📅 2024-yil 17-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 17 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 июля 2024 г. · Постановления Президента
Официальный текст. Официальный документ. Редакционные примечания не включены.
📅 17 July 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
Тошкент шаҳрида Америка технологиялар университетини ташкил этиш чора-тадбирлари тўғрисида
Олий таълим соҳасига етакчи хорижий таълим муассасаларининг илғор тажрибасини жорий этиш ишларини янада кенгайтириш, улар билан ҳамкорликни ривожлантириш, таълим соҳасига чет эл инвестицияларини жалб этиш, шунингдек, минтақавий ҳамкорликни мустаҳкамлаш мақсадида:
1. Қуйидагилар:
Ўзбекистон Республикаси Президенти ҳузуридаги Стратегик ислоҳотлар агентлиги, Аризона давлат университети (АҚШ) ҳамда «Cintana Education» компанияси (АҚШ) ўртасида 2023 йил сентябрь ойида Тошкент шаҳрида Америка технологиялар университетини ташкил этиш тўғрисида аҳдлашув меморандуми имзоланганлиги;
Тошкент шаҳридаги Америка технологиялар университетининг таълим жараёнини ташкил этишда Америка Қўшма Штатлари томонидан «Cintana Education» компанияси ҳамкор этиб белгиланганлиги маълумот учун қабул қилинсин.
2. Олий таълим, фан ва инновациялар вазирлиги ҳамда «Cintana Education» компаниясининг (АҚШ) Тошкент шаҳрида Америка технологиялар университетини (кейинги ўринларда — Университет) ташкил этиш тўғрисидаги таклифига розилик берилсин.
3. Қуйидагилар Университетнинг асосий фаолият йўналишлари этиб белгилансин:
муҳандислик, соғлиқни сақлаш, ахборот технологиялари, архитектура ва дизайн, иқтисодиёт ва молия, халқаро муносабатлар соҳалари учун олий маълумотли кадрларни халқаро стандартлар даражасида тайёрлаш;
ўқув-тарбия жараёнини илғор педагогик ва замонавий ахборот технологияларини қўллаган ҳолда жаҳоннинг етакчи университетларида жорий этилган таълим технологиялари ва усуллари асосида ташкил этиш;
талабаларнинг интеллектуал қобилиятини ривожлантириш, билимини амалий тажрибалар орқали мустаҳкамлашга, ўқув материалларини самарали ва пухта ўзлаштиришга хизмат қиладиган ҳар томонлама қулай таълим муҳитини шакллантириш;
таълим ва илмий-тадқиқот йўналишларида етакчи хорижий олий таълим ва илмий-тадқиқот ташкилотлари билан ҳамкорликни мустаҳкамлаш, талабаларнинг академик мобиллигини йўлга қўйиш;
илмий-педагогик салоҳиятни ошириб бориш, жумладан, профессор-ўқитувчилар стажировкаси ва малака оширишини нуфузли хорижий олий таълим ташкилотлари ва илмий-тадқиқот марказларида ташкил этиш;
таълим-тарбия жараёнини талабаларда юксак маънавий ва ахлоқий фазилатларни ривожлантириш, Ватанга муҳаббат ва садоқат, халқ манфаатлари учун хизмат қилиш туйғуси билан яшайдиган баркамол авлод сифатида тарбиялашга қаратган ҳолда ташкил этиш.
4. Белгилаб қўйилсинки:
Университет нодавлат олий таълим ташкилоти ҳисобланади ҳамда ўз фаолиятини 2024/2025 ўқув йилидан бошлаб Ўзбекистон Республикасининг таълим соҳасидаги қонунчилик ҳужжатлари талаблари асосида амалга оширади;
Университетда талабаларни ўқитиш тўлов-контракт асосида амалга оширилади ҳамда қабул параметрлари ва талабаларни ўқитиш учун тўлов-контракт суммаси Университет томонидан белгиланади;
Университетга абитуриентлар қабули ва битирувчилар аттестацияси Университет томонидан белгиланган талаб ва тартибга мувофиқ амалга оширилади;
Университет тўлиқ академик, молиявий ва ташкилий мустақил олий таълим ташкилоти ҳисобланади;
Университет битирувчиларига Аризона давлат университетининг ёки Америка Қўшма Штатларида тан олинадиган ҳамкор хорижий олий таълим ташкилотининг дипломи берилади. Бунда, битирувчиларга берилган диплом Ўзбекистон Республикасида тан олинади;
Университетда қўшма таълим дастурларининг хорижий университетда ўқиш қисмини бакалавриатда «3+1», магистратурада «1+1» ва бошқа шаклда, жумладан, масофавий тарзда амалга ошириш имконияти яратилади;
Университет фаолияти таъсисчилар маблағлари, тўлов-контракт асосида талабаларни ўқитишдан тушган маблағлар, ҳомийлик хайриялари, грантлар ва қонунчиликда тақиқланмаган бошқа манбалар ҳисобидан молиялаштирилади.
5. «Cintana Education» компанияси (АҚШ) қуйидагиларни таъминлаш мажбуриятини ўз зиммасига олиши маълумот учун қабул қилинсин:
Университетни ташкил этиш ва унинг фаолиятини йўлга қўйиш учун 2024 — 2030 йилларда 30 миллион АҚШ доллари, 2030 — 2035 йилларда 20 миллион АҚШ доллари миқдорида инвестиция киритиш ҳамда инвестицияларнинг камида 50 фоизини Университет моддий-техника базасини шакллантиришга сарфлаш;
Университетга Аризона давлат университетини ҳамкор сифатида жалб этиш ҳамда Университетда таълим жараёнини ҳамкор университетнинг андозаси, ўқув-методик ва технологик қўллаб-қувватлаши асосида ташкил этиш;
Университетнинг кутубхона фондини шакллантириш, уни замонавий ўқув, ўқув-методик ва илмий-техник адабиётлар билан тўлдириш ҳамда талабалар учун Аризона давлат университетининг кутубхона фондидан фойдаланиш имкониятини яратиш;
Университетда Аризона давлат университети ва нуфузли рейтинг ташкилотларининг юқори 200 талик рўйхатига кирган хорижий олий таълим ташкилотларининг таълим дастурлари асосида кадрлар тайёрлаш ҳамда хорижий олий таълим ташкилотларининг дипломини беришни назарда тутувчи қўшма таълим дастурларини жорий этиш.
6. Тошкент шаҳри, Бешёғоч кўчаси, 1-уй манзилида жойлашган бино-иншоотлар унга бириктирилган ҳудуд билан биргаликда «Cintana Education» компаниясига (АҚШ) Университетни ташкил этиш учун 49 йил муддатга ижарага берилсин.
7. Тошкент шаҳридаги Америка технологиялар университети фаолиятини йўлга қўйиш ва мувофиқлаштириш бўйича бошқарув кенгаши (кейинги ўринларда — Бошқарув кенгаши) ташкил этилсин ва унинг таркиби иловага мувофиқ тасдиқлансин.
Бошқарув кенгашига қуйидаги ваколатлар берилсин:
Университетни ривожлантириш дастури, мақсадли кўрсаткичлари лойиҳасини кўриб чиқиш ва келишиш;
Университет олдига қўйилган вазифалар ижроси, мақсадли кўрсаткичларга эришиш ҳолатини назорат қилиб бориш ва йиллик ҳисоботларни қабул қилиш;
таъсисчиларнинг инвестициявий ва бошқа мажбуриятлари бажарилиши юзасидан мониторинг олиб бориш;
Университет ректори ва проректорлари лавозимига тавсия этилаётган номзодларни кўриб чиқиш ва хулоса бериш;
Университетнинг ўз таълим дастурлари асосида кадрлар тайёрлашга рухсат бериш юзасидан қарор қабул қилиш.
8. Бошқарув кенгаши (О. Абдурахманов):
икки ҳафта муддатда Университетнинг Тошкент шаҳри, Бешёғоч кўчаси, 1-уй манзили бўйича жойлаштирилишини;
2024 йил 1 августга қадар Университет томонидан хориждан жалб қилинадиган профессор-ўқитувчиларни жойлаштириш учун ижара турар жойлари тайёрланишини;
2025 йил 1 сентябрга қадар Университет кампусини қуриш учун Тошкент шаҳри ҳудудидан зарур ер майдонининг белгиланган тартибда ажратилишини таъминласин.
9. Ташқи ишлар вазирлиги Олий таълим, фан ва инновациялар вазирлигининг виза талабномаларига биноан Университетга жалб қилинадиган хорижий профессор-ўқитувчилар ва маъмурий ходимлар ҳамда уларнинг оила аъзолари учун кириш визалари консуллик йиғимлар ва ҳақиқий харажатларнинг ўрнини қоплаш ҳисобидан йиғимлар ундирмасдан белгиланган тартибда расмийлаштирилишини таъминласин.
10. Камбағалликни қисқартириш ва бандлик вазирлиги Олий таълим, фан ва инновациялар вазирлигининг буюртманомаларига кўра Университетни ташкил этиш ва унинг фаолият юритишида иштирок этадиган хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномалар берилишини (муддати узайтирилишини) таъминласин.
11. Мазкур қарорнинг ижросини самарали ташкил қилишга масъул ва шахсий жавобгар этиб олий таълим, фан ва инновациялар вазири К.А. Шарипов белгилансин.
Қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Ижтимоий ривожланиш департаменти раҳбари О.К. Абдурахманов зиммасига юклансин.
Ўзбекистон Республикаси Президентининг 2024 йил 17 июлдаги ПҚ-261-сон қарорига ИЛОВА
Тошкент шаҳридаги Америка технологиялар университети фаолиятини йўлга қўйиш ва мувофиқлаштириш бўйича бошқарув кенгашининг
О.К. Абдурахманов — Ўзбекистон Республикаси Президенти Администрацияси Ижтимоий ривожланиш департаменти раҳбари, Бошқарув кенгаши раиси К.А. Шарипов — олий таълим, фан ва инновациялар вазири, Бошқарув кенгаши раиси ўринбосари Д.Л. Беккер — «Cintana Education» компанияси раиси, Бошқарув кенгаши раиси ўринбосари Ч. Багчиоглу — «Cintana Education» компаниясининг Шарқий Европа ва Марказий Осиё бўйича минтақавий раҳбари О.Р. Фозилкаримов — иқтисодиёт ва молия вазири ўринбосари М.А. Мадраҳимов — ташқи ишлар вазири ўринбосари Ф.А. Сидиков — Ўзбекистон Республикасининг АҚШдаги Фавқулодда ва Мухтор элчиси Б.Б. Рахматов — Ўзбекистон Республикаси Президенти ҳузуридаги Стратегик ислоҳотлар агентлиги директори Ш.Б. Умурзаков — Тошкент шаҳар ҳокими Лавозимига кўра — Тошкент шаҳридаги Америка технологиялар университети ректори, Бошқарув кенгаши котиби
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 17 июль,
ПҚ-261-сон
Oʻzbekiston Respublikasi Prezidentining
qarori
TARKIBI
Toshkent shahrida Amerika texnologiyalar universitetini tashkil etish chora-tadbirlari toʻgʻrisida
Oliy taʼlim sohasiga yetakchi xorijiy taʼlim muassasalarining ilgʻor tajribasini joriy etish ishlarini yanada kengaytirish, ular bilan hamkorlikni rivojlantirish, taʼlim sohasiga chet el investitsiyalarini jalb etish, shuningdek, mintaqaviy hamkorlikni mustahkamlash maqsadida:
1. Quyidagilar:
Oʻzbekiston Respublikasi Prezidenti huzuridagi Strategik islohotlar agentligi, Arizona davlat universiteti (AQSH) hamda “Cintana Education” kompaniyasi (AQSH) oʻrtasida 2023-yil sentabr oyida Toshkent shahrida Amerika texnologiyalar universitetini tashkil etish toʻgʻrisida ahdlashuv memorandumi imzolanganligi;
Toshkent shahridagi Amerika texnologiyalar universitetining taʼlim jarayonini tashkil etishda Amerika Qoʻshma Shtatlari tomonidan “Cintana Education” kompaniyasi hamkor etib belgilanganligi maʼlumot uchun qabul qilinsin.
2. Oliy taʼlim, fan va innovatsiyalar vazirligi hamda “Cintana Education” kompaniyasining (AQSH) Toshkent shahrida Amerika texnologiyalar universitetini (keyingi oʻrinlarda — Universitet) tashkil etish toʻgʻrisidagi taklifiga rozilik berilsin.
3. Quyidagilar Universitetning asosiy faoliyat yoʻnalishlari etib belgilansin:
muhandislik, sogʻliqni saqlash, axborot texnologiyalari, arxitektura va dizayn, iqtisodiyot va moliya, xalqaro munosabatlar sohalari uchun oliy maʼlumotli kadrlarni xalqaro standartlar darajasida tayyorlash;
oʻquv-tarbiya jarayonini ilgʻor pedagogik va zamonaviy axborot texnologiyalarini qoʻllagan holda jahonning yetakchi universitetlarida joriy etilgan taʼlim texnologiyalari va usullari asosida tashkil etish;
talabalarning intellektual qobiliyatini rivojlantirish, bilimini amaliy tajribalar orqali mustahkamlashga, oʻquv materiallarini samarali va puxta oʻzlashtirishga xizmat qiladigan har tomonlama qulay taʼlim muhitini shakllantirish;
taʼlim va ilmiy-tadqiqot yoʻnalishlarida yetakchi xorijiy oliy taʼlim va ilmiy-tadqiqot tashkilotlari bilan hamkorlikni mustahkamlash, talabalarning akademik mobilligini yoʻlga qoʻyish;
ilmiy-pedagogik salohiyatni oshirib borish, jumladan, professor-oʻqituvchilar stajirovkasi va malaka oshirishini nufuzli xorijiy oliy taʼlim tashkilotlari va ilmiy-tadqiqot markazlarida tashkil etish;
taʼlim-tarbiya jarayonini talabalarda yuksak maʼnaviy va axloqiy fazilatlarni rivojlantirish, Vatanga muhabbat va sadoqat, xalq manfaatlari uchun xizmat qilish tuygʻusi bilan yashaydigan barkamol avlod sifatida tarbiyalashga qaratgan holda tashkil etish.
4. Belgilab qoʻyilsinki:
Universitet nodavlat oliy taʼlim tashkiloti hisoblanadi hamda oʻz faoliyatini 2024/2025 oʻquv yilidan boshlab Oʻzbekiston Respublikasining taʼlim sohasidagi qonunchilik hujjatlari talablari asosida amalga oshiradi;
Universitetda talabalarni oʻqitish toʻlov-kontrakt asosida amalga oshiriladi hamda qabul parametrlari va talabalarni oʻqitish uchun toʻlov-kontrakt summasi Universitet tomonidan belgilanadi;
Universitetga abituriyentlar qabuli va bitiruvchilar attestatsiyasi Universitet tomonidan belgilangan talab va tartibga muvofiq amalga oshiriladi;
Universitet toʻliq akademik, moliyaviy va tashkiliy mustaqil oliy taʼlim tashkiloti hisoblanadi;
Universitet bitiruvchilariga Arizona davlat universitetining yoki Amerika Qoʻshma Shtatlarida tan olinadigan hamkor xorijiy oliy taʼlim tashkilotining diplomi beriladi. Bunda, bitiruvchilarga berilgan diplom Oʻzbekiston Respublikasida tan olinadi;
Universitetda qoʻshma taʼlim dasturlarining xorijiy universitetda oʻqish qismini bakalavriatda “3+1”, magistraturada “1+1” va boshqa shaklda, jumladan, masofaviy tarzda amalga oshirish imkoniyati yaratiladi;
Universitet faoliyati taʼsischilar mablagʻlari, toʻlov-kontrakt asosida talabalarni oʻqitishdan tushgan mablagʻlar, homiylik xayriyalari, grantlar va qonunchilikda taqiqlanmagan boshqa manbalar hisobidan moliyalashtiriladi.
5. “Cintana Education” kompaniyasi (AQSH) quyidagilarni taʼminlash majburiyatini oʻz zimmasiga olishi maʼlumot uchun qabul qilinsin:
Universitetni tashkil etish va uning faoliyatini yoʻlga qoʻyish uchun 2024 — 2030-yillarda 30 million AQSH dollari, 2030 — 2035-yillarda 20 million AQSH dollari miqdorida investitsiya kiritish hamda investitsiyalarning kamida 50 foizini Universitet moddiy-texnika bazasini shakllantirishga sarflash;
Universitetga Arizona davlat universitetini hamkor sifatida jalb etish hamda Universitetda taʼlim jarayonini hamkor universitetning andozasi, oʻquv-metodik va texnologik qoʻllab-quvvatlashi asosida tashkil etish;
Universitetning kutubxona fondini shakllantirish, uni zamonaviy oʻquv, oʻquv-metodik va ilmiy-texnik adabiyotlar bilan toʻldirish hamda talabalar uchun Arizona davlat universitetining kutubxona fondidan foydalanish imkoniyatini yaratish;
Universitetda Arizona davlat universiteti va nufuzli reyting tashkilotlarining yuqori 200 talik roʻyxatiga kirgan xorijiy oliy taʼlim tashkilotlarining taʼlim dasturlari asosida kadrlar tayyorlash hamda xorijiy oliy taʼlim tashkilotlarining diplomini berishni nazarda tutuvchi qoʻshma taʼlim dasturlarini joriy etish.
6. Toshkent shahri, Beshyogʻoch koʻchasi, 1-uy manzilida joylashgan bino-inshootlar unga biriktirilgan hudud bilan birgalikda “Cintana Education” kompaniyasiga (AQSH) Universitetni tashkil etish uchun 49 yil muddatga ijaraga berilsin.
7. Toshkent shahridagi Amerika texnologiyalar universiteti faoliyatini yoʻlga qoʻyish va muvofiqlashtirish boʻyicha boshqaruv kengashi (keyingi oʻrinlarda — Boshqaruv kengashi) tashkil etilsin va uning tarkibi ilovaga muvofiq tasdiqlansin.
Boshqaruv kengashiga quyidagi vakolatlar berilsin:
Universitetni rivojlantirish dasturi, maqsadli koʻrsatkichlari loyihasini koʻrib chiqish va kelishish;
Universitet oldiga qoʻyilgan vazifalar ijrosi, maqsadli koʻrsatkichlarga erishish holatini nazorat qilib borish va yillik hisobotlarni qabul qilish;
taʼsischilarning investitsiyaviy va boshqa majburiyatlari bajarilishi yuzasidan monitoring olib borish;
Universitet rektori va prorektorlari lavozimiga tavsiya etilayotgan nomzodlarni koʻrib chiqish va xulosa berish;
Universitetning oʻz taʼlim dasturlari asosida kadrlar tayyorlashga ruxsat berish yuzasidan qaror qabul qilish.
8. Boshqaruv kengashi (O. Abduraxmanov):
ikki hafta muddatda Universitetning Toshkent shahri, Beshyogʻoch koʻchasi, 1-uy manzili boʻyicha joylashtirilishini;
2024-yil 1-avgustga qadar Universitet tomonidan xorijdan jalb qilinadigan professor-oʻqituvchilarni joylashtirish uchun ijara turar joylari tayyorlanishini;
2025-yil 1-sentabrga qadar Universitet kampusini qurish uchun Toshkent shahri hududidan zarur yer maydonining belgilangan tartibda ajratilishini taʼminlasin.
9. Tashqi ishlar vazirligi Oliy taʼlim, fan va innovatsiyalar vazirligining viza talabnomalariga binoan Universitetga jalb qilinadigan xorijiy professor-oʻqituvchilar va maʼmuriy xodimlar hamda ularning oila aʼzolari uchun kirish vizalari konsullik yigʻimlar va haqiqiy xarajatlarning oʻrnini qoplash hisobidan yigʻimlar undirmasdan belgilangan tartibda rasmiylashtirilishini taʼminlasin.
10. Kambagʻallikni qisqartirish va bandlik vazirligi Oliy taʼlim, fan va innovatsiyalar vazirligining buyurtmanomalariga koʻra Universitetni tashkil etish va uning faoliyat yuritishida ishtirok etadigan xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (muddati uzaytirilishini) taʼminlasin.
11. Mazkur qarorning ijrosini samarali tashkil qilishga masʼul va shaxsiy javobgar etib oliy taʼlim, fan va innovatsiyalar vaziri K.A. Sharipov belgilansin.
Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.K. Abduraxmanov zimmasiga yuklansin.
Oʻzbekiston Respublikasi Prezidentining 2024-yil 17-iyuldagi PQ-261-son qaroriga ILOVA
Toshkent shahridagi Amerika texnologiyalar universiteti faoliyatini yoʻlga qoʻyish va muvofiqlashtirish boʻyicha boshqaruv kengashining
O.K. Abduraxmanov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari, Boshqaruv kengashi raisi K.A. Sharipov — oliy taʼlim, fan va innovatsiyalar vaziri, Boshqaruv kengashi raisi oʻrinbosari D.L. Bekker — “Cintana Education” kompaniyasi raisi, Boshqaruv kengashi raisi oʻrinbosari Ch. Bagchioglu — “Cintana Education” kompaniyasining Sharqiy Yevropa va Markaziy Osiyo boʻyicha mintaqaviy rahbari O.R. Fozilkarimov — iqtisodiyot va moliya vaziri oʻrinbosari M.A. Madrahimov — tashqi ishlar vaziri oʻrinbosari F.A. Sidikov — Oʻzbekiston Respublikasining AQSHdagi Favqulodda va Muxtor elchisi B.B. Raxmatov — Oʻzbekiston Respublikasi Prezidenti huzuridagi Strategik islohotlar agentligi direktori Sh.B. Umurzakov — Toshkent shahar hokimi Lavozimiga koʻra — Toshkent shahridagi Amerika texnologiyalar universiteti rektori, Boshqaruv kengashi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 17-iyul,
PQ-261-son
Президента Республики Узбекистан
Постановление
СОСТАВ
О мерах по организации Американского университета технологий в городе Ташкенте
В целях дальнейшего расширения масштаба работы по внедрению передового опыта ведущих зарубежных образовательных учреждений в сфере высшего образования, развития сотрудничества с ними, привлечения иностранных инвестиций в сфере образования, а также укрепления регионального сотрудничества:
1. Принять к сведению, что:
между Агентством стратегических реформ при Президенте Республики Узбекистан, Аризонским государственным университетом (США) и компанией «Cintana Education» (США) в сентябре 2023 года подписан меморандум о создании Американского университета технологий в городе Ташкенте;
компания «Cintana Education» определена в качестве партнера со стороны Соединенных Штатов Америки в организации образовательного процесса Американского университета технологий в городе Ташкенте.
2. Согласиться с предложением Министерства высшего образования, науки и инноваций и компании «Cintana Education» (США) о создании Американского университета технологий в городе Ташкенте (далее — Университет).
3. Определить основными направлениями деятельности Университета:
подготовку на уровне международных стандартов кадров с высшим образованием для сфер инженерии, здравоохранения, информационных технологий, архитектуры и дизайна, экономики и финансов, международных отношений;
организацию учебно-воспитательного процесса с применением передовых педагогических и современных информационных технологий на основе образовательных технологий и методов, внедренных в ведущих университетах мира;
развитие интеллектуальных способностей студентов, формирование всесторонне благоприятной образовательной среды, служащей укреплению знаний посредством приобретения практического опыта, эффективного и глубокого освоения учебных материалов;
укрепление сотрудничества с ведущими зарубежными высшими образовательными и научно-исследовательскими организациями по образовательным и научно-исследовательским направлениям;
повышение научно-педагогического потенциала, включая организацию стажировки и повышения квалификации профессорско-преподавательского состава в престижных зарубежных высших образовательных организациях и научно-исследовательских центрах;
организацию образовательно-воспитательного процесса, при этом обращая особое внимание на развитие высоких духовных и нравственных качеств у студентов, воспитание гармоничного поколения в духе любви и преданности Родине, служения интересам народа.
4. Установить, что:
Университет является негосударственной высшей образовательной организацией и осуществляет свою деятельность начиная с 2024/2025 учебного года на основе требований законодательства Республики Узбекистан в сфере образования;
обучение студентов в Университете осуществляется на основе контракта, параметры приема и сумма контракта за обучение студентов определяются Университетом;
прием абитуриентов в Университет и аттестация выпускников осуществляются в соответствии с требованиями и порядком, определяемыми Университетом;
Университет является высшей образовательной организацией, обладающей полной академической и организационно-финансовой независимостью;
выпускникам Университета выдается диплом Аризонского государственного университета или партнерской зарубежной высшей образовательной организации, признаваемой в Соединенных Штатах Америки. При этом выданный выпускникам диплом признается на территории Республики Узбекистан;
в Университете создается возможность для проведения учебной части совместных образовательных программ в зарубежном университете по формам «3+1» в бакалавриате, «1+1» — в магистратуре и другой форме, в том числе и в дистанционном формате;
деятельность Университета финансируется за счет средств учредителей, средств, поступивших от обучения студентов на основе платного контракта, благотворительных пожертвований, грантов и иных источников, не запрещенных законодательством.
5. Принять к сведению, что компания «Cintana Education» (США) берет на себя обязательства по обеспечению:
внесения инвестиций в размере 30 миллионов долларов США в 2024 — 2030 годах, 20 миллионов долларов США в 2030 — 2035 годах для создания Университета и налаживания его деятельности, а также расходования не менее 50 процентов инвестиций на формирование материально-технической базы Университета;
привлечения Аризонского государственного университета в качестве партнера, а также организации образовательного процесса в Университете по модели университета-партнера и на основе учебно-методической и технологической поддержки с его стороны;
формирования библиотечного фонда Университета, пополнения его современной учебной, учебно-методической и научно-технической литературой, а также создание для студентов возможности пользования библиотечным фондом Аризонского государственного университета;
подготовки кадров в Университете на основе образовательных программ Аризонского государственного университета и зарубежных высших образовательных организаций, включенных в топ-200 престижных рейтинговых организаций, а также внедрения совместных образовательных программ, предусматривающих выдачу диплома зарубежных высших образовательных организаций.
6. В целях создания Университета компании «Cintana Education» (США) предоставляются в аренду здания и сооружения с прилегающей к ним территорией, расположенные по адресу: город Ташкент, улица Бешагач, дом 1, сроком на 49 лет.
7. Создать Совет управления по организации и координации деятельности Американского университета технологий в городе Ташкенте (далее — Совет управления) и утвердить его состав согласно приложению .
Наделить Совет управления следующими полномочиями:
рассмотрение и согласование проекта программы развития и целевых показателей Университета;
осуществление контроля исполнения поставленных перед Университетом задач, состояния достижения целевых показателей, а также прием ежегодных отчетов;
ведение мониторинга выполнения инвестиционных и иных обязательств учредителей;
рассмотрение и выдача заключения по кандидатам, рекомендуемым на должности ректора и проректоров Университета;
принятие решения по согласию на подготовку кадров в соответствии с собственными образовательными программами Университета.
8. Совету управления (О. Абдурахманов) обеспечить:
в двухнедельный срок размещение Университета по адресу: город Ташкент, улица Бешагач, дом 1;
до 1 августа 2024 года — подготовка арендного жилья для размещения профессорско-преподавательского состава, привлекаемого из-за рубежа Университетом;
до 1 сентября 2025 года — выделение в установленном порядке необходимой земельной площади на территории города Ташкента для строительства кампуса Университета.
9. Министерству иностранных дел обеспечить по заявкам Министерства высшего образования, науки и инноваций оформление в установленном порядке въездных виз зарубежным представителям профессорско-преподавательского состава и административного персонала, привлекаемых в Университет, а также членам их семей — без взимания консульских сборов и сборов в счет возмещения фактических расходов.
10. Министерству занятости и сокращения бедности по заявкам Министерства высшего образования, науки и инноваций обеспечить выдачу (продление) иностранным гражданам, принимающим участие в организации Университета и ведении его деятельности, подтверждений на право трудовой деятельности на территории Республики Узбекистан.
11. Возложить на министра высшего образования, науки и инноваций К.А. Шарипова персональную ответственность за эффективную организацию исполнения настоящего постановления.
Контроль за исполнением постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахманова.
ПРИЛОЖЕНИЕ к постановлению Президента Республики Узбекистан от 17 июля 2024 года № ПП-261
Совета управления по организации и координации деятельности Американского университета технологий в городе Ташкенте
О.К. Абдурахманов — руководитель Департамента социального развития Администрации Президента Республики Узбекистан, председатель Совета управления К.А. Шарипов — министр высшего образования, науки и инноваций, заместитель председателя Совета управления Д.Л. Беккер — председатель компании «Cintana Education», заместитель председателя Совета управления Ч. Багчиоглу — региональный руководитель компании «Cintana Education» по Восточной Европе и Центральной Азии О.Р. Фозилкаримов — заместитель министра экономики и финансов М.А. Мадрахимов — заместитель министра иностранных дел Ф.А. Сидиков — Чрезвычайный и Полномочный Посол Республики Узбекистан в США Б.Б. Рахматов — директор Агентства стратегических реформ при Президенте Республики Узбекистан Ш.Б. Умурзаков — хоким города Ташкента По должности — ректор Американского университета технологий в городе Ташкенте, секретарь Совета управления
Президент Республики Узбекистан Ш. МИРЗИЁЕВ
г. Ташкент,
17 июля 2024 г.,
№ ПП-261