📅 2024-yil 22-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 22 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 июля 2024 г. · Постановления Президента
Официальный текст. Официальный документ. Редакционные примечания не включены.
📅 22 July 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«Навоий вилоятининг Нурота туманида қуввати 150 МВт (300 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида
Электр энергиясини ишлаб чиқариш манбаларини диверсификациялаш, аҳолини ва иқтисодиёт тармоқларини энергия ресурслари билан барқарор таъминлаш мақсадида:
1. Қуйидагилар:
а) Ўзбекистон Республикаси Ҳукумати номидан Инвестициялар, саноат ва савдо вазирлиги ва «China Gezhouba Group Overseas Investment Co. LTD» (Хитой Халқ Республикаси) компанияси ўртасида (кейинги ўринларда — Инвестор) «Навоий вилоятининг Нурота туманида қуввати 150 МВт (300 МВт соат) бўлган электр энергиясини сақлаш тизимини қуриш» инвестиция лойиҳаси (кейинги ўринларда — инвестиция лойиҳаси) доирасида 2023 йил 27 декабрда инвестиция шартномаси (кейинги ўринларда — Инвестиция шартномаси) имзоланганлиги ҳамда унга мувофиқ Инвестор:
Инвестиция лойиҳасини амалга оширишнинг бутун даври мобайнида Навоий вилоятининг Нурота туманида қуввати 150 МВт (300 МВт соат) бўлган электр энергиясини сақлаш тизимини лойиҳалаштириши, молиялаштириши, қуриши ҳамда фойдаланиши;
юзага келиши мумкин бўлган хавф-хатарларни ўз зиммасига олган ҳолда, дастлабки баҳолаш бўйича жами 144 млн АҚШ доллари миқдоридаги тўғридан-тўғри хорижий инвестицияларни жалб этиши;
б) «Ўзбекистон миллий электр тармоқлари» АЖ ва Инвестор ўртасида тўғридан-тўғри музокаралар натижасида 2023 йил 27 декабрда Электр энергиясини сақлаш хизмати бўйича битим (кейинги ўринларда — Битим) имзоланганлиги ҳамда унга мувофиқ:
Инвестор ушбу битим бўйича ўз ҳуқуқ ва мажбуриятларидан лойиҳа доирасида ўзи томонидан ташкил этилган «NUROTA BESS» МЧЖ (кейинги ўринларда — Лойиҳа компанияси) фойдасига воз кечиши;
Лойиҳа компанияси электр энергиясини сақлаш тизими фойдаланишга кафолатланган тарзда тайёр туришини таъминлаш мажбуриятини олиши;
Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 5,4 млн АҚШ доллари миқдорида биринчи даражали банк кафолатини тақдим этиши;
«Ўзбекистон миллий электр тармоқлари» АЖ 13 йил давомида электр энергиясини сақлаш тизимидан фойдаланганлиги учун кафолатланган тарзда тўловларни амалга ошириш мажбуриятини олиши белгиланганлиги маълумот учун қабул қилинсин.
2. Инвестиция лойиҳасини амалга ошириш доирасида:
Ўзбекистон Республикаси Ҳукумати номидан Инвестициялар, саноат ва савдо вазирлиги ҳамда Инвестор ўртасида тузилган Инвестиция шартномаси тасдиқлансин;
«Ўзбекистон миллий электр тармоқлари» АЖ ва Инвестор ўртасида тузилган Битим маъқуллансин.
3. Инвестициялар, саноат ва савдо вазирлиги, Энергетика вазирлиги ҳамда «Ўзбекистон миллий электр тармоқлари» АЖга Инвестор томонидан Инвестиция лойиҳасини амалга ошириш доирасида имзоланган битимлар бўйича мажбуриятлар бажарилмаган тақдирда, Инвестор ҳуқуқини Инвестиция лойиҳасини молиялаштиришда иштирок этадиган бошқа кредиторларга тўғридан-тўғри ўтказиш ҳақида битимлар тузиш ҳуқуқи берилсин.
4. «Ўзбекистон миллий электр тармоқлари» АЖга:
Инвестор билан биргаликда Битимда белгиланган тартиб-таомилларга мувофиқ Инвестиция лойиҳасини амалга ошириш учун халқаро мустақил инжиниринг компанияси ва бошқа маслаҳатчиларни тўғридан-тўғри шартномалар тузган ҳолда жалб қилишга;
электр энергиясини сақлаш тизимидан фойдаланганлик учун уч ой мобайнида тўлов мажбурияти бажарилишининг таъминоти сифатида Инвестор фойдасига хорижий банкнинг чет эл валютасида тасдиқланган ва тикланадиган аккредитивини очишга рухсат берилсин.
5. Иқтисодиёт ва молия вазирига Ўзбекистон Республикаси Ҳукумати номидан «Ўзбекистон миллий электр тармоқлари» АЖнинг аккредитив очадиган хорижий банк олдидаги тўлов мажбуриятлари Осиё тараққиёт банки, Жаҳон банки ёки Европа тикланиш ва тараққиёт банки кафолати орқали бажарилган тақдирда, мазкур банк билан Ўзбекистон Республикаси Ҳукуматига мақбул шаклдаги ушбу банк харажатларини қоплаш тўғрисидаги битимни имзолаш ваколати берилсин.
6. Инвестиция лойиҳасини амалга ошириш доирасида Лойиҳа компаниясига барча солиқлар ва йиғимлар тўланган ҳолда, Инвестиция лойиҳаларини молиялаштириш доирасида қуйидаги ҳуқуқлар берилсин:
кредит олиш, чет эл валютасида пул маблағлари олиш ва улардан фойдаланиш (шу жумладан, чет эл валютасида кредит тушумлари) учун чет элдаги хорижий банкларда банк ҳисобварақлари очиш;
Ўзбекистон Республикасидан ташқарида бўлган хорижий пудрат ташкилотлари, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш.
7. Навоий вилояти ҳокимлиги:
Энергетика вазирлиги, Инвестициялар, саноат ва савдо вазирлиги, Қишлоқ хўжалиги вазирлиги ҳамда Инвестор билан биргаликда олти ой муддатда Инвестиция лойиҳасини амалга ошириш учун Навоий вилоятининг Нурота тумани ҳудудида электр энергиясини сақлаш тизимини ва электр инфратузилмаси қурилмаларини қуриш учун зарур ер участкаларини танлаб олсин ва уларнинг чегараларига аниқлик киритиб, Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклиф киритсин;
Инвестор томонидан тақдим этиладиган лойиҳа ҳужжатлари асосида танланган ер участкасини Энергетика вазирлигига доимий фойдаланиш ҳуқуқи билан ажратсин.
Энергетика вазирлиги мазкур ер участкаси Инвестиция лойиҳасини амалга ошириш муддатига тенг даврга Инвесторга ижарага берилишини таъминласин.
Бунда, Инвестор томонидан ер участкалари учун тўланадиган ижара тўлови миқдори ер солиғи миқдорига тенглаштирилсин.
8. Белгилансинки, Инвестиция лойиҳасини амалга оширишда:
Энергетика вазирлиги қишлоқ хўжалигига мўлжалланган ерлардан фойдаланганлик (тоифаси ўзгартирилганлиги) учун қишлоқ хўжалиги ишлаб чиқариши нобудгарчилиги ўрнини қоплашдан (компенсация тўловларидан) озод қилинади;
электр энергиясини сақлаш тизими билан боғлиқ қурилиш ва ер ишларини бажариш, бино ва иншоотлар пойдеворларини лойиҳалаштириш нормалари ва қоидалари Битимга мувофиқ халқаро стандартлар билан тартибга солинади;
электр энергиясини сақлаш тизимидан фойдаланганлик учун тўловлар чет эл валютасида деноминацияланган қатъий тариф бўйича миллий валютада амалга оширилади.
9. Инвесторнинг буюртманомасига биноан Инвестиция лойиҳасини амалга ошириш доирасида:
Ташқи ишлар вазирлиги — жалб қилинадиган хорижий мутахассислар учун кириш визалари, зарур ҳолларда, Ислом Каримов номидаги «Тошкент» халқаро аэропортида белгиланган тартибда расмийлаштирилишини;
Ички ишлар вазирлиги — жалб қилинадиган пудрат ташкилотларининг хорижий мутахассислари ҳамда уларнинг оила аъзоларига кўп марталик виза муддатлари узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини;
Камбағалликни қисқартириш ва бандлик вазирлиги — хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
10. Инвестициялар, саноат ва савдо вазирлиги Инвестиция лойиҳаси амалга оширилиши, шунингдек, томонларнинг Инвестиция шартномаси ва Битим доирасидаги мажбуриятлари бажарилиши устидан доимий назорат ўрнатсин.
11. Адлия вазирлиги бир ой муддатда Инвестиция лойиҳасини амалга ошириш доирасида Инвестиция шартномаси ҳамда унинг қоидаларига мувофиқ имзоланган битимлар юзасидан юридик хулосалар берсин.
12. Экология, атроф-муҳитни муҳофаза қилиш ва иқлим ўзгариши вазирлиги лойиҳа ҳужжатлари белгиланган тартибда экологик экспертизадан ўтказилишини таъминласин ва Инвестиция лойиҳасини амалга оширишда табиатни муҳофаза қилишга оид қонунчилик ҳужжатларига риоя этилишини назорат қилсин.
13. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.
14. Мазкур қарорнинг ижросини самарали ташкил қилишга масъул ва шахсий жавобгар этиб энергетика вазири Ж.Т. Мирзамаҳмудов белгилансин.
Қарор ижроси учун масъул вазирлик ва идоралар фаолиятини мувофиқлаштириш ҳамда назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 22 июлдаги ПҚ-275-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2024 йил 29 февралдаги «Андижон вилоятининг Асака туманида қуввати 100 МВт (200 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида»ги ПҚ-92-сон қарорининг 1-банди «б» кичик бандининг олтинчи хатбошисидаги «10 йил» сўзлари «13 йил» сўзлари билан алмаштирилсин.
2. Ўзбекистон Республикаси Президентининг 2024 йил 29 февралдаги «Андижон вилоятининг Асака туманида қуввати 150 МВт (300 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида»ги ПҚ-93-сон қарорининг 1-банди «б» кичик бандининг олтинчи хатбошисидаги «10 йил» сўзлари «13 йил» сўзлари билан алмаштирилсин.
3. Ўзбекистон Республикаси Президентининг 2024 йил 29 февралдаги «Наманган вилоятининг Поп туманида қуввати 100 МВт (200 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида»ги ПҚ-94-сон қарорининг 1-банди «б» кичик бандининг олтинчи хатбошисидаги «10 йил» сўзлари «13 йил» сўзлари билан алмаштирилсин.
4. Ўзбекистон Республикаси Президентининг 2024 йил 29 февралдаги «Наманган вилоятининг Уйчи туманида қуввати 100 МВт (200 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида»ги ПҚ-95-сон қарорининг 1-банди «б» кичик бандининг олтинчи хатбошисидаги «10 йил» сўзлари «13 йил» сўзлари билан алмаштирилсин.
5. Ўзбекистон Республикаси Президентининг 2024 йил 29 февралдаги «Тошкент вилоятининг Паркент туманида қуввати 100 МВт (200 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида»ги ПҚ-96-сон қарорининг 1-банди «б» кичик бандининг олтинчи хатбошисидаги «10 йил» сўзлари «13 йил» сўзлари билан алмаштирилсин.
6. Ўзбекистон Республикаси Президентининг 2024 йил 29 февралдаги «Тошкент вилоятининг Пискент туманида қуввати 100 МВт (200 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида»ги ПҚ-97-сон қарорининг 1-банди «б» кичик бандининг олтинчи хатбошисидаги «10 йил» сўзлари «13 йил» сўзлари билан алмаштирилсин.
7. Ўзбекистон Республикаси Президентининг 2024 йил 29 февралдаги «Тошкент вилоятининг Оҳангарон туманида қуввати 100 МВт (200 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида»ги ПҚ-98-сон қарорининг 1-банди «б» кичик бандининг олтинчи хатбошисидаги «10 йил» сўзлари «13 йил» сўзлари билан алмаштирилсин.
8. Ўзбекистон Республикаси Президентининг 2024 йил 29 февралдаги «Фарғона вилоятининг Ўзбекистон туманида қуввати 150 МВт (300 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида»ги ПҚ-99-сон қарорининг 1-банди «б» кичик бандининг олтинчи хатбошисидаги «10 йил» сўзлари «13 йил» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 22 июль,
ПҚ-275-сон
Oʻzbekiston Respublikasi Prezidentining
qarori
“Navoiy viloyatining Nurota tumanida quvvati 150 MVt (300 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida
Elektr energiyasini ishlab chiqarish manbalarini diversifikatsiyalash, aholini va iqtisodiyot tarmoqlarini energiya resurslari bilan barqaror taʼminlash maqsadida:
1. Quyidagilar:
a) Oʻzbekiston Respublikasi Hukumati nomidan Investitsiyalar, sanoat va savdo vazirligi va “China Gezhouba Group Overseas Investment Co. LTD” (Xitoy Xalq Respublikasi) kompaniyasi oʻrtasida (keyingi oʻrinlarda — Investor) “Navoiy viloyatining Nurota tumanida quvvati 150 MVt (300 MVt soat) boʻlgan elektr energiyasini saqlash tizimini qurish” investitsiya loyihasi (keyingi oʻrinlarda — investitsiya loyihasi) doirasida 2023-yil 27-dekabrda investitsiya shartnomasi (keyingi oʻrinlarda — Investitsiya shartnomasi) imzolanganligi hamda unga muvofiq Investor:
Investitsiya loyihasini amalga oshirishning butun davri mobaynida Navoiy viloyatining Nurota tumanida quvvati 150 MVt (300 MVt soat) boʻlgan elektr energiyasini saqlash tizimini loyihalashtirishi, moliyalashtirishi, qurishi hamda foydalanishi;
yuzaga kelishi mumkin boʻlgan xavf-xatarlarni oʻz zimmasiga olgan holda, dastlabki baholash boʻyicha jami 144 mln AQSH dollari miqdoridagi toʻgʻridan-toʻgʻri xorijiy investitsiyalarni jalb etishi;
b) “Oʻzbekiston milliy elektr tarmoqlari” AJ va Investor oʻrtasida toʻgʻridan-toʻgʻri muzokaralar natijasida 2023-yil 27-dekabrda Elektr energiyasini saqlash xizmati boʻyicha bitim (keyingi oʻrinlarda — Bitim) imzolanganligi hamda unga muvofiq:
Investor ushbu bitim boʻyicha oʻz huquq va majburiyatlaridan loyiha doirasida oʻzi tomonidan tashkil etilgan “NUROTA BESS” MCHJ (keyingi oʻrinlarda — Loyiha kompaniyasi) foydasiga voz kechishi;
Loyiha kompaniyasi elektr energiyasini saqlash tizimi foydalanishga kafolatlangan tarzda tayyor turishini taʼminlash majburiyatini olishi;
Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 5,4 mln AQSH dollari miqdorida birinchi darajali bank kafolatini taqdim etishi;
“Oʻzbekiston milliy elektr tarmoqlari” AJ 13 yil davomida elektr energiyasini saqlash tizimidan foydalanganligi uchun kafolatlangan tarzda toʻlovlarni amalga oshirish majburiyatini olishi belgilanganligi maʼlumot uchun qabul qilinsin.
2. Investitsiya loyihasini amalga oshirish doirasida:
Oʻzbekiston Respublikasi Hukumati nomidan Investitsiyalar, sanoat va savdo vazirligi hamda Investor oʻrtasida tuzilgan Investitsiya shartnomasi tasdiqlansin;
“Oʻzbekiston milliy elektr tarmoqlari” AJ va Investor oʻrtasida tuzilgan Bitim maʼqullansin.
3. Investitsiyalar, sanoat va savdo vazirligi, Energetika vazirligi hamda “Oʻzbekiston milliy elektr tarmoqlari” AJga Investor tomonidan Investitsiya loyihasini amalga oshirish doirasida imzolangan bitimlar boʻyicha majburiyatlar bajarilmagan taqdirda, Investor huquqini Investitsiya loyihasini moliyalashtirishda ishtirok etadigan boshqa kreditorlarga toʻgʻridan-toʻgʻri oʻtkazish haqida bitimlar tuzish huquqi berilsin.
4. “Oʻzbekiston milliy elektr tarmoqlari” AJga:
Investor bilan birgalikda Bitimda belgilangan tartib-taomillarga muvofiq Investitsiya loyihasini amalga oshirish uchun xalqaro mustaqil injiniring kompaniyasi va boshqa maslahatchilarni toʻgʻridan-toʻgʻri shartnomalar tuzgan holda jalb qilishga;
elektr energiyasini saqlash tizimidan foydalanganlik uchun uch oy mobaynida toʻlov majburiyati bajarilishining taʼminoti sifatida Investor foydasiga xorijiy bankning chet el valyutasida tasdiqlangan va tiklanadigan akkreditivini ochishga ruxsat berilsin.
5. Iqtisodiyot va moliya vaziriga Oʻzbekiston Respublikasi Hukumati nomidan “Oʻzbekiston milliy elektr tarmoqlari” AJning akkreditiv ochadigan xorijiy bank oldidagi toʻlov majburiyatlari Osiyo taraqqiyot banki, Jahon banki yoki Yevropa tiklanish va taraqqiyot banki kafolati orqali bajarilgan taqdirda, mazkur bank bilan Oʻzbekiston Respublikasi Hukumatiga maqbul shakldagi ushbu bank xarajatlarini qoplash toʻgʻrisidagi bitimni imzolash vakolati berilsin.
6. Investitsiya loyihasini amalga oshirish doirasida Loyiha kompaniyasiga barcha soliqlar va yigʻimlar toʻlangan holda, Investitsiya loyihalarini moliyalashtirish doirasida quyidagi huquqlar berilsin:
kredit olish, chet el valyutasida pul mablagʻlari olish va ulardan foydalanish (shu jumladan, chet el valyutasida kredit tushumlari) uchun chet eldagi xorijiy banklarda bank hisobvaraqlari ochish;
Oʻzbekiston Respublikasidan tashqarida boʻlgan xorijiy pudrat tashkilotlari, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish.
7. Navoiy viloyati hokimligi:
Energetika vazirligi, Investitsiyalar, sanoat va savdo vazirligi, Qishloq xoʻjaligi vazirligi hamda Investor bilan birgalikda olti oy muddatda Investitsiya loyihasini amalga oshirish uchun Navoiy viloyatining Nurota tumani hududida elektr energiyasini saqlash tizimini va elektr infratuzilmasi qurilmalarini qurish uchun zarur yer uchastkalarini tanlab olsin va ularning chegaralariga aniqlik kiritib, Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga taklif kiritsin;
Investor tomonidan taqdim etiladigan loyiha hujjatlari asosida tanlangan yer uchastkasini Energetika vazirligiga doimiy foydalanish huquqi bilan ajratsin.
Energetika vazirligi mazkur yer uchastkasi Investitsiya loyihasini amalga oshirish muddatiga teng davrga Investorga ijaraga berilishini taʼminlasin.
Bunda, Investor tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.
8. Belgilansinki, Investitsiya loyihasini amalga oshirishda:
Energetika vazirligi qishloq xoʻjaligiga moʻljallangan yerlardan foydalanganlik (toifasi oʻzgartirilganligi) uchun qishloq xoʻjaligi ishlab chiqarishi nobudgarchiligi oʻrnini qoplashdan (kompensatsiya toʻlovlaridan) ozod qilinadi;
elektr energiyasini saqlash tizimi bilan bogʻliq qurilish va yer ishlarini bajarish, bino va inshootlar poydevorlarini loyihalashtirish normalari va qoidalari Bitimga muvofiq xalqaro standartlar bilan tartibga solinadi;
elektr energiyasini saqlash tizimidan foydalanganlik uchun toʻlovlar chet el valyutasida denominatsiyalangan qatʼiy tarif boʻyicha milliy valyutada amalga oshiriladi.
9. Investorning buyurtmanomasiga binoan Investitsiya loyihasini amalga oshirish doirasida:
Tashqi ishlar vazirligi — jalb qilinadigan xorijiy mutaxassislar uchun kirish vizalari, zarur hollarda, Islom Karimov nomidagi “Toshkent” xalqaro aeroportida belgilangan tartibda rasmiylashtirilishini;
Ichki ishlar vazirligi — jalb qilinadigan pudrat tashkilotlarining xorijiy mutaxassislari hamda ularning oila aʼzolariga koʻp martalik viza muddatlari uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini;
Kambagʻallikni qisqartirish va bandlik vazirligi — xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
10. Investitsiyalar, sanoat va savdo vazirligi Investitsiya loyihasi amalga oshirilishi, shuningdek, tomonlarning Investitsiya shartnomasi va Bitim doirasidagi majburiyatlari bajarilishi ustidan doimiy nazorat oʻrnatsin.
11. Adliya vazirligi bir oy muddatda Investitsiya loyihasini amalga oshirish doirasida Investitsiya shartnomasi hamda uning qoidalariga muvofiq imzolangan bitimlar yuzasidan yuridik xulosalar bersin.
12. Ekologiya, atrof-muhitni muhofaza qilish va iqlim oʻzgarishi vazirligi loyiha hujjatlari belgilangan tartibda ekologik ekspertizadan oʻtkazilishini taʼminlasin va Investitsiya loyihasini amalga oshirishda tabiatni muhofaza qilishga oid qonunchilik hujjatlariga rioya etilishini nazorat qilsin.
13. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
14. Mazkur qarorning ijrosini samarali tashkil qilishga masʼul va shaxsiy javobgar etib energetika vaziri J.T. Mirzamahmudov belgilansin.
Qaror ijrosi uchun masʼul vazirlik va idoralar faoliyatini muvofiqlashtirish hamda nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 22-iyuldagi PQ-275-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2024-yil 29-fevraldagi “Andijon viloyatining Asaka tumanida quvvati 100 MVt (200 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida”gi PQ-92-son qarorining 1-bandi “b” kichik bandining oltinchi xatboshisidagi “10 yil” soʻzlari “13 yil” soʻzlari bilan almashtirilsin.
2. Oʻzbekiston Respublikasi Prezidentining 2024-yil 29-fevraldagi “Andijon viloyatining Asaka tumanida quvvati 150 MVt (300 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida”gi PQ-93-son qarorining 1-bandi “b” kichik bandining oltinchi xatboshisidagi “10 yil” soʻzlari “13 yil” soʻzlari bilan almashtirilsin.
3. Oʻzbekiston Respublikasi Prezidentining 2024-yil 29-fevraldagi “Namangan viloyatining Pop tumanida quvvati 100 MVt (200 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida”gi PQ-94-son qarorining 1-bandi “b” kichik bandining oltinchi xatboshisidagi “10 yil” soʻzlari “13 yil” soʻzlari bilan almashtirilsin.
4. Oʻzbekiston Respublikasi Prezidentining 2024-yil 29-fevraldagi “Namangan viloyatining Uychi tumanida quvvati 100 MVt (200 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida”gi PQ-95-son qarorining 1-bandi “b” kichik bandining oltinchi xatboshisidagi “10 yil” soʻzlari “13 yil” soʻzlari bilan almashtirilsin.
5. Oʻzbekiston Respublikasi Prezidentining 2024-yil 29-fevraldagi “Toshkent viloyatining Parkent tumanida quvvati 100 MVt (200 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida”gi PQ-96-son qarorining 1-bandi “b” kichik bandining oltinchi xatboshisidagi “10 yil” soʻzlari “13 yil” soʻzlari bilan almashtirilsin.
6. Oʻzbekiston Respublikasi Prezidentining 2024-yil 29-fevraldagi “Toshkent viloyatining Piskent tumanida quvvati 100 MVt (200 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida”gi PQ-97-son qarorining 1-bandi “b” kichik bandining oltinchi xatboshisidagi “10 yil” soʻzlari “13 yil” soʻzlari bilan almashtirilsin.
7. Oʻzbekiston Respublikasi Prezidentining 2024-yil 29-fevraldagi “Toshkent viloyatining Ohangaron tumanida quvvati 100 MVt (200 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida”gi PQ-98-son qarorining 1-bandi “b” kichik bandining oltinchi xatboshisidagi “10 yil” soʻzlari “13 yil” soʻzlari bilan almashtirilsin.
8. Oʻzbekiston Respublikasi Prezidentining 2024-yil 29-fevraldagi “Fargʻona viloyatining Oʻzbekiston tumanida quvvati 150 MVt (300 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida”gi PQ-99-son qarorining 1-bandi “b” kichik bandining oltinchi xatboshisidagi “10 yil” soʻzlari “13 yil” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 22-iyul,
PQ-275-son
Президента Республики Узбекистан
Постановление
О мерах по реализации инвестиционного проекта «Строительство системы накопления электрической энергии мощностью 150 МВт (300 МВт) в Нуратинском районе Навоийской области»
В целях диверсификации источников производства электрической энергии, а также стабильного обеспечения энергоресурсами населения и отраслей экономики:
1. Принять к сведению, что:
а) между Правительством Республики Узбекистан в лице Министерства инвестиций, промышленности и торговли и компанией «China Gezhouba Group Overseas Investment Co. Ltd.» (Китайская Народная Республика) (далее — Инвестор) в рамках инвестиционного проекта «Строительство системы накопления электрической энергии мощностью 150 МВт (300 МВт) в Нуратинском районе Навоийской области» (далее — Инвестиционный проект) 27 декабря 2023 года подписан инвестиционный договор (далее — Инвестиционный договор), в соответствии с которым Инвестор осуществляет:
проектирование, финансирование, строительство и эксплуатацию системы накопления электрической энергии мощностью 150 МВт (300 МВт) в Нуратинском районе Навоийской области на протяжении всего периода реализации Инвестиционного проекта;
привлечение прямых иностранных инвестиций в размере по предварительным расчетам всего 144 млн долларов США с принятием на себя возможных рисков;
б) в результате прямых переговоров между АО «Национальные электрические сети Узбекистана» и Инвестором 27 декабря 2023 года подписано Соглашение об услугах накопления электрической энергии (далее — Соглашение), в соответствии с которым:
Инвестор по данному соглашению уступает свои права и обязательства в пользу организованного им в рамках проекта ООО «NUROTA BESS» (далее — Проектная компания);
Проектная компания принимает обязательство гарантированного обеспечения готовности к эксплуатации системы накопления электрической энергии;
Проектная компания предоставляет гарантию первоклассного банка в размере 5,4 млн долларов США в качестве обеспечения надлежащего исполнения своих обязательств в период строительства;
АО «Национальные электрические сети Узбекистана» принимает обязательство гарантированного осуществления платежей за эксплуатацию системы накопления электроэнергии в течение 13 лет.
2. В рамках реализации Инвестиционного проекта:
утвердить Инвестиционный договор, заключенный между Правительством Республики Узбекистан в лице Министерства инвестиций, промышленности и торговли и Инвестором;
одобрить Соглашение, заключенное между АО «Национальные электрические сети Узбекистана» и Инвестором.
3. Предоставить Министерству инвестиций, промышленности и торговли, Министерству энергетики и АО «Национальные электрические сети Узбекистана» право на заключение соглашений о прямой передаче прав Инвестора другим кредиторам, принимающим участие в финансировании Инвестиционного проекта, в случае неисполнения Инвестором обязательств по соглашениям, подписанным в рамках реализации Инвестиционного проекта.
4. Разрешить АО «Национальные электрические сети Узбекистана»:
привлечение совместно с Инвестором международных независимых инжиниринговых компаний и других консультантов для реализации Инвестиционного проекта в соответствии с процедурами, определенными в Соглашении, с заключением прямых договоров;
открытие подтвержденного в иностранной валюте и возобновляемого аккредитива иностранного банка в пользу Инвестора в качестве обеспечения исполнения обязательства оплаты за эксплуатацию системы накопления электроэнергии на протяжении трех месяцев.
5. Уполномочить министра экономики и финансов подписать от имени Правительства Республики Узбекистан соглашение с иностранным банком, открывающим аккредитив, о возмещении его расходов в форме, приемлемой для Правительства Республики Узбекистан, в случае исполнения обязательств АО «Национальные электрические сети Узбекистана» перед данным банком под гарантию Азиатского банка развития, Всемирного банка либо Европейского банка реконструкции и развития.
6. Предоставить Проектной компании в рамках реализации Инвестиционного проекта после оплаты всех налогов и сборов следующие права в рамках финансирования Инвестиционного проекта:
открывать банковские счета в иностранных банках за рубежом для получения кредитов, получения и использования денежных средств в иностранной валюте (включая кредитные поступления в иностранной валюте);
напрямую осуществлять платежи иностранным подрядным организациям, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
7. Хокимияту Навоийской области:
совместно с Министерством энергетики, Министерством инвестиций, промышленности и торговли, Министерством сельского хозяйства и Инвестором для реализации Инвестиционного проекта в шестимесячный срок выбрать земельные участки на территории Нуратинского района Навоийской области, необходимые для строительства системы накопления электрической энергии и сооружений электроинфраструктуры, внести уточнения в границы выбранных земельных участков и представить предложение в Правительственную комиссию по рассмотрению вопросов изменения категорий земельного фонда земель сельскохозяйственного назначения и лесного фонда;
выделить Министерству энергетики выбранные земельные участки с правом постоянного пользования на основании проектной документации, представленной Инвестором.
Министерству энергетики обеспечить передачу в аренду Инвестору вышеуказанных земельных участков на период, равный сроку реализации Инвестиционного проекта.
При этом приравнять размер арендной платы за земельные участки, уплачиваемой Инвестором, к размеру земельного налога.
8. Установить, что в рамках реализации Инвестиционного проекта:
Министерство энергетики освобождается от возмещения потерь сельскохозяйственного производства (компенсационных выплат) за использование (изменение категории) земель сельскохозяйственного назначения;
нормы и правила выполнения строительных и земельных работ, связанных с системой накопления электрической энергии, а также проектирования фундаментов зданий и сооружений регулируются международными стандартами в соответствии с Соглашением;
платежи за эксплуатацию системы накопления электрической энергии, осуществляются в национальной валюте по фиксированному тарифу, деноминированному в иностранной валюте.
9. По заявкам Инвестора в рамках реализации Инвестиционного проекта обеспечить:
Министерству иностранных дел — оформление в установленном порядке въездных виз привлекаемым зарубежным специалистам, при необходимости — в Международном аэропорту «Ташкент» имени Ислама Каримова;
Министерству внутренних дел — выдачу и продление срока действия многоразовых виз, а также регистрацию по месту пребывания и ее продление зарубежным специалистам привлекаемых подрядных организаций, а также членам их семей;
Министерству занятости и сокращения бедности — выдачу (продление) в установленном порядке подтверждений на право осуществления трудовой деятельности на территории Республики Узбекистан иностранным гражданам.
10. Министерству инвестиций, промышленности и торговли установить постоянный контроль за реализацией Инвестиционного проекта, а также выполнением сторонами обязательств в рамках Инвестиционного договора и Соглашения.
11. Министерству юстиции в месячный срок выдать юридические заключения по соглашениям, подписанным в соответствии с Инвестиционным договором и его положениями в рамках реализации Инвестиционного проекта.
12. Министерству экологии, охраны окружающей среды и изменения климата обеспечить проведение в установленном порядке экологической экспертизы проектной документации и соблюдение актов законодательства об охране природы при реализации Инвестиционного проекта.
13. Внести изменения в некоторые постановления Президента Республики Узбекистан согласно приложению .
14. Возложить на министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
Осуществление координации и контроля за деятельностью министерств и ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 22 июля 2024 года № ПП-275
Изменения, вносимые в некоторые постановления Президента Республики Узбекистан
1. В абзаце шестом подпункта «б» пункта 1 постановления Президента Республики Узбекистан от 29 февраля 2024 года № ПП-92 «О мерах по реализации Инвестиционного проекта «Строительство системы накопления электрической энергии мощностью 100 МВт (200 МВт/час) в Асакинском районе Андижанской области» слова «10 лет» заменить словами «13 лет».
2. В абзаце шестом подпункта «б» пункта 1 постановления Президента Республики Узбекистан от 29 февраля 2024 года № ПП-93 «О мерах по реализации Инвестиционного проекта «Строительство системы накопления электрической энергии мощностью 150 МВт (300 МВт/час) в Асакинском районе Андижанской области» слова «10 лет» заменить словами «13 лет».
3. В абзаце шестом подпункта «б» пункта 1 постановления Президента Республики Узбекистан от 29 февраля 2024 года № ПП-94 «О мерах по реализации Инвестиционного проекта «Строительство системы накопления электрической энергии мощностью 100 МВт (200 МВт/час) в Папском районе Наманганской области» слова «10 лет» заменить словами «13 лет».
4. В абзаце шестом подпункта «б» пункта 1 постановления Президента Республики Узбекистан от 29 февраля 2024 года № ПП-95 «О мерах по реализации Инвестиционного проекта «Строительство системы накопления электрической энергии мощностью 100 МВт (200 МВт/час) в Уйчинском районе Наманганской области» слова «10 лет» заменить словами «13 лет».
5. В абзаце шестом подпункта «б» пункта 1 постановления Президента Республики Узбекистан от 29 февраля 2024 года № ПП-96 «О мерах по реализации Инвестиционного проекта «Строительство системы накопления электрической энергии мощностью 100 МВт (200 МВт/час) в Паркентском районе Ташкентской области» слова «10 лет» заменить словами «13 лет».
6. В абзаце шестом подпункта «б» пункта 1 постановления Президента Республики Узбекистан от 29 февраля 2024 года № ПП-97 «О мерах по реализации Инвестиционного проекта «Строительство системы накопления электрической энергии мощностью 100 МВт (200 МВт/час) в Пскентском районе Ташкентской области» слова «10 лет» заменить словами «13 лет».
7. В абзаце шестом подпункта «б» пункта 1 постановления Президента Республики Узбекистан от 29 февраля 2024 года № ПП-98 «О мерах по реализации Инвестиционного проекта «Строительство системы накопления электрической энергии мощностью 100 МВт (200 МВт/час) в Ахангаранском районе Ташкентской области» слова «10 лет» заменить словами «13 лет».
8. В абзаце шестом подпункта «б» пункта 1 постановления Президента Республики Узбекистан от 29 февраля 2024 года № ПП-99 «О мерах по реализации Инвестиционного проекта «Строительство системы накопления электрической энергии мощностью 150 МВт (300 МВт/час) в Узбекистанском районе Ферганской области» слова «10 лет» заменить словами «13 лет».
Президент Республики Узбекистан Ш. МИРЗИЁЕВ
г. Ташкент,
22 июля 2024 г.,
№ ПП-275