UzbekAI

Ўзбекистон Республикаси Президентининг

Фармони

ТАРКИБИ

ТАРКИБИ

«ЙЎЛ ХАРИТАСИ»

Ўзбекистон Республикасида туризм инфратузилмасини яхшилаш ва хорижий туристлар оқимини янада оширишга қаратилган қўшимча чора-тадбирлар тўғрисида

Мамлакатимиз ҳудудларида янги туризм индустрияси объектларини кўпайтириш орқали қулай саёҳат қилиш учун зарур шарт-шароитлар яратиш, жаҳон бозорида миллий туризм маҳсулотларини фаол тарғиб қилишнинг замонавий механизмларини жорий қилиш, ички туризм имкониятларини янада кенгайтириш, транспорт логистикасидаги мавжуд муаммоларни ҳал этиш, шунингдек, соҳага тўғридан-тўғри инвестицияларни жалб қилиш мақсадида:

1. Шундай тартиб ўрнатилсинки, унга мувофиқ, туризм соҳасида қулай тадбиркорлик муҳитини яратиш ва туризм хизматлари экспортини кенгайтириш мақсадида:

а) 2024 йил 1 сентябрдан бошлаб кириш туризми фаолиятини амалга оширувчи Ўзбекистон Республикаси резиденти бўлган туроператорларни хорижий мамлакатлардан республикага туристларни олиб келишда айланма маблағ билан таъминлаш учун Тикланиш ва тараққиёт жамғармаси томонидан республика тижорат банклари орқали 10 миллион АҚШ доллари эквивалентида миллий валютада йиллик 14 фоиз ставкада кредит линияси очилади. Бунда:

тижорат банклари томонидан Тикланиш ва тараққиёт жамғармаси ресурслари ҳисобидан ажратиладиган кредитлар бўйича белгиланган йиллик фоиз ставкаси таркибида банк маржаси 3 фоиздан ошмаган миқдорда ўрнатилади;

кредит маблағлари туроператорларга 2 йиллик имтиёзли давр (фоиз ва асосий қарздан) билан 10 йил муддатга ажратилади;

Тикланиш ва тараққиёт жамғармаси томонидан тижорат банкларига ресурслар 3 йиллик имтиёзли давр билан 12 йил муддатга ажратилади;

б) 2025 йил 1 августга қадар Қорақалпоғистон Республикасида рўйхатга олиниб, лицензияга эга бўлган туроператорларга, истисно тариқасида, экстремал турларни ташкил қилиш учун двигатель ҳажми 2,4 литрдан кам бўлмаган юқори ўтиш қобилиятига эга транспорт воситалари импорт қилинаётганда божхона божи ва утилизация йиғимини амалдаги ставканинг 25 фоизи миқдорида 3 йил муддатга бўлиб-бўлиб тўлашга рухсат этилади.

Бунда, ушбу транспорт воситаси импорт қилинган кундан бошлаб 3 йил давомида Қорақалпоғистон Республикаси ҳудудидан ташқарида фойдаланилганлиги, бошқа шахсларга сотилганлиги ёки ўтказилганлиги ёхуд ижарага берилганлиги аниқланган тақдирда, божхона божи ва утилизация йиғими тўлиқ ҳажмда импорт қилган шахсдан ундириб олинади;

в) 2025 йил 1 августга қадар туризм соҳасида фаолият юритувчи тадбиркорлик субъектлари томонидан импорт қилинадиган автобус ва микроавтобуслар божхона божидан озод этилади. Бунда:

мазкур имтиёзлар Ўзбекистон Республикаси божхона ҳудудига олиб кирилаётган янги ишлаб чиқарилган, «Евро-5» ва ундан юқори экологик тоифа талабларига мос келадиган автобус ва ҳайдовчидан ташқари саккиз ва ундан ортиқ ўриндиқларга эга бўлган микроавтобуслар учун тақдим этилади;

импорт қилинган автобуслар ва микроавтобуслар импорт қилинган кундан бошлаб 3 йил давомида бошқа шахсга сотилган ёки ўтказилган ёхуд ижарага берилган тақдирда, тақдим этилган имтиёзлар бекор қилинади ҳамда божхона божи белгиланган тартибда тўлиқ ҳажмда импорт қилган шахсдан ундириб олинади;

г) Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси (кейинги ўринларда — Туризм қўмитаси) томонидан рўйхати шакллантириладиган халқаро туризм ярмаркалари ва кўргазмаларида туризм соҳасидаги тадбиркорлар, ҳунармандлар, маданият ва санъат вакиллари иштирок этади. Бунда, 2025 йил 1 январдан бошлаб:

халқаро туризм ярмарка ва кўргазмалари учун Қорақалпоғистон Республикаси, вилоятлар ва Тошкент шаҳар маҳаллий бюджетидан 1 миллиард сўмдан кам бўлмаган маблағлар ажратилади;

фаолият бошлаганига 3 йилдан кўп бўлмаган туроператорларнинг халқаро туризм ярмарка ва кўргазмаларидаги павильон ижараси харажатининг 50 фоизи Туризм қўмитасининг бюджетдан ташқари Туризмни қўллаб-қувватлаш жамғармаси (кейинги ўринларда — Жамғарма) маблағлари ҳисобидан қоплаб берилади;

ҳунармандларнинг халқаро туризм ярмаркалари ва кўргазмаларидаги павильон ижараси, уларда намойиш этиладиган маҳсулотларини ташиш ва авиачипта харажатларининг 50 фоизи Камбағалликни қисқартириш ва бандлик вазирлиги ҳузуридаги Ҳунармандчилик ва касаначиликни қўллаб-қувватлаш жамғармаси маблағлари ҳисобидан қоплаб берилади.

2. Қуйидагилар:

Туризмни ривожлантириш бўйича республика жамоатчилик кенгаши (кейинги ўринларда — Республика кенгаши) таркиби 1-иловага мувофиқ;

Туризмни ривожлантириш бўйича маҳаллий жамоатчилик кенгашларининг (кейинги ўринларда — маҳаллий кенгаш) намунавий таркиби 2-иловага мувофиқ;

Хорижий ва маҳаллий туристлар оқимини янада ошириш бўйича «йўл харитаси» 3-иловага мувофиқ тасдиқлансин.

3. Туризм қўмитасининг Ўзбекистон Республикасининг туризм маҳсулотини халқаро ва ички туризм бозорларида тарғиб қилиш, саёҳат ва дам олиш учун хавфсиз мамлакат сифатидаги имижини янада мустаҳкамлашга қаратилган қуйидагиларни назарда тутувчи янги миллий туризм брендини (танитиш белгиси) яратиш тўғрисидаги таклифига розилик берилсин:

маркетинг ва брендинг консалтинг компанияларини жалб қилган ҳолда Ўзбекистон Республикасининг янги миллий туризм бренди (кейинги ўринларда — туризм бренди)ни ишлаб чиқиш;

туризм брендининг мақсадли бозорлар (аудитория) талабларидан келиб чиқиб, хорижий мамлакатларда Ўзбекистоннинг тарихий, маданий, гастрономик, тиббий ва соғломлаштириш, археологик, экологик ва экстремал каби туризмнинг турлари тўғрисида контентлар яратиш;

замонавий маркетинг технологияларидан, шу жумладан халқаро медиа ва ижтимоий платформалар, бутунжаҳон спорт, маданият ва санъат тадбирлари майдонидан фойдаланган ҳолда туризм брендини тарғиб қилиш тизимини яратиш.

4. Туризм қўмитаси:

2024 йил 1 октябрга қадар янги миллий туризм брендини яратиш учун танлов ўтказсин;

2024 йил Халқаро туризм куни доирасида биринчи глобал сайёҳлик медиакампусини ташкил қилсин;

2024-2025 йилларда аудиторияси 10 миллиондан ортиқ бўлган 50 нафаргача хорижий журналист, блогер, влогер ва инфлюэнсерларни жалб қилсин.

5. Белгилансинки:

а) Ўзбекистон Республикаси резиденти бўлган туроператорларнинг ўз маҳсулотларини тарғиб қилиш мақсадида республикага олиб келган машҳур хорижий блогерларнинг (аудиторияси 1 миллиондан кам бўлмаган) яшаш харажатлари Жамғарма маблағлари ҳисобидан қоплаб берилади.

Бунда, машҳур блогерларни олиб келиш бўйича сарф-харажатлар сметаси Туризм қўмитаси билан олдиндан келишилади;

б) Республика кенгаши ҳар чоракда камида бир маротаба, маҳаллий кенгашлар ҳар ойда бир маротаба туризм соҳаси субъектлари фаолияти, туризм инфратузилмаси ва транспорт логистикаси соҳаларида вужудга келаётган муаммоларни кўриб чиқиб, уларни бартараф қилиш ва мавсум олди тайёргарлик кўриш ҳамда олдиндан хабар бериш тартиби асосида фаолият юритади;

в) 2025 йил 1 январдан бошлаб камида 100 нафар хорижий иштирокчиси бўлган уч кундан кам бўлмаган бизнес тадбирларни Ўзбекистон Республикаси ҳудудида ташкил қилган тадбиркорлик субъектлари 2028 йил 1 январгача ушбу бизнес тадбирларни ташкил қилишдан олинган даромаддан олинган фойда солиғини ушбу солиқ бўйича белгиланган солиқ ставкасига нисбатан 50 фоизга камайтирилган солиқ ставкаси бўйича тўлайди.

6. Туризм қўмитаси:

бир ой муддатда миллий туризм делегацияси иштирок этиши лозим бўлган кўргазмалар рўйхатини қайта кўриб чиқиб, Вазирлар Маҳкамасига тасдиқлаш учун киритсин;

уч ой муддатда фаолият бошлаганига 3 йилдан кўп бўлмаган туроператорларнинг халқаро туризм ярмарка ва кўргазмаларидаги павильон ижараси харажатининг 50 фоизини Жамғарма маблағлари ҳисобидан қоплаб бериш бўйича норматив-ҳуқуқий ҳужжат лойиҳасини ишлаб чиқиб, Вазирлар Маҳкамасига киритсин;

Маданият вазирлиги «Ҳунарманд» уюшмаси билан биргаликда 2024 йил 1 декабрга қадар хорижий мамлакатлар кесимида халқаро туризм кўргазмаларида намойиш қилиш учун маданий, гастрономик ва ҳунармандчилик контентини ишлаб чиқсин.

7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2025 йилдан бошлаб ҳар йили халқаро туризм ярмаркалари ва кўргазмалари учун маҳаллий бюджетдан Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари кенгашларига тақдимнома киритган ҳолда 1 миллиард сўмдан кам бўлмаган маблағлар ажратиб бориш чораларини кўрсин.

8. Камбағалликни қисқартириш ва бандлик вазирлиги икки ой муддатда халқаро фестивалларда қатнашадиган ҳунармандларга павильон ижараси, уларда намойиш этиладиган маҳсулотларини ташиш ҳамда авиачипта харажатларининг 50 фоизини Ҳунармандчилик ва касаначиликни қўллаб-қувватлаш жамғармасидан қоплаб бериш тартибини назарда тутувчи қарор лойиҳасини Вазирлар Маҳкамасига тасдиқлаш учун киритсин.

9. Вазирлар Маҳкамаси (Ж. Қўчқоров, Ж. Ходжаев) икки ой муддатда туроператорларга айланма маблағ учун экспорт олди молиялаштиришга 50 миллион долларгача ресурс ажратиш ва уни мақсадли ишлатиш тартибини жорий этиш бўйича норматив-ҳуқуқий ҳужжат лойиҳасини киритсин.

10. Туризм қўмитаси Стратегик ислоҳотлар агентлиги билан биргаликда 2024 йил 1 декабрга қадар илғор хорижий тажрибани ўрганган ҳолда «Мавжуд туризм маҳсулотларини тақдим этиш» моделидан «Мижозга нима керак» моделига ўтишнинг қисқа муддатли концепциясини ишлаб чиқсин.

Бунда, сайёҳларнинг фикрини ўрганиш мақсадида халқаро аэропортлар, чегара ўтказиш пунктлари ва туризм намойиши объектларида QR-код асосида сўровлар ўтказиб борилиши назарда тутилади.

11. Транспорт вазирлиги, Иқтисодиёт ва молия вазирлиги, Рақамли технологиялар вазирлиги 2024 йил 1 декабрга қадар юртимиздаги барча авиа, темир йўл ва автобус қатновлари ҳақида маълумот ва чипта олиш имконини берадиган ягона онлайн платформани ишга туширсин.

12. Транспорт вазирлиги:

авиа, темир йўл ва автобус чипталарини табақалаштирилган нархларда камида олти ой олдин савдога чиқариш тизимини жорий қилсин;

Наврўз умумхалқ байрами, Мустақиллик куни, Янги йил байрами ва Рамазон ҳайити (Ийд ал-Фитр) ҳамда Қурбон ҳайити (Ийд ал-Адҳа) диний байрамларини нишонлаш даврида республика ҳудудларини боғловчи қўшимча авиа, темир йўл ва автобус қатновларини йўлга қўйсин;

Туризм қўмитаси билан биргаликда маҳаллий ва хорижий фуқароларни транспорт ва туризм соҳасида амалга оширилаётган ислоҳотлардан хабардор қилиш мақсадида амалга оширилаётган тадбирлар, жумладан, очилаётган янги рейслар, рейслардаги юкламалар, шакллантирилаётган янги авиа ва темир йўл маршрутлари тўғрисида маълумотларни мунтазам равишда оммавий ахборот воситалари ва ижтимоий тармоқларда ёритиб борсин.

13. Ўзбекистон Республикаси Президентининг 2024 йил 8 июлдаги «Ҳудудларнинг иқтисодий салоҳиятини рўёбга чиқариш ва бўш ер участкаларидан самарали фойдаланиш чора-тадбирлари тўғрисида»ги ПҚ-245-сон қарорининг 3-иловаси билан мастер-режалар ишлаб чиқиладиган 20 та туман (шаҳар)ларнинг рўйхати тасдиқланганлиги маълумот учун қабул қилинсин.

Белгилансинки, мастер-режалар ишлаб чиқиладиган ҳудудларда ер участкаларини сотишдан тушган маблағлар биринчи навбатда Жамғарма харажатларини қоплашга йўналтирилади.

14. Иқтисодиёт ва молия вазирининг ўринбосари С. Саъдуллаев мастер-режалар ишлаб чиқиладиган 20 та туман (шаҳар) ҳудудларида инфратузилмани ривожлантириш билан боғлиқ масалаларни молиялаштириш учун масъул этиб белгилансин.

15. Иқтисодиёт ва молия вазирлиги мастер-режалар ишлаб чиқиладиган 20 та туман (шаҳар) ҳудудларида муҳандислик-коммуникация тармоқларини яхшилаш учун:

2024 йил 31 декабрга қадар Ўзбекистон Республикасининг республика бюджетидан 100 миллиард сўм ажратсин;

2025 йил учун Ўзбекистон Республикасининг ижтимоий ва ишлаб чиқариш инфратузилмасини ривожлантириш бўйича давлат дастурида 132 миллиард сўм ажратиш кўзда тутилишини таъминласин.

16. Туризм қўмитаси Иқтисодиёт ва молия вазирлиги билан биргаликда уч ой муддатда бизнес туризмини (MICE) ривожлантириш учун янада қулай муҳит яратишга қаратилган норматив-ҳуқуқий ҳужжат лойиҳасини ишлаб чиқиб, Вазирлар Маҳкамасига киритсин.

17. Экология, атроф-муҳитни муҳофаза қилиш ва иқлим ўзгариши вазирлиги, Транспорт вазирлиги, Мудофаа вазирлиги бир ой муддатда Мўйноқ ва Паркент туманларида экстремал туризмни ривожлантириш дастурини ишлаб чиқиб, Вазирлар Маҳкамасига киритсин.

18. Вазирлар Маҳкамаси (Ж. Қўчқоров), Қурилиш ва уй-жой коммунал хўжалиги вазирлиги икки ой муддатда кичик бизнесга тайёр жойни қуриб таклиф қилиш тизимини яратиш бўйича таклифларни киритсин.

19. Ўзбекистон Республикаси Президентининг айрим ҳужжатларига 4-иловага мувофиқ ўзгартириш ва қўшимчалар киритилсин.

20. Мазкур Фармоннинг ижросини самарали ташкил қилишга масъул ва шахсий жавобгар этиб Ўзбекистон Республикаси Бош вазирининг ўринбосари Ж.А. Қўчқоров ҳамда экология, атроф-муҳитни муҳофаза қилиш ва иқлим ўзгариши вазири А.А. Абдухакимов белгилансин.

Фармон ижроси учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президентининг 2024 йил 18 июлдаги ПФ-102-сон Фармонига 1-ИЛОВА

Туризмни ривожлантириш бўйича республика жамоатчилик кенгаши

1. А.Н. Арипов — Ўзбекистон Республикаси Бош вазири, Жамоатчилик кенгаши раиси 2. Г.Б. Исраилова — Ўзбекистон хусусий сайёҳлик ташкилотлари уюшмаси раиси, Жамоатчилик кенгаши раиси ўринбосари 3. А.А. Абдухакимов — экология, атроф-муҳитни муҳофаза қилиш ва иқлим ўзгариши вазири, Жамоатчилик кенгаши раиси ўринбосари 4. З. Пололикашвили — Бирлашган Миллатлар Ташкилотининг туризм бош котиби 5. С. Ибботсон — Ўзбекистоннинг Буюк Британиядаги туризм элчиси 6. З. Тонгқиан — «Ипак йўли» туризм ва маданий мерос халқаро университети проректори 7. Ю. Мизумори — Туризм қўмитасининг Япониядаги туризм вакили 8. О. Қ. Норинбоев — Ўзбекистон география жамияти раиси 9. Ф.А. Абдуллаева — Ўзбекистон меҳмонхоналар уюшмаси раиси 10. А.Х. Умаров — Ўзбекистон ошпазлар уюшмаси раиси 11. Т.Д. Мусин — Ўзбекистон рестораторлар ва отельерлар уюшмаси раиси 12. Д.Р. Ураков — Ўзбекистон «Ҳунарманд» уюшмаси раҳбари в.б. 13. Ш.М. Саибов — Ўзбекистон туризм транспорти уюшмаси раиси 14. М.С. Султанова — Ўзбекистон социал туризм уюшмаси раиси 15. Л.Ю. Козловский — Ўзбекистон экстремал ва тоғ туризми федерацияси раиси 16. М.С. Сайдаминов — «Orient voyages» масъулияти чекланган жамияти директори 17. З.А. Бутаев — «Samarkand touristic centre» масъулияти чекланган жамияти ижрочи директори 18. М.М. Рамазонов — «Авруд травел» масъулияти чекланган жамияти маркетинг ва бизнесни ривожлантириш бўйича директори 19. Б.Р. Ашуралиев — «Элан Экспресс» масъулияти чекланган жамияти директори 20. Л.М. Мирзаева — «Фаровон Хива хотел» меҳмонхонаси бош менежери 21. Б.Р. Кораходжаев — «Asia star plaza» масъулияти чекланган жамияти директори 22. Д.А. Якубова — «Oʻzbekiston 24» ахборот-таҳлилий телерадиоканали сиёсий шарҳловчиси 23. Э.А. Тухватулина — «Дунё бўйлаб» телеканали «Всё о Туризме» дастури муаллифи ва бошловчиси 24. О.А. Назарбеков — маданият вазири 25. И.Р. Махкамов — транспорт вазири 26. Б.О. Саидов — ташқи ишлар вазири 27. Ш.С. Хидоятов — қурилиш ва уй-жой коммунал хўжалиги вазири в.б. 28. П.Р. Бобожонов — ички ишлар вазири 29. И.И. Норқулов — иқтисодиёт ва молия вазирининг биринчи ўринбосари 30. А.З. Саъдуллаев — ёшлар ишлари агентлиги директори 31. Б.Г. Абдикаримов — Маданий мерос агентлиги директори 32. У.Р. Шадиев — Туризм қўмитаси раиси, Жамоатчилик кенгаши котиби

Ўзбекистон Республикаси Президентининг 2024 йил 18 июлдаги ПФ-102-сон Фармонига 2-ИЛОВА

Туризмни ривожлантириш бўйича маҳаллий жамоатчилик кенгашларининг намунавий

1. Лавозимига кўра — Қорақалпоғистон Республикаси Вазирлар кенгаши Раиси, вилоятлар ва Тошкент шаҳри ҳокимлари, маҳаллий жамоатчилик кенгаши раиси 2. Лавозимига кўра — Туризм соҳасидаги нодавлат нотижорат ташкилоти вакили, Маҳаллий жамоатчилик кенгаши раиси ўринбосари 3. Лавозимига кўра — Қорақалпоғистон Республикаси Вазирлар кенгаши Раисининг, вилоятлар ва Тошкент шаҳри ҳокимларининг туризм, маданият, маданий мерос ва оммавий коммуникациялар масалалари бўйича ўринбосарлари, маҳаллий жамоатчилик кенгаши раиси ўринбосари 4. Лавозимига кўра — Туризм ва унга ёндош соҳалардаги нодавлат нотижорат ташкилотлари вакиллари 5. Лавозимига кўра — Ҳудуддаги йирик туроператорлар 6. Лавозимига кўра — Ҳудуддаги йирик меҳмонхона вакиллари 7. Лавозимига кўра — оммавий ахборот воситалари вакиллари 8. Лавозимига кўра — Маданият вазирлигининг ҳудудий бўлинмаси бошлиғи 9. Лавозимига кўра — транспорт вазирлигининг ҳудудий бўлинмаси бошлиғи 10. Лавозимига кўра — Ташқи ишлар вазирлигининг консуллик бўлинмаси бошлиғи 11. Лавозимига кўра — қурилиш ва уй-жой коммунал хўжалиги вазирлигининг ҳудудий бўлинмаси бошлиғи 12. Лавозимига кўра — ички ишлар вазирлигининг ҳудудий бўлинмаси бошлиғи 13. Лавозимига кўра — иқтисодиёт ва молия вазирлигининг ҳудудий бўлинмаси бошлиғи 14. Лавозимига кўра — Ёшлар ишлари агентлиги ҳудудий бўлинмаси бошлиғи 15. Лавозимига кўра — Маданий мерос агентлигининг ҳудудий бўлинмаси бошлиғи 16. Лавозимига кўра — Туризм қўмитасининг ҳудудий бошқармаси ўринбосари Маҳаллий жамоатчилик кенгаши котиби

Ўзбекистон Республикаси Президентининг 2024 йил 18 июлдаги ПФ-102-сон Фармонига 3-ИЛОВА

Хорижий ва маҳаллий туристлар оқимини янада ошириш бўйича

Т/р Чора-тадбирлар номи Амалга ошириш механизми Ижро муддати Молиялаштириш манбалари Масъул ижрочилар I. Ҳудудларда туризм инфратузилмасини яхшилаш чора-тадбирлари 1. Кичик бизнесга тайёр жойни қуриб таклиф қилиш бўйича янги тизим яратиш. Норматив-ҳуқуқий ҳужжат лойиҳасини ишлаб чиқиб, Вазирлар Маҳкамасига киритиш . Икки ой муддатда Иқтисодиёт ва молия вазирлиги, Қурилиш ва уй-жой коммунал хўжалиги вазирлиги 2. Бўстонлиқ туманидаги 100 миллион доллар инвестиция жалб қилинган ҳолда «Хаятт» меҳмонхонаси талаблари асосида барпо этилаётган меҳмонхона мажмуасига олиб борувчи 4Р6д Тошкент ш. — Чирчиқ ш. — Чимён автомобиль йўлини реконструкция қилиш. 1. Лойиҳа-смета ҳужжатларини ишлаб чиқиш ва давлат экспертизасидан ўтказиш. 2. Лойиҳани Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурига киритиш бўйича Вазирлар Маҳкамаси Раёсатига таклиф киритиш. 2024 йил октябрь Туризм объектлари атрофидаги ер майдонлари, сув ва йўл инфратузилмаларини яхшилашга ажратиладиган маблағлар ҳисобидан Тошкент вилояти ҳокимлиги, Туризм қўмитаси, Иқтисодиёт ва молия вазирлиги 3. Таъмирлаш ишларини амалга ошириш. 2025 йил 3. Тошкент вилоятида «Хаятт» меҳмонхонаси талаблари асосида барпо этилаётган меҳмонхона фаолиятини йўлга қўйиш мақсадида мажмуанинг электр энергияси истеъмоли режасидан келиб чиқиб, керакли қувватдаги электр подстанциясини ўрнатиш. Бунда, подстанция қурилиши учун сарфланган харажатлар меҳмонхона мажмуасига етказиб берилган электр энергиясини монетизация қилиш (сотуви) ҳисобидан қопланади. Амалий чора-тадбирлар. 2025 йил Республика бюджети маблағлари «Ҳудудий электр тармоқлари» АЖ 4. Ғелондан ўтувчи Оқсув дарёсида 63 миллион АҚШ долларилик қуввати 24 Мегаваттли 3 та ГЭСни ишга тушириш. Амалий чора-тадбирлар. 2025 йил давомида Ижрочилар маблағлари «Ўзбекгидроэнерго» АЖ 5. Сечанкўл ва Ачинкўл кўллари бўйида туристик масканлар барпо этиш, туризм хизмат турларини ташкил этиш. Кўллар атрофида туристик масканлар барпо этиш, туризм хизмат турларини ташкил этиш бўйича ўрганишлар олиб бориш ва Вазирлар Маҳкамасига аниқ таклифларни киритиш. 2025 йил март - Қашқадарё вилояти ҳокимлиги, Туризм қўмитаси 6. Наманган вилояти Чортоқ туманида камида 10 та санатория ва меҳмонхона ташкил қилишга инвесторларни жалб қилиш. 1. Чортоқ туманида санатория-курорт зоналарини ташкил қилиш учун салоҳияти юқори бўлган ҳудудларни аниқлаш. Бир ой муддатда Ижрочилар маблағлари Наманган вилояти ҳокимлиги, Инвестициялар, саноат ва ташқи савдо вазирлиги, Ташқи ишлар вазирлиги 2. Россия Федерацияси ва Хитой Халқ Республикасидаги инвесторлар учун тақдимотлар тайёрлаш. Икки ой муддатда 3. Россия Федерацияси ва Хитой Халқ Республикасига ташрифларни амалга ошириш ва ижобий натижаларга эришиш. 2024 йил давомида 7. Хитой, Россия, Туркия ва бошқа мақсадли давлатлардан хорижий сайёҳлар сонини ошириш ва туризм инфратузилмасига инвестиция жалб қилиш чораларини кўриш. Бунда, вилоят ҳокимларининг ўринбосарлари бошчилигидаги делегацияларни уч ойгача ушбу давлатларда хизмат сафарида бўлишини таъминлаш. 1. Ҳокимликлар вакилларининг Хитой, Россия, Туркия ва бошқа давлатларга ташрифи бўйича режа-жадвал тузиш. 2. Ушбу давлатлардаги дипломатик ваколатхоналар, тегишли хорижий ташкилотлар билан музокара ўтказиб, вилоятлар делегацияларининг ташрифини ташкил этиш. 3. Хитой, Россия, Туркия ва бошқа давлатлардаги й ирик бизнес эгаларининг ҳудудлар туризм инфратузилмасига инвестиция киритиши ва туроператорлар томонидан туристик оқимни кўпайтириш мақсадида икки томонлама келишувларга эришиш. 2024 йил 1 августдан бошлаб, доимий равишда Ижрочилар маблағлари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Инвестициялар, саноат ва ташқи савдо вазирлиги, Ташқи ишлар вазирлиги 8. Мастер-режалар ишлаб чиқиладиган 20 та туман (шаҳар)ларнинг ҳар бирига 50 миллион долларлик инвестиция киритиш бўйича тақдимот қилиш. Тақдимот лойиҳаси. Бир ой муддатда - Инвестициялар, саноат ва ташқи савдо вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 9. Миср ва Туркия тажрибаси асосида Самарқанд ва Бухоро шаҳарларида шарқ бозори лойиҳасини амалга ошириш. 1. Шарқ бозори лойиҳасини ишлаб чиқиш. 2. Лойиҳалар тақдимотини ўтказиш. 3. Лойиҳани амалга ошириш истагини билдирган ташаббускорларни аниқлаш. Икки ой муддатда Ижрочилар маблағлари Савдо-саноат палатаси, «Ўзмиллий банк» АЖ, Маданий мерос агентлиги, Қурилиш ва уй-жой коммунал хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги 4. Шарқ бозорлари лойиҳасини ЮНЕСКО билан ўрнатилган тартибда келишиш. 2024 йил якунига қадар 10. Етакчи хорижий давлатларда «Farovon» миллий меҳмонхона бренди остида меҳмонхоналар барпо этиш бўйича таклифларни ишлаб чиқиш. Таклифлар ишлаб чиқиш. Уч ой муддатда - Вазирлар Маҳкамаси, Экология, атроф-муҳитни муҳофаза қилиш ва иқлим ўзгариши вазирлиги, Ўзбекистон техник жиҳатдан тартибга солиш агентлиги, Ташқи ишлар вазирлиги, Туризм қўмитаси, Қурилиш ва уй-жой коммунал хўжалиги вазирлиги 11. Туризм соҳасидаги инвесторларга қулай сармоявий муҳит яратиш. Бунда, 3-5 юлдузли меҳмонхона ва курорт (резорт)ларни барпо этаётган хорижий ва маҳаллий инвесторларга махсус туристик-рекреацион зоналарга нисбатан қўлланадиган имтиёз ва афзалликларни тақдим этишни кўзда тутувчи «туризм инвестори» мақомини жорий қилиш. Таклифлар ишлаб чиқиш ва Вазирлар Маҳкамасига киритиш. Уч ой муддатда - Инвестициялар, саноат ва савдо вазирлиги, Туризм қўмитаси, Давлат активларини бошқариш агентлиги 12. Бирорта ҳам меҳмонхона мавжуд бўлмаган 22 та туманда кичик отеллар барпо этиш учун оилавий хоналар сонидан келиб чиқиб, субсидия ажратиш. Норматив-ҳуқуқий ҳужжат лойиҳаси. Уч ой муддатда - Туризм қўмитаси, Иқтисодиёт ва молия вазирлиги II. Узоқ хориж давлатларидан янада кўпроқ сайёҳларни жалб қилиш чора-тадбирлари 13. «Е-visa» (электрон виза) тизимини такомиллаштириш, узилишларсиз мунтазам ишлашини таъминлаш ҳамда мобил иловани ишга тушириш. Амалий чора-тадбирлар. Икки ой муддатда Ташқи ишлар вазирлиги маблағлари Ташқи ишлар вазирлиги, Адлия вазирлиги, Рақамли технологиялар вазирлиги, Ички ишлар вазирлиги, Туризм қўмитаси 14. Қўшни давлатларда сайёҳлар гуруҳларининг чегарадан ўтишини енгиллаштириш бўйича мутасадди ташкилотлар билан музокаралар ўтказиб, яшил йўлаклар ташкил этиш юзасидан аниқ ва ҳамкорлар билан келишилган ечимларни киритиш. Амалий чора-тадбирлар. Икки ой муддатда - Ташқи ишлар вазирлиги, Давлат хавфсизлик хизмати, Ички ишлар вазирлиги 15. «Атлетико Мадрид» (Испания) футбол жамоаси билан Ўзбекистон туризм бренди реклама кампаниясини йўлга қўйиш юзасидан Испания томони билан ишларни ташкил қилиш. 1. Республиканинг туризм салоҳиятини тарғиб қилиш учун зарур маълумотларни (лого ва слогин) шакллантириш (заруриятга кўра ишчи гуруҳлар тузиш). 2. Футбол жамоаси маъмурияти билан музокаралар ўтказиш. Икки ой муддатда Экология, атроф-муҳитни муҳофаза қилиш ва иқлим ўзгариши вазирлигининг ва Туризм қўмитасининг бюджетдан ташқари маблағлари ҳисобидан тенг улушларда Экология, атроф-муҳитни муҳофаза қилиш ва иқлим ўзгариши вазирлиги, Туризм қўмитаси, Ташқи ишлар вазирлиги 3. Лойиҳани амалга ошириш. 2024 йил давомида 16. Ўзбек ипаги, миллий либослари ва Ўзбекистоннинг анъанавий безакларини кенг тарғиб этиш мақсадида жаҳоннинг машҳур кутюрье ва мода уйлари билан ҳамкорликни йўлга қўйиш. Амалий чора-тадбирлар. Икки ой муддатда Экология, атроф-муҳитни муҳофаза қилиш ва иқлим ўзгариши вазирлигининг ва Туризм қўмитасининг бюджетдан ташқари маблағлари ҳисобидан тенг улушларда Экология, атроф-муҳитни муҳофаза қилиш ва иқлим ўзгариши вазирлиги, Туризм қўмитаси, «Ўзбекипаксаноат» уюшмаси, «Ўзтўқимачиликсаноат» уюшмаси, Ташқи ишлар вазирлиги 17. Мукофот жамғармаси 1 миллион АҚШ долларини ташкил қилувчи «Ўзбек ипаги: жаҳон брендлари илҳоми» танловини ўтказиш. 1. Норматив-ҳуқуқий ҳужжат лойиҳасини ишлаб чиқиш. 2024 йил август Экология, атроф-муҳитни муҳофаза қилиш ва иқлим ўзгариши вазирлигининг ва Туризм қўмитасининг бюджетдан ташқари маблағлари ҳисобидан тенг улушларда Экология, атроф-муҳитни муҳофаза қилиш ва иқлим ўзгариши вазирлиги, Туризм қўмитаси, Савдо-саноат палатаси, «Ўзбекипаксаноат» уюшмаси, «Ўзтўқимачиликсаноат» уюшмаси 2. Норматив-ҳуқуқий ҳужжат лойиҳасини Вазирлар Маҳкамасига киритиш. 2024 йил октябрь 18. Мўйноқ аэропорти имкониятидан самарали фойдаланиш орқали алоҳида ҳаво ҳудудини ташкил этиш ҳамда парашютдан сакраш ва ҳаво дайвинги экстремал туризмини ривожлантириш дастурини ишлаб чиқиш. 1. Норматив-ҳуқуқий ҳужжат лойиҳасини ишлаб чиқиш. 2024 йил август - Мудофаа вазирлиги, Транспорт вазирлиги, Қорақалпоғистон Республикаси Вазирлар Кенгаши, Экология, атроф-муҳитни муҳофаза қилиш ва иқлим ўзгариши вазирлиги 2. Норматив-ҳуқуқий ҳужжат лойиҳасини Вазирлар Маҳкамасига киритиш. 2024 йил октябрь 19. Тошкент шаҳрида халқаро гастрономик фестиваль ташкил қилиш. 1. Фестивални ўтказиш вақти ва жойини белгилаш. 2. Фестиваль тўғрисидаги маълумотларни маҳаллий ва хорижий туристик ташкилотларга етказиш. 3. Фестивални ташкил қилиш ва Ўзбекистоннинг гастротуризм салоҳияти тақдимотларини ўтказиш. 2024 йил сентябрь Туризмни қўллаб-қувватлаш жамғармаси ва Маҳаллий бюджет маблағлари ҳисобидан тенг улушларда Туризм қўмитаси, Тошкент шаҳар ҳокимлиги 20. Хива шаҳрида халқаро гастрономик фестиваль ташкил қилиш. 1. Фестивални ўтказиш вақти ва жойини белгилаш. 2. Фестиваль тўғрисидаги маълумотларни маҳаллий ва хорижий туристик ташкилотларга етказиш. 3. Фестивални ташкил қилиш ва Ўзбекистоннинг гастротуризм салоҳияти тақдимотларини ўтказиш. 2025 йил (келишилган муддатда) Туризмни қўллаб-қувватлаш жамғармаси ва Маҳаллий бюджет маблағлари ҳисобидан тенг улушларда Туризм қўмитаси, Хоразм вилояти ҳокимлиги 21. Музейлар фаолиятини такомиллаштириш дастурини ишлаб чиқиш. 1. Хусусий музейлар очиш бўйича норматив-ҳуқуқий ҳужжат лойиҳасини ишлаб чиқиш. 2. Музейлар фаолиятига замонавий ахборот технологияларни жорий қилиш, музейларга кириш учун ягона карта тизимини ва музейлар экспозициясини тизимли равишда янгилаш механизмларини яратиш. 3. Музейларда эсдалик совғаларини сотиш бўйича хизматлар кўламини кенгайтириш ва чипталарга табақалаштирилган тарифларни белгилаш. Музейларнинг бўш майдончаларида аукционлар ва бошқа тадбирларни ўтказиш, бадиий, ҳунармандчилик, коворкинг майдончалари, ҳордиқ чиқариш зоналарини ташкил этиш орқали музейларда монетизацияга шароит яратиш. 2024 йил ноябрь - Маданий мерос агентлиги 22. 2025 йилда реставрация қилинадиган маданий мерос объектлари рўйхатини шакллантириш ҳамда уй музейларини таъмирлаш ва тиклаш масаласини киритиш. 1. Таъмирталаб уй музейлари рўйхатини шакллантириш. 2. Хива шаҳрида Ичан қалъа мажмуасидан 2 километр узоқликда жойлашган Муҳаммад Раҳимхон II — Ферузнинг «Қибла тозабоғ» ёзги қароргоҳини тўлиқ тиклаш, музей ташкил қилиш, экспонатларнинг виртуал кўриниши ва анимациясини шакллантириш, аудио ва мультимедия воситаларини ўрнатиш учун қўшимча 10 миллиард сўм ажратилишини таъминлаш. 2025 йил март Маданий мерос объектларини таъмирлаш, реконструкция қилишга ажратилган маблағлар ҳисобидан Иқтисодиёт ва молия вазирлиги, Маданий мерос агентлиги 23. Маданий мерос объектларининг меъморий қиёфаси, туризм салоҳияти ва миллий қадриятларни ўзида ифода этадиган тарғибот намуналарини ишлаб чиқиш. 1. Хоразм, Самарқанд ва Бухорода жойлашган йирик маданий мерос объектлар рўйхатини шакллантириш. Бир ой муддатда Ижрочилар ва ташаббускорлар маблағлари ҳисобидан Маданий мерос агентлиги, Туризм қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2. Тарғибот маҳсулотларининг дизайни намуналарини ишлаб чиқиш ва белгиланган тартибда тасдиқлаш. Икки ой муддатда 3. Ишлаб чиқилган дизайн асосида маҳсулотларни тайёрлаш. Уч ой муддатда 4. Шакллантирилган рўйхатга асосан тарғибот маҳсулотларини м аданий мерос объектларига жойлаштириш. Олти ой муддатда 24. Меҳмонхона ва йирик туризм комплекслари учун яқин 4 йилда бошқарувчиларга бўлган талабни ўрганиб, хориждаги туризм ва сервис комплексларида ҳар йили камида 20 нафар ўрта бўғин менежерининг малакасини ошириш. Бунда, менежерларни хорижда ўқитиш харажатлари Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан қопланади. Норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш. Икки ой муддатда - Олий таълим, фан ва инновациялар вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Туризм қўмитаси, Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари 25. Янги ўқув йилидан туризм соҳасидаги олийгоҳларда 2 минг талабани ҳамда коллеж ва техникумларда 1 минг ўқувчини дуал таълим билан қамраб олиш чораларини кўриш. Амалий чора-тадбирлар. 2024/2025 ўқув йилидан бошлаб - Олий таълим, фан ва инновациялар вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Туризм қўмитаси 26. Мактабгача таълим ташкилотлари тарбияланувчилари, умумтаълим мактаблари ва ўрта махсус таълим муассасалари ўқувчиларини ташишда ички ишлар органлари томонидан автобусларга ҳамроҳлик қилиш бўйича тарифларни қайта кўриб чиқиш. Идоравий ҳужжат лойиҳасини ишлаб чиқиш ва белгиланган тартибда тасдиқлаш. Икки ой муддатда - Ички ишлар вазирлиги, Туризм қўмитаси 27. Туризм соҳасининг субъектлари томонидан автобус, микроавтобус ва минивенлар ён ойналари тусини ўзгартиришда фақат бир марта тўловни амалга ошириш тартибини жорий қилиш. Норматив-ҳуқуқий ҳужжат лойиҳаси ни ишлаб чиқиш ва Вазирлар Маҳкамасига киритиш. Бир ой муддатда - Ички ишлар вазирлиги 28. Туристик салоҳияти ошиб бораётган ҳудудлардаги туризм намойиши объектларида жамоат хавфсизлигини таъминлаш бўйича ишларнинг самарадорлигини янада ошириш ва сайёҳлар хавфсизлигини комплекс таъминлаш мақсадида Фарғона ва Жиззах вилоятлари ички ишлар бошқармалари таркибида хавфсиз туризмни таъминлаш бошқармаларини ташкил этиш учун Ички ишлар вазирлигига қўшимча 25 та штат бирлигини ажратиш ҳамда уларни сақлаш билан боғлиқ харажатларни 2025 йилга мўлжалланган Ўзбекистон Республикасининг республика бюджети параметрларида назарда тутиш. Амалий чора-тадбирлар. 2024 йил декабрь Республика бюджети маблағлари Ички ишлар вазирлиги, Иқтисодиёт ва молия вазирлиги 29. 2025 — 2028 йиллар учун ички туризм тарғиботига қаратилган маркетинг стратегиясини ишлаб чиқиш. 1. Ўзбекистон маркетинг уюшмаси ҳамда хусусий маркетинг ташкилотлари, шу жумладан, хорижий ташкилотлар билан музокаралар олиб бориш. 2024 йил август Туризмни қўллаб-қувватлаш жамғармаси Туризм қўмитаси 2. Маркетинг ташкилотлари билан келишувга эришиш. 2024 йил сентябрь 3. Ички туризм тарғиботига қаратилган маркетинг стратегиясини ишлаб чиқиш. 2025 йил январь 4. Маркетинг стратегиясини амалга ошириш ҳамда ижросини таъминлаш. 2025 — 2028 йиллар давомида 30. Туризм қўмитаси тўғрисидаги низом қабул қилингунга қадар Қўмита ҳудудий бошқармалари ходимлари меҳнатига ҳақ тўлаш тартиби ва шартларини Вазирлар Маҳкамасининг 2022 йил 25 августдаги 475-сон қарори билан белгиланган тартибга мувофиқ амалга ошириш. 1. Туризм қўмитаси тўғрисидаги Низом тасдиқлангунга қадар Қўмитанинг ҳудудий бўлинмалари ходимларининг меҳнатига ҳақ тўлаш тартиби ва шартларини Вазирлар Маҳкамасининг 2022 йил 25 августдаги 475-сон қарори доирасида вақтинча амалга ошириш. 2025 йил давомида Маҳаллий бюджет маблағлари Туризм қўмитаси, Иқтисодиёт ва молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2. 2024 йил январь ойидан тўланмаган фарқ суммалари тўлаб берилишини таъминлаш. Бир ҳафта муддатда 3. Вазирлар Маҳкамасининг «Экология, атроф-муҳитни муҳофаза қилиш ва иқлим ўзгариши вазирлиги ҳузурида Туризм қўмитаси тўғрисидаги низомини тасдиқлаш ҳақида»ги қарори лойиҳасини ишлаб чиқиш. Бунда: меҳнатга ҳақ тўлаш тартиби ва шартларини Вазирлар Маҳкамасининг 2022 йил 25 августдаги 475-сон қарорига мувофиқлаштириш; Туризм қўмитаси ташкилий тузилмасида стратегик режалаштириш ва методология, жамоатчилик билан алоқалар (ахборот хизматлари), коррупцияга қарши курашиш, халқаро ҳамкорлик қилиш ва рейтинглар каби таркибий бўлинмалари ташкил этилишини низом лойиҳасида назарда тутиш. уч ой муддатда 31. Хоразм вилоятида туризм инфратузилмасини ривожлантириш мақсадида 2025 йилда маданий мерос объектларини таъмирлаш ва тиклаш. 1. «Ичан қалъа» давлат-музей қўриқхонаси ҳудудидаги «Карвон сарой» ҳунармандлар мажмуасини реставрация қилиш учун 2025 йилда маданий мерос объектларини реставрация қилишга республика бюджетида назарда тутилган маблағлар ҳисобидан 12 млрд сўм ажратиш. 2025 йил март Маданий мерос объектларини таъмирлаш, реконструкция қилишга ажратилган маблағлар ҳисобидан Маданий мерос агентлиги, Иқтисодиёт ва молия вазирлиги, Хоразм вилояти ҳокимлиги 2. Хива шаҳридаги «Ичан қалъа» давлат-музей қўриқхонаси ҳудудидаги «Карвон сарой» ҳунармандлар мажмуаси ва «Дешан қалъа» ҳудудлари бўйича батафсил режалаштириш лойиҳа таклифларини белгиланган тартибда ЮНЕСКО Умумжаҳон мероси маркази билан келишиш. 2026 йил давомида 32. Й иллик тақвим режага киритилган йирик маданий-кўнгилочар тадбирларни ўтказиш вақти ва жойи ўзгартирилган тақдирда, тадбир ўтказилиши белгиланган муддатдан камида икки ой олдин оммавий ахборот воситалари ва ижтимоий тармоқларда баёнот бериш орқали муносабат билдириш. Амалий чора-тадбирлар. 2025 йил 1 январдан бошлаб, заруратга кўра доимий равишда Туризм қўмитаси, Маданият вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 33. Меҳмонхоналарни сертификатлаштириш ва туристик индустрия объектларини таснифлаш тизимини такомиллаштириш. Бунда, хорижий мамлакатларнинг ижобий тажрибасини ўрганган ҳолда: меҳмонхоналар томонидан кўрсатилаётган хизматлар сифатини янада яхшилаш; меҳмонхона хизматларини кўрсатаётган тадбиркорлик субъектлари томонидан сертификатлаштириш талабларига риоя қилинишини таъминлашга қаратилган тартиб ишлаб чиқиш назарда тутилади. 1. Норматив-ҳуқуқий ҳужжат лойиҳасини ишлаб чиқиш. 2. Лойиҳани белгиланган тартибда Вазирлар Маҳкамасига киритиш. 2024 йил ноябрь - Туризм қўмитаси, Ўзбекистон техник жиҳатдан тартибга солиш агентлиги, Бош прокуратура 34. Этноқишлоқларни сақлаш, муҳофаза этиш ва ривожлантириш чора-тадбирларини амалга ошириш. Бунда: муҳофаза этиладиган этноқишлоқлар рўйхатини шакллантириш; муҳофаза этиладиган этноқишлоқлар жойлашган уйларни сақлаш бўйича йўриқнома ишлаб чиқиш; шакллантирилган рўйхатда келтирилган қишлоқларнинг маданий-тарихий аҳамиятга эга чегараларини белгилаган ҳолда қишлоқларга «Этноқишлоқ» мақомини бериш ва мазкур қишлоқларни Моддий маданий мероснинг кўчмас мулк объектлари миллий рўйхатига киритиш. Норматив-ҳуқуқий ҳужжат лойиҳаси ни ишлаб чиқиш ва Вазирлар Маҳкамасига киритиш. 2024 йил ноябрь Туризм қўмитаси, Маданий мерос агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

Ўзбекистон Республикаси Президентининг 2024 йил 18 июлдаги ПФ-102-сон Фармонига 4-ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2018 йил 17 августдаги «Тошкент шаҳрида бошқарувнинг алоҳида тартибини жорий этиш бўйича ҳуқуқий эксперимент тўғрисида»ги ПФ-5515-сон Фармони 2-бандининг бешинчи хатбошисидаги «Тошкент шаҳар туризм ва спорт бош бошқармаси ҳамда туманлар туризм ва спорт бўлимлари» сўзлари «Тошкент шаҳар туризм бошқармаси» сўзлари билан алмаштирилсин.

2. Ўзбекистон Республикаси Президентининг 2021 йил 30 апрелдаги «Миллий қонунчилик базасини комплекс тизимлаштириш чора-тадбирлари тўғрисида»ги ПФ-6218-сон Фармони 5-иловасининг 21-позицияси «Амалга ошириш муддатлари» устунидаги «2024 йил II чорак» сўзлари «2024 йил IV чорак» сўзлари билан алмаштирилсин.

3. Ўзбекистон Республикаси Президентининг 2022 йил 11 апрелдаги «Тиббиётда хусусий сектор фаолиятига қўшимча қулайликлар яратиш ва соҳа ходимларини қўллаб-қувватлаш чора-тадбирлари тўғрисида»ги ПФ-102-сон Фармони 1-банди тўртинчи хатбошисидаги «даволаш муассасалари» сўзларидан кейин «(бундан санаторий ва пансионатлар мустасно)» сўзлари билан тўлдирилсин.

4. Ўзбекистон Республикаси Президентининг 2021 йил 30 октябрдаги «Туризм, маданий мерос ва музейшунослик соҳаларида малакали кадрлар тайёрлашнинг узлуксиз тизимини янада такомиллаштириш чора-тадбирлари тўғрисида»ги ПҚ-5270-сон қарорида :

1-банднинг «в» кичик банди тўртинчи хатбошисидаги «Бўстонлиқ туризм ва сервис коллежлари ҳамда Тошкент туризм ва бизнес коллежини» сўзлари «Бўстонлиқ туризм ва сервис коллежларини» сўзлари билан алмаштирилсин;

1-иловадан «Тошкент туризм ва бизнес коллежи» блоки чиқариб ташлансин.

5. Ўзбекистон Республикаси Президентининг 2022 йил 27 январдаги «Хизматлар соҳасини ривожлантиришга оид қўшимча чора-тадбирлар тўғрисида»ги ПҚ-104-сон қарори 2-бандининг «в» кичик бандида :

биринчи хатбоши «2025 йил 1 январга қадар» сўзларидан кейин «туризм марказларида, шунингдек,» сўзлари билан тўлдирилсин;

тўртинчи хатбошидаги «Туризм ва спорт вазирлиги ҳамда Иқтисодий тараққиёт ва камбағалликни қисқартириш вазирлигининг ҳудудий бош бошқармалари» сўзлари «Туризм қўмитаси ҳамда Иқтисодиёт ва молия вазирлигининг ҳудудий бошқармалари» сўзлари билан алмаштирилсин.

6. Ўзбекистон Республикаси Президентининг 2022 йил 30 апрелдаги «Ички туризм хизматларини диверсификация қилишга оид қўшимча чора-тадбирлар тўғрисида»ги ПҚ-232-сон қарорининг 16-банди биринчи хатбошисидаги «июль ойида» сўзлари «20 июлдан 20 августга қадар» сўзлари билан алмаштирилсин.

7. Ўзбекистон Республикаси Президентининг 2023 йил 27 июлдаги «Туризм йўналишидаги ислоҳотларни янада жадаллаштириш ва соҳада давлат бошқаруви тизимини самарали ташкил қилиш чора-тадбирлари тўғрисида»ги ПҚ-238-сон қарорида:

а) 2-банднинг «а» кичик банди қуйидаги таҳрирдаги еттинчи хатбоши билан тўлдирилсин:

«Белгилансинки қаватлар сони билан боғлиқ талаблар ЮНЕСКОнинг Умумжаҳон маданий мероси рўйхатига киритилган ҳудудларда ёки тоғли ва тоғолди ҳудудларда янги қурилган меҳмонхоналарга татбиқ этилмайди»;

б) 3-банд қуйидаги таҳрирда баён этилсин:

«3. 2024 йил 1 январдан бошлаб ногиронлиги бўлган шахсларнинг саёҳат қилишлари учун қулай муҳит яратишга қаратилган «Тўсиқсиз туризм» дастури амалга оширилсин. Бунда туризм, маданий мерос, концерт-томоша объектлари ҳамда аэропорт, авто ва темир йўл вокзалларида ногиронлиги бўлган шахсларнинг тўсиқсиз ҳаракатланиши учун зарур инфратузилма яратиш механизмлари жорий қилинсин».

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 18 июль,

ПФ-102-сон

(Қонунчилик маълумотлари миллий базаси, 23.07.2024 й., 06/24/102/0541-сон; 20.05.2025 й., 06/25/87/0451-сон; 30.12.2025 й., 06/25/263/1239-сон )

lex.uz

Oʻzbekiston Respublikasi Prezidentining

Farmoni

TARKIBI

TARKIBI

“YOʻL XARITASI”

Oʻzbekiston Respublikasida turizm infratuzilmasini yaxshilash va xorijiy turistlar oqimini yanada oshirishga qaratilgan qoʻshimcha chora-tadbirlar toʻgʻrisida

Mamlakatimiz hududlarida yangi turizm industriyasi obyektlarini koʻpaytirish orqali qulay sayohat qilish uchun zarur shart-sharoitlar yaratish, jahon bozorida milliy turizm mahsulotlarini faol targʻib qilishning zamonaviy mexanizmlarini joriy qilish, ichki turizm imkoniyatlarini yanada kengaytirish, transport logistikasidagi mavjud muammolarni hal etish, shuningdek, sohaga toʻgʻridan-toʻgʻri investitsiyalarni jalb qilish maqsadida:

1. Shunday tartib oʻrnatilsinki, unga muvofiq, turizm sohasida qulay tadbirkorlik muhitini yaratish va turizm xizmatlari eksportini kengaytirish maqsadida:

a) 2024-yil 1-sentabrdan boshlab kirish turizmi faoliyatini amalga oshiruvchi Oʻzbekiston Respublikasi rezidenti boʻlgan turoperatorlarni xorijiy mamlakatlardan respublikaga turistlarni olib kelishda aylanma mablagʻ bilan taʼminlash uchun Tiklanish va taraqqiyot jamgʻarmasi tomonidan respublika tijorat banklari orqali 10 million AQSH dollari ekvivalentida milliy valyutada yillik 14 foiz stavkada kredit liniyasi ochiladi. Bunda:

tijorat banklari tomonidan Tiklanish va taraqqiyot jamgʻarmasi resurslari hisobidan ajratiladigan kreditlar boʻyicha belgilangan yillik foiz stavkasi tarkibida bank marjasi 3 foizdan oshmagan miqdorda oʻrnatiladi;

kredit mablagʻlari turoperatorlarga 2 yillik imtiyozli davr (foiz va asosiy qarzdan) bilan 10 yil muddatga ajratiladi;

Tiklanish va taraqqiyot jamgʻarmasi tomonidan tijorat banklariga resurslar 3 yillik imtiyozli davr bilan 12 yil muddatga ajratiladi;

b) 2025-yil 1-avgustga qadar Qoraqalpogʻiston Respublikasida roʻyxatga olinib, litsenziyaga ega boʻlgan turoperatorlarga, istisno tariqasida, ekstremal turlarni tashkil qilish uchun dvigatel hajmi 2,4 litrdan kam boʻlmagan yuqori oʻtish qobiliyatiga ega transport vositalari import qilinayotganda bojxona boji va utilizatsiya yigʻimini amaldagi stavkaning 25 foizi miqdorida 3 yil muddatga boʻlib-boʻlib toʻlashga ruxsat etiladi.

Bunda, ushbu transport vositasi import qilingan kundan boshlab 3 yil davomida Qoraqalpogʻiston Respublikasi hududidan tashqarida foydalanilganligi, boshqa shaxslarga sotilganligi yoki oʻtkazilganligi yoxud ijaraga berilganligi aniqlangan taqdirda, bojxona boji va utilizatsiya yigʻimi toʻliq hajmda import qilgan shaxsdan undirib olinadi;

v) 2025-yil 1-avgustga qadar turizm sohasida faoliyat yurituvchi tadbirkorlik subyektlari tomonidan import qilinadigan avtobus va mikroavtobuslar bojxona bojidan ozod etiladi. Bunda:

mazkur imtiyozlar Oʻzbekiston Respublikasi bojxona hududiga olib kirilayotgan yangi ishlab chiqarilgan, “Yevro-5” va undan yuqori ekologik toifa talablariga mos keladigan avtobus va haydovchidan tashqari sakkiz va undan ortiq oʻrindiqlarga ega boʻlgan mikroavtobuslar uchun taqdim etiladi;

import qilingan avtobuslar va mikroavtobuslar import qilingan kundan boshlab 3 yil davomida boshqa shaxsga sotilgan yoki oʻtkazilgan yoxud ijaraga berilgan taqdirda, taqdim etilgan imtiyozlar bekor qilinadi hamda bojxona boji belgilangan tartibda toʻliq hajmda import qilgan shaxsdan undirib olinadi;

g) Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasi (keyingi oʻrinlarda — Turizm qoʻmitasi) tomonidan roʻyxati shakllantiriladigan xalqaro turizm yarmarkalari va koʻrgazmalarida turizm sohasidagi tadbirkorlar, hunarmandlar, madaniyat va sanʼat vakillari ishtirok etadi. Bunda, 2025-yil 1-yanvardan boshlab:

xalqaro turizm yarmarka va koʻrgazmalari uchun Qoraqalpogʻiston Respublikasi, viloyatlar va Toshkent shahar mahalliy budjetidan 1 milliard soʻmdan kam boʻlmagan mablagʻlar ajratiladi;

faoliyat boshlaganiga 3 yildan koʻp boʻlmagan turoperatorlarning xalqaro turizm yarmarka va koʻrgazmalaridagi pavilyon ijarasi xarajatining 50 foizi Turizm qoʻmitasining budjetdan tashqari Turizmni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan qoplab beriladi;

hunarmandlarning xalqaro turizm yarmarkalari va koʻrgazmalaridagi pavilyon ijarasi, ularda namoyish etiladigan mahsulotlarini tashish va aviachipta xarajatlarining 50 foizi Kambagʻallikni qisqartirish va bandlik vazirligi huzuridagi Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan qoplab beriladi.

2. Quyidagilar:

Turizmni rivojlantirish boʻyicha respublika jamoatchilik kengashi (keyingi oʻrinlarda — Respublika kengashi) tarkibi 1-ilovaga muvofiq;

Turizmni rivojlantirish boʻyicha mahalliy jamoatchilik kengashlarining (keyingi oʻrinlarda — mahalliy kengash) namunaviy tarkibi 2-ilovaga muvofiq;

Xorijiy va mahalliy turistlar oqimini yanada oshirish boʻyicha “yoʻl xaritasi” 3-ilovaga muvofiq tasdiqlansin.

3. Turizm qoʻmitasining Oʻzbekiston Respublikasining turizm mahsulotini xalqaro va ichki turizm bozorlarida targʻib qilish, sayohat va dam olish uchun xavfsiz mamlakat sifatidagi imijini yanada mustahkamlashga qaratilgan quyidagilarni nazarda tutuvchi yangi milliy turizm brendini (tanitish belgisi) yaratish toʻgʻrisidagi taklifiga rozilik berilsin:

marketing va brending konsalting kompaniyalarini jalb qilgan holda Oʻzbekiston Respublikasining yangi milliy turizm brendi (keyingi oʻrinlarda — turizm brendi)ni ishlab chiqish;

turizm brendining maqsadli bozorlar (auditoriya) talablaridan kelib chiqib, xorijiy mamlakatlarda Oʻzbekistonning tarixiy, madaniy, gastronomik, tibbiy va sogʻlomlashtirish, arxeologik, ekologik va ekstremal kabi turizmning turlari toʻgʻrisida kontentlar yaratish;

zamonaviy marketing texnologiyalaridan, shu jumladan xalqaro media va ijtimoiy platformalar, butunjahon sport, madaniyat va sanʼat tadbirlari maydonidan foydalangan holda turizm brendini targʻib qilish tizimini yaratish.

4. Turizm qoʻmitasi:

2024-yil 1-oktabrga qadar yangi milliy turizm brendini yaratish uchun tanlov oʻtkazsin;

2024-yil Xalqaro turizm kuni doirasida birinchi global sayyohlik mediakampusini tashkil qilsin;

2024-2025-yillarda auditoriyasi 10 milliondan ortiq boʻlgan 50 nafargacha xorijiy jurnalist, bloger, vloger va inflyuenserlarni jalb qilsin.

5. Belgilansinki:

a) Oʻzbekiston Respublikasi rezidenti boʻlgan turoperatorlarning oʻz mahsulotlarini targʻib qilish maqsadida respublikaga olib kelgan mashhur xorijiy blogerlarning (auditoriyasi 1 milliondan kam boʻlmagan) yashash xarajatlari Jamgʻarma mablagʻlari hisobidan qoplab beriladi.

Bunda, mashhur blogerlarni olib kelish boʻyicha sarf-xarajatlar smetasi Turizm qoʻmitasi bilan oldindan kelishiladi;

b) Respublika kengashi har chorakda kamida bir marotaba, mahalliy kengashlar har oyda bir marotaba turizm sohasi subyektlari faoliyati, turizm infratuzilmasi va transport logistikasi sohalarida vujudga kelayotgan muammolarni koʻrib chiqib, ularni bartaraf qilish va mavsum oldi tayyorgarlik koʻrish hamda oldindan xabar berish tartibi asosida faoliyat yuritadi;

v) 2025-yil 1-yanvardan boshlab kamida 100 nafar xorijiy ishtirokchisi boʻlgan uch kundan kam boʻlmagan biznes tadbirlarni Oʻzbekiston Respublikasi hududida tashkil qilgan tadbirkorlik subyektlari 2028-yil 1-yanvargacha ushbu biznes tadbirlarni tashkil qilishdan olingan daromaddan olingan foyda soligʻini ushbu soliq boʻyicha belgilangan soliq stavkasiga nisbatan 50 foizga kamaytirilgan soliq stavkasi boʻyicha toʻlaydi.

6. Turizm qoʻmitasi:

bir oy muddatda milliy turizm delegatsiyasi ishtirok etishi lozim boʻlgan koʻrgazmalar roʻyxatini qayta koʻrib chiqib, Vazirlar Mahkamasiga tasdiqlash uchun kiritsin;

uch oy muddatda faoliyat boshlaganiga 3 yildan koʻp boʻlmagan turoperatorlarning xalqaro turizm yarmarka va koʻrgazmalaridagi pavilyon ijarasi xarajatining 50 foizini Jamgʻarma mablagʻlari hisobidan qoplab berish boʻyicha normativ-huquqiy hujjat loyihasini ishlab chiqib, Vazirlar Mahkamasiga kiritsin;

Madaniyat vazirligi “Hunarmand” uyushmasi bilan birgalikda 2024-yil 1-dekabrga qadar xorijiy mamlakatlar kesimida xalqaro turizm koʻrgazmalarida namoyish qilish uchun madaniy, gastronomik va hunarmandchilik kontentini ishlab chiqsin.

7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2025-yildan boshlab har yili xalqaro turizm yarmarkalari va koʻrgazmalari uchun mahalliy budjetdan Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari kengashlariga taqdimnoma kiritgan holda 1 milliard soʻmdan kam boʻlmagan mablagʻlar ajratib borish choralarini koʻrsin.

8. Kambagʻallikni qisqartirish va bandlik vazirligi ikki oy muddatda xalqaro festivallarda qatnashadigan hunarmandlarga pavilyon ijarasi, ularda namoyish etiladigan mahsulotlarini tashish hamda aviachipta xarajatlarining 50 foizini Hunarmandchilik va kasanachilikni qoʻllab-quvvatlash jamgʻarmasidan qoplab berish tartibini nazarda tutuvchi qaror loyihasini Vazirlar Mahkamasiga tasdiqlash uchun kiritsin.

9. Vazirlar Mahkamasi (J. Qoʻchqorov, J. Xodjayev) ikki oy muddatda turoperatorlarga aylanma mablagʻ uchun eksport oldi moliyalashtirishga 50 million dollargacha resurs ajratish va uni maqsadli ishlatish tartibini joriy etish boʻyicha normativ-huquqiy hujjat loyihasini kiritsin.

10. Turizm qoʻmitasi Strategik islohotlar agentligi bilan birgalikda 2024-yil 1-dekabrga qadar ilgʻor xorijiy tajribani oʻrgangan holda “Mavjud turizm mahsulotlarini taqdim etish” modelidan “Mijozga nima kerak” modeliga oʻtishning qisqa muddatli konsepsiyasini ishlab chiqsin.

Bunda, sayyohlarning fikrini oʻrganish maqsadida xalqaro aeroportlar, chegara oʻtkazish punktlari va turizm namoyishi obyektlarida QR-kod asosida soʻrovlar oʻtkazib borilishi nazarda tutiladi.

11. Transport vazirligi, Iqtisodiyot va moliya vazirligi, Raqamli texnologiyalar vazirligi 2024-yil 1-dekabrga qadar yurtimizdagi barcha avia, temir yoʻl va avtobus qatnovlari haqida maʼlumot va chipta olish imkonini beradigan yagona onlayn platformani ishga tushirsin.

12. Transport vazirligi:

avia, temir yoʻl va avtobus chiptalarini tabaqalashtirilgan narxlarda kamida olti oy oldin savdoga chiqarish tizimini joriy qilsin;

Navroʻz umumxalq bayrami, Mustaqillik kuni, Yangi yil bayrami va Ramazon hayiti (Iyd al-Fitr) hamda Qurbon hayiti (Iyd al-Adha) diniy bayramlarini nishonlash davrida respublika hududlarini bogʻlovchi qoʻshimcha avia, temir yoʻl va avtobus qatnovlarini yoʻlga qoʻysin;

Turizm qoʻmitasi bilan birgalikda mahalliy va xorijiy fuqarolarni transport va turizm sohasida amalga oshirilayotgan islohotlardan xabardor qilish maqsadida amalga oshirilayotgan tadbirlar, jumladan, ochilayotgan yangi reyslar, reyslardagi yuklamalar, shakllantirilayotgan yangi avia va temir yoʻl marshrutlari toʻgʻrisida maʼlumotlarni muntazam ravishda ommaviy axborot vositalari va ijtimoiy tarmoqlarda yoritib borsin.

13. Oʻzbekiston Respublikasi Prezidentining 2024-yil 8-iyuldagi “Hududlarning iqtisodiy salohiyatini roʻyobga chiqarish va boʻsh yer uchastkalaridan samarali foydalanish chora-tadbirlari toʻgʻrisida”gi PQ-245-son qarorining 3-ilovasi bilan master-rejalar ishlab chiqiladigan 20 ta tuman (shahar)larning roʻyxati tasdiqlanganligi maʼlumot uchun qabul qilinsin.

Belgilansinki, master-rejalar ishlab chiqiladigan hududlarda yer uchastkalarini sotishdan tushgan mablagʻlar birinchi navbatda Jamgʻarma xarajatlarini qoplashga yoʻnaltiriladi.

14. Iqtisodiyot va moliya vazirining oʻrinbosari S. Saʼdullayev master-rejalar ishlab chiqiladigan 20 ta tuman (shahar) hududlarida infratuzilmani rivojlantirish bilan bogʻliq masalalarni moliyalashtirish uchun masʼul etib belgilansin.

15. Iqtisodiyot va moliya vazirligi master-rejalar ishlab chiqiladigan 20 ta tuman (shahar) hududlarida muhandislik-kommunikatsiya tarmoqlarini yaxshilash uchun:

2024-yil 31-dekabrga qadar Oʻzbekiston Respublikasining respublika budjetidan 100 milliard soʻm ajratsin;

2025-yil uchun Oʻzbekiston Respublikasining ijtimoiy va ishlab chiqarish infratuzilmasini rivojlantirish boʻyicha davlat dasturida 132 milliard soʻm ajratish koʻzda tutilishini taʼminlasin.

16. Turizm qoʻmitasi Iqtisodiyot va moliya vazirligi bilan birgalikda uch oy muddatda biznes turizmini (MICE) rivojlantirish uchun yanada qulay muhit yaratishga qaratilgan normativ-huquqiy hujjat loyihasini ishlab chiqib, Vazirlar Mahkamasiga kiritsin.

17. Ekologiya, atrof-muhitni muhofaza qilish va iqlim oʻzgarishi vazirligi, Transport vazirligi, Mudofaa vazirligi bir oy muddatda Moʻynoq va Parkent tumanlarida ekstremal turizmni rivojlantirish dasturini ishlab chiqib, Vazirlar Mahkamasiga kiritsin.

18. Vazirlar Mahkamasi (J. Qoʻchqorov), Qurilish va uy-joy kommunal xoʻjaligi vazirligi ikki oy muddatda kichik biznesga tayyor joyni qurib taklif qilish tizimini yaratish boʻyicha takliflarni kiritsin.

19. Oʻzbekiston Respublikasi Prezidentining ayrim hujjatlariga 4-ilovaga muvofiq oʻzgartirish va qoʻshimchalar kiritilsin.

20. Mazkur Farmonning ijrosini samarali tashkil qilishga masʼul va shaxsiy javobgar etib Oʻzbekiston Respublikasi Bosh vazirining oʻrinbosari J.A. Qoʻchqorov hamda ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov belgilansin.

Farmon ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2024-yil 18-iyuldagi PF-102-son Farmoniga 1-ILOVA

Turizmni rivojlantirish boʻyicha respublika jamoatchilik kengashi

1. A.N. Aripov — Oʻzbekiston Respublikasi Bosh vaziri, Jamoatchilik kengashi raisi 2. G.B. Israilova — Oʻzbekiston xususiy sayyohlik tashkilotlari uyushmasi raisi, Jamoatchilik kengashi raisi oʻrinbosari 3. A.A. Abduxakimov — ekologiya, atrof-muhitni muhofaza qilish va iqlim oʻzgarishi vaziri, Jamoatchilik kengashi raisi oʻrinbosari 4. Z. Pololikashvili — Birlashgan Millatlar Tashkilotining turizm bosh kotibi 5. S. Ibbotson — Oʻzbekistonning Buyuk Britaniyadagi turizm elchisi 6. Z. Tongqian — “Ipak yoʻli” turizm va madaniy meros xalqaro universiteti prorektori 7. Yu. Mizumori — Turizm qoʻmitasining Yaponiyadagi turizm vakili 8. O. Q. Norinboyev — Oʻzbekiston geografiya jamiyati raisi 9. F.A. Abdullayeva — Oʻzbekiston mehmonxonalar uyushmasi raisi 10. A.X. Umarov — Oʻzbekiston oshpazlar uyushmasi raisi 11. T.D. Musin — Oʻzbekiston restoratorlar va otelyerlar uyushmasi raisi 12. D.R. Urakov — Oʻzbekiston “Hunarmand” uyushmasi rahbari v.b. 13. Sh.M. Saibov — Oʻzbekiston turizm transporti uyushmasi raisi 14. M.S. Sultanova — Oʻzbekiston sotsial turizm uyushmasi raisi 15. L.Yu. Kozlovskiy — Oʻzbekiston ekstremal va togʻ turizmi federatsiyasi raisi 16. M.S. Saydaminov — “Orient voyages” masʼuliyati cheklangan jamiyati direktori 17. Z.A. Butayev — “Samarkand touristic centre” masʼuliyati cheklangan jamiyati ijrochi direktori 18. M.M. Ramazonov — “Avrud travel” masʼuliyati cheklangan jamiyati marketing va biznesni rivojlantirish boʻyicha direktori 19. B.R. Ashuraliyev — “Elan Ekspress” masʼuliyati cheklangan jamiyati direktori 20. L.M. Mirzayeva — “Farovon Xiva xotel” mehmonxonasi bosh menejeri 21. B.R. Koraxodjayev — “Asia star plaza” masʼuliyati cheklangan jamiyati direktori 22. D.A. Yakubova — “Oʻzbekiston 24” axborot-tahliliy teleradiokanali siyosiy sharhlovchisi 23. E.A. Tuxvatulina — “Dunyo boʻylab” telekanali “Vsyo o Turizme” dasturi muallifi va boshlovchisi 24. O.A. Nazarbekov — madaniyat vaziri 25. I.R. Maxkamov — transport vaziri 26. B.O. Saidov — tashqi ishlar vaziri 27. Sh.S. Xidoyatov — qurilish va uy-joy kommunal xoʻjaligi vaziri v.b. 28. P.R. Bobojonov — ichki ishlar vaziri 29. I.I. Norqulov — iqtisodiyot va moliya vazirining birinchi oʻrinbosari 30. A.Z. Saʼdullayev — yoshlar ishlari agentligi direktori 31. B.G. Abdikarimov — Madaniy meros agentligi direktori 32. U.R. Shadiyev — Turizm qoʻmitasi raisi, Jamoatchilik kengashi kotibi

Oʻzbekiston Respublikasi Prezidentining 2024-yil 18-iyuldagi PF-102-son Farmoniga 2-ILOVA

Turizmni rivojlantirish boʻyicha mahalliy jamoatchilik kengashlarining namunaviy

1. Lavozimiga koʻra — Qoraqalpogʻiston Respublikasi Vazirlar kengashi Raisi, viloyatlar va Toshkent shahri hokimlari, mahalliy jamoatchilik kengashi raisi 2. Lavozimiga koʻra — Turizm sohasidagi nodavlat notijorat tashkiloti vakili, Mahalliy jamoatchilik kengashi raisi oʻrinbosari 3. Lavozimiga koʻra — Qoraqalpogʻiston Respublikasi Vazirlar kengashi Raisining, viloyatlar va Toshkent shahri hokimlarining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosarlari, mahalliy jamoatchilik kengashi raisi oʻrinbosari 4. Lavozimiga koʻra — Turizm va unga yondosh sohalardagi nodavlat notijorat tashkilotlari vakillari 5. Lavozimiga koʻra — Hududdagi yirik turoperatorlar 6. Lavozimiga koʻra — Hududdagi yirik mehmonxona vakillari 7. Lavozimiga koʻra — ommaviy axborot vositalari vakillari 8. Lavozimiga koʻra — Madaniyat vazirligining hududiy boʻlinmasi boshligʻi 9. Lavozimiga koʻra — transport vazirligining hududiy boʻlinmasi boshligʻi 10. Lavozimiga koʻra — Tashqi ishlar vazirligining konsullik boʻlinmasi boshligʻi 11. Lavozimiga koʻra — qurilish va uy-joy kommunal xoʻjaligi vazirligining hududiy boʻlinmasi boshligʻi 12. Lavozimiga koʻra — ichki ishlar vazirligining hududiy boʻlinmasi boshligʻi 13. Lavozimiga koʻra — iqtisodiyot va moliya vazirligining hududiy boʻlinmasi boshligʻi 14. Lavozimiga koʻra — Yoshlar ishlari agentligi hududiy boʻlinmasi boshligʻi 15. Lavozimiga koʻra — Madaniy meros agentligining hududiy boʻlinmasi boshligʻi 16. Lavozimiga koʻra — Turizm qoʻmitasining hududiy boshqarmasi oʻrinbosari Mahalliy jamoatchilik kengashi kotibi

Oʻzbekiston Respublikasi Prezidentining 2024-yil 18-iyuldagi PF-102-son Farmoniga 3-ILOVA

Xorijiy va mahalliy turistlar oqimini yanada oshirish boʻyicha

T/r Chora-tadbirlar nomi Amalga oshirish mexanizmi Ijro muddati Moliyalashtirish manbalari Masʼul ijrochilar I. Hududlarda turizm infratuzilmasini yaxshilash chora-tadbirlari 1. Kichik biznesga tayyor joyni qurib taklif qilish boʻyicha yangi tizim yaratish. Normativ-huquqiy hujjat loyihasini ishlab chiqib, Vazirlar Mahkamasiga kiritish . Ikki oy muddatda Iqtisodiyot va moliya vazirligi, Qurilish va uy-joy kommunal xoʻjaligi vazirligi 2. Boʻstonliq tumanidagi 100 million dollar investitsiya jalb qilingan holda “Xayatt” mehmonxonasi talablari asosida barpo etilayotgan mehmonxona majmuasiga olib boruvchi 4R6d Toshkent sh. — Chirchiq sh. — Chimyon avtomobil yoʻlini rekonstruksiya qilish. 1. Loyiha-smeta hujjatlarini ishlab chiqish va davlat ekspertizasidan oʻtkazish. 2. Loyihani Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritish boʻyicha Vazirlar Mahkamasi Rayosatiga taklif kiritish. 2024-yil oktabr Turizm obyektlari atrofidagi yer maydonlari, suv va yoʻl infratuzilmalarini yaxshilashga ajratiladigan mablagʻlar hisobidan Toshkent viloyati hokimligi, Turizm qoʻmitasi, Iqtisodiyot va moliya vazirligi 3. Taʼmirlash ishlarini amalga oshirish. 2025-yil 3. Toshkent viloyatida “Xayatt” mehmonxonasi talablari asosida barpo etilayotgan mehmonxona faoliyatini yoʻlga qoʻyish maqsadida majmuaning elektr energiyasi isteʼmoli rejasidan kelib chiqib, kerakli quvvatdagi elektr podstansiyasini oʻrnatish. Bunda, podstansiya qurilishi uchun sarflangan xarajatlar mehmonxona majmuasiga yetkazib berilgan elektr energiyasini monetizatsiya qilish (sotuvi) hisobidan qoplanadi. Amaliy chora-tadbirlar. 2025-yil Respublika budjeti mablagʻlari “Hududiy elektr tarmoqlari” AJ 4. Gʻelondan oʻtuvchi Oqsuv daryosida 63 million AQSH dollarilik quvvati 24 Megavattli 3 ta GESni ishga tushirish. Amaliy chora-tadbirlar. 2025-yil davomida Ijrochilar mablagʻlari “Oʻzbekgidroenergo” AJ 5. Sechankoʻl va Achinkoʻl koʻllari boʻyida turistik maskanlar barpo etish, turizm xizmat turlarini tashkil etish. Koʻllar atrofida turistik maskanlar barpo etish, turizm xizmat turlarini tashkil etish boʻyicha oʻrganishlar olib borish va Vazirlar Mahkamasiga aniq takliflarni kiritish. 2025-yil mart - Qashqadaryo viloyati hokimligi, Turizm qoʻmitasi 6. Namangan viloyati Chortoq tumanida kamida 10 ta sanatoriya va mehmonxona tashkil qilishga investorlarni jalb qilish. 1. Chortoq tumanida sanatoriya-kurort zonalarini tashkil qilish uchun salohiyati yuqori boʻlgan hududlarni aniqlash. Bir oy muddatda Ijrochilar mablagʻlari Namangan viloyati hokimligi, Investitsiyalar, sanoat va tashqi savdo vazirligi, Tashqi ishlar vazirligi 2. Rossiya Federatsiyasi va Xitoy Xalq Respublikasidagi investorlar uchun taqdimotlar tayyorlash. Ikki oy muddatda 3. Rossiya Federatsiyasi va Xitoy Xalq Respublikasiga tashriflarni amalga oshirish va ijobiy natijalarga erishish. 2024-yil davomida 7. Xitoy, Rossiya, Turkiya va boshqa maqsadli davlatlardan xorijiy sayyohlar sonini oshirish va turizm infratuzilmasiga investitsiya jalb qilish choralarini koʻrish. Bunda, viloyat hokimlarining oʻrinbosarlari boshchiligidagi delegatsiyalarni uch oygacha ushbu davlatlarda xizmat safarida boʻlishini taʼminlash. 1. Hokimliklar vakillarining Xitoy, Rossiya, Turkiya va boshqa davlatlarga tashrifi boʻyicha reja-jadval tuzish. 2. Ushbu davlatlardagi diplomatik vakolatxonalar, tegishli xorijiy tashkilotlar bilan muzokara oʻtkazib, viloyatlar delegatsiyalarining tashrifini tashkil etish. 3. Xitoy, Rossiya, Turkiya va boshqa davlatlardagi y irik biznes egalarining hududlar turizm infratuzilmasiga investitsiya kiritishi va turoperatorlar tomonidan turistik oqimni koʻpaytirish maqsadida ikki tomonlama kelishuvlarga erishish. 2024-yil 1-avgustdan boshlab, doimiy ravishda Ijrochilar mablagʻlari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Investitsiyalar, sanoat va tashqi savdo vazirligi, Tashqi ishlar vazirligi 8. Master-rejalar ishlab chiqiladigan 20 ta tuman (shahar)larning har biriga 50 million dollarlik investitsiya kiritish boʻyicha taqdimot qilish. Taqdimot loyihasi. Bir oy muddatda - Investitsiyalar, sanoat va tashqi savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 9. Misr va Turkiya tajribasi asosida Samarqand va Buxoro shaharlarida sharq bozori loyihasini amalga oshirish. 1. Sharq bozori loyihasini ishlab chiqish. 2. Loyihalar taqdimotini oʻtkazish. 3. Loyihani amalga oshirish istagini bildirgan tashabbuskorlarni aniqlash. Ikki oy muddatda Ijrochilar mablagʻlari Savdo-sanoat palatasi, “Oʻzmilliy bank” AJ, Madaniy meros agentligi, Qurilish va uy-joy kommunal xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi 4. Sharq bozorlari loyihasini YUNESKO bilan oʻrnatilgan tartibda kelishish. 2024-yil yakuniga qadar 10. Yetakchi xorijiy davlatlarda “Farovon” milliy mehmonxona brendi ostida mehmonxonalar barpo etish boʻyicha takliflarni ishlab chiqish. Takliflar ishlab chiqish. Uch oy muddatda - Vazirlar Mahkamasi, Ekologiya, atrof-muhitni muhofaza qilish va iqlim oʻzgarishi vazirligi, Oʻzbekiston texnik jihatdan tartibga solish agentligi, Tashqi ishlar vazirligi, Turizm qoʻmitasi, Qurilish va uy-joy kommunal xoʻjaligi vazirligi 11. Turizm sohasidagi investorlarga qulay sarmoyaviy muhit yaratish. Bunda, 3-5 yulduzli mehmonxona va kurort (rezort)larni barpo etayotgan xorijiy va mahalliy investorlarga maxsus turistik-rekreatsion zonalarga nisbatan qoʻllanadigan imtiyoz va afzalliklarni taqdim etishni koʻzda tutuvchi “turizm investori” maqomini joriy qilish. Takliflar ishlab chiqish va Vazirlar Mahkamasiga kiritish. Uch oy muddatda - Investitsiyalar, sanoat va savdo vazirligi, Turizm qoʻmitasi, Davlat aktivlarini boshqarish agentligi 12. Birorta ham mehmonxona mavjud boʻlmagan 22 ta tumanda kichik otellar barpo etish uchun oilaviy xonalar sonidan kelib chiqib, subsidiya ajratish. Normativ-huquqiy hujjat loyihasi. Uch oy muddatda - Turizm qoʻmitasi, Iqtisodiyot va moliya vazirligi II. Uzoq xorij davlatlaridan yanada koʻproq sayyohlarni jalb qilish chora-tadbirlari 13. “E-visa” (elektron viza) tizimini takomillashtirish, uzilishlarsiz muntazam ishlashini taʼminlash hamda mobil ilovani ishga tushirish. Amaliy chora-tadbirlar. Ikki oy muddatda Tashqi ishlar vazirligi mablagʻlari Tashqi ishlar vazirligi, Adliya vazirligi, Raqamli texnologiyalar vazirligi, Ichki ishlar vazirligi, Turizm qoʻmitasi 14. Qoʻshni davlatlarda sayyohlar guruhlarining chegaradan oʻtishini yengillashtirish boʻyicha mutasaddi tashkilotlar bilan muzokaralar oʻtkazib, yashil yoʻlaklar tashkil etish yuzasidan aniq va hamkorlar bilan kelishilgan yechimlarni kiritish. Amaliy chora-tadbirlar. Ikki oy muddatda - Tashqi ishlar vazirligi, Davlat xavfsizlik xizmati, Ichki ishlar vazirligi 15. “Atletiko Madrid” (Ispaniya) futbol jamoasi bilan Oʻzbekiston turizm brendi reklama kampaniyasini yoʻlga qoʻyish yuzasidan Ispaniya tomoni bilan ishlarni tashkil qilish. 1. Respublikaning turizm salohiyatini targʻib qilish uchun zarur maʼlumotlarni (logo va slogin) shakllantirish (zaruriyatga koʻra ishchi guruhlar tuzish). 2. Futbol jamoasi maʼmuriyati bilan muzokaralar oʻtkazish. Ikki oy muddatda Ekologiya, atrof-muhitni muhofaza qilish va iqlim oʻzgarishi vazirligining va Turizm qoʻmitasining budjetdan tashqari mablagʻlari hisobidan teng ulushlarda Ekologiya, atrof-muhitni muhofaza qilish va iqlim oʻzgarishi vazirligi, Turizm qoʻmitasi, Tashqi ishlar vazirligi 3. Loyihani amalga oshirish. 2024-yil davomida 16. Oʻzbek ipagi, milliy liboslari va Oʻzbekistonning anʼanaviy bezaklarini keng targʻib etish maqsadida jahonning mashhur kutyurye va moda uylari bilan hamkorlikni yoʻlga qoʻyish. Amaliy chora-tadbirlar. Ikki oy muddatda Ekologiya, atrof-muhitni muhofaza qilish va iqlim oʻzgarishi vazirligining va Turizm qoʻmitasining budjetdan tashqari mablagʻlari hisobidan teng ulushlarda Ekologiya, atrof-muhitni muhofaza qilish va iqlim oʻzgarishi vazirligi, Turizm qoʻmitasi, “Oʻzbekipaksanoat” uyushmasi, “Oʻztoʻqimachiliksanoat” uyushmasi, Tashqi ishlar vazirligi 17. Mukofot jamgʻarmasi 1 million AQSH dollarini tashkil qiluvchi “Oʻzbek ipagi: jahon brendlari ilhomi” tanlovini oʻtkazish. 1. Normativ-huquqiy hujjat loyihasini ishlab chiqish. 2024-yil avgust Ekologiya, atrof-muhitni muhofaza qilish va iqlim oʻzgarishi vazirligining va Turizm qoʻmitasining budjetdan tashqari mablagʻlari hisobidan teng ulushlarda Ekologiya, atrof-muhitni muhofaza qilish va iqlim oʻzgarishi vazirligi, Turizm qoʻmitasi, Savdo-sanoat palatasi, “Oʻzbekipaksanoat” uyushmasi, “Oʻztoʻqimachiliksanoat” uyushmasi 2. Normativ-huquqiy hujjat loyihasini Vazirlar Mahkamasiga kiritish. 2024-yil oktabr 18. Moʻynoq aeroporti imkoniyatidan samarali foydalanish orqali alohida havo hududini tashkil etish hamda parashutdan sakrash va havo dayvingi ekstremal turizmini rivojlantirish dasturini ishlab chiqish. 1. Normativ-huquqiy hujjat loyihasini ishlab chiqish. 2024-yil avgust - Mudofaa vazirligi, Transport vazirligi, Qoraqalpogʻiston Respublikasi Vazirlar Kengashi, Ekologiya, atrof-muhitni muhofaza qilish va iqlim oʻzgarishi vazirligi 2. Normativ-huquqiy hujjat loyihasini Vazirlar Mahkamasiga kiritish. 2024-yil oktabr 19. Toshkent shahrida xalqaro gastronomik festival tashkil qilish. 1. Festivalni oʻtkazish vaqti va joyini belgilash. 2. Festival toʻgʻrisidagi maʼlumotlarni mahalliy va xorijiy turistik tashkilotlarga yetkazish. 3. Festivalni tashkil qilish va Oʻzbekistonning gastroturizm salohiyati taqdimotlarini oʻtkazish. 2024-yil sentabr Turizmni qoʻllab-quvvatlash jamgʻarmasi va Mahalliy budjet mablagʻlari hisobidan teng ulushlarda Turizm qoʻmitasi, Toshkent shahar hokimligi 20. Xiva shahrida xalqaro gastronomik festival tashkil qilish. 1. Festivalni oʻtkazish vaqti va joyini belgilash. 2. Festival toʻgʻrisidagi maʼlumotlarni mahalliy va xorijiy turistik tashkilotlarga yetkazish. 3. Festivalni tashkil qilish va Oʻzbekistonning gastroturizm salohiyati taqdimotlarini oʻtkazish. 2025-yil (kelishilgan muddatda) Turizmni qoʻllab-quvvatlash jamgʻarmasi va Mahalliy budjet mablagʻlari hisobidan teng ulushlarda Turizm qoʻmitasi, Xorazm viloyati hokimligi 21. Muzeylar faoliyatini takomillashtirish dasturini ishlab chiqish. 1. Xususiy muzeylar ochish boʻyicha normativ-huquqiy hujjat loyihasini ishlab chiqish. 2. Muzeylar faoliyatiga zamonaviy axborot texnologiyalarni joriy qilish, muzeylarga kirish uchun yagona karta tizimini va muzeylar ekspozitsiyasini tizimli ravishda yangilash mexanizmlarini yaratish. 3. Muzeylarda esdalik sovgʻalarini sotish boʻyicha xizmatlar koʻlamini kengaytirish va chiptalarga tabaqalashtirilgan tariflarni belgilash. Muzeylarning boʻsh maydonchalarida auksionlar va boshqa tadbirlarni oʻtkazish, badiiy, hunarmandchilik, kovorking maydonchalari, hordiq chiqarish zonalarini tashkil etish orqali muzeylarda monetizatsiyaga sharoit yaratish. 2024-yil noyabr - Madaniy meros agentligi 22. 2025-yilda restavratsiya qilinadigan madaniy meros obyektlari roʻyxatini shakllantirish hamda uy muzeylarini taʼmirlash va tiklash masalasini kiritish. 1. Taʼmirtalab uy muzeylari roʻyxatini shakllantirish. 2. Xiva shahrida Ichan qalʼa majmuasidan 2 kilometr uzoqlikda joylashgan Muhammad Rahimxon II — Feruzning “Qibla tozabogʻ” yozgi qarorgohini toʻliq tiklash, muzey tashkil qilish, eksponatlarning virtual koʻrinishi va animatsiyasini shakllantirish, audio va multimediya vositalarini oʻrnatish uchun qoʻshimcha 10 milliard soʻm ajratilishini taʼminlash. 2025-yil mart Madaniy meros obyektlarini taʼmirlash, rekonstruksiya qilishga ajratilgan mablagʻlar hisobidan Iqtisodiyot va moliya vazirligi, Madaniy meros agentligi 23. Madaniy meros obyektlarining meʼmoriy qiyofasi, turizm salohiyati va milliy qadriyatlarni oʻzida ifoda etadigan targʻibot namunalarini ishlab chiqish. 1. Xorazm, Samarqand va Buxoroda joylashgan yirik madaniy meros obyektlar roʻyxatini shakllantirish. Bir oy muddatda Ijrochilar va tashabbuskorlar mablagʻlari hisobidan Madaniy meros agentligi, Turizm qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Targʻibot mahsulotlarining dizayni namunalarini ishlab chiqish va belgilangan tartibda tasdiqlash. Ikki oy muddatda 3. Ishlab chiqilgan dizayn asosida mahsulotlarni tayyorlash. Uch oy muddatda 4. Shakllantirilgan roʻyxatga asosan targʻibot mahsulotlarini m adaniy meros obyektlariga joylashtirish. Olti oy muddatda 24. Mehmonxona va yirik turizm komplekslari uchun yaqin 4 yilda boshqaruvchilarga boʻlgan talabni oʻrganib, xorijdagi turizm va servis komplekslarida har yili kamida 20 nafar oʻrta boʻgʻin menejerining malakasini oshirish. Bunda, menejerlarni xorijda oʻqitish xarajatlari Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan qoplanadi. Normativ-huquqiy hujjat loyihasini ishlab chiqish va Vazirlar Mahkamasiga kiritish. Ikki oy muddatda - Oliy taʼlim, fan va innovatsiyalar vazirligi, Ekologiya, atrof-muhitni muhofaza qilish va iqlim oʻzgarishi vazirligi, Turizm qoʻmitasi, Qoraqalpogʻiston Respublikasi Vazirlar kengashi, viloyatlar va Toshkent shahar hokimliklari 25. Yangi oʻquv yilidan turizm sohasidagi oliygohlarda 2 ming talabani hamda kollej va texnikumlarda 1 ming oʻquvchini dual taʼlim bilan qamrab olish choralarini koʻrish. Amaliy chora-tadbirlar. 2024/2025 oʻquv yilidan boshlab - Oliy taʼlim, fan va innovatsiyalar vazirligi, Ekologiya, atrof-muhitni muhofaza qilish va iqlim oʻzgarishi vazirligi, Turizm qoʻmitasi 26. Maktabgacha taʼlim tashkilotlari tarbiyalanuvchilari, umumtaʼlim maktablari va oʻrta maxsus taʼlim muassasalari oʻquvchilarini tashishda ichki ishlar organlari tomonidan avtobuslarga hamrohlik qilish boʻyicha tariflarni qayta koʻrib chiqish. Idoraviy hujjat loyihasini ishlab chiqish va belgilangan tartibda tasdiqlash. Ikki oy muddatda - Ichki ishlar vazirligi, Turizm qoʻmitasi 27. Turizm sohasining subyektlari tomonidan avtobus, mikroavtobus va minivenlar yon oynalari tusini oʻzgartirishda faqat bir marta toʻlovni amalga oshirish tartibini joriy qilish. Normativ-huquqiy hujjat loyihasi ni ishlab chiqish va Vazirlar Mahkamasiga kiritish. Bir oy muddatda - Ichki ishlar vazirligi 28. Turistik salohiyati oshib borayotgan hududlardagi turizm namoyishi obyektlarida jamoat xavfsizligini taʼminlash boʻyicha ishlarning samaradorligini yanada oshirish va sayyohlar xavfsizligini kompleks taʼminlash maqsadida Fargʻona va Jizzax viloyatlari ichki ishlar boshqarmalari tarkibida xavfsiz turizmni taʼminlash boshqarmalarini tashkil etish uchun Ichki ishlar vazirligiga qoʻshimcha 25 ta shtat birligini ajratish hamda ularni saqlash bilan bogʻliq xarajatlarni 2025-yilga moʻljallangan Oʻzbekiston Respublikasining respublika budjeti parametrlarida nazarda tutish. Amaliy chora-tadbirlar. 2024-yil dekabr Respublika budjeti mablagʻlari Ichki ishlar vazirligi, Iqtisodiyot va moliya vazirligi 29. 2025 — 2028-yillar uchun ichki turizm targʻibotiga qaratilgan marketing strategiyasini ishlab chiqish. 1. Oʻzbekiston marketing uyushmasi hamda xususiy marketing tashkilotlari, shu jumladan, xorijiy tashkilotlar bilan muzokaralar olib borish. 2024-yil avgust Turizmni qoʻllab-quvvatlash jamgʻarmasi Turizm qoʻmitasi 2. Marketing tashkilotlari bilan kelishuvga erishish. 2024-yil sentabr 3. Ichki turizm targʻibotiga qaratilgan marketing strategiyasini ishlab chiqish. 2025-yil yanvar 4. Marketing strategiyasini amalga oshirish hamda ijrosini taʼminlash. 2025 — 2028-yillar davomida 30. Turizm qoʻmitasi toʻgʻrisidagi nizom qabul qilingunga qadar Qoʻmita hududiy boshqarmalari xodimlari mehnatiga haq toʻlash tartibi va shartlarini Vazirlar Mahkamasining 2022-yil 25-avgustdagi 475-son qarori bilan belgilangan tartibga muvofiq amalga oshirish. 1. Turizm qoʻmitasi toʻgʻrisidagi Nizom tasdiqlangunga qadar Qoʻmitaning hududiy boʻlinmalari xodimlarining mehnatiga haq toʻlash tartibi va shartlarini Vazirlar Mahkamasining 2022-yil 25-avgustdagi 475-son qarori doirasida vaqtincha amalga oshirish. 2025-yil davomida Mahalliy budjet mablagʻlari Turizm qoʻmitasi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. 2024-yil yanvar oyidan toʻlanmagan farq summalari toʻlab berilishini taʼminlash. Bir hafta muddatda 3. Vazirlar Mahkamasining “Ekologiya, atrof-muhitni muhofaza qilish va iqlim oʻzgarishi vazirligi huzurida Turizm qoʻmitasi toʻgʻrisidagi nizomini tasdiqlash haqida”gi qarori loyihasini ishlab chiqish. Bunda: mehnatga haq toʻlash tartibi va shartlarini Vazirlar Mahkamasining 2022-yil 25-avgustdagi 475-son qaroriga muvofiqlashtirish; Turizm qoʻmitasi tashkiliy tuzilmasida strategik rejalashtirish va metodologiya, jamoatchilik bilan aloqalar (axborot xizmatlari), korrupsiyaga qarshi kurashish, xalqaro hamkorlik qilish va reytinglar kabi tarkibiy boʻlinmalari tashkil etilishini nizom loyihasida nazarda tutish. uch oy muddatda 31. Xorazm viloyatida turizm infratuzilmasini rivojlantirish maqsadida 2025-yilda madaniy meros obyektlarini taʼmirlash va tiklash. 1. “Ichan qalʼa” davlat-muzey qoʻriqxonasi hududidagi “Karvon saroy” hunarmandlar majmuasini restavratsiya qilish uchun 2025-yilda madaniy meros obyektlarini restavratsiya qilishga respublika budjetida nazarda tutilgan mablagʻlar hisobidan 12 mlrd soʻm ajratish. 2025-yil mart Madaniy meros obyektlarini taʼmirlash, rekonstruksiya qilishga ajratilgan mablagʻlar hisobidan Madaniy meros agentligi, Iqtisodiyot va moliya vazirligi, Xorazm viloyati hokimligi 2. Xiva shahridagi “Ichan qalʼa” davlat-muzey qoʻriqxonasi hududidagi “Karvon saroy” hunarmandlar majmuasi va “Deshan qalʼa” hududlari boʻyicha batafsil rejalashtirish loyiha takliflarini belgilangan tartibda YUNESKO Umumjahon merosi markazi bilan kelishish. 2026-yil davomida 32. Y illik taqvim rejaga kiritilgan yirik madaniy-koʻngilochar tadbirlarni oʻtkazish vaqti va joyi oʻzgartirilgan taqdirda, tadbir oʻtkazilishi belgilangan muddatdan kamida ikki oy oldin ommaviy axborot vositalari va ijtimoiy tarmoqlarda bayonot berish orqali munosabat bildirish. Amaliy chora-tadbirlar. 2025-yil 1-yanvardan boshlab, zaruratga koʻra doimiy ravishda Turizm qoʻmitasi, Madaniyat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 33. Mehmonxonalarni sertifikatlashtirish va turistik industriya obyektlarini tasniflash tizimini takomillashtirish. Bunda, xorijiy mamlakatlarning ijobiy tajribasini oʻrgangan holda: mehmonxonalar tomonidan koʻrsatilayotgan xizmatlar sifatini yanada yaxshilash; mehmonxona xizmatlarini koʻrsatayotgan tadbirkorlik subyektlari tomonidan sertifikatlashtirish talablariga rioya qilinishini taʼminlashga qaratilgan tartib ishlab chiqish nazarda tutiladi. 1. Normativ-huquqiy hujjat loyihasini ishlab chiqish. 2. Loyihani belgilangan tartibda Vazirlar Mahkamasiga kiritish. 2024-yil noyabr - Turizm qoʻmitasi, Oʻzbekiston texnik jihatdan tartibga solish agentligi, Bosh prokuratura 34. Etnoqishloqlarni saqlash, muhofaza etish va rivojlantirish chora-tadbirlarini amalga oshirish. Bunda: muhofaza etiladigan etnoqishloqlar roʻyxatini shakllantirish; muhofaza etiladigan etnoqishloqlar joylashgan uylarni saqlash boʻyicha yoʻriqnoma ishlab chiqish; shakllantirilgan roʻyxatda keltirilgan qishloqlarning madaniy-tarixiy ahamiyatga ega chegaralarini belgilagan holda qishloqlarga “Etnoqishloq” maqomini berish va mazkur qishloqlarni Moddiy madaniy merosning koʻchmas mulk obyektlari milliy roʻyxatiga kiritish. Normativ-huquqiy hujjat loyihasi ni ishlab chiqish va Vazirlar Mahkamasiga kiritish. 2024-yil noyabr Turizm qoʻmitasi, Madaniy meros agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Oʻzbekiston Respublikasi Prezidentining 2024-yil 18-iyuldagi PF-102-son Farmoniga 4-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2018-yil 17-avgustdagi “Toshkent shahrida boshqaruvning alohida tartibini joriy etish boʻyicha huquqiy eksperiment toʻgʻrisida”gi PF-5515-son Farmoni 2-bandining beshinchi xatboshisidagi “Toshkent shahar turizm va sport bosh boshqarmasi hamda tumanlar turizm va sport boʻlimlari” soʻzlari “Toshkent shahar turizm boshqarmasi” soʻzlari bilan almashtirilsin.

2. Oʻzbekiston Respublikasi Prezidentining 2021-yil 30-apreldagi “Milliy qonunchilik bazasini kompleks tizimlashtirish chora-tadbirlari toʻgʻrisida”gi PF-6218-son Farmoni 5-ilovasining 21-pozitsiyasi “Amalga oshirish muddatlari” ustunidagi “2024-yil II chorak” soʻzlari “2024-yil IV chorak” soʻzlari bilan almashtirilsin.

3. Oʻzbekiston Respublikasi Prezidentining 2022-yil 11-apreldagi “Tibbiyotda xususiy sektor faoliyatiga qoʻshimcha qulayliklar yaratish va soha xodimlarini qoʻllab-quvvatlash chora-tadbirlari toʻgʻrisida”gi PF-102-son Farmoni 1-bandi toʻrtinchi xatboshisidagi “davolash muassasalari” soʻzlaridan keyin “(bundan sanatoriy va pansionatlar mustasno)” soʻzlari bilan toʻldirilsin.

4. Oʻzbekiston Respublikasi Prezidentining 2021-yil 30-oktabrdagi “Turizm, madaniy meros va muzeyshunoslik sohalarida malakali kadrlar tayyorlashning uzluksiz tizimini yanada takomillashtirish chora-tadbirlari toʻgʻrisida”gi PQ-5270-son qarorida :

1-bandning “v” kichik bandi toʻrtinchi xatboshisidagi “Boʻstonliq turizm va servis kollejlari hamda Toshkent turizm va biznes kollejini” soʻzlari “Boʻstonliq turizm va servis kollejlarini” soʻzlari bilan almashtirilsin;

1-ilovadan “Toshkent turizm va biznes kolleji” bloki chiqarib tashlansin.

5. Oʻzbekiston Respublikasi Prezidentining 2022-yil 27-yanvardagi “Xizmatlar sohasini rivojlantirishga oid qoʻshimcha chora-tadbirlar toʻgʻrisida”gi PQ-104-son qarori 2-bandining “v” kichik bandida :

birinchi xatboshi “2025-yil 1-yanvarga qadar” soʻzlaridan keyin “turizm markazlarida, shuningdek,” soʻzlari bilan toʻldirilsin;

toʻrtinchi xatboshidagi “Turizm va sport vazirligi hamda Iqtisodiy taraqqiyot va kambagʻallikni qisqartirish vazirligining hududiy bosh boshqarmalari” soʻzlari “Turizm qoʻmitasi hamda Iqtisodiyot va moliya vazirligining hududiy boshqarmalari” soʻzlari bilan almashtirilsin.

6. Oʻzbekiston Respublikasi Prezidentining 2022-yil 30-apreldagi “Ichki turizm xizmatlarini diversifikatsiya qilishga oid qoʻshimcha chora-tadbirlar toʻgʻrisida”gi PQ-232-son qarorining 16-bandi birinchi xatboshisidagi “iyul oyida” soʻzlari “20-iyuldan 20-avgustga qadar” soʻzlari bilan almashtirilsin.

7. Oʻzbekiston Respublikasi Prezidentining 2023-yil 27-iyuldagi “Turizm yoʻnalishidagi islohotlarni yanada jadallashtirish va sohada davlat boshqaruvi tizimini samarali tashkil qilish chora-tadbirlari toʻgʻrisida”gi PQ-238-son qarorida:

a) 2-bandning “a” kichik bandi quyidagi tahrirdagi yettinchi xatboshi bilan toʻldirilsin:

“Belgilansinki qavatlar soni bilan bogʻliq talablar YUNESKOning Umumjahon madaniy merosi roʻyxatiga kiritilgan hududlarda yoki togʻli va togʻoldi hududlarda yangi qurilgan mehmonxonalarga tatbiq etilmaydi”;

b) 3-band quyidagi tahrirda bayon etilsin:

“3. 2024-yil 1-yanvardan boshlab nogironligi boʻlgan shaxslarning sayohat qilishlari uchun qulay muhit yaratishga qaratilgan “Toʻsiqsiz turizm” dasturi amalga oshirilsin. Bunda turizm, madaniy meros, konsert-tomosha obyektlari hamda aeroport, avto va temir yoʻl vokzallarida nogironligi boʻlgan shaxslarning toʻsiqsiz harakatlanishi uchun zarur infratuzilma yaratish mexanizmlari joriy qilinsin”.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 18-iyul,

PF-102-son

(Qonunchilik maʼlumotlari milliy bazasi, 23.07.2024-y., 06/24/102/0541-son; 20.05.2025-y., 06/25/87/0451-son; 30.12.2025-y., 06/25/263/1239-son )

lex.uz

Президента Республики Узбекистан

Указ

О дополнительных мерах по улучшению туристической инфраструктуры и дальнейшему увеличению потока иностранных туристов в Республику Узбекистан

В целях создания необходимых условий для комфортного путешествия за счет увеличения количества новых объектов туристической индустрии в регионах страны, внедрения современных механизмов активного продвижения национальных туристических продуктов на мировом рынке, дальнейшего расширения возможностей внутреннего туризма, решения существующих проблем транспортной логистики, а также привлечения прямых инвестиций в сферу:

1. Установить порядок, в соответствии с которым в целях создания благоприятной деловой среды в сфере туризма и расширения экспорта туристических услуг:

а) с 1 сентября 2024 года Фондом реконструкции и развития через коммерческие банки республики открывается кредитная линия в национальной валюте в размере 10 миллионов долларов США по годовой ставке 14 процентов для обеспечения оборотными средствами туроператоров, являющихся резидентами Республики Узбекистан и осуществляющих въездную туристическую деятельность, в целях привлечения туристов в республику из зарубежных стран. При этом:

по кредитам, предоставляемым коммерческими банками за счет средств Фонда реконструкции и развития, устанавливается банковская маржа в размере не более 3 процентов от определенной годовой процентной ставки;

кредитные средства выделяются туроператорам сроком на 10 лет с двухлетним льготным периодом (по процентам и основному долгу);

ресурсы Фонда реконструкции и развития выделяются коммерческим банкам сроком на 12 лет с трехлетним льготным периодом;

б) до 1 августа 2025 года туроператорам, зарегистрированным и получившим лицензию в Республике Каракалпакстан, при импорте транспортных средств с высокой проходимостью и объемом двигателя не менее 2,4 литра для организации экстремальных туров в порядке исключения разрешается оплачивать таможенную пошлину и утилизационный сбор в размере 25 процентов от действующей ставки в рассрочку в течение 3 лет.

При этом в случае, если в течение 3 лет со дня импорта транспортного средства будет установлено, что оно использовалось за пределами территории Республики Каракалпакстан, было продано или отчуждено другим лицам либо сдано в аренду, таможенная пошлина и утилизационный сбор взимаются в полном объеме с лица, импортировавшего транспортное средство;

в) до 1 августа 2025 года автобусы и микроавтобусы, импортируемые субъектами предпринимательства, осуществляющими деятельность в сфере туризма, освобождаются от уплаты таможенной пошлины. При этом:

данные льготы предоставляются на новые автобусы, соответствующие требованиям экологического класса «Евро-5» и выше, а также на микроавтобусы с восемью и более местами без учета места водителя, ввозимые на таможенную территорию Республики Узбекистан;

в случае продажи или отчуждения либо сдачи в аренду другому лицу импортированных автобусов и микроавтобусов в течение 3 лет со дня их импорта предоставленные льготы аннулируются и таможенная пошлина в установленном порядке взимается в полном объеме с лица, импортировавшего транспортное средство;

г) предприниматели в сфере туризма, ремесленники, представители культуры и искусства принимают участие в международных туристических ярмарках и выставках, перечень которых формируется Комитетом по туризму при Министерстве экологии, охраны окружающей среды и изменения климата (далее — Комитет по туризму). При этом с 1 января 2025 года:

из местных бюджетов Республики Каракалпакстан, областей и города Ташкента выделяется не менее 1 миллиарда сумов для участия в международных туристических ярмарках и выставках;

50 процентов расходов на аренду павильона на международных туристических ярмарках и выставках для туроператоров, с начала деятельности которых прошло не более 3 лет, покрывается за счет средств внебюджетного Фонда поддержки туризма Комитета по туризму (далее — Фонд);

50 процентов расходов ремесленников на аренду павильонов на международных туристических ярмарках и выставках, на транспортировку выставляемой ими продукции и авиабилеты покрывается за счет средств Фонд поддержки ремесленничества и надомничества при Министерстве занятости и сокращения бедности.

2. Утвердить:

состав Республиканского общественного совета по развитию туризма (далее — Республиканский совет) согласно приложению № 1 * ;

типовой состав местных общественных советов по развитию туризма (далее — местный совет) согласно приложению № 2 * ;

«Дорожную карту» по дальнейшему увеличению потока иностранных и внутренних туристов согласно приложению № 3 * .

3. Одобрить предложение Комитета по туризму о создании нового национального туристического бренда (торговой марки) Республики Узбекистан, направленного на продвижение туристической продукции Республики Узбекистан на международном и внутреннем туристическом рынках, на дальнейшее укрепление имиджа безопасной для путешествий и отдыха страны, и предусматривающего:

разработку нового национального туристического бренда Республики Узбекистан (далее — туристический бренд) с привлечением консалтинговых компаний по маркетингу и брендингу;

создание контентов туристического бренда по видам туризма в Узбекистане, таких как исторический, культурный, гастрономический, медико-оздоровительный, археологический, экологический и экстремальный, исходя из требований целевых рынков (аудиторий) в зарубежных странах;

создание системы продвижения туристического бренда с использованием современных маркетинговых технологий, включая международные медиа- и социальные платформы, мировые спортивные, культурные и художественные мероприятия.

4. Комитету по туризму:

до 1 октября 2024 года провести конкурс на создание нового национального туристического бренда;

в 2024 году организовать первый глобальный туристический медиа-кампус в рамках Международного дня туризма;

в 2024-2025 годы привлечь до 50 журналистов, блогеров, влогеров и инфлюенсеров с аудиторией более 10 миллионов человек.

5. Установить, что:

а) расходы на проживание известных зарубежных блогеров (с аудиторией не менее 1 миллиона человек), привлеченных в республику туроператорами — резидентами Республики Узбекистан для продвижения своей продукции, компенсируется за счет средств Фонда.

При этом смета расходов на привлечение известных блогеров заранее согласуется с Комитетом по туризму;

б) Республиканский Совет не реже одного раза в квартал, местные советы — один раз в месяц рассматривают проблемы, возникающие в деятельности субъектов в сфере туризма, туристической инфраструктуры и транспортной логистики, обеспечивают их устранение, осуществляют подготовку к туристическому сезону и раннему уведомлению об изменениях;

в) с 1 января 2025 года субъекты предпринимательства, организовавшие на территории Республики Узбекистан деловые мероприятия продолжительностью не менее трех суток с иностранными участниками числом не менее 100 человек, до 1 января 2028 года уплачивают налог на прибыль от доходов, полученных от организации данных деловых мероприятий, в размере 50 процентов от установленной ставки на данный налог.

6. Комитету по туризму:

в месячный срок рассмотреть список выставок, в которых должна принимать участие национальная туристическая делегация, и внести на утверждение в Кабинет Министров;

в трехмесячный срок разработать и внести в Кабинет Министров проект нормативно-правового акта о покрытии из средств Фонда 50 процентов расходов от аренды павильона на международных туристических ярмарках и выставках для туроператоров, с начала деятельности которых прошло не более 3 лет;

до 1 декабря 2024 года совместно Министерством культуры, Ассоциацией «Хунарманд» разработать культурный, гастрономический и ремесленный контент для показа на международных туристических выставках в зарубежных странах.

7. Совету Министров Республики Каракалпакстан, хокимиятам областей и города Ташкента принять меры по внесению соответствующих представлений в Жокаргы Кенгес Республики Каракалпакстан, Кенгаши народных депутатов областей и города Ташкента о выделении из местного бюджета ежегодно с 2025 года не менее 1 миллиарда сумов для участия в международных туристических ярмарках и выставках.

8. Министерству занятости и сокращения бедности в двухмесячный срок внести на утверждение в Кабинет Министров проект постановления, предусматривающий порядок покрытия ремесленникам, участвующим на международных фестивалях, 50 процентов расходов на аренду павильона, транспортировку выставляемой ими продукции и авиабилеты за счет средств Фонда поддержки ремесленничества и надомничества.

9. Кабинету Министров (Д. Кучкаров, Ж. Ходжаев) в двухмесячный срок внести проект нормативно-правового акта о выделении ресурсных средств в размере до 50 миллионов долларов для экспортного финансирования оборотных средств туроператоров и внедрении порядка их целевого использования.

10. Комитету по туризму совместно с Агентством стратегических реформ до 1 декабря 2024 года, изучив передовой зарубежный опыт, разработать краткосрочную концепцию перехода от модели «Предоставление существующих туристических продуктов» к модели «Что нужно клиенту».

При этом для изучения мнения туристов предусмотреть проведение опросов на основе QR-кода в международных аэропортах, пунктах пересечения границы и на объектах туристического показа.

11. Министерству транспорта, Министерству экономики и финансов, Министерству цифровых технологий до 1 декабря 2024 года запустить единую онлайн-платформу, позволяющую получить информацию обо всех авиа-, железнодорожных и автобусных маршрутах нашей страны и покупки билетов на них.

12. Министерству транспорта:

внедрить систему продажи авиа-, железнодорожных и автобусных билетов по дифференцированным ценам не менее чем за шесть месяцев;

запустить дополнительные авиа-, железнодорожные и автобусные рейсы, соединяющее территории республики в период празднования всенародного праздника Навруз, Дня независимости, Нового года, а также религиозных праздников «Руза хайит» (Ийд-ал-Фитр) и «Курбан хайит» (Ийд-ал-Адха);

совместно с Комитетом по туризму освещать в средствах массовой информации и социальных сетях информацию о проводимых мероприятиях, в том числе об открытии новых рейсов, загруженности рейсов, а также о планируемых новых авиа- и железнодорожных маршрутах в целях информирования местных и иностранных граждан о реформах, реализуемых в сфере транспорта и туризма.

13. Принять к сведению, что приложением № 3 к постановлению Президента Республики Узбекистан от 8 июля 2024 года № ПП-245 «О мерах по реализации экономического потенциала регионов и эффективному использованию пустующих земельных участков» утвержден перечень 20 районов (городов), для которых будут разработаны мастер-планы.

Определить, что средства от продажи земельных участков на территориях, где разработаны мастер-планы, будут направлены в первую очередь на покрытие расходов Фонда.

14. Определить заместителя министра экономики и финансов С. Садуллаева ответственным за решение вопросов финансирования развития инфраструктуры в 20 районах (городах), для которых будут разработаны мастер-планы.

15. Министерству экономики и финансов в целях улучшения инженерно-коммуникационных сетей на территории 20 районов (городов), в которых будут разработаны мастер-планы:

до 31 декабря 2024 года обеспечить выделение из республиканского бюджета Республики Узбекистан 100 миллиардов сумов;

предусмотреть выделение 132 миллиарда сумов в рамках Государственной программы развития социальной и производственной инфраструктуры в Республике Узбекистан на 2025 год.

16. Комитету по туризму совместно с Министерством экономики и финансов в трехмесячный срок разработать и внести в Кабинет Министров проект нормативно-правового акта, направленного на создание более благоприятной среды для развития делового (MICE) туризма.

17. Министерству экологии, охраны окружающей среды и изменения климата, Министерству транспорта и Министерству обороны в месячный срок разработать и внести в Кабинет Министров программу развития экстремального туризма в Муйнакском и Паркентском районах.

18. Кабинету Министров (Д. Кучкаров), Министерству строительства и жилищно-коммунального хозяйства в двухмесячный срок внести предложения по созданию системы строительства и предложения готовых мест малому бизнесу.

19. Внести изменения и дополнения к некоторые акты Президента Республики Узбекистан согласно приложению № 4.

20. Контроль за исполнением настоящего Указа возложить на заместителя Премьер-министра Республики Узбекистан Д.А. Кучкарова и министра экологии, охраны окружающей среды и изменения климата А.А. Абдухакимова.

Ответственность за координацию и контроль деятельности органов, ответственных за исполнение настоящего Указа, возложить на Премьер-министра Республики Узбекистан А.Н. Арипова.

ПРИЛОЖЕНИЕ № 4 к Указу Президента Республики Узбекистан от 18 июля 2024 года № УП-102

Изменения и дополнения, вносимые в некоторые акты Президента Республики Узбекистан

1. В Указе Президента Республики Узбекистан от 17 августа 2018 года № УП-5515 «О правовом эксперименте по внедрению особого порядка управления в городе Ташкенте» в абзаце пятом пункта 2 слова «Главное управление туризма и спорта города Ташкента и отделы туризма и спорта районов» заменить словами «Управление туризма города Ташкента».

2. В графе «Сроки реализации» позиции 21 приложения № 5 к Указу Президента Республики Узбекистан от 30 апреля 2021 года № УП-6218 «О мерах по комплексной систематизации национальной базы законодательства» слова «II квартал 2024 года» заменить словами «IV квартал 2024 года».

3. В абзаце четвертом пункта 1 Указа Президента Республики Узбекистан от 11 апреля 2022 года № УП-102 «О мерах по созданию дополнительных удобств для деятельности частного сектора в медицине и поддержке работников данной сферы» после слов «лечебными учреждениями» дополнить словами «(за исключением санаториев и пансионатов)».

4. В постановлении Президента Республики Узбекистан от 30 октября 2021 года № ПП-5270 «О мерах по дальнейшему совершенствованию системы непрерывной подготовки квалифицированных кадров в сферах туризма, культурного наследия и музееведения»:

из абзаца четвертого подпункта «в» пункта 1 исключить слова «а также Ташкентского колледжа туризма и бизнеса».

из приложения № 1 исключить блок «Ташкентский колледж туризма и бизнеса».

5. В подпункте «в» пункта 2 постановления Президента Республики Узбекистан от 27 января 2022 года № ПП-104 «О дополнительных мерах по развитию сферы услуг»:

в абзаце первом после слов «для субъектов предпринимательства, зарегистрированных» дополнить словами «в туристских центрах, а также»;

в абзаце четвертом слова «главных территориальных управлений Министерства туризма и спорта, а также Министерства экономического развития и сокращения бедности» заменить на слова «территориальных управлений Комитета по туризму и Министерства экономики и финансов».

6. В абзаце первом пункта 16 постановления Президента Республики Узбекистан от 30 апреля 2022 года № ПП-232 «О дополнительных мерах по диверсификации услуг внутреннего туризма» слова «в июле месяце» заменить словами «с 20 июля по 20 августа».

7. В постановлении Президента Республики Узбекистан от 27 июля 2023 года № ПП-238 «О мерах по дальнейшему ускорению реформ и эффективной организации системы государственного управления в сфере туризма»:

а) подпункт «а» пункта 2 дополнить абзацем седьмым следующего содержания:

«Установить, что требования, связанные с этажностью зданий не распространяются на вновь построенные гостиницы в горных и предгорных территориях, а также на территориях, включенных в список Всемирного культурного наследия ЮНЕСКО»;

б) пункт 3 изложить в следующей редакции:

«3. С 1 января 2024 года реализовать Программу «Туризм без преград», направленную на создание благоприятных условий для путешествия лиц с инвалидностью. При этом внедрить механизмы создания необходимой инфраструктуры на объектах туризма, культурного наследия, концертно-зрелищных объектах, а также в аэропортах, авто- и железнодорожных вокзалах для беспрепятственного передвижения лиц с инвалидностью».

Президент Республики Узбекистан Ш. МИРЗИЁЕВ

г. Ташкент,

18 июля 2024 г.,

№ УП-102

(Национальная база данных законодательства, 23.07.2024 г., № 06/24/102/0541; 20.05.2025 г., № 06/25/87/0451; 30.12.2025 г., № 06/25/263/1239 )

lex.uz