📅 2024-yil 17-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 17 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 июля 2024 г. · Постановления Президента
Официальный текст. Официальный документ. Редакционные примечания не включены.
📅 17 July 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
СХЕМАСИ
«Тиббиёт чиқиндиларидан муқобил иссиқлик энергияси ишлаб чиқариш» инвестиция лойиҳасини амалга ошириш чора-тадбирлари тўғрисида
Мамлакатимизда экологик вазиятни яхшилаш, чиқиндиларнинг, шу жумладан, тиббиёт чиқиндиларининг атроф-муҳитга ва аҳоли саломатлигига салбий таъсирини камайтириш, шунингдек, уларни қайта ишлаш соҳасида замонавий ечимлар ва технологияларни жорий этиш мақсадида:
1. Қуйидагилар:
а) «Sayar LLC» компанияси (Америка Қўшма Штатлари) (кейинги ўринларда — Инвестор) томонидан «Тиббиёт чиқиндиларидан муқобил иссиқлик энергияси ишлаб чиқариш» инвестиция лойиҳаси (кейинги ўринларда — Инвестиция лойиҳаси) доирасида «Sayar green» масъулияти чекланган жамияти шаклидаги хорижий корхона (кейинги ўринларда — Лойиҳа компанияси) таъсис этилганлиги;
б) Инвестор, Лойиҳа компанияси ва Ўзбекистон Республикаси Ҳукумати номидан Инвестициялар, саноат ва савдо вазирлиги ўртасида 2024 йил 13 апрелда инвестиция шартномаси имзоланганлиги ҳамда унга мувофиқ Инвестор ва Лойиҳа компанияси:
биринчи босқичда, 2024-2025 йиллар давомида 7 миллион АҚШ доллари миқдорида тўғридан-тўғри инвестицияларни жалб этиб, Тошкент шаҳри, Самарқанд ва Бухоро вилоятларининг барча турдаги тиббиёт муассасаларида йилига ҳосил бўладиган 6 минг тонна тиббиёт чиқиндиларини термик қайта ишлаб, 20 ГВт соат/йил қувватга эга ускуналарни ишга тушириши;
иккинчи босқичда, 2026 — 2030 йиллар давомида 108 миллион АҚШ доллари миқдорида тўғридан-тўғри инвестицияларни жалб этиб, республиканинг қолган ҳудудларида жойлашган барча турдаги тиббиёт муассасаларида йилига ҳосил бўладиган 90 минг тонна тиббиёт чиқиндиларини термик қайта ишлаб, 300 ГВт соат/йил қувватга эга ускуналарни ишга тушириши;
Инвесторнинг таклифларига мувофиқ Экология, атроф-муҳитни муҳофаза қилиш ва иқлим ўзгариши вазирлигига (кейинги ўринларда — Экология вазирлиги) тегишли маиший чиқинди полигонлари ҳамда махсус ташкил этиладиган жойларда фармацевтика, биологик, ветеринария чиқиндиларини юқори ҳароратда, термик қайта ишлаш марказларини ташкил этиш мажбуриятини олиши белгиланганлиги маълумот учун қабул қилинсин.
2. Инвестиция лойиҳасини амалга ошириш доирасида Инвестор, Лойиҳа компанияси ва Ўзбекистон Республикаси Ҳукумати номидан Инвестициялар, саноат ва савдо вазирлиги ўртасида тузилган Инвестиция шартномаси тасдиқлансин.
3. Соғлиқни сақлаш вазирлиги Лойиҳа компанияси билан биргаликда бир ой муддатда:
Инвестиция лойиҳаси амалга ошириладиган ҳудудларда жойлашган барча турдаги тиббиёт муассасаларида ҳосил бўладиган тиббиёт чиқиндилари Лойиҳа компаниясига тўлиқ етказиб берилишини;
тиббиёт чиқиндиларини термик қайта ишлаш ҳисобига ишлаб чиқарилган иссиқлик энергияси Инвестиция лойиҳаси амалга ошириладиган давлат тиббиёт муассасалари томонидан сотиб олинишини;
Инвестиция лойиҳасини амалга ошириш муддати тугагандан сўнг ушбу лойиҳа доирасида харид қилинган асбоб-ускуналар, қурилма ва жиҳозлар тегишли республика ижро этувчи ҳокимият органлари билан келишилган ҳолда, маҳаллий ҳамкор ташкилотларга бепул ўтказиб берилишини назарда тутувчи шартнома имзоланишини таъминласин.
4. Белгилансинки, 2024 йил 1 августдан бошлаб:
а) Соғлиқни сақлаш вазирлиги томонидан:
тиббиёт чиқиндиларидан муқобил иссиқлик энергиясини ишлаб чиқариш учун барча турдаги тиббиёт муассасаларида ҳосил бўладиган тиббиёт чиқиндилари тўлиқ ҳажмда Лойиҳа компаниясига топширилади;
Лойиҳа компаниясига 2048 йилга қадар Инвестиция лойиҳаси амалга ошириладиган давлат тиббиёт муассасалари ҳудудидан тиббиёт чиқиндиларини термик қайта ишлаш ҳамда иссиқлик энергияси ишлаб чиқариш қурилма ва иншоотларини қуриш учун ер майдонлари жамоат эҳтиёжлари учун ижарага берилиши таъминланади. Бунда, ер участкалари учун тўланадиган ижара ҳақи ер солиғига тенглаштирилган миқдорда ҳисобланади;
Лойиҳа компанияси томонидан ишлаб чиқарилган иссиқлик энергияси белгиланган тартибда тасдиқланган тарифларда тиббиёт муассасалари томонидан сотиб олиниши таъминланади. Бунда иссиқлик энергияси бошқа шахсларга ҳам белгиланган тартибда етказиб берилиши мумкин;
б) Инвестиция лойиҳаси амалга ошириладиган ҳудудларда жойлашган барча турдаги тиббиёт муассасаларида ҳосил бўладиган тиббиёт чиқиндиларини Лойиҳа компаниясига тўлиқ етказиб бериш бўйича талабга риоя этмаслик санитар осойишталик ва чиқиндиларни тўплаш, ташиш, жойлаштириш, зарарсизлантириш, сақлаш, утилизация қилиш, қайта ишлаш ҳамда реализация қилиш давомида табиатни муҳофаза қилиш талабларини бузганлик ҳисобланади.
5. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Соғлиқни сақлаш вазирлиги ҳамда Иқтисодиёт ва молия вазирлиги Лойиҳа компанияси билан биргаликда 2024 йил 1 сентябрдан бошлаб ҳар йили республика ва маҳаллий бюджетлар параметрлари тасдиқланишидан аввал Лойиҳа компанияси томонидан кўрсатиладиган иссиқлик таъминоти хизматлари учун тартибга солинадиган янги нархларни (тарифларни) қайта кўриб чиқиш амалиётини мазкур қарорга иловада белгиланган схемага мувофиқ жорий этсин.
6. Соғлиқни сақлаш вазирлиги:
икки ой муддатда Экология вазирлиги билан биргаликда барча турдаги тиббиёт муассасаларида тиббиёт чиқиндиларининг ҳосил бўлиш нормалари ва морфологик таркибини аниқлашни, шунингдек, уларни утилизация қилиш корхоналарига топшириш бўйича талабларнинг тиббий фаолиятни лицензиялаш талабларига киритилишини назарда тутувчи норматив-ҳуқуқий ҳужжат лойиҳасини ишлаб чиқсин ҳамда белгиланган тартибда Вазирлар Маҳкамасига киритсин;
икки ҳафта муддатда Инвестиция лойиҳаси амалга ошириладиган давлат тиббиёт муассасаларининг ҳудудларидаги тегишли жойларни ижара асосида Лойиҳа компаниясига берилишини таъминласин.
7. Лойиҳа компаниясига Инвестиция лойиҳасининг биринчи босқичи доирасида белгиланган шаҳарсозлик нормалари ва қоидаларига риоя қилган ҳолда, параллель лойиҳалаш билан қурилиш-монтаж ишларини бажаришга рухсат этилсин.
8. Иқтисодиёт ва молия вазирлиги Соғлиқни сақлаш вазирлиги билан биргаликда 2024 йил 1 сентябрдан бошлаб ҳар йили тиббиёт муассасаларида ҳосил бўладиган тиббиёт чиқиндиларининг Лойиҳа компаниясига тўлиқ етказиб берилганлиги ҳамда иссиқлик энергиясининг давлат тиббиёт муассасалари томонидан сотиб олинганлиги учун тўланадиган маблағларнинг Давлат бюджети параметрларида назарда тутилишини таъминлаб борсин.
9. Инвестиция лойиҳаси доирасида:
Ташқи ишлар вазирлиги жалб қилинадиган хорижий мутахассислар учун кириш визалари, зарур ҳолларда, Ислом Каримов номидаги «Тошкент» халқаро аэропортида белгиланган тартибда расмийлаштирилишини;
Ички ишлар вазирлиги Лойиҳа компанияси ва жалб қилинган пудрат ташкилотларининг хорижий мутахассислари ҳамда уларнинг оила аъзоларига кўп марталик виза муддатлари узайтирилишини, шунингдек, уларнинг турган жойи бўйича рўйхатдан ўтказилишини (муддати узайтирилишини);
Камбағалликни қисқартириш ва бандлик вазирлиги Лойиҳа компанияси аризаларига биноан жалб этилган хорижий мутахассисларга Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
10. Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссиясига, зарур ҳолларда, Инвестиция лойиҳасининг мақсадли кўрсаткичларига ва техник-иқтисодий параметрларига Инвестор билан келишилган ҳолда ўзгартириш ва қўшимчалар киритиш ҳуқуқи берилсин.
11. Мазкур қарор ижросини самарали ташкил қилишга масъул ва шахсий жавобгар этиб экология, атроф-муҳитни муҳофаза қилиш ва иқлим ўзгариши вазири А.А. Абдухакимов ва соғлиқни сақлаш вазири вазифасини бажарувчи А.А. Худаяров белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 17 июлдаги ПҚ-263-сон қарорига ИЛОВА
Лойиҳа компанияси томонидан кўрсатиладиган иссиқлик таъминоти хизматлари учун тартибга солинадиган янги нархларни (тарифларни) қайта кўриб чиқиш
Босқичлар Субъектлар Чора-тадбирлар Муддатлар 1-босқич Лойиҳа компанияси 1. Ҳар бир туманда (шаҳарда) иссиқлик таъминоти хизматлари учун асослантирилган янги нархларни (тарифларни) ишлаб чиқади. 2. Соғлиқни сақлаш вазирлигига ҳар бир ҳудуд кесимида нархларни (тарифларни) тақдим этади. Ҳар йили 1 октябрга қадар 2-босқич Соғлиқни сақлаш вазирлиги 1. Лойиҳа компанияси томонидан тақдим этилган нархлар (тарифлар) асослантирилганлигини ўрганиб чиқади. 2. Лойиҳа компанияси томонидан тақдим этилган нархлар (тарифлар) тўғрисидаги маълумотларни умумлаштирган ҳолда, тегишли хулоса асосида Иқтисодиёт ва молия вазирлигининг ҳудудий органларига киритади. 3. Иқтисодиёт ва молия вазирлиги ҳудудий бўлинмалари хулосаси асосида янги нархларни (тарифларни) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига кўриб чиқиш учун киритади. Ҳар йили 1 ноябрга қадар 3-босқич Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 1. Янги нархларни (тарифларни) қабул қилиш ёки рад этиш асослилигини кўриб чиқади. 2. Янги нархларни (тарифларни) Иқтисодиёт ва молия вазирлиги ҳудудий бўлинмалари хулосаси асосида халқ депутатлари маҳаллий Кенгашларига кўриб чиқиш учун киритади. Ҳар йили 1 ноябрдан 20 ноябрга қадар 4-босқич Халқ депутатлари туман (шаҳар) Кенгашлари Кўрсатиладиган иссиқлик таъминоти хизматлари учун тартибга солинадиган янги нархларни (тарифларни) қайта кўриб чиқади ва маъқулланган тақдирда тасдиқлайди. Ҳар йили 1 декабрга қадар 5-босқич Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Иқтисодиёт ва молия вазирлиги 1. Халқ депутатлари туман (шаҳар) Кенгашлари томонидан тасдиқланган иссиқлик таъминоти хизматлари учун тартибга солинадиган янги нархлар (тарифлар) тўғрисидаги маълумотларни Соғлиқни сақлаш вазирлигига тақдим этади. Ҳар йили 1 декабрга қадар 2. Соғлиқни сақлаш вазирлиги томонидан тақдим этилган таклифлар қабул қилинмаган тақдирда, маҳаллий бюджет маблағларидан Лойиҳа компанияси зарарларини ҳар ойда қоплаш учун субсидиялар ажратиш тўғрисидаги қарорни тасдиқлайди. Ҳар йили 1 январга қадар
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 17 июль,
ПҚ-263-сон
Oʻzbekiston Respublikasi Prezidentining
Qarori
SXEMASI
“Tibbiyot chiqindilaridan muqobil issiqlik energiyasi ishlab chiqarish” investitsiya loyihasini amalga oshirish chora-tadbirlari toʻgʻrisida
Mamlakatimizda ekologik vaziyatni yaxshilash, chiqindilarning, shu jumladan, tibbiyot chiqindilarining atrof-muhitga va aholi salomatligiga salbiy taʼsirini kamaytirish, shuningdek, ularni qayta ishlash sohasida zamonaviy yechimlar va texnologiyalarni joriy etish maqsadida:
1. Quyidagilar:
a) “Sayar LLC” kompaniyasi (Amerika Qoʻshma Shtatlari) (keyingi oʻrinlarda — Investor) tomonidan “Tibbiyot chiqindilaridan muqobil issiqlik energiyasi ishlab chiqarish” investitsiya loyihasi (keyingi oʻrinlarda — Investitsiya loyihasi) doirasida “Sayar green” masʼuliyati cheklangan jamiyati shaklidagi xorijiy korxona (keyingi oʻrinlarda — Loyiha kompaniyasi) taʼsis etilganligi;
b) Investor, Loyiha kompaniyasi va Oʻzbekiston Respublikasi Hukumati nomidan Investitsiyalar, sanoat va savdo vazirligi oʻrtasida 2024-yil 13-aprelda investitsiya shartnomasi imzolanganligi hamda unga muvofiq Investor va Loyiha kompaniyasi:
birinchi bosqichda, 2024-2025-yillar davomida 7 million AQSH dollari miqdorida toʻgʻridan-toʻgʻri investitsiyalarni jalb etib, Toshkent shahri, Samarqand va Buxoro viloyatlarining barcha turdagi tibbiyot muassasalarida yiliga hosil boʻladigan 6 ming tonna tibbiyot chiqindilarini termik qayta ishlab, 20 GVt soat/yil quvvatga ega uskunalarni ishga tushirishi;
ikkinchi bosqichda, 2026 — 2030-yillar davomida 108 million AQSH dollari miqdorida toʻgʻridan-toʻgʻri investitsiyalarni jalb etib, respublikaning qolgan hududlarida joylashgan barcha turdagi tibbiyot muassasalarida yiliga hosil boʻladigan 90 ming tonna tibbiyot chiqindilarini termik qayta ishlab, 300 GVt soat/yil quvvatga ega uskunalarni ishga tushirishi;
Investorning takliflariga muvofiq Ekologiya, atrof-muhitni muhofaza qilish va iqlim oʻzgarishi vazirligiga (keyingi oʻrinlarda — Ekologiya vazirligi) tegishli maishiy chiqindi poligonlari hamda maxsus tashkil etiladigan joylarda farmatsevtika, biologik, veterinariya chiqindilarini yuqori haroratda, termik qayta ishlash markazlarini tashkil etish majburiyatini olishi belgilanganligi maʼlumot uchun qabul qilinsin.
2. Investitsiya loyihasini amalga oshirish doirasida Investor, Loyiha kompaniyasi va Oʻzbekiston Respublikasi Hukumati nomidan Investitsiyalar, sanoat va savdo vazirligi oʻrtasida tuzilgan Investitsiya shartnomasi tasdiqlansin.
3. Sogʻliqni saqlash vazirligi Loyiha kompaniyasi bilan birgalikda bir oy muddatda:
Investitsiya loyihasi amalga oshiriladigan hududlarda joylashgan barcha turdagi tibbiyot muassasalarida hosil boʻladigan tibbiyot chiqindilari Loyiha kompaniyasiga toʻliq yetkazib berilishini;
tibbiyot chiqindilarini termik qayta ishlash hisobiga ishlab chiqarilgan issiqlik energiyasi Investitsiya loyihasi amalga oshiriladigan davlat tibbiyot muassasalari tomonidan sotib olinishini;
Investitsiya loyihasini amalga oshirish muddati tugagandan soʻng ushbu loyiha doirasida xarid qilingan asbob-uskunalar, qurilma va jihozlar tegishli respublika ijro etuvchi hokimiyat organlari bilan kelishilgan holda, mahalliy hamkor tashkilotlarga bepul oʻtkazib berilishini nazarda tutuvchi shartnoma imzolanishini taʼminlasin.
4. Belgilansinki, 2024-yil 1-avgustdan boshlab:
a) Sogʻliqni saqlash vazirligi tomonidan:
tibbiyot chiqindilaridan muqobil issiqlik energiyasini ishlab chiqarish uchun barcha turdagi tibbiyot muassasalarida hosil boʻladigan tibbiyot chiqindilari toʻliq hajmda Loyiha kompaniyasiga topshiriladi;
Loyiha kompaniyasiga 2048-yilga qadar Investitsiya loyihasi amalga oshiriladigan davlat tibbiyot muassasalari hududidan tibbiyot chiqindilarini termik qayta ishlash hamda issiqlik energiyasi ishlab chiqarish qurilma va inshootlarini qurish uchun yer maydonlari jamoat ehtiyojlari uchun ijaraga berilishi taʼminlanadi. Bunda, yer uchastkalari uchun toʻlanadigan ijara haqi yer soligʻiga tenglashtirilgan miqdorda hisoblanadi;
Loyiha kompaniyasi tomonidan ishlab chiqarilgan issiqlik energiyasi belgilangan tartibda tasdiqlangan tariflarda tibbiyot muassasalari tomonidan sotib olinishi taʼminlanadi. Bunda issiqlik energiyasi boshqa shaxslarga ham belgilangan tartibda yetkazib berilishi mumkin;
b) Investitsiya loyihasi amalga oshiriladigan hududlarda joylashgan barcha turdagi tibbiyot muassasalarida hosil boʻladigan tibbiyot chiqindilarini Loyiha kompaniyasiga toʻliq yetkazib berish boʻyicha talabga rioya etmaslik sanitar osoyishtalik va chiqindilarni toʻplash, tashish, joylashtirish, zararsizlantirish, saqlash, utilizatsiya qilish, qayta ishlash hamda realizatsiya qilish davomida tabiatni muhofaza qilish talablarini buzganlik hisoblanadi.
5. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Sogʻliqni saqlash vazirligi hamda Iqtisodiyot va moliya vazirligi Loyiha kompaniyasi bilan birgalikda 2024-yil 1-sentabrdan boshlab har yili respublika va mahalliy budjetlar parametrlari tasdiqlanishidan avval Loyiha kompaniyasi tomonidan koʻrsatiladigan issiqlik taʼminoti xizmatlari uchun tartibga solinadigan yangi narxlarni (tariflarni) qayta koʻrib chiqish amaliyotini mazkur qarorga ilovada belgilangan sxemaga muvofiq joriy etsin.
6. Sogʻliqni saqlash vazirligi:
ikki oy muddatda Ekologiya vazirligi bilan birgalikda barcha turdagi tibbiyot muassasalarida tibbiyot chiqindilarining hosil boʻlish normalari va morfologik tarkibini aniqlashni, shuningdek, ularni utilizatsiya qilish korxonalariga topshirish boʻyicha talablarning tibbiy faoliyatni litsenziyalash talablariga kiritilishini nazarda tutuvchi normativ-huquqiy hujjat loyihasini ishlab chiqsin hamda belgilangan tartibda Vazirlar Mahkamasiga kiritsin;
ikki hafta muddatda Investitsiya loyihasi amalga oshiriladigan davlat tibbiyot muassasalarining hududlaridagi tegishli joylarni ijara asosida Loyiha kompaniyasiga berilishini taʼminlasin.
7. Loyiha kompaniyasiga Investitsiya loyihasining birinchi bosqichi doirasida belgilangan shaharsozlik normalari va qoidalariga rioya qilgan holda, parallel loyihalash bilan qurilish-montaj ishlarini bajarishga ruxsat etilsin.
8. Iqtisodiyot va moliya vazirligi Sogʻliqni saqlash vazirligi bilan birgalikda 2024-yil 1-sentabrdan boshlab har yili tibbiyot muassasalarida hosil boʻladigan tibbiyot chiqindilarining Loyiha kompaniyasiga toʻliq yetkazib berilganligi hamda issiqlik energiyasining davlat tibbiyot muassasalari tomonidan sotib olinganligi uchun toʻlanadigan mablagʻlarning Davlat budjeti parametrlarida nazarda tutilishini taʼminlab borsin.
9. Investitsiya loyihasi doirasida:
Tashqi ishlar vazirligi jalb qilinadigan xorijiy mutaxassislar uchun kirish vizalari, zarur hollarda, Islom Karimov nomidagi “Toshkent” xalqaro aeroportida belgilangan tartibda rasmiylashtirilishini;
Ichki ishlar vazirligi Loyiha kompaniyasi va jalb qilingan pudrat tashkilotlarining xorijiy mutaxassislari hamda ularning oila aʼzolariga koʻp martalik viza muddatlari uzaytirilishini, shuningdek, ularning turgan joyi boʻyicha roʻyxatdan oʻtkazilishini (muddati uzaytirilishini);
Kambagʻallikni qisqartirish va bandlik vazirligi Loyiha kompaniyasi arizalariga binoan jalb etilgan xorijiy mutaxassislarga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
10. Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasiga, zarur hollarda, Investitsiya loyihasining maqsadli koʻrsatkichlariga va texnik-iqtisodiy parametrlariga Investor bilan kelishilgan holda oʻzgartirish va qoʻshimchalar kiritish huquqi berilsin.
11. Mazkur qaror ijrosini samarali tashkil qilishga masʼul va shaxsiy javobgar etib ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov va sogʻliqni saqlash vaziri vazifasini bajaruvchi A.A. Xudayarov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 17-iyuldagi PQ-263-son qaroriga ILOVA
Loyiha kompaniyasi tomonidan koʻrsatiladigan issiqlik taʼminoti xizmatlari uchun tartibga solinadigan yangi narxlarni (tariflarni) qayta koʻrib chiqish
Bosqichlar Subyektlar Chora-tadbirlar Muddatlar 1-bosqich Loyiha kompaniyasi 1. Har bir tumanda (shaharda) issiqlik taʼminoti xizmatlari uchun asoslantirilgan yangi narxlarni (tariflarni) ishlab chiqadi. 2. Sogʻliqni saqlash vazirligiga har bir hudud kesimida narxlarni (tariflarni) taqdim etadi. Har yili 1-oktabrga qadar 2-bosqich Sogʻliqni saqlash vazirligi 1. Loyiha kompaniyasi tomonidan taqdim etilgan narxlar (tariflar) asoslantirilganligini oʻrganib chiqadi. 2. Loyiha kompaniyasi tomonidan taqdim etilgan narxlar (tariflar) toʻgʻrisidagi maʼlumotlarni umumlashtirgan holda, tegishli xulosa asosida Iqtisodiyot va moliya vazirligining hududiy organlariga kiritadi. 3. Iqtisodiyot va moliya vazirligi hududiy boʻlinmalari xulosasi asosida yangi narxlarni (tariflarni) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga koʻrib chiqish uchun kiritadi. Har yili 1-noyabrga qadar 3-bosqich Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 1. Yangi narxlarni (tariflarni) qabul qilish yoki rad etish asosliligini koʻrib chiqadi. 2. Yangi narxlarni (tariflarni) Iqtisodiyot va moliya vazirligi hududiy boʻlinmalari xulosasi asosida xalq deputatlari mahalliy Kengashlariga koʻrib chiqish uchun kiritadi. Har yili 1-noyabrdan 20-noyabrga qadar 4-bosqich Xalq deputatlari tuman (shahar) Kengashlari Koʻrsatiladigan issiqlik taʼminoti xizmatlari uchun tartibga solinadigan yangi narxlarni (tariflarni) qayta koʻrib chiqadi va maʼqullangan taqdirda tasdiqlaydi. Har yili 1-dekabrga qadar 5-bosqich Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Iqtisodiyot va moliya vazirligi 1. Xalq deputatlari tuman (shahar) Kengashlari tomonidan tasdiqlangan issiqlik taʼminoti xizmatlari uchun tartibga solinadigan yangi narxlar (tariflar) toʻgʻrisidagi maʼlumotlarni Sogʻliqni saqlash vazirligiga taqdim etadi. Har yili 1-dekabrga qadar 2. Sogʻliqni saqlash vazirligi tomonidan taqdim etilgan takliflar qabul qilinmagan taqdirda, mahalliy budjet mablagʻlaridan Loyiha kompaniyasi zararlarini har oyda qoplash uchun subsidiyalar ajratish toʻgʻrisidagi qarorni tasdiqlaydi. Har yili 1-yanvarga qadar
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 17-iyul,
PQ-263-son
Президента Республики Узбекистан
Постановление
О мерах по реализации инвестиционного проекта «Производство альтернативной тепловой энергии из медицинских отходов»
В целях улучшения экологической обстановки в стране, снижения негативного воздействия отходов, в том числе медицинских, на окружающую среду и здоровье населения, а также внедрения современных решений и технологий в сфере их переработки:
1. Принять к сведению, что:
а) в рамках инвестиционного проекта «Производство альтернативной тепловой энергии из медицинских отходов» (далее — Инвестиционный проект) компанией «Sayar LLC» (Соединенные Штаты Америки) (далее — Инвестор) учреждено иностранное предприятие «Sayar green» в форме общества с ограниченной ответственностью (далее — Проектная компания);
б) между Инвестором, Проектной компанией и Правительством Республики Узбекистан в лице Министерства инвестиций, промышленности и торговли Республики Узбекистан 13 апреля 2024 года подписан инвестиционный договор, в соответствии с которым Инвестор и Проектная компания принимают обязательства:
привлечения на первом этапе в течение 2024-2025 годов прямых инвестиций в размере 7 миллионов долларов США, ежегодной термической переработки 6 тысяч тонн медицинских отходов, образующихся в медицинских учреждениях всех типов в городе Ташкенте, Самаркандской и Бухарской областях, а также запуска устройств мощностью 20 ГВт час/год;
привлечения на втором этапе в течение 2026 — 2030 годов прямых инвестиций в размере 108 миллионов долларов США, ежегодной термической переработки 90 тысяч тонн медицинских отходов, образующихся в медицинских учреждениях всех типов, расположенных в остальных регионах республики, а также запуска устройств мощностью 300 ГВт час/год;
исходя из предложений Инвестора организации соответствующих полигонов бытовых отходов в специально отводимых местах Министерства экологии, охраны окружающей среды и изменения климата (далее — Министерства экологии) и центров высокотемпературной термической переработки фармацевтических, биологических, ветеринарных отходов.
2. Утвердить Инвестиционный договор, заключенный между Правительством Республики Узбекистан в лице Министерства инвестиций, промышленности и торговли, Инвестором и Проектной компанией в рамках реализации Инвестиционного проекта.
3. Министерству здравоохранения совместно с Проектной компанией в месячный срок обеспечить заключение договора, предусматривающего:
полную поставку Проектной компании медицинских отходов, образующихся в медицинских учреждениях всех типов, расположенных в регионах реализации Инвестиционного проекта;
закупку государственными медицинскими учреждениями, в которых реализуется Инвестиционный проект, тепловой энергии, произведенной за счет термической переработки медицинских отходов;
передача на безвозмездной основе отечественным партнерским организациям оборудования, устройств и инвентаря, закупленного в рамках данного проекта, с согласованием с соответствующими республиканскими органами исполнительной власти после завершения срока реализации Инвестиционного проекта.
4. Установить, что с 1 августа 2024 года:
а) Министерством здравоохранения:
медицинские отходы, образующиеся в медицинских учреждениях всех типов, передаются Проектной компании в полном объеме для производства альтернативной тепловой энергии из медицинских отходов;
Проектной компании в срок до 2048 года обеспечивается передача в аренду земельных площадей на территории государственных медицинских учреждений, на которых реализуется Инвестиционный проект, для строительства устройств и сооружений термической переработки медицинских отходов и производства тепловой энергии для общественных нужд. При этом арендная плата за земельные участки рассчитывается в размере, приравненном земельному налогу;
обеспечивается закупка медицинскими учреждениями тепловой энергии, произведенной Проектной компанией, по тарифам, утвержденным в установленном порядке. При этом поставка тепловой энергии другим лицам может также осуществляться в установленном порядке;
б) несоблюдение требования полной поставки Проектной компании медицинских отходов, образующихся в медицинских учреждениях всех типов, расположенных в регионах реализации Инвестиционного проекта, считается нарушением требований санитарного благополучия и охраны природы в период сбора, транспортировки, размещения, обеззараживания, хранения, утилизации, переработки и реализации отходов.
5. Совету Министров Республики Каракалпакстан, хокимиятам областей и города Ташкента, Министерству здравоохранения, Министерству экономики и финансов совместно с Проектной компанией начиная с 1 сентября 2024 года внедрить согласно схеме, определенной приложением * к настоящему постановлению, ежегодную практику пересмотра новых цен (тарифов) регулирования услуг теплового снабжения, оказываемых Проектной компанией, до утверждения параметров республиканского и местного бюджетов.
6. Министерству здравоохранения:
в двухмесячный срок совместно с Министерством экологии разработать и внести в установленном порядке в Кабинет Министров проект нормативно-правового акта, предусматривающего определение норм образования и морфологического состава медицинских отходов в медицинских учреждениях всех типов, а также включение требований по сдаче их предприятиям по утилизации в требования лицензирования медицинской деятельности;
в двухнедельный срок обеспечить передачу Проектной компании на основе арендны соответствующих мест на территории государственных медицинских учреждений, в которых реализуется Инвестиционный проект.
7. Разрешить Проектной компании выполнение строительно-монтажных работ параллельно с проектированием при соблюдении градостроительных норм и правил, определенных в рамках Инвестиционного проекта.
8. Министерству экономики и финансов совместно с Министерством здравоохранения начиная с 1 сентября 2024 года обеспечивать ежегодное предусмотрение в параметрах Государственного бюджета средств, уплачиваемых за полную поставку Проектной компании медицинских отходов, образующихся в медицинских учреждениях, и закупку государственными медицинскими учреждениями тепловой энергии.
9. В рамках Инвестиционного проекта обеспечить:
Министерству иностранных дел — оформление в установленном порядке въездных виз для привлекаемых зарубежных специалистов, при необходимости в международном аэропорту «Ташкент» имени Ислама Каримова;
Министерству внутренних дел — продление срока многоразовых виз зарубежным специалистам Проектной компании и привлекаемых подрядных организаций, и членам их семей, а также их регистрацию по месту пребывания и продление ее срока;
Министерству занятости и сокращения бедности — по заявкам Проектной компании в установленном порядке выдачу (продление) привлеченным зарубежным специалистам подтверждений на право трудовой деятельности на территории Республики Узбекистан.
10. Предоставить Правительственной комиссии по вопросам развития и технического регулирования внешней торговли, инвестиций, отечественной промышленности право вносить при необходимости изменения и дополнения в целевые показатели и технико-экономические параметры Инвестиционного проекта по согласованию с Инвестором.
11. Возложить на министра экологии, охраны окружающей среды и изменения климата А.А. Абдухакимова и исполняющего обязанности министра здравоохранения А.А. Худоярова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ответственных организаций возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
17 июля 2024 г.,
№ ПП-263