📅 2024-yil 3-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 3 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 июля 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 3 July 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига соҳалар ва тармоқларда экологик вазиятни яхшилашга қаратилган ўзгартириш ва қўшимчалар киритиш тўғрисида
Республика иқтисодиёти тармоқларида экологик вазиятни яхшилаш, муқобил энергия ресурсларидан самарали фойдаланишни таъминлаш ва рағбатлантириш, шунингдек, «Экологик транспорт» тизимини босқичма-босқич жорий этиш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
қуёш фотоэлектр станцияларини биноларнинг том ва фасад қисмига ўрнатиш бўйича лойиҳа ҳужжатларини давлат экологик экспертизасидан ўтказиш талабини бекор қилиш;
атроф-муҳитга юқори ва ўрта даражадаги таъсир кўрсатувчи саноат корхоналари ва уларга туташ ҳудудларда «яшил белбоғлар» барпо этиш ва кўкаламзорлаштириш тадбирларини амалга оширишни белгилаш;
«Экологик транспорт» тизимини босқичма-босқич жорий этишнинг муддатларини белгилаш.
2. Мазкур қарорнинг бажарилишини назорат қилиш Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири А.А. Абдухакимов зиммасига юклансин.
Вазирлар Маҳкамасининг 2024 йил 3 июлдаги 381-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Атроф-муҳитга таъсирни баҳолаш механизмини янада такомиллаштириш тўғрисида» 2020 йил 7 сентябрдаги 541-сон қарорида :
а) 1-илованинг «Атроф-муҳитга таъсир кўрсатишнинг III тоифасига кирадиган (паст даражада хавфли) фаолият турлари» бўлими 52-банди қуйидаги таҳрирда баён этилсин:
«52. Қуввати 100 МВтгача бўлган иссиқлик, шунингдек, фото, шамол электр станциялари (биноларнинг том ва фасад қисмида ўрнатишга мўлжалланган қуёш фотоэлектр станциялари бундан мустасно) ва бошқа ёндириш қурилмалари»;
б) 2-илованинг 43-банди қуйидаги мазмундаги бешинчи хатбоши билан тўлдирилсин:
«атроф-муҳитга таъсир кўрсатишнинг I ва II тоифаларига мансуб саноат корхоналари лойиҳа ҳужжатларида ўз ва туташ ҳудудларида «яшил белбоғ»лар барпо этилиши ва кўкаламзорлаштириш тадбирларининг назарда тутилганлиги»;
бешинчи — олтинчи хатбошилар тегишлича олтинчи — еттинчи хатбошилар деб ҳисоблансин.
2. Вазирлар Маҳкамасининг «Атмосфера ҳавосига транспорт воситаларининг салбий таъсирини камайтириш бўйича чора-тадбирлар тўғрисида» 2024 йил 29 мартдаги 166-сон қарорида :
а) 1-бандда :
«а» кичик банддаги «2024 йил 1 июндан» сўзлари «2025 йил 1 мартдан» сўзлари билан алмаштирилсин;
«б» кичик банднинг иккинчи хатбошисидаги «2024» рақами «2025» рақами билан алмаштирилсин;
б) 2-банднинг «а» кичик бандидаги «2024 йил 1 июндан» сўзлари «2025 йил 1 мартдан» сўзлари билан алмаштирилсин;
в) 5-бандда :
«а» кичик банддаги «2024 йил 1 июнга» сўзлари «2025 йил 1 апрелга» сўзлари билан алмаштирилсин;
«в» кичик банддаги «икки ой муддатда» сўзлари «2025 йил 1 январга қадар» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2024 йил 3 июль,
381-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga sohalar va tarmoqlarda ekologik vaziyatni yaxshilashga qaratilgan oʻzgartirish va qoʻshimchalar kiritish toʻgʻrisida
Respublika iqtisodiyoti tarmoqlarida ekologik vaziyatni yaxshilash, muqobil energiya resurslaridan samarali foydalanishni taʼminlash va ragʻbatlantirish, shuningdek, “Ekologik transport” tizimini bosqichma-bosqich joriy etish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
quyosh fotoelektr stansiyalarini binolarning tom va fasad qismiga oʻrnatish boʻyicha loyiha hujjatlarini davlat ekologik ekspertizasidan oʻtkazish talabini bekor qilish;
atrof-muhitga yuqori va oʻrta darajadagi taʼsir koʻrsatuvchi sanoat korxonalari va ularga tutash hududlarda “yashil belbogʻlar” barpo etish va koʻkalamzorlashtirish tadbirlarini amalga oshirishni belgilash;
“Ekologik transport” tizimini bosqichma-bosqich joriy etishning muddatlarini belgilash.
2. Mazkur qarorning bajarilishini nazorat qilish Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov zimmasiga yuklansin.
Vazirlar Mahkamasining 2024-yil 3-iyuldagi 381-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Atrof-muhitga taʼsirni baholash mexanizmini yanada takomillashtirish toʻgʻrisida” 2020-yil 7-sentabrdagi 541-son qarorida :
a) 1-ilovaning “Atrof-muhitga taʼsir koʻrsatishning III toifasiga kiradigan (past darajada xavfli) faoliyat turlari” boʻlimi 52-bandi quyidagi tahrirda bayon etilsin:
“52. Quvvati 100 MVtgacha boʻlgan issiqlik, shuningdek, foto, shamol elektr stansiyalari (binolarning tom va fasad qismida oʻrnatishga moʻljallangan quyosh fotoelektr stansiyalari bundan mustasno) va boshqa yondirish qurilmalari”;
b) 2-ilovaning 43-bandi quyidagi mazmundagi beshinchi xatboshi bilan toʻldirilsin:
“atrof-muhitga taʼsir koʻrsatishning I va II toifalariga mansub sanoat korxonalari loyiha hujjatlarida oʻz va tutash hududlarida “yashil belbogʻ”lar barpo etilishi va koʻkalamzorlashtirish tadbirlarining nazarda tutilganligi”;
beshinchi — oltinchi xatboshilar tegishlicha oltinchi — yettinchi xatboshilar deb hisoblansin.
2. Vazirlar Mahkamasining “Atmosfera havosiga transport vositalarining salbiy taʼsirini kamaytirish boʻyicha chora-tadbirlar toʻgʻrisida” 2024-yil 29-martdagi 166-son qarorida :
a) 1-bandda :
“a” kichik banddagi “2024-yil 1-iyundan” soʻzlari “2025-yil 1-martdan” soʻzlari bilan almashtirilsin;
“b” kichik bandning ikkinchi xatboshisidagi “2024” raqami “2025” raqami bilan almashtirilsin;
b) 2-bandning “a” kichik bandidagi “2024-yil 1-iyundan” soʻzlari “2025-yil 1-martdan” soʻzlari bilan almashtirilsin;
v) 5-bandda :
“a” kichik banddagi “2024-yil 1-iyunga” soʻzlari “2025-yil 1-aprelga” soʻzlari bilan almashtirilsin;
“v” kichik banddagi “ikki oy muddatda” soʻzlari “2025-yil 1-yanvarga qadar” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 3-iyul,
381-son