📅 2024-yil 18-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 18 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 июля 2024 г. · Постановления Президента
Официальный текст. Официальный документ. Редакционные примечания не включены.
📅 18 July 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ЧОРА-ТАДБИРЛАР РЕЖАСИ
ПАРАМЕТРЛАРИ
Туризм соҳасида кадрлар тайёрлаш тизимини такомиллаштириш чора-тадбирлари тўғрисида
Мамлакатимизда туризм соҳасида халқаро стандартларга мос узлуксиз таълим тизимини янада такомиллаштириш, меҳнат бозорининг замонавий талабларига мувофиқ юқори малакали рақобатбардош кадрларни тайёрлаш тизимини йўлга қўйиш, фан, таълим ва ишлаб чиқариш интеграциясини таъминлаш, шунингдек, хизматлар сифатини жаҳон талабларига тўлиқ мос келадиган даражага олиб чиқиш мақсадида:
1. Шундай тартиб ўрнатилсинки, унга кўра:
а) 2024/2025 ўқув йилидан бошлаб Ўзбекистон Республикасидаги давлат олий таълим муассасаларида туризм ва меҳмонхона хўжалиги соҳаларида кадрлар тайёрлаш тизими уч йиллик олий таълим дастурлари асосида йўлга қўйилади ва ўқув жараёни «блок-модуль» тизимига асосланган дуал таълим шаклида ташкил этилади. Бунда, ўқув жараёнларининг назарий ва амалий машғулотлар улушини:
биринчи босқичда — 80 фоиз назарий ва 20 фоиз амалий;
иккинчи босқичда — 50 фоиз назарий ва 50 фоиз амалий;
учинчи босқичда — 30 фоиз назарий ва 70 фоиз амалий бўлиши назарда тутилади;
б) 2024 йил 1 августдан бошлаб:
туризм соҳасида кадрлар тайёрловчи олий таълим муассасаларида таълим жараёнини амалиёт билан бирга олиб бориш мақсадида уларнинг ҳудудларида бюджетдан ташқари маблағлар ҳисобидан юридик шахс мақомига эга бўлмаган амалиёт базаларини (туроператор, турагент, гид-таржимон, меҳмонхона ва туризм транспорти хизматларини кўрсатиш объектлари (кейинги ўринларда — хизматлар кўрсатиш объектлари) белгиланган тартибда ташкил этишга рухсат берилади;
2027 йил 1 январга қадар туризм соҳасида кадрлар тайёрловчи олий таълим муассасаларининг амалиёт базаларида кўрсатилган хизматлар учун фойда солиғи ушбу солиқ бўйича белгиланган солиқ ставкаларига нисбатан 50 фоизга камайтирилган ставкада тўланади. Бунда, ушбу солиқ имтиёзини қўллаш натижасида бўшайдиган маблағлар ташкил этилаётган хизматлар кўрсатиш объектларининг моддий-техника базасини ривожлантиришга йўналтирилади.
2. 2024-2025 йилларда туризм соҳасида кадрлар тайёрлаш тизимини такомиллаштириш ҳамда олий таълим муассасалари томонидан ҳудудларда туризмни ривожлантиришга кўмаклашиш бўйича чора-тадбирлар режаси 1-иловага мувофиқ тасдиқлансин.
5. Олий таълим, фан ва инновациялар вазирлиги:
а) Туризм қўмитаси билан биргаликда 2024/2025 ўқув йилига қадар:
туризм ва меҳмонхона хўжалиги соҳалари бўйича олий таълим дастурларини жаҳон рейтингида биринчи 100 таликка кирувчи нуфузли олий таълим муассасаларининг таълим дастурлари асосида қайта кўриб чиқиб, «Олий таълим йўналишлари ва мутахассисликлари классификатори»да ушбу таълим йўналишларини кенгайтириш ҳамда унга пазандачилик соҳасида кадрлар тайёрлашга оид янги таълим йўналишини киритиш билан боғлиқ ўзгартиришлар киритсин;
туризм ва меҳмонхона хўжалиги соҳаларига оид олий таълим йўналишларининг дуал таълим шакли бўйича Таълимнинг халқаро стандарт таснифлагичи даражалари билан уйғунлашган янги малака талаблари ҳамда таълим дастурларини ишлаб чиқсин;
б) 2024 йил 1 августдан бошлаб олий таълим муассасаларида туризм ва меҳмонхона хўжалиги соҳаларида кадрларга бўлган буюртмаларни шакллантиришда йўналишларга оид амалиёт базалари мавжудлигини қатъий назоратга олсин;
в) икки ой муддатда туристларга хизмат кўрсатувчи гид-таржимонлар сонини ошириш мақсадида 2-иловага мувофиқ олий таълим муассасалари ҳузурида шартнома асосида араб, япон, хитой, ҳинд, испан, италян, корейс, урду, индонез ва малай тилларида хизмат кўрсатувчи гид-таржимонларни тайёрлаш бўйича қўшимча курсларни ташкил этсин.
6. Белгилансинки:
2024 йил 1 октябрдан бошлаб мазкур қарорга 2-иловада кўрсатилган олий таълим муассасаларида араб, япон, хитой, ҳинд, испан, италян, корейс, урду, индонез ва малай тилларида хизмат кўрсатувчи гид-таржимонларни тайёрлаш курсларини ташкил этиш харажатларининг 30 фоизи олий таълим муассасаларининг сўровига кўра Туризмни қўллаб-қувватлаш жамғармаси ҳисобидан уч йил давомида қоплаб берилади;
Академияга 2025/2026 ўқув йилидан бошлаб талабаларни қабул қилиш квоталари олий таълим муассасаларига ўқишга қабул қилишнинг давлат буюртмаси ва қўшимча қабул параметрларидан келиб чиқиб белгиланади.
Академия Самарқанд шаҳар, Бобурмирзо кўчаси, 3а-уй манзилидаги Университетга қарашли бинога бепул жойлаштирилсин.
7. Туризм қўмитаси:
бир ой муддатда туризм, сервис, меҳмонхона хўжалиги ва гид (гид-таржимон) тайёрлаш соҳасидаги таълим йўналишлари бўйича педагоглар учун ўрта ва қисқа муддатли ўқув курсларини ташкил этиш мақсадида Университет ҳузуридаги Реставраторларни қайта ўқитиш ва малакасини ошириш маркази негизида юридик шахс мақомига эга бўлган Туризм соҳасида кадрларни қайта тайёрлаш ва малака ошириш марказини ташкил қилсин;
Камбағалликни қисқартириш ва бандлик вазирлиги ҳамда Иқтисодиёт ва молия вазирлиги билан биргаликда икки ой муддатда Университет ҳузуридаги «Ипак йўли» музейи, «Ипак йўли» арт-резиденцияси, «Ипак йўли» санъат галереясининг (кейинги ўринларда — муассасалар) штат нормативларини ишлаб чиқсин ва тасдиқласин.
8. Белгилаб қўйилсинки:
а) муассасалар ходимлари меҳнатига ҳақ тўлашда Вазирлар Маҳкамасининг 2018 йил 19 июндаги «Давлат маданият муассасалари ва давлат архивлари ходимлари меҳнатига ҳақ тўлаш ва уларни моддий рағбатлантиришнинг такомиллаштирилган тизимини тасдиқлаш ҳақида»ги 458-сон қарорига мувофиқ тегишли муассасалар учун белгиланган шарт-шароитлар татбиқ этилади;
б) муассасаларни молиялаштириш:
2024 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Экология, атроф-муҳитни муҳофаза қилиш ва иқлим ўзгариши вазирлигига ажратилган маблағлар доирасида амалга оширилади;
2025 йилдан бошлаб бюджет қонунчилиги талабларига мувофиқ тақдим этилган бюджет сўровномаларига асосан Давлат бюджети параметрларида назарда тутилади.
9. Мазкур қарорнинг ижросини самарали ташкил қилишга масъул ва шахсий жавобгар этиб экология, атроф-муҳитни муҳофаза қилиш ва иқлим ўзгариши вазири А.А. Абдухакимов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 18 июлдаги ПҚ-269-сон қарорига 1-ИЛОВА
2024-2025 йилларда туризм соҳасида кадрлар тайёрлаш тизимини такомиллаштириш ҳамда олий таълим муассасалари томонидан ҳудудларда туризмни ривожлантиришга кўмаклашиш бўйича
Т/р Чора-тадбирлар номи Ижро муддати Молиялаштириш манбаи Масъул ижрочилар I. Туризм соҳасида кадрлар тайёрлаш тизимини такомиллаштириш йўналишида 1. «Ипак йўли» туризм ва маданий мерос халқаро университети ҳамда Туризмни ривожлантириш илмий-тадқиқот институтида туризм билан боғлиқ маълумотларни таҳлил қилиш ва бу орқали соҳани ривожлантириш бўйича маркетинг қарорларини қабул қилишга кўмаклашувчи «Smart Tourism Data System» лабораториясини ташкил этиш. Бунда: Хитойдаги мавжуд тажрибани ўрганиш; лабораторияда республикадаги туризм объектларига ташриф буюрувчилар бўйича статистик маълумотларни аниқ вақт режимида олиш имкониятини берувчи платформани ишга тушириш; лабораторияларни зарурий техника воситалари билан таъминлаш чораларини кўриш. 2024-2025 йиллар давомида Туризмни қўллаб-қувватлаш жамғармаси маблағлари, «Ипак йўли» туризм ва маданий мерос халқаро университетининг бюджетдан ташқари маблағлари Экология, атроф-муҳитни муҳофаза қилиш ва иқлим ўзгариши вазирлиги, Маданий мерос агентлиги, Рақамли технологиялар вазирлиги 2. Халқаро туризм академияси фаолиятини йўлга қўйишни назарда тутувчи норматив-ҳуқуқий ҳужжат лойиҳасини ишлаб чиқиш. Бунда: Академияни «Ипак йўли» туризм ва маданий мерос халқаро университетининг юридик шахс мақомига эга бўлган таркибий бўлинмаси сифатида белгилаш; Академия ходимларининг меҳнатига ҳақ тўлаш ҳамда моддий рағбатлантириш даражасини «Ипак йўли» туризм ва маданий мерос халқаро университети ходимларига тенглаштириш; «Ипак йўли» туризм ва маданий мерос халқаро университети Васийлик кенгашига заруратга кўра, Академиянинг тузилмасига фаолият йўналишидан келиб чиқиб, ходимларнинг белгиланган чекланган сони ва меҳнатга ҳақ тўлаш фонди доирасида ўзгартиришлар киритиш, халқаро тажрибани ўрганган ҳолда қўшимча лавозимлар жорий этиш ҳуқуқини бериш назарда тутилади. 2024 йил ноябрь - Туризм қўмитаси, Олий таълим, фан ва инновациялар вазирлиги, Иқтисодиёт ва молия вазирлиги II. Туризм соҳасига оид янги ишланмаларни яратиш йўналишида 3. Қорақалпоқ тарихи, маданияти ва табиий муҳитига тааллуқли артефактлар, санъат асарлари асосида Тупроққалъа этно-музейини ташкил этиш грант лойиҳасини амалга ошириш. 2024 йил октябрь Олий таълим, фан ва инновациялар вазирлиги томонидан илмий-тадқиқот лойиҳалари бўйича ўтказиладиган танлов натижаларига асосан ажратиладиган грантлар Тошкент давлат иқтисодиёт университети, Қорақалпоғистон Республикаси Вазирлар Кенгаши 4. Локал атрибутлар асосида Риштон, Чуст, Янгиқўрғон ва Бойсун туманларининг экотуризм салоҳиятини ошириш грант лойиҳасини амалга ошириш. 2024 йил декабрь Тошкент давлат шарқшунослик университети, Олий таълим, фан ва инновациялар вазирлиги, Туризм қўмитаси 5. Ногиронлиги бўлган шахслар учун инклюзив туризм инфратузилмасининг интерфаол харитаси ва «InclUZ» мобиль иловасини яратиш грант лойиҳасини амалга ошириш. 2025 йил сентябрь Олий таълим, фан ва инновациялар вазирлиги томонидан илмий-тадқиқот лойиҳалари бўйича ўтказиладиган танлов натижаларига асосан ажратиладиган грантлар Бухоро давлат университети, Туризм қўмитаси, Олий таълим, фан ва инновациялар вазирлиги 6. Қорақалпоғистон Республикаси туризм соҳасини ҳудудий ривожланишини баҳолашнинг комплекс индикаторларини ишлаб чиқиш (Тахтакўпир, Хўжайли, Элликқалъа туманларида) грант лойиҳасини амалга ошириш. 2025 йил сентябрь Тошкент давлат иқтисодиёт университети, Олий таълим, фан ва инновациялар вазирлиги, Туризм қўмитаси 7. Тарихий объектлар ва табиий масканлар уйғунлиги асосида Фориш тумани туристик салоҳиятини ошириш грант лойиҳасини амалга ошириш. 2025 йил сентябрь Олий таълим, фан ва инновациялар вазирлиги томонидан илмий-тадқиқот лойиҳалари бўйича ўтказиладиган танлов натижаларига асосан ажратиладиган грантлар Ўзбекистон Миллий университети, Олий таълим, фан ва инновациялар вазирлиги, Туризм қўмитаси 8. Китоб туманидаги «Китоб геология миллий табиат боғи»да туристик-глемпинг инфратузилмасини яратиш грант лойиҳасини амалга ошириш. 2025 йил сентябрь Тошкент давлат транспорт университети, Туризм қўмитаси, Олий таълим, фан ва инновациялар вазирлиги 9. Қорақалпоқ миллий ҳунармандчилигига оид смарт платформани яратиш грант лойиҳасини амалга ошириш. 2025 йил ноябрь Олий таълим, фан ва инновациялар вазирлиги томонидан илмий-тадқиқот лойиҳалари бўйича ўтказиладиган танлов натижаларига асосан ажратиладиган грантлар Тошкент давлат иқтисодиёт университети, Олий таълим, фан ва инновациялар вазирлиги, Туризм қўмитаси 10. Хива ва Боғот туманларининг туристик ресурсларини инновацион ёндашув асосида қўшилган қиймат занжирини яратиш грант лойиҳасини амалга ошириш. 2025 йил сентябрь Урганч давлат университети, Олий таълим, фан ва инновациялар вазирлиги, Туризм қўмитаси 11. Бўстонлиқ, Оҳангарон, Паркент ва Ангрен тумани ҳудудларида туризм соҳасини комплекс ривожлантириш орқали ёшлар бандлигини таъминлаш концепциясини ишлаб чиқиш грант лойиҳасини амалга ошириш. 2025 йил сентябрь Олий таълим, фан ва инновациялар вазирлиги томонидан илмий-тадқиқот лойиҳалари бўйича ўтказиладиган танлов натижаларига асосан ажратиладиган грантлар Тошкент шаҳридаги Сингапур менежментни ривожлантириш институти, Олий таълим, фан ва инновациялар вазирлиги, Туризм қўмитаси 12. Ўзбекистон Республикаси туризм объектларининг каталогини рақамлаштиришнинг туризм ривожланишига таъсирини тадқиқ этиш грант лойиҳасини амалга ошириш. 2025 йил июль «Ипак йўли» туризм ва маданий мерос халқаро университети, Олий таълим, фан ва инновациялар вазирлиги, Туризм қўмитаси 13. Инклюзив туризмни ташкил этишнинг методик асосларини ишлаб чиқиш (Навоий вилоятининг Хатирчи, Нурота ва Қизилтепа туманлари мисолида) грант лойиҳасини амалга ошириш. 2025 йил сентябрь Олий таълим, фан ва инновациялар вазирлиги томонидан илмий-тадқиқот лойиҳалари бўйича ўтказиладиган танлов натижаларига асосан ажратиладиган грантлар Самарқанд иқтисодиёт ва сервис институти, Олий таълим, фан ва инновациялар вазирлиги, Туризм қўмитаси 14. Бухоро зиёратгоҳларининг электрон 3D моделини яратиш грант лойиҳасини амалга ошириш. 2025 йил сентябрь Ўзбекистон халқаро исломшунослик академияси, Олий таълим, фан ва инновациялар вазирлиги, Туризм қўмитаси 15. Жанубий орол бўйи ҳудудларида қорақалпоқ миллий таомлари асосида гастротуризмни ривожлантириш механизмларини ишлаб чиқиш грант лойиҳасини амалга ошириш. 2025 йил май Олий таълим, фан ва инновациялар вазирлиги томонидан илмий-тадқиқот лойиҳалари бўйича ўтказиладиган танлов натижаларига асосан ажратиладиган грантлар Қорақалпоқ давлат университети, Олий таълим, фан ва инновациялар вазирлиги, Туризм қўмитаси 16. Бухорога ташриф (Visit to Bukhara) электрон онлайн платформа ва мобиль иловани ишлаб чиқиш грант лойиҳасини амалга ошириш. 2025 йил август Бухоро давлат университети, Олий таълим, фан ва инновациялар вазирлиги, Туризм қўмитаси III. Ҳудудлар да туризмни ривожлантиришга кўмаклашиш йўналишида 17. Ёзги таътил даврида олий таълим муассасаларнинг бўш турган ётоқхоналаридан арзон меҳмонхоналар (хостел) сифатида фойдаланиш тизимини йўлга қўйиш. Бунда: ташриф буюрувчи меҳмонлар «E-mehmon» электрон платформаси орқали рўйхатдан ўтишини таъминлаш; меҳмонхоналар (хостеллар)да кўрсатилган хизматлар орқали олинган маблағларни амалиёт базаларининг моддий-техника базаларини ривожлантириш учун сарфлаш. 2025 июндан бошлаб доимий равишда Олий таълим муассасаларининг бюджетдан ташқари маблағлари Олий таълим, фан ва инновациялар вазирлиги, Тизимида олий таълим муассасалари мавжуд вазирлик ва идоралар 18. Чуст, Янгиқўрғон, Риштон ва Бойсун туманларининг туристик салоҳияти бўйича шарқ тилларида (япон, хитой, корейс, араб, форс, дарий, пушту, ҳинд, урду, малай, индонез, турк тиллари) қисқа видео контентлар тайёрлаш ва ижтимоий тармоқлар, хусусан Youtube платформасига жойлаб бориш. 2024-2025 йиллар давомида Маҳаллий бюджет ва университетнинг бюджетдан ташқари маблағлари Тошкент давлат шарқшунослик университети, Чуст, Янгиқўрғон, Риштон ва Бойсун туманлари ҳокимликлари 19. Ўзбекистон Республикаси Президентининг 2023 йил 26 апрелдаги «Республиканинг туризм салоҳиятини жадал ривожлантириш ҳамда маҳаллий ва хорижий туристлар сонини янада оширишга доир қўшимча чора-тадбирлар тўғрисида»ги ПҚ-135-сон қарорига мувофиқ туризм салоҳияти юқори бўлган туманларга бириктирилган олий таълим муассасалари томонидан ҳудудлардаги туристик объектларни «Google Maps» ва бошқа платформаларга жойлаштириш. Шунингдек, барча туристик объектлар тўғрисидаги маълумотларни (расмлар ва координатлари билан) wikipedia очиқ энциклопедиясига ўзбек, рус ва инглиз тилларида жойлаштириш чораларини кўриш. 2024-2025 йиллар давомида Олий таълим муассасаларининг бюджетдан ташқари маблағлари Олий таълим, фан ва инновациялар вазирлиги, Ахборот ва оммавий коммуникациялар агентлиги, Туризм қўмитаси 20. Ҳудудий ҳокимликлар билан биргаликда ҳудудларга туманларнинг туристик имкониятлари, тарихи ва этник хусусиятларидан келиб чиқиб, туманларнинг туристик маҳсулотлари дизайнини ҳамда туристик шиорларини яратиш юзасидан илмий асосланган таклифларни Вазирлар Маҳкамасига киритиш. 2024 йил октябрь - Олий таълим, фан ва инновациялар вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Туризм қўмитаси 21. Туризм соҳасининг субъектлари билан ҳамкорликда меҳмонхона ва йирик туризм комплекслари учун бошқарувчиларга бўлган талабни ўрганиб, ҳар йили камида 20 та ўрта бўғин менежерларининг хориждаги туризм ва сервис комплексларида малака оширишини таъминлаш. 2024 йил августдан бошлаб, ҳар йили Илм-фанни молиялаштириш ва инновацияларни қўллаб-қувватлаш жамғармаси маблағлари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Олий таълим, фан ва инновациялар вазирлиги 22. Туризм соҳасидаги коллеж ва техникумларда туризм, умумий овқатланиш ва меҳмонхона хўжалиги йўналишларида минг нафар ўқувчини давлат гранти асосида дуал таълимга жалб қилиш. 2024/2025 ўқув йилидан бошлаб Давлат бюджети маблағлари Туризм қўмитаси, Олий таълим, фан ва инновациялар вазирлиги, Иқтисодиёт ва молия вазирлиги 23. БМТ туризмнинг «Ипак йўлида туризм» тематик офиси учун ажратилган Самарқанд шаҳри, Бобур Мирзо кўчаси, 3-уй манзилидаги бинони Туризм қўмитаси ҳузуридаги «Ипак йўли офиси» УКдан Туризм қўмитаси ҳузуридаги «Ипак йўли» туризм ва маданий мерос халқаро университетига оператив бошқарув ҳуқуқи асосида бепул ўтказиш. 2024 йил сентябрь - Экология, атроф-муҳитни муҳофаза қилиш ва иқлим ўзгариши вазирлиги, Давлат активларини бошқариш агентлиги, Кадастр агентлиги 25. Туризм соҳасида кадрлар тайёрловчи олий таълим муассасаларининг амалиёт базаларини Қўқон университетида ташкил этилган туризм амалиёт базаси андозаси асосида ташкил этиш чораларини кўриш. 2025 йил давомида Олий таълим муассасаларининг бюджетдан ташқари маблағлари Олий таълим, фан ва инновациялар вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Туризм қўмитаси 26. Туроператорлик фаолияти учун лицензия талаблари ва шартларига туроператорлар томонидан олий таълим муассасалари битирувчиларини ишга қабул қилиш тартибини белгиловчи қўшимчалар киритиш. 2024 йил декабрь - Экология, атроф-муҳитни муҳофаза қилиш ва иқлим ўзгариши вазирлиги, Туризм қўмитаси 27. Хорижий тилларга ихтисослаштирилган мактаблар фаолиятини йўлга қўйиш бўйича таклифлар ишлаб чиқиш. Бунда: хорижий тилларига ихтисослаштирилган мактаблари учун мақбуллаштирилган ўқув дастурларини ишлаб чиқиш; инглиз, хитой, араб, япон ва бошқа хорижий тилларни чуқурлаштирилган ҳолда ўқитилишига ҳамда замонавий усулларда ўргатилишига алоҳида эътибор қаратиш назарда тутилади. 2024 йил ноябрь Ажратилган маблағлар доирасида Мактабгача ва мактаб таълими вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимлиги 28. «Ипак йўли» туризм ва маданий мерос халқаро университети таркибидаги Тошкент туризм ва сервис коллежи негизида Тошкент экотуризм техникумини ташкил этиш бўйича норматив-ҳуқуқий ҳужжат лойиҳасини ишлаб чиқиш. 2024 йил декабрь - Экология, атроф-муҳитни муҳофаза қилиш ва иқлим ўзгариши вазирлиги
Ўзбекистон Республикаси Президентининг 2024 йил 18 июлдаги ПҚ-269-сон қарорига 2-ИЛОВА
Олий таълим муассасалари ҳузурида шартнома асосида араб, япон, хитой, ҳинд, испан, итальян, корейс, урду, индонез ва малай тилларида хизмат кўрсатувчи гид-таржимонларни тайёрлаш
Т/р Олий таълим муассасалари номи Гид-таржимонларни тайёрлаш курслари (хорижий тиллар кесимида) Жами тингловчилар сони шундан, йиллар кесимида 2024 йил 2025 йил 2026 йил 1. Тошкент давлат шарқшунослик университети араб, япон, ҳинд, урду, малай 100 40 30 30 хитой 80 20 30 30 2. Ўзбекистон давлат жаҳон тиллари университети испан, итальян, япон, малай 145 40 45 60 хитой 80 20 30 30 3. «Ипак йўли» туризм ва маданий мерос халқаро университети япон, араб 200 40 90 70 хитой 200 60 60 80 4. Урганч давлат университети корейс, араб 60 20 20 20 хитой 30 10 10 10 5. Самарқанд давлат чет тиллари институти араб, япон, урду, малай, итальян 165 40 55 70 хитой 60 20 20 20 6. Андижон давлат чет тиллари институти ҳинд, япон, урду, малай 60 20 20 20 хитой 30 10 10 10 7. Бухоро давлат университети араб, индонез, малай 180 60 60 60 Жами: 1 390 400 480 510
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 18 июль,
ПҚ-269-сон
Oʻzbekiston Respublikasi Prezidentining
qarori
CHORA-TADBIRLAR REJASI
PARAMETRLARI
Turizm sohasida kadrlar tayyorlash tizimini takomillashtirish chora-tadbirlari toʻgʻrisida
Mamlakatimizda turizm sohasida xalqaro standartlarga mos uzluksiz taʼlim tizimini yanada takomillashtirish, mehnat bozorining zamonaviy talablariga muvofiq yuqori malakali raqobatbardosh kadrlarni tayyorlash tizimini yoʻlga qoʻyish, fan, taʼlim va ishlab chiqarish integratsiyasini taʼminlash, shuningdek, xizmatlar sifatini jahon talablariga toʻliq mos keladigan darajaga olib chiqish maqsadida:
1. Shunday tartib oʻrnatilsinki, unga koʻra:
a) 2024/2025 oʻquv yilidan boshlab Oʻzbekiston Respublikasidagi davlat oliy taʼlim muassasalarida turizm va mehmonxona xoʻjaligi sohalarida kadrlar tayyorlash tizimi uch yillik oliy taʼlim dasturlari asosida yoʻlga qoʻyiladi va oʻquv jarayoni “blok-modul” tizimiga asoslangan dual taʼlim shaklida tashkil etiladi. Bunda, oʻquv jarayonlarining nazariy va amaliy mashgʻulotlar ulushini:
birinchi bosqichda — 80 foiz nazariy va 20 foiz amaliy;
ikkinchi bosqichda — 50 foiz nazariy va 50 foiz amaliy;
uchinchi bosqichda — 30 foiz nazariy va 70 foiz amaliy boʻlishi nazarda tutiladi;
b) 2024-yil 1-avgustdan boshlab:
turizm sohasida kadrlar tayyorlovchi oliy taʼlim muassasalarida taʼlim jarayonini amaliyot bilan birga olib borish maqsadida ularning hududlarida budjetdan tashqari mablagʻlar hisobidan yuridik shaxs maqomiga ega boʻlmagan amaliyot bazalarini (turoperator, turagent, gid-tarjimon, mehmonxona va turizm transporti xizmatlarini koʻrsatish obyektlari (keyingi oʻrinlarda — xizmatlar koʻrsatish obyektlari) belgilangan tartibda tashkil etishga ruxsat beriladi;
2027-yil 1-yanvarga qadar turizm sohasida kadrlar tayyorlovchi oliy taʼlim muassasalarining amaliyot bazalarida koʻrsatilgan xizmatlar uchun foyda soligʻi ushbu soliq boʻyicha belgilangan soliq stavkalariga nisbatan 50 foizga kamaytirilgan stavkada toʻlanadi. Bunda, ushbu soliq imtiyozini qoʻllash natijasida boʻshaydigan mablagʻlar tashkil etilayotgan xizmatlar koʻrsatish obyektlarining moddiy-texnika bazasini rivojlantirishga yoʻnaltiriladi.
2. 2024-2025-yillarda turizm sohasida kadrlar tayyorlash tizimini takomillashtirish hamda oliy taʼlim muassasalari tomonidan hududlarda turizmni rivojlantirishga koʻmaklashish boʻyicha chora-tadbirlar rejasi 1-ilovaga muvofiq tasdiqlansin.
5. Oliy taʼlim, fan va innovatsiyalar vazirligi:
a) Turizm qoʻmitasi bilan birgalikda 2024/2025 oʻquv yiliga qadar:
turizm va mehmonxona xoʻjaligi sohalari boʻyicha oliy taʼlim dasturlarini jahon reytingida birinchi 100 talikka kiruvchi nufuzli oliy taʼlim muassasalarining taʼlim dasturlari asosida qayta koʻrib chiqib, “Oliy taʼlim yoʻnalishlari va mutaxassisliklari klassifikatori”da ushbu taʼlim yoʻnalishlarini kengaytirish hamda unga pazandachilik sohasida kadrlar tayyorlashga oid yangi taʼlim yoʻnalishini kiritish bilan bogʻliq oʻzgartirishlar kiritsin;
turizm va mehmonxona xoʻjaligi sohalariga oid oliy taʼlim yoʻnalishlarining dual taʼlim shakli boʻyicha Taʼlimning xalqaro standart tasniflagichi darajalari bilan uygʻunlashgan yangi malaka talablari hamda taʼlim dasturlarini ishlab chiqsin;
b) 2024-yil 1-avgustdan boshlab oliy taʼlim muassasalarida turizm va mehmonxona xoʻjaligi sohalarida kadrlarga boʻlgan buyurtmalarni shakllantirishda yoʻnalishlarga oid amaliyot bazalari mavjudligini qatʼiy nazoratga olsin;
v) ikki oy muddatda turistlarga xizmat koʻrsatuvchi gid-tarjimonlar sonini oshirish maqsadida 2-ilovaga muvofiq oliy taʼlim muassasalari huzurida shartnoma asosida arab, yapon, xitoy, hind, ispan, italyan, koreys, urdu, indonez va malay tillarida xizmat koʻrsatuvchi gid-tarjimonlarni tayyorlash boʻyicha qoʻshimcha kurslarni tashkil etsin.
6. Belgilansinki:
2024-yil 1-oktabrdan boshlab mazkur qarorga 2-ilovada koʻrsatilgan oliy taʼlim muassasalarida arab, yapon, xitoy, hind, ispan, italyan, koreys, urdu, indonez va malay tillarida xizmat koʻrsatuvchi gid-tarjimonlarni tayyorlash kurslarini tashkil etish xarajatlarining 30 foizi oliy taʼlim muassasalarining soʻroviga koʻra Turizmni qoʻllab-quvvatlash jamgʻarmasi hisobidan uch yil davomida qoplab beriladi;
Akademiyaga 2025/2026 oʻquv yilidan boshlab talabalarni qabul qilish kvotalari oliy taʼlim muassasalariga oʻqishga qabul qilishning davlat buyurtmasi va qoʻshimcha qabul parametrlaridan kelib chiqib belgilanadi.
Akademiya Samarqand shahar, Boburmirzo koʻchasi, 3a-uy manzilidagi Universitetga qarashli binoga bepul joylashtirilsin.
7. Turizm qoʻmitasi:
bir oy muddatda turizm, servis, mehmonxona xoʻjaligi va gid (gid-tarjimon) tayyorlash sohasidagi taʼlim yoʻnalishlari boʻyicha pedagoglar uchun oʻrta va qisqa muddatli oʻquv kurslarini tashkil etish maqsadida Universitet huzuridagi Restavratorlarni qayta oʻqitish va malakasini oshirish markazi negizida yuridik shaxs maqomiga ega boʻlgan Turizm sohasida kadrlarni qayta tayyorlash va malaka oshirish markazini tashkil qilsin;
Kambagʻallikni qisqartirish va bandlik vazirligi hamda Iqtisodiyot va moliya vazirligi bilan birgalikda ikki oy muddatda Universitet huzuridagi “Ipak yoʻli” muzeyi, “Ipak yoʻli” art-rezidensiyasi, “Ipak yoʻli” sanʼat galereyasining (keyingi oʻrinlarda — muassasalar) shtat normativlarini ishlab chiqsin va tasdiqlasin.
8. Belgilab qoʻyilsinki:
a) muassasalar xodimlari mehnatiga haq toʻlashda Vazirlar Mahkamasining 2018-yil 19-iyundagi “Davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida”gi 458-son qaroriga muvofiq tegishli muassasalar uchun belgilangan shart-sharoitlar tatbiq etiladi;
b) muassasalarni moliyalashtirish:
2024-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Ekologiya, atrof-muhitni muhofaza qilish va iqlim oʻzgarishi vazirligiga ajratilgan mablagʻlar doirasida amalga oshiriladi;
2025-yildan boshlab budjet qonunchiligi talablariga muvofiq taqdim etilgan budjet soʻrovnomalariga asosan Davlat budjeti parametrlarida nazarda tutiladi.
9. Mazkur qarorning ijrosini samarali tashkil qilishga masʼul va shaxsiy javobgar etib ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 18-iyuldagi PQ-269-son qaroriga 1-ILOVA
2024-2025-yillarda turizm sohasida kadrlar tayyorlash tizimini takomillashtirish hamda oliy taʼlim muassasalari tomonidan hududlarda turizmni rivojlantirishga koʻmaklashish boʻyicha
T/r Chora-tadbirlar nomi Ijro muddati Moliyalashtirish manbai Masʼul ijrochilar I. Turizm sohasida kadrlar tayyorlash tizimini takomillashtirish yoʻnalishida 1. “Ipak yoʻli” turizm va madaniy meros xalqaro universiteti hamda Turizmni rivojlantirish ilmiy-tadqiqot institutida turizm bilan bogʻliq maʼlumotlarni tahlil qilish va bu orqali sohani rivojlantirish boʻyicha marketing qarorlarini qabul qilishga koʻmaklashuvchi “Smart Tourism Data System” laboratoriyasini tashkil etish. Bunda: Xitoydagi mavjud tajribani oʻrganish; laboratoriyada respublikadagi turizm obyektlariga tashrif buyuruvchilar boʻyicha statistik maʼlumotlarni aniq vaqt rejimida olish imkoniyatini beruvchi platformani ishga tushirish; laboratoriyalarni zaruriy texnika vositalari bilan taʼminlash choralarini koʻrish. 2024-2025-yillar davomida Turizmni qoʻllab-quvvatlash jamgʻarmasi mablagʻlari, “Ipak yoʻli” turizm va madaniy meros xalqaro universitetining budjetdan tashqari mablagʻlari Ekologiya, atrof-muhitni muhofaza qilish va iqlim oʻzgarishi vazirligi, Madaniy meros agentligi, Raqamli texnologiyalar vazirligi 2. Xalqaro turizm akademiyasi faoliyatini yoʻlga qoʻyishni nazarda tutuvchi normativ-huquqiy hujjat loyihasini ishlab chiqish. Bunda: Akademiyani “Ipak yoʻli” turizm va madaniy meros xalqaro universitetining yuridik shaxs maqomiga ega boʻlgan tarkibiy boʻlinmasi sifatida belgilash; Akademiya xodimlarining mehnatiga haq toʻlash hamda moddiy ragʻbatlantirish darajasini “Ipak yoʻli” turizm va madaniy meros xalqaro universiteti xodimlariga tenglashtirish; “Ipak yoʻli” turizm va madaniy meros xalqaro universiteti Vasiylik kengashiga zaruratga koʻra, Akademiyaning tuzilmasiga faoliyat yoʻnalishidan kelib chiqib, xodimlarning belgilangan cheklangan soni va mehnatga haq toʻlash fondi doirasida oʻzgartirishlar kiritish, xalqaro tajribani oʻrgangan holda qoʻshimcha lavozimlar joriy etish huquqini berish nazarda tutiladi. 2024-yil noyabr - Turizm qoʻmitasi, Oliy taʼlim, fan va innovatsiyalar vazirligi, Iqtisodiyot va moliya vazirligi II. Turizm sohasiga oid yangi ishlanmalarni yaratish yoʻnalishida 3. Qoraqalpoq tarixi, madaniyati va tabiiy muhitiga taalluqli artefaktlar, sanʼat asarlari asosida Tuproqqalʼa etno-muzeyini tashkil etish grant loyihasini amalga oshirish. 2024-yil oktabr Oliy taʼlim, fan va innovatsiyalar vazirligi tomonidan ilmiy-tadqiqot loyihalari boʻyicha oʻtkaziladigan tanlov natijalariga asosan ajratiladigan grantlar Toshkent davlat iqtisodiyot universiteti, Qoraqalpogʻiston Respublikasi Vazirlar Kengashi 4. Lokal atributlar asosida Rishton, Chust, Yangiqoʻrgʻon va Boysun tumanlarining ekoturizm salohiyatini oshirish grant loyihasini amalga oshirish. 2024-yil dekabr Toshkent davlat sharqshunoslik universiteti, Oliy taʼlim, fan va innovatsiyalar vazirligi, Turizm qoʻmitasi 5. Nogironligi boʻlgan shaxslar uchun inklyuziv turizm infratuzilmasining interfaol xaritasi va “InclUZ” mobil ilovasini yaratish grant loyihasini amalga oshirish. 2025-yil sentabr Oliy taʼlim, fan va innovatsiyalar vazirligi tomonidan ilmiy-tadqiqot loyihalari boʻyicha oʻtkaziladigan tanlov natijalariga asosan ajratiladigan grantlar Buxoro davlat universiteti, Turizm qoʻmitasi, Oliy taʼlim, fan va innovatsiyalar vazirligi 6. Qoraqalpogʻiston Respublikasi turizm sohasini hududiy rivojlanishini baholashning kompleks indikatorlarini ishlab chiqish (Taxtakoʻpir, Xoʻjayli, Ellikqalʼa tumanlarida) grant loyihasini amalga oshirish. 2025-yil sentabr Toshkent davlat iqtisodiyot universiteti, Oliy taʼlim, fan va innovatsiyalar vazirligi, Turizm qoʻmitasi 7. Tarixiy obyektlar va tabiiy maskanlar uygʻunligi asosida Forish tumani turistik salohiyatini oshirish grant loyihasini amalga oshirish. 2025-yil sentabr Oliy taʼlim, fan va innovatsiyalar vazirligi tomonidan ilmiy-tadqiqot loyihalari boʻyicha oʻtkaziladigan tanlov natijalariga asosan ajratiladigan grantlar Oʻzbekiston Milliy universiteti, Oliy taʼlim, fan va innovatsiyalar vazirligi, Turizm qoʻmitasi 8. Kitob tumanidagi “Kitob geologiya milliy tabiat bogʻi”da turistik-glemping infratuzilmasini yaratish grant loyihasini amalga oshirish. 2025-yil sentabr Toshkent davlat transport universiteti, Turizm qoʻmitasi, Oliy taʼlim, fan va innovatsiyalar vazirligi 9. Qoraqalpoq milliy hunarmandchiligiga oid smart platformani yaratish grant loyihasini amalga oshirish. 2025-yil noyabr Oliy taʼlim, fan va innovatsiyalar vazirligi tomonidan ilmiy-tadqiqot loyihalari boʻyicha oʻtkaziladigan tanlov natijalariga asosan ajratiladigan grantlar Toshkent davlat iqtisodiyot universiteti, Oliy taʼlim, fan va innovatsiyalar vazirligi, Turizm qoʻmitasi 10. Xiva va Bogʻot tumanlarining turistik resurslarini innovatsion yondashuv asosida qoʻshilgan qiymat zanjirini yaratish grant loyihasini amalga oshirish. 2025-yil sentabr Urganch davlat universiteti, Oliy taʼlim, fan va innovatsiyalar vazirligi, Turizm qoʻmitasi 11. Boʻstonliq, Ohangaron, Parkent va Angren tumani hududlarida turizm sohasini kompleks rivojlantirish orqali yoshlar bandligini taʼminlash konsepsiyasini ishlab chiqish grant loyihasini amalga oshirish. 2025-yil sentabr Oliy taʼlim, fan va innovatsiyalar vazirligi tomonidan ilmiy-tadqiqot loyihalari boʻyicha oʻtkaziladigan tanlov natijalariga asosan ajratiladigan grantlar Toshkent shahridagi Singapur menejmentni rivojlantirish instituti, Oliy taʼlim, fan va innovatsiyalar vazirligi, Turizm qoʻmitasi 12. Oʻzbekiston Respublikasi turizm obyektlarining katalogini raqamlashtirishning turizm rivojlanishiga taʼsirini tadqiq etish grant loyihasini amalga oshirish. 2025-yil iyul “Ipak yoʻli” turizm va madaniy meros xalqaro universiteti, Oliy taʼlim, fan va innovatsiyalar vazirligi, Turizm qoʻmitasi 13. Inklyuziv turizmni tashkil etishning metodik asoslarini ishlab chiqish (Navoiy viloyatining Xatirchi, Nurota va Qiziltepa tumanlari misolida) grant loyihasini amalga oshirish. 2025-yil sentabr Oliy taʼlim, fan va innovatsiyalar vazirligi tomonidan ilmiy-tadqiqot loyihalari boʻyicha oʻtkaziladigan tanlov natijalariga asosan ajratiladigan grantlar Samarqand iqtisodiyot va servis instituti, Oliy taʼlim, fan va innovatsiyalar vazirligi, Turizm qoʻmitasi 14. Buxoro ziyoratgohlarining elektron 3D modelini yaratish grant loyihasini amalga oshirish. 2025-yil sentabr Oʻzbekiston xalqaro islomshunoslik akademiyasi, Oliy taʼlim, fan va innovatsiyalar vazirligi, Turizm qoʻmitasi 15. Janubiy orol boʻyi hududlarida qoraqalpoq milliy taomlari asosida gastroturizmni rivojlantirish mexanizmlarini ishlab chiqish grant loyihasini amalga oshirish. 2025-yil may Oliy taʼlim, fan va innovatsiyalar vazirligi tomonidan ilmiy-tadqiqot loyihalari boʻyicha oʻtkaziladigan tanlov natijalariga asosan ajratiladigan grantlar Qoraqalpoq davlat universiteti, Oliy taʼlim, fan va innovatsiyalar vazirligi, Turizm qoʻmitasi 16. Buxoroga tashrif (Visit to Bukhara) elektron onlayn platforma va mobil ilovani ishlab chiqish grant loyihasini amalga oshirish. 2025-yil avgust Buxoro davlat universiteti, Oliy taʼlim, fan va innovatsiyalar vazirligi, Turizm qoʻmitasi III. Hududlar da turizmni rivojlantirishga koʻmaklashish yoʻnalishida 17. Yozgi taʼtil davrida oliy taʼlim muassasalarning boʻsh turgan yotoqxonalaridan arzon mehmonxonalar (xostel) sifatida foydalanish tizimini yoʻlga qoʻyish. Bunda: tashrif buyuruvchi mehmonlar “E-mehmon” elektron platformasi orqali roʻyxatdan oʻtishini taʼminlash; mehmonxonalar (xostellar)da koʻrsatilgan xizmatlar orqali olingan mablagʻlarni amaliyot bazalarining moddiy-texnika bazalarini rivojlantirish uchun sarflash. 2025 iyundan boshlab doimiy ravishda Oliy taʼlim muassasalarining budjetdan tashqari mablagʻlari Oliy taʼlim, fan va innovatsiyalar vazirligi, Tizimida oliy taʼlim muassasalari mavjud vazirlik va idoralar 18. Chust, Yangiqoʻrgʻon, Rishton va Boysun tumanlarining turistik salohiyati boʻyicha sharq tillarida (yapon, xitoy, koreys, arab, fors, dariy, pushtu, hind, urdu, malay, indonez, turk tillari) qisqa video kontentlar tayyorlash va ijtimoiy tarmoqlar, xususan Youtube platformasiga joylab borish. 2024-2025-yillar davomida Mahalliy budjet va universitetning budjetdan tashqari mablagʻlari Toshkent davlat sharqshunoslik universiteti, Chust, Yangiqoʻrgʻon, Rishton va Boysun tumanlari hokimliklari 19. Oʻzbekiston Respublikasi Prezidentining 2023-yil 26-apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qoʻshimcha chora-tadbirlar toʻgʻrisida”gi PQ-135-son qaroriga muvofiq turizm salohiyati yuqori boʻlgan tumanlarga biriktirilgan oliy taʼlim muassasalari tomonidan hududlardagi turistik obyektlarni “Google Maps” va boshqa platformalarga joylashtirish. Shuningdek, barcha turistik obyektlar toʻgʻrisidagi maʼlumotlarni (rasmlar va koordinatlari bilan) wikipedia ochiq ensiklopediyasiga oʻzbek, rus va ingliz tillarida joylashtirish choralarini koʻrish. 2024-2025-yillar davomida Oliy taʼlim muassasalarining budjetdan tashqari mablagʻlari Oliy taʼlim, fan va innovatsiyalar vazirligi, Axborot va ommaviy kommunikatsiyalar agentligi, Turizm qoʻmitasi 20. Hududiy hokimliklar bilan birgalikda hududlarga tumanlarning turistik imkoniyatlari, tarixi va etnik xususiyatlaridan kelib chiqib, tumanlarning turistik mahsulotlari dizaynini hamda turistik shiorlarini yaratish yuzasidan ilmiy asoslangan takliflarni Vazirlar Mahkamasiga kiritish. 2024-yil oktabr - Oliy taʼlim, fan va innovatsiyalar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Turizm qoʻmitasi 21. Turizm sohasining subyektlari bilan hamkorlikda mehmonxona va yirik turizm komplekslari uchun boshqaruvchilarga boʻlgan talabni oʻrganib, har yili kamida 20 ta oʻrta boʻgʻin menejerlarining xorijdagi turizm va servis komplekslarida malaka oshirishini taʼminlash. 2024-yil avgustdan boshlab, har yili Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oliy taʼlim, fan va innovatsiyalar vazirligi 22. Turizm sohasidagi kollej va texnikumlarda turizm, umumiy ovqatlanish va mehmonxona xoʻjaligi yoʻnalishlarida ming nafar oʻquvchini davlat granti asosida dual taʼlimga jalb qilish. 2024/2025 oʻquv yilidan boshlab Davlat budjeti mablagʻlari Turizm qoʻmitasi, Oliy taʼlim, fan va innovatsiyalar vazirligi, Iqtisodiyot va moliya vazirligi 23. BMT turizmning “Ipak yoʻlida turizm” tematik ofisi uchun ajratilgan Samarqand shahri, Bobur Mirzo koʻchasi, 3-uy manzilidagi binoni Turizm qoʻmitasi huzuridagi “Ipak yoʻli ofisi” UKdan Turizm qoʻmitasi huzuridagi “Ipak yoʻli” turizm va madaniy meros xalqaro universitetiga operativ boshqaruv huquqi asosida bepul oʻtkazish. 2024-yil sentabr - Ekologiya, atrof-muhitni muhofaza qilish va iqlim oʻzgarishi vazirligi, Davlat aktivlarini boshqarish agentligi, Kadastr agentligi 25. Turizm sohasida kadrlar tayyorlovchi oliy taʼlim muassasalarining amaliyot bazalarini Qoʻqon universitetida tashkil etilgan turizm amaliyot bazasi andozasi asosida tashkil etish choralarini koʻrish. 2025-yil davomida Oliy taʼlim muassasalarining budjetdan tashqari mablagʻlari Oliy taʼlim, fan va innovatsiyalar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Turizm qoʻmitasi 26. Turoperatorlik faoliyati uchun litsenziya talablari va shartlariga turoperatorlar tomonidan oliy taʼlim muassasalari bitiruvchilarini ishga qabul qilish tartibini belgilovchi qoʻshimchalar kiritish. 2024-yil dekabr - Ekologiya, atrof-muhitni muhofaza qilish va iqlim oʻzgarishi vazirligi, Turizm qoʻmitasi 27. Xorijiy tillarga ixtisoslashtirilgan maktablar faoliyatini yoʻlga qoʻyish boʻyicha takliflar ishlab chiqish. Bunda: xorijiy tillariga ixtisoslashtirilgan maktablari uchun maqbullashtirilgan oʻquv dasturlarini ishlab chiqish; ingliz, xitoy, arab, yapon va boshqa xorijiy tillarni chuqurlashtirilgan holda oʻqitilishiga hamda zamonaviy usullarda oʻrgatilishiga alohida eʼtibor qaratish nazarda tutiladi. 2024-yil noyabr Ajratilgan mablagʻlar doirasida Maktabgacha va maktab taʼlimi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi 28. “Ipak yoʻli” turizm va madaniy meros xalqaro universiteti tarkibidagi Toshkent turizm va servis kolleji negizida Toshkent ekoturizm texnikumini tashkil etish boʻyicha normativ-huquqiy hujjat loyihasini ishlab chiqish. 2024-yil dekabr - Ekologiya, atrof-muhitni muhofaza qilish va iqlim oʻzgarishi vazirligi
Oʻzbekiston Respublikasi Prezidentining 2024-yil 18-iyuldagi PQ-269-son qaroriga 2-ILOVA
Oliy taʼlim muassasalari huzurida shartnoma asosida arab, yapon, xitoy, hind, ispan, italyan, koreys, urdu, indonez va malay tillarida xizmat koʻrsatuvchi gid-tarjimonlarni tayyorlash
T/r Oliy taʼlim muassasalari nomi Gid-tarjimonlarni tayyorlash kurslari (xorijiy tillar kesimida) Jami tinglovchilar soni shundan, yillar kesimida 2024-yil 2025-yil 2026-yil 1. Toshkent davlat sharqshunoslik universiteti arab, yapon, hind, urdu, malay 100 40 30 30 xitoy 80 20 30 30 2. Oʻzbekiston davlat jahon tillari universiteti ispan, italyan, yapon, malay 145 40 45 60 xitoy 80 20 30 30 3. “Ipak yoʻli” turizm va madaniy meros xalqaro universiteti yapon, arab 200 40 90 70 xitoy 200 60 60 80 4. Urganch davlat universiteti koreys, arab 60 20 20 20 xitoy 30 10 10 10 5. Samarqand davlat chet tillari instituti arab, yapon, urdu, malay, italyan 165 40 55 70 xitoy 60 20 20 20 6. Andijon davlat chet tillari instituti hind, yapon, urdu, malay 60 20 20 20 xitoy 30 10 10 10 7. Buxoro davlat universiteti arab, indonez, malay 180 60 60 60 Jami: 1 390 400 480 510
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 18-iyul,
PQ-269-son
Президента Республики Узбекистан
Постановление
О мерах по совершенствованию системы подготовки кадров в сфере туризма
В целях дальнейшего совершенствования системы непрерывного образования, соответствующей международным стандартам, создания системы подготовки высококвалифицированных конкурентоспособных кадров в соответствии с современными требованиями рынка труда, обеспечения интеграции науки, образования и производства в сфере туризма в нашей стране, а также повышения качества услуг до уровня, полностью соответствующего мировым требованиям:
1. Установить порядок, в соответствии с которым:
а) начиная с 2024/2025 учебного года в государственных высших образовательных учреждениях Республики Узбекистан будет налажена система подготовки кадров в сфере туризма и гостиничного хозяйства на основе трехлетних программ высшего образования, образовательный процесс будет организован в форме дуального образования на основе системы «блок-модуль». При этом предусматривается, что доля теоретических и практических занятий в процессах обучения составит:
на первом курсе — 80 процентов теория и 20 процентов практика;
на втором курсе — 50 процентов теория и 50 процентов практика;
на третьем курсе — 30 процентов теория и 70 процентов практика;
б) начиная с 1 августа 2024 года:
в целях интеграции образовательного процесса и практики высшим образовательным учреждениям, осуществляющим подготовку кадров в сфере туризма, разрешается в установленном порядке создавать на своей территории базы прохождения практики (объекты оказания услуг туроператора, турагента, гида-переводчика, а также гостиничных и туристских транспортных услуг (далее — объекты оказания услуг) без статуса юридического лица за счет внебюджетных средств;
до 1 января 2027 года налог на прибыль за оказанные услуги в базах прохождения практики высших образовательных учреждениях, осуществляющих подготовку кадров в сфере туризма, уплачивается по ставке, сниженной на 50 процентов от установленной налоговой ставки. При этом средства, высвобождаемые в результате применения данной налоговой льготы, направляются на развитие материально-технической базы объектов оказания услуг.
2. Утвердить План мероприятий по совершенствованию системы подготовки кадров в сфере туризма и содействию развития туризма в регионах высшими образовательными учреждениями в 2024-2025 годах согласно приложению № 1 * .
5. Министерству высшего образования, науки и инноваций:
а) совместно с Комитетом по туризму до 2024/2025 учебного года:
пересмотрев программы высшего образования в сфере туризма и гостиничного хозяйства на основе образовательных программ престижных высших образовательных учреждений, входящих в топ-100 мирового рейтинга, внести изменения, связанные с расширением этих направлений образования в «Классификаторе направлений и специальностей высшего образования», а также включением в него нового направления образования по подготовке кадров в области кулинарии;
разработать новые квалификационные требования и образовательные программы, соответствующие уровням Международной стандартной классификации образования, по дуальной форме направлений высшего образования в сфере туризма и гостиничного хозяйства;
б) начиная с 1 августа 2024 года взять на строгий контроль наличие баз прохождения практики по направлениям при формировании заказов на кадры в туристической и гостиничной сфере в высших образовательных учреждениях;
в) в двухмесячный срок в целях увеличения количества гидов-переводчиков, оказывающих услуги туристам, организовать на договорной основе при высших образовательных учреждениях, согласно приложению № 2 * , дополнительные курсы по подготовке гидов-переводчиков, оказывающих услуги на арабском, японском, китайском, хинди, испанском, итальянском, корейском, урду, индонезийском и малайском языках.
6. Установить, что:
с 1 октября 2024 года в высших учебных заведениях, указанных в приложении № 2 * к настоящему постановлению, 30 процентов расходов по организации курсов по подготовке гидов-переводчиков, оказывающих услуги на арабском, японском, китайском, хинди, испанском, итальянском, корейском, урду, индонезийском и малайском языках, покрываются в течение трех лет за счет Фонда поддержки туризма по запросу высших образовательных учреждений;
квота приема студентов в Академию с 2025/2026 учебного года будет определяться исходя из государственного заказа на поступление в высшие образовательные учреждения и дополнительных параметров приема.
Разместить Академию на безвозмездной основе в здании, принадлежащем Университету, по адресу: г. Самарканд, ул. Бабурмирзо, 3а.
7. Комитету по туризму:
в месячный срок в целях организации средних и краткосрочных учебных курсов для преподавателей по направлениям образования в сфере туризма, сервиса, гостиничного хозяйства и подготовки гидов (гид-переводчиков), создать на базе Центра переподготовки и повышения квалификации реставраторов при Университете Центр переподготовки и повышения квалификации кадров в сфере туризма со статусом юридического лица;
совместно с Министерством занятости и сокращения бедности, а также Министерством экономики и финансов в двухмесячный срок разработать и утвердить нормативы штатов Музея «Шелкового пути», Арт-резиденции «Шелковый путь», Художественной галереи «Шелковый путь» (далее — учреждения) при Университете.
8. Установить, что:
а) при выплате заработной платы работникам учреждений, применяются условия, определенные для соответствующих учреждений, в соответствии с постановлением Кабинета Министров от 19 июня 2018 года № 458 «Об утверждении усовершенствованной системы оплаты труда и материального стимулирования работников государственных учреждений культуры и государственных архивов»;
б) финансирование учреждений:
в 2024 году будет осуществлено за счет средств, выделенных Министерству экологии, охраны окружающей среды и изменения климата в качестве распределителя бюджетных средств первого уровня из республиканского бюджета Республики Узбекистан;
с 2025 года будет предусмотрено в параметрах Государственного бюджета на основе бюджетных запросов, представляемых в соответствии с требованиями бюджетного законодательства.
9. Возложить на министра экологии, охраны окружающей среды и изменения климата А.А. Абдухакимова персональную ответственность за эффективную организацию исполнения настоящего постановления.
Обсуждение хода исполнения постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
18 июля 2024 г.,
№ ПП-269