📅 2024-yil 6-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 6 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 августа 2024 г. · Постановления Президента
Официальный текст. Официальный документ. Редакционные примечания не включены.
📅 6 August 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ер участкалари
ТАВСИФИ
«Марказий Осиё» халқаро саноат кооперацияси маркази» эркин иқтисодий зонасини ташкил этиш тўғрисида
Ўзбекистон Республикасининг «Махсус иқтисодий зоналар тўғрисида»ги Қонунига мувофиқ, шунингдек, Ўзбекистон Республикаси саноатининг ривожланиш барқарорлигини рағбатлантириш, хўжалик юритувчи субъектларнинг рақобатбардошлиги ва инновацион фаоллигини ошириш, минтақавий ва халқаро қўшилган қиймат занжирларига уланиш ҳамда қулай инвестиция муҳитини яратиш мақсадида:
1. 2023 йил 9 ноябрда Тошкент шаҳрида Ўзбекистон Республикаси Ҳукумати ва Қозоғистон Республикаси Ҳукуматлари ўртасида «Марказий Осиё» халқаро саноат кооперацияси маркази фаолиятини тартибга солиш тўғрисидаги Битим имзоланганлиги маълумот учун қабул қилинсин.
2. Инвестициялар, саноат ва савдо вазирлиги, Иқтисодиёт ва молия вазирлиги, Қишлоқ хўжалиги вазирлиги, Сув хўжалиги вазирлиги ҳамда Сирдарё вилояти ҳокимлигининг:
Сирдарё вилояти Сирдарё туманидаги 1-иловага мувофиқ 50 гектар суғориладиган ер участкасини қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказиш;
ушбу қарорга 1-иловадаги ер участкасида «Марказий Осиё» халқаро саноат кооперацияси маркази» эркин иқтисодий зонасини (кейинги ўринларда — «Марказ») ташкил этиш тўғрисидаги таклифларига розилик берилсин.
3. Марказ ҳудудининг чегаралари тавсифи 2-иловага мувофиқ тасдиқлансин.
4. Марказ фаолиятини бошқариш «Сирдарё» эркин иқтисодий зонаси дирекцияси» унитар корхонасига (кейинги ўринларда — Дирекция) юклатилсин.
5. Белгилансинки:
Марказнинг фаолият кўрсатиш муддати 30 йилни ташкил этади ва ушбу муддат кейинчалик қонунга мувофиқ узайтирилиши мумкин;
Марказ фаолияти давомида унинг иштирокчиларига эркин иқтисодий зоналар иштирокчилари учун белгиланган алоҳида солиқ, божхона имтиёзлари ва бошқа преференциялар татбиқ этилади;
Марказ ҳудудига саноат корхоналарини ишлаб чиқариш жараёнига жалб этиш ва импорт ўрнини босувчи маҳсулотлар ишлаб чиқаришни йўлга қўйиш орқали саноат кооперацияси кенгайтирилади;
«ягона дарча», интерактив механизмларга асосланган божхона, сертификатлаштириш, фитосанитария, ветеринария, транспорт, банк ва валюта айирбошлаш, уяли алоқа, шунингдек, мижозлар учун тиббиёт, меҳмонхона, автотранспорт воситаларига техник хизмат кўрсатиш ҳамда бошқа хизматлар йўлга қўйилади;
Марказ ҳудудида фақат Ўзбекистон Республикаси ва Қозоғистон Республикасида ишлаб чиқарилган маҳсулотлар ишлаб чиқариш сертификати назорати остида реализация қилинади;
юридик шахслар томонидан Марказ ҳудудида ишлаб чиқариш фаолияти Ўзбекистон Республикаси қонунчилик ҳужжатларида белгиланган талабларга мувофиқ амалга оширилади;
Ўзбекистон Республикаси ҳудудида бўлган хорижий давлат фуқаролари ва фуқаролиги бўлмаган шахслар Марказ ҳудудига алоҳида назорат ўтказиш пункти орқали ҳаракатланиш ҳужжатлари асосида ўтади ва уларга фақат кирган назорат ўтказиш пункти орқали ортга қайтишга рухсат этилади;
Марказ ҳудудида шахслар, транспорт воситалари ва юклар эркин ҳаракатланади.
6. Қозоғистон Республикаси ва ушбу давлат орқали ташриф буюрувчи чет эл фуқаролари учун Марказ ҳудудига махсус назорат ўтказиш пункти орқали визасиз тартибда, шахсни тасдиқловчи ҳужжат билан кириш, 15 кун мобайнида ҳудудда бўлиш ва кирган назорат пункти орқали чиқиш имконияти йўлга қўйилсин.
7. Сирдарё вилояти ҳокимлиги:
а) бир ой муддатда Инвестициялар, саноат ва савдо вазирлиги, Қурилиш ва уй-жой коммунал хўжалиги вазирлиги билан биргаликда Марказ бош режаси ишлаб чиқилиши ва тасдиқланишини таъминласин. Бунда:
Сирдарё вилояти ҳокимлиги ҳузуридаги «Ягона буюртмачи хизмати» инжиниринг компанияси бош режани ишлаб чиқишда буюртмачи ташкилот этиб белгилансин;
бош режани ишлаб чиқиш бўйича лойиҳа ташкилоти белгиланган тартибда танлов (тендер) савдоларига асосан аниқлансин;
бош режани ишлаб чиқиш билан боғлиқ харажатлар Сирдарё вилояти маҳаллий бюджетининг орттириб бажарилган қисми, Сирдарё вилояти ҳокимлиги ҳузуридаги Тадбиркорлик инфратузилмасини ривожлантириш жамғармаси маблағлари ва қонунчиликда тақиқланмаган бошқа манбалар ҳисобидан амалга оширилсин;
б) қишлоқ хўжалигига мўлжалланган ер участкалари қисқариб кетишининг олдини олиш мақсадида 2026 йил 1 январга қадар мазкур қарор билан ер фонди тоифаси ўзгартирилаётган ер участкасининг икки баравари миқдорида янги ер участкалари ўзлаштирилишини ҳамда суғориладиган ерлар тоифасига ўтказилишини таъминласин.
8. Белгилансинки, Марказ ҳудудида:
инвестиция лойиҳаларини амалга ошириш учун ер участкалари Ўзбекистон Республикаси Президентининг 2018 йил 21 декабрдаги «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида»ги ПФ-5600-сон Фармонига мувофиқ электрон онлайн-аукцион савдолари орқали, шунингдек, Ўзбекистон Республикаси Президентининг 2021 йил 8 июндаги «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида»ги ПФ-6243-сон Фармонининг 3-бандида белгиланган тартибда босқичма-босқич ажратилади;
инфратузилма объектларини қуриш ишлари электрон онлайн аукциондан тушган маблағлар ҳамда Ўзбекистон Республикаси Президентининг 2020 йил 18 декабрдаги «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-4929-сон қарорига мувофиқ молиялаштирилади;
инфратузилма объектларини қуриш-таъмирлаш ишлари бўйича буюртмачи вазифаси Ўзбекистон Республикаси Президентининг 2021 йил 30 апрелдаги «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-5101-сон қарорида белгиланган ташкилотлар томонидан амалга оширилади.
9. Сирдарё вилояти ҳокимлиги уч ой муддатда:
Иқтисодиёт ва молия вазирлиги, Инвестициялар, саноат ва савдо вазирлиги, «Ўзбектелеком» АК, Автомобиль йўллари қўмитаси, «Ҳудудий электр тармоқлари» АЖ, «Ҳудудгазтаъминот» АЖ, «Ўзсувтаъминот» АЖ билан биргаликда Марказнинг тасдиқланган бош режасига асосан 2024-2025 йилларда муҳандислик-коммуникация ва йўл инфратузилмаси билан таъминлаш лозим бўлган объектлар рўйхатини;
Давлат хавфсизлик хизмати Чегара қўшинлари билан биргаликда Марказ ҳудудини хавфсизлик инфратузилмаси билан таъминлаш бўйича техник шарт ва асосларни тасдиқлаш учун Вазирлар Маҳкамасига киритсин.
10. Автомобиль йўллари қўмитаси, «Ҳудудий электр тармоқлари» АЖ, «Ҳудудгазтаъминот» АЖ, «Ўзбектелеком» АК ва «Ўзсувтаъминот» АЖ Сирдарё вилояти ҳокимлиги билан биргаликда муҳандислик-коммуникация ва йўл инфратузилмаси объектларининг рўйхати тасдиқлангандан сўнг тўрт ой муддатда амалга ошириладиган объектларнинг лойиҳа ҳужжатларини ишлаб чиқсин, ўрнатилган тартибда келишиш ишларини якунласин.
11. Миллий гвардия, Ички ишлар вазирлиги, Давлат хавфсизлик хизмати Чегара қўшинлари, Иқтисодиёт ва молия вазирлиги, Марказий банк, Иқтисодиёт ва молия вазирлиги ҳузуридаги Божхона қўмитаси, Санитария-эпидемиологик осойишталик ва жамоат саломатлиги қўмитаси икки ой муддатда Марказ ҳудудини қўриқлаш, жамоат тартибини сақлаш ҳамда чегара ва божхона расмийлаштирувини амалга ошириш учун талаб этиладиган шахсий таркиб штат бирлигини умумий штат бирликлари ҳамда иш ҳақи фонди доирасида белгилаш ҳамда моддий-техник жиҳатдан таъминлаш бўйича Вазирлар Маҳкамасига таклиф киритсин.
12. Кадастр агентлиги:
Қишлоқ хўжалиги вазирлиги ва Сирдарё вилояти ҳокимлиги билан биргаликда ер участкаларининг мазкур қарорга асосан янги мақсадлар учун ажратилишига, шунингдек, янги ерларнинг суғориладиган ерлар тоифасига киритилишига кўра Ер ресурсларининг ҳолати тўғрисидаги миллий ҳисоботга тегишли ўзгартиришлар киритиб борсин;
ер участкаларидан мақсадли фойдаланилиши устидан қатъий давлат назорати ўрнатилишини таъминласин.
13. Мазкур қарорнинг ижросини самарали ташкил қилишга масъул ва шахсий жавобгар этиб инвестициялар, саноат ва савдо вазири Л.Ш. Қудратов ҳамда Сирдарё вилояти ҳокими А.А. Маҳмудалиев белгилансин.
Қарор ижроси учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президентининг 2024 йил 6 августдаги ПҚ-283-сон қарорига 1-ИЛОВА
«Марказий Осиё» халқаро саноат кооперацияси маркази» эркин иқтисодий зонаси учун ажратиладиган
Ҳудуд манзили ва унинг чегаралари Контур рақами Ер майдони (га) Шундан: Тупроқ балл бонитети Ўзгартиришга таклиф этилаётган ер майдони тоифаси Таклиф этилаётган фойдаланиш мақсади суғориладиган ерлар бошқа ерлар Сирдарё тумани, «Элобод» МФЙ 403, 404, 405 50,0 50,0 - 67,0 Саноат, транспорт, алоқа, мудофаа ва бошқа мақсадларга мўлжалланган ерлар Эркин иқтисодий зона ташкил этиш
Ўзбекистон Республикаси Президентининг 2024 йил 6 августдаги ПҚ-283-сон қарорига 2-ИЛОВА
«Марказий Осиё» халқаро саноат кооперацияси маркази» эркин иқтисодий зонаси учун ажратиладиган ер участкалари чегараларининг
Т/р Ҳудуд ва унинг чегаралари тавсифи Майдони (га) Сирдарё тумани, «Элобод» МФЙ, Синдаробод массиви 1. Ғарб томондан 1-нуқта 40°50'0,588'' N , 68°34'30,918''E 50,0 2-нуқта 40°49'46,55'' N , 68°34'30,525''E 2. Жануб томондан 3-нуқта 40°49'46,55'' N , 68°34'30,525''E 4-нуқта 40°49'32,982'' N , 68°33'49,475''E 3. Шарқ томондан 5-нуқта 40°49'32,982'' N , 68°33'49,475''E 6-нуқта 40°50'6,575'' N , 68°33'49,932''E 4. Шимол томондан 7-нуқта 40°50'6,575'' N , 68°33'49,932''E 8-нуқта 40°50'0,588'' N , 68°34'30,918''E
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 6 август,
ПҚ-283-сон
Oʻzbekiston Respublikasi Prezidentining
Qarori
yer uchastkalari
TAVSIFI
“Markaziy Osiyo” xalqaro sanoat kooperatsiyasi markazi” erkin iqtisodiy zonasini tashkil etish toʻgʻrisida
Oʻzbekiston Respublikasining “Maxsus iqtisodiy zonalar toʻgʻrisida”gi Qonuniga muvofiq, shuningdek, Oʻzbekiston Respublikasi sanoatining rivojlanish barqarorligini ragʻbatlantirish, xoʻjalik yurituvchi subyektlarning raqobatbardoshligi va innovatsion faolligini oshirish, mintaqaviy va xalqaro qoʻshilgan qiymat zanjirlariga ulanish hamda qulay investitsiya muhitini yaratish maqsadida:
1. 2023-yil 9-noyabrda Toshkent shahrida Oʻzbekiston Respublikasi Hukumati va Qozogʻiston Respublikasi Hukumatlari oʻrtasida “Markaziy Osiyo” xalqaro sanoat kooperatsiyasi markazi faoliyatini tartibga solish toʻgʻrisidagi Bitim imzolanganligi maʼlumot uchun qabul qilinsin.
2. Investitsiyalar, sanoat va savdo vazirligi, Iqtisodiyot va moliya vazirligi, Qishloq xoʻjaligi vazirligi, Suv xoʻjaligi vazirligi hamda Sirdaryo viloyati hokimligining:
Sirdaryo viloyati Sirdaryo tumanidagi 1-ilovaga muvofiq 50 gektar sugʻoriladigan yer uchastkasini qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazish;
ushbu qarorga 1-ilovadagi yer uchastkasida “Markaziy Osiyo” xalqaro sanoat kooperatsiyasi markazi” erkin iqtisodiy zonasini (keyingi oʻrinlarda — “Markaz”) tashkil etish toʻgʻrisidagi takliflariga rozilik berilsin.
3. Markaz hududining chegaralari tavsifi 2-ilovaga muvofiq tasdiqlansin.
4. Markaz faoliyatini boshqarish “Sirdaryo” erkin iqtisodiy zonasi direksiyasi” unitar korxonasiga (keyingi oʻrinlarda — Direksiya) yuklatilsin.
5. Belgilansinki:
Markazning faoliyat koʻrsatish muddati 30 yilni tashkil etadi va ushbu muddat keyinchalik qonunga muvofiq uzaytirilishi mumkin;
Markaz faoliyati davomida uning ishtirokchilariga erkin iqtisodiy zonalar ishtirokchilari uchun belgilangan alohida soliq, bojxona imtiyozlari va boshqa preferensiyalar tatbiq etiladi;
Markaz hududiga sanoat korxonalarini ishlab chiqarish jarayoniga jalb etish va import oʻrnini bosuvchi mahsulotlar ishlab chiqarishni yoʻlga qoʻyish orqali sanoat kooperatsiyasi kengaytiriladi;
“yagona darcha”, interaktiv mexanizmlarga asoslangan bojxona, sertifikatlashtirish, fitosanitariya, veterinariya, transport, bank va valyuta ayirboshlash, uyali aloqa, shuningdek, mijozlar uchun tibbiyot, mehmonxona, avtotransport vositalariga texnik xizmat koʻrsatish hamda boshqa xizmatlar yoʻlga qoʻyiladi;
Markaz hududida faqat Oʻzbekiston Respublikasi va Qozogʻiston Respublikasida ishlab chiqarilgan mahsulotlar ishlab chiqarish sertifikati nazorati ostida realizatsiya qilinadi;
yuridik shaxslar tomonidan Markaz hududida ishlab chiqarish faoliyati Oʻzbekiston Respublikasi qonunchilik hujjatlarida belgilangan talablarga muvofiq amalga oshiriladi;
Oʻzbekiston Respublikasi hududida boʻlgan xorijiy davlat fuqarolari va fuqaroligi boʻlmagan shaxslar Markaz hududiga alohida nazorat oʻtkazish punkti orqali harakatlanish hujjatlari asosida oʻtadi va ularga faqat kirgan nazorat oʻtkazish punkti orqali ortga qaytishga ruxsat etiladi;
Markaz hududida shaxslar, transport vositalari va yuklar erkin harakatlanadi.
6. Qozogʻiston Respublikasi va ushbu davlat orqali tashrif buyuruvchi chet el fuqarolari uchun Markaz hududiga maxsus nazorat oʻtkazish punkti orqali vizasiz tartibda, shaxsni tasdiqlovchi hujjat bilan kirish, 15 kun mobaynida hududda boʻlish va kirgan nazorat punkti orqali chiqish imkoniyati yoʻlga qoʻyilsin.
7. Sirdaryo viloyati hokimligi:
a) bir oy muddatda Investitsiyalar, sanoat va savdo vazirligi, Qurilish va uy-joy kommunal xoʻjaligi vazirligi bilan birgalikda Markaz bosh rejasi ishlab chiqilishi va tasdiqlanishini taʼminlasin. Bunda:
Sirdaryo viloyati hokimligi huzuridagi “Yagona buyurtmachi xizmati” injiniring kompaniyasi bosh rejani ishlab chiqishda buyurtmachi tashkilot etib belgilansin;
bosh rejani ishlab chiqish boʻyicha loyiha tashkiloti belgilangan tartibda tanlov (tender) savdolariga asosan aniqlansin;
bosh rejani ishlab chiqish bilan bogʻliq xarajatlar Sirdaryo viloyati mahalliy budjetining orttirib bajarilgan qismi, Sirdaryo viloyati hokimligi huzuridagi Tadbirkorlik infratuzilmasini rivojlantirish jamgʻarmasi mablagʻlari va qonunchilikda taqiqlanmagan boshqa manbalar hisobidan amalga oshirilsin;
b) qishloq xoʻjaligiga moʻljallangan yer uchastkalari qisqarib ketishining oldini olish maqsadida 2026-yil 1-yanvarga qadar mazkur qaror bilan yer fondi toifasi oʻzgartirilayotgan yer uchastkasining ikki baravari miqdorida yangi yer uchastkalari oʻzlashtirilishini hamda sugʻoriladigan yerlar toifasiga oʻtkazilishini taʼminlasin.
8. Belgilansinki, Markaz hududida:
investitsiya loyihalarini amalga oshirish uchun yer uchastkalari Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmoniga muvofiq elektron onlayn-auksion savdolari orqali, shuningdek, Oʻzbekiston Respublikasi Prezidentining 2021-yil 8-iyundagi “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida”gi PF-6243-son Farmonining 3-bandida belgilangan tartibda bosqichma-bosqich ajratiladi;
infratuzilma obyektlarini qurish ishlari elektron onlayn auksiondan tushgan mablagʻlar hamda Oʻzbekiston Respublikasi Prezidentining 2020-yil 18-dekabrdagi “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-4929-son qaroriga muvofiq moliyalashtiriladi;
infratuzilma obyektlarini qurish-taʼmirlash ishlari boʻyicha buyurtmachi vazifasi Oʻzbekiston Respublikasi Prezidentining 2021-yil 30-apreldagi “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-5101-son qarorida belgilangan tashkilotlar tomonidan amalga oshiriladi.
9. Sirdaryo viloyati hokimligi uch oy muddatda:
Iqtisodiyot va moliya vazirligi, Investitsiyalar, sanoat va savdo vazirligi, “Oʻzbektelekom” AK, Avtomobil yoʻllari qoʻmitasi, “Hududiy elektr tarmoqlari” AJ, “Hududgaztaʼminot” AJ, “Oʻzsuvtaʼminot” AJ bilan birgalikda Markazning tasdiqlangan bosh rejasiga asosan 2024-2025-yillarda muhandislik-kommunikatsiya va yoʻl infratuzilmasi bilan taʼminlash lozim boʻlgan obyektlar roʻyxatini;
Davlat xavfsizlik xizmati Chegara qoʻshinlari bilan birgalikda Markaz hududini xavfsizlik infratuzilmasi bilan taʼminlash boʻyicha texnik shart va asoslarni tasdiqlash uchun Vazirlar Mahkamasiga kiritsin.
10. Avtomobil yoʻllari qoʻmitasi, “Hududiy elektr tarmoqlari” AJ, “Hududgaztaʼminot” AJ, “Oʻzbektelekom” AK va “Oʻzsuvtaʼminot” AJ Sirdaryo viloyati hokimligi bilan birgalikda muhandislik-kommunikatsiya va yoʻl infratuzilmasi obyektlarining roʻyxati tasdiqlangandan soʻng toʻrt oy muddatda amalga oshiriladigan obyektlarning loyiha hujjatlarini ishlab chiqsin, oʻrnatilgan tartibda kelishish ishlarini yakunlasin.
11. Milliy gvardiya, Ichki ishlar vazirligi, Davlat xavfsizlik xizmati Chegara qoʻshinlari, Iqtisodiyot va moliya vazirligi, Markaziy bank, Iqtisodiyot va moliya vazirligi huzuridagi Bojxona qoʻmitasi, Sanitariya-epidemiologik osoyishtalik va jamoat salomatligi qoʻmitasi ikki oy muddatda Markaz hududini qoʻriqlash, jamoat tartibini saqlash hamda chegara va bojxona rasmiylashtiruvini amalga oshirish uchun talab etiladigan shaxsiy tarkib shtat birligini umumiy shtat birliklari hamda ish haqi fondi doirasida belgilash hamda moddiy-texnik jihatdan taʼminlash boʻyicha Vazirlar Mahkamasiga taklif kiritsin.
12. Kadastr agentligi:
Qishloq xoʻjaligi vazirligi va Sirdaryo viloyati hokimligi bilan birgalikda yer uchastkalarining mazkur qarorga asosan yangi maqsadlar uchun ajratilishiga, shuningdek, yangi yerlarning sugʻoriladigan yerlar toifasiga kiritilishiga koʻra Yer resurslarining holati toʻgʻrisidagi milliy hisobotga tegishli oʻzgartirishlar kiritib borsin;
yer uchastkalaridan maqsadli foydalanilishi ustidan qatʼiy davlat nazorati oʻrnatilishini taʼminlasin.
13. Mazkur qarorning ijrosini samarali tashkil qilishga masʼul va shaxsiy javobgar etib investitsiyalar, sanoat va savdo vaziri L.Sh. Qudratov hamda Sirdaryo viloyati hokimi A.A. Mahmudaliyev belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2024-yil 6-avgustdagi PQ-283-son qaroriga 1-ILOVA
“Markaziy Osiyo” xalqaro sanoat kooperatsiyasi markazi” erkin iqtisodiy zonasi uchun ajratiladigan
Hudud manzili va uning chegaralari Kontur raqami Yer maydoni (ga) Shundan: Tuproq ball boniteti Oʻzgartirishga taklif etilayotgan yer maydoni toifasi Taklif etilayotgan foydalanish maqsadi sugʻoriladigan yerlar boshqa yerlar Sirdaryo tumani, “Elobod” MFY 403, 404, 405 50,0 50,0 - 67,0 Sanoat, transport, aloqa, mudofaa va boshqa maqsadlarga moʻljallangan yerlar Erkin iqtisodiy zona tashkil etish
Oʻzbekiston Respublikasi Prezidentining 2024-yil 6-avgustdagi PQ-283-son qaroriga 2-ILOVA
“Markaziy Osiyo” xalqaro sanoat kooperatsiyasi markazi” erkin iqtisodiy zonasi uchun ajratiladigan yer uchastkalari chegaralarining
T/r Hudud va uning chegaralari tavsifi Maydoni (ga) Sirdaryo tumani, “Elobod” MFY, Sindarobod massivi 1. Gʻarb tomondan 1-nuqta 40°50'0,588'' N , 68°34'30,918''E 50,0 2-nuqta 40°49'46,55'' N , 68°34'30,525''E 2. Janub tomondan 3-nuqta 40°49'46,55'' N , 68°34'30,525''E 4-nuqta 40°49'32,982'' N , 68°33'49,475''E 3. Sharq tomondan 5-nuqta 40°49'32,982'' N , 68°33'49,475''E 6-nuqta 40°50'6,575'' N , 68°33'49,932''E 4. Shimol tomondan 7-nuqta 40°50'6,575'' N , 68°33'49,932''E 8-nuqta 40°50'0,588'' N , 68°34'30,918''E
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 6-avgust,
PQ-283-son
Президента Республики Узбекистан
Постановление
ЗЕМЕЛЬНЫЕ УЧАСТКИ,
ОПИСАНИЕ
О создании свободной экономической зоны «Международный центр промышленной кооперации «Центральная Азия»
В соответствии с Законом Республики Узбекистан «О специальных экономических зонах» и в целях стимулирования стабильного развития промышленности, повышения конкурентоспособности и инновационной активности хозяйствующих субъектов, присоединения к региональным и международным цепочкам добавленной стоимости, а также создания благоприятной инвестиционной среды в Республике Узбекистан:
1. Принять к сведению, что между Правительством Республики Узбекистан и Правительством Республики Казахстан 9 ноября 2023 года в городе Ташкенте подписано Соглашение о регулировании деятельности Международного центра промышленной кооперации «Центральная Азия».
2. Согласиться с предложением Министерства инвестиций, промышленности и торговли, Министерства экономики и финансов, Министерства сельского хозяйства, Министерства водного хозяйства и хокимията Сырдарьинской области о:
переводе 50 гектаров орошаемых земельных участков в Сырдарьинском районе Сырдарьинской области из категории земель сельскохозяйственного назначения в категорию земель промышленности, транспорта, связи, обороны и иного назначения согласно приложению № 1 ;
создании на земельных участках, предусмотренных приложением № 1 к настоящему постановлению, свободной экономической зоны «Международный центр промышленной кооперации «Центральная Азия» (далее — Центр).
3. Утвердить описание границ территории Центра согласно приложению № 2 .
4. Управление деятельностью Центра возложить на Унитарное предприятие «Дирекция свободной экономической зоны «Сырдарья» (далее — Дирекция).
5. Установить, что:
срок функционирования Центра составляет 30 лет с возможностью его последующего продления в соответствии с законом;
в период деятельности Центра на его участников распространяются отдельные налоговые, таможенные льготы и другие преференции, определенные для участников свободных экономических зон;
на территории Центра расширяется промышленная кооперация путем привлечения промышленных предприятий к процессу производства и внедрения производства импортозамещающей продукции;
внедряются основанные на принципе «одно окно» и интерактивных механизмах таможенные, сертификационные, фитосанитарные, ветеринарные, транспортные, банковские услуги и услуги обмена валюты, мобильной связи, для клиентов — медицинские, гостиничные, техническое обслуживание автотранспортных средств и иные;
на территории Центра реализовывается продукция, произведенная исключительно в Республике Узбекистан и Республике Казахстан, под контролем производственного сертификата;
на территории Центра производственная деятельность юридических лиц осуществляется в соответствии с требованиями, определенными актами законодательства Республики Узбекистан;
граждане зарубежных государств и лица без гражданства, находящиеся на территории Республики Узбекистан, проходят через отдельный контрольно-пропускной пункт на основании проездных документов, их обратное возвращение разрешается исключительно через тот же контрольно-пропускной пункт;
на территории Центра лица, транспортные средства и грузы перемещаются свободно.
6. Внедрить для граждан Казахстана и иностранных граждан, прибывающих через данное государство, порядок въезда на территорию Центра через специальный контрольно-пропускной пункт в безвизовом режиме на основании подтверждающего личность документа, их пребывания на указанной территории в течение 15 дней и выезда через тот же контрольно-пропускной пункт.
7. Хокимияту Сырдарьинской области:
а) в месячный срок совместно с Министерством инвестиций, промышленности и торговли, Министерством строительства и жилищно-коммунального хозяйства обеспечить разработку и утверждение генерального плана Центра. При этом:
определить инжиниринговую компанию «Служба единого заказчика» при хокимияте Сырдарьинской области организацией-заказчиком разработки генерального плана;
проектную организацию по разработке генерального плана определить на основе конкурсных (тендерных) торгов в установленном порядке;
расходы, связанные с разработкой генерального плана, произвести за счет перевыполненной части местного бюджета Сырдарьинской области, средств Фонда развития предпринимательской инфраструктуры при хокимияте Сырдарьинской области и иных источников, не запрещенных законодательством;
б) в целях предупреждения сокращения земельных участков сельскохозяйственного назначения обеспечить до 1 января 2026 года освоение новых земельных участков в двукратном размере земельных участков, категория земельного фонда которых изменяется в соответствии с настоящим постановлением, а также их перевод в категорию орошаемых земель.
8. Определить, что на территории Центра:
выделение земельных участков под реализацию инвестиционных проектов осуществляется поэтапно посредством электронных онлайн-аукционных торгов в соответствии с Указом Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон», а также порядком, установленном пунктом 3 Указа Президента Республики Узбекистан от 8 июня 2021 года № УП-6243 «О мерах по обеспечению равенства и прозрачности в земельных отношениях, надежной защите прав на землю и превращению их в рыночный актив»;
работы по строительству инфраструктурных объектов финансируются за счет средств, поступивших от электронных онлайн-аукционов, а также в соответствии с постановлением Президента Республики Узбекистан от 18 декабря 2020 года № ПП-4929 «О мерах по дальнейшему развитию инженерно-коммуникационной инфраструктуры в регионах»;
задачи заказчика работ по строительству и ремонту инфраструктурных объектов выполняются организациями, определенными постановлением Президента Республики Узбекистан от 30 апреля 2021 года № ПП-5101 «О мерах по дальнейшему развитию инженерно-коммуникационной инфраструктуры специальных экономических и малых промышленных зон».
9. Хокимияту Сырдарьинской области в трехмесячный срок внести на утверждение в Кабинет Министров:
совместно с Министерством экономики и финансов, Министерством инвестиций, промышленности и торговли, АК «Узбектелеком», Комитетом по автомобильным дорогам, АО «Региональные электрические сети», АО «Худудгазтаъминот» и АО «Узсувтаъминот» — перечень объектов, подлежащих обеспечению инженерно-коммуникационной и дорожной инфраструктурой в 2024-2025 годах на основании утвержденного генерального плана Центра;
совместно с Пограничными войсками Службы государственной безопасности — технические условия и основы обеспечения инфраструктурой безопасности территории Центра.
10. Комитету по автомобильным дорогам, АО «Региональные электрические сети», АО «Худудгазтаъминот», АК «Узбектелеком» и АО «Узсувтаъминот» совместно с хокимиятом Сырдарьинской области после утверждения перечня объектов инженерно-коммуникационной и дорожной инфраструктуры в четырехмесячный срок разработать, в установленном порядке завершить работы по согласованию проектной документации осуществляемых объектов.
11. Национальной гвардии, Министерству внутренних дел, Пограничным войскам Службы государственной безопасности, Министерству экономики и финансов, Центральному банку, Таможенному комитету при Министерстве экономики и финансов, а также Комитету санитарно-эпидемиологического благополучия и общественного здоровья в двухмесячный срок внести в Кабинет Министров предложение по определению штатных единиц личного состава, требуемых для охраны, поддержания общественного порядка, осуществления пограничного и таможенного оформления на территории Центра, в рамках общих штатных единиц и фонда оплаты труда, а также их материально-техническому обеспечению.
12. Агентству по кадастру:
совместно с Министерством сельского хозяйства и хокимиятом Сырдарьинской области вносить соответствующие изменения в Национальный отчет о состоянии земельных ресурсов по мере выделения земельных участков для новых целей, а также перевода новых земель в категорию орошаемых земель в соответствии с настоящим постановлением;
обеспечить установление строгого государственного контроля за целевым использованием земельных участков.
13. Возложить на министра инвестиций, промышленности и торговли Л.Ш. Кудратова и хокима Сырдарьинской области А.А. Махмудалиева персональную ответственность за эффективную организацию исполнения настоящего постановления.
Осуществление координации и контроля за деятельностью ведомств, ответственных за исполнение настоящего постановления, возложить на заместителя Премьер-министра Ж.А. Ходжаева.
ПРИЛОЖЕНИЕ № 1 к постановлению Президента Республики Узбекистан от 6 август 2024 года № ПП-283
выделяемые для свободной экономической зоны «Международный центр промышленной кооперации «Центральная Азия»
Адрес и границы территории Номер контура Земельная площадь (га) Из них: Балл бонитета почвы Категория земельной площади, предлагаемая к изменению Предлагаемая цель использования орошаемые земли прочие земли Сырдарьинский район, СГМ « Элобод » 403, 404, 405 50,0 50,0 - 67,0 Земли промышленности, транспорта, связи, обороны и иного назначения Создание с вободной экономической зоны
ПРИЛОЖЕНИЕ № 2 к постановлению Президента Республики Узбекистан от 6 август 2024 года № ПП-283
границ территории земельных участков, выделенных для свободной экономической зоны «Международный центр промышленной кооперации «Центральная Азия»
№ Территория и описание ее границ Площадь (га) Сырдарьинский район, СГМ « Элобод », массив « Синдаробод » 1. С западной стороны Точка № 1 40°50'0,588'' N , 68°34'30,918''E 50,0 Точка № 2 40°49'46,55'' N , 68°34'30,525''E 2. С южной стороны Точка № 3 40°49'46,55'' N , 68°34'30,525''E Точка № 4 40°49'32,982'' N , 68°33'49,475''E 3. С восточной стороны Точка № 5 40°49'32,982'' N , 68°33'49,475''E Точка № 6 40°50'6,575'' N , 68°33'49,932''E 4. С северной стороны Точка № 7 40°50'6,575'' N , 68°33'49,932''E Точка № 8 40°50'0,588'' N , 68°34'30,918''E
Президент Республики Узбекистан Ш. МИРЗИЁЕВ
г. Ташкент,
6 августа 2024 г.,
№ ПП-283