UzbekAI

Ўзбекистон Республикаси Президентининг

Қарори

МЕЗОНЛАР

Давлат харидлари тизимини такомиллаштириш ва унда кичик тадбиркорлик субъектлари иштирокини рағбатлантириш чора-тадбирлари тўғрисида

Кичик тадбиркорлик субъектларининг давлат харидларида иштирокини кенгайтириш орқали ногиронлиги бўлган шахслар, аёллар ва ёшлар бандлигини ошириш, шунингдек, давлат харидлари тизимини янада такомиллаштириш ва ушбу тизимда жамоатчилик назоратини кучайтириш мақсадида:

1. Белгилансинки, 2024 йил 1 сентябрдан бошлаб электрон дўкон воситасида давлат харидларини амалга оширишда нарх ва бошқа шароитлар тенг бўлган ҳолларда, иловага мувофиқ мезонларнинг бири асосида ногиронлиги бўлган шахслар, хотин-қизлар ва ёшларнинг бандлигини таъминлаган кичик тадбиркорлик субъектларининг таклифлари устунликка эга бўлади.

Иқтисодиёт ва молия вазирлиги Рақамли технологиялар вазирлиги ва манфаатдор идоралар билан биргаликда 2024 йил 1 сентябрга қадар давлат харидлари махсус ахборот порталига ушбу банд талабларидан келиб чиқиб ўзгартиришлар киритсин.

2. 2024 йил 1 сентябрдан 2025 йил 31 декабрга қадар «Бизнесни ривожлантириш банки» АТБ ҳузуридаги кичик бизнесга кўмаклашиш марказлари (кейинги ўринларда — марказлар) ёрдамида ишлаб чиқилган лойиҳалар доирасида импорт қилинадиган асбоб-ускуналарни суғурталаш ҳамда хомашё ва материалларни сертификатлаш харажатларининг 50 фоизигача қисмини, бироқ базавий ҳисоблаш миқдорининг ўттиз бараваридан ошмаган миқдорда Аҳолини тадбиркорликка жалб қилиш жамғармаси маблағлари ҳисобидан қоплаб бериш тартиби жорий этилсин.

Иқтисодиёт ва молия вазирлиги бир ой муддатда ушбу бандда назарда тутилган суғурталаш ва сертификатлаш харажатларини қоплаб бериш тартибини Вазирлар Маҳкамасига киритсин.

3. Ўзбекистон Республикаси Президентининг 2023 йил 15 ноябрдаги ПҚ-366-сон қарори билан 2026 йил 1 январга қадар давлат иштирокидаги йирик корхоналар билан кооперация асосида ташкил қилинган кичик тадбиркорлик субъектларига ўзлари ишлаб чиқарган товарларни (маҳсулотларни) давлат буюртмачиларига бир молия йили давомида жами 10 миллиард сўмгача қийматда тўғридан-тўғри шартномалар асосида сотишга рухсат берилганлиги маълумот учун қабул қилинсин.

4. Шундай тартиб ўрнатилсинки, унга мувофиқ марказлар давлат иштирокидаги йирик корхоналар билан кооперация асосида ташкил қилинадиган кичик тадбиркорлик субъектлари, шу жумладан ногиронлиги бўлган шахслар, хотин-қизлар ва ёшларнинг тадбиркорлик лойиҳалари доирасида қуйидагиларга амалий кўмак беради:

асбоб-ускуналар ва технологияларни танлаш, харид қилиш ва ўрнатиш;

марказларда ташкил қилинган амалий ўқув курсларида бизнесни ташкил этиш ҳамда юритиш билан боғлиқ йўналишлар бўйича кичик тадбиркорлик субъектларини ўқитиш;

давлат иштирокидаги йирик корхоналарнинг ишлаб чиқариш майдонларида кичик тадбиркорлик субъектлари ходимларини касб-ҳунарга ўқитиш ва малакасини ошириш;

кичик тадбиркорлик субъектларининг маҳсулотларини реализация қилиш учун уларни давлат харидлари тизимига кенг жалб қилиш.

Иқтисодиёт ва молия вазирлиги икки ой муддатда кичик тадбиркорлик субъектлари билан кооперация алоқаларини ўрнатган юридик шахслар билан давлат харидларини амалга ошириш тартибини Вазирлар Маҳкамасига киритсин.

5. Белгилаб қўйилсинки, давлат харидлари тизимини янада такомиллаштириш ва ушбу тизимда жамоатчилик назоратини кучайтириш мақсадида 2024 йил 1 октябрдан бошлаб:

давлат буюртмачилари томонидан тўғридан-тўғри шартномалар улар тузилишидан олдин камида бир иш куни (бундан «Давлат харидлари тўғрисида» Қонуннинг 71-моддаси биринчи қисми 3, 4, 6, 7, 9 — 11-бандларида назарда тутилган ҳоллар ҳамда табиий монополия субъектларидан харидлар мустасно), шунингдек, тендер савдолари натижаларига кўра расмийлаштирилган баённомалар давлат харидлари махсус ахборот порталига жойлаштириш орқали камида икки иш куни давомида жамоатчилик муҳокамасидан ўтказилади;

Ягона етказиб берувчилар реестрига бозорда муқобиллари бўлмаган ва техник жиҳатдан мураккаб товарларни етказиб берувчилар Рақобатни ривожлантириш ва истеъмолчилар ҳуқуқларини ҳимоя қилиш қўмитаси хулосаси асосида киритилади;

давлат харидлари электрон тизимига ушбу тизимдан рўйхатдан ўтган юқори барқарорлик рейтингига эга бўлган тадбиркорлик субъектларини улар томонидан ишлаб чиқариладиган (етказиб бериладиган) товарларга (ишларга, хизматларга) мос келадиган давлат буюртмасининг тизимга жойлаштирилганлиги тўғрисида хабардор қилиш функцияси киритилади;

давлат харидлари электрон тизими операторлари томонидан давлат буюртмачилари ва харид қилиш тартиб-таомиллари ижрочиларига шартномаларни бажариш вақтида келиб чиқадиган судгача бўлган низоларнинг белгиланган тартибда ҳал этилишида кўмаклашиш амалиёти йўлга қўйилади;

тендер савдоларида битта тадбиркорлик субъекти иштирок этган тақдирда, давлат буюртмачиси харид қилиш тартиб-таомилини ҳамда товарларга (ишларга, хизматларга) оид мезонларни ўзгартирмаган ҳолда такроран эълон жойлаштирганда ва такрорий тендер савдоларининг ягона иштирокчиси илгари иштирок этган тадбиркорлик субъекти бўлганда, тендер савдолари ўтказилган деб ҳисобланади.

Ушбу тартиб «Давлат харидлари тўғрисида»ги Қонунда белгиланган талабларга мос келмайдиган ва таклифини тегишли тарзда расмийлаштирмаган тендер иштирокчиларига татбиқ этилмайди.

6. Иқтисодиёт ва молия вазирлиги Марказий банк ва Адлия вазирлиги билан биргаликда 2024 йил 1 декабрга қадар давлат буюртмачилари томонидан корпоратив банк карталаридан («харид карталари») фойдаланган ҳолда, қуйидаги харидларни амалга ошириш тартибини Вазирлар Маҳкамасига киритсин:

давлат буюртмачиси фаолиятини амалга ошириш билан боғлиқ хизмат сафарлари ва бошқа мақсадлар учун чипталар (авиа ва темир йўл транспортига) ва меҳмонхона хизматлари харажатлари бўйича;

бензин, суюлтирилган ва сиқилган газ, авиа ва дизель ёқилғисида ҳаракатланувчи транспорт воситаларига ёқилғи қуйиш, электромобилларни электр энергияси билан қувватлантириш харажатлари бўйича.

7. Корпоратив буюртмачиларнинг ишлаб чиқариш фаолияти узлуксизлигини таъминлаш мақсадида 2024 йил 1 сентябрдан бошлаб:

устав фондида (устав капиталида) давлат улуши 50 фоиздан юқори бўлган хўжалик жамиятлари, шунингдек, уларнинг таркибидаги хўжалик жамиятлари кузатув кенгашларининг давлат харидлари йиллик ва чораклик режа-жадваллари ҳамда импорт қилиш режалаштирилган товарлар (ишлар, хизматлар) рўйхатларини тасдиқлаш бўйича қарорлари муҳим факт сифатида ошкор қилиб борилсин;

давлат харидлари махсус ахборот порталида корпоратив буюртмачиларнинг ишлаб чиқариш фаолияти учун зарур бўладиган товарларни маҳаллийлаштириш орқали кооперация алоқаларини йўлга қўймоқчи бўлган юридик шахслар томонидан ўз таклифларини бериш имконияти яратилсин.

8. Иқтисодиёт ва молия вазирлиги:

2024 йил 1 октябрга қадар давлат харидлари махсус ахборот порталида давлат буюртмачилари амалга оширган давлат харидлари натижаларига кўра товарлар (ишлар, хизматлар), шу жумладан, уларнинг турлари кесимида шаклланган нархларни жамоатчилик учун очиқ ифодаловчи алоҳида саҳифа жорий этсин, давлат буюртмачиларига ушбу саҳифа асосида бошланғич нархни шакллантириш имкониятини яратсин;

2024 йил 1 ноябрга қадар илғор хорижий тажриба асосида электрон дўкон орқали харидлар тартибини соддалаштириш, харид комиссиялари фаолиятини такомиллаштириш орқали инсон омилини қисқартириш, тадбиркорлик субъектларига чет эллардаги давлат харидларида иштирок этишига кўмаклашиш, шунингдек, давлат харидлари иштирокчиларининг ишончлилик рейтингини жорий этиш бўйича Вазирлар Маҳкамасига таклифлар киритсин;

давлат харидлари электрон тизимининг операторлари билан биргаликда 2024 йил 1 декабрга қадар давлат харидлари тизимининг мобиль иловаларини яратсин;

Ижтимоий ҳимоя миллий агентлиги, Камбағалликни қисқартириш ва бандлик вазирлиги, Оила ва хотин-қизлар қўмитаси, Савдо-саноат палатаси билан биргаликда ҳар йили ҳудудларда ногиронлиги бўлган шахслар, хотин-қизлар ва ёшларнинг бандлигини таъминлаган кичик тадбиркорлик субъектлари томонидан ишлаб чиқарилган маҳсулотлар бўйича кўргазма ярмаркаларини ташкил этиб борсин, шунингдек, уларнинг маҳсулотлари тўғрисидаги маълумотлар билан давлат буюртмачиларини мунтазам равишда таништириб борсин;

ҳар йили камида бир марта ногиронлиги бўлган шахслар, хотин-қизлар ва ёшларнинг бандлигини таъминлаган кичик тадбиркорлик субъектлари учун давлат харидларида иштирок этиш тартиб-таомиллари юзасидан қисқа муддатли бепул ўқитиш курсларини ташкил этиб борсин;

давлат харидлари электрон тизимининг операторлари билан биргаликда ҳар йил якуни бўйича кейинги йилнинг 1 апрелига қадар давлат харидлари соҳасида «Энг фаол тадбиркор» ҳамда «Энг яхши буюртмачи» танловларини ўтказиб борсин;

уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

9. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров белгилансин.

Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2024 йил 10 июлдаги ПҚ-249-сон қарорига ИЛОВА

Электрон дўкон воситасида давлат харидларини амалга оширишда устуворлик бериладиган кичик тадбиркорлик субъектлари бўйича

1. Ногиронлиги бўлган шахсларнинг доимий иш билан таъминлаганлиги бўйича — ходимлари умумий сонининг камида 50 фоизи ногиронлиги бўлган шахслардан иборат бўлиб, ушбу корхона уларнинг асосий иш жойи бўлиши ва ушбу шахсларга тўланган иш ҳақи умумий меҳнатга ҳақ тўлаш фондининг камида 50 фоизини ташкил этиши.

2. Хотин-қизларнинг доимий иш билан таъминлаганлиги бўйича — раҳбари (директори) аёл киши бўлган, ходимлари умумий сонининг камида 50 фоизи хотин-қизлардан иборат бўлиб, ушбу корхона уларнинг асосий иш жойи бўлиши ва ушбу шахсларга тўланган иш ҳақи умумий меҳнатга ҳақ тўлаш фондининг камида 50 фоизини ташкил этиши.

3. Ёшларнинг доимий иш билан таъминлаганлиги бўйича — раҳбари (директори) ўттиз ёшдан ошмаган, ходимлари умумий сонининг камида 50 фоизи ўттиз ёшдан ошмаган шахслардан иборат бўлиб, ушбу корхона уларнинг асосий иш жойи бўлиши ва ушбу шахсларга тўланган иш ҳақи умумий меҳнатга ҳақ тўлаш фондининг камида 50 фоизини ташкил этиши.

4. Корхона ходимлари умумий сонининг камида 70 фоизини ногиронлиги бўлган шахслар, хотин-қизлар ва ёшлар ташкил этиши.

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 10 июль,

ПҚ-249-сон

(Қонунчилик маълумотлари миллий базаси, 10.07.2024 й., 07/24/249/0492-сон; 27.12.2025 й., 06/25/259/1224-сон)

lex.uz

Oʻzbekiston Respublikasi Prezidentining

Qarori

MEZONLAR

Davlat xaridlari tizimini takomillashtirish va unda kichik tadbirkorlik subyektlari ishtirokini ragʻbatlantirish chora-tadbirlari toʻgʻrisida

Kichik tadbirkorlik subyektlarining davlat xaridlarida ishtirokini kengaytirish orqali nogironligi boʻlgan shaxslar, ayollar va yoshlar bandligini oshirish, shuningdek, davlat xaridlari tizimini yanada takomillashtirish va ushbu tizimda jamoatchilik nazoratini kuchaytirish maqsadida:

1. Belgilansinki, 2024-yil 1-sentabrdan boshlab elektron doʻkon vositasida davlat xaridlarini amalga oshirishda narx va boshqa sharoitlar teng boʻlgan hollarda, ilovaga muvofiq mezonlarning biri asosida nogironligi boʻlgan shaxslar, xotin-qizlar va yoshlarning bandligini taʼminlagan kichik tadbirkorlik subyektlarining takliflari ustunlikka ega boʻladi.

Iqtisodiyot va moliya vazirligi Raqamli texnologiyalar vazirligi va manfaatdor idoralar bilan birgalikda 2024-yil 1-sentabrga qadar davlat xaridlari maxsus axborot portaliga ushbu band talablaridan kelib chiqib oʻzgartirishlar kiritsin.

2. 2024-yil 1-sentabrdan 2025-yil 31-dekabrga qadar “Biznesni rivojlantirish banki” ATB huzuridagi kichik biznesga koʻmaklashish markazlari (keyingi oʻrinlarda — markazlar) yordamida ishlab chiqilgan loyihalar doirasida import qilinadigan asbob-uskunalarni sugʻurtalash hamda xomashyo va materiallarni sertifikatlash xarajatlarining 50 foizigacha qismini, biroq bazaviy hisoblash miqdorining oʻttiz baravaridan oshmagan miqdorda Aholini tadbirkorlikka jalb qilish jamgʻarmasi mablagʻlari hisobidan qoplab berish tartibi joriy etilsin.

Iqtisodiyot va moliya vazirligi bir oy muddatda ushbu bandda nazarda tutilgan sugʻurtalash va sertifikatlash xarajatlarini qoplab berish tartibini Vazirlar Mahkamasiga kiritsin.

3. Oʻzbekiston Respublikasi Prezidentining 2023-yil 15-noyabrdagi PQ-366-son qarori bilan 2026-yil 1-yanvarga qadar davlat ishtirokidagi yirik korxonalar bilan kooperatsiya asosida tashkil qilingan kichik tadbirkorlik subyektlariga oʻzlari ishlab chiqargan tovarlarni (mahsulotlarni) davlat buyurtmachilariga bir moliya yili davomida jami 10 milliard soʻmgacha qiymatda toʻgʻridan-toʻgʻri shartnomalar asosida sotishga ruxsat berilganligi maʼlumot uchun qabul qilinsin.

4. Shunday tartib oʻrnatilsinki, unga muvofiq markazlar davlat ishtirokidagi yirik korxonalar bilan kooperatsiya asosida tashkil qilinadigan kichik tadbirkorlik subyektlari, shu jumladan nogironligi boʻlgan shaxslar, xotin-qizlar va yoshlarning tadbirkorlik loyihalari doirasida quyidagilarga amaliy koʻmak beradi:

asbob-uskunalar va texnologiyalarni tanlash, xarid qilish va oʻrnatish;

markazlarda tashkil qilingan amaliy oʻquv kurslarida biznesni tashkil etish hamda yuritish bilan bogʻliq yoʻnalishlar boʻyicha kichik tadbirkorlik subyektlarini oʻqitish;

davlat ishtirokidagi yirik korxonalarning ishlab chiqarish maydonlarida kichik tadbirkorlik subyektlari xodimlarini kasb-hunarga oʻqitish va malakasini oshirish;

kichik tadbirkorlik subyektlarining mahsulotlarini realizatsiya qilish uchun ularni davlat xaridlari tizimiga keng jalb qilish.

Iqtisodiyot va moliya vazirligi ikki oy muddatda kichik tadbirkorlik subyektlari bilan kooperatsiya aloqalarini oʻrnatgan yuridik shaxslar bilan davlat xaridlarini amalga oshirish tartibini Vazirlar Mahkamasiga kiritsin.

5. Belgilab qoʻyilsinki, davlat xaridlari tizimini yanada takomillashtirish va ushbu tizimda jamoatchilik nazoratini kuchaytirish maqsadida 2024-yil 1-oktabrdan boshlab:

davlat buyurtmachilari tomonidan toʻgʻridan-toʻgʻri shartnomalar ular tuzilishidan oldin kamida bir ish kuni (bundan “Davlat xaridlari toʻgʻrisida” Qonunning 71-moddasi birinchi qismi 3, 4, 6, 7, 9 — 11-bandlarida nazarda tutilgan hollar hamda tabiiy monopoliya subyektlaridan xaridlar mustasno), shuningdek, tender savdolari natijalariga koʻra rasmiylashtirilgan bayonnomalar davlat xaridlari maxsus axborot portaliga joylashtirish orqali kamida ikki ish kuni davomida jamoatchilik muhokamasidan oʻtkaziladi;

Yagona yetkazib beruvchilar reyestriga bozorda muqobillari boʻlmagan va texnik jihatdan murakkab tovarlarni yetkazib beruvchilar Raqobatni rivojlantirish va isteʼmolchilar huquqlarini himoya qilish qoʻmitasi xulosasi asosida kiritiladi;

davlat xaridlari elektron tizimiga ushbu tizimdan roʻyxatdan oʻtgan yuqori barqarorlik reytingiga ega boʻlgan tadbirkorlik subyektlarini ular tomonidan ishlab chiqariladigan (yetkazib beriladigan) tovarlarga (ishlarga, xizmatlarga) mos keladigan davlat buyurtmasining tizimga joylashtirilganligi toʻgʻrisida xabardor qilish funksiyasi kiritiladi;

davlat xaridlari elektron tizimi operatorlari tomonidan davlat buyurtmachilari va xarid qilish tartib-taomillari ijrochilariga shartnomalarni bajarish vaqtida kelib chiqadigan sudgacha boʻlgan nizolarning belgilangan tartibda hal etilishida koʻmaklashish amaliyoti yoʻlga qoʻyiladi;

tender savdolarida bitta tadbirkorlik subyekti ishtirok etgan taqdirda, davlat buyurtmachisi xarid qilish tartib-taomilini hamda tovarlarga (ishlarga, xizmatlarga) oid mezonlarni oʻzgartirmagan holda takroran eʼlon joylashtirganda va takroriy tender savdolarining yagona ishtirokchisi ilgari ishtirok etgan tadbirkorlik subyekti boʻlganda, tender savdolari oʻtkazilgan deb hisoblanadi.

Ushbu tartib “Davlat xaridlari toʻgʻrisida”gi Qonunda belgilangan talablarga mos kelmaydigan va taklifini tegishli tarzda rasmiylashtirmagan tender ishtirokchilariga tatbiq etilmaydi.

6. Iqtisodiyot va moliya vazirligi Markaziy bank va Adliya vazirligi bilan birgalikda 2024-yil 1-dekabrga qadar davlat buyurtmachilari tomonidan korporativ bank kartalaridan (“xarid kartalari”) foydalangan holda, quyidagi xaridlarni amalga oshirish tartibini Vazirlar Mahkamasiga kiritsin:

davlat buyurtmachisi faoliyatini amalga oshirish bilan bogʻliq xizmat safarlari va boshqa maqsadlar uchun chiptalar (avia va temir yoʻl transportiga) va mehmonxona xizmatlari xarajatlari boʻyicha;

benzin, suyultirilgan va siqilgan gaz, avia va dizel yoqilgʻisida harakatlanuvchi transport vositalariga yoqilgʻi quyish, elektromobillarni elektr energiyasi bilan quvvatlantirish xarajatlari boʻyicha.

7. Korporativ buyurtmachilarning ishlab chiqarish faoliyati uzluksizligini taʼminlash maqsadida 2024-yil 1-sentabrdan boshlab:

ustav fondida (ustav kapitalida) davlat ulushi 50 foizdan yuqori boʻlgan xoʻjalik jamiyatlari, shuningdek, ularning tarkibidagi xoʻjalik jamiyatlari kuzatuv kengashlarining davlat xaridlari yillik va choraklik reja-jadvallari hamda import qilish rejalashtirilgan tovarlar (ishlar, xizmatlar) roʻyxatlarini tasdiqlash boʻyicha qarorlari muhim fakt sifatida oshkor qilib borilsin;

davlat xaridlari maxsus axborot portalida korporativ buyurtmachilarning ishlab chiqarish faoliyati uchun zarur boʻladigan tovarlarni mahalliylashtirish orqali kooperatsiya aloqalarini yoʻlga qoʻymoqchi boʻlgan yuridik shaxslar tomonidan oʻz takliflarini berish imkoniyati yaratilsin.

8. Iqtisodiyot va moliya vazirligi:

2024-yil 1-oktabrga qadar davlat xaridlari maxsus axborot portalida davlat buyurtmachilari amalga oshirgan davlat xaridlari natijalariga koʻra tovarlar (ishlar, xizmatlar), shu jumladan, ularning turlari kesimida shakllangan narxlarni jamoatchilik uchun ochiq ifodalovchi alohida sahifa joriy etsin, davlat buyurtmachilariga ushbu sahifa asosida boshlangʻich narxni shakllantirish imkoniyatini yaratsin;

2024-yil 1-noyabrga qadar ilgʻor xorijiy tajriba asosida elektron doʻkon orqali xaridlar tartibini soddalashtirish, xarid komissiyalari faoliyatini takomillashtirish orqali inson omilini qisqartirish, tadbirkorlik subyektlariga chet ellardagi davlat xaridlarida ishtirok etishiga koʻmaklashish, shuningdek, davlat xaridlari ishtirokchilarining ishonchlilik reytingini joriy etish boʻyicha Vazirlar Mahkamasiga takliflar kiritsin;

davlat xaridlari elektron tizimining operatorlari bilan birgalikda 2024-yil 1-dekabrga qadar davlat xaridlari tizimining mobil ilovalarini yaratsin;

Ijtimoiy himoya milliy agentligi, Kambagʻallikni qisqartirish va bandlik vazirligi, Oila va xotin-qizlar qoʻmitasi, Savdo-sanoat palatasi bilan birgalikda har yili hududlarda nogironligi boʻlgan shaxslar, xotin-qizlar va yoshlarning bandligini taʼminlagan kichik tadbirkorlik subyektlari tomonidan ishlab chiqarilgan mahsulotlar boʻyicha koʻrgazma yarmarkalarini tashkil etib borsin, shuningdek, ularning mahsulotlari toʻgʻrisidagi maʼlumotlar bilan davlat buyurtmachilarini muntazam ravishda tanishtirib borsin;

har yili kamida bir marta nogironligi boʻlgan shaxslar, xotin-qizlar va yoshlarning bandligini taʼminlagan kichik tadbirkorlik subyektlari uchun davlat xaridlarida ishtirok etish tartib-taomillari yuzasidan qisqa muddatli bepul oʻqitish kurslarini tashkil etib borsin;

davlat xaridlari elektron tizimining operatorlari bilan birgalikda har yil yakuni boʻyicha keyingi yilning 1-apreliga qadar davlat xaridlari sohasida “Eng faol tadbirkor” hamda “Eng yaxshi buyurtmachi” tanlovlarini oʻtkazib borsin;

uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

9. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.

Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2024-yil 10-iyuldagi PQ-249-son qaroriga ILOVA

Elektron doʻkon vositasida davlat xaridlarini amalga oshirishda ustuvorlik beriladigan kichik tadbirkorlik subyektlari boʻyicha

1. Nogironligi boʻlgan shaxslarning doimiy ish bilan taʼminlaganligi boʻyicha — xodimlari umumiy sonining kamida 50 foizi nogironligi boʻlgan shaxslardan iborat boʻlib, ushbu korxona ularning asosiy ish joyi boʻlishi va ushbu shaxslarga toʻlangan ish haqi umumiy mehnatga haq toʻlash fondining kamida 50 foizini tashkil etishi.

2. Xotin-qizlarning doimiy ish bilan taʼminlaganligi boʻyicha — rahbari (direktori) ayol kishi boʻlgan, xodimlari umumiy sonining kamida 50 foizi xotin-qizlardan iborat boʻlib, ushbu korxona ularning asosiy ish joyi boʻlishi va ushbu shaxslarga toʻlangan ish haqi umumiy mehnatga haq toʻlash fondining kamida 50 foizini tashkil etishi.

3. Yoshlarning doimiy ish bilan taʼminlaganligi boʻyicha — rahbari (direktori) oʻttiz yoshdan oshmagan, xodimlari umumiy sonining kamida 50 foizi oʻttiz yoshdan oshmagan shaxslardan iborat boʻlib, ushbu korxona ularning asosiy ish joyi boʻlishi va ushbu shaxslarga toʻlangan ish haqi umumiy mehnatga haq toʻlash fondining kamida 50 foizini tashkil etishi.

4. Korxona xodimlari umumiy sonining kamida 70 foizini nogironligi boʻlgan shaxslar, xotin-qizlar va yoshlar tashkil etishi.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 10-iyul,

PQ-249-son

(Qonunchilik maʼlumotlari milliy bazasi, 10.07.2024-y., 07/24/249/0492-son; 27.12.2025-y., 06/25/259/1224-son)

lex.uz

Президента Республики Узбекистан

Постановление

КРИТЕРИИ

О мерах по совершенствованию системы государственных закупок и стимулированию участия в ней субъектов малого предпринимательства

В целях повышения занятости лиц с инвалидностью, женщин и молодежи путем расширения участия субъектов малого предпринимательства в государственных закупках, а также дальнейшего совершенствования системы государственных закупок и усиления общественного контроля в данной системе:

1. Установить, что начиная с 1 сентября 2024 года в случаях равенства цены и прочих условий при осуществлении государственных закупок посредством электронного магазина предложения субъектов малого предпринимательства, обеспечивших занятость лиц с инвалидностью, женщин и молодежи на основе одного из критериев согласно приложению , получают приоритет.

Министерству экономики и финансов совместно с Министерством цифровых технологий и заинтересованными ведомствами в срок до 1 сентября 2024 года исходя из требований данного пункта внести изменения на специальном информационном портале государственных закупок.

2. Внедрить в период с 1 сентября 2024 года по 31 декабря 2025 года порядок покрытия части расходов (до 50 процентов) по страхованию оборудования, а также сертификации сырья и материалов, импортируемых в рамках проектов, разработанных с помощью центров содействия малому бизнесу при АКБ «Банк развития бизнеса» (далее — центры), не превышающей тридцатикратного размера базовой расчетной величины, за счет средств Фонда привлечения населения к предпринимательству.

Министерству экономики и финансов в месячный срок внести в Кабинет Министров порядок покрытия расходов по страхованию и сертификации, предусмотренный настоящим пунктом.

3. Принять к сведению, что в соответствии с постановлением Президента Республики Узбекистан от 15 ноября 2023 года № ПП-366 в период до 1 января 2026 года субъектам малого предпринимательства, созданным на основе кооперации с крупными предприятиями с государственным участием, разрешена реализация произведенных ими товаров (продукции) общей стоимостью до 10 миллиардов сумов в течение одного финансового года государственным заказчикам на основании прямых договоров.

4. Установить порядок, в соответствии с которым центры в рамках предпринимательских проектов субъектов малого предпринимательства, созданных на основе кооперации с крупными предприятиями с государственным участием, в том числе лиц с инвалидностью, женщин и молодежи, оказывают практическое содействие в:

выборе, закупке и установке оборудования и технологий;

обучении субъектов малого предпринимательства по направлениям, связанным с организацией и ведением бизнеса, на созданных в центрах практических учебных курсах;

обучении профессиям и повышении квалификации работников субъектов малого предпринимательства на производственных площадях крупных предприятий с государственным участием;

широком вовлечении субъектов малого предпринимательства в систему государственных закупок для реализации их продукции.

Министерству экономики и финансов в двухмесячный срок внести в Кабинет Министров порядок осуществления государственных закупок с юридическими лицами, установившими кооперационные связи с субъектами малого предпринимательства.

5. Определить, что начиная с 1 октября 2024 года в целях дальнейшего совершенствования системы государственных закупок и усиления общественного контроля в данной системе:

государственные заказчики проводят общественное обсуждение прямых договоров перед их заключением в течение не менее одного рабочего дня (за исключением случаев, предусмотренных пунктами 3, 4, 6, 7, 9 — 11 части первой статьи 71 Закона «О государственных закупках», а также закупок у субъектов естественных монополий), а протоколов, оформленных по результатам тендерных торгов, — в течение не менее двух рабочих дней, путем их размещения на специальном информационном портале государственных закупок;

поставщики не имеющих аналогов на рынке и технически сложных товаров включаются в Реестр единых поставщиков на основании заключения Комитета по развитию конкуренции и защите прав потребителей;

в электронной системе государственных закупок внедряется функция извещения субъектов предпринимательства, прошедших регистрацию в этой системе и имеющих высокий рейтинг устойчивости, о размещении в системе государственных заказов, соответствующих производимым (поставляемым) ими товарам (работам, услугам);

внедряется практика оказания операторами электронной системы государственных закупок содействия государственным заказчикам и исполнителям закупочных процедур по решению в установленном порядке досудебных споров, возникающих в процессе реализации договоров;

в случае, когда в тендерных торгах участвовал один субъект предпринимательства и государственный заказчик разместил объявление о повторном проведении торгов без изменения закупочной процедуры и критериев по товарам (работам, услугам), при этом единственным участником повторных тендерных торгов является субъект предпринимательства, ранее участвовавший в них, тендерные торги признаются состоявшимися.

Данный порядок не распространяется на участников тендеров, не соответствующих требованиям, установленным Законом «О государственных закупках», а также не оформивших свои предложения в требуемой форме.

6. Министерству экономики и финансов совместно с Центральным банком и Министерством юстиции в срок до 1 декабря 2024 года внести в Кабинет Министров порядок осуществления государственными заказчиками нижеследующих закупок с использованием корпоративных банковских карт («закупочных карт») по расходам на:

билеты (на авиационный и железнодорожный транспорт) и гостиничные услуги при служебных командировках и в иных случаях, связанных с осуществлением деятельности государственного заказчика;

заправки для транспортных средств, работающих на бензине, сжиженном и сжатом газе, авиационном и дизельном топливе, а также на зарядки электрической энергией электромобилей.

7. В целях обеспечения непрерывной производственной деятельности корпоративных заказчиков начиная с 1 сентября 2024 года:

раскрывать в качестве важного факта решения наблюдательных советов хозяйственных обществ, в уставном фонде (уставном капитале) которых государственная доля составляет 50 процентов и более, а также хозяйственных обществ, находящихся в их составе, по утверждению годовых и квартальных планов-графиков государственных закупок, а также перечней запланированных к импорту товаров (работ, услуг);

создать на специальном информационном портале государственных закупок возможность предоставления своих предложений юридическими лицами, желающими наладить кооперационные связи путем локализации товаров, необходимых для производственной деятельности корпоративных заказчиков.

8. Министерству экономики и финансов:

в срок до 1 октября 2024 года внедрить на специальном информационном портале государственных закупок отдельный раздел, открыто показывающий общественности цены на товары (работы, услуги), в том числе в разрезе их видов, сформировавшиеся по результатам государственных закупок, осуществленных государственными заказчиками, а также создать для государственных заказчиков возможность формировать их начальную стоимость с помощью данного раздела;

в срок до 1 ноября 2024 года внести в Кабинет Министров предложения по сокращению человеческого фактора путем упрощения порядка осуществления закупок посредством электронного магазина и совершенствования деятельности закупочных комиссий, оказанию содействия субъектам предпринимательства по их участию в государственных закупках, осуществляемых за рубежом, а также внедрению рейтинга надежности участников государственных закупок на основе передового зарубежного опыта;

в срок до 1 декабря 2024 года совместно с операторами электронной системы государственных закупок создать мобильные приложения системы государственных закупок;

ежегодно совместно с Национальным агентством социальной защиты, Министерством занятости и сокращения бедности, Комитетом семьи и женщин, Торгово-промышленной палатой организовывать выставки-ярмарки продукции, произведенной субъектами малого предпринимательства, обеспечившими занятость лиц с инвалидностью, женщин и молодежи в регионах, а также регулярно знакомить государственных заказчиков с информацией о продукции указанных субъектов;

не реже одного раза в год организовывать краткосрочные бесплатные учебные курсы по процедурам участия в государственных закупках для субъектов малого предпринимательства, обеспечивших занятость лиц с инвалидностью, женщин и молодежи;

совместно с операторами электронной системы государственных закупок по итогам каждого года проводить конкурсы в сфере государственных закупок «Самый активный предприниматель» и «Самый лучший заказчик» в срок до 1 апреля следующего года;

в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

9. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ к постановлению Президента Республики Узбекистан от 10 июля 2024 года № ПП-249

по субъектам малого предпринимательства, получающим приоритет при осуществлении государственных закупок посредством электронного магазина

1. Обеспечение постоянной работой лиц с инвалидностью — предусматривает долю лиц с инвалидностью в общей численности работников предприятия не менее 50 процентов, закрепление данного предприятия в качестве их основного места работы, размер заработной платы, выплачиваемой лицам с инвалидностью, не менее 50 процентов общего фонда оплаты труда.

2. Обеспечение постоянной работой женщин — предусматривает руководителя (директора) предприятия из числа женщин, долю женщин в общей численности работников не менее 50 процентов, закрепление данного предприятия в качестве их основного места работы, размер заработной платы, выплачиваемой женщинам, не менее 50 процентов общего фонда оплаты труда.

3. Обеспечение постоянной работой молодежи — предусматривает руководителя (директора) предприятия из числа лиц не старше тридцати лет, долю работников не старше тридцати лет в общей численности работников не менее 50 процентов, закрепление данного предприятия в качестве их основного места работы, размер заработной платы, выплачиваемой этим лицам, не менее 50 процентов общего фонда оплаты труда.

4. Доля лиц с инвалидностью, женщин и молодежи в общей численности работников предприятия составляет не менее 70 процентов.

Президент Республики Узбекистан Ш. МИРЗИЁЕВ

г. Ташкент,

10 июля 2024 г.,

№ ПП-249

(Национальная база данных законодательства, 10.07.2024 г., № 07/24/249/0492; 27.12.2025 г., № 06/25/259/1224)

lex.uz