UzbekAI

Ўзбекистон Республикаси Вазирлар Маҳкамасининг

қарори

РЎЙХАТИ

Академик М. Мирзаев номидаги боғдорчилик, узумчилик ва виночилик илмий-тадқиқот институтининг илмий-тажриба станциялари фаолиятини янада ривожлантириш ҳамда ер ресурсларидан самарали фойдаланиш чора-тадбирлари тўғрисида

Мамлакатимиздаги илмий ташкилотларнинг илмий салоҳиятини тизимли ошириб бориш, ҳудудларнинг тупроқ-иқлим шароитларига мос экспортбоп мева ва узум навларини яратиш, интродукция қилиш, интенсив кўчатчиликни ривожлантириш, ресурс тежайдиган илғор агротехнологияларни ишлаб чиқаришга жорий этиш, илм-фан ва ишлаб чиқариш интеграциясини таъминлаш, мавжуд ер ресурсларидан самарали фойдаланиш ҳамда уларнинг мелиоратив ҳолатини яхшилаш мақсадида Вазирлар Маҳкамаси қарор қилади:

1. Ўзбекистон Республикаси Қишлоқ хўжалиги вазирлиги, Инвестициялар, саноат ва савдо вазирлиги, Иқтисодиёт ва молия вазирлиги, Сурхондарё ҳамда Навоий вилоятлари ҳокимликларининг Академик М. Мирзаев номидаги боғдорчилик, узумчилик ва виночилик илмий-тадқиқот институтининг (кейинги ўринларда — Институт) илмий-тажриба станцияларида Жаҳон банки иштирокидаги «Ўзбекистон Республикасида қишлоқ хўжалигини модернизация қилиш» лойиҳаси маблағлари ҳисобидан қуйидаги тадбирларни амалга ошириш тўғрисидаги таклифларига розилик берилсин:

а) Сурхондарё вилояти Қизириқ туманидаги Бандихон илмий-тажриба станциясида:

қишлоқ хўжалигида фойдаланишдан чиққан 142 гектар ер майдонини қайта фойдаланишга киритиш мақсадида электр энергия тежайдиган замонавий насос агрегатини ўрнатиш ва суғориш тармоқларини тиклаш, мева ҳамда узум навларининг интенсив кўчатчилигини йўлга қўйиш;

350 гектар ер майдонида интенсив мевали боғ ва 200 гектар ер майдонида узумзорлар барпо этиш;

вируслардан ҳоли, соғлом мева ва узум кўчатларини «in-vitro» усулида кўпайтириш учун замонавий лаборатория ҳамда иссиқхоналар ташкил этиш;

50 гектар ер майдонида мева ва узум навларининг стандартларга жавоб берадиган кўчатларини етиштириш;

300 гектар ер майдонида сув тежайдиган суғориш технологияларини жорий этиш;

б) Навоий вилояти Қизилтепа туманидаги Навоий илмий-тажриба станциясида 200 гектар ер майдонининг сув таъминотини яхшилаш учун электр энергия тежайдиган замонавий насос агрегатини ўрнатиш ва суғориш тармоқларини тиклаш ҳамда узум навлари кўчатчилигини ташкил этиш.

2. Ўзбекистон Республикаси Сув хўжалиги вазирлиги Иқтисодиёт ва молия вазирлиги ҳамда Қишлоқ хўжалиги вазирлиги билан биргаликда Институт ва унинг тизимидаги илмий-тажриба станциялари ер майдонларининг мелиоратив ҳолатини яхшилаш учун 73 км узунликдаги коллектор-дренаж тармоқларида таъмирлаш-тозалаш ишларини амалга ошириш бўйича чора-тадбирлар дастурини ишлаб чиқиб, 2025 йилда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурига киритиш чораларини кўрсин.

3. Ўзбекистон Республикаси Қишлоқ хўжалиги вазирлиги ва Сурхондарё вилояти ҳокимлигининг мазкур қарорга иловага мувофиқ Институтнинг Сурхондарё вилояти Қизириқ туманидаги Бандихон илмий-тажриба станциясига тегишли 217,8 гектар ер майдонини туман ҳокимлиги захирасига қайтариш ҳамда ушбу ер майдонларида мева, узум ва сабзавот маҳсулотлари етиштириш мақсадида аҳоли ҳамда тадбиркорлик субъектларига шартнома асосида ўттиз йил муддатга ижара бериш тўғрисидаги таклифлари маъқуллансин.

Ўзбекистон Республикаси Қишлоқ хўжалиги вазирлиги Давлат активларини бошқариш агентлиги ва Сурхондарё вилояти ҳокимлиги билан биргаликда мева, узум ҳамда сабзавот маҳсулотларини етиштириш мақсадида мазкур қарорга мувофиқ Қизириқ тумани ҳокимлиги захирасига қайтариладиган ер майдонларини ижарага олиш ҳуқуқини «E-auksion» электрон савдо платформаси орқали белгиланган тартибда электрон онлайн-аукцион савдоларига чиқарилишини таъминласин.

4. Ўзбекистон Республикаси Қишлоқ хўжалиги вазирлиги Иқтисодиёт ва молия вазирлиги ҳузуридаги Кадастр агентлиги ҳамда Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда 2024 йил якунига қадар Институт ҳамда унинг тизимидаги илмий-тажриба станцияларига қарашли барча ер майдонлари, маъмурий ва бошқа бино-иншоотларга бўлган ҳуқуқ давлат рўйхатидан ўтказилишини таъминласин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Вазирлар Маҳкамасининг 2024 йил 2 июлдаги 375-сон қарорига ИЛОВА

Академик М. Мирзаев номидаги боғдорчилик, узумчилик ва виночилик илмий-тадқиқот институтининг Сурхондарё вилояти Қизириқ туманидаги Бандихон илмий-тажриба станциясини туман ҳокимлиги захирасига қайтариладиган ер майдонлари

Т/р Контур рақами Янги контур рақами Жами ер майдони, гектар Шундан: суғориладиган экин ерлар, гектар ариқ ва зовурлар, гектар йўллар, гектар бошқа ерлар, гектар 1. 1 4678 25,2 25,2 2. 2 4679 1 1 3. 3 4668қ 3 2,4 0,6 4. 4 4677қ 0,1 0,1 5. 5 4883қ 0,5 0,5 6. 8 4661қ 2,8 2,8 7. 9 4684 12,5 12 0,4 0,1 8. 11 4674қ 13,5 12,6 0,9 9. 12 4668қ 0,2 0,2 10. 16 4661қ 1,3 1,3 11. 17 1,3 1 0,3 12. 19 4668қ 1,3 1,2 0,1 13. 20 4672 11,8 11,4 0,4 14. 21 4671 4,1 4 0,1 15. 22 4670 2,2 2 0,2 16. 23 4661қ 1,2 1 0,2 17. 25 4662 17,7 17,5 0,2 18. 26 4663 2,5 2,2 0,3 19. 28 4664қ 5,1 5 0,1 20. 29 7 6,9 0,1 21. 30 4665қ 3,7 3,5 0,2 22. 31 4,3 3,8 0,5 23. 32 4666 13,2 12,6 0,6 24. 34 0,4 0,4 25. 35 4667 6,6 6,1 0,4 0,1 26. 37 4675қ 0,7 0,3 0,3 0,1 27. 38 4676 0,2 0,2 28. 39 4659қ 6,9 6,7 0,2 29. 91 4692 9,6 9,5 0,1 30. 92 4689қ 0,6 0,1 0,5 31. 93 4687 3,6 3,5 0,1 32. 94 4688қ 1,4 1,4 33. 95 8,9 8,4 0,4 0,1 34. 96 4692қ 1,3 0,8 0,4 0,1 35. 508 4820 3,2 3,2 36. 509 4811 10,7 10,6 0,1 37. 545 4810қ 3,8 3,6 0,2 38. 546 4852 0,7 0,5 0,2 39. 548 4808 6,5 6,2 0,3 40. 549 0,3 0,2 0,1 41. 550 4807 1,4 0,1 1,3 42. 551 1,2 1,2 43. 552 4,7 1,1 0,4 0,1 3,1 44. 553 4806 9,6 9,1 0,4 0,1 Жами: 217,8 148,5 58 3,2 8,1

Ўзбекистон Республикасининг Бош вазири А. АРИПОВ

Тошкент ш.,

2024 йил 2 июль,

375-сон

(Қонунчилик маълумотлари миллий базаси, 04.07.2024 й., 09/24/375/0471-сон)

lex.uz

Oʻzbekiston Respublikasi Vazirlar Mahkamasining

qarori

ROʻYXATI

Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot institutining ilmiy-tajriba stansiyalari faoliyatini yanada rivojlantirish hamda yer resurslaridan samarali foydalanish chora-tadbirlari toʻgʻrisida

Mamlakatimizdagi ilmiy tashkilotlarning ilmiy salohiyatini tizimli oshirib borish, hududlarning tuproq-iqlim sharoitlariga mos eksportbop meva va uzum navlarini yaratish, introduksiya qilish, intensiv koʻchatchilikni rivojlantirish, resurs tejaydigan ilgʻor agrotexnologiyalarni ishlab chiqarishga joriy etish, ilm-fan va ishlab chiqarish integratsiyasini taʼminlash, mavjud yer resurslaridan samarali foydalanish hamda ularning meliorativ holatini yaxshilash maqsadida Vazirlar Mahkamasi qaror qiladi:

1. Oʻzbekiston Respublikasi Qishloq xoʻjaligi vazirligi, Investitsiyalar, sanoat va savdo vazirligi, Iqtisodiyot va moliya vazirligi, Surxondaryo hamda Navoiy viloyatlari hokimliklarining Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot institutining (keyingi oʻrinlarda — Institut) ilmiy-tajriba stansiyalarida Jahon banki ishtirokidagi “Oʻzbekiston Respublikasida qishloq xoʻjaligini modernizatsiya qilish” loyihasi mablagʻlari hisobidan quyidagi tadbirlarni amalga oshirish toʻgʻrisidagi takliflariga rozilik berilsin:

a) Surxondaryo viloyati Qiziriq tumanidagi Bandixon ilmiy-tajriba stansiyasida:

qishloq xoʻjaligida foydalanishdan chiqqan 142 gektar yer maydonini qayta foydalanishga kiritish maqsadida elektr energiya tejaydigan zamonaviy nasos agregatini oʻrnatish va sugʻorish tarmoqlarini tiklash, meva hamda uzum navlarining intensiv koʻchatchiligini yoʻlga qoʻyish;

350 gektar yer maydonida intensiv mevali bogʻ va 200 gektar yer maydonida uzumzorlar barpo etish;

viruslardan holi, sogʻlom meva va uzum koʻchatlarini “in-vitro” usulida koʻpaytirish uchun zamonaviy laboratoriya hamda issiqxonalar tashkil etish;

50 gektar yer maydonida meva va uzum navlarining standartlarga javob beradigan koʻchatlarini yetishtirish;

300 gektar yer maydonida suv tejaydigan sugʻorish texnologiyalarini joriy etish;

b) Navoiy viloyati Qiziltepa tumanidagi Navoiy ilmiy-tajriba stansiyasida 200 gektar yer maydonining suv taʼminotini yaxshilash uchun elektr energiya tejaydigan zamonaviy nasos agregatini oʻrnatish va sugʻorish tarmoqlarini tiklash hamda uzum navlari koʻchatchiligini tashkil etish.

2. Oʻzbekiston Respublikasi Suv xoʻjaligi vazirligi Iqtisodiyot va moliya vazirligi hamda Qishloq xoʻjaligi vazirligi bilan birgalikda Institut va uning tizimidagi ilmiy-tajriba stansiyalari yer maydonlarining meliorativ holatini yaxshilash uchun 73 km uzunlikdagi kollektor-drenaj tarmoqlarida taʼmirlash-tozalash ishlarini amalga oshirish boʻyicha chora-tadbirlar dasturini ishlab chiqib, 2025-yilda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritish choralarini koʻrsin.

3. Oʻzbekiston Respublikasi Qishloq xoʻjaligi vazirligi va Surxondaryo viloyati hokimligining mazkur qarorga ilovaga muvofiq Institutning Surxondaryo viloyati Qiziriq tumanidagi Bandixon ilmiy-tajriba stansiyasiga tegishli 217,8 gektar yer maydonini tuman hokimligi zaxirasiga qaytarish hamda ushbu yer maydonlarida meva, uzum va sabzavot mahsulotlari yetishtirish maqsadida aholi hamda tadbirkorlik subyektlariga shartnoma asosida oʻttiz yil muddatga ijara berish toʻgʻrisidagi takliflari maʼqullansin.

Oʻzbekiston Respublikasi Qishloq xoʻjaligi vazirligi Davlat aktivlarini boshqarish agentligi va Surxondaryo viloyati hokimligi bilan birgalikda meva, uzum hamda sabzavot mahsulotlarini yetishtirish maqsadida mazkur qarorga muvofiq Qiziriq tumani hokimligi zaxirasiga qaytariladigan yer maydonlarini ijaraga olish huquqini “E-auksion” elektron savdo platformasi orqali belgilangan tartibda elektron onlayn-auksion savdolariga chiqarilishini taʼminlasin.

4. Oʻzbekiston Respublikasi Qishloq xoʻjaligi vazirligi Iqtisodiyot va moliya vazirligi huzuridagi Kadastr agentligi hamda Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 2024-yil yakuniga qadar Institut hamda uning tizimidagi ilmiy-tajriba stansiyalariga qarashli barcha yer maydonlari, maʼmuriy va boshqa bino-inshootlarga boʻlgan huquq davlat roʻyxatidan oʻtkazilishini taʼminlasin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Vazirlar Mahkamasining 2024-yil 2-iyuldagi 375-son qaroriga ILOVA

Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot institutining Surxondaryo viloyati Qiziriq tumanidagi Bandixon ilmiy-tajriba stansiyasini tuman hokimligi zaxirasiga qaytariladigan yer maydonlari

T/r Kontur raqami Yangi kontur raqami Jami yer maydoni, gektar Shundan: sugʻoriladigan ekin yerlar, gektar ariq va zovurlar, gektar yoʻllar, gektar boshqa yerlar, gektar 1. 1 4678 25,2 25,2 2. 2 4679 1 1 3. 3 4668q 3 2,4 0,6 4. 4 4677q 0,1 0,1 5. 5 4883q 0,5 0,5 6. 8 4661q 2,8 2,8 7. 9 4684 12,5 12 0,4 0,1 8. 11 4674q 13,5 12,6 0,9 9. 12 4668q 0,2 0,2 10. 16 4661q 1,3 1,3 11. 17 1,3 1 0,3 12. 19 4668q 1,3 1,2 0,1 13. 20 4672 11,8 11,4 0,4 14. 21 4671 4,1 4 0,1 15. 22 4670 2,2 2 0,2 16. 23 4661q 1,2 1 0,2 17. 25 4662 17,7 17,5 0,2 18. 26 4663 2,5 2,2 0,3 19. 28 4664q 5,1 5 0,1 20. 29 7 6,9 0,1 21. 30 4665q 3,7 3,5 0,2 22. 31 4,3 3,8 0,5 23. 32 4666 13,2 12,6 0,6 24. 34 0,4 0,4 25. 35 4667 6,6 6,1 0,4 0,1 26. 37 4675q 0,7 0,3 0,3 0,1 27. 38 4676 0,2 0,2 28. 39 4659q 6,9 6,7 0,2 29. 91 4692 9,6 9,5 0,1 30. 92 4689q 0,6 0,1 0,5 31. 93 4687 3,6 3,5 0,1 32. 94 4688q 1,4 1,4 33. 95 8,9 8,4 0,4 0,1 34. 96 4692q 1,3 0,8 0,4 0,1 35. 508 4820 3,2 3,2 36. 509 4811 10,7 10,6 0,1 37. 545 4810q 3,8 3,6 0,2 38. 546 4852 0,7 0,5 0,2 39. 548 4808 6,5 6,2 0,3 40. 549 0,3 0,2 0,1 41. 550 4807 1,4 0,1 1,3 42. 551 1,2 1,2 43. 552 4,7 1,1 0,4 0,1 3,1 44. 553 4806 9,6 9,1 0,4 0,1 Jami: 217,8 148,5 58 3,2 8,1

Oʻzbekiston Respublikasining Bosh vaziri A. ARIPOV

Toshkent sh.,

2024-yil 2-iyul,

375-son

(Qonunchilik maʼlumotlari milliy bazasi, 04.07.2024-y., 09/24/375/0471-son)

lex.uz