📅 2024-yil 16-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 16 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 июля 2024 г. · Постановления Президента
Официальный текст. Официальный документ. Редакционные примечания не включены.
📅 16 July 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Атоқли қорақалпоқ шоири ва мутафаккири Ажиниёз Қўсибой ўғли таваллудининг 200 йиллигини кенг нишонлаш тўғрисида
Атоқли қорақалпоқ шоири ва мутафаккири Ажиниёз Қўсибой ўғли ўзининг бетакрор ва сермазмун ижоди билан халқимиз маданияти ва адабиётини ривожлантириш, ёш авлодни ватанпарварлик ва эзгу ғоялар руҳида тарбиялаш, ўзбек ва қорақалпоқ халқлари ўртасидаги азалий дўстлик ва оғизбирчиликни мустаҳкамлашга муносиб ҳисса қўшган улкан ижодкордир. Ҳассос шоирнинг шеър ва достонларида акс этган гуманистик фалсафий қарашлар эл-юртимиз қалбидан чуқур жой эгаллаган.
Хивадаги машҳур Шерғозихон ва Қутлимурод иноқ мадрасаларида таҳсил олган бу улуғ сиймо нафақат мамлакатимизда, балки бутун минтақамизда халқчил шоир, етук муаллим ва устоз, моҳир хаттот сифатида шуҳрат қозонгани айниқса эътиборга моликдир. Унинг гўзал асарлари туркман, қозоқ, қирғиз ва бошқа қардош халқлар томонидан ҳам севиб ўқилмоқда.
Ажиниёз Қўсибой ўғли таваллудининг 200 йиллигини нишонлаш ЮНЕСКОнинг халқаро юбилейлар режасига киритилгани ҳам унинг ижодий мероси умумбашарий аҳамиятга эга эканлигидан далолат беради.
Ажиниёз Қўсибой ўғлининг бетакрор адабий меросини янада кенг ўрганиш ва оммалаштириш ҳамда таваллудининг 200 йиллигини муносиб нишонлаш мақсадида:
1. Ўзбекистон Республикаси Маданият вазирлиги, Олий таълим, фан ва инновациялар вазирлиги, Қорақалпоғистон Республикаси Жўқорғи Кенгеси, Ўзбекистон ва Қорақалпоғистон Ёзувчилар уюшмалари, ЮНЕСКО ишлари бўйича миллий комиссия, Республика Маънавият ва маърифат маркази, Бадиий академия ҳамда жамоатчилик вакилларининг Ажиниёз Қўсибой ўғли таваллудининг 200 йиллигини мамлакатимизда кенг нишонлаш тўғрисидаги таклифлари маъқуллансин.
2. Ажиниёз Қўсибой ўғли таваллудининг 200 йиллигини нишонлаш бўйича ташкилий қўмита (кейинги ўринларда — Ташкилий қўмита) иловага мувофиқ таркибда тузилсин.
3. Ташкилий қўмита (А. Арипов) бир ҳафта муддатда Ажиниёз Қўсибой ўғли таваллудининг 200 йиллигини нишонлаш ҳамда унинг ижодий меросини кенг тарғиб қилиш бўйича қуйидаги вазифаларни назарда тутувчи чора-тадбирлар дастурини тасдиқласин ҳамда унинг ўз вақтида, сифатли бажарилишини таъминласин:
шоирнинг «Танланган асарлар» тўпламини ўзбек ва қорақалпоқ тилларида нашр қилиш, унинг ҳаёти ва фаолиятига бағишлаб яратилган бадиий, илмий-оммабоп асарларни қайта чоп этиш ва тақдимотларини ўтказиш;
давлат буюртмасига биноан Ажиниёз Қўсибой ўғлининг ҳаёти ва фаолиятига бағишланган саҳна асарлари ҳамда «Ажиниёз» бадиий-публицистик фильмини яратиш ва уларнинг тақдимотларини уюштириш;
Нукус шаҳрида шоир ижодига бағишланган «Айт, сен Ажиниёзнинг қўшиқларидан» мавзусида мамлакатимиз ёш ижодкорларининг танловини, ижод мактаблари ўқувчилари ўртасида Ажиниёз Қўсибой ўғли ҳаёти ва ижодига бағишланган иншолар танловини ўтказиш;
2024 йилнинг сентябрь ойида Бадиий академиянинг Марказий кўргазмалар залида Ажиниёз Қўсибой ўғлининг ҳаёти ва ижодига бағишланган китоблар, тасвирий санъат асарлари ва халқ амалий санъати намуналари кўргазмасини ўтказиш;
2024 йилнинг октябрь ойида Қорақалпоқ давлат университети ҳамда Алишер Навоий номидаги Тошкент давлат ўзбек тили ва адабиёти университетида Ажиниёз Қўсибой ўғлининг адабий меросини ўрганиш мавзусида халқаро илмий-амалий конференциялар уюштириш;
Ажиниёз номидаги Нукус давлат педагогика институтида шоир музейини ташкил қилиш;
Ажиниёз Қўсибой ўғлининг Мўйноқ туманидаги қабрини ободонлаштириш ва унга ёдгорлик ўрнатиш, мазкур туманда Ажиниёз Қўсибой ўғли номидаги экопарк барпо этиш;
мамлакатимиздаги олий ва ўрта махсус, профессионал, умумий ўрта таълим муассасалари, меҳнат жамоалари ва маҳаллаларда таниқли ёзувчи ва шоирлар, олимлар иштирокида Ажиниёз Қўсибой ўғли таваллудининг 200 йиллигига бағишланган учрашув ва адабий кечалар уюштириш;
2024 йилнинг ноябрь ойида Алишер Навоий номидаги Ўзбекистон давлат академик катта театри ҳамда Бердақ номидаги Қорақалпоқ давлат академик театрида Ажиниёз Қўсибой ўғли таваллудининг 200 йиллигига бағишланган тантанали адабий-бадиий хотира кечаларини ташкил этиш.
4. Ўзбекистон Миллий ахборот агентлиги, Ўзбекистон Миллий телерадиокомпанияси, «Дунё» ахборот агентлиги ва бошқа оммавий ахборот воситаларига Ажиниёз Қўсибой ўғли таваллудининг 200 йиллигини нишонлаш билан боғлиқ тадбирларни кенг ёритиш тавсия этилсин.
5. Ушбу қарорда назарда тутилган чора-тадбирларни молиялаштириш тегишли вазирлик, идора ва ташкилотларга ажратилган бюджет маблағлари, уларнинг бюджетдан ташқари маблағлари ҳамда қонунчилик ҳужжатлари билан тақиқланмаган бошқа манбалар ҳисобидан амалга оширилиши белгилансин.
6. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 16 июль,
ПҚ-258-сон
Oʻzbekiston Respublikasi Prezidentining
Qarori
Atoqli qoraqalpoq shoiri va mutafakkiri Ajiniyoz Qoʻsiboy oʻgʻli tavalludining 200 yilligini keng nishonlash toʻgʻrisida
Atoqli qoraqalpoq shoiri va mutafakkiri Ajiniyoz Qoʻsiboy oʻgʻli oʻzining betakror va sermazmun ijodi bilan xalqimiz madaniyati va adabiyotini rivojlantirish, yosh avlodni vatanparvarlik va ezgu gʻoyalar ruhida tarbiyalash, oʻzbek va qoraqalpoq xalqlari oʻrtasidagi azaliy doʻstlik va ogʻizbirchilikni mustahkamlashga munosib hissa qoʻshgan ulkan ijodkordir. Hassos shoirning sheʼr va dostonlarida aks etgan gumanistik falsafiy qarashlar el-yurtimiz qalbidan chuqur joy egallagan.
Xivadagi mashhur Shergʻozixon va Qutlimurod inoq madrasalarida tahsil olgan bu ulugʻ siymo nafaqat mamlakatimizda, balki butun mintaqamizda xalqchil shoir, yetuk muallim va ustoz, mohir xattot sifatida shuhrat qozongani ayniqsa eʼtiborga molikdir. Uning goʻzal asarlari turkman, qozoq, qirgʻiz va boshqa qardosh xalqlar tomonidan ham sevib oʻqilmoqda.
Ajiniyoz Qoʻsiboy oʻgʻli tavalludining 200 yilligini nishonlash YUNESKOning xalqaro yubileylar rejasiga kiritilgani ham uning ijodiy merosi umumbashariy ahamiyatga ega ekanligidan dalolat beradi.
Ajiniyoz Qoʻsiboy oʻgʻlining betakror adabiy merosini yanada keng oʻrganish va ommalashtirish hamda tavalludining 200 yilligini munosib nishonlash maqsadida:
1. Oʻzbekiston Respublikasi Madaniyat vazirligi, Oliy taʼlim, fan va innovatsiyalar vazirligi, Qoraqalpogʻiston Respublikasi Joʻqorgʻi Kengesi, Oʻzbekiston va Qoraqalpogʻiston Yozuvchilar uyushmalari, YUNESKO ishlari boʻyicha milliy komissiya, Respublika Maʼnaviyat va maʼrifat markazi, Badiiy akademiya hamda jamoatchilik vakillarining Ajiniyoz Qoʻsiboy oʻgʻli tavalludining 200 yilligini mamlakatimizda keng nishonlash toʻgʻrisidagi takliflari maʼqullansin.
2. Ajiniyoz Qoʻsiboy oʻgʻli tavalludining 200 yilligini nishonlash boʻyicha tashkiliy qoʻmita (keyingi oʻrinlarda — Tashkiliy qoʻmita) ilovaga muvofiq tarkibda tuzilsin.
3. Tashkiliy qoʻmita (A. Aripov) bir hafta muddatda Ajiniyoz Qoʻsiboy oʻgʻli tavalludining 200 yilligini nishonlash hamda uning ijodiy merosini keng targʻib qilish boʻyicha quyidagi vazifalarni nazarda tutuvchi chora-tadbirlar dasturini tasdiqlasin hamda uning oʻz vaqtida, sifatli bajarilishini taʼminlasin:
shoirning “Tanlangan asarlar” toʻplamini oʻzbek va qoraqalpoq tillarida nashr qilish, uning hayoti va faoliyatiga bagʻishlab yaratilgan badiiy, ilmiy-ommabop asarlarni qayta chop etish va taqdimotlarini oʻtkazish;
davlat buyurtmasiga binoan Ajiniyoz Qoʻsiboy oʻgʻlining hayoti va faoliyatiga bagʻishlangan sahna asarlari hamda “Ajiniyoz” badiiy-publitsistik filmini yaratish va ularning taqdimotlarini uyushtirish;
Nukus shahrida shoir ijodiga bagʻishlangan “Ayt, sen Ajiniyozning qoʻshiqlaridan” mavzusida mamlakatimiz yosh ijodkorlarining tanlovini, ijod maktablari oʻquvchilari oʻrtasida Ajiniyoz Qoʻsiboy oʻgʻli hayoti va ijodiga bagʻishlangan insholar tanlovini oʻtkazish;
2024-yilning sentyabr oyida Badiiy akademiyaning Markaziy koʻrgazmalar zalida Ajiniyoz Qoʻsiboy oʻgʻlining hayoti va ijodiga bagʻishlangan kitoblar, tasviriy sanʼat asarlari va xalq amaliy sanʼati namunalari koʻrgazmasini oʻtkazish;
2024-yilning oktyabr oyida Qoraqalpoq davlat universiteti hamda Alisher Navoiy nomidagi Toshkent davlat oʻzbek tili va adabiyoti universitetida Ajiniyoz Qoʻsiboy oʻgʻlining adabiy merosini oʻrganish mavzusida xalqaro ilmiy-amaliy konferensiyalar uyushtirish;
Ajiniyoz nomidagi Nukus davlat pedagogika institutida shoir muzeyini tashkil qilish;
Ajiniyoz Qoʻsiboy oʻgʻlining Moʻynoq tumanidagi qabrini obodonlashtirish va unga yodgorlik oʻrnatish, mazkur tumanda Ajiniyoz Qoʻsiboy oʻgʻli nomidagi ekopark barpo etish;
mamlakatimizdagi oliy va oʻrta maxsus, professional, umumiy oʻrta taʼlim muassasalari, mehnat jamoalari va mahallalarda taniqli yozuvchi va shoirlar, olimlar ishtirokida Ajiniyoz Qoʻsiboy oʻgʻli tavalludining 200 yilligiga bagʻishlangan uchrashuv va adabiy kechalar uyushtirish;
2024-yilning noyabr oyida Alisher Navoiy nomidagi Oʻzbekiston davlat akademik katta teatri hamda Berdaq nomidagi Qoraqalpoq davlat akademik teatrida Ajiniyoz Qoʻsiboy oʻgʻli tavalludining 200 yilligiga bagʻishlangan tantanali adabiy-badiiy xotira kechalarini tashkil etish.
4. Oʻzbekiston Milliy axborot agentligi, Oʻzbekiston Milliy teleradiokompaniyasi, “Dunyo” axborot agentligi va boshqa ommaviy axborot vositalariga Ajiniyoz Qoʻsiboy oʻgʻli tavalludining 200 yilligini nishonlash bilan bogʻliq tadbirlarni keng yoritish tavsiya etilsin.
5. Ushbu qarorda nazarda tutilgan chora-tadbirlarni moliyalashtirish tegishli vazirlik, idora va tashkilotlarga ajratilgan budjet mablagʻlari, ularning budjetdan tashqari mablagʻlari hamda qonunchilik hujjatlari bilan taqiqlanmagan boshqa manbalar hisobidan amalga oshirilishi belgilansin.
6. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 16-iyul,
PQ-258-son
Президента Республики Узбекистан
Постановление
О широком праздновании 200-летия выдающегося каракалпакского поэта и мыслителя Ажинияза Косыбай-улы
Выдающийся каракалпакский поэт и мыслитель Ажинияз Косыбай-улы своим неповторимым и глубоко содержательным творчеством внес достойный вклад в развитие культуры и литературы, воспитание молодежи в духе патриотизма и благородных идеалов, укрепление исторической дружбы и сплоченности узбекского и каракалпакского народов. Гуманистические и философские взгляды талантливого поэта, нашедшие отражение в его стихах и дастанах, занимают важное место в сердце нашего народа.
Заслуживает особого внимания, что этот известный творческий деятель, получивший образование в знаменитых медресе Шергазихана и Кутлимурод-инака в Хиве, обрел славу истинно народного поэта, большого ученого и наставника, искусного каллиграфа не только в нашей стране, но и во всем регионе. Его прекрасные произведения пользуются любовью также туркменских, казахских, кыргызских читателей, представителей других братских народов.
Включение празднования 200-летия со дня рождения Ажинияза Косыбай-улы в план проведения юбилейных мероприятий ЮНЕСКО также свидетельствует о том, что его творческое наследие имеет общечеловеческое значение.
В целях дальнейшего широкого изучения и популяризации уникального литературного наследия Ажинияза Косыбай-улы, достойного празднования 200-летия со дня его рождения:
1. Одобрить предложение Министерства культуры, Министерства высшего образования, науки и инноваций Республики Узбекистан, Жокаргы Кенеса Республики Каракалпакстан, Союзов писателей Узбекистана и Каракалпакстана, Национальной комиссии по делам ЮНЕСКО, Республиканского центра духовности и просветительства, Академии художеств и представителей общественности о широком праздновании в стране 200-летия Ажинияза Косыбай-улы.
2. Образовать Организационный комитет по празднованию 200-летия Ажинияза Косыбай-улы (далее — Организационный комитет) согласно приложению.
3. Организационному комитету (А. Арипов) в недельный срок утвердить и обеспечить своевременную и качественную реализацию Программы мер по празднованию 200-летия Ажинияза Косыбай-улы и широкой пропаганде его творческого наследия, предусматривающей:
издание сборника «Избранные произведения» поэта на узбекском и каракалпакском языках, переиздание художественных, научно-популярных трудов, посвященных его жизни и деятельности, а также проведение их презентаций;
создание на основании государственного заказа сценических произведений и художественно-публицистического фильма «Ажинияз», посвященных жизни и деятельности Ажинияза Косыбай-улы, а также организацию их презентаций;
проведение в городе Нукусе конкурса талантливой молодежи страны на тему «Айт, сен Ажиниёзнинг қўшиқларидан» («Спой песни Ажинияза»), а также конкурса сочинений, посвященных жизни и деятельности Ажинияза Косыбай-улы, среди учащихся творческих школ;
проведение в сентябре 2024 года в Центральном выставочном зале Академии художеств выставки книг, произведений изобразительного и народно-прикладного искусства, посвященной жизни и творчеству Ажинияза Косыбай-улы;
организацию в октябре 2024 года в Каракалпакском государственном университете и Ташкентском государственном университете узбекского языка и литературы имени Алишера Навои международных научно-практических конференций по изучению литературного наследия Ажинияза Косыбай-улы;
создание музея поэта в Нукусском государственном педагогическом институте имени Ажинияза;
благоустройство места захоронения Ажинияза Косыбай-улы в Муйнакском районе и установление мемориала, создание в этом районе экопарка имени Ажинияза Косыбай-улы;
организацию в высших и средних специальных, профессиональных, средних общеобразовательных учреждениях страны, трудовых коллективах и махаллях встреч и литературных вечеров, посвященных 200-летию Ажинияза Косыбай-улы, с участием известных писателей, поэтов и ученых;
проведение в ноябре 2024 года в Государственном академическом Большом театре Узбекистана имени Алишера Навои и Каракалпакском государственном академическом театре имени Бердаха торжественных литературно-художественных вечеров памяти, посвященных 200-летию Ажинияза Косыбай-улы.
4. Рекомендовать Национальному информационному агентству Узбекистана, Национальной телерадиокомпании Узбекистана, Информационному агентству «Дунё» и другим средствам массовой информации широко освещать мероприятия, связанные с празднованием 200-летия Ажинияза Косыбай-улы.
5. Установить, что финансирование мер, предусмотренных настоящим постановлением, осуществляется за счет бюджетных средств, выделенных соответствующим министерствам, ведомствам и организациям, а также из внебюджетных средств и иных источников, не запрещенных законодательством.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
16 июля 2024 г.,
№ ПП-258