📅 2024-yil 8-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 8 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 июля 2024 г. · Постановления Президента
Официальный текст. Официальный документ. Редакционные примечания не включены.
📅 8 July 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро шартномани тасдиқлаш тўғрисида
«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:
1. 2024 йил 6 июнь куни Пекин шаҳрида имзоланган Хитой Халқ Республикаси Ҳукумати, Қирғизистон Республикаси Вазирлар Маҳкамаси ва Ўзбекистон Республикаси Ҳукумати ўртасида «Хитой — Қирғизистон — Ўзбекистон» темир йўли лойиҳасини биргаликда амалга оширишда ҳамкорлик қилиш тўғрисидаги Битим тасдиқлансин.
2. Транспорт вазирлиги ушбу халқаро шартномани амалга ошириш учун масъул бўлган ваколатли орган этиб белгилансин.
3. «Хитой — Қирғизистон — Ўзбекистон» қўшма лойиҳа компаниясининг устав капиталидаги Ўзбекистон Республикаси Ҳукумати улушининг бир қисмини шакллантириш «Ўзбекистон темир йўллари» АЖга Тикланиш ва тараққиёт жамғармасининг 7 йиллик имтиёзли давр билан 15 йил муддатга, йиллик 5 фоиз ставкада босқичма-босқич ажратиладиган 255 миллион АҚШ доллари (шу жумладан, 2024 йилда 14 миллион АҚШ доллари) миқдоридаги кредитлари, шунингдек, қонунчилик ҳужжатларида тақиқланмаган бошқа манбалардан амалга оширилиши белгилансин.
4. Ташқи ишлар вазирлиги Ўзбекистон Республикаси томонидан мазкур халқаро шартноманинг кучга кириши учун зарур бўлган давлат ички тартиб-таомиллари бажарилганлиги ҳамда уни амалга оширишга масъул бўлган ваколатли орган тўғрисида Хитой ва Қирғизистон томонларига тегишли билдиришнома юборсин.
5. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин унинг қоидалари амалга оширилиши устидан белгиланган тартибда назоратни таъминласин.
6. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 8 июль,
ПҚ-247-сон
Oʻzbekiston Respublikasi Prezidentining
Qarori
Xalqaro shartnomani tasdiqlash toʻgʻrisida
“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:
1. 2024-yil 6-iyun kuni Pekin shahrida imzolangan Xitoy Xalq Respublikasi Hukumati, Qirgʻiziston Respublikasi Vazirlar Mahkamasi va Oʻzbekiston Respublikasi Hukumati oʻrtasida “Xitoy — Qirgʻiziston — Oʻzbekiston” temir yoʻli loyihasini birgalikda amalga oshirishda hamkorlik qilish toʻgʻrisidagi Bitim tasdiqlansin.
2. Transport vazirligi ushbu xalqaro shartnomani amalga oshirish uchun masʼul boʻlgan vakolatli organ etib belgilansin.
3. “Xitoy — Qirgʻiziston — Oʻzbekiston” qoʻshma loyiha kompaniyasining ustav kapitalidagi Oʻzbekiston Respublikasi Hukumati ulushining bir qismini shakllantirish “Oʻzbekiston temir yoʻllari” AJga Tiklanish va taraqqiyot jamgʻarmasining 7 yillik imtiyozli davr bilan 15 yil muddatga, yillik 5 foiz stavkada bosqichma-bosqich ajratiladigan 255 million AQSh dollari (shu jumladan, 2024-yilda 14 million AQSh dollari) miqdoridagi kreditlari, shuningdek, qonunchilik hujjatlarida taqiqlanmagan boshqa manbalardan amalga oshirilishi belgilansin.
4. Tashqi ishlar vazirligi Oʻzbekiston Respublikasi tomonidan mazkur xalqaro shartnomaning kuchga kirishi uchun zarur boʻlgan davlat ichki tartib-taomillari bajarilganligi hamda uni amalga oshirishga masʼul boʻlgan vakolatli organ toʻgʻrisida Xitoy va Qirgʻiziston tomonlariga tegishli bildirishnoma yuborsin.
5. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin uning qoidalari amalga oshirilishi ustidan belgilangan tartibda nazoratni taʼminlasin.
6. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 8-iyul,
PQ-247-son
Президента Республики Узбекистан
Постановление
Об утверждении международного договора
В соответствии со статьей 22 Закона Республики Узбекистан «О международных договорах Республики Узбекистан»:
1. Утвердить Соглашение о сотрудничестве по совместной реализации проекта железной дороги «Китай — Кыргызстан — Узбекистан» между Правительством Китайской Народной Республики, Кабинетом Министров Кыргызской Республики и Правительством Республики Узбекистан, подписанное 6 июня 2024 года в городе Пекине.
2. Определить Министерство транспорта компетентным органом, ответственным за реализацию указанного международного договора.
3. Установить, что формирование части доли Правительства Республики Узбекистан в уставном капитале Совместной проектной компании «Китай-Кыргызстан-Узбекистан» осуществляется за счет кредитов Фонда реконструкции и развития в размере 255 миллионов долларов США, выделяемых поэтапно АО «Узбекистон темир йуллари» (из них в 2024 году — 14 миллионов долларов США) сроком на 15 лет, включая льготный период 7 лет, по ставке 5 процентов годовых, а также иных источников, не запрещенных актами законодательства.
4. Министерству иностранных дел направить китайской и кыргызской сторонам соответствующее уведомление о выполнении Республикой Узбекистан внутригосударственных процедур, необходимых для вступления в силу указанного международного договора, а также о компетентном органе, ответственном за его реализацию.
5. Кабинету Министров, а также руководителям соответствующих министерств и ведомств после вступления в силу данного международного договора в установленном порядке обеспечить контроль за реализацией его положений.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
8 июля 2024 г.,
№ ПП-247