UzbekAI

Ўзбекистон Республикаси Президентининг

Қарори

ТАРКИБИ

Ўзбекистон Республикаси давлат мустақиллигининг ўттиз уч йиллик байрамига тайёргарлик кўриш ва уни ўтказиш тўғрисида

Бундан ўттиз уч йил олдин ўта оғир ва мураккаб тарихий вазиятда қўлга киритилган миллий истиқлолимиз бугунги кунда кўп миллатли бутун халқимизни Янги Ўзбекистонни барпо этишдек буюк мақсад йўлида бирлаштириб, янги ютуқ ва марралар сари илҳомлантирмоқда.

Айнан мустақиллик туфайли мамлакатимиз суверен, демократик, ҳуқуқий, ижтимоий ва дунёвий давлатга, халқаро ҳуқуқнинг тўлақонли субъектига айланди. Дунё бизни янгитдан таниди ва тан олди. Ер юзидаги турли давлатлар ва халқлар билан дўстлик ҳамда ҳамкорлик алоқаларимиз тобора кенгайиб, юртимизнинг халқаро майдондаги мавқеи ва нуфузи ортиб бормоқда.

Айниқса, кейинги йилларда мамлакатимизда амалга оширилаётган кенг кўламли демократик ислоҳотлар жараёнида мустақил давлат бўлиб, дунёга очилиб яшаш, эркин ва озод халқлар оиласида муносиб ўрин эгаллаб, замонавий тараққиётга эришиш нақадар улуғ бахт ва шараф, шу билан бирга, улкан масъулият эканини янада чуқур ҳис этмоқдамиз.

Халқимизнинг миллий манфаатларини таъминлашга қаратилган ички ва ташқи сиёсат борасидаги туб ўзгаришлар, эришилаётган амалий натижалар халқаро ҳамжамият томонидан эътироф этилмоқда ва қўллаб-қувватланмоқда.

Барчамиз инсон қадри олий мезон бўлган янги ҳаёт, янги жамият қуриш йўлида қўлга киритган зафарларимизни мустақил тараққиёт ғоясига ҳамиша содиқ, мард ва матонатли халқимизнинг фидокорона меҳнати, ақл-заковати ва бунёдкорлик салоҳияти маҳсули деб биламиз ва ана шундай олижаноб элнинг фарзандлари эканимиздан чексиз фахрланамиз.

Ўзбекистон Республикаси давлат мустақиллигининг ўттиз уч йиллик шонли санасини чинакам умумхалқ байрами, озодлик ва саодат айёми сифатида кўтаринки кайфиятда кутиб олиш ҳамда мамлакатимизнинг бугунги тараққиёт даражаси, юксалиш суръатларига муносиб тарзда нишонлаш мақсадида:

1. Ўзбекистон Республикаси давлат мустақиллигининг ўттиз уч йиллик байрамига тайёргарлик кўриш ва уни ўтказиш бўйича республика комиссиясининг (кейинги ўринларда — Республика комиссияси) таркиби иловага мувофиқ тасдиқлансин.

2. Республика комиссияси (А. Арипов):

бир ҳафта муддатда «Бир бўлсак — ягона халқмиз, бирлашсак — Ватанмиз!» деган бош ғояни ўзида мужассам этган ташкилий-амалий, маънавий-маърифий тадбирлар ҳамда тарғибот-ташвиқот ишлари дастурини тасдиқласин. Мазкур дастур «Ўзбекистон — 2030» стратегияси , шунингдек, «Ёшлар ва бизнесни қўллаб-қувватлаш йили» бўйича қабул қилинган давлат дастури билан уйғун ҳолда тайёрлансин;

Ўзбекистон Республикаси давлат мустақиллигининг ўттиз уч йиллик байрами (кейинги ўринларда — Мустақиллик байрами) Қорақалпоғистон Республикаси, вилоятлар марказлари ва Тошкент шаҳрида, шунингдек, барча шаҳар ҳамда туманлар, қишлоқ ва овулларда муносиб нишонланишини таъминласин;

ҳудудларда кенг аҳоли қатламлари ўртасида Мустақиллик байрамига бағишланган маънавий-маърифий анжуманлар, уч авлод учрашувларини, очиқ мулоқот ва суҳбатлар, адабий-бадиий кечалар, миллий кино кунлари, сайиллар, маданият ва спорт тадбирлари, гастрономик фестивалларни самарали ўтказиш мақсадида атоқли илм-фан намояндалари, маданият ва санъат арбоблари, таниқли спортчилар, кенг жамоатчилик вакилларидан иборат тарғибот гуруҳларини ташкил этсин ҳамда уларнинг аниқ режа асосида фаолият юритишини таъминласин;

Мустақиллик байрамига бағишланган барча тадбирларнинг юқори савияда ташкил этилиши юзасидан ҳар бир ҳудуд, вазирлик ва идора раҳбарларининг ҳисоботларини ўз йиғилишларида мунтазам равишда эшитиб борсин.

3. Қорақалпоғистон Республикаси, вилоятлар ва Тошкент шаҳрида ўтказиладиган асосий байрам тадбирларининг дастурларини тайёрлашга юқори профессионал маҳорат ҳамда тажрибага эга бўлган сценарийчи ва режиссёрлар, шоир ва адиблар, бастакор ҳамда балетмейстерлар, саҳна рассомлари, истеъдодли ёш ижрочилар, мақом ва бахшичилик санъати вакилларидан иборат ижодий гуруҳлар кенг жалб этилсин.

4. Жойларда Мустақиллик байрамини юқори савияда нишонлаш мақсадида қуйидаги масалаларга алоҳида эътибор қаратилсин:

юртимизда инсон қадри, унинг ҳуқуқ ва манфаатлари етакчи ўринда турадиган ижтимоий давлат ва халқпарвар жамият қуриш йўлида амалга оширилаётган тарихий ишлар, меҳнаткаш ва бағрикенг халқимизнинг бунёдкорлик салоҳияти билан эришилаётган улкан натижаларнинг мазмун-моҳияти ҳақида маҳаллалар, таълим муассасалари, меҳнат жамоаларида маърифий учрашув ва суҳбатлар ўтказиш;

кейинги йилларда мамлакатимизда инвестиция ва бизнес муҳитини тубдан яхшилаш, тадбиркорлар учун имкониятларни ҳар томонлама кенгайтириш, «яшил» ва рақамли иқтисодиётга ўтиш бўйича ҳаётга татбиқ этилаётган йирик дастур ва лойиҳалар ҳамда бу борада қўлга киритилаётган ютуқларни аниқ ҳаётий мисоллар орқали кенг ёритиш;

суд-ҳуқуқ тизимини ислоҳ этиш, шаҳар ва қишлоқларимизни обод қилиш, маҳалла тизимини халқимизга янада яқинлаштириш йўлидаги доимий саъй-ҳаракатлар ва уларнинг самараси ҳақидаги тарғибот ишларини янада кучайтириш;

юртимизда дўстлик ва ҳамжиҳатлик муҳити тобора мустаҳкамланиб, минтақамиздаги яхши қўшничилик, тинчликсевар ташқи сиёсат туфайли Ўзбекистоннинг жаҳон ҳамжамиятидаги обрў-эътибори юксалаётгани, ишончли ҳамкорларимиз сафи кенгайиб бораётганини чуқур таҳлиллар асосида кўрсатиб бериш;

навқирон авлодга Янги Ўзбекистоннинг келажаги сифатида алоҳида эътибор қаратилаётгани, ёшлар билан ишлаш бўйича ноёб вертикал бошқарув тизимининг яратилиши натижасида уларни замонавий касб-ҳунарларга ўқитиш, бандлигини таъминлаш, бўш вақтини мазмунли ўтказиш ва ижтимоий қўллаб-қувватлаш бўйича юртимизда шаклланган самарали ва таъсирчан тизим моҳиятини очиб бериш;

соғлиқни сақлаш, илм-фан, маданият ва санъат, спорт соҳаларини ривожлантириш, нуронийлар ва хотин-қизларга доимий ғамхўрлик кўрсатиш, оила, оналик ва болаликни ҳимоя қилиш, гендер тенглик бўйича амалга оширилаётган ижтимоий дастурлар мазмунига алоҳида эътибор қаратиш;

давлатимиз мустақиллиги, унинг хавфсизлиги ва ҳудудий яхлитлигининг ишончли кафолати бўлган Ўзбекистон Қуролли Кучларининг ҳарбий ва жанговар қудратини ошириш мақсадида амалга оширилаётган ишларни кенг тарғиб этиш;

Мустақиллик байрами муносабати билан кекса авлод вакилларини, хусусан, Иккинчи жаҳон уруши қатнашчилари ва меҳнат фронти фахрийларини ҳар томонлама эъзозлаш, «Меҳрибонлик», «Саховат» ва «Мурувват» уйларида яшаётган шахслар, ижтимоий ҳимоя дафтарларига киритилган ҳамда кўмакка муҳтож инсонларнинг ҳолидан хабар олиш, уларга моддий ва маънавий ёрдам бериш билан боғлиқ хайрия тадбирларини ўтказиш;

Ватанимизнинг миллий истиқлоли, халқимиз озодлиги учун курашиб, шу йўлда жон фидо этган, мустабид тузум даврида сиёсий қатағон қурбони бўлган ота-боболаримизнинг хотирасини ёд этиш бўйича белгиланган чора-тадбирларни амалга ошириш.

5. Маданият вазирлиги (О. Назарбеков):

Республика Маънавият ва маърифат маркази, Ёзувчилар уюшмаси билан биргаликда бир ҳафта муддатда Тошкент шаҳрида Мустақиллик байрамига бағишлаб ўтказиладиган театрлаштирилган концерт томошасининг дастури ва сценарийсини ишлаб чиқсин ҳамда уни юксак ғоявий-бадиий савияда тайёрлаш чораларини кўрсин;

Бадиий академия, Ёзувчилар уюшмаси, Журналистлар уюшмаси билан биргаликда «Она диёр — ранглар жилосида», «Ватан учун яшайлик!», «Энг улуғ, энг азиз» каби анъанавий кўрик-танловларни юқори даражада ўтказишни таъминласин;

Композиторлар ва бастакорлар уюшмаси, Ёзувчилар уюшмаси билан биргаликда юртимиз истиқлолини тараннум этувчи энг яхши қўшиқ ва мусиқа асарлари танловларининг якуний босқичини ўтказсин;

мазкур танловларнинг ғолиб ва совриндорларини Мустақиллик байрами арафасида эълон қилиш ва уларни тантанали равишда тақдирлаш чораларини кўрсин.

6. Белгилаб қўйилсинки, ўтказиладиган байрам тадбирлари:

Қорақалпоғистон Республикаси ва вилоятларда — тегишли маҳаллий бюджетларнинг қўшимча манбалари ҳамда жисмоний ва юридик шахсларнинг ҳомийлик хайриялари ҳисобидан;

Тошкент шаҳрида — Республика комиссияси томонидан тасдиқланган харажатлар сметасига мувофиқ Ўзбекистон Республикаси республика бюджети ва Тошкент шаҳар маҳаллий бюджети маблағлари ҳисобидан тенг улушларда молиялаштирилади.

7. Ўзбекистон Миллий телерадиокомпанияси, Ўзбекистон Миллий ахборот агентлиги, «Дунё» ахборот агентлиги ва бошқа оммавий ахборот воситаларига Мустақиллик байрамига тайёргарлик кўриш ва уни ўтказиш бўйича амалга оширилаётган ишларни кенг ёритиб бориш тавсия этилсин.

8. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдураҳмонов зиммасига юклансин.

Ўзбекистон Республикаси Президентининг 2024 йил 18 июлдаги ПҚ-264-сон қарорига ИЛОВА

Ўзбекистон Республикаси давлат мустақиллигининг ўттиз уч йиллик байрамига тайёргарлик кўриш ва уни ўтказиш бўйича республика комиссиясининг

1. А. Арипов — Ўзбекистон Республикаси Бош вазири, Республика к омиссияси раиси 2. Х. Султонов — Ўзбекистон Республикаси Президентининг маслаҳатчиси 3. О. Абдураҳмонов — Ўзбекистон Республикаси Президенти Администрацияси Ижтимоий ривожланиш департаменти раҳбари 4. З. Маҳкамова — Ўзбекистон Республикаси Бош вазирининг ўринбосари 5. О. Назарбеков — маданият вазири, Республика комиссияси раисининг ўринбосари 6. Ш. Умурзаков — Тошкент шаҳар ҳокими, Республика комиссияси раисининг ўринбосари 7. Б. Саидов — ташқи ишлар вазири 8. Б. Қурбонов — мудофаа вазири 9. П. Бобожонов — ички ишлар вазири 10. А. Қўлдошев — фавқулодда вазиятлар вазири 11. Р. Жўраев — Миллий гвардия қўмондони 12. Қ. Шарипов — олий таълим, фан ва инновациялар вазири 13. Ҳ. Умарова — мактабгача ва мактаб таълими вазири 14. Б. Мусаев — камбағалликни қисқартириш ва бандлик вазири 15. Ш. Шерматов — рақамли технологиялар вазири 16. А. Икрамов — спорт вазири 17. А. Худоёров — соғлиқни сақлаш вазири в.б. 18. И. Норқулов — иқтисодиёт ва молия вазирининг биринчи ўринбосари 19. Қ. Қуронбоев — Ўзбекистон маҳаллалари уюшмаси раиси 20. Қ. Рафиқов — Ўзбекистон касаба уюшмалари Федерацияси раиси 21. С. Турдиев — Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси республика бошқаруви раиси 22. Б. Юлдашев — Фанлар академияси президенти 23. А. Ходжаев — Ахборот ва оммавий коммуникациялар агентлиги директори 24. Р. Қурбонов — Миллатлараро муносабатлар ва хорижий мамлакатлар билан дўстлик алоқалари қўмитаси раиси 25. Ш. Ризаев — Кинематография агентлиги директори в.б. 26. А. Саъдуллаев — Ёшлар ишлари агентлиги директори 27. А. Жўрабоев — Ўзбекистон Миллий телерадиокомпанияси раиси 28. А. Кўчимов — Ўзбекистон Миллий ахборот агентлиги бош директори 29. А. Нуридинов — Ўзбекистон Бадиий академияси раиси 30. О. Ҳасанов — Республика Маънавият ва маърифат маркази раҳбари 31. С. Саидов — Ўзбекистон Ёзувчилар уюшмаси раиси 32. Р. Абдуллаев — Ўзбекистон Композиторлари ва бастакорлари уюшмаси раиси 33. Ш. Қудратхўжа — Ўзбекистон Миллий медиа ассоциацияси раиси 34. Х. Салимов — Ўзбекистон Журналистлар уюшмаси раиси в.б. 35. Б. Ҳасанов — Вазирлар Маҳкамаси ҳузуридаги Қатағон қурбонлари музейи директори 36. Лавозимига кўра — Қорақалпоғистон Республикаси Вазирлар Кенгаши Раиси ва вилоятлар ҳокимлари 37. Ф. Қосимов — Вазирлар Маҳкамасининг департаменти мудири, Республика комиссияси котиби

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 18 июль,

ПҚ-264-сон

(Қонунчилик маълумотлари миллий базаси, 19.07.2024 й., 07/24/264/0529-сон)

lex.uz

Oʻzbekiston Respublikasi Prezidentining

Qarori

TARKIBI

Oʻzbekiston Respublikasi davlat mustaqilligining oʻttiz uch yillik bayramiga tayyorgarlik koʻrish va uni oʻtkazish toʻgʻrisida

Bundan oʻttiz uch yil oldin oʻta ogʻir va murakkab tarixiy vaziyatda qoʻlga kiritilgan milliy istiqlolimiz bugungi kunda koʻp millatli butun xalqimizni Yangi Oʻzbekistonni barpo etishdek buyuk maqsad yoʻlida birlashtirib, yangi yutuq va marralar sari ilhomlantirmoqda.

Aynan mustaqillik tufayli mamlakatimiz suveren, demokratik, huquqiy, ijtimoiy va dunyoviy davlatga, xalqaro huquqning toʻlaqonli subyektiga aylandi. Dunyo bizni yangitdan tanidi va tan oldi. Yer yuzidagi turli davlatlar va xalqlar bilan doʻstlik hamda hamkorlik aloqalarimiz tobora kengayib, yurtimizning xalqaro maydondagi mavqeyi va nufuzi ortib bormoqda.

Ayniqsa, keyingi yillarda mamlakatimizda amalga oshirilayotgan keng koʻlamli demokratik islohotlar jarayonida mustaqil davlat boʻlib, dunyoga ochilib yashash, erkin va ozod xalqlar oilasida munosib oʻrin egallab, zamonaviy taraqqiyotga erishish naqadar ulugʻ baxt va sharaf, shu bilan birga, ulkan masʼuliyat ekanini yanada chuqur his etmoqdamiz.

Xalqimizning milliy manfaatlarini taʼminlashga qaratilgan ichki va tashqi siyosat borasidagi tub oʻzgarishlar, erishilayotgan amaliy natijalar xalqaro hamjamiyat tomonidan eʼtirof etilmoqda va qoʻllab-quvvatlanmoqda.

Barchamiz inson qadri oliy mezon boʻlgan yangi hayot, yangi jamiyat qurish yoʻlida qoʻlga kiritgan zafarlarimizni mustaqil taraqqiyot gʻoyasiga hamisha sodiq, mard va matonatli xalqimizning fidokorona mehnati, aql-zakovati va bunyodkorlik salohiyati mahsuli deb bilamiz va ana shunday olijanob elning farzandlari ekanimizdan cheksiz faxrlanamiz.

Oʻzbekiston Respublikasi davlat mustaqilligining oʻttiz uch yillik shonli sanasini chinakam umumxalq bayrami, ozodlik va saodat ayyomi sifatida koʻtarinki kayfiyatda kutib olish hamda mamlakatimizning bugungi taraqqiyot darajasi, yuksalish surʼatlariga munosib tarzda nishonlash maqsadida:

1. Oʻzbekiston Respublikasi davlat mustaqilligining oʻttiz uch yillik bayramiga tayyorgarlik koʻrish va uni oʻtkazish boʻyicha respublika komissiyasining (keyingi oʻrinlarda — Respublika komissiyasi) tarkibi ilovaga muvofiq tasdiqlansin.

2. Respublika komissiyasi (A. Aripov):

bir hafta muddatda “Bir boʻlsak — yagona xalqmiz, birlashsak — Vatanmiz!” degan bosh gʻoyani oʻzida mujassam etgan tashkiliy-amaliy, maʼnaviy-maʼrifiy tadbirlar hamda targʻibot-tashviqot ishlari dasturini tasdiqlasin. Mazkur dastur “Oʻzbekiston — 2030” strategiyasi , shuningdek, “Yoshlar va biznesni qoʻllab-quvvatlash yili” boʻyicha qabul qilingan davlat dasturi bilan uygʻun holda tayyorlansin;

Oʻzbekiston Respublikasi davlat mustaqilligining oʻttiz uch yillik bayrami (keyingi oʻrinlarda — Mustaqillik bayrami) Qoraqalpogʻiston Respublikasi, viloyatlar markazlari va Toshkent shahrida, shuningdek, barcha shahar hamda tumanlar, qishloq va ovullarda munosib nishonlanishini taʼminlasin;

hududlarda keng aholi qatlamlari oʻrtasida Mustaqillik bayramiga bagʻishlangan maʼnaviy-maʼrifiy anjumanlar, uch avlod uchrashuvlarini, ochiq muloqot va suhbatlar, adabiy-badiiy kechalar, milliy kino kunlari, sayillar, madaniyat va sport tadbirlari, gastronomik festivallarni samarali oʻtkazish maqsadida atoqli ilm-fan namoyandalari, madaniyat va sanʼat arboblari, taniqli sportchilar, keng jamoatchilik vakillaridan iborat targʻibot guruhlarini tashkil etsin hamda ularning aniq reja asosida faoliyat yuritishini taʼminlasin;

Mustaqillik bayramiga bagʻishlangan barcha tadbirlarning yuqori saviyada tashkil etilishi yuzasidan har bir hudud, vazirlik va idora rahbarlarining hisobotlarini oʻz yigʻilishlarida muntazam ravishda eshitib borsin.

3. Qoraqalpogʻiston Respublikasi, viloyatlar va Toshkent shahrida oʻtkaziladigan asosiy bayram tadbirlarining dasturlarini tayyorlashga yuqori professional mahorat hamda tajribaga ega boʻlgan ssenariychi va rejissorlar, shoir va adiblar, bastakor hamda baletmeysterlar, sahna rassomlari, isteʼdodli yosh ijrochilar, maqom va baxshichilik sanʼati vakillaridan iborat ijodiy guruhlar keng jalb etilsin.

4. Joylarda Mustaqillik bayramini yuqori saviyada nishonlash maqsadida quyidagi masalalarga alohida eʼtibor qaratilsin:

yurtimizda inson qadri, uning huquq va manfaatlari yetakchi oʻrinda turadigan ijtimoiy davlat va xalqparvar jamiyat qurish yoʻlida amalga oshirilayotgan tarixiy ishlar, mehnatkash va bagʻrikeng xalqimizning bunyodkorlik salohiyati bilan erishilayotgan ulkan natijalarning mazmun-mohiyati haqida mahallalar, taʼlim muassasalari, mehnat jamoalarida maʼrifiy uchrashuv va suhbatlar oʻtkazish;

keyingi yillarda mamlakatimizda investitsiya va biznes muhitini tubdan yaxshilash, tadbirkorlar uchun imkoniyatlarni har tomonlama kengaytirish, “yashil” va raqamli iqtisodiyotga oʻtish boʻyicha hayotga tatbiq etilayotgan yirik dastur va loyihalar hamda bu borada qoʻlga kiritilayotgan yutuqlarni aniq hayotiy misollar orqali keng yoritish;

sud-huquq tizimini isloh etish, shahar va qishloqlarimizni obod qilish, mahalla tizimini xalqimizga yanada yaqinlashtirish yoʻlidagi doimiy saʼy-harakatlar va ularning samarasi haqidagi targʻibot ishlarini yanada kuchaytirish;

yurtimizda doʻstlik va hamjihatlik muhiti tobora mustahkamlanib, mintaqamizdagi yaxshi qoʻshnichilik, tinchliksevar tashqi siyosat tufayli Oʻzbekistonning jahon hamjamiyatidagi obroʻ-eʼtibori yuksalayotgani, ishonchli hamkorlarimiz safi kengayib borayotganini chuqur tahlillar asosida koʻrsatib berish;

navqiron avlodga Yangi Oʻzbekistonning kelajagi sifatida alohida eʼtibor qaratilayotgani, yoshlar bilan ishlash boʻyicha noyob vertikal boshqaruv tizimining yaratilishi natijasida ularni zamonaviy kasb-hunarlarga oʻqitish, bandligini taʼminlash, boʻsh vaqtini mazmunli oʻtkazish va ijtimoiy qoʻllab-quvvatlash boʻyicha yurtimizda shakllangan samarali va taʼsirchan tizim mohiyatini ochib berish;

sogʻliqni saqlash, ilm-fan, madaniyat va sanʼat, sport sohalarini rivojlantirish, nuroniylar va xotin-qizlarga doimiy gʻamxoʻrlik koʻrsatish, oila, onalik va bolalikni himoya qilish, gender tenglik boʻyicha amalga oshirilayotgan ijtimoiy dasturlar mazmuniga alohida eʼtibor qaratish;

davlatimiz mustaqilligi, uning xavfsizligi va hududiy yaxlitligining ishonchli kafolati boʻlgan Oʻzbekiston Qurolli Kuchlarining harbiy va jangovar qudratini oshirish maqsadida amalga oshirilayotgan ishlarni keng targʻib etish;

Mustaqillik bayrami munosabati bilan keksa avlod vakillarini, xususan, Ikkinchi jahon urushi qatnashchilari va mehnat fronti faxriylarini har tomonlama eʼzozlash, “Mehribonlik”, “Saxovat” va “Muruvvat” uylarida yashayotgan shaxslar, ijtimoiy himoya daftarlariga kiritilgan hamda koʻmakka muhtoj insonlarning holidan xabar olish, ularga moddiy va maʼnaviy yordam berish bilan bogʻliq xayriya tadbirlarini oʻtkazish;

Vatanimizning milliy istiqloli, xalqimiz ozodligi uchun kurashib, shu yoʻlda jon fido etgan, mustabid tuzum davrida siyosiy qatagʻon qurboni boʻlgan ota-bobolarimizning xotirasini yod etish boʻyicha belgilangan chora-tadbirlarni amalga oshirish.

5. Madaniyat vazirligi (O. Nazarbekov):

Respublika Maʼnaviyat va maʼrifat markazi, Yozuvchilar uyushmasi bilan birgalikda bir hafta muddatda Toshkent shahrida Mustaqillik bayramiga bagʻishlab oʻtkaziladigan teatrlashtirilgan konsert tomoshasining dasturi va ssenariysini ishlab chiqsin hamda uni yuksak gʻoyaviy-badiiy saviyada tayyorlash choralarini koʻrsin;

Badiiy akademiya, Yozuvchilar uyushmasi, Jurnalistlar uyushmasi bilan birgalikda “Ona diyor — ranglar jilosida”, “Vatan uchun yashaylik!”, “Eng ulugʻ, eng aziz” kabi anʼanaviy koʻrik-tanlovlarni yuqori darajada oʻtkazishni taʼminlasin;

Kompozitorlar va bastakorlar uyushmasi, Yozuvchilar uyushmasi bilan birgalikda yurtimiz istiqlolini tarannum etuvchi eng yaxshi qoʻshiq va musiqa asarlari tanlovlarining yakuniy bosqichini oʻtkazsin;

mazkur tanlovlarning gʻolib va sovrindorlarini Mustaqillik bayrami arafasida eʼlon qilish va ularni tantanali ravishda taqdirlash choralarini koʻrsin.

6. Belgilab qoʻyilsinki, oʻtkaziladigan bayram tadbirlari:

Qoraqalpogʻiston Respublikasi va viloyatlarda — tegishli mahalliy budjetlarning qoʻshimcha manbalari hamda jismoniy va yuridik shaxslarning homiylik xayriyalari hisobidan;

Toshkent shahrida — Respublika komissiyasi tomonidan tasdiqlangan xarajatlar smetasiga muvofiq Oʻzbekiston Respublikasi respublika budjeti va Toshkent shahar mahalliy budjeti mablagʻlari hisobidan teng ulushlarda moliyalashtiriladi.

7. Oʻzbekiston Milliy teleradiokompaniyasi, Oʻzbekiston Milliy axborot agentligi, “Dunyo” axborot agentligi va boshqa ommaviy axborot vositalariga Mustaqillik bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni keng yoritib borish tavsiya etilsin.

8. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abdurahmonov zimmasiga yuklansin.

Oʻzbekiston Respublikasi Prezidentining 2024-yil 18-iyuldagi PQ-264-son qaroriga ILOVA

Oʻzbekiston Respublikasi davlat mustaqilligining oʻttiz uch yillik bayramiga tayyorgarlik koʻrish va uni oʻtkazish boʻyicha respublika komissiyasining

1. A. Aripov — Oʻzbekiston Respublikasi Bosh vaziri, Respublika k omissiyasi raisi 2. X. Sultonov — Oʻzbekiston Respublikasi Prezidentining maslahatchisi 3. O. Abdurahmonov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari 4. Z. Mahkamova — Oʻzbekiston Respublikasi Bosh vazirining oʻrinbosari 5. O. Nazarbekov — madaniyat vaziri, Respublika komissiyasi raisining oʻrinbosari 6. Sh. Umurzakov — Toshkent shahar hokimi, Respublika komissiyasi raisining oʻrinbosari 7. B. Saidov — tashqi ishlar vaziri 8. B. Qurbonov — mudofaa vaziri 9. P. Bobojonov — ichki ishlar vaziri 10. A. Qoʻldoshev — favqulodda vaziyatlar vaziri 11. R. Joʻrayev — Milliy gvardiya qoʻmondoni 12. Q. Sharipov — oliy taʼlim, fan va innovatsiyalar vaziri 13. H. Umarova — maktabgacha va maktab taʼlimi vaziri 14. B. Musayev — kambagʻallikni qisqartirish va bandlik vaziri 15. Sh. Shermatov — raqamli texnologiyalar vaziri 16. A. Ikramov — sport vaziri 17. A. Xudoyorov — sogʻliqni saqlash vaziri v.b. 18. I. Norqulov — iqtisodiyot va moliya vazirining birinchi oʻrinbosari 19. Q. Quronboyev — Oʻzbekiston mahallalari uyushmasi raisi 20. Q. Rafiqov — Oʻzbekiston kasaba uyushmalari Federatsiyasi raisi 21. S. Turdiyev — Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi respublika boshqaruvi raisi 22. B. Yuldashev — Fanlar akademiyasi prezidenti 23. A. Xodjayev — Axborot va ommaviy kommunikatsiyalar agentligi direktori 24. R. Qurbonov — Millatlararo munosabatlar va xorijiy mamlakatlar bilan doʻstlik aloqalari qoʻmitasi raisi 25. Sh. Rizayev — Kinematografiya agentligi direktori v.b. 26. A. Saʼdullayev — Yoshlar ishlari agentligi direktori 27. A. Joʻraboyev — Oʻzbekiston Milliy teleradiokompaniyasi raisi 28. A. Koʻchimov — Oʻzbekiston Milliy axborot agentligi bosh direktori 29. A. Nuridinov — Oʻzbekiston Badiiy akademiyasi raisi 30. O. Hasanov — Respublika Maʼnaviyat va maʼrifat markazi rahbari 31. S. Saidov — Oʻzbekiston Yozuvchilar uyushmasi raisi 32. R. Abdullayev — Oʻzbekiston Kompozitorlari va �astakorlari uyushmasi raisi 33. Sh. Qudratxoʻja — Oʻzbekiston Milliy media assotsiatsiyasi raisi 34. X. Salimov — Oʻzbekiston Jurnalistlar uyushmasi raisi v.b. 35. B. Hasanov — Vazirlar Mahkamasi huzuridagi Qatagʻon qurbonlari muzeyi direktori 36. Lavozimiga koʻra — Qoraqalpogʻiston Respublikasi Vazirlar Kengashi Raisi va viloyatlar hokimlari 37. F. Qosimov — Vazirlar Mahkamasining departamenti mudiri, Respublika komissiyasi kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 18-iyul,

PQ-264-son

(Qonunchilik maʼlumotlari milliy bazasi, 19.07.2024-y., 07/24/264/0529-son)

lex.uz

Президента Республики Узбекистан

Постановление

СОСТАВ

О подготовке и проведении празднования тридцать третьей годовщины государственной независимости Республики Узбекистан

Тридцать три года назад в сложных исторических условиях мы обрели национальную независимость, которая сегодня объединяет весь наш многонациональный народ на пути к великой цели построения Нового Узбекистана, вдохновляет на достижение новых успехов и рубежей.

Именно благодаря независимости наша страна стала суверенным, демократическим, правовым, социальным и светским государством, полноценным субъектом международного права. Мир заново узнал и признал нас. Расширяются отношения дружбы и сотрудничества с разными государствами и народами, растет авторитет нашей Родины на международной арене.

В ходе осуществляемых в стране в последние годы широкомасштабных демократических реформ мы особенно глубоко осознаем, какое это великое счастье и честь и вместе с тем огромная ответственность — быть независимым, открытым миру государством, занимать достойное место в семье свободных народов, добиваясь современного уровня развития.

Кардинальные изменения во внутренней и внешней политике, направленные на обеспечение национальных интересов, достигаемые практические результаты получают признание и поддержку международного сообщества.

Наши достижения на пути построения новой жизни, нового общества, в котором высшей ценностью являются человек, его интересы, честь и достоинство, — все это плоды самоотверженного труда, интеллектуального и созидательного потенциала нашего стойкого, мужественного и благородного народа, преданного идее независимого развития, и мы гордимся быть его сыновьями и дочерьми.

В целях достойной встречи славной даты — тридцать третьей годовщины государственной независимости Республики Узбекистан как всенародного праздника, в соответствии с сегодняшними высокими темпами развития страны:

1. Утвердить состав Республиканской комиссии по подготовке и проведению празднования тридцать третьей годовщины государственной независимости Республики Узбекистан (далее — Республиканская комиссия) согласно приложению .

2. Республиканской комиссии (А. Арипов):

в недельный срок утвердить Программу организационно-практических, духовно-просветительских мероприятий, воплощающих в себе главную идею «Только сплоченные — мы единый народ, только вместе — мы сильная страна!». Подготовить данную программу в соответствии со Стратегией «Узбекистан — 2030», а также Государственной программой «Год поддержки молодежи и бизнеса»;

обеспечить достойное празднование тридцать третьей годовщины государственной независимости Республики Узбекистан (далее — Праздник независимости) в Республике Каракалпакстан, областных центрах и городе Ташкенте, во всех городах и районах, кишлаках и аулах страны;

создать выездные группы из числа известных деятелей науки, культуры и искусства, спортсменов, представителей общественности для эффективного проведения в регионах среди широких слоев населения духовно-просветительских форумов, встреч «трех поколений», литературно-художественных вечеров, дней национального кино, гуляний, культурных и спортивных мероприятий, гастрономических фестивалей, посвященных Празднику независимости, а также обеспечить их деятельность на основе конкретного плана;

регулярно заслушивать на своих заседаниях отчеты руководителей каждого региона, министерства и ведомства об организации на высоком уровне всех мероприятий, посвященных Празднику независимости.

3. Широко привлекать к подготовке программ основных праздничных мероприятий в Республике Каракалпакстан, областях и городе Ташкенте творческие группы в составе обладающих высоким профессиональным мастерством и опытом сценаристов и режиссеров, поэтов и писателей, композиторов и балетмейстеров, художников сцены, представителей искусства макома и бахши, талантливых молодых исполнителей.

4. В целях проведения Праздника независимости на местах на высоком уровне особое внимание уделить следующим вопросам:

проведению в махаллях, образовательных учреждениях, трудовых коллективах просветительских встреч и бесед, раскрывающих суть и значение осуществляемой в стране исторической работы по построению социального, истинно народного государства и общества, приоритетом которой является обеспечение прав и интересов, чести и достоинства человека, а также демонстрирующих яркие результаты, достигаемые благодаря огромному созидательному потенциалу нашего трудолюбивого и великодушного народа;

широкому освещению на конкретных жизненных примерах успешно реализуемых в последние годы масштабных программ и проектов, направленных на кардинальное улучшение инвестиционной и бизнес-среды в стране, всестороннее расширение возможностей для предпринимателей, переход на «зеленую» и цифровую экономику;

дальнейшему усилению информационно-разъяснительной работы об осуществляемых мерах по реформированию судебно-правовой системы, благоустройству городов и сел, повышению роли и ответственности института махалли и достигаемых результатах;

разъяснению на основе глубокого анализа, что благодаря укреплению атмосферы дружбы и согласия в стране, добрососедства в регионе, миролюбивой внешней политике растет авторитет Узбекистана в мировом сообществе, расширяются ряды наших друзей и партнеров;

освещнению эффективности сформированной в стране системы обучения юношей и девушек современным профессиям, обеспечения занятости, содержательного досуга и социальной поддержки — за счет всесторонней заботы государства о молодом поколении, которое является будущим Нового Узбекистана;

ходу реализации социальных программ по развитию сфер здравоохранения, науки, культуры и искусства, спорта, постоянному вниманию к нуждам ветеранов и женщин, защите семьи, материнства и детства, обеспечению гендерного равенства;

широкому разъяснению работы в целях повышения военной и боевой мощи Вооруженных Сил Республики Узбекистан, являющихся надежным гарантом независимости государства, его безопасности и территориальной целостности;

проведению в связи с Праздником независимости благотворительных мероприятий для оказания почестей представителям старшего поколения, в том числе участникам Второй мировой войны и ветеранам трудового фронта, посещению и оказанию материальной и моральной помощи гражданам, проживающим в домах «Мехрибонлик», «Саховат» и «Мурувват», а также тем, кто включен в тетради социальной защиты и нуждается в поддержке;

осуществлению мер по увековечению памяти о жертвах политических репрессий в период тоталитарного строя, боровшихся и отдавших свои жизни за независимость Родины и свободу народа.

5. Министерству культуры (О. Назарбеков):

совместно с Республиканским центром духовности и просветительства, Союзом писателей в недельный срок разработать программу и сценарий театрализованного концертного представления в городе Ташкенте, посвященного Празднику независимости, а также принять меры по его подготовке на высоком идейно-художественном уровне;

совместно с Академией художеств, Союзом писателей и Союзом журналистов обеспечить проведение традиционных конкурсов «Образ Родины глазами художника», «Жить во имя Родины!», «Самый великий, самый дорогой»;

совместно с Союзом композиторов и бастакоров, Союзом писателей провести заключительный этап конкурса на лучшие песни и музыкальные произведения, воспевающие независимость страны;

объявить имена победителей и призеров данных конкурсов и провести их награждение в торжественной обстановке накануне Праздника независимости.

6. Установить, что расходы на проведение праздничных мероприятий покрываются:

в Республике Каракалпакстан и областях — за счет дополнительных источников местных бюджетов, а также благотворительных средств физических и юридических лиц;

в Ташкенте — в равных долях за счет средств республиканского и местного бюджета города Ташкента согласно смете расходов, утвержденной Республиканской комиссией.

7. Рекомендовать Национальной телерадиокомпании Узбекистана, Национальному информационному агентству Узбекистана, Информационному агентству «Дунё» и другим средствам массовой информации широко освещать работу по подготовке и проведению Праздника независимости.

8. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахманова.

ПРИЛОЖЕНИЕ к постановлению Президента Республики Узбекистан от 18 июля 2024 года № ПП-264

Республиканской комиссии по подготовке и проведению празднования тридцать третьей годовщины государственной независимости Республики Узбекистан

1. А. Арипов — Премьер-министр Республики Узбекистан, председатель Республиканской к омиссии 2. Х. Султанов — советник Президента Республики Узбекистан 3. О. Абдурахманов — руководитель Департамента социального развития Администрации Президента Республики Узбекистан 4. З. Махкамова — заместитель Премьер-министра Республики Узбекистан 5. О. Назарбеков — министр культуры, заместитель председателя Республиканской к омиссии 6. Ш. Умурзаков — хоким города Ташкента, заместитель председателя Республиканской к омиссии 7. Б. Саидов — министр иностранных дел 8. Б. Курбанов — министр обороны 9. П. Бобожонов — министр внутренних дел 10. А. Кулдашев — министр по чрезвычайным ситуациям 11. Р. Джураев — командующий Национальной гвардией 12. К. Шарипов — министр высшего образования, науки и инноваций 13. Х. Умарова — министр дошкольного и школьного образования 14. Б. Мусаев — министр занятости и сокращения бедности 15. Ш. Шерматов — министр цифровых технологий 16. А. Икрамов — министр спорта 17. А. Худаяров — и.о. министра здравоохранения 18. И. Норкулов — первый заместитель министра экономики и финансов 19. К. Куранбаев — председатель Ассоциации махаллей Узбекистана 20. К. Рафиков — председатель Федерации профсоюзов Узбекистана 21. С. Турдиев — председатель республиканского правления Фонда по поддержке общественной деятельности ветеранов Узбекистана «Нуроний» 22. Б. Юлдашев — президент Академии наук 23. А. Ходжаев — директор Агентства информации и массовых коммуникаций 24. Р. Курбанов — председатель Комитета по межнациональным отношениям и дружественным связям с зарубежными странами 25. Ш. Ризаев — и.о. директора Агентства кинематографии 26. А. Саъдуллаев — директор Агентства по делам молодежи 27. А. Джурабоев — председатель Национальной телерадиокомпании Узбекистана 28. А. Кучимов — генеральный директор Национального информационного агентства Узбекистана 29. А. Нуридинов — председатель Академии художеств Узбекистана 30. О. Хасанов — руководитель Республиканского центра духовности и просветительства 31. С. Саидов — председатель Союза писателей Узбекистана 32. Р. Абдуллаев — председатель Союза композиторов и бастакоров Узбекистана 33. Ш. Кудратхужа — председатель правления Национальной медиаассоциации Узбекистана 34. Х. Салимов — и.о. председателя Союза журналистов Узбекистана 35. Б. Хасанов — директор Государственного музея памяти жертв репрессий при Кабинете Министров 36. По должности — Председатель Совета Министров Республики Каракалпакстан и хокимы областей 37. Ф. Косимов — заведующий департаментом Кабинета Министров, секре т арь Республиканской комиссии

Президент Республики Узбекистан Ш. МИРЗИЁЕВ

г. Ташкент,

18 июля 2024 г.,

№ ПП-264

(Национальная база данных законодательства, 19.07.2024 г., № 07/24/264/0529)

lex.uz