📅 2024-yil 3-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 3 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 августа 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 3 August 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ёшларга ер ажратиш орқали уларнинг даромадларини ошириш ва бандлигини таъминлашнинг қўшимча чора-тадбирлари белгиланганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида
Сўнгги йилларда ёшларни қўллаб-қувватлаш учун ҳар томонлама имкониятлар яратиш ва уларнинг ижтимоий фаоллигини янада ошириш, уларни қишлоқ хўжалиги соҳасига жалб этиш орқали бандлигини таъминлаш ва даромадларини оширишга қаратилган тизимли ишлар амалга оширилмоқда.
Шу билан бирга, бу борада амалга оширилаётган ишларнинг ҳуқуқий асосини ташкил этувчи қонунчилик ҳужжатларини ўзаро мувофиқлаштириш мақсадида уларга тегишли ўзгартириш ва қўшимчалар киритиш зарурати мавжуд.
Ўзбекистон Республикаси Президентининг «Ёшларга ер ажратиш орқали уларнинг даромадларини ошириш ва бандлигини таъминлаш, шунингдек, янги ер майдонларини ўзлаштириш чора-тадбирлари тўғрисида» 2024 йил 5 апрелдаги ПҚ-153-сон қарорига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
«маҳалла еттилиги» тавсиясига асосан шакллантириладиган рўйхатга киритилган ёшларга мини-техника, уруғ ва кўчат харид қилиш учун Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари ҳисобидан 33 млн сўмгача кредитлар ажратиш;
«маҳалла еттилиги» тавсиясига асосан шакллантириладиган рўйхатга киритилган ҳамда ер участкаларини ижарага бериш бўйича электрон онлайн-аукцион савдо ғолиби бўлган ёшларга ер участкаси нархини 10 йил муддатга тенг улушларда фоизсиз бўлиб-бўлиб тўлашга рухсат бериш;
«Ёшлар дафтари»га киритилган ҳамда деҳқончилик ва томорқа хўжалигини юритиш билан шуғулланаётган ёшларга «Ёшлар дафтари» жамғармаси маблағлари ҳисобидан мини-техника, уруғ ва кўчат харид қилиш учун 5 млн сўмдан субсидия ажратиш.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.
Вазирлар Маҳкамасининг 2024 йил 3 августдаги 479-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2018 йил 7 июндаги 433-сон қарори билан тасдиқланган Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси тўғрисидаги низомнинг 17-бандида :
а) қуйидаги мазмундаги йигирма иккинчи хатбоши билан тўлдирилсин:
«маҳалла еттилиги» тавсиясига асосан шакллантириладиган рўйхатга киритилган ҳамда электрон онлайн-аукцион савдолари орқали деҳқон хўжалигини юритиш учун ер майдонларини ижарага олган ёшларга тижорат банклари орқали мини-техника, уруғ ва кўчат харид қилиш учун 33 млн сўмгача кредит ажратишга»;
б) йигирма иккинчи — йигирма еттинчи хатбошилар тегишлича йигирма учинчи — йигирма саккизинчи хатбошилар деб ҳисоблансин.
2. Вазирлар Маҳкамасининг 2021 йил 29 июндаги 400-сон қарори билан тасдиқланган Ўзбекистон Республикаси Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси маблағларини шакллантириш ва улардан фойдаланиш тартиби тўғрисидаги низомнинг 6-бандида :
а) қуйидаги мазмундаги тўққизинчи хатбоши билан тўлдирилсин:
«маҳалла еттилиги» тавсиясига асосан шакллантириладиган рўйхатга киритилган ҳамда электрон онлайн-аукцион савдолари орқали деҳқон хўжалигини юритиш учун ер майдонларини ижарага олган ёшларга мини-техника, уруғ ва кўчат харид қилиш учун бир йиллик кафиллик тақдим этиш»;
б) тўққизинчи — ўттизинчи хатбошилар тегишлича ўнинчи — ўттиз биринчи хатбошилар деб ҳисоблансин.
3. Вазирлар Маҳкамасининг 2021 йил 24 ноябрдаги 709-сон қарори билан тасдиқланган Бўш турган қишлоқ хўжалигига мўлжалланган ер участкаларини қишлоқ хўжалиги мақсадлари учун электрон онлайн-аукцион савдо орқали ижарага бериш тартиби тўғрисидаги низомнинг 28-банди қуйидаги таҳрирда баён этилсин:
«28. Ер участкаларини ижарага бериш бўйича электрон онлайн-аукцион савдолари ғолибларига уларнинг танловига кўра ер участкаси нархини уч йил муддатда, электрон онлайн-аукцион савдолари ғолиби бўлган «Темир дафтар», ва «Аёллар дафтари»да рўйхатда турган фуқароларга ер участкаси нархини беш йил муддатга, «маҳалла еттилиги» тавсиясига асосан шакллантириладиган рўйхатга киритилган ёшларга 10 йил муддатга тенг улушларда фоизсиз бўлиб-бўлиб тўлашга рухсат берилади».
4. Вазирлар Маҳкамасининг «Ёшлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида» 2022 йил 7 июндаги 312-сон қарорида :
а) 1-илованинг 8-банди бешинчи хатбошиси қуйидаги таҳрирда баён этилсин:
«Ёшлар дафтари»га киритилган, деҳқончилик ва томорқа хўжалигини юритиш билан шуғулланаётган ёшларга мини-техника, уруғлик ва кўчатлар харид қилиш учун 5 млн сўм миқдорда субсидия ажратишга»;
б) 2-иловада :
3-бобнинг 4-параграфи номи «уруғлик ва кўчатлар» сўзларидан олдин «мини-техника,» сўзлари билан тўлдирилсин;
23-бандда :
биринчи хатбоши қуйидаги таҳрирда баён этилсин:
«23. «Ёшлар дафтари»га киритилган, деҳқончилик ва томорқа хўжалигини юритиш билан шуғулланаётган, шу жумладан, электрон онлайн-аукцион савдолари орқали ер майдонини олган ёшларга «Ёшлар дафтари» жамғармаси маблағлари ҳисобида мини-техника, уруғлик ва кўчатлар харид қилиш учун 5 млн сўмдан ушбу Низомга 5-иловада келтирилган схемага мувофиқ субсидия ажратилади»;
тўртинчи хатбоши «уруғлик ва кўчатларни» сўзларидан олдин «мини-техника,» сўзлари билан тўлдирилсин;
24-банднинг биринчи ва иккинчи хатбошилари «уруғлик ва кўчатлар» сўзларидан олдин «мини-техника» сўзлари билан тўлдирилсин;
1-илованинг 4-позицияси қуйидаги таҳрирда баён этилсин:
« 4. Деҳқончилик ва томорқа хўжалигини юритиш билан шуғулланаётган ёшларга мини-техника, уруғлик ва кўчатлар харид қилиш учун субсидия ажратиш. 5 млн сўм Ёшлар дафтари жамғармаси Васийлик кенгаши Ҳоким ёрдамчиси » ;
5-иловада :
номи ҳамда изоҳ қисми «уруғлик ва кўчатлар» сўзларидан олдин «мини-техника,» сўзлари билан тўлдирилсин;
«1-босқич» ва «4-босқич» позицияларининг «Тадбирлар» устунидаги «Уруғлик ва кўчатлар» сўзлари «Мини-техника, уруғлик ва кўчатлар» сўзлари билан алмаштирилсин;
«3-босқич» позициясининг «Тадбирлар» устуни «уруғлик ва кўчатлар» сўзларидан олдин «мини-техника сотиб олиш,» сўзлари билан тўлдирилсин.
Ўзбекистон Республикасининг Бош вазири А. АРИПОВ
Тошкент ш.,
2024 йил 3 август,
479-сон
Oʻzbekiston Respublikasi Vazirlar Mahkamasining
qarori
Yoshlarga yer ajratish orqali ularning daromadlarini oshirish va bandligini taʼminlashning qoʻshimcha chora-tadbirlari belgilanganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Soʻnggi yillarda yoshlarni qoʻllab-quvvatlash uchun har tomonlama imkoniyatlar yaratish va ularning ijtimoiy faolligini yanada oshirish, ularni qishloq xoʻjaligi sohasiga jalb etish orqali bandligini taʼminlash va daromadlarini oshirishga qaratilgan tizimli ishlar amalga oshirilmoqda.
Shu bilan birga, bu borada amalga oshirilayotgan ishlarning huquqiy asosini tashkil etuvchi qonunchilik hujjatlarini oʻzaro muvofiqlashtirish maqsadida ularga tegishli oʻzgartirish va qoʻshimchalar kiritish zarurati mavjud.
Oʻzbekiston Respublikasi Prezidentining “Yoshlarga yer ajratish orqali ularning daromadlarini oshirish va bandligini taʼminlash, shuningdek, yangi yer maydonlarini oʻzlashtirish chora-tadbirlari toʻgʻrisida” 2024-yil 5-apreldagi PQ-153-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
“mahalla yettiligi” tavsiyasiga asosan shakllantiriladigan roʻyxatga kiritilgan yoshlarga mini-texnika, urugʻ va koʻchat xarid qilish uchun Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi mablagʻlari hisobidan 33 mln soʻmgacha kreditlar ajratish;
“mahalla yettiligi” tavsiyasiga asosan shakllantiriladigan roʻyxatga kiritilgan hamda yer uchastkalarini ijaraga berish boʻyicha elektron onlayn-auksion savdo gʻolibi boʻlgan yoshlarga yer uchastkasi narxini 10 yil muddatga teng ulushlarda foizsiz boʻlib-boʻlib toʻlashga ruxsat berish;
“Yoshlar daftari”ga kiritilgan hamda dehqonchilik va tomorqa xoʻjaligini yuritish bilan shugʻullanayotgan yoshlarga “Yoshlar daftari” jamgʻarmasi mablagʻlari hisobidan mini-texnika, urugʻ va koʻchat xarid qilish uchun 5 mln soʻmdan subsidiya ajratish.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Vazirlar Mahkamasining 2024-yil 3-avgustdagi 479-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2018-yil 7-iyundagi 433-son qarori bilan tasdiqlangan Oʻzbekiston fermer, dehqon xoʻjaliklari va tomorqa yer egalari kengashi huzuridagi Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi toʻgʻrisidagi nizomning 17-bandida :
a) quyidagi mazmundagi yigirma ikkinchi xatboshi bilan toʻldirilsin:
“mahalla yettiligi” tavsiyasiga asosan shakllantiriladigan roʻyxatga kiritilgan hamda elektron onlayn-auksion savdolari orqali dehqon xoʻjaligini yuritish uchun yer maydonlarini ijaraga olgan yoshlarga tijorat banklari orqali mini-texnika, urugʻ va koʻchat xarid qilish uchun 33 mln soʻmgacha kredit ajratishga”;
b) yigirma ikkinchi — yigirma yettinchi xatboshilar tegishlicha yigirma uchinchi — yigirma sakkizinchi xatboshilar deb hisoblansin.
2. Vazirlar Mahkamasining 2021-yil 29-iyundagi 400-son qarori bilan tasdiqlangan Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 6-bandida :
a) quyidagi mazmundagi toʻqqizinchi xatboshi bilan toʻldirilsin:
“mahalla yettiligi” tavsiyasiga asosan shakllantiriladigan roʻyxatga kiritilgan hamda elektron onlayn-auksion savdolari orqali dehqon xoʻjaligini yuritish uchun yer maydonlarini ijaraga olgan yoshlarga mini-texnika, urugʻ va koʻchat xarid qilish uchun bir yillik kafillik taqdim etish”;
b) toʻqqizinchi — oʻttizinchi xatboshilar tegishlicha oʻninchi — oʻttiz birinchi xatboshilar deb hisoblansin.
3. Vazirlar Mahkamasining 2021-yil 24-noyabrdagi 709-son qarori bilan tasdiqlangan Boʻsh turgan qishloq xoʻjaligiga moʻljallangan yer uchastkalarini qishloq xoʻjaligi maqsadlari uchun elektron onlayn-auksion savdo orqali ijaraga berish tartibi toʻgʻrisidagi nizomning 28-bandi quyidagi tahrirda bayon etilsin:
“28. Yer uchastkalarini ijaraga berish boʻyicha elektron onlayn-auksion savdolari gʻoliblariga ularning tanloviga koʻra yer uchastkasi narxini uch yil muddatda, elektron onlayn-auksion savdolari gʻolibi boʻlgan “Temir daftar”, va “Ayollar daftari”da roʻyxatda turgan fuqarolarga yer uchastkasi narxini besh yil muddatga, “mahalla yettiligi” tavsiyasiga asosan shakllantiriladigan roʻyxatga kiritilgan yoshlarga 10 yil muddatga teng ulushlarda foizsiz boʻlib-boʻlib toʻlashga ruxsat beriladi”.
4. Vazirlar Mahkamasining “Yoshlar muammolarini oʻrganish va hal etish tizimini yanada takomillashtirish chora-tadbirlari toʻgʻrisida” 2022-yil 7-iyundagi 312-son qarorida :
a) 1-ilovaning 8-bandi beshinchi xatboshisi quyidagi tahrirda bayon etilsin:
“Yoshlar daftari”ga kiritilgan, dehqonchilik va tomorqa xoʻjaligini yuritish bilan shugʻullanayotgan yoshlarga mini-texnika, urugʻlik va koʻchatlar xarid qilish uchun 5 mln soʻm miqdorda subsidiya ajratishga”;
b) 2-ilovada :
3-bobning 4-paragrafi nomi “urugʻlik va koʻchatlar” soʻzlaridan oldin “mini-texnika,” soʻzlari bilan toʻldirilsin;
23-bandda :
birinchi xatboshi quyidagi tahrirda bayon etilsin:
“23. “Yoshlar daftari”ga kiritilgan, dehqonchilik va tomorqa xoʻjaligini yuritish bilan shugʻullanayotgan, shu jumladan, elektron onlayn-auksion savdolari orqali yer maydonini olgan yoshlarga “Yoshlar daftari” jamgʻarmasi mablagʻlari hisobida mini-texnika, urugʻlik va koʻchatlar xarid qilish uchun 5 mln soʻmdan ushbu Nizomga 5-ilovada keltirilgan sxemaga muvofiq subsidiya ajratiladi”;
toʻrtinchi xatboshi “urugʻlik va koʻchatlarni” soʻzlaridan oldin “mini-texnika,” soʻzlari bilan toʻldirilsin;
24-bandning birinchi va ikkinchi xatboshilari “urugʻlik va koʻchatlar” soʻzlaridan oldin “mini-texnika” soʻzlari bilan toʻldirilsin;
1-ilovaning 4-pozitsiyasi quyidagi tahrirda bayon etilsin:
“ 4. Dehqonchilik va tomorqa xoʻjaligini yuritish bilan shugʻullanayotgan yoshlarga mini-texnika, urugʻlik va koʻchatlar xarid qilish uchun subsidiya ajratish. 5 mln soʻm Yoshlar daftari jamgʻarmasi Vasiylik kengashi Hokim yordamchisi ” ;
5-ilovada :
nomi hamda izoh qismi “urugʻlik va koʻchatlar” soʻzlaridan oldin “mini-texnika,” soʻzlari bilan toʻldirilsin;
“1-bosqich” va “4-bosqich” pozitsiyalarining “Tadbirlar” ustunidagi “Urugʻlik va koʻchatlar” soʻzlari “Mini-texnika, urugʻlik va koʻchatlar” soʻzlari bilan almashtirilsin;
“3-bosqich” pozitsiyasining “Tadbirlar” ustuni “urugʻlik va koʻchatlar” soʻzlaridan oldin “mini-texnika sotib olish,” soʻzlari bilan toʻldirilsin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 3-avgust,
479-son