📅 2024-yil 14-iyun · Vazirlik va idoralar hujjatlari · Iqtisodiyot va moliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 14 июнь · Вазирлик ва идоралар ҳужжатлари · Иқтисодиёт ва молия вазири
Расмий матн. Расмий ҳужжат. Таҳририй изоҳлар киритилмаган.
📅 14 июня 2024 г. · Документы министерств и ведомств · Министр экономики и финансов
Официальный текст. Официальный документ. Редакционные примечания не включены.
📅 14 June 2024 · Ministry and agency documents · Iqtisodiyot va moliya vaziri
Official text. Official document. Editorial notes are not included.
Ўзбекистон Республикаси иқтисодиёт ва молия вазирининг
буйруғи
НИЗОМ
ЖУРНАЛИ
НАМУНАВИЙ ГРАФИГИ
РЎЙХАТИ
Бухгалтерия ҳисобида ҳужжатлар ва ҳужжатлар айланиши тўғрисидаги низомни тасдиқлаш ҳақида
Ўзбекистон Республикасининг «Бухгалтерия ҳисоби тўғрисида»ги Қонунига мувофиқ буюраман:
1. Бухгалтерия ҳисобида ҳужжатлар ва ҳужжатлар айланиши тўғрисидаги низом 1-иловага мувофиқ тасдиқлансин.
2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.
3. Мазкур буйруқ расмий эълон қилинган кундан эътиборан кучга киради.
Ўзбекистон Республикаси иқтисодиёт ва молия вазирининг 2024 йил 14 июндаги 143-сон буйруғига 1-ИЛОВА
Бухгалтерия ҳисобида ҳужжатлар ва ҳужжатлар айланиши тўғрисидаги
Мазкур Низом ҳужжатларни тузиш, қабул қилиш, сақлаш ва уларни бухгалтерия ҳисобида акс эттириш ҳамда ҳужжатлар айланишини амалга ошириш бўйича ягона тартибни белгилайди.
1-боб. Умумий қоидалар
1. Мазкур Низомнинг амал қилиши банклар ва нобанк кредит ташкилотларидан ташқари Ўзбекистон Республикасида фаолият юритаётган юридик шахсларга (бундан буён матнда ташкилотлар деб юритилади) нисбатан татбиқ қилинади.
2. Ташкилотлар томонидан амалга ошириладиган барча хўжалик операциялари тасдиқловчи ҳужжатлар билан расмийлаштирилиши лозим. Ушбу ҳужжатлар бошланғич ҳисоб ҳужжатлари бўлиб хизмат қилади ва улар асосида бухгалтерия ҳисоби юритилади.
3. Тегишли техник воситалар мавжуд бўлганда, бошланғич ҳужжатларни ва регистрларни, шунингдек товар-моддий захиралар, пул маблағлари ҳамда иш берувчининг ходимлари билан боғлиқ бўлган ички хўжалик операциялари бўйича қатнашчиларни идентификациялашни таъминлаган ҳолда тузилган ҳисоб ҳужжатларини ахборот тизимлари хизматлари ва ахборот технологиялари орқали юритишга йўл қўйилади. Бунда, мазкур Низом ва бошқа норматив-ҳуқуқий ҳужжатлар талабларига риоя қилиниши лозим.
4. Техник воситалар ҳамда ахборот тизимлари хизматлари ва ахборот технологияларидан фойдаланган ҳолда тузилган бирламчи ҳужжатлар ва регистрлар бухгалтерия ҳисобида тегишли мажбурий реквизитлар мавжуд бўлгандагина қўлланилади. Электрон ҳужжатларни сақлаш чоғида улардан эркин фойдаланиш ва уларнинг қоғоз нусхаларини тақдим этиш имконияти таъминланиши лозим.
5. Бухгалтерия ҳисобини автоматлаштириш шароитида бошланғич ҳужжатлар реквизитлари кодлар кўринишида қайд этилиши мумкин. Бунда электрон шаклда тузилган бошланғич ҳужжат ва регистр электрон рақамли имзо ҳақидаги қонунчилик ҳужжатларига мувофиқ унинг тўғри тузилиши учун жавобгар бўлган шахснинг электрон рақамли имзоси билан тасдиқланиши лозим.
2-боб. Бошланғич ҳужжатлар ва ҳисоб регистрларини тузиш, хатоларни тузатиш ҳамда сақлаш тартиби
6. Бошланғич ҳужжатлар қуйидаги мажбурий реквизитларга эга бўлиши лозим:
а) ташкилотнинг номи;
б) ҳужжатнинг номи ва рақами, унинг тузилган санаси ва жойи;
в) хўжалик операциясининг номи, мазмуни ва ўлчов бирликларини кўрсатган ҳолдаги миқдор ўлчови (натура ва пулда ифодаланган ҳолда);
г) хўжалик операциясини амалга оширган шахсларнинг (шахснинг) идентификация қилиш учун зарур бўлган фамилияси ҳамда исми ва отаси исмининг бош ҳарфларини ёхуд бошқа реквизитларини кўрсатган ҳолда лавозимлари номи ва имзолари.
7. Бошланғич ҳужжатлар электрон шаклда тузилган ҳолларда, улар мазкур Низом ва электрон ҳужжат айланиши тўғрисидаги қонунчилик ҳужжатлари билан белгиланган мажбурий реквизитларга эга бўлиши лозим.
8. Бошланғич ҳужжатда қуйидаги қўшимча реквизитлар келтирилиши мумкин:
ташкилотнинг манзили;
ҳужжат билан қайд қилинган хўжалик операциясини амалга ошириш учун асос;
ҳужжатлаштирилаётган хўжалик операциясининг хусусиятини белгилайдиган бошқа қўшимча реквизитлар.
9. Мазкур Низом талабларига мувофиқ тузилган бошланғич ҳужжатлар амалга оширилган хўжалик операциялари ҳақидаги маълумотларни бухгалтерия ҳисоби регистрларида акс эттириш учун асос бўлади.
10. Бошланғич ҳисоб ҳужжатларини тузган ва имзолаган шахслар уларнинг ўз вақтида, тўғри ва ишончли тузилиши, шунингдек бухгалтерия ҳисобида акс эттириш учун белгиланган муддатларда топширилишига жавобгардир.
11. Бошланғич ҳужжатлар мазкур Низом талабларига риоя қилган ҳолда ташкилот томонидан ишлаб чиқилган ва тасдиқланган бланкаларда ёки қонунчилик ҳужжатларида ўрнатилган бошқа шаклларда тузилади.
12. Бошланғич ҳужжатлардаги ёзувлар уларни архивда белгиланган муддатларда сақланишини таъминлайдиган сиёҳ, шарикли ручка пастаси, ёзув машиналари, механизация воситалари ва бошқа воситалар ёрдамида амалга оширилиши лозим.
Ёзувлар учун қаламдан фойдаланиш тақиқланади.
13. Бошланғич ҳужжатлар ва регистрлардаги бўш қаторлар жойи чизилиши шарт.
14. Бошланғич ҳужжатлар ва ҳисоб регистрларини имзолаш ҳуқуқига эга бўлган шахслар рўйхати ташкилот раҳбари ёки у томонидан қонунчилик ҳужжатларида ўрнатилган тартибда белгиланадиган шахслар томонидан тасдиқланади.
15. Касса операцияларини, товар-моддий қийматликлар билан операцияларни, кредит ва ҳисоб-китоб мажбуриятларини амалга оширганлик фактларини қайд этувчи бошланғич ҳужжатларни тузиш тартиби бўйича қўшимча талаблар бухгалтерия ҳисобининг миллий стандартлари ва бошқа норматив-ҳуқуқий ҳужжатлар билан белгиланади.
16. Бухгалтерияга келиб тушадиган бошланғич ҳужжатлар мажбурий текширувдан ўтказилади. Текширув шакл бўйича (ҳужжатларни расмийлаштириш, реквизитларни тўлдиришнинг тўлиқлиги ва тўғрилиги), мазмуни бўйича (ҳужжатлаштирилаётган операциянинг қонунийлиги, алоҳида кўрсаткичларнинг мантиқий боғланиши) амалга оширилади.
17. Қонунчилик ҳужжатларига ва пул маблағлари, товар-моддий захиралари ва бошқа активларни қабул қилиш, сақлаш ва сарфлаш бўйича белгиланган тартибга зид бўлган бошланғич ҳужжатлар келиб тушганда, улар ташкилот раҳбари ёки у томонидан қонунчилик ҳужжатларида ўрнатилган тартибда белгиланадиган шахсларга қарор қабул қилиш учун топширилиши керак.
18. Ишловдан ўтган бошланғич ҳужжатлар уларнинг қайта қўлланилишини истисно этувчи белгига эга бўлиши лозим:
а) қўл ёрдамида ишловдан ўтказилганда — ҳисоб регистрига ёзилган санани кўрсатиш орқали;
б) техник воситалар ҳамда ахборот тизимлари хизматлари ва ахборот технологиялардан фойдаланган ҳолда ишловдан ўтказилганда — ишловдан ўтказиш бўйича масъул оператор штампини қўйиш орқали.
19. Кирим ва чиқим касса ордерларига илова қилинган барча ҳужжатлар ҳамда иш ҳақини ҳисоблаш учун асос бўлган ҳужжатлар албатта «Олинди» ёки «Тўланди» штампини қўйиш ёки қўл ёзувини киритиш орқали санасини (ой, кун, йил) кўрсатиш лозим.
20. Бухгалтерия ҳисобида акс эттириш учун ҳисобга қабул қилинган бошланғич ҳужжатлардаги ахборотлар ҳисоб регистрларида йиғиб борилади ва тизимлаштирилади.
21. Ташкилот томонидан муайян давр (ой, чорак, ярим йиллик, йил) давомида амалга оширилган хўжалик операциялари ҳақидаги маълумотлар гуруҳлаштирилган ҳолда ҳисоб регистрларидан Ўзбекистон Республикаси қонунчилигида белгиланган тартибда тузиладиган молиявий ҳисоботларга ўтказилади.
Бунда, ташкилотлар қўллаётган бухгалтерия ҳисоби регистрларини ўз фаолиятининг хусусиятларига, Ўзбекистон Республикаси қонунчилик ҳужжатларида белгиланган талабларга риоя қилган ҳолда, мустақил мослаштиришлари мумкин.
22. Бошланғич ҳужжатлар ва ҳисоб регистрларидаги матн ва рақамларни ўчиришга ва изоҳ берилмаган тузатишлар киритишга йўл қўйилмайди.
23. Бошланғич ҳужжатлардаги (банк ва касса пул ҳужжатларидан ташқари) хатоликлар қуйидагича тузатилади:
а) хато матн ёки суммалар чизилади ва чизилганнинг юқори қисмидан тўғри матн ёки суммалар ёзилади;
б) чизиш битта чизиқ билан амалга оширилади ва унда тузатилаётган хатони ўқиш имконияти бўлиши лозим.
24. Бошланғич ҳужжатда тузатилган хатоларга «тузатилди» ёзуви билан изоҳ берилиши, ҳужжатни имзолаган шахслар имзоси билан тасдиқланиши ҳамда тузатиш санаси қўйилиши лозим.
25. Бошланғич банк ва касса пул ҳужжатларида тузатишларга йўл қўйилмайди.
26. Бухгалтерия ҳисобини ташкил этиш ҳамда юритиш билан боғлиқ ҳужжатлар қонунчиликда белгиланган муддатлар мобайнида, бироқ ҳисобот йилидан кейин камида беш йил бухгалтерия ҳисоби субъекти томонидан сақланади.
Бунда:
2022 йил 1 январдан кейин ҳисобланган жисмоний шахсларнинг иш ҳақи ва бошқа даромадлари ҳамда улар бўйича ҳисобланган солиқ суммалари тўғрисидаги ҳужжатлар;
давлат солиқ хизмати ва статистика органларига электрон тарзда топширилган молиявий, солиқ ва статистика ҳисоботлари;
солиқ органининг автоматлаштирилган ахборот тизимлари орқали электрон шаклда расмийлаштирилган ҳужжатлар мажбурий сақланмайди ва архивга топширилмайди.
27. Бошланғич ҳужжатлар, ҳисоб регистрлари, молиявий ҳисоботларни бут сақланиши ташкилот раҳбари томонидан таъминланиши шарт.
28. Муайян ҳисоб регистрига тегишли бўлган, ишлов берилган жорий ойнинг бошланғич ҳужжатлари хронологик тартибда жамланади.
Касса ордерлари, бўнак ҳисоботлари, банк кўчирмалари уларга тааллуқли бўлган ҳужжатлар билан биргаликда хронологик тартибда йиғилиши ва муқоваланиши керак.
Ҳужжатларнинг айрим турлари (иш нарядлари, смена рапортлари) муқоваланмасдан, лекин уларнинг йўқолиши ёки суиистеъмол қилинишининг олдини олиш мақсадида йиғмажилдларга тикилган ҳолда сақланиши мумкин.
29. Ташкилотлардан бошланғич ҳужжатлар, ҳисоб регистрлари, молиявий ҳисоботларни олиб қўйиш қонунчилик ҳужжатларига мувофиқ амалга оширилади. Ҳужжатларни терговга қадар текширувни амалга оширувчи органлар, суриштирув, дастлабки тергов органлари, прокуратура идоралари ва судлар томонидан олиб қўйишлар, мазкур идораларнинг Ўзбекистон Республикаси жиноят процессуал қонунчилик ҳужжатларига мувофиқ равишда расмийлаштирилган қарорлари асосида амалга оширилади. Олиб қўйиш баённома билан расмийлаштирилади ва унинг нусхаси ташкилотнинг тегишли мансабдор шахсига имзо қўйдирган ҳолда топширилади.
Олиб қўйишни амалга ошираётган идоралар вакилларининг рухсати билан ва уларнинг иштирокида ташкилотнинг тегишли мансабдор шахслари олиб қўйилаётган ҳужжатлардан асосларни ҳамда олиб қўйиш санасини кўрсатган ҳолда нусха олишлари мумкин.
Агар охиригача расмийлаштирилмаган ҳужжатлар жилдлари (тикиб қўйилмаган, рақамланмаган ва ҳоказо) олиб қўйилаётган бўлса, олиб қўйишни амалга ошираётган идоралар вакилларининг рухсати билан ва уларнинг иштирокида ташкилотнинг тегишли мансабдор шахслари бу жилдларни охиригача расмийлаштириши (улар рўйхатини тузиши, варақларни рақамлаши, тикиши, имзо билан тасдиқлаши) ёки олиб қўйилаётган ҳужжатларнинг рўйхатини ҳар бир ҳужжатдаги бетлар сонини кўрсатган ҳолда тузиши керак. Бунда, рўйхатни олиб қўйишни амалга ошираётган идораларнинг вакиллари ва ташкилотнинг тегишли мансабдор шахслари имзолашади.
30. Бошланғич ҳужжатларни йўқотиш ҳолларида ташкилот раҳбари буйруқ билан йўқотиш сабабларини текшириш бўйича комиссия тайинлаши мумкин.
Бунда, текширув натижалари ташкилот раҳбари ёки у томонидан қонунчилик ҳужжатларида ўрнатилган тартибда белгиланадиган шахслар томонидан тасдиқланадиган далолатнома билан расмийлаштирилади.
Бошланғич ҳужжатларни йўқотишда айбдор шахслар қонунчилик ҳужжатларида ўрнатилган тартибда жавобгарликка тортилади.
3-боб. Қатъий ҳисобдаги бланкаларни ҳисобга олиш, сақлаш, ҳисобдан чиқариш ва йўқ қилиш тартиби
31. Ўзбекистон Республикасининг қонунчилик ҳужжатларида белгиланган ҳолларда бошланғич ҳужжатлар шакли бланкалари қатъий ҳисобдаги бланкаларга киритилиши мумкин.
32. Қатъий ҳисобдаги бланкаларнинг шакллари ва ишлатиш тартиби Ўзбекистон Республикасининг қонунчилик ҳужжатлари билан белгиланади.
33. Расмий давлат ҳужжатларини ҳисобга олиш, сақлаш, ҳисобдан чиқариш ва йўқ қилиш Ўзбекистон Республикаси Вазирлар Маҳкамасининг 2000 йил 25 июлдаги 283-сон қарори билан тасдиқланган Расмий давлат ҳужжатларини тайёрлашга буюртма бериш, уларни тайёрлаш, ҳисобга олиш, сақлаш ва топшириш тартиби тўғрисидаги низомга мувофиқ амалга оширилади.
34. Қатъий ҳисобдаги бланкалар Ўзбекистон Республикасининг қонунчилик ҳужжатларида белгиланган тартибда рақамланиши (нумератор билан, босмахона усулида) лозим.
35. Қатъий ҳисобдаги бланкаларни олиш, сақлаш, бериш ва ишлатиш юклатилган ташкилотнинг масъул шахслари ташкилот раҳбарининг буйруғи билан тайинланади, шунингдек Ўзбекистон Республикаси Меҳнат кодексининг 343-моддасида белгиланган ҳолларда ва тартибда якка тартибдаги тўлиқ моддий жавобгарлик тўғрисидаги ёзма шартнома тузилади.
Агар масъул шахс вақтинча йўқ бўлса ёки бошқа ишга ўтиб кетаётган бўлса, қатъий ҳисобдаги бланкалар масъул шахс ва ушбу вазифани бажариш юклатилаётган шахс томонидан имзоланган қабул қилиш-топшириш далолатномаси бўйича ўтказилиши керак.
36. Қатъий ҳисобдаги бланкаларни мол етказиб берувчидан қабул қилиш ташкилотнинг масъул шахси томонидан амалга оширилади.
Қатъий ҳисобдаги бланкаларни қабул қилишда бланкалар пакети масъул шахс томонидан мажбурий тартибда ўрами бузилганлик ҳолати юзасидан кўриб чиқилади, қабул қилинаётган ўрамлар миқдорининг йўлланма кузатув ҳужжатларда кўрсатилган миқдорга мувофиқлиги текширилади ва бу тўғрисида далолатнома тузилади.
37. Матбаа ташкилотидан харид қилинган (буюртма қилинган) қатъий ҳисобдаги бланкаларда камомад ёки нуқсонлар (ҳимоя сеткасининг, босма матннинг йўқлиги ёки бузилганлиги, тартиб рақамларининг такрорийлиги ёхуд бошқа сериялар ёки тартиб рақамлари бўлган, қийшайган шрифтли, нотўғри кесилган ва нотўғри шаклли, серия ва тартиб рақамлари йўқ бўлган ёки пакетлардаги матбаа ташкилотининг ёпиштирилган наклейкаларига бошқача тарзда номувофиқ бўлган бланкалар) аниқланган тақдирда уч нусхада далолатнома тузилади. Далолатноманинг биринчи нусхаси йўлланма хат билан матбаа ташкилоти наклейкаси ва нуқсонли бланкалар билан бирга матбаа ташкилотига жўнатилади, иккинчи ва учинчи нусхалар наклейка ксеронусхаси билан бирга ташкилотда қолади. Эътирозлар қонунчилик ҳужжатларида ўрнатилган тартибда билдирилади.
38. Қатъий ҳисобдаги бланкалар сейфларда ёхуд ёнмайдиган жавонларда ёки ташкилотнинг махсус жиҳозланган хоналарида сақланиши керак. Қатъий ҳисобдаги бланкаларни кўп миқдорда қабул қилувчи ташкилотларда уларнинг бузилиш ёки ўғирланиш ҳолатини истисно этувчи махсус жиҳозланган омборхоналарда сақлашга йўл қўйилади.
Ташкилотда мавжуд бўлган қатъий ҳисобдаги бланкаларнинг иш пайтидан ташқари вақтда сақланишини таъминлаш мақсадида сейфлар, ёнмайдиган жавонлар ва қатъий ҳисобдаги бланкаларни сақлаш учун махсус жиҳозланган хоналар муҳрланади ёки пломбаланади.
39. Масъул шахс қатъий ҳисобдаги бланкаларнинг ҳисобини уларнинг номи, серияси ва рақами бўйича мазкур Низомнинг 1-иловасига мувофиқ рақамланган ва тикилган «Қатъий ҳисобдаги бланкаларни ҳисобга олиш журнали»да олиб боради. Журналнинг сўнгги варағида ташкилот раҳбари ёки у томонидан қонунчилик ҳужжатларида ўрнатилган тартибда белгиланадиган шахслар имзоси билан «Мазкур журналда... варақ рақамланган» деган ёзув киритилади. Варақлар сони ёзув билан кўрсатилади.
Қатъий ҳисобдаги бланкаларни ҳисобга олиш журнали аниқ, тушунарли ва қисқартиришларсиз тўлдирилади. Журналда ўчиришларга йўл қўйилмайди. Йўл қўйилган хатоликлар тегишли изоҳлар билан тузатилади.
40. Ташкилот раҳбари ёки у томонидан қонунчилик ҳужжатларида ўрнатилган тартибда белгиланадиган шахслар томонидан қатъий ҳисобдаги бланкаларни топшириш, сақлаш, ишлатиш билан боғлиқ бўлган масъул шахсларга қатъий ҳисобдаги бланкаларнинг сақланишини таъминловчи шароитлар яратилиши лозим.
41. Қатъий ҳисобдаги бланкалар материалларни ҳисобга олувчи ҳисобварақларда уларнинг номи, миқдори ва баҳолаш бўйича ҳисобга олинади.
42. Ҳисобдор шахслар қатъий ҳисобдаги бланкаларни қабул қилиш ва ишлатилиши бўйича ҳисобот бериб туради ва улар томонидан олинган ҳар бир қатъий ҳисобдаги бланканинг ишлатилиши учун жавобгардир.
43. Ҳисобдор шахсларга қатъий ҳисобдаги бланкаларни бериш масъул шахс томонидан ташкилот раҳбари ёки у томонидан қонунчилик ҳужжатларида ўрнатилган тартибда белгиланадиган шахсларнинг топшириғи асосида амалга оширилади.
44. Ҳисобдор шахсларга берилган қатъий ҳисобдаги бланкаларни назорат қилиш мақсадида ташкилот томонидан мазкур Низомнинг 2-иловасидаги шакл бўйича олиш-назорат қилиш варақлари юритилиши мумкин.
Бунда, олиш-назорат қилиш варақлари икки нусхада тўлдирилади ва улардан биттаси Қатъий ҳисобдаги бланкаларни ҳисобга олиш журналига имзо чекилган ҳолда ҳисобдор шахсга, иккинчиси масъул шахс томонидан бухгалтерияга топширилади. Қатъий ҳисобдаги бланкаларнинг ҳар бир номдаги тури учун алоҳида олиш-назорат қилиш варақлари очилади.
Олиш-назорат қилиш варағининг юқоридаги чап бурчагида варақ берилган сана, ташкилот раҳбари ёки у томонидан қонунчилик ҳужжатларида ўрнатилган тартибда белгиланадиган шахслар имзоси қўйилади.
Ҳисобдор шахс олиш-назорат қилиш варағини қатъий ҳисобдаги бланкаларни тўғри ишлатилишининг назоратини амалга оширадиган шахсга тақдим этади. Аввал берилган қатъий ҳисобдаги бланкаларнинг ишлатилганлигини ва бланкаларнинг кейинги туркумини бериш лозимлиги тўғрисидаги маълумотлар тўғри тўлдирилганлигини текшириб, назорат қилувчи шахс варақнинг тегишли сатрига имзо чекади.
45. Қатъий ҳисобдаги бланкаларни инвентаризация қилиш Ўзбекистон Республикаси бухгалтерия ҳисобининг миллий стандарти (19-сонли БҲМС) « Инвентаризацияни ташкил этиш ва ўтказиш »да (рўйхат рақами 833, 1999 йил 2 ноябрь) белгиланган тартибда амалга оширилади.
46. Қатъий ҳисобдаги бланкаларнинг йўқолиши ва камомади ҳисоби Инвентаризация жараёнида аниқланган мол-мулк камомади ва ортиқчасининг бухгалтерия ҳисоби тартиби тўғрисидаги низомга (рўйхат рақами 1334, 2004 йил 6 апрель) мувофиқ амалга оширилади.
47. Қатъий ҳисобдаги бланкаларда ўчиришлар ва тузатишлар аниқланган ҳолларда, шунингдек қатъий ҳисобдаги бланкаларни тўлдирилиши ва ишлатилиши бўйича белгиланган тартибнинг бошқа бузилиш ҳолатлари аниқланганда, масъул шахсга нисбатан қонунчилик ҳужжатларида белгиланган тартибда чоралар кўрилади.
48. Қатъий ҳисобдаги бланкалар материалларни ҳисобга олувчи ҳисобварақлардан харажатларни ҳисобга олувчи ҳисобварақларга уларни ҳисобдор шахсларга берилишига қараб ҳисобдан чиқариб борилади ва балансдан ташқари «Қатъий ҳисобдаги бланкалар» ҳисобварағига қабул қилинади.
Қатъий ҳисобдаги бланкалар балансдан ташқари «Қатъий ҳисобдаги бланкалар» ҳисобварағидан ҳисобдор шахсларнинг олинган ва ишлатилган қатъий ҳисобдаги бланкалар учун ҳисобот беришига қараб ҳисобдан чиқариб борилади.
Қатъий ҳисобдаги бланкаларнинг балансдан ташқари ҳисоби уларнинг мавқеи (қадр-қиммати), миқдори ва номинал бўйича уларнинг умумий ҳисоб суммаси бўйича юритилади. Қатъий ҳисобдаги бланкаларнинг мавқеи мавжуд бўлмаганда, улар ҳақиқий харид қиймати бўйича ҳисобга олинади.
49. Нуқсонли, тўлдиришда бузилган, эскирган, шикастланган, шунингдек алмаштирилган қатъий ҳисобдаги бланкалар ташкилот бухгалтериясига топширилади ва бу ҳақда тегишли далолатнома тузилади.
50. Нуқсонли, тўлдиришда бузилган, эскирган, шикастланган, шунингдек алмаштирилган қатъий ҳисобдаги бланкаларни йўқ қилиш махсус тайинланган комиссия томонидан зарурат туғилган ҳолларда, лекин йилда камида бир маротаба амалга оширилади ва йўқ қилинганлиги тўғрисида далолатнома тузилади.
Касса ҳисоботига (қайдномага, реестрга) илова қилинадиган бузилган ёки нотўғри тўлдирилган бланкалар йўқ қилинмайди, балки устига бир неча бор чизиб қўйилади ва улар ёзилган куннинг ўзидаги касса ҳисоботига (қайдномага, реестрга) илова қилинади.
51. Қатъий ҳисобдаги бланкаларни белгиланган муддат мобайнида сақлаш бўйича жавобгарлик ташкилот раҳбарига ёки у қонунчилик ҳужжатларида белгиланган тартибда тайинлаган шахсларга юкланади.
4-боб. Ҳужжатлар айланишини ташкил этиш тартиби
52. Ташкилотнинг бухгалтерия ҳисобида ҳужжатларнинг ҳаракати (уларни тузиш ёки бошқа ташкилотлардан олиш, ҳисобга қабул қилиш, ишлов бериш, архивга топшириш — ҳужжатлар айланиши) график билан тартибга солинади.
53. Ташкилот раҳбари ёки у томонидан қонунчилик ҳужжатларида ўрнатилган тартибда белгиланадиган шахслар ҳужжатлар айланиши графигини тузиш бўйича ишни ташкил этадилар. Ҳужжатлар айланиши графиги ташкилот раҳбарининг буйруғи билан тасдиқланади.
54. График ташкилотда оқилона ҳужжатлар айланишини таъминлаши зарур, яъни ҳар бир бошланғич ҳужжатнинг ҳаракати бўйича ижро этувчиларнинг мақбул сонини назарда тутиши, ҳужжатнинг бўлинмада энг кам муддатда бўлишини белгилаши лозим.
Ҳужжатлар айланиши графиги ташкилотда барча ҳисоб ишининг яхшиланишига, бухгалтерия ҳисобининг назорат қилиш функциясининг кучайишига ёрдам бериши керак.
55. Ҳужжатлар айланиши графиги ташкилотнинг ҳар бир бўлинмаси, шунингдек барча ижро этувчилар томонидан уларнинг ўзаро боғлиқлигини ва ишларни бажариш муддатларини кўрсатган ҳолда ҳужжатларни тузиш, текшириш ва уларга ишлов бериш бўйича бажариладиган ишларнинг схемаси ёки рўйхати кўринишида расмийлаштирилади.
Мазкур Низомнинг 3-иловасида ишлар рўйхати кўринишидаги намунавий ҳужжатлар айланиши графиги келтирилган.
56. Ташкилот ходимлари ўзларининг фаолият соҳасига тааллуқли бўлган ҳужжатларни ҳужжатлар айланиши графиги бўйича тузади ва тақдим этади. Бунинг учун хар бир ижрочига графикдан кўчирма берилади. Кўчирмада ижрочининг фаолият соҳасига тегишли ҳужжатлар, уларни тақдим этиш муддатлари ва ушбу ҳужжатлар тақдим этиладиган ташкилот бўлинмалари кўрсатилади.
57. Ҳужжатлар айланиши графигига риоя қилиш бўйича жавобгарлик, шунингдек ҳужжатларни ўз вақтида ва сифатли тузиш, бухгалтерия ҳисоби ва ҳисоботида акс эттириш учун уларни ўз вақтида тақдим этиш, ҳужжатлардаги мавжуд маълумотларнинг ишончлилиги бўйича жавобгарлик ушбу ҳужжатларни тузган ва имзолаган шахслар зиммасига юкланади.
58. Ташкилот бўйича ижрочиларнинг ҳужжатлар айланиши графигига риоя қилишини назорат қилиш ташкилот раҳбари ёки у томонидан қонунчилик ҳужжатларида ўрнатилган тартибда белгиланадиган шахслар томонидан амалга оширилади.
Бухгалтерия ҳисобида ҳужжатлар ва ҳужжатлар айланиши тўғрисидаги низомга 1-ИЛОВА
Қатъий ҳисобдаги бланкаларни ҳисобга олиш
КИРИМ ЧИҚИМ Т/р Келиб тушган бланкаларга илова қилинган ҳужжат Бланкалар миқдори Бланкалар рақамлари (__дан __гача) Бериш санаси Кимга берилган Бланкалар миқдори Бланкалар рақамлари (__дан __гача) Олганлик тўғрисида имзо сана т/р
Бухгалтерия ҳисобида ҳужжатлар ва ҳужжатлар айланиши тўғрисидаги низомга 2-ИЛОВА
__________________________ (бериш санаси) __________________________ (имзо) М.Ў. ҚАТЪИЙ ҲИСОБДАГИ БЛАНКАЛАРГА _____-сонли ОЛИШ-НАЗОРАТ ҚИЛИШ ВАРАҒИ Олувчи ________________________________________________________ Бланкалар тури _________________________________________________ Олинган бланкалар Ишлатилган бланкалар Сана Бланкалар миқдори Бланкалар рақамлари (__дан __гача) Ҳисоб журнали бўйича ёзув рақами Сана Бланкалар миқдори Бланкалар рақамлари (__дан __гача) Берди _________________________ Олди __________________________ (берган шахснинг имзоси) (олган шахснинг имзоси) Ҳисоботни қабул қилди ___________ __________________________ (белги ва имзо)
Бухгалтерия ҳисобида ҳужжатлар ва ҳужжатлар айланиши тўғрисидаги низомга 3-ИЛОВА
Ташкилот бўйича ҳужжатлар айланишининг
Ҳужжатнинг номи Ҳужжатни тузиш Ҳужжатни текшириш Ҳужжатни ишлаш Архивга топшириш нусха сони чиқаришга масъул расмийлаштиришга масъул бажаришга масъул бажариш муддати текширишга масъул ким тақдим этади тақдим этиш тартиби тақдим этиш муддати ким бажаради бажариш муддати ким бажаради бериш муддати 1 2 3 4 5 6 7 8 9 10 11 12 13 14 талабнома … 2 цех таъминот бўлими бухгалтерияси омбор ҳар куни, соат__ гача бухгалтерия 1-нусха — цех 2-нусха — омбор ҳисоботда, рўйхатда ҳар куни, соат__ гача бухгалтерия ҳар куни бухгалтерия Чорак тугагандан кейин
Ўзбекистон Республикаси иқтисодиёт ва молия вазирининг 2024 йил 14 июндаги 143-сон буйруғига 2-ИЛОВА
Ўз кучини йўқотган деб топилаётган идоравий норматив-ҳуқуқий ҳужжатлар
1. Ўзбекистон Республикаси молия вазирининг 2003 йил 23 декабрдаги 131-сон «Бухгалтерия ҳисобида ҳужжатлар ва ҳужжатлар айланиши тўғрисидаги низомни тасдиқлаш ҳақида»ги буйруғи (рўйхат рақами 1297, 2004 йил 14 январь) (Ўзбекистон Республикаси қонун ҳужжатлари тўплами, 2004 йил, 1-2-сон, 24-модда).
2. Ўзбекистон Республикаси молия вазирининг 2013 йил 29 майдаги 53-сон «Бухгалтерия ҳисобида ҳужжатлар ва ҳужжатлар айланиши тўғрисидаги низомга ўзгартириш ва қўшимчалар киритиш ҳақида»ги буйруғи (рўйхат рақами 1297-1, 2013 йил 7 июнь) (Ўзбекистон Республикаси қонун ҳужжатлари тўплами, 2013 йил, 23-сон, 311-модда).
3. Ўзбекистон Республикаси молия вазирининг 2016 йил 28 сентябрдаги 76-сон «Бухгалтерия ҳисобида ҳужжатлар ва ҳужжатлар айланиши тўғрисидаги низомга ўзгартириш ва қўшимчалар киритиш ҳақида»ги буйруғи (рўйхат рақами 1297-2, 2016 йил 12 октябрь) (Ўзбекистон Республикаси қонун ҳужжатлари тўплами, 2016 йил, 41-сон, 483-модда).
4. Ўзбекистон Республикаси молия вазирининг 2017 йил 27 июндаги 87-сон «Бухгалтерия ҳисобида ҳужжатлар ва ҳужжатлар айланиши тўғрисидаги низомни тасдиқлаш ҳақида»ги буйруқнинг муқаддимасига ўзгартириш киритиш тўғрисида»ги буйруғи (рўйхат рақами 1297-3, 2017 йил 3 июль) (Ўзбекистон Республикаси қонун ҳужжатлари тўплами, 2017 йил, 27-сон, 625-модда).
5. Ўзбекистон Республикаси молия вазирининг 2019 йил 4 мартдаги 29-сон «Бухгалтерия ҳисобида ҳужжатлар ва ҳужжатлар айланиши тўғрисидаги низомга ўзгартиришлар киритиш ҳақида»ги буйруғи (рўйхат рақами 1297-4, 2019 йил 11 март) (Ўзбекистон Республикаси қонун ҳужжатлари тўплами, 2019 йил, 11-сон, 210-модда).
6. Ўзбекистон Республикаси молия вазирининг 2020 йил 5 августдаги 36-сон «Бухгалтерия ҳисобида ҳужжатлар ва ҳужжатлар айланиши тўғрисидаги низомга ўзгартиришлар киритиш ҳақида»ги буйруғи (рўйхат рақами 1297-5, 2020 йил 20 август) (Ўзбекистон Республикаси қонун ҳужжатлари тўплами, 2020 йил, 33-сон, 389-модда).
7. Ўзбекистон Республикаси иқтисодиёт ва молия вазирининг 2023 йил 6 мартдаги 3-сон «Бухгалтерия ҳисобида ҳужжатлар ва ҳужжатлар айланиши тўғрисидаги низомга ўзгартиришлар киритиш ҳақида»ги буйруғи (рўйхат рақами 1297-6, 2023 йил 27 март) (Қонунчилик маълумотлари миллий базаси, 28.03.2023 й., 10/23/1297-6/0174-сон).
Вазир Д. КУЧКАРОВ
Тошкент ш.,
2024 йил 14 июнь,
143-сон
Oʻzbekiston Respublikasi iqtisodiyot va moliya vazirining
buyrugʻi
NIZOM
JURNALI
NAMUNAVIY GRAFIGI
ROʻYXATI
Buxgalteriya hisobida hujjatlar va hujjatlar aylanishi toʻgʻrisidagi nizomni tasdiqlash haqida
Oʻzbekiston Respublikasining “Buxgalteriya hisobi toʻgʻrisida”gi Qonuniga muvofiq buyuraman:
1. Buxgalteriya hisobida hujjatlar va hujjatlar aylanishi toʻgʻrisidagi nizom 1-ilovaga muvofiq tasdiqlansin.
2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.
3. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi iqtisodiyot va moliya vazirining 2024-yil 14-iyundagi 143-son buyrugʻiga 1-ILOVA
Buxgalteriya hisobida hujjatlar va hujjatlar aylanishi toʻgʻrisidagi
Mazkur Nizom hujjatlarni tuzish, qabul qilish, saqlash va ularni buxgalteriya hisobida aks ettirish hamda hujjatlar aylanishini amalga oshirish boʻyicha yagona tartibni belgilaydi.
1-bob. Umumiy qoidalar
1. Mazkur Nizomning amal qilishi banklar va nobank kredit tashkilotlaridan tashqari Oʻzbekiston Respublikasida faoliyat yuritayotgan yuridik shaxslarga (bundan buyon matnda tashkilotlar deb yuritiladi) nisbatan tatbiq qilinadi.
2. Tashkilotlar tomonidan amalga oshiriladigan barcha xoʻjalik operatsiyalari tasdiqlovchi hujjatlar bilan rasmiylashtirilishi lozim. Ushbu hujjatlar boshlangʻich hisob hujjatlari boʻlib xizmat qiladi va ular asosida buxgalteriya hisobi yuritiladi.
3. Tegishli texnik vositalar mavjud boʻlganda, boshlangʻich hujjatlarni va registrlarni, shuningdek tovar-moddiy zaxiralar, pul mablagʻlari hamda ish beruvchining xodimlari bilan bogʻliq boʻlgan ichki xoʻjalik operatsiyalari boʻyicha qatnashchilarni identifikatsiyalashni taʼminlagan holda tuzilgan hisob hujjatlarini axborot tizimlari xizmatlari va axborot texnologiyalari orqali yuritishga yoʻl qoʻyiladi. Bunda, mazkur Nizom va boshqa normativ-huquqiy hujjatlar talablariga rioya qilinishi lozim.
4. Texnik vositalar hamda axborot tizimlari xizmatlari va axborot texnologiyalaridan foydalangan holda tuzilgan birlamchi hujjatlar va registrlar buxgalteriya hisobida tegishli majburiy rekvizitlar mavjud boʻlgandagina qoʻllaniladi. Elektron hujjatlarni saqlash chogʻida ulardan erkin foydalanish va ularning qogʻoz nusxalarini taqdim etish imkoniyati taʼminlanishi lozim.
5. Buxgalteriya hisobini avtomatlashtirish sharoitida boshlangʻich hujjatlar rekvizitlari kodlar koʻrinishida qayd etilishi mumkin. Bunda elektron shaklda tuzilgan boshlangʻich hujjat va registr elektron raqamli imzo haqidagi qonunchilik hujjatlariga muvofiq uning toʻgʻri tuzilishi uchun javobgar boʻlgan shaxsning elektron raqamli imzosi bilan tasdiqlanishi lozim.
2-bob. Boshlangʻich hujjatlar va hisob registrlarini tuzish, xatolarni tuzatish hamda saqlash tartibi
6. Boshlangʻich hujjatlar quyidagi majburiy rekvizitlarga ega boʻlishi lozim:
a) tashkilotning nomi;
b) hujjatning nomi va raqami, uning tuzilgan sanasi va joyi;
v) xoʻjalik operatsiyasining nomi, mazmuni va oʻlchov birliklarini koʻrsatgan holdagi miqdor oʻlchovi (natura va pulda ifodalangan holda);
g) xoʻjalik operatsiyasini amalga oshirgan shaxslarning (shaxsning) identifikatsiya qilish uchun zarur boʻlgan familiyasi hamda ismi va otasi ismining bosh harflarini yoxud boshqa rekvizitlarini koʻrsatgan holda lavozimlari nomi va imzolari.
7. Boshlangʻich hujjatlar elektron shaklda tuzilgan hollarda, ular mazkur Nizom va elektron hujjat aylanishi toʻgʻrisidagi qonunchilik hujjatlari bilan belgilangan majburiy rekvizitlarga ega boʻlishi lozim.
8. Boshlangʻich hujjatda quyidagi qoʻshimcha rekvizitlar keltirilishi mumkin:
tashkilotning manzili;
hujjat bilan qayd qilingan xoʻjalik operatsiyasini amalga oshirish uchun asos;
hujjatlashtirilayotgan xoʻjalik operatsiyasining xususiyatini belgilaydigan boshqa qoʻshimcha rekvizitlar.
9. Mazkur Nizom talablariga muvofiq tuzilgan boshlangʻich hujjatlar amalga oshirilgan xoʻjalik operatsiyalari haqidagi maʼlumotlarni buxgalteriya hisobi registrlarida aks ettirish uchun asos boʻladi.
10. Boshlangʻich hisob hujjatlarini tuzgan va imzolagan shaxslar ularning oʻz vaqtida, toʻgʻri va ishonchli tuzilishi, shuningdek buxgalteriya hisobida aks ettirish uchun belgilangan muddatlarda topshirilishiga javobgardir.
11. Boshlangʻich hujjatlar mazkur Nizom talablariga rioya qilgan holda tashkilot tomonidan ishlab chiqilgan va tasdiqlangan blankalarda yoki qonunchilik hujjatlarida oʻrnatilgan boshqa shakllarda tuziladi.
12. Boshlangʻich hujjatlardagi yozuvlar ularni arxivda belgilangan muddatlarda saqlanishini taʼminlaydigan siyoh, sharikli ruchka pastasi, yozuv mashinalari, mexanizatsiya vositalari va boshqa vositalar yordamida amalga oshirilishi lozim.
Yozuvlar uchun qalamdan foydalanish taqiqlanadi.
13. Boshlangʻich hujjatlar va registrlardagi boʻsh qatorlar joyi chizilishi shart.
14. Boshlangʻich hujjatlar va hisob registrlarini imzolash huquqiga ega boʻlgan shaxslar roʻyxati tashkilot rahbari yoki u tomonidan qonunchilik hujjatlarida oʻrnatilgan tartibda belgilanadigan shaxslar tomonidan tasdiqlanadi.
15. Kassa operatsiyalarini, tovar-moddiy qiymatliklar bilan operatsiyalarni, kredit va hisob-kitob majburiyatlarini amalga oshirganlik faktlarini qayd etuvchi boshlangʻich hujjatlarni tuzish tartibi boʻyicha qoʻshimcha talablar buxgalteriya hisobining milliy standartlari va boshqa normativ-huquqiy hujjatlar bilan belgilanadi.
16. Buxgalteriyaga kelib tushadigan boshlangʻich hujjatlar majburiy tekshiruvdan oʻtkaziladi. Tekshiruv shakl boʻyicha (hujjatlarni rasmiylashtirish, rekvizitlarni toʻldirishning toʻliqligi va toʻgʻriligi), mazmuni boʻyicha (hujjatlashtirilayotgan operatsiyaning qonuniyligi, alohida koʻrsatkichlarning mantiqiy bogʻlanishi) amalga oshiriladi.
17. Qonunchilik hujjatlariga va pul mablagʻlari, tovar-moddiy zaxiralari va boshqa aktivlarni qabul qilish, saqlash va sarflash boʻyicha belgilangan tartibga zid boʻlgan boshlangʻich hujjatlar kelib tushganda, ular tashkilot rahbari yoki u tomonidan qonunchilik hujjatlarida oʻrnatilgan tartibda belgilanadigan shaxslarga qaror qabul qilish uchun topshirilishi kerak.
18. Ishlovdan oʻtgan boshlangʻich hujjatlar ularning qayta qoʻllanilishini istisno etuvchi belgiga ega boʻlishi lozim:
a) qoʻl yordamida ishlovdan oʻtkazilganda — hisob registriga yozilgan sanani koʻrsatish orqali;
b) texnik vositalar hamda axborot tizimlari xizmatlari va axborot texnologiyalardan foydalangan holda ishlovdan oʻtkazilganda — ishlovdan oʻtkazish boʻyicha masʼul operator shtampini qoʻyish orqali.
19. Kirim va chiqim kassa orderlariga ilova qilingan barcha hujjatlar hamda ish haqini hisoblash uchun asos boʻlgan hujjatlar albatta “Olindi” yoki “Toʻlandi” shtampini qoʻyish yoki qoʻl yozuvini kiritish orqali sanasini (oy, kun, yil) koʻrsatish lozim.
20. Buxgalteriya hisobida aks ettirish uchun hisobga qabul qilingan boshlangʻich hujjatlardagi axborotlar hisob registrlarida yigʻib boriladi va tizimlashtiriladi.
21. Tashkilot tomonidan muayyan davr (oy, chorak, yarim yillik, yil) davomida amalga oshirilgan xoʻjalik operatsiyalari haqidagi maʼlumotlar guruhlashtirilgan holda hisob registrlaridan Oʻzbekiston Respublikasi qonunchiligida belgilangan tartibda tuziladigan moliyaviy hisobotlarga oʻtkaziladi.
Bunda, tashkilotlar qoʻllayotgan buxgalteriya hisobi registrlarini oʻz faoliyatining xususiyatlariga, Oʻzbekiston Respublikasi qonunchilik hujjatlarida belgilangan talablarga rioya qilgan holda, mustaqil moslashtirishlari mumkin.
22. Boshlangʻich hujjatlar va hisob registrlaridagi matn va raqamlarni oʻchirishga va izoh berilmagan tuzatishlar kiritishga yoʻl qoʻyilmaydi.
23. Boshlangʻich hujjatlardagi (bank va kassa pul hujjatlaridan tashqari) xatoliklar quyidagicha tuzatiladi:
a) xato matn yoki summalar chiziladi va chizilganning yuqori qismidan toʻgʻri matn yoki summalar yoziladi;
b) chizish bitta chiziq bilan amalga oshiriladi va unda tuzatilayotgan xatoni oʻqish imkoniyati boʻlishi lozim.
24. Boshlangʻich hujjatda tuzatilgan xatolarga “tuzatildi” yozuvi bilan izoh berilishi, hujjatni imzolagan shaxslar imzosi bilan tasdiqlanishi hamda tuzatish sanasi qoʻyilishi lozim.
25. Boshlangʻich bank va kassa pul hujjatlarida tuzatishlarga yoʻl qoʻyilmaydi.
26. Buxgalteriya hisobini tashkil etish hamda yuritish bilan bogʻliq hujjatlar qonunchilikda belgilangan muddatlar mobaynida, biroq hisobot yilidan keyin kamida besh yil buxgalteriya hisobi subyekti tomonidan saqlanadi.
Bunda:
2022-yil 1-yanvardan keyin hisoblangan jismoniy shaxslarning ish haqi va boshqa daromadlari hamda ular boʻyicha hisoblangan soliq summalari toʻgʻrisidagi hujjatlar;
davlat soliq xizmati va statistika organlariga elektron tarzda topshirilgan moliyaviy, soliq va statistika hisobotlari;
soliq organining avtomatlashtirilgan axborot tizimlari orqali elektron shaklda rasmiylashtirilgan hujjatlar majburiy saqlanmaydi va arxivga topshirilmaydi.
27. Boshlangʻich hujjatlar, hisob registrlari, moliyaviy hisobotlarni but saqlanishi tashkilot rahbari tomonidan taʼminlanishi shart.
28. Muayyan hisob registriga tegishli boʻlgan, ishlov berilgan joriy oyning boshlangʻich hujjatlari xronologik tartibda jamlanadi.
Kassa orderlari, boʻnak hisobotlari, bank koʻchirmalari ularga taalluqli boʻlgan hujjatlar bilan birgalikda xronologik tartibda yigʻilishi va muqovalanishi kerak.
Hujjatlarning ayrim turlari (ish naryadlari, smena raportlari) muqovalanmasdan, lekin ularning yoʻqolishi yoki suiisteʼmol qilinishining oldini olish maqsadida yigʻmajildlarga tikilgan holda saqlanishi mumkin.
29. Tashkilotlardan boshlangʻich hujjatlar, hisob registrlari, moliyaviy hisobotlarni olib qoʻyish qonunchilik hujjatlariga muvofiq amalga oshiriladi. Hujjatlarni tergovga qadar tekshiruvni amalga oshiruvchi organlar, surishtiruv, dastlabki tergov organlari, prokuratura idoralari va sudlar tomonidan olib qoʻyishlar, mazkur idoralarning Oʻzbekiston Respublikasi jinoyat protsessual qonunchilik hujjatlariga muvofiq ravishda rasmiylashtirilgan qarorlari asosida amalga oshiriladi. Olib qoʻyish bayonnoma bilan rasmiylashtiriladi va uning nusxasi tashkilotning tegishli mansabdor shaxsiga imzo qoʻydirgan holda topshiriladi.
Olib qoʻyishni amalga oshirayotgan idoralar vakillarining ruxsati bilan va ularning ishtirokida tashkilotning tegishli mansabdor shaxslari olib qoʻyilayotgan hujjatlardan asoslarni hamda olib qoʻyish sanasini koʻrsatgan holda nusxa olishlari mumkin.
Agar oxirigacha rasmiylashtirilmagan hujjatlar jildlari (tikib qoʻyilmagan, raqamlanmagan va hokazo) olib qoʻyilayotgan boʻlsa, olib qoʻyishni amalga oshirayotgan idoralar vakillarining ruxsati bilan va ularning ishtirokida tashkilotning tegishli mansabdor shaxslari bu jildlarni oxirigacha rasmiylashtirishi (ular roʻyxatini tuzishi, varaqlarni raqamlashi, tikishi, imzo bilan tasdiqlashi) yoki olib qoʻyilayotgan hujjatlarning roʻyxatini har bir hujjatdagi betlar sonini koʻrsatgan holda tuzishi kerak. Bunda, roʻyxatni olib qoʻyishni amalga oshirayotgan idoralarning vakillari va tashkilotning tegishli mansabdor shaxslari imzolashadi.
30. Boshlangʻich hujjatlarni yoʻqotish hollarida tashkilot rahbari buyruq bilan yoʻqotish sabablarini tekshirish boʻyicha komissiya tayinlashi mumkin.
Bunda, tekshiruv natijalari tashkilot rahbari yoki u tomonidan qonunchilik hujjatlarida oʻrnatilgan tartibda belgilanadigan shaxslar tomonidan tasdiqlanadigan dalolatnoma bilan rasmiylashtiriladi.
Boshlangʻich hujjatlarni yoʻqotishda aybdor shaxslar qonunchilik hujjatlarida oʻrnatilgan tartibda javobgarlikka tortiladi.
3-bob. Qatʼiy hisobdagi blankalarni hisobga olish, saqlash, hisobdan chiqarish va yoʻq qilish tartibi
31. Oʻzbekiston Respublikasining qonunchilik hujjatlarida belgilangan hollarda boshlangʻich hujjatlar shakli blankalari qatʼiy hisobdagi blankalarga kiritilishi mumkin.
32. Qatʼiy hisobdagi blankalarning shakllari va ishlatish tartibi Oʻzbekiston Respublikasining qonunchilik hujjatlari bilan belgilanadi.
33. Rasmiy davlat hujjatlarini hisobga olish, saqlash, hisobdan chiqarish va yoʻq qilish Oʻzbekiston Respublikasi Vazirlar Mahkamasining 2000-yil 25-iyuldagi 283-son qarori bilan tasdiqlangan Rasmiy davlat hujjatlarini tayyorlashga buyurtma berish, ularni tayyorlash, hisobga olish, saqlash va topshirish tartibi toʻgʻrisidagi nizomga muvofiq amalga oshiriladi.
34. Qatʼiy hisobdagi blankalar Oʻzbekiston Respublikasining qonunchilik hujjatlarida belgilangan tartibda raqamlanishi (numerator bilan, bosmaxona usulida) lozim.
35. Qatʼiy hisobdagi blankalarni olish, saqlash, berish va ishlatish yuklatilgan tashkilotning masʼul shaxslari tashkilot rahbarining buyrugʻi bilan tayinlanadi, shuningdek Oʻzbekiston Respublikasi Mehnat kodeksining 343-moddasida belgilangan hollarda va tartibda yakka tartibdagi toʻliq moddiy javobgarlik toʻgʻrisidagi yozma shartnoma tuziladi.
Agar masʼul shaxs vaqtincha yoʻq boʻlsa yoki boshqa ishga oʻtib ketayotgan boʻlsa, qatʼiy hisobdagi blankalar masʼul shaxs va ushbu vazifani bajarish yuklatilayotgan shaxs tomonidan imzolangan qabul qilish-topshirish dalolatnomasi boʻyicha oʻtkazilishi kerak.
36. Qatʼiy hisobdagi blankalarni mol yetkazib beruvchidan qabul qilish tashkilotning masʼul shaxsi tomonidan amalga oshiriladi.
Qatʼiy hisobdagi blankalarni qabul qilishda blankalar paketi masʼul shaxs tomonidan majburiy tartibda oʻrami buzilganlik holati yuzasidan koʻrib chiqiladi, qabul qilinayotgan oʻramlar miqdorining yoʻllanma kuzatuv hujjatlarda koʻrsatilgan miqdorga muvofiqligi tekshiriladi va bu toʻgʻrisida dalolatnoma tuziladi.
37. Matbaa tashkilotidan xarid qilingan (buyurtma qilingan) qatʼiy hisobdagi blankalarda kamomad yoki nuqsonlar (himoya setkasining, bosma matnning yoʻqligi yoki buzilganligi, tartib raqamlarining takroriyligi yoxud boshqa seriyalar yoki tartib raqamlari boʻlgan, qiyshaygan shriftli, notoʻgʻri kesilgan va notoʻgʻri shaklli, seriya va tartib raqamlari yoʻq boʻlgan yoki paketlardagi matbaa tashkilotining yopishtirilgan nakleykalariga boshqacha tarzda nomuvofiq boʻlgan blankalar) aniqlangan taqdirda uch nusxada dalolatnoma tuziladi. Dalolatnomaning birinchi nusxasi yoʻllanma xat bilan matbaa tashkiloti nakleykasi va nuqsonli blankalar bilan birga matbaa tashkilotiga joʻnatiladi, ikkinchi va uchinchi nusxalar nakleyka kseronusxasi bilan birga tashkilotda qoladi. Eʼtirozlar qonunchilik hujjatlarida oʻrnatilgan tartibda bildiriladi.
38. Qatʼiy hisobdagi blankalar seyflarda yoxud yonmaydigan javonlarda yoki tashkilotning maxsus jihozlangan xonalarida saqlanishi kerak. Qatʼiy hisobdagi blankalarni koʻp miqdorda qabul qiluvchi tashkilotlarda ularning buzilish yoki oʻgʻirlanish holatini istisno etuvchi maxsus jihozlangan omborxonalarda saqlashga yoʻl qoʻyiladi.
Tashkilotda mavjud boʻlgan qatʼiy hisobdagi blankalarning ish paytidan tashqari vaqtda saqlanishini taʼminlash maqsadida seyflar, yonmaydigan javonlar va qatʼiy hisobdagi blankalarni saqlash uchun maxsus jihozlangan xonalar muhrlanadi yoki plombalanadi.
39. Masʼul shaxs qatʼiy hisobdagi blankalarning hisobini ularning nomi, seriyasi va raqami boʻyicha mazkur Nizomning 1-ilovasiga muvofiq raqamlangan va tikilgan “Qatʼiy hisobdagi blankalarni hisobga olish jurnali”da olib boradi. Jurnalning soʻnggi varagʻida tashkilot rahbari yoki u tomonidan qonunchilik hujjatlarida oʻrnatilgan tartibda belgilanadigan shaxslar imzosi bilan “Mazkur jurnalda... varaq raqamlangan” degan yozuv kiritiladi. Varaqlar soni yozuv bilan koʻrsatiladi.
Qatʼiy hisobdagi blankalarni hisobga olish jurnali aniq, tushunarli va qisqartirishlarsiz toʻldiriladi. Jurnalda oʻchirishlarga yoʻl qoʻyilmaydi. Yoʻl qoʻyilgan xatoliklar tegishli izohlar bilan tuzatiladi.
40. Tashkilot rahbari yoki u tomonidan qonunchilik hujjatlarida oʻrnatilgan tartibda belgilanadigan shaxslar tomonidan qatʼiy hisobdagi blankalarni topshirish, saqlash, ishlatish bilan bogʻliq boʻlgan masʼul shaxslarga qatʼiy hisobdagi blankalarning saqlanishini taʼminlovchi sharoitlar yaratilishi lozim.
41. Qatʼiy hisobdagi blankalar materiallarni hisobga oluvchi hisobvaraqlarda ularning nomi, miqdori va baholash boʻyicha hisobga olinadi.
42. Hisobdor shaxslar qatʼiy hisobdagi blankalarni qabul qilish va ishlatilishi boʻyicha hisobot berib turadi va ular tomonidan olingan har bir qatʼiy hisobdagi blankaning ishlatilishi uchun javobgardir.
43. Hisobdor shaxslarga qatʼiy hisobdagi blankalarni berish masʼul shaxs tomonidan tashkilot rahbari yoki u tomonidan qonunchilik hujjatlarida oʻrnatilgan tartibda belgilanadigan shaxslarning topshirigʻi asosida amalga oshiriladi.
44. Hisobdor shaxslarga berilgan qatʼiy hisobdagi blankalarni nazorat qilish maqsadida tashkilot tomonidan mazkur Nizomning 2-ilovasidagi shakl boʻyicha olish-nazorat qilish varaqlari yuritilishi mumkin.
Bunda, olish-nazorat qilish varaqlari ikki nusxada toʻldiriladi va ulardan bittasi Qatʼiy hisobdagi blankalarni hisobga olish jurnaliga imzo chekilgan holda hisobdor shaxsga, ikkinchisi masʼul shaxs tomonidan buxgalteriyaga topshiriladi. Qatʼiy hisobdagi blankalarning har bir nomdagi turi uchun alohida olish-nazorat qilish varaqlari ochiladi.
Olish-nazorat qilish varagʻining yuqoridagi chap burchagida varaq berilgan sana, tashkilot rahbari yoki u tomonidan qonunchilik hujjatlarida oʻrnatilgan tartibda belgilanadigan shaxslar imzosi qoʻyiladi.
Hisobdor shaxs olish-nazorat qilish varagʻini qatʼiy hisobdagi blankalarni toʻgʻri ishlatilishining nazoratini amalga oshiradigan shaxsga taqdim etadi. Avval berilgan qatʼiy hisobdagi blankalarning ishlatilganligini va blankalarning keyingi turkumini berish lozimligi toʻgʻrisidagi maʼlumotlar toʻgʻri toʻldirilganligini tekshirib, nazorat qiluvchi shaxs varaqning tegishli satriga imzo chekadi.
45. Qatʼiy hisobdagi blankalarni inventarizatsiya qilish Oʻzbekiston Respublikasi buxgalteriya hisobining milliy standarti (19-sonli BHMS) “ Inventarizatsiyani tashkil etish va oʻtkazish ”da (roʻyxat raqami 833, 1999-yil 2-noyabr) belgilangan tartibda amalga oshiriladi.
46. Qatʼiy hisobdagi blankalarning yoʻqolishi va kamomadi hisobi Inventarizatsiya jarayonida aniqlangan mol-mulk kamomadi va ortiqchasining buxgalteriya hisobi tartibi toʻgʻrisidagi nizomga (roʻyxat raqami 1334, 2004-yil 6-aprel) muvofiq amalga oshiriladi.
47. Qatʼiy hisobdagi blankalarda oʻchirishlar va tuzatishlar aniqlangan hollarda, shuningdek qatʼiy hisobdagi blankalarni toʻldirilishi va ishlatilishi boʻyicha belgilangan tartibning boshqa buzilish holatlari aniqlanganda, masʼul shaxsga nisbatan qonunchilik hujjatlarida belgilangan tartibda choralar koʻriladi.
48. Qatʼiy hisobdagi blankalar materiallarni hisobga oluvchi hisobvaraqlardan xarajatlarni hisobga oluvchi hisobvaraqlarga ularni hisobdor shaxslarga berilishiga qarab hisobdan chiqarib boriladi va balansdan tashqari “Qatʼiy hisobdagi blankalar” hisobvaragʻiga qabul qilinadi.
Qatʼiy hisobdagi blankalar balansdan tashqari “Qatʼiy hisobdagi blankalar” hisobvaragʻidan hisobdor shaxslarning olingan va ishlatilgan qatʼiy hisobdagi blankalar uchun hisobot berishiga qarab hisobdan chiqarib boriladi.
Qatʼiy hisobdagi blankalarning balansdan tashqari hisobi ularning mavqeyi (qadr-qimmati), miqdori va nominal boʻyicha ularning umumiy hisob summasi boʻyicha yuritiladi. Qatʼiy hisobdagi blankalarning mavqeyi mavjud boʻlmaganda, ular haqiqiy xarid qiymati boʻyicha hisobga olinadi.
49. Nuqsonli, toʻldirishda buzilgan, eskirgan, shikastlangan, shuningdek almashtirilgan qatʼiy hisobdagi blankalar tashkilot buxgalteriyasiga topshiriladi va bu haqda tegishli dalolatnoma tuziladi.
50. Nuqsonli, toʻldirishda buzilgan, eskirgan, shikastlangan, shuningdek almashtirilgan qatʼiy hisobdagi blankalarni yoʻq qilish maxsus tayinlangan komissiya tomonidan zarurat tugʻilgan hollarda, lekin yilda kamida bir marotaba amalga oshiriladi va yoʻq qilinganligi toʻgʻrisida dalolatnoma tuziladi.
Kassa hisobotiga (qaydnomaga, reyestrga) ilova qilinadigan buzilgan yoki notoʻgʻri toʻldirilgan blankalar yoʻq qilinmaydi, balki ustiga bir necha bor chizib qoʻyiladi va ular yozilgan kunning oʻzidagi kassa hisobotiga (qaydnomaga, reyestrga) ilova qilinadi.
51. Qatʼiy hisobdagi blankalarni belgilangan muddat mobaynida saqlash boʻyicha javobgarlik tashkilot rahbariga yoki u qonunchilik hujjatlarida belgilangan tartibda tayinlagan shaxslarga yuklanadi.
4-bob. Hujjatlar aylanishini tashkil etish tartibi
52. Tashkilotning buxgalteriya hisobida hujjatlarning harakati (ularni tuzish yoki boshqa tashkilotlardan olish, hisobga qabul qilish, ishlov berish, arxivga topshirish — hujjatlar aylanishi) grafik bilan tartibga solinadi.
53. Tashkilot rahbari yoki u tomonidan qonunchilik hujjatlarida oʻrnatilgan tartibda belgilanadigan shaxslar hujjatlar aylanishi grafigini tuzish boʻyicha ishni tashkil etadilar. Hujjatlar aylanishi grafigi tashkilot rahbarining buyrugʻi bilan tasdiqlanadi.
54. Grafik tashkilotda oqilona hujjatlar aylanishini taʼminlashi zarur, yaʼni har bir boshlangʻich hujjatning harakati boʻyicha ijro etuvchilarning maqbul sonini nazarda tutishi, hujjatning boʻlinmada eng kam muddatda boʻlishini belgilashi lozim.
Hujjatlar aylanishi grafigi tashkilotda barcha hisob ishining yaxshilanishiga, buxgalteriya hisobining nazorat qilish funksiyasining kuchayishiga yordam berishi kerak.
55. Hujjatlar aylanishi grafigi tashkilotning har bir boʻlinmasi, shuningdek barcha ijro etuvchilar tomonidan ularning oʻzaro bogʻliqligini va ishlarni bajarish muddatlarini koʻrsatgan holda hujjatlarni tuzish, tekshirish va ularga ishlov berish boʻyicha bajariladigan ishlarning sxemasi yoki roʻyxati koʻrinishida rasmiylashtiriladi.
Mazkur Nizomning 3-ilovasida ishlar roʻyxati koʻrinishidagi namunaviy hujjatlar aylanishi grafigi keltirilgan.
56. Tashkilot xodimlari oʻzlarining faoliyat sohasiga taalluqli boʻlgan hujjatlarni hujjatlar aylanishi grafigi boʻyicha tuzadi va taqdim etadi. Buning uchun xar bir ijrochiga grafikdan koʻchirma beriladi. Koʻchirmada ijrochining faoliyat sohasiga tegishli hujjatlar, ularni taqdim etish muddatlari va ushbu hujjatlar taqdim etiladigan tashkilot boʻlinmalari koʻrsatiladi.
57. Hujjatlar aylanishi grafigiga rioya qilish boʻyicha javobgarlik, shuningdek hujjatlarni oʻz vaqtida va sifatli tuzish, buxgalteriya hisobi va hisobotida aks ettirish uchun ularni oʻz vaqtida taqdim etish, hujjatlardagi mavjud maʼlumotlarning ishonchliligi boʻyicha javobgarlik ushbu hujjatlarni tuzgan va imzolagan shaxslar zimmasiga yuklanadi.
58. Tashkilot boʻyicha ijrochilarning hujjatlar aylanishi grafigiga rioya qilishini nazorat qilish tashkilot rahbari yoki u tomonidan qonunchilik hujjatlarida oʻrnatilgan tartibda belgilanadigan shaxslar tomonidan amalga oshiriladi.
Buxgalteriya hisobida hujjatlar va hujjatlar aylanishi toʻgʻrisidagi nizomga 1-ILOVA
Qatʼiy hisobdagi blankalarni hisobga olish
KIRIM CHIQIM T/r Kelib tushgan blankalarga ilova qilingan hujjat Blankalar miqdori Blankalar raqamlari (__dan __gacha) Berish sanasi Kimga berilgan Blankalar miqdori Blankalar raqamlari (__dan __gacha) Olganlik toʻgʻrisida imzo sana t/r
Buxgalteriya hisobida hujjatlar va hujjatlar aylanishi toʻgʻrisidagi nizomga 2-ILOVA
__________________________ (berish sanasi) __________________________ (imzo) M.Oʻ. QATʼIY HISOBDAGI BLANKALARGA _____-sonli OLISH-NAZORAT QILISH VARAGʻI Oluvchi ________________________________________________________ Blankalar turi _________________________________________________ Olingan blankalar Ishlatilgan blankalar Sana Blankalar miqdori Blankalar raqamlari (__dan __gacha) Hisob jurnali boʻyicha yozuv raqami Sana Blankalar miqdori Blankalar raqamlari (__dan __gacha) Berdi _________________________ Oldi __________________________ (bergan shaxsning imzosi) (olgan shaxsning imzosi) Hisobotni qabul qildi ___________ __________________________ (belgi va imzo)
Buxgalteriya hisobida hujjatlar va hujjatlar aylanishi toʻgʻrisidagi nizomga 3-ILOVA
Tashkilot boʻyicha hujjatlar aylanishining
Hujjatning nomi Hujjatni tuzish Hujjatni tekshirish Hujjatni ishlash Arxivga topshirish nusxa soni chiqarishga masʼul rasmiylashtirishga masʼul bajarishga masʼul bajarish muddati tekshirishga masʼul kim taqdim etadi taqdim etish tartibi taqdim etish muddati kim bajaradi bajarish muddati kim bajaradi berish muddati 1 2 3 4 5 6 7 8 9 10 11 12 13 14 talabnoma … 2 sex taʼminot boʻlimi buxgalteriyasi ombor har kuni, soat__ gacha buxgalteriya 1-nusxa — sex 2-nusxa — ombor hisobotda, roʻyxatda har kuni, soat__ gacha buxgalteriya har kuni buxgalteriya Chorak tugagandan keyin
Oʻzbekiston Respublikasi iqtisodiyot va moliya vazirining 2024-yil 14-iyundagi 143-son buyrugʻiga 2-ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
1. Oʻzbekiston Respublikasi moliya vazirining 2003-yil 23-dekabrdagi 131-son “Buxgalteriya hisobida hujjatlar va hujjatlar aylanishi toʻgʻrisidagi nizomni tasdiqlash haqida”gi buyrugʻi (roʻyxat raqami 1297, 2004-yil 14-yanvar) (Oʻzbekiston Respublikasi qonun hujjatlari toʻplami, 2004-yil, 1-2-son, 24-modda).
2. Oʻzbekiston Respublikasi moliya vazirining 2013-yil 29-maydagi 53-son “Buxgalteriya hisobida hujjatlar va hujjatlar aylanishi toʻgʻrisidagi nizomga oʻzgartirish va qoʻshimchalar kiritish haqida”gi buyrugʻi (roʻyxat raqami 1297-1, 2013-yil 7-iyun) (Oʻzbekiston Respublikasi qonun hujjatlari toʻplami, 2013-yil, 23-son, 311-modda).
3. Oʻzbekiston Respublikasi moliya vazirining 2016-yil 28-sentabrdagi 76-son “Buxgalteriya hisobida hujjatlar va hujjatlar aylanishi toʻgʻrisidagi nizomga oʻzgartirish va qoʻshimchalar kiritish haqida”gi buyrugʻi (roʻyxat raqami 1297-2, 2016-yil 12-oktabr) (Oʻzbekiston Respublikasi qonun hujjatlari toʻplami, 2016-yil, 41-son, 483-modda).
4. Oʻzbekiston Respublikasi moliya vazirining 2017-yil 27-iyundagi 87-son “Buxgalteriya hisobida hujjatlar va hujjatlar aylanishi toʻgʻrisidagi nizomni tasdiqlash haqida”gi buyruqning muqaddimasiga oʻzgartirish kiritish toʻgʻrisida”gi buyrugʻi (roʻyxat raqami 1297-3, 2017-yil 3-iyul) (Oʻzbekiston Respublikasi qonun hujjatlari toʻplami, 2017-yil, 27-son, 625-modda).
5. Oʻzbekiston Respublikasi moliya vazirining 2019-yil 4-martdagi 29-son “Buxgalteriya hisobida hujjatlar va hujjatlar aylanishi toʻgʻrisidagi nizomga oʻzgartirishlar kiritish haqida”gi buyrugʻi (roʻyxat raqami 1297-4, 2019-yil 11-mart) (Oʻzbekiston Respublikasi qonun hujjatlari toʻplami, 2019-yil, 11-son, 210-modda).
6. Oʻzbekiston Respublikasi moliya vazirining 2020-yil 5-avgustdagi 36-son “Buxgalteriya hisobida hujjatlar va hujjatlar aylanishi toʻgʻrisidagi nizomga oʻzgartirishlar kiritish haqida”gi buyrugʻi (roʻyxat raqami 1297-5, 2020-yil 20-avgust) (Oʻzbekiston Respublikasi qonun hujjatlari toʻplami, 2020-yil, 33-son, 389-modda).
7. Oʻzbekiston Respublikasi iqtisodiyot va moliya vazirining 2023-yil 6-martdagi 3-son “Buxgalteriya hisobida hujjatlar va hujjatlar aylanishi toʻgʻrisidagi nizomga oʻzgartirishlar kiritish haqida”gi buyrugʻi (roʻyxat raqami 1297-6, 2023-yil 27-mart) (Qonunchilik maʼlumotlari milliy bazasi, 28.03.2023-y., 10/23/1297-6/0174-son).
Vazir D. KUCHKAROV
Toshkent sh.,
2024-yil 14-iyun,
143-son
министра экономики и финансов Республики Узбекистан
Приказ
ПЕРЕЧЕНЬ
Об утверждении Положения о документах и документообороте в бухгалтерском учете
В соответствии с Законом Республики Узбекистан «О бухгалтерском учете» приказываю:
1. Утвердить Положение о документах и документообороте в бухгалтерском учете согласно приложению № 1 * .
2. Признать утратившими силу некоторые ведомственные нормативно-правовые акты согласно приложению № 2 .
3. Настоящий приказ вступает в силу со дня его официального опубликования.
ПРИЛОЖЕНИЕ № 2 к приказу министра экономики и финансов Республики Узбекистан от 14 июня 2024 года № 143
ведомственных нормативно-правовых актов, признаваемых утратившими силу
1. Приказ министра финансов Республики Узбекистан от 23 декабря 2003 года № 131 «Об утверждении Положения о документах и документообороте в бухгалтерском учете» (рег. № 1297 от 14 января 2004 года) (Собрание законодательства Республики Узбекистан, 2004 г., № 1-2, ст. 24).
2. Приказ министра финансов Республики Узбекистан от 29 мая 2013 года № 53 «О внесении изменений и дополнений в Положение о документах и документообороте в бухгалтерском учете» (рег. № 1297-1 от 7 июня 2013 года) (Собрание законодательства Республики Узбекистан, 2013 г., № 23, ст. 311).
3. Приказ министра финансов Республики Узбекистан от 28 сентября 2016 года № 76 «О внесении изменений и дополнений в Положение о документах и документообороте в бухгалтерском учете» (рег. № 1297-2 от 12 октября 2016 года) (Собрание законодательства Республики Узбекистан, 2016 г., № 41, ст. 483).
4. Приказ министра финансов Республики Узбекистан от 27 июня 2017 года № 87 «О внесении изменения в преамбулу приказа «Об утверждении Положения о документах и документообороте в бухгалтерском учете» (рег. № 1297-3 от 3 июля 2017 года) (Собрание законодательства Республики Узбекистан, 2017 г., № 27, ст. 625).
5. Приказ министра финансов Республики Узбекистан от 4 марта 2019 года № 29 «О внесении изменений в Положение о документах и документообороте в бухгалтерском учете» (рег. № 1297-4 от 11 марта 2019 года) (Собрание законодательства Республики Узбекистан, 2019 г., № 11, ст. 210).
6. Приказ министра финансов Республики Узбекистан от 5 августа 2020 года № 36 «О внесении изменений в Положение о документах и документообороте в бухгалтерском учете» (рег. № 1297-5 от 20 августа 2020 года) (Собрание законодательства Республики Узбекистан, 2020 г., № 33, ст. 389).
7. Приказ министра экономики и финансов Республики Узбекистан от 6 марта 2023 года № 3 «О внесении изменений в Положение о документах и документообороте в бухгалтерском учете» (рег. № 1297-6 от 27 марта 2023 года) (Национальная база данных законодательства, 28.03.2023 г., № 10/23/1297-6/0174).
Министр Д. КУЧКАРОВ
г. Ташкент,
14 июня 2024 г.,
№ 143