📅 2024-yil 5-iyun · Boshqa hujjatlar · Markaziy saylov komissiyasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 5 июнь · Бошқа ҳужжатлар · Марказий сайлов комиссияси
Расмий матн. Расмий ҳужжат. Таҳририй изоҳлар киритилмаган.
📅 5 июня 2024 г. · Другие документы · Центральной избирательной комиссии
Официальный текст. Официальный документ. Редакционные примечания не включены.
📅 5 June 2024 · Other documents · Markaziy saylov komissiyasi
Official text. Official document. Editorial notes are not included.
Ўзбекистон Республикаси Марказий сайлов комиссиясининг
қарори
Сайлов округлари ва участкаларини тузиш тартиби тўғрисидаги низомни тасдиқлаш ҳақида
Ўзбекистон Республикаси Сайлов кодексининг 14 ва 16-моддаларига мувофиқ, Ўзбекистон Республикаси Марказий сайлов комиссияси қарор қилади:
1. Сайлов округлари ва участкаларини тузиш тартиби тўғрисидаги низом иловага мувофиқ тасдиқлансин.
2. Мазкур қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.
3. Мазкур қарорнинг ижросини назорат қилиш Ўзбекистон Республикаси Марказий сайлов комиссияси Раисининг ўринбосари Б. Кучкаров зиммасига юклансин.
Ўзбекистон Республикаси Марказий сайлов комиссиясининг 2024 йил 5 июндаги 1338-сон қарорига ИЛОВА
Сайлов округлари ва участкаларини тузиш тартиби тўғрисидаги низом
1-боб. Умумий қоидалар
1. Мазкур Низом Ўзбекистон Республикасининг Сайлов кодексига (бундан буён матнда Сайлов кодекси деб юритилади) мувофиқ Ўзбекистон Республикаси Олий Мажлиси Қонунчилик палатаси (бундан буён матнда Қонунчилик палатаси деб юритилади), халқ депутатлари вилоят, туман ва шаҳар Кенгашларига сайлов ўтказиш бўйича сайлов округлари ва участкаларини тузиш тартибини белгилайди.
2. Ушбу низомда белгиланган субъектлар ўртасидаги муносабатлар «Е-saylov» ахборот тизими орқали амалга оширилиши мумкин.
3. Сайлов округларини тузиш тўғрисидаги тақдимномада кўрсатиладиган сайловчилар сони Ўзбекистон Республикаси Марказий сайлов комиссияси (бундан буён матнда Марказий сайлов комиссияси деб юритилади) томонидан сайлов кампанияси бошланганлиги эълон қилинган вақтда Сайлов жараёнини бошқариш ахборот тизимидан олинади.
4. Сайлов округининг чегаралари туташтирилганида ягона ҳудудни ташкил этиши лозим. Бир-бири билан ўзаро чегарадош бўлмаган ҳудудлар доирасида сайлов округи тузилиши мумкин эмас. Ўзбекистон Республикасининг қўшни давлатлар ҳудудида жойлашган анклав ҳудудларини инобатга олган ҳолда тузилган сайлов округлари бундан мустасно.
2-боб. Қонунчилик палатаси депутатлари сайловини ўтказиш бўйича сайлов округларини тузиш
5. Қонунчилик палатаси депутатлари сайловини ўтказиш учун етмиш бешта ҳудудий бир мандатли сайлов округи тузилади.
6. Қонунчилик палатаси депутатлигига сиёсий партиялар томонидан кўрсатилган номзодлар рўйхати асосида Қонунчилик палатасига сайлов ўтказиш учун Ўзбекистон Республикасининг бутун ҳудуди ягона сайлов округи ҳисобланади.
7. Қонунчилик палатаси депутатлари сайловини ўтказиш бўйича бир мандатли сайлов округларининг чегаралари Қорақалпоғистон Республикасининг, вилоятларнинг ва Тошкент шаҳрининг маъмурий-ҳудудий тузилиши инобатга олинган ҳолда, қоида тариқасида, Ўзбекистон Республикасининг бутун ҳудудида сайловчилар сони тенг ҳолда белгиланади. Бир мандатли сайлов округидан Қонунчилик палатасига бўлиб ўтадиган сайловда ҳар бир сайлов округидан битта депутат сайланади.
8. Қонунчилик палатаси депутатлари сайловини ўтказиш бўйича бир мандатли сайлов округларини тузишда сайлов округларидаги сайловчилар сонининг йўл қўйиладиган энг кўп четга чиқиши, қоида тариқасида, ўн фоиздан ошмаслиги керак.
9. Қонунчилик палатаси депутатлари сайловини ўтказиш бўйича бир мандатли сайлов округларининг чегаралари кўрсатилган Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашларининг тақдимномалари сайловга камида етмиш беш кун қолганида Марказий сайлов комиссиясига тақдим этилади.
Сайлов округини тузиш ҳақидаги тақдимномада сайлов округи чегараси доирасига кирувчи тегишли ҳудуднинг туман, шаҳар, маҳалладан иборат маъмурий-ҳудудий бирликлари рўйхати, сайловчилар сони кўрсатилади.
10. Қонунчилик палатаси депутатлари сайловини ўтказиш бўйича бир мандатли сайлов округлари Марказий сайлов комиссияси томонидан ҳар беш йилда бир марта тузилади.
11. Қонунчилик палатаси депутатлари сайловини ўтказиш бўйича бир мандатли сайлов округларининг рўйхатлари, уларнинг чегаралари ва сайловчилар сони кўрсатилган ҳолда сайловдан камида етмиш кун олдин Марказий сайлов комиссияси томонидан расмий веб-сайтида ва бошқа манбааларда эълон қилинади.
3-боб. Халқ депутатлари вилоятлар ва Тошкент шаҳар Кенгашларига сайлов ўтказиш бўйича сайлов округларини тузиш
12. Халқ депутатлари вилоятлар ва Тошкент шаҳар Кенгашларига сайлов ўтказиш учун сайлов округлари халқ депутатлари вилоятлар ва Тошкент шаҳар Кенгашларидаги депутатлик ўринларига тенг миқдорда тузилади.
13. Халқ депутатлари вилоятлар ва Тошкент шаҳар Кенгашларига бўлиб ўтадиган сайловда ҳар бир сайлов округидан битта депутат сайланади.
14. Халқ депутатлари вилоятлар ва Тошкент шаҳар Кенгашларига сайлов ўтказиш бўйича сайлов округларининг чегаралари кўрсатилган тегишли вилоят, Тошкент шаҳар ҳокимининг тақдимномаси сайловга камида етмиш беш кун қолганида тегишли ҳудудий сайлов комиссиясига киритилади.
Сайлов округини тузиш ҳақидаги тақдимномада сайлов округи чегараси доирасига кирувчи тегишли туман, шаҳар ҳудудидаги маҳаллалар ва кўчалардан иборат маъмурий-ҳудудий бирликлар рўйхати, сайловчилар сони кўрсатилади.
15. Халқ депутатлари вилоятлар ва Тошкент шаҳар Кенгашларига сайлов ўтказиш бўйича сайлов округлари ҳудудий сайлов комиссияси томонидан, қоида тариқасида, сайловчилар сони тенг ҳолда ҳар беш йилда бир марта тузилади. Сайлов округларининг чегаралари вилоятлар ва Тошкент шаҳрининг маъмурий-ҳудудий тузилиши инобатга олинган ҳолда белгиланади.
16. Сайлов округларининг рўйхатлари уларнинг чегаралари, сайловчилар сони ва округ сайлов комиссияларининг жойлашган ери кўрсатилган ҳолда сайловдан камида етмиш кун олдин тегишли ҳудудий сайлов комиссияси томонидан эълон қилинади.
17. Халқ депутатлари вилоятлар ва Тошкент шаҳар Кенгашларига сайлов ўтказиш бўйича сайлов округларини тузишда сайлов округларидаги сайловчилар сонининг йўл қўйиладиган энг кўп четга чиқиши, қоида тариқасида, ўн фоиздан ошмаслиги керак.
4-боб. Халқ депутатлари туман, шаҳар Кенгашларига сайлов ўтказиш бўйича сайлов округларини тузиш
18. Халқ депутатлари туман, шаҳар Кенгашларига сайлов ўтказиш учун сайлов округлари тегишли халқ депутатлари туман, шаҳар Кенгашларидаги депутатлик ўринларига тенг миқдорда тузилади.
19. Халқ депутатлари туман, шаҳар Кенгашларига бўлиб ўтадиган сайловда ҳар бир сайлов округидан битта депутат сайланади.
20. Халқ депутатлари туман, шаҳар Кенгашларига сайлов ўтказиш бўйича сайлов округларининг чегаралари кўрсатилган тегишли туман, шаҳар ҳокимининг тақдимномаси сайловга камида етмиш беш кун қолганида тегишли туман, шаҳар сайлов комиссиясига киритилади.
Сайлов округини тузиш ҳақидаги тақдимномада сайлов округи чегараси доирасига кирувчи маҳалла, кўчалар номи, кўп қаватли уйларнинг рақамлари, сайловчилар сони кўрсатилади.
21. Халқ депутатлари туман, шаҳар Кенгашларига сайлов ўтказиш бўйича сайлов округлари тегишли туман, шаҳар ҳокимининг тақдимномасига асосан тегишли туман, шаҳар сайлов комиссияси томонидан, қоида тариқасида, сайловчилар сони тенг ҳолда ҳар беш йилда бир марта тузилади. Сайлов округларининг чегаралари туман, шаҳарнинг маъмурий-ҳудудий тузилиши инобатга олинган ҳолда белгиланади.
22. Сайлов округларининг рўйхатлари уларнинг чегаралари ва сайловчилар сони кўрсатилган ҳолда сайловдан камида етмиш кун олдин тегишли туман, шаҳар сайлов комиссияси томонидан эълон қилинади.
23. Халқ депутатлари туман, шаҳар Кенгашларига сайлов ўтказиш бўйича сайлов округларини тузишда сайлов округларидаги сайловчилар сонининг йўл қўйиладиган энг кўп четга чиқиши, қоида тариқасида, ўн фоиздан ошмаслиги керак.
5-боб. Сайлов участкаларини тузиш
24. Сайлов участкалари туманлар ва шаҳарлар ҳокимликларининг тақдимномасига биноан ҳудудий сайлов комиссиялари томонидан беш йил муддатга тузилади. Зарур бўлган ҳолларда, сайлов участкалари туманлар ва шаҳарлар ҳокимликларининг тақдимномасига биноан қайта тузилиши, амалдаги сайлов участкаларининг чегаралари ўзгартирилиши ёки тугатилиши мумкин.
Сайлов участкасини тузиш тўғрисидаги тақдимномада сайлов участкаси чегаралари доирасидаги маҳалла ва кўчалар номлари, уйлар ва кўп қаватли уйларнинг рақамлари, сайловчилар сони ҳамда участка сайлов комиссияси жойлашадиган бинонинг манзили ва кадастр рақами кўрсатилади.
25. Сайлов участкаси маҳалла ҳудуди доирасида тузилади, бунда сайловчилар сони белгиланган нормадан ортиб кетган ҳолатларда шу маҳалла чегарасидан чиқмаган ҳолда икки ёки ундан ортиқ сайлов участкаси ташкил қилиниши мумкин.
26. Сайловчиларга қулайлик яратиш мақсадида сайлов участкалари туманларнинг, шаҳарларнинг, шаҳарлардаги туманларнинг, маҳаллаларнинг чегаралари инобатга олинган ҳолда тузилади. Заруратга қараб, кириш жойлари алоҳида бўлган ҳолда битта бинода иккита участка сайлов комиссияси жойлаштирилиши мумкин.
27. Ўзбекистон Республикасининг чет давлатлардаги дипломатик ва бошқа ваколатхоналари, консуллик муассасалари ҳузурида, ҳарбий қисмларда, санаторийларда, дам олиш уйларида, касалхоналарда ва бошқа стационар даволаш муассасаларида, олис ва бориш қийин бўлган ҳудудлардаги фуқаролар турган жойларда, қамоқда сақлаш ва озодликдан маҳрум этиш жойларида ҳам сайлов участкалари сайловга тайёргарлик кўриш ва уни ўтказиш даврига тузилиши мумкин. Бу сайлов участкалари улар жойлашган ердаги сайлов округларига киради, бундан Ўзбекистон Республикасининг чет давлатлардаги дипломатик ва бошқа ваколатхоналари, консуллик муассасалари ҳузурида тузиладиган сайлов участкалари мустасно.
28. Сайлов участкаларининг чегаралари бошқа сайлов округларининг чегараларини кесиб ўтмаслиги керак.
29. Сайлов участкалари сайловга камида олтмиш кун қолганида, қоида тариқасида, сайловчилар сони камида йигирма нафардан ва кўпи билан уч минг нафардан ошмаган ҳолда тузилади.
30. Ҳарбий қисмларда, Ўзбекистон Республикасининг чет давлатлардаги дипломатик ва бошқа ваколатхоналари, консуллик муассасалари ҳузурида, шунингдек олис ва бориш қийин бўлган ҳудудлардаги фуқаролар турган жойларда, қамоқда сақлаш ва озодликдан маҳрум этиш жойларида сайлов участкалари ана шу муддатда, айрим ҳолларда эса сайловга камида етти кун қолганида тузилади.
31. Зарур ҳолларда хориждаги сайлов участкаларининг сайловчилар рўйхатидаги сайловчилар сони белгиланган миқдордан кам ёки ортиқ бўлиши мумкин.
32. Сайлов участкаларининг сони округлар сонидан кам бўлиши мумкин эмас.
33. Ҳудудий сайлов комиссияси сайлов участкаларининг тартиб рақамини белгилайди ҳамда тегишли участка сайлов комиссиясининг телефон рақамларини, жойлашган ерини ва овоз бериш биносини кўрсатган ҳолда сайловчиларни ҳар бир участканинг чегаралари тўғрисида хабардор этишни ташкил қилади.
Сайлов участкалари тартиб рақамларини белгилашда ҳудуддаги барча сайлов участкалари кетма-кетликда рақамланади. Сайлов участкаларига туманлар ва шаҳарлар кесимида алоҳида тартиб рақамларини белгилашга йўл қўйилмайди. Ҳудудда қўшимча сайлов участкаси тузиладиган бўлса, мазкур сайлов участкаси ҳудуднинг қайси тумани ёки шаҳарида тузилганидан қатъий назар, унга ушбу ҳудудда тузилган сайлов участкаларига берилган сўнгги тартиб рақамидан кейинги тартиб рақами берилади. Сайлов участкаларини қўшиш ва тугатиш оқибатида тартиб рақамларини ўзгартириш Марказий сайлов комиссияси билан келишилган ҳолда амалга оширилади.
34. Сайлов участкалари Қонунчилик палатаси депутатлари ва маҳаллий Кенгашлар депутатлари сайловлари учун ягона ҳисобланади.
6-боб. Ўзбекистон Республикасининг чет давлатлардаги дипломатик ва бошқа ваколатхоналари ҳузурида сайлов участкаларини тузиш
35. Қонунчилик палатаси депутатлигига сиёсий партиялар томонидан кўрсатилган номзодлар рўйхати асосида Қонунчилик палатаси депутатларининг ягона сайлов округи бўйича сайловини ўтказиш учун Ўзбекистон Республикаси Ташқи ишлар вазирлигининг тақдимномасига биноан Марказий сайлов комиссияси томонидан Ўзбекистон Республикасининг чет давлатлардаги дипломатик ва бошқа ваколатхоналари, консуллик муассасалари (бундан буён матнда дипломатик ваколатхона деб юритилади) ҳузурида сайлов участкалари (бундан буён матнда хориждаги сайлов участкаси деб юритилади) тузилиши мумкин.
36. Ўзбекистон Республикасидан ташқарида тузиладиган сайлов участкаларини тегишли ҳудудга бириктириш тўғрисидаги масала Марказий сайлов комиссияси томонидан ҳал этилади.
37. Ўзбекистон Республикаси Ташқи ишлар вазирлиги хориждаги сайлов участкасини тузиш тўғрисида тақдимномани Марказий сайлов комиссиясига сайловга камида олтмиш беш кун қолганида, айрим ҳолларда эса сайловга камида ўн кун қолгунига қадар киритади.
38. Хориждаги сайлов участкасини тузиш тўғрисида тақдимнома сайловга камида ўн кун қолгунига қадар киритилган тақдирда ушбу тақдимнома билан бир вақтда тегишли ҳудудий сайлов комиссиясига дипломатик ваколатхоналар ҳузуридаги участка сайлов комиссияси (бундан буён матнда хориждаги участка сайлов комиссияси деб юритилади) аъзолигига номзодлар ҳам тавсия этилади.
39. Дипломатик ваколатхоналар томонидан хориждаги сайлов участкалари тўғрисидаги маълумотлар маҳаллий шароитлардан келиб чиққан ҳолда жамоатчиликка эълон қилиб борилади.
Ушбу маълумотларда қуйидагилар акс этган бўлиши лозим:
хориждаги сайлов участкасининг тартиб рақами;
хориждаги сайлов участкаси жойлашган манзил;
хориждаги участка сайлов комиссияси телефон рақами.
Ушбу маълумотлар Марказий сайлов комиссияси ва дипломатик ваколатхоналарнинг расмий веб-сайтлари ҳамда ижтимоий тармоқлардаги саҳифаларида жойлаштирилади.
40. Хориждаги сайлов участкаларида бир мандатли сайлов округлари бўйича Қонунчилик палатаси депутатлигига, халқ депутатлари вилоят, туман ва шаҳар Кенгашлари депутатлигига бўлиб ўтадиган сайловлар бўйича овоз бериш ташкил этилмайди.
7-боб. Қамоқда сақлаш ва озодликдан маҳрум этиш жойларида сайлов участкаларини тузиш
41. Қамоқда сақлаш ва озодликдан маҳрум этиш жойларида сайлов участкалари ушбу муассасалар бошлиқларининг тақдимномасига биноан ҳудудий сайлов комиссиялари томонидан тузилади. Бу сайлов участкалари улар жойлашган ҳудуддаги сайлов округларига киради.
42. Қамоқда сақлаш ва озодликдан маҳрум этиш жойларида сайлов участкалари сайловга камида олтмиш кун қолганида, айрим ҳолларда эса сайловга камида етти кун қолганида тузилади.
Раис З. НИЗАМХОДЖАЕВ
Тошкент ш.,
2024 йил 5 июнь,
1338-сон
Oʻzbekiston Respublikasi Markaziy saylov komissiyasining
qarori
Saylov okruglari va uchastkalarini tuzish tartibi toʻgʻrisidagi nizomni tasdiqlash haqida
Oʻzbekiston Respublikasi Saylov kodeksining 14 va 16-moddalariga muvofiq, Oʻzbekiston Respublikasi Markaziy saylov komissiyasi qaror qiladi:
1. Saylov okruglari va uchastkalarini tuzish tartibi toʻgʻrisidagi nizom ilovaga muvofiq tasdiqlansin.
2. Mazkur qaror Oʻzbekiston Respublikasi Markaziy saylov komissiyasining rasmiy veb-saytida eʼlon qilinsin.
3. Mazkur qarorning ijrosini nazorat qilish Oʻzbekiston Respublikasi Markaziy saylov komissiyasi Raisining oʻrinbosari B. Kuchkarov zimmasiga yuklansin.
Oʻzbekiston Respublikasi Markaziy saylov komissiyasining 2024-yil 5-iyundagi 1338-son qaroriga ILOVA
Saylov okruglari va uchastkalarini tuzish tartibi toʻgʻrisidagi nizom
1-bob. Umumiy qoidalar
1. Mazkur Nizom Oʻzbekiston Respublikasining Saylov kodeksiga (bundan buyon matnda Saylov kodeksi deb yuritiladi) muvofiq Oʻzbekiston Respublikasi Oliy Majlisi Qonunchilik palatasi (bundan buyon matnda Qonunchilik palatasi deb yuritiladi), xalq deputatlari viloyat, tuman va shahar Kengashlariga saylov oʻtkazish boʻyicha saylov okruglari va uchastkalarini tuzish tartibini belgilaydi.
2. Ushbu nizomda belgilangan subyektlar oʻrtasidagi munosabatlar “E-saylov” axborot tizimi orqali amalga oshirilishi mumkin.
3. Saylov okruglarini tuzish toʻgʻrisidagi taqdimnomada koʻrsatiladigan saylovchilar soni Oʻzbekiston Respublikasi Markaziy saylov komissiyasi (bundan buyon matnda Markaziy saylov komissiyasi deb yuritiladi) tomonidan saylov kampaniyasi boshlanganligi eʼlon qilingan vaqtda Saylov jarayonini boshqarish axborot tizimidan olinadi.
4. Saylov okrugining chegaralari tutashtirilganida yagona hududni tashkil etishi lozim. Bir-biri bilan oʻzaro chegaradosh boʻlmagan hududlar doirasida saylov okrugi tuzilishi mumkin emas. Oʻzbekiston Respublikasining qoʻshni davlatlar hududida joylashgan anklav hududlarini inobatga olgan holda tuzilgan saylov okruglari bundan mustasno.
2-bob. Qonunchilik palatasi deputatlari saylovini oʻtkazish boʻyicha saylov okruglarini tuzish
5. Qonunchilik palatasi deputatlari saylovini oʻtkazish uchun yetmish beshta hududiy bir mandatli saylov okrugi tuziladi.
6. Qonunchilik palatasi deputatligiga siyosiy partiyalar tomonidan koʻrsatilgan nomzodlar roʻyxati asosida Qonunchilik palatasiga saylov oʻtkazish uchun Oʻzbekiston Respublikasining butun hududi yagona saylov okrugi hisoblanadi.
7. Qonunchilik palatasi deputatlari saylovini oʻtkazish boʻyicha bir mandatli saylov okruglarining chegaralari Qoraqalpogʻiston Respublikasining, viloyatlarning va Toshkent shahrining maʼmuriy-hududiy tuzilishi inobatga olingan holda, qoida tariqasida, Oʻzbekiston Respublikasining butun hududida saylovchilar soni teng holda belgilanadi. Bir mandatli saylov okrugidan Qonunchilik palatasiga boʻlib oʻtadigan saylovda har bir saylov okrugidan bitta deputat saylanadi.
8. Qonunchilik palatasi deputatlari saylovini oʻtkazish boʻyicha bir mandatli saylov okruglarini tuzishda saylov okruglaridagi saylovchilar sonining yoʻl qoʻyiladigan eng koʻp chetga chiqishi, qoida tariqasida, oʻn foizdan oshmasligi kerak.
9. Qonunchilik palatasi deputatlari saylovini oʻtkazish boʻyicha bir mandatli saylov okruglarining chegaralari koʻrsatilgan Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlarining taqdimnomalari saylovga kamida yetmish besh kun qolganida Markaziy saylov komissiyasiga taqdim etiladi.
Saylov okrugini tuzish haqidagi taqdimnomada saylov okrugi chegarasi doirasiga kiruvchi tegishli hududning tuman, shahar, mahalladan iborat maʼmuriy-hududiy birliklari roʻyxati, saylovchilar soni koʻrsatiladi.
10. Qonunchilik palatasi deputatlari saylovini oʻtkazish boʻyicha bir mandatli saylov okruglari Markaziy saylov komissiyasi tomonidan har besh yilda bir marta tuziladi.
11. Qonunchilik palatasi deputatlari saylovini oʻtkazish boʻyicha bir mandatli saylov okruglarining roʻyxatlari, ularning chegaralari va saylovchilar soni koʻrsatilgan holda saylovdan kamida yetmish kun oldin Markaziy saylov komissiyasi tomonidan rasmiy veb-saytida va boshqa manbaalarda eʼlon qilinadi.
3-bob. Xalq deputatlari viloyatlar va Toshkent shahar Kengashlariga saylov oʻtkazish boʻyicha saylov okruglarini tuzish
12. Xalq deputatlari viloyatlar va Toshkent shahar Kengashlariga saylov oʻtkazish uchun saylov okruglari xalq deputatlari viloyatlar va Toshkent shahar Kengashlaridagi deputatlik oʻrinlariga teng miqdorda tuziladi.
13. Xalq deputatlari viloyatlar va Toshkent shahar Kengashlariga boʻlib oʻtadigan saylovda har bir saylov okrugidan bitta deputat saylanadi.
14. Xalq deputatlari viloyatlar va Toshkent shahar Kengashlariga saylov oʻtkazish boʻyicha saylov okruglarining chegaralari koʻrsatilgan tegishli viloyat, Toshkent shahar hokimining taqdimnomasi saylovga kamida yetmish besh kun qolganida tegishli hududiy saylov komissiyasiga kiritiladi.
Saylov okrugini tuzish haqidagi taqdimnomada saylov okrugi chegarasi doirasiga kiruvchi tegishli tuman, shahar hududidagi mahallalar va koʻchalardan iborat maʼmuriy-hududiy birliklar roʻyxati, saylovchilar soni koʻrsatiladi.
15. Xalq deputatlari viloyatlar va Toshkent shahar Kengashlariga saylov oʻtkazish boʻyicha saylov okruglari hududiy saylov komissiyasi tomonidan, qoida tariqasida, saylovchilar soni teng holda har besh yilda bir marta tuziladi. Saylov okruglarining chegaralari viloyatlar va Toshkent shahrining maʼmuriy-hududiy tuzilishi inobatga olingan holda belgilanadi.
16. Saylov okruglarining roʻyxatlari ularning chegaralari, saylovchilar soni va okrug saylov komissiyalarining joylashgan yeri koʻrsatilgan holda saylovdan kamida yetmish kun oldin tegishli hududiy saylov komissiyasi tomonidan eʼlon qilinadi.
17. Xalq deputatlari viloyatlar va Toshkent shahar Kengashlariga saylov oʻtkazish boʻyicha saylov okruglarini tuzishda saylov okruglaridagi saylovchilar sonining yoʻl qoʻyiladigan eng koʻp chetga chiqishi, qoida tariqasida, oʻn foizdan oshmasligi kerak.
4-bob. Xalq deputatlari tuman, shahar Kengashlariga saylov oʻtkazish boʻyicha saylov okruglarini tuzish
18. Xalq deputatlari tuman, shahar Kengashlariga saylov oʻtkazish uchun saylov okruglari tegishli xalq deputatlari tuman, shahar Kengashlaridagi deputatlik oʻrinlariga teng miqdorda tuziladi.
19. Xalq deputatlari tuman, shahar Kengashlariga boʻlib oʻtadigan saylovda har bir saylov okrugidan bitta deputat saylanadi.
20. Xalq deputatlari tuman, shahar Kengashlariga saylov oʻtkazish boʻyicha saylov okruglarining chegaralari koʻrsatilgan tegishli tuman, shahar hokimining taqdimnomasi saylovga kamida yetmish besh kun qolganida tegishli tuman, shahar saylov komissiyasiga kiritiladi.
Saylov okrugini tuzish haqidagi taqdimnomada saylov okrugi chegarasi doirasiga kiruvchi mahalla, koʻchalar nomi, koʻp qavatli uylarning raqamlari, saylovchilar soni koʻrsatiladi.
21. Xalq deputatlari tuman, shahar Kengashlariga saylov oʻtkazish boʻyicha saylov okruglari tegishli tuman, shahar hokimining taqdimnomasiga asosan tegishli tuman, shahar saylov komissiyasi tomonidan, qoida tariqasida, saylovchilar soni teng holda har besh yilda bir marta tuziladi. Saylov okruglarining chegaralari tuman, shaharning maʼmuriy-hududiy tuzilishi inobatga olingan holda belgilanadi.
22. Saylov okruglarining roʻyxatlari ularning chegaralari va saylovchilar soni koʻrsatilgan holda saylovdan kamida yetmish kun oldin tegishli tuman, shahar saylov komissiyasi tomonidan eʼlon qilinadi.
23. Xalq deputatlari tuman, shahar Kengashlariga saylov oʻtkazish boʻyicha saylov okruglarini tuzishda saylov okruglaridagi saylovchilar sonining yoʻl qoʻyiladigan eng koʻp chetga chiqishi, qoida tariqasida, oʻn foizdan oshmasligi kerak.
5-bob. Saylov uchastkalarini tuzish
24. Saylov uchastkalari tumanlar va shaharlar hokimliklarining taqdimnomasiga binoan hududiy saylov komissiyalari tomonidan besh yil muddatga tuziladi. Zarur boʻlgan hollarda, saylov uchastkalari tumanlar va shaharlar hokimliklarining taqdimnomasiga binoan qayta tuzilishi, amaldagi saylov uchastkalarining chegaralari oʻzgartirilishi yoki tugatilishi mumkin.
Saylov uchastkasini tuzish toʻgʻrisidagi taqdimnomada saylov uchastkasi chegaralari doirasidagi mahalla va koʻchalar nomlari, uylar va koʻp qavatli uylarning raqamlari, saylovchilar soni hamda uchastka saylov komissiyasi joylashadigan binoning manzili va kadastr raqami koʻrsatiladi.
25. Saylov uchastkasi mahalla hududi doirasida tuziladi, bunda saylovchilar soni belgilangan normadan ortib ketgan holatlarda shu mahalla chegarasidan chiqmagan holda ikki yoki undan ortiq saylov uchastkasi tashkil qilinishi mumkin.
26. Saylovchilarga qulaylik yaratish maqsadida saylov uchastkalari tumanlarning, shaharlarning, shaharlardagi tumanlarning, mahallalarning chegaralari inobatga olingan holda tuziladi. Zaruratga qarab, kirish joylari alohida boʻlgan holda bitta binoda ikkita uchastka saylov komissiyasi joylashtirilishi mumkin.
27. Oʻzbekiston Respublikasining chet davlatlardagi diplomatik va boshqa vakolatxonalari, konsullik muassasalari huzurida, harbiy qismlarda, sanatoriylarda, dam olish uylarida, kasalxonalarda va boshqa statsionar davolash muassasalarida, olis va borish qiyin boʻlgan hududlardagi fuqarolar turgan joylarda, qamoqda saqlash va ozodlikdan mahrum etish joylarida ham saylov uchastkalari saylovga tayyorgarlik koʻrish va uni oʻtkazish davriga tuzilishi mumkin. Bu saylov uchastkalari ular joylashgan yerdagi saylov okruglariga kiradi, bundan Oʻzbekiston Respublikasining chet davlatlardagi diplomatik va boshqa vakolatxonalari, konsullik muassasalari huzurida tuziladigan saylov uchastkalari mustasno.
28. Saylov uchastkalarining chegaralari boshqa saylov okruglarining chegaralarini kesib oʻtmasligi kerak.
29. Saylov uchastkalari saylovga kamida oltmish kun qolganida, qoida tariqasida, saylovchilar soni kamida yigirma nafardan va koʻpi bilan uch ming nafardan oshmagan holda tuziladi.
30. Harbiy qismlarda, Oʻzbekiston Respublikasining chet davlatlardagi diplomatik va boshqa vakolatxonalari, konsullik muassasalari huzurida, shuningdek olis va borish qiyin boʻlgan hududlardagi fuqarolar turgan joylarda, qamoqda saqlash va ozodlikdan mahrum etish joylarida saylov uchastkalari ana shu muddatda, ayrim hollarda esa saylovga kamida yetti kun qolganida tuziladi.
31. Zarur hollarda xorijdagi saylov uchastkalarining saylovchilar roʻyxatidagi saylovchilar soni belgilangan miqdordan kam yoki ortiq boʻlishi mumkin.
32. Saylov uchastkalarining soni okruglar sonidan kam boʻlishi mumkin emas.
33. Hududiy saylov komissiyasi saylov uchastkalarining tartib raqamini belgilaydi hamda tegishli uchastka saylov komissiyasining telefon raqamlarini, joylashgan yerini va ovoz berish binosini koʻrsatgan holda saylovchilarni har bir uchastkaning chegaralari toʻgʻrisida xabardor etishni tashkil qiladi.
Saylov uchastkalari tartib raqamlarini belgilashda hududdagi barcha saylov uchastkalari ketma-ketlikda raqamlanadi. Saylov uchastkalariga tumanlar va shaharlar kesimida alohida tartib raqamlarini belgilashga yoʻl qoʻyilmaydi. Hududda qoʻshimcha saylov uchastkasi tuziladigan boʻlsa, mazkur saylov uchastkasi hududning qaysi tumani yoki shaharida tuzilganidan qatʼiy nazar, unga ushbu hududda tuzilgan saylov uchastkalariga berilgan soʻnggi tartib raqamidan keyingi tartib raqami beriladi. Saylov uchastkalarini qoʻshish va tugatish oqibatida tartib raqamlarini oʻzgartirish Markaziy saylov komissiyasi bilan kelishilgan holda amalga oshiriladi.
34. Saylov uchastkalari Qonunchilik palatasi deputatlari va mahalliy Kengashlar deputatlari saylovlari uchun yagona hisoblanadi.
6-bob. Oʻzbekiston Respublikasining chet davlatlardagi diplomatik va boshqa vakolatxonalari huzurida saylov uchastkalarini tuzish
35. Qonunchilik palatasi deputatligiga siyosiy partiyalar tomonidan koʻrsatilgan nomzodlar roʻyxati asosida Qonunchilik palatasi deputatlarining yagona saylov okrugi boʻyicha saylovini oʻtkazish uchun Oʻzbekiston Respublikasi Tashqi ishlar vazirligining taqdimnomasiga binoan Markaziy saylov komissiyasi tomonidan Oʻzbekiston Respublikasining chet davlatlardagi diplomatik va boshqa vakolatxonalari, konsullik muassasalari (bundan buyon matnda diplomatik vakolatxona deb yuritiladi) huzurida saylov uchastkalari (bundan buyon matnda xorijdagi saylov uchastkasi deb yuritiladi) tuzilishi mumkin.
36. Oʻzbekiston Respublikasidan tashqarida tuziladigan saylov uchastkalarini tegishli hududga biriktirish toʻgʻrisidagi masala Markaziy saylov komissiyasi tomonidan hal etiladi.
37. Oʻzbekiston Respublikasi Tashqi ishlar vazirligi xorijdagi saylov uchastkasini tuzish toʻgʻrisida taqdimnomani Markaziy saylov komissiyasiga saylovga kamida oltmish besh kun qolganida, ayrim hollarda esa saylovga kamida oʻn kun qolguniga qadar kiritadi.
38. Xorijdagi saylov uchastkasini tuzish toʻgʻrisida taqdimnoma saylovga kamida oʻn kun qolguniga qadar kiritilgan taqdirda ushbu taqdimnoma bilan bir vaqtda tegishli hududiy saylov komissiyasiga diplomatik vakolatxonalar huzuridagi uchastka saylov komissiyasi (bundan buyon matnda xorijdagi uchastka saylov komissiyasi deb yuritiladi) aʼzoligiga nomzodlar ham tavsiya etiladi.
39. Diplomatik vakolatxonalar tomonidan xorijdagi saylov uchastkalari toʻgʻrisidagi maʼlumotlar mahalliy sharoitlardan kelib chiqqan holda jamoatchilikka eʼlon qilib boriladi.
Ushbu maʼlumotlarda quyidagilar aks etgan boʻlishi lozim:
xorijdagi saylov uchastkasining tartib raqami;
xorijdagi saylov uchastkasi joylashgan manzil;
xorijdagi uchastka saylov komissiyasi telefon raqami.
Ushbu maʼlumotlar Markaziy saylov komissiyasi va diplomatik vakolatxonalarning rasmiy veb-saytlari hamda ijtimoiy tarmoqlardagi sahifalarida joylashtiriladi.
40. Xorijdagi saylov uchastkalarida bir mandatli saylov okruglari boʻyicha Qonunchilik palatasi deputatligiga, xalq deputatlari viloyat, tuman va shahar Kengashlari deputatligiga boʻlib oʻtadigan saylovlar boʻyicha ovoz berish tashkil etilmaydi.
7-bob. Qamoqda saqlash va ozodlikdan mahrum etish joylarida saylov uchastkalarini tuzish
41. Qamoqda saqlash va ozodlikdan mahrum etish joylarida saylov uchastkalari ushbu muassasalar boshliqlarining taqdimnomasiga binoan hududiy saylov komissiyalari tomonidan tuziladi. Bu saylov uchastkalari ular joylashgan hududdagi saylov okruglariga kiradi.
42. Qamoqda saqlash va ozodlikdan mahrum etish joylarida saylov uchastkalari saylovga kamida oltmish kun qolganida, ayrim hollarda esa saylovga kamida yetti kun qolganida tuziladi.
Rais Z. NIZAMXODJAYEV
Toshkent sh.,
2024-yil 5-iyun,
1338-son
Центральной избирательной комиссии Республики Узбекистан
Постановление
Об утверждении Положения о порядке образования избирательных округов и участков
В соответствии со статьями 14 и 16 Избирательного кодекса Республики Узбекистан Центральная избирательная комиссия Республики Узбекистан постановляет:
1. Утвердить Положение о порядке образования избирательных округов и участков согласно приложению .
2. Опубликовать настоящее постановление на официальном веб-сайте Центральной избирательной комиссии Республики Узбекистан.
3. Контроль за исполнением настоящего постановления возложить на заместителя Председателя Центральной избирательной комиссии Республики Узбекистан Б. Кучкарова.
ПРИЛОЖЕНИЕ к Постановлению Центральной избирательной комиссии Республики Узбекистан от 5 июня 2024 года № 1338
Положение о порядке образования избирательных округов и участков
Глава 1. Общие положения
1. Настоящее Положение в соответствии с Избирательным кодексом Республики Узбекистан (далее — Избирательный кодекс) определяет порядок образования избирательных округов и участков для проведения выборов в Законодательную палату Олий Мажлиса Республики Узбекистан (далее — Законодательная палата), областные, районные и городские Кенгаши народных депутатов.
2. Отношения между субъектами, установленные настоящим Положением, могут осуществляться через информационную систему «Е-saylov».
3. Количество избирателей, указанное в представлении об образовании избирательных округов, извлекается Центральной избирательной комиссией Республики Узбекистан (далее — Центральная избирательная комиссия) из Информационной системы управления избирательным процессом на момент объявления начала избирательной кампании.
4. Границы избирательного округа при его соединении должны образовывать единую территорию. Избирательный округ не может быть образован в пределах территорий, не граничащих между собой. За исключением избирательных округов Республики Узбекистан, сформированных с учетом территорий анклавов, расположенных на территории соседних государств.
Глава 2. Образование избирательных округов для проведения выборов депутатов Законодательной палаты
5. Для проведения выборов депутатов Законодательной палаты образуются семьдесят пять территориальных одномандатных избирательных округов.
6. Для проведения выборов в Законодательную палату на основании списка кандидатов, выдвинутых политическими партиями в депутаты Законодательной палаты, вся территория Республики Узбекистан является единым избирательным округом.
7. Границы одномандатных избирательных округов по проведению выборов депутатов Законодательной палаты определяются с учетом административно-территориального устройства Республики Каракалпакстан, областей и города Ташкента, как правило, с равной численностью избирателей на всей территории Республики Узбекистан. В выборах, проводимых в Законодательную палату по одномандатному избирательному округу, избирается один депутат от каждого избирательного округа.
8. При образовании одномандатных избирательных округов по проведению выборов депутатов Законодательной палаты максимально допустимое отклонение количества избирателей в избирательных округах, как правило, не должно превышать десяти процентов.
9. Представления Жокаргы Кенеса Республики Каракалпакстан, областных и Ташкентского городского Кенгашей народных депутатов с указанием границ одномандатных избирательных округов по проведению выборов депутатов Законодательной палаты представляются в Центральную избирательную комиссию не позднее чем за семьдесят пять дней до выборов.
В представлении об образовании избирательного округа указывается список административно-территориальных единиц соответствующей территории, входящих в границы избирательного округа, состоящий из района, города, махалли, количество избирателей.
10. Одномандатные избирательные округа по проведению выборов депутатов Законодательной палаты образуются Центральной избирательной комиссией один раз в пять лет.
11. Списки одномандатных избирательных округов по проведению выборов депутатов Законодательной палаты с указанием их границ и численности избирателей публикуются Центральной избирательной комиссией на официальном веб-сайте и в других источниках не менее чем за семьдесят дней до выборов.
Глава 3. Образование избирательных округов по проведению выборов в областные и Ташкентский городской Кенгаши народных депутатов
12. Для проведения выборов в областные и Ташкентский городской Кенгаши народных депутатов избирательные округа образуются в равном количестве депутатских мест в областные и Ташкентский городской Кенгаши народных депутатов.
13. На выборах, проводимых в областные и Ташкентский городской Кенгаши народных депутатов избирается один депутат от каждого избирательного округа.
14. Представление хокима соответствующей области, города Ташкента с указанием границ избирательных округов по проведению выборов в областные и Ташкентский городской Кенгаши народных депутатов вносится в соответствующую территориальную избирательную комиссию не менее чем за семьдесят пять дней до выборов.
В представлении об образовании избирательного округа указывается список административно-территориальных единиц, расположенных на территории соответствующего района, города, состоящих из входящих в их состав махаллей и улиц, входящих в границы избирательного округа, количество избирателей.
15. Избирательные округа по проведению выборов в областные и Ташкентский городской Кенгаши народных депутатов образуются территориальной избирательной комиссией, как правило, с равной численностью избирателей один раз в пять лет. Границы избирательных округов определяются с учетом административно-территориального устройства областей и города Ташкента.
16. Списки избирательных округов с указанием их границ, численности избирателей и местонахождения окружных избирательных комиссий публикуются соответствующей территориальной избирательной комиссией не менее чем за семьдесят дней до выборов.
17. При образовании избирательных округов по выборам в областные и Ташкентский городской Кенгаши народных депутатов максимально допустимое отклонение количества избирателей в избирательных округах, как правило, не должно превышать десяти процентов.
Глава 4. Образование избирательных округов по проведению выборов в районные, городские Кенгаши народных депутатов
18. Для проведения выборов в районные, городские Кенгаши народных депутатов образуются избирательные округа в равном количестве депутатских мест в районные, городские Кенгаши народных депутатов.
19. На выборах в районные, городские Кенгаши народных депутатов избирается один депутат от каждого избирательного округа.
20. Представление хокима соответствующего района, города с указанием границ избирательных округов по проведению выборов в районные, городские Кенгаши народных депутатов вносится в избирательную комиссию соответствующего района, города не менее чем за семьдесят пять дней до выборов.
В представлении об образовании избирательного округа указывается район, наименование улиц, номера многоквартирных домов, количество избирателей, входящих в границы избирательного округа.
21. На основании представления хокима соответствующего района, города избирательные округа по проведению выборов в районные, городские Кенгаши народных депутатов образуются соответствующей районной, городской избирательной комиссией, как правило, с равной численностью избирателей, один раз в пять лет. Границы избирательных округов определяются с учетом административно-территориального устройства района, города.
22. Списки избирательных округов с указанием их границ и численности избирателей публикуются соответствующей районной, городской избирательной комиссией не менее чем за семьдесят дней до выборов.
23. При образовании избирательных округов по проведению выборов в районные, городские Кенгаши народных депутатов максимально допустимое отклонение количества избирателей в избирательных округах, как правило, не должно превышать десяти процентов.
Глава 5. Образование избирательных участков
24. Избирательные участки образуются сроком на пять лет территориальными избирательными комиссиями по представлению хокимиятов районов и городов. В необходимых случаях избирательные участки могут быть преобразованы, изменены или упразднены границы действующих избирательных участков по представлению хокимиятов районов и городов.
В представлении об образовании избирательного участка указываются наименования кварталов и улиц в границах избирательного участка, номера домов и многоквартирных домов, количество избирателей, а также адрес и кадастровый номер здания, в котором будет располагаться участковая избирательная комиссия.
25. Избирательный участок образуется в пределах территории махалли, при этом в случае превышения установленной численности избирателей могут быть организованы два и более избирательных участка, не выходящие территориально за пределы этой махалли.
26. Избирательные участки образуются с учетом границ районов, городов, районов в городах, махаллях с целью создания удобств для избирателей. В зависимости от необходимости в одном здании могут размещаться две участковые избирательные комиссии с раздельными входами.
27. В период подготовки и проведения выборов избирательные участки могут быть образованы при дипломатических и иных представительствах Республики Узбекистан, консульских учреждениях в иностранных государствах, в воинских частях, санаториях, домах отдыха, больницах и других стационарных лечебных учреждениях, в местах нахождения граждан, расположенных в отдаленных и труднодоступных районах, также в местах содержания под стражей и лишения свободы. Эти избирательные участки входят в избирательные округа по месту их нахождения, за исключением избирательных участков, образуемых при дипломатических и иных представительствах, консульских учреждениях Республики Узбекистан в иностранных государствах.
28. Границы избирательных участков не должны пересекать границы других избирательных округов.
29. Избирательные участки образуются не менее чем за шестьдесят дней до выборов, как правило, с числом не менее двадцати избирателей и не более трех тысяч избирателей.
30. В воинских частях, при дипломатических и иных представительствах, консульских учреждениях Республики Узбекистан в иностранных государствах, а также в местах нахождения граждан, расположенных в отдаленных и труднодоступных районах, местах содержания под стражей и лишения свободы избирательные участки образуются в тот же срок, а в исключительных случаях — не менее чем за семь дней до выборов.
31. При необходимости количество избирателей в списке избирателей избирательных участков за рубежом может быть более или менее установленной нормы.
32. Количество избирательных участков не может быть меньше количества округов.
33. Территориальная избирательная комиссия устанавливает порядковые номера избирательных участков и организует оповещение избирателей о границах каждого участка с указанием номеров телефона, местонахождения соответствующей участковой избирательной комиссии и помещения для голосования.
При присвоении порядковых номеров избирательным участкам все избирательные участки на территории нумеруются последовательно. Не допускается присвоение избирательным участкам отдельных порядковых номеров в разрезе районов и городов. В случае образования на территории дополнительного избирательного участка, независимо от того, на территории какого района или города образован данный избирательный участок, ему присваивается порядковый номер, следующий за последним порядковым номером, присвоенным избирательным участкам, образованным на этой территории. Изменение порядковых номеров в результате добавления и ликвидации избирательных участков производится по согласованию с Центральной избирательной комиссией.
34. Избирательные участки являются едиными для выборов депутатов Законодательной палаты и депутатов местных Кенгашей.
Глава 6. Образование избирательных участков при дипломатических и иных представительств Республики Узбекистан в иностранных государствах
35. Для проведения выборов депутатов Законодательной палаты по единому избирательному округу на основании списка кандидатов, выдвинутых политическими партиями в депутаты Законодательной палаты, Центральной избирательной комиссией по представлению Министерства иностранных дел Республики Узбекистан при дипломатических и иных представительствах, консульских учреждениях Республики Узбекистан в иностранных государствах (далее — дипломатическое представительство) могут быть образованы избирательные участки (далее — избирательный участок за рубежом).
36. Вопрос о прикреплении избирательных участков, образованных за пределами Республики Узбекистан, к соответствующей территории решается Центральной избирательной комиссией.
37. Министерство иностранных дел Республики Узбекистан вносит в Центральную избирательную комиссию представление об образовании избирательного участка за рубежом не менее чем за шестьдесят пять дней до выборов, а в исключительных случаях — не менее чем за десять дней до выборов.
38. В случае внесения представления об образовании избирательного участка за рубежом не менее чем за десять дней до выборов одновременно с этим представлением в соответствующую территориальную избирательную комиссию рекомендуются кандидаты в члены участковой избирательной комиссии при дипломатических представительствах (далее — участковая избирательная комиссия за рубежом).
39. Дипломатические представительства, исходя из местных условий, публикуют для общественности информацию об избирательных участках за рубежом.
В этой информации должны быть отражены:
порядковый номер избирательного участка за рубежом;
адрес расположения избирательного участка за рубежом;
номер телефона участковой избирательной комиссии за рубежом.
Данные сведения размещаются на официальных веб-сайтах и страницах в социальных сетях Центральной избирательной комиссии и дипломатических представительств.
40. На избирательных участках за рубежом не организуется голосование по выборам депутатов в Законодательную палату, областные, районные и городские Кенгаши народных депутатов по одномандатным избирательным округам.
Глава 7. Образование избирательных участков в местах содержания под стражей и лишения свободы
41. Избирательные участки в местах содержания под стражей и лишения свободы образуются территориальными избирательными комиссиями на основании представления начальников этих учреждений. Эти избирательные участки входят в избирательные округа по месту расположения избирательного участка.
42. Избирательные участки в местах содержания под стражей и лишения свободы образуются не менее чем за шестьдесят дней до выборов, а в исключительных случаях — не менее чем за семь дней до выборов.
Председатель З. НИЗАМХОДЖАЕВ
г. Ташкент,
5 июня 2024 г.,
№ 1338