Республикаси Президенти Администрацияси ва Вазирлар Маҳкамаси номенклатурасига кирадиган бўш лавозимларга таклиф этилган кадрларнинг, шунингдек, Агентликка ишга қабул қилинаётган бошқа кадрларнинг профессионал, ўз ишини билиши, амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш;

фаолият соҳаси масалалари бўйича норматив-ҳуқуқий ҳужжатлар лойиҳалари сифатли ишлаб чиқилишини, улар Ўзбекистон Республикаси « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида »ги қонунлари, Ўзбекистон Республикаси Президентининг 2018 йил 26 августдаги ПФ-5519-сон Фармони билан тасдиқланган Ўзбекистон Республикаси Президенти Администрациясининг Регламенти (кейинги ўринларда — Ўзбекистон Республикаси Президенти Администрациясининг Регламенти), Вазирлар Маҳкамасининг 2024 йил 25 мартдаги 150-сон қарори билан тасдиқланган Ўзбекистон Республикаси Вазирлар Маҳкамасининг Регламенти (кейинги ўринларда — Вазирлар Маҳкамасининг Регламенти) талабларига қатъий мувофиқ равишда ўз вақтида киритилишини ташкил этиш, шунингдек, уларнинг Вазирлар Маҳкамасида ишлаб чиқилиши, Вазирлар Маҳкамаси раҳбарияти ҳузурида ҳимоя қилиниши ва Ўзбекистон Республикаси Президенти Администрациясида кўриб чиқилишида иштирок этиш;

Ўзбекистон Республикасининг « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида »ги қонунларига ва Вазирлар Маҳкамасининг 2016 йил 17 октябрдаги 345-сон қарори билан тасдиқланган Давлат ва хўжалик бошқаруви органлари, маҳаллий ижро этувчи ҳокимият органларининг қонун лойиҳаларига доир фаолиятининг намунавий регламентига мувофиқ Агентликнинг қонун лойиҳаларини тайёрлаш фаолиятини ташкил этиш;

Агентлик ваколатига кирадиган масалалар бўйича норматив-ҳуқуқий ҳужжатлар қабул қилиш, зарур бўлганда бошқа вазирликлар ва идоралар билан биргаликда тегишли қарорлар қабул қилиш;

Агентликка тақдим этилган таклифлар ва норматив-ҳуқуқий ҳужжатлар лойиҳаларининг тўлиқ ва ўз вақтида кўриб чиқилишини таъминлаш, уларни иқтисодий, молиявий, ҳуқуқий экспертизадан ва бошқа экспертизадан пухта ўтказиш, шунингдек, Ўзбекистон Республикаси Президенти Администрациясининг Регламенти ва Вазирлар Маҳкамасининг Регламентида белгиланган муддатларда уларни келишиш (виза қўйиш);

Агентлик раҳбарлари ва ходимлари хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ҳамда «Хорижий хизмат сафарларида бўлишнинг самарадорлиги ва хорижий делегацияларнинг Ўзбекистон Республикасига ташрифини ташкил этиш учун мансабдор шахсларнинг шахсий жавобгарлигини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига мувофиқ ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ҳамда оқилона фойдаланишни таъминлаш;

ўз ўринбосарлари ва тизимдаги ташкилотлар раҳбарлари фаолиятининг самарадорлигини ва натижадорлигини мунтазам танқидий таҳлил қилиш, Агентлик ҳайъати мажлисларида уларнинг шахсий ҳисоботларини эшитиш ва якуни бўйича зарур чоралар кўриш;

Агентлик ходимларини рағбатлантириш ва интизомий жавобгарликка тортиш масалаларини ҳал қилиш, ўз ўринбосарларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимда қолишининг мақсадга мувофиқлигига доир масалаларни кўриб чиқиш тўғрисида таклифлар киритиш, уларнинг шахсий масъулиятини оширишга доир тизимли чора-тадбирларни амалга ошириш;

Агентлик ходимлари томонидан Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-аҳлоқининг намунавий қоидалари асосида тасдиқланган Агентлик ходимлари одоб-ахлоқ қоидалари (кейинги ўринларда — Агентлик ходимларининг одоб-ахлоқ қоидалари) талабларига риоя этилишини таъминлаш;

Ўзбекистон Республикасининг «Коррупцияга қарши курашиш тўғрисида»ги Қонуни талабларига мувофиқ Агентлик тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиётини ва қонунчилик ҳужжатларини такомиллаштиришга доир чора-тадбирларни ишлаб чиқиш ва амалга ошириш орқали уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш;

Агентлик тизимида Ўзбекистон Республикасининг «Манфаатлар тўқнашуви тўғрисида»ги Қонунида назарда тутилган мавжуд ёки эҳтимолий манфаатлар тўқнашувини тартибга солиш юзасидан чоралар кўриб бориш;

Агентлик, унинг тизимидаги ташкилотлар ишини ташкил этишнинг замонавий шакллари жорий этилишини таъминлаш;

аҳоли ва тадбиркорлик субъектлари билан ҳамкорлик қилишда, шу жумладан, «ягона дарча» принципини жорий этиш орқали давлат хизматлари сифати ва самарадорлигини ҳамда улардан эркин фойдаланишни ошириш ҳамда Ўзбекистон Республикасининг «Электрон ҳукумат тўғрисида»ги Қонунини амалга ошириш доирасида замонавий ахборот-коммуникация технологияларидан фойдаланиш;

жисмоний ва юридик шахсларнинг мурожаатларини кўриб чиқишга доир самарали ишларни ташкил этиш, аҳоли билан тўғридан-тўғри ва очиқ мулоқотни йўлга қўйиш, Ўзбекистон Республикаси «Жисмоний ва юридик шахсларнинг мурожаатлари тўғрисида»ги Қонунида белгиланган муддатларда ва тартибда жисмоний шахсларни ва юридик шахслар вакилларини мунтазам равишда шахсан қабул қилиш, шу жумладан, жойларга бориб қабул қилиш;

Ўзбекистон Республикаси Президентининг Халқ қабулхоналари билан самарали ҳамкорликни, уларнинг фаолиятида Агентлик ходимлари ва раҳбарлари фаол иштирок этишини ташкил этиш, жисмоний ва юридик шахсларнинг Ўзбекистон Республикаси Президенти Виртуал қабулхонасидан келиб тушган мурожаатлари ўз вақтида ва тўлиқ кўриб чиқилишини таъминлаш;

давлат сирига киритилган маълумотлар ва махфий ахборот билан ишлашда қонунчилик ҳужжатлари талабларига риоя қилиш;

Агентлик ваколатига кирадиган масалалар бўйича қарорлар қабул қилиш ва Агентликка юкланган вазифалар ва функцияларни бажариш учун шахсий жавобгар бўлиш;

Агентлик ходимлари томонидан бажариш учун мажбурий бўлган буйруқлар, қарорлар, фармойишлар, қўлланмалар чиқариш ва кўрсатмалар бериш;

белгиланган чекланган умумий сон доирасида Агентлик марказий аппаратини, шунингдек, унинг тизимидаги ташкилотларнинг штат жадвалини ва харажатлар сметасини белгиланган тартибда тасдиқлаш;

Агентлик тизимидаги ташкилотларнинг низомларини (уставларини) белгиланган тартибда тасдиқлаш;

Агентлик марказий аппарати ходимларини, Агентлик тизимидаги ташкилотлар раҳбарларини (Инспекция бошлиғидан ташқари) белгиланган тартибда лавозимга тайинлаш ва лавозимдан озод қилиш;

қонунчилик нормалари бузилганлиги учун маҳсулотлар, хизматлар ва бошқа объектларни, шу жумладан, ишлаб чиқариш жараёнларини, сифат менежменти тизимларини, эксперт-аудиторларни, мувофиқликни баҳолаш соҳасида ходимлар сифатида иштирок этишга талабгор мутахассислар мувофиқлигини тасдиқловчи ҳужжатлар ва мувофиқлик белгиларининг амал қилишини қонунчилик ҳужжатларида белгиланган тартибда тўхтатиб туриш ҳамда бекор қилиш;

сертификатлаштириш органининг қоидаларга риоя этмаганлиги (шу жумладан, маҳсулот барча мажбурий кўрсаткичларга мувофиқлиги баҳоланмаганлиги) натижасида сифатсиз маҳсулотлар реализация қилинганлиги ҳолатлари аниқлаганда, мазкур органнинг сертификатлаштириш фаолиятини тўхтатиб туриш;

техник жиҳатдан тартибга солиш, стандартлаштириш, ўлчашларнинг ягона бирликда бўлишини таъминлаш, мувофиқликни баҳолаш ва давлат назорати юзасидан идоралар билан ҳамкорлик масалалари бўйича идоралараро тусдаги халқаро, давлатлараро шартномаларнинг белгиланган тартибда имзолаш.

Агентликнинг директори қонунчиликка мувофиқ бошқа ваколатларни ҳам амалга оширади.

18. Қуйидагилар Агентлик директори ўринбосарларининг асосий функционал вазифалари ҳисобланади:

Агентлик директори вақтинча бўлмаганда, тегишли буйруқ асосида унинг вазифаларини бажариш;

мутасаддилик қиладиган Агентлик тизимидаги ташкилотлар фаолиятини мувофиқлаштириш, назорат қилиш ва уларга бевосита раҳбарлик қилиш;

Агентлик фаолиятининг мутасаддилик қилинадиган йўналишлари бўйича Ўзбекистон Республикаси Президентининг ҳужжатлари ва Вазирлар Маҳкамасининг қарорлари билан тасдиқланган концепциялар, комплекс дастурлар ва комплекс тадбирлар ижросини танқидий ва чуқур таҳлил қилиш;

мутасаддилик қилинадиган тизимдаги ташкилотларнинг прогноз кўрсаткичларга эришишини сўзсиз таъминлаш чораларини кўриш, бўлинмалар раҳбарларининг ҳисоботларини мунтазам эшитиш ва ушбу кўрсаткичларга эришиш учун уларнинг шахсий жавобгарлигини ошириш;

Агентлик таркибий бўлинмалари ва тизим ташкилотлар раҳбарларининг ҳар чораклик режаларини тасдиқлаш, уларнинг бажарилиши юзасидан назоратни таъминлаш;

Ўзбекистон Республикаси Президенти ва Вазирлар Маҳкамасининг қарорлари ҳамда топшириқлари ижросини ташкил этиш ва мониторинг олиб боришнинг амалий тизимини яратиш, Агентлик фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига , «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида » 2021 йил 31 майдаги ПҚ-5132-сон ва «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат бошқаруви органлари ва бошқа ташкилотлар, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорларига мувофиқ Агентлик тизимидаги ташкилотлар раҳбарларининг шахсий масъулиятини ошириш чораларни кўриш;

Агентлик ҳайъати қарорлари, Агентлик директорининг буйруқ ва топшириқларининг ўз вақтида ва сифатли бажарилишини таъминлаш;

мутасаддилик қилинадиган таркибий бўлинмаларда кадрларни танлаш ва жой-жойига қўйиш бўйича Агентлик директорига таклифлар бериш, уларнинг профессионал, ўз ишини билиши, амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш, уларнинг касбий малакасини ошириш бўйича чоралар кўриш, тизим ташкилотларда кадрлар захирасини шакллантириш;

норматив-ҳуқуқий ҳужжатлар лойиҳалари сифатли ишлаб чиқилишини ташкил этиш, Агентлик директори томонидан кейинчалик кўриб чиқилиши, имзоланиши (виза қўйилиши) учун тайёрланган ҳужжатлар лойиҳаларини кўриб чиқиш ва виза қўйиш, Ўзбекистон Республикаси Президенти Администрацияси Регламенти ва Вазирлар Маҳкамаси Регламенти талабларига қатъий мувофиқ тарзда уларнинг Вазирлар Маҳкамасига ўз вақтида киритилишини таъминлаш, шунингдек, Агентлик директорининг топшириғи бўйича Вазирлар Маҳкамасида норматив-ҳуқуқий ҳужжатлар лойиҳаларини ишлаб чиқишда иштирок этиш;

Агентликка тақдим этилган норматив-ҳуқуқий ҳужжатлар лойиҳаларини ва таклифларни тўлиқ ва ҳар томонлама кўриб чиқиш, уларнинг пухта ҳуқуқий, молиявий, иқтисодий ва бошқа экспертизасини ўтказиш;

тизимдаги ташкилотлар раҳбарлари ва ходимлари фаолиятининг самарадорлигини ва натижадорлигини мунтазам танқидий таҳлил қилиш, Агентлик ҳайъати мажлисларида уларнинг шахсий ҳисоботларини эшитиш, уларнинг якунлари бўйича зарур чоралар кўриш;

фаолият соҳасига тегишли масалалар бўйича Агентлик фаолиятини такомиллаштиришга доир амалий чоралар кўриш, қонунчилик ҳужжатларини такомиллаштириш бўйича таклифлар ишлаб чиқиш ва уларни Агентлик раҳбариятига киритиш;

тизимдаги ташкилотлар раҳбарлари ва ходимларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимида қолиши мақсадга мувофиқлиги масаласини кўриб чиқиш бўйича таклифларни Агентлик раҳбариятига киритиш, функционал вазифалар ва юкланган вазифалар бажарилиши учун уларнинг шахсий масъулиятини ошириш бўйича тизимли чоралар кўриш;

Агентлик ходимларининг одоб-ахлоқ қоидалари талабларига мутасаддилик қилинадиган таркибий бўлинмалар раҳбарлари ва ходимларининг риоя этишини таъминлаш;

Агентлик директорига давлат хизматларини кўрсатиш самарадорлиги, уларнинг сифатини ошириш ва очиқлиги юзасидан таклифлар киритиш;

жисмоний ва юридик шахсларнинг мурожаатларини кўриб чиқиш, Ўзбекистон Республикаси «Жисмоний ва юридик шахсларнинг мурожаатлари тўғрисида»ги Қонуни билан белгиланган муддатларда ва тартибда аҳоли билан тўғридан-тўғри ва очиқ мулоқотни йўлга қўйиш, жисмоний шахсларни ва юридик шахслар вакилларини мунтазам равишда шахсан қабул қилиш, шу жумладан, жойларга бориб қабул қилиш;

Ўзбекистон Республикаси Президентининг Халқ қабулхоналари билан самарали ҳамкорликни, уларнинг фаолиятида фаол иштирок этишини ташкил этиш, жисмоний ва юридик шахсларнинг Ўзбекистон Республикаси Президенти Виртуал қабулхонасидан келиб тушган мурожаатлари ўз вақтида ва тўлиқ кўриб чиқилишини таъминлаш;

давлат сирига киритилган маълумотлар ва махфий ахборот билан ишлашда қонунчилик ҳужжатлари талабларига риоя қилиш.

19. Қуйидагилар Агентлик марказий аппаратининг таркибий бўлинмалари бошлиқларининг асосий функционал вазифалари ҳисобланади:

таркибий бўлинмалар фаолиятига бевосита раҳбарлик қилиш, ушбу бўлинмаларга юкланган вазифалар ва функцияларнинг бажарилишини ташкил этиш;

Агентлик тизимидаги ташкилотларнинг ўз ваколатлари доирасидаги фаолиятини мувофиқлаштириш;

прогноз кўрсаткичларнинг бажарилиш жараёнларини мунтазам таҳлил қилиш ва тизимдаги ташкилотлар томондан кўрсаткичларга сўзсиз эришилишини таъминлашга қаратилган қўшимча чора-тадбирлар қабул қилиш бўйича таклифларни Агентлик директорининг мутасадди ўринбосарларига тақдим этиш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини ташкил этиш ва мониторинг олиб боришнинг амалий тизимини яратиш, Агентлик фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига , «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида » 2021 йил 31 майдаги ПҚ-5132-сон ва «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат бошқаруви органлари ва бошқа ташкилотлар, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорларига мувофиқ Агентлик тизимидаги ташкилотлар раҳбарларининг шахсий масъулиятини ошириш чораларни кўриш;

Агентлик ҳайъати қарорлари, Агентлик директори ва унинг ўринбосарларининг буйруқ ва топшириқлари ўз вақтида ва сифатли бажарилишини таъминлаш;

ҳар чораклик иш режалар ишлаб чиқилишини таъминлаш, уларни тасдиқлашга киритиш, уларда кўрсатилган вазифалар ҳамда чора-тадбирларнинг ўз вақтида ва сифатли бажарилишини таъминлаш;

таркибий бўлинмаларга юкланган вазифалар бажарилишини мувофиқлаштириш ва назорат қилиш ҳамда Агентлик тизимидаги ташкилотлар фаолиятига амалий ва методик ёрдам кўрсатиш;

фаолият масалалари юзасидан қонунчиликни такомиллаштириш бўйича таклифлар ишлаб чиқиш ва уларни кўриб чиқиш учун Агентлик раҳбариятига киритиш;

таркибий бўлинмаларда кадрларни танлаш ва жой-жойига қўйишда Агентлик директорининг ўринбосарларига таклифлар бериш, уларнинг касбий етуклиги, ваколатлилиги, амалий тажрибаси, ишбилармонлик ва одоб-ахлоқ сифатларининг юқори даражаси кафолатланганлигини таъминлаш, уларнинг касб малакасини ошириш юзасидан чоралар кўриш, таркибий бўлинмаларда кадрлар захирасини шакллантириш;

норматив-ҳуқуқий ҳужжатлар лойиҳалари таркибий бўлинмалар томонидан сифатли ишлаб чиқилишини ташкил этиш, Агентликнинг таркибий бўлинмаларида тайёрланган ҳужжатлар лойиҳаларини кейинчалик Агентлик раҳбарияти томонидан кўриб чиқиш, имзолаш (виза қўйиш) учун виза қўйиш, уларнинг Ўзбекистон Республикаси Президенти Администрацияси Регламенти ва Вазирлар Маҳкамаси Регламенти талабларига қатъий мувофиқ равишда Вазирлар Маҳкамасига ўз вақтида киритилишини таъминлаш, Агентлик раҳбариятининг топшириғи бўйича норматив-ҳуқуқий ҳужжатлар лойиҳаларини Вазирлар Маҳкамаси аппаратида ишлаб чиқишда иштирок этиш;

Агентликка топширилган норматив-ҳуқуқий ҳужжатлар лойиҳаларини ва таклифларни тўлиқ ҳамда ҳар томонлама кўриб чиқиш, уларнинг ҳуқуқий, молиявий, иқтисодий ва бошқа экспертизадан ўтказиш;

хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ҳамда «Хорижий хизмат сафарларида бўлишнинг самарадорлиги ва хорижий делегацияларнинг Ўзбекистон Республикасига ташрифини ташкил этиш учун мансабдор шахсларнинг шахсий жавобгарлигини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига мувофиқ ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ҳамда оқилона фойдаланишни таъминлаш;

таркибий бўлинмалар ходимлари фаолиятининг самарадорлиги ва натижадорлигини мунтазам равишда танқидий таҳлил қилиш, йиғилишларда уларнинг шахсий ҳисоботларини эшитиш, уларнинг якунлари бўйича зарур чоралар кўриш;

Агентлик ходимларининг одоб-ахлоқ қоидалари талабларига риоя қилишини, мутасаддилик қилинадиган таркибий бўлинмалар раҳбарлари ва ходимларининг ушбу қоидаларга риоя этишини таъминлаш;

Агентлик раҳбариятига давлат хизматларини кўрсатиш самарадорлиги, уларнинг сифатини ошириш ва очиқлиги юзасидан таклифлар киритиш;

жисмоний ва юридик шахсларнинг мурожаатларини кўриб чиқиш, Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонуни билан белгиланган муддатларда ва тартибда аҳоли билан тўғридан-тўғри ва очиқ мулоқотни йўлга қўйиш, жисмоний шахсларни ва юридик шахслар вакилларини мунтазам равишда шахсан қабул қилиш, шу жумладан, жойларга бориб қабул қилиш;

ўзларининг асосий функционал вазифаларидан келиб чиққан ҳолда, «Ijro.gov.uz» ижро интизоми идоралараро ягона электрон тизими орқали топшириқ ва вазифалар ижросини таъминлаш.

20. Қуйидагилар Агентлик тизим ташкилотлари раҳбарларининг асосий функционал вазифалари ҳисобланади:

Агентлик тизимидаги ташкилотларнинг фаолиятига умумий раҳбарлик қилиш, ушбу бўлинмаларга Ўзбекистон Республикаси Президентининг тегишли Фармон ва қарорлари, Вазирлар Маҳкамаси қарорлари, шунингдек, Агентликнинг ҳужжатлари билан юкланган вазифа ва функцияларнинг бажарилишини ташкил этиш;

тизимдаги ташкилотларнинг фаолияти билан боғлиқ бўлган прогноз кўрсаткичларга эришилишини сўзсиз таъминлаш бўйича таъсирчан чора-тадбирлар ишлаб чиқиш ва қабул қилиш;

тизимдаги ташкилотлар таркибига кирадиган бўлинмалар ва ташкилотлар фаолиятини мувофиқлаштириш ва назорат қилиш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини ташкил этиш ва мониторинг олиб боришнинг амалий тизимини яратиш, Агентлик фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига , «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида » 2021 йил 31 майдаги ПҚ-5132-сон ва «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат бошқаруви органлари ва бошқа ташкилотлар, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорларига мувофиқ шахсий масъулиятини ошириш чораларни кўриш;

Агентлик ҳайъатининг қарорлари, Агентлик директори ва унинг ўринбосарларининг буйруқ ва топшириқлари ўз вақтида ва сифатли бажарилишини таъминлаш;

ўз ўринбосарлари ваколатини белгилаш, улар ўртасида мажбуриятларни тақсимлаш, тизимдаги ташкилотларнинг бошқа мансабдор шахслари ваколатларини белгилаш, ўз ўринбосарлари ва бошқа мансабдор шахсларнинг Агентлик тизимидаги ташкилотлар фаолиятининг айрим участкаларига раҳбарлик қилиш учун шахсий жавобгарлик даражасини белгилаш;

Агентлик тизимидаги ташкилотларнинг фаолиятини режалаштиришни ташкил этиш, Агентлик тизимидаги ташкилотларнинг ҳар чораклик иш режаларини тасдиқлаш, уларнинг бажарилиш жараёнини назорат қилишни таъминлаш;

Агентлик тизимидаги ташкилотларда кадрларни танлаш ва жой-жойига қўйиш, уларнинг самарали фаолияти учун зарур шароитларни яратиш, тизимдаги ташкилотларнинг кадрлар захирасини шакллантириш;

Агентлик директорининг номенклатурасига кирадиган бўш лавозимларга таклиф этилган кадрлар, шунингдек, тизимдаги ташкилотларга ишга қабул қилинадиган бошқа кадрларнинг касбий етуклиги, ваколатлилиги, амалий тажрибаси, ишбилармонлик ва одоб-ахлоқ сифатларининг юқори даражаси кафолатланганлигини таъминлаш;

тизимдаги ташкилотлари ходимларини рағбатлантириш ва интизомий жазога тортиш масалаларини ҳал этиш, ўз ўринбосарларини рағбатлантириш ва интизомий жазога тортиш тўғрисида, шу жумладан, уларнинг эгаллаб турган лавозимида қолиши мақсадга мувофиқлиги тўғрисида масалаларни кўриб чиқиш бўйича таклифлар киритиш, уларнинг шахсий жавобгарлигини ошириш бўйича тизимли чора-тадбирларни амалга ошириш;

Агентлик ходимларининг одоб-ахлоқ қоидалари талабларига риоя қилишини, мутасаддилик қилинадиган тизим ташкилотлари ходимларининг ушбу қоидаларга риоя этишини таъминлаш;

прогноз кўрсаткичлар бажарилиш жараёнларини мунтазам таҳлил қилиш ва тизимдаги ташкилотлар томондан кўрсаткичларга сўзсиз эришилишини таъминлашга қаратилган қўшимча чора-тадбирлар қабул қилиш бўйича таклифларни Агентлик директорининг мутасадди ўринбосарларига тақдим этиш;

тизимдаги ташкилотлар ходимлари фаолиятининг самарадорлиги ва натижадорлигини тизимли равишда танқидий таҳлил қилиш, уларнинг шахсий ҳисоботларини эшитиш, уларнинг якунлари бўйича зарур чоралар кўриш;

тизимдаги ташкилотлар фаолиятига оид масалалар бўйича қонунчилик ҳужжатларини такомиллаштириш, шунингдек, давлат хизматлари самарадорлиги, сифати ва улардан эркин фойдаланишни ошириш бўйича таклифларни ишлаб чиқиш ҳамда кўриб чиқиш учун Агентлик раҳбариятига киритиш;

жисмоний ва юридик шахсларнинг мурожаатларини кўриб чиқиш, аҳоли билан тўғридан-тўғри ва очиқ мулоқотни йўлга қўйиш, қонунчиликда белгиланган тартиб ва муддатларда, жисмоний ва юридик шахслар вакилларини мунтазам равишда шахсан қабул қилиш, шу жумладан, жойларга бориб қабул қилиш;

тизимдаги ташкилотлар ходимларининг лавозим маошига мукофотлар, устамалар тўлаш, уларга моддий ёрдам бериш, уларни мукофотлаш, рағбатлантириш ва уларга интизомий чора қўллаш тўғрисида қарор қабул қилиш, давлат мукофотлари ва идоравий мукофотлар билан тақдирлаш тўғрисидаги таклифларни Агентликка киритиш;

давлат сирини ёки қонунчилик билан қўриқланадиган бошқа сирни ташкил этувчи маълумотларнинг ҳимоя қилинишини таъминлаш.

21. Агентлик ва Инспекциянинг зиммасига давлат назоратини амалга ошириш юкланган бошлиқлари, уларнинг ўринбосарлари, мутахассислари лавозимига кўра бир вақтнинг ўзида стандартлар ва ўлчашларни ягона бирликда бўлишини таъминланиши юзасидан назорат бўйича давлат инспекторлари ҳисобланадилар.

Техник жиҳатдан тартибга солиш, стандартлаштириш, сертификатлаштириш ва метрология қоидаларига риоя этилиши бўйича давлат назоратини амалга оширувчи мансабдор шахслар Агентлик томонидан белгиланган тартибда аттестациядан ўтказилиши керак.

6-боб. Агентлик раҳбарларининг жавобгарлиги

22. Агентлик директори:

Агентликка юкланган вазифалар ва функциялар бажарилиши;

ушбу Низомнинг 16-бандида кўрсатилган Агентликнинг жавобгарлик соҳалари бўйича;

ушбу Низомнинг 17-бандида кўрсатилган ўз функционал вазифаларининг сифатли бажарилиши учун шахсан жавобгардир.

23. Агентлик директори ўринбосарлари:

мутасаддилик қилинадиган йўналиш ва таркибий бўлинмаларда Агентликка юкланган вазифалар ва функцияларнинг бажарилиши;

ушбу Низомнинг 16-бандида кўрсатилган Агентликнинг жавобгарлик соҳаларида мутасаддилик қилинадиган масалалар бўйича;

ушбу Низомнинг 18-бандида кўрсатилган ўз функционал вазифаларининг сифатли бажарилиши учун шахсан жавобгардир.

7-боб. Агентлик фаолиятини ташкил этиш

1-§. Агентликнинг раҳбарияти

24. Агентликка директор раҳбарлик қилади.

Директорнинг уч нафар, шу жумладан, биринчи ўринбосари бўлади.

Агентлик директори белгиланган тартибда Ўзбекистон Республикаси Президенти томонидан лавозимга тайинланади ва лавозимдан озод қилинади.

Агентлик директори ўринбосарлари ҳамда Инспекция бошлиғи Ўзбекистон Республикаси Президенти билан келишилган ҳолда Вазирлар Маҳкамаси томонидан, Агентликнинг бошқа тизим ташкилотлари раҳбарлари Вазирлар Маҳкамаси билан келишган ҳолда Агентлик директори томонидан лавозимга тайинланади ва лавозимдан озод қилинади.

25. Директор, директорнинг биринчи ўринбосари ва Инспекция бошлиғи бир вақтнинг ўзида лавозимига кўра тегишинча техник жиҳатдан тартибга солиш, стандартлаштириш, сертификатлаштириш ва метрология қоидаларига риоя этилишини назорат қилиш бўйича Ўзбекистон Республикаси давлат бош инспектори ва давлат бош инспектор ўринбосарлари ҳисобланадилар.

26. Агентлик директори:

Агентлик фаолиятига яккабошчилик асосида умумий раҳбарлик қилади;

Агентлик ваколатига кирувчи масалалар бўйича қарорлар қабул қилади ва Агентликка юкланган вазифалар ва функцияларнинг бажарилиши учун шахсан жавоб беради;

ўз ўринбосарлари ваколатини белгилайди, Агентлик тизимидаги бошқа мансабдор шахслар ваколатларини, ўз ўринбосарлари ва бошқа мансабдор шахсларнинг Агентлик фаолиятининг айрим участкаларига раҳбарлик қилиш ва тизимдаги ташкилотларнинг иши учун жавобгарлик даражасини белгилайди;

Агентлик тизимидаги ходимлар томонидан бажарилиши мажбурий бўлган буйруқлар, фармойишлар чиқаради ва кўрсатмалар беради;

ходимларнинг белгиланган умумий сони доирасида Агентлик марказий аппарати, шунингдек, тизимдаги ташкилотларнинг штатлар жадвалини ҳамда харажатлар сметасини тасдиқлайди;

зарурат бўлганда, бошқарув ходимларининг белгиланган чекланган штатлар сони доирасида Агентликнинг марказий аппарати ва унинг тизимидаги ташкилотлар тузилмасига ўзгартиришлар киритади;

молиявий имкониятлардан келиб чиқиб, ўз маблағлари ҳисобига молиялаштириладиган тизимдаги ташкилотлар бошқарув ходимларининг чекланган сонини белгилайди;

Агентликнинг таркибий бўлинмалари, шунингдек, Агентлик тизимидаги ташкилотлар тўғрисидаги низомларни (Инспекция ва Ўзбекистон стандартлар институти бундан мустасно) белгиланган тартибда тасдиқлайди;

Агентлик марказий аппаратининг ходимларини белгиланган тартибда лавозимга тайинлайди ва лавозимдан озод қилади;

Агентлик тизимидаги ташкилотлар раҳбарларини Вазирлар Маҳкамаси билан келишилган ҳолда лавозимига тайинлайди ва лавозимдан озод қилади;

стандартлаштириш бўйича техник қўмиталарнинг мутахассисларини, етакчи лойиҳа институтлари, илмий ва ўқув муассасаларининг мутахассисларини жалб этади, шунингдек, юқори малакали хорижий мутахассисларни белгиланган тартибда ишга қабул қилади;

қўшимча тарзда ўзининг хизмат мажбуриятларини бажарган Агентликнинг ташаббускор ходимларига Махсус жамғарма маблағлари ҳисобидан ҳар ойда меҳнатга ҳақ тўлаш фондининг икки баравари миқдоригача қўшимча ҳақ тўлаш, мукофотлаш ва бошқа рағбатлантириш тусидаги ҳамда компенсация тўловларини тўлаб беради;

техник жиҳатдан тартибга солиш, стандартлаштириш, метрология, сертификатлаштириш ва давлат назорати органлари билан ҳамкорлик масалалари юзасидан идоралараро тусдаги халқаро, давлатлараро шартномаларни ўз ваколатлари доирасида белгиланган тартибда имзолайди.

Директор қонунчилик ҳужжатларига мувофиқ бошқа ваколатларни ҳам амалга ошириши мумкин.

2-§. Агентлик марказий аппарати таркибий бўлинмаларининг тизимдаги ташкилотлар билан ҳамкорлик қилиш тартиби

27. Агентлик марказий аппарати таркибий бўлинмаларининг тизимдаги ташкилотлар билан ҳамкорлик қилиши марказий аппарат таркибий бўлинмаларининг раҳбарлари томонидан таъминланади.

28. Агентлик марказий аппаратининг таркибий бўлинмалари Агентлик тизимидаги ташкилотлар билан ҳамкорликда ишлайди, ўз фаолияти йўналишлари бўйича:

топшириқларни тизимдаги ташкилотларга етказади ҳамда уларнинг бажарилиш жараёнини назорат қилади;

таркибий бўлинмаларнинг тўғридан-тўғри фаолияти масалалари бўйича Агентлик тизимидаги ташкилотларга сўровномалар жўнатади ҳамда уларнинг ижросини назорат қилади;

Агентлик тизимидаги ташкилотлар фаолиятини текширади ва ўрганади, амалиётини умумлаштиради, уни такомиллаштиришга йўналтирилган чора-тадбирлар ишлаб чиқади ва қабул қилади;

Агентлик тизимидаги ташкилотлар фаолиятини ташкил этиш ва натижалари тўғрисида ҳисобот ва ахборот материаллари, статистика ва бошқа маълумотларни ўрганишни ташкил этади;

Агентлик тизимидаги ташкилотларнинг иш режаларини таҳлил қилади, уларнинг фаолиятини режалаштиришни такомиллаштириш чораларини кўради;

Агентлик тизимидаги ташкилотлардан келиб тушган таклифларни кўриб чиқади;

Агентлик тизимидаги ташкилотларнинг норматив-ҳуқуқий ҳужжатлар лойиҳаларини тайёрлашда иштирок этишини ташкил этади, улардан келиб тушган қонунчиликни такомиллаштириш бўйича таклифларни кўриб чиқади.

29. Агентлик тизимидаги ташкилотлар Агентлик марказий аппаратининг таркибий бўлинмалари билан ҳамкорликда ишлайди, шу жумладан:

Агентлик раҳбарияти топшириқларининг бажарилиши тўғрисида ҳисобот беради;

Агентлик марказий аппаратига ўз фаолияти натижалари тўғрисидаги ҳисоботларни, ахборотларни ҳамда маълумотларни белгиланган тартибда ва муддатларда тақдим этади;

уларнинг фаолиятини текшириш ва ўрганиш натижасида аниқланган ишдаги камчиликларни ва қоидабузарликларни бартараф этиш натижалари тўғрисида ахборот беради;

Агентлик марказий аппаратига ўз фаолияти натижалари тўғрисидаги ҳисоботларни белгиланган тартибда ва муддатларда тақдим этади;

Агентлик марказий аппаратига ҳудудларни ижтимоий-иқтисодий ривожлантириш муаммоларини, шу жумладан, аҳолининг долзарб муаммоларини ҳал қилишга қаратилган таклифларни юборади;

ваколатли органлар томонидан ўтказилган ўз фаолиятини текшириш натижалари тўғрисида ахборот беради.

30. Агентлик марказий аппаратининг таркибий бўлинмалари ҳамда унинг тизимидаги ташкилотларнинг ўзаро ҳамкорлиги жараёнида юзага келадиган келишмовчиликлар Агентлик директорининг топшириғига биноан унинг тегишли ўринбосари томонидан кўриб чиқилади. Агар кўрсатиб ўтилган кўриб чиқишдан кейин келишмовчиликлар тартибга солинмаса, улар бўйича қарор бевосита Агентлик директори томонидан қабул қилинади.

3-§. Агентликнинг республика ва маҳаллий ижро этувчи ҳокимият органлари ҳамда бошқа ташкилотлар билан ўзаро ҳамкорлик тартиби

31. Агентлик ўз вазифа ва функцияларини амалга оширишда республика ва маҳаллий ижро этувчи ҳокимият органлари ҳамда бошқа ташкилотлар билан ҳамкорлик қилади.

32. Агентликнинг фаолияти Ўзбекистон Республикасининг Бош вазири ва Вазирлар Маҳкамаси томонидан мувофиқлаштирилади.

4-§. Агентликнинг ҳайъати, бошқа кенгаш, маслаҳат, эксперт органлари

33. Агентликда директор (ҳайъат раиси), унинг ўринбосарлари (лавозимига кўра), Агентлик фаолиятининг асосий йўналишларини мувофиқлаштирувчи таркибий бўлинмалар раҳбарларидан иборат таркибда ҳайъат ташкил этилади.

Ҳайъат аъзоларининг сони ва шахсий таркиби Вазирлар Маҳкамаси томонидан тасдиқланади.

Ҳайъат қуйидагилар билан боғлиқ масалаларни кўриб чиқади:

Агентлик фаолиятининг стандартлаштириш, метрология, мувофиқликни баҳолаш, халқаро стандартларни, шу жумладан, сифат менежменти тизими бўйича халқаро стандартларни қўллаш асосида маҳаллий маҳсулотлар сифатини ва уларнинг рақобатбардошлилигини ошириш соҳасида ягона давлат сиёсатини амалга оширишни давом эттириш, шунингдек, стандартлаштириш тизими фаолият кўрсатишини ва ривожлантирилишини, ўлчашларни ягона бирликда бўлишини, мувофиқликни баҳолашни, ушбу соҳалардаги илмий-техник ахборотни тарқатиш, шунингдек, уларнинг халқаро, давлатлараро ва хорижий мамлакатларнинг миллий тизимлари билан уйғунлаштирилишини таъминлаш бўйича ушбу Низомда белгиланган асосий йўналишларини тайёрлаш ва амалга ошириш;

Агентлик номенклатурасига кирадиган лавозимларга кадрларни танлаш, жой-жойига қўйиш, тайёрлаш ва қайта тайёрлаш;

Ўзбекистон Республикаси Президентининг фармонлари, қарорлари ва фармойишларида, Вазирлар Маҳкамасининг қарорлари ва фармойишларида белгиланган вазифаларни амалга ошириш бўйича ижро интизомини мустаҳкамлаш ва уларнинг ўз вақтида ва сифатли амалга оширилишини таъминлаш учун Агентлик раҳбарлари ва ходимларининг шахсий жавобгарлигини ошириш.

Ҳайъат Агентлик ваколатига тааллуқли бошқа масалаларни ҳам кўриб чиқиш ҳуқуқига эга.

Ҳайъат мажлисига Агентлик ваколатига кирадиган масалалар бўйича республика ва маҳаллий ижро этувчи ҳокимият органлари ва бошқа ташкилотлар раҳбарлари таклиф этилиши мумкин.

Ҳайъат унинг мажлисида ҳайъат таркибининг ярмидан кўпи қатнашган тақдирда, ваколатли бўлади. Кўриб чиқилаётган масалалар бўйича қарорлар оддий кўпчилик овоз билан қабул қилинади.

Ҳайъат қарорлари директорнинг буйруқлари билан амалга оширилади.

Директор ва ҳайъат аъзолари ўртасида келишмовчиликлар мавжуд бўлган тақдирда, директор юзага келган келишмовчиликлар тўғрисида Вазирлар Маҳкамасига ахборот берган ҳолда мустақил равишда қарор қабул қилади. Ҳайъат аъзолари ҳам ўз фикр-мулоҳазаларини Вазирлар Маҳкамасига маълум қилишлари мумкин.

Ҳайъат фаолиятининг тартиби ҳайъат томонидан тасдиқланадиган унинг регламентида белгиланади.

8-боб. Агентлик фаолияти самарадорлиги ва натижадорлигини баҳолаш мезонлари ва иш индикаторлари

36. Агентлик фаолиятининг самарадорлиги мунтазам баҳоланади.

37. Агентлик фаолияти самарадорлиги ва натижадорлигига берилган баҳо Вазирлар Маҳкамаси томонидан тасдиқланадиган Агентлик фаолияти самарадорлиги ва натижадорлигини баҳолаш мезонлари ва иш индикаторларига асосланади.

38. Агентлик фаолияти самарадорлиги ва натижадорлигини баҳолаш якунлари бўйича:

Агентлик раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

Агентлик фаолиятида аниқланган камчиликларни бартараф этиш ва унинг фаолиятини янада такомиллаштириш чоралари кўрилади.

39. Агентлик фаолияти самарадорлиги ва натижадорлигини баҳолаш тартиби ва услуби қонунчилик ҳужжатлари билан белгиланади.

9-боб. Агентлик, унинг тизимидаги ташкилотлар фаолиятини молиялаштириш ва унинг ходимларини моддий рағбатлантириш

40. Агентлик, Инспекция, Ўзбекистон стандартлар институтининг фаолияти Ўзбекистон Республикаси Давлат бюджети маблағлари, бюджетдан ташқари жамғармалар ҳамда амалдаги қонунчилик ҳужжатларига зид бўлмаган бошқа манбалар ҳисобидан молиялаштирилади.

Махсус жамғарма маблағларини шакллантириш ва улардан фойдаланиш тартиби тўғрисидаги низом Агентлик ва Ўзбекистон Республикаси Иқтисодиёт ва молия вазирлиги томонидан биргаликда тасдиқланади.

41. Қуйидагилар махсус жамғармани шакллантириш манбалари ҳисобланади:

техник жиҳатдан тартибга солиш, стандартлаштириш, сертификатлаштириш ва метрология соҳасидаги қонун ҳужжатларининг талаблари бузилганлиги учун молиявий ва маъмурий жарималарнинг 50 фоизи;

«Ўзбекистон миллий метрология институти» давлат муассасаси ялпи фойдасидан 20 фоизи;

сертификатлаштириш органига маҳсулоти сертификатлаштирилган импорт қилувчи ва маҳаллий ишлаб чиқарувчи корхоналар томонидан келиб тушаётган мувофиқлик белгисидан фойдаланганлик учун бир марталик тўловнинг 90 фоизи;

Махсус жамғарманинг бўш турган маблағларини тижорат банкларининг депозитларига жойлаштиришдан олинадиган даромадлар.

42. Махсус жамғарма маблағлари:

стандартлаштириш, метрология ва сертификатлаштириш соҳасининг моддий-техник базасини ривожлантиришга;

миллий эталон базани, Ўзбекистон техник жиҳатдан тартибга солиш агентлиги тизимидаги ташкилотларнинг синов ва ўлчаш лабораторияларини ривожлантиришга;

ўзаро ҳамкорлик тадбирларига ҳамда стандартлаштириш, метрология, сертификатлаштириш соҳасидаги халқаро ва минтақавий ташкилотларга бадаллар тўлашга;

Агентлик ва унинг тизимидаги ташкилотларнинг бинолар, иншоотлар ҳамда муҳандислик тармоқларини қуриш, реконструкция қилиш, мукаммал таъмирлаш ва сақлашга, асбоб-ускуналар сотиб олишга;

Агентлик фаолиятини амалга оширишда моддий рағбатлантириш ва ижтимоий қўллаб-қувватлашга;

экспортбоп маҳсулотлар учун республикада халқаро, давлатлараро, минтақавий стандартлар ва хорижий мамлакатлар стандартларини сотиб олиш ва қабул қилишга;

соҳани ривожлантириш, модернизация қилиш ва янги лабораторияларни ташкил этиш мақсадида олинган қисқа ва узоқ муддатли қарз ҳамда кредит бўйича (шу жумладан, халқаро ташкилотлар ва банклардан олинган) мажбуриятларини қайтариш харажатларига;

бўш турган маблағларни тижорат банклари депозитларига жойлаштиришга шунингдек, Агентликка юкланган вазифалар ва функцияларга мувофиқ амалга ошириладиган бошқа тадбирларга;

Ўзбекистон Республикаси қонунлари, Ўзбекистон Республикаси Президенти фармонлари, қарорлари, Ҳукумат қарорлари ва бошқа норматив-ҳуқуқий ҳужжатларда назарда тутилган бошқа тўловларга йўналтирилади.

43. Агентлик ва унинг тизимидаги ташкилотлар ходимларининг меҳнатига ҳақ тўлаш фонди лавозим маоши, узоқ муддат узлуксиз хизмати учун устама ҳақлар, мукофотлар, қўшимча ҳақлар ва устамалар, рағбатлантириш тўловларидан, шунингдек, қонунчилик ҳужжатларида назарда тутилган бошқа тўловлардан иборат ва қонунчилик ҳужжатларида белгиланган тартибда тўланади.

Агентлик ва Инспекция ходимлари учун татбиқ этилган меҳнатига ҳақ тўлаш разрядларига асосан ходимларининг лавозим маошини аниқлашда тариф коэффициентлари 1,8 баравар оширилган миқдорда қўлланилади ҳамда амалдаги узоқ йиллик хизмати учун устама миқдорлари сақланиб қолинади. Бунда Агентлик ва Инспекция ходимларига моддий рағбатлантириш ва қонунчиликда назарда тутилган бошқа тўловлар Агентлик директори томонидан тасдиқланган низомлар асосида тўланади.

44. Агентлик марказий аппарати ходимларига қуйидагилар ҳисобидан:

а) Ўзбекистон Республикаси Давлат бюджети маблағларидан:

қуйидаги миқдорларда кўп йиллик хизмати учун ойлик устама ҳақлари тўланади (рағбатлантириш коэффициентини ҳисобга олган ҳолда, лавозим маошига нисбатан коэффициентларда):

1 йилдан 3 йилгача — 0,3;

3 йилдан 5 йилгача — 0,6;

5 йилдан 10 йилгача — 0,8;

10 йилдан 15 йилгача — 1,0;

15 йилдан 20 йилгача — 1,2;

20 йилдан ортиқ — 1,5.

Бунда кўп йиллик хизмати учун ойлик устама ҳақлари коэффициентини ҳисоблашда Агентлик ва Инспекция ходимларининг ташкилий-ҳуқуқий шаклидан қатъи назар (якка тадбиркор ва ўзини ўзи банд қилган шахс сифатида ишлаган давридан ташқари), барча ташкилотлардаги меҳнат фаолияти даври ҳисобга олинади;

қонунчилик ҳужжатларида кўзда тутилган бошқа мукофотлар, тўловлар ва устамалар;

б) Агентликнинг бюджетдан ташқари жамғармалари ҳисобидан:

Агентлик ходимларига ҳар ойда меҳнатга ҳақ тўлаш фондининг икки баравари миқдоригача устама ва қўшимча ҳақ тўлаш, мукофотлаш ва бошқа рағбатлантириш тусидаги ҳамда компенсация тўловлари;

стандартлаштириш, мувофиқликни баҳолаш, аккредитация ва метрология соҳасида фаолият юритувчи ходимларга ойлик иш ҳақи тўланишида, тегишли йўналиш бўйича халқаро ва хорижий ташкилотларнинг билим даражасини тасдиқловчи сертификатига эга бўлганда унинг амал қилиши даврида, бироқ икки йилдан кўп бўлмаган муддат давомида ойлик маошига нисбатан 20 фоиз, эксперт сифатида рўйхатга олинганда ойлик маошига нисбатан 40 фоиз миқдорида қўшимча устама ҳақлар;

Агентлик марказий аппаратида фаолият юритаётган фан номзоди ёки фалсафа доктори (PhD) (ёки хорижий мамлакатларда уларга тенглаштирилган даражалар) илмий даражасига эга ходимлар лавозим маошига 5 фоизгача, шунингдек, фан доктори (DSc) (ёки хорижий мамлакатларда унга тенглаштирилган даража) илмий даражасига эга ходимлар лавозим маошига 10 фоизгача қўшимча ҳақ.

Мазкур Низомнинг 41-банди иккинчи хатбошисида белгиланган манбадан Махсус жамғармага тушган маблағларнинг Давлат бюджетига ўтказиладиган мажбуриятлар чегирилгандан сўнг қолган 80 фоизигача қисми ҳар ой якуни билан кейинги ойнинг 15-санасига қадар Инспекциянинг бюджетдан ташқари ривожлантириш жамғармасига ўтказилади.

Бунда ўтказилган маблағлар Инспекция томонидан:

ўз ходимларига қўшимча ҳақ, мукофот ва бошқа рағбатлантириш тусидаги ҳамда компенсация тўловларига ва сақлаш харажатларига;

стандартларни ҳамда норматив ҳужжатларнинг мажбурий талабларига риоя қилиш ўлчовларининг ягоналиги таъминланишини давлат томонидан назорат қилишга;

инсонлар ҳаёти, саломатлиги, юридик ва жисмоний шахслар мол-мулки, атроф-муҳит учун хавфли ва сифатсиз бўлган маҳсулотларни олиб кириш, ишлаб чиқариш ва сотиш хавфи мониторингини амалга оширишга, шунингдек, ички бозорда муомалада бўлган товарлар мувофиқлигини баҳолашга;

маҳсулотларнинг солиштириш синовларини ташкил этиш ва ўтказишга;

Ўзбекистон Республикаси қонунлари, Ўзбекистон Республикаси Президенти Фармонлари, қарорлари, Вазирлар Маҳкамаси қарорлари ва бошқа норматив-ҳуқуқий ҳужжатларда назарда тутилган тўловларга;

назорат хариди ва синовларни ўтказиш харажатларига сарфланади.

10-боб. Агентликнинг Ўзбекистон Республикаси Президенти Администрацияси ва Вазирлар Маҳкамасига ҳисобот бериши

45. Агентлик Ўзбекистон Республикаси Президенти Администрацияси ва Вазирлар Маҳкамасига ҳисобот беради ҳамда:

ўзига юкланган вазифа ва функцияларни бажариш билан боғлиқ норматив-ҳуқуқий ва бошқа ҳужжатлар лойиҳаларини белгиланган тартибда киритади;

давлат органлари ва бошқа ташкилотлар билан биргаликда таклифлар, тавсиялар ва таҳлилий материаллар Ўзбекистон Республикаси Президенти Администрацияси, Вазирлар Маҳкамасига тақдим этиш учун тайёрланишини таъминлайди;

техник жиҳатдан тартибга солиш, стандартлаштириш, метрология ва мувофиқликни баҳолаш соҳасидаги тизимларни тайёрлаш, жорий этиш ва самарадорлигини баҳолаш бўйича чора-тадбирларни ишлаб чиқади ҳамда амалга оширади, Вазирлар Маҳкамасига республикада иқтисодий ва ижтимоий ислоҳотлар стратегиясидан келиб чиқиб, ушбу тизимларни самарадорлигини ошириш бўйича аниқ таклифлар киритади;

техник жиҳатдан тартибга солиш, стандартлаштириш, метрология ва мувофиқликни баҳолаш тизимларини энг муҳим йўналишлар ҳамда вазифаларнинг амалдаги ижроси ҳамда мазкур соҳаларда мавжуд тизимли муаммолар ва камчиликларни Вазирлар Маҳкамасининг раҳбарияти томонидан мунтазам равишда кўриб чиқилишини ташкил қилади.

11-боб. Якунловчи қоида

46. Агентлик Ўзбекистон Республикаси қонунчилик ҳужжатларига мувофиқ қайта ташкил этилади ва тугатилади.

Вазирлар Маҳкамасининг 2024 йил 1 июлдаги 370-сон қарорига 2-ИЛОВА

Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекцияси тўғрисида

1-боб. Умумий қоидалар

1. Ушбу Низом Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекциясининг (кейинги ўринларда — Инспекция) асосий вазифаларини, функцияларини, ҳуқуқларини ва жавобгарлигини, шунингдек, фаолиятини ташкил этиш тартибини белгилайди.

2. Инспекция ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низом ва бошқа қонунчилик ҳужжатлари ҳамда Агентлик директорининг буйруқларига амал қилади.

3. Инспекция республика ижро этувчи ҳокимият органи ҳисобланади ҳамда ўз фаолиятини давлат органлари, ҳуқуқни муҳофаза қилувчи ва назорат органлари, нодавлат нотижорат ташкилотлари, хорижий, халқаро ва бошқа ташкилотлар билан ҳамкорликда амалга оширади.

4. Инспекция Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида шахсий ғазна ҳисобварақларига, банк ҳисобварақларига, шу жумладан хорижий валютадаги шахсий ғазна ҳисобварақларига эга бўлади.

5. Агентлик Инспекциянинг фаолиятига умумий раҳбарлик қилади.

6. Инспекция техник жиҳатдан тартибга солиш, стандартлаштириш, сертификатлаштириш ва метрология соҳаларида қонуний талабларга ва норматив-ҳуқуқий ҳужжатларга, техник регламентларга, стандартлаштиришга доир норматив ҳужжатларга, ўлчашларнинг ягона бирликда бўлишини таъминлаш, мувофиқликни баҳолаш қоидаларига риоя этиш бўйича давлат назоратини (кейинги ўринларда — давлат назорати) амалга оширади.

7. Давлат назорати Инспекциянинг давлат инспекторлари томонидан қонунчиликда белгиланган шартларда ҳамда тартибда амалга оширилади.

8. Инспекциянинг давлат инспекторлари олий маълумотга эга бўлишлари ва мажбурий аттестациядан белгиланган тартибда ўтишлари керак.

9. Давлат назоратини амалга оширувчи давлат инспекторлари давлат ҳимоясида бўлиб, маҳаллий ижро этувчи ҳокимият органларидан мустақил бўлади ва бевосита Инспекцияга бўйсинадилар.

10. Инспекциянинг ўз ваколати доирасига тааллуқли бўлган масалалар юзасидан қабул қилинадиган ва ўрнатилган тартибда қабул қилинган қарорлари, мулкчилик шаклидан ва идоравий мансублигидан қатъи назар, хўжалик ва тадбиркорлик фаолияти субъектлари томонидан бажарилиши мажбурийдир.

11. Инспекциянинг расмий номи:

а) давлат тилида:

тўлиқ номи — Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекцияси;

қисқартмаси — Техник тартибга солиш инспекцияси;

б) рус тилида:

тўлиқ номи — Инспекция по контролю в области технического регулирования Узбекского агентства по техническому регулированию при Кабинете Министров Республики Узбекистан;

қисқартмаси — Инспекция технического регулирования;

в) инглиз тилида:

тўлиқ номи — The control inspection in the field of technical regulation of the Uzbek agency for texnical Regulation under the Cabinet of Ministers of the Republic of Uzbekistan;

қисқартмаси — Technical Regulation Inspectorate.

12. Инспекциянинг жойлашган жойи (почта манзили): 100055, Тошкент шаҳар, Зафаробод кўчаси, 7а уй.

2-боб. Инспекциянинг асосий вазифалари ва функциялари

13. Қуйидагилар Инспекциянинг асосий вазифалари ҳисобланади:

техник жиҳатдан тартибга солиш соҳасидаги норматив ҳужжатлар ва қонунчиликда белгиланган мажбурий талабларга номувофиқ деб топилган маҳсулотларни аниқлаш ишларини ташкил этиш;

техник жиҳатдан тартибга солиш, мувофиқликни баҳолаш ва метрология соҳасида ҳуқуқбузарликларни аниқлаш юзасидан комплекс чора-тадбирларни амалга ошириш ва уларни келтириб чиқаришга асос бўлувчи сабаб ва шароитларни бартараф этиш чораларини кўриш;

амалдаги техник регламентлар, стандартлар ва қонунчилик талабларига номувофиқ бўлган маҳсулотларни белгиланган тартибда савдодан чиқариш.

14. Ўзига юкланган вазифаларга мувофиқ Инспекция қуйидаги функцияларни амалга оширади:

а) техник жиҳатдан тартибга солиш, шу жумладан, стандартлаштириш ва метрология соҳаларидаги қонунчилик ҳужжатлари бузилишининг олдини олиш ва профилактикасини таъминлаш бўйича таъсирчан чоралар кўриш соҳасида:

техник жиҳатдан тартибга солиш, мувофиқликни баҳолаш ва метрология соҳасида қонунчилик ҳужжатлари бузилишининг олдини олиш ва профилактикаси бўйича чора-тадбирларни амалга ошириш графиклари ва режаларини ишлаб чиқади ҳамда тасдиқлайди;

давлат органлари ва бошқа ташкилотлар томонидан тақдим этилган маълумотлар, техник тартибга солиш ва бошқа ахборот тузилмаларининг ахборот тизими, оммавий ахборот воситалари ва бошқа очиқ манбалардан олинган маълумотлар, жисмоний ва юридик шахслардан келиб тушган маълумотларни таҳлил ва таққослаш йўли билан корхоналарни техник жиҳатдан тартибга солиш соҳасидаги ҳуқуқбузарликларнинг жойига чиқмаган ҳолда олдини олади;

давра суҳбатлари, семинарлар, конференция ва учрашувлар ўтказиш йўли билан техник жиҳатдан тартибга солиш, стандартлаштириш, мувофиқликни баҳолаш ва метрология соҳасида қонунчилик ҳужжатлари талаблари бузилишининг олдини олиш бўйича тушунтириш ишларини амалга оширади;

техник жиҳатдан тартибга солиш, стандартлаштириш, мувофиқликни баҳолаш ва метрология соҳасида қонунчилик бузилишининг олдини олиш бўйича амалга ошириладиган чора-тадбирларни оммавий ахборот воситаларида ёритади;

тадбиркорлик субъектларини техник жиҳатдан тартибга солиш, стандартлаштириш, сертификатлаштириш ва метрология соҳасида қонунчилик талаблари акс этган тарқатма материаллар билан таъминлайди;

техник жиҳатдан тартибга солиш соҳасидаги норматив ҳужжатлар, ўлчашларнинг ягона бирликда бўлишини таъминлаш талабларининг, мажбурий сертификатлаштириш қоидаларининг бузилиш ҳолатларни аниқлайди ва қонунчилик талабларига риоя этишга кўмаклашувчи тегишли чоралар кўради, механизмларни ишлаб чиқади;

техник жиҳатдан тартибга солиш, мувофиқликни баҳолаш ва метрология соҳасида қонунчилик ҳужжатлари бузилишини яшириш механизмларини ўрганиш ва аниқлашни ташкил этади, амалга оширади ва кўрсатилган механизмларни қўллашнинг олдини олиш тадбирларини ишлаб чиқади ва амалга оширади;

тегишли тармоқлар билан биргаликда маҳаллий саноат корхоналарида халқаро стандартларни жорий этиш, маҳсулотлар сифатини ошириш ҳамда синов лабораторияларини ташкил этишда кўмаклашиш ишларини ташкил этади, шунингдек, синов лабораторияларининг техник жиҳатдан малакалилигини маъқуллаш ишларини амалга оширади;

Инспекциянинг техник базасини тегишли равишда модернизациялаш, мустаҳкамлаш ва янгилаш орқали ташқи ва ички манбалардан келиб тушадиган маълумотлар таҳлилининг автоматлаштирилган илғор усулларини жорий этади ва қўллайди;

маҳсулот ва хизматларни ишлаб чиқаришда ва реализация қилишда ҳуқуқбузарликларни белгиланган тартибда аниқлашни, уларнинг олдини олишни ташкил этади ва амалга оширади;

давлат назорати учун бюджет ташкилотини ривожлантириш жамғармаси ҳамда Агентлик ҳузуридаги стандартлаштириш, метрология ва сертификатлаштиришни ривожлантириш махсус жамғармаси маблағлари ҳисобидан назорат хариди ва синов лабораторияларида синовларни ўтказиш харажатларини қоплашга маблағларни йўналтиради;

назорат қилинадиган маҳсулотлар кўрсаткичларини белгиланган талабларга мувофиқлигини текшириш мақсадида ташкилотларда реализация қилинадиган ва сақланадиган (импорт бўйича олиб келинадиган ва маҳаллий ишлаб чиқарилган) маҳсулотларни назорат харидини ўтказиш йўли билан давлат назоратини амалга оширади (назорат хариди мақсадли корпоратив банк картаси ёрдамида Инспекция ва унинг ҳудудий бўлимлари томонидан амалга оширилади);

маҳсулотларни синаш учун синов лабораторияларини танлаб олади;

назорат тадбирлари давомида техник жиҳатдан тартибга солиш тўғрисидаги қонунчиликни қўллаш бўйича тушунтириш ишларини амалга оширади, мавжуд техник регламентлар ҳақида хабардор қилади;

техник жиҳатдан тартибга солиш, стандартлаштириш, сертификатлаштириш ва метрология соҳасида тадбиркорлик субъектларининг ҳуқуқларини ва қонуний манфаатларини таъминлаш бўйича чора-тадбирларни амалга оширади;

ҳуқуқбузарликларнинг олдини олади, ҳуқуқбузарликни келтириб чиқарадиган сабабларни ва шароитларни аниқлайди, ўрганади ва уларни бартараф этиш чораларини кўради;

б) техник жиҳатдан тартибга солиш соҳасидаги норматив ҳужжатлар ва қонунчиликда белгиланган мажбурий талабларга номувофиқ деб топилган маҳсулотларни аниқлаш ишларини ташкил этиш соҳасида:

жисмоний ва юридик шахслардан маҳсулотларнинг сифати ҳамда хавфсизлиги юзасидан келиб тушаётган эътироз ва таклифларни ўрганади;

истеъмолчилар томонидан оммавий ахборот воситалари ва ижтимоий тармоқлар орқали маҳсулотларнинг сифати бўйича тушаётган эътирозларни ўрганади;

келиб тушган мурожаатлар таҳлили асосида савдо объектларида маҳсулотлар назорат харидини амалга ошириш орқали сифатини баҳолайди, бунда республика ҳудудига олиб келинадиган маҳсулотларнинг сифатини ушбу Низомга 1-иловада келтирилган «Хавфни таҳлил этиш» тизими асосида баҳолайди;

маҳсулотлар техник жиҳатдан тартибга солиш соҳасидаги норматив ҳужжатлар ва қонунчилик талабларига номувофиқ бўлган тақдирда, уларни номувофиқ деб топилган маҳсулотлар реестрига киритади;

техник жиҳатдан тартибга солиш соҳасидаги норматив ҳужжатлар ва қонунчилик талабларига номувофиқ бўлган маҳсулотлар импортини чеклаш чорасини кўради;

техник жиҳатдан тартибга солиш соҳасидаги норматив ҳужжатлар ва қонунчилик талабларига номувофиқ бўлган маҳсулотлар тўғрисида истеъмолчиларни оммавий ахборот воситалари ва ижтимоий тармоқларда ёритиш орқали огоҳлантиради;

техник жиҳатдан тартибга солиш соҳасидаги норматив ҳужжатлар ва қонунчилик талабларига номувофиқ бўлган маҳсулотларни ишлаб чиқарувчи, ишлаб чиқарувчининг ваколатли вакили, етказиб берувчи ва улар билан савдо қилувчиларга нисбатан қонунчиликда белгиланган молиявий ва маъмурий чоралар кўради;

техник жиҳатдан тартибга солиш соҳасидаги норматив ҳужжатлар ва қонунчилик талабларига номувофиқ бўлган маҳсулотларни белгиланган тартибда савдодан чиқариш чораларини кўради;

в) техник жиҳатдан тартибга солиш соҳасидаги норматив ҳужжатларнинг мажбурий талаблари, ўлчашларнинг ягона бирликда бўлиши ва тўғрилиги таъминланиши, мажбурий сертификатлаштириш қоидаларига амал қилиниши юзасидан давлат назоратини ташкил этиш соҳасида:

Ўзбекистон Республикасининг « Техник жиҳатдан тартибга солиш тўғрисида », « Стандартлаштириш тўғрисида », « Метрология тўғрисида », « Истеъмолчиларнинг ҳуқуқларини ҳимоя қилиш тўғрисида », « Энергиядан оқилона фойдаланиш тўғрисида », « Аҳоли ўртасида микронутриент етишмаслиги профилактикаси тўғрисида », « Йод етишмаслиги касалликлари профилактикаси тўғрисида », « Озиқ-овқат маҳсулотининг сифати ва хавфсизлиги тўғрисида », « Хўжалик юритувчи субъектлар фаолиятини давлат томонидан назорат қилиш тўғрисида »ги қонунлари ва техник жиҳатдан тартибга солиш, стандартлаштириш, мувофиқликни баҳолаш ва метрология соҳасидаги бошқа норматив-ҳуқуқий ҳужжатларни амалга жорий қилишни таъминлайди;

техник жиҳатдан тартибга солиш, мувофиқликни баҳолаш ва метрология соҳасидаги қонунчилик ҳужжатларида назарда тутилган бошқа талаблар жорий этилишини ва уларга амал қилинишини назорат қилади;

назорат қилинадиган маҳсулотлар кўрсаткичларини белгиланган талабларга мувофиқлигини текшириш мақсадида ташкилотларда реализация қилинадиган ва сақланадиган (импорт бўйича олиб келинадиган ва маҳаллий ишлаб чиқарилган) маҳсулотлар бўйича назорат харидини ўтказиш йўли билан давлат назоратини амалга оширади, бунда назорат хариди ушбу Низомга 2-иловадаги схемага асосан амалга оширилади;

стандартлаштириш, мувофиқликни баҳолаш ва метрология соҳасида фаолият юритувчи субъектлар ишларини назорат қилади, шу жумладан, стандартлаштириш, мувофиқликни баҳолаш ва метрология соҳасига доир ҳужжатлар тўпламини таҳлил қилиш орқали;

техник жиҳатдан тартибга солиш, стандартлаштириш, мувофиқликни баҳолаш ва метрология соҳасидаги норматив ҳужжатлар назоратини амалга оширувчи ташкилот фаолиятига услубий раҳбарлик қилади ва ушбу фаолиятни мувофиқлаштиради;

техник жиҳатдан тартибга солиш соҳасида қонунчилик, норматив-ҳуқуқий ва норматив ҳужжатларни ишлаб чиқишда иштирок этади, уларнинг ишлаб чиқилишида илмий ва техник ютуқлардан юқори самарали фойдаланишга ҳисса қўшади, ўз ваколати доирасида техник жиҳатдан тартибга солиш соҳасидаги норматив ҳужжатлар, метрологик қоидалар ва мувофиқликни баҳолаш қоидалари ўз вақтида жорий қилинмаганлиги сабабларини ва уларнинг бузилишини таҳлил қилади;

техник жиҳатдан тартибга солиш соҳасидаги ва ўлчашларнинг ягона бирликда бўлишини таъминлаш бўйича норматив ҳужжатлар экспертизасининг натижаларини таҳлил қилади;

ташкилий-ҳуқуқий шаклидан ва идоравий мансублигидан қатъи назар вазирликлар, идоралар, ташкилотлар ва тадбиркорлик субъектларининг синов бўлинмаларини маҳсулотларнинг белгиланган тури ва синов турлари билан боғлиқ синов ўтказиш ҳуқуқини баҳолайди;

техник жиҳатдан тартибга солиш соҳасидаги норматив ҳужжатларни, метрологик қоидалар ва мувофиқликни баҳолаш қоидаларини, агар улар техник даражани ва маҳсулот сифатини оширишга хизмат қилмаётган бўлса ҳамда амалдаги қонунчиликка зид бўлса, уларни бекор қилиш, амал қилиш муддатини қисқартириш ва ўзгартиришлар киритиш ёки қайта кўриб чиқиш таклифини киритади;

ишлаб чиқариладиган (шунингдек, олиб кириладиган) ва реализация қилинадиган маҳсулотлар (хизматлар) сифати бўйича тегишли чоралар кўриш учун истеъмолчилар эътирозларини ўрганади;

техник жиҳатдан тартибга солиш соҳасидаги норматив ҳужжатлар, метрологик қоидалар ва мувофиқликни баҳолаш қоидаларини жорий қилиш, уларга риоя қилиш назорати жараёнида аниқланган қонунчилик бузилишини бартараф этиш чорасини кўради;

ташкилий-ҳуқуқий шаклидан ва идоравий мансублигидан қатъи назар, тадбиркорлик субъектларининг ўлчаш ва синов воситасини тайёрлаш, таъмирлаш ва қиёслаш (калибровкалаш) бўйича ишларни бажаришга тайёргарлигини ўрганади ҳамда уларга шартнома асосида тегишли хулосалар беради;

маҳсулотларнинг техник жиҳатдан тартибга солиш соҳасида норматив ҳужжатлар талабларига номувофиқлиги ҳақида маълумотлар олинганда, ўн кун муддатда ишлаб чиқарувчи (сотувчи) томонидан номувофиқликни бартараф этиш бўйича чора-тадбирлар дастурини ишлаб чиқиш тўғрисида кўрсатма беради, унинг ижросини таъминлашда амалий ёрдам беради ва назоратни таъминлайди;

техник жиҳатдан тартибга солиш соҳасидаги норматив ҳужжатлар, метрологик қоидалар ва мувофиқликни баҳолаш қоидалари талабларига номувофиқ бўлган маҳсулотларни (хизматларни) реализация қилиш ҳолатларини аниқлайди;

қонунчиликка мувофиқ чора кўриш мақсадида суд ёки бошқа органларга даъво билан мурожаат этиш учун қарор қабул қилади;

мувофиқликни баҳолашга доир фаолиятни ва маҳсулотларни синашда мувофиқликни баҳолашда иштирок этадиган объектлар фаолиятининг давлат назоратини амалга оширади;

маҳсулотнинг мувофиқлигини баҳолаш учун талаб этиладиган вақт меъёрларини ва уларга риоя этилишини «хавф-таҳлил» қилиш тизими орқали баҳолайди;

лабораторияларда, шунингдек, ўз базасида ташкил этилган лабораторияларда маҳсулотлар синовини ўтказади;

ўлчашларнинг ягона бирликда бўлишини таъминлаш бўйича давлат метрология назоратини амалга оширади, жумладан:

белгиланган катталик бирликларини қўллаш тўғрилиги, ўлчаш ва синов воситалари ҳолати, уларни тайёрлаш, сақлаш, таъмирлаш, қиёслаш ҳамда эксплуатация қилиш ҳолатини;

ўлчашлар ва синовларни бажариш услубиётларини қўллаш тўғрилигини;

Ўзбекистон Республикасида катталик бирликларининг қўлланилишига рухсат берилган катталик бирликларига мувофиқлигини;

ўлчашларнинг ягона бирликда бўлишини таъминлашни давлат томонидан тартибга солиш соҳасида амалга ошириладиган ўлчашлар учун қўйиладиган мажбурий талабларга риоя қилишни;

ўлчаш воситалари, стандарт намуналари ва катталик бирлиги эталонларининг ўлчашлар ягона бирликда бўлишини таъминлашни давлат томонидан тартибга солиш соҳасидаги мажбурий талабларга мувофиқлигини;

метрологик аттестациядан ўтказилган ўлчашларни бажариш услубиётларини мавжудлиги ва уларнинг тўғри қўлланишига риоя қилишни;

ўлчашларнинг ягона бирликда бўлишини таъминлашни давлат томонидан тартибга солиш соҳасига тегишли бўлган ўлчашларни амалга ошириш ва улар учун белгиланган мажбурий талабларга риоя этишни;

ўлчашларнинг ягона бирликда бўлишини таъминлашни давлат томонидан тартибга солиш соҳасида қўлланиладиган, метрологик аттестациядан ўтказилган ўлчашларни бажариш услубиётлари, шунингдек, аттестация қилинган ўлчашларнинг услуби тасдиқлайдиган маълумотлар мавжудлиги ва уларга риоя этишини;

ўлчашларнинг ягона бирликда бўлишини таъминлаш соҳасида ишларни амалга оширишни ва (ёки) хизматлар кўрсатишни;

ўрамларга қадоқланган товарларнинг уларни майдалаб қадоқлаш ва сотиш чоғидаги миқдорининг тўғрилигини;

ўлчашларнинг ягона бирликда бўлишини таъминлашнинг давлат томонидан тартибга солиш соҳасида мажбурий талабларга ўлчашлар, ўлчаш воситалари (таркибий қисмлари, дастурий таъминоти), ўлчаш бирликлари, стандарт намуналар, шунингдек, катталик бирликлари эталонларининг мувофиқлигини;

юридик шахсларда ёки якка тартибдаги тадбиркорларда ҳар бир ўлчаш воситаси, стандарт намуналар, ўлчашларнинг ягона бирликда бўлиши учун эксплуатация ҳужжатлари мавжудлигини;

ўлчашларнинг ягона бирликда бўлишини давлат томонидан тартибга солиш соҳасида текширилган тури тасдиқланган ўлчаш воситалари, тури тасдиқланган стандарт намуналар, тасдиқланган ва аттестатланган катталик бирликлари эталонини қўллашни;

ўлчашларнинг ягона бирликда бўлишини таъминлашнинг давлат томонидан тартибга солиш соҳасида қўлланиладиган ўлчаш воситаларини, стандарт намуналарини, катталик бирлиги эталони, ўлчашларнинг услубиётидан мақсадли фойдаланишни;

Ўзбекистон Республикасида қўллашга рухсат берилган ўлчаш бирликларини ёзиш ва қўллаш қоидаларига риоя қилишни;

г) техник жиҳатдан тартибга солиш, мувофиқликни баҳолаш ва метрология соҳасида ҳуқуқбузарликни аниқлаш юзасидан комплекс чора-тадбирларни амалга ошириш ва уларни келтириб чиқаришга асос бўлувчи сабаб ва шароитларни бартараф этиш чораларини кўриш соҳасида:

маъмурий ҳуқуқбузарлик тўғрисидаги ишларни юритади, Инспекциянинг ваколатига кирадиган ишларни кўриб чиқади ва маъмурий жазо қўллайди;

маъмурий ҳуқуқбузарлик тўғрисидаги ишларининг амалиётини таҳлил қилади, ҳисобини юритади ҳамда ушбу соҳада ягона амалиётни шакллантириш бўйича чора кўради;

д) амалдаги техник регламентлар, стандартлар ва қонунчилик талабларига номувофиқ маҳсулотларни белгиланган тартибда савдодан чиқариш соҳасида:

номувофиқ деб топилган маҳсулотларни савдодан чақириб олиш чораларини кўриш юзасидан маҳсулот эгасига тақдимнома киритади;

техник регламентларнинг талабларига номувофиқ деб топилган маҳсулотни қайтариб олиш учун техник регламентларнинг талабларига номувофиқ бўлган маҳсулотни чақириб олиш далолатномасини расмийлаштиради;

техник регламентларнинг талабларига номувофиқ деб топилган, маҳсулотни чақириб ва (ёки) қайтариб олиш ҳолатлари тўғрисидаги ахборотни расмий сайтида жойлаштиради.

Инспекция қонунчиликка мувофиқ бошқа функцияларни амалга ошириши мумкин.

3-боб. Инспекция ва давлат инспекторларнинг ҳуқуқлари, мажбуриятлари ва жавобгарлиги

15. Инспекция ўзига юкланган вазифа ва функцияларни амалга ошириш учун қуйидаги ҳуқуқларга эга:

давлат органлари ва бошқа ташкилотлардан ҳамда уларнинг мансабдор шахсларидан зарур ҳужжатларни ва маълумотларни олиш;

тадбиркорлик субъектлари — юридик шахслар фаолиятини текширишни мувофиқлаштириш бўйича ваколатли органни «Ягона давлат назорати» ахборот тизимида рўйхатга олиш орқали хабардор қилган ҳолда, белгиланган тартибда ўтказилган «Хавфни таҳлил этиш» тизими натижаси асосида ўзига юкланган вазифалар доирасида давлат назоратини амалга ошириш;

Инспекциянинг ваколатига кирадиган масалалар бўйича судга ва бошқа органларга мурожаат этиш;

Инспекциянинг ваколати доирасида техник жиҳатдан тартибга солиш, стандартлаштириш, мувофиқликни баҳолаш ва метрология соҳасидаги қонунчилик ва норматив ҳужжатлар талаблари бузилганлиги учун маъмурий жарималар қўллаш бўйича судга мурожаат қилиш;

давлат назоратидаги маҳсулотларни (хизматларни) олиб кирувчи ва ишлаб чиқарувчи ҳамда сақловчи ва реализация қилувчи ташкилотларнинг раҳбарлари ва мутахассисларидан давлат назоратини ўтказиш масалалари билан боғлиқ бўлган зарур ҳужжатлар ва тушунтиришлар олиш;

давлат органларидан маҳсулотларни реализация қилиш билан шуғулланувчи тадбиркорлик субъектлари ва савдо жойларининг рўйхатини ва жойлашувини сўраш;

маҳсулотларни техник жиҳатдан тартибга солиш соҳасидаги норматив ҳужжатлар талабларига мувофиқлигини тасдиқловчи ҳужжатларни электрон дастурлар орқали назорат қилиш;

хавфлилик даражаси юқори бўлган айрим турдаги импорт маҳсулотларни давлат рўйхатидан ўтказишда қатнашиш;

савдо расталарида реализация қилинаётган хавфлилик даражаси юқори бўлган айрим турдаги импорт маҳсулотлар амалдаги техник регламент, стандартлар ва қонунчилик ҳужжатлари талабларига номувофиқлиги аниқланган тақдирда, ушбу маҳсулотларни давлат рўйхатидан чиқариш юзасидан ваколатли идорага таклиф киритиш;

сертификатланмаган ва қалбаки, шу жумладан, Европа Иттифоқи (ЕИ) ва Евроосиё иқтисодий иттифоқида (ЕОИИ) хавфли маҳсулотлар ҳақида тезкор хабар бериш ахборот тизимларига киритилган, ЕИ ва ЕОИИ мамлакатларига олиб кириш тақиқланган маҳсулотлар тўғрисидаги маълумотларни ахборот тизимига киритиш;

зарур ҳолатларда, маҳсулотлар (хизматлар)ни олиб келувчи ва ишлаб чиқарадиган, шунингдек, сақлашни ва реализациясини амалга оширувчи давлат назоратидаги ташкилотлар раҳбарларига қонунчилик ҳужжатлари бузилишини ўз муддатида бартараф этиш юзасидан ёзма огоҳлантириш бериш ва тақдимнома киритиш;

техник жиҳатдан тартибга солиш, стандартлаштириш, метрология ва мувофиқликни баҳолаш соҳаларида содир этилган ҳуқуқбузарликлар учун юридик шахсларга қонун ҳужжатларига мувофиқ молиявий жарима қўллаш бўйича судга мурожаат қилиш;

давлат назорати натижасига кўра техник жиҳатдан тартибга солиш соҳасидаги норматив ҳужжатлар талабларига номувофиқ маҳсулотни муомаладан чиқариш ёки маҳсулотнинг белгиланган қисмини чақириб олиш тўғрисидаги кўрсатмаларни бажармаганлик учун юридик шахсларга қонун ҳужжатларига мувофиқ молиявий жарима қўллаш бўйича судга мурожаат қилиш;

маҳсулотларни ишлаб чиқариш, олиб кириш, ташиш, сақлаш, реализация қилиш фаолиятини амалга оширувчи ташкилотлар раҳбарларидан норматив-ҳуқуқий ҳужжатлар талабларини, шунингдек, ваколатли вазирлик ва идоралар маҳсулотларнинг сифатини ва хавфсизлигини яхшилаш бўйича қарорларни аниқ ва эътирозларсиз бажаришни талаб қилиш;

ишлаб чиқарувчи (сотувчидан) маҳсулотларнинг техник жиҳатдан тартибга солиш соҳасидаги ва стандартлаштиришга доир норматив ҳужжатлар талабларига мувофиқлигини тасдиқловчи мувофиқлик тўғрисидаги декларацияларни ва мувофиқлик сертификатларини ёки уларнинг нусхаси ҳамда мувофиқлик тўғрисидаги декларациянинг ёки мувофиқлик сертификатларининг рўйхатга олиш рақамини талаб қилиш;

мувофиқлик сертификатларини ёки мувофиқлик тўғрисидаги декларацияларни берган сертификатлаштириш органларига уларнинг амал қилишини тўхтатиб туриш ва бекор қилиш тўғрисида тақдимнома киритиш;

техник жиҳатдан тартибга солиш соҳасидаги норматив ҳужжатлар талабларига номувофиқ маҳсулотларни ишлаб чиқариш ва реализация қилиш ҳолатлари тасдиқланганда, ушбу маҳсулотларга расмийлаштирилган мувофиқлик сертификатини қонунчиликда белгиланган тартибда тўхтатиб туриш ва бекор қилиш. Бунда мувофиқлик сертификатини бекор қилиш ва тўхтатиб туришнинг мезонлари ва тартиби ушбу Низомга 3-иловадаги схемага мувофиқ амалга оширилади;

сертификатлаштириш органининг қоидаларга риоя этмаганлиги (жумладан, маҳсулот барча мажбурий кўрсаткичларга мувофиқлиги баҳоланмаганлиги) натижасида сифатсиз маҳсулотлар реализация қилинганлиги ҳолатлари аниқлаганда, мазкур органнинг сертификатлаш фаолиятини қонунчиликда белгиланган тартибда тўхтатиб туриш. Бунда сертификатлаштириш органининг сертификатлаштириш фаолиятини тўхтатиб туришнинг мезонлари ва тартиби ушбу Низомга 4-иловадаги схемага мувофиқ амалга оширилади;

мувофиқлик сертификатининг амал қилишини тўхтатиб туриш ёки тугатиш зарурлиги тўғрисидаги ахборотни сертификатни берган мувофиқликни баҳолаш органига ва махсус ваколатли давлат органига юбориш;

мувофиқликни баҳолаш органига мувофиқлик сертификатининг амал қилишини тўхтатиб туриш ёки тугатиш тўғрисида, декларацияни қабул қилган шахсга мувофиқлик тўғрисидаги декларациянинг амал қилишини тўхтатиб туриш ёки тугатиш ҳақида кўрсатма бериш ҳамда мувофиқлик сертификатининг, мувофиқлик тўғрисидаги декларациянинг амал қилишини тўхтатиб туриш ёхуд тугатиш ҳақида кўрсатма берилганлиги тўғрисидаги ахборотни аккредитация органига юбориш;

сертификатлаштириш органини текшириш натижасида номувофиқликлар аниқланганда, аккредитация марказига маълумотлар киритиш ҳамда аккредитация маркази билан ҳамкорликда ишларни амалга ошириш;

«Техник жиҳатдан тартибга солиш тўғрисида»ги Қонуннинг 41-моддасига мувофиқ ушбу Қонунда назарда тутилган кўрсатма бажарилмаган тақдирда, Инспекция ўз ваколатларига мувофиқ, шунингдек, зарар етказилишини бартараф этишга доир тадбирлар дастури бажарилмаганлиги ҳақида ўзига маълум бўлиб қолган бошқа шахслар ишлаб чиқарувчи, ишлаб чиқарувчининг ваколатли вакили, сотувчи, импорт қилувчи томонидан маҳсулотни мажбурий равишда чақириб олиш тўғрисидаги даъво аризаси билан судга мурожаат қилишга ҳақли;

солиқ органлари ва бошқа ваколатли органлар билан ҳамкорликда соддалаштирилган тартибда олиб кириладиган товарлардан мақсадли фойдаланишни назорат қилишда иштирок этиш;

соддалаштирилган тартибда олиб кирилган товарлардан мақсадли фойдаланиш тўғрисида тадбиркорлик субъектлари билан профилактика чора-тадбирларини ўтказиш, шунингдек, қонунчилик ҳужжатлари бузилиши аниқланганда — уларни бартараф этиш тўғрисида огоҳлантириш бериш;

ишлаб чиқарувчини (сотувчини) қонунчиликда кўзда тутилган жавобгарликка тортиш;

давлат назоратидаги объектдан маҳсулотлар (хизматлар) мувофиқликни баҳолаш жараёнида техник жиҳатдан тартибга солиш соҳасидаги норматив ҳужжатлар талабларига мос равишда ўтказилганлигини исботловчи материалларни талаб қилиш;

маҳсулотларни ишлаб чиқаришда, реализация қилишда ва сақлашда техник жиҳатдан тартибга солиш соҳасидаги норматив ҳужжатлар талаблари, шунингдек, ўлчашларнинг ягона бирликда бўлишини таъминлаш, мувофиқликни баҳолаш қоидаларининг бузилиш ҳолатлари аниқланганда, Агентлик раҳбарияти орқали ваколатли органларга муайян фаолиятни амалга ошириш ҳуқуқини берувчи лицензияни тўхтатиб туриш ёки бекор қилиш тўғрисида таклифлар киритиш;

тадбиркорлик субъектларига ҳуқуқбузарликка йўл қўйилмаслиги, шунингдек, ҳуқуқбузарликка мойиллиги борлиги, ҳуқуқбузарлик содир этилганлик учун жавобгарлик тўғрисида тушунтиришлар билан бирга расмий огоҳлантириш ёзиб бериш;

техник жиҳатдан тартибга солиш соҳасидаги ва стандартлаштиришга доир норматив ҳужжатлар талаблари, шунингдек, ўлчашларнинг ягона бирликда бўлишини таъминлаш, мувофиқликни баҳолаш қоидаларига номувофиқ маҳсулотлар (хизматлар) тўғрисидаги маълумотларни оммавий ахборот воситалари орқали истеъмолчиларга етказиш;

зарур ҳолатларда, ваколати доирасида амалга оширадиган назорат фаолиятига давлат бошқаруви органлари мутахассисларини белгиланган тартибда жалб этиш.

Инспекция қонунчиликка мувофиқ бошқа ҳуқуқларга эга бўлиши мумкин.

16. Инспекциянинг давлат инспекторлари қуйидаги ҳуқуқларга эга:

маҳсулотларни (хизматларни) ишлаб чиқариш босқичларида, ишлаб чиқаришга тайёрлашда, реализация қилишда (етказиб бериш, сотиш), фойдаланишда (эксплуатация), сақлашда, транспортировка ва утилизация қилишда техник жиҳатдан тартибга солиш, метрология, сертификатлаштириш ва мувофиқликни баҳолаш соҳасидаги норматив ҳужжатлар мажбурий талабларининг бузилиш ҳолатлари аниқланганда, уларни бартараф этиш тўғрисида огоҳлантириш бериш;

тадбиркорлик субъекти давлат назоратини ўтказишдан бош тортган ҳолатда, ўрнатилган тартибда маҳсулотларни (хизматларни) реализация қилишни тақиқлаш;

тадбиркорлик субъектининг хизмат ва ишлаб чиқариш биноларига белгиланган тартибда кириш;

белгиланган тартибда тадбиркорлик субъектидан давлат назоратини ўтказиш учун зарур бўлган ҳужжатларни ва маълумотларни олиш;

техник воситалардан фойдаланиш ва давлат назоратини ўтказишда хўжалик фаолиятини юритувчи субъект мутахассисини жалб этиш;

техник жиҳатдан тартибга солиш соҳасидаги норматив ҳужжатлар, метрология, сертификатлаштириш ва мувофиқликни баҳолаш қоидалари мажбурий талабларига мувофиқлигини назорат қилиш учун маҳсулотлардан намуналар ва нусхалар танлаб олиш, бунда ишлатиб юборилган нусхаларнинг қиймати ва синовларни (таҳлилларни, ўлчашларни) ўтказиш харажатларини текширилаётган хўжалик фаолияти субъектларининг ишлаб чиқариш харажатларига киритиш;

маҳсулотларнинг (хизматларнинг) техник жиҳатдан тартибга солиш соҳасидаги, стандартлаштиришга доир норматив ҳужжатлар, метрология, сертификатлаштириш ва мувофиқликни баҳолаш соҳасидаги қоидалар мажбурий талабларига мувофиқлиги тўғрисида маълумотлар ишончлилигини текшириш учун ишлаб чиқарувчидан (сотувчидан) материалларни талаб этиш;

ишлаб чиқарувчидан (сотувчидан) ва бошқа шахслардан маҳсулот (хизмат) тўғрисида маълумотларни ёки лойиҳалаш жараёнлари (шу жумладан, тадқиқотлар), ишлаб чиқариш, реализация ва утилизация қилиш, монтаж, қурилиш, созлаш, эксплуатация, сақлаш, ташиш, шунингдек, тадқиқотлар (синовлар) натижалари ва мувофиқлигини мажбурий тасдиқлаш жараёнида амалга оширишдаги ўлчашлар билан боғлиқ бўлган талабларни сўраш;

маҳсулотларни (хизматларни) синашда ва сертификатлаштиришда, сертификатлаштирилган маҳсулотларни (хизматларни) ва сифат менежменти тизимининг инспекция назоратида иштирок этиш;

давлат назорати натижалари бўйича далолатномаларни расмийлаштириш ва камчиликларни бартараф этиш тўғрисида кўрсатмалар бериш;

техник жиҳатдан тартибга солиш, стандартлаштириш, метрология, сертификатлаштириш ва мувофиқликни баҳолаш соҳасида қонунчилик талабларига риоя этишни таъминлаш масалалари бўйича суд жараёнларида иштирок этиш;

текширилган маҳсулот техник регламент ва стандартларнинг мажбурий талабларига мувофиқ келмаган ва мажбурий мувофиқлиги тасдиқланадиган, аммо мувофиқлиги тасдиқланмаган маҳсулотни сотишни (етказиб беришни), ишлатишни (фойдаланишни) тақиқлаш ёки тўхтатиш тўғрисида ёзма кўрсатма бериш.

17. Техник жиҳатдан тартибга солиш, стандартлаштириш, мувофиқликни баҳолаш ва метрология соҳасидаги қонунчилик талабларига риоя қилишни таъминлаш бўйича Ўзбекистон Республикаси Бош давлат инспектори ва бош давлат инспекторининг ўринбосарлари ушбу Низомнинг 16-бандида кўрсатилган ҳуқуқлардан ташқари, ўтказилган назорат натижалари бўйича қабул қилинадиган таъсир чораларини кўриш ҳуқуқига, шу билан бирга қуйидагиларга эга:

давлат назорати жараёнида аниқланган қонунчилик бузилишини бартараф этиш тўғрисида қарор қабул қилиш;

сертификатлаштириш органининг қоидаларга риоя этмаганлиги (жумладан, маҳсулот барча мажбурий кўрсаткичларга мувофиқлиги баҳоланмаганлиги) натижасида сифатсиз маҳсулотлар реализация қилинганлиги ҳолатлари аниқлаганда, мазкур органнинг сертификатлаштириш фаолиятини қонунчиликда белгиланган тартибда тўхтатиб туриш ҳақида қарор қабул қилиш;

корхоналарда техник жиҳатдан тартибга солиш соҳасидаги ва стандартлар талабларига риоя этмаганлик учун корхона ва тармоқ раҳбарларига тақдимномалар киритиш;

қонунчилик ҳужжатлари, техник жиҳатдан тартибга солиш соҳасидаги талаблар, стандартлаштиришга доир норматив ҳужжатларнинг мажбурий талаблари, метрология, сертификатлаштириш ва мувофиқликни баҳолаш қоидалари бузилишида айбдор бўлган тадбиркорлик субъектлари ва мувофиқликни баҳолаш идоралари мансабдор шахсларини белгиланган тартибда маъмурий жавобгарликка тортиш бўйича қарор қабул қилиш;

текширилган маҳсулотларнинг техник жиҳатдан тартибга солиш соҳасидаги норматив ҳужжатларнинг мажбурий талабларига номувофиқ бўлган ҳолатда, ушбу маҳсулотларни ўн иш кунигача ишлаб чиқаришни тақиқлаб қўйиш ёки реализация қилинишини (етказиб берилиши, сотилиши) ёки фойдаланишни (ишлатишни) тўхтатиб қўйиш тўғрисида қарор қабул қилиш;

қонунчилик, техник жиҳатдан тартибга солиш соҳасидаги норматив ҳужжатлар мажбурий талабларга, стандартлаштиришга доир норматив ҳужжатлар мажбурий талабларига, метрология ва сертификатлаштириш қоидаларига номувофиқ бўлган импорт маҳсулотларни реализация қилишни ўн иш кунигача тақиқлаш тўғрисида қарор қабул қилиш;

тадбиркорлик субъекти давлат назоратидан бош тортган ҳолатларда — маҳсулотларни (хизматларни) реализация қилишни ўн иш кунигача тақиқлаб қўйиш;

техник жиҳатдан тартибга солиш соҳасидаги норматив ҳужжатларга, шунингдек, қонунчиликда кўзда тутилган тегишли рухсат берувчи ҳужжатларга эга бўлмаган маҳсулотларни (хизматларни) ишлаб чиқаришни ўн иш кунигача тақиқлаш тўғрисида қарор қабул қилиш;

техник жиҳатдан тартибга солиш соҳасидаги норматив ҳужжатлар, стандартлар ва қонунчилик ҳужжатлари билан белгиланган мажбурий талабларга номувофиқ деб топилган маҳсулотларни рўйхатга олинган кундан бошлаб олти ой муддатгача рўйхатдан чиқариш, номувофиқ деб топилган тегишли маҳсулотни ишлаб чиқарувчи (унинг расмий вакили) томонидан Ўзбекистон Республикаси ҳудудига олиб кириш, эркин муомалага чиқаришни тақиқлаш;

давлат синовидан, метрологик аттестациядан ўтмаган, қиёсланмаган ўлчаш воситаларини қўллаш ва муомалага чиқарилишини ўн иш кунигача тўхтатиб туриш, зарур бўлган ҳолатларда шунга ўхшаш воситаларни муомаладан чиқариб ташлаш тўғрисидаги қарорни қабул қилиш.

18. Ўзига юкланган вазифалар ва функцияларни бажаришда Инспекция қуйидагиларга мажбур:

давлат назорати бўйича тадбирлар жараёнида техник жиҳатдан тартибга солиш, стандартлаштириш, мувофиқликни баҳолаш ва метрология тўғрисидаги қонунчиликни қўллаш бўйича тушунтириш ишларини ўтказиш, мавжуд бўлган техник жиҳатдан тартибга солиш соҳасидаги норматив ҳужжатлар тўғрисида маълумотлар бериш;

тижорат сирини ва қонунчилик билан ҳимояланадиган бошқа сирни сақлаш;

давлат назорати бўйича тадбирларни амалга ошириш тартибига риоя қилиш ва ушбу тадбирлар натижаларини қонунчиликка мувофиқ расмийлаштириш;

давлат назорати бўйича чора-тадбирлар натижалари асосида техник жиҳатдан тартибга солиш, стандартлаштириш, мувофиқликни баҳолаш ва метрология соҳасидаги норматив ҳужжатлар талабларининг бузилиш ҳолатларини бартараф этиш чораларини кўриш;

Агентлик ва бошқа ваколатли органларга техник жиҳатдан тартибга солиш соҳасидаги норматив ҳужжатлар талабаларига маҳсулотларнинг номувофиқлиги тўғрисидаги маълумотларни юбориш.

19. Инспекция қуйидагиларга жавобгар ҳисобланади:

техник жиҳатдан тартибга солиш, стандартлаштириш, сертификатлаштириш ва метрология соҳаларида қонунчилик талабларига риоя қилиш, ушбу соҳада қонунчилик ва норматив ҳужжатлар талабларининг бажарилиши юзасидан давлат назоратини амалга ошириш;

ўзига юкланган бошқа вазифаларни самарали бажариш;

қонунчиликка мувофиқ давлат назорати бўйича тадбирларни ўтказишда ўзининг хизмат мажбуриятларини тегишли равишда бажариш.

4-боб. Инспекция фаолиятини ташкил этиш

20. Инспекцияга Ўзбекистон Республикаси Президенти билан келишилган ҳолда, Вазирлар Маҳкамаси томонидан лавозимга тайинланадиган ва лавозимидан озод қилинадиган бошлиқ раҳбарлик қилади. Инспекция бошлиғи бевосита Агентлик директорига бўйсунади.

Инспекция бошлиғи бир вақтнинг ўзида лавозими бўйича техник жиҳатдан тартибга солиш, стандартлаштириш, сертификатлаштириш ва метрология қоидаларига риоя этилишини назорат қилиш бўйича Ўзбекистон Республикаси Бош давлат инспекторининг ўринбосари ҳисобланади.

Инспекция бошлиғи Агентлик директори томонидан лавозимга тайинланадиган ва лавозимдан озод этиладиган ўринбосарга эга.

21. Инспекция бошлиғи:

Инспекция фаолиятига яккабошчилик асосида умумий раҳбарлик қилади ва Инспекцияга юкланган вазифа ва функцияларни бажариш учун шахсан жавобгардир;

ўз ваколати доирасида Инспекция ходимларига бажарилиши мажбурий бўлган буйруқлар чиқаради, кўрсатмалар беради;

ўрнатилган тартибда Инспекция ходимларини лавозимга тайинлайди ва лавозимдан озод этади;

Инспекциянинг молиявий-хўжалик фаолиятини режалаштиради ва ташкил этади;

Инспекция ходимларига нисбатан рағбатлантириш ва интизомий жавобгарликка тортиш тўғрисидаги масалаларни ҳал этади, алоҳида ўзини кўрсатган ходимларни фахрий унвон ва давлат мукофотлари билан тақдирлашга ва моддий рағбатлантиришга тақдим қилади.

22. Инспекция бошлиғи қонунчиликка мувофиқ бошқа ваколатларни ҳам амалга оширади.

5-боб. Инспекциянинг бошқа органлар билан ўзаро ҳамкорлиги

23. Инспекция ўзининг фаолиятида унга юкланган функция ва мажбуриятларни бажариш учун тадбиркорлик субъектларида давлат назоратини ўтказишни режалаштиришда, юқори турувчи ташкилотларга материаллар ва маълумотларни тайёрлашда ҳамда умумлаштиришда Ўзбекистон Республикаси Бош прокуратураси билан ҳамкорлик қилади.

24. Инспекциянинг давлат инспекторлари вужудга келган зарур ҳолатларда, техник жиҳатдан тартибга солиш соҳасида маҳсулотлар сифати ва хавфсизлигининг, ўлчашларнинг ягона бирликда бўлишини таъминлаш, сертификатлаштириш қоидаларини таъминлашда амалий ёрдам кўрсатиш учун текширувлар ўтказишда давлат ва ҳуқуқ-тартибот органлари томонидан жалб этилишлари мумкин.

25. Инспекциянинг давлат инспекторлари давлат бошқаруви органларининг қарорлари бўйича лицензиатлар томонидан лицензия талаблари ва шартларига амал қилиш юзасидан текширувларни ўтказиш учун жалб қилиниши мумкин.

26. Агар қонунчиликда шикоят қилишнинг бошқа тартиби ўрнатилмаган бўлса, юқори турувчи мансабдор шахсга давлат инспекторларининг хатти-ҳаракатлари бўйича ўн кун муддатда шикоят қилиш мумкин.

27. Шикоят бериш шикоят қилинаётган қарор бажарилишини тўхтатмайди.

28. Давлат инспекторлари хатти-ҳаракатлари бўйича шикоят кечиктирмасдан, лекин шикоят келиб тушган кундан бошлаб кечи билан ўн беш кун муддатда, қўшимча ўрганишларни ва текширишларни талаб этадиган шикоятлар эса бир ойгача бўлган муддатда кўриб чиқилади.

29. Ташкилотлар раҳбарлари давлат инспекторларига юкланган вазифаларни бажаришлари учун керакли шароитларни яратиб беришга мажбурдирлар (белгиланган тартибда хизмат бинолари, алоқа воситалари, транспорт билан таъминлаш ва бошқалар).

6-боб. Инспекция фаолиятини молиялаштириш манбалари ва ходимларни моддий рағбатлантириш

30. Қуйидагилар Инспекция фаолиятини молиялаштириш манбалари ҳисобланади:

Ўзбекистон Республикаси Давлат бюджети маблағлари, бюджетдан ташқари жамғармалар, халқаро ва чет эл ҳукуматлари, халқаро молия ташкилотлари, молия институтлари ва бошқа донорларнинг грантлари ва кредитлари (қарзлар);

Ўзбекистон Республикаси резиденти ва норезидентлари бўлган жисмоний ва юридик шахсларнинг ҳомийлик хайриялари;

шартнома асосида кўрсатилган хизматлардан олинган даромадлар;

техник жиҳатдан тартибга солиш, стандартлаштириш, сертификатлаштириш ва метрология соҳаларида қонунчилик ҳужжатларининг мажбурий талаблари бузилишида қўлланилган маъмурий ва иқтисодий санкциялар бўйича тушадиган ажратмалар;

Ўзбекистон Республикаси қонунчилик ҳужжатларида тақиқланмаган бошқа манбалар.

31. Инспекция ходимларининг меҳнатига ҳақ тўлаш фонди лавозим маоши, узоқ муддат узлуксиз хизмати учун устама ҳақлар, мукофотлар, қўшимча ҳақлар ва устамалар, рағбатлантириш тўловларидан, шунингдек, қонунчилик ҳужжатларида назарда тутилган бошқа тўловлардан иборат ва қонунчилик ҳужжатларида белгиланган тартибда тўланади.

Инспекция ходимлари учун татбиқ этилган меҳнатига ҳақ тўлаш разрядларига асосан ходимларининг лавозим маошини аниқлашда, тариф коэффициентлари 1,8 баравар оширилган миқдорда қўлланилади ҳамда амалдаги узоқ йиллик хизмати учун устама миқдорлари сақланиб қолинади. Бунда Инспекция ходимларига моддий рағбатлантириш ва қонунчиликда назарда тутилган бошқа тўловлар Агентлик директори томонидан тасдиқланган низомлар асосида тўланади.

32. Инспекция ходимларига қуйидагилар ҳисобидан:

а) Ўзбекистон Республикаси Давлат бюджети маблағларидан:

узоқ муддат хизмат қилгани учун ҳар ойда қуйидаги миқдорда устама ҳақлар (рағбатлантириш коэффициентини ҳисобга олган ҳолда, лавозим маошига нисбатан коэффициент ҳисобида):

1 йилдан 3 йилгача — 0,3;

3 йилдан 5 йилгача — 0,6;

5 йилдан 10 йилгача — 0,8;

10 йилдан 15 йилгача — 1,0;

15 йилдан 20 йилгача — 1,2;

20 йилдан ортиқ — 1,5.

Узоқ йиллик хизмати учун устама ҳақ олиш ҳуқуқини берувчи иш стажи Техник жиҳатдан тартибга солиш агентлиги томонидан тасдиқланадиган тартибга мувофиқ ҳисоблаб чиқилади;

қонунчилик ҳужжатларида кўзда тутилган бошқа мукофотлар, тўловлар ва устамалар;

б) қуйидагилар Инспекциянинг Бюджет ташкилотини ривожлантириш жамғармаси маблағлари ҳисобидан амалга оширилади:

ўзининг хизмат мажбуриятларини бажарган Инспекциянинг ташаббускор ходимларига ҳар ойда меҳнатга ҳақ тўлаш фондининг икки баравари миқдоригача қўшимча ҳақ тўлаш, мукофотлаш ва бошқа рағбатлантириш тусидаги ҳамда компенсация тўловлари;

стандартлаштириш, мувофиқликни баҳолаш, аккредитация ва метрология соҳасида фаолият юритувчи ходимларга ойлик иш ҳақи тўланишида, тегишли йўналиш бўйича халқаро ва хорижий ташкилотларнинг билим даражасини тасдиқловчи сертификатига эга бўлганда, унинг амал қилиши даврида, бироқ икки йилдан кўп бўлмаган муддат давомида ойлик маошига нисбатан 20 фоиз, эксперт сифатида рўйхатга олинганда ойлик маошига нисбатан 40 фоиз миқдорида қўшимча устама ҳақ тўланади.

7-боб. Якунловчи қоидалар

33. Инспекциянинг буйруқлари, кўрсатмалари, тақдимномалари ва бошқа ҳужжатларини бажармаслик, шунингдек, Инспекциянинг фаолиятига аралашиш ва унинг ходимларига қонуний юкланган вазифа ва функцияларни амалга оширишда тўсқинлик қилиш мақсадида ҳар қандай шаклда таъсир этиш тақиқланади ва қонунчиликда белгиланган тартибда жавобгарликка тортишга сабаб бўлиши мумкин.

34. Инспекция қонунчиликда белгиланган тартибда қайта ташкил этилади ва тугатилади.

Республика ҳудудига олиб келинадиган маҳсулотларнинг сифатини баҳолашнинг «Хавфни таҳлил этиш»

Босқичлар Субъектлар Тадбирлар Муддат 1-босқич Техник жиҳатдан тартибга солиш соҳасида назорат инспекцияси (кейинги ўринларда — Инспекция) Маҳсулотларни «хавфни таҳлил этиш» тизимидан ўтказади: маҳсулотлар сифати юзасидан жисмоний ва юридик шахсларнинг ариза, шикоят ва таклифларини ўрганади; ижтимоий тармоқларда маҳсулотларни сифати бўйича тушаётган эътирозларни ўрганади; Ўзбекистон Республикасига олиб кирилган маҳсулотлар (товарлар) миқдори, олиб кирувчи (импорт қилувчи), ишлаб чиқарувчи тўғрисидаги маълумотларни божхона электрон дастуридан олади; «Single Window» электрон тизими орқали маҳсулотларни (товарларни) сертификатлаштириш, санитария хулосалари ва синов баённомалари тўғрисидаги маълумотларни олади ва таҳлил қилади; Европа Иттифоқи (ЕИ) ва Евроосиё иқтисодий иттифоқи (ЕОИИ)нинг хавфли маҳсулотлар ҳақида тезкор хабар бериш ахборот тизимларига киритилган маҳсулотлар тўғрисидаги маълумотларини олади ва таҳлил қилади; таҳлил жараёнида маҳсулотларга (товарларга) тегишли техник жиҳатдан тартибга солиш соҳасидаги норматив ҳужжатларнинг мавжудлигини аниқлайди; савдо расталаридаги маҳсулотларнинг (товарларнинг) техник жиҳатдан тартибга солиш соҳасидаги норматив ҳужжатлар талабларига мувофиқлигини ташқи кўриниши, қадоқланиши ва ёрлиқланиши жиҳатидан ўрганади. Уч иш кунида 2-босқич Давлат инспектори Таҳлил натижасида техник жиҳатдан тартибга солиш, стандартлаштириш ва мувофиқликни баҳолаш соҳасидаги қонунчилик талабларига кўра номувофиқ деб топилган маҳсулотлар (товарлар) тўғрисидаги маълумотларни расмийлаштиради ҳамда кўриб чиқиш учун Инспекцияга тақдим этилади. Бир иш кунида 3-босқич Инспекция Давлат инспектори томонидан тақдим этилган маълумотномалар ва ҳужжатлар комиссия иштирокида кўриб чиқилиб, назорат хариди ўтказиш ҳамда масъул ижрочини тайинлаш тўғрисида қарор қабул қилади. Икки иш кунида 4-босқич Инспекция Масъул ижрочи назорат харидини Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекцияси тўғрисидаги низомда келтирилган тартибга асосан амалга оширади. Тартибда белгиланган муддатларда 5-босқич Инспекция Ўрганиш ва синовлар натижаларига асосан назорат харидида олинган маҳсулот номувофиқ деб топилса, олиб кирувчини огоҳлантиради; истеъмолчиларни хабардор қилиш мақсадида номувофиқ маҳсулотлар тўғрисида ахборотларни оммавий ахборот воситалари ва ижтимоий тармоқларда ёритади; маҳсулотни номувофиқ деб топилган маҳсулотлар реестрига киритади; маҳсулотни олиб киришга тақиқ қўйиш бўйича дастурга киритади. Уч иш кунида 6-босқич Инспекция Номувофиқ деб топилган маҳсулотни савдодан чиқаради; камчиликларни бартараф этмаган, савдодан чиқаришдан бош тортган масъулларга нисбатан молиявий ва маъмурий чоралар кўради. Ўн иш кунида

Чакана савдо объектларида маҳаллий ва импорт маҳсулотларнинг (товарларнинг) назорат харидини ташкил этиш ва уларни синовдан ўтказиш тартиби

Босқичлар Субъектлар Тадбирлар Муддат 1-босқич Техник жиҳатдан тартибга солиш соҳасида давлат назорати инспекцияси (кейинги ўринларда — инспекция) Назорат харидини ижтимоий тармоқлар орқали ва тўғридан-тўғри юридик ва жисмоний шахслар мурожаатлари, давлат назорати натижалари, қонунчилик ҳужжатларида белгиланган асосларга кўра ҳамда Инспекциянинг «Хавфни таҳлил этиш» тизимига асосан амалга оширади. Доимий 2-босқич Инспекция Назорат хариди амалга оширилиши тўғрисидаги ахборотни расмий веб-сайтда жойлаштиради. Тадбирдан бир кун олдин 3-босқич Инспекция Назорат харидини амалга оширишда фойдаланиш учун мақсадли корпоратив банк картасини очади, Инспекциянинг «Бюджет ташкилотини ривожлантириш жамғармаси» ҳисобидан зарур миқдорда маблағ ўтказади. Доимий 4-босқич Инспекция Зарур ҳолларда, назорат харидини ҳамкорликда амалга ошириш учун давлат органлари ва фуқаролик жамияти институтлари (Санитария-эпидемиологик осойишталик ва жамоат саломатлиги қўмитаси, Рақобатни ривожлантириш ва истеъмолчилар ҳуқуқларини ҳимоя қилиш қўмитаси, оммавий ахборот воситалари вакиллари, сертификатлаштириш органлари) вакилларини жалб қилади. Тадбир ўтказилишидан уч кун аввал 5-босқич Инспекция Инспектор томонидан тақдим этилган маълумотнома ва ҳужжатларни Инспекциянинг ишчи комиссияси иштирокида кўриб чиқиб, назорат харидини амалга ошириш ҳамда масъул ижрочини тайинлаш тўғрисида қарор қабул қилади. Бир кун муддатда 6-босқич Инспекция бошлиғи Назорат харидини амалга ошириш тўғрисида буйруқ чиқаради. Бир кун муддатда 7-босқич Инспекция Назорат харидини амалга ошириш учун маблағ ажратади. Бир кун муддатда 8-босқич Инспекциянинг масъул ходими Комиссия қарорида кўрсатилган хўжалик юритувчи субъектдан (жойига чиққан ҳолда) маҳсулотни (товарни) касса ва (ёки) товар чеки билан сотиб олади (бунда зарур ҳолларда фото ва видеотасвирга олиш воситаларидан фойдаланилади). Буйруқда кўрсатилган санада 9-босқич Давлат инспектори Маҳсулот (товар) намунасини танлаб олиш далолатномаси ва назорат харидини амалга ошириш тўғрисида маълумотнома расмийлаштиради (маҳсулотни идентификация қилинади ва синов дастури ишлаб чиқилади). Назорат хариди ўтказилган кунда 10-босқич Давлат инспектори Назорат хариди давомида олинган маҳсулот (товар)нинг намуналарини тамғалаган ва рақамланган ҳолда синов лабораториясига топширади. Бир иш кунида 11-босқич Синов лабораториялари Техник жиҳатдан тартибга солиш соҳасидаги норматив ҳужжатларда белгиланган талабларга асосан синов ўтказади. Синов услубларида белгиланган муддатларда 12-босқич Давлат инспектори Синов натижаларини таҳлил қилади, маълумотларни инспекцияга киритади. Синов лабораторияси хулосаси олинган кун 13-босқич Давлат инспектори Номувофиқ маҳсулот аниқланганда, маҳсулотни савдодан чиқариш бўйича тақдимнома киритади. Белгиланган тартибда ишлаб чиқарувчи, сотувчи ёки импорт қилувчи субъектларда давлат назорати ўтказади, камчиликларга йўл қўйган мансабдор шахслар, субъектга нисбатан молиявий ҳамда маъмурий чоралар кўради. Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан келишилган муддатларда

Мувофиқлик сертификатини тўхтатиб туриш ва бекор қилиш мезонлари ва тартиби

Босқичлар Субъектлар Тадбирлар Муддат 1-босқич Техник жиҳатдан тартибга солиш соҳасида назорат инспекцияси (кейинги ўринларда — инспекция) Мувофиқлик сертификатларини 10 кун муддатга тўхтатиб туриш мезонлари: техник жиҳатдан тартибга солиш соҳасидаги норматив ҳужжатлар талабларига номувофиқ маҳсулотни ишлаб чиқариш ва реализация қилиш ҳолатлари тасдиқланганда; маҳсулотнинг сифати юзасидан жисмоний ва юридик шахслар мурожаатларида кўрсатилган ҳолатлар тасдиқланганда; маҳсулотнинг сифати юзасидан ваколатли идоралар маълумотлари тасдиқланганда. Мувофиқлик сертификатини бекор қилиш мезонлари: ноқонуний ишлаб чиқариш аниқланганда; интеллектуал мулк ҳуқуқлари бузилганлиги аниқланганда; электрон тизим орқали маҳсулот (товар)ларни сертификатлаштириш ҳужжатларини ўрганиш натижасида синовлар тўлиқ амалга оширилмагани тасдиқланганда. - 2-босқич Давлат инспектори Мувофиқлик сертификатларини тўхтатиб туриш ва бекор қилиш мезонлари аниқланганда тегишли маълумотларни кўриб чиқиш учун инспекция раҳбариятига тақдим этади. Икки иш кунида 3-босқич Инспекция Мувофиқлик сертификатларини тўхтатиб туриш бўйича т ақдим этилган маълумотлар кўриб чиқилиб, мувофиқлик сертификатини амал қилишини 10 кун муддатга тўхтатиб туриш ёки тўхтатиб туришни рад этиш юзасидан қарор қабул қилади. Тўхтатиб туриш ахборот тизими орқали амалга оширилади. Икки иш кунида 4-босқич Инспекция Мувофиқлик сертификатларини 10 кун муддатга тўхтатиб туриш мезонлари тадбиркорлик субъекти томонидан бартараф этилганлиги тўғрисидаги ҳужжатлар тақдим қилинганда, сертификатлаштириш ахборот тизими орқали қайта муддатини тиклаш юзасидан қарор қабул қилади. Икки иш кунида 5-босқич Инспекция Мувофиқлик сертификатини бекор қилиш мезонлари бўйича тақдим этилган маълумотлар кўриб чиқилиб, мувофиқлик сертификатини бекор қилиш тўғрисидаги ариза билан судга мурожаат қилади. Икки иш кунида

Сертификатлаштириш органининг сертификатлаштириш фаолиятини тўхтатиб туришнинг мезонлари ва тартиби

Босқичлар Субъектлар Тадбирлар Муддат 1-босқич Техник жиҳатдан тартибга солиш соҳасида назорат инспекцияси (кейинги ўринларда — инспекция) Сертификатлаштириш органининг сертификатлаштириш фаолиятини 10 кун муддатга тўхтатиб туриш мезонлари: маҳсулотларни сертификатлаштиришда сертификатлаштириш қоидалари бузилганлиги аниқланганда; сертификатлаштиришда маҳсулот синовлари техник жиҳатдан тартибга солиш соҳасидаги норматив хужжатлар талаблари асосида тўлиқ ўтказилмаслик ҳолатлари аниқланиб тасдиқланганда; Сертификатлаштириш органининг сертификатлаштириш фаолиятини бир ой муддатга тўхтатиб туриш мезонлари: амалда бўлмаган техник регламент ва стандартлар асосида мувофиқлигини баҳолаш ҳолати аниқланганда; д авлат назорати натижасида қонун бузилиш ҳолатларига йўл қўйилганлиги тасдиқланганда; вақт меъёрларига риоя қилинмагани аниқланганда; маҳсулотлардан намуна олмасдан мувофиқлик сертификати расмийлаштириш ҳолатлари аниқланганда. - 2-босқич Давлат инспектори Сертификатлаштириш органининг сертификатлаштириш фаолиятини тўхтатиб туриш ва бекор қилиш мезонларига асосан аниқланган ҳолатлар юзасидан маълумотлар ва далолатнома ҳужжатларини расмийлаштиради ҳамда кўриб чиқиш учун инспекция раҳбариятига тақдим этади. Икки иш кунида 3-босқич Инспекция Сертификатлаштириш органининг сертификатлаштириш фаолиятини тўхтатиб туриш бўйича тақдим этилган маълумотлар ва далолатнома ҳужжатларини кўриб чиқиб, сертификатлаштириш органининг сертификатлаштириш фаолиятини 10 кун муддатга тўхтатиб туриш ёки тўхтатиб туришни рад этиш тўғрисида қарор қабул қилади. Тўхтатиб туриш ахборот тизими орқали амалга оширилади. Уч иш кунида 4-босқич Инспекция Сертификатлаштириш органининг сертификатлаштириш фаолиятини 10 кун муддатга тўхтатиб туриш мезонлари бартараф этилганлиги тўғрисидаги ҳужжатлар тақдим қилинганда, ахборот тизими орқали сертификатлаштириш органининг сертификатлаштириш фаолиятини қайта тиклаш юзасидан қарор қабул қилинади. Икки иш кунида 5-босқич Инспекция Сертификатлаштириш органининг сертификатлаштириш фаолиятини бир ой муддатга тўхтатиб туриш мезонлари бўйича тақдим этилган маълумотларни кўриб чиқиб, сертификатлаштириш органининг сертификатлаштириш фаолиятини бир ой муддатга тўхтатиб туриш тўғрисидаги ариза билан судга мурожаат қилади. Уч иш кунида

Вазирлар Маҳкамасининг 2024 йил 1 июлдаги 370-сон қарорига 3-ИЛОВА

Вазирлар Маҳкамасининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар ва қўшимчалар киритиш тўғрисида» 1994 йил 12 августдаги 410-сон қарорида :

а) 1-бандда :

«б» кичик банднинг биринчи хатбошисидаги «Ўзбекистон Республикаси Молия вазирлиги Ўзбекистон техник жиҳатдан тартибга солиш агентлиги, Қурилиш вазирлиги, Экология ва атроф-муҳитни муҳофаза қилиш давлат қўмитаси» сўзлари «Ўзбекистон Республикаси Иқтисодиёт ва молия вазирлиги Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги, Қурилиш ва уй-жой коммунал хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги» сўзлари билан алмаштирилсин;

«г» кичик банднинг иккинчи хатбошисидаги «агентлигининг Техник жиҳатдан тартибга солиш, стандартлаштириш, сертификатлаштириш ва метрология соҳасидаги давлат назорати департаменти» сўзлари «агентлиги ҳузуридаги Техник жиҳатдан тартибга солиш соҳасида назорат инспекцияси» сўзлари билан алмаштирилсин;

б) 4-бандда «стандартлар ва ўлчов» сўзлари «техник жиҳатдан тартибга солиш соҳасидаги норматив ҳужжатлар ижроси ва ўлчаш» сўзлари билан алмаштирилсин.

в) иловада :

номидаги «стандартлар ва ўлчов» сўзлари «техник жиҳатдан тартибга солиш соҳасидаги норматив ҳужжатлар ижроси ва ўлчаш» сўзлари билан алмаштирилсин;

1-банднинг биринчи хатбошиси қуйидаги таҳрирда баён этилсин:

«1. Хўжалик юритувчи субъектлар томонидан стандартларнинг мажбурий талабларига, стандартлаштириш бўйича бошқа қонунчилик ҳужжатларига риоя этилиши устидан давлат назоратини Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги (кейинги ўринларда — Техник тартибга солиш агентлиги), Қурилиш ва уй-жой коммунал хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Соғлиқни сақлаш вазирлиги ва уларнинг ҳудудий органлари, шунингдек, бошқа давлат органлари ўз ваколатлари доирасида амалга оширадилар»;

2-бандда :

биринчи хатбоши қуйидаги таҳрирда баён этилсин:

«2. Республика ижро этувчи ҳокимият органлари, хўжалик бирлашмалари, давлат корхоналари ва бошқа ташкилотлар (бундан кейин матнда корхоналар дейилади), шунингдек, якка тартибдаги тадбиркорлар томонидан стандартлар ва метрологик қоидаларнинг, ўлчаш бирлигининг ўз вақтида жорий этилишини ҳамда уларга қатъий риоя қилинишини таъминлаш, шунингдек, стандартлар ва ўлчаш воситаларининг илмий-техник даражаларини таҳлил қилишдан ҳамда уларни ишлаб чиқишда ишлаб чиқариш самарадорлигини ошириш, илмий-техника тараққиётини жадаллаштириш, меҳнат унумдорлигини ошириш, маҳсулотнинг техник даражасини ва сифатини ошириш мақсадида фан ҳамда техника ютуқларидан янада самаралироқ фойдаланишга кўмаклашиш Ўзбекистон Республикасида стандартлар ва ўлчаш воситалари устидан давлат назоратининг бош вазифаси ҳисобланади.»

учинчи хатбошидаги «хизматлар ва, шунингдек» сўзлари «хизматлар, шунингдек» сўзлари билан алмаштирилсин;

тўртинчи хатбоши қуйидаги таҳрирда баён этилсин:

«Эталонлар, ўлчаш воситалари, модда ва материалларнинг таркиби ҳамда хоссаларининг стандарт намуналари, ахборот-ўлчаш тизимлари, ўлчашларни бажариш услубиётлари, ўрамларга қадоқланган товарларнинг уларни майдалаб қадоқлаш ҳамда сотиш чоғидаги миқдори ҳамда метрология нормалари ва қоидаларида назарда тутилган бошқа объектлар метрология текшируви ҳамда давлат метрология назорати объектлари ҳисобланади»;

олтинчи хатбошидаги «мажбурий» сўзи чиқариб ташлансин;

ўнинчи — ўн учинчи хатбошилар қуйидаги таҳрирда баён этилсин:

«Ўзбекистон техник жиҳатдан тартибга солиш агентлиги директори, унинг биринчи ўринбосари ва Техник тартибга солиш агентлигининг Техник жиҳатдан тартибга солиш соҳасида назорат инспекцияси бошлиғи бир вақтнинг ўзида мос равишда Техник жиҳатдан тартибга солиш, стандартлаштириш, мувофиқликни баҳолаш ҳамда метрология соҳасидаги қонунчилик талабларига риоя этилишини таъминлаш бўйича Ўзбекистон Республикаси Бош давлат инспектори ва унинг ўринбосарлари ҳисобланади.

Қурилиш ва уй-жой коммунал хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Соғлиқни сақлаш вазирлиги раҳбарияти лавозимларига кўра айни вақтда Ўзбекистон Республикасининг стандартлар ва ўлчаш воситалари устидан назорат олиб борувчи бош давлат инспекторлари, уларнинг ўринбосарлари эса Ўзбекистон Республикасининг стандартлар ва ўлчаш воситалари устидан назорат олиб борувчи бош давлат инспекторларининг ўринбосарлари ҳисобланадилар.

Қурилиш ва уй-жой коммунал хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Соғлиқни сақлаш вазирлигининг Қорақалпоғистон Республикасидаги ва шаҳарлардаги ҳудудий органлари раҳбарлари лавозимларига кўра айни бир вақтда тегишли равишда Қорақалпоғистон Республикасида, вилоятлар ва Тошкент шаҳрида стандартлар ва ўлчаш воситалари устидан назорат қилиш бўйича бош давлат инспекторлари, уларнинг ўринбосарлари эса — тегишли ҳудудий бош инспекторларнинг ўринбосарлари ҳисобланади.

Стандартлар ва ўлчаш воситалари устидан давлат назоратини амалга ошириш вазифаси топширилган бўлим бошлиқлари, уларнинг ўринбосарлари, бош мутахассислар, мансабдор шахслар лавозимлари бўйича бир вақтнинг ўзида стандартлар ва ўлчаш воситалари устидан назоратни амалга оширувчи давлат инспекторлари ҳисобланадилар.»;

ўн тўртинчи ва ўн бешинчи хатбошилардаги «ўлчов» сўзи «ўлчаш» сўзи билан алмаштирилсин;

ўн саккизинчи хатбошидаги «Қурилиш вазирлиги» сўзлари «Қурилиш ва уй-жой коммунал хўжалиги вазирлиги» сўзлари билан алмаштирилсин;

ўн тўққизинчи хатбошидаги «Давлат табиатни муҳофаза қилиш қўмитаси» сўзлари «Экология, атроф-муҳитни муҳофаза қилиш ва иқлим ўзгариши вазирлиги» сўзлари билан алмаштирилсин;

3-бандда :

биринчи хатбошидаги «ўлчов» сўзи «ўлчаш» сўзи билан алмаштирилсин;

«б» кичик банд қуйидаги таҳрирда баён этилсин:

«б) белгиланган катталиклар бирликларининг тўғри қўлланилишини, ўлчаш воситаларининг ҳолатини, уларни тайёрлаш, сақлаш, таъмирлаш, текшириш ва қўллаш шароитларини, ўз вақтида эскирган ўлчаш воситаларини ишлаб чиқаришдан олиб ташлаш ва янгисига алмаштиришни текширадилар»;

« з », « о » ва «р» кичик бандлардаги «ўлчов» сўзи «ўлчаш» сўзи билан алмаштирилсин;

«л» кичик банддаги «ўлчовларни бажариш услубларининг» сўзлари «ўлчашларни бажариш услубиётларининг» сўзлари билан алмаштирилсин;

«н» кичик банд ўз кучини йўқотган деб ҳисоблансин;

4-бандда :

иккинчи ва учинчи хатбошилар қуйидаги таҳрирда баён этилсин:

«маҳсулотни ишлаб чиқариш, ишлаб чиқаришга тайёрлаш, реализация қилиш (етказиб бериш, сотиш), ундан фойдаланиш (уни ишлатиш), уни сақлаш, транспортда ташиш ва утилизация қилиш босқичларида стандартлар мажбурий талабларининг аниқланган бузилишларини бартараф этиш тўғрисида кўрсатмалар бериш;

хўжалик фаолияти субъекти текширишдан бўйин товлаган тақдирда, маҳсулотни реализация қилишни тақиқлаш»;

қуйидаги мазмундаги тўртинчи — еттинчи хатбошилар билан тўлдирилсин:

«хўжалик фаолияти субъектининг хизмат ва ишлаб чиқариш биноларига белгиланган тартибда кириш;

давлат назоратини ўтказиш учун зарур бўлган ҳужжатларни ва маълумотларни хўжалик фаолияти субъектидан олиш;

давлат назоратини ўтказишда хўжалик фаолияти субъектининг техника воситаларидан фойдаланиш ва мутахассисларини жалб этиш;

маҳсулот намуналарини ва нусхаларини уларнинг стандартларнинг мажбурий талабларига мувофиқлигини назорат қилиш учун олишни стандартлаштиришга доир норматив ҳужжатларга мувофиқ амалга ошириш, бунда сарфланган намуналарнинг қиймати ҳамда синашни (таҳлилларни, ўлчашни) ўтказиш харажатлари текширилаётган хўжалик фаолияти субъектларининг ишлаб чиқариш чиқимлари жумласига киритилади;

тўртинчи — еттинчи хатбошилар тегишли равишда саккизинчи — ўн биринчи хатбошилар деб ҳисоблансин;

саккизинчи хатбоши қуйидаги таҳрирда баён этилсин:

«техник жиҳатдан тартибга солиш, стандартлаштириш, мувофиқликни баҳолаш ҳамда метрология соҳасидаги қонунчилик талабларига риоя этилишини таъминлаш бўйича Ўзбекистон Республикаси Бош давлат инспектори ва унинг ўринбосарлари ушбу банднинг биринчи — еттинчи хатбошиларида кўрсатилган ҳуқуқлардан ташқари қуйидаги мутлақ ҳуқуқларга эга»;

ўн тўртинчи хатбошидаги «ўлчов» сўзи «ўлчаш» сўзи билан алмаштирилсин;

қуйидаги мазмундаги ўн бешинчи — ўн саккизинчи хатбошилар билан тўлдирилсин:

«стандартларнинг мажбурий талабларини бузганликда айбдор бўлган хўжалик фаолияти субъектларининг мансабдор шахсларига ва якка тартибдаги тадбиркорларга нисбатан маъмурий жазо чораларини қўллаш;

стандартларнинг мажбурий талабларини бузганликда айбдор бўлган юридик шахсларга жарима солиш тўғрисида қарор қабул қилиш ва мазкур юридик шахслар томонидан жарима бир ой муддатда ихтиёрий равишда тўланмаган тақдирда, жаримани ундириш ҳақида судга мурожаат қилиш;

текширилган маҳсулот стандартларнинг мажбурий талабларига мувофиқ бўлмаган ҳолларда, уни ишлаб чиқаришни тақиқлаш ёки реализация қилишни (етказиб беришни, сотишни), ундан фойдаланишни (уни ишлатишни) тўхтатиб туриш тўғрисида кўрсатмалар бериш;

стандартлар талабларига мувофиқ бўлмаган ва давлат рўйхатидан ўтказилмаган импорт маҳсулотни сотишни тақиқлаш;

ўн бешинчи хатбоши ўн тўққизинчи хатбоши деб ҳисоблансин;

5-бандда :

биринчи ва иккинчи хатбошилар қуйидаги таҳрирда баён этилсин:

«5. Стандартлар ва ўлчаш воситалари устидан давлат назорати органлари амалдаги қонунчиликка риоя қилинишини назорат қилишга ва уларга берилган ҳуқуқлардан фойдаланишда ва юкланган функцияларни амалга оширишда, стандартларга ва метрология қоидаларига риоя қилиш ва ўлчашларнинг ягона бирликда бўлишини таъминлаш билан боғлиқ масалаларда идоравий манфаатларнинг ҳар қандай кўринишлари олдини олишга даъват этилгандир.

Давлат инспекторлари қонунчилик билан ўз зиммасига юкланган мажбуриятларни бажармаганлиги ёки лозим даражада бажармаганлиги, давлат ёки тижорат сирини ошкор этганликлари учун белгиланган тартибда жавобгар бўлади»;

8-банд қуйидаги таҳрирда баён этилсин:

«8. Стандарт ва ўлчаш воситалари устидан назорат органлари ўз ишини бошқа давлат органлари ва жамоат ташкилотлари билан ҳамкорликда амалга оширади, бунда Савдо-саноат палатаси тадбиркорлик фаолияти субъектларини текширишда қонунчиликда белгиланган тартибда иштирок этади»;

қуйидаги мазмундаги 10-банд билан тўлдирилсин:

«10. Стандартларнинг мажбурий талаблари бузилганлиги учун жарима суммасининг эллик фоизи Ўзбекистон техник жиҳатдан тартибга солиш агентлигининг бюджетдан ташқари жамғармасига, қолган қисми эса Ўзбекистон Республикасининг Давлат бюджетига йўналтирилади».

3. Вазирлар Маҳкамасининг «Ўзстандарт» агентлиги ҳузуридаги стандартлаштириш, сертификатлаштириш ва техник жиҳатдан тартибга солиш илмий-тадқиқот институти фаолиятини ташкил этиш тўғрисида» 2019 йил 14 мартдаги 220-сон қарорида :

а) номи қуйидаги таҳрирда баён қилинсин:

«Ўзбекистон техник жиҳатдан тартибга солиш агентлигининг Ўзбекистон стандартлар институти фаолиятини ташкил этиш тўғрисида»;

б) муқаддимадаги «Ўзстандарт» агентлиги ҳузуридаги Стандартлаштириш, сертификатлаштириш ва техник жиҳатдан тартибга солиш илмий-тадқиқот институти» сўзлари «Ўзбекистон техник жиҳатдан тартибга солиш агентлигининг Ўзбекистон стандартлар институти» сўзлари билан алмаштирилсин;

в) 1-банднинг биринчи хатбошиси «институти» сўзидан кейин «(кейинги ўринларда — Институт )» сўзлари билан тўлдирилсин;

г) 1-банднинг учинчи хатбошиси ҳамда қарорга 2-илова ўз кучини йўқотган деб ҳисоблансин;

д) 2-банд қуйидаги мазмундаги иккинчи хатбоши билан тўлдирилсин:

«Институтнинг давлат бюджети маблағлари ҳисобидан молиялаштириладиган бошқарув ходимларининг сони 10 нафар этиб, хўжалик фаолиятидан молиялаштириладиган ходимлар сони эса ўрнатилган тартибда белгилансин»;

ж) 3-иловада :

5-банд , 6-банднинг биринчи хатбошиси ва 7-банддаги «давлат стандартлари» сўзлари «миллий стандартлари» сўзлари билан алмаштирилсин;

8 ва 10-бандлардаги «давлат стандарти» сўзлари «миллий стандарт» сўзлари билан алмаштирилсин;

11-бандда :

биринчи хатбошидаги «давлат стандартини» сўзлари «миллий стандартни» сўзлари билан алмаштирилсин;

иккинчи хатбоши қуйидаги таҳрирда баён қилинсин:

«Масалан: Oʻz MSt ISO 5524:2017 (ISO 5524:1991, IDT)»;

12-бандда :

биринчи ва тўртинчи хатбошилардаги «давлат» сўзи «миллий» сўзи билан алмаштирилсин;

бешинчи хатбоши қуйидаги таҳрирда баён этилсин:

«қўлланиладиган халқаро стандарт матнида айнан ўхшаш ёки модификацияланган миллий стандартлари сифатида қабул қилинган бошқа халқаро стандартларга ҳаволалар бўлса — ўзгартирилган стандарт лойиҳасини тайёрлашда халқаро стандартларга ҳаволалар ўрнига улар билан уйғунлаштирилган миллий стандартларига ҳаволалардан фойдаланади.»

олтинчи хатбошидаги «давлат стандартига» сўзлари «миллий стандартга» сўзлари билан алмаштирилсин;

13-бандда :

биринчи хатбошидаги «давлат» сўзи «миллий» сўзи билан алмаштирилсин;

иккинчи хатбоши қуйидаги таҳрирда баён қилинсин:

«Масалан: «Oʻz MSt 3220:2019» (ISO 9227:2012, MOD)»;

14-банднинг биринчи хатбошисидаги «давлат» сўзи «миллий» сўзи билан алмаштирилсин;

15-бандда :

биринчи хатбошидаги «давлат» сўзи «миллий» сўзи билан алмаштирилсин;

иккинчи хатбоши қуйидаги таҳрирда баён қилинсин:

«Масалан: Oʻz MSt 3722:2014 (ISO 3290-1:2008, №EQ)»;

24-банд қуйидаги таҳрирда баён қилинсин:

«24. Институтга стандартларни қабул қилиш бўйича ариза тушгандан сўнг беш кундан ортиқ бўлмаган муддатда ушбу Стандартларни қабул қилган ваколатли органларга уларни қўллаш тўғрисида розилигини олиш учун сўров юборади.

Стандартлаштириш режаларига киритилган халқаро стандартлар жамоатчилик муҳокамасига қўйилмасдан қабул қилинади»;

28-банд қуйидаги таҳрирда баён қилинсин:

«28. Келишиш натижаларига кўра стандартлаштириш бўйича техник қўмиталар беш кун муддатда Институтга ушбу Стандартни республикада қабул қилиш мақсадга мувофиқлиги ёки мувофиқ эмаслиги тўғрисидаги хулосани тақдим этади»;

29-банднинг биринчи ва иккинчи хатбошиларидаги «Ўзбекистон техник жиҳатдан тартибга солиш агентлиги» сўзлари «Институт» сўзлари билан алмаштирилсин;

30-банднинг иккинчи хатбошисидаги «давлат стандарти» сўзлари «миллий стандарт» сўзлари билан алмаштирилсин;

32-банднинг биринчи хатбошисидаги «Ўзбекистон техник жиҳатдан тартибга солиш агентлиги» сўзлари «Институт» сўзлари билан алмаштирилсин;

Низомга иловада :

2-босқичнинг «Субъектлар» устунидаги «Ўзбекистон техник жиҳатдан тартибга солиш агентлиги» сўзлари «Институт» сўзлари билан алмаштирилсин;

3-босқичда:

«Субъектлар» устунидаги «Ўзбекистон техник жиҳатдан тартибга солиш агентлиги» сўзлари «Институт» сўзлари билан алмаштирилсин;

«Тадбирлар» устунидаги «ёки Институтга» сўзлари чиқариб ташлансин;

6-босқичда:

«Субъектлар» устунидан «, Институт» сўзи чиқариб ташлансин;

«Тадбирлар» устунидаги «Ўзбекистон техник жиҳатдан тартибга солиш агентлигига» сўзлари «Институтга» сўзлари билан алмаштирилсин;

7 ва 8-босқичларнинг «Субъектлар» устунидаги «Ўзбекистон техник жиҳатдан тартибга солиш агентлиги» сўзлари «Институт» сўзлари билан алмаштирилсин.

з) 4-иловада :

3-банднинг бешинчи хатбошиси қуйидаги таҳрирда баён қилинсин:

«Ўзбекистон техник жиҳатдан тартибга солиш агентлигининг Ўзбекистон стандартлар институти — Стандартлаштириш бўйича миллий орган томонидан ушбу Низомга 1-иловага мувофиқ шаклда тасдиқланадиган Стандартлаштириш бўйича техник қўмита тўғрисидаги низомга амал қилади»;

4-банд қуйидаги таҳрирда баён қилинсин:

«4. ТҚ фаолиятига умумий раҳбарлик қилиш, унинг фаолиятини мониторинг қилиш ва мувофиқлаштириш, ахборот-техник жиҳатдан қўллаб-қувватлаш ва кузатиб бориш Институт томонидан амалга оширилади»;

21 ва 22-бандлар қуйидаги таҳрирда баён қилинсин:

«21. Институт Стандартлаштириш бўйича тармоқ техник қўмитасини ташкил этиш, унинг фаолиятини тўхтатиб туриш ва тугатиш ҳақида 10 кун муддатда қарор қабул қилади, унда ТҚнинг номи, котибиятни юритиш вазифаси юкланган ташкилот, ТҚ фаолияти соҳаси, ТҚ низоми, унинг таркиби белгиланади.

22. Институт қарор нусхасини бир кун муддатда ТҚ котибиятига юборади ва қарор нусхасини белгиланган тартибда очиқ ахборот тизимига жойлаштиради»;

23-банднинг иккинчи хатбошисидаги «Агентлик» сўзи «Институт» сўзлари билан алмаштирилсин;

26-бандининг еттинчи хатбошиси қуйидаги таҳрирда баён этилсин:

«ТҚ фаолиятининг тўхтатилиши ТҚ йиғилиши баённомасини тақдим этилганда Институтнинг қарори билан расмийлаштирилади»;

37-банднинг олтинчи хатбошисидаги «давлат стандартларини» сўзлари «миллий стандартларни» сўзлари билан алмаштирилсин;

41 ва 50-бандлардаги «Агентлик» сўзи «Институт» сўзлари билан алмаштирилсин;

9-боб номи қуйидаги таҳрирда баён қилинсин:

«9-боб. Стандартлаштириш бўйича техник қўмита томонидан стандарт лойиҳа тўғрисида хулоса тайёрлаш»;

54-банд қуйидаги таҳрирда баён қилинсин:

«54. Стандарт лойиҳалар бўйича овоз бериш учун унда иштирок этувчи ТҚга аъзо ташкилотларнинг доимий ваколатли вакилларининг учдан икки қисмидан кам бўлмаган қисми онлайн ва офлайн шаклда иштирок этиши етарли ҳисобланади.

Муҳокамада иштирокчиларнинг мавжуд масалалар бўйича эътирозлари ва фикрларини инобатга олинган ҳолда, стандарт лойиҳаси учун овоз бериш натижасида ушбу Низомга 4-иловага мувофиқ шаклда овоз бериш бюллетени ва баённома кўринишида муҳокама хулосаси расмийлаштирилади, унда овоз бериш натижалари, овоз беришда келишмовчиликни бартараф этиш бўйича ТҚ ҳаракати ва мавжуд эътирозлар келтирилади.

Хулоса ҳар бир ТҚга аъзо ташкилотларга овоз бериш якунлангач, бир ой муддат мобайнида юборилади»;

57-банднинг иккинчи хатбошисидаги «давлат стандартлари» сўзлари «миллий стандартлар» сўзлари билан алмаштирилсин.

65-банд қуйидаги таҳрирда баён қилинсин:

«65. Стандартлаштириш бўйича техник қўмитанинг фаолияти билан боғлиқ харажатлар уни ташкил этиш тўғрисидаги ташаббус билан чиққан субъектларнинг, шунингдек, стандартларнинг қабул қилинишидан ва қўлланилишидан манфаатдор бўлган бошқа ташкилотларнинг маблағлари ҳисобидан амалга оширилади.

Стандартларни қабул қилишдан ҳамда қўллашдан манфаатдор бўлган давлат органлари ҳамда бошқа ташкилотларнинг бюджетдан ташқари ёки ўз маблағлари ҳисобидан ТҚ аъзоларини лавозим маошларига 50 фоизгача миқдорда қўшимча устамалар берилади»;

Низомга 1-иловада :

«Тасдиқлайман» белгисидаги «Ўзбекистон техник жиҳатдан тартибга солиш агентлиги» сўзлари «Ўзбекистон стандартлар институти» сўзлари билан алмаштирилсин;

3.1-банддаги «Ўзстандарт» агентлигининг буйруғи» сўзлари «Ўзбекистон стандартлар институтининг қарори» сўзлари билан алмаштирилсин.

4. Вазирлар Маҳкамасининг «Ўзбекистон стандартлаштириш, метрология ва сертификатлаштириш агентлигининг фаолиятини янада такомиллаштириш чора-тадбирлари тўғрисида» 2019 йил 24 апрелдаги 348-сон қарорида :

а) 6-бандда :

иккинчи хатбоши қуйидаги таҳрирда баён этилсин:

«сертификатлаштириш органига маҳсулоти сертификатлаштирилган импорт қилувчи ва маҳаллий ишлаб чиқарувчи корхоналар томонидан келиб тушаётган мувофиқ белгисидан фойдаланганлик учун бир марталик тўлов солиқ тўловлари тўлангандан сўнг қуйидагича тақсимланади: 10 фоизи — сертификатлаштириш органининг тасарруфида қолади; 90 фоизи — хар чорак якуни билан кейинги ойнинг 10-санасига қадар Махсус жамғармага йўналтирилади. Бунда мувофиқ белгисидан фойдаланганлик учун бир марталик тўлов ўз вақтида тўғри тақсимланишига сертификатлаштириш органлари раҳбарлари шахсан жавобгар ҳисобланади ва ҳар чорак якуни билан Агентликка маълумот тақдим этади. Ушбу тартибга амал қилмаган сертификатлаштириш органлари Сертификатларни рўйхатдан ўтказиш дастуридан фойдаланиши вақтинча чекланади»;

учинчи хатбоши қуйидаги таҳрирда баён этилсин:

«техник жиҳатдан тартибга солиш, стандартлаштириш, сертификатлаш ва метрология соҳасидаги қонунчилик ҳужжатлари талаблари бузилганлиги учун молиявий ва маъмурий жарималарнинг 50 фоизи Махсус жамғармага ўтказилади»;

қуйидаги мазмундаги еттинчи хатбоши билан тўлдирилсин;

«Ўзбекистон миллий метрология институти» давлат муассасасининг ялпи фойдасидан 20 фоиз маблағлар ҳар чорак якуни билан Махсус жамғармага ўтказилади»;

б) 8-банд ўз кучини йўқотган деб ҳисоблансин.

Вазирлар Маҳкамасининг 2024 йил 1 июлдаги 370-сон қарорига 4-ИЛОВА

Вазирлар Маҳкамасининг ўз кучини йўқотган деб ҳисобланаётган қарорлари

1. Вазирлар Маҳкамасининг «Стандартлаштириш, метрология ва маҳсулотлар ҳамда хизматларни сертификатлаштириш тизимини такомиллаштириш чора-тадбирлари тўғрисида» 2002 йил 3 октябрдаги 342-сон қарори .

2. Вазирлар Маҳкамасининг «Қизилқумнодирметаллолтин» давлат концернини тугатиш ва Навоий кон-металлургия комбинати фаолиятини ташкил этиш масалалари тўғрисида» 2004 йил 19 майдаги 237-сон қарорига 4-илованинг 6-банди .

3. Вазирлар Маҳкамасининг «Ўзбекистон давлат стандартлаштириш, метрология ва сертификатлаштириш агентлиги тузилмасини такомиллаштириш ва унинг фаолиятини ташкил этиш тўғрисида» 2004 йил 5 августдаги 373-сон қарори .

4. Вазирлар Маҳкамасининг «Вазирликлар ва идораларнинг бюджетдан ташқари жамғармаларига ажратмаларни тартибга солиш чора-тадбирлари тўғрисида» 2004 йил 25 октябрдаги 499-сон қарорига 3-илованинг 21-банди .

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Фан ва технологиялар ривожланишини мувофиқлаштириш ва бошқаришни такомиллаштириш чора-тадбирлари тўғрисида» 2006 йил 7 августдаги ПҚ-436-сон қарори) 2006 йил 2 октябрдаги 207-сон қарорига 1-илованинг 9-банди .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш ҳамда баъзиларини ўз кучини йўқотган деб ҳисоблаш тўғрисида (Ўзбекистон Республикасининг «Қимматли қоғозлар бозори тўғрисида» 2008 йил 22 июлдаги ЎРҚ-163-сон ҳамда «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Ўзбекистон Республикаси Қонунига ўзгартириш ва қўшимчалар киритиш ҳақида 2008 йил 26 сентябрдаги ЎРҚ-183-сон қонунлари) 2009 йил 22 декабрдаги 323-сон қарорига илованинг 11-банди .

7. Вазирлар Маҳкамасининг «Ўзбекистон Республикаси Ҳукуматининг вазирликлар, давлат қўмиталари ва идоралар тўғрисидаги низомларни тасдиқлаш бўйича айрим қарорларига ўзгартириш ва қўшимчалар киритиш ҳақида» 2010 йил 5 июндаги 108-сон қарорига илованинг 51-банди .

8. Вазирлар Маҳкамасининг «Сертификатлаштириш тартиботларини ва сифат менежменти тизимларини жорий этишни такомиллаштиришга доир қўшимча чора-тадбирлар тўғрисида» 2011 йил 28 апрелдаги 122-сон қарорига 9-илованинг 4-банди .

9. Вазирлар Маҳкамасининг «Мувофиқликни баҳолаш тўғрисида»ги Ўзбекистон Республикаси Қонунини амалга ошириш чора-тадбирлари тўғрисида» 2015 йил 14 октябрдаги 292-сон қарорига 3-илованинг 1 ва 3-бандлари .

10. Вазирлар Маҳкамасининг «Ўзбекистон Республикаси Ҳукуматининг айрим қарорларига қўшимчалар киритиш тўғрисида (Ўзбекистон Республикасининг «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» 2016 йил 25 апрелдаги ЎРҚ-405-сон Қонуни)» 2016 йил 8 сентябрдаги 289-сон қарори .

11. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон стандартлаштириш, метрология ва сертификатлаштириш агентлиги фаолиятини такомиллаштириш чора-тадбирлари тўғрисида» 2017 йил 28 апрелдаги ПҚ-2935-сон қарори)» 2017 йил 2 июндаги 348-сон қарорига илованинг 1 ва 2-бандлари .

12. Вазирлар Маҳкамасининг «Ўзбекистон Республикаси Инвестициялар ва ташқи савдо вазирлиги ҳузуридаги Ўзбекистон техник жиҳатдан тартибга солиш агентлиги тўғрисидаги ва Ўзбекистон техник жиҳатдан тартибга солиш агентлигининг Техник жиҳатдан тартибга солиш, стандартлаштириш, сертификатлаштириш ва метрология соҳасида давлат назорати департаменти тўғрисидаги низомларни тасдиқлаш ҳақида» 2022 йил 11 мартдаги 114-сон қарорининг 1-банди , қарорга 1 ва 2-иловалар ҳамда қарорга 3-илова 22-бандининг «в» кичик банди.

Ўзбекистон Республикасининг Бош вазири А. АРИПОВ

Тошкент ш.,

2024 йил 1 июль,

370-сон

(Қонунчилик маълумотлари миллий базаси, 04.07.2024 й., 09/24/370/0468-сон; 30.12.2024 й., 07/24/455/1092-сон; 12.02.2025 й., 09/25/80/0134-сон; 22.05.2025 й., 09/25/325/0460-сон; 18.02.2026 й., 06/26/25/0150-сон ; 10.03.2026 й., 09/26/94/0218-сон; 09.09.2026 й., 09/26/472/0908-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

TIZIMI

SXEMASI

ROʻYXATI

Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi va uning tizimidagi tashkilotlari faoliyatini samarali yoʻlga qoʻyish choralari toʻgʻrisida

Soʻnggi yillarda standartlashtirish, texnik jihatdan tartibga solish, muvofiqlikni baholash sohalarini rivojlantirish va ularni xalqaro normalar bilan uygʻunlashtirish borasida tizimli chora-tadbirlar amalga oshirildi.

Oʻzbekiston Respublikasi Prezidentining “Texnik jihatdan tartibga solish sohasidagi davlat boshqaruvini yanada takomillashtirishga doir chora-tadbirlar toʻgʻrisida” 2024-yil 27-fevraldagi PF-41-son Farmoni bilan Oʻzbekiston texnik jihatdan tartibga solish agentligi Vazirlar Mahkamasi boʻysunuviga oʻtkazildi hamda faoliyatining asosiy yoʻnalishlari belgilab berildi.

Shu bilan birga, Oʻzbekiston Respublikasining “ Standartlashtirish toʻgʻrisida ”gi va “ Texnik jihatdan tartibga solish toʻgʻrisida ”gi qonunlari qabul qilinishi munosabati bilan soha faoliyatini tartibga soluvchi qonunosti hujjatlarni mazkur qonunlarga muvofiqlashtirish zarurati yuzaga kelmoqda.

Texnik jihatdan tartibga solish sohasidagi davlat boshqaruvini samarali tashkil etishni taʼminlash hamda hukumat qarorlarini Oʻzbekiston Respublikasining “ Standartlashtirish toʻgʻrisida ”gi va “ Texnik jihatdan tartibga solish toʻgʻrisida ”gi qonunlariga muvofiqlashtirish va kompleks tizimlashtirish maqsadida Vazirlar Mahkamasi qaror qiladi:

1. Quyidagilarni nazarda tutuvchi:

a) Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi toʻgʻrisidagi nizom 1-ilovaga muvofiq:

Oʻzbekiston texnik jihatdan tartibga solish agentligining (keyingi oʻrinlarda — Agentlik) tuzilmasi, Agentlik hamda uning tizimidagi tashkilotlarning vazifa va funksiyalari;

Agentlikning respublika va mahalliy ijro etuvchi hokimiyat organlari hamda boshqa tashkilotlar bilan oʻzaro hamkorlik tartibi;

Agentlik faoliyatini tashkil etish, uning markaziy apparati tarkibiy boʻlinmalarining tizimdagi tashkilotlar bilan hamkorlik qilish tartibi;

Agentlik va uning tizimidagi tashkilotlar faoliyatini moliyalashtirish, xodimlarini moddiy ragʻbatlantirish tartibi;

b) Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasi toʻgʻrisidagi nizom 2-ilovaga muvofiq:

Texnik jihatdan tartibga solish sohasida nazorat inspeksiyasining (keyingi oʻrinlarda — Inspeksiya) asosiy vazifalari va funksiyalari;

Inspeksiya va davlat inspektorlarining huquqlari, majburiyatlari hamda javobgarligi;

Inspeksiya faoliyatini tashkil etish, uning boshqa organlar bilan oʻzaro hamkorligi;

Inspeksiya faoliyatini moliyalashtirish manbalari va xodimlarini moddiy ragʻbatlantirish tartibi tasdiqlansin.

2. Oʻzbekiston Respublikasi Hukumatining 3-ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

Oʻzbekiston Respublikasi Hukumatining standartlashtirish, texnik jihatdan tartibga solish, muvofiqlikni baholash sohalariga oid hujjatlarida qoʻllanilgan tushunchalarni Qonunga muvofiqlashtirish;

texnik jihatdan tartibga solish, standartlashtirish, muvofiqlikni baholash hamda metrologiya sohasidagi qonunchilik talablariga rioya etilishini taʼminlash boʻyicha davlat nazorati organlari faoliyatini takomillashtirish;

standartlashtirish, texnik jihatdan tartibga solish, muvofiqlikni baholash sohalariga oid qonunosti hujjatlarni tizimlashtirish.

3. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Vazirlar Mahkamasi huzuridagi Oʻzbekiston texnik jihatdan tartibga solish agentligi direktori A.R. Jumanazarov zimmasiga yuklansin.

Vazirlar Mahkamasining 2024-yil 1-iyuldagi 370-son qaroriga 1-ILOVA

Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligining (keyingi oʻrinlarda — Agentlik) maqomi, asosiy vazifalari, funksiyalari, huquqlari hamda javobgarligini, faoliyatini tashkil etish va hisobot berish tartibini, shuningdek, Agentlik direktori hamda uning oʻrinbosarlarining asosiy funksional vazifalari va javobgarligini belgilaydi.

2. Agentlik texnik jihatdan tartibga solish, shu jumladan, standartlashtirish va metrologiya (keyingi oʻrinlarda — texnik jihatdan tartibga solish) sohalarida davlat siyosatini amalga oshiruvchi mustaqil respublika ijro etuvchi hokimiyat organi hisoblanadi.

3. Agentlik bevosita Oʻzbekiston Respublikasi Vazirlar Mahkamasiga (keyingi oʻrinlarda — Vazirlar Mahkamasi) boʻysunadi va oʻz faoliyati yuzasidan hisobot beradi.

4. Agentlik oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizom va boshqa qonunchilik hujjatlariga amal qiladi.

5. Agentlikning oʻz vakolatlari doirasida qabul qilgan qarorlari respublika va mahalliy ijro etuvchi hokimiyati organlari hamda boshqa tashkilotlar, mansabdor shaxslar va fuqarolar tomonidan ijro etilishi majburiy hisoblanadi.

6. Agentlik Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga hamda blankalarga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, bank hisobvaraqlariga, shu jumladan, xorijiy valyutadagi shaxsiy gʻazna hisobvaraqlariga ega boʻladi.

7. Agentlikning rasmiy nomi:

a) davlat tilida:

toʻliq nomi — Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi;

qisqartmasi — Texnik tartibga solish agentligi;

b) rus tilida:

toʻliq nomi — Uzbekskoye agentstvo po texnicheskomu regulirovaniyu pri Kabinete Ministrov Respubliki Uzbekistan;

qisqartmasi — Agentstvo texnicheskogo regulirovaniya;

v) ingliz tilida:

toʻliq nomi — Uzbek agency for technical regulation under the Cabinet of Ministers of the Republic of Uzbekistan;

qisqartmasi — Agency for technical regulation.

8. Agentlik joylashgan joy (pochta manzili): 100049, Toshkent shahar, Olmazor tumani, Farobiy koʻchasi, 333a-uy.

2-bob. Agentlikning tuzilmasi

9. Agentlik tizimiga quyidagilar kiradi:

Agentlikning markaziy apparati;

Texnik jihatdan tartibga solish sohasida nazorat inspeksiyasi (keyingi oʻrinlarda — Inspeksiya) hamda uning Qoraqalpogʻiston Respublikasi, viloyatlar va Toshkent shahri boʻlimlari;

“Oʻzbekiston standartlar instituti” davlat muassasasi (keyingi oʻrinlarda — Standartlar instituti);

“Oʻzbekiston ilmiy-sinov va sifat nazorati markazi” davlat muassasasi hamda uning Qoraqalpogʻiston Respublikasi, viloyatlar va shaharlardagi filiallari;

“Oʻzbekiston milliy metrologiya instituti” davlat muassasasi hamda uning Qoraqalpogʻiston Respublikasi, viloyatlar va shaharlardagi boʻlimlari.

3-bob. Agentlikning asosiy vazifalari va funksiyalari

1-§. Agentlikning asosiy vazifalari va funksiyalari

10. Quyidagilar Agentlikning asosiy vazifalari hisoblanadi:

Oʻzbekiston Respublikasining “ Texnik jihatdan tartibga solish toʻgʻrisida ”, “ Standartlashtirish toʻgʻrisida ” hamda “ Metrologiya toʻgʻrisida ”gi qonunlari, texnik jihatdan tartibga solish sohasidagi normativ hujjatlar, oʻlchashlarning yagona birlikda boʻlishini taʼminlashga doir normativ hujjatlar hamda normativ-huquqiy hujjatlarning amalga oshirilishini taʼminlash;

texnik jihatdan tartibga solish sohasida xalqaro standartlarni, shu jumladan, sifat menejmenti tizimi boʻyicha xalqaro standartlarni qoʻllash asosida mahsulotlar sifati va raqobatbardoshligini oshirishga doir yagona davlat siyosatini amalga oshirish;

texnik jihatdan tartibga solish sohasini rivojlantirish, mazkur sohada ilmiy-texnik axborotni tarqatish hamda sohaning xalqaro, davlatlararo va xorijiy mamlakatlarning milliy tizimlari bilan uygʻunlashtirilishini taʼminlash;

mahsulotlar (ishlar, xizmatlar) sifati va xavfsizlik talablariga rioya etilishi hamda isteʼmolchilarning huquqlarini notoʻgʻri oʻlchash natijalarining salbiy oqibatlaridan himoya qilish choralarini koʻrish;

texnik jihatdan tartibga solish sohasida kadrlarni qayta tayyorlash va ularning malakasini oshirishni tashkil etish;

mahalliy mahsulotlarni ishlab chiqarishda xalqaro standartlar va texnik reglamentlarni joriy etish orqali ularning zamonaviy talablarga muvofiqligini taʼminlash va tashqi bozorlarda raqobatbardoshligini oshirish boʻyicha manzilli choralar koʻrish;

sifatni boshqarishning zamonaviy tizimlarini, birinchi navbatda, eksport qiluvchi korxonalarda keng joriy etish va mahsulotlarning texnik reglamentlar va standartlashtirishga doir normativ hujjatlar talablariga muvofiqligini taʼminlash;

xalqaro tashkilotlar va xorijiy davlatlar bilan milliy muvofiqlikni baholash, sinov hamda oʻlchash natijalarini eksport bozorlarida tan olish borasida hamkorlikni kengaytirish;

texnik jihatdan tartibga solish va metrologiya tizimlarini yanada rivojlantirish, realizatsiya qilinadigan mahsulotlar xavfsizligini tizimli nazorat qilishni taʼminlashda ularning samaradorligini oshirish;

texnik jihatdan tartibga solish sohasini raqamlashtirish orqali samaradorlik va natijadorlikka erishish, tadbirkorlik subyektlariga koʻrsatiladigan davlat xizmatlari turlarini kengaytirish, shaffof va korrupsiyadan xoli samarali tizimni joriy etish;

texnik jihatdan tartibga solish, shu jumladan, standartlashtirish va metrologiya sohalaridagi qonunchilik hujjatlari buzilishining oldini olish va profilaktikasini taʼminlash boʻyicha taʼsirchan choralar koʻrish;

texnik jihatdan tartibga solish sohasidagi masalalarda sanoat korxonalariga va tadbirkorlik subyektlariga har tomonlama koʻmaklashish;

texnik jihatdan tartibga solish sohasidagi normativ hujjatlarning majburiy talablari, oʻlchashlarning yagona birlikda boʻlishi va toʻgʻriligi taʼminlanishi, majburiy sertifikatlashtirish qoidalariga amal qilinishi yuzasidan davlat nazoratini tashkil etish va uning amalga oshirilishini muvofiqlashtirish;

standartlashtirish sohasidagi davlat siyosatini amalga oshirish;

texnik jihatdan tartibga solish, shu jumladan, standartlashtirish, sertifikatlash va metrologiya masalalari boʻyicha respublika hamda mahalliy ijro etuvchi hokimiyat organlari va boshqa tashkilotlar, shuningdek, ularning huzurida tashkil etiladigan standartlashtirish boʻyicha texnik qoʻmitalar faoliyatini muvofiqlashtirish;

manfaatdor tomonlarni standartlashtirishga doir normativ hujjatlar bilan belgilangan tartibda taʼminlashni muvofiqlashtirish;

milliy qonunchilikni, texnik tartibga solish, muvofiqlikni baholash va standartlashtirishga doir normativ hujjatlarni xalqaro talablarga, shu jumladan, Jahon savdo tashkiloti talablariga uygʻunlashtirish;

texnik jihatdan tartibga solish, standartlashtirish, muvofiqlikni baholash va metrologiya sohasini rivojlantirishning asosiy indikatorlari boʻyicha ishlarni tashkil qilish va muvofiqlashtirish.

11. Agentlik oʻziga yuklangan vazifalarni bajarish uchun quyidagi funksiyalarni amalga oshiradi:

a) Oʻzbekiston Respublikasining “ Texnik jihatdan tartibga solish toʻgʻrisida ”, “ Standartlashtirish toʻgʻrisida ” hamda “ Metrologiya toʻgʻrisida ”gi qonunlari, texnik jihatdan tartibga solish sohasidagi normativ hujjatlar, oʻlchashlarning yagona birlikda boʻlishini taʼminlashga doir normativ hujjatlar hamda normativ-huquqiy hujjatlarning amaliy jihatdan amalga oshirilishini taʼminlash sohasida:

texnik jihatdan tartibga solish sohasidagi vakolatli davlat organlari va boshqa tashkilotlar tomonidan kiritilgan texnik reglamentlarni ishlab chiqish dasturlarining loyihalari yuzasidan Vazirlar Mahkamasiga umumlashtirilgan takliflar kiritadi;

texnik jihatdan tartibga solish sohasi va sifat menejmenti tizimlarini joriy etish, shuningdek, texnik reglamentlarni ishlab chiqish borasida davlat organlari va boshqa tashkilotlar faoliyatini muvofiqlashtiradi;

texnik jihatdan tartibga solish sohasidagi normativ hujjatlarga muvofiq emas deb topilgan mahsulotlar toʻgʻrisidagi maʼlumotlar reyestrini yuritadi;

texnik reglamentlarni tasdiqlash, ularga oʻzgartirish va qoʻshimchalar kiritish, shuningdek, mazkur reglamentlarni bekor qilish toʻgʻrisida Vazirlar Mahkamasiga takliflar kiritadi;

oʻz vakolati doirasida texnik reglamentlarni qoʻllash boʻyicha uslubiy tavsiyalarni tasdiqlaydi;

texnik reglamentlar talablariga rioya etilishini taʼminlaydigan hamda texnik reglamentlarda belgilangan mahsulotning muvofiqligini baholash uchun zarur boʻlgan, namunalar olish, sinash va oʻlchash usullarini belgilaydigan standartlar roʻyxatlarini tasdiqlaydi;

texnik jihatdan tartibga solish sohasidagi normativ hujjatlar talablariga rioya etilishi ustidan oʻz vakolati doirasida davlat nazorati amalga oshirilishini taʼminlaydi;

texnik jihatdan tartibga solish sohasidagi normativ hujjatlar davlat fondini shakllantirishni muvofiqlashtiradi;

mahsulotlar standartlarini, ularga oʻzgartirishlarni davlat roʻyxatidan oʻtkazadi, standartlashtirish, metrologiya, sertifikatlashtirish boʻyicha normalar va qoidalarga doir takliflarni ishlab chiqadi;

bir turdagi mahsulotlar uchun normativ hujjatlarni ishlab chiqish boʻyicha tarmoq tuzilmalarini tashkil etishga koʻmaklashadi, ularga ilmiy-metodik rahbarlikni taʼminlaydi;

xalqaro va davlatlararo ilmiy-texnik hamkorlikni rivojlantiradi;

b) texnik jihatdan tartibga solish sohasida xalqaro standartlarni, shu jumladan, sifat menejmenti tizimi boʻyicha xalqaro standartlarni qoʻllash asosida mahsulotlar sifati va raqobatbardoshligini oshirishga doir yagona davlat siyosatini amalga oshirish sohasida:

yangi qonunchilik hujjatlarini ishlab chiqish va amaldagi qonunchilik hujjatlarini takomillashtirish yuzasidan takliflar kiritadi;

ilmiy-tadqiqot ishlarini amalga oshirishni muvofiqlashtiradi;

texnik jihatdan tartibga solish sohasini rivojlantirish boʻyicha asosiy yoʻnalishlarni, konsepsiyalarni, istiqbolli dasturlarni ishlab chiqadi;

Oʻzbekiston Respublikasining milliy etalon bazasini shakllantirish va rivojlantirish, milliy etalonlarni xalqaro etalonlar va boshqa davlatlarning milliy etalonlari bilan solishtirishni muvofiqlashtiradi;

davlat organlari va boshqa tashkilotlar, standartlashtirish boʻyicha texnik qoʻmitalar, tadbirkorlarning takliflarini hisobga olgan holda, davlat organlari tomonidan Oʻzbekiston Respublikasi milliy standartlarini ishlab chiqish va qayta koʻrib chiqish boʻyicha standartlashtirish rejasini tasdiqlaydi;

mahsulotlarni, ishlab chiqarish jarayonlarini, xizmatlarni, sifat menejmenti tizimlarini va muvofiqlikni baholash boʻyicha ishlarni amalga oshiradigan xodimlarning sertifikatlashtirish, oʻlchash va sinash vositalarini qiyoslash, sinash, turini tasdiqlash, metrologik attestatsiyadan oʻtkazish, oʻlchashlarni bajarish metodikalari, metrologik ekspertizadan oʻtkazish, oʻlchashlarning yagona birlikda boʻlishi va toʻgʻriligini taʼminlash boʻyicha normativ hujjatlarni roʻyxatga olish hamda sifat boʻyicha ekspert-auditorlar faoliyatini tartibga solishga oid qoidalar va talablarni belgilaydi;

risola, jurnallar nashr etadi, ommaviy axborot vositalarida yoki oʻzining rasmiy veb-saytida maʼlumotlarni eʼlon qiladi;

akkreditatsiya qilingan muvofiqlikni baholash organlarining xizmatlaridan foydalanishga toʻsiqlar yaratilishiga va ular oʻrtasidagi raqobatni cheklashga yoʻl qoʻymaydi;

v) texnik jihatdan tartibga solish sohasini rivojlantirish, mazkur sohada ilmiy-texnik axborotni tarqatish hamda sohani xalqaro, davlatlararo va xorijiy mamlakatlarning milliy tizimlari bilan uygʻunlashtirilishini taʼminlash sohasida:

respublikada ishlab chiqariladigan va import boʻyicha olib kelinayotgan mahsulotlar muvofiqligini baholash, xorijiy mamlakatlarning vakolatli idoralari bilan muvofiqlikni baholash natijalarini eʼtirof etish ishlarini tashkil etadi;

oʻz vakolatlari doirasida texnik jihatdan tartibga solish, muvofiqlikni baholash va metrologiya sohasida umummajburiy boʻlgan normativ hujjatlarni ishlab chiqadi, tasdiqlaydi va belgilangan tartibda roʻyxatdan oʻtkazadi;

shtrixli kodlash tizimini joriy etish boʻyicha yagona siyosatni amalga oshiradi va Oʻzbekiston Respublikasida ishlab chiqariladigan tovarlar shtrixli kodlarining davlat reyestrini yuritishni tashkil etadi;

manfaatdor shaxslarni mahsulotlar, sinov va oʻlchash usullarini standartlashtirish, metrologiya, sertifikatlashtirish boʻyicha normativ hujjatlar bilan taʼminlashni tashkil etadi, shuningdek, mazkur sohalardagi yutuqlarning ilmiy-texnik targʻibotini amalga oshiradi;

oʻziga berilgan vakolatlar doirasida xalqaro (mintaqaviy) va milliy standartlar boʻyicha maʼlumotlarning yagona axborot bazasi yaratilishini tashkil etadi;

oʻlchash uslublari, vositalari va natijalariga qoʻyiladigan umumiy metrologik talablarni belgilaydi;

sifat menejmenti tizimlarini joriy etish va sertifikatlashtirish sohasida muvofiqlashtirish ishlarini amalga oshiradi;

Oʻzbekiston Respublikasida majburiy ravishda muvofiqligi baholanadigan obyektlarning roʻyxatini va respublikadan tashqarida amalga oshirilgan muvofiqlikni baholash natijalarini Oʻzbekiston Respublikasida tan olish tartibini tasdiqlash toʻgʻrisida Vazirlar Mahkamasiga takliflar kiritadi;

etalonlarni va eng yuqori aniqlikdagi oʻlchash vositalarini saqlash hamda xalqaro darajada solishtirish, shuningdek, kattalik birliklarini saqlash va uzatish ishlari bajarilishini muvofiqlashtiradi;

muvofiqlik sertifikatlari, muvofiqlik toʻgʻrisidagi deklaratsiyalar, sifat menejmenti tizimlari, attestatsiyadan oʻtkazilgan sifat boʻyicha ekspert-auditorlarning, davlat sinovlaridan oʻtgan va turi tasdiqlangan yoki metrologik attestatsiyadan oʻtkazilgan oʻlchash vositalarining davlat reyestrini yuritadi;

Oʻzbekiston Respublikasining muvofiqlikni baholash natijalarini oʻzaro tan olish toʻgʻrisidagi va texnik jihatdan tartibga solish sohasidagi boshqa masalalarga doir xalqaro shartnomalarini tuzish boʻyicha takliflar tayyorlaydi;

texnik jihatdan tartibga solish sohasida xalqaro hamkorlikni amalga oshiradi;

mahsulotning, uni ishlab chiqarish jarayonlarining yoki usullarining texnik reglamentlar talablariga muvofiqligi prezumpsiyasini taʼminlaydigan standartlar roʻyxatini tasdiqlaydi;

g) mahsulotlar (ishlar, xizmatlar) sifati va xavfsizlik talablariga rioya etilishi hamda isteʼmolchilarning huquqlarini notoʻgʻri oʻlchash natijalarining salbiy oqibatlaridan himoya qilish choralarini koʻrish sohasida:

texnik jihatdan tartibga solish sohasidagi normativ hujjatlarga, muvofiqlikni baholashga, oʻlchashlarning yagona birlikda boʻlishini taʼminlashga rioya etish masalalari boʻyicha nazorat organlari bilan oʻzaro hamkorlik qiladi;

texnik jihatdan tartibga solish sohasidagi normativ hujjatlar talablariga rioya etilishini, oʻlchashlarning yagona birlikda boʻlishi va toʻgʻriligi, majburiy sertifikatlashtirish qoidalari taʼminlanishini tashkil etadi va bu borada davlat nazoratini amalga oshiradi;

metrologiya tekshiruvi va davlat metrologiya nazoratini amalga oshiradi, shuningdek, metrologiyaga oid faoliyat sohasidagi harakatlarni muvofiqlashtiradi;

inson hayoti, sogʻligʻi, jismoniy va yuridik shaxslar mulki, atrof-muhit uchun xavfli va sifatsiz boʻlgan mahsulotlar olib kirilishi, ishlab chiqarilishi va realizatsiya qilinishi xavfining monitoringini yuritadi;

d) texnik jihatdan tartibga solish sohasida kadrlarni qayta tayyorlash va ularning malakasini oshirishni tashkil etish sohasida:

kadrlarni qayta tayyorlash va ularning malakasini oshirish sohasida ilmiy, muhandis-texnik kadrlarni, shuningdek, boshqa manfaatdor shaxslarni oʻqitishni tashkil etadi;

kadrlar malakasini davriy oshirish va ularni qayta tayyorlash ishlarini amalga oshiradi;

kadrlar malakasini oshirish va qayta tayyorlashdan oʻtgan kadrlarning yagona axborot-maʼlumot bazasi yaratilishi va kuzatib borilishini tashkil etadi;

oliy taʼlim muassasalari, ilmiy-tadqiqot muassasalari va boshqa manfaatdor tashkilotlar, shuningdek, xususiy sektor bilan innovatsiyalarni joriy etishga yoʻnaltirilgan oʻzaro hamkorlik tadbirlarini ishlab chiqadi hamda amalga oshiradi;

iqtisodiyot tarmoqlari uchun kadrlar malakasini oshirish va ularni qayta tayyorlash jarayonlariga zamonaviy innovatsion pedagogik texnologiyalarni, oʻqitishning samarali shakl va usullarini joriy etadi;

e) mahalliy mahsulotlarni ishlab chiqarishda xalqaro standartlar va texnik reglamentlarni joriy etish orqali ularning zamonaviy talablarga muvofiqligini taʼminlash va tashqi bozorlarda raqobatbardoshligini oshirish boʻyicha manzilli choralar koʻrish sohasida:

xalqaro amaliyotni doimiy oʻrganadi, uning natijalariga koʻra mahalliy mahsulotlarni zamonaviy talablarga muvofiqligini taʼminlash va ularning tashqi bozorlarda raqobatbardoshligini oshirishda ilgʻor metodlarni joriy etish boʻyicha takliflar tayyorlaydi;

xalqaro (mintaqaviy) standartlarning hamda texnik reglamentlarning davlat organlari va boshqa tashkilotlar tomonidan joriy etilishini muvofiqlashtiradi;

davlat organlari va boshqa tashkilotlarga, shuningdek, boshqa manfaatdor tashkilotlarga texnik reglamentlarni ishlab chiqishda amaliy yordam beradi, ularni ilmiy-metodik qoʻllanma bilan taʼminlaydi;

texnik reglamentlarning ishlab chiqilishida texnik jihatdan tartibga solish sohasidagi ekspert komissiyalari faoliyatini oʻz vakolati doirasida muvofiqlashtiradi;

j) sifatni boshqarishning zamonaviy tizimlarini, birinchi navbatda, eksport qiluvchi korxonalarda keng joriy etish va mahsulotlarni texnik reglamentlar va standartlashtirishga doir normativ hujjatlar talablariga muvofiqligini taʼminlash sohasida:

davlat organlari va boshqa tashkilotlar mahalliy ijro etuvchi hokimiyat organlari bilan birgalikda tashkilotlarda zamonaviy sifat menejmenti tizimlarini joriy etish jadvallarini tasdiqlaydi va ularning amalga oshirilishini taʼminlash boʻyicha nazoratni amalga oshiradi;

eksportga yoʻnaltirilgan mahsulotlarni xalqaro standartlarga muvofiq, shu jumladan, xalqaro darajada eʼtirof etilgan muvofiqlikni baholash organlarini jalb etgan holda sertifikatlashtirish ishlarini tashkil etadi;

xalqaro standartlarga muvofiq sifat menejmenti tizimlarini joriy etishning afzalliklarini ommaviy axborot vositalarida keng yoritib boradi;

z) xalqaro tashkilotlar va xorijiy davlatlar bilan milliy muvofiqlikni baholash, sinov hamda oʻlchash natijalarini eksport bozorlarida tan olish borasida hamkorlikni kengaytirish sohasida:

xalqaro va mintaqaviy standartlashtirish (ISO, IEC, SMIIC), metrologiya (OIML, BIPM, COOMET) hamda boshqa tashkilotlarda respublika manfaatlarini ifoda etadi;

milliy sertifikatlarni va sinash hamda oʻlchashlar natijalari chet davlatlarda eʼtirof etilishiga erishish boʻyicha choralar koʻradi;

Oʻzbekiston Respublikasining xalqaro shartnomalari va xalqaro tashkilotlarga aʼzolik boʻyicha majburiyatlarini bajaradi;

mutaxassislarning chet elda va Oʻzbekiston Respublikasida standartlashtirish, metrologiya, sertifikatlashtirish va texnik jihatdan tartibga solish sohasidagi xalqaro oʻquv va malaka oshirish dasturlarida ishtirok etishiga koʻmaklashish maqsadida tegishli xalqaro dasturlar doirasida oʻzaro hamkorlik, grant va texnik koʻmakni jalb etishga oid takliflar tayyorlashda va ularni amalga oshirishda qatnashadi;

xalqaro, mintaqaviy va davlatlararo tashkilotlarga qoʻshilish boʻyicha belgilangan tartibda takliflar kiritadi;

xalqaro standartlarga muvofiq sifat menejmenti tizimlarini, birinchi navbatda, eksport qiluvchi korxonalarda joriy qilishni muvofiqlashtiradi;

mahalliy mahsulotlarni tashqi bozorlarga eksport qilishda mamlakatlar talablari toʻgʻrisida maʼlumot berilishida respublika korxonalariga amaliy yordam koʻrsatadi;

i) texnik jihatdan tartibga solish va metrologiya tizimlarini yanada rivojlantirish, realizatsiya qilinadigan mahsulotlar xavfsizligini tizimli nazorat qilishni taʼminlashda ularning samaradorligini oshirish sohasida:

realizatsiya qilinadigan mahsulotlar xavfsizligini tizimli nazorat qilishni taʼminlashda texnik jihatdan tartibga solish va metrologiya tizimlarini rivojlantirish, ularning samaradorligini oshirishga qaratilgan takliflarni kiritadi;

texnik jihatdan tartibga solish va metrologiya tizimlarini rivojlantirish boʻyicha qabul qilingan chora-tadbirlarni amalga oshiradi;

davlat organlari va boshqa tashkilotlarning texnik jihatdan tartibga solish va metrologiya tizimlarining samaradorligini oshirish boʻyicha faoliyatini oʻz vakolati doirasida muvofiqlashtiradi;

texnik jihatdan tartibga solish sohasidagi normativ hujjatlarga va qonunchilikda belgilangan majburiy talablarga nomuvofiq deb topilgan mahsulotlar toʻgʻrisidagi maʼlumotlarni umumlashtiradi va reyestrini yuritadi;

majburiy davlat roʻyxatidan oʻtkazilishi lozim boʻlgan, xavf darajasi yuqori boʻlgan mahsulotlar roʻyxatini shakllantiradi, shuningdek, mazkur mahsulotlarning davlat roʻyxatidan oʻtkazilishini taʼminlaydi;

k) texnik jihatdan tartibga solish sohasini raqamlashtirish orqali samaradorlik va natijadorlikka erishish, tadbirkorlik subyektlariga koʻrsatiladigan davlat xizmatlari turlarini kengaytirish, shaffof va korrupsiyadan xoli samarali tizimni joriy etish sohasida:

standartlashtirish, metrologiya, shu jumladan, mahsulotlarni, ishlab chiqarish jarayonlarini, xizmatlarni, sifat menejmenti tizimlarini, xodimlarni sertifikatlashtirish va sifat boʻyicha ekspert-auditorlarni attestatsiyadan oʻtkazish boʻyicha dasturiy taʼminotlarni ishlab chiqadi;

texnik jihatdan tartibga solish sohasida yagona maʼlumotlar bazalarini, shu jumladan texnik reglamentlar maʼlumotlar bazasini, davlat reyestrlarining elektron bazasini tashkil etadi, shakllantiradi va yuritadi;

tadbirkorlik subyektlari va aholiga koʻrsatiladigan interaktiv davlat xizmatlari turlarini kengaytirish boʻyicha takliflar tayyorlaydi;

mahsulotlarning sifati va xavfsizligi toʻgʻrisida jamoatchilik fikrini oʻrganish hamda doimiy tarzda “qayta aloqa” prinsipi boʻyicha oʻrganish natijalarini yoritish imkoniyatini beradigan maxsus Internet-portalni yaratishni tashkil etadi;

Oʻzbekiston Respublikasi Ochiq maʼlumotlar portalida joylashtiriladigan maʼlumotlar roʻyxatini kengaytirish choralarini koʻradi;

texnik jihatdan tartibga solish sohasida ochiqlik va shaffoflikni taʼminlash hamda korrupsion omillarni qisqartirishga qaratilgan axborot tizimlari va resurslarini ishlab chiqadi hamda amaliyotga joriy etadi;

texnik jihatdan tartibga solish sohasida axborot va kiber xavfsizlikni taʼminlash, axborot xavfsizligi siyosatini amaliyotga joriy etishni taʼminlaydi;

l) texnik jihatdan tartibga solish, shu jumladan, standartlashtirish va metrologiya sohalaridagi qonunchilik hujjatlari buzilishining oldini olish va profilaktikasini taʼminlash boʻyicha taʼsirchan choralar koʻrish sohasida:

texnik jihatdan tartibga solish sohasidagi normativ hujjatlar buzilishining oldini olish yuzasidan profilaktika ishlarini oʻtkazish boʻyicha reja-jadvallarni tasdiqlaydi;

oʻz vakolati doirasida texnik jihatdan tartibga solish sohasidagi qonunchilik hujjatlari buzilishining oldini olish ishlarini muvofiqlashtiradi;

texnik jihatdan tartibga solish sohasidagi normativ hujjatlarning majburiy talablariga, oʻlchashlarning yagona birlikda boʻlishi va toʻgʻriligi taʼminlanishi, majburiy sertifikatlashtirish qoidalari buzilish holatlarining tahlilini oʻtkazadi va qonunchilik hujjatlari talablariga rioya etishga koʻmaklashadigan mexanizmlarni ishlab chiqadi;

tadbirkorlik subyektlariga ular tomonidan huquqbuzarliklarga yoʻl qoʻyib boʻlmasligi toʻgʻrisida tushuntirishlar, shuningdek, huquqbuzarlikni sodir etishga moyil boʻlgan tadbirkorlik subyektlarini sodir etilgan huquqbuzarlik uchun javobgarlik toʻgʻrisida ogohlantirish ishlarini muvofiqlashtiradi;

majlislar, seminarlar, “ochiq eshiklar” kunlari, konferensiyalar va uchrashuvlar oʻtkazish yoʻli bilan qonunchilik hujjatlari talablarining mumkin boʻlgan buzilishlarining oldini olish boʻyicha tushuntirish ishlari oʻtkazilishini tashkil etadi;

profilaktika va davlat nazorati natijalari boʻyicha korxonalarga va tarmoqlarga kiritilgan taqdimnomalarni ijrosi yuzasidan Vazirlar Mahkamasiga umumlashtirilgan maʼlumotlar va takliflar kiritadi;

qonunchilik hujjatlari buzilishlarining oldini olish chora-tadbirlarini ommaviy axborot vositalarida yoritib boradi;

moddiy-texnik bazani tegishli modernizatsiya qilib, mustahkamlab va yangilab, tashqi va ichki manbalardan kelib tushadigan maʼlumotlarni tahlil qilishning ilgʻor avtomatlashtirilgan tahlil qilish usullarini joriy etishni tashkil etadi va ularning qoʻllanilishini muvofiqlashtiradi;

texnik jihatdan tartibga solish sohasidagi normativ hujjatlar hamda sohaga oid boshqa qonunchilik hujjatlari bilan aholi va tadbirkorlik subyektlarini oʻz vaqtida tanishtirish va ularni yetkazish ishlarini tashkil etadi;

m) texnik jihatdan tartibga solish sohasidagi masalalarda sanoat korxonalari va tadbirkorlik subyektlariga har tomonlama koʻmaklashish sohasida:

n) texnik jihatdan tartibga solish sohasidagi normativ hujjatlarning majburiy talablari, oʻlchashlarning yagona birlikda boʻlishi va toʻgʻriligi taʼminlanishi, majburiy sertifikatlashtirish qoidalariga amal qilinishi yuzasidan davlat nazoratini tashkil etish va uning amalga oshirilishini muvofiqlashtirish sohasida:

texnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik hujjatlari buzilishining oldini olish yuzasidan davlat nazoratini oʻtkazish boʻyicha reja-jadvallarni tasdiqlaydi;

davlat nazorati natijalari asosida korxonalarda texnik reglament va standartlar talablariga rioya etmaganlik uchun korxona va tarmoq rahbarlariga taqdimnomalar kiritadi;

mahsulotlarni ishlab chiqarish va realizatsiya qilish borasida huquqbuzarliklarni aniqlash, ularning oldini olish va ularga chek qoʻyish ishlarini tashkil etadi;

texnik jihatdan tartibga solish sohasidagi normativ hujjatlarning majburiy talablari, oʻlchashlarning yagona birlikda boʻlishi va toʻgʻriligi taʼminlanishi, majburiy sertifikatlashtirish qoidalarining buzilish holatlarini tahlil qiladi va qonunchilik hujjatlari talablariga rioya etishga koʻmaklashadigan mexanizmlarni ishlab chiqadi;

texnik jihatdan tartibga solish sohasidagi normativ hujjatlarning majburiy talablari, oʻlchashlarning yagona birlikda boʻlishi va toʻgʻriligi taʼminlanishi, majburiy sertifikatlashtirish qoidalarini buzilishiga olib keladigan sharoitlarni oʻrganishni tashkil etadi, bunday sharoitlar qoʻllanilishini bartaraf etish boʻyicha chora-tadbirlarni ishlab chiqadi va amalga oshiradi;

oʻtkazilgan davlat nazorati natijalarini muvofiqlashtiradi va amalga oshirilgan ishlar boʻyicha maʼlumotlar va takliflarni Vazirlar Mahkamasiga kiritadi;

davlat nazorati natijalari boʻyicha aniqlangan holatlar yuzasidan maʼlumotlarni ommaviy axborot vositalarida yoritib boradi;

o) standartlashtirish sohasidagi davlat siyosatini amalga oshirish sohasida:

Oʻzbekiston Respublikasining standartlashtirish sohasida davlat siyosatini yuritish boʻyicha tegishli takliflarni Vazirlar Mahkamasiga kiritadi;

standartlashtirish sohasidagi davlat siyosatini amalga oshirish maqsadida davlat organlari faoliyatini idoralararo muvofiqlashtirishni taʼminlaydi;

standartlashtirish sohasidagi faoliyatni normativ-huquqiy tartibga solishni shuningdek, standartlarni qabul qilish, kelishish va muhokama qilish boʻyicha axborot tizimlarini yaratish ishlarini muvofiqlashtiradi;

milliy standartlashtirish tizimini rivojlantirishning strategik va ustuvor yoʻnalishlarini belgilaydi;

zamovaniy va ilgʻor standartlarni qabul qilish va joriy qilish ishlarini muvofiqlashtiradi;

standartlarni ishlab chiqish, kelishish, tasdiqlash, roʻyxatdan oʻtkazish, amalga kiritish, ularga oʻzgartishlar kiritish, ularni qayta koʻrib chiqish, toʻxtatib turish yoki bekor qilish chogʻida kelishmovchiliklar mavjud boʻlgan taqdirda, shuningdek, standartlashtirish boʻyicha texnik qoʻmitalar faoliyati bilan bogʻliq boʻlgan hollarda standartlashtirish masalalari boʻyicha uzil-kesil qaror qabul qiladi;

Standartlashtirish boʻyicha milliy organ huzurida Apellyatsiya komissiyasini tuzadi va uning faoliyatini tashkil etadi, Apellyatsiya komissiyasi toʻgʻrisidagi nizom va Apellyatsiya komissiyasining tarkibini tasdiqlaydi;

p) texnik jihatdan tartibga solish, shu jumladan, standartlashtirish, sertifikatlash va metrologiya masalalari boʻyicha respublika hamda mahalliy ijro etuvchi hokimiyat organlari va boshqa tashkilotlar, shuningdek, ularning huzurida tashkil etiladigan standartlashtirish boʻyicha texnik qoʻmitalar faoliyatini muvofiqlashtirish sohasida:

respublika hamda mahalliy ijro etuvchi hokimiyat organlari va boshqa tashkilotlarga standartlashtirish boʻyicha texnik qoʻmitalarni tashkil etish zarurati toʻgʻrisida tashabbuslarni ilgari suradi va texnik reglamentlarning joriy etilishini taʼminlash yuzasidan koʻrsatmalar kiritadi;

xalqaro (mintaqaviy) tashkilotlarning standartlashtirish institutlari va ularning texnik qoʻmitalari bilan oʻzaro yaqin va faol hamkorlikni amalga oshiradi;

r) manfaatdor tomonlarni standartlashtirishga doir normativ hujjatlar bilan belgilangan tartibda taʼminlashni muvofiqlashtirish sohasida:

texnik jihatdan tartibga solish sohasidagi normativ hujjatlar davlat fondi yuritilishini muvofiqlashtiradi;

standartlashtirishga doir normativ hujjatlarning yagona maʼlumotlar bazasini kuzatib boradi;

standartlashtirishga doir normativ hujjatlar, texnik jihatdan tartibga solish, metrologiya va sertifikatlashtirish sohasidagi normativ hujjatlarni oʻz vakolati doirasida ishlab chiqadi;

s) milliy qonunchilikni, texnik tartibga solish, muvofiqlikni baholash va standartlashtirishga doir normativ hujjatlarni xalqaro talablarga, shu jumladan, Jahon savdo tashkiloti talablariga uygʻunlashtirish sohasida:

Oʻzbekiston milliy standartlarini ishlab chiqish va qayta koʻrib chiqishning tarmoq jadvallarini shakllantirishda ishtirok etadi va muvofiqlashtiradi;

xalqaro amaliyotni doimiy ravishda oʻrganadi, uning natijalari boʻyicha ilgʻor amaliyotlarni joriy qilish boʻyicha takliflar kiritadi;

standartlashtirish boʻyicha xalqaro (mintaqaviy) tashkilotlarning standartlashtirish boʻyicha texnik qoʻmitalari faoliyatida hamda milliy standartlarni xalqaro darajada tarqatishda faol ishtirok etadi;

sohaga oid milliy qonunchilik va normativ hujjatlarni Jahon savdo tashkilotining bitim va qoidalariga muvofiqlashtiradi;

t) texnik jihatdan tartibga solish, standartlashtirish, muvofiqlikni baholash va metrologiya sohasini rivojlantirishning asosiy indikatorlari boʻyicha ishlarni tashkil qilish va muvofiqlashtirish sohasida:

xalqaro standartlarni qabul qilish va milliy standartlarni xalqaro talablar bilan uygʻunlashtirish choralarini koʻrib boradi;

profilaktika tadbirlarining onlayn tarzda hamda joyiga chiqqan holda oʻtkazilishini tashkil qiladi;

texnik jihatdan tartibga solish, muvofiqlikni baholash va metrologiya sohasida faoliyat koʻrsatayotgan kadrlar malakasini oshirishni muvofiqlashtiradi;

texnik jihatdan tartibga solish sohasidagi normativ hujjatlarni ishlab chiqish va tasdiqlash ishlarini muvofiqlashtiradi;

muvofiqlikni baholash va metrologiya sohalarining moddiy-texnik bazasini rivojlantirish choralarini koʻrib boradi;

sohada koʻrsatilayotgan xizmatlarni raqamlashtirish maqsadida axborot tizimlarini joriy qiladi;

standartlashtirish boʻyicha milliy texnik qoʻmitalarning xalqaro (mintaqaviy) tashkilotlarning standartlashtirish boʻyicha texnik qoʻmitalarga aʼzoligini taʼminlashda koʻmaklashadi;

ishlab chiqaruvchi tashkilotlar tomonidan xalqaro standartlarga muvofiq sifat menejment tizimlarini joriy etishni muvofiqlashtiradi.

import va mahalliy mahsulotlarning muvofiqligini baholash boʻyicha zarur choralar koʻrib boradi.

12. Agentlik oʻziga yuklangan vazifalar va funksiyalarni bevosita, shuningdek, oʻzining tizim tashkilotlari orqali amalga oshiradi.

2-§. Agentlik markaziy apparatining asosiy vazifalari va funksiyalari

13. Agentlik markaziy apparatining asosiy vazifalari uning tizimidagi tashkilotlar bilan birgalikda Agentlikka yuklangan vazifa va funksiyalarning samarali bajarilishini tashkil etish hamda taʼminlash hisoblanadi.

14. Agentlikning markaziy apparati unga yuklangan asosiy vazifalarga muvofiq quyidagi funksiyalarni amalga oshiradi:

Agentlik va uning rahbariyati faoliyatini tashkiliy va axborot-tahlil jihatidan taʼminlaydi;

Agentlik va uning tizimidagi tashkilotlar tomonidan Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining Farmonlari, qarorlari va farmoyishlariga, Vazirlar Mahkamasining qarorlariga va farmoyishlariga shuningdek, mazkur Nizomga va boshqa qonunchilik hujjatlariga muvofiq talablarning bajarilishida tizimli nazoratni taʼminlaydi;

Agentlik tomonidan Vazirlar Mahkamasi, Oʻzbekiston Respublikasi Prezidenti Administratsiyasiga kiritiladigan hujjatlarning sifatli hamda oʻz vaqtida ishlab chiqilishini va ularning iqtisodiy va huquqiy ekspertizadan oʻtkazilishini tashkil etadi;

Agentlik va uning tizimidagi tashkilotlar faoliyatiga belgilangan tartibda rahbarlik qiladi, ularning faoliyatini muvofiqlashtiradi va nazorat qiladi;

Agentlikning faoliyati, shu jumladan, norma ijodkorligi sohasidagi faoliyati huquqiy taʼminlanishini tashkil etadi;

Agentlikning vakolatiga tegishli operativ, tashkiliy, kadrlar, moliya, ishlab chiqarish-xoʻjalik masalalari va boshqa masalalarni hal etadi.

4-bob. Agentlikning huquqlari va javobgarligi

15. Agentlik oʻziga yuklangan vazifalar va funksiyalarni amalga oshirish uchun quyidagi huquqlarga ega:

korxonalarda texnik reglament va standartlar talablariga rioya etmaganlik uchun korxona va tarmoq rahbarlariga taqdimnomalar kiritish;

texnik jihatdan tartibga solish sohasidagi masalalarni hal etish uchun davlat organlari va boshqa tashkilotlar mutaxassislarini belgilangan tartibda jalb etish;

normativ-huquqiy hujjatlar loyihalarini ishlab chiqish va belgilangan tartibda kiritish, texnik jihatdan tartibga solish hamda mahsulotlar sifatini boshqarish masalalari boʻyicha qonunchilik hujjatlari va texnik jihatdan tartibga solish sohasidagi normativ hujjatlar loyihalarini koʻrib chiqish hamda ular yuzasidan xulosalar berish;

texnik jihatdan tartibga solish sohasidagi normativ hujjatlarning majburiy talablarini buzganlikda aybdor boʻlgan ishlab chiqaruvchilarga, ishlab chiqaruvchining vakolatli vakiliga, sotuvchilarga, import qiluvchilarga yoki ijrochilarga nisbatan moliyaviy sanksiyalarni qoʻllash yuzasidan sudga murojaat qilish;

texnik jihatdan tartibga solish sohasidagi normativ hujjatlar talablariga nomuvofiq mahsulotni muomaladan chiqarish yoki chaqirib olish toʻgʻrisidagi koʻrsatmalarni bajarmaganlik uchun yuridik shaxslarga nisbatan moliyaviy jarima qoʻllash boʻyicha sudga murojaat qilish;

Agentlik vakolatiga kiradigan masalalarda respublika va mahalliy ijro etuvchi hokimiyat organlari hamda boshqa tashkilotlar faoliyatini belgilangan tartibda muvofiqlashtirish;

Agentlik vakolatiga kiradigan masalalarni hal etish uchun respublika va mahalliy ijro etuvchi hokimiyat organlari hamda boshqa tashkilotlardan zarur axborotni belgilangan tartibda soʻrash va olish;

texnik jihatdan tartibga solish sohasidagi normativ hujjatlar hamda sohaga oid boshqa qonunchilik hujjatlari buzilishlarining oldini olishda muvofiqlikni baholash organlaridan mahsulotga rasmiylashtirilgan muvofiqlikni tasdiqlovchi hujjatlar va ularni rasmiylashtirishga asos boʻlgan hujjatlar toʻplamlarini soʻrab oladi;

Agentlik vakolatiga kiradigan masalalar boʻyicha zarur statistika axborotini statistika organlaridan bepul olish;

Agentlik oʻzining tashkiliy tuzilmasi doirasida uning tizimidagi tashkilotlarning davlat mulkini bir boʻlinmadan boshqasiga belgilangan tartibda berish;

Agentlik va uning tizimidagi tashkilotlar xodimlari tomonidan tegishli sohada ular faoliyatining asosiy koʻrsatkichlari boʻyicha parametrlarning bajarilishi hisobga olingan holda, ularni ijtimoiy muhofaza qilish va moddiy ragʻbatlantirish tartibi, miqdori va shartlarini belgilash;

Agentlik vakolatiga kiradigan masalalar boʻyicha Vazirlar Mahkamasi, respublika va mahalliy ijro etuvchi hokimiyat organlari hamda boshqa tashkilotlarga koʻrib chiqish uchun takliflar kiritish;

Agentlik vakolatiga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;

Agentlik vakolatiga tegishli boʻlgan masalalar boʻyicha xalqaro darajada Oʻzbekiston Respublikasi manfaatlarini belgilangan tartibda ifoda etish;

oʻz vakolati doirasida davlat organlari va boshqa tashkilotlar tomonidan ishlab chiqilgan texnik reglamentlarni ekspertizadan oʻtkazish;

oʻz vakolati doirasida texnik reglamentlarni ishlab chiqish;

standartlashtirish boʻyicha texnik qoʻmitalarni tashkil qilishda manfaatdor vazirlik va idoralar bilan birgalikda ishtirok etish;

davlat nazorati natijalarini tahlil qilish asosida mahsulotlar sifati va raqobatbardoshligini oshirish hamda sifat menejmenti tizimlarini takomillashtirish yuzasidan tavsiyalar kiritish;

respublika iqtisodiyoti uchun alohida ahamiyatga ega boʻlgan mahsulotlarni texnik jihatdan tartibga solishga, metrologiya va muvofiqlikni baholashga oid muammolarni koʻrib chiqish boʻyicha vaqtincha ilmiy-texnik komissiyalar tuzish;

nazorat qilinayotgan mahsulotlar koʻrsatkichlarining belgilangan talablarga muvofiqligini tekshirish maqsadida sotish va saqlash korxonalarida nazorat xaridini oʻtkazish yoʻli bilan mahalliy mahsulotlar sifatining davlat nazoratini amalga oshirish;

Agentlik huzuridagi Standartlashtirish, metrologiya va sertifikatlashtirishni rivojlantirish maxsus jamgʻarmasi (keyingi oʻrinlarda — Maxsus jamgʻarma) mablagʻlaridan belgilangan tartibda foydalanish;

texnik jihatdan tartibga solish sohasidagi normativ hujjatlar qoidalari buzilganligi uchun qonunchilik hujjatlarida belgilangan tartibda javobgarlik choralarini qoʻllash;

ishlab chiqarilayotgan mahsulotlarning raqobatbardoshligini va sifatini taʼminlamaydigan hamda amaldagi qonunchilik hujjatlariga zid boʻlgan standartlashtirish sohasidagi normativ hujjatlarni bekor qilish, ularning amal qilish muddatini cheklash yoki qayta koʻrib chiqish toʻgʻrisida bajarilishi majburiy boʻlgan qarorlarni belgilangan tartibda qabul qilish;

texnik jihatdan tartibga solish sohasida xalqaro loyihalar va dasturlarni ishlab chiqish va amalga oshirishda qatnashish;

muvofiqlik sertifikatlari blanklarini, sertifikatlashtirish tizimida qoʻllaniladigan muvofiqlik belgisi shaklini va oʻlchamlarini tasdiqlash;

majburiy sertifikatlashtirish talablariga rioya etilishi yuzasidan davlat nazoratini amalga oshirish;

texnik jihatdan tartibga solish sohasidagi normativ hujjatlarning buzilish alomatlari aniqlangan holatlarda, xoʻjalik yurituvchi subyektlardan zarur hujjatlar va boshqa axborotlarni soʻrash;

texnik jihatdan tartibga solish sohasidagi normativ hujjatlar talablari buzilishlarining oldini olish va (yoki) oqibatlarini bartaraf etish, dastlabki holatini tiklash toʻgʻrisida qonunchilikda belgilangan tartibda davlat organlari va boshqa tashkilotlarga, ularning mansabdor shaxslariga bajarish uchun majburiy boʻlgan koʻrsatmalarni berish, shuningdek, berilgan koʻrsatmalarning bajarilishini nazorat qilish;

belgilangan tartibda oʻz vakolati doirasida davlat organlari va boshqa tashkilotlar hamda mansabdor shaxslar va fuqarolar tomonidan bajarilishi majburiy boʻlgan normativ-huquqiy hujjatlarni qabul qilish;

zarur hollarda, belgilangan tartibda davlat organlari va boshqa tashkilotlar bilan qoʻshma qarorlar va boshqa hujjatlar chiqarish.

Agentlik qonunchilik hujjatlariga muvofiq boshqa huquqlarga ham ega boʻlishi mumkin.

16. Agentlik:

Agentlikka yuklangan vazifa va funksiyalarning samarali bajarilishi, shuningdek, texnik jihatdan tartibga solish, standartlashtirish, oʻlchashlarning yagona birlikda boʻlishini taʼminlash va muvofiqlikni baholash sohasidagi davlat siyosatini amalga oshirish;

Agentlikning faoliyati bilan bogʻliq boʻlgan prognoz koʻrsatkichlarga erishishni soʻzsiz taʼminlash;

Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Agentlik tomonidan qabul qilinadigan buyruqlar amalga oshirilishining sifati, pirovard natijalari va oqibatlari;

texnik jihatdan tartibga solish, standartlashtirish, oʻlchashlarning yagona birlikda boʻlishini taʼminlash va muvofiqlikni baholash tizimini rivojlantirish, shuningdek, koʻrsatilgan sohalarda hududlarni ijtimoiy-iqtisodiy rivojlantirish va ulardagi muammoli masalalarni hal qilish boʻyicha dasturlar, tadbirlar rejalari, “yoʻl xaritalari” va boshqa hujjatlarning samarali amalga oshirilishi;

oʻz vakolati doirasida fuqarolar va tadbirkorlik subyektlarining qonuniy huquq va manfaatlari himoya qilinishi va ularga rioya etilishi taʼminlanishi uchun javob beradi.

5-bob. Agentlik rahbarlarining asosiy funksional vazifalari

17. Quyidagilar Agentlik direktorining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

Agentlik faoliyatiga yakkaboshchilik asosida umumiy rahbarlik qilish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonunchilik hujjatlari bilan Agentlikka yuklangan vazifa va funksiyalarning bajarilishini tashkil etish;

Oʻzbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan Agentlikning faoliyatini yanada takomillashtirish boʻyicha konsepsiyalar, kompleks dasturlar va kompleks chora-tadbirlar ijrosini tanqidiy va chuqur tahlil qilish;

Agentlik, uning tizimidagi tashkilotlar faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

Oʻzbekiston Respublikasi Prezidenti Administratsiyasi boʻlinmalari va Vazirlar Mahkamasining tarkibiy boʻlinmalari, shuningdek, Agentlik vakolatiga kiruvchi masalalar boʻyicha tegishli vazirliklar va idoralar bilan hamkorlik qilish, Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

Oʻzbekiston Respublikasi Prezidenti hamda Oʻzbekiston Respublikasining Bosh vaziri va uning oʻrinbosarlari topshiriqlarini bajarish;

oʻz oʻrinbosarlari vakolatini belgilash, ular oʻrtasida majburiyatlarni taqsimlash, Agentlikning boshqa mansabdor shaxslari vakolatlarini belgilash, Agentlik faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy masʼuliyat darajasini belgilash;

Agentlik faoliyatining rejalashtirilishini tashkil etish, Agentlik va oʻz oʻrinbosarlarining har choraklik ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga , “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida ” 2021-yil 31-maydagi PQ-5132-son va “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti maslahatchilarining, Vazirlar Mahkamasi va uning komplekslari, davlat boshqaruvi organlari va boshqa tashkilotlar, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarorlariga muvofiq Agentlik tizimidagi tashkilotlar rahbarlarining shaxsiy masʼuliyatini oshirish choralarni koʻrish;

Agentlik xodimlarini tizimli qayta tayyorlashni va ularning malakasini oshirishni tashkil etish;

Agentlik tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Agentlikning kadrlar zaxirasini shakllantirish;

Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Agentlikka ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

faoliyat sohasi masalalari boʻyicha normativ-huquqiy hujjatlar loyihalari sifatli ishlab chiqilishini, ular Oʻzbekiston Respublikasi “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida ”gi qonunlari, Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasining Reglamenti (keyingi oʻrinlarda — Oʻzbekiston Respublikasi Prezidenti Administratsiyasining Reglamenti), Vazirlar Mahkamasining 2024-yil 25-martdagi 150-son qarori bilan tasdiqlangan Oʻzbekiston Respublikasi Vazirlar Mahkamasining Reglamenti (keyingi oʻrinlarda — Vazirlar Mahkamasining Reglamenti) talablariga qatʼiy muvofiq ravishda oʻz vaqtida kiritilishini tashkil etish, shuningdek, ularning Vazirlar Mahkamasida ishlab chiqilishi, Vazirlar Mahkamasi rahbariyati huzurida himoya qilinishi va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

Oʻzbekiston Respublikasining “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida ”gi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq Agentlikning qonun loyihalarini tayyorlash faoliyatini tashkil etish;

Agentlik vakolatiga kiradigan masalalar boʻyicha normativ-huquqiy hujjatlar qabul qilish, zarur boʻlganda boshqa vazirliklar va idoralar bilan birgalikda tegishli qarorlar qabul qilish;

Agentlikka taqdim etilgan takliflar va normativ-huquqiy hujjatlar loyihalarining toʻliq va oʻz vaqtida koʻrib chiqilishini taʼminlash, ularni iqtisodiy, moliyaviy, huquqiy ekspertizadan va boshqa ekspertizadan puxta oʻtkazish, shuningdek, Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamentida belgilangan muddatlarda ularni kelishish (viza qoʻyish);

Agentlik rahbarlari va xodimlari xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son hamda “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli hamda oqilona foydalanishni taʼminlash;

oʻz oʻrinbosarlari va tizimdagi tashkilotlar rahbarlari faoliyatining samaradorligini va natijadorligini muntazam tanqidiy tahlil qilish, Agentlik hayʼati majlislarida ularning shaxsiy hisobotlarini eshitish va yakuni boʻyicha zarur choralar koʻrish;

Agentlik xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

Agentlik xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-ahloqining namunaviy qoidalari asosida tasdiqlangan Agentlik xodimlari odob-axloq qoidalari (keyingi oʻrinlarda — Agentlik xodimlarining odob-axloq qoidalari) talablariga rioya etilishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

Agentlik tizimida Oʻzbekiston Respublikasining “Manfaatlar toʻqnashuvi toʻgʻrisida”gi Qonunida nazarda tutilgan mavjud yoki ehtimoliy manfaatlar toʻqnashuvini tartibga solish yuzasidan choralar koʻrib borish;

Agentlik, uning tizimidagi tashkilotlar ishini tashkil etishning zamonaviy shakllari joriy etilishini taʼminlash;

aholi va tadbirkorlik subyektlari bilan hamkorlik qilishda, shu jumladan, “yagona darcha” prinsipini joriy etish orqali davlat xizmatlari sifati va samaradorligini hamda ulardan erkin foydalanishni oshirish hamda Oʻzbekiston Respublikasining “Elektron hukumat toʻgʻrisida”gi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, Oʻzbekiston Respublikasi “Jismoniy va yuridik shaxslarning murojaatlari toʻgʻrisida”gi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Agentlik xodimlari va rahbarlari faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushgan murojaatlari oʻz vaqtida va toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

Agentlik vakolatiga kiradigan masalalar boʻyicha qarorlar qabul qilish va Agentlikka yuklangan vazifalar va funksiyalarni bajarish uchun shaxsiy javobgar boʻlish;

Agentlik xodimlari tomonidan bajarish uchun majburiy boʻlgan buyruqlar, qarorlar, farmoyishlar, qoʻllanmalar chiqarish va koʻrsatmalar berish;

belgilangan cheklangan umumiy son doirasida Agentlik markaziy apparatini, shuningdek, uning tizimidagi tashkilotlarning shtat jadvalini va xarajatlar smetasini belgilangan tartibda tasdiqlash;

Agentlik tizimidagi tashkilotlarning nizomlarini (ustavlarini) belgilangan tartibda tasdiqlash;

Agentlik markaziy apparati xodimlarini, Agentlik tizimidagi tashkilotlar rahbarlarini (Inspeksiya boshligʻidan tashqari) belgilangan tartibda lavozimga tayinlash va lavozimdan ozod qilish;

qonunchilik normalari buzilganligi uchun mahsulotlar, xizmatlar va boshqa obyektlarni, shu jumladan, ishlab chiqarish jarayonlarini, sifat menejmenti tizimlarini, ekspert-auditorlarni, muvofiqlikni baholash sohasida xodimlar sifatida ishtirok etishga talabgor mutaxassislar muvofiqligini tasdiqlovchi hujjatlar va muvofiqlik belgilarining amal qilishini qonunchilik hujjatlarida belgilangan tartibda toʻxtatib turish hamda bekor qilish;

sertifikatlashtirish organining qoidalarga rioya etmaganligi (shu jumladan, mahsulot barcha majburiy koʻrsatkichlarga muvofiqligi baholanmaganligi) natijasida sifatsiz mahsulotlar realizatsiya qilinganligi holatlari aniqlaganda, mazkur organning sertifikatlashtirish faoliyatini toʻxtatib turish;

texnik jihatdan tartibga solish, standartlashtirish, oʻlchashlarning yagona birlikda boʻlishini taʼminlash, muvofiqlikni baholash va davlat nazorati yuzasidan idoralar bilan hamkorlik masalalari boʻyicha idoralararo tusdagi xalqaro, davlatlararo shartnomalarning belgilangan tartibda imzolash.

Agentlikning direktori qonunchilikka muvofiq boshqa vakolatlarni ham amalga oshiradi.

18. Quyidagilar Agentlik direktori oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

Agentlik direktori vaqtincha boʻlmaganda, tegishli buyruq asosida uning vazifalarini bajarish;

mutasaddilik qiladigan Agentlik tizimidagi tashkilotlar faoliyatini muvofiqlashtirish, nazorat qilish va ularga bevosita rahbarlik qilish;

Agentlik faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan konsepsiyalar, kompleks dasturlar va kompleks tadbirlar ijrosini tanqidiy va chuqur tahlil qilish;

mutasaddilik qilinadigan tizimdagi tashkilotlarning prognoz koʻrsatkichlarga erishishini soʻzsiz taʼminlash choralarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

Agentlik tarkibiy boʻlinmalari va tizim tashkilotlar rahbarlarining har choraklik rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti va Vazirlar Mahkamasining qarorlari hamda topshiriqlari ijrosini tashkil etish va monitoring olib borishning amaliy tizimini yaratish, Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga , “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida ” 2021-yil 31-maydagi PQ-5132-son va “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat boshqaruvi organlari va boshqa tashkilotlar, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarorlariga muvofiq Agentlik tizimidagi tashkilotlar rahbarlarining shaxsiy masʼuliyatini oshirish choralarni koʻrish;

Agentlik hayʼati qarorlari, Agentlik direktorining buyruq va topshiriqlarining oʻz vaqtida va sifatli bajarilishini taʼminlash;

mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha Agentlik direktoriga takliflar berish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish boʻyicha choralar koʻrish, tizim tashkilotlarda kadrlar zaxirasini shakllantirish;

normativ-huquqiy hujjatlar loyihalari sifatli ishlab chiqilishini tashkil etish, Agentlik direktori tomonidan keyinchalik koʻrib chiqilishi, imzolanishi (viza qoʻyilishi) uchun tayyorlangan hujjatlar loyihalarini koʻrib chiqish va viza qoʻyish, Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablariga qatʼiy muvofiq tarzda ularning Vazirlar Mahkamasiga oʻz vaqtida kiritilishini taʼminlash, shuningdek, Agentlik direktorining topshirigʻi boʻyicha Vazirlar Mahkamasida normativ-huquqiy hujjatlar loyihalarini ishlab chiqishda ishtirok etish;

Agentlikka taqdim etilgan normativ-huquqiy hujjatlar loyihalarini va takliflarni toʻliq va har tomonlama koʻrib chiqish, ularning puxta huquqiy, moliyaviy, iqtisodiy va boshqa ekspertizasini oʻtkazish;

tizimdagi tashkilotlar rahbarlari va xodimlari faoliyatining samaradorligini va natijadorligini muntazam tanqidiy tahlil qilish, Agentlik hayʼati majlislarida ularning shaxsiy hisobotlarini eshitish, ularning yakunlari boʻyicha zarur choralar koʻrish;

faoliyat sohasiga tegishli masalalar boʻyicha Agentlik faoliyatini takomillashtirishga doir amaliy choralar koʻrish, qonunchilik hujjatlarini takomillashtirish boʻyicha takliflar ishlab chiqish va ularni Agentlik rahbariyatiga kiritish;

tizimdagi tashkilotlar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligi masalasini koʻrib chiqish boʻyicha takliflarni Agentlik rahbariyatiga kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli choralar koʻrish;

Agentlik xodimlarining odob-axloq qoidalari talablariga mutasaddilik qilinadigan tarkibiy boʻlinmalar rahbarlari va xodimlarining rioya etishini taʼminlash;

Agentlik direktoriga davlat xizmatlarini koʻrsatish samaradorligi, ularning sifatini oshirish va ochiqligi yuzasidan takliflar kiritish;

jismoniy va yuridik shaxslarning murojaatlarini koʻrib chiqish, Oʻzbekiston Respublikasi “Jismoniy va yuridik shaxslarning murojaatlari toʻgʻrisida”gi Qonuni bilan belgilangan muddatlarda va tartibda aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushgan murojaatlari oʻz vaqtida va toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish.

19. Quyidagilar Agentlik markaziy apparatining tarkibiy boʻlinmalari boshliqlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalarning bajarilishini tashkil etish;

Agentlik tizimidagi tashkilotlarning oʻz vakolatlari doirasidagi faoliyatini muvofiqlashtirish;

prognoz koʻrsatkichlarning bajarilish jarayonlarini muntazam tahlil qilish va tizimdagi tashkilotlar tomondan koʻrsatkichlarga soʻzsiz erishilishini taʼminlashga qaratilgan qoʻshimcha chora-tadbirlar qabul qilish boʻyicha takliflarni Agentlik direktorining mutasaddi oʻrinbosarlariga taqdim etish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga , “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida ” 2021-yil 31-maydagi PQ-5132-son va “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat boshqaruvi organlari va boshqa tashkilotlar, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarorlariga muvofiq Agentlik tizimidagi tashkilotlar rahbarlarining shaxsiy masʼuliyatini oshirish choralarni koʻrish;

Agentlik hayʼati qarorlari, Agentlik direktori va uning oʻrinbosarlarining buyruq va topshiriqlari oʻz vaqtida va sifatli bajarilishini taʼminlash;

har choraklik ish rejalar ishlab chiqilishini taʼminlash, ularni tasdiqlashga kiritish, ularda koʻrsatilgan vazifalar hamda chora-tadbirlarning oʻz vaqtida va sifatli bajarilishini taʼminlash;

tarkibiy boʻlinmalarga yuklangan vazifalar bajarilishini muvofiqlashtirish va nazorat qilish hamda Agentlik tizimidagi tashkilotlar faoliyatiga amaliy va metodik yordam koʻrsatish;

faoliyat masalalari yuzasidan qonunchilikni takomillashtirish boʻyicha takliflar ishlab chiqish va ularni koʻrib chiqish uchun Agentlik rahbariyatiga kiritish;

tarkibiy boʻlinmalarda kadrlarni tanlash va joy-joyiga qoʻyishda Agentlik direktorining oʻrinbosarlariga takliflar berish, ularning kasbiy yetukligi, vakolatliligi, amaliy tajribasi, ishbilarmonlik va odob-axloq sifatlarining yuqori darajasi kafolatlanganligini taʼminlash, ularning kasb malakasini oshirish yuzasidan choralar koʻrish, tarkibiy boʻlinmalarda kadrlar zaxirasini shakllantirish;

normativ-huquqiy hujjatlar loyihalari tarkibiy boʻlinmalar tomonidan sifatli ishlab chiqilishini tashkil etish, Agentlikning tarkibiy boʻlinmalarida tayyorlangan hujjatlar loyihalarini keyinchalik Agentlik rahbariyati tomonidan koʻrib chiqish, imzolash (viza qoʻyish) uchun viza qoʻyish, ularning Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, Agentlik rahbariyatining topshirigʻi boʻyicha normativ-huquqiy hujjatlar loyihalarini Vazirlar Mahkamasi apparatida ishlab chiqishda ishtirok etish;

Agentlikka topshirilgan normativ-huquqiy hujjatlar loyihalarini va takliflarni toʻliq hamda har tomonlama koʻrib chiqish, ularning huquqiy, moliyaviy, iqtisodiy va boshqa ekspertizadan oʻtkazish;

xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son hamda “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli hamda oqilona foydalanishni taʼminlash;

tarkibiy boʻlinmalar xodimlari faoliyatining samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur choralar koʻrish;

Agentlik xodimlarining odob-axloq qoidalari talablariga rioya qilishini, mutasaddilik qilinadigan tarkibiy boʻlinmalar rahbarlari va xodimlarining ushbu qoidalarga rioya etishini taʼminlash;

Agentlik rahbariyatiga davlat xizmatlarini koʻrsatish samaradorligi, ularning sifatini oshirish va ochiqligi yuzasidan takliflar kiritish;

jismoniy va yuridik shaxslarning murojaatlarini koʻrib chiqish, Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni bilan belgilangan muddatlarda va tartibda aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

oʻzlarining asosiy funksional vazifalaridan kelib chiqqan holda, “Ijro.gov.uz” ijro intizomi idoralararo yagona elektron tizimi orqali topshiriq va vazifalar ijrosini taʼminlash.

20. Quyidagilar Agentlik tizim tashkilotlari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

Agentlik tizimidagi tashkilotlarning faoliyatiga umumiy rahbarlik qilish, ushbu boʻlinmalarga Oʻzbekiston Respublikasi Prezidentining tegishli Farmon va qarorlari, Vazirlar Mahkamasi qarorlari, shuningdek, Agentlikning hujjatlari bilan yuklangan vazifa va funksiyalarning bajarilishini tashkil etish;

tizimdagi tashkilotlarning faoliyati bilan bogʻliq boʻlgan prognoz koʻrsatkichlarga erishilishini soʻzsiz taʼminlash boʻyicha taʼsirchan chora-tadbirlar ishlab chiqish va qabul qilish;

tizimdagi tashkilotlar tarkibiga kiradigan boʻlinmalar va tashkilotlar faoliyatini muvofiqlashtirish va nazorat qilish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga , “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida ” 2021-yil 31-maydagi PQ-5132-son va “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat boshqaruvi organlari va boshqa tashkilotlar, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarorlariga muvofiq shaxsiy masʼuliyatini oshirish choralarni koʻrish;

Agentlik hayʼatining qarorlari, Agentlik direktori va uning oʻrinbosarlarining buyruq va topshiriqlari oʻz vaqtida va sifatli bajarilishini taʼminlash;

oʻz oʻrinbosarlari vakolatini belgilash, ular oʻrtasida majburiyatlarni taqsimlash, tizimdagi tashkilotlarning boshqa mansabdor shaxslari vakolatlarini belgilash, oʻz oʻrinbosarlari va boshqa mansabdor shaxslarning Agentlik tizimidagi tashkilotlar faoliyatining ayrim uchastkalariga rahbarlik qilish uchun shaxsiy javobgarlik darajasini belgilash;

Agentlik tizimidagi tashkilotlarning faoliyatini rejalashtirishni tashkil etish, Agentlik tizimidagi tashkilotlarning har choraklik ish rejalarini tasdiqlash, ularning bajarilish jarayonini nazorat qilishni taʼminlash;

Agentlik tizimidagi tashkilotlarda kadrlarni tanlash va joy-joyiga qoʻyish, ularning samarali faoliyati uchun zarur sharoitlarni yaratish, tizimdagi tashkilotlarning kadrlar zaxirasini shakllantirish;

Agentlik direktorining nomenklaturasiga kiradigan boʻsh lavozimlarga taklif etilgan kadrlar, shuningdek, tizimdagi tashkilotlarga ishga qabul qilinadigan boshqa kadrlarning kasbiy yetukligi, vakolatliligi, amaliy tajribasi, ishbilarmonlik va odob-axloq sifatlarining yuqori darajasi kafolatlanganligini taʼminlash;

tizimdagi tashkilotlari xodimlarini ragʻbatlantirish va intizomiy jazoga tortish masalalarini hal etish, oʻz oʻrinbosarlarini ragʻbatlantirish va intizomiy jazoga tortish toʻgʻrisida, shu jumladan, ularning egallab turgan lavozimida qolishi maqsadga muvofiqligi toʻgʻrisida masalalarni koʻrib chiqish boʻyicha takliflar kiritish, ularning shaxsiy javobgarligini oshirish boʻyicha tizimli chora-tadbirlarni amalga oshirish;

Agentlik xodimlarining odob-axloq qoidalari talablariga rioya qilishini, mutasaddilik qilinadigan tizim tashkilotlari xodimlarining ushbu qoidalarga rioya etishini taʼminlash;

prognoz koʻrsatkichlar bajarilish jarayonlarini muntazam tahlil qilish va tizimdagi tashkilotlar tomondan koʻrsatkichlarga soʻzsiz erishilishini taʼminlashga qaratilgan qoʻshimcha chora-tadbirlar qabul qilish boʻyicha takliflarni Agentlik direktorining mutasaddi oʻrinbosarlariga taqdim etish;

tizimdagi tashkilotlar xodimlari faoliyatining samaradorligi va natijadorligini tizimli ravishda tanqidiy tahlil qilish, ularning shaxsiy hisobotlarini eshitish, ularning yakunlari boʻyicha zarur choralar koʻrish;

tizimdagi tashkilotlar faoliyatiga oid masalalar boʻyicha qonunchilik hujjatlarini takomillashtirish, shuningdek, davlat xizmatlari samaradorligi, sifati va ulardan erkin foydalanishni oshirish boʻyicha takliflarni ishlab chiqish hamda koʻrib chiqish uchun Agentlik rahbariyatiga kiritish;

jismoniy va yuridik shaxslarning murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, qonunchilikda belgilangan tartib va muddatlarda, jismoniy va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

tizimdagi tashkilotlar xodimlarining lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash toʻgʻrisida qaror qabul qilish, davlat mukofotlari va idoraviy mukofotlar bilan taqdirlash toʻgʻrisidagi takliflarni Agentlikka kiritish;

davlat sirini yoki qonunchilik bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

21. Agentlik va Inspeksiyaning zimmasiga davlat nazoratini amalga oshirish yuklangan boshliqlari, ularning oʻrinbosarlari, mutaxassislari lavozimiga koʻra bir vaqtning oʻzida standartlar va oʻlchashlarni yagona birlikda boʻlishini taʼminlanishi yuzasidan nazorat boʻyicha davlat inspektorlari hisoblanadilar.

Texnik jihatdan tartibga solish, standartlashtirish, sertifikatlashtirish va metrologiya qoidalariga rioya etilishi boʻyicha davlat nazoratini amalga oshiruvchi mansabdor shaxslar Agentlik tomonidan belgilangan tartibda attestatsiyadan oʻtkazilishi kerak.

6-bob. Agentlik rahbarlarining javobgarligi

22. Agentlik direktori:

Agentlikka yuklangan vazifalar va funksiyalar bajarilishi;

ushbu Nizomning 16-bandida koʻrsatilgan Agentlikning javobgarlik sohalari boʻyicha;

ushbu Nizomning 17-bandida koʻrsatilgan oʻz funksional vazifalarining sifatli bajarilishi uchun shaxsan javobgardir.

23. Agentlik direktori oʻrinbosarlari:

mutasaddilik qilinadigan yoʻnalish va tarkibiy boʻlinmalarda Agentlikka yuklangan vazifalar va funksiyalarning bajarilishi;

ushbu Nizomning 16-bandida koʻrsatilgan Agentlikning javobgarlik sohalarida mutasaddilik qilinadigan masalalar boʻyicha;

ushbu Nizomning 18-bandida koʻrsatilgan oʻz funksional vazifalarining sifatli bajarilishi uchun shaxsan javobgardir.

7-bob. Agentlik faoliyatini tashkil etish

1-§. Agentlikning rahbariyati

24. Agentlikka direktor rahbarlik qiladi.

Direktorning uch nafar, shu jumladan, birinchi oʻrinbosari boʻladi.

Agentlik direktori belgilangan tartibda Oʻzbekiston Respublikasi Prezidenti tomonidan lavozimga tayinlanadi va lavozimdan ozod qilinadi.

Agentlik direktori oʻrinbosarlari hamda Inspeksiya boshligʻi Oʻzbekiston Respublikasi Prezidenti bilan kelishilgan holda Vazirlar Mahkamasi tomonidan, Agentlikning boshqa tizim tashkilotlari rahbarlari Vazirlar Mahkamasi bilan kelishgan holda Agentlik direktori tomonidan lavozimga tayinlanadi va lavozimdan ozod qilinadi.

25. Direktor, direktorning birinchi oʻrinbosari va Inspeksiya boshligʻi bir vaqtning oʻzida lavozimiga koʻra tegishincha texnik jihatdan tartibga solish, standartlashtirish, sertifikatlashtirish va metrologiya qoidalariga rioya etilishini nazorat qilish boʻyicha Oʻzbekiston Respublikasi davlat bosh inspektori va davlat bosh inspektor oʻrinbosarlari hisoblanadilar.

26. Agentlik direktori:

Agentlik faoliyatiga yakkaboshchilik asosida umumiy rahbarlik qiladi;

Agentlik vakolatiga kiruvchi masalalar boʻyicha qarorlar qabul qiladi va Agentlikka yuklangan vazifalar va funksiyalarning bajarilishi uchun shaxsan javob beradi;

oʻz oʻrinbosarlari vakolatini belgilaydi, Agentlik tizimidagi boshqa mansabdor shaxslar vakolatlarini, oʻz oʻrinbosarlari va boshqa mansabdor shaxslarning Agentlik faoliyatining ayrim uchastkalariga rahbarlik qilish va tizimdagi tashkilotlarning ishi uchun javobgarlik darajasini belgilaydi;

Agentlik tizimidagi xodimlar tomonidan bajarilishi majburiy boʻlgan buyruqlar, farmoyishlar chiqaradi va koʻrsatmalar beradi;

xodimlarning belgilangan umumiy soni doirasida Agentlik markaziy apparati, shuningdek, tizimdagi tashkilotlarning shtatlar jadvalini hamda xarajatlar smetasini tasdiqlaydi;

zarurat boʻlganda, boshqaruv xodimlarining belgilangan cheklangan shtatlar soni doirasida Agentlikning markaziy apparati va uning tizimidagi tashkilotlar tuzilmasiga oʻzgartirishlar kiritadi;

moliyaviy imkoniyatlardan kelib chiqib, oʻz mablagʻlari hisobiga moliyalashtiriladigan tizimdagi tashkilotlar boshqaruv xodimlarining cheklangan sonini belgilaydi;

Agentlikning tarkibiy boʻlinmalari, shuningdek, Agentlik tizimidagi tashkilotlar toʻgʻrisidagi nizomlarni (Inspeksiya va Oʻzbekiston standartlar instituti bundan mustasno) belgilangan tartibda tasdiqlaydi;

Agentlik markaziy apparatining xodimlarini belgilangan tartibda lavozimga tayinlaydi va lavozimdan ozod qiladi;

Agentlik tizimidagi tashkilotlar rahbarlarini Vazirlar Mahkamasi bilan kelishilgan holda lavozimiga tayinlaydi va lavozimdan ozod qiladi;

standartlashtirish boʻyicha texnik qoʻmitalarning mutaxassislarini, yetakchi loyiha institutlari, ilmiy va oʻquv muassasalarining mutaxassislarini jalb etadi, shuningdek, yuqori malakali xorijiy mutaxassislarni belgilangan tartibda ishga qabul qiladi;

qoʻshimcha tarzda oʻzining xizmat majburiyatlarini bajargan Agentlikning tashabbuskor xodimlariga Maxsus jamgʻarma mablagʻlari hisobidan har oyda mehnatga haq toʻlash fondining ikki baravari miqdorigacha qoʻshimcha haq toʻlash, mukofotlash va boshqa ragʻbatlantirish tusidagi hamda kompensatsiya toʻlovlarini toʻlab beradi;

texnik jihatdan tartibga solish, standartlashtirish, metrologiya, sertifikatlashtirish va davlat nazorati organlari bilan hamkorlik masalalari yuzasidan idoralararo tusdagi xalqaro, davlatlararo shartnomalarni oʻz vakolatlari doirasida belgilangan tartibda imzolaydi.

Direktor qonunchilik hujjatlariga muvofiq boshqa vakolatlarni ham amalga oshirishi mumkin.

2-§. Agentlik markaziy apparati tarkibiy boʻlinmalarining tizimdagi tashkilotlar bilan hamkorlik qilish tartibi

27. Agentlik markaziy apparati tarkibiy boʻlinmalarining tizimdagi tashkilotlar bilan hamkorlik qilishi markaziy apparat tarkibiy boʻlinmalarining rahbarlari tomonidan taʼminlanadi.

28. Agentlik markaziy apparatining tarkibiy boʻlinmalari Agentlik tizimidagi tashkilotlar bilan hamkorlikda ishlaydi, oʻz faoliyati yoʻnalishlari boʻyicha:

topshiriqlarni tizimdagi tashkilotlarga yetkazadi hamda ularning bajarilish jarayonini nazorat qiladi;

tarkibiy boʻlinmalarning toʻgʻridan-toʻgʻri faoliyati masalalari boʻyicha Agentlik tizimidagi tashkilotlarga soʻrovnomalar joʻnatadi hamda ularning ijrosini nazorat qiladi;

Agentlik tizimidagi tashkilotlar faoliyatini tekshiradi va oʻrganadi, amaliyotini umumlashtiradi, uni takomillashtirishga yoʻnaltirilgan chora-tadbirlar ishlab chiqadi va qabul qiladi;

Agentlik tizimidagi tashkilotlar faoliyatini tashkil etish va natijalari toʻgʻrisida hisobot va axborot materiallari, statistika va boshqa maʼlumotlarni oʻrganishni tashkil etadi;

Agentlik tizimidagi tashkilotlarning ish rejalarini tahlil qiladi, ularning faoliyatini rejalashtirishni takomillashtirish choralarini koʻradi;

Agentlik tizimidagi tashkilotlardan kelib tushgan takliflarni koʻrib chiqadi;

Agentlik tizimidagi tashkilotlarning normativ-huquqiy hujjatlar loyihalarini tayyorlashda ishtirok etishini tashkil etadi, ulardan kelib tushgan qonunchilikni takomillashtirish boʻyicha takliflarni koʻrib chiqadi.

29. Agentlik tizimidagi tashkilotlar Agentlik markaziy apparatining tarkibiy boʻlinmalari bilan hamkorlikda ishlaydi, shu jumladan:

Agentlik rahbariyati topshiriqlarining bajarilishi toʻgʻrisida hisobot beradi;

Agentlik markaziy apparatiga oʻz faoliyati natijalari toʻgʻrisidagi hisobotlarni, axborotlarni hamda maʼlumotlarni belgilangan tartibda va muddatlarda taqdim etadi;

ularning faoliyatini tekshirish va oʻrganish natijasida aniqlangan ishdagi kamchiliklarni va qoidabuzarliklarni bartaraf etish natijalari toʻgʻrisida axborot beradi;

Agentlik markaziy apparatiga oʻz faoliyati natijalari toʻgʻrisidagi hisobotlarni belgilangan tartibda va muddatlarda taqdim etadi;

Agentlik markaziy apparatiga hududlarni ijtimoiy-iqtisodiy rivojlantirish muammolarini, shu jumladan, aholining dolzarb muammolarini hal qilishga qaratilgan takliflarni yuboradi;

vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida axborot beradi.

30. Agentlik markaziy apparatining tarkibiy boʻlinmalari hamda uning tizimidagi tashkilotlarning oʻzaro hamkorligi jarayonida yuzaga keladigan kelishmovchiliklar Agentlik direktorining topshirigʻiga binoan uning tegishli oʻrinbosari tomonidan koʻrib chiqiladi. Agar koʻrsatib oʻtilgan koʻrib chiqishdan keyin kelishmovchiliklar tartibga solinmasa, ular boʻyicha qaror bevosita Agentlik direktori tomonidan qabul qilinadi.

3-§. Agentlikning respublika va mahalliy ijro etuvchi hokimiyat organlari hamda boshqa tashkilotlar bilan oʻzaro hamkorlik tartibi

31. Agentlik oʻz vazifa va funksiyalarini amalga oshirishda respublika va mahalliy ijro etuvchi hokimiyat organlari hamda boshqa tashkilotlar bilan hamkorlik qiladi.

32. Agentlikning faoliyati Oʻzbekiston Respublikasining Bosh vaziri va Vazirlar Mahkamasi tomonidan muvofiqlashtiriladi.

4-§. Agentlikning hayʼati, boshqa kengash, maslahat, ekspert organlari

33. Agentlikda direktor (hayʼat raisi), uning oʻrinbosarlari (lavozimiga koʻra), Agentlik faoliyatining asosiy yoʻnalishlarini muvofiqlashtiruvchi tarkibiy boʻlinmalar rahbarlaridan iborat tarkibda hayʼat tashkil etiladi.

Hayʼat aʼzolarining soni va shaxsiy tarkibi Vazirlar Mahkamasi tomonidan tasdiqlanadi.

Hayʼat quyidagilar bilan bogʻliq masalalarni koʻrib chiqadi:

Agentlik faoliyatining standartlashtirish, metrologiya, muvofiqlikni baholash, xalqaro standartlarni, shu jumladan, sifat menejmenti tizimi boʻyicha xalqaro standartlarni qoʻllash asosida mahalliy mahsulotlar sifatini va ularning raqobatbardoshliligini oshirish sohasida yagona davlat siyosatini amalga oshirishni davom ettirish, shuningdek, standartlashtirish tizimi faoliyat koʻrsatishini va rivojlantirilishini, oʻlchashlarni yagona birlikda boʻlishini, muvofiqlikni baholashni, ushbu sohalardagi ilmiy-texnik axborotni tarqatish, shuningdek, ularning xalqaro, davlatlararo va xorijiy mamlakatlarning milliy tizimlari bilan uygʻunlashtirilishini taʼminlash boʻyicha ushbu Nizomda belgilangan asosiy yoʻnalishlarini tayyorlash va amalga oshirish;

Agentlik nomenklaturasiga kiradigan lavozimlarga kadrlarni tanlash, joy-joyiga qoʻyish, tayyorlash va qayta tayyorlash;

Oʻzbekiston Respublikasi Prezidentining farmonlari, qarorlari va farmoyishlarida, Vazirlar Mahkamasining qarorlari va farmoyishlarida belgilangan vazifalarni amalga oshirish boʻyicha ijro intizomini mustahkamlash va ularning oʻz vaqtida va sifatli amalga oshirilishini taʼminlash uchun Agentlik rahbarlari va xodimlarining shaxsiy javobgarligini oshirish.

Hayʼat Agentlik vakolatiga taalluqli boshqa masalalarni ham koʻrib chiqish huquqiga ega.

Hayʼat majlisiga Agentlik vakolatiga kiradigan masalalar boʻyicha respublika va mahalliy ijro etuvchi hokimiyat organlari va boshqa tashkilotlar rahbarlari taklif etilishi mumkin.

Hayʼat uning majlisida hayʼat tarkibining yarmidan koʻpi qatnashgan taqdirda, vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

Hayʼat qarorlari direktorning buyruqlari bilan amalga oshiriladi.

Direktor va hayʼat aʼzolari oʻrtasida kelishmovchiliklar mavjud boʻlgan taqdirda, direktor yuzaga kelgan kelishmovchiliklar toʻgʻrisida Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham oʻz fikr-mulohazalarini Vazirlar Mahkamasiga maʼlum qilishlari mumkin.

Hayʼat faoliyatining tartibi hayʼat tomonidan tasdiqlanadigan uning reglamentida belgilanadi.

8-bob. Agentlik faoliyati samaradorligi va natijadorligini baholash mezonlari va ish indikatorlari

36. Agentlik faoliyatining samaradorligi muntazam baholanadi.

37. Agentlik faoliyati samaradorligi va natijadorligiga berilgan baho Vazirlar Mahkamasi tomonidan tasdiqlanadigan Agentlik faoliyati samaradorligi va natijadorligini baholash mezonlari va ish indikatorlariga asoslanadi.

38. Agentlik faoliyati samaradorligi va natijadorligini baholash yakunlari boʻyicha:

Agentlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Agentlik faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

39. Agentlik faoliyati samaradorligi va natijadorligini baholash tartibi va uslubi qonunchilik hujjatlari bilan belgilanadi.

9-bob. Agentlik, uning tizimidagi tashkilotlar faoliyatini moliyalashtirish va uning xodimlarini moddiy ragʻbatlantirish

40. Agentlik, Inspeksiya, Oʻzbekiston standartlar institutining faoliyati Oʻzbekiston Respublikasi Davlat budjeti mablagʻlari, budjetdan tashqari jamgʻarmalar hamda amaldagi qonunchilik hujjatlariga zid boʻlmagan boshqa manbalar hisobidan moliyalashtiriladi.

Maxsus jamgʻarma mablagʻlarini shakllantirish va ulardan foydalanish tartibi toʻgʻrisidagi nizom Agentlik va Oʻzbekiston Respublikasi Iqtisodiyot va moliya vazirligi tomonidan birgalikda tasdiqlanadi.

41. Quyidagilar maxsus jamgʻarmani shakllantirish manbalari hisoblanadi:

texnik jihatdan tartibga solish, standartlashtirish, sertifikatlashtirish va metrologiya sohasidagi qonun hujjatlarining talablari buzilganligi uchun moliyaviy va maʼmuriy jarimalarning 50 foizi;

“Oʻzbekiston milliy metrologiya instituti” davlat muassasasi yalpi foydasidan 20 foizi;

sertifikatlashtirish organiga mahsuloti sertifikatlashtirilgan import qiluvchi va mahalliy ishlab chiqaruvchi korxonalar tomonidan kelib tushayotgan muvofiqlik belgisidan foydalanganlik uchun bir martalik toʻlovning 90 foizi;

Maxsus jamgʻarmaning boʻsh turgan mablagʻlarini tijorat banklarining depozitlariga joylashtirishdan olinadigan daromadlar.

42. Maxsus jamgʻarma mablagʻlari:

standartlashtirish, metrologiya va sertifikatlashtirish sohasining moddiy-texnik bazasini rivojlantirishga;

milliy etalon bazani, Oʻzbekiston texnik jihatdan tartibga solish agentligi tizimidagi tashkilotlarning sinov va oʻlchash laboratoriyalarini rivojlantirishga;

oʻzaro hamkorlik tadbirlariga hamda standartlashtirish, metrologiya, sertifikatlashtirish sohasidagi xalqaro va mintaqaviy tashkilotlarga badallar toʻlashga;

Agentlik va uning tizimidagi tashkilotlarning binolar, inshootlar hamda muhandislik tarmoqlarini qurish, rekonstruksiya qilish, mukammal taʼmirlash va saqlashga, asbob-uskunalar sotib olishga;

Agentlik faoliyatini amalga oshirishda moddiy ragʻbatlantirish va ijtimoiy qoʻllab-quvvatlashga;

eksportbop mahsulotlar uchun respublikada xalqaro, davlatlararo, mintaqaviy standartlar va xorijiy mamlakatlar standartlarini sotib olish va qabul qilishga;

sohani rivojlantirish, modernizatsiya qilish va yangi laboratoriyalarni tashkil etish maqsadida olingan qisqa va uzoq muddatli qarz hamda kredit boʻyicha (shu jumladan, xalqaro tashkilotlar va banklardan olingan) majburiyatlarini qaytarish xarajatlariga;

boʻsh turgan mablagʻlarni tijorat banklari depozitlariga joylashtirishga shuningdek, Agentlikka yuklangan vazifalar va funksiyalarga muvofiq amalga oshiriladigan boshqa tadbirlarga;

Oʻzbekiston Respublikasi qonunlari, Oʻzbekiston Respublikasi Prezidenti farmonlari, qarorlari, Hukumat qarorlari va boshqa normativ-huquqiy hujjatlarda nazarda tutilgan boshqa toʻlovlarga yoʻnaltiriladi.

43. Agentlik va uning tizimidagi tashkilotlar xodimlarining mehnatiga haq toʻlash fondi lavozim maoshi, uzoq muddat uzluksiz xizmati uchun ustama haqlar, mukofotlar, qoʻshimcha haqlar va ustamalar, ragʻbatlantirish toʻlovlaridan, shuningdek, qonunchilik hujjatlarida nazarda tutilgan boshqa toʻlovlardan iborat va qonunchilik hujjatlarida belgilangan tartibda toʻlanadi.

Agentlik va Inspeksiya xodimlari uchun tatbiq etilgan mehnatiga haq toʻlash razryadlariga asosan xodimlarining lavozim maoshini aniqlashda tarif koeffitsiyentlari 1,8 baravar oshirilgan miqdorda qoʻllaniladi hamda amaldagi uzoq yillik xizmati uchun ustama miqdorlari saqlanib qolinadi. Bunda Agentlik va Inspeksiya xodimlariga moddiy ragʻbatlantirish va qonunchilikda nazarda tutilgan boshqa toʻlovlar Agentlik direktori tomonidan tasdiqlangan nizomlar asosida toʻlanadi.

44. Agentlik markaziy apparati xodimlariga quyidagilar hisobidan:

a) Oʻzbekiston Respublikasi Davlat budjeti mablagʻlaridan:

quyidagi miqdorlarda koʻp yillik xizmati uchun oylik ustama haqlari toʻlanadi (ragʻbatlantirish koeffitsiyentini hisobga olgan holda, lavozim maoshiga nisbatan koeffitsiyentlarda):

1 yildan 3 yilgacha — 0,3;

3 yildan 5 yilgacha — 0,6;

5 yildan 10 yilgacha — 0,8;

10 yildan 15 yilgacha — 1,0;

15 yildan 20 yilgacha — 1,2;

20 yildan ortiq — 1,5.

Bunda koʻp yillik xizmati uchun oylik ustama haqlari koeffitsiyentini hisoblashda Agentlik va Inspeksiya xodimlarining tashkiliy-huquqiy shaklidan qatʼi nazar (yakka tadbirkor va oʻzini oʻzi band qilgan shaxs sifatida ishlagan davridan tashqari), barcha tashkilotlardagi mehnat faoliyati davri hisobga olinadi;

qonunchilik hujjatlarida koʻzda tutilgan boshqa mukofotlar, toʻlovlar va ustamalar;

b) Agentlikning budjetdan tashqari jamgʻarmalari hisobidan:

Agentlik xodimlariga har oyda mehnatga haq toʻlash fondining ikki baravari miqdorigacha ustama va qoʻshimcha haq toʻlash, mukofotlash va boshqa ragʻbatlantirish tusidagi hamda kompensatsiya toʻlovlari;

standartlashtirish, muvofiqlikni baholash, akkreditatsiya va metrologiya sohasida faoliyat yurituvchi xodimlarga oylik ish haqi toʻlanishida, tegishli yoʻnalish boʻyicha xalqaro va xorijiy tashkilotlarning bilim darajasini tasdiqlovchi sertifikatiga ega boʻlganda uning amal qilishi davrida, biroq ikki yildan koʻp boʻlmagan muddat davomida oylik maoshiga nisbatan 20 foiz, ekspert sifatida roʻyxatga olinganda oylik maoshiga nisbatan 40 foiz miqdorida qoʻshimcha ustama haqlar;

Agentlik markaziy apparatida faoliyat yuritayotgan fan nomzodi yoki falsafa doktori (PhD) (yoki xorijiy mamlakatlarda ularga tenglashtirilgan darajalar) ilmiy darajasiga ega xodimlar lavozim maoshiga 5 foizgacha, shuningdek, fan doktori (DSc) (yoki xorijiy mamlakatlarda unga tenglashtirilgan daraja) ilmiy darajasiga ega xodimlar lavozim maoshiga 10 foizgacha qoʻshimcha haq.

Mazkur Nizomning 41-bandi ikkinchi xatboshisida belgilangan manbadan Maxsus jamgʻarmaga tushgan mablagʻlarning Davlat budjetiga oʻtkaziladigan majburiyatlar chegirilgandan soʻng qolgan 80 foizigacha qismi har oy yakuni bilan keyingi oyning 15-sanasiga qadar Inspeksiyaning budjetdan tashqari rivojlantirish jamgʻarmasiga oʻtkaziladi.

Bunda oʻtkazilgan mablagʻlar Inspeksiya tomonidan:

oʻz xodimlariga qoʻshimcha haq, mukofot va boshqa ragʻbatlantirish tusidagi hamda kompensatsiya toʻlovlariga va saqlash xarajatlariga;

standartlarni hamda normativ hujjatlarning majburiy talablariga rioya qilish oʻlchovlarining yagonaligi taʼminlanishini davlat tomonidan nazorat qilishga;

insonlar hayoti, salomatligi, yuridik va jismoniy shaxslar mol-mulki, atrof-muhit uchun xavfli va sifatsiz boʻlgan mahsulotlarni olib kirish, ishlab chiqarish va sotish xavfi monitoringini amalga oshirishga, shuningdek, ichki bozorda muomalada boʻlgan tovarlar muvofiqligini baholashga;

mahsulotlarning solishtirish sinovlarini tashkil etish va oʻtkazishga;

Oʻzbekiston Respublikasi qonunlari, Oʻzbekiston Respublikasi Prezidenti Farmonlari, qarorlari, Vazirlar Mahkamasi qarorlari va boshqa normativ-huquqiy hujjatlarda nazarda tutilgan toʻlovlarga;

nazorat xaridi va sinovlarni oʻtkazish xarajatlariga sarflanadi.

10-bob. Agentlikning Oʻzbekiston Respublikasi Prezidenti Administratsiyasi va Vazirlar Mahkamasiga hisobot berishi

45. Agentlik Oʻzbekiston Respublikasi Prezidenti Administratsiyasi va Vazirlar Mahkamasiga hisobot beradi hamda:

oʻziga yuklangan vazifa va funksiyalarni bajarish bilan bogʻliq normativ-huquqiy va boshqa hujjatlar loyihalarini belgilangan tartibda kiritadi;

davlat organlari va boshqa tashkilotlar bilan birgalikda takliflar, tavsiyalar va tahliliy materiallar Oʻzbekiston Respublikasi Prezidenti Administratsiyasi, Vazirlar Mahkamasiga taqdim etish uchun tayyorlanishini taʼminlaydi;

texnik jihatdan tartibga solish, standartlashtirish, metrologiya va muvofiqlikni baholash sohasidagi tizimlarni tayyorlash, joriy etish va samaradorligini baholash boʻyicha chora-tadbirlarni ishlab chiqadi hamda amalga oshiradi, Vazirlar Mahkamasiga respublikada iqtisodiy va ijtimoiy islohotlar strategiyasidan kelib chiqib, ushbu tizimlarni samaradorligini oshirish boʻyicha aniq takliflar kiritadi;

texnik jihatdan tartibga solish, standartlashtirish, metrologiya va muvofiqlikni baholash tizimlarini eng muhim yoʻnalishlar hamda vazifalarning amaldagi ijrosi hamda mazkur sohalarda mavjud tizimli muammolar va kamchiliklarni Vazirlar Mahkamasining rahbariyati tomonidan muntazam ravishda koʻrib chiqilishini tashkil qiladi.

11-bob. Yakunlovchi qoida

46. Agentlik Oʻzbekiston Respublikasi qonunchilik hujjatlariga muvofiq qayta tashkil etiladi va tugatiladi.

Vazirlar Mahkamasining 2024-yil 1-iyuldagi 370-son qaroriga 2-ILOVA

Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasining (keyingi oʻrinlarda — Inspeksiya) asosiy vazifalarini, funksiyalarini, huquqlarini va javobgarligini, shuningdek, faoliyatini tashkil etish tartibini belgilaydi.

2. Inspeksiya oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizom va boshqa qonunchilik hujjatlari hamda Agentlik direktorining buyruqlariga amal qiladi.

3. Inspeksiya respublika ijro etuvchi hokimiyat organi hisoblanadi hamda oʻz faoliyatini davlat organlari, huquqni muhofaza qiluvchi va nazorat organlari, nodavlat notijorat tashkilotlari, xorijiy, xalqaro va boshqa tashkilotlar bilan hamkorlikda amalga oshiradi.

4. Inspeksiya Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, bank hisobvaraqlariga, shu jumladan xorijiy valyutadagi shaxsiy gʻazna hisobvaraqlariga ega boʻladi.

5. Agentlik Inspeksiyaning faoliyatiga umumiy rahbarlik qiladi.

6. Inspeksiya texnik jihatdan tartibga solish, standartlashtirish, sertifikatlashtirish va metrologiya sohalarida qonuniy talablarga va normativ-huquqiy hujjatlarga, texnik reglamentlarga, standartlashtirishga doir normativ hujjatlarga, oʻlchashlarning yagona birlikda boʻlishini taʼminlash, muvofiqlikni baholash qoidalariga rioya etish boʻyicha davlat nazoratini (keyingi oʻrinlarda — davlat nazorati) amalga oshiradi.

7. Davlat nazorati Inspeksiyaning davlat inspektorlari tomonidan qonunchilikda belgilangan shartlarda hamda tartibda amalga oshiriladi.

8. Inspeksiyaning davlat inspektorlari oliy maʼlumotga ega boʻlishlari va majburiy attestatsiyadan belgilangan tartibda oʻtishlari kerak.

9. Davlat nazoratini amalga oshiruvchi davlat inspektorlari davlat himoyasida boʻlib, mahalliy ijro etuvchi hokimiyat organlaridan mustaqil boʻladi va bevosita Inspeksiyaga boʻysinadilar.

10. Inspeksiyaning oʻz vakolati doirasiga taalluqli boʻlgan masalalar yuzasidan qabul qilinadigan va oʻrnatilgan tartibda qabul qilingan qarorlari, mulkchilik shaklidan va idoraviy mansubligidan qatʼi nazar, xoʻjalik va tadbirkorlik faoliyati subyektlari tomonidan bajarilishi majburiydir.

11. Inspeksiyaning rasmiy nomi:

a) davlat tilida:

toʻliq nomi — Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasi;

qisqartmasi — Texnik tartibga solish inspeksiyasi;

b) rus tilida:

toʻliq nomi — Inspeksiya po kontrolyu v oblasti texnicheskogo regulirovaniya Uzbekskogo agentstva po texnicheskomu regulirovaniyu pri Kabinete Ministrov Respubliki Uzbekistan;

qisqartmasi — Inspeksiya texnicheskogo regulirovaniya;

v) ingliz tilida:

toʻliq nomi — The control inspection in the field of technical regulation of the Uzbek agency for texnical Regulation under the Cabinet of Ministers of the Republic of Uzbekistan;

qisqartmasi — Technical Regulation Inspectorate.

12. Inspeksiyaning joylashgan joyi (pochta manzili): 100055, Toshkent shahar, Zafarobod koʻchasi, 7a uy.

2-bob. Inspeksiyaning asosiy vazifalari va funksiyalari

13. Quyidagilar Inspeksiyaning asosiy vazifalari hisoblanadi:

texnik jihatdan tartibga solish sohasidagi normativ hujjatlar va qonunchilikda belgilangan majburiy talablarga nomuvofiq deb topilgan mahsulotlarni aniqlash ishlarini tashkil etish;

texnik jihatdan tartibga solish, muvofiqlikni baholash va metrologiya sohasida huquqbuzarliklarni aniqlash yuzasidan kompleks chora-tadbirlarni amalga oshirish va ularni keltirib chiqarishga asos boʻluvchi sabab va sharoitlarni bartaraf etish choralarini koʻrish;

amaldagi texnik reglamentlar, standartlar va qonunchilik talablariga nomuvofiq boʻlgan mahsulotlarni belgilangan tartibda savdodan chiqarish.

14. Oʻziga yuklangan vazifalarga muvofiq Inspeksiya quyidagi funksiyalarni amalga oshiradi:

a) texnik jihatdan tartibga solish, shu jumladan, standartlashtirish va metrologiya sohalaridagi qonunchilik hujjatlari buzilishining oldini olish va profilaktikasini taʼminlash boʻyicha taʼsirchan choralar koʻrish sohasida:

texnik jihatdan tartibga solish, muvofiqlikni baholash va metrologiya sohasida qonunchilik hujjatlari buzilishining oldini olish va profilaktikasi boʻyicha chora-tadbirlarni amalga oshirish grafiklari va rejalarini ishlab chiqadi hamda tasdiqlaydi;

davlat organlari va boshqa tashkilotlar tomonidan taqdim etilgan maʼlumotlar, texnik tartibga solish va boshqa axborot tuzilmalarining axborot tizimi, ommaviy axborot vositalari va boshqa ochiq manbalardan olingan maʼlumotlar, jismoniy va yuridik shaxslardan kelib tushgan maʼlumotlarni tahlil va taqqoslash yoʻli bilan korxonalarni texnik jihatdan tartibga solish sohasidagi huquqbuzarliklarning joyiga chiqmagan holda oldini oladi;

davra suhbatlari, seminarlar, konferensiya va uchrashuvlar oʻtkazish yoʻli bilan texnik jihatdan tartibga solish, standartlashtirish, muvofiqlikni baholash va metrologiya sohasida qonunchilik hujjatlari talablari buzilishining oldini olish boʻyicha tushuntirish ishlarini amalga oshiradi;

texnik jihatdan tartibga solish, standartlashtirish, muvofiqlikni baholash va metrologiya sohasida qonunchilik buzilishining oldini olish boʻyicha amalga oshiriladigan chora-tadbirlarni ommaviy axborot vositalarida yoritadi;

tadbirkorlik subyektlarini texnik jihatdan tartibga solish, standartlashtirish, sertifikatlashtirish va metrologiya sohasida qonunchilik talablari aks etgan tarqatma materiallar bilan taʼminlaydi;

texnik jihatdan tartibga solish sohasidagi normativ hujjatlar, oʻlchashlarning yagona birlikda boʻlishini taʼminlash talablarining, majburiy sertifikatlashtirish qoidalarining buzilish holatlarni aniqlaydi va qonunchilik talablariga rioya etishga koʻmaklashuvchi tegishli choralar koʻradi, mexanizmlarni ishlab chiqadi;

texnik jihatdan tartibga solish, muvofiqlikni baholash va metrologiya sohasida qonunchilik hujjatlari buzilishini yashirish mexanizmlarini oʻrganish va aniqlashni tashkil etadi, amalga oshiradi va koʻrsatilgan mexanizmlarni qoʻllashning oldini olish tadbirlarini ishlab chiqadi va amalga oshiradi;

tegishli tarmoqlar bilan birgalikda mahalliy sanoat korxonalarida xalqaro standartlarni joriy etish, mahsulotlar sifatini oshirish hamda sinov laboratoriyalarini tashkil etishda koʻmaklashish ishlarini tashkil etadi, shuningdek, sinov laboratoriyalarining texnik jihatdan malakaliligini maʼqullash ishlarini amalga oshiradi;

Inspeksiyaning texnik bazasini tegishli ravishda modernizatsiyalash, mustahkamlash va yangilash orqali tashqi va ichki manbalardan kelib tushadigan maʼlumotlar tahlilining avtomatlashtirilgan ilgʻor usullarini joriy etadi va qoʻllaydi;

mahsulot va xizmatlarni ishlab chiqarishda va realizatsiya qilishda huquqbuzarliklarni belgilangan tartibda aniqlashni, ularning oldini olishni tashkil etadi va amalga oshiradi;

davlat nazorati uchun budjet tashkilotini rivojlantirish jamgʻarmasi hamda Agentlik huzuridagi standartlashtirish, metrologiya va sertifikatlashtirishni rivojlantirish maxsus jamgʻarmasi mablagʻlari hisobidan nazorat xaridi va sinov laboratoriyalarida sinovlarni oʻtkazish xarajatlarini qoplashga mablagʻlarni yoʻnaltiradi;

nazorat qilinadigan mahsulotlar koʻrsatkichlarini belgilangan talablarga muvofiqligini tekshirish maqsadida tashkilotlarda realizatsiya qilinadigan va saqlanadigan (import boʻyicha olib kelinadigan va mahalliy ishlab chiqarilgan) mahsulotlarni nazorat xaridini oʻtkazish yoʻli bilan davlat nazoratini amalga oshiradi (nazorat xaridi maqsadli korporativ bank kartasi yordamida Inspeksiya va uning hududiy boʻlimlari tomonidan amalga oshiriladi);

mahsulotlarni sinash uchun sinov laboratoriyalarini tanlab oladi;

nazorat tadbirlari davomida texnik jihatdan tartibga solish toʻgʻrisidagi qonunchilikni qoʻllash boʻyicha tushuntirish ishlarini amalga oshiradi, mavjud texnik reglamentlar haqida xabardor qiladi;

texnik jihatdan tartibga solish, standartlashtirish, sertifikatlashtirish va metrologiya sohasida tadbirkorlik subyektlarining huquqlarini va qonuniy manfaatlarini taʼminlash boʻyicha chora-tadbirlarni amalga oshiradi;

huquqbuzarliklarning oldini oladi, huquqbuzarlikni keltirib chiqaradigan sabablarni va sharoitlarni aniqlaydi, oʻrganadi va ularni bartaraf etish choralarini koʻradi;

b) texnik jihatdan tartibga solish sohasidagi normativ hujjatlar va qonunchilikda belgilangan majburiy talablarga nomuvofiq deb topilgan mahsulotlarni aniqlash ishlarini tashkil etish sohasida:

jismoniy va yuridik shaxslardan mahsulotlarning sifati hamda xavfsizligi yuzasidan kelib tushayotgan eʼtiroz va takliflarni oʻrganadi;

isteʼmolchilar tomonidan ommaviy axborot vositalari va ijtimoiy tarmoqlar orqali mahsulotlarning sifati boʻyicha tushayotgan eʼtirozlarni oʻrganadi;

kelib tushgan murojaatlar tahlili asosida savdo obyektlarida mahsulotlar nazorat xaridini amalga oshirish orqali sifatini baholaydi, bunda respublika hududiga olib kelinadigan mahsulotlarning sifatini ushbu Nizomga 1-ilovada keltirilgan “Xavfni tahlil etish” tizimi asosida baholaydi;

mahsulotlar texnik jihatdan tartibga solish sohasidagi normativ hujjatlar va qonunchilik talablariga nomuvofiq boʻlgan taqdirda, ularni nomuvofiq deb topilgan mahsulotlar reyestriga kiritadi;

texnik jihatdan tartibga solish sohasidagi normativ hujjatlar va qonunchilik talablariga nomuvofiq boʻlgan mahsulotlar importini cheklash chorasini koʻradi;

texnik jihatdan tartibga solish sohasidagi normativ hujjatlar va qonunchilik talablariga nomuvofiq boʻlgan mahsulotlar toʻgʻrisida isteʼmolchilarni ommaviy axborot vositalari va ijtimoiy tarmoqlarda yoritish orqali ogohlantiradi;

texnik jihatdan tartibga solish sohasidagi normativ hujjatlar va qonunchilik talablariga nomuvofiq boʻlgan mahsulotlarni ishlab chiqaruvchi, ishlab chiqaruvchining vakolatli vakili, yetkazib beruvchi va ular bilan savdo qiluvchilarga nisbatan qonunchilikda belgilangan moliyaviy va maʼmuriy choralar koʻradi;

texnik jihatdan tartibga solish sohasidagi normativ hujjatlar va qonunchilik talablariga nomuvofiq boʻlgan mahsulotlarni belgilangan tartibda savdodan chiqarish choralarini koʻradi;

v) texnik jihatdan tartibga solish sohasidagi normativ hujjatlarning majburiy talablari, oʻlchashlarning yagona birlikda boʻlishi va toʻgʻriligi taʼminlanishi, majburiy sertifikatlashtirish qoidalariga amal qilinishi yuzasidan davlat nazoratini tashkil etish sohasida:

Oʻzbekiston Respublikasining “ Texnik jihatdan tartibga solish toʻgʻrisida ”, “ Standartlashtirish toʻgʻrisida ”, “ Metrologiya toʻgʻrisida ”, “ Isteʼmolchilarning huquqlarini himoya qilish toʻgʻrisida ”, “ Energiyadan oqilona foydalanish toʻgʻrisida ”, “ Aholi oʻrtasida mikronutriyent yetishmasligi profilaktikasi toʻgʻrisida ”, “ Yod yetishmasligi kasalliklari profilaktikasi toʻgʻrisida ”, “ Oziq-ovqat mahsulotining sifati va xavfsizligi toʻgʻrisida ”, “ Xoʻjalik yurituvchi subyektlar faoliyatini davlat tomonidan nazorat qilish toʻgʻrisida ”gi qonunlari va texnik jihatdan tartibga solish, standartlashtirish, muvofiqlikni baholash va metrologiya sohasidagi boshqa normativ-huquqiy hujjatlarni amalga joriy qilishni taʼminlaydi;

texnik jihatdan tartibga solish, muvofiqlikni baholash va metrologiya sohasidagi qonunchilik hujjatlarida nazarda tutilgan boshqa talablar joriy etilishini va ularga amal qilinishini nazorat qiladi;

nazorat qilinadigan mahsulotlar koʻrsatkichlarini belgilangan talablarga muvofiqligini tekshirish maqsadida tashkilotlarda realizatsiya qilinadigan va saqlanadigan (import boʻyicha olib kelinadigan va mahalliy ishlab chiqarilgan) mahsulotlar boʻyicha nazorat xaridini oʻtkazish yoʻli bilan davlat nazoratini amalga oshiradi, bunda nazorat xaridi ushbu Nizomga 2-ilovadagi sxemaga asosan amalga oshiriladi;

standartlashtirish, muvofiqlikni baholash va metrologiya sohasida faoliyat yurituvchi subyektlar ishlarini nazorat qiladi, shu jumladan, standartlashtirish, muvofiqlikni baholash va metrologiya sohasiga doir hujjatlar toʻplamini tahlil qilish orqali;

texnik jihatdan tartibga solish, standartlashtirish, muvofiqlikni baholash va metrologiya sohasidagi normativ hujjatlar nazoratini amalga oshiruvchi tashkilot faoliyatiga uslubiy rahbarlik qiladi va ushbu faoliyatni muvofiqlashtiradi;

texnik jihatdan tartibga solish sohasida qonunchilik, normativ-huquqiy va normativ hujjatlarni ishlab chiqishda ishtirok etadi, ularning ishlab chiqilishida ilmiy va texnik yutuqlardan yuqori samarali foydalanishga hissa qoʻshadi, oʻz vakolati doirasida texnik jihatdan tartibga solish sohasidagi normativ hujjatlar, metrologik qoidalar va muvofiqlikni baholash qoidalari oʻz vaqtida joriy qilinmaganligi sabablarini va ularning buzilishini tahlil qiladi;

texnik jihatdan tartibga solish sohasidagi va oʻlchashlarning yagona birlikda boʻlishini taʼminlash boʻyicha normativ hujjatlar ekspertizasining natijalarini tahlil qiladi;

tashkiliy-huquqiy shaklidan va idoraviy mansubligidan qatʼi nazar vazirliklar, idoralar, tashkilotlar va tadbirkorlik subyektlarining sinov boʻlinmalarini mahsulotlarning belgilangan turi va sinov turlari bilan bogʻliq sinov oʻtkazish huquqini baholaydi;

texnik jihatdan tartibga solish sohasidagi normativ hujjatlarni, metrologik qoidalar va muvofiqlikni baholash qoidalarini, agar ular texnik darajani va mahsulot sifatini oshirishga xizmat qilmayotgan boʻlsa hamda amaldagi qonunchilikka zid boʻlsa, ularni bekor qilish, amal qilish muddatini qisqartirish va oʻzgartirishlar kiritish yoki qayta koʻrib chiqish taklifini kiritadi;

ishlab chiqariladigan (shuningdek, olib kiriladigan) va realizatsiya qilinadigan mahsulotlar (xizmatlar) sifati boʻyicha tegishli choralar koʻrish uchun isteʼmolchilar eʼtirozlarini oʻrganadi;

texnik jihatdan tartibga solish sohasidagi normativ hujjatlar, metrologik qoidalar va muvofiqlikni baholash qoidalarini joriy qilish, ularga rioya qilish nazorati jarayonida aniqlangan qonunchilik buzilishini bartaraf etish chorasini koʻradi;

tashkiliy-huquqiy shaklidan va idoraviy mansubligidan qatʼi nazar, tadbirkorlik subyektlarining oʻlchash va sinov vositasini tayyorlash, taʼmirlash va qiyoslash (kalibrovkalash) boʻyicha ishlarni bajarishga tayyorgarligini oʻrganadi hamda ularga shartnoma asosida tegishli xulosalar beradi;

mahsulotlarning texnik jihatdan tartibga solish sohasida normativ hujjatlar talablariga nomuvofiqligi haqida maʼlumotlar olinganda, oʻn kun muddatda ishlab chiqaruvchi (sotuvchi) tomonidan nomuvofiqlikni bartaraf etish boʻyicha chora-tadbirlar dasturini ishlab chiqish toʻgʻrisida koʻrsatma beradi, uning ijrosini taʼminlashda amaliy yordam beradi va nazoratni taʼminlaydi;

texnik jihatdan tartibga solish sohasidagi normativ hujjatlar, metrologik qoidalar va muvofiqlikni baholash qoidalari talablariga nomuvofiq boʻlgan mahsulotlarni (xizmatlarni) realizatsiya qilish holatlarini aniqlaydi;

qonunchilikka muvofiq chora koʻrish maqsadida sud yoki boshqa organlarga daʼvo bilan murojaat etish uchun qaror qabul qiladi;

muvofiqlikni baholashga doir faoliyatni va mahsulotlarni sinashda muvofiqlikni baholashda ishtirok etadigan obyektlar faoliyatining davlat nazoratini amalga oshiradi;

mahsulotning muvofiqligini baholash uchun talab etiladigan vaqt meʼyorlarini va ularga rioya etilishini “xavf-tahlil” qilish tizimi orqali baholaydi;

laboratoriyalarda, shuningdek, oʻz bazasida tashkil etilgan laboratoriyalarda mahsulotlar sinovini oʻtkazadi;

oʻlchashlarning yagona birlikda boʻlishini taʼminlash boʻyicha davlat metrologiya nazoratini amalga oshiradi, jumladan:

belgilangan kattalik birliklarini qoʻllash toʻgʻriligi, oʻlchash va sinov vositalari holati, ularni tayyorlash, saqlash, taʼmirlash, qiyoslash hamda ekspluatatsiya qilish holatini;

oʻlchashlar va sinovlarni bajarish uslubiyotlarini qoʻllash toʻgʻriligini;

Oʻzbekiston Respublikasida kattalik birliklarining qoʻllanilishiga ruxsat berilgan kattalik birliklariga muvofiqligini;

oʻlchashlarning yagona birlikda boʻlishini taʼminlashni davlat tomonidan tartibga solish sohasida amalga oshiriladigan oʻlchashlar uchun qoʻyiladigan majburiy talablarga rioya qilishni;

oʻlchash vositalari, standart namunalari va kattalik birligi etalonlarining oʻlchashlar yagona birlikda boʻlishini taʼminlashni davlat tomonidan tartibga solish sohasidagi majburiy talablarga muvofiqligini;

metrologik attestatsiyadan oʻtkazilgan oʻlchashlarni bajarish uslubiyotlarini mavjudligi va ularning toʻgʻri qoʻllanishiga rioya qilishni;

oʻlchashlarning yagona birlikda boʻlishini taʼminlashni davlat tomonidan tartibga solish sohasiga tegishli boʻlgan oʻlchashlarni amalga oshirish va ular uchun belgilangan majburiy talablarga rioya etishni;

oʻlchashlarning yagona birlikda boʻlishini taʼminlashni davlat tomonidan tartibga solish sohasida qoʻllaniladigan, metrologik attestatsiyadan oʻtkazilgan oʻlchashlarni bajarish uslubiyotlari, shuningdek, attestatsiya qilingan oʻlchashlarning uslubi tasdiqlaydigan maʼlumotlar mavjudligi va ularga rioya etishini;

oʻlchashlarning yagona birlikda boʻlishini taʼminlash sohasida ishlarni amalga oshirishni va (yoki) xizmatlar koʻrsatishni;

oʻramlarga qadoqlangan tovarlarning ularni maydalab qadoqlash va sotish chogʻidagi miqdorining toʻgʻriligini;

oʻlchashlarning yagona birlikda boʻlishini taʼminlashning davlat tomonidan tartibga solish sohasida majburiy talablarga oʻlchashlar, oʻlchash vositalari (tarkibiy qismlari, dasturiy taʼminoti), oʻlchash birliklari, standart namunalar, shuningdek, kattalik birliklari etalonlarining muvofiqligini;

yuridik shaxslarda yoki yakka tartibdagi tadbirkorlarda har bir oʻlchash vositasi, standart namunalar, oʻlchashlarning yagona birlikda boʻlishi uchun ekspluatatsiya hujjatlari mavjudligini;

oʻlchashlarning yagona birlikda boʻlishini davlat tomonidan tartibga solish sohasida tekshirilgan turi tasdiqlangan oʻlchash vositalari, turi tasdiqlangan standart namunalar, tasdiqlangan va attestatlangan kattalik birliklari etalonini qoʻllashni;

oʻlchashlarning yagona birlikda boʻlishini taʼminlashning davlat tomonidan tartibga solish sohasida qoʻllaniladigan oʻlchash vositalarini, standart namunalarini, kattalik birligi etaloni, oʻlchashlarning uslubiyotidan maqsadli foydalanishni;

Oʻzbekiston Respublikasida qoʻllashga ruxsat berilgan oʻlchash birliklarini yozish va qoʻllash qoidalariga rioya qilishni;

g) texnik jihatdan tartibga solish, muvofiqlikni baholash va metrologiya sohasida huquqbuzarlikni aniqlash yuzasidan kompleks chora-tadbirlarni amalga oshirish va ularni keltirib chiqarishga asos boʻluvchi sabab va sharoitlarni bartaraf etish choralarini koʻrish sohasida:

maʼmuriy huquqbuzarlik toʻgʻrisidagi ishlarni yuritadi, Inspeksiyaning vakolatiga kiradigan ishlarni koʻrib chiqadi va maʼmuriy jazo qoʻllaydi;

maʼmuriy huquqbuzarlik toʻgʻrisidagi ishlarining amaliyotini tahlil qiladi, hisobini yuritadi hamda ushbu sohada yagona amaliyotni shakllantirish boʻyicha chora koʻradi;

d) amaldagi texnik reglamentlar, standartlar va qonunchilik talablariga nomuvofiq mahsulotlarni belgilangan tartibda savdodan chiqarish sohasida:

nomuvofiq deb topilgan mahsulotlarni savdodan chaqirib olish choralarini koʻrish yuzasidan mahsulot egasiga taqdimnoma kiritadi;

texnik reglamentlarning talablariga nomuvofiq deb topilgan mahsulotni qaytarib olish uchun texnik reglamentlarning talablariga nomuvofiq boʻlgan mahsulotni chaqirib olish dalolatnomasini rasmiylashtiradi;

texnik reglamentlarning talablariga nomuvofiq deb topilgan, mahsulotni chaqirib va (yoki) qaytarib olish holatlari toʻgʻrisidagi axborotni rasmiy saytida joylashtiradi.

Inspeksiya qonunchilikka muvofiq boshqa funksiyalarni amalga oshirishi mumkin.

3-bob. Inspeksiya va davlat inspektorlarning huquqlari, majburiyatlari va javobgarligi

15. Inspeksiya oʻziga yuklangan vazifa va funksiyalarni amalga oshirish uchun quyidagi huquqlarga ega:

davlat organlari va boshqa tashkilotlardan hamda ularning mansabdor shaxslaridan zarur hujjatlarni va maʼlumotlarni olish;

tadbirkorlik subyektlari — yuridik shaxslar faoliyatini tekshirishni muvofiqlashtirish boʻyicha vakolatli organni “Yagona davlat nazorati” axborot tizimida roʻyxatga olish orqali xabardor qilgan holda, belgilangan tartibda oʻtkazilgan “Xavfni tahlil etish” tizimi natijasi asosida oʻziga yuklangan vazifalar doirasida davlat nazoratini amalga oshirish;

Inspeksiyaning vakolatiga kiradigan masalalar boʻyicha sudga va boshqa organlarga murojaat etish;

Inspeksiyaning vakolati doirasida texnik jihatdan tartibga solish, standartlashtirish, muvofiqlikni baholash va metrologiya sohasidagi qonunchilik va normativ hujjatlar talablari buzilganligi uchun maʼmuriy jarimalar qoʻllash boʻyicha sudga murojaat qilish;

davlat nazoratidagi mahsulotlarni (xizmatlarni) olib kiruvchi va ishlab chiqaruvchi hamda saqlovchi va realizatsiya qiluvchi tashkilotlarning rahbarlari va mutaxassislaridan davlat nazoratini oʻtkazish masalalari bilan bogʻliq boʻlgan zarur hujjatlar va tushuntirishlar olish;

davlat organlaridan mahsulotlarni realizatsiya qilish bilan shugʻullanuvchi tadbirkorlik subyektlari va savdo joylarining roʻyxatini va joylashuvini soʻrash;

mahsulotlarni texnik jihatdan tartibga solish sohasidagi normativ hujjatlar talablariga muvofiqligini tasdiqlovchi hujjatlarni elektron dasturlar orqali nazorat qilish;

xavflilik darajasi yuqori boʻlgan ayrim turdagi import mahsulotlarni davlat roʻyxatidan oʻtkazishda qatnashish;

savdo rastalarida realizatsiya qilinayotgan xavflilik darajasi yuqori boʻlgan ayrim turdagi import mahsulotlar amaldagi texnik reglament, standartlar va qonunchilik hujjatlari talablariga nomuvofiqligi aniqlangan taqdirda, ushbu mahsulotlarni davlat roʻyxatidan chiqarish yuzasidan vakolatli idoraga taklif kiritish;

sertifikatlanmagan va qalbaki, shu jumladan, Yevropa Ittifoqi (YEI) va Yevroosiyo iqtisodiy ittifoqida (YEOII) xavfli mahsulotlar haqida tezkor xabar berish axborot tizimlariga kiritilgan, YEI va YEOII mamlakatlariga olib kirish taqiqlangan mahsulotlar toʻgʻrisidagi maʼlumotlarni axborot tizimiga kiritish;

zarur holatlarda, mahsulotlar (xizmatlar)ni olib keluvchi va ishlab chiqaradigan, shuningdek, saqlashni va realizatsiyasini amalga oshiruvchi davlat nazoratidagi tashkilotlar rahbarlariga qonunchilik hujjatlari buzilishini oʻz muddatida bartaraf etish yuzasidan yozma ogohlantirish berish va taqdimnoma kiritish;

texnik jihatdan tartibga solish, standartlashtirish, metrologiya va muvofiqlikni baholash sohalarida sodir etilgan huquqbuzarliklar uchun yuridik shaxslarga qonun hujjatlariga muvofiq moliyaviy jarima qoʻllash boʻyicha sudga murojaat qilish;

davlat nazorati natijasiga koʻra texnik jihatdan tartibga solish sohasidagi normativ hujjatlar talablariga nomuvofiq mahsulotni muomaladan chiqarish yoki mahsulotning belgilangan qismini chaqirib olish toʻgʻrisidagi koʻrsatmalarni bajarmaganlik uchun yuridik shaxslarga qonun hujjatlariga muvofiq moliyaviy jarima qoʻllash boʻyicha sudga murojaat qilish;

mahsulotlarni ishlab chiqarish, olib kirish, tashish, saqlash, realizatsiya qilish faoliyatini amalga oshiruvchi tashkilotlar rahbarlaridan normativ-huquqiy hujjatlar talablarini, shuningdek, vakolatli vazirlik va idoralar mahsulotlarning sifatini va xavfsizligini yaxshilash boʻyicha qarorlarni aniq va eʼtirozlarsiz bajarishni talab qilish;

ishlab chiqaruvchi (sotuvchidan) mahsulotlarning texnik jihatdan tartibga solish sohasidagi va standartlashtirishga doir normativ hujjatlar talablariga muvofiqligini tasdiqlovchi muvofiqlik toʻgʻrisidagi deklaratsiyalarni va muvofiqlik sertifikatlarini yoki ularning nusxasi hamda muvofiqlik toʻgʻrisidagi deklaratsiyaning yoki muvofiqlik sertifikatlarining roʻyxatga olish raqamini talab qilish;

muvofiqlik sertifikatlarini yoki muvofiqlik toʻgʻrisidagi deklaratsiyalarni bergan sertifikatlashtirish organlariga ularning amal qilishini toʻxtatib turish va bekor qilish toʻgʻrisida taqdimnoma kiritish;

texnik jihatdan tartibga solish sohasidagi normativ hujjatlar talablariga nomuvofiq mahsulotlarni ishlab chiqarish va realizatsiya qilish holatlari tasdiqlanganda, ushbu mahsulotlarga rasmiylashtirilgan muvofiqlik sertifikatini qonunchilikda belgilangan tartibda toʻxtatib turish va bekor qilish. Bunda muvofiqlik sertifikatini bekor qilish va toʻxtatib turishning mezonlari va tartibi ushbu Nizomga 3-ilovadagi sxemaga muvofiq amalga oshiriladi;

sertifikatlashtirish organining qoidalarga rioya etmaganligi (jumladan, mahsulot barcha majburiy koʻrsatkichlarga muvofiqligi baholanmaganligi) natijasida sifatsiz mahsulotlar realizatsiya qilinganligi holatlari aniqlaganda, mazkur organning sertifikatlash faoliyatini qonunchilikda belgilangan tartibda toʻxtatib turish. Bunda sertifikatlashtirish organining sertifikatlashtirish faoliyatini toʻxtatib turishning mezonlari va tartibi ushbu Nizomga 4-ilovadagi sxemaga muvofiq amalga oshiriladi;

muvofiqlik sertifikatining amal qilishini toʻxtatib turish yoki tugatish zarurligi toʻgʻrisidagi axborotni sertifikatni bergan muvofiqlikni baholash organiga va maxsus vakolatli davlat organiga yuborish;

muvofiqlikni baholash organiga muvofiqlik sertifikatining amal qilishini toʻxtatib turish yoki tugatish toʻgʻrisida, deklaratsiyani qabul qilgan shaxsga muvofiqlik toʻgʻrisidagi deklaratsiyaning amal qilishini toʻxtatib turish yoki tugatish haqida koʻrsatma berish hamda muvofiqlik sertifikatining, muvofiqlik toʻgʻrisidagi deklaratsiyaning amal qilishini toʻxtatib turish yoxud tugatish haqida koʻrsatma berilganligi toʻgʻrisidagi axborotni akkreditatsiya organiga yuborish;

sertifikatlashtirish organini tekshirish natijasida nomuvofiqliklar aniqlanganda, akkreditatsiya markaziga maʼlumotlar kiritish hamda akkreditatsiya markazi bilan hamkorlikda ishlarni amalga oshirish;

“Texnik jihatdan tartibga solish toʻgʻrisida”gi Qonunning 41-moddasiga muvofiq ushbu Qonunda nazarda tutilgan koʻrsatma bajarilmagan taqdirda, Inspeksiya oʻz vakolatlariga muvofiq, shuningdek, zarar yetkazilishini bartaraf etishga doir tadbirlar dasturi bajarilmaganligi haqida oʻziga maʼlum boʻlib qolgan boshqa shaxslar ishlab chiqaruvchi, ishlab chiqaruvchining vakolatli vakili, sotuvchi, import qiluvchi tomonidan mahsulotni majburiy ravishda chaqirib olish toʻgʻrisidagi daʼvo arizasi bilan sudga murojaat qilishga haqli;

soliq organlari va boshqa vakolatli organlar bilan hamkorlikda soddalashtirilgan tartibda olib kiriladigan tovarlardan maqsadli foydalanishni nazorat qilishda ishtirok etish;

soddalashtirilgan tartibda olib kirilgan tovarlardan maqsadli foydalanish toʻgʻrisida tadbirkorlik subyektlari bilan profilaktika chora-tadbirlarini oʻtkazish, shuningdek, qonunchilik hujjatlari buzilishi aniqlanganda — ularni bartaraf etish toʻgʻrisida ogohlantirish berish;

ishlab chiqaruvchini (sotuvchini) qonunchilikda koʻzda tutilgan javobgarlikka tortish;

davlat nazoratidagi obyektdan mahsulotlar (xizmatlar) muvofiqlikni baholash jarayonida texnik jihatdan tartibga solish sohasidagi normativ hujjatlar talablariga mos ravishda oʻtkazilganligini isbotlovchi materiallarni talab qilish;

mahsulotlarni ishlab chiqarishda, realizatsiya qilishda va saqlashda texnik jihatdan tartibga solish sohasidagi normativ hujjatlar talablari, shuningdek, oʻlchashlarning yagona birlikda boʻlishini taʼminlash, muvofiqlikni baholash qoidalarining buzilish holatlari aniqlanganda, Agentlik rahbariyati orqali vakolatli organlarga muayyan faoliyatni amalga oshirish huquqini beruvchi litsenziyani toʻxtatib turish yoki bekor qilish toʻgʻrisida takliflar kiritish;

tadbirkorlik subyektlariga huquqbuzarlikka yoʻl qoʻyilmasligi, shuningdek, huquqbuzarlikka moyilligi borligi, huquqbuzarlik sodir etilganlik uchun javobgarlik toʻgʻrisida tushuntirishlar bilan birga rasmiy ogohlantirish yozib berish;

texnik jihatdan tartibga solish sohasidagi va standartlashtirishga doir normativ hujjatlar talablari, shuningdek, oʻlchashlarning yagona birlikda boʻlishini taʼminlash, muvofiqlikni baholash qoidalariga nomuvofiq mahsulotlar (xizmatlar) toʻgʻrisidagi maʼlumotlarni ommaviy axborot vositalari orqali isteʼmolchilarga yetkazish;

zarur holatlarda, vakolati doirasida amalga oshiradigan nazorat faoliyatiga davlat boshqaruvi organlari mutaxassislarini belgilangan tartibda jalb etish.

Inspeksiya qonunchilikka muvofiq boshqa huquqlarga ega boʻlishi mumkin.

16. Inspeksiyaning davlat inspektorlari quyidagi huquqlarga ega:

mahsulotlarni (xizmatlarni) ishlab chiqarish bosqichlarida, ishlab chiqarishga tayyorlashda, realizatsiya qilishda (yetkazib berish, sotish), foydalanishda (ekspluatatsiya), saqlashda, transportirovka va utilizatsiya qilishda texnik jihatdan tartibga solish, metrologiya, sertifikatlashtirish va muvofiqlikni baholash sohasidagi normativ hujjatlar majburiy talablarining buzilish holatlari aniqlanganda, ularni bartaraf etish toʻgʻrisida ogohlantirish berish;

tadbirkorlik subyekti davlat nazoratini oʻtkazishdan bosh tortgan holatda, oʻrnatilgan tartibda mahsulotlarni (xizmatlarni) realizatsiya qilishni taqiqlash;

tadbirkorlik subyektining xizmat va ishlab chiqarish binolariga belgilangan tartibda kirish;

belgilangan tartibda tadbirkorlik subyektidan davlat nazoratini oʻtkazish uchun zarur boʻlgan hujjatlarni va maʼlumotlarni olish;

texnik vositalardan foydalanish va davlat nazoratini oʻtkazishda xoʻjalik faoliyatini yurituvchi subyekt mutaxassisini jalb etish;

texnik jihatdan tartibga solish sohasidagi normativ hujjatlar, metrologiya, sertifikatlashtirish va muvofiqlikni baholash qoidalari majburiy talablariga muvofiqligini nazorat qilish uchun mahsulotlardan namunalar va nusxalar tanlab olish, bunda ishlatib yuborilgan nusxalarning qiymati va sinovlarni (tahlillarni, oʻlchashlarni) oʻtkazish xarajatlarini tekshirilayotgan xoʻjalik faoliyati subyektlarining ishlab chiqarish xarajatlariga kiritish;

mahsulotlarning (xizmatlarning) texnik jihatdan tartibga solish sohasidagi, standartlashtirishga doir normativ hujjatlar, metrologiya, sertifikatlashtirish va muvofiqlikni baholash sohasidagi qoidalar majburiy talablariga muvofiqligi toʻgʻrisida maʼlumotlar ishonchliligini tekshirish uchun ishlab chiqaruvchidan (sotuvchidan) materiallarni talab etish;

ishlab chiqaruvchidan (sotuvchidan) va boshqa shaxslardan mahsulot (xizmat) toʻgʻrisida maʼlumotlarni yoki loyihalash jarayonlari (shu jumladan, tadqiqotlar), ishlab chiqarish, realizatsiya va utilizatsiya qilish, montaj, qurilish, sozlash, ekspluatatsiya, saqlash, tashish, shuningdek, tadqiqotlar (sinovlar) natijalari va muvofiqligini majburiy tasdiqlash jarayonida amalga oshirishdagi oʻlchashlar bilan bogʻliq boʻlgan talablarni soʻrash;

mahsulotlarni (xizmatlarni) sinashda va sertifikatlashtirishda, sertifikatlashtirilgan mahsulotlarni (xizmatlarni) va sifat menejmenti tizimining inspeksiya nazoratida ishtirok etish;

davlat nazorati natijalari boʻyicha dalolatnomalarni rasmiylashtirish va kamchiliklarni bartaraf etish toʻgʻrisida koʻrsatmalar berish;

texnik jihatdan tartibga solish, standartlashtirish, metrologiya, sertifikatlashtirish va muvofiqlikni baholash sohasida qonunchilik talablariga rioya etishni taʼminlash masalalari boʻyicha sud jarayonlarida ishtirok etish;

tekshirilgan mahsulot texnik reglament va standartlarning majburiy talablariga muvofiq kelmagan va majburiy muvofiqligi tasdiqlanadigan, ammo muvofiqligi tasdiqlanmagan mahsulotni sotishni (yetkazib berishni), ishlatishni (foydalanishni) taqiqlash yoki toʻxtatish toʻgʻrisida yozma koʻrsatma berish.

17. Texnik jihatdan tartibga solish, standartlashtirish, muvofiqlikni baholash va metrologiya sohasidagi qonunchilik talablariga rioya qilishni taʼminlash boʻyicha Oʻzbekiston Respublikasi Bosh davlat inspektori va bosh davlat inspektorining oʻrinbosarlari ushbu Nizomning 16-bandida koʻrsatilgan huquqlardan tashqari, oʻtkazilgan nazorat natijalari boʻyicha qabul qilinadigan taʼsir choralarini koʻrish huquqiga, shu bilan birga quyidagilarga ega:

davlat nazorati jarayonida aniqlangan qonunchilik buzilishini bartaraf etish toʻgʻrisida qaror qabul qilish;

sertifikatlashtirish organining qoidalarga rioya etmaganligi (jumladan, mahsulot barcha majburiy koʻrsatkichlarga muvofiqligi baholanmaganligi) natijasida sifatsiz mahsulotlar realizatsiya qilinganligi holatlari aniqlaganda, mazkur organning sertifikatlashtirish faoliyatini qonunchilikda belgilangan tartibda toʻxtatib turish haqida qaror qabul qilish;

korxonalarda texnik jihatdan tartibga solish sohasidagi va standartlar talablariga rioya etmaganlik uchun korxona va tarmoq rahbarlariga taqdimnomalar kiritish;

qonunchilik hujjatlari, texnik jihatdan tartibga solish sohasidagi talablar, standartlashtirishga doir normativ hujjatlarning majburiy talablari, metrologiya, sertifikatlashtirish va muvofiqlikni baholash qoidalari buzilishida aybdor boʻlgan tadbirkorlik subyektlari va muvofiqlikni baholash idoralari mansabdor shaxslarini belgilangan tartibda maʼmuriy javobgarlikka tortish boʻyicha qaror qabul qilish;

tekshirilgan mahsulotlarning texnik jihatdan tartibga solish sohasidagi normativ hujjatlarning majburiy talablariga nomuvofiq boʻlgan holatda, ushbu mahsulotlarni oʻn ish kunigacha ishlab chiqarishni taqiqlab qoʻyish yoki realizatsiya qilinishini (yetkazib berilishi, sotilishi) yoki foydalanishni (ishlatishni) toʻxtatib qoʻyish toʻgʻrisida qaror qabul qilish;

qonunchilik, texnik jihatdan tartibga solish sohasidagi normativ hujjatlar majburiy talablarga, standartlashtirishga doir normativ hujjatlar majburiy talablariga, metrologiya va sertifikatlashtirish qoidalariga nomuvofiq boʻlgan import mahsulotlarni realizatsiya qilishni oʻn ish kunigacha taqiqlash toʻgʻrisida qaror qabul qilish;

tadbirkorlik subyekti davlat nazoratidan bosh tortgan holatlarda — mahsulotlarni (xizmatlarni) realizatsiya qilishni oʻn ish kunigacha taqiqlab qoʻyish;

texnik jihatdan tartibga solish sohasidagi normativ hujjatlarga, shuningdek, qonunchilikda koʻzda tutilgan tegishli ruxsat beruvchi hujjatlarga ega boʻlmagan mahsulotlarni (xizmatlarni) ishlab chiqarishni oʻn ish kunigacha taqiqlash toʻgʻrisida qaror qabul qilish;

texnik jihatdan tartibga solish sohasidagi normativ hujjatlar, standartlar va qonunchilik hujjatlari bilan belgilangan majburiy talablarga nomuvofiq deb topilgan mahsulotlarni roʻyxatga olingan kundan boshlab olti oy muddatgacha roʻyxatdan chiqarish, nomuvofiq deb topilgan tegishli mahsulotni ishlab chiqaruvchi (uning rasmiy vakili) tomonidan Oʻzbekiston Respublikasi hududiga olib kirish, erkin muomalaga chiqarishni taqiqlash;

davlat sinovidan, metrologik attestatsiyadan oʻtmagan, qiyoslanmagan oʻlchash vositalarini qoʻllash va muomalaga chiqarilishini oʻn ish kunigacha toʻxtatib turish, zarur boʻlgan holatlarda shunga oʻxshash vositalarni muomaladan chiqarib tashlash toʻgʻrisidagi qarorni qabul qilish.

18. Oʻziga yuklangan vazifalar va funksiyalarni bajarishda Inspeksiya quyidagilarga majbur:

davlat nazorati boʻyicha tadbirlar jarayonida texnik jihatdan tartibga solish, standartlashtirish, muvofiqlikni baholash va metrologiya toʻgʻrisidagi qonunchilikni qoʻllash boʻyicha tushuntirish ishlarini oʻtkazish, mavjud boʻlgan texnik jihatdan tartibga solish sohasidagi normativ hujjatlar toʻgʻrisida maʼlumotlar berish;

tijorat sirini va qonunchilik bilan himoyalanadigan boshqa sirni saqlash;

davlat nazorati boʻyicha tadbirlarni amalga oshirish tartibiga rioya qilish va ushbu tadbirlar natijalarini qonunchilikka muvofiq rasmiylashtirish;

davlat nazorati boʻyicha chora-tadbirlar natijalari asosida texnik jihatdan tartibga solish, standartlashtirish, muvofiqlikni baholash va metrologiya sohasidagi normativ hujjatlar talablarining buzilish holatlarini bartaraf etish choralarini koʻrish;

Agentlik va boshqa vakolatli organlarga texnik jihatdan tartibga solish sohasidagi normativ hujjatlar talabalariga mahsulotlarning nomuvofiqligi toʻgʻrisidagi maʼlumotlarni yuborish.

19. Inspeksiya quyidagilarga javobgar hisoblanadi:

texnik jihatdan tartibga solish, standartlashtirish, sertifikatlashtirish va metrologiya sohalarida qonunchilik talablariga rioya qilish, ushbu sohada qonunchilik va normativ hujjatlar talablarining bajarilishi yuzasidan davlat nazoratini amalga oshirish;

oʻziga yuklangan boshqa vazifalarni samarali bajarish;

qonunchilikka muvofiq davlat nazorati boʻyicha tadbirlarni oʻtkazishda oʻzining xizmat majburiyatlarini tegishli ravishda bajarish.

4-bob. Inspeksiya faoliyatini tashkil etish

20. Inspeksiyaga Oʻzbekiston Respublikasi Prezidenti bilan kelishilgan holda, Vazirlar Mahkamasi tomonidan lavozimga tayinlanadigan va lavozimidan ozod qilinadigan boshliq rahbarlik qiladi. Inspeksiya boshligʻi bevosita Agentlik direktoriga boʻysunadi.

Inspeksiya boshligʻi bir vaqtning oʻzida lavozimi boʻyicha texnik jihatdan tartibga solish, standartlashtirish, sertifikatlashtirish va metrologiya qoidalariga rioya etilishini nazorat qilish boʻyicha Oʻzbekiston Respublikasi Bosh davlat inspektorining oʻrinbosari hisoblanadi.

Inspeksiya boshligʻi Agentlik direktori tomonidan lavozimga tayinlanadigan va lavozimdan ozod etiladigan oʻrinbosarga ega.

21. Inspeksiya boshligʻi:

Inspeksiya faoliyatiga yakkaboshchilik asosida umumiy rahbarlik qiladi va Inspeksiyaga yuklangan vazifa va funksiyalarni bajarish uchun shaxsan javobgardir;

oʻz vakolati doirasida Inspeksiya xodimlariga bajarilishi majburiy boʻlgan buyruqlar chiqaradi, koʻrsatmalar beradi;

oʻrnatilgan tartibda Inspeksiya xodimlarini lavozimga tayinlaydi va lavozimdan ozod etadi;

Inspeksiyaning moliyaviy-xoʻjalik faoliyatini rejalashtiradi va tashkil etadi;

Inspeksiya xodimlariga nisbatan ragʻbatlantirish va intizomiy javobgarlikka tortish toʻgʻrisidagi masalalarni hal etadi, alohida oʻzini koʻrsatgan xodimlarni faxriy unvon va davlat mukofotlari bilan taqdirlashga va moddiy ragʻbatlantirishga taqdim qiladi.

22. Inspeksiya boshligʻi qonunchilikka muvofiq boshqa vakolatlarni ham amalga oshiradi.

5-bob. Inspeksiyaning boshqa organlar bilan oʻzaro hamkorligi

23. Inspeksiya oʻzining faoliyatida unga yuklangan funksiya va majburiyatlarni bajarish uchun tadbirkorlik subyektlarida davlat nazoratini oʻtkazishni rejalashtirishda, yuqori turuvchi tashkilotlarga materiallar va maʼlumotlarni tayyorlashda hamda umumlashtirishda Oʻzbekiston Respublikasi Bosh prokuraturasi bilan hamkorlik qiladi.

24. Inspeksiyaning davlat inspektorlari vujudga kelgan zarur holatlarda, texnik jihatdan tartibga solish sohasida mahsulotlar sifati va xavfsizligining, oʻlchashlarning yagona birlikda boʻlishini taʼminlash, sertifikatlashtirish qoidalarini taʼminlashda amaliy yordam koʻrsatish uchun tekshiruvlar oʻtkazishda davlat va huquq-tartibot organlari tomonidan jalb etilishlari mumkin.

25. Inspeksiyaning davlat inspektorlari davlat boshqaruvi organlarining qarorlari boʻyicha litsenziatlar tomonidan litsenziya talablari va shartlariga amal qilish yuzasidan tekshiruvlarni oʻtkazish uchun jalb qilinishi mumkin.

26. Agar qonunchilikda shikoyat qilishning boshqa tartibi oʻrnatilmagan boʻlsa, yuqori turuvchi mansabdor shaxsga davlat inspektorlarining xatti-harakatlari boʻyicha oʻn kun muddatda shikoyat qilish mumkin.

27. Shikoyat berish shikoyat qilinayotgan qaror bajarilishini toʻxtatmaydi.

28. Davlat inspektorlari xatti-harakatlari boʻyicha shikoyat kechiktirmasdan, lekin shikoyat kelib tushgan kundan boshlab kechi bilan oʻn besh kun muddatda, qoʻshimcha oʻrganishlarni va tekshirishlarni talab etadigan shikoyatlar esa bir oygacha boʻlgan muddatda koʻrib chiqiladi.

29. Tashkilotlar rahbarlari davlat inspektorlariga yuklangan vazifalarni bajarishlari uchun kerakli sharoitlarni yaratib berishga majburdirlar (belgilangan tartibda xizmat binolari, aloqa vositalari, transport bilan taʼminlash va boshqalar).

6-bob. Inspeksiya faoliyatini moliyalashtirish manbalari va xodimlarni moddiy ragʻbatlantirish

30. Quyidagilar Inspeksiya faoliyatini moliyalashtirish manbalari hisoblanadi:

Oʻzbekiston Respublikasi Davlat budjeti mablagʻlari, budjetdan tashqari jamgʻarmalar, xalqaro va chet el hukumatlari, xalqaro moliya tashkilotlari, moliya institutlari va boshqa donorlarning grantlari va kreditlari (qarzlar);

Oʻzbekiston Respublikasi rezidenti va norezidentlari boʻlgan jismoniy va yuridik shaxslarning homiylik xayriyalari;

shartnoma asosida koʻrsatilgan xizmatlardan olingan daromadlar;

texnik jihatdan tartibga solish, standartlashtirish, sertifikatlashtirish va metrologiya sohalarida qonunchilik hujjatlarining majburiy talablari buzilishida qoʻllanilgan maʼmuriy va iqtisodiy sanksiyalar boʻyicha tushadigan ajratmalar;

Oʻzbekiston Respublikasi qonunchilik hujjatlarida taqiqlanmagan boshqa manbalar.

31. Inspeksiya xodimlarining mehnatiga haq toʻlash fondi lavozim maoshi, uzoq muddat uzluksiz xizmati uchun ustama haqlar, mukofotlar, qoʻshimcha haqlar va ustamalar, ragʻbatlantirish toʻlovlaridan, shuningdek, qonunchilik hujjatlarida nazarda tutilgan boshqa toʻlovlardan iborat va qonunchilik hujjatlarida belgilangan tartibda toʻlanadi.

Inspeksiya xodimlari uchun tatbiq etilgan mehnatiga haq toʻlash razryadlariga asosan xodimlarining lavozim maoshini aniqlashda, tarif koeffitsiyentlari 1,8 baravar oshirilgan miqdorda qoʻllaniladi hamda amaldagi uzoq yillik xizmati uchun ustama miqdorlari saqlanib qolinadi. Bunda Inspeksiya xodimlariga moddiy ragʻbatlantirish va qonunchilikda nazarda tutilgan boshqa toʻlovlar Agentlik direktori tomonidan tasdiqlangan nizomlar asosida toʻlanadi.

32. Inspeksiya xodimlariga quyidagilar hisobidan:

a) Oʻzbekiston Respublikasi Davlat budjeti mablagʻlaridan:

uzoq muddat xizmat qilgani uchun har oyda quyidagi miqdorda ustama haqlar (ragʻbatlantirish koeffitsiyentini hisobga olgan holda, lavozim maoshiga nisbatan koeffitsiyent hisobida):

1 yildan 3 yilgacha — 0,3;

3 yildan 5 yilgacha — 0,6;

5 yildan 10 yilgacha — 0,8;

10 yildan 15 yilgacha — 1,0;

15 yildan 20 yilgacha — 1,2;

20 yildan ortiq — 1,5.

Uzoq yillik xizmati uchun ustama haq olish huquqini beruvchi ish staji Texnik jihatdan tartibga solish agentligi tomonidan tasdiqlanadigan tartibga muvofiq hisoblab chiqiladi;

qonunchilik hujjatlarida koʻzda tutilgan boshqa mukofotlar, toʻlovlar va ustamalar;

b) quyidagilar Inspeksiyaning Budjet tashkilotini rivojlantirish jamgʻarmasi mablagʻlari hisobidan amalga oshiriladi:

oʻzining xizmat majburiyatlarini bajargan Inspeksiyaning tashabbuskor xodimlariga har oyda mehnatga haq toʻlash fondining ikki baravari miqdorigacha qoʻshimcha haq toʻlash, mukofotlash va boshqa ragʻbatlantirish tusidagi hamda kompensatsiya toʻlovlari;

standartlashtirish, muvofiqlikni baholash, akkreditatsiya va metrologiya sohasida faoliyat yurituvchi xodimlarga oylik ish haqi toʻlanishida, tegishli yoʻnalish boʻyicha xalqaro va xorijiy tashkilotlarning bilim darajasini tasdiqlovchi sertifikatiga ega boʻlganda, uning amal qilishi davrida, biroq ikki yildan koʻp boʻlmagan muddat davomida oylik maoshiga nisbatan 20 foiz, ekspert sifatida roʻyxatga olinganda oylik maoshiga nisbatan 40 foiz miqdorida qoʻshimcha ustama haq toʻlanadi.

7-bob. Yakunlovchi qoidalar

33. Inspeksiyaning buyruqlari, koʻrsatmalari, taqdimnomalari va boshqa hujjatlarini bajarmaslik, shuningdek, Inspeksiyaning faoliyatiga aralashish va uning xodimlariga qonuniy yuklangan vazifa va funksiyalarni amalga oshirishda toʻsqinlik qilish maqsadida har qanday shaklda taʼsir etish taqiqlanadi va qonunchilikda belgilangan tartibda javobgarlikka tortishga sabab boʻlishi mumkin.

34. Inspeksiya qonunchilikda belgilangan tartibda qayta tashkil etiladi va tugatiladi.

Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasi toʻgʻrisidagi nizomga 1-ILOVA

Respublika hududiga olib kelinadigan mahsulotlarning sifatini baholashning “Xavfni tahlil etish”

Bosqichlar Subyektlar Tadbirlar Muddat 1-bosqich Texnik jihatdan tartibga solish sohasida nazorat inspeksiyasi (keyingi oʻrinlarda — Inspeksiya) Mahsulotlarni “xavfni tahlil etish” tizimidan oʻtkazadi: mahsulotlar sifati yuzasidan jismoniy va yuridik shaxslarning ariza, shikoyat va takliflarini oʻrganadi; ijtimoiy tarmoqlarda mahsulotlarni sifati boʻyicha tushayotgan eʼtirozlarni oʻrganadi; Oʻzbekiston Respublikasiga olib kirilgan mahsulotlar (tovarlar) miqdori, olib kiruvchi (import qiluvchi), ishlab chiqaruvchi toʻgʻrisidagi maʼlumotlarni bojxona elektron dasturidan oladi; “Single Window” elektron tizimi orqali mahsulotlarni (tovarlarni) sertifikatlashtirish, sanitariya xulosalari va sinov bayonnomalari toʻgʻrisidagi maʼlumotlarni oladi va tahlil qiladi; Yevropa Ittifoqi (YEI) va Yevroosiyo iqtisodiy ittifoqi (YEOII)ning xavfli mahsulotlar haqida tezkor xabar berish axborot tizimlariga kiritilgan mahsulotlar toʻgʻrisidagi maʼlumotlarini oladi va tahlil qiladi; tahlil jarayonida mahsulotlarga (tovarlarga) tegishli texnik jihatdan tartibga solish sohasidagi normativ hujjatlarning mavjudligini aniqlaydi; savdo rastalaridagi mahsulotlarning (tovarlarning) texnik jihatdan tartibga solish sohasidagi normativ hujjatlar talablariga muvofiqligini tashqi koʻrinishi, qadoqlanishi va yorliqlanishi jihatidan oʻrganadi. Uch ish kunida 2-bosqich Davlat inspektori Tahlil natijasida texnik jihatdan tartibga solish, standartlashtirish va muvofiqlikni baholash sohasidagi qonunchilik talablariga koʻra nomuvofiq deb topilgan mahsulotlar (tovarlar) toʻgʻrisidagi maʼlumotlarni rasmiylashtiradi hamda koʻrib chiqish uchun Inspeksiyaga taqdim etiladi. Bir ish kunida 3-bosqich Inspeksiya Davlat inspektori tomonidan taqdim etilgan maʼlumotnomalar va hujjatlar komissiya ishtirokida koʻrib chiqilib, nazorat xaridi oʻtkazish hamda masʼul ijrochini tayinlash toʻgʻrisida qaror qabul qiladi. Ikki ish kunida 4-bosqich Inspeksiya Masʼul ijrochi nazorat xaridini Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasi toʻgʻrisidagi nizomda keltirilgan tartibga asosan amalga oshiradi. Tartibda belgilangan muddatlarda 5-bosqich Inspeksiya Oʻrganish va sinovlar natijalariga asosan nazorat xaridida olingan mahsulot nomuvofiq deb topilsa, olib kiruvchini ogohlantiradi; isteʼmolchilarni xabardor qilish maqsadida nomuvofiq mahsulotlar toʻgʻrisida axborotlarni ommaviy axborot vositalari va ijtimoiy tarmoqlarda yoritadi; mahsulotni nomuvofiq deb topilgan mahsulotlar reyestriga kiritadi; mahsulotni olib kirishga taqiq qoʻyish boʻyicha dasturga kiritadi. Uch ish kunida 6-bosqich Inspeksiya Nomuvofiq deb topilgan mahsulotni savdodan chiqaradi; kamchiliklarni bartaraf etmagan, savdodan chiqarishdan bosh tortgan masʼullarga nisbatan moliyaviy va maʼmuriy choralar koʻradi. Oʻn ish kunida

Chakana savdo obyektlarida mahalliy va import mahsulotlarning (tovarlarning) nazorat xaridini tashkil etish va ularni sinovdan oʻtkazish tartibi

Bosqichlar Subyektlar Tadbirlar Muddat 1-bosqich Texnik jihatdan tartibga solish sohasida davlat nazorati inspeksiyasi (keyingi oʻrinlarda — inspeksiya) Nazorat xaridini ijtimoiy tarmoqlar orqali va toʻgʻridan-toʻgʻri yuridik va jismoniy shaxslar murojaatlari, davlat nazorati natijalari, qonunchilik hujjatlarida belgilangan asoslarga koʻra hamda Inspeksiyaning “Xavfni tahlil etish” tizimiga asosan amalga oshiradi. Doimiy 2-bosqich Inspeksiya Nazorat xaridi amalga oshirilishi toʻgʻrisidagi axborotni rasmiy veb-saytda joylashtiradi. Tadbirdan bir kun oldin 3-bosqich Inspeksiya Nazorat xaridini amalga oshirishda foydalanish uchun maqsadli korporativ bank kartasini ochadi, Inspeksiyaning “Budjet tashkilotini rivojlantirish jamgʻarmasi” hisobidan zarur miqdorda mablagʻ oʻtkazadi. Doimiy 4-bosqich Inspeksiya Zarur hollarda, nazorat xaridini hamkorlikda amalga oshirish uchun davlat organlari va fuqarolik jamiyati institutlari (Sanitariya-epidemiologik osoyishtalik va jamoat salomatligi qoʻmitasi, Raqobatni rivojlantirish va isteʼmolchilar huquqlarini himoya qilish qoʻmitasi, ommaviy axborot vositalari vakillari, sertifikatlashtirish organlari) vakillarini jalb qiladi. Tadbir oʻtkazilishidan uch kun avval 5-bosqich Inspeksiya Inspektor tomonidan taqdim etilgan maʼlumotnoma va hujjatlarni Inspeksiyaning ishchi komissiyasi ishtirokida koʻrib chiqib, nazorat xaridini amalga oshirish hamda masʼul ijrochini tayinlash toʻgʻrisida qaror qabul qiladi. Bir kun muddatda 6-bosqich Inspeksiya boshligʻi Nazorat xaridini amalga oshirish toʻgʻrisida buyruq chiqaradi. Bir kun muddatda 7-bosqich Inspeksiya Nazorat xaridini amalga oshirish uchun mablagʻ ajratadi. Bir kun muddatda 8-bosqich Inspeksiyaning masʼul xodimi Komissiya qarorida koʻrsatilgan xoʻjalik yurituvchi subyektdan (joyiga chiqqan holda) mahsulotni (tovarni) kassa va (yoki) tovar cheki bilan sotib oladi (bunda zarur hollarda foto va videotasvirga olish vositalaridan foydalaniladi). Buyruqda koʻrsatilgan sanada 9-bosqich Davlat inspektori Mahsulot (tovar) namunasini tanlab olish dalolatnomasi va nazorat xaridini amalga oshirish toʻgʻrisida maʼlumotnoma rasmiylashtiradi (mahsulotni identifikatsiya qilinadi va sinov dasturi ishlab chiqiladi). Nazorat xaridi oʻtkazilgan kunda 10-bosqich Davlat inspektori Nazorat xaridi davomida olingan mahsulot (tovar)ning namunalarini tamgʻalagan va raqamlangan holda sinov laboratoriyasiga topshiradi. Bir ish kunida 11-bosqich Sinov laboratoriyalari Texnik jihatdan tartibga solish sohasidagi normativ hujjatlarda belgilangan talablarga asosan sinov oʻtkazadi. Sinov uslublarida belgilangan muddatlarda 12-bosqich Davlat inspektori Sinov natijalarini tahlil qiladi, maʼlumotlarni inspeksiyaga kiritadi. Sinov laboratoriyasi xulosasi olingan kun 13-bosqich Davlat inspektori Nomuvofiq mahsulot aniqlanganda, mahsulotni savdodan chiqarish boʻyicha taqdimnoma kiritadi. Belgilangan tartibda ishlab chiqaruvchi, sotuvchi yoki import qiluvchi subyektlarda davlat nazorati oʻtkazadi, kamchiliklarga yoʻl qoʻygan mansabdor shaxslar, subyektga nisbatan moliyaviy hamda maʼmuriy choralar koʻradi. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan kelishilgan muddatlarda

Muvofiqlik sertifikatini toʻxtatib turish va bekor qilish mezonlari va tartibi

Bosqichlar Subyektlar Tadbirlar Muddat 1-bosqich Texnik jihatdan tartibga solish sohasida nazorat inspeksiyasi (keyingi oʻrinlarda — inspeksiya) Muvofiqlik sertifikatlarini 10 kun muddatga toʻxtatib turish mezonlari: texnik jihatdan tartibga solish sohasidagi normativ hujjatlar talablariga nomuvofiq mahsulotni ishlab chiqarish va realizatsiya qilish holatlari tasdiqlanganda; mahsulotning sifati yuzasidan jismoniy va yuridik shaxslar murojaatlarida koʻrsatilgan holatlar tasdiqlanganda; mahsulotning sifati yuzasidan vakolatli idoralar maʼlumotlari tasdiqlanganda. Muvofiqlik sertifikatini bekor qilish mezonlari: noqonuniy ishlab chiqarish aniqlanganda; intellektual mulk huquqlari buzilganligi aniqlanganda; elektron tizim orqali mahsulot (tovar)larni sertifikatlashtirish hujjatlarini oʻrganish natijasida sinovlar toʻliq amalga oshirilmagani tasdiqlanganda. - 2-bosqich Davlat inspektori Muvofiqlik sertifikatlarini toʻxtatib turish va bekor qilish mezonlari aniqlanganda tegishli maʼlumotlarni koʻrib chiqish uchun inspeksiya rahbariyatiga taqdim etadi. Ikki ish kunida 3-bosqich Inspeksiya Muvofiqlik sertifikatlarini toʻxtatib turish boʻyicha t aqdim etilgan maʼlumotlar koʻrib chiqilib, muvofiqlik sertifikatini amal qilishini 10 kun muddatga toʻxtatib turish yoki toʻxtatib turishni rad etish yuzasidan qaror qabul qiladi. Toʻxtatib turish axborot tizimi orqali amalga oshiriladi. Ikki ish kunida 4-bosqich Inspeksiya Muvofiqlik sertifikatlarini 10 kun muddatga toʻxtatib turish mezonlari tadbirkorlik subyekti tomonidan bartaraf etilganligi toʻgʻrisidagi hujjatlar taqdim qilinganda, sertifikatlashtirish axborot tizimi orqali qayta muddatini tiklash yuzasidan qaror qabul qiladi. Ikki ish kunida 5-bosqich Inspeksiya Muvofiqlik sertifikatini bekor qilish mezonlari boʻyicha taqdim etilgan maʼlumotlar koʻrib chiqilib, muvofiqlik sertifikatini bekor qilish toʻgʻrisidagi ariza bilan sudga murojaat qiladi. Ikki ish kunida

Sertifikatlashtirish organining sertifikatlashtirish faoliyatini toʻxtatib turishning mezonlari va tartibi

Bosqichlar Subyektlar Tadbirlar Muddat 1-bosqich Texnik jihatdan tartibga solish sohasida nazorat inspeksiyasi (keyingi oʻrinlarda — inspeksiya) Sertifikatlashtirish organining sertifikatlashtirish faoliyatini 10 kun muddatga toʻxtatib turish mezonlari: mahsulotlarni sertifikatlashtirishda sertifikatlashtirish qoidalari buzilganligi aniqlanganda; sertifikatlashtirishda mahsulot sinovlari texnik jihatdan tartibga solish sohasidagi normativ xujjatlar talablari asosida toʻliq oʻtkazilmaslik holatlari aniqlanib tasdiqlanganda; Sertifikatlashtirish organining sertifikatlashtirish faoliyatini bir oy muddatga toʻxtatib turish mezonlari: amalda boʻlmagan texnik reglament va standartlar asosida muvofiqligini baholash holati aniqlanganda; d avlat nazorati natijasida qonun buzilish holatlariga yoʻl qoʻyilganligi tasdiqlanganda; vaqt meʼyorlariga rioya qilinmagani aniqlanganda; mahsulotlardan namuna olmasdan muvofiqlik sertifikati rasmiylashtirish holatlari aniqlanganda. - 2-bosqich Davlat inspektori Sertifikatlashtirish organining sertifikatlashtirish faoliyatini toʻxtatib turish va bekor qilish mezonlariga asosan aniqlangan holatlar yuzasidan maʼlumotlar va dalolatnoma hujjatlarini rasmiylashtiradi hamda koʻrib chiqish uchun inspeksiya rahbariyatiga taqdim etadi. Ikki ish kunida 3-bosqich Inspeksiya Sertifikatlashtirish organining sertifikatlashtirish faoliyatini toʻxtatib turish boʻyicha taqdim etilgan maʼlumotlar va dalolatnoma hujjatlarini koʻrib chiqib, sertifikatlashtirish organining sertifikatlashtirish faoliyatini 10 kun muddatga toʻxtatib turish yoki toʻxtatib turishni rad etish toʻgʻrisida qaror qabul qiladi. Toʻxtatib turish axborot tizimi orqali amalga oshiriladi. Uch ish kunida 4-bosqich Inspeksiya Sertifikatlashtirish organining sertifikatlashtirish faoliyatini 10 kun muddatga toʻxtatib turish mezonlari bartaraf etilganligi toʻgʻrisidagi hujjatlar taqdim qilinganda, axborot tizimi orqali sertifikatlashtirish organining sertifikatlashtirish faoliyatini qayta tiklash yuzasidan qaror qabul qilinadi. Ikki ish kunida 5-bosqich Inspeksiya Sertifikatlashtirish organining sertifikatlashtirish faoliyatini bir oy muddatga toʻxtatib turish mezonlari boʻyicha taqdim etilgan maʼlumotlarni koʻrib chiqib, sertifikatlashtirish organining sertifikatlashtirish faoliyatini bir oy muddatga toʻxtatib turish toʻgʻrisidagi ariza bilan sudga murojaat qiladi. Uch ish kunida

Vazirlar Mahkamasining 2024-yil 1-iyuldagi 370-son qaroriga 3-ILOVA

Vazirlar Mahkamasining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 1994-yil 12-avgustdagi 410-son qarorida :

a) 1-bandda :

“b” kichik bandning birinchi xatboshisidagi “Oʻzbekiston Respublikasi Moliya vazirligi Oʻzbekiston texnik jihatdan tartibga solish agentligi, Qurilish vazirligi, Ekologiya va atrof-muhitni muhofaza qilish davlat qoʻmitasi” soʻzlari “Oʻzbekiston Respublikasi Iqtisodiyot va moliya vazirligi Vazirlar Mahkamasi huzuridagi Oʻzbekiston texnik jihatdan tartibga solish agentligi, Qurilish va uy-joy kommunal xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi” soʻzlari bilan almashtirilsin;

“g” kichik bandning ikkinchi xatboshisidagi “agentligining Texnik jihatdan tartibga solish, standartlashtirish, sertifikatlashtirish va metrologiya sohasidagi davlat nazorati departamenti” soʻzlari “agentligi huzuridagi Texnik jihatdan tartibga solish sohasida nazorat inspeksiyasi” soʻzlari bilan almashtirilsin;

b) 4-bandda “standartlar va oʻlchov” soʻzlari “texnik jihatdan tartibga solish sohasidagi normativ hujjatlar ijrosi va oʻlchash” soʻzlari bilan almashtirilsin.

v) ilovada :

nomidagi “standartlar va oʻlchov” soʻzlari “texnik jihatdan tartibga solish sohasidagi normativ hujjatlar ijrosi va oʻlchash” soʻzlari bilan almashtirilsin;

1-bandning birinchi xatboshisi quyidagi tahrirda bayon etilsin:

“1. Xoʻjalik yurituvchi subyektlar tomonidan standartlarning majburiy talablariga, standartlashtirish boʻyicha boshqa qonunchilik hujjatlariga rioya etilishi ustidan davlat nazoratini Vazirlar Mahkamasi huzuridagi Oʻzbekiston texnik jihatdan tartibga solish agentligi (keyingi oʻrinlarda — Texnik tartibga solish agentligi), Qurilish va uy-joy kommunal xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi, Sogʻliqni saqlash vazirligi va ularning hududiy organlari, shuningdek, boshqa davlat organlari oʻz vakolatlari doirasida amalga oshiradilar”;

2-bandda :

birinchi xatboshi quyidagi tahrirda bayon etilsin:

“2. Respublika ijro etuvchi hokimiyat organlari, xoʻjalik birlashmalari, davlat korxonalari va boshqa tashkilotlar (bundan keyin matnda korxonalar deyiladi), shuningdek, yakka tartibdagi tadbirkorlar tomonidan standartlar va metrologik qoidalarning, oʻlchash birligining oʻz vaqtida joriy etilishini hamda ularga qatʼiy rioya qilinishini taʼminlash, shuningdek, standartlar va oʻlchash vositalarining ilmiy-texnik darajalarini tahlil qilishdan hamda ularni ishlab chiqishda ishlab chiqarish samaradorligini oshirish, ilmiy-texnika taraqqiyotini jadallashtirish, mehnat unumdorligini oshirish, mahsulotning texnik darajasini va sifatini oshirish maqsadida fan hamda texnika yutuqlaridan yanada samaraliroq foydalanishga koʻmaklashish Oʻzbekiston Respublikasida standartlar va oʻlchash vositalari ustidan davlat nazoratining bosh vazifasi hisoblanadi.”

uchinchi xatboshidagi “xizmatlar va, shuningdek” soʻzlari “xizmatlar, shuningdek” soʻzlari bilan almashtirilsin;

toʻrtinchi xatboshi quyidagi tahrirda bayon etilsin:

“Etalonlar, oʻlchash vositalari, modda va materiallarning tarkibi hamda xossalarining standart namunalari, axborot-oʻlchash tizimlari, oʻlchashlarni bajarish uslubiyotlari, oʻramlarga qadoqlangan tovarlarning ularni maydalab qadoqlash hamda sotish chogʻidagi miqdori hamda metrologiya normalari va qoidalarida nazarda tutilgan boshqa obyektlar metrologiya tekshiruvi hamda davlat metrologiya nazorati obyektlari hisoblanadi”;

oltinchi xatboshidagi “majburiy” soʻzi chiqarib tashlansin;

oʻninchi — oʻn uchinchi xatboshilar quyidagi tahrirda bayon etilsin:

“Oʻzbekiston texnik jihatdan tartibga solish agentligi direktori, uning birinchi oʻrinbosari va Texnik tartibga solish agentligining Texnik jihatdan tartibga solish sohasida nazorat inspeksiyasi boshligʻi bir vaqtning oʻzida mos ravishda Texnik jihatdan tartibga solish, standartlashtirish, muvofiqlikni baholash hamda metrologiya sohasidagi qonunchilik talablariga rioya etilishini taʼminlash boʻyicha Oʻzbekiston Respublikasi Bosh davlat inspektori va uning oʻrinbosarlari hisoblanadi.

Qurilish va uy-joy kommunal xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi, Sogʻliqni saqlash vazirligi rahbariyati lavozimlariga koʻra ayni vaqtda Oʻzbekiston Respublikasining standartlar va oʻlchash vositalari ustidan nazorat olib boruvchi bosh davlat inspektorlari, ularning oʻrinbosarlari esa Oʻzbekiston Respublikasining standartlar va oʻlchash vositalari ustidan nazorat olib boruvchi bosh davlat inspektorlarining oʻrinbosarlari hisoblanadilar.

Qurilish va uy-joy kommunal xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi, Sogʻliqni saqlash vazirligining Qoraqalpogʻiston Respublikasidagi va shaharlardagi hududiy organlari rahbarlari lavozimlariga koʻra ayni bir vaqtda tegishli ravishda Qoraqalpogʻiston Respublikasida, viloyatlar va Toshkent shahrida standartlar va oʻlchash vositalari ustidan nazorat qilish boʻyicha bosh davlat inspektorlari, ularning oʻrinbosarlari esa — tegishli hududiy bosh inspektorlarning oʻrinbosarlari hisoblanadi.

Standartlar va oʻlchash vositalari ustidan davlat nazoratini amalga oshirish vazifasi topshirilgan boʻlim boshliqlari, ularning oʻrinbosarlari, bosh mutaxassislar, mansabdor shaxslar lavozimlari boʻyicha bir vaqtning oʻzida standartlar va oʻlchash vositalari ustidan nazoratni amalga oshiruvchi davlat inspektorlari hisoblanadilar.”;

oʻn toʻrtinchi va oʻn beshinchi xatboshilardagi “oʻlchov” soʻzi “oʻlchash” soʻzi bilan almashtirilsin;

oʻn sakkizinchi xatboshidagi “Qurilish vazirligi” soʻzlari “Qurilish va uy-joy kommunal xoʻjaligi vazirligi” soʻzlari bilan almashtirilsin;

oʻn toʻqqizinchi xatboshidagi “Davlat tabiatni muhofaza qilish qoʻmitasi” soʻzlari “Ekologiya, atrof-muhitni muhofaza qilish va iqlim oʻzgarishi vazirligi” soʻzlari bilan almashtirilsin;

3-bandda :

birinchi xatboshidagi “oʻlchov” soʻzi “oʻlchash” soʻzi bilan almashtirilsin;

“b” kichik band quyidagi tahrirda bayon etilsin:

“b) belgilangan kattaliklar birliklarining toʻgʻri qoʻllanilishini, oʻlchash vositalarining holatini, ularni tayyorlash, saqlash, taʼmirlash, tekshirish va qoʻllash sharoitlarini, oʻz vaqtida eskirgan oʻlchash vositalarini ishlab chiqarishdan olib tashlash va yangisiga almashtirishni tekshiradilar”;

“ z ”, “ o ” va “r” kichik bandlardagi “oʻlchov” soʻzi “oʻlchash” soʻzi bilan almashtirilsin;

“l” kichik banddagi “oʻlchovlarni bajarish uslublarining” soʻzlari “oʻlchashlarni bajarish uslubiyotlarining” soʻzlari bilan almashtirilsin;

“n” kichik band oʻz kuchini yoʻqotgan deb hisoblansin;

4-bandda :

ikkinchi va uchinchi xatboshilar quyidagi tahrirda bayon etilsin:

“mahsulotni ishlab chiqarish, ishlab chiqarishga tayyorlash, realizatsiya qilish (yetkazib berish, sotish), undan foydalanish (uni ishlatish), uni saqlash, transportda tashish va utilizatsiya qilish bosqichlarida standartlar majburiy talablarining aniqlangan buzilishlarini bartaraf etish toʻgʻrisida koʻrsatmalar berish;

xoʻjalik faoliyati subyekti tekshirishdan boʻyin tovlagan taqdirda, mahsulotni realizatsiya qilishni taqiqlash”;

quyidagi mazmundagi toʻrtinchi — yettinchi xatboshilar bilan toʻldirilsin:

“xoʻjalik faoliyati subyektining xizmat va ishlab chiqarish binolariga belgilangan tartibda kirish;

davlat nazoratini oʻtkazish uchun zarur boʻlgan hujjatlarni va maʼlumotlarni xoʻjalik faoliyati subyektidan olish;

davlat nazoratini oʻtkazishda xoʻjalik faoliyati subyektining texnika vositalaridan foydalanish va mutaxassislarini jalb etish;

mahsulot namunalarini va nusxalarini ularning standartlarning majburiy talablariga muvofiqligini nazorat qilish uchun olishni standartlashtirishga doir normativ hujjatlarga muvofiq amalga oshirish, bunda sarflangan namunalarning qiymati hamda sinashni (tahlillarni, oʻlchashni) oʻtkazish xarajatlari tekshirilayotgan xoʻjalik faoliyati subyektlarining ishlab chiqarish chiqimlari jumlasiga kiritiladi;

toʻrtinchi — yettinchi xatboshilar tegishli ravishda sakkizinchi — oʻn birinchi xatboshilar deb hisoblansin;

sakkizinchi xatboshi quyidagi tahrirda bayon etilsin:

“texnik jihatdan tartibga solish, standartlashtirish, muvofiqlikni baholash hamda metrologiya sohasidagi qonunchilik talablariga rioya etilishini taʼminlash boʻyicha Oʻzbekiston Respublikasi Bosh davlat inspektori va uning oʻrinbosarlari ushbu bandning birinchi — yettinchi xatboshilarida koʻrsatilgan huquqlardan tashqari quyidagi mutlaq huquqlarga ega”;

oʻn toʻrtinchi xatboshidagi “oʻlchov” soʻzi “oʻlchash” soʻzi bilan almashtirilsin;

quyidagi mazmundagi oʻn beshinchi — oʻn sakkizinchi xatboshilar bilan toʻldirilsin:

“standartlarning majburiy talablarini buzganlikda aybdor boʻlgan xoʻjalik faoliyati subyektlarining mansabdor shaxslariga va yakka tartibdagi tadbirkorlarga nisbatan maʼmuriy jazo choralarini qoʻllash;

standartlarning majburiy talablarini buzganlikda aybdor boʻlgan yuridik shaxslarga jarima solish toʻgʻrisida qaror qabul qilish va mazkur yuridik shaxslar tomonidan jarima bir oy muddatda ixtiyoriy ravishda toʻlanmagan taqdirda, jarimani undirish haqida sudga murojaat qilish;

tekshirilgan mahsulot standartlarning majburiy talablariga muvofiq boʻlmagan hollarda, uni ishlab chiqarishni taqiqlash yoki realizatsiya qilishni (yetkazib berishni, sotishni), undan foydalanishni (uni ishlatishni) toʻxtatib turish toʻgʻrisida koʻrsatmalar berish;

standartlar talablariga muvofiq boʻlmagan va davlat roʻyxatidan oʻtkazilmagan import mahsulotni sotishni taqiqlash;

oʻn beshinchi xatboshi oʻn toʻqqizinchi xatboshi deb hisoblansin;

5-bandda :

birinchi va ikkinchi xatboshilar quyidagi tahrirda bayon etilsin:

“5. Standartlar va oʻlchash vositalari ustidan davlat nazorati organlari amaldagi qonunchilikka rioya qilinishini nazorat qilishga va ularga berilgan huquqlardan foydalanishda va yuklangan funksiyalarni amalga oshirishda, standartlarga va metrologiya qoidalariga rioya qilish va oʻlchashlarning yagona birlikda boʻlishini taʼminlash bilan bogʻliq masalalarda idoraviy manfaatlarning har qanday koʻrinishlari oldini olishga daʼvat etilgandir.

Davlat inspektorlari qonunchilik bilan oʻz zimmasiga yuklangan majburiyatlarni bajarmaganligi yoki lozim darajada bajarmaganligi, davlat yoki tijorat sirini oshkor etganliklari uchun belgilangan tartibda javobgar boʻladi”;

8-band quyidagi tahrirda bayon etilsin:

“8. Standart va oʻlchash vositalari ustidan nazorat organlari oʻz ishini boshqa davlat organlari va jamoat tashkilotlari bilan hamkorlikda amalga oshiradi, bunda Savdo-sanoat palatasi tadbirkorlik faoliyati subyektlarini tekshirishda qonunchilikda belgilangan tartibda ishtirok etadi”;

quyidagi mazmundagi 10-band bilan toʻldirilsin:

“10. Standartlarning majburiy talablari buzilganligi uchun jarima summasining ellik foizi Oʻzbekiston texnik jihatdan tartibga solish agentligining budjetdan tashqari jamgʻarmasiga, qolgan qismi esa Oʻzbekiston Respublikasining Davlat budjetiga yoʻnaltiriladi”.

3. Vazirlar Mahkamasining “Oʻzstandart” agentligi huzuridagi standartlashtirish, sertifikatlashtirish va texnik jihatdan tartibga solish ilmiy-tadqiqot instituti faoliyatini tashkil etish toʻgʻrisida” 2019-yil 14-martdagi 220-son qarorida :

a) nomi quyidagi tahrirda bayon qilinsin:

“Oʻzbekiston texnik jihatdan tartibga solish agentligining Oʻzbekiston standartlar instituti faoliyatini tashkil etish toʻgʻrisida”;

b) muqaddimadagi “Oʻzstandart” agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot instituti” soʻzlari “Oʻzbekiston texnik jihatdan tartibga solish agentligining Oʻzbekiston standartlar instituti” soʻzlari bilan almashtirilsin;

v) 1-bandning birinchi xatboshisi “instituti” soʻzidan keyin “(keyingi oʻrinlarda — Institut )” soʻzlari bilan toʻldirilsin;

g) 1-bandning uchinchi xatboshisi hamda qarorga 2-ilova oʻz kuchini yoʻqotgan deb hisoblansin;

d) 2-band quyidagi mazmundagi ikkinchi xatboshi bilan toʻldirilsin:

“Institutning davlat budjeti mablagʻlari hisobidan moliyalashtiriladigan boshqaruv xodimlarining soni 10 nafar etib, xoʻjalik faoliyatidan moliyalashtiriladigan xodimlar soni esa oʻrnatilgan tartibda belgilansin”;

j) 3-ilovada :

5-band , 6-bandning birinchi xatboshisi va 7-banddagi “davlat standartlari” soʻzlari “milliy standartlari” soʻzlari bilan almashtirilsin;

8 va 10-bandlardagi “davlat standarti” soʻzlari “milliy standart” soʻzlari bilan almashtirilsin;

11-bandda :

birinchi xatboshidagi “davlat standartini” soʻzlari “milliy standartni” soʻzlari bilan almashtirilsin;

ikkinchi xatboshi quyidagi tahrirda bayon qilinsin:

“Masalan: Oʻz MSt ISO 5524:2017 (ISO 5524:1991, IDT)”;

12-bandda :

birinchi va toʻrtinchi xatboshilardagi “davlat” soʻzi “milliy” soʻzi bilan almashtirilsin;

beshinchi xatboshi quyidagi tahrirda bayon etilsin:

“qoʻllaniladigan xalqaro standart matnida aynan oʻxshash yoki modifikatsiyalangan milliy standartlari sifatida qabul qilingan boshqa xalqaro standartlarga havolalar boʻlsa — oʻzgartirilgan standart loyihasini tayyorlashda xalqaro standartlarga havolalar oʻrniga ular bilan uygʻunlashtirilgan milliy standartlariga havolalardan foydalanadi.”

oltinchi xatboshidagi “davlat standartiga” soʻzlari “milliy standartga” soʻzlari bilan almashtirilsin;

13-bandda :

birinchi xatboshidagi “davlat” soʻzi “milliy” soʻzi bilan almashtirilsin;

ikkinchi xatboshi quyidagi tahrirda bayon qilinsin:

“Masalan: “Oʻz MSt 3220:2019” (ISO 9227:2012, MOD)”;

14-bandning birinchi xatboshisidagi “davlat” soʻzi “milliy” soʻzi bilan almashtirilsin;

15-bandda :

birinchi xatboshidagi “davlat” soʻzi “milliy” soʻzi bilan almashtirilsin;

ikkinchi xatboshi quyidagi tahrirda bayon qilinsin:

“Masalan: Oʻz MSt 3722:2014 (ISO 3290-1:2008, №EQ)”;

24-band quyidagi tahrirda bayon qilinsin:

“24. Institutga standartlarni qabul qilish boʻyicha ariza tushgandan soʻng besh kundan ortiq boʻlmagan muddatda ushbu Standartlarni qabul qilgan vakolatli organlarga ularni qoʻllash toʻgʻrisida roziligini olish uchun soʻrov yuboradi.

Standartlashtirish rejalariga kiritilgan xalqaro standartlar jamoatchilik muhokamasiga qoʻyilmasdan qabul qilinadi”;

28-band quyidagi tahrirda bayon qilinsin:

“28. Kelishish natijalariga koʻra standartlashtirish boʻyicha texnik qoʻmitalar besh kun muddatda Institutga ushbu Standartni respublikada qabul qilish maqsadga muvofiqligi yoki muvofiq emasligi toʻgʻrisidagi xulosani taqdim etadi”;

29-bandning birinchi va ikkinchi xatboshilaridagi “Oʻzbekiston texnik jihatdan tartibga solish agentligi” soʻzlari “Institut” soʻzlari bilan almashtirilsin;

30-bandning ikkinchi xatboshisidagi “davlat standarti” soʻzlari “milliy standart” soʻzlari bilan almashtirilsin;

32-bandning birinchi xatboshisidagi “Oʻzbekiston texnik jihatdan tartibga solish agentligi” soʻzlari “Institut” soʻzlari bilan almashtirilsin;

Nizomga ilovada :

2-bosqichning “Subyektlar” ustunidagi “Oʻzbekiston texnik jihatdan tartibga solish agentligi” soʻzlari “Institut” soʻzlari bilan almashtirilsin;

3-bosqichda:

“Subyektlar” ustunidagi “Oʻzbekiston texnik jihatdan tartibga solish agentligi” soʻzlari “Institut” soʻzlari bilan almashtirilsin;

“Tadbirlar” ustunidagi “yoki Institutga” soʻzlari chiqarib tashlansin;

6-bosqichda:

“Subyektlar” ustunidan “, Institut” soʻzi chiqarib tashlansin;

“Tadbirlar” ustunidagi “Oʻzbekiston texnik jihatdan tartibga solish agentligiga” soʻzlari “Institutga” soʻzlari bilan almashtirilsin;

7 va 8-bosqichlarning “Subyektlar” ustunidagi “Oʻzbekiston texnik jihatdan tartibga solish agentligi” soʻzlari “Institut” soʻzlari bilan almashtirilsin.

z) 4-ilovada :

3-bandning beshinchi xatboshisi quyidagi tahrirda bayon qilinsin:

“Oʻzbekiston texnik jihatdan tartibga solish agentligining Oʻzbekiston standartlar instituti — Standartlashtirish boʻyicha milliy organ tomonidan ushbu Nizomga 1-ilovaga muvofiq shaklda tasdiqlanadigan Standartlashtirish boʻyicha texnik qoʻmita toʻgʻrisidagi nizomga amal qiladi”;

4-band quyidagi tahrirda bayon qilinsin:

“4. TQ faoliyatiga umumiy rahbarlik qilish, uning faoliyatini monitoring qilish va muvofiqlashtirish, axborot-texnik jihatdan qoʻllab-quvvatlash va kuzatib borish Institut tomonidan amalga oshiriladi”;

21 va 22-bandlar quyidagi tahrirda bayon qilinsin:

“21. Institut Standartlashtirish boʻyicha tarmoq texnik qoʻmitasini tashkil etish, uning faoliyatini toʻxtatib turish va tugatish haqida 10 kun muddatda qaror qabul qiladi, unda TQning nomi, kotibiyatni yuritish vazifasi yuklangan tashkilot, TQ faoliyati sohasi, TQ nizomi, uning tarkibi belgilanadi.

22. Institut qaror nusxasini bir kun muddatda TQ kotibiyatiga yuboradi va qaror nusxasini belgilangan tartibda ochiq axborot tizimiga joylashtiradi”;

23-bandning ikkinchi xatboshisidagi “Agentlik” soʻzi “Institut” soʻzlari bilan almashtirilsin;

26-bandining yettinchi xatboshisi quyidagi tahrirda bayon etilsin:

“TQ faoliyatining toʻxtatilishi TQ yigʻilishi bayonnomasini taqdim etilganda Institutning qarori bilan rasmiylashtiriladi”;

37-bandning oltinchi xatboshisidagi “davlat standartlarini” soʻzlari “milliy standartlarni” soʻzlari bilan almashtirilsin;

41 va 50-bandlardagi “Agentlik” soʻzi “Institut” soʻzlari bilan almashtirilsin;

9-bob nomi quyidagi tahrirda bayon qilinsin:

“9-bob. Standartlashtirish boʻyicha texnik qoʻmita tomonidan standart loyiha toʻgʻrisida xulosa tayyorlash”;

54-band quyidagi tahrirda bayon qilinsin:

“54. Standart loyihalar boʻyicha ovoz berish uchun unda ishtirok etuvchi TQga aʼzo tashkilotlarning doimiy vakolatli vakillarining uchdan ikki qismidan kam boʻlmagan qismi onlayn va oflayn shaklda ishtirok etishi yetarli hisoblanadi.

Muhokamada ishtirokchilarning mavjud masalalar boʻyicha eʼtirozlari va fikrlarini inobatga olingan holda, standart loyihasi uchun ovoz berish natijasida ushbu Nizomga 4-ilovaga muvofiq shaklda ovoz berish byulleteni va bayonnoma koʻrinishida muhokama xulosasi rasmiylashtiriladi, unda ovoz berish natijalari, ovoz berishda kelishmovchilikni bartaraf etish boʻyicha TQ harakati va mavjud eʼtirozlar keltiriladi.

Xulosa har bir TQga aʼzo tashkilotlarga ovoz berish yakunlangach, bir oy muddat mobaynida yuboriladi”;

57-bandning ikkinchi xatboshisidagi “davlat standartlari” soʻzlari “milliy standartlar” soʻzlari bilan almashtirilsin.

65-band quyidagi tahrirda bayon qilinsin:

“65. Standartlashtirish boʻyicha texnik qoʻmitaning faoliyati bilan bogʻliq xarajatlar uni tashkil etish toʻgʻrisidagi tashabbus bilan chiqqan subyektlarning, shuningdek, standartlarning qabul qilinishidan va qoʻllanilishidan manfaatdor boʻlgan boshqa tashkilotlarning mablagʻlari hisobidan amalga oshiriladi.

Standartlarni qabul qilishdan hamda qoʻllashdan manfaatdor boʻlgan davlat organlari hamda boshqa tashkilotlarning budjetdan tashqari yoki oʻz mablagʻlari hisobidan TQ aʼzolarini lavozim maoshlariga 50 foizgacha miqdorda qoʻshimcha ustamalar beriladi”;

Nizomga 1-ilovada :

“Tasdiqlayman” belgisidagi “Oʻzbekiston texnik jihatdan tartibga solish agentligi” soʻzlari “Oʻzbekiston standartlar instituti” soʻzlari bilan almashtirilsin;

3.1-banddagi “Oʻzstandart” agentligining buyrugʻi” soʻzlari “Oʻzbekiston standartlar institutining qarori” soʻzlari bilan almashtirilsin.

4. Vazirlar Mahkamasining “Oʻzbekiston standartlashtirish, metrologiya va sertifikatlashtirish agentligining faoliyatini yanada takomillashtirish chora-tadbirlari toʻgʻrisida” 2019-yil 24-apreldagi 348-son qarorida :

a) 6-bandda :

ikkinchi xatboshi quyidagi tahrirda bayon etilsin:

“sertifikatlashtirish organiga mahsuloti sertifikatlashtirilgan import qiluvchi va mahalliy ishlab chiqaruvchi korxonalar tomonidan kelib tushayotgan muvofiq belgisidan foydalanganlik uchun bir martalik toʻlov soliq toʻlovlari toʻlangandan soʻng quyidagicha taqsimlanadi: 10 foizi — sertifikatlashtirish organining tasarrufida qoladi; 90 foizi — xar chorak yakuni bilan keyingi oyning 10-sanasiga qadar Maxsus jamgʻarmaga yoʻnaltiriladi. Bunda muvofiq belgisidan foydalanganlik uchun bir martalik toʻlov oʻz vaqtida toʻgʻri taqsimlanishiga sertifikatlashtirish organlari rahbarlari shaxsan javobgar hisoblanadi va har chorak yakuni bilan Agentlikka maʼlumot taqdim etadi. Ushbu tartibga amal qilmagan sertifikatlashtirish organlari Sertifikatlarni roʻyxatdan oʻtkazish dasturidan foydalanishi vaqtincha cheklanadi”;

uchinchi xatboshi quyidagi tahrirda bayon etilsin:

“texnik jihatdan tartibga solish, standartlashtirish, sertifikatlash va metrologiya sohasidagi qonunchilik hujjatlari talablari buzilganligi uchun moliyaviy va maʼmuriy jarimalarning 50 foizi Maxsus jamgʻarmaga oʻtkaziladi”;

quyidagi mazmundagi yettinchi xatboshi bilan toʻldirilsin;

“Oʻzbekiston milliy metrologiya instituti” davlat muassasasining yalpi foydasidan 20 foiz mablagʻlar har chorak yakuni bilan Maxsus jamgʻarmaga oʻtkaziladi”;

b) 8-band oʻz kuchini yoʻqotgan deb hisoblansin.

Vazirlar Mahkamasining 2024-yil 1-iyuldagi 370-son qaroriga 4-ILOVA

Vazirlar Mahkamasining oʻz kuchini yoʻqotgan deb hisoblanayotgan qarorlari

1. Vazirlar Mahkamasining “Standartlashtirish, metrologiya va mahsulotlar hamda xizmatlarni sertifikatlashtirish tizimini takomillashtirish chora-tadbirlari toʻgʻrisida” 2002-yil 3-oktabrdagi 342-son qarori .

2. Vazirlar Mahkamasining “Qizilqumnodirmetalloltin” davlat konsernini tugatish va Navoiy kon-metallurgiya kombinati faoliyatini tashkil etish masalalari toʻgʻrisida” 2004-yil 19-maydagi 237-son qaroriga 4-ilovaning 6-bandi .

3. Vazirlar Mahkamasining “Oʻzbekiston davlat standartlashtirish, metrologiya va sertifikatlashtirish agentligi tuzilmasini takomillashtirish va uning faoliyatini tashkil etish toʻgʻrisida” 2004-yil 5-avgustdagi 373-son qarori .

4. Vazirlar Mahkamasining “Vazirliklar va idoralarning budjetdan tashqari jamgʻarmalariga ajratmalarni tartibga solish chora-tadbirlari toʻgʻrisida” 2004-yil 25-oktabrdagi 499-son qaroriga 3-ilovaning 21-bandi .

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Fan va texnologiyalar rivojlanishini muvofiqlashtirish va boshqarishni takomillashtirish chora-tadbirlari toʻgʻrisida” 2006-yil 7-avgustdagi PQ-436-son qarori) 2006-yil 2-oktabrdagi 207-son qaroriga 1-ilovaning 9-bandi .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Qimmatli qogʻozlar bozori toʻgʻrisida” 2008-yil 22-iyuldagi OʻRQ-163-son hamda “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida 2008-yil 26-sentabrdagi OʻRQ-183-son qonunlari) 2009-yil 22-dekabrdagi 323-son qaroriga ilovaning 11-bandi .

7. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida” 2010-yil 5-iyundagi 108-son qaroriga ilovaning 51-bandi .

8. Vazirlar Mahkamasining “Sertifikatlashtirish tartibotlarini va sifat menejmenti tizimlarini joriy etishni takomillashtirishga doir qoʻshimcha chora-tadbirlar toʻgʻrisida” 2011-yil 28-apreldagi 122-son qaroriga 9-ilovaning 4-bandi .

9. Vazirlar Mahkamasining “Muvofiqlikni baholash toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida” 2015-yil 14-oktabrdagi 292-son qaroriga 3-ilovaning 1 va 3-bandlari .

10. Vazirlar Mahkamasining “Oʻzbekiston Respublikasi Hukumatining ayrim qarorlariga qoʻshimchalar kiritish toʻgʻrisida (Oʻzbekiston Respublikasining “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2016-yil 25-apreldagi OʻRQ-405-son Qonuni)” 2016-yil 8-sentabrdagi 289-son qarori .

11. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston standartlashtirish, metrologiya va sertifikatlashtirish agentligi faoliyatini takomillashtirish chora-tadbirlari toʻgʻrisida” 2017-yil 28-apreldagi PQ-2935-son qarori)” 2017-yil 2-iyundagi 348-son qaroriga ilovaning 1 va 2-bandlari .

12. Vazirlar Mahkamasining “Oʻzbekiston Respublikasi Investitsiyalar va tashqi savdo vazirligi huzuridagi Oʻzbekiston texnik jihatdan tartibga solish agentligi toʻgʻrisidagi va Oʻzbekiston texnik jihatdan tartibga solish agentligining Texnik jihatdan tartibga solish, standartlashtirish, sertifikatlashtirish va metrologiya sohasida davlat nazorati departamenti toʻgʻrisidagi nizomlarni tasdiqlash haqida” 2022-yil 11-martdagi 114-son qarorining 1-bandi , qarorga 1 va 2-ilovalar hamda qarorga 3-ilova 22-bandining “v” kichik bandi.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 1-iyul,

370-son

(Qonunchilik maʼlumotlari milliy bazasi, 04.07.2024-y., 09/24/370/0468-son; 30.12.2024-y., 07/24/455/1092-son; 12.02.2025-y., 09/25/80/0134-son; 22.05.2025-y., 09/25/325/0460-son; 18.02.2026-y., 06/26/25/0150-son ; 10.03.2026-y., 09/26/94/0218-son; 09.09.2026-y., 09/26/472/0908-son)

lex.uz