📅 2024-yil 22-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 22 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 июля 2024 г. · Постановления Президента
Официальный текст. Официальный документ. Редакционные примечания не включены.
📅 22 July 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
«Навоий вилоятининг Нурота туманида қуввати 300 МВт бўлган қуёш фотоэлектр станциясини, унинг фаолиятини таъминлашга хизмат қилувчи подстанцияни ҳамда ҳаво электр узатиш тармоғини қуриш» инвестиция лойиҳасини амалга ошириш чора-тадбирлари тўғрисида
Аҳолини ва иқтисодиёт тармоқларини энергия ресурслари билан барқарор таъминлаш, электр энергияси ишлаб чиқаришда табиий газдан фойдаланишни камайтириш ҳамда қайта тикланувчи энергия манбаларидан фойдаланиш кўламини кенгайтиришга тўғридан-тўғри хорижий инвестицияларни кенг жалб қилиш мақсадида:
1. Қуйидагилар:
а) Ўзбекистон Республикаси Ҳукумати номидан Инвестициялар, саноат ва савдо вазирлиги ҳамда «China Gezhouba Group Overseas Investment Co. LTD» (Хитой Халқ Республикаси) компанияси (кейинги ўринларда — Инвестор) «Навоий вилоятининг Нурота туманида қуввати 300 МВт бўлган қуёш фотоэлектр станциясини, унинг фаолиятини таъминлашга хизмат қилувчи подстанцияни ҳамда ҳаво электр узатиш тармоғини қуриш» инвестиция лойиҳаси (кейинги ўринларда — инвестиция лойиҳаси) доирасида 2024 йил 22 январда инвестиция шартномасини (кейинги ўринларда — Инвестиция шартномаси) имзолаганлиги ҳамда унга мувофиқ Инвестор:
Инвестиция лойиҳасини амалга оширишнинг бутун даври мобайнида Навоий вилоятининг Нурота туманида қуввати 300 МВт бўлган қуёш фотоэлектр станциясини лойиҳалаштириши, молиялаштириши, қуриши ҳамда эксплуатация қилиши;
юзага келиши мумкин бўлган хавф-хатарларни ўз зиммасига олган ҳолда, дастлабки баҳолаш бўйича жами 390 млн АҚШ доллари миқдоридаги тўғридан-тўғри хорижий инвестицияларни жалб этиши;
б) «Ўзбекистон миллий электр тармоқлари» АЖ ва Инвестор ўртасида тўғридан-тўғри музокаралар натижасида 2024 йил 22 январда Электр энергиясини сотиб олиш тўғрисида битим (кейинги ўринларда — Битим) имзоланганлиги ҳамда унга мувофиқ:
Инвестор ушбу битим бўйича ўз ҳуқуқ ва мажбуриятларидан лойиҳа доирасида ўзи томонидан ташкил этилган «NUROTA SOLAR POWER» МЧЖ (кейинги ўринларда — Лойиҳа компанияси) фойдасига воз кечиши;
Лойиҳа компанияси ишлаб чиқарилган электр энергиясини «Ўзбекистон миллий электр тармоқлари» АЖга кафолатланган тарзда сотиш мажбуриятини олиши;
Лойиҳа компанияси қурилиш давридаги ўз мажбуриятларини лозим даражада бажарилишининг таъминоти сифатида 18 млн АҚШ доллари миқдорида биринчи даражали банк кафолатини тақдим этиши;
Инвестиция лойиҳаси доирасида қуёш фотоэлектр станциясини ягона электр энергияси тармоғига улаш учун подстанция ва ҳаво электр узатиш тармоқлари Лойиҳа компанияси томонидан қурилиши ҳамда ишга туширилгандан сўнг уларни «Ўзбекистон миллий электр тармоқлари» АЖга топшириш мажбуриятини олиши;
Лойиҳа компанияси томонидан подстанция ва ҳаво электр узатиш тармоқларини қуриш учун сарфланган харажатлар «Ўзбекистон миллий электр тармоқлари» АЖ томонидан 5 йил давомида ойлик тўловлар асосида қопланиши;
«Ўзбекистон миллий электр тармоқлари» АЖ 25 йил давомида электр энергиясини кафолатланган тарзда харид қилиш мажбуриятини олиши ва электр энергияси учун тўловни миллий валютада амалга ошириши маълумот учун қабул қилинсин.
2. Инвестиция лойиҳасини амалга ошириш доирасида:
Ўзбекистон Республикаси Ҳукумати номидан Инвестициялар, саноат ва савдо вазирлиги ҳамда Инвестор ўртасида тузилган Инвестиция шартномаси тасдиқлансин;
«Ўзбекистон миллий электр тармоқлари» АЖ ва Инвестор ўртасида тузилган Битим маъқуллансин.
3. Инвестициялар, саноат ва савдо вазирлиги, Энергетика вазирлиги ҳамда «Ўзбекистон миллий электр тармоқлари» АЖга Инвестор томонидан инвестиция лойиҳасини амалга ошириш доирасида имзоланган битимлар бўйича мажбуриятлар бажарилмаган тақдирда, Инвестор ҳуқуқини инвестиция лойиҳасини молиялаштиришда иштирок этадиган бошқа кредиторларга тўғридан-тўғри ўтказиш ҳақида битимлар тузиш ҳуқуқи берилсин.
4. «Ўзбекистон миллий электр тармоқлари» АЖга:
Инвестор билан биргаликда Битимда белгиланган тартиб-таомилларга мувофиқ инвестиция лойиҳасини амалга ошириш учун халқаро мустақил инжиниринг компаниясини ва бошқа маслаҳатчиларни тўғридан-тўғри шартномалар тузган ҳолда жалб қилишга;
Инвестор томонидан ишлаб чиқариладиган электр энергиясини уч ой мобайнида сотиб олиш мажбурияти бажарилишининг таъминоти сифатида Инвестор фойдасига чет эл банкининг чет эл валютасида тасдиқланган ва тикланадиган аккредитивини очишга рухсат берилсин.
5. Иқтисодиёт ва молия вазирига Ўзбекистон Республикаси Ҳукумати номидан «Ўзбекистон миллий электр тармоқлари» АЖнинг аккредитив очадиган хорижий банк олдидаги тўлов мажбуриятлари Осиё тараққиёт банки, Жаҳон банки ёки Европа тикланиш ва тараққиёт банки кафолати орқали бажарилган тақдирда, мазкур банк билан Ўзбекистон Республикаси Ҳукуматига мақбул шаклдаги ушбу банк харажатларини қоплаш тўғрисидаги битимни имзолаш ваколати берилсин.
6. Инвестиция лойиҳасини амалга ошириш доирасида Лойиҳа компаниясига барча солиқлар ва йиғимлар тўланган ҳолда, инвестиция лойиҳасини молиялаштириш доирасида қуйидаги ҳуқуқлар берилсин:
кредит олиш, чет эл валютасида маблағлар олиш ва улардан фойдаланиш (шу жумладан, чет эл валютасида кредит тушумлари) учун чет элдаги хорижий банкларда банк ҳисобварақлари очиш;
Ўзбекистон Республикасидан ташқарида бўлган хорижий пудрат ташкилотлари, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш.
7. Энергетика вазирлиги, Қишлоқ хўжалиги вазирлиги, Сув хўжалиги вазирлиги, Иқтисодиёт ва молия вазирлиги, Навоий вилояти ҳокимлигининг инвестиция лойиҳасини амалга ошириш учун ажратиладиган Навоий вилоятининг Нурота тумани ҳудудидаги иловага мувофиқ жами 889,44 гектар яйлов ер участкаларини қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказиш тўғрисидаги таклифига розилик берилсин.
8. Навоий вилояти ҳокимлиги:
а) уч ой муддатда Инвестиция шартномаси ва Битимда кўрсатилган шартларга мос келадиган инвестиция лойиҳасини амалга ошириш учун ер участкаларини Энергетика вазирлигига доимий фойдаланиш ҳуқуқи билан ажратилишини таъминласин.
Энергетика вазирлиги ўзига берилган тегишли ер участкаси Инвесторга қуёш фотоэлектр станциясини қуриш учун инвестиция лойиҳасини амалга ошириш муддатига тенг даврга ижарага берилишини таъминласин.
б) Энергетика вазирлиги, Иқтисодиёт ва молия вазирлиги, Қишлоқ хўжалиги вазирлиги ҳамда Инвестор билан биргаликда олти ой муддатда инвестиция лойиҳасини амалга ошириш учун Навоий вилояти ҳудудида подстанция ва ҳаво электр узатиш тармоқларини ва электр инфратузилмаси қурилмаларини қуриш учун зарур ер участкаларини танлаб олсин ва уларнинг чегараларига аниқлик киритиб, тегишлилиги бўйича оммавий сервитут белгилаш ва Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклиф киритиш чораларини кўрсин.
Инвестор томонидан тақдим этиладиган лойиҳа ҳужжатлари асосида танланган ер участкаларини Энергетика вазирлигига доимий фойдаланиш ҳуқуқи билан ажратсин.
Энергетика вазирлиги подстанция ва ҳаво электр узатиш тармоқлари учун ажратилган ер участкалари «Ўзбекистон миллий электр тармоқлари» АЖга ижарага берилишини таъминласин.
Бунда, Инвестор томонидан ер участкалари учун тўланадиган ижара тўлови миқдори ер солиғи миқдорига тенглаштирилсин.
9. Белгилансинки, Инвестиция лойиҳасини амалга ошириш доирасида:
Энергетика вазирлиги қишлоқ хўжалигига мўлжалланган ерлардан фойдаланганлик (тоифаси ўзгартирилганлиги) учун қишлоқ хўжалиги ишлаб чиқариши нобудгарчилиги ўрнини қоплашдан (компенсация тўловларидан) озод қилинади;
қуёш фотоэлектр станциясини қуриш билан боғлиқ қурилиш ва ер ишларини бажариш, бино ва иншоотлар пойдеворларини лойиҳалаштириш нормалари ва қоидалари Битимга мувофиқ халқаро стандартлар билан тартибга солинади;
электр энергиясининг сотиб олиниши, подстанция ва ҳаво электр узатиш тармоқларини қуришга сарфланган харажатлар бўйича тўловлар чет эл валютасида деноминацияланган қатъий тариф бўйича миллий валютада амалга оширилади.
10. Инвесторнинг буюртманомасига биноан инвестиция лойиҳасини амалга ошириш доирасида:
Ташқи ишлар вазирлиги — жалб қилинадиган хорижий мутахассислар ҳамда уларнинг оила аъзолари учун кириш визалари, зарур ҳолларда, Ислом Каримов номидаги Тошкент халқаро аэропортида белгиланган тартибда расмийлаштирилишини;
Ички ишлар вазирлиги — жалб қилинадиган хорижий мутахассислар ҳамда уларнинг оила аъзоларига кўп марталик виза берилиши ва унинг муддати узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини;
Камбағалликни қисқартириш ва бандлик вазирлиги — хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
11. Инвестициялар, саноат ва савдо вазирлиги инвестиция лойиҳаси амалга оширилиши, шунингдек, томонларнинг Инвестиция шартномаси ва Битим доирасидаги мажбуриятлари бажарилиши устидан доимий назорат ўрнатсин.
12. Адлия вазирлиги бир ой муддатда инвестиция лойиҳасини амалга ошириш доирасида Инвестиция шартномаси ҳамда унинг қоидаларига мувофиқ имзоланган битимлар юзасидан юридик хулосалар берсин.
13. Экология, атроф-муҳитни муҳофаза қилиш ва иқлим ўзгариши вазирлиги лойиҳа ҳужжатлари белгиланган тартибда экологик экспертизадан ўтказилишини ва инвестиция лойиҳасини амалга оширишда табиатни муҳофаза қилишга оид қонунчилик ҳужжатларига риоя этилишини таъминласин.
14. Мазкур қарорнинг ижросини самарали ташкил қилишга масъул ва шахсий жавобгар этиб энергетика вазири Ж.Т. Мирзамаҳмудов белгилансин.
Қарор ижроси учун масъул вазирлик ва идоралар фаолиятини мувофиқлаштириш ҳамда назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 22 июлдаги ПҚ-277-сон қарорига ИЛОВА
«Навоий вилоятининг Нурота туманида қуввати 300 МВт бўлган қуёш фотоэлектр станциясини, унинг фаолиятини таъминлашга хизмат қилувчи подстанцияни ҳамда ҳаво электр узатиш тармоғини қуриш» инвестиция лойиҳасини амалга ошириш доирасида қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказилаётган ер участкалари
Ҳудуд нолли Ердан фойдаланувчи номи Контур рақами Жами ер участкаси (гектар) Шундан Фойдаланиш мақсади Яйлов ва пичанзорлар (гектар) Бошқа ерлар (гектар) Навоий вилоятининг Нурота туманидаги «Деҳибаланд» МФЙ Навоий вилоятининг Нурота тумани ҳокимлиги 2890қ 225,8 225,8 - Қуёш фотоэлектр станциясини қуриш учун 2891қ 33,9 33,9 - Навоий вилоятининг Нурота туманидаги «Деҳибаланд» МФЙ Пиллачилик ва қоракўлчиликни ривожлантириш қўмитаси 2890қ 17,3 17,3 - 2891қ 145,67 145,67 - Навоий вилоятининг Ғозғон шаҳридаги «Мармаробод» МФЙ Пиллачилик ва қоракўлчиликни ривожлантириш қўмитаси 2807қ 262,4 262,4 - 2819қ 9,6 9,6 - 2808қ 127,5 127,5 - 2810қ 67,27 67,27 - Жами 889,44 889,44 -
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 22 июль,
ПҚ-277-сон
Oʻzbekiston Respublikasi Prezidentining
Qarori
ROʻYXATI
“Navoiy viloyatining Nurota tumanida quvvati 300 MVt boʻlgan quyosh fotoelektr stansiyasini, uning faoliyatini taʼminlashga xizmat qiluvchi podstansiyani hamda havo elektr uzatish tarmogʻini qurish” investitsiya loyihasini amalga oshirish chora-tadbirlari toʻgʻrisida
Aholini va iqtisodiyot tarmoqlarini energiya resurslari bilan barqaror taʼminlash, elektr energiyasi ishlab chiqarishda tabiiy gazdan foydalanishni kamaytirish hamda qayta tiklanuvchi energiya manbalaridan foydalanish koʻlamini kengaytirishga toʻgʻridan-toʻgʻri xorijiy investitsiyalarni keng jalb qilish maqsadida:
1. Quyidagilar:
a) Oʻzbekiston Respublikasi Hukumati nomidan Investitsiyalar, sanoat va savdo vazirligi hamda “China Gezhouba Group Overseas Investment Co. LTD” (Xitoy Xalq Respublikasi) kompaniyasi (keyingi oʻrinlarda — Investor) “Navoiy viloyatining Nurota tumanida quvvati 300 MVt boʻlgan quyosh fotoelektr stansiyasini, uning faoliyatini taʼminlashga xizmat qiluvchi podstansiyani hamda havo elektr uzatish tarmogʻini qurish” investitsiya loyihasi (keyingi oʻrinlarda — investitsiya loyihasi) doirasida 2024-yil 22-yanvarda investitsiya shartnomasini (keyingi oʻrinlarda — Investitsiya shartnomasi) imzolaganligi hamda unga muvofiq Investor:
Investitsiya loyihasini amalga oshirishning butun davri mobaynida Navoiy viloyatining Nurota tumanida quvvati 300 MVt boʻlgan quyosh fotoelektr stansiyasini loyihalashtirishi, moliyalashtirishi, qurishi hamda ekspluatatsiya qilishi;
yuzaga kelishi mumkin boʻlgan xavf-xatarlarni oʻz zimmasiga olgan holda, dastlabki baholash boʻyicha jami 390 mln AQSH dollari miqdoridagi toʻgʻridan-toʻgʻri xorijiy investitsiyalarni jalb etishi;
b) “Oʻzbekiston milliy elektr tarmoqlari” AJ va Investor oʻrtasida toʻgʻridan-toʻgʻri muzokaralar natijasida 2024-yil 22-yanvarda Elektr energiyasini sotib olish toʻgʻrisida bitim (keyingi oʻrinlarda — Bitim) imzolanganligi hamda unga muvofiq:
Investor ushbu bitim boʻyicha oʻz huquq va majburiyatlaridan loyiha doirasida oʻzi tomonidan tashkil etilgan “NUROTA SOLAR POWER” MCHJ (keyingi oʻrinlarda — Loyiha kompaniyasi) foydasiga voz kechishi;
Loyiha kompaniyasi ishlab chiqarilgan elektr energiyasini “Oʻzbekiston milliy elektr tarmoqlari” AJga kafolatlangan tarzda sotish majburiyatini olishi;
Loyiha kompaniyasi qurilish davridagi oʻz majburiyatlarini lozim darajada bajarilishining taʼminoti sifatida 18 mln AQSH dollari miqdorida birinchi darajali bank kafolatini taqdim etishi;
Investitsiya loyihasi doirasida quyosh fotoelektr stansiyasini yagona elektr energiyasi tarmogʻiga ulash uchun podstansiya va havo elektr uzatish tarmoqlari Loyiha kompaniyasi tomonidan qurilishi hamda ishga tushirilgandan soʻng ularni “Oʻzbekiston milliy elektr tarmoqlari” AJga topshirish majburiyatini olishi;
Loyiha kompaniyasi tomonidan podstansiya va havo elektr uzatish tarmoqlarini qurish uchun sarflangan xarajatlar “Oʻzbekiston milliy elektr tarmoqlari” AJ tomonidan 5 yil davomida oylik toʻlovlar asosida qoplanishi;
“Oʻzbekiston milliy elektr tarmoqlari” AJ 25 yil davomida elektr energiyasini kafolatlangan tarzda xarid qilish majburiyatini olishi va elektr energiyasi uchun toʻlovni milliy valyutada amalga oshirishi maʼlumot uchun qabul qilinsin.
2. Investitsiya loyihasini amalga oshirish doirasida:
Oʻzbekiston Respublikasi Hukumati nomidan Investitsiyalar, sanoat va savdo vazirligi hamda Investor oʻrtasida tuzilgan Investitsiya shartnomasi tasdiqlansin;
“Oʻzbekiston milliy elektr tarmoqlari” AJ va Investor oʻrtasida tuzilgan Bitim maʼqullansin.
3. Investitsiyalar, sanoat va savdo vazirligi, Energetika vazirligi hamda “Oʻzbekiston milliy elektr tarmoqlari” AJga Investor tomonidan investitsiya loyihasini amalga oshirish doirasida imzolangan bitimlar boʻyicha majburiyatlar bajarilmagan taqdirda, Investor huquqini investitsiya loyihasini moliyalashtirishda ishtirok etadigan boshqa kreditorlarga toʻgʻridan-toʻgʻri oʻtkazish haqida bitimlar tuzish huquqi berilsin.
4. “Oʻzbekiston milliy elektr tarmoqlari” AJga:
Investor bilan birgalikda Bitimda belgilangan tartib-taomillarga muvofiq investitsiya loyihasini amalga oshirish uchun xalqaro mustaqil injiniring kompaniyasini va boshqa maslahatchilarni toʻgʻridan-toʻgʻri shartnomalar tuzgan holda jalb qilishga;
Investor tomonidan ishlab chiqariladigan elektr energiyasini uch oy mobaynida sotib olish majburiyati bajarilishining taʼminoti sifatida Investor foydasiga chet el bankining chet el valyutasida tasdiqlangan va tiklanadigan akkreditivini ochishga ruxsat berilsin.
5. Iqtisodiyot va moliya vaziriga Oʻzbekiston Respublikasi Hukumati nomidan “Oʻzbekiston milliy elektr tarmoqlari” AJning akkreditiv ochadigan xorijiy bank oldidagi toʻlov majburiyatlari Osiyo taraqqiyot banki, Jahon banki yoki Yevropa tiklanish va taraqqiyot banki kafolati orqali bajarilgan taqdirda, mazkur bank bilan Oʻzbekiston Respublikasi Hukumatiga maqbul shakldagi ushbu bank xarajatlarini qoplash toʻgʻrisidagi bitimni imzolash vakolati berilsin.
6. Investitsiya loyihasini amalga oshirish doirasida Loyiha kompaniyasiga barcha soliqlar va yigʻimlar toʻlangan holda, investitsiya loyihasini moliyalashtirish doirasida quyidagi huquqlar berilsin:
kredit olish, chet el valyutasida mablagʻlar olish va ulardan foydalanish (shu jumladan, chet el valyutasida kredit tushumlari) uchun chet eldagi xorijiy banklarda bank hisobvaraqlari ochish;
Oʻzbekiston Respublikasidan tashqarida boʻlgan xorijiy pudrat tashkilotlari, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish.
7. Energetika vazirligi, Qishloq xoʻjaligi vazirligi, Suv xoʻjaligi vazirligi, Iqtisodiyot va moliya vazirligi, Navoiy viloyati hokimligining investitsiya loyihasini amalga oshirish uchun ajratiladigan Navoiy viloyatining Nurota tumani hududidagi ilovaga muvofiq jami 889,44 gektar yaylov yer uchastkalarini qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazish toʻgʻrisidagi taklifiga rozilik berilsin.
8. Navoiy viloyati hokimligi:
a) uch oy muddatda Investitsiya shartnomasi va Bitimda koʻrsatilgan shartlarga mos keladigan investitsiya loyihasini amalga oshirish uchun yer uchastkalarini Energetika vazirligiga doimiy foydalanish huquqi bilan ajratilishini taʼminlasin.
Energetika vazirligi oʻziga berilgan tegishli yer uchastkasi Investorga quyosh fotoelektr stansiyasini qurish uchun investitsiya loyihasini amalga oshirish muddatiga teng davrga ijaraga berilishini taʼminlasin.
b) Energetika vazirligi, Iqtisodiyot va moliya vazirligi, Qishloq xoʻjaligi vazirligi hamda Investor bilan birgalikda olti oy muddatda investitsiya loyihasini amalga oshirish uchun Navoiy viloyati hududida podstansiya va havo elektr uzatish tarmoqlarini va elektr infratuzilmasi qurilmalarini qurish uchun zarur yer uchastkalarini tanlab olsin va ularning chegaralariga aniqlik kiritib, tegishliligi boʻyicha ommaviy servitut belgilash va Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga taklif kiritish choralarini koʻrsin.
Investor tomonidan taqdim etiladigan loyiha hujjatlari asosida tanlangan yer uchastkalarini Energetika vazirligiga doimiy foydalanish huquqi bilan ajratsin.
Energetika vazirligi podstansiya va havo elektr uzatish tarmoqlari uchun ajratilgan yer uchastkalari “Oʻzbekiston milliy elektr tarmoqlari” AJga ijaraga berilishini taʼminlasin.
Bunda, Investor tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.
9. Belgilansinki, Investitsiya loyihasini amalga oshirish doirasida:
Energetika vazirligi qishloq xoʻjaligiga moʻljallangan yerlardan foydalanganlik (toifasi oʻzgartirilganligi) uchun qishloq xoʻjaligi ishlab chiqarishi nobudgarchiligi oʻrnini qoplashdan (kompensatsiya toʻlovlaridan) ozod qilinadi;
quyosh fotoelektr stansiyasini qurish bilan bogʻliq qurilish va yer ishlarini bajarish, bino va inshootlar poydevorlarini loyihalashtirish normalari va qoidalari Bitimga muvofiq xalqaro standartlar bilan tartibga solinadi;
elektr energiyasining sotib olinishi, podstansiya va havo elektr uzatish tarmoqlarini qurishga sarflangan xarajatlar boʻyicha toʻlovlar chet el valyutasida denominatsiyalangan qatʼiy tarif boʻyicha milliy valyutada amalga oshiriladi.
10. Investorning buyurtmanomasiga binoan investitsiya loyihasini amalga oshirish doirasida:
Tashqi ishlar vazirligi — jalb qilinadigan xorijiy mutaxassislar hamda ularning oila aʼzolari uchun kirish vizalari, zarur hollarda, Islom Karimov nomidagi Toshkent xalqaro aeroportida belgilangan tartibda rasmiylashtirilishini;
Ichki ishlar vazirligi — jalb qilinadigan xorijiy mutaxassislar hamda ularning oila aʼzolariga koʻp martalik viza berilishi va uning muddati uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini;
Kambagʻallikni qisqartirish va bandlik vazirligi — xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
11. Investitsiyalar, sanoat va savdo vazirligi investitsiya loyihasi amalga oshirilishi, shuningdek, tomonlarning Investitsiya shartnomasi va Bitim doirasidagi majburiyatlari bajarilishi ustidan doimiy nazorat oʻrnatsin.
12. Adliya vazirligi bir oy muddatda investitsiya loyihasini amalga oshirish doirasida Investitsiya shartnomasi hamda uning qoidalariga muvofiq imzolangan bitimlar yuzasidan yuridik xulosalar bersin.
13. Ekologiya, atrof-muhitni muhofaza qilish va iqlim oʻzgarishi vazirligi loyiha hujjatlari belgilangan tartibda ekologik ekspertizadan oʻtkazilishini va investitsiya loyihasini amalga oshirishda tabiatni muhofaza qilishga oid qonunchilik hujjatlariga rioya etilishini taʼminlasin.
14. Mazkur qarorning ijrosini samarali tashkil qilishga masʼul va shaxsiy javobgar etib energetika vaziri J.T. Mirzamahmudov belgilansin.
Qaror ijrosi uchun masʼul vazirlik va idoralar faoliyatini muvofiqlashtirish hamda nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 22-iyuldagi PQ-277-son qaroriga ILOVA
“Navoiy viloyatining Nurota tumanida quvvati 300 MVt boʻlgan quyosh fotoelektr stansiyasini, uning faoliyatini taʼminlashga xizmat qiluvchi podstansiyani hamda havo elektr uzatish tarmogʻini qurish” investitsiya loyihasini amalga oshirish doirasida qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazilayotgan yer uchastkalari
Hudud nolli Yerdan foydalanuvchi nomi Kontur raqami Jami yer uchastkasi (gektar) Shundan Foydalanish maqsadi Yaylov va pichanzorlar (gektar) Boshqa yerlar (gektar) Navoiy viloyatining Nurota tumanidagi “Dehibaland” MFY Navoiy viloyatining Nurota tumani hokimligi 2890q 225,8 225,8 - Quyosh fotoelektr stansiyasini qurish uchun 2891q 33,9 33,9 - Navoiy viloyatining Nurota tumanidagi “Dehibaland” MFY Pillachilik va qorakoʻlchilikni rivojlantirish qoʻmitasi 2890q 17,3 17,3 - 2891q 145,67 145,67 - Navoiy viloyatining Gʻozgʻon shahridagi “Marmarobod” MFY Pillachilik va qorakoʻlchilikni rivojlantirish qoʻmitasi 2807q 262,4 262,4 - 2819q 9,6 9,6 - 2808q 127,5 127,5 - 2810q 67,27 67,27 - Jami 889,44 889,44 -
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 22-iyul,
PQ-277-son
Президента Республики Узбекистан
Постановление
ПЕРЕЧЕНЬ
О мерах по реализации инвестиционного проекта «Строительство солнечной фотоэлектростанции мощностью 300 мвт, подстанции, способствующей обеспечению ее функционирования, а также воздушных линий электропередачи в Нуратинском районе Навоийской области»
В целях стабильного обеспечения энергоресурсами населения и отраслей экономики; сокращения потребления природного газа при выработке электроэнергии, а также широкого привлечения прямых иностранных инвестиций в расширение масштаба использования возобновляемых источников энергии:
1. Принять к сведению, что:
а) между Правительством Республики Узбекистан в лице Министерства инвестиций, промышленности и торговли и компанией «China Gezhouba Group Overseas Investment Co. Ltd.» (Китайская Народная Республика) (далее — Инвестор) в рамках инвестиционного проекта «Строительство солнечной фотоэлектростанции мощностью 300 МВт, подстанции, способствующей обеспечению ее функционирования, а также воздушных линий электропередачи в Нуратинском районе Навоийской области» (далее — Инвестиционный проект) 22 января 2024 года подписан инвестиционный договор (далее — Инвестиционный договор), в соответствии с которым Инвестор осуществляет:
проектирование, финансирование, строительство и эксплуатацию солнечной фотоэлектростанции мощностью 300 МВт в Нуратинском районе Навоийской области на протяжении всего периода реализации Инвестиционного проекта;
привлечение прямых иностранных инвестиций в размере по предварительным расчетам всего 390 млн долларов США с принятием на себя возможных рисков;
б) в результате прямых переговоров между АО «Национальные электрические сети Узбекистана» и Инвестором 22 января 2024 года подписано Соглашение о закупке электрической энергии (далее — Соглашение), в соответствии с которым:
Инвестор по данному соглашению уступает свои права и обязательства в пользу организованного им в рамках проекта ООО «NUROTA SOLAR POWER» (далее — Проектная компания);
Проектная компания принимает обязательство гарантированной продажи произведенной электрической энергии АО «Национальные электрические сети Узбекистана»;
Проектная компания предоставляет гарантию первоклассного банка в размере 18 млн долларов США в качестве обеспечения надлежащего исполнения своих обязательств в период строительства;
Проектная компания в рамках Инвестиционного проекта принимает обязательство по строительству подстанции и воздушных линий электропередачи для подключения солнечной фотоэлектростанции к единой электроэнергетической сети, после ввода в эксплуатацию — их передаче АО «Национальные электрические сети Узбекистана»;
АО «Национальные электрические сети Узбекистана» покрывает расходы, затраченные Проектная компания на строительство подстанции и воздушных линий электропередачи, в течение 5 лет на основе ежемесячных платежей;
АО «Национальные электрические сети Узбекистана» принимает обязательство гарантированной закупки электрической энергии и осуществления оплаты за электроэнергию в национальной валюте в течение 25 лет.
2. В рамках реализации Инвестиционного проекта:
утвердить Инвестиционный договор, заключенный между Правительством Республики Узбекистан в лице Министерства инвестиций, промышленности и торговли и Инвестором;
одобрить Соглашение, заключенное между АО «Национальные электрические сети Узбекистана» и Инвестором.
3. Предоставить Министерству инвестиций, промышленности и торговли, Министерству энергетики и АО «Национальные электрические сети Узбекистана» право на заключение соглашений о прямой передаче прав Инвестора другим кредиторам, принимающим участие в финансировании Инвестиционного проекта, в случае неисполнения Инвестором обязательств по соглашениям, подписанным в рамках реализации Инвестиционного проекта.
4. Разрешить АО «Национальные электрические сети Узбекистана»:
привлечение совместно с Инвестором международных независимых инжиниринговых компаний и других консультантов для реализации Инвестиционного проекта в соответствии с процедурами, определенными в Соглашении, с заключением прямых договоров;
открытие подтвержденного в иностранной валюте и возобновляемого аккредитива иностранного банка в пользу Инвестора в качестве обеспечения исполнения обязательства по закупке производимой Инвестором электрической энергии на протяжении трех месяцев.
5. Уполномочить министра экономики и финансов подписать от имени Правительства Республики Узбекистан соглашение с иностранным банком, открывающим аккредитив, о возмещении его расходов в форме, приемлемой для Правительства Республики Узбекистан, в случае исполнения обязательств АО «Национальные электрические сети Узбекистана» перед данным банком под гарантию Азиатского банка развития, Всемирного банка либо Европейского банка реконструкции и развития.
6. Предоставить Проектной компании в рамках реализации Инвестиционного проекта после оплаты всех налогов и сборов следующие права в пределах финансирования Инвестиционного проекта:
открывать банковские счета в иностранных банках за рубежом для получения кредитов, получения и использования денежных средств в иностранной валюте (включая кредитные поступления в иностранной валюте);
напрямую осуществлять платежи иностранным подрядным организациям, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
7. Согласиться с предложением Министерства энергетики, Министерства сельского хозяйства, Министерства водного хозяйства, Министерства экономики и финансов и хокимията Навоийской области о переводе в общей сложности 889,44 гектара пастбищных земельных участков на территории Нуратинского района Навоийской области, выделяемых для реализации Инвестиционного проекта, из категории земель сельскохозяйственного назначения в категорию земель промышленности, транспорта, связи, обороны и иного назначения согласно приложению .
8. Хокимияту Навоийской области:
а) в трехмесячный срок для реализации Инвестиционного проекта обеспечить выделение Министерству энергетики земельных участков, соответствующих условиям, указанным в Инвестиционном договоре и Соглашении, с правом постоянного пользования;
Министерству энергетики обеспечить передачу в аренду Инвестору соответствующих земельных участков, выделенных министерству для строительства солнечной фотоэлектростанции на период, равный сроку реализации Инвестиционного проекта;
б) совместно с Министерством энергетики, Министерством экономики и финансов, Министерством сельского хозяйства и Инвестором для реализации Инвестиционного проекта в шестимесячный срок выбрать земельные участки на территории Навоийской области, необходимые для строительства подстанции, воздушных линий электропередачи и сооружений электроинфраструктуры, внести уточнения в границы выбранных земельных участков, принять меры по установлению публичного сервитута соответственно и внесению предложения в Правительственную комиссию по рассмотрению вопросов изменения категорий земельного фонда земель сельскохозяйственного назначения и лесного фонда;
выделить Министерству энергетики выбранные земельные участки с правом постоянного пользования на основании проектной документации, представленной Инвестором.
Министерству энергетики обеспечить передачу в аренду АО «Национальные электрические сети Узбекистана» земельных участков, выделенных для строительства подстанции и воздушных линий электропередачи.
При этом приравнять размер арендной платы за земельные участки, уплачиваемой Инвестором, к размеру земельного налога.
9. Установить, что в рамках реализации Инвестиционного проекта:
Министерство энергетики освобождается от возмещения потерь сельскохозяйственного производства (компенсационных выплат) за использование (изменение категории) земель сельскохозяйственного назначения;
нормы и правила выполнения строительных и земельных работ, связанных со строительством солнечной фотоэлектростанции, а также проектирования фундаментов зданий и сооружений регулируются международными стандартами в соответствии с Соглашением;
платежи по расходам, затраченным на закупку электроэнергии, строительство подстанции и воздушных линий электропередачи, осуществляются в национальной валюте по фиксированному тарифу, деноминированному в иностранной валюте.
10. По заявкам Инвестора в рамках реализации Инвестиционного проекта обеспечить:
Министерству иностранных дел — оформление в установленном порядке въездных виз привлекаемым зарубежным специалистам, а также членам их семей, при необходимости — в Международном аэропорту «Ташкент» имени Ислама Каримова;
Министерству внутренних дел — выдачу и продление срока действия многоразовых виз, а также регистрацию по месту пребывания и ее продление привлекаемым зарубежным специалистам, а также членам их семей;
Министерству занятости и сокращения бедности — выдачу (продление) в установленном порядке подтверждений на право осуществления трудовой деятельности на территории Республики Узбекистан иностранным гражданам.
11. Министерству инвестиций, промышленности и торговли установить постоянный контроль за реализацией Инвестиционного проекта, а также выполнением сторонами обязательств в рамках Инвестиционного договора и Соглашения.
12. Министерству юстиции в месячный срок выдать юридические заключения по соглашениям, подписанным в соответствии с Инвестиционным договором и его положениями в рамках реализации Инвестиционного проекта.
13. Министерству экологии, охраны окружающей среды и изменения климата обеспечить проведение в установленном порядке экологической экспертизы проектной документации и соблюдение актов законодательства об охране природы при реализации Инвестиционного проекта.
14. Возложить на министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
Осуществление координации и контроля за деятельностью министерств и ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 22 июля 2024 года № ПП-277
земельных участков на территории Нуратинского района Навоийской области, переводимых из категории земель сельскохозяйственного назначения в категорию земель промышленности, транспорта, связи, обороны и иного назначения в рамках реализации Инвестиционного проекта «Строительство солнечной фотоэлектростанции мощностью 300 мвт, подстанции, способствующей обеспечению ее функционирования, а также воздушных линий электропередачи в Нуратинском районе Навоийской области»
Наименование территорий Наименование землепользователей Номера контуров Общая земельная площадь (гектар) Из них Цель использования Пастбища и сенокосы (гектар) Прочие земли (гектар) СГМ «Дехибалант» Нуратинского района Навоийской области Хокимият Нуратинского района Навоийской области 2890к 225,8 225,8 - Для строительства солнечной фотоэлектростанции 2891k 33,9 33,9 - СГМ «Дехибалант» Нуратинского района Навоийской области Комитет по развитию шелководства и шерстяной промышленности 2890k 17,3 17,3 - 2891k 145,67 145,67 - СГМ «Мармаробод» города Газгана Навоийской области Комитет по развитию шелководства и шерстяной промышленности 2807k 262,4 262,4 - 2819k 9,6 9,6 - 2808k 127,5 127,5 - 2810k 67,27 67,27 - Итого 889,44 889,44 -
Президент Республики Узбекистан Ш. МИРЗИЁЕВ
г. Ташкент,
22 июля 2024 г.,
№ ПП-277