📅 2024-yil 22-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 22 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 22 июля 2024 г. · Указы Президента
Официальный текст. Официальный документ. Редакционные примечания не включены.
📅 22 July 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
Пахтачилик соҳаси корхоналарининг иқтисодий-молиявий ҳолатини яхшилашга оид чора-тадбирлар тўғрисида
Пахта-тўқимачилик кластерларининг молиявий барқарорлигини ва пахта хом ашёсини чуқур қайта ишлаш узлуксизлигини таъминлаш ҳамда соҳада ҳисоб-китоб интизомини мустаҳкамлаш мақсадида:
1. Пахта-тўқимачилик кластерларини (кейинги ўринларда — кластерлар) молиявий соғломлаштиришга қаратилган қуйидаги чоралар белгилансин:
Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси (кейинги ўринларда — Жамғарма) кредит ресурслари ҳисобидан 2023 йил ҳосили учун пахта хом ашёсини етиштириш харажатларига тижорат банклари томонидан ажратилган имтиёзли кредитларни тўлиқ қайтарган, шу билан бирга имтиёзли кредитларнинг қолдиғини қайтариш муддатини 2025 йил 1 апрелга қадар узайтирган бироқ 2024 йил 1 декабрга қадар тўлиқ қайтарган кластерларга ушбу кредит бўйича фоиз тўловлари (банк маржасидан ташқари) 2025 йил 1 мартга қадар Жамғарма ҳисобидан қайтариб берилади;
2023 йилги пахта хом ашёсини етиштириш харажатлари учун кластерларга ажратилган имтиёзли кредитларнинг, мос равишда Жамғарманинг тижорат банкларига ажратган кредит ресурсларининг қолдиғини қайтариш муддати тижорат банкларининг ижобий хулосаси асосида 2025 йил 1 апрелга қадар узайтирилади.
2. Қорақалпоғистон Республикаси Вазирлар Кенгаши Раиси, вилоятлар ҳокимлари ва қишлоқ хўжалиги вазирига:
кластерларни ташкил этиш ва қишлоқ хўжалигига мўлжалланган ерларни уларга бириктиришда талабгорларнинг пахтачилик соҳасидаги тажрибаси, моддий ва молиявий салоҳияти инобатга олинмаганлиги;
кластер фаолияти доирасида тузилган битимлар бўйича ўз мажбуриятларини сурункали равишда бажармай келаётган, тижорат банклари олдидаги кредит қарзларини мунтазам қайтармаётган, ўз молиявий салоҳиятини инобатга олмасдан юқори кредит юкини юзага келтирган, фермерлар билан 2023 йилги пахта хом ашёси учун ҳанузгача тўлиқ ҳисоб-китоб қилмаган кластерлар билан ишлаш ва тегишли чораларни кўришда сусткашлик ва масъулиятсизликка йўл қўйилганлиги;
кластерлар зиммасига турли йўналишдаги самарасиз лойиҳаларни, уларнинг тўғридан-тўғри фаолиятига боғлиқ бўлмаган тадбирларни амалга оширишни юклаш орқали кластерларнинг молиявий ҳолатига путур етказилганлиги;
электрон тарози орқали қабул қилинган пахта хом ашёси ва ишлаб чиқарилган пахта толасини автоматлашган мажбурий ҳисобга олиш тизимини жорий қилиш ва уни «Агроплатформа» ахборот тизимига интеграция қилиш бўйича ишлар якунланмаганлиги кўрсатиб ўтилсин.
3. Белгилансинки, 2024 йил 1 августдан бошлаб Жамғарма кредит ресурслари ҳисобидан тижорат банклари томонидан ажратиладиган кредитлар бўйича кластерлар таъсисчиларининг шахсий кафиллиги қўшимча равишда расмийлаштирилади.
4. Қуйидагиларга розилик берилсин:
а) бўлиб-бўлиб тўлаш шарти билан сотиб олинган ва сотиб олиш қийматининг 35 фоизи ва ундан юқори қисми тўланган пахта тозалаш заводлари ва пахта қабул қилиш масканларини (кейинги ўринларда — мулкий мажмуа) жалб этиладиган кредит бўйича мулкий мажмуа сифатида гаровга қўйишга рухсат бериш. Бунда:
мулкий мажмуаларни сотиб олиш бўйича тўловларнинг қолган қисмини амалга ошириш таъминоти сифатида суғурта компаниясининг тўловни амалга оширмаслик суғурта полиси ва (ёки) учинчи шахс кафиллиги ёхуд бошқа банк кафолати тақдим этилади;
кредит қарздорлиги ҳисобига мулкий мажмуалар гаров мулки сифатида тижорат банклари тасарруфига ўтказилганда, мулкий мажмуани савдоларга чиқариш уларнинг фаолият турларини сақлаб қолиш шарти билан амалга оширилади;
б) тугатилаётган «Ўзпахтасаноат» АЖнинг мулкий мажмуаларини сотиб олиш бўйича кластерлар билан тузилган олди-сотди шартномаларида белгиланган тўлов графиги бўйича қарздорликлар муддатини бир йилга узайтириш.
5. Ҳисоб палатаси бошчилигида Бош прокуратура, Қишлоқ хўжалиги вазирлиги, Инвестициялар, саноат ва савдо вазирлиги, Ички ишлар вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари, Солиқ қўмитаси, Жамғарма, тижорат банклари вакилларидан иборат Мажбуриятларни бажармаган пахта-тўқимачилик кластерларининг фаолиятини тартибга солиш бўйича ишчи гуруҳ таркиби (кейинги ўринларда — Ишчи гуруҳ) 1-иловага мувофиқ тасдиқлансин.
Вазирлар Маҳкамаси (А. Арипов) бир ҳафта муддатда Ишчи гуруҳнинг асосий вазифаларини белгилаб берсин ва унинг фаолиятини мувофиқлаштириб борсин.
Ишчи гуруҳ икки ой муддатда Ўзбекистон Республикаси Президенти Администрациясига амалга оширилган ишлар юзасидан ахборот киритсин.
6. Кластерларнинг тўловга қобилиятсизлиги иштирокчи сифатидаги шахснинг айби туфайли вужудга келган бўлса, кластернинг мол-мулки етарли бўлмаган тақдирда бундай шахс зиммасига унинг мажбуриятлари бўйича субсидиар жавобгарлик юклатилиши мумкинлиги маълумот учун қабул қилинсин.
7. Ўзбекистон Республикаси Президентининг айрим ҳужжатларига 2-иловага мувофиқ ўзгартириш ва қўшимчалар киритилсин.
8. Қорақалпоғистон Республикаси Вазирлар Кенгаши Раиси ва вилоятлар ҳокимлари ҳамда қишлоқ хўжалиги вазири И.Ю. Абдурахмонов кластерларнинг пахта хом ашёсини қайта ишлашдан тайёр маҳсулот ишлаб чиқаришгача бўлган қувватлари самарали ишлашини таъминлаш ҳамда юзага келадиган муаммоларни бартараф этиш чораларини кўриб борсин.
Фармон ижросини назорат қилиш, ижро учун масъул вазирлик ва идоралар фаолиятини мувофиқлаштириш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси Ш.М. Ғаниев зиммасига юклансин.
Ўзбекистон Республикаси Президентининг 2024 йил 22 июлдаги ПФ-103-сон Фармонига 1-ИЛОВА
Мажбуриятларни бажармаган пахта-тўқимачилик кластерларининг фаолиятини тартибга солиш бўйича ишчи гуруҳ
М. Абдуллаев — Ҳисоб палатаси раисининг биринчи ўринбосари, Ишчи гуруҳ раҳбари Ж. Хатамов — Бош прокурор ўринбосари, Ишчи гуруҳ раҳбари ўринбосари И. Абдурахмонов — қишлоқ хўжалиги вазири, Ишчи гуруҳ раҳбари ўринбосари А. Хайдаров — иқтисодиёт ва молия вазирининг ўринбосари Н. Холмуродов — инвестициялар, саноат ва савдо вазирининг биринчи ўринбосари С. Нишанбаев — ички ишлар вазирининг ўринбосари Лавозими бўйича — Қорақалпоғистон Республикаси Вазирлар Кенгаши Раиси ва вилоят ҳокимлари Ж. Абдиев — Солиқ қўмитаси раисининг ўринбосари А. Исроилов — Қишлоқ хўжалигини давлат томонидан қўллаб-қувватлаш жамғармаси директори Лавозими бўйича — тижорат банклари бошқаруви раислари С. Қулмирзаев — Қишлоқ хўжалиги вазирлиги департамент бошлиғи, Ишчи гуруҳ котиби
Ўзбекистон Республикаси Президентининг 2024 йил 22 июлдаги ПФ-103-сон Фармонига 2-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2021 йил 26 февралдаги «Ўзбекистон Республикаси Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси фаолиятини тубдан такомиллаштириш тўғрисида»ги ПФ-6179-сон Фармонида :
а) 4-бандда :
учинчи хатбоши чиқариб ташлансин;
тўртинчи ва бешинчи хатбошилар тегишинча учинчи ва тўртинчи хатбошилар деб ҳисобласин;
б) 5-банд қуйидаги таҳрирда баён этилсин:
«5. Қуйидагилар Жамғарманинг асосий вазифалари этиб белгилансин:
пахта хом ашёси, буғдой етиштириш харажатлари ҳамда пахта хом ашёси хариди якуний ҳисоб-китобларини кредитлаш;
мева, узум, сабзавот, картошка, полиз экинлари, гул, кўкатлар ва доривор ўсимликлар, маккажўхори дони, дуккакли ва мойли экинларни етиштириш харажатларини кредитлаш;
мева-сабзавот маҳсулотларини қайта ишловчи, сақловчи ва экспорт қилувчиларга етиштирилган қишлоқ хўжалиги маҳсулотларини харид қилишда талаб этиладиган айланма маблағларни тўлдириш учун «револьвер» кредитлар ажратиш;
янги узумзорларни барпо қилиш, кўчат тайёрлаш ва «in-vitro» лабораторияларини ишга тушириш лойиҳаларини амалга ошириш учун тижорат банкларига кредит ресурсларини жойлаштириш;
ички бозорда дон ва нон маҳсулотлари нархлари барқарорлигини таъминлаш учун зарур ҳажмдаги буғдойни бозор нархларида харид қилиш ва биржа савдоларига қўйиш;
замонавий ва юқори унумли қишлоқ хўжалиги техникаларини имтиёзли лизинг шартларида етказиб беришни молиялаштириш;
Ўзбекистон Республикаси республика бюджетидан ажратилган маблағлари ҳисобидан қишлоқ хўжалиги техникаси лизинг ёки кредит шартларида харид қилинганда уларнинг фоиз харажатлари, шунингдек, қишлоқ хўжалиги техникаси ва лазерли қурилмага эга автоматлаштирилган ер текислаш агрегати қийматини қисман қоплаш учун субсидия бериш;
тижорат банкларига жойлаштирилган мақсадли кредит ресурслари ва қарз маблағларидан фойдаланишни мониторинг қилиш;
қишлоқ хўжалигини молиялаштириш ва ҳисоб-китоб тизимини рақамлаштириш учун замонавий ахборот-коммуникация технологияларини жорий этиш;
ривожланган хорижий давлатларнинг аграр соҳани молиялаштириш бўйича тажрибасини ўрганиш ва уларни мамлакатимизда жорий қилиш»;
в) 6-банднинг «б» кичик банди иккинчи хатбошиси қуйидаги таҳрирда баён этилсин:
«пахта хом ашёси, буғдой, мева, узум, сабзавот, картошка, полиз экинлари, гул, кўкатлар ва доривор ўсимликлар, маккажўхори дони, дуккакли ва мойли экинларни етиштириш харажатларини ҳамда пахта хом ашёси хариди якуний ҳисоб-китобини кредитлаш, шунингдек, мева-сабзавотларни қайта ишловчи, сақловчи ва экспорт қилувчиларга етиштирилган қишлоқ хўжалиги маҳсулотларини харид қилишда талаб этиладиган айланма маблағларни тўлдириш учун «револьвер» кредитлар ажратиш ҳамда янги узумзорларни барпо қилиш, кўчат тайёрлаш ва «in-vitro» лабораторияларини ишга тушириш лойиҳаларини амалга ошириш учун тижорат банкларига ресурс жойлаштириш»;
г) 13-банднинг иккинчи хатбошисидаги «Жамғарма томонидан компенсация ва субсидияларни тўлаш Қишлоқ хўжалиги вазирлигининг буюртмалари асосида» сўзлари «Жамғарма томонидан субсидия тўлаш Иқтисодиёт ва молия вазирлигининг «Субсидиялар» портали орқали» сўзлари билан алмаштирилсин;
д) 1-илованинг матни қуйидаги таҳрирда баён этилсин:
«Ўзбекистон Республикаси Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси кенгашининг ТАРКИБИ
1. Ж.А. Қўчқоров — Бош вазир ўринбосари — иқтисодиёт ва молия вазири, Кенгаш раиси
2. Ш.М. Ғаниев — Ўзбекистон Республикаси Президентининг маслаҳатчиси, Кенгаш раисининг ўринбосари
3. Ж.А. Ходжаев — Бош вазир ўринбосари
4. И.Ю. Абдурахмонов — қишлоқ хўжалиги вазири
5. А.А. Хаитов — Ўзбекистон фермер, деҳқон хўжаликлари ва томорқа ер эгалари кенгаши раиси
6. А.А. Исроилов — Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасини бошқариш департаменти директори, Кенгаш котиби»;
е) 2-иловадаги «Қишлоқ хўжалигини техника билан жиҳозлашни молиялаштириш шуъбаси 2» блоки «Қишлоқ хўжалигини техника билан жиҳозлашни молиялаштириш бўлими 2» блоки билан алмаштирилсин.
2. Ўзбекистон Республикаси Президентининг 2023 йил 12 декабрдаги «Қишлоқ хўжалигида эркин бозор муносабатларини янада ривожлантиришнинг қўшимча чора-тадбирлари тўғрисида»ги ПФ-205-сон Фармони 5-бандининг «б» кичик банди биринчи хатбошисидаги «кластерларга» сўзи «кластерлар ҳамда пахта хом ашёсини қайта ишлаш ва ип калава ишлаб чиқариш занжирига эга тўқимачилик корхоналарига» сўзлари билан алмаштирилсин.
3. Ўзбекистон Республикаси Президентининг 2023 йил 19 июндаги «Қишлоқ хўжалигини давлат томонидан қўллаб-қувватлаш харажатларини молиялаштиришнинг узлуксизлигини таъминлаш тўғрисида»ги ПФ-98-сон Фармонининг 1-бандидаги «12 ой» сўзлари «24 ой» сўзлари билан алмаштирилсин.
4. Ўзбекистон Республикаси Президентининг 2020 йил 6 мартдаги «Пахтачилик соҳасида бозор тамойилларини кенг жорий этиш чора-тадбирлари тўғрисида»ги ПҚ-4633-сон қарори 2-банди «б» кичик бандининг биринчи хатбошиси қуйидаги таҳрирда баён этилсин:
«б) республиканинг барча ҳудудларида фермер хўжаликларининг ихтиёрий кооперациялари ташкил этилади».
5. Ўзбекистон Республикаси Президентининг 2020 йил 6 мартдаги «Ғалла етиштириш, харид қилиш ва сотишга бозор тамойилларини кенг жорий этиш чора-тадбирлари тўғрисида»ги ПҚ-4634-сон қарорининг 6-банди «а» кичик банди қуйидаги таҳрирда баён этилсин:
«а) Жамғарма кредит ресурслари ҳисобидан тижорат банклари томонидан фермер хўжаликлари, ижара ҳуқуқи мавжуд бўлган ер участкасида буғдой етиштирувчилар ва уруғчилик хўжаликларининг буғдой етиштириш харажатларини кредитлаш учун 12 ой муддатгача буғдойнинг норматив ҳосилдорлиги умумий қийматининг:
40 фоизигача йиллик 10 фоизда (шундан, банк маржаси 2 фоиз);
50 фоизигача йиллик 12 фоизда (шундан, банк маржаси 2 фоиз) кредитлар ажратилади.
Бунда фермер хўжаликлари, ер майдонларига эгалик қилиш ҳуқуқи бўлган буғдой етиштирувчилар ва уруғчилик хўжаликлари агротехник тадбирлардан келиб чиқиб, кредит маблағларидан эркин фойдаланади ҳамда моддий ресурслар етказиб берувчиларни ихтиёрий танлайди».
6. Ўзбекистон Республикаси Президентининг 2023 йил 5 апрелдаги «2023 йилда қишлоқ хўжалиги маҳсулотлари ишлаб чиқариш, қайта ишлашни кенгайтириш ва қўллаб-қувватлашнинг қўшимча чора-тадбирлари тўғрисида»ги ПҚ-113-сон қарорига 4-илованинг 20-позицияси «Ижро муддати» устунидаги «2023 йил» сўзлари «2023 — 2026 йиллар» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 22 июль,
ПФ-103-сон
Oʻzbekiston Respublikasi Prezidentining
Farmoni
TARKIBI
Paxtachilik sohasi korxonalarining iqtisodiy-moliyaviy holatini yaxshilashga oid chora-tadbirlar toʻgʻrisida
Paxta-toʻqimachilik klasterlarining moliyaviy barqarorligini va paxta xom ashyosini chuqur qayta ishlash uzluksizligini taʼminlash hamda sohada hisob-kitob intizomini mustahkamlash maqsadida:
1. Paxta-toʻqimachilik klasterlarini (keyingi oʻrinlarda — klasterlar) moliyaviy sogʻlomlashtirishga qaratilgan quyidagi choralar belgilansin:
Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi (keyingi oʻrinlarda — Jamgʻarma) kredit resurslari hisobidan 2023-yil hosili uchun paxta xom ashyosini yetishtirish xarajatlariga tijorat banklari tomonidan ajratilgan imtiyozli kreditlarni toʻliq qaytargan, shu bilan birga imtiyozli kreditlarning qoldigʻini qaytarish muddatini 2025-yil 1-aprelga qadar uzaytirgan biroq 2024-yil 1-dekabrga qadar toʻliq qaytargan klasterlarga ushbu kredit boʻyicha foiz toʻlovlari (bank marjasidan tashqari) 2025-yil 1-martga qadar Jamgʻarma hisobidan qaytarib beriladi;
2023-yilgi paxta xom ashyosini yetishtirish xarajatlari uchun klasterlarga ajratilgan imtiyozli kreditlarning, mos ravishda Jamgʻarmaning tijorat banklariga ajratgan kredit resurslarining qoldigʻini qaytarish muddati tijorat banklarining ijobiy xulosasi asosida 2025-yil 1-aprelga qadar uzaytiriladi.
2. Qoraqalpogʻiston Respublikasi Vazirlar Kengashi Raisi, viloyatlar hokimlari va qishloq xoʻjaligi vaziriga:
klasterlarni tashkil etish va qishloq xoʻjaligiga moʻljallangan yerlarni ularga biriktirishda talabgorlarning paxtachilik sohasidagi tajribasi, moddiy va moliyaviy salohiyati inobatga olinmaganligi;
klaster faoliyati doirasida tuzilgan bitimlar boʻyicha oʻz majburiyatlarini surunkali ravishda bajarmay kelayotgan, tijorat banklari oldidagi kredit qarzlarini muntazam qaytarmayotgan, oʻz moliyaviy salohiyatini inobatga olmasdan yuqori kredit yukini yuzaga keltirgan, fermerlar bilan 2023-yilgi paxta xom ashyosi uchun hanuzgacha toʻliq hisob-kitob qilmagan klasterlar bilan ishlash va tegishli choralarni koʻrishda sustkashlik va masʼuliyatsizlikka yoʻl qoʻyilganligi;
klasterlar zimmasiga turli yoʻnalishdagi samarasiz loyihalarni, ularning toʻgʻridan-toʻgʻri faoliyatiga bogʻliq boʻlmagan tadbirlarni amalga oshirishni yuklash orqali klasterlarning moliyaviy holatiga putur yetkazilganligi;
elektron tarozi orqali qabul qilingan paxta xom ashyosi va ishlab chiqarilgan paxta tolasini avtomatlashgan majburiy hisobga olish tizimini joriy qilish va uni “Agroplatforma” axborot tizimiga integratsiya qilish boʻyicha ishlar yakunlanmaganligi koʻrsatib oʻtilsin.
3. Belgilansinki, 2024-yil 1-avgustdan boshlab Jamgʻarma kredit resurslari hisobidan tijorat banklari tomonidan ajratiladigan kreditlar boʻyicha klasterlar taʼsischilarining shaxsiy kafilligi qoʻshimcha ravishda rasmiylashtiriladi.
4. Quyidagilarga rozilik berilsin:
a) boʻlib-boʻlib toʻlash sharti bilan sotib olingan va sotib olish qiymatining 35 foizi va undan yuqori qismi toʻlangan paxta tozalash zavodlari va paxta qabul qilish maskanlarini (keyingi oʻrinlarda — mulkiy majmua) jalb etiladigan kredit boʻyicha mulkiy majmua sifatida garovga qoʻyishga ruxsat berish. Bunda:
mulkiy majmualarni sotib olish boʻyicha toʻlovlarning qolgan qismini amalga oshirish taʼminoti sifatida sugʻurta kompaniyasining toʻlovni amalga oshirmaslik sugʻurta polisi va (yoki) uchinchi shaxs kafilligi yoxud boshqa bank kafolati taqdim etiladi;
kredit qarzdorligi hisobiga mulkiy majmualar garov mulki sifatida tijorat banklari tasarrufiga oʻtkazilganda, mulkiy majmuani savdolarga chiqarish ularning faoliyat turlarini saqlab qolish sharti bilan amalga oshiriladi;
b) tugatilayotgan “Oʻzpaxtasanoat” AJning mulkiy majmualarini sotib olish boʻyicha klasterlar bilan tuzilgan oldi-sotdi shartnomalarida belgilangan toʻlov grafigi boʻyicha qarzdorliklar muddatini bir yilga uzaytirish.
5. Hisob palatasi boshchiligida Bosh prokuratura, Qishloq xoʻjaligi vazirligi, Investitsiyalar, sanoat va savdo vazirligi, Ichki ishlar vazirligi, Qoraqalpogʻiston Respublikasi Vazirlar Kengashi va viloyatlar hokimliklari, Soliq qoʻmitasi, Jamgʻarma, tijorat banklari vakillaridan iborat Majburiyatlarni bajarmagan paxta-toʻqimachilik klasterlarining faoliyatini tartibga solish boʻyicha ishchi guruh tarkibi (keyingi oʻrinlarda — Ishchi guruh) 1-ilovaga muvofiq tasdiqlansin.
Vazirlar Mahkamasi (A. Aripov) bir hafta muddatda Ishchi guruhning asosiy vazifalarini belgilab bersin va uning faoliyatini muvofiqlashtirib borsin.
Ishchi guruh ikki oy muddatda Oʻzbekiston Respublikasi Prezidenti Administratsiyasiga amalga oshirilgan ishlar yuzasidan axborot kiritsin.
6. Klasterlarning toʻlovga qobiliyatsizligi ishtirokchi sifatidagi shaxsning aybi tufayli vujudga kelgan boʻlsa, klasterning mol-mulki yetarli boʻlmagan taqdirda bunday shaxs zimmasiga uning majburiyatlari boʻyicha subsidiar javobgarlik yuklatilishi mumkinligi maʼlumot uchun qabul qilinsin.
7. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.
8. Qoraqalpogʻiston Respublikasi Vazirlar Kengashi Raisi va viloyatlar hokimlari hamda qishloq xoʻjaligi vaziri I.Y. Abduraxmonov klasterlarning paxta xom ashyosini qayta ishlashdan tayyor mahsulot ishlab chiqarishgacha boʻlgan quvvatlari samarali ishlashini taʼminlash hamda yuzaga keladigan muammolarni bartaraf etish choralarini koʻrib borsin.
Farmon ijrosini nazorat qilish, ijro uchun masʼul vazirlik va idoralar faoliyatini muvofiqlashtirish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi Sh.M. Gʻaniyev zimmasiga yuklansin.
Oʻzbekiston Respublikasi Prezidentining 2024-yil 22-iyuldagi PF-103-son Farmoniga 1-ILOVA
Majburiyatlarni bajarmagan paxta-toʻqimachilik klasterlarining faoliyatini tartibga solish boʻyicha ishchi guruh
M. Abdullayev — Hisob palatasi raisining birinchi oʻrinbosari, Ishchi guruh rahbari J. Xatamov — Bosh prokuror oʻrinbosari, Ishchi guruh rahbari oʻrinbosari I. Abduraxmonov — qishloq xoʻjaligi vaziri, Ishchi guruh rahbari oʻrinbosari A. Xaydarov — iqtisodiyot va moliya vazirining oʻrinbosari N. Xolmurodov — investitsiyalar, sanoat va savdo vazirining birinchi oʻrinbosari S. Nishanbayev — ichki ishlar vazirining oʻrinbosari Lavozimi boʻyicha — Qoraqalpogʻiston Respublikasi Vazirlar Kengashi Raisi va viloyat hokimlari J. Abdiyev — Soliq qoʻmitasi raisining oʻrinbosari A. Isroilov — Qishloq xoʻjaligini davlat tomonidan qoʻllab-quvvatlash jamgʻarmasi direktori Lavozimi boʻyicha — tijorat banklari boshqaruvi raislari S. Qulmirzayev — Qishloq xoʻjaligi vazirligi departament boshligʻi, Ishchi guruh kotibi
Oʻzbekiston Respublikasi Prezidentining 2024-yil 22-iyuldagi PF-103-son Farmoniga 2-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2021-yil 26-fevraldagi “Oʻzbekiston Respublikasi Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi faoliyatini tubdan takomillashtirish toʻgʻrisida”gi PF-6179-son Farmonida :
a) 4-bandda :
uchinchi xatboshi chiqarib tashlansin;
toʻrtinchi va beshinchi xatboshilar tegishincha uchinchi va toʻrtinchi xatboshilar deb hisoblasin;
b) 5-band quyidagi tahrirda bayon etilsin:
“5. Quyidagilar Jamgʻarmaning asosiy vazifalari etib belgilansin:
paxta xom ashyosi, bugʻdoy yetishtirish xarajatlari hamda paxta xom ashyosi xaridi yakuniy hisob-kitoblarini kreditlash;
meva, uzum, sabzavot, kartoshka, poliz ekinlari, gul, koʻkatlar va dorivor oʻsimliklar, makkajoʻxori doni, dukkakli va moyli ekinlarni yetishtirish xarajatlarini kreditlash;
meva-sabzavot mahsulotlarini qayta ishlovchi, saqlovchi va eksport qiluvchilarga yetishtirilgan qishloq xoʻjaligi mahsulotlarini xarid qilishda talab etiladigan aylanma mablagʻlarni toʻldirish uchun “revolver” kreditlar ajratish;
yangi uzumzorlarni barpo qilish, koʻchat tayyorlash va “in-vitro” laboratoriyalarini ishga tushirish loyihalarini amalga oshirish uchun tijorat banklariga kredit resurslarini joylashtirish;
ichki bozorda don va non mahsulotlari narxlari barqarorligini taʼminlash uchun zarur hajmdagi bugʻdoyni bozor narxlarida xarid qilish va birja savdolariga qoʻyish;
zamonaviy va yuqori unumli qishloq xoʻjaligi texnikalarini imtiyozli lizing shartlarida yetkazib berishni moliyalashtirish;
Oʻzbekiston Respublikasi respublika budjetidan ajratilgan mablagʻlari hisobidan qishloq xoʻjaligi texnikasi lizing yoki kredit shartlarida xarid qilinganda ularning foiz xarajatlari, shuningdek, qishloq xoʻjaligi texnikasi va lazerli qurilmaga ega avtomatlashtirilgan yer tekislash agregati qiymatini qisman qoplash uchun subsidiya berish;
tijorat banklariga joylashtirilgan maqsadli kredit resurslari va qarz mablagʻlaridan foydalanishni monitoring qilish;
qishloq xoʻjaligini moliyalashtirish va hisob-kitob tizimini raqamlashtirish uchun zamonaviy axborot-kommunikatsiya texnologiyalarini joriy etish;
rivojlangan xorijiy davlatlarning agrar sohani moliyalashtirish boʻyicha tajribasini oʻrganish va ularni mamlakatimizda joriy qilish”;
v) 6-bandning “b” kichik bandi ikkinchi xatboshisi quyidagi tahrirda bayon etilsin:
“paxta xom ashyosi, bugʻdoy, meva, uzum, sabzavot, kartoshka, poliz ekinlari, gul, koʻkatlar va dorivor oʻsimliklar, makkajoʻxori doni, dukkakli va moyli ekinlarni yetishtirish xarajatlarini hamda paxta xom ashyosi xaridi yakuniy hisob-kitobini kreditlash, shuningdek, meva-sabzavotlarni qayta ishlovchi, saqlovchi va eksport qiluvchilarga yetishtirilgan qishloq xoʻjaligi mahsulotlarini xarid qilishda talab etiladigan aylanma mablagʻlarni toʻldirish uchun “revolver” kreditlar ajratish hamda yangi uzumzorlarni barpo qilish, koʻchat tayyorlash va “in-vitro” laboratoriyalarini ishga tushirish loyihalarini amalga oshirish uchun tijorat banklariga resurs joylashtirish”;
g) 13-bandning ikkinchi xatboshisidagi “Jamgʻarma tomonidan kompensatsiya va subsidiyalarni toʻlash Qishloq xoʻjaligi vazirligining buyurtmalari asosida” soʻzlari “Jamgʻarma tomonidan subsidiya toʻlash Iqtisodiyot va moliya vazirligining “Subsidiyalar” portali orqali” soʻzlari bilan almashtirilsin;
d) 1-ilovaning matni quyidagi tahrirda bayon etilsin:
“Oʻzbekiston Respublikasi Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi kengashining TARKIBI
1. J.A. Qoʻchqorov — Bosh vazir oʻrinbosari — iqtisodiyot va moliya vaziri, Kengash raisi
2. Sh.M. Gʻaniyev — Oʻzbekiston Respublikasi Prezidentining maslahatchisi, Kengash raisining oʻrinbosari
3. J.A. Xodjayev — Bosh vazir oʻrinbosari
4. I.Y. Abduraxmonov — qishloq xoʻjaligi vaziri
5. A.A. Xaitov — Oʻzbekiston fermer, dehqon xoʻjaliklari va tomorqa yer egalari kengashi raisi
6. A.A. Isroilov — Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasini boshqarish departamenti direktori, Kengash kotibi”;
e) 2-ilovadagi “Qishloq xoʻjaligini texnika bilan jihozlashni moliyalashtirish shuʼbasi 2” bloki “Qishloq xoʻjaligini texnika bilan jihozlashni moliyalashtirish boʻlimi 2” bloki bilan almashtirilsin.
2. Oʻzbekiston Respublikasi Prezidentining 2023-yil 12-dekabrdagi “Qishloq xoʻjaligida erkin bozor munosabatlarini yanada rivojlantirishning qoʻshimcha chora-tadbirlari toʻgʻrisida”gi PF-205-son Farmoni 5-bandining “b” kichik bandi birinchi xatboshisidagi “klasterlarga” soʻzi “klasterlar hamda paxta xom ashyosini qayta ishlash va ip kalava ishlab chiqarish zanjiriga ega toʻqimachilik korxonalariga” soʻzlari bilan almashtirilsin.
3. Oʻzbekiston Respublikasi Prezidentining 2023-yil 19-iyundagi “Qishloq xoʻjaligini davlat tomonidan qoʻllab-quvvatlash xarajatlarini moliyalashtirishning uzluksizligini taʼminlash toʻgʻrisida”gi PF-98-son Farmonining 1-bandidagi “12 oy” soʻzlari “24 oy” soʻzlari bilan almashtirilsin.
4. Oʻzbekiston Respublikasi Prezidentining 2020-yil 6-martdagi “Paxtachilik sohasida bozor tamoyillarini keng joriy etish chora-tadbirlari toʻgʻrisida”gi PQ-4633-son qarori 2-bandi “b” kichik bandining birinchi xatboshisi quyidagi tahrirda bayon etilsin:
“b) respublikaning barcha hududlarida fermer xoʻjaliklarining ixtiyoriy kooperatsiyalari tashkil etiladi”.
5. Oʻzbekiston Respublikasi Prezidentining 2020-yil 6-martdagi “Gʻalla yetishtirish, xarid qilish va sotishga bozor tamoyillarini keng joriy etish chora-tadbirlari toʻgʻrisida”gi PQ-4634-son qarorining 6-bandi “a” kichik bandi quyidagi tahrirda bayon etilsin:
“a) Jamgʻarma kredit resurslari hisobidan tijorat banklari tomonidan fermer xoʻjaliklari, ijara huquqi mavjud boʻlgan yer uchastkasida bugʻdoy yetishtiruvchilar va urugʻchilik xoʻjaliklarining bugʻdoy yetishtirish xarajatlarini kreditlash uchun 12 oy muddatgacha bugʻdoyning normativ hosildorligi umumiy qiymatining:
40 foizigacha yillik 10 foizda (shundan, bank marjasi 2 foiz);
50 foizigacha yillik 12 foizda (shundan, bank marjasi 2 foiz) kreditlar ajratiladi.
Bunda fermer xoʻjaliklari, yer maydonlariga egalik qilish huquqi boʻlgan bugʻdoy yetishtiruvchilar va urugʻchilik xoʻjaliklari agrotexnik tadbirlardan kelib chiqib, kredit mablagʻlaridan erkin foydalanadi hamda moddiy resurslar yetkazib beruvchilarni ixtiyoriy tanlaydi”.
6. Oʻzbekiston Respublikasi Prezidentining 2023-yil 5-apreldagi “2023-yilda qishloq xoʻjaligi mahsulotlari ishlab chiqarish, qayta ishlashni kengaytirish va qoʻllab-quvvatlashning qoʻshimcha chora-tadbirlari toʻgʻrisida”gi PQ-113-son qaroriga 4-ilovaning 20-pozitsiyasi “Ijro muddati” ustunidagi “2023-yil” soʻzlari “2023 — 2026-yillar” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 22-iyul,
PF-103-son
Президента Республики Узбекистан
Указ
СОСТАВ
О мерах по улучшению финансово-экономического состояния предприятий в сфере хлопководства
В целях обеспечения финансовой стабильности хлопково-текстильных кластеров и непрерывности глубокой переработки хлопка-сырца, а также укрепления дисциплины взаиморасчетов в сфере:
1. Определить следующие меры, направленные на финансовое оздоровление хлопково-текстильных кластеров (далее — кластеры):
кластерам, полностью возвратившим льготные кредиты, выделенные коммерческими банками на расходы для выращивания хлопка-сырца урожая 2023 года за счет кредитных ресурсов Фонда государственной поддержки сельского хозяйства при Министерстве экономики и финансов (далее — Фонд), вместе с тем продлившим до 1 апреля 2025 года срок погашения остатка льготных кредитов, но полностью вернувшим их до 1 декабря 2024 года, процентные платежи по данному кредиту (помимо маржи банка) возвращаются за счет Фонда до 1 марта 2025 года;
сроки возврата остатка льготных кредитов, выделенных кластерам для выращивания хлопка-сырца 2023 года, соответственно кредитных ресурсов Фонда, выделенных коммерческим банкам, продлеваются до 1 апреля 2025 года на основании положительного заключения коммерческих банков.
2. Председателю Совета Министров Республики Каракалпакстан, хокимам областей и министру сельского хозяйства указать на то, что:
при создании кластеров и закреплении за ними земель сельскохозяйственного назначения не учтены опыт в сфере хлопководства, материальный и финансовый потенциал претендентов;
допущены промедление, безответственность и непринятие соответствующих мер в работе с кластерами, постоянно невыполняющими свои обязательства по соглашениям, заключенным в рамках деятельности кластера, регулярно не возвращающими кредитные задолженности перед коммерческими банками, что привело к их высокой кредитной нагрузке без учета своего финансового потенциала, не осуществившими до сих пор полных расчетов с фермерами за хлопок-сырец 2023 года;
нанесен ущерб финансовому состоянию кластеров путем возложения на кластеры реализации неэффективных проектов в различных направлениях, мероприятий, не связанных с их прямой деятельностью;
не завершены работы по внедрению автоматизированной системы обязательного учета хлопка-сырца, принятого посредством электронных весов, произведенного хлопка-волокна, а также ее интеграции с информационной системой «Агроплатформа».
3. Определить, что с 1 августа 2024 года оформляются в дополнительном порядке личное поручительство учредителей кластеров по кредитам, выделенным коммерческими банками за счет кредитных ресурсов Фонда.
4. Согласиться со следующими условиями:
а) разрешение на предоставление в залог хлопкоочистительных заводов и пунктов по приемке хлопка (далее — имущественный комплекс), приобретенных с условием оплаты в рассрочку и часть стоимости которых оплачена в размере 35 процентов и более от выкупной стоимости, в качестве имущественного комплекса по привлекаемому кредиту. При этом:
в качестве обеспечения осуществления оставшейся части платежей по приобретению имущественных комплексов предоставляется страховой полис страховой компании по неоплате платежей и (или) поручительство третьего лица либо гарантии другого банка;
при передаче имущественных комплексов за счет кредитной задолженности в распоряжение коммерческих банков в качестве залогового имущества выставление имущественного комплекса на торги осуществляется с условием сохранения их видов деятельности;
б) продление на год срока задолженностей по графику платежей, определенному в договорах купли-продажи, заключенных с кластерами по приобретению имущественных комплексов упраздняемого АО «Узпахтасаноат».
5. Утвердить состав Рабочей группы по упорядочению деятельности не выполнивших обязательства хлопково-текстильных кластеров, состоящей во главе со Счетной палатой из представителей Генеральной прокуратуры, Министерства сельского хозяйства, Министерства инвестиций, промышленности и торговли, Министерства внутренних дел, Совета Министров Республики Каракалпакстан и хокимиятов областей, Налогового комитета, Фонда, коммерческих банков, (далее — Рабочая группа) согласно приложению № 1 .
Кабинету Министров (А. Арипов) в недельный срок определить основные задачи Рабочей группы и координировать ее деятельность.
Рабочей группе в двухмесячный срок внести в Администрацию Президента Республики Узбекистан информацию об осуществленных работах.
6. Принять к сведению, что при возникновении неплатежеспособности кластеров по вине лица, выступающего в качестве участника, на данное лицо, в случае недостаточности имущества кластера, может быть возложена субсидиарная ответственность по его обязательствам.
7. Внести изменения и дополнения в некоторые акты Президента Республики Узбекистан согласно приложению № 2 .
8. Председателю Совета Министров Республики Каракалпакстан и хокимам областей, а также министру сельского хозяйства И.Ю. Абдурахмонову принимать меры по обеспечению эффективного функционирования мощностей кластеров начиная от переработки хлопка-сырца до производства готовой продукции, а также по устранению возникающих проблем.
Контроль за исполнением настоящего Указа, осуществление координации и контроля за деятельностью министерств и ведомств, ответственных за его исполнение, возложить на Премьер-министра Республики Узбекистан А.Н. Арипова и советника Президента Республики Узбекистан Ш.М. Ганиева.
ПРИЛОЖЕНИЕ № 1 к Указу Президента Республики Узбекистан от 22 июля 2024 года № УП-103
рабочей группы по регулированию деятельности хлопково-текстильных кластеров, не выполнивших свои обязательства
М. Абдуллаев — первый заместитель председателя Счетной палаты, руководитель Рабочей группы Ж. Хатамов — заместитель Генерального прокурора, заместитель руководителя Рабочей группы И. Абдурахмонов — министр сельского хозяйства, заместитель руководителя Рабочей группы А. Хайдаров — заместитель министра экономики и финансов Н. Холмурадов — первый заместитель министра инвестиций, промышленности и торговли С. Нишанбаев — заместитель министра внутренних дел По должности — Председатель Совета Министров Республики Каракалпакстан и хокимы областей Ж. Абдиев — заместитель председателя Налогового комитета А. Исроилов — директор Фонда государственной поддержки сельского хозяйства По должности — председатели правлений коммерческих банков С. Кулмирзаев — начальник Департамента Министерства сельского хозяйства, секретарь Рабочей группы
ПРИЛОЖЕНИЕ № 2 к Указу Президента Республики Узбекистан от 22 июля 2024 года № УП-103
Изменения и дополнения, вносимые в некоторые акты Президента Республики Узбекистан
1. В Указе Президента Республики Узбекистан от 26 февраля 2021 года № УП-6179 «О кардинальном совершенствовании деятельности Фонда государственной поддержки сельского хозяйства при Министерстве экономики и финансов Республики Узбекистан»:
а) в пункте 4 :
абзац третий исключить;
абзацы четвертый и пятый считать абзацами третьим и четвертым соответственно;
б) пункт 5 изложить в следующей редакции:
«5. Определить основными задачами Фонда:
кредитование расходов на выращивание хлопка-сырца, пшеницы и окончательных расчетов по закупке хлопка-сырца;
кредитование расходов на выращивание фруктов, винограда, овощей, картофеля, бахчевых культур, цветов, зелени и лекарственных растений, зерен кукурузы, бобовых и масличных культур;
выделение «револьверных» кредитов переработчикам, хранителям и экспортерам плодоовощной продукции для пополнения оборотных средств, необходимых для закупки выращенной сельскохозяйственной продукции;
размещение кредитных ресурсов в коммерческих банках для реализации проектов создания новых виноградников, подготовки саженцев и запуска лабораторий «in vitro»;
закупку по рыночной цене и выставление на биржевые торги пшеницы в объеме, необходимом для обеспечения стабильности цен на зерно и хлебную продукцию на внутреннем рынке;
финансирование поставок современной и высокопроизводительной сельскохозяйственной техники на льготных лизинговых условиях;
при закупке сельскохозяйственной техники на условиях лизинга или кредита за счет средств, выделенных из республиканского бюджета Республики Узбекистан, предоставление субсидии на покрытие части процентных расходов, а также стоимости сельскохозяйственной техники и автоматизированного агрегата планировки земли с лазерным устройством;
осуществление мониторинга за использованием целевых кредитных ресурсов и заемных средств, размещенных в коммерческих банках;
внедрение современных информационно-коммуникационных технологий для цифровизации системы финансирования сельского хозяйства и расчета;
изучение и внедрение в нашей стране опыта финансирования аграрной сферы развитых зарубежных государств»;
в) абзац второй подпункта «б» пункта 6 изложить в следующей редакции:
«размещение в коммерческих банках ресурсов для кредитования расходов на выращивание хлопка-сырца, пшеницы, фруктов, винограда, овощей, картофеля, бахчевых культур, цветов, зелени и лекарственных растений, зерен кукурузы, бобовых и масличных культур, а также окончательных расчетов по закупке хлопка-сырца, выделение «револьверных» кредитов переработчикам, хранителям и экспортерам плодоовощной продукции для пополнения оборотных средств, необходимых для закупки выращенной сельскохозяйственной продукции, для реализации проектов создания новых виноградников, подготовки саженцев и запуска лабораторий «in-vitro»;
г) в абзаце втором пункта 13 слова «выплату Фондом компенсаций и субсидий на основании заказов Министерства сельского хозяйства» заменить словами «выплату Фондом субсидий через портал «Субсидии» Министерства экономики и финансов»;
д) текст приложения № 1 изложить в следующей редакции:
«СОСТАВ Совета Фонда государственной поддержки сельского хозяйства при Министерстве экономики и финансов Республики Узбекистан
1. Д.А. Кучкаров — заместитель Премьер-министра — министр экономики и финансов, председатель Совета
2. Ш.М. Ганиев — советник Президента Республики Узбекистан, заместитель председателя Совета
3. Ж.А. Ходжаев — заместитель Премьер-министра
4. И.Ю. Абдурахмонов — министр сельского хозяйства
5. А.А. Хаитов — председатель Совета фермерских, дехканских хозяйств и владельцев приусадебных земель Узбекистана
6. А.А. Исроилов — директор Департамента по управлению Фондом государственной поддержки сельского хозяйства при Министерстве экономики и финансов, секретарь Совета»;
е) в приложении № 2 блок «Сектор финансирования оснащения техникой сельского хозяйства 2» заменить блоком «Отдел финансирования оснащения техникой сельского хозяйства 2».
2. В абзаце первом подпункта «б» пункта 5 Указа Президента Республики Узбекистан от 12 декабря 2023 года № УП-205 «О дополнительных мерах по дальнейшему развитию свободных рыночных отношений в сельском хозяйстве» слово «кластерам» заменить словами «кластерам и текстильным предприятиям, имеющим цепочку по переработке хлопка-сырца и производству пряжи».
3. В пункте 1 Указа Президента Республики Узбекистан от 19 июня 2023 года № УП-98 «Об обеспечении непрерывности финансирования расходов на государственную поддержку сельского хозяйства» слова «12 месяцев» заменить словами «24 месяцев».
4. Абзац первый подпункта «б» пункта 2 постановления Президента Республики Узбекистан от 6 марта 2020 года № ПП-4633 «О мерах по широкому внедрению рыночных принципов в сферу хлопководства» изложить в следующей редакции:
«б) во всех регионах республики создаются добровольные кооперации фермерских хозяйств».
5. Подпункт «а» пункта 6 постановления Президента Республики Узбекистан от 6 марта 2020 года № ПП-4634 «О мерах по широкому внедрению рыночных принципов в производство, закупку и реализацию зерна» изложить в следующей редакции:
«а) коммерческими банками за счет кредитных ресурсов Фонда выделяются кредиты на кредитование расходов фермерских хозяйств, производителей пшеницы на земельном участке с правом аренды и семеноводческих хозяйств на выращивание пшеницы сроком до 12 месяцев:
при финансировании в размере до 40 процентов общей стоимости нормативной урожайности пшеницы по ставке 10 процентов годовых (из них маржа банка составляет 2 процента);
при финансировании в размере до 50 процентов — по ставке 12 процентов годовых (из них маржа банка составляет 2 процента).
При этом фермерские хозяйства, производители пшеницы с правом владения земельными площадями и семеноводческие хозяйства исходя из агротехнических мероприятий самостоятельно распоряжаются кредитными средствами и добровольно выбирают поставщиков материальных ресурсов».
6. В графе «Сроки исполнения» позиции 20 приложения № 4 к постановлению Президента Республики Узбекистан от 5 апреля 2023 года № ПП-113 «О дополнительных мерах по расширению и поддержке производства и переработки сельскохозяйственной продукции в 2023 году» слова «2023 года» заменить словами «2023 — 2026 годов».
Президент Республики Узбекистан Ш. МИРЗИЁЕВ
г. Ташкент,
22 июля 2024 г.,
№ УП-103