UzbekAI

Ўзбекистон Республикаси Вазирлар Маҳкамасининг

қарори

НИЗОМ

НИЗОМ

РЎЙХАТИ

РЎЙХАТИ

Ўзбекистон Республикаси Олий таълим, фан ва инновациялар вазирлиги фаолиятини тартибга солиш соҳасидаги айрим норматив-ҳуқуқий ҳужжатларни тасдиқлаш тўғрисида

Ўзбекистон Республикаси Президентининг «Миллий қонунчилик базасини комплекс тизимлаштириш чора-тадбирлари тўғрисида» 2021 йил 30 апрелдаги ПФ-6218-сон Фармони ҳамда «Маъмурий ислоҳотлар доирасида олий таълим, фан ва инновациялар соҳасида давлат бошқарувини самарали ташкил қилиш чора-тадбирлари тўғрисида» 2023 йил 3 июлдаги ПҚ-200-сон қарори ижросини таъминлаш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Олий таълим, фан ва инновациялар вазирлиги тўғрисидаги низом 1-иловага мувофиқ;

Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги тўғрисидаги низом 2-иловага мувофиқ;

Ўзбекистон Республикаси Олий таълим, фан ва инновациялар вазирлиги тизимидаги давлат олий таълим ташкилотларининг рўйхати 3-иловага мувофиқ тасдиқлансин.

2. Ўзбекистон Республикаси Ҳукуматининг айрим қарорлари 4-иловага мувофиқ ўз кучини йўқотган деб ҳисоблансин.

3. Олий таълим, фан ва инновациялар вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни уч ой муддатда ушбу қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси олий таълим, фан ва инновациялар вазири К.А. Шарипов зиммасига юклансин.

Вазирлар Маҳкамасининг 2024 йил 8 августдаги 489-сон қарорига 1-ИЛОВА

Ўзбекистон Республикаси Олий таълим, фан ва инновациялар вазирлиги тўғрисида

1-боб. Умумий қоидалар

1. Мазкур Низом Ўзбекистон Республикаси Олий таълим, фан ва инновациялар вазирлигининг (кейинги ўринларда — Вазирлик) мақоми, асосий вазифалари, функциялари, ҳуқуқлари, жавобгарлиги, фаолиятини ташкил этиш ва унинг ҳисобдорлиги, шунингдек, унинг раҳбарлари функционал мажбуриятлари ва жавобгарлигини белгилайди.

2. Вазирлик олий, ўрта махсус ва профессионал таълим, фан ва инновациялар соҳасида ҳамда таълим ташкилотларига ўқишга қабул қилишда тест, суҳбат ва ижодий синов орқали танлаб олишга оид ягона давлат сиёсатини ишлаб чиқувчи ва амалга оширувчи ваколатли республика ижро этувчи ҳокимият органи ҳисобланади.

Вазирлик Ўзбекистон Республикаси Вазирлар Маҳкамасига (кейинги ўринларда — Вазирлар Маҳкамаси), фаолиятининг айрим масалалари бўйича эса бевосита Ўзбекистон Республикаси Президентига бўйсунади.

3. Вазирлик ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низомга ва бошқа қонунчилик ҳужжатларига амал қилади.

4. Вазирлик ўз фаолиятини республика ва маҳаллий ижро этувчи ҳокимият органлари, хўжалик бирлашмалари ва бошқа ташкилотлар билан ҳамкорликда амалга оширади.

5. Вазирликнинг ўз ваколатлари доирасида қабул қилган қарорлари республика ва маҳаллий ижро этувчи ҳокимият органлари, хўжалик бирлашмалари, бошқа ташкилотлар ва уларнинг мансабдор шахслари, шунингдек юридик ва жисмоний шахслар томонидан бажарилиши мажбурий ҳисобланади.

6. Вазирлик, унинг ҳудудий бошқармалари ва тизимидаги ташкилотлар ҳамда таълим ташкилотлари юридик шахслар ҳисобланади, Ўзбекистон Республикасининг Давлат герби тасвири туширилган, ўз номи давлат тилида ёзилган муҳрга ва бланкаларга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасининг тегишли бўлинмаларида шахсий ғазна ҳисобварақларига, шу жумладан, чет эл валютасидаги шахсий ғазна ҳисобварақларига эга бўлади.

7. Вазирликнинг расмий номи:

а) давлат тилида: Ўзбекистон Республикаси Олий таълим, фан ва инновациялар вазирлиги — ОТФИВ;

б) рус тилида: Министерство высшего образования, науки и инноваций Республики Узбекистан — МВОНИ;

в) инглиз тилида: Ministry of higher education, science and innovations of the Republic of Uzbekistan — MНESI.

8. Вазирликнинг жойлашган ери (почта манзили): 100174, Тошкент шаҳри, Олмазор тумани, Университет кўчаси, 7-уй.

2-боб. Вазирликнинг тузилмаси

9. Вазирликнинг тузилмасига қуйидагилар киради:

Вазирликнинг марказий аппарати;

Инновацион ривожланиш агентлиги;

Билим ва малакаларни баҳолаш агентлиги;

Касбий таълим агентлиги;

Ёшларнинг инновацион ташаббусларини қўллаб-қувватлаш офиси;

Илм-фанни молиялаштириш ва инновацияларни қўллаб-қувватлаш жамғармаси;

Олий таълимни ривожлантириш ва глобал ҳамкорлик маркази;

Афғонистон фуқароларини ўқитиш таълим маркази;

Олий таълим тизими кадрларини қайта тайёрлаш ва малакасини ошириш институти;

Талаба ва ўқувчиларнинг ижтимоий фаоллигини ошириш маркази;

Олий таълим муассасаларини ривожлантириш жамғармаси;

Рақамли таълим ва сунъий интеллектни ривожлантириш маркази;

давлат олий таълим муассасалари.

Тизим ташкилотлари ва тизимдаги олий таълим ташкилотлари бевосита Вазирликка бўйсунади.

3-боб. Вазирлик ва унинг тизимидаги ташкилотларнинг вазифалари ва функциялари

1-§. Вазирликнинг вазифалари ва функциялари

10. Қуйидагилар Вазирликнинг асосий вазифалари ҳисобланади:

олий, ўрта махсус ва профессионал таълим соҳасида замонавий билим ва юксак маънавий-ахлоқий фазилатларга эга, мустақил фикрлайдиган юқори малакали ва рақобатбардош кадрлар тайёрлашга қаратилган ягона давлат сиёсатини амалга ошириш;

замонавий ахборот-коммуникация технологиялари ва хорижий тилларни чуқур ўзлаштирган малакали кадрлар тайёрлашнинг юқори даражадаги сифатини таъминлаш;

идоравий мансублигидан қатъи назар, барча олий, ўрта махсус ва профессионал таълим ташкилотлари фаолиятини мувофиқлаштириш, ўқув-педагогик ва илмий-услубий раҳбарликни амалга ошириш, мутахассислар тайёрлаш сифати, таълим мазмуни ва даражасини давлат таълим стандартлари ва малака талабларига мослигини таъминлаш;

таълимнинг янги педагогик технологиялари ва ўқитиш услублари ҳамда халқаро илғор амалиётга асосланган таълим жараёнини ташкил этиш, таълим дастурларини (ўқув режалари ва фан дастурларини) такомиллаштириш, ўқитишнинг замонавий шакллари ва ахборот-коммуникация технология воситаларини жорий этган ҳолда таълим сифатини таъминлаш;

олий, ўрта махсус ва профессионал таълимнинг маънавий-маърифий ишлар мазмунини такомиллаштириш, ёшларда ватанга садоқат, меҳр-оқибат, юксак масъулият, бағрикенглик, ҳуқуқий маданият, инновацион фикрлаш каби фазилатларни шакллантириш, ахборот-коммуникация технологияларидан оқилона фойдаланиш маданиятини ошириш ва ахборот хуружларига қарши мафкуравий иммунитетни мустаҳкамлаш ҳамда уларда ватан тараққиётига дахлдорлик ҳиссини уйғотиш;

олий таълим ташкилотларида илмий-тадқиқот ишларини самарали ташкил этиш, тадқиқот натижаларини амалиётга кенг жорий этиш, илмий фаолиятни мамлакат ижтимоий-иқтисодий ривожлантириш истиқболларини ҳисобга олган ҳолда ташкил этиш, илмий ишланмаларни тижоратлаштириш, олий таълим, фан ва ишлаб чиқаришнинг ўзаро мустаҳкам интеграциясини таъминлаш, илмий-тадқиқот ишларига иқтидорли ёшларни кенг жалб этиш ҳамда уларни ҳар томонлама қўллаб-қувватлаш;

таълим ташкилотларининг зиммасига юкланган вазифаларни юқори профессионал даражада бажаришга қодир раҳбар ва педагог кадрлар билан таъминлаш, уларни тизимли рағбатлантириш ҳамда узлуксиз касбий ривожланиши бўйича чораларни кўриш;

Вазирлик, унинг тизимидаги ташкилотлар ва ҳудудий бошқармалар, олий, ўрта махсус ва профессионал таълим ташкилотларининг раҳбар ва педагог кадрларини қайта тайёрлаш ва малакасини оширишнинг узлуксиз тизимини ташкил этиш ва такомиллаштириш, уларнинг касбий маҳорати сифати ва даражасини мунтазам ошириб бориш учун шароитлар яратиш;

олий, ўрта махсус ва профессионал таълим тизимини ҳамда илм-фан ва инновациялар соҳасини рақамлаштириш, замонавий ахборот-коммуникация технологияларини қўллаш орқали уларнинг ўқув, илмий, маъмурий ва молиявий жараёнларини автоматлаштириш;

узоқ муддатли сценарийлар асосида устувор соҳа ва тармоқларга илм-фан ютуқларини татбиқ этиш ва мамлакатнинг инновацион ривожлантиришнинг стратегиясини ишлаб чиқиш;

иқтисодиёт тармоқлари ва ижтимоий соҳадаги мавжуд муаммоларнинг илмий ечимини таъминлашга қаратилган илмий-тадқиқот ишларига давлат буюртмаси сиёсатини юритиш;

республикада илмий ва инновацион фаолиятни мувофиқлаштириш;

янги ишланмаларни тижоратлаштириш ва ишлаб чиқаришга жорий этиш, стартап лойиҳаларни амалга оширишни мувофиқлаштириш;

илмий даражали кадрлар тайёрлашда яхлит давлат сиёсатини юритиш;

илмий ва инновацион лойиҳаларни амалга оширишда инвестицияларни жалб этиш;

олий, ўрта махсус ва профессионал таълим, илм-фан ва инновациялар соҳасида халқаро алоқаларни кенгайтириш ҳамда мустаҳкамлаш бўйича чора-тадбирларни амалга ошириш, соҳада эришилган ютуқларни халқаро миқёсда кенг ёритиш;

таълим тизимида ўқув-тарбия жараёнлари, профессор-ўқитувчилар таркиби, кадрлар тайёрлаш ва уларнинг малакасини ошириш сифатини назорат қилиш, педагог кадрларга малака тоифаларини бериш бўйича давлат сиёсатини амалга ошириш;

билим ва малакаларни баҳолаш бўйича умумий сиёсатни белгилаш;

Вазирлик тизимидаги олий, ўрта махсус ташкилотлари ҳамда бошқа ташкилотларни молиялаштириш, моддий-техник базасини ривожлантириш, шунингдек, уларнинг молиявий фаолияти устидан назоратни амалга ошириш;

олий малакали илмий ва илмий-педагог кадрларни аттестациядан ўтказиш соҳасида ягона давлат сиёсатини амалга ошириш, ушбу фаолиятни ташкил этиш, назорат қилиш ва мувофиқлаштириш;

аҳоли орасида хорижий тилларни ўрганишни оммалаштириш ва уларни мукаммал ўзлаштириш учун зарур шароитлар яратиш, хорижий тилларни ўқитишнинг халқаро тан олинган дастур ва дарсликлари таълимнинг барча босқичларида жорий этилишини мувофиқлаштириш ҳамда профессор-ўқитувчиларда замонавий ўқитиш кўникмаларини ривожлантириш;

нодавлат таълим ташкилотларига лицензиялар бериш фаолиятини хабардор қилиш тартибида амалга оширадиган шахслардан хабарномалар қабул қилиш ва уларнинг реестрини юритиш.

11. Вазирлик ўзига юклатилган вазифаларни бажариш учун қуйидаги функцияларни амалга оширади:

1) олий, ўрта махсус ва профессионал таълим соҳасида замонавий билим, юксак маънавий-ахлоқий фазилатларга эга, мустақил фикрлайдиган юқори малакали ва рақобатбардош кадрлар тайёрлашга қаратилган ягона давлат сиёсатини амалга ошириш соҳасида:

олий, ўрта махсус ва профессионал таълим ташкилотлари ва Вазирлик тизимидаги ташкилотларда Ўзбекистон Республикасининг «Таълим тўғрисида»ги Қонуни ҳамда бошқа қонунчилик ҳужжатларининг бажарилишини таъминлайди;

ўрта махсус таълим йўналишлари, профессионал таълимнинг касблар ва мутахассисликлар, олий таълимнинг бакалавриат таълим йўналишлари, магистратура мутахассисликлари, шунингдек, билим соҳалари ва таълим соҳалари рўйхатини белгилайди;

олий, ўрта махсус ва профессионал таълим ташкилотларида таълим жараёнини бошқариш, ташкил этиш, услубий таъминлаш, меъёрлаштириш, таълим сифатини ошириш, рақобатбардош кадрлар тайёрлаш, педагог кадрларнинг самарали фаолияти ва ўқув жараёнини ташкил этиш ҳамда рағбатлантиришга йўналтирилган норматив-ҳуқуқий ҳужжатларни ишлаб чиқади, уларни кўриб чиқиш учун белгиланган тартибда Вазирлар Маҳкамасига киритади, ваколат доирасида тасдиқлайди ва ўқув жараёнига жорий этилишини таъминлайди;

олий, ўрта махсус ва профессионал таълим ташкилотлари ва тизим ташкилотлари фаолиятини ташкил этади;

олий, ўрта махсус ва профессионал таълим тизимининг ижобий имижини шакллантиришга қаратилган ахборот ва PR-сиёсати йўналишларини белгилайди ҳамда амалга оширади;

марказий аппаратнинг бўлинмалари, Вазирлик ҳузуридаги ташкилотлар, барча ўрта махсус, профессионал ва олий таълим ташкилотлари, Вазирликнинг ҳудудий бошқармаларида коррупция ҳолатларини барвақт аниқлаш ва олдини олиш, уларнинг сабаб ва шарт-шароитларини бартараф этиш, манфаатлар тўқнашувига йўл қўймаслик ҳамда коррупцияга нисбатан муросасиз муносабатни шакллантириш чораларини кўради;

идоравий мансублигидан қатъи назар, давлат ва давлат иштирокидаги олий, ўрта махсус ва профессионал таълим ташкилотлар фаолиятида соҳага оид қонунчиликка риоя этилиши мониторингини олиб боради, қонун ҳужжатлари ва таъсис ҳужжатларида аниқланган бузилишларни бартараф этиш тўғрисида бажарилиши мажбурий бўлган тақдимномалар киритади;

2) замонавий ахборот-коммуникация технологиялари ва хорижий тилларни чуқур ўзлаштирган малакали кадрларни тайёрлашнинг юқори даражаси ва сифатини таъминлаш соҳасида:

олий, ўрта махсус ва профессионал таълим ташкилотларида ўқитиладиган таълим йўналишлари, мутахассисликлар ва касблар рўйхатини тасдиқлайди;

қонунчиликка мувофиқ бакалавриат таълим йўналишлари ва магистратура мутахассисликлари бўйича ўқиш давомийлиги муддатларини белгилашда олий таълим ташкилотларига услубий кўмак беради;

таълим олувчиларнинг академик мобиллигини ташкил этиш жараёнларини мувофиқлаштиради;

ўрта махсус ва профессионал таълим ташкилотларига ўқишга қабул қилишнинг давлат буюртмаси параметрларини тизимида ушбу таълим ташкилотлари бўлган вазирлик ва идораларнинг таклифи асосида Ўзбекистон Республикаси Иқтисодиёт ва молия вазирлиги билан келишилган ҳолда тасдиқлайди;

3) идоравий мансублигидан қатъи назар, барча олий, ўрта махсус ва профессионал таълим ташкилотлари фаолиятини мувофиқлаштириш, ўқув-педагогик ва илмий-услубий раҳбарликни амалга ошириш, мутахассислар тайёрлаш сифати, таълим мазмуни ва даражасини давлат таълим стандартлари ва малака талабларига мослигини таъминлаш соҳасида:

тармоқ давлат дастурларини ишлаб чиқади, тасдиқлайди ва амалга оширилишини таъминлайди;

таълим ташкилотлари фаолиятини мувофиқлаштиради ва уларга услубий раҳбарлик қилади;

олий, ўрта махсус ва профессионал таълим ташкилотининг намунавий уставини ишлаб чиқилишини таъминлайди, Вазирлик тизимидаги таълим ташкилотлари ва бошқа ташкилотларнинг устав (низом)ларини тасдиқлайди;

мамлакатни ижтимоий-иқтисодий ривожлантиришнинг устувор йўналишларига мувофиқ давлат олий таълим ташкилотларида истиқболли таълим йўналишлари ва мутахассисликларини белгилаш юзасидан таклифлар тайёрлайди;

таълим ташкилотларида таълим жараёнини бошқариш, услубий таъминлаш, меъёрлаш, таълим сифатини ошириш, меҳнат бозорида рақобатбардош кадрлар тайёрлаш, педагог кадрларнинг самарали фаолияти ва ўқув жараёнини ташкил этиш ҳамда рағбатлантиришга оид ишларни мувофиқлаштиради;

таълим олувчиларнинг билим, малака ва кўникмаларини баҳолаш тартибини белгилайди;

идоравий мансублигидан қатъи назар, барча олий, ўрта махсус ва профессионал таълим ташкилотларига вазирликнинг статистик, архив ва бошқа маълумотлардан (ахборотдан фойдаланиш қонун билан чекланган ҳолатлар бундан мустасно) фойдаланиш имкониятини яратади;

олий, ўрта махсус ва профессионал таълимда очиқлик ва шаффофликни таъминлаш мақсадида тизимдаги таълим ташкилотлари ҳамда ташкилотлари фаолиятининг мониторингини олиб боради;

4) таълимнинг янги педагогик технологиялари ва ўқитиш услубларини жорий этишнинг халқаро амалиётга мувофиқ таълим жараёнини ташкил этиш, таълим дастурларини (ўқув режалари ва фан дастурларини) такомиллаштириш, ўқитишнинг замонавий шакллари ва ахборот-коммуникация технология воситаларини жорий этган ҳолда таълим сифатини таъминлаш соҳасида:

олий, ўрта махсус ва профессионал таълим сифатини ошириш чора-тадбирларини ишлаб чиқади ва амалга оширади;

ўқув жараёнига ўқитишнинг замонавий шакллари, техник воситалари, илғор педагогик ва ахборот-коммуникация технологияларини жорий этилишини таъминлайди;

олий таълим йўналишлари ва мутахассисликларининг малака талабларини, ўрта махсус ва профессионал таълимнинг ҳамда профессор-ўқитувчиларнинг малакасини ошириш ва қайта тайёрлаш тизими учун малака талаблари, ўқув режа ва ўқув дастурларни ишлаб чиқилишини таъминлайди, уларни тасдиқлайди, шунингдек, таълим ташкилотлари фаолиятини тартибга солувчи меъёрий ҳужжатларни ишлаб чиқади ва тасдиқлайди;

давлат таълим стандартлари, давлат таълим талаблари ва таълим дастурларида кадрларнинг малака даражасига ва касбий тайёргарлиги сифатига қўйилган талабларнинг таълим ташкилотлари томонидан бажарилиши устидан назоратни амалга оширади;

давлат таълим стандартлари ва давлат таълим талаблари ишлаб чиқилишини таъминлайди ва уларни тасдиқлайди;

ўқув жараёнини замонавий ўқув ва ўқув-услубий адабиётлар билан таъминлаш ҳамда электрон кутубхоналарни ташкил этиш ишларини мувофиқлаштиради;

ўқув адабиётларини тайёрлаш ва нашр қилишни ташкил этади;

олий, ўрта махсус ва профессионал таълим ташкилотлари учун дарсликлар ва ўқув қўлланмаларини тайёрлаш ҳамда нашр этиш тартибини, шунингдек, уларни етказиб беришга ва фойдаланишга қўйиладиган талабларни белгилайди;

меҳнат бозори ва иш берувчиларнинг эҳтиёжлари асосида профессионал таълим ташкилотларида ишчи касблар ва малакалар бўйича қисқа муддатли курсларни ташкил этади;

манфаатдор органлар ва ташкилотлар билан биргаликда олий, ўрта махсус ва профессионал таълим ташкилотлари битирувчилари бандлигини таҳлил қилади ҳамда унинг натижалари асосида таълим ташкилотларида кадрлар тайёрлашни такомиллаштириш бўйича таклифларни ишлаб чиқади;

5) олий, ўрта махсус ва профессионал таълимнинг маънавий-маърифий ишлар мазмунини такомиллаштириш, ёшларда ватанга садоқат, меҳр-оқибат, юксак масъулият, бағрикенглик, ҳуқуқий маданият, инновацион фикрлаш каби фазилатларни шакллантириш, ахборот-коммуникация технологияларидан оқилона фойдаланиш маданиятини ошириш ва ахборот хуружларига қарши мафкуравий иммунитетни мустаҳкамлаш ҳамда уларда ватан тараққиётига дахлдорлик ҳиссини уйғотиш соҳасида:

олий, ўрта махсус ва профессионал таълим ташкилотларида миллий ва умуминсоний қадриятларга асосланган ҳолда ўсиб келаётган ёш авлодни юксак маънавий-ахлоқий фазилатлар руҳида тарбиялаш ва унинг ижтимоий фаоллигини баҳолаш ишларини ташкил этади;

олий, ўрта махсус ва профессионал таълим ташкилотларида, ўқувчилар ва талабалар турар жойларида маънавий-маърифий ишларни такомиллаштириш юзасидан тадбирларни мувофиқлаштиради;

олий, ўрта махсус ва профессионал таълим ташкилотларида соғлом маънавий муҳитни (жамоа аъзолари ўртасида ўзаро ҳурмат, кийиниш маданияти, муомала маданияти ва бошқалар) шакллантириш ва қўллаб-қувватлаш, ёшларнинг ўқишдан бўш вақтларини мазмунли ташкил этиш ишларини мувофиқлаштиради;

таълим олувчилар учун белгиланган тартибда спорт мусобақаларини ўтказади, уларнинг ғолибларини рағбатлантиради, халқаро танловлар ва мусобақаларга юборади;

6) олий таълим ташкилотларида илмий-тадқиқот ишларини самарали ташкил этиш, тадқиқот натижаларини амалиётга кенг жорий этиш, илмий фаолиятини мамлакат ижтимоий-иқтисодий ривожлантириш истиқболларини ҳисобга олган ҳолда ташкил этиш, илмий ишланмаларни тижоратлаштириш, олий таълим, фан ва ишлаб чиқаришнинг ўзаро мустаҳкам интеграциясини таъминлаш, илмий-тадқиқот ишларига иқтидорли ёшларни кенг жалб этиш ҳамда уларни ҳар томонлама қўллаб-қувватлаш соҳасида:

давлат илмий дастурлари доирасида амалга ошириладиган илмий лойиҳаларни бажаришда олий таълим тизимининг илмий-техник салоҳиятидан самарали фойдаланилишини таъминлайди;

тизимдаги таълим ташкилотлари ва ташкилотларда давлат илмий дастурлари доирасида амалга ошириладиган фундаментал, амалий ва инновацион лойиҳалар бўйича таклифлар ишлаб чиқилишини ташкил қилади ва уларнинг ижросини мувофиқлаштиради;

талабалар, докторантлар ўртасида Ўзбекистон Республикаси Президенти ва номли давлат стипендиялари учун квоталар ажратиш бўйича таклифларни шакллантиради ва танловларнинг ўтказилишини таъминлайди;

олий таълимдан кейинги таълимда, шу жумладан, мақсадли докторантура орқали белгиланган тартибда илмий ва илмий-педагог кадрларни тайёрланишини ташкил этади;

тизимдаги ташкилотларда илмий изланишлар олиб бораётган тадқиқотчиларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш бўйича чоралар кўради;

таълим, фан ва ишлаб чиқариш интеграциясини таъминлаш ишларини мувофиқлаштиради;

давлат олий таълим ташкилотлари илмий фаолиятини ривожлантириш мақсадли кўрсаткичлари ижросини мувофиқлаштиради;

олий таълимнинг долзарб масалалари бўйича белгиланган тартибда республика ва халқаро кенгашлар, конференциялар, симпозиумлар ўтказади;

7) таълим ташкилотларининг зиммасига юкланган вазифаларни юқори профессионал даражада бажаришга қодир раҳбар ва педагог кадрлар билан таъминлаш, уларни тизимли рағбатлантириш ҳамда узлуксиз касбий ривожланиши бўйича чораларини кўриш соҳасида:

давлат олий таълим ташкилотларининг ректорларини тайинлаш тўғрисида Вазирлар Маҳкамасига таклифлар киритади (молиявий мустақиллик берилган давлат олий таълим ташкилотлари бундан мустасно);

олий, ўрта махсус ва профессионал таълим ташкилотларининг раҳбарлари, педагоглари ва ишлаб чиқариш таълими усталарига қўйиладиган малака талабларини ва (ёки) касбий стандартларни ишлаб чиқади ҳамда тасдиқлайди;

олий, ўрта махсус ва профессионал таълим ташкилотларининг педагог кадрларини танлов асосида ишга қабул қилиш тартиби тўғрисидаги намунавий низомни ишлаб чиқади ва белгиланган тартибда тасдиқлаш учун Вазирлар Маҳкамасига тақдим этади ҳамда уларнинг амалга оширилишини назорат қилади;

8) Вазирлик, унинг тизимидаги ташкилотлар ва ҳудудий бошқармалар, олий, ўрта махсус ва профессионал таълим ташкилотларининг раҳбар ва педагог кадрларини қайта тайёрлаш ва малакасини оширишнинг узлуксиз тизимини ташкил этиш ва такомиллаштириш, уларнинг касбий маҳорати сифати ва даражасини мунтазам ошириб бориши учун шароитлар яратиш соҳасида:

раҳбар ва педагог кадрлар малакасини ошириш ва уларни қайта тайёрлашни ташкил этишнинг самарали шаклларини, шу жумладан, масофадан туриб ўқитиш шаклини ишлаб чиқади ҳамда амалга оширади;

олий, ўрта махсус ва профессионал таълим ташкилотларида кадрларнинг касбий тайёргарлиги сифатини оширишга қаратилган чора-тадбирларни ишлаб чиқади, ўқув-меъёрий ҳужжатларни такомиллаштиради;

олий, ўрта махсус ва профессионал таълим ташкилотларининг раҳбар ва педагог кадрларини қайта тайёрлаш ва уларнинг малакасини ошириш жараёнларини назорат қилади;

9) олий, ўрта махсус ва профессионал таълим тизимини ҳамда илм-фан ва инновациялар соҳасини рақамлаштириш, замонавий ахборот-коммуникация технологияларини қўллаш орқали уларнинг ўқув, илмий, маъмурий ва молиявий жараёнларини автоматлаштириш соҳасида:

олий, ўрта махсус ва профессионал таълим тизими, инновацион ривожланиш соҳасида рақамли технологиялар ва замонавий ахборот-коммуникация технологияларини жорий этишнинг устувор йўналишларини белгилайди;

олий, ўрта махсус ва профессионал таълим тизимига оид маълумотларни бошқаришнинг ягона тизимини шакллантириш орқали маълумотларни (ахборотларни) тўплаш ва рақамлаштириш учун керак бўлган барча ресурслар яратилишини ташкил этади;

олий, ўрта махсус ва профессионал таълимга оид ҳужжатларни рақамлаштириш орқали давлат хизматларини кўрсатишни йўлга қўяди ва тизимга оид очиқ маълумотларни шакллантириб боради;

таълим ташкилотларида ҳисоботларни тайёрлашнинг қоғоз шаклидан воз кечиш ҳамда таълим ташкилоти фаолиятини автоматлаштириш бўйича олий, ўрта махсус ва профессионал таълим жараёнларини бошқариш ахборот тизимларини ишлаб чиқиш ва жорий этиш бўйича комплекс чора-тадбирларни амалга оширади;

электрон давлат хизматларини кўрсатишни янада такомиллаштириш орқали олий, ўрта махсус ва профессионал таълим ташкилотлари фаолиятидаги функционал жараёнлар ва тартиб-таомилларни мақбуллаштириш чораларини кўради;

ахборот тизимлари ва ресурсларини кенг жорий этишни назарда тутувчи идоравий рақамли трансформация дастурларини ишлаб чиқади ва уларни амалга оширади;

олий таълим соҳасида электрон давлат хизматларини мобил қурилмалар ва электрон ҳамкорликнинг бошқа шакллари орқали кўрсатишни янада кенгайтириш учун зарур шарт-шароитлар яратиш чораларини кўради;

илм-фан ва инновациялар соҳасида рақамли технологияларни ривожлантириш бўйича илмий ва стартап лойиҳалар натижаларини ҳудуд иқтисодиётига самарали жорий этилиши юзасидан таклифлар ишлаб чиқади;

илм-фан ва инновациялар соҳасида рақамли технологияларни ривожлантириш бўйича илмий ва стартап лойиҳалар натижаларини соҳаларга самарали жорий этилишини мувофиқлаштиради;

илм-фан ва инновация соҳасида рақамли технологияларни ривожлантириш бўйича илғор хорижий тажрибаларни ўрганиш ва жорий этиш юзасидан мослашувчан дастурлар ишлаб чиқади;

10) узоқ муддатли сценарийлар асосида устувор соҳа ва тармоқларга илм-фан ютуқларини татбиқ этиш ва мамлакатнинг инновацион ривожлантиришнинг стратегиясини ишлаб чиқиш соҳасида:

халқаро молия институтлари экспертлари, маҳаллий илмий ташкилотлар ходимлари, тадбиркорлик субъектлари вакиллари, мутасадди вазирлик ва идораларнинг салоҳиятли мутахассисларини жалб қилган ҳолда инновацион ривожланишнинг ўрта ва узоқ муддатли стратегиясини ишлаб чиқади;

инновацион ривожланиш стратегияси учун самарадорликни баҳоловчи мақсадли кўрсаткичлар (индикаторлар)га эришиш вазифалари бўйича таклифларни умумлаштиради;

мамлакатни инновацион ривожлантириш, глобал индекслар ва халқаро рейтинглар, давлат ва жамият қурилишига илмий ишланмаларни жорий этишга оид норматив-ҳуқуқий ҳужжатлар лойиҳаларини ҳамда тематик лойиҳалар мавзулари бўйича таклифларни кўриб чиқиб, асосланган хулосалар тайёрланишини назорат қилади;

11) иқтисодиёт тармоқлари ва ижтимоий соҳадаги мавжуд муаммоларнинг илмий ечимини таъминлашга қаратилган илмий-тадқиқот ишларига давлат буюртмаси сиёсатини юритиш соҳасида:

иқтисодиёт тармоқлари ва ижтимоий соҳанинг мавжуд муаммоларининг илмий ечимини таъминлашга қаратилган илмий-тадқиқот ишларига давлат буюртмасини шакллантиради, илмий лойиҳалар танловларини ташкил этади, унинг талаблари, шартлари ва амалий механизмларини жорий қилади (тасдиқлайди);

Инновацион ривожланиш агентлиги томонидан тақдим қилинган тематик мавзулар рўйхатини кўриб чиқади ва тасдиқлайди;

фан йўналишлари бўйича тегишли илмий-техник кенгашлар фаолиятини ташкил қилади;

давлат илмий дастурларига киритиладиган лойиҳаларнинг якуний рўйхатини тасдиқлайди;

халқаро ҳамкорликдаги қўшма илмий лойиҳалар юзасидан қўшма қўмиталар фаолиятини ташкил қилади;

хорижий мамлакатлар билан халқаро қўшма илмий лойиҳалар бўйича ўтказиладиган танловларнинг йўналишлари, муддатлари, молиялаштириладиган лойиҳалар сони ва ҳажмини келишилган ҳолда ташкил қилади;

халқаро қўшма лойиҳаларни халқаро экспертизасини ташкил қилади;

илмий-инновацион соҳадаги ҳамкорлик бўйича ҳукуматлараро қўшма қўмиталар қарорлари асосида молиялаштириладиган халқаро қўшма илмий лойиҳаларнинг якуний рўйхатини шакллантиради;

хорижий ҳамкорлар билан биргаликда халқаро қўшма лойиҳаларнинг мониторингини ташкил қилади;

12) республикада илмий ва инновацион фаолиятини мувофиқлаштириш соҳасида:

олий таълим ташкилотлари ва илмий ташкилотларнинг илмий ишлар ва инновациялар бўйича проректорлари ҳамда директор ўринбосарларини фаолиятини мувофиқлаштиради;

олий таълим ташкилотлари ва илмий ташкилотларнинг илмий-тадқиқот ишларини ташкил этиш, уларнинг самарадорлигини ошириш, илм-фан ва таълим интеграциясини таъминлашга қаратилган чора-тадбирларни белгилайди;

республикада фан ва технологияларни ривожлантиришнинг устувор йўналишларини белгилаш юзасидан таклифлар ишлаб чиқади;

илм-фан ва инновацион фаолиятга оид норматив-ҳуқуқий ҳужжатларни ишлаб чиқади ҳамда ушбу йўналишдаги лойиҳаларини кўриб чиқиб, асосланган хулосалар тайёрлайди;

13) янги ишланмаларни тижоратлаштириш ва ишлаб чиқаришга жорий этиш, стартап лойиҳаларини амалга оширишни мувофиқлаштириш соҳасида:

илмий тадқиқотлар, ишланмалар ва интеллектуал фаолият натижаларини тижоратлаштириш ҳамда стартап лойиҳалар танловларини ташкил этиш, унинг талаблари, шартлари ва амалий механизмларини жорий қилади (тасдиқлайди);

тижоратлаштиришга тайёрлаш, тижоратлаштириш ва стартап (шу жумладан, ёшлар стартаплари) лойиҳаларни амалга ошириш натижадорлигини таҳлил қилади;

14) илмий даражали кадрлар тайёрлашда яхлит давлат сиёсатини юритиш соҳасида:

олий малакали илмий ва илмий-педагог кадрлар тайёрлаш масалаларида тизимида илмий ташкилот ва олий таълим ташкилотларига эга вазирлик ва идоралар фаолиятини мувофиқлаштиради;

15) илмий ва инновацион лойиҳаларни амалга оширишда инвестицияларни жалб этиш соҳасида:

илмий ва инновацион лойиҳаларни амалга оширишда инвестицияларни кенг жалб этишга оид норматив-ҳуқуқий ҳужжатлар лойиҳаларини ҳамда лойиҳаларга давлат буюртмаси бўйича таклифларни кўриб чиқиб, асосланган хулосалар тайёрлайди;

илмий ва инновацион фаолиятга маблағлар, жумладан банклар ва молия институтларининг инвестициялари ва техник кўмак (грантлар) маблағларини жалб қилиш ишларини мувофиқлаштиради;

илмий-инновацион ишланмалар ва лойиҳаларни венчур молиялаштиришни амалга ошириш бўйича комплекс ишларни белгилайди;

16) олий, ўрта махсус ва профессионал таълим, илм-фан ва инновациялар соҳасида халқаро алоқаларни кенгайтириш ҳамда мустаҳкамлаш бўйича чора-тадбирларни амалга ошириш, соҳада эришилган ютуқларни халқаро миқёсда кенг ёритиш соҳасида:

олий, ўрта махсус ва профессионал таълим, илм-фан ва инновациялар соҳасида халқаро ҳамкорликни, хорижий ҳамкорлар дастурлари, қўшма дастурларни амалга оширади, Ўзбекистон Республикасининг халқаро шартномалари ва битимлари асосида хорижий давлатларнинг тегишли ваколатли органлари, таълим ташкилотлари билан тўғридан-тўғри алоқалар ўрнатади;

идоравий мансублиги ва ташкилий-ҳуқуқий шаклидан қатъи назар, республиканинг олий ва профессионал таълим ташкилотларида хорижий мамлакатлар учун мутахассислар тайёрланишини, хорижий талабалар ўқитилишини мувофиқлаштиради;

тизимдаги давлат таълим ташкилотлари талабалари ва ўқувчиларини хорижий давлатларнинг таълим ташкилотларига ўқиш учун юборилишини мувофиқлаштиради;

педагог ходимлар ва таълим олувчилар алмашинувини амалга оширади;

раҳбар ҳамда педагог ходимларнинг хорижий давлатларда қайта тайёрлаш ва малакасини оширишни ташкил этади;

ўз ходимлари ҳамда мутахассисларини халқаро конференцияларга ва стажировкаларга юборади, уларнинг халқаро лойиҳалар ҳамда илмий тадқиқотларда иштирок этишини қўллаб-қувватлайди;

олий, ўрта махсус ва профессионал таълим тизимида амалга оширилаётган туб ўзгаришларнинг Ўзбекистон Республикаси учун устувор бўлган халқаро рейтинг ва индексларда мамлакатнинг ўрнини яхшилаш мақсадларига хизмат қилишини таъминлайди;

республикадаги олий таълим ташкилотларини халқаро эътироф этилган ташкилотлар (Quacquarelli Symonds World University Rankings, Times Нigher Education ёки Academic Ranking of World Universities) рейтингининг биринчи 1 000 та ўриндаги олий таълим ташкилотлари рўйхатига киритиш бўйича тизимли ишларни амалга оширади, бунда мазкур олий таълим ташкилотларини давлат томонидан қўллаб-қувватлашнинг замонавий механизмларини жорий этади;

17) таълим тизимида ўқув-тарбия жараёнлари, профессор-ўқитувчилар таркиби, кадрлар тайёрлаш ва уларнинг малакасини ошириш сифатини назорат қилиш, педагог кадрларга малака тоифаларини бериш бўйича давлат сиёсатини амалга ошириш соҳасида:

ўқувчилар ва талабалар билимларининг Ўзбекистон Республикаси давлат таълим стандартлари, давлат таълим талаблари ва малака талабларига мувофиқлигини тизимли равишда таҳлил қилади;

давлат таълим стандартлари, давлат таълим талаблари ва малака талабларини, шунингдек улар асосида таълимнинг барча турлари бўйича ишлаб чиқилган ўқув режа ва дастурларини экспертизадан ўтказади;

таълим ташкилотларида ўқув-тарбия ҳамда кадрлар тайёрлаш сифати мониторингини ташкил этади ва амалга оширади;

давлат намунасидаги олий, ўрта махсус ва профессионал таълим тўғрисидаги ҳужжатларни тайёрлаш ва ҳисобини юритиш тартибини ишлаб чиқади;

19) нодавлат таълим ташкилотларига лицензиялар бериш фаолиятини хабардор қилиш тартибида амалга оширадиган шахслардан хабарномалар қабул қилиш ва уларнинг реестрини юритиш соҳасида:

нодавлат таълим ташкилотларига лицензиялар бериш юзасидан талабгор ташкилотларнинг аризаларини кўриб чиқади ва уларнинг аризаларига жавоб беради;

фаолиятини хабардор қилиш тартибида амалга оширадиган шахслардан хабарномалар қабул қилади;

нодавлат таълим ташкилотларига лицензиялар беради;

лицензияларни ва хабарномаларнинг реестрини юритади;

20) билим ва малакаларни баҳолаш бўйича умуммиллий сиёсатни белгилаш соҳасида:

тест технологияларини ривожлантириш, педагогик ўлчов воситаларини такомиллаштириш соҳасида стратегик йўналишларни белгилайди;

умумтаълим фанларини билиш даражасини баҳолашнинг миллий тест тизимини мунтазам равишда таҳлил қилади ва концептуал жиҳатдан ривожланиш векторларини белгилайди;

раҳбар кадрлар ҳамда масъул лавозимларга тайинланадиган шахсларнинг давлат тилини билиш даражасини аниқлаш ва уларга давлат тилини билиш бўйича даража сертификатини бериш жараёнига раҳбарлик қилади;

хорижий мамлакатларда берилган таълим тўғрисидаги ҳужжатларни тан олиш ишларини мувофиқлаштиради;

таълим ва фан соҳаси ташкилотлари томонидан бериладиган расмий ҳужжатларга апостиль қўйиш жараёнини назорат қилади;

21) Вазирлик тизимидаги олий, ўрта махсус ва профессионал таълим ташкилотлари ҳамда бошқа ташкилотларни молиялаштириш, моддий-техник базасини ривожлантириш, шунингдек, уларнинг молиявий фаолияти устидан назоратни амалга ошириш соҳасида:

идоравий мансублигидан қатъи назар, барча давлат олий, ўрта махсус ва профессионал таълим ташкилотларини молиялаштиришнинг нормативларини белгилаш тўғрисидаги таклифларни, ушбу масала юзасидан норматив-ҳуқуқий ҳужжатлар лойиҳаларини ишлаб чиқади;

Вазирлик орқали молиялаштириладиган олий, ўрта махсус таълим ташкилотлари ва тизим ташкилотларининг бюджет маблағлари бўйича харажатлар сметаси, бюджетдан ташқари (тўлов-контракт асосида ўқитишдан тушган маблағлар, болаларнинг таъминоти учун ота-оналардан тушумлар) маблағлар бўйича даромадлар ва харажатлар сметаси, вақтинчалик бюджет харажатлар сметалари ҳамда штат жадвалларини рўйхатдан ўтказади;

Вазирлик орқали молиялаштириладиган олий, ўрта махсус ташкилотлари ва ташкилотларнинг тасдиқланган жамланма бюджет маблағлари бўйича харажатлар сметаларини, бюджетдан ташқари (тўлов-контракт асосида ўқитишдан тушган маблағлар, болаларнинг таъминоти учун ота-оналардан тушумлар) маблағлар бўйича жамланма даромадлар ва харажатлар сметаси ҳамда жамланма штат жадвалларини тасдиқлайди ҳамда Ўзбекистон Республикаси Иқтисодиёт ва молия вазирлигига рўйхатдан ўтказиш учун тақдим этади;

тизимдаги молиявий мустақиллик берилган давлат олий таълим ташкилотларида давлат гранти асосида таълим олаётган талабалар учун бюджет маблағларини вазирлик ҳамда олий таълим ташкилотлари ўртасида имзоланган битим асосида ажратилишини таъминлайди;

Республика олий таълим кенгаши Ўзбекистон Республикаси Иқтисодиёт ва молия вазирлиги билан келишган ҳолда молиявий мустақиллик берилган давлат олий таълим ташкилотлари рўйхатига қўшимча равишда давлат олий таълим ташкилотларини киритиб боради;

Вазирлик орқали молиялаштириладиган олий, ўрта махсус таълим ташкилотлари ва тизим ташкилотларининг бюджет ҳисоби юритилишини ташкил этиш ва назорат қилишни таъминлайди;

Вазирлик орқали молиялаштириладиган олий, ўрта махсус таълим ташкилотлари ва тизим ташкилотларидан молиявий ҳисоботларни Ўзбекистон Республикаси Иқтисодиёт ва молия вазирлигининг махсус дастурий мажмуаси орқали электрон тарзда қабул қилади ҳамда тегишли давр учун жамланма молиявий ҳисоботларни Иқтисодиёт ва молия вазирлигига тақдим этади;

Вазирлик тизимидаги олий, ўрта махсус таълим ташкилотларнинг бюджет ва бюджетдан ташқари маблағларининг шаклланиши ва сарфланиши, хўжалик, ишлаб чиқариш ва молиявий фаолияти устидан назорат қилади;

олий, ўрта махсус ва профессионал таълим ташкилотларига нисбатан моддий-техник база, инфратузилма ва параметрик талабларни ишлаб чиқади ва белгилайди;

таълим ташкилотларида моддий-техника ресурсларидан фойдаланишга доир талабларни ишлаб чиқади;

тизимдаги олий, ўрта махсус ва профессионал таълим ташкилотлари ва ташкилотларда давлат-хусусий шериклик асосида лойиҳаларни амалга оширилишини ташкиллаштиради ҳамда ривожлантиради;

22) олий малакали илмий ва илмий-педагог кадрларни аттестациядан ўтказиш соҳасида ягона давлат сиёсатини амалга ошириш, ушбу фаолиятни ташкил этиш, назорат қилиш ва мувофиқлаштириш соҳасида:

олий малакали илмий ва илмий-педагог кадрлар тайёрлаш масалаларида тизимида илмий ташкилот ва олий таълим ташкилотларига эга вазирлик ва идоралар фаолиятини мувофиқлаштиради;

тизимида олий таълимдан кейинги таълимни амалга оширувчи илмий ташкилотлар ва олий таълим ташкилотларига эга вазирликлар, идоралар ва ташкилотлар билан биргаликда изланувчилар фаолиятининг самарадорлиги бўйича мониторинг олиб боради;

вазирликлар, идоралар, илмий ташкилот ва таълим ташкилотларининг олий таълимдан кейинги таълимни мувофиқлаштирувчи ягона электрон тизимдан самарали фойдаланишларини таъминлайди, шунингдек ундан фойдаланиш бўйича услубий жиҳатдан раҳбарлик қилади;

23) аҳоли орасида хорижий тилларни ўрганишни оммалаштириш ва уларни мукаммал ўзлаштириш учун зарур шароитлар яратиш, хорижий тилларни ўқитишнинг халқаро тан олинган дастур ва дарсликлари таълимнинг барча босқичларида жорий этилишини мувофиқлаштириш ҳамда профессор-ўқитувчиларда замонавий ўқитиш кўникмаларини ривожлантириш соҳасида:

давлат органлари ва ташкилотлари, маҳаллий ижро этувчи ҳокимият органлари ва давлат таълим ташкилотларининг хорижий тилларни ўқитишни оммалаштириш борасидаги фаолиятини мувофиқлаштиради;

хорижий ва маҳаллий ҳамкорлар билан алоқалар ўрнатиб, уларнинг молиявий, ташкилий ва услубий кўмагини мамлакатда хорижий тилларни ўрганишни оммалаштиришга жалб қилишни ташкил этади;

вазирлик ва идоралар билан биргаликда давлат хизматчиларининг касбий фаолиятини хорижий тилларда амалга ошириш имкониятини берувчи услубиётларни ишлаб чиқиб, амалиётга жорий этади;

талаб юқори бўлган камида ўнта хорижий тилларни ўрганишни оммалаштириш бўйича комплекс чора-тадбирларни белгилайди;

хорижий тиллар ўқитувчилари учун малака талаблари ва баҳолаш мезонларини ишлаб чиқади ҳамда уларга малака тоифасини бериш жараёнини очиқлик тамойили асосида ташкил этади;

хорижий тилларни билиш даражасини баҳоловчи халқаро тан олинган сертификатларнинг рўйхатини ҳамда хорижий тилларни билиш даражасини белгиловчи миллий ва халқаро тан олинган сертификатларнинг даражалари ўртасидаги мувофиқликни тасдиқлайди;

вазирликлар ва идоралар хорижий тилларни билиш даражасини баҳоловчи халқаро тан олинган сертификатларнинг рўйхати ҳамда хорижий тилларни билиш даражасини белгиловчи миллий ва халқаро тан олинган сертификатлар даражалари ўртасидаги мувофиқлик жадвали асосида тизимларидаги ходимларга устамалар белгилаш учун ҳар йили ўзларига тааллуқли бўлган сертификатлар рўйхатларини тасдиқлайди.

Вазирлик қонунчилик ҳужжатларига мувофиқ бошқа функцияларни ҳам амалга ошириши мумкин.

2-§. Вазирлик марказий аппаратининг вазифалари ва функциялари

12. Қуйидагилар Вазирлик марказий аппаратининг асосий вазифалари ҳисобланади:

1) идоравий мансублиги ва ташкилий-ҳуқуқий шаклидан қатъи назар, олий, ўрта махсус ва профессионал таълим ташкилотлари, Вазирлик тизимидаги ташкилотлар ва ҳудудий бошқармалар томонидан Ўзбекистон Республикасининг қонунлари, Ўзбекистон Республикаси Президентининг ва Ҳукуматининг ижро интизомини мустаҳкамлаш бўйича қарорлари ва фармойишлари, шунингдек, Вазирлик ҳайъати қарорлари, Вазирликнинг буйруқлари бажарилишининг мунтазам назоратини таъминлаш;

2) олий, ўрта махсус ва профессионал таълим, илм-фан ва инновациялар соҳасида ягона давлат сиёсатини амалга ошириш;

3) идоравий мансублигидан қатъи назар, олий, ўрта махсус ва профессионал таълим ташкилотлари фаолиятини мувофиқлаштириш ва услубий раҳбарлик қилиш;

4) олий таълим ташкилотларида ва илмий ташкилотларида юқори малакали замонавий билимларга эга кадрларни тайёрлаш бўйича чора-тадбирларни амалга оширишни ташкил этиш;

5) давлат таълим стандартлари, малака талаблари, ўқув режалари ва ўқув дастурларини такомиллаштиришга қаратилган мақсадли фаолиятни амалга ошириш, ўқув жараёнини сифат жиҳатидан янгилаш ва ўқитишнинг илғор шакллари, ахборот-коммуникация технологияларини жорий этиш;

6) олий, ўрта махсус ва профессионал таълим тизимининг ҳамда илм-фан ва инновациялар соҳасининг ижобий имижини шакллантиришга қаратилган ягона ахборот сиёсатини олиб бориш;

7) ёшлар ўртасида мустақиллик ғояларига содиқлик, миллий қадриятларга садоқат, инсонпарварлик ва юксак маънавий ғояларни чуқур сингдириш, ёшларни ватанпарварлик руҳида тарбиялаш ишларини ташкил этишни таъминлаш;

8) олий таълим ташкилотлари ва илмий ташкилотларда илмий-тадқиқот ишлари, илмий ва илмий-педагогик кадрлар тайёрлашни ташкил этиш;

9) педагог ва раҳбар кадрларни тайёрлаш, қайта тайёрлаш ва уларнинг малакасини ошириш, юқори малакали хорижий олимлар, ўқитувчилар ва мутахассисларни кенг жалб қилиш ишларини мувофиқлаштириш;

10) олий, ўрта махсус ва профессионал таълим ташкилотларини замонавий ахборот-коммуникация технологиялари воситалари билан таъминлашни ташкиллаштириш;

11) халқаро алоқаларни кенгайтириш ва мустаҳкамлаш, халқаро ҳамкорликдаги қўшма олий ва профессионал таълим дастурларини амалга оширишни ташкил этиш;

12) Вазирлик тизимидаги олий, ўрта махсус ва профессионал таълим ташкилотларида ҳамда ташкилотларда молиявий маблағларнинг самарали ишлатилиши устидан назоратни амалга ошириш;

13) Вазирлик тизимидаги олий, ўрта махсус ва профессионал таълим ташкилотлари, ҳудудий бошқармалар ва ташкилотларни раҳбар кадрлар билан таъминлаш ишларини ташкил этиш ва мувофиқлаштириш.

13. Вазирлик марказий аппарати ўзига юкланган асосий вазифаларга мувофиқ қуйидаги функцияларни амалга оширади:

Вазирлик ва унинг раҳбарияти фаолиятини ташкилий ва ахборот-таҳлил жиҳатидан таъминлайди;

Вазирлик томонидан Вазирлар Маҳкамасига киритиладиган ҳужжатларнинг сифатли ва ўз вақтида ишлаб чиқилишини ҳамда уларнинг иқтисодий, молиявий ва ҳуқуқий ҳамда лингвистик экспертизадан ўтказилишини ташкил этади;

идоравий мансублиги ва ташкилий-ҳуқуқий шаклидан қатъи назар, олий, ўрта махсус ва профессионал таълим ташкилотлари, Вазирлик тизимидаги ташкилотлар ва ҳудудий бошқармалар фаолиятини назорат қилади ҳамда мониторинги олиб борилишини ташкил этади;

Вазирлик томонидан Вазирлар Маҳкамаси ва Ўзбекистон Республикаси Президенти Администрациясига киритиладиган ҳужжатларнинг сифатли ва ўз вақтида ишлаб чиқилишини ҳамда уларнинг иқтисодий, молиявий ва ҳуқуқий экспертизадан ўтказилишини ташкил этади;

Вазирлик фаолияти, шу жумладан, қонун ижодкорлиги соҳасидаги фаолияти ҳуқуқий таъминланишини ташкил этади;

бошқарув қарорларини қабул қилиш мақсадида олий, ўрта махсус ва профессионал таълимни такомиллаштириш юзасидан Вазирлик раҳбарияти учун ахборотни тўплайди, умумлаштиради ва таҳлил қилади;

олий, ўрта махсус ва профессионал таълим ташкилотларининг очиқлик ва шаффофликни таъминлаш ҳамда тизимнинг ижобий имижини шакллантиришга қаратилган фаолиятини мувофиқлаштириб боради;

Вазирлик ваколатига тегишли тезкор, ташкилий, кадрлар, молия, ишлаб чиқариш-хўжалик ва бошқа масалалар билан шуғулланади ҳамда ички аудит ва молиявий назоратни амалга оширади;

идоравий мансублиги ва ташкилий-ҳуқуқий шаклидан қатъи назар, олий, ўрта махсус ва профессионал таълим ташкилотлари фаолиятини мувофиқлаштиради;

олий, ўрта махсус ва профессионал таълим соҳасида нодавлат таълим хизматларини кўрсатиш фаолиятини амалга оширадиган юридик шахслар билан ўзаро ҳамкорлик қилади;

олий, ўрта махсус ва профессионал таълим тизимини, инновацион ривожланиш ҳамда билим ва малакаларни баҳолаш соҳаларини ривожлантириш бўйича ўрта ва узоқ муддатли дастурлар ишлаб чиқилишини ташкил этади;

жисмоний ва юридик шахсларнинг мурожаатлари билан ишлашни амалга оширади;

хорижий инвестициялар жалб этилишини ва халқаро ҳамкорликни ташкил этади.

3-§. Вазирлик тизимидаги олий таълим ташкилотлари, ташкилотлар ва ҳудудий бошқармаларнинг вазифалари ва функциялари

14. Қуйидагилар Вазирлик тизимидаги олий таълим ташкилотлари, ташкилотлар ва ҳудудий бошқармаларнинг асосий вазифалари ҳисобланади:

Вазирлик тизимидаги олий таълим ташкилотлари, ташкилотлар ва ҳудудий бошқармалар томонидан Ўзбекистон Республикасининг қонунлари ва қонунчилик ҳужжатлари, шунингдек, Вазирлик ҳайъати қарорлари, Вазирликнинг буйруқлари бажарилишининг мунтазам назоратини таъминлаш;

Вазирликка юкланган вазифалар ва функцияларнинг самарали бажарилишини таъминлашда иштирок этиш;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан ҳамкорлик қилиш;

олий, ўрта махсус ва профессионал таълим соҳасида қонунчиликка риоя этилиши юзасидан мониторинг олиб бориш ва назорат қилиш;

олий, ўрта махсус ва профессионал таълим ташкилотларида ўқув-методик фаолиятни мувофиқлаштириш;

Вазирлик тизимидаги олий, ўрта махсус ва профессионал таълим ташкилотлари ва бошқа ташкилотларда ички аудит хизматлари томонидан назорат тартибидаги профилактика тадбирларини ташкил этиш ҳамда амалга ошириш.

Вазирлик тизимидаги олий таълим ташкилотлари, ташкилотлар ва ҳудудий бошқармалари қонунчилик ҳужжатларига мувофиқ бошқа вазифаларни ҳам амалга ошириши мумкин.

15. Вазирлик тизимидаги олий таълим ташкилотлари, ташкилотлар ва ҳудудий бошқармалар ўзларига юкланган асосий вазифаларга мувофиқ қуйидаги функцияларни амалга оширади:

олий таълим ташкилотлари, ташкилотлар ва ҳудудий бошқармалар ва уларнинг раҳбарияти фаолиятини ташкилий ва ахборот-таҳлилий жиҳатдан таъминлайди;

Вазирлик томонидан олий, ўрта махсус ва профессионал таълим тизимининг ижобий имижини шакллантириш мақсадида ишлаб чиқилган чора-тадбирларни амалга оширади;

олий таълим ташкилотлари, ташкилотлар ва ҳудудий бошқармалар томонидан киритиладиган ҳужжатларнинг сифатли ва ўз вақтида қайта ишланишини, уларнинг иқтисодий, молиявий ва ҳуқуқий экспертизадан ўтказилишини ташкил этади;

академик лицейлар, профессионал таълим ташкилотлари, таркибидаги кафедралар, факультетлар ва бошқа бўлинмалар фаолиятини мувофиқлаштиради ҳамда назорат қилади;

бинолар ва иншоотларни жорий таъмирлаш ишлари мониторингини олиб боради ва мувофиқлаштиради;

жисмоний ва юридик шахсларнинг мурожаатлари билан ишлашни ташкил этади ва амалга оширади;

ваколати доирасида тегишли ташкилий, кадрлар, молия, ишлаб чиқариш, хўжалик ва бошқа масалалар бўйича қарорлар қабул қилади.

4-боб. Вазирлик ва унинг тизимидаги ташкилотларнинг ҳуқуқлари ва жавобгарлиги

1-§. Вазирликнинг ҳуқуқлари ва жавобгарлиги

16. Вазирлик ўз зиммасига юклатилган вазифа ва функцияларни амалга оширишда қуйидаги ҳуқуқларга эга:

норматив-ҳуқуқий ҳужжатлар лойиҳаларини, шунингдек, Вазирликка юкланган вазифалар ва функцияларни бажариш билан боғлиқ бўлган бошқа ҳужжатларни белгиланган тартибда Вазирлар Маҳкамасига ёки Ўзбекистон Республикаси Президенти Администрациясига киритиш;

Вазирлар Маҳкамасига кўриб чиқиш учун республика олий, ўрта махсус ва профессионал таълим тузилмасини такомиллаштириш ва бошқариш масалалари бўйича таклифлар киритиш;

ҳайъат мажлисларида тизимида олий, ўрта махсус ва профессионал таълим ташкилотлари бўлган вазирлик ва идоралар раҳбар ходимларининг таълим фаолиятига оид ахборотини (маърузаларини) кўриб чиқиш;

республика ижро этувчи ҳокимият органлари ва хўжалик бирлашмаларидан, маҳаллий ижро этувчи ҳокимият органларидан, корхоналар, муассасалар ва ташкилотлардан кадрларга бўлган эҳтиёж тўғрисидаги ахборотни, шу жумладан, шартнома асосида тайёрланган мутахассисларнинг ишга жойлаштирилиши мониторингини юритиш учун зарур бўлган таҳлилий материалларни ва бошқа материалларни сўраш ҳамда белгиланган тартибда олиш;

давлат органлари ва бошқа ташкилотлар томонидан олий, ўрта махсус ва профессионал таълим ташкилотлари фаолиятига асоссиз аралашуви, профессор-ўқитувчилар ва педагог кадрлар шаъни ва қадр-қимматини таҳқирлаш, меҳнатга мажбурлаш, ўқув-тарбиявий жараёнга тўсқинлик қилишнинг ҳар қандай шакллари, таълим берувчи ва таълим олувчиларнинг ҳуқуқлари бузилишига йўл қўймаслик бўйича қонунчиликда белгиланган чоралар кўриш;

идоравий мансублиги ва ташкилий-ҳуқуқий шаклидан қатъи назар, олий, ўрта махсус ва профессионал таълим ташкилотларида таълим тўғрисидаги қонунчиликка риоя этилиши, Вазирлик норматив-ҳуқуқий ҳужжатларининг ижросини назорат қилиш;

барча манбалар, айниқса, ўқитишнинг тўлов-контракт шакли бўйича олий ва профессионал таълим ташкилотлари даромадлари шакллантирилиши ва улардан самарали фойдаланилиши устидан назорат қилиш;

олий, ўрта махсус ва профессионал таълим ташкилотлари учун педагог кадрларни қайта тайёрлаш ва уларнинг малакасини ошириш тизими фаолиятини мувофиқлаштириш;

олий, ўрта махсус ва профессионал таълим ташкилотлари ва тизим ташкилотлари фаолиятини ташкил этиш;

ўз ваколатлари доирасида халқаро ва хорижий ташкилотлар билан ҳамкорлик қилиш, қўшма дастурларни амалга оширишни ташкил этиш ва мувофиқлаштириш;

Вазирлик, идоралардан ва бевосита олий, ўрта махсус ва профессионал таълим ташкилотларидан, илмий ташкилотлардан Вазирликка юклатилган вазифаларни бажариш учун зарур бўлган материалларни ҳамда олий, ўрта махсус ва профессионал таълим бўйича белгиланган статистика ҳисоботини олиш ва таълим ташкилотларида ҳисоб ва ҳисоботнинг ҳолати устидан назорат қилиш;

Вазирликнинг Олий таълим муассасаларини ривожлантириш ҳамда Илм-фанни молиялаштириш ва инновацияларни қўллаб-қувватлаш жамғармалари фаолиятини белгиланган тартибда ташкил этиш;

Вазирликка юкланган вазифалар ва функцияларни бажариш доирасида Олий таълим муассасаларини ривожлантириш ҳамда Илм-фанни молиялаштириш ва инновацияларни қўллаб-қувватлаш жамғармалари ёки қонунчилик ҳужжатларида тақиқланмаган бошқа манбалар ҳисобидан халқаро ва хорижий ташкилотларнинг юқори малакали мутахассис ва экспертларини маслаҳатчи (консультант ) сифатида Вазирлар Маҳкамаси билан келишилган ҳолда давлат харидлари тўғрисидаги қонунчилик ва бошқа қонунчилик ҳужжатларига мувофиқ жалб қилиш;

Олий таълим муассасаларини ривожлантириш ҳамда Илм-фанни молиялаштириш ва инновацияларни қўллаб-қувватлаш жамғармалари маблағлари ҳисобидан, шунингдек, давлат олий таълим ташкилотларига уларнинг бюджетдан ташқари маблағлари ҳисобидан халқаро эътироф этилган рейтинг ташкилотлари билан олий таълим ташкилотини халқаро рейтингга киритиш бўйича хизматлар кўрсатиш учун давлат харидлари тўғрисидаги қонунчилик ҳужжатларига мувофиқ шартномалар тузиш;

олий, ўрта махсус ва профессионал таълим тизимини молиялаштиришга зарур сарф-харажатлар бўйича таклифларни шакллантириш, шунингдек, зарурат бўлганда, хорижий кредитлар, грантлар ва бошқа маблағларни жалб қилиш бўйича тадбирларни амалга ошириш;

таълим ташкилотларига ўқишга қабул қилишда тест синовларини ўтказиш жараёнида таълим ташкилотлари раҳбарлари томонидан таълим тўғрисидаги қонун ҳужжатлари бузилган ҳолда қабул қилинган буйруқлар, фармойишлар ва бошқа қарорларнинг амал қилишини тўхтатиб қўйиш;

Вазирликда олий, ўрта махсус ва профессионал таълимни ривожлантиришнинг асосий йўналишлари бўйича таклифларни кўриб чиқиш учун етакчи олимлар, юқори малакали профессор-ўқитувчилар ва мутахассислар, турли идоралар вакилларидан иборат илмий-методик ва жамоатчилик кенгашларини ташкил этиш;

ўз ваколатлари доирасида конференциялар, семинарлар, симпозиумлар, кўргазмалар, ярмаркалар ўтказиш, шунингдек, бошқа ташкилотлар томонидан ташкил этиладиган тадбирларда иштирок этиш;

Ўзбекистон Республикасининг халқаро шартномалари лойиҳаларини белгиланган тартибда ишлаб чиқишда иштирок этиш, Вазирлик ваколатига кирадиган масалалар бўйича идоралараро тусдаги халқаро шартномаларни белгиланган тартибда тузиш;

Вазирлик ваколатига тегишли бўлган масалалар бўйича халқаро даражада Ўзбекистон Республикаси манфаатларини белгиланган тартибда ифодалаш;

Вазирлик ваколатига кирадиган масалаларда республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари фаолиятини белгиланган тартибда мувофиқлаштириш;

Вазирлик тизимидаги олий, ўрта махсус ва профессионал таълим ташкилотларининг амалдаги қонунчилик, Вазирликнинг норматив-ҳуқуқий ҳужжатларига зид бўлган ҳолда ишлаб чиқилган буйруқларни бекор қилиш юзасидан бажарилиши мажбурий бўлган кўрсатмалар бериш;

белгиланган тартибда Вазирликнинг мукофотлари ва фахрий ёрлиқларини, кўкрак нишонларини таъсис этиш бўйича Вазирлар Маҳкамасига таклиф киритиш ҳамда улар билан илғор ходимларни ва профессор-ўқитувчилар таркибини, шунингдек, энг яхши илмий ва инновацион ишлари учун олий, ўрта махсус ва профессионал таълим ташкилотларининг талабалари ва ўқувчиларини мукофотлаш;

олий, ўрта махсус ва профессионал таълим ташкилотлари ўқувчилари ва талабаларини белгиланган тартибда ваколат доирасида бир таълим ташкилотидан бошқасига ўтказиш, ўқишини қайта тиклаш ва ўқишдан четлаштириш, якуний давлат аттестациясини қайта топширишга рухсат бериш ишларини ташкил этиш;

Вазирлик ва тизимидаги олий, ўрта махсус ва профессионал таълим ташкилотлари ва бошқа ташкилотларининг давлат мулкини бир бўлинмадан бошқасига ўз ташкилий тузилмаси доирасида, Ўзбекистон Республикаси Давлат активларини бошқариш агентлиги билан келишган ҳолда оператив бошқарув ҳуқуқи асосида бепул бериш;

идоравий мансублиги ва ташкилий-ҳуқуқий шаклидан қатъи назар, олий, ўрта махсус ва профессионал таълим ташкилотларини белгиланган тартибда ваколат доирасида фаолиятини ўрганиш;

ўз ваколатлари доирасида норматив-ҳуқуқий ҳужжатлар қабул қилиш;

Вазирлик ва унга идоравий мансуб ташкилотлар ходимларини улар томонидан тегишли соҳада улар фаолиятининг асосий кўрсаткичлари параметрлари бажарилишини ҳисобга олган ҳолда, моддий рағбатлантириш тартиби, миқдорлари ва шартларини Вазирлар Маҳкамаси томонидан тасдиқланадиган низомларга мувофиқ белгилаш;

ўз ваколатлари доирасида халқаро ва хорижий ташкилотлар билан ҳамкорлик қилиш;

Вазирлик фаолиятини кенг ёритиш мақсадида расмий веб-сайтлар, шунингдек, ижтимоий тармоқларда саҳифалар яратиш;

қонунчилик ҳужжатларининг давлат таълим ташкилотлари ҳамда олий ва профессионал таълим соҳасида нодавлат таълим хизматлари кўрсатиш фаолиятини амалга оширадиган юридик шахслар томонидан ижро этилишининг назоратини амалга ошириш;

олий, ўрта махсус ва профессионал таълим тизимини ривожлантириш билан боғлиқ долзарб ва истиқболли муаммоларни ишлаб чиқиш бўйича ишчи гуруҳлар ташкил этиш;

ноширлик фаолияти билан шуғулланиш.

Вазирлик қонунчиликка мувофиқ бошқа ҳуқуқларга ҳам эга бўлиши мумкин.

17. Вазирлик ўз ваколатлари доирасида олий, ўрта махсус ва профессионал таълим ташкилотлари ҳамда тизимида олий, ўрта махсус ва профессионал таълим ташкилотлари бўлган вазирлик ва идоралар, шунингдек, бошқа давлат органлари, ташкилотлар ва уларнинг мансабдор шахслари, фуқаролар томонидан бажарилиши мажбурий бўлган, ўқув жараёнини ташкил этишга, таълим сифатини оширишга, рақобатбардош кадрлар тайёрлашга, педагог ходимларнинг самарали ишини рағбатлантиришга оид норматив-ҳуқуқий ҳужжатларни Вазирлар Маҳкамаси томонидан тасдиқланадиган низомларга мувофиқ тасдиқлашга ҳақлидир.

18. Вазирлик, зарур ҳолларда, бошқа вазирлик ва идоралар билан биргаликда қўшма қарорлар ва бошқа ҳужжатлар қабул қилишга ҳақлидир.

19. Вазирлик:

Вазирликка юклатилган топшириқ ва вазифаларни самарали бажариш, шунингдек, олий, ўрта махсус ва профессионал таълим илм-фан ва инновация соҳасида давлат сиёсатини самарали амалга оширишга;

Вазирлик фаолияти билан боғлиқ прогноз кўрсаткичларга эришишнинг сўзсиз таъминланишига;

Ўзбекистон Республикаси Президенти Администрацияси, Вазирлар Маҳкамасига тақдим этиладиган норматив-ҳуқуқий ҳужжатлар лойиҳалари ва бошқа ҳужжатлари, шунингдек, Вазирлик томонидан қабул қилинган қарорлари амалга оширилишининг сифати ва якуний натижаларга эришилишига;

олий, ўрта махсус ва профессионал таълимни такомиллаштириш, шунингдек, ижтимоий-иқтисодий ривожланиш ва тегишли соҳада ҳудудлар муаммоларини ҳал қилиш бўйича дастурларни, ҳаракат режаларини, йўл хариталарини ва бошқа дастурий ҳужжатларини самарали амалга оширишга;

фуқароларнинг ҳуқуқ ва қонуний манфаатларига риоя этиш ва ҳимоя қилишни таъминлашга масъулдир.

20. Вазирлик олий, ўрта махсус ва профессионал таълим, илм-фан ҳамда инновацион фаолият соҳасида давлат сиёсати самарали амалга оширилиши, Вазирлик маблағларидан оқилона фойдаланилиши, шунингдек, ўзига юкланган вазифаларнинг сифатли бажарилиши учун жавоб беради.

2-§. Вазирлик марказий аппаратининг ҳуқуқлари ва жавобгарлиги

21. Вазирлик марказий аппарати ўзига юкланган вазифалар ва функцияларни амалга ошириш учун:

олий, ўрта махсус ва профессионал таълим масалалари бўйича таҳлил қилиш ва қайта ишлаш учун зарур бўлган материаллар ва маълумотларни идоравий мансублиги ва ташкилий-ҳуқуқий шаклидан қатъи назар, олий таълим ташкилотлари, Вазирлик тизимидаги ташкилотлар ва ҳудудий бошқармалардан сўраш ва олиш;

Вазирликда кўриб чиқиладиган олий, ўрта махсус ва профессионал таълимга доир масалаларни, ахборот ва таҳлилий материалларни, шунингдек, норматив-ҳуқуқий ҳужжатлар ва бошқа ҳужжатлар лойиҳаларини тайёрлаш учун олий таълим ташкилотлари, Вазирлик тизимидаги ташкилотлар ва ҳудудий бошқармалар раҳбарлари ҳамда вакилларини зарур бўлганда белгиланган тартибда жалб қилиш;

олий таълим ташкилотлари, Вазирлик тизимидаги ташкилотлар ва ҳудудий бошқармалардан ўзлари томонидан киритилган олий, ўрта махсус ва профессионал таълим бўйича норматив-ҳуқуқий ҳужжатлар ва бошқа ҳужжатлар лойиҳаларини пухта ишлаб чиқилишини талаб қилиш, зарурат бўлганда уларни қайта ишлаш учун қайтариш;

олий таълим ташкилотлари, Вазирлик тизимидаги ташкилотлар ва ҳудудий бошқармалар раҳбарлари ҳамда вакиллари, шунингдек, олий, ўрта махсус ва профессионал таълим ташкилотлари иштирокида йиғилишлар ўтказиш;

олий таълим ташкилотлари, Вазирлик тизимидаги ташкилотлар ва ҳудудий бошқармалар раҳбарларига ҳал қилишни талаб этадиган Вазирликка юклатилган вазифалар ҳамда функцияларни бажариш билан боғлиқ масалалар юзасидан топшириқлар бериш;

қабул қилинган норматив-ҳуқуқий ҳужжатлар, Ўзбекистон Республикаси Президенти ва Вазирлар Маҳкамасининг топшириқлари, шунингдек, Вазирликнинг буйруқлари, Ҳайъат қарорларини олий таълим ташкилотлари, Вазирлик тизимидаги ташкилотлар ва ҳудудий бошқармалар томонидан бажарилиши юзасидан уларнинг фаолиятини белгиланган тартибда ўрганиш ва текшириш ҳуқуқига эга.

Вазирлик марказий аппарати қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

22. Вазирлик марказий аппарати:

олий таълим ташкилотлари, Вазирлик тизимидаги ташкилотлар ва ҳудудий бошқармалар билан биргаликда аппаратга юклатилган вазифалар ва функцияларнинг сифатли ва ўз вақтида бажарилишини таъминлаш;

Вазирлик фаолияти билан боғлиқ прогноз кўрсаткичларга эришишни таъминлаш учун марказий аппарат таркибий бўлинмалари ишини ташкил этиш;

Вазирлик томонидан кўриб чиқиш учун Вазирлар Маҳкамасига киритиладиган норматив-ҳуқуқий ҳужжатлар ва бошқа ҳужжатлар лойиҳалари, шунингдек, Вазирлик томонидан қабул қилинадиган буйруқларнинг тайёрланиш сифати ва экспертизадан ўтказилиши;

олий, ўрта махсус ва профессионал таълимни ривожлантириш, шунингдек, олий, ўрта махсус ва профессионал таълим соҳасида ҳудудларни ижтимоий-иқтисодий ривожлантириш ва улардаги муаммоли масалаларни ҳал қилиш бўйича дастурлар, тадбирлар режалари, йўл хариталари ва бошқа дастурий ҳужжатларнинг олий таълим ташкилотлари, Вазирлик тизимидаги ташкилотлар ва ҳудудий бошқармалар томонидан амалга оширилишини ташкил этиш учун жавоб беради.

3-§. Вазирлик тизимидаги олий таълим ташкилотлари, ташкилотлар ва ҳудудий бошқармаларнинг ҳуқуқлари ва жавобгарлиги

23. Вазирлик тизимидаги олий таълим ташкилотлари, ташкилотлар ва ҳудудий бошқармалар ўзларига юкланган вазифалар ва функцияларни амалга ошириш учун:

республика ижро этувчи ҳокимият органлари ва хўжалик бирлашмалари, маҳаллий ижро этувчи ҳокимият органларининг ҳудудий бошқармаларидан ўз ваколатига кирадиган масалаларни ҳал қилиш учун зарур бўлган ахборотни белгиланган тартибда сўраш ва олиш;

олий таълим ташкилотлари, ташкилотлар ва ҳудудий бошқармалар ўз тизимидаги таълим ташкилотлари фаолиятини мувофиқлаштириш ва назорат қилиш;

олий таълим ташкилотлари, ташкилотлар ва ҳудудий бошқармалар ўз ваколатига кирадиган масалалар бўйича республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органларининг кўриб чиқиши учун таклифлар киритиш ҳуқуқига эга.

Олий таълим ташкилотлари, ташкилотлар ва ҳудудий бошқармалар қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

24. Вазирлик тизимидаги олий таълим ташкилотлари, ташкилотлар ва ҳудудий бошқармалар:

юкланган вазифалар ва функцияларнинг сифатли ва ўз вақтида бажарилишини таъминлаш;

ўзларининг фаолияти билан боғлиқ бўлган прогноз кўрсаткичларга эришишни таъминлаш;

Вазирликка киритилаётган ҳужжатлар лойиҳалари ва таклифлар, шунингдек, қабул қилинадиган қарорларнинг сифатли амалга оширилиши, истиқболдаги натижалари ва оқибатлари;

ҳудудларда аниқланган муаммоларни ҳар томонлама чуқур таҳлил қилиш ҳамда умумлаштириш асосида олий, ўрта махсус ва профессионал таълим соҳасини Қорақалпоғистон Республикаси, вилоятлар ва Тошкент шаҳрида ривожлантиришга доир таклифларни тайёрлаш;

олий, ўрта махсус ва профессионал таълим соҳасини ривожлантириш бўйича дастурлар, тадбирлар режалари, йўл хариталари ва бошқа дастурий ҳужжатларнинг Қорақалпоғистон Республикаси, вилоятлар ва Тошкент шаҳрида самарали амалга оширилиши, муаммоли масалалар ҳал этилиши учун жавоб беради.

5-боб. Вазирлик раҳбарларининг асосий функционал вазифалари

25. Қуйидагилар вазирнинг асосий функционал вазифалари ҳисобланади:

1) Ўзбекистон Республикаси Конституцияси ва қонунлари ҳамда бошқа норматив-ҳуқуқий ҳужжатларга риоя этиш;

2) Вазирликнинг фаолиятини умумий бошқаришни амалга ошириш ва раҳбарлик қилиш, Ўзбекистон Республикаси Президенти ҳужжатлари, Вазирлар Маҳкамасининг қарорлари ва бошқа қонунчилик ҳужжатлари билан Вазирликка юклатилган вазифалар ва функцияларнинг бажарилишини ташкил этиш;

3) Ўзбекистон Республикаси Президентининг ҳужжатлари, Вазирлар Маҳкамасининг қарорлари билан тасдиқланган Вазирлик фаолиятини янада такомиллаштириш бўйича концепциялар, комплекс дастурлар ва чора-тадбирларни амалга ошириш бўйича танқидий ва чуқур таҳлилларни ўтказиш;

4) Вазирлик, унинг ҳудудий бўлинмалари ва идоравий мансуб ташкилотлари, олий, ўрта махсус ва профессионал таълим ташкилотлари фаолияти билан боғлиқ прогноз кўрсаткичларига эришишни сўзсиз таъминлаш бўйича амалий чора-тадбирларни ишлаб чиқиш ва қабул қилиш;

5) Ўзбекистон Республикаси Президенти маслаҳатчиларининг таркибий бўлинмалари ва Вазирлар Маҳкамаси котибиятлари, шунингдек, Вазирлик ваколатига кирувчи масалалар бўйича тегишли вазирликлар ва идоралар билан ҳамкорлик қилиш, Вазирлар Маҳкамаси йиғилишларида ҳамда Раёсат мажлисларида масалаларни кўриб чиқишда иштирок этиш;

6) Ўзбекистон Республикаси Президенти, Ўзбекистон Республикаси Бош вазири ва унинг ўринбосарлари (маслаҳатчиси) топшириқларини бажариш;

7) ўз ўринбосарлари ваколатларини белгилаш, улар ўртасида вазифаларни тақсимлаш, Вазирликнинг бошқа мансабдор шахслари ваколатларини белгилаш, Вазирлик фаолиятининг маълум бир соҳаларини бошқаришда ўз ўринбосарлари ва бошқа мансабдор шахсларнинг шахсий масъулияти даражасини белгилаш;

8) Вазирликнинг фаолияти режалаштирилишини ташкил этиш, даврий иш режаларини тасдиқлаш, уларнинг бажарилиши юзасидан назоратни таъминлаш;

9) Ўзбекистон Республикаси Президенти ва Вазирлар Маҳкамасининг ҳужжатлари ва топшириқлари ижросини ташкил этиш ва мониторингини олиб боришнинг амалий тизимини яратиш, Вазирлик фаолиятида ижро интизомини мустаҳкамлаш бўйича амалий чора-тадбирларни бажариш, шунингдек, Ўзбекистон Республикаси Президентининг ва Вазирлар Маҳкамасининг ижро интизомини мустаҳкамлаш бўйича қарорларига мувофиқ топшириқларнинг ўз вақтида ва сифатли бажарилиши учун таркибий ва ҳудудий бўлинмалар, идоравий мансуб ташкилотлар раҳбарларининг шахсий масъулиятини ошириш чораларини кўриш;

10) Вазирлик ходимлари, ҳудудий бошқармалари ва идоравий мансуб ташкилотлари, олий таълим ташкилотлари ходимларининг тизимли равишда малакасини оширишни ташкил этиш;

11) Вазирлик тизимида ходимларни танлаш ва жой-жойига қўйиш, уларнинг самарали фаолият кўрсатишлари учун зарур шароитларни яратиш, Вазирлик тизимининг кадрлар захирасини шакллантириш;

12) Ўзбекистон Республикаси Президентининг, Ўзбекистон Республикаси Президенти Администрацияси ва Вазирлар Маҳкамаси номенклатурасига кирадиган бўш лавозимларга таклиф этилган кадрларнинг, шунингдек, Вазирликка ишга қабул қилинадиган бошқа кадрларнинг профессионаллиги, ўз ишини билиши, амалий иш тажрибаси, юқори ишчанлик даражаси ва маънавий-ахлоқий фазилатларга эга бўлишини таъминлашга қаратилган чора-тадбирларни амалга ошириш;

13) фаолият соҳасидаги масалалар бўйича норматив-ҳуқуқий ҳужжатлар лойиҳаларини сифатли ишлаб чиқиш, уларнинг қонунчилик талабларига қатъий мувофиқ равишда ўз вақтида киритилишини ташкил этиш, шунингдек, уларнинг Вазирлар Маҳкамасида пухта ишланишида, Вазирлар Маҳкамаси раҳбарияти ҳузурида ҳимоя қилиниши ва Ўзбекистон Республикаси Президенти Администрациясида кўриб чиқилишида иштирок этиш;

14) « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлисининг Қонунчилик палатасига киритиш тартиби тўғрисида »ги Ўзбекистон Республикасининг қонунларига ва Вазирлар Маҳкамасининг 2016 йил 17 октябрдаги 345-сон қарори билан тасдиқланган Давлат ва хўжалик бошқаруви органлари, маҳаллий ижро этувчи ҳокимият органларининг қонун лойиҳаларига доир фаолиятининг намунавий регламентига мувофиқ Вазирликнинг қонун лойиҳаларини тайёрлаш фаолиятини ташкил этиш;

15) Вазирликка тақдим этилган таклифлар ва норматив-ҳуқуқий ҳужжатлар лойиҳаларининг тўлиқ ва ҳар томонлама кўриб чиқилишини таъминлаш, уларни Ўзбекистон Республикаси Президенти Администрацияси Регламенти ва Вазирлар Маҳкамаси Регламентида белгиланган муддатларда келишиш (виза қўйиш);

16) Вазирликнинг қонунчилик ҳужжатлари лойиҳаларини ишлаб чиқиш фаолиятини «Норматив-ҳуқуқий ҳужжатлар тўғрисида», «Қонунлар лойиҳаларини тайёрлаш ва уларни Ўзбекистон Республикаси Олий Мажлисининг Қонунчилик палатасига киритиш тартиби тўғрисида»ги Ўзбекистон Республикаси қонунлари ва бошқа қонунчилик ҳужжатларига мувофиқ ташкил этиш;

17) Вазирлик ваколатига тегишли масалалар бўйича норматив-ҳуқуқий ҳужжатларни қабул қилиш, зарур ҳолларда, бошқа вазирлик ва идоралар билан ҳамкорликда тегишли қарорлар қабул қилиш;

18) Вазирлик раҳбарлари ва ходимларининг хизмат сафарларини қонунчилик талабларига тўла мувофиқ равишда ташкил этиш, хизмат сафарларининг асосланганлиги, самарадорлиги ва натижадорлигини, хизмат сафарларига ажратиладиган маблағлардан оқилона фойдаланишни таъминлаш;

19) ўринбосарлари, олий таълим ташкилотлари, таркибий ва ҳудудий бўлинмалар раҳбарлари фаолиятининг самарадорлиги ва натижадорлигини доимий танқидий таҳлил қилиш, Вазирликнинг ҳайъат йиғилишларида уларнинг шахсий ҳисоботларини тинглаш, муҳокама якунлари бўйича зарур чоралар кўриш;

20) Вазирлик ходимларини рағбатлантириш ва интизомий жавобгарликка тортиш масалаларини ҳал этиш, алоҳида ўрнак кўрсатган ходимларни, ўринбосарларини рағбатлантириш ва интизомий жавобгарликка тортиш тўғрисида, шу жумладан, уларнинг эгаллаб турган лавозимида қолиши мақсадга мувофиқлиги масаласини кўриб чиқиш бўйича таклифлар киритиш, Ўзбекистон Республикасининг давлат мукофотлари билан тақдирлашга тақдим этиш, уларнинг шахсий масъулиятини ошириш юзасидан тизимли чораларни амалга ошириш;

21) Вазирлик ходимлари томонидан Вазирлик одоб-ахлоқ қоидаларига риоя этилишини назорат қилиш;

22) Коррупцияга қарши курашишга оид қонунчилик ҳужжатлари талабларига мувофиқ Вазирлик тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиёти ва қонунчиликни такомиллаштириш бўйича чора-тадбирларни ишлаб чиқиш ва амалга ошириш йўли билан уларни содир этишга имкон яратувчи омилларни аниқлаш, таҳлил қилиш, сабаб ва шароитларини бартараф этиш;

23) Вазирлик ходимлари томонидан манфаатлар тўқнашуви тўғрисидаги қонунчиликка риоя этилишини таъминлаш, жумладан улар томонидан лавозим мажбуриятларини ёки хизмат ваколатларини бажариш чоғида манфаатлар тўқнашувига олиб келадиган ёки олиб келиши мумкин бўлган шахсий манфаатдорликка йўл қўймаслик чораларини кўриш;

24) Вазирлик ҳамда унинг таркибий ва ҳудудий бўлинмалари, олий таълим ташкилотлари ишини ташкил этишнинг илғор шаклларини жорий этишни таъминлаш;

25) жисмоний ва юридик шахсларнинг мурожаатларини кўриб чиқиш ишларини қонунчиликка мувофиқ самарали ташкил этиш, жамоатчилик билан бевосита ва очиқ мулоқот ўрнатиш, шахсан қабул қилишни мунтазам равишда ўтказиш, шу жумладан, жисмоний ва юридик шахсларнинг вакилларини жойларга бориб қабул қилишни белгиланган муддатларда ва тартибда амалга ошириш;

26) Ўзбекистон Республикаси Президентининг Халқ қабулхоналари билан самарали ҳамкорликни, Вазирлик раҳбарлари ва ходимларининг улар фаолиятида фаол иштирок этишини ташкил этиш, Ўзбекистон Республикаси Президентининг Виртуал қабулхонасидан келиб тушадиган жисмоний ва юридик шахслар мурожаатларини ўз вақтида ва тўлиқ кўриб чиқилишини таъминлаш;

27) давлат сирлари билан ишлашда қонунчилик талабларига риоя этиш;

28) Вазирлик марказий аппарати штат жадвали ва харажатлар сметасини, шунингдек, Вазирликнинг таркибий ва ҳудудий бўлинмалари низомларини ҳамда олий таълим ташкилотлари, идоравий мансуб ташкилотлар уставларини тасдиқлаш;

29) Вазирлик марказий аппарати ходимлари, таркибий бўлинмалар ҳамда идоравий мансуб ташкилотлар раҳбарларини қонунчилик ҳужжатларида белгиланган тартибда лавозимга тайинлаш ва лавозимидан озод этиш;

30) олий, ўрта махсус ва профессионал таълим бўйича ягона давлат сиёсатини амалга оширилишини таъминлаш, вазирликлар, идоралар, маҳаллий ижро этувчи ҳокимият органлари ҳамда бошқа ташкилотларнинг олий, ўрта махсус ва профессионал таълим бўйича фаолиятини мувофиқлаштириш;

31) Вазирлик, олий ва профессионал таълим ташкилотлари, ҳудудий бўлинмалар, идоравий мансуб ташкилотлар мансабдор шахслари бажариши мажбурий бўлган буйруқлар ишлаб чиқиш ва топшириқлар бериш, шунингдек, уларнинг ижросини ўрнатилган тартибда назорат қилиш;

32) Вазирлик марказий аппарати, ҳудудий бўлинмалар, идоравий мансуб ташкилотларнинг тасдиқланган тузилмалари ва штатлар жадвалига ходимларнинг чекланган сони ва иш ҳақи фонди доирасида ўзгартиришлар киритиш;

33) олий, ўрта махсус ва профессионал таълим, илм-фан ва инновациялар бўйича халқаро ва ҳукуматлараро алоқаларни кенгайтириш ва мустаҳкамлаш, хорижий инвестициялар ва грантларни жалб этиш бўйича халқаро тадбирларда иштирок этиш.

Вазир қонунчилик ҳужжатларига мувофиқ бошқа вазифаларни ҳам амалга ошириши мумкин.

26. Қуйидагилар вазир ўринбосарларининг асосий функционал вазифалари ҳисобланади:

1) Ўзбекистон Республикаси Президентининг тегишли қарори билан Вазирликка юклатилган вазифа ва функцияларни амалга ошириш, тегишли таркибий бўлинмалар фаолиятини мувофиқлаштириш;

2) Ўзбекистон Республикаси Президентининг ҳужжатлари ва Вазирлар Маҳкамасининг қарорлари билан тасдиқланган Вазирлик фаолиятини янада такомиллаштириш бўйича концепциялар, комплекс дастурлар ва чора-тадбирларнинг ижросини таъминлаш;

3) вазир вақтинча бўлмаганда, тегишли буйруқ асосида унинг вазифаларини бажариш;

4) Вазирликнинг таркибий бўлинмалари фаолиятини мувофиқлаштириш, назорат қилиш ва уларга бевосита раҳбарлик қилиш, уларнинг ходимлари ўртасида вазифаларни тақсимлаш ҳамда шахсий жавобгарлигини белгилаш;

5) Вазирлик ва унинг тузилмавий ва бўйсунувчи бўлинмалари, олий, ўрта махсус ва профессионал таълим ташкилотлари фаолияти билан боғлиқ прогноз кўрсаткичларга эришиш юзасидан чора-тадбирларни ишлаб чиқиш ва раҳбариятга тақдим этиш;

6) Вазирлар Маҳкамасида, вазирлик ва идораларда бўлиб ўтадиган мажлисларда ваколат доирасида иштирок этиш;

7) Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари кўрсатмаларини сўзсиз бажариш;

8) Вазирликнинг таркибий бўлинмалари фаолиятида ижро интизомини мустаҳкамлаш бўйича комплекс чора-тадбирларни амалга ошириш, шунингдек, таркибий ва бўйсунувчи бўлинмалар раҳбарларининг шахсий жавобгарлигини ошириш бўйича чора-тадбирлар бажарилишини назорат қилиш, шунингдек, ижро интизоми мустаҳкамланиши учун топшириқлар ўз вақтида ва сифатли бажарилиши учун таркибий бўлинмалар раҳбарларининг шахсий масъулиятини ошириш чораларини кўриш;

9) давлат сирлари билан ишлашда қонунчилик талабларига риоя қилиш.

Вазир ўринбосарлари қонунчилик ҳужжатларига мувофиқ бошқа вазифаларни ҳам амалга ошириши мумкин.

27. Қуйидагилар Вазирлик марказий аппарати таркибий бўлинмалари раҳбарларининг асосий функционал вазифалари ҳисобланади:

1) таркибий бўлинмалар фаолиятига бевосита раҳбарлик қилиш, ушбу бўлинмаларга юкланган вазифалар ва функцияларнинг бажарилишини ташкил этиш;

2) тегишли таркибий бўлинмалар ва Вазирлик тизимидаги ташкилотлар фаолиятини ўз ваколатлари доирасида мувофиқлаштириш;

3) прогноз кўрсаткичларнинг бажарилишини мунтазам таҳлил қилиш ҳамда таркибий бўлинмалар ушбу кўрсаткичларга сўзсиз эришишини таъминлашга қаратилган қўшимча чора-тадбирларни амалга ошириш бўйича вазир ёки унинг мутасаддилик қиладиган ўринбосарларига таклифлар киритиш;

4) Ўзбекистон Республикаси Президенти ва Вазирлар Маҳкамаси қарорлари ва топшириқлари ижросини таъминлаш, Вазирлик таркибий бўлинмалари ходимларининг ижро интизомини мустаҳкамлаш бўйича комплекс чора-тадбирларни амалга ошириш, топшириқлар ўз вақтида ва сифатли бажарилиши учун таркибий бўлинмалар ходимларининг шахсий масъулиятини ошириш чораларини кўриш;

5) Вазирлик ҳайъати қарорлари, вазир буйруқлари ҳамда топшириқлари ўз вақтида ва сифатли бажарилишини таъминлаш;

6) таркибий бўлинмаларнинг ҳар чораклик иш режалари ишлаб чиқилишини таъминлаш, уларни тасдиқлаш учун киритиш, кўрсатилган вазифалар ва тадбирлар ўз вақтида ва сифатли бажарилишини таъминлаш;

7) таркибий бўлинмаларга юкланган вазифалар бажарилишини назорат қилиш ва мувофиқлаштириш, олий таълим ташкилотлари, Вазирлик тизимидаги ташкилотлар ва ҳудудий бошқармалар фаолиятига амалий ва методик ёрдам кўрсатиш;

8) таркибий бўлинмалар фаолиятига оид масалалар юзасидан қонунчиликни такомиллаштириш бўйича таклифларни ишлаб чиқиш ва уларни кўриб чиқиш учун Вазирлик раҳбариятига киритиш;

9) таркибий бўлинмаларда кадрларнинг профессионал даражасини, амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлигининг кафолатини таъминлаш, касб малакасини ошириш чораларини кўриш, кадрлар захирасини шакллантириш;

10) норматив-ҳуқуқий ҳужжатлар лойиҳаларининг таркибий бўлинмалар томонидан сифатли ишлаб чиқилишини ташкил этиш, Вазирликнинг таркибий бўлинмаларида тайёрланган ҳужжатлар лойиҳаларини кейинчалик Вазирлик раҳбарияти томонидан кўриб чиқиш, имзолаш (виза қўйиш), уларнинг Ўзбекистон Республикаси Президенти Администрациясининг регламенти ва Ўзбекистон Республикаси Вазирлар Маҳкамаси регламенти талабларига қатъий мувофиқ равишда Вазирлар Маҳкамасига ўз вақтида киритилишини таъминлаш, Вазирлик раҳбариятининг топшириғи бўйича норматив-ҳуқуқий ҳужжатлар лойиҳаларини Вазирлар Маҳкамасида ишлаб чиқишда иштирок этиш;

11) Вазирликка тақдим этилган таклифлар ва норматив-ҳуқуқий ҳужжатлар лойиҳаларини тўлиқ ва ҳар томонлама кўриб чиқиш, молиявий, иқтисодий, ҳуқуқий экспертиза ва бошқа экспертизадан пухта ўтказиш;

12) таркибий бўлинмалар ходимлари фаолиятининг самарадорлиги ва натижадорлигини мунтазам равишда танқидий таҳлил қилиш, йиғилишларда уларнинг шахсий ҳисоботларини эшитиш, якунлари бўйича зарур чора-тадбирлар кўриш;

13) таркибий бўлинмалар ходимларининг одоб-ахлоқ қоидалари талабларига риоя этишини таъминлаш;

14) давлат сирлари билан ишлашда қонунчилик талабларига риоя қилиш.

Вазирлик марказий аппарати таркибий бўлинмалари раҳбарлари қонунчилик ҳужжатларига мувофиқ бошқа вазифаларни ҳам амалга ошириши мумкин.

28. Қуйидагилар Вазирлик тизимидаги олий таълим ташкилотлари, ташкилотлар ва ҳудудий бошқармалар раҳбарларининг асосий функционал вазифалари ҳисобланади:

1) олий таълим ташкилотлари, ташкилотлар, илмий ташкилотлар ва ҳудудий бошқармалар фаолиятига умумий раҳбарлик қилиш, Ўзбекистон Республикаси Президенти, Вазирлар Маҳкамасининг тегишли қарорлари ва бошқа қонунчилик ҳужжатлари, шунингдек Вазирлик буйруқлари билан уларга юкланган вазифалар ва функциялар бажарилишини ташкил этиш;

2) олий таълим ташкилотлари, ташкилотлар ва ҳудудий бошқармалар фаолияти билан боғлиқ прогноз кўрсаткичларга эришишни сўзсиз таъминлаш бўйича амалий чора-тадбирларни ишлаб чиқиш ва қабул қилиш;

3) Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини таъминлаш, ижро интизомини мустаҳкамлаш бўйича комплекс чора-тадбирларни амалга ошириш, шунингдек, Ўзбекистон Республикаси Президентининг ва Ҳукуматининг ижро интизомини мустаҳкамлаш юзасидан қарорларига мувофиқ топшириқлар ўз вақтида ва сифатли бажарилиши учун олий таълим ташкилотлари, ташкилотлар ва ҳудудий бошқармалар раҳбарларининг шахсий масъулиятини ошириш чораларини кўриш;

4) Вазирлик ҳайъати қарорлари, вазирнинг буйруқлари ва топшириқлари ўз вақтида ва сифатли бажарилишини таъминлаш;

5) олий, ўрта махсус ва профессионал таълим, илм-фан ва инновациялар, давлат ташкилотларига қабул масалалари юзасидан маҳаллий ижро этувчи ҳокимияти органлари ва комплекс ижтимоий-иқтисодий ривожлантириш секторлари билан ҳамкорлик қилиш;

6) ўз ўринбосарлари (проректорлари) ваколатларини белгилаш, улар ўртасида вазифаларни тақсимлаш, бошқа мансабдор шахслар ваколатларини, фаолиятнинг алоҳида участкаларига раҳбарлик қилиш учун ўз ўринбосарлари ва бошқа мансабдор шахсларнинг шахсий жавобгарлик даражасини белгилаш;

7) олий таълим ташкилотлари, ташкилотлар ва ҳудудий бошқармалар фаолиятини режалаштиришни ташкил этиш, ўз ўринбосарларининг ҳар чораклик иш режаларини тасдиқлаш, уларнинг бажарилиши юзасидан назоратни таъминлаш;

8) олий таълим ташкилотлари, ташкилотлар ва ҳудудий бошқармаларда кадрларни танлаш ва жой-жойига қўйиш, уларнинг самарали фаолият кўрсатиши учун зарур шарт-шароитлар яратиш, кадрлар захирасини шакллантириш;

9) вазир номенклатурасига кирадиган бўш лавозимларга таклиф этилган кадрларнинг, шунингдек, ишга қабул қилинаётган бошқа кадрларнинг профессионал даражасини амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлигининг кафолатини таъминлаш;

10) ходимларни, ўз ўринбосарларини рағбатлантириш ва интизомий жавобгарликка тортиш масалаларини ҳал қилиш, шу жумладан, улар эгаллаб турган лавозимда қолиши мақсадга мувофиқлигига доир масалаларни кўриб чиқиш, шахсий масъулиятини ошириш бўйича мунтазам чора-тадбирлар кўриш;

11) ходимлар томонидан одоб-ахлоқ қоидалари талабларига риоя этилишини таъминлаш;

12) ҳуқуқни қўллаш амалиётини ва қонунчиликни такомиллаштиришга доир чора-тадбирларни ишлаб чиқиш ва амалга ошириш орқали ҳудудий бошқармалар тизимида қонунчилик талабларига мувофиқ коррупция ва бошқа ҳуқуқбузарликларнинг олдини олиш чораларини кўриш, шунингдек, уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш;

13) прогноз кўрсаткичларнинг бажарилишини мунтазам таҳлил қилиш ҳамда ушбу кўрсаткичларга сўзсиз эришишни таъминлашга қаратилган қўшимча чора-тадбирларни амалга ошириш бўйича вазирнинг мутасаддилик қиладиган ўринбосарларига таклифлар киритиш;

14) ходимлар фаолиятининг самарадорлиги ва натижадорлигини тизимли равишда танқидий таҳлил қилиш, йиғилишларда уларнинг шахсий ҳисоботларини эшитиш, якунлари бўйича зарур чора-тадбирлар кўриш;

15) фаолиятига оид масалалар бўйича қонунчиликни такомиллаштириш, шунингдек, давлат хизматлари самарадорлиги, сифатини ва улардан эркин фойдаланишни ошириш бўйича таклифлар ишлаб чиқиш ҳамда уларни Вазирлик раҳбариятига киритиш;

16) жисмоний ва юридик шахсларнинг мурожаатларини кўриб чиқиш, қонунчилик билан белгиланган муддатларда ва тартибда аҳоли билан тўғридан-тўғри ва очиқ мулоқотни йўлга қўйиш, жисмоний ва юридик шахсларнинг вакилларини мунтазам равишда шахсан, шу жумладан, жойларга бориб қабул қилиш;

17) Ўзбекистон Республикаси Президентининг Халқ қабулхоналари билан самарали ҳамкорлик қилиш, уларнинг фаолиятида фаол иштирок этиш, жисмоний ва юридик шахсларнинг Ўзбекистон Республикаси Президенти Виртуал қабулхонасига тушган мурожаатларини ўз вақтида ва тўлақонли кўриб чиқиш;

18) ходимларнинг лавозим маошига мукофотлар, устамалар тўлаш, уларга моддий ёрдам бериш, мукофотлаш, рағбатлантириш ва уларга нисбатан интизомий чора қўллаш тўғрисида қарор қабул қилиш, давлат мукофотлари ва идоравий мукофотлар билан тақдирлаш тўғрисида Вазирликка таклифлар киритиш;

19) давлат сирини ёки қонун билан қўриқланадиган бошқа сирни ташкил этувчи маълумотларнинг ҳимоя қилинишини таъминлаш.

Вазирлик тизимидаги олий таълим ташкилотлари, ташкилотлар ва ҳудудий бошқармалар раҳбарлари қонунчилик ҳужжатларига мувофиқ бошқа вазифаларни ҳам амалга ошириши мумкин.

6-боб. Вазирлик раҳбарларининг жавобгарлиги

29. Вазир:

Вазирликка юклатилган вазифалар ва функцияларнинг бажарилиши;

ушбу Низомнинг 19-бандида назарда тутилган Вазирликнинг жавобгарлик соҳалари бўйича;

ушбу Низомнинг 25-бандида кўрсатилган ўз функционал вазифаларининг сифатли бажарилиши учун шахсан жавоб беради.

30. Вазир ўринбосарлари:

Вазирликнинг мутасаддилик қилинадиган таркибий бўлинмаларида Вазирликка юкланган вазифалар ва функцияларнинг бажарилиши;

ушбу Низомнинг 19-бандида назарда тутилган Вазирликнинг мутасаддилик қилинадиган масалаларга доир жавобгарлик соҳалари бўйича;

ушбу Низомнинг 26-бандида кўрсатилган ўз функционал вазифаларининг сифатли бажарилиши учун шахсан жавоб беради.

31. Вазирлик марказий аппарати таркибий бўлинмалари раҳбарлари:

тегишли таркибий бўлинмаларга юкланган вазифалар ва функцияларнинг амалга оширилиши;

ушбу Низомнинг 22-бандида назарда тутилган марказий аппаратнинг жавобгарлик соҳалари бўйича;

ушбу Низомнинг 27-бандида кўрсатилган ўз функционал вазифаларининг сифатли бажарилиши учун шахсан жавоб беради.

32. Вазирлик тизимидаги олий таълим ташкилотлари, ташкилотлар ва ҳудудий бошқармалар раҳбарлари:

Вазирлик тизимидаги олий таълим ташкилотлари, ташкилотлар ва ҳудудий бошқармаларга юкланган вазифалар ва функцияларнинг бажарилиши;

ушбу Низомнинг 24-бандида назарда тутилган Вазирлик тизимидаги олий таълим ташкилотлари, ташкилотлар ва ҳудудий бошқармаларнинг жавобгарлик соҳалари бўйича;

ушбу Низомнинг 28-бандида кўрсатилган ўз функционал вазифаларининг сифатли бажарилиши учун шахсан жавоб беради.

7-боб. Вазирлик фаолиятини ташкил этиш

1-§. Вазирлик раҳбарияти

33. Вазирликка Ўзбекистон Республикаси Олий Мажлиси Қонунчилик палатаси маъқуллаганидан кейин Ўзбекистон Республикаси Президенти томонидан тасдиқланадиган ва лавозимидан озод этиладиган вазир раҳбарлик қилади.

34. Вазир мақомига кўра Ўзбекистон Республикаси Вазирлар Маҳкамаси аъзоси ҳисобланади.

35. Вазир ўринбосарлари Ўзбекистон Республикаси Президенти томонидан лавозимга тайинланади ва лавозимдан озод қилинади.

36. Вазир бўлмаганда унинг ваколатлари бажарилиши тақсимланган вазифаларга мувофиқ унинг ўринбосарларидан бири томонидан амалга оширилади.

37. Вазирлик марказий аппарати таркибий бўлинмалари раҳбарлари ва ходимлари, шунингдек, Вазирлик тизимидаги идоравий мансуб ташкилотлар раҳбарлари, олий таълим ташкилотлари проректорлари (молиявий мустақиллик берилган давлат олий таълим ташкилотларидан ташқари), филиал директорлари ва уларнинг ўринбосарлари, профессионал таълим ташкилотлари, ҳудудий бошқармалар раҳбарлари вазир томонидан лавозимига тайинланади ва лавозимидан озод этилади.

2-§. Юклатилган вазифа ва функцияларни бажариш, шунингдек Вазирлик марказий аппарати таркибий тузилмаларининг унинг ҳудудий тузилмалари билан ўзаро ҳамкорлиги тартиби

38. Вазирлик марказий аппарати таркибий бўлинмаларининг олий таълим ташкилотлари, Вазирлик тизимидаги ташкилотлар, шу жумладан илмий ташкилотлар ва ҳудудий бошқармалар билан ўзаро ҳамкорлиги марказий аппарат таркибий бўлинмаларининг раҳбарлари томонидан таъминланади.

Вазирлик марказий аппаратининг таркибий бўлинмалари олий таълим ташкилотлари, Вазирлик тизимидаги ташкилотлар, шу жумладан илмий ташкилотлар ва ҳудудий бошқармалар билан ўз фаолияти йўналишлари бўйича ҳамкорлик қилиш доирасида:

топшириқларни олий таълим ташкилотлари, Вазирлик тизимидаги ташкилотлар, илмий ташкилотлар ва ҳудудий бошқармаларга етказади ҳамда уларнинг бажарилишини назорат қилади;

олий таълим ташкилотлари, Вазирлик тизимидаги ташкилотлар, илмий ташкилотлар ва ҳудудий бошқармаларга таркибий бўлинмаларнинг бевосита фаолияти масалалари бўйича сўровлар юборади ҳамда уларнинг ижро этилишини назорат қилади;

олий таълим ташкилотлари, Вазирлик тизимидаги ташкилотлар, илмий ташкилотлар ва ҳудудий бошқармаларнинг фаолият юритиш амалиётини текширади, ўрганади ва умумлаштиради, уни такомиллаштиришга қаратилган чора-тадбирларни ишлаб чиқади ҳамда қабул қилади;

олий таълим ташкилотлари, Вазирлик тизимидаги ташкилотлар, илмий ташкилотлар ва ҳудудий бошқармалар фаолиятини, шунингдек фаолияти натижалари тўғрисида ҳисобот ва ахборот материаллари, статистика маълумотлари ва бошқа маълумотлар ўрганилишини ташкил этади;

олий таълим ташкилотлари, Вазирлик тизимидаги ташкилотлар, илмий ташкилотлар ва ҳудудий бошқармаларнинг иш режаларини таҳлил қилади, фаолиятини такомиллаштиришга доир чора-тадбирлар кўради;

олий таълим ташкилотлари, Вазирлик тизимидаги ташкилотлар, илмий ташкилотлар ва ҳудудий бошқармалардан тушган таклифларни кўриб чиқади;

норматив-ҳуқуқий ҳужжатлар лойиҳаларини тайёрлашда олий таълим ташкилотлари, Вазирлик тизимидаги ташкилотлар, илмий ташкилотлар ва ҳудудий бошқармаларнинг иштирокини ташкил этади, олий, ўрта махсус ва профессионал таълим соҳасида қонунчиликни такомиллаштириш бўйича улардан тушган таклифларни кўриб чиқади.

39. Олий таълим ташкилотлари, Вазирлик тизимидаги ташкилотлар, илмий ташкилотлар ва ҳудудий бошқармалар марказий аппаратнинг таркибий бўлинмалари билан ҳамкорлик қилади, шу жумладан:

Вазирлик раҳбарияти топшириқларининг ижроси ҳақида ахборот беради;

олий, ўрта махсус ва профессионал таълим соҳасида қонунчиликни амалга ошириш бўйича фаолият натижалари тўғрисида марказий аппаратга ахборот тақдим этади;

уларнинг фаолиятини текшириш ва ўрганиш натижасида аниқланган камчиликларни ва қоидабузарликларни бартараф этиш натижалари тўғрисида маълумот беради;

ўз фаолияти натижалари тўғрисидаги ҳисоботларни белгиланган тартибда ва муддатларда марказий аппаратга тақдим этади;

олий, ўрта махсус ва профессионал таълим, илм-фан ва инновациялар, билим ва малакаларни баҳолаш бўйича муаммоларни ҳал қилишга қаратилган таклифларни марказий аппаратга юборади;

комплекс ижтимоий-иқтисодий ривожлантириш секторлари билан ўзаро ҳамкорлик натижалари тўғрисида ахборот беради;

ваколатли органлар томонидан ўтказилган ўз фаолиятини текшириш натижалари тўғрисида хабар беради.

40. Вазирлик марказий аппарати таркибий бўлинмалари, олий таълим ташкилотлари, Вазирлик тизимидаги ташкилотлар ва ҳудудий бошқармаларнинг ўзаро ҳамкорлиги жараёнида юзага келадиган келишмовчиликлар вазирнинг топшириғига биноан тегишли ўринбосари томонидан кўриб чиқилади.

Агар кўриб чиқишдан кейин келишмовчиликлар ҳал этилмаса, бевосита вазир уларни бартараф этиш бўйича қарор қабул қилади.

3-§. Вазирликнинг бошқа республика ижро этувчи ҳокимият органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотлар билан ўзаро ҳамкорлиги

41. Вазирлик ўз вазифалари ва функцияларини амалга оширишда давлат бошқарувининг бошқа органлари, маҳаллий ижро этувчи ҳокимият органлари, хўжалик бирлашмалари ва бошқа ташкилотлар билан ўзаро ҳамкорлик қилади.

42. Вазирлик тизимидаги олий, ўрта махсус ва профессионал таълим ташкилотлари ва бошқа ташкилотлар, ҳудудий бошқармалар ўз ваколатлари доирасида тегишли ҳудудларнинг ижтимоий-иқтисодий ривожланиши бўйича «йўл хариталари»ни ишлаб чиқиш ва амалга оширишда комплекс ижтимоий-иқтисодий ривожланиш соҳалари билан яқиндан ҳамкорлик қилади.

43. Вазирликнинг фаолияти Ўзбекистон Республикаси Президенти Администрациясининг тегишли таркибий бўлинмаси ҳамда Вазирлар Маҳкамаси томонидан таҳлил ва назорат қилинади.

4-§. Вазирликнинг ҳайъати, бошқа кенгаш, маслаҳат, эксперт органлари

44. Вазирликда раҳбар (ҳайъат раиси), унинг ўринбосарлари (лавозими бўйича), шунингдек, фаолиятининг асосий йўналишларини мувофиқлаштирувчи таркибий бўлинмалар, тизим ташкилотлари ва тизимдаги олий таълим ташкилотлари раҳбарларидан иборат таркибда ҳайъат тузилади.

Ҳайъат таркибининг сони ва шахсий таркиби Вазирлар Маҳкамаси томонидан тасдиқланади.

45. Ҳайъатга қуйидаги вазифалар юклатилади:

Вазирлик фаолиятининг ушбу Низомда белгиланган асосий йўналишларини ишлаб чиқиш ва амалга ошириш;

қонунчилик ҳужжатларида, Ўзбекистон Республикаси Президенти ҳужжатлари ва Ўзбекистон Республикаси Ҳукумати қарорларида белгиланган вазифалар ўз вақтида ва сифатли амалга оширилишини таъминлаш учун Вазирлик тизими ходимлари ва раҳбарларининг шахсий жавобгарлигини ошириш бўйича чораларни кўрган ҳолда таркибий ва ҳудудий тузилмалар ҳамда идоравий мансуб ташкилотлар раҳбарлари, идоравий мансублиги ва ташкилий-ҳуқуқий шаклидан қатъи назар, олий таълим ташкилотлари ректор (директор)ларининг ҳисоботларини мунтазам равишда эшитилишини ташкил этиш;

Вазирлик фаолияти соҳасидаги ҳудудий ва тармоқ дастурлари амалга оширилишининг натижадорлигини ҳар чоракда ва мунтазам кўриб чиқиш;

жойларда Вазирлик фаолияти соҳасидаги долзарб масалалар муҳокама қилинишини таъминлаган ҳолда ҳайъатнинг кенгайтирилган сайёр мажлислари ўтказилишини ташкил этиш, шунингдек, юзага келган муаммоларни бартараф этиш бўйича тегишли қарорларни ишлаб чиқиш ва қабул қилиш;

Вазирлик марказий аппарати ва унинг тизимига кирадиган лавозимлар номенклатурасини кўриб чиқиш ва тасдиқлаш;

Вазирлик номенклатурасига кирадиган лавозимларга кадрларни танлаш, жой-жойига қўйиш масалаларини кўриб чиқиш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари билан белгиланган вазифалар ўз вақтида ва сифатли бажарилишини таъминлаш учун Вазирлик раҳбарлари ва ходимларининг ижро интизомини мустаҳкамлаш ва шахсий жавобгарлигини ошириш.

Ҳайъат Вазирлик ваколатига киритилган бошқа масалаларни ҳам кўриб чиқишга ҳақлидир.

46. Ҳайъат мажлисига республика ижро этувчи ҳокимият органлари ва хўжалик бирлашмалари, бошқа ташкилотлар раҳбарлари ўз ваколатига кирадиган масалалар юзасидан таклиф этилиши мумкин.

47. Ҳайъат, агар унинг мажлисида ҳайъат таркибининг ярмидан кўпи қатнашса, ваколатли ҳисобланади. Кўриб чиқилаётган масалалар юзасидан қарорлар оддий кўпчилик овоз билан қабул қилинади.

48. Вазир ва ҳайъат аъзолари ўртасида келишмовчиликлар юзага келган тақдирда, вазир юзага келган келишмовчиликлар ҳақида Вазирлар Маҳкамасига ахборот берган ҳолда мустақил равишда қарор қабул қилади. Шунингдек, ҳайъат аъзолари ҳам Вазирлар Маҳкамасига ўз фикрини маълум қилиши мумкин.

49. Ҳайъат фаолияти тартиби ҳайъат томонидан тасдиқланадиган унинг регламенти билан белгиланади.

50. Вазирликда тегишли соҳалар, кадрлар буюртмачилари, олимлар ва бошқа ташкилотлар вакилларидан иборат Жамоатчилик кенгаши ташкил этилади. Жамоатчилик кенгаши ўз фаолиятини Кенгаш томонидан тасдиқланадиган регламентга мувофиқ амалга оширади.

51. Вазирлик тизимида олий, ўрта махсус ва профессионал таълим йўналишлари фаолиятини мувофиқлаштирувчи кенгаш ташкил этилади.

Кенгашнинг фаолиятини амалга ошириш тартиби Кенгаш тўғрисидаги низомда белгиланади.

Кенгашнинг асосий вазифалари давлат таълим стандартлари, ўқув режалар ва фан дастурлари, ўқув адабиётлари, малака талабларини таълим жараёнига тавсия этиш бўйича хулосалар беришдан иборат.

8-боб. Вазирлик фаолияти самарадорлиги ва натижадорлигини баҳолаш мезонлари ва иш индикаторлари

52. Вазирлик фаолиятининг самарадорлиги ва натижадорлиги мунтазам равишда баҳолаб борилади.

53. Вазирлик фаолиятининг самарадорлиги ва натижадорлигига берилган баҳолар Ўзбекистон Республикаси олий таълим, фан ва инновациялар вазири томонидан тасдиқланадиган Вазирлик фаолиятининг самарадорлиги ва натижадорлигини баҳолаш мезонлари ва иш индикаторларига асосан амалга оширилади.

54. Вазирлик фаолиятининг самарадорлиги ва натижадорлигини баҳолаш якунлари бўйича:

Вазирлик раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

Вазирлик фаолиятида аниқланган камчиликларни бартараф этиш ва унинг фаолиятини янада такомиллаштириш чораларини кўриш;

Вазирлик фаолиятининг самарадорлиги ва натижадорлигини баҳолаш тартиби ва методикаси қонунчилик ҳужжатларига мувофиқ белгиланади.

9-боб. Вазирлик фаолиятини молиялаштириш ва моддий-техник жиҳатдан таъминлаш, унинг ходимлари меҳнатига ҳақ тўлаш ва моддий рағбатлантириш

55. Қуйидагилар Вазирлик ва унинг тизимидаги олий, ўрта махсус ва профессионал таълим ташкилотлари, Вазирлик тизимидаги ташкилотлар ва ҳудудий бошқармалар фаолиятини молиялаштириш манбалари ҳисобланади:

Ўзбекистон Республикаси Давлат бюджети маблағлари;

Олий таълим, фан ва инновациялар вазирлигининг Олий таълим муассасаларини ривожлантириш жамғармаси маблағлари;

Илм-фанни молиялаштириш ва инновацияларни қўллаб-қувватлаш жамғармаси маблағлари;

қонунчилик ҳужжатларига мувофиқ пуллик хизмат кўрсатишдан тушадиган маблағлар;

вақтинча бўш маблағларни тижорат банкларининг депозитларига жойлаштиришдан олинган даромадлар;

қонунчилик ҳужжатлари билан тақиқланмаган бошқа манбалар.

56. Вазирлик марказий аппарати ходимларининг иш ҳақлари қонунчиликда кўзда тутилган лавозим маоши, мукофот пуллари, қўшимча тўловлар, устамалар ва рағбатлантириш тўловларидан ташкил топади.

Вазирлик марказий аппарати ходимларининг лавозим маошига ҳар ойлик устамалар, мукофотлар, уларга моддий ёрдам бериш ва ижтимоий муҳофаза қилиш харажатлари Ўзбекистон Республикаси олий таълим, фан ва инновациялар вазири томонидан тасдиқланадиган низомга мувофиқ тўланади.

57. Вазирлик марказий аппарати ходимларига ойлик иш ҳақи тўлаш ва уларни моддий рағбатлантириш манбалари меҳнатга ҳақ тўлаш жамғармаси, Олий таълим муассасаларини ривожлантириш жамғармаси маблағларидан ва қонунчилик ҳужжатларида тақиқланмаган бошқа манбалардан иборат.

10-боб. Вазирликнинг ҳисобдорлиги

58. Вазир Вазирликнинг фаолияти тўғрисида Ўзбекистон Республикаси Олий Мажлиси палаталари, Ўзбекистон Республикаси Президенти, Вазирлар Маҳкамаси ҳамда жамоатчилик олдида бевосита ҳисобдор бўлади.

59. Вазирлик Ўзбекистон Республикаси Президенти Администрацияси ва Вазирлар Маҳкамаси билан ўзаро ҳамкорлик қилиш доирасида:

ўзига юкланган вазифа ва функцияларни бажариш билан боғлиқ норматив-ҳуқуқий ҳужжатлар ҳамда бошқа ҳужжатлар лойиҳаларини белгиланган тартибда киритади;

Ўзбекистон Республикаси Президенти Администрацияси ва Вазирлар Маҳкамасига тақдим этиш учун республика ижро этувчи ҳокимият органлари, хўжалик бирлашмалари билан биргаликда ўз фаолият соҳасидаги муаммоларни ҳал этиш, давлат бошқаруви тизимини мақбуллаштиришга қаратилган таклиф, тавсия ва таҳлилий маълумотлар тайёрланишини таъминлайди;

олий таълим, фан ва инновацион ривожланишнинг энг муҳим йўналишлари ҳамда вазифаларини амалга оширишда мавжуд тизимли муаммо ва камчиликларнинг мунтазам равишда кўриб чиқилишини ташкил қилади.

60. Мониторинг ва баҳолаш натижаларига кўра, Вазирликнинг алоҳида ўрнак кўрсатган ходимларини рағбатлантириш чоралари кўрилади, камчиликларга йўл қўйган ходимларга нисбатан эса интизомий жазо чоралари қўлланилади.

61. Вазирлик ҳар чорак якуни бўйича тегишли ҳисобот даври учун республика олий, ўрта махсус ва профессионал таълимини ривожлантириш натижалари тўғрисидаги пресс-релизни ўз расмий веб-сайтида ёритилиб борилишини таъминлайди.

11-боб. Якунловчи қоида

62. Вазирликни қайта ташкил этиш ва тугатиш қонунчиликда белгиланган тартибда амалга оширилади.

Вазирлар Маҳкамасининг 2024 йил 8 августдаги 489-сон қарорига 2-ИЛОВА

Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги тўғрисида

1-боб. Умумий қоидалар

1. Мазкур Низом Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги (кейинги ўринларда — Агентлик)нинг мақоми, асосий вазифалари ва функциялари, ваколатлари ҳамда ташкилий асосларини, шунингдек, раҳбарларининг функционал мажбурияти ва масъулиятини белгилайди.

2. Агентлик:

Ўзбекистон Республикасида илм-фан ва илмий фаолият соҳасини ҳамда инновацион фаолиятни бошқариш ва ташкиллаштириш, уни амалга оширишни мувофиқлаштириш, мамлакатнинг интеллектуал ва технологик салоҳиятини оширишга қаратилган давлат хизматларини кўрсатувчи республика ижро этувчи ҳокимият органи ҳисобланади;

ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Олий таълим, фан ва инновациялари вазирлиги (кейинги ўринларда — Вазирлик)нинг буйруқларига, шунингдек, ушбу Низомга ва бошқа қонунчилик ҳужжатларига амал қилади;

илмий-тадқиқот, таълим ва бошқа муассасалар томонидан амалга ошириладиган давлат илмий дастурлари ва лойиҳаларининг ягона буюртмачиси ҳисобланади.

3. Агентликнинг расмий номланиши:

а) давлат тилида:

тўлиқ номи — Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги, қисқартмаси — Инновация агентлиги;

б) рус тилида:

тўлиқ номи — Агентство инновационного развития при Министерстве высшего образования, науки и инноваций Республики Узбекистан, қисқартмаси — Агентство инноваций;

в) инглиз тилида:

тўлиқ номи — Agency for innovative development under the Ministry of higher education, science and innovations of the Republic of Uzbekistan, қисқартмаси — Innovations agency.

4. Агентлик юридик шахс ҳисобланади, Ўзбекистон Республикаси Давлат герби тасвири туширилган ва ўз номи ёзилган муҳрга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида шахсий ғазна ҳисобварақларига, шу жумладан хорижий валютадаги шахсий ғазна ҳисобварақларига эга бўлади.

5. Агентликнинг жойлашган ери (почта манзили): Тошкент шаҳри, Олмазор тумани, Талабалар шаҳарчаси, Университет кўчаси, 7-уй, 100174.

2-боб. Агентликнинг тузилмаси

6. Агентликнинг тузилмасига қуйидагилар киради:

Агентликнинг марказий аппарати;

Илмий-техник ахборот маркази;

Халқаро молекуляр аллергология маркази;

Ёшлар инновация маркази;

Инновацион ривожланиш нашриёт-матбаа уйи;

Ёшлар технопарклари.

3-боб. Агентлик ва унинг марказий аппаратининг вазифалари ва функциялари

1-§. Агентликнинг асосий вазифалари ва функциялари

7. Қуйидагилар Агентликнинг асосий вазифалари ҳисобланади:

илмий фаолиятга оид давлат дастурлари ва илмий фаолиятга оид давлат мақсадли дастурларини ишлаб чиқиш, уларнинг ижросини назорат қилиш ҳамда илмий фаолиятга оид ҳудудий дастурлар ишлаб чиқилишини мувофиқлаштириш;

илм-фан ва таълим интеграциясини мустаҳкамлаш, олий таълимдан кейинги таълим институтларининг самарадорлигини ошириш, илмий даражали кадрларни тайёрлашга қаратилган тизимли чора-тадбирларни амалга ошириш;

хорижий илмий стажировкаларни ташкил этиш, ёш олимларнинг халқаро тажрибани ўрганишларига кўмаклашиш, илмий фаолиятни амалга оширувчиларни замонавий илмий лаборатория ускуналари билан жиҳозлашда яқиндан ҳамкорликни амалга ошириш;

илм-фан ва инновацион фаолиятни рақамлаштириш, ахборот хавфсизлигини таъминлаш, илмий фаолиятга хизмат қиладиган бошқа ахборот тизимлари билан ўзаро ҳамкорликни ўрнатиш;

илмий ишланмаларни тижоратлаштириш лойиҳаларини танлаш ва молиялаштириш асосида бозорга янги ва рақобатбардош маҳсулотларнинг чиқарилишини таъминлаш;

илмий ва инновацион лойиҳаларни амалга оширишда инвестиция ва грантларни жалб этиш, илмий ва инновацион фаолиятни молиялаштириш бўйича чора-тадбирларни амалга ошириш;

ёшларнинг инновацион фаолиятини қўллаб-қувватлаш, улар томонидан амалга ошириладиган стартап лойиҳаларига кўмаклашувчи тизимни мувофиқлаштириш;

ҳудудларнинг интеллектуал ва технологик салоҳиятини ошириш, илмий ва инновацион фаолият учун замонавий инфратузилмаларни шакллантириш;

иқтисодиётнинг реал сектори ва ишлаб чиқариш тармоқларининг илмий ишланма ва инновацияларга бўлган эҳтиёжларини аниқлаш ҳамда тармоқ илмий-тадқиқотлар ишларини ривожлантириш асосида илм-фан ва ишлаб чиқариш интеграциясини мустаҳкамлаш;

инновацион ривожлантиришнинг стратегиясини ишлаб чиқиш ҳамда мамлакатнинг Глобал инновация индексидаги ўрнини яхшилаш бўйича таклифларни ишлаб чиқиш.

8. Агентлик ўзига юклатилган вазифаларга мувофиқ қуйидаги функцияларни амалга оширади:

а) илмий фаолиятга оид давлат дастурлари ва илмий фаолиятга оид давлат мақсадли дастурларини ишлаб чиқиш, уларнинг ижросини назорат қилиш ҳамда илмий фаолиятга оид ҳудудий дастурлар ишлаб чиқилишини мувофиқлаштириш соҳасида:

республика ижро этувчи ҳокимият органлари, хўжалик бирлашмалари ва маҳаллий ижро этувчи ҳокимият органларининг давлат буюртмасига киритиш учун иқтисодиёт тармоқлари ва ижтимоий соҳанинг мавжуд муаммолари ва реал эҳтиёжлари ҳамда ҳудудий муаммоларни ҳал этишга қаратилган илмий-тадқиқотлар бўйича белгиланган тартибда ва шаклда тақдим этилган асосланган таклифларини умумлаштиради;

мамлакатни ижтимоий-иқтисодий ривожлантириш вазифалари, иқтисодиёт тармоқлари ва ижтимоий соҳанинг талаб ва эҳтиёжларини ҳисобга олган ҳолда илмий-тадқиқот ишларига давлат буюртмасини танловлар асосида шакллантиради;

танловлардан муваффақиятли ўтган илмий фаолиятга оид давлат дастурлари ҳамда Ўзбекистон Республикаси Президентининг, Ўзбекистон Республикаси Олий Мажлиси ва Вазирлар Маҳкамасининг ҳужжатлари, давлат дастурлари ва концепцияларда баён этилган вазифа ва топшириқлар асосида давлат илмий дастурларини шакллантиради ва буюртмачи сифатида шартномалар расмийлаштирилишини амалга оширади;

илмий-тадқиқот ишларига давлат буюртмаси бўйича бажариладиган илмий лойиҳаларнинг давлат рўйхатини юритади ва улар юзасидан ҳисоботларни қабул қилади;

давлат буюртмаси асосида бажариладиган фундаментал, амалий ва инновацион лойиҳаларнинг тасдиқланган режасига кўра бажарилиши юзасидан мониторинг ўтказади;

республикада фаолият юритадиган илмий ташкилотларнинг илмий инновацион фаолиятини таҳлил қилади ва унинг натижаларига кўра илмий ташкилотларнинг миллий рейтингини ишлаб чиқади;

хорижий давлатлар билан ҳамкорликда халқаро қўшма илмий лойиҳалар танловларини ташкил этади, танловлардан муваффақиятли ўтган лойиҳаларни молиялаштиради;

давлат илмий дастурларини шакллантиришга оид норматив-ҳуқуқий ҳужжатлар лойиҳаларини ишлаб чиқишда иштирок этади, асосланган таклифлар ва хулосалар тайёрлаб Вазирликка тақдим қилади;

б) илм-фан ва таълим интеграциясини мустаҳкамлаш, олий таълимдан кейинги таълим институтларининг самарадорлигини ошириш, илмий даражали кадрларни тайёрлашга қаратилган тизимли чора-тадбирларни амалга ошириш соҳасида:

илмий даражали кадрларни тайёрлашда олий таълимдан кейинги таълим тизимини мувофиқлаштиради, илмий даражага эга ходимларни қўллаб-қувватлаш тизимининг самарадорлигини ошириш бўйича таклифлар тайёрлайди ва зарур чора-тадбирларни амалга оширади;

олий таълимдан кейинги таълим институти мавжуд олий таълим ва илмий ташкилотларга докторантура ва стажёр-тадқиқотчиликка қабул бўйича квоталар ажратади;

олий таълимдан кейинги таълим институтларида таҳсил олаётган таянч докторантлар ва докторантлар фаолияти самарадорлиги мониторингини олиб боради;

олий таълим ташкилотларида илмий-тадқиқот ишларини ташкил этиш, уларнинг самарадорлигини ошириш, илм-фан ва таълим интеграциясини таъминлашга қаратилган чора-тадбирларни амалга оширади;

олий таълим ташкилотларининг ёш олим, мутахассис ва профессор-ўқитувчиларини республика илм-фанини ривожлантиришнинг устувор йўналишлари бўйича илмий-тадқиқот ишларига жалб этишга оид ташкилий ишларни амалга оширади;

республикада ва халқаро миқёсдаги илмий анжуманлар, симпозиумлар, семинарлар ва бошқа илмий ва илмий-техник тадбирларнинг йиллик режаларини шакллантиради ва тасдиқланган режаларни амалга оширилишини таъминлайди;

в) хорижий илмий стажировкаларни ташкил этиш, ёш олимларнинг халқаро тажрибани ўрганишларига кўмаклашиш, илмий фаолиятни амалга оширувчиларни замонавий илмий лаборатория ускуналари билан жиҳозлашда яқиндан ҳамкорликни амалга ошириш соҳасида:

илмий лабораторияларнинг замонавий илмий ускуналар билан жиҳозланганлигини ўрганади, уларни янгилаш ва зарур сарфлаш материаллари ҳамда бутловчи қисмлар билан таъминлаш юзасидан таклифлар ишлаб чиқади;

илмий лабораторияларни замонавий илмий ускуналар билан жиҳозлаш, шунингдек зарур сарфлаш материаллари ва бутловчи қисмлар билан таъминлаш чораларини кўради;

мавжуд илмий лабораторияларга оид маълумотлар базасини юритади, илмий ходимларнинг илмий ускуналарга бўлган эҳтиёжлари учун илмий ускуналардан биргаликда фойдаланиш дастурларини тайёрлайди ва уларни амалга ошириш бўйича қўшимча қўллаб-қувватлаш чора-тадбирларини амалга оширади;

илмий лабораторияларни замонавий илмий ускуналар билан жиҳозлаш бўйича лойиҳалар портфелларини қабул қилади, уларни ўрганади ва молиялаштириш бўйича зарур чораларни кўради;

ёш олимларни хорижий илмий стажировкаларга юбориш бўйича таклифларни қабул қилади ва ўрганади, ушбу йўналишда халқаро ҳамкорликни кенгайтириш чораларини кўради;

ёш олимларни хорижий илмий стажировкаларга юбориш бўйича танловларни эълон қилади, ўтказади ва ғолибларни стажировкаларга юбориш билан боғлиқ чора-тадбирларини амалга оширади;

г) илм-фан ва инновацион фаолиятни рақамлаштириш, ахборот хавфсизлигини таъминлаш, илмий фаолиятга хизмат қиладиган бошқа ахборот тизимлари билан ўзаро ҳамкорликни ўрнатиш соҳасида:

Агентлик ва унинг тизимидаги ташкилотларда рақамли иқтисодиёт ва электрон ҳукумат соҳасидаги лойиҳаларни кенг жорий этади, ўзининг барча фаолият йўналишларида рақамли технологияларни жорий этади, улардан самарали фойдаланишни норматив, технологик, ахборот ва таҳлилий қўллаб-қувватлаш чора-тадбирларини амалга оширади;

Агентлик ва унинг тизимидаги ташкилотларда ахборот тизимларини жорий этиш учун зарур телекоммуникация инфратузилмани таъминлаш билан боғлиқ чора-тадбирларни амалга оширади;

Агентлик ва унинг тизимидаги ташкилотларда жорий этиладиган ахборот тизимларининг ахборот ва киберхавфсизликни таъминлаш, шахсга доир маълумотлардан қонунчиликда белгиланган тартибда фойдаланиш чораларини кўради;

Агентлик томонидан кўрсатиладиган давлат хизматларини амалга ошириш жараёнларни мақбуллаштириш ва рақамлаштиришни ҳисобга олган ҳолда электрон шаклга ўтказиш бўйича таклифлар тайёрлайди;

илм-фан ва инновациялар соҳасида рақамли иқтисодиёт ва электрон ҳукуматни ривожлантириш юзасидан таклифларни ишлаб чиқади ва Рақамли технологиялар вазирлиги билан биргаликда зарур чора-тадбирларни амалга оширади;

Агентлик фаолиятининг очиқлиги ва шаффофлигини таъминлаш бўйича дастурий маҳсулотлар ва ахборот ресурсларини яратиш ва уларни узлуксиз ишлашини таъминлаш учун қўллаб-қувватлашга қаратилган тизимли ишларни ташкил қилади;

илм-фан ва инновациялар соҳасида фаолият олиб бораётган ташкилотларни Агентлик ва ахборот алмашишини таъминлайдиган ахборот тизимларини ишлаб чиқади ва ривожлантиради;

д) инновацион ривожлантиришнинг стратегиясини ишлаб чиқиш ҳамда мамлакатнинг Глобал инновация индексидаги ўрнини яхшилаш бўйича таклифларни ишлаб чиқиш соҳасида:

халқаро молия институтлари экспертлари, маҳаллий илмий ташкилотлар ходимлари, мутасадди вазирлик ва идораларни жалб қилган ҳолда инновацион ривожланишнинг ўрта ва узоқ муддатли стратегиясини ишлаб чиқади ва уни амалга ошириш учун ишларни ташкил этади;

Инновацион ривожланиш стратегиясида белгиланган бош мақсад ва мақсадли кўрсаткичларга эришиш бўйича зарур чоралар кўради;

Ўзбекистоннинг халқаро рейтингларда, хусусан Глобал инновация индексида баҳоланишини доимий кузатиш, тизимли таҳлилини юритиш, натижаларни яхшилаш бўйича тегишли тартибда таклифлар ишлаб чиқади;

Агентликнинг бошқа таркибий бўлимлари билан ҳамкорликда Глобал инновация индексида Ўзбекистон ўрнини яхшилаш борасида инновацияларга киритиладиган инвестициялар (innovation input) ва уларнинг натижадорлигини (innovation output) ошириш юзасидан зарурий ишларни амалга оширади;

Глобал инновация индекси доирасида таркибий индикаторлар маълумотларини шакллантириш ва ўрнини яхшилаш бўйича масъул вазирлик ва идоралар билан ҳамкорликда ишлайди;

Глобал инновация индексида мунтазам паст баҳоланган, маълумоти мавжуд бўлмаган ва эскирган индикаторлар позициясини яхшилаш чораларини кўради;

е) илмий ишланмаларни тижоратлаштириш лойиҳаларини танлаб ва молиялаштириш асосида бозорга янги ва рақобатбардош маҳсулотларнинг чиқарилишини таъминлаш соҳасида:

илмий ишланмаларни тижоратлаштириш, тижоратлаштиришга тайёрлаш ҳамда технологиялар трансфери юзасидан норматив-ҳуқуқий базани такомиллаштириш ва мувофиқлаштиришда иштирок этади;

олий таълим ва илмий-тадқиқот муассасалари томонидан яратилган илмий ишланмаларни саралаб олади, тижоратлаштириладиган илмий ишланмалар базасини шакллантиради;

илмий ишланмаларни тижоратлаштириш ёки уларни молиялаштириш истагида бўлган тадбиркорлик субъектлари базасини шакллантиришда иштирок этади;

янги, илмий ҳажмдор ва рақобатбардош маҳсулотлар ишлаб чиқаришга қаратилган истиқболли лойиҳаларни молиялаштиришни ташкил этади;

илмий муассасалар томонидан яратилган ишланмаларни саралаб олиш ҳамда иқтисодиёт тармоқларига жорий этишни (трансферини) ташкил этиш ва тижоратлаштиришга кўмаклашади;

хорижий давлатларда мавжуд илғор, истиқболли технологияларни республикадаги соҳа ва тармоқларга трансфер қилишда иштирок этади;

республикада яратилган интеллектуал мулк объектларини ҳуқуқий муҳофаза қилишга, жумладан илмий-тадқиқот натижасида яратилган ишланмаларни хорижда патентлашга кўмаклашади;

олий таълим ташкилотлари ва илмий-тадқиқот муассасалари томонидан тижоратлаштирилаётган илмий ишланмалар натижаларини умумлаштиради ва мувофиқлаштиради;

ж) илмий ва инновацион лойиҳаларни амалга оширишда инвестиция ва грантларни жалб этиш, илмий ва инновацион фаолиятни молиялаштириш бўйича чора-тадбирларни амалга ошириш соҳасида:

инвестиция дастурлари доирасида Агентлик тизимида амалга оширилаётган инвестиция лойиҳалари ижроси ва маблағларнинг ўзлаштирилишини таъминлайди;

келгуси йил учун инвестиция дастурларига киритиш учун лойиҳаларни тайёрлайди, белгиланган тартибда кўриб чиқилишини таъминлайди;

хорижий инвестициялар, кредитлар ва хорижий грантлар иштирокида истиқболли инновацион ва инвестицион лойиҳаларни ишлаб чиқиш ва амалга ошириш юзасидан доимий мониторинг олиб боради;

истиқболли инновацион ва инвестицион лойиҳалар портфелини шакллантиришда ҳамда инвестициялар, халқаро техник кўмак ва хорижий грантларни жалб қилиш чораларини кўради;

инвестицион лойиҳани амалга ошириш жараёнининг тегишли босқичида инвесторларни тааллуқли вазирлик ва идоралар билан ҳамкорлик алоқаларини йўлга қўйишига кўмаклашади ва юзага келадиган ташкилий масалаларни ҳал этиш бўйича музокаралар олиб боради;

инвестициялар ва ташқи беғараз кўмак (грант) жалб қилиш бўйича халқаро молия институтлари, хорижий давлатлар молия институтлари, банк тузилмалари ва бошқа иқтисодий ташкилотлар билан ўтказиладиган музокараларда иштирок этади;

халқаро техник кўмак ва хорижий грантларни жалб қилиш бўйича халқаро ташкилотлар, хорижий давлатлар ва ташкилотлар билан музокаралар ўтказиш ҳамда ҳамкорликни ривожлантириш юзасидан таклифлар тайёрлайди;

халқаро ташкилотлар ва хорижий компанияларнинг юқори малакали мутахассисларини, шунингдек экспертларни маслаҳатчи (консультант) сифатида жалб қилади;

халқаро ҳамкорлик соҳасида манфаатдор хорижий ҳамкорлар билан шартномалар тузилишини мувофиқлаштиради ва таъминлайди;

халқаро инновацион-инвестицион форумлар, конференциялар ва бошқа тадбирларни ўтказишда иштирок этади;

илмий ва инновацион фаолиятни молиялаштириш усулларини кенгайтириш бўйича илғор хориж тажрибасига асосан таклифлар ҳамда инновацион фаолият хавфларини баҳолаш бўйича тавсиялар ишлаб чиқади;

з) ёшларнинг инновацион фаолиятини қўллаб-қувватлаш, улар томонидан амалга ошириладиган стартап лойиҳаларига кўмаклашувчи тизимни мувофиқлаштириш соҳасида:

инновацион фаолият соҳасидаги «стартап» лойиҳаларини ривожлантириш ва уларни акселерация/инкубация жараёнларидан ўтказиш учун ягона майдон ташкил этиш ва бу орқали стартапларнинг салоҳиятини оширишга шароит яратади;

инновацион фаолиятда ташаббусга эга аҳолининг стартап лойиҳаларида иштирокини таъминлаш чораларини кўради;

стартап экотизимини ривожлантириш ва стартапларни қўллаб-қувватлашда халқаро ҳамкорликни жалб этишда кўмаклашади;

стартапларни қўллаб-қувватлашда малакали мутахассислар ва экспертлар иштирокида маҳорат дарслари, семинар-тренинг ва ўқув курсларини ташкил этади;

стартап экотизимининг иштирокчилари, шу жумладан, давлат органлари ва ташкилотларининг, муассаса ва жамиятларнинг стартаплар бўйича фаолиятига кўмаклашади;

стартап лойиҳалари танловини эълон қилиш ва акселерация марказлари томонидан тақдим этилган таклифларни кўриб чиқиш ҳамда акселераторлик марказлари фаолиятини ривожлантириш бўйича таклифлар ишлаб чиқади;

и) ҳудудларнинг интеллектуал ва технологик салоҳиятини ошириш, илмий ва инновацион фаолият учун замонавий инфратузилмаларни шакллантириш соҳасида:

инновацион ҳудудга айлантирилаётган туманларда инновацион ривожлантириш бўйича комплекс ривожлантириш стратегиялари, дастурлар, концепциялари, узоқ, ўрта ва қисқа муддатли инновацион ривожлантириш прогнозларини ишлаб чиқиш ҳамда амалга оширишни мувофиқлаштиради;

инновацион ҳудудга айлантирилаётган туманларни интеллектуал ва технологик салоҳиятини ошириш, илмий ва инновацион фаолият учун замонавий инфратузилма субъектларини шакллантириш ва янги технологияларга асосланган маҳсулот ишлаб чиқаришни жадал ривожлантириш бўйича таклифлар ишлаб чиқади;

инновацион ҳудудга айлантирилаётган туманларда инновацион фаолияти кўламини кенгайтириш ва иқтисодиётни диверсификация қилиш, шунингдек соҳадаги мақсадли кўрсаткичларнинг бажарилиши юзасидан мониторинг олиб боради;

ҳудудларда янги инновацион инфратузилма субъектлари (ёшлар технопарклари, инновация марказлари, бизнес акселератор, бизнес-инкубаторлар ва бошқалар)ни ташкил этиш ҳамда мавжуд инфратузилма субъектлари самарадорлигини ошириш бўйича чора-тадбирларни ишлаб чиқиш ва инновацион салоҳиятини оширишга кўмаклашади;

инновацион ҳудудларнинг иқтисодий ва инновацион рақобатбардошлигини оширишга йўналтирилган тадбирларни амалга ошириш, шу жумладан, импорт ўрнини босувчи ва экспортга йўналтирилган инновацион маҳсулотлар ишлаб чиқаришга илғор замонавий технологияларни жорий қилишга кўмаклашади;

соҳадаги етакчи экспертларни жалб қилган ҳолда инновацион ҳудудга айлантирилаётган туман ҳоким ўринбосарлари ҳамда инновацион инфратузилма ходимларини инновацион экотизимни ривожлантириш бўйича семинар-тренинг ўтказиш орқали билим ва малакаларини оширади;

инновацион ҳудудга айлантирилаётган туманлардаги тадбиркорлик субъектлари ва тегишли соҳадаги ташкилотларни ҳар йили ўтказиладиган халқаро инновацион ғоялар ҳафталигида иштирокини таъминлайди;

инновацион ҳудудга айлантирилаётган туманларда инновацион ривожланиши билан боғлиқ услубий-меъёрий қўлланмалар, амалий таклиф ва тавсиялар ишлаб чиқади;

к) иқтисодиётнинг реал сектори ва ишлаб чиқариш тармоқларининг илмий ишланма ва инновацияларга бўлган эҳтиёжларини аниқлаш ҳамда тармоқ илмий-тадқиқотлар ишларини ривожлантириш асосида илм-фан ва ишлаб чиқариш интеграциясини мустаҳкамлаш соҳасида:

иқтисодиётнинг реал секторининг илмий ишланма ва инновацияларга бўлган эҳтиёжларини ўрганиш асосида аниқ муаммолар ечимига қаратилган мақсадли илмий дастурларни ишлаб чиқади;

илм-фан ва ишлаб чиқариш интеграциясини мустаҳкамлаш, ишлаб чиқариш корхоналарини илмий ташкилотлар билан ҳамкорлигини кучайтириш ва ишлаб чиқаришга жорий этиш бўйича лойиҳа таклифларини тайёрлайди;

илғор хорижий тажриба асосида иқтисодиёт тармоқларининг «яшил» ва кам углеродли ривожланишга қаратилган чора-тадбирларини амалга ошириш, шу жумладан, қайта тикланувчи энергия манбалари ва энергия самарадор технологияларни жорий қилиш бўйича инновацион ечимларни ишлаб чиқади;

иқтисодиётнинг реал сектори илмий-тадқиқот, тажриба-конструкторлик ва технологик ишлар тузилмаларини ташкил этишга кўмаклашиш ҳамда тадқиқот ва тажриба-синов тузилмаларини ривожлантириш чораларини кўриш, илғор хорижий тажрибаларни ўрганиш асосида таклифлар тайёрлайди;

иқтисодиётнинг реал сектори ва ишлаб чиқариш тармоқларига инновацияларни жорий этиш, янги технологияларни ишлаб чиқиш ва татбиқ этишда давлат томонидан қўллаб-қувватлашнинг таъсирчан механизмларини жорий этиш бўйича таклифлар тайёрлайди;

иқтисодиёт тармоқларини инновацион ривожлантиришга оид норматив-ҳуқуқий ҳужжатлар лойиҳаларини ишлаб чиқади, кўриб чиқади ва таклифлар тайёрлайди;

иқтисодиёт тармоқларини инновацион ривожлантириш ва янги маҳсулотларни яратиш бўйича тадқиқотларни йўлга қўйишда халқаро ташкилотлар, компаниялар ва институтлар билан ҳамкорликни кенгайтиради.

Агентлик қонунчилик ҳужжатларига мувофиқ бошқа вазифаларни ҳам бажариши мумкин.

2-§. Агентлик марказий аппаратининг вазифалари ва функциялари

9. Қуйидагилар Агентлик марказий аппаратининг асосий вазифалари ҳисобланади:

1) илмий ва инновацион фаолият соҳасида ягона давлат сиёсатини амалга оширишга кўмаклашиш;

2) Агентлик ҳамда унинг таркибий бўлинмалари фаолияти билан боғлиқ прогноз кўрсаткичлар, мақсадли индикаторлар, сифатга эришиш ва ривожлантириш дастурларини самарали амалга оширишни таъминлаш;

3) Агентлик фаолияти соҳасига тегишли масалаларда вазирликлар ва идоралар билан ҳамкорлик қилиш, Вазирлик йиғилишларида масалаларни муҳокама қилишда иштирок этиш;

4) Ўзбекистон Республикаси Президенти, Ўзбекистон Республикаси Президенти Администрацияси, Ўзбекистон Республикаси Олий Мажлиси ҳамда Ўзбекистон Республикаси Вазирлар Маҳкамаси топшириқларини ўз вақтида, тўлиқ ва сифатли бажариш;

5) Агентлик ходимларини тизимли қайта тайёрлаш ва малакасини оширишни ташкил этиш;

6) Агентликнинг марказий аппарати фаолиятининг самарадорлиги ва натижадорлигини танқидий таҳлил қилиш, таҳлил натижаларига кўра зарур чора-тадбирларни кўриш;

7) Агентлик ҳамда унинг таркибий бўлинмалари фаолиятига замонавий иш услубларини жорий этиш;

8) илмий ва инновацион фаолият соҳасида давлат хизматларини кўрсатиш самарадорлиги, сифати ва эркинлигини таъминлаш;

и) жисмоний ва юридик шахслар мурожаатларини кўриб чиқиш бўйича ишларни самарали таъминлаш, аҳоли билан тўғридан-тўғри ва очиқ мулоқотни йўлга қўйиш;

9) илмий ва инновацион фаолиятни ривожлантириш бўйича мақсадли дастурлар, илмий ва инновацион фаолият соҳасидаги дастурий-услубий ва бошқа тартибга солувчи ҳужжатларни белгиланган тартибда тасдиқлаш;

10) илмий ва инновацион фаолият соҳасида халқаро ва давлатлараро ҳамкорликни кенгайтириш ва мустаҳкамлаш, хорижий инвестициялар ва грантларни жалб этиш бўйича халқаро хорижий тадбирларда Агентлик вакилларининг иштирокини таъминлаш;

11) Агентлик Ҳайъати қарорлари, Вазир ҳамда Агентлик директори буйруқлари ва топшириқларининг ўз вақтида ва сифатли бажарилишини таъминлаш;

12) таркибий бўлинмаларда кадрларни танлаш ва жой-жойига қўйиш, уларнинг касб маҳорати, чуқур билимга эгалиги, тажрибаси, ишчанлик ва одоб-ахлоқ ҳамда маънавиятининг юқори даражаси кафолатланганлигини таъминлаш, уларнинг касбий малакасини ошириш чораларини кўриш, назоратдаги таркибий бўлинмаларда кадрлар захирасини шакллантириш;

13) илмий ва инновацион фаолият соҳасидаги илғор хорижий тажриба ва илмий-техник тараққиётда эришилган натижаларни ўрганишни ташкил этиш, илмий ва инновацион фаолиятни янада ривожлантиришда мазкур тажрибани жорий этиш;

14) илмий ва инновацион фаолият соҳасида халқаро семинарлар, анжуманлар, кўргазмалар ўтказилишини ташкил этиш ҳамда бошқа ташкилотлар ўтказадиган шу каби тадбирларда иштирок этишни таъминлаш.

10. Агентликнинг марказий аппарати ўзига юклатилган асосий вазифаларга мувофиқ қуйидаги функцияларни амалга оширади:

Агентлик раҳбари фаолиятини ташкилий-назорат ва ахборот-таҳлилий жиҳатдан таъминлайди;

Агентлик зиммасига юклатилган вазифалар ва функцияларни бажариш доирасида таркибий бўлинмаларнинг келишилган ҳолда ишлашини ҳамда қуйи ташкилотлар билан ўзаро ҳамкорлигини таъминлайди;

топшириқлар ва қонунчилик ҳужжатлари ижросини таъминлаш, юклатилган вазифа ва функцияларни бажариш ҳамда ўз ташаббуси билан Агентлик ваколатларига тааллуқли бўлган масалалар бўйича норматив-ҳуқуқий ҳужжатлар ва бошқа ҳужжатлар лойиҳаларини ишлаб чиқади;

Ўзбекистон Республикаси Президенти Администрацияси ва Вазирлар Маҳкамасига тақдим этиш учун ижро этувчи ҳокимият органлари билан биргаликда инновацион ривожланиш соҳасидаги муаммоларни ҳал этиш, соҳани янада ривожлантиришга қаратилган таклиф, тавсия ва таҳлилий маълумотлар тайёрланишини таъминлайди;

мамлакатнинг инновацион тараққиёти учун бирламчи зарур бўлган лойиҳаларни тайёрлаш, амалга ошириш ва самарадорлигини баҳолаш бўйича чора-тадбирлар ишлаб чиқади ва амалга оширади, Инновацион ривожланиш стратегиясининг яқин, ўрта ва узоқ истиқболларидаги устувор йўналишларидан келиб чиқиб, таклифларни Вазирликка, Ўзбекистон Республикаси Президенти Администрацияси ва Вазирлар Маҳкамасига тақдим этади;

инновацион ривожланишнинг энг муҳим йўналишлари ва вазифаларини амалга оширишда мавжуд тизимли муаммо ва камчиликларни мунтазам равишда кўриб чиқилишини ташкил қилади;

таркибий бўлинмалар ва қуйи ташкилотларнинг фаолиятини бошқариш ва мувофиқлаштиришни ҳамда назоратини, шу жумладан уларнинг қонунчилик ҳужжатлари, идоравий ва идоралараро ҳужжатларга риоя этилиши устидан назоратни амалга оширади;

Агентлик ваколатига тааллуқли тезкор, ташкилий, кадрлар, молиявий, ишлаб чиқариш-хўжалик ва бошқа масалаларни ҳал қилади.

11. Агентликнинг марказий аппарати қонунчилик ҳужжатларига мувофиқ бошқа функцияларни ҳам амалга ошириши мумкин.

4-боб. Агентликнинг ҳуқуқ ва мажбуриятлари

12. Агентлик ўзига юклатилган вазифаларни амалга оширишда қуйидаги ҳуқуқларга эга:

Агентлик ваколатига кирувчи масалалар юзасидан республика ва маҳаллий ижро этувчи ҳокимият органлари ҳамда хўжалик бирлашмаларининг фаолиятини мувофиқлаштириш;

Агентликка юклатилган вазифа ва топшириқларни бажариш билан боғлиқ бўлган норматив-ҳуқуқий ҳужжатлар лойиҳалари ва бошқа ҳужжатларни Вазирликка киритиш;

Агентлик ваколатига кирувчи масалаларни ҳал қилиш мақсадида республика ва маҳаллий ижро этувчи ҳокимият органлари, хўжалик бирлашмалари, республиканинг чет элдаги дипломатик ва савдо ваколатхоналари, Марказий банк ва тижорат банкларидан тегишли маълумотларни ўрнатилган тартибда сўраш ва олиш;

инновацион ғоялар, ишланмалар ва технологияларни жорий этиш масалалари бўйича республика ижро этувчи ҳокимият органлари, илмий-тадқиқот, ахборот-таҳлил муассасалари ва бошқа ташкилотлар фаолиятини мувофиқлаштириш;

Агентлик ваколатига кирувчи масалалар юзасидан методик материаллар ва тавсиялар ишлаб чиқиш;

илмий-тадқиқот ишларига давлат буюртмаси асосида лойиҳаларни танлаб олиш учун танловлар эълон қилиш;

илмий тадқиқотларга ва лойиҳаларга йўналтириш учун бюджет маблағларини тақсимлашда иштирок этиш;

республика ва маҳаллий ижро этувчи ҳокимият органлари ҳамда хўжалик бирлашмалари раҳбарлари ва мутахассисларини жалб қилган ҳолда Агентлик ваколатига кирувчи масалалар юзасидан ўрнатилган тартибда йиғилишлар ўтказиш;

Ўзбекистон Республикаси Президенти ва Ҳукуматининг топшириқларига мувофиқ халқаро ташкилотларда давлат манфаатларини ифода этиш ҳамда ўрнатилган тартибда ва халқаро ҳуқуқ меъёрлари асосида бошқа мамлакатларнинг инновацион ривожланиш масалалари бўйича масъул идоралари ҳамда илмий институтлари билан бевосита ёки уларнинг қуйи бўғин тузилмалари билан ҳамкорлик шартномаларини тузиш;

Агентликка юклатилган вазифаларни сифатли ва ўз вақтида амалга ошириш учун зарур ҳолларда мустақил экспертларни, хорижий мутахассисларни ва ташкилотларни шартнома асосида жалб қилиш;

биноларга хизмат кўрсатиш, инвентарлар ва хўжалик ашёлари, автотранспорт, алоқа воситалари, ҳисоблаш, компьютер ва оргтехникаларни сақлаш ва фойдаланиш бўйича ишларни бажариш, дастурий таъминот сотиб олиш бўйича ўрнатилган тартибда шартномалар тузиш;

давлат органлари ва бошқа ташкилотлардаги илм-фан ва инновацияларни ривожланиш ҳолатини ўрганиш, инновацион фаолиятни такомиллаштириш бўйича таклифларни тўплаш ҳамда умумлаштириш;

инновацион фаолиятни унинг самарадорлик индикаторлари асосида баҳолаш, илғор технологияларни биринчи навбатда жорий этишни талаб қилувчи тегишли тармоқ ва соҳалар ривожланишининг асосий йўналишларини белгилаш;

ижтимоий-иқтисодий соҳа учун фундаментал, амалий ва инновацион тадқиқотларни амалга ошириш борасида илмий-техник хизматлар кўрсатишга давлат топшириқларини шакллантириш;

илмий тадқиқотлар, ишланмалар ва технологиялар натижаларини тижоратлаштириш, шунингдек, технологияларни трансфер қилишга кўмаклашиш;

Агентлик, унинг таркибий бўлинма ва идоравий мансуб ташкилотлари ходимлари томонидан уларнинг тегишли соҳадаги фаолиятининг асосий кўрсаткичлари бўйича параметрлар бажарилиши ва белгиланган индикаторларга эришишни ҳисобга олган ҳолда уларни моддий-техника базасини яхшилаш, моддий рағбатлантириш тартиби, миқдорлари ва шартларини белгилаш;

Агентлик ваколатига кирадиган масалалар бўйича идоралараро тусдаги халқаро шартномаларни белгиланган тартибда тузиш;

Агентлик ваколатларига кирувчи масалаларни ҳал этиш учун илмий ташкилотлар, олим ва мутахассисларни, шу жумладан чет эллик мутахассисларни шартнома асосида ҳамда эксперт сифатида жалб қилиш;

илмий кадрлар тайёрлаш ва ходимлар малакасини ошириш бўйича идоравий илмий ҳамда ўқув марказлари, маслаҳат ва ахборот марказлари, илмий лабораторияларни белгиланган тартибда ташкил этиш;

республиканинг илмий-тадқиқот, таълим ва бошқа муассасалари томонидан амалга ошириладиган давлат илмий дастурлари ҳамда лойиҳалари буюртмаларини ишлаб чиқиш;

инновацион ғоялар, ишланмалар ва технологияларни ҳисобга олган ҳолда тармоқ ҳамда ҳудудларни ривожлантиришнинг комплекс чора-тадбирлари ва дастурларини ишлаб чиқиш, шунингдек, уларни белгиланган тартибда тасдиқлашга киритиш;

Агентлик, унинг таркибий бўлинмалари ва идоравий мансуб ташкилотларнинг моддий-техника базаси, ходимларини моддий рағбатлантириш ҳамда ижтимоий инфратузилмасини яхшилаш чораларини кўриш;

Агентликка юклатилган вазифаларни бажариш доирасида давлат органлари ва бошқа ташкилотлар, етакчи лойиҳа институтлари, илмий-таълим муассасаларининг юқори малакали мутахассислари, шунингдек, халқаро ташкилотлар, чет эл компаниялари ва мутахассисларини маслаҳатчи (консультант) сифатида жалб қилиш.

Агентлик қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

13. Агентлик:

зиммасига юкланган вазифа ва функцияларнинг лозим даражада ҳамда самарали бажарилиши;

тегишли соҳада фаолиятнинг асосий кўрсаткичлари бўйича параметрлар ва белгиланган индикаторларга эришишнинг сўзсиз таъминланиши;

тегишли соҳани ривожлантириш ҳамда ҳудудларнинг муаммоли масалаларини ҳал этиш бўйича дастурлар, чора-тадбирлар режалари, «йўл хариталари» ва бошқа ҳужжатларнинг самарали амалга оширилиши;

фуқаролар ва тадбиркорлик субъектлари ҳуқуқ ва қонуний манфаатларига риоя этилиши ҳамда ҳимоя қилиниши учун жавобгардир.

5-боб. Агентлик директорининг функционал вазифалари

14. Қуйидагилар Агентлик директорининг асосий функционал вазифалари ҳисобланади:

1) Ўзбекистон Республикасининг Конституцияси ва қонунлари, шунингдек, бошқа норматив-ҳуқуқий ҳужжатлар талабларига риоя этиш;

2) Агентлик фаолиятига умумий раҳбарлик қилиш, Ўзбекистон Республикаси Президентининг тегишли ҳужжатлари, Ўзбекистон Республикаси Вазирлар Маҳкамасининг қарори ва бошқа қонунчилик ҳужжатлари билан Агентлик зиммасига юклатилган вазифа ҳамда функцияларнинг бажарилишини ташкил этиш;

3) Агентлик ваколатига кирувчи масалалар юзасидан Вазирликка тақдим этилган таклифлар ва норматив-ҳуқуқий ҳужжатлар лойиҳаларини кўриб чиқишда давлат манфаатларига қатъий риоя этилишини таъминлаш, тайёрланган ҳужжатлар лойиҳаларини тасдиқлаш, тегишли ҳужжатлар қабул қилингандан сўнг уларнинг бажарилиши устидан тизимли назоратни ташкил этишни таъминлаш;

4) Агентлик ваколатига кирадиган масалалар бўйича тегишли давлат органлари ва ташкилотлари билан ўзаро ҳамкорлик қилиш;

5) Ўзбекистон Республикаси Президенти, Ўзбекистон Республикасининг Бош вазири, унинг ўринбосарлари ва юқори турувчи ташкилотлар топшириқларини ижро этиш;

6) Агентлик фаолиятининг айрим йўналишлари ва бўлимларини, шунингдек, Агентлик тизимидаги бошқа мансабдор шахсларнинг ваколатлари ва шахсий жавобгарлиги даражасини белгилаш;

7) ўз ваколати доирасида Агентлик тизими ходимлари учун мажбурий бўлган буйруқлар чиқариш ва кўрсатмалар бериш;

8) Агентлик марказий аппаратининг харажатлар сметаси ва ходимлар штат жадвалини белгиланган штатлар доирасида тасдиқлаш;

9) Агентлик марказий аппарати таркибий бўлинмалари ва тизимидаги ташкилотлар тузилмасига белгиланган штатлар ва иш ҳақи фонди доирасида ўзгартиришлар киритиш;

10) Агентлик марказий аппарати таркибий бўлинмалари ва тизимидаги ташкилотлар тўғрисидаги низомларни тасдиқлаш;

11) Агентлик ходимларини қайта тайёрлаш ва малакасини ошириш тизимини ташкил этиш;

12) Агентлик тизимида кадрларни танлаш, уларнинг самарали фаолият юритиши учун зарур шарт-шароитлар яратиш, Агентликнинг кадрлар захирасини шакллантириш;

13) давлат органлари ва бошқа ташкилотлар, етакчи лойиҳа институтлари, илмий ва таълим муассасалари, халқаро ташкилотлар ва хорижий компанияларнинг юқори малакали мутахассисларини, шунингдек экспертларни консультант сифатида жалб қилиш;

14) малакали хорижий мутахассисларни ишга қабул қилиш ҳамда уларга тегишли иш ҳақи ва бошқа тўловларни белгилаш;

15) инновацион ғоялар, ишланмалар ва технологияларни жорий этишни назарда тутувчи дастурлар ҳамда чора-тадбирларнинг сифатли ишлаб чиқилишини ташкил этиш;

16) фаолият соҳаси масалалари бўйича норматив-ҳуқуқий ҳужжатлар лойиҳалари сифатли ишлаб чиқилишини ташкил этиш;

17) Агентлик ваколатига кирадиган масалалар бўйича норматив-ҳуқуқий ҳужжатлар лойиҳаларини ишлаб чиқишда иштирок этиш;

18) Агентликка тақдим этилган таклифлар ва норматив-ҳуқуқий ҳужжатлар лойиҳаларининг тўлиқ ҳамда ҳар томонлама кўриб чиқилишини таъминлаш, уларни пухта ҳуқуқий, молиявий, иқтисодий ва бошқа экспертизадан ўтказиш, шунингдек, белгиланган муддатларда уларни келишиш (виза қўйиш);

19) Агентлик раҳбарлари ва ходимлари хизмат сафарларини қонунчилик ҳужжатлари талабларига тўлиқ мувофиқ равишда ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланилишини таъминлаш;

20) Агентлик ходимларини рағбатлантириш ва интизомий жавобгарликка тортиш масалаларини ҳал қилиш, шу жумладан, улар эгаллаб турган лавозимда қолиши мақсадга мувофиқлиги тўғрисидаги масалаларни кўриб чиқиш, уларнинг шахсий жавобгарлигини оширишга доир тизимли чора-тадбирларни амалга ошириш;

21) коррупцияга оид қонунчилик ҳужжатлари талабларига мувофиқ коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиёти ва қонунчилик ҳужжатларини такомиллаштириш бўйича чора-тадбирлар ишлаб чиқиш ҳамда амалга ошириш йўли билан улар содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш;

22) жисмоний ва юридик шахсларнинг мурожаатлари тўғрисидаги қонунчилик ҳужжатларига мувофиқ жисмоний ва юридик шахсларнинг мурожаатларини кўриб чиқиш муддатларига қатъий риоя этилишини таъминлаш;

23) Агентлик ва унинг идоравий мансублигидаги ташкилотлар ишини ташкил этишнинг замонавий шакллари жорий этилишини таъминлаш;

24) Агентлик раҳбари ҳамда ходимларининг фаол иштирок этишини ташкил қилиш, жисмоний ва юридик шахсларнинг мурожаатлари ўз вақтида ҳамда тўлиқ кўриб чиқилишини таъминлаш;

25) давлат сири ҳисобланган маълумотлар ва махфий ахборот билан ишлашда қонунчилик ҳужжатлари талабларига риоя қилиш;

26) қонунчилик ҳужжатларига мувофиқ бошқа ваколатларни амалга ошириш.

15. Қуйидагилар Агентлик марказий аппарати таркибий бўлинмалари бошлиқларининг асосий функционал вазифалари ҳисобланади:

1) Ўзбекистон Республикаси Конституцияси ва қонунлари, шунингдек, бошқа норматив-ҳуқуқий ҳужжатлар талабларига риоя қилиш;

2) таркибий бўлинма тўғрисидаги тасдиқланган низом доирасида аниқ йўналишлардаги вазифаларнинг юқори сифатли ва ўз вақтида бажарилишини таъминлаш;

3) таркибий бўлинмаларнинг фаолиятига бевосита раҳбарлик қилиш, мазкур бўлинмага юклатилган вазифа ва функцияларнинг бажарилишини ташкил этиш;

4) ўз ваколатлари доирасида Агентликнинг идоравий мансуб ташкилотлари фаолиятини мувофиқлаштириш;

5) Ўзбекистон Республикаси Президенти ва Вазирлар Маҳкамасининг ҳужжатлари ва топшириқлари ҳамда Ўзбекистон Республикаси олий таълим, фан ва инновациялар вазирининг буйруқлари бажарилишини таъминлаш, таркибий бўлинмалар ходимлари томонидан ижро интизомини мустаҳкамлаш бўйича комплекс амалий чора-тадбирларни рўёбга чиқариш, шунингдек, қонунчилик ҳужжатларига мувофиқ топшириқларнинг ўз вақтида ва сифатли бажарилиши учун таркибий бўлинмалар ходимларининг шахсий масъулиятини ошириш чора-тадбирларини кўриш;

6) Агентлик Ҳайъати қарорлари, Агентлик раҳбари буйруқ ҳамда топшириқлари ўз вақтида ва сифатли бажарилишини таъминлаш;

7) Агентлик ваколати доирасига кирувчи тармоқлар, соҳалар ва ҳудудларни ривожлантириш ҳолатини сифатли баҳолашни олиб бориш, уларни янада ривожлантириш бўйича аниқ таклифлар ва амалга ошириш механизмларини Агентлик директорига тақдим этиш;

8) инновацион ғоялар, ишланмалар ва технологияларни жорий этишни назарда тутувчи дастур ва чора-тадбирларни сифатли ишлаб чиқишни ташкил этиш;

9) таркибий бўлинмаларнинг йиллик иш режаларини ишлаб чиқишни таъминлаш, унда кўрсатилган вазифа ва тадбирларнинг ўз вақтида ва сифатли бажарилишини таъминлаш;

10) таркибий бўлинмага юклатилган вазифаларнинг бажарилишини назорат қилиш ва мувофиқлаштириш, Агентликнинг идоравий мансуб ташкилотлари фаолиятига амалий ва методик ёрдам кўрсатиш;

11) таркибий бўлинмалар фаолияти масалалари бўйича қонунчилик ҳужжатларини такомиллаштириш юзасидан таклифлар ишлаб чиқиш ва уларни Агентлик директорига кўриб чиқиш учун киритиш;

12) таркибий бўлинмаларда кадрларни танлаш ва жой-жойига қўйишда Агентлик директорига таклифлар тақдим этиш, уларнинг касб малакасини ошириш чораларини кўриш, бўлинмаларда кадрлар захирасини шакллантириш;

13) Агентликка тақдим этилган таклифлар ва норматив-ҳуқуқий ҳужжатлар лойиҳаларини тўлиқ ва ҳар томонлама кўриб чиқиш, уларни пухта ҳуқуқий, молиявий, иқтисодий ва бошқа экспертизадан ўтказиш;

14) хизмат сафарларини қонунчилик ҳужжатлари талабларига тўлиқ мувофиқ равишда амалга ошириш, хизмат сафарлари асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланилишини таъминлаш;

15) таркибий бўлинмалар ходимлари фаолиятининг самарадорлиги ва натижадорлигини тизимли танқидий таҳлил қилиш, йиғилишларда уларнинг шахсий ҳисоботларини эшитиш, уларнинг якунлари бўйича зарур чора-тадбирлар кўриш;

16) таркибий бўлинма ходимлари томонидан давлат фуқаролик хизматчиларининг одоб-ахлоқ қоидалари талабларига риоя этилишини таъминлаш;

17) коррупцияга оид қонунчилик ҳужжатлари талабларига мувофиқ бўлинмаларда коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиётини ва қонунчилик ҳужжатларини такомиллаштиришга доир чора-тадбирларни ишлаб чиқиш ва амалга ошириш орқали уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш бўйича Агентлик директорига таклиф киритиш;

18) давлат хизматларининг самарадорлиги, сифатини ошириш ва улардан эркин фойдаланишни таъминлашга доир таклифларни Агентлик директорига киритиш;

19) жисмоний ва юридик шахсларнинг мурожаатларини кўриб чиқиш, аҳоли билан тўғридан-тўғри ва очиқ мулоқотни йўлга қўйиш, белгиланган муддатларда ва тартибда жисмоний шахсларни ва юридик шахслар вакилларини мунтазам равишда шахсан қабул қилиш, шу жумладан жойларга бориб қабул қилиш;

20) жисмоний ва юридик шахсларнинг, жумладан, Ўзбекистон Республикаси Президентининг Виртуал қабулхонасидан келиб тушган мурожаатларини ўз вақтида ва тўлиқ кўриб чиқиш;

21) давлат сирлари билан ишлашда қонунчилик ҳужжатлари талабларига риоя қилиш.

6-боб. Агентлик директорининг жавобгарлиги

16. Агентлик директори:

ушбу Низом ва бошқа қонунчилик ҳужжатларида белгиланган вазифаларни сифатли ва ўз муддатида бажариш, шунингдек, Агентлик фаолиятидаги камчиликларни бартараф этиш чораларини кўришга;

амалга оширилаётган дастурлар, стратегиялар ва концепцияларнинг натижаларига, уларнинг мамлакат ва ҳудудларнинг инновацион ривожланишига эришишга;

Агентликда, унинг таркибий бўлинмаларида ижро интизомига қатъий риоя қилишини назорат қилишга масъулдир.

17. Агентлик марказий аппарати бўлинмаларининг раҳбарлари ва идоравий мансуб ташкилотлар раҳбарлари уларга юклатилган вазифа ва функцияларнинг, шунингдек, ўз функционал вазифаларининг сўзсиз бажарилиши учун шахсан жавоб беради.

7-боб. Агентлик фаолиятини ташкил этиш

1-§. Агентлик директори

18. Агентликка Ўзбекистон Республикаси Президенти томонидан лавозимга тайинланадиган ва лавозимидан озод этиладиган Агентлик директори раҳбарлик қилади.

19. Агентликнинг марказий аппарати ходимлари, идоравий мансуб ташкилотлар раҳбарлари Агентлик директори томонидан лавозимига тайинланади ва лавозимидан озод этилади.

20. Агентлик директори Ўзбекистон Республикаси олий таълим, фан ва инновациялар вазири, Вазирлар Маҳкамасига Агентлик фаолияти тўғрисида ҳисобот беради.

2-§. Агентликнинг марказий аппарати таркибий бўлинмаларининг Агентликка идоравий мансуб ташкилотлар билан ўзаро ҳамкорлиги тартиби

21. Агентлик марказий аппарати таркибий бўлинмалари Агентликка идоравий мансуб ташкилотлар билан қуйидаги масалалар бўйича узвий ҳамкорликни амалга оширади:

Ўзбекистон Республикаси Президенти Администрацияси, Ўзбекистон Республикаси Олий Мажлиси палаталари, Вазирлар Маҳкамаси, Вазирликнинг раҳбарияти ҳамда Ўзбекистон Республикаси Олий Мажлисининг депутатлари сўровларининг ўз вақтида бажарилишини, жисмоний ва юридик шахслардан келиб тушган мурожаатларнинг ўз муддатида кўриб чиқилишини таъминлаш;

Агентликнинг идоравий мансуб ташкилотларининг республика ижро этувчи ҳокимият органлари ҳамда хўжалик бирлашмалари бўлинмалари билан илм-фан ва инновацияларни ривожланиш бўйича дастурларни ишлаб чиқишда ўзаро алоқаларини таъминлаш;

ҳудудларда илм-фанни ва инновацияларни ривожланиш динамикасининг тизимли мониторингини олиб бориш, ҳудудларни комплекс инновацион ривожланиш дастурлари доирасида лойиҳалар ва тадбирларни амалга ошириш, уларни амалга оширишда тизимли муаммоларни аниқлаш, уларни ҳал этиш бўйича таклифларни ўз вақтида ва сифатли ишлаб чиқиш;

давлат органлари томонидан кўриб чиқиш ва келишиш учун тақдим этилган норматив-ҳуқуқий ҳужжатлар лойиҳаларини экспертизадан ўтказиш ва улар бўйича хулосалар тайёрлаш;

Агентлик марказий аппарати бўлинмаларининг унга идоравий мансуб ташкилотлар билан ўзаро ҳамкорлигини таъминлаш марказий аппарат таркибий бўлинмаларининг раҳбарлари томонидан амалга оширилади.

22. Агентликнинг марказий аппарат бўлинмалари идоравий мансуб ташкилотлар билан ўзининг фаолият йўналиши бўйича ўзаро ҳамкорлик қилиб:

идоравий мансуб ташкилотларга топшириқларни етказади ва уларнинг ижросини назорат қилади;

бўлинмаларнинг бевосита фаолиятига оид масалалар бўйича Агентликнинг идоравий мансуб ташкилотларига сўровномалар юборади ва уларнинг ижросини назорат қилади;

мониторинг, ўрганишлар, зарурият туғилганда, ўз ваколати доирасида текширишлар ўтказади, Агентликнинг идоравий мансуб ташкилотлар фаолиятини умумлаштиради, уни такомиллаштиришга қаратилган чора-тадбирларни ишлаб чиқади ва қабул қилади;

Агентликнинг идоравий мансуб ташкилотлари фаолиятини ташкил этиш ва натижалари ҳақидаги ҳисобот ва ахборот материаллари, статистик ва бошқа маълумотларни ўрганишни ташкил этади;

Агентликнинг идоравий мансуб ташкилотлари иш режаларини таҳлил қилади, уларнинг фаолиятини режалаштиришни такомиллаштириш бўйича чора-тадбирларни кўради;

Агентликнинг идоравий мансуб ташкилотларидан келиб тушган мурожаатларни кўриб чиқади;

инновацион ғоялар, ишланмалар ва технологияларни жорий этишни назарда тутувчи дастур ва тадбирларни сифатли ишлаб чиқишда Агентликнинг идоравий мансуб ташкилотлари иштирокини ташкил этади;

норматив-ҳуқуқий ҳужжатлар лойиҳаларини тайёрлашда Агентликнинг идоравий мансуб ташкилотлари иштирокини ташкил этади, Агентлик фаолиятига оид қонунчиликни такомиллаштириш бўйича улардан келиб тушган таклифларни кўриб чиқади.

23. Агентликнинг идоравий мансуб ташкилотлари Агентликнинг марказий аппарати таркибий бўлинмалари билан ўзаро ҳамкорлик қилади, шу жумладан:

Агентлик топшириқларининг ижроси тўғрисида ахборот беради;

бириктирилган соҳадаги қонунчилик ижроси юзасидан фаолият натижалари тўғрисида марказий аппаратга ахборот тақдим қилади;

уларнинг фаолиятини мониторинг, ўрганиш ва текшириш натижасида аниқланган ишдаги камчиликлар ва қонун бузилишларни бартараф этиш натижалари тўғрисида ахборот беради;

инновацион ғоялар, ишланмалар ва технологияларни жорий этишни назарда тутувчи дастурлар ва тадбирларни ишлаб чиқиш тўғрисида таклифлар киритади;

ўзининг иш натижалари тўғрисидаги ҳисоботларни, шунингдек, мавжуд муаммоларни ҳал этишга қаратилган таклифларни белгиланган тартибда ва муддатларда Агентликнинг марказий аппаратига тақдим этади;

ваколатли органлар томонидан ўзининг фаолиятида ўтказилган текшириш натижалари тўғрисида хабардор қилади.

24. Агентликнинг марказий аппарати таркибий бўлинмалари ва унинг идоравий мансуб ташкилотларининг ўзаро ҳамкорлик жараёнида келиб чиқадиган келишмовчиликлар директор томонидан кўриб чиқилади. Агар мазкур муҳокамадан кейин келишмовчиликлар тартибга солинмаган тақдирда, улар бўйича якуний қарор директор томонидан қабул қилинади.

3-§. Агентликнинг Ҳайъати, эксперт ва бошқа маслаҳат органлари

25. Агентлик фаолиятининг асосий йўналишларини тайёрлаш ва амалга ошириш, таркибий ва ҳудудий бўлинмалар, идоравий мансуб ташкилотлар раҳбарлари ҳисоботларининг тизимли асосда эшитиб борилишини ташкил этиш, қонунчилик, Ўзбекистон Республикаси Президенти ҳужжатлари ва Ўзбекистон Республикаси Ҳукуматининг қарорларида белгиланган вазифаларнинг ўз вақтида ҳамда сифатли амалга оширилишини таъминлаш юзасидан Агентлик тизими раҳбарлари ва ходимларининг шахсий жавобгарлигини ошириш чораларини кўриш мақсадида коллегиал орган — Агентлик Ҳайъати (кейинги ўринларда — Ҳайъат) ташкил этилади.

Агентлик директори (Ҳайъат раиси), шунингдек, Агентлик фаолиятининг асосий йўналишларини мувофиқлаштирувчи таркибий бўлинмалар ва тизимидаги ташкилотлар раҳбарларидан иборат Ҳайъат таркиби шакллантирилади.

Ҳайъат таркибининг сони ва шахсий таркиби Агентлик директори тақдимномасига биноан Вазирлар Маҳкамаси томонидан тасдиқланади.

26. Ҳайъат қуйидагилар билан боғлиқ масалаларни кўриб чиқади:

мазкур Низом билан белгиланган Агентлик фаолиятининг асосий йўналишларини амалга ошириш;

Ўзбекистон Республикаси Президенти, Вазирлар Маҳкамасининг ҳамда Ўзбекистон Республикаси олий таълим, фан ва инновациялар вазирининг вазифа ва топшириқларини сифатли бажариш;

Агентликнинг бошқа республика ва маҳаллий ижро этувчи ҳокимият органлари ҳамда хўжалик бирлашмалари билан ўзаро ҳамкорлигини таъминлаш;

Агентлик тизим ташкилотлар ходимлари ва раҳбарларининг қонунчилик ҳужжатларида белгиланган вазифаларнинг ўз вақтида ва сифатли бажарилишини таъминлаш учун шахсий жавобгарлигини ошириш чораларини кўрган ҳолда идоравий мансуб ташкилотлар раҳбарларининг ҳисоботлари мунтазам равишда эшитилишини ташкил қилиш;

Агентлик фаолиятининг соҳалари бўйича дастурларнинг бажарилиши натижадорлигини мунтазам равишда, лекин ҳар чоракда камида бир марта кўриб чиқиш;

Агентлик фаолиятига оид масалаларни жойида муҳокама қилишни таъминлаган ҳолда Ҳайъатнинг кенгайтирилган сайёр мажлисларини ўтказишни ташкил этиш, шунингдек, юзага келган муаммоларни бартараф этиш бўйича тегишли қарорларни ишлаб чиқиш ва қабул қилиш;

Ўзбекистон Республикаси Президенти, Вазирлар Маҳкамасининг қарорлари ва топшириқлари ҳамда Вазирнинг қарорлари, буйруқлари ва топшириқлари билан белгиланган вазифаларнинг ўз вақтида ва сифатли амалга оширилишини таъминлаш учун Агентлик раҳбарлари ва ходимларининг ижро интизомини мустаҳкамлаш ҳамда шахсий жавобгарлигини ошириш;

Ўзбекистон Республикаси Ҳукуматига киритиладиган ва республика ижро этувчи органи сифатида масъул ижро этувчи орган ҳисобланган қонун лойиҳалари билан боғлиқ масалаларни кўриб чиқиш.

27. Ҳайъат мажлисига Агентлик ваколатларига кирадиган масалалар бўйича давлат органлари ва ташкилотлари раҳбарлари таклиф этилиши мумкин.

28. Ҳайъат унинг мажлисида таркибининг ярмидан кўпи қатнашган тақдирда ваколатли бўлади. Кўриб чиқилаётган масалалар бўйича қарорлар оддий кўпчилик овоз билан қабул қилинади.

29. Ҳайъат қарорлари Агентлик директорининг буйруқлари билан амалга оширилади.

30. Ҳайъат фаолиятининг тартиби Ҳайъат томонидан тасдиқланадиган регламент билан белгиланади.

8-боб. Агентлик фаолиятининг самарадорлигини баҳолаш мезонлари

31. Агентликнинг самарадорлиги мунтазам баҳоланиши лозим.

32. Вазирлик Агентлик раҳбарлари фаолиятини уларга юклатилган вазифаларнинг самарали бажарилиши юзасидан доимий мониторинг қилади.

33. Агентликнинг самарадорлиги ва натижадорлигига берилган баҳолар Агентлик фаолиятининг самарадорлиги ва натижадорлигини баҳолаш мезонлари ва иш индикаторларига асосланади.

34. Агентлик фаолиятининг самарадорлиги ва натижадорлигини мониторинг ва баҳолаш якунлари бўйича:

Агентлик ҳамда тизим ташкилотларининг алоҳида ўрнак кўрсатган раҳбар ва ходимлари рағбатлантириш (мукофотлаш) ёки йўл қўйилган жиддий камчилик учун интизомий жавобгарликка тортиш ва эгаллаб турган лавозимидан озод этилишигача бўлган чоралари кўрилади;

Агентлик фаолиятида аниқланган камчиликларни бартараф этиш ва унинг фаолиятини янада такомиллаштириш чора-тадбирлари кўрилади.

35. Агентлик фаолиятининг самарадорлиги ва натижадорлигини баҳолаш тартиби ва услубиёти қонунчилик ҳужжатларида белгиланади.

9-боб. Агентлик фаолиятини молиялаштириш ва моддий-техник таъминлаш, унинг ходимлари меҳнатига ҳақ тўлаш ва моддий рағбатлантириш

36. Агентлик фаолиятини молиялаштириш ва моддий-техник жиҳатдан таъминлаш Ўзбекистон Республикаси Давлат бюджети ва бюджетдан ташқари маблағлари, Илм-фанни молиялаштириш ва инновацияларни қўллаб-қувватлаш жамғармаси ҳамда қонунчилик ҳужжатлари билан тақиқланмаган бошқа маблағлар ҳисобидан амалга оширилади.

37. Илмий-техник ахборот маркази, Халқаро молекуляр аллергология маркази, «Инновацион ривожланиш нашриёт-матбаа уйи» ДУК, «Яшнобод» инновация технопарки дирекцияси» ДУК ҳамда Ёшлар технопаркларини молиялаштириш ва моддий-техник таъминлаш ҳамда сақлаш харажатлари уларнинг хўжалик фаолиятидан тушган даромадларини инобатга олган ҳолда Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан амалга оширилади.

38. Агентлик ва тизим ташкилотлари ходимларининг иш ҳақи лавозим маоши, мукофот пуллари, қўшимча ҳақлар, устамалар ва қонунчилик ҳужжатларида назарда тутилган бошқа тўловлардан иборат.

Агентлик ва тегишли тизим ташкилотлари ходимларининг лавозим маошларига ҳар ойлик устамалар, мукофотлар, рағбатлантиришлар, уларга моддий ёрдам бериш ва ижтимоий муҳофаза қилиш харажатлари давлат бюджети харажатлар сметасида назарда тутилган маблағлар ва бюджетдан ташқари маблағлар ҳамда Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан амалга оширилади.

39. Агентлик ва тизим ташкилотлари ходимларининг лавозим маошига ойлик устамалар, мукофотлар, рағбатлантиришлар ва моддий ёрдам бериш, уларни ижтимоий муҳофаза қилиш билан боғлиқ тўловлар қуйидаги мақсадлар ва шаклларда амалга оширилади:

а) Агентлик ва тизим ташкилотлари ходимларини моддий рағбатлантириш учун қуйидаги устамалар тўланади:

ходимларнинг функционал вазифаларини бажариши, билим даражаси, касбий қобилиятларини инобатга олган ҳолда лавозим маошининг 400 фоиз (тизим ташкилот ходимлари лавозим маошининг 250 фоиз) миқдорларида ходимларнинг ойлик лавозим маошларига (рағбатлантириш коэффициентини инобатга олган ҳолда) белгиланадиган устама;

ходимнинг илмий даражага эга бўлганлиги учун ойлик устамалари фан номзоди ёки тегишли фан йўналишлари бўйича фалсафа доктори (PhD) — лавозим маошига нисбатан 30 фоиз, фан доктори (DSc) — лавозим маошига нисбатан 60 фоиз (рағбатлантириш коэффициентларни ҳисобга олган ҳолда) миқдорида устама;

Агентлик учун муҳим бўлган йўналишларда ижобий натижалар ёки юқори ютуқларга эришишда муносиб ҳисса қўшганлиги, алоҳида ўрнак кўрсатганлиги юзасидан юқори турувчи органлар топшириғи ёки таркибий бўлинма раҳбарларининг билдиргиси (кўрсатмаси)га кўра меҳнатга ҳақ тўлашнинг энг кам миқдорининг ўн бараваригача (тизим ташкилот ходимларига меҳнатга ҳақ тўлашнинг энг кам миқдорининг етти бараваригача) бир ойлик даврда бир марталик устама;

Илм-фанни молиялаштириш ва инновацияларни қўллаб-қувватлаш жамғармасидан Агентликка ажратиладиган маблағлар ҳисобидан кўп йиллик меҳнати учун ҳар ойлик устама. Бунда устама лавозим маошига нисбатан, рағбатлантириш коэффициентини инобатга олган ҳолда, меҳнат стажи 2 йилдан 5 йилгача бўлса 0,1 коэффициентда, 5 йилдан 10 йилгача — 0,2 коэффициентда, 10 йилдан 15 йилгача — 0,3 коэффициентда, 15 йилдан 20 йилгача — 0,4 коэффициентда, 20 йилдан 25 йилгача — 0,5 коэффициентда, 25 йилдан юқори — 0,6 коэффициентда қўлланилади;

б) ҳар чорак якунлари бўйича қуйидаги миқдорларда моддий рағбатлантириш тўловлари тўланади:

Агентликнинг бюджет маблағлари ҳисобидан шаклланган штатлардаги ходимларга бюджет маблағлари ҳисобидан лавозим маошининг (рағбатлантириш коэффициентини ҳисобга олган ҳолда) 50 фоизигача ва бюджетдан ташқари маблағлар ҳисобидан лавозим маошининг (рағбатлантириш коэффициентини ҳисобга олган ҳолда) 150 фоизигача;

Агентликнинг бюджетдан ташқари маблағлар ҳисобидан шаклланган штатлардаги ходимларга бюджетдан ташқари маблағлар ҳисобидан лавозим маошининг (рағбатлантириш коэффициентини ҳисобга олган ҳолда) 200 фоизигача;

тизим ташкилотлари ходимларига бюджетдан ташқари маблағлар ҳисобидан лавозим маошининг (рағбатлантириш коэффициентини ҳисобга олган ҳолда) 100 фоизигача;

в) Ўзбекистон Республикаси давлат байрам кунлари ҳамда муҳим саналар учун рағбатлантириш Агентлик ходимларига меҳнатга ҳақ тўлашнинг энг кам миқдорининг ўн бараваригача (тизим ташкилоти ходимларига меҳнатга ҳақ тўлашнинг энг кам миқдорининг етти бараваригача);

г) Агентлик ва унинг тизим ташкилотлари ходимларини ижтимоий ҳимоя қилиш учун:

алоҳида ҳолатлар (оила аъзосининг вафоти, ўзининг ёки фарзандининг никоҳ тўйи, ходимнинг фарзандли бўлиши, юбилей саналари (50, 60, 70 ёшлар) муносабати билан меҳнатга ҳақ тўлашнинг энг кам миқдорининг ўн бараваригача (тизим ташкилотлари ходимларига меҳнатга ҳақ тўлашнинг энг кам миқдорининг етти бараваригача) бўлган миқдорида моддий ёрдам беришга;

қишлоқ хўжалиги маҳсулотлари харид қилиш учун бир йўла меҳнатга ҳақ тўлашнинг энг кам миқдорининг ўн бараваригача (тизим ташкилотлари ходимларига меҳнатга ҳақ тўлашнинг энг кам миқдорининг етти бараваригача) бўлган миқдорида моддий ёрдам беришга;

ходим оғир бетоб бўлганида (бахтсиз ҳодиса сабабли, касаллик) ва ходим вафот этган ҳолларда ходим ўртача ойлик иш ҳақининг беш бараваригача (тизим ташкилотлари ходимларига ўртача ойлик иш ҳақининг уч бараваригача) моддий ёрдам беришга;

хизмат автомобилига эга бўлмаган Агентлик ва тизим ташкилотлари ходимлари учун йўлкира ҳақига ҳар ойда базавий ҳисоблаш миқдорининг уч баравари миқдорида компенсация тўлашга;

Агентлик ва тизим ташкилотлари ходимларини ижтимоий муҳофаза қилиш ва уларнинг меҳнати самарадорлигини ошириш мақсадида ҳар ойда овқатланиш харажатларини қисман қоплаш учун базавий ҳисоблаш миқдорининг уч баравари миқдорида компенсация тўлашга рухсат этилади.

40. Агентлик ва тизим ташкилотлари раҳбар ва ходимларининг лавозим маошларига ҳар ойлик шахсий устамалар ва чораклик рағбатлантиришлар миқдорини белгилаш қуйидагича амалга оширилади:

Агентлик директорига — Олий таълим, фан ва инновациялар вазирлиги томонидан;

Агентлик ходимлари ва Агентликнинг тизим ташкилотлари раҳбарларига — Агентлик директори томонидан;

Агентлик тизим ташкилотлари ходимларига — тегишли тизим ташкилоти раҳбарининг буйруғига мувофиқ белгиланади.

41. Бюджет ва бюджетдан ташқари маблағлар ҳисобидан моддий рағбатлантириш харажатлари:

Агентлик ходимлари учун — Агентлик директорининг буйруғига мувофиқ;

Агентликнинг тизим ташкилотлари ходимлари учун — тегишли тизим ташкилоти раҳбарининг буйруғига мувофиқ амалга оширилади.

42. Агентлик, унинг тизим ташкилотлари ходимларининг иш ҳақларини тўлаш ва моддий рағбатлантиришни амалга оширишнинг манбаси бўлиб меҳнатга ҳақ тўлаш фонди, бюджет ва бюджетдан ташқари маблағлари (Илм-фанни молиялаштириш ва инновацияларни қўллаб-қувватлаш жамғармаси), ҳамда қонунчилик ҳужжатларида тақиқланмаган бошқа манбалар ҳисобланади.

10-боб. Якунловчи қоида

43. Агентликни қайта ташкил этиш ва тугатиш қонунчиликда белгиланган тартибда амалга оширилади.

Вазирлар Маҳкамасининг 2024 йил 8 августдаги 489-сон қарорига 3-ИЛОВА

Ўзбекистон Республикаси Олий таълим, фан ва инновациялар вазирлиги тизимидаги давлат олий таълим ташкилотларининг

Т/р Давлат олий таълим ташкилоти номи 1. Заҳириддин Муҳаммад Бобур номидаги Андижон давлат университети 2. Андижон давлат чет тиллари институти 3. Андижон давлат техника институти 4. Бухоро давлат университети 5. Бухоро давлат техника университети 6. Гулистон давлат университети 7. Жиззах политехника институти 8. Қарши давлат университети 9. Қарши давлат техника университети 10. Бердақ номидаги Қорақалпоқ давлат университети 11. Қўқон давлат университети 12. Навоий давлат университети 13. Наманган давлат университети 14. Наманган давлат техника университети 15. Нукус давлат техника университети 16. Шароф Рашидов номидаги Самарқанд давлат университети 17. Самарқанд давлат техника университети 18. Самарқанд давлат чет тиллар институти 19. Самарқанд иқтисодиёт ва сервис институти 20. Термиз давлат университети 21. Денов тадбиркорлик ва педагогика институти 22. Термиз давлат муҳандислик ва агротехнологиялар университети 23. Тошкент архитектура-қурилиш университети 24. Тошкент давлат иқтисодиёт университети 25. Ислом Каримов номидаги Тошкент давлат техника университети 26. Олмалиқ давлат техника институти 27. Алишер Навоий номидаги Тошкент давлат ўзбек тили ва адабиёти университети 28. Тошкент давлат шарқшунослик университети 29. «Тошкент ирригация ва қишлоқ хўжалигини механизациялаш муҳандислари институти» миллий тадқиқот университети 30. Тошкент кимё-технология институти 31. Тошкент кимё-технология институти Янгиер филиали 32. Тошкент тўқимачилик ва енгил саноат институти 33. Ўзбекистон давлат жаҳон тиллари университети 34. Ўзбекистон журналистика ва оммавий коммуникациялар университети 35. Мирзо Улуғбек номидаги Ўзбекистон Миллий университети 36. Мирзо Улуғбек номидаги Ўзбекистон Миллий университети Жиззах филиали 37. Абу Райҳон Беруний номидаги Урганч давлат университети 38. Фарғона давлат университети 39. Фарғона давлат техника университети 40. «Toshtech» техника университети

Вазирлар Маҳкамасининг 2024 йил 8 августдаги 489-сон қарорига 4-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорларининг

1. Вазирлар Маҳкамасининг «Ўзбекистон Республикаси Олий ва ўрта махсус таълим вазирлиги фаолиятини такомиллаштириш тўғрисида» 2004 йил 20 июлдаги 341-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Фан ва технологиялар ривожланишини мувофиқлаштириш ва бошқаришни такомиллаштириш чора-тадбирлари тўғрисида» 2006 йил 7 августдаги ПҚ-436-сон қарори)» 2006 йил 2 октябрдаги 207-сон қарорига 1-илованинг 18-банди .

3. Вазирлар Маҳкамасининг «Ўзбекистон Республикаси Ҳукуматининг вазирликлар, давлат қўмиталари ва идоралар тўғрисидаги низомларни тасдиқлаш бўйича айрим қарорларига ўзгартириш ва қўшимчалар киритиш ҳақида» 2010 йил 5 июндаги 108-сон қарорига илованинг 47-банди .

4. Вазирлар Маҳкамасининг «Ўзбекистон Республикаси Вазирлар Маҳкамасининг «Ўзбекистон Республикаси Олий ва ўрта махсус таълим вазирлиги фаолиятини такомиллаштириш тўғрисида» 2004 йил 20 июлдаги 341-сон қарорига ўзгартириш ва қўшимчалар киритиш ҳақида» 2011 йил 26 январдаги 18-сон қарори .

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Жисмоний ва юридик шахсларнинг мурожаатлари тўғрисида» 2014 йил 3 декабрдаги ЎРҚ-378-сон Қонуни)» 2015 йил 31 мартдаги 74-сон қарорига илованинг 3-банди .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзи қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Йўл хўжалигини бошқариш тизимини янада такомиллаштириш чора-тадбирлари тўғрисида» 2017 йил 14 февралдаги ПФ-4954-сон Фармони)» 2017 йил 7 июлдаги 472-сон қарорига 1-илованинг 3-банди .

7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Таълим ва тиббиёт муассасаларини молиялаштириш механизмини ҳамда давлат молиявий назорати тизимини янада такомиллаштириш тўғрисида» 2017 йил 21 августдаги ПҚ-3231-сон қарори)» 2017 йил 30 декабрдаги 1039-сон қарорига илованинг 1-банди.

8. Вазирлар Маҳкамасининг «Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси тўғрисидаги низомни тасдиқлаш ҳақида» 2019 йил 26 февралдаги 172-сон қарорининг 2-банди ва 2-иловаси .

9. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ахборот соҳаси ва оммавий коммуникацияларни янада ривожлантиришга оид қўшимча чора-тадбирлар тўғрисида» 2019 йил 2 февралдаги ПФ-5653-сон Фармони ва Ўзбекистон Республикаси Президентининг «Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги фаолиятини ташкил этиш тўғрисида» 2019 йил 2 февралдаги ПҚ-4151-сон қарори)» 2019 йил 3 июндаги 457-сон қарорига 1-илованинг 10-банди .

10. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Ўзбекистон Республикаси Вазирлар Маҳкамаси тўғрисида» 2019 йил 10 декабрдаги ЎРҚ-591-сон Қонуни)» 2020 йил 16 апрелдаги 234-сон қарорига илованинг 2-банди .

11. Вазирлар Маҳкамасининг «Умумий ўрта ва ўрта махсус таълим муассасалари рейтингини аниқлаш чора-тадбирлари тўғрисида» 2021 йил 3 июндаги 345-сон қарорига 3-илованинг 7-банди .

12. Вазирлар Маҳкамасининг «Илмий ва инновацион фаолиятни бошқариш тизимини ташкил этиш чора-тадбирлари тўғрисида» 2021 йил 27 августдаги 545-сон қарорининг 1-банди ва 1-иловаси .

13. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 122-банди .

Ўзбекистон Республикасининг Бош вазири А. АРИПОВ

Тошкент ш.,

2024 йил 8 август,

489-сон

(Қонунчилик маълумотлари миллий базаси, 08.08.2024 й., 09/24/489/0599-сон; 06.08.2025 й., 09/25/498/0698-сон; 08.08.2025 й., 09/25/504/0707-сон; 03.07.2026 й., 09/26/353/0680-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

NIZOM

ROʻYXATI

ROʻYXATI

Oʻzbekiston Respublikasi Oliy taʼlim, fan va innovatsiyalar vazirligi faoliyatini tartibga solish sohasidagi ayrim normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining “Milliy qonunchilik bazasini kompleks tizimlashtirish chora-tadbirlari toʻgʻrisida” 2021-yil 30-apreldagi PF-6218-son Farmoni hamda “Maʼmuriy islohotlar doirasida oliy taʼlim, fan va innovatsiyalar sohasida davlat boshqaruvini samarali tashkil qilish chora-tadbirlari toʻgʻrisida” 2023-yil 3-iyuldagi PQ-200-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Oliy taʼlim, fan va innovatsiyalar vazirligi toʻgʻrisidagi nizom 1-ilovaga muvofiq;

Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi toʻgʻrisidagi nizom 2-ilovaga muvofiq;

Oʻzbekiston Respublikasi Oliy taʼlim, fan va innovatsiyalar vazirligi tizimidagi davlat oliy taʼlim tashkilotlarining roʻyxati 3-ilovaga muvofiq tasdiqlansin.

2. Oʻzbekiston Respublikasi Hukumatining ayrim qarorlari 4-ilovaga muvofiq oʻz kuchini yoʻqotgan deb hisoblansin.

3. Oliy taʼlim, fan va innovatsiyalar vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni uch oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi oliy taʼlim, fan va innovatsiyalar vaziri K.A. Sharipov zimmasiga yuklansin.

Vazirlar Mahkamasining 2024-yil 8-avgustdagi 489-son qaroriga 1-ILOVA

Oʻzbekiston Respublikasi Oliy taʼlim, fan va innovatsiyalar vazirligi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Oliy taʼlim, fan va innovatsiyalar vazirligining (keyingi oʻrinlarda — Vazirlik) maqomi, asosiy vazifalari, funksiyalari, huquqlari, javobgarligi, faoliyatini tashkil etish va uning hisobdorligi, shuningdek, uning rahbarlari funksional majburiyatlari va javobgarligini belgilaydi.

2. Vazirlik oliy, oʻrta maxsus va professional taʼlim, fan va innovatsiyalar sohasida hamda taʼlim tashkilotlariga oʻqishga qabul qilishda test, suhbat va ijodiy sinov orqali tanlab olishga oid yagona davlat siyosatini ishlab chiquvchi va amalga oshiruvchi vakolatli respublika ijro etuvchi hokimiyat organi hisoblanadi.

Vazirlik Oʻzbekiston Respublikasi Vazirlar Mahkamasiga (keyingi oʻrinlarda — Vazirlar Mahkamasi), faoliyatining ayrim masalalari boʻyicha esa bevosita Oʻzbekiston Respublikasi Prezidentiga boʻysunadi.

3. Vazirlik oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonunchilik hujjatlariga amal qiladi.

4. Vazirlik oʻz faoliyatini respublika va mahalliy ijro etuvchi hokimiyat organlari, xoʻjalik birlashmalari va boshqa tashkilotlar bilan hamkorlikda amalga oshiradi.

5. Vazirlikning oʻz vakolatlari doirasida qabul qilgan qarorlari respublika va mahalliy ijro etuvchi hokimiyat organlari, xoʻjalik birlashmalari, boshqa tashkilotlar va ularning mansabdor shaxslari, shuningdek yuridik va jismoniy shaxslar tomonidan bajarilishi majburiy hisoblanadi.

6. Vazirlik, uning hududiy boshqarmalari va tizimidagi tashkilotlar hamda taʼlim tashkilotlari yuridik shaxslar hisoblanadi, Oʻzbekiston Respublikasining Davlat gerbi tasviri tushirilgan, oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasining tegishli boʻlinmalarida shaxsiy gʻazna hisobvaraqlariga, shu jumladan, chet el valyutasidagi shaxsiy gʻazna hisobvaraqlariga ega boʻladi.

7. Vazirlikning rasmiy nomi:

a) davlat tilida: Oʻzbekiston Respublikasi Oliy taʼlim, fan va innovatsiyalar vazirligi — OTFIV;

b) rus tilida: Ministerstvo visshego obrazovaniya, nauki i innovatsiy Respubliki Uzbekistan — MVONI;

v) ingliz tilida: Ministry of higher education, science and innovations of the Republic of Uzbekistan — MNESI.

8. Vazirlikning joylashgan yeri (pochta manzili): 100174, Toshkent shahri, Olmazor tumani, Universitet koʻchasi, 7-uy.

2-bob. Vazirlikning tuzilmasi

9. Vazirlikning tuzilmasiga quyidagilar kiradi:

Vazirlikning markaziy apparati;

Innovatsion rivojlanish agentligi;

Bilim va malakalarni baholash agentligi;

Kasbiy taʼlim agentligi;

Yoshlarning innovatsion tashabbuslarini qoʻllab-quvvatlash ofisi;

Ilm-fanni moliyalashtirish va innovatsiyalarni qoʻllab-quvvatlash jamgʻarmasi;

Oliy taʼlimni rivojlantirish va global hamkorlik markazi;

Afgʻoniston fuqarolarini oʻqitish taʼlim markazi;

Oliy taʼlim tizimi kadrlarini qayta tayyorlash va malakasini oshirish instituti;

Talaba va oʻquvchilarning ijtimoiy faolligini oshirish markazi;

Oliy taʼlim muassasalarini rivojlantirish jamgʻarmasi;

Raqamli taʼlim va sunʼiy intellektni rivojlantirish markazi;

davlat oliy taʼlim muassasalari.

Tizim tashkilotlari va tizimdagi oliy taʼlim tashkilotlari bevosita Vazirlikka boʻysunadi.

3-bob. Vazirlik va uning tizimidagi tashkilotlarning vazifalari va funksiyalari

1-§. Vazirlikning vazifalari va funksiyalari

10. Quyidagilar Vazirlikning asosiy vazifalari hisoblanadi:

oliy, oʻrta maxsus va professional taʼlim sohasida zamonaviy bilim va yuksak maʼnaviy-axloqiy fazilatlarga ega, mustaqil fikrlaydigan yuqori malakali va raqobatbardosh kadrlar tayyorlashga qaratilgan yagona davlat siyosatini amalga oshirish;

zamonaviy axborot-kommunikatsiya texnologiyalari va xorijiy tillarni chuqur oʻzlashtirgan malakali kadrlar tayyorlashning yuqori darajadagi sifatini taʼminlash;

idoraviy mansubligidan qatʼi nazar, barcha oliy, oʻrta maxsus va professional taʼlim tashkilotlari faoliyatini muvofiqlashtirish, oʻquv-pedagogik va ilmiy-uslubiy rahbarlikni amalga oshirish, mutaxassislar tayyorlash sifati, taʼlim mazmuni va darajasini davlat taʼlim standartlari va malaka talablariga mosligini taʼminlash;

taʼlimning yangi pedagogik texnologiyalari va oʻqitish uslublari hamda xalqaro ilgʻor amaliyotga asoslangan taʼlim jarayonini tashkil etish, taʼlim dasturlarini (oʻquv rejalari va fan dasturlarini) takomillashtirish, oʻqitishning zamonaviy shakllari va axborot-kommunikatsiya texnologiya vositalarini joriy etgan holda taʼlim sifatini taʼminlash;

oliy, oʻrta maxsus va professional taʼlimning maʼnaviy-maʼrifiy ishlar mazmunini takomillashtirish, yoshlarda vatanga sadoqat, mehr-oqibat, yuksak masʼuliyat, bagʻrikenglik, huquqiy madaniyat, innovatsion fikrlash kabi fazilatlarni shakllantirish, axborot-kommunikatsiya texnologiyalaridan oqilona foydalanish madaniyatini oshirish va axborot xurujlariga qarshi mafkuraviy immunitetni mustahkamlash hamda ularda vatan taraqqiyotiga daxldorlik hissini uygʻotish;

oliy taʼlim tashkilotlarida ilmiy-tadqiqot ishlarini samarali tashkil etish, tadqiqot natijalarini amaliyotga keng joriy etish, ilmiy faoliyatni mamlakat ijtimoiy-iqtisodiy rivojlantirish istiqbollarini hisobga olgan holda tashkil etish, ilmiy ishlanmalarni tijoratlashtirish, oliy taʼlim, fan va ishlab chiqarishning oʻzaro mustahkam integratsiyasini taʼminlash, ilmiy-tadqiqot ishlariga iqtidorli yoshlarni keng jalb etish hamda ularni har tomonlama qoʻllab-quvvatlash;

taʼlim tashkilotlarining zimmasiga yuklangan vazifalarni yuqori professional darajada bajarishga qodir rahbar va pedagog kadrlar bilan taʼminlash, ularni tizimli ragʻbatlantirish hamda uzluksiz kasbiy rivojlanishi boʻyicha choralarni koʻrish;

Vazirlik, uning tizimidagi tashkilotlar va hududiy boshqarmalar, oliy, oʻrta maxsus va professional taʼlim tashkilotlarining rahbar va pedagog kadrlarini qayta tayyorlash va malakasini oshirishning uzluksiz tizimini tashkil etish va takomillashtirish, ularning kasbiy mahorati sifati va darajasini muntazam oshirib borish uchun sharoitlar yaratish;

oliy, oʻrta maxsus va professional taʼlim tizimini hamda ilm-fan va innovatsiyalar sohasini raqamlashtirish, zamonaviy axborot-kommunikatsiya texnologiyalarini qoʻllash orqali ularning oʻquv, ilmiy, maʼmuriy va moliyaviy jarayonlarini avtomatlashtirish;

uzoq muddatli ssenariylar asosida ustuvor soha va tarmoqlarga ilm-fan yutuqlarini tatbiq etish va mamlakatning innovatsion rivojlantirishning strategiyasini ishlab chiqish;

iqtisodiyot tarmoqlari va ijtimoiy sohadagi mavjud muammolarning ilmiy yechimini taʼminlashga qaratilgan ilmiy-tadqiqot ishlariga davlat buyurtmasi siyosatini yuritish;

respublikada ilmiy va innovatsion faoliyatni muvofiqlashtirish;

yangi ishlanmalarni tijoratlashtirish va ishlab chiqarishga joriy etish, startap loyihalarni amalga oshirishni muvofiqlashtirish;

ilmiy darajali kadrlar tayyorlashda yaxlit davlat siyosatini yuritish;

ilmiy va innovatsion loyihalarni amalga oshirishda investitsiyalarni jalb etish;

oliy, oʻrta maxsus va professional taʼlim, ilm-fan va innovatsiyalar sohasida xalqaro aloqalarni kengaytirish hamda mustahkamlash boʻyicha chora-tadbirlarni amalga oshirish, sohada erishilgan yutuqlarni xalqaro miqyosda keng yoritish;

taʼlim tizimida oʻquv-tarbiya jarayonlari, professor-oʻqituvchilar tarkibi, kadrlar tayyorlash va ularning malakasini oshirish sifatini nazorat qilish, pedagog kadrlarga malaka toifalarini berish boʻyicha davlat siyosatini amalga oshirish;

bilim va malakalarni baholash boʻyicha umumiy siyosatni belgilash;

Vazirlik tizimidagi oliy, oʻrta maxsus tashkilotlari hamda boshqa tashkilotlarni moliyalashtirish, moddiy-texnik bazasini rivojlantirish, shuningdek, ularning moliyaviy faoliyati ustidan nazoratni amalga oshirish;

oliy malakali ilmiy va ilmiy-pedagog kadrlarni attestatsiyadan oʻtkazish sohasida yagona davlat siyosatini amalga oshirish, ushbu faoliyatni tashkil etish, nazorat qilish va muvofiqlashtirish;

aholi orasida xorijiy tillarni oʻrganishni ommalashtirish va ularni mukammal oʻzlashtirish uchun zarur sharoitlar yaratish, xorijiy tillarni oʻqitishning xalqaro tan olingan dastur va darsliklari taʼlimning barcha bosqichlarida joriy etilishini muvofiqlashtirish hamda professor-oʻqituvchilarda zamonaviy oʻqitish koʻnikmalarini rivojlantirish;

nodavlat taʼlim tashkilotlariga litsenziyalar berish faoliyatini xabardor qilish tartibida amalga oshiradigan shaxslardan xabarnomalar qabul qilish va ularning reyestrini yuritish.

11. Vazirlik oʻziga yuklatilgan vazifalarni bajarish uchun quyidagi funksiyalarni amalga oshiradi:

1) oliy, oʻrta maxsus va professional taʼlim sohasida zamonaviy bilim, yuksak maʼnaviy-axloqiy fazilatlarga ega, mustaqil fikrlaydigan yuqori malakali va raqobatbardosh kadrlar tayyorlashga qaratilgan yagona davlat siyosatini amalga oshirish sohasida:

oliy, oʻrta maxsus va professional taʼlim tashkilotlari va Vazirlik tizimidagi tashkilotlarda Oʻzbekiston Respublikasining “Taʼlim toʻgʻrisida”gi Qonuni hamda boshqa qonunchilik hujjatlarining bajarilishini taʼminlaydi;

oʻrta maxsus taʼlim yoʻnalishlari, professional taʼlimning kasblar va mutaxassisliklar, oliy taʼlimning bakalavriat taʼlim yoʻnalishlari, magistratura mutaxassisliklari, shuningdek, bilim sohalari va taʼlim sohalari roʻyxatini belgilaydi;

oliy, oʻrta maxsus va professional taʼlim tashkilotlarida taʼlim jarayonini boshqarish, tashkil etish, uslubiy taʼminlash, meʼyorlashtirish, taʼlim sifatini oshirish, raqobatbardosh kadrlar tayyorlash, pedagog kadrlarning samarali faoliyati va oʻquv jarayonini tashkil etish hamda ragʻbatlantirishga yoʻnaltirilgan normativ-huquqiy hujjatlarni ishlab chiqadi, ularni koʻrib chiqish uchun belgilangan tartibda Vazirlar Mahkamasiga kiritadi, vakolat doirasida tasdiqlaydi va oʻquv jarayoniga joriy etilishini taʼminlaydi;

oliy, oʻrta maxsus va professional taʼlim tashkilotlari va tizim tashkilotlari faoliyatini tashkil etadi;

oliy, oʻrta maxsus va professional taʼlim tizimining ijobiy imijini shakllantirishga qaratilgan axborot va PR-siyosati yoʻnalishlarini belgilaydi hamda amalga oshiradi;

markaziy apparatning boʻlinmalari, Vazirlik huzuridagi tashkilotlar, barcha oʻrta maxsus, professional va oliy taʼlim tashkilotlari, Vazirlikning hududiy boshqarmalarida korrupsiya holatlarini barvaqt aniqlash va oldini olish, ularning sabab va shart-sharoitlarini bartaraf etish, manfaatlar toʻqnashuviga yoʻl qoʻymaslik hamda korrupsiyaga nisbatan murosasiz munosabatni shakllantirish choralarini koʻradi;

idoraviy mansubligidan qatʼi nazar, davlat va davlat ishtirokidagi oliy, oʻrta maxsus va professional taʼlim tashkilotlar faoliyatida sohaga oid qonunchilikka rioya etilishi monitoringini olib boradi, qonun hujjatlari va taʼsis hujjatlarida aniqlangan buzilishlarni bartaraf etish toʻgʻrisida bajarilishi majburiy boʻlgan taqdimnomalar kiritadi;

2) zamonaviy axborot-kommunikatsiya texnologiyalari va xorijiy tillarni chuqur oʻzlashtirgan malakali kadrlarni tayyorlashning yuqori darajasi va sifatini taʼminlash sohasida:

oliy, oʻrta maxsus va professional taʼlim tashkilotlarida oʻqitiladigan taʼlim yoʻnalishlari, mutaxassisliklar va kasblar roʻyxatini tasdiqlaydi;

qonunchilikka muvofiq bakalavriat taʼlim yoʻnalishlari va magistratura mutaxassisliklari boʻyicha oʻqish davomiyligi muddatlarini belgilashda oliy taʼlim tashkilotlariga uslubiy koʻmak beradi;

taʼlim oluvchilarning akademik mobilligini tashkil etish jarayonlarini muvofiqlashtiradi;

oʻrta maxsus va professional taʼlim tashkilotlariga oʻqishga qabul qilishning davlat buyurtmasi parametrlarini tizimida ushbu taʼlim tashkilotlari boʻlgan vazirlik va idoralarning taklifi asosida Oʻzbekiston Respublikasi Iqtisodiyot va moliya vazirligi bilan kelishilgan holda tasdiqlaydi;

3) idoraviy mansubligidan qatʼi nazar, barcha oliy, oʻrta maxsus va professional taʼlim tashkilotlari faoliyatini muvofiqlashtirish, oʻquv-pedagogik va ilmiy-uslubiy rahbarlikni amalga oshirish, mutaxassislar tayyorlash sifati, taʼlim mazmuni va darajasini davlat taʼlim standartlari va malaka talablariga mosligini taʼminlash sohasida:

tarmoq davlat dasturlarini ishlab chiqadi, tasdiqlaydi va amalga oshirilishini taʼminlaydi;

taʼlim tashkilotlari faoliyatini muvofiqlashtiradi va ularga uslubiy rahbarlik qiladi;

oliy, oʻrta maxsus va professional taʼlim tashkilotining namunaviy ustavini ishlab chiqilishini taʼminlaydi, Vazirlik tizimidagi taʼlim tashkilotlari va boshqa tashkilotlarning ustav (nizom)larini tasdiqlaydi;

mamlakatni ijtimoiy-iqtisodiy rivojlantirishning ustuvor yoʻnalishlariga muvofiq davlat oliy taʼlim tashkilotlarida istiqbolli taʼlim yoʻnalishlari va mutaxassisliklarini belgilash yuzasidan takliflar tayyorlaydi;

taʼlim tashkilotlarida taʼlim jarayonini boshqarish, uslubiy taʼminlash, meʼyorlash, taʼlim sifatini oshirish, mehnat bozorida raqobatbardosh kadrlar tayyorlash, pedagog kadrlarning samarali faoliyati va oʻquv jarayonini tashkil etish hamda ragʻbatlantirishga oid ishlarni muvofiqlashtiradi;

taʼlim oluvchilarning bilim, malaka va koʻnikmalarini baholash tartibini belgilaydi;

idoraviy mansubligidan qatʼi nazar, barcha oliy, oʻrta maxsus va professional taʼlim tashkilotlariga vazirlikning statistik, arxiv va boshqa maʼlumotlardan (axborotdan foydalanish qonun bilan cheklangan holatlar bundan mustasno) foydalanish imkoniyatini yaratadi;

oliy, oʻrta maxsus va professional taʼlimda ochiqlik va shaffoflikni taʼminlash maqsadida tizimdagi taʼlim tashkilotlari hamda tashkilotlari faoliyatining monitoringini olib boradi;

4) taʼlimning yangi pedagogik texnologiyalari va oʻqitish uslublarini joriy etishning xalqaro amaliyotga muvofiq taʼlim jarayonini tashkil etish, taʼlim dasturlarini (oʻquv rejalari va fan dasturlarini) takomillashtirish, oʻqitishning zamonaviy shakllari va axborot-kommunikatsiya texnologiya vositalarini joriy etgan holda taʼlim sifatini taʼminlash sohasida:

oliy, oʻrta maxsus va professional taʼlim sifatini oshirish chora-tadbirlarini ishlab chiqadi va amalga oshiradi;

oʻquv jarayoniga oʻqitishning zamonaviy shakllari, texnik vositalari, ilgʻor pedagogik va axborot-kommunikatsiya texnologiyalarini joriy etilishini taʼminlaydi;

oliy taʼlim yoʻnalishlari va mutaxassisliklarining malaka talablarini, oʻrta maxsus va professional taʼlimning hamda professor-oʻqituvchilarning malakasini oshirish va qayta tayyorlash tizimi uchun malaka talablari, oʻquv reja va oʻquv dasturlarni ishlab chiqilishini taʼminlaydi, ularni tasdiqlaydi, shuningdek, taʼlim tashkilotlari faoliyatini tartibga soluvchi meʼyoriy hujjatlarni ishlab chiqadi va tasdiqlaydi;

davlat taʼlim standartlari, davlat taʼlim talablari va taʼlim dasturlarida kadrlarning malaka darajasiga va kasbiy tayyorgarligi sifatiga qoʻyilgan talablarning taʼlim tashkilotlari tomonidan bajarilishi ustidan nazoratni amalga oshiradi;

davlat taʼlim standartlari va davlat taʼlim talablari ishlab chiqilishini taʼminlaydi va ularni tasdiqlaydi;

oʻquv jarayonini zamonaviy oʻquv va oʻquv-uslubiy adabiyotlar bilan taʼminlash hamda elektron kutubxonalarni tashkil etish ishlarini muvofiqlashtiradi;

oʻquv adabiyotlarini tayyorlash va nashr qilishni tashkil etadi;

oliy, oʻrta maxsus va professional taʼlim tashkilotlari uchun darsliklar va oʻquv qoʻllanmalarini tayyorlash hamda nashr etish tartibini, shuningdek, ularni yetkazib berishga va foydalanishga qoʻyiladigan talablarni belgilaydi;

mehnat bozori va ish beruvchilarning ehtiyojlari asosida professional taʼlim tashkilotlarida ishchi kasblar va malakalar boʻyicha qisqa muddatli kurslarni tashkil etadi;

manfaatdor organlar va tashkilotlar bilan birgalikda oliy, oʻrta maxsus va professional taʼlim tashkilotlari bitiruvchilari bandligini tahlil qiladi hamda uning natijalari asosida taʼlim tashkilotlarida kadrlar tayyorlashni takomillashtirish boʻyicha takliflarni ishlab chiqadi;

5) oliy, oʻrta maxsus va professional taʼlimning maʼnaviy-maʼrifiy ishlar mazmunini takomillashtirish, yoshlarda vatanga sadoqat, mehr-oqibat, yuksak masʼuliyat, bagʻrikenglik, huquqiy madaniyat, innovatsion fikrlash kabi fazilatlarni shakllantirish, axborot-kommunikatsiya texnologiyalaridan oqilona foydalanish madaniyatini oshirish va axborot xurujlariga qarshi mafkuraviy immunitetni mustahkamlash hamda ularda vatan taraqqiyotiga daxldorlik hissini uygʻotish sohasida:

oliy, oʻrta maxsus va professional taʼlim tashkilotlarida milliy va umuminsoniy qadriyatlarga asoslangan holda oʻsib kelayotgan yosh avlodni yuksak maʼnaviy-axloqiy fazilatlar ruhida tarbiyalash va uning ijtimoiy faolligini baholash ishlarini tashkil etadi;

oliy, oʻrta maxsus va professional taʼlim tashkilotlarida, oʻquvchilar va talabalar turar joylarida maʼnaviy-maʼrifiy ishlarni takomillashtirish yuzasidan tadbirlarni muvofiqlashtiradi;

oliy, oʻrta maxsus va professional taʼlim tashkilotlarida sogʻlom maʼnaviy muhitni (jamoa aʼzolari oʻrtasida oʻzaro hurmat, kiyinish madaniyati, muomala madaniyati va boshqalar) shakllantirish va qoʻllab-quvvatlash, yoshlarning oʻqishdan boʻsh vaqtlarini mazmunli tashkil etish ishlarini muvofiqlashtiradi;

taʼlim oluvchilar uchun belgilangan tartibda sport musobaqalarini oʻtkazadi, ularning gʻoliblarini ragʻbatlantiradi, xalqaro tanlovlar va musobaqalarga yuboradi;

6) oliy taʼlim tashkilotlarida ilmiy-tadqiqot ishlarini samarali tashkil etish, tadqiqot natijalarini amaliyotga keng joriy etish, ilmiy faoliyatini mamlakat ijtimoiy-iqtisodiy rivojlantirish istiqbollarini hisobga olgan holda tashkil etish, ilmiy ishlanmalarni tijoratlashtirish, oliy taʼlim, fan va ishlab chiqarishning oʻzaro mustahkam integratsiyasini taʼminlash, ilmiy-tadqiqot ishlariga iqtidorli yoshlarni keng jalb etish hamda ularni har tomonlama qoʻllab-quvvatlash sohasida:

davlat ilmiy dasturlari doirasida amalga oshiriladigan ilmiy loyihalarni bajarishda oliy taʼlim tizimining ilmiy-texnik salohiyatidan samarali foydalanilishini taʼminlaydi;

tizimdagi taʼlim tashkilotlari va tashkilotlarda davlat ilmiy dasturlari doirasida amalga oshiriladigan fundamental, amaliy va innovatsion loyihalar boʻyicha takliflar ishlab chiqilishini tashkil qiladi va ularning ijrosini muvofiqlashtiradi;

talabalar, doktorantlar oʻrtasida Oʻzbekiston Respublikasi Prezidenti va nomli davlat stipendiyalari uchun kvotalar ajratish boʻyicha takliflarni shakllantiradi va tanlovlarning oʻtkazilishini taʼminlaydi;

oliy taʼlimdan keyingi taʼlimda, shu jumladan, maqsadli doktorantura orqali belgilangan tartibda ilmiy va ilmiy-pedagog kadrlarni tayyorlanishini tashkil etadi;

tizimdagi tashkilotlarda ilmiy izlanishlar olib borayotgan tadqiqotchilarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish boʻyicha choralar koʻradi;

taʼlim, fan va ishlab chiqarish integratsiyasini taʼminlash ishlarini muvofiqlashtiradi;

davlat oliy taʼlim tashkilotlari ilmiy faoliyatini rivojlantirish maqsadli koʻrsatkichlari ijrosini muvofiqlashtiradi;

oliy taʼlimning dolzarb masalalari boʻyicha belgilangan tartibda respublika va xalqaro kengashlar, konferensiyalar, simpoziumlar oʻtkazadi;

7) taʼlim tashkilotlarining zimmasiga yuklangan vazifalarni yuqori professional darajada bajarishga qodir rahbar va pedagog kadrlar bilan taʼminlash, ularni tizimli ragʻbatlantirish hamda uzluksiz kasbiy rivojlanishi boʻyicha choralarini koʻrish sohasida:

davlat oliy taʼlim tashkilotlarining rektorlarini tayinlash toʻgʻrisida Vazirlar Mahkamasiga takliflar kiritadi (moliyaviy mustaqillik berilgan davlat oliy taʼlim tashkilotlari bundan mustasno);

oliy, oʻrta maxsus va professional taʼlim tashkilotlarining rahbarlari, pedagoglari va ishlab chiqarish taʼlimi ustalariga qoʻyiladigan malaka talablarini va (yoki) kasbiy standartlarni ishlab chiqadi hamda tasdiqlaydi;

oliy, oʻrta maxsus va professional taʼlim tashkilotlarining pedagog kadrlarini tanlov asosida ishga qabul qilish tartibi toʻgʻrisidagi namunaviy nizomni ishlab chiqadi va belgilangan tartibda tasdiqlash uchun Vazirlar Mahkamasiga taqdim etadi hamda ularning amalga oshirilishini nazorat qiladi;

8) Vazirlik, uning tizimidagi tashkilotlar va hududiy boshqarmalar, oliy, oʻrta maxsus va professional taʼlim tashkilotlarining rahbar va pedagog kadrlarini qayta tayyorlash va malakasini oshirishning uzluksiz tizimini tashkil etish va takomillashtirish, ularning kasbiy mahorati sifati va darajasini muntazam oshirib borishi uchun sharoitlar yaratish sohasida:

rahbar va pedagog kadrlar malakasini oshirish va ularni qayta tayyorlashni tashkil etishning samarali shakllarini, shu jumladan, masofadan turib oʻqitish shaklini ishlab chiqadi hamda amalga oshiradi;

oliy, oʻrta maxsus va professional taʼlim tashkilotlarida kadrlarning kasbiy tayyorgarligi sifatini oshirishga qaratilgan chora-tadbirlarni ishlab chiqadi, oʻquv-meʼyoriy hujjatlarni takomillashtiradi;

oliy, oʻrta maxsus va professional taʼlim tashkilotlarining rahbar va pedagog kadrlarini qayta tayyorlash va ularning malakasini oshirish jarayonlarini nazorat qiladi;

9) oliy, oʻrta maxsus va professional taʼlim tizimini hamda ilm-fan va innovatsiyalar sohasini raqamlashtirish, zamonaviy axborot-kommunikatsiya texnologiyalarini qoʻllash orqali ularning oʻquv, ilmiy, maʼmuriy va moliyaviy jarayonlarini avtomatlashtirish sohasida:

oliy, oʻrta maxsus va professional taʼlim tizimi, innovatsion rivojlanish sohasida raqamli texnologiyalar va zamonaviy axborot-kommunikatsiya texnologiyalarini joriy etishning ustuvor yoʻnalishlarini belgilaydi;

oliy, oʻrta maxsus va professional taʼlim tizimiga oid maʼlumotlarni boshqarishning yagona tizimini shakllantirish orqali maʼlumotlarni (axborotlarni) toʻplash va raqamlashtirish uchun kerak boʻlgan barcha resurslar yaratilishini tashkil etadi;

oliy, oʻrta maxsus va professional taʼlimga oid hujjatlarni raqamlashtirish orqali davlat xizmatlarini koʻrsatishni yoʻlga qoʻyadi va tizimga oid ochiq maʼlumotlarni shakllantirib boradi;

taʼlim tashkilotlarida hisobotlarni tayyorlashning qogʻoz shaklidan voz kechish hamda taʼlim tashkiloti faoliyatini avtomatlashtirish boʻyicha oliy, oʻrta maxsus va professional taʼlim jarayonlarini boshqarish axborot tizimlarini ishlab chiqish va joriy etish boʻyicha kompleks chora-tadbirlarni amalga oshiradi;

elektron davlat xizmatlarini koʻrsatishni yanada takomillashtirish orqali oliy, oʻrta maxsus va professional taʼlim tashkilotlari faoliyatidagi funksional jarayonlar va tartib-taomillarni maqbullashtirish choralarini koʻradi;

axborot tizimlari va resurslarini keng joriy etishni nazarda tutuvchi idoraviy raqamli transformatsiya dasturlarini ishlab chiqadi va ularni amalga oshiradi;

oliy taʼlim sohasida elektron davlat xizmatlarini mobil qurilmalar va elektron hamkorlikning boshqa shakllari orqali koʻrsatishni yanada kengaytirish uchun zarur shart-sharoitlar yaratish choralarini koʻradi;

ilm-fan va innovatsiyalar sohasida raqamli texnologiyalarni rivojlantirish boʻyicha ilmiy va startap loyihalar natijalarini hudud iqtisodiyotiga samarali joriy etilishi yuzasidan takliflar ishlab chiqadi;

ilm-fan va innovatsiyalar sohasida raqamli texnologiyalarni rivojlantirish boʻyicha ilmiy va startap loyihalar natijalarini sohalarga samarali joriy etilishini muvofiqlashtiradi;

ilm-fan va innovatsiya sohasida raqamli texnologiyalarni rivojlantirish boʻyicha ilgʻor xorijiy tajribalarni oʻrganish va joriy etish yuzasidan moslashuvchan dasturlar ishlab chiqadi;

10) uzoq muddatli ssenariylar asosida ustuvor soha va tarmoqlarga ilm-fan yutuqlarini tatbiq etish va mamlakatning innovatsion rivojlantirishning strategiyasini ishlab chiqish sohasida:

xalqaro moliya institutlari ekspertlari, mahalliy ilmiy tashkilotlar xodimlari, tadbirkorlik subyektlari vakillari, mutasaddi vazirlik va idoralarning salohiyatli mutaxassislarini jalb qilgan holda innovatsion rivojlanishning oʻrta va uzoq muddatli strategiyasini ishlab chiqadi;

innovatsion rivojlanish strategiyasi uchun samaradorlikni baholovchi maqsadli koʻrsatkichlar (indikatorlar)ga erishish vazifalari boʻyicha takliflarni umumlashtiradi;

mamlakatni innovatsion rivojlantirish, global indekslar va xalqaro reytinglar, davlat va jamiyat qurilishiga ilmiy ishlanmalarni joriy etishga oid normativ-huquqiy hujjatlar loyihalarini hamda tematik loyihalar mavzulari boʻyicha takliflarni koʻrib chiqib, asoslangan xulosalar tayyorlanishini nazorat qiladi;

11) iqtisodiyot tarmoqlari va ijtimoiy sohadagi mavjud muammolarning ilmiy yechimini taʼminlashga qaratilgan ilmiy-tadqiqot ishlariga davlat buyurtmasi siyosatini yuritish sohasida:

iqtisodiyot tarmoqlari va ijtimoiy sohaning mavjud muammolarining ilmiy yechimini taʼminlashga qaratilgan ilmiy-tadqiqot ishlariga davlat buyurtmasini shakllantiradi, ilmiy loyihalar tanlovlarini tashkil etadi, uning talablari, shartlari va amaliy mexanizmlarini joriy qiladi (tasdiqlaydi);

Innovatsion rivojlanish agentligi tomonidan taqdim qilingan tematik mavzular roʻyxatini koʻrib chiqadi va tasdiqlaydi;

fan yoʻnalishlari boʻyicha tegishli ilmiy-texnik kengashlar faoliyatini tashkil qiladi;

davlat ilmiy dasturlariga kiritiladigan loyihalarning yakuniy roʻyxatini tasdiqlaydi;

xalqaro hamkorlikdagi qoʻshma ilmiy loyihalar yuzasidan qoʻshma qoʻmitalar faoliyatini tashkil qiladi;

xorijiy mamlakatlar bilan xalqaro qoʻshma ilmiy loyihalar boʻyicha oʻtkaziladigan tanlovlarning yoʻnalishlari, muddatlari, moliyalashtiriladigan loyihalar soni va hajmini kelishilgan holda tashkil qiladi;

xalqaro qoʻshma loyihalarni xalqaro ekspertizasini tashkil qiladi;

ilmiy-innovatsion sohadagi hamkorlik boʻyicha hukumatlararo qoʻshma qoʻmitalar qarorlari asosida moliyalashtiriladigan xalqaro qoʻshma ilmiy loyihalarning yakuniy roʻyxatini shakllantiradi;

xorijiy hamkorlar bilan birgalikda xalqaro qoʻshma loyihalarning monitoringini tashkil qiladi;

12) respublikada ilmiy va innovatsion faoliyatini muvofiqlashtirish sohasida:

oliy taʼlim tashkilotlari va ilmiy tashkilotlarning ilmiy ishlar va innovatsiyalar boʻyicha prorektorlari hamda direktor oʻrinbosarlarini faoliyatini muvofiqlashtiradi;

oliy taʼlim tashkilotlari va ilmiy tashkilotlarning ilmiy-tadqiqot ishlarini tashkil etish, ularning samaradorligini oshirish, ilm-fan va taʼlim integratsiyasini taʼminlashga qaratilgan chora-tadbirlarni belgilaydi;

respublikada fan va texnologiyalarni rivojlantirishning ustuvor yoʻnalishlarini belgilash yuzasidan takliflar ishlab chiqadi;

ilm-fan va innovatsion faoliyatga oid normativ-huquqiy hujjatlarni ishlab chiqadi hamda ushbu yoʻnalishdagi loyihalarini koʻrib chiqib, asoslangan xulosalar tayyorlaydi;

13) yangi ishlanmalarni tijoratlashtirish va ishlab chiqarishga joriy etish, startap loyihalarini amalga oshirishni muvofiqlashtirish sohasida:

ilmiy tadqiqotlar, ishlanmalar va intellektual faoliyat natijalarini tijoratlashtirish hamda startap loyihalar tanlovlarini tashkil etish, uning talablari, shartlari va amaliy mexanizmlarini joriy qiladi (tasdiqlaydi);

tijoratlashtirishga tayyorlash, tijoratlashtirish va startap (shu jumladan, yoshlar startaplari) loyihalarni amalga oshirish natijadorligini tahlil qiladi;

14) ilmiy darajali kadrlar tayyorlashda yaxlit davlat siyosatini yuritish sohasida:

oliy malakali ilmiy va ilmiy-pedagog kadrlar tayyorlash masalalarida tizimida ilmiy tashkilot va oliy taʼlim tashkilotlariga ega vazirlik va idoralar faoliyatini muvofiqlashtiradi;

15) ilmiy va innovatsion loyihalarni amalga oshirishda investitsiyalarni jalb etish sohasida:

ilmiy va innovatsion loyihalarni amalga oshirishda investitsiyalarni keng jalb etishga oid normativ-huquqiy hujjatlar loyihalarini hamda loyihalarga davlat buyurtmasi boʻyicha takliflarni koʻrib chiqib, asoslangan xulosalar tayyorlaydi;

ilmiy va innovatsion faoliyatga mablagʻlar, jumladan banklar va moliya institutlarining investitsiyalari va texnik koʻmak (grantlar) mablagʻlarini jalb qilish ishlarini muvofiqlashtiradi;

ilmiy-innovatsion ishlanmalar va loyihalarni venchur moliyalashtirishni amalga oshirish boʻyicha kompleks ishlarni belgilaydi;

16) oliy, oʻrta maxsus va professional taʼlim, ilm-fan va innovatsiyalar sohasida xalqaro aloqalarni kengaytirish hamda mustahkamlash boʻyicha chora-tadbirlarni amalga oshirish, sohada erishilgan yutuqlarni xalqaro miqyosda keng yoritish sohasida:

oliy, oʻrta maxsus va professional taʼlim, ilm-fan va innovatsiyalar sohasida xalqaro hamkorlikni, xorijiy hamkorlar dasturlari, qoʻshma dasturlarni amalga oshiradi, Oʻzbekiston Respublikasining xalqaro shartnomalari va bitimlari asosida xorijiy davlatlarning tegishli vakolatli organlari, taʼlim tashkilotlari bilan toʻgʻridan-toʻgʻri aloqalar oʻrnatadi;

idoraviy mansubligi va tashkiliy-huquqiy shaklidan qatʼi nazar, respublikaning oliy va professional taʼlim tashkilotlarida xorijiy mamlakatlar uchun mutaxassislar tayyorlanishini, xorijiy talabalar oʻqitilishini muvofiqlashtiradi;

tizimdagi davlat taʼlim tashkilotlari talabalari va oʻquvchilarini xorijiy davlatlarning taʼlim tashkilotlariga oʻqish uchun yuborilishini muvofiqlashtiradi;

pedagog xodimlar va taʼlim oluvchilar almashinuvini amalga oshiradi;

rahbar hamda pedagog xodimlarning xorijiy davlatlarda qayta tayyorlash va malakasini oshirishni tashkil etadi;

oʻz xodimlari hamda mutaxassislarini xalqaro konferensiyalarga va stajirovkalarga yuboradi, ularning xalqaro loyihalar hamda ilmiy tadqiqotlarda ishtirok etishini qoʻllab-quvvatlaydi;

oliy, oʻrta maxsus va professional taʼlim tizimida amalga oshirilayotgan tub oʻzgarishlarning Oʻzbekiston Respublikasi uchun ustuvor boʻlgan xalqaro reyting va indekslarda mamlakatning oʻrnini yaxshilash maqsadlariga xizmat qilishini taʼminlaydi;

respublikadagi oliy taʼlim tashkilotlarini xalqaro eʼtirof etilgan tashkilotlar (Quacquarelli Symonds World University Rankings, Times Nigher Education yoki Academic Ranking of World Universities) reytingining birinchi 1 000 ta oʻrindagi oliy taʼlim tashkilotlari roʻyxatiga kiritish boʻyicha tizimli ishlarni amalga oshiradi, bunda mazkur oliy taʼlim tashkilotlarini davlat tomonidan qoʻllab-quvvatlashning zamonaviy mexanizmlarini joriy etadi;

17) taʼlim tizimida oʻquv-tarbiya jarayonlari, professor-oʻqituvchilar tarkibi, kadrlar tayyorlash va ularning malakasini oshirish sifatini nazorat qilish, pedagog kadrlarga malaka toifalarini berish boʻyicha davlat siyosatini amalga oshirish sohasida:

oʻquvchilar va talabalar bilimlarining Oʻzbekiston Respublikasi davlat taʼlim standartlari, davlat taʼlim talablari va malaka talablariga muvofiqligini tizimli ravishda tahlil qiladi;

davlat taʼlim standartlari, davlat taʼlim talablari va malaka talablarini, shuningdek ular asosida taʼlimning barcha turlari boʻyicha ishlab chiqilgan oʻquv reja va dasturlarini ekspertizadan oʻtkazadi;

taʼlim tashkilotlarida oʻquv-tarbiya hamda kadrlar tayyorlash sifati monitoringini tashkil etadi va amalga oshiradi;

davlat namunasidagi oliy, oʻrta maxsus va professional taʼlim toʻgʻrisidagi hujjatlarni tayyorlash va hisobini yuritish tartibini ishlab chiqadi;

19) nodavlat taʼlim tashkilotlariga litsenziyalar berish faoliyatini xabardor qilish tartibida amalga oshiradigan shaxslardan xabarnomalar qabul qilish va ularning reyestrini yuritish sohasida:

nodavlat taʼlim tashkilotlariga litsenziyalar berish yuzasidan talabgor tashkilotlarning arizalarini koʻrib chiqadi va ularning arizalariga javob beradi;

faoliyatini xabardor qilish tartibida amalga oshiradigan shaxslardan xabarnomalar qabul qiladi;

nodavlat taʼlim tashkilotlariga litsenziyalar beradi;

litsenziyalarni va xabarnomalarning reyestrini yuritadi;

20) bilim va malakalarni baholash boʻyicha umummilliy siyosatni belgilash sohasida:

test texnologiyalarini rivojlantirish, pedagogik oʻlchov vositalarini takomillashtirish sohasida strategik yoʻnalishlarni belgilaydi;

umumtaʼlim fanlarini bilish darajasini baholashning milliy test tizimini muntazam ravishda tahlil qiladi va konseptual jihatdan rivojlanish vektorlarini belgilaydi;

rahbar kadrlar hamda masʼul lavozimlarga tayinlanadigan shaxslarning davlat tilini bilish darajasini aniqlash va ularga davlat tilini bilish boʻyicha daraja sertifikatini berish jarayoniga rahbarlik qiladi;

xorijiy mamlakatlarda berilgan taʼlim toʻgʻrisidagi hujjatlarni tan olish ishlarini muvofiqlashtiradi;

taʼlim va fan sohasi tashkilotlari tomonidan beriladigan rasmiy hujjatlarga apostil qoʻyish jarayonini nazorat qiladi;

21) Vazirlik tizimidagi oliy, oʻrta maxsus va professional taʼlim tashkilotlari hamda boshqa tashkilotlarni moliyalashtirish, moddiy-texnik bazasini rivojlantirish, shuningdek, ularning moliyaviy faoliyati ustidan nazoratni amalga oshirish sohasida:

idoraviy mansubligidan qatʼi nazar, barcha davlat oliy, oʻrta maxsus va professional taʼlim tashkilotlarini moliyalashtirishning normativlarini belgilash toʻgʻrisidagi takliflarni, ushbu masala yuzasidan normativ-huquqiy hujjatlar loyihalarini ishlab chiqadi;

Vazirlik orqali moliyalashtiriladigan oliy, oʻrta maxsus taʼlim tashkilotlari va tizim tashkilotlarining budjet mablagʻlari boʻyicha xarajatlar smetasi, budjetdan tashqari (toʻlov-kontrakt asosida oʻqitishdan tushgan mablagʻlar, bolalarning taʼminoti uchun ota-onalardan tushumlar) mablagʻlar boʻyicha daromadlar va xarajatlar smetasi, vaqtinchalik budjet xarajatlar smetalari hamda shtat jadvallarini roʻyxatdan oʻtkazadi;

Vazirlik orqali moliyalashtiriladigan oliy, oʻrta maxsus tashkilotlari va tashkilotlarning tasdiqlangan jamlanma budjet mablagʻlari boʻyicha xarajatlar smetalarini, budjetdan tashqari (toʻlov-kontrakt asosida oʻqitishdan tushgan mablagʻlar, bolalarning taʼminoti uchun ota-onalardan tushumlar) mablagʻlar boʻyicha jamlanma daromadlar va xarajatlar smetasi hamda jamlanma shtat jadvallarini tasdiqlaydi hamda Oʻzbekiston Respublikasi Iqtisodiyot va moliya vazirligiga roʻyxatdan oʻtkazish uchun taqdim etadi;

tizimdagi moliyaviy mustaqillik berilgan davlat oliy taʼlim tashkilotlarida davlat granti asosida taʼlim olayotgan talabalar uchun budjet mablagʻlarini vazirlik hamda oliy taʼlim tashkilotlari oʻrtasida imzolangan bitim asosida ajratilishini taʼminlaydi;

Respublika oliy taʼlim kengashi Oʻzbekiston Respublikasi Iqtisodiyot va moliya vazirligi bilan kelishgan holda moliyaviy mustaqillik berilgan davlat oliy taʼlim tashkilotlari roʻyxatiga qoʻshimcha ravishda davlat oliy taʼlim tashkilotlarini kiritib boradi;

Vazirlik orqali moliyalashtiriladigan oliy, oʻrta maxsus taʼlim tashkilotlari va tizim tashkilotlarining budjet hisobi yuritilishini tashkil etish va nazorat qilishni taʼminlaydi;

Vazirlik orqali moliyalashtiriladigan oliy, oʻrta maxsus taʼlim tashkilotlari va tizim tashkilotlaridan moliyaviy hisobotlarni Oʻzbekiston Respublikasi Iqtisodiyot va moliya vazirligining maxsus dasturiy majmuasi orqali elektron tarzda qabul qiladi hamda tegishli davr uchun jamlanma moliyaviy hisobotlarni Iqtisodiyot va moliya vazirligiga taqdim etadi;

Vazirlik tizimidagi oliy, oʻrta maxsus taʼlim tashkilotlarning budjet va budjetdan tashqari mablagʻlarining shakllanishi va sarflanishi, xoʻjalik, ishlab chiqarish va moliyaviy faoliyati ustidan nazorat qiladi;

oliy, oʻrta maxsus va professional taʼlim tashkilotlariga nisbatan moddiy-texnik baza, infratuzilma va parametrik talablarni ishlab chiqadi va belgilaydi;

taʼlim tashkilotlarida moddiy-texnika resurslaridan foydalanishga doir talablarni ishlab chiqadi;

tizimdagi oliy, oʻrta maxsus va professional taʼlim tashkilotlari va tashkilotlarda davlat-xususiy sheriklik asosida loyihalarni amalga oshirilishini tashkillashtiradi hamda rivojlantiradi;

22) oliy malakali ilmiy va ilmiy-pedagog kadrlarni attestatsiyadan oʻtkazish sohasida yagona davlat siyosatini amalga oshirish, ushbu faoliyatni tashkil etish, nazorat qilish va muvofiqlashtirish sohasida:

oliy malakali ilmiy va ilmiy-pedagog kadrlar tayyorlash masalalarida tizimida ilmiy tashkilot va oliy taʼlim tashkilotlariga ega vazirlik va idoralar faoliyatini muvofiqlashtiradi;

tizimida oliy taʼlimdan keyingi taʼlimni amalga oshiruvchi ilmiy tashkilotlar va oliy taʼlim tashkilotlariga ega vazirliklar, idoralar va tashkilotlar bilan birgalikda izlanuvchilar faoliyatining samaradorligi boʻyicha monitoring olib boradi;

vazirliklar, idoralar, ilmiy tashkilot va taʼlim tashkilotlarining oliy taʼlimdan keyingi taʼlimni muvofiqlashtiruvchi yagona elektron tizimdan samarali foydalanishlarini taʼminlaydi, shuningdek undan foydalanish boʻyicha uslubiy jihatdan rahbarlik qiladi;

23) aholi orasida xorijiy tillarni oʻrganishni ommalashtirish va ularni mukammal oʻzlashtirish uchun zarur sharoitlar yaratish, xorijiy tillarni oʻqitishning xalqaro tan olingan dastur va darsliklari taʼlimning barcha bosqichlarida joriy etilishini muvofiqlashtirish hamda professor-oʻqituvchilarda zamonaviy oʻqitish koʻnikmalarini rivojlantirish sohasida:

davlat organlari va tashkilotlari, mahalliy ijro etuvchi hokimiyat organlari va davlat taʼlim tashkilotlarining xorijiy tillarni oʻqitishni ommalashtirish borasidagi faoliyatini muvofiqlashtiradi;

xorijiy va mahalliy hamkorlar bilan aloqalar oʻrnatib, ularning moliyaviy, tashkiliy va uslubiy koʻmagini mamlakatda xorijiy tillarni oʻrganishni ommalashtirishga jalb qilishni tashkil etadi;

vazirlik va idoralar bilan birgalikda davlat xizmatchilarining kasbiy faoliyatini xorijiy tillarda amalga oshirish imkoniyatini beruvchi uslubiyotlarni ishlab chiqib, amaliyotga joriy etadi;

talab yuqori boʻlgan kamida oʻnta xorijiy tillarni oʻrganishni ommalashtirish boʻyicha kompleks chora-tadbirlarni belgilaydi;

xorijiy tillar oʻqituvchilari uchun malaka talablari va baholash mezonlarini ishlab chiqadi hamda ularga malaka toifasini berish jarayonini ochiqlik tamoyili asosida tashkil etadi;

xorijiy tillarni bilish darajasini baholovchi xalqaro tan olingan sertifikatlarning roʻyxatini hamda xorijiy tillarni bilish darajasini belgilovchi milliy va xalqaro tan olingan sertifikatlarning darajalari oʻrtasidagi muvofiqlikni tasdiqlaydi;

vazirliklar va idoralar xorijiy tillarni bilish darajasini baholovchi xalqaro tan olingan sertifikatlarning roʻyxati hamda xorijiy tillarni bilish darajasini belgilovchi milliy va xalqaro tan olingan sertifikatlar darajalari oʻrtasidagi muvofiqlik jadvali asosida tizimlaridagi xodimlarga ustamalar belgilash uchun har yili oʻzlariga taalluqli boʻlgan sertifikatlar roʻyxatlarini tasdiqlaydi.

Vazirlik qonunchilik hujjatlariga muvofiq boshqa funksiyalarni ham amalga oshirishi mumkin.

2-§. Vazirlik markaziy apparatining vazifalari va funksiyalari

12. Quyidagilar Vazirlik markaziy apparatining asosiy vazifalari hisoblanadi:

1) idoraviy mansubligi va tashkiliy-huquqiy shaklidan qatʼi nazar, oliy, oʻrta maxsus va professional taʼlim tashkilotlari, Vazirlik tizimidagi tashkilotlar va hududiy boshqarmalar tomonidan Oʻzbekiston Respublikasining qonunlari, Oʻzbekiston Respublikasi Prezidentining va Hukumatining ijro intizomini mustahkamlash boʻyicha qarorlari va farmoyishlari, shuningdek, Vazirlik hayʼati qarorlari, Vazirlikning buyruqlari bajarilishining muntazam nazoratini taʼminlash;

2) oliy, oʻrta maxsus va professional taʼlim, ilm-fan va innovatsiyalar sohasida yagona davlat siyosatini amalga oshirish;

3) idoraviy mansubligidan qatʼi nazar, oliy, oʻrta maxsus va professional taʼlim tashkilotlari faoliyatini muvofiqlashtirish va uslubiy rahbarlik qilish;

4) oliy taʼlim tashkilotlarida va ilmiy tashkilotlarida yuqori malakali zamonaviy bilimlarga ega kadrlarni tayyorlash boʻyicha chora-tadbirlarni amalga oshirishni tashkil etish;

5) davlat taʼlim standartlari, malaka talablari, oʻquv rejalari va oʻquv dasturlarini takomillashtirishga qaratilgan maqsadli faoliyatni amalga oshirish, oʻquv jarayonini sifat jihatidan yangilash va oʻqitishning ilgʻor shakllari, axborot-kommunikatsiya texnologiyalarini joriy etish;

6) oliy, oʻrta maxsus va professional taʼlim tizimining hamda ilm-fan va innovatsiyalar sohasining ijobiy imijini shakllantirishga qaratilgan yagona axborot siyosatini olib borish;

7) yoshlar oʻrtasida mustaqillik gʻoyalariga sodiqlik, milliy qadriyatlarga sadoqat, insonparvarlik va yuksak maʼnaviy gʻoyalarni chuqur singdirish, yoshlarni vatanparvarlik ruhida tarbiyalash ishlarini tashkil etishni taʼminlash;

8) oliy taʼlim tashkilotlari va ilmiy tashkilotlarda ilmiy-tadqiqot ishlari, ilmiy va ilmiy-pedagogik kadrlar tayyorlashni tashkil etish;

9) pedagog va rahbar kadrlarni tayyorlash, qayta tayyorlash va ularning malakasini oshirish, yuqori malakali xorijiy olimlar, oʻqituvchilar va mutaxassislarni keng jalb qilish ishlarini muvofiqlashtirish;

10) oliy, oʻrta maxsus va professional taʼlim tashkilotlarini zamonaviy axborot-kommunikatsiya texnologiyalari vositalari bilan taʼminlashni tashkillashtirish;

11) xalqaro aloqalarni kengaytirish va mustahkamlash, xalqaro hamkorlikdagi qoʻshma oliy va professional taʼlim dasturlarini amalga oshirishni tashkil etish;

12) Vazirlik tizimidagi oliy, oʻrta maxsus va professional taʼlim tashkilotlarida hamda tashkilotlarda moliyaviy mablagʻlarning samarali ishlatilishi ustidan nazoratni amalga oshirish;

13) Vazirlik tizimidagi oliy, oʻrta maxsus va professional taʼlim tashkilotlari, hududiy boshqarmalar va tashkilotlarni rahbar kadrlar bilan taʼminlash ishlarini tashkil etish va muvofiqlashtirish.

13. Vazirlik markaziy apparati oʻziga yuklangan asosiy vazifalarga muvofiq quyidagi funksiyalarni amalga oshiradi:

Vazirlik va uning rahbariyati faoliyatini tashkiliy va axborot-tahlil jihatidan taʼminlaydi;

Vazirlik tomonidan Vazirlar Mahkamasiga kiritiladigan hujjatlarning sifatli va oʻz vaqtida ishlab chiqilishini hamda ularning iqtisodiy, moliyaviy va huquqiy hamda lingvistik ekspertizadan oʻtkazilishini tashkil etadi;

idoraviy mansubligi va tashkiliy-huquqiy shaklidan qatʼi nazar, oliy, oʻrta maxsus va professional taʼlim tashkilotlari, Vazirlik tizimidagi tashkilotlar va hududiy boshqarmalar faoliyatini nazorat qiladi hamda monitoringi olib borilishini tashkil etadi;

Vazirlik tomonidan Vazirlar Mahkamasi va Oʻzbekiston Respublikasi Prezidenti Administratsiyasiga kiritiladigan hujjatlarning sifatli va oʻz vaqtida ishlab chiqilishini hamda ularning iqtisodiy, moliyaviy va huquqiy ekspertizadan oʻtkazilishini tashkil etadi;

Vazirlik faoliyati, shu jumladan, qonun ijodkorligi sohasidagi faoliyati huquqiy taʼminlanishini tashkil etadi;

boshqaruv qarorlarini qabul qilish maqsadida oliy, oʻrta maxsus va professional taʼlimni takomillashtirish yuzasidan Vazirlik rahbariyati uchun axborotni toʻplaydi, umumlashtiradi va tahlil qiladi;

oliy, oʻrta maxsus va professional taʼlim tashkilotlarining ochiqlik va shaffoflikni taʼminlash hamda tizimning ijobiy imijini shakllantirishga qaratilgan faoliyatini muvofiqlashtirib boradi;

Vazirlik vakolatiga tegishli tezkor, tashkiliy, kadrlar, moliya, ishlab chiqarish-xoʻjalik va boshqa masalalar bilan shugʻullanadi hamda ichki audit va moliyaviy nazoratni amalga oshiradi;

idoraviy mansubligi va tashkiliy-huquqiy shaklidan qatʼi nazar, oliy, oʻrta maxsus va professional taʼlim tashkilotlari faoliyatini muvofiqlashtiradi;

oliy, oʻrta maxsus va professional taʼlim sohasida nodavlat taʼlim xizmatlarini koʻrsatish faoliyatini amalga oshiradigan yuridik shaxslar bilan oʻzaro hamkorlik qiladi;

oliy, oʻrta maxsus va professional taʼlim tizimini, innovatsion rivojlanish hamda bilim va malakalarni baholash sohalarini rivojlantirish boʻyicha oʻrta va uzoq muddatli dasturlar ishlab chiqilishini tashkil etadi;

jismoniy va yuridik shaxslarning murojaatlari bilan ishlashni amalga oshiradi;

xorijiy investitsiyalar jalb etilishini va xalqaro hamkorlikni tashkil etadi.

3-§. Vazirlik tizimidagi oliy taʼlim tashkilotlari, tashkilotlar va hududiy boshqarmalarning vazifalari va funksiyalari

14. Quyidagilar Vazirlik tizimidagi oliy taʼlim tashkilotlari, tashkilotlar va hududiy boshqarmalarning asosiy vazifalari hisoblanadi:

Vazirlik tizimidagi oliy taʼlim tashkilotlari, tashkilotlar va hududiy boshqarmalar tomonidan Oʻzbekiston Respublikasining qonunlari va qonunchilik hujjatlari, shuningdek, Vazirlik hayʼati qarorlari, Vazirlikning buyruqlari bajarilishining muntazam nazoratini taʼminlash;

Vazirlikka yuklangan vazifalar va funksiyalarning samarali bajarilishini taʼminlashda ishtirok etish;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan hamkorlik qilish;

oliy, oʻrta maxsus va professional taʼlim sohasida qonunchilikka rioya etilishi yuzasidan monitoring olib borish va nazorat qilish;

oliy, oʻrta maxsus va professional taʼlim tashkilotlarida oʻquv-metodik faoliyatni muvofiqlashtirish;

Vazirlik tizimidagi oliy, oʻrta maxsus va professional taʼlim tashkilotlari va boshqa tashkilotlarda ichki audit xizmatlari tomonidan nazorat tartibidagi profilaktika tadbirlarini tashkil etish hamda amalga oshirish.

Vazirlik tizimidagi oliy taʼlim tashkilotlari, tashkilotlar va hududiy boshqarmalari qonunchilik hujjatlariga muvofiq boshqa vazifalarni ham amalga oshirishi mumkin.

15. Vazirlik tizimidagi oliy taʼlim tashkilotlari, tashkilotlar va hududiy boshqarmalar oʻzlariga yuklangan asosiy vazifalarga muvofiq quyidagi funksiyalarni amalga oshiradi:

oliy taʼlim tashkilotlari, tashkilotlar va hududiy boshqarmalar va ularning rahbariyati faoliyatini tashkiliy va axborot-tahliliy jihatdan taʼminlaydi;

Vazirlik tomonidan oliy, oʻrta maxsus va professional taʼlim tizimining ijobiy imijini shakllantirish maqsadida ishlab chiqilgan chora-tadbirlarni amalga oshiradi;

oliy taʼlim tashkilotlari, tashkilotlar va hududiy boshqarmalar tomonidan kiritiladigan hujjatlarning sifatli va oʻz vaqtida qayta ishlanishini, ularning iqtisodiy, moliyaviy va huquqiy ekspertizadan oʻtkazilishini tashkil etadi;

akademik litseylar, professional taʼlim tashkilotlari, tarkibidagi kafedralar, fakultetlar va boshqa boʻlinmalar faoliyatini muvofiqlashtiradi hamda nazorat qiladi;

binolar va inshootlarni joriy taʼmirlash ishlari monitoringini olib boradi va muvofiqlashtiradi;

jismoniy va yuridik shaxslarning murojaatlari bilan ishlashni tashkil etadi va amalga oshiradi;

vakolati doirasida tegishli tashkiliy, kadrlar, moliya, ishlab chiqarish, xoʻjalik va boshqa masalalar boʻyicha qarorlar qabul qiladi.

4-bob. Vazirlik va uning tizimidagi tashkilotlarning huquqlari va javobgarligi

1-§. Vazirlikning huquqlari va javobgarligi

16. Vazirlik oʻz zimmasiga yuklatilgan vazifa va funksiyalarni amalga oshirishda quyidagi huquqlarga ega:

normativ-huquqiy hujjatlar loyihalarini, shuningdek, Vazirlikka yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda Vazirlar Mahkamasiga yoki Oʻzbekiston Respublikasi Prezidenti Administratsiyasiga kiritish;

Vazirlar Mahkamasiga koʻrib chiqish uchun respublika oliy, oʻrta maxsus va professional taʼlim tuzilmasini takomillashtirish va boshqarish masalalari boʻyicha takliflar kiritish;

hayʼat majlislarida tizimida oliy, oʻrta maxsus va professional taʼlim tashkilotlari boʻlgan vazirlik va idoralar rahbar xodimlarining taʼlim faoliyatiga oid axborotini (maʼruzalarini) koʻrib chiqish;

respublika ijro etuvchi hokimiyat organlari va xoʻjalik birlashmalaridan, mahalliy ijro etuvchi hokimiyat organlaridan, korxonalar, muassasalar va tashkilotlardan kadrlarga boʻlgan ehtiyoj toʻgʻrisidagi axborotni, shu jumladan, shartnoma asosida tayyorlangan mutaxassislarning ishga joylashtirilishi monitoringini yuritish uchun zarur boʻlgan tahliliy materiallarni va boshqa materiallarni soʻrash hamda belgilangan tartibda olish;

davlat organlari va boshqa tashkilotlar tomonidan oliy, oʻrta maxsus va professional taʼlim tashkilotlari faoliyatiga asossiz aralashuvi, professor-oʻqituvchilar va pedagog kadrlar shaʼni va qadr-qimmatini tahqirlash, mehnatga majburlash, oʻquv-tarbiyaviy jarayonga toʻsqinlik qilishning har qanday shakllari, taʼlim beruvchi va taʼlim oluvchilarning huquqlari buzilishiga yoʻl qoʻymaslik boʻyicha qonunchilikda belgilangan choralar koʻrish;

idoraviy mansubligi va tashkiliy-huquqiy shaklidan qatʼi nazar, oliy, oʻrta maxsus va professional taʼlim tashkilotlarida taʼlim toʻgʻrisidagi qonunchilikka rioya etilishi, Vazirlik normativ-huquqiy hujjatlarining ijrosini nazorat qilish;

barcha manbalar, ayniqsa, oʻqitishning toʻlov-kontrakt shakli boʻyicha oliy va professional taʼlim tashkilotlari daromadlari shakllantirilishi va ulardan samarali foydalanilishi ustidan nazorat qilish;

oliy, oʻrta maxsus va professional taʼlim tashkilotlari uchun pedagog kadrlarni qayta tayyorlash va ularning malakasini oshirish tizimi faoliyatini muvofiqlashtirish;

oliy, oʻrta maxsus va professional taʼlim tashkilotlari va tizim tashkilotlari faoliyatini tashkil etish;

oʻz vakolatlari doirasida xalqaro va xorijiy tashkilotlar bilan hamkorlik qilish, qoʻshma dasturlarni amalga oshirishni tashkil etish va muvofiqlashtirish;

Vazirlik, idoralardan va bevosita oliy, oʻrta maxsus va professional taʼlim tashkilotlaridan, ilmiy tashkilotlardan Vazirlikka yuklatilgan vazifalarni bajarish uchun zarur boʻlgan materiallarni hamda oliy, oʻrta maxsus va professional taʼlim boʻyicha belgilangan statistika hisobotini olish va taʼlim tashkilotlarida hisob va hisobotning holati ustidan nazorat qilish;

Vazirlikning Oliy taʼlim muassasalarini rivojlantirish hamda Ilm-fanni moliyalashtirish va innovatsiyalarni qoʻllab-quvvatlash jamgʻarmalari faoliyatini belgilangan tartibda tashkil etish;

Vazirlikka yuklangan vazifalar va funksiyalarni bajarish doirasida Oliy taʼlim muassasalarini rivojlantirish hamda Ilm-fanni moliyalashtirish va innovatsiyalarni qoʻllab-quvvatlash jamgʻarmalari yoki qonunchilik hujjatlarida taqiqlanmagan boshqa manbalar hisobidan xalqaro va xorijiy tashkilotlarning yuqori malakali mutaxassis va ekspertlarini maslahatchi (konsultant ) sifatida Vazirlar Mahkamasi bilan kelishilgan holda davlat xaridlari toʻgʻrisidagi qonunchilik va boshqa qonunchilik hujjatlariga muvofiq jalb qilish;

Oliy taʼlim muassasalarini rivojlantirish hamda Ilm-fanni moliyalashtirish va innovatsiyalarni qoʻllab-quvvatlash jamgʻarmalari mablagʻlari hisobidan, shuningdek, davlat oliy taʼlim tashkilotlariga ularning budjetdan tashqari mablagʻlari hisobidan xalqaro eʼtirof etilgan reyting tashkilotlari bilan oliy taʼlim tashkilotini xalqaro reytingga kiritish boʻyicha xizmatlar koʻrsatish uchun davlat xaridlari toʻgʻrisidagi qonunchilik hujjatlariga muvofiq shartnomalar tuzish;

oliy, oʻrta maxsus va professional taʼlim tizimini moliyalashtirishga zarur sarf-xarajatlar boʻyicha takliflarni shakllantirish, shuningdek, zarurat boʻlganda, xorijiy kreditlar, grantlar va boshqa mablagʻlarni jalb qilish boʻyicha tadbirlarni amalga oshirish;

taʼlim tashkilotlariga oʻqishga qabul qilishda test sinovlarini oʻtkazish jarayonida taʼlim tashkilotlari rahbarlari tomonidan taʼlim toʻgʻrisidagi qonun hujjatlari buzilgan holda qabul qilingan buyruqlar, farmoyishlar va boshqa qarorlarning amal qilishini toʻxtatib qoʻyish;

Vazirlikda oliy, oʻrta maxsus va professional taʼlimni rivojlantirishning asosiy yoʻnalishlari boʻyicha takliflarni koʻrib chiqish uchun yetakchi olimlar, yuqori malakali professor-oʻqituvchilar va mutaxassislar, turli idoralar vakillaridan iborat ilmiy-metodik va jamoatchilik kengashlarini tashkil etish;

oʻz vakolatlari doirasida konferensiyalar, seminarlar, simpoziumlar, koʻrgazmalar, yarmarkalar oʻtkazish, shuningdek, boshqa tashkilotlar tomonidan tashkil etiladigan tadbirlarda ishtirok etish;

Oʻzbekiston Respublikasining xalqaro shartnomalari loyihalarini belgilangan tartibda ishlab chiqishda ishtirok etish, Vazirlik vakolatiga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;

Vazirlik vakolatiga tegishli boʻlgan masalalar boʻyicha xalqaro darajada Oʻzbekiston Respublikasi manfaatlarini belgilangan tartibda ifodalash;

Vazirlik vakolatiga kiradigan masalalarda respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari faoliyatini belgilangan tartibda muvofiqlashtirish;

Vazirlik tizimidagi oliy, oʻrta maxsus va professional taʼlim tashkilotlarining amaldagi qonunchilik, Vazirlikning normativ-huquqiy hujjatlariga zid boʻlgan holda ishlab chiqilgan buyruqlarni bekor qilish yuzasidan bajarilishi majburiy boʻlgan koʻrsatmalar berish;

belgilangan tartibda Vazirlikning mukofotlari va faxriy yorliqlarini, koʻkrak nishonlarini taʼsis etish boʻyicha Vazirlar Mahkamasiga taklif kiritish hamda ular bilan ilgʻor xodimlarni va professor-oʻqituvchilar tarkibini, shuningdek, eng yaxshi ilmiy va innovatsion ishlari uchun oliy, oʻrta maxsus va professional taʼlim tashkilotlarining talabalari va oʻquvchilarini mukofotlash;

oliy, oʻrta maxsus va professional taʼlim tashkilotlari oʻquvchilari va talabalarini belgilangan tartibda vakolat doirasida bir taʼlim tashkilotidan boshqasiga oʻtkazish, oʻqishini qayta tiklash va oʻqishdan chetlashtirish, yakuniy davlat attestatsiyasini qayta topshirishga ruxsat berish ishlarini tashkil etish;

Vazirlik va tizimidagi oliy, oʻrta maxsus va professional taʼlim tashkilotlari va boshqa tashkilotlarining davlat mulkini bir boʻlinmadan boshqasiga oʻz tashkiliy tuzilmasi doirasida, Oʻzbekiston Respublikasi Davlat aktivlarini boshqarish agentligi bilan kelishgan holda operativ boshqaruv huquqi asosida bepul berish;

idoraviy mansubligi va tashkiliy-huquqiy shaklidan qatʼi nazar, oliy, oʻrta maxsus va professional taʼlim tashkilotlarini belgilangan tartibda vakolat doirasida faoliyatini oʻrganish;

oʻz vakolatlari doirasida normativ-huquqiy hujjatlar qabul qilish;

Vazirlik va unga idoraviy mansub tashkilotlar xodimlarini ular tomonidan tegishli sohada ular faoliyatining asosiy koʻrsatkichlari parametrlari bajarilishini hisobga olgan holda, moddiy ragʻbatlantirish tartibi, miqdorlari va shartlarini Vazirlar Mahkamasi tomonidan tasdiqlanadigan nizomlarga muvofiq belgilash;

oʻz vakolatlari doirasida xalqaro va xorijiy tashkilotlar bilan hamkorlik qilish;

Vazirlik faoliyatini keng yoritish maqsadida rasmiy veb-saytlar, shuningdek, ijtimoiy tarmoqlarda sahifalar yaratish;

qonunchilik hujjatlarining davlat taʼlim tashkilotlari hamda oliy va professional taʼlim sohasida nodavlat taʼlim xizmatlari koʻrsatish faoliyatini amalga oshiradigan yuridik shaxslar tomonidan ijro etilishining nazoratini amalga oshirish;

oliy, oʻrta maxsus va professional taʼlim tizimini rivojlantirish bilan bogʻliq dolzarb va istiqbolli muammolarni ishlab chiqish boʻyicha ishchi guruhlar tashkil etish;

noshirlik faoliyati bilan shugʻullanish.

Vazirlik qonunchilikka muvofiq boshqa huquqlarga ham ega boʻlishi mumkin.

17. Vazirlik oʻz vakolatlari doirasida oliy, oʻrta maxsus va professional taʼlim tashkilotlari hamda tizimida oliy, oʻrta maxsus va professional taʼlim tashkilotlari boʻlgan vazirlik va idoralar, shuningdek, boshqa davlat organlari, tashkilotlar va ularning mansabdor shaxslari, fuqarolar tomonidan bajarilishi majburiy boʻlgan, oʻquv jarayonini tashkil etishga, taʼlim sifatini oshirishga, raqobatbardosh kadrlar tayyorlashga, pedagog xodimlarning samarali ishini ragʻbatlantirishga oid normativ-huquqiy hujjatlarni Vazirlar Mahkamasi tomonidan tasdiqlanadigan nizomlarga muvofiq tasdiqlashga haqlidir.

18. Vazirlik, zarur hollarda, boshqa vazirlik va idoralar bilan birgalikda qoʻshma qarorlar va boshqa hujjatlar qabul qilishga haqlidir.

19. Vazirlik:

Vazirlikka yuklatilgan topshiriq va vazifalarni samarali bajarish, shuningdek, oliy, oʻrta maxsus va professional taʼlim ilm-fan va innovatsiya sohasida davlat siyosatini samarali amalga oshirishga;

Vazirlik faoliyati bilan bogʻliq prognoz koʻrsatkichlarga erishishning soʻzsiz taʼminlanishiga;

Oʻzbekiston Respublikasi Prezidenti Administratsiyasi, Vazirlar Mahkamasiga taqdim etiladigan normativ-huquqiy hujjatlar loyihalari va boshqa hujjatlari, shuningdek, Vazirlik tomonidan qabul qilingan qarorlari amalga oshirilishining sifati va yakuniy natijalarga erishilishiga;

oliy, oʻrta maxsus va professional taʼlimni takomillashtirish, shuningdek, ijtimoiy-iqtisodiy rivojlanish va tegishli sohada hududlar muammolarini hal qilish boʻyicha dasturlarni, harakat rejalarini, yoʻl xaritalarini va boshqa dasturiy hujjatlarini samarali amalga oshirishga;

fuqarolarning huquq va qonuniy manfaatlariga rioya etish va himoya qilishni taʼminlashga masʼuldir.

20. Vazirlik oliy, oʻrta maxsus va professional taʼlim, ilm-fan hamda innovatsion faoliyat sohasida davlat siyosati samarali amalga oshirilishi, Vazirlik mablagʻlaridan oqilona foydalanilishi, shuningdek, oʻziga yuklangan vazifalarning sifatli bajarilishi uchun javob beradi.

2-§. Vazirlik markaziy apparatining huquqlari va javobgarligi

21. Vazirlik markaziy apparati oʻziga yuklangan vazifalar va funksiyalarni amalga oshirish uchun:

oliy, oʻrta maxsus va professional taʼlim masalalari boʻyicha tahlil qilish va qayta ishlash uchun zarur boʻlgan materiallar va maʼlumotlarni idoraviy mansubligi va tashkiliy-huquqiy shaklidan qatʼi nazar, oliy taʼlim tashkilotlari, Vazirlik tizimidagi tashkilotlar va hududiy boshqarmalardan soʻrash va olish;

Vazirlikda koʻrib chiqiladigan oliy, oʻrta maxsus va professional taʼlimga doir masalalarni, axborot va tahliliy materiallarni, shuningdek, normativ-huquqiy hujjatlar va boshqa hujjatlar loyihalarini tayyorlash uchun oliy taʼlim tashkilotlari, Vazirlik tizimidagi tashkilotlar va hududiy boshqarmalar rahbarlari hamda vakillarini zarur boʻlganda belgilangan tartibda jalb qilish;

oliy taʼlim tashkilotlari, Vazirlik tizimidagi tashkilotlar va hududiy boshqarmalardan oʻzlari tomonidan kiritilgan oliy, oʻrta maxsus va professional taʼlim boʻyicha normativ-huquqiy hujjatlar va boshqa hujjatlar loyihalarini puxta ishlab chiqilishini talab qilish, zarurat boʻlganda ularni qayta ishlash uchun qaytarish;

oliy taʼlim tashkilotlari, Vazirlik tizimidagi tashkilotlar va hududiy boshqarmalar rahbarlari hamda vakillari, shuningdek, oliy, oʻrta maxsus va professional taʼlim tashkilotlari ishtirokida yigʻilishlar oʻtkazish;

oliy taʼlim tashkilotlari, Vazirlik tizimidagi tashkilotlar va hududiy boshqarmalar rahbarlariga hal qilishni talab etadigan Vazirlikka yuklatilgan vazifalar hamda funksiyalarni bajarish bilan bogʻliq masalalar yuzasidan topshiriqlar berish;

qabul qilingan normativ-huquqiy hujjatlar, Oʻzbekiston Respublikasi Prezidenti va Vazirlar Mahkamasining topshiriqlari, shuningdek, Vazirlikning buyruqlari, Hayʼat qarorlarini oliy taʼlim tashkilotlari, Vazirlik tizimidagi tashkilotlar va hududiy boshqarmalar tomonidan bajarilishi yuzasidan ularning faoliyatini belgilangan tartibda oʻrganish va tekshirish huquqiga ega.

Vazirlik markaziy apparati qonunchilik hujjatlariga muvofiq boshqa huquqlarga ham ega boʻlishi mumkin.

22. Vazirlik markaziy apparati:

oliy taʼlim tashkilotlari, Vazirlik tizimidagi tashkilotlar va hududiy boshqarmalar bilan birgalikda apparatga yuklatilgan vazifalar va funksiyalarning sifatli va oʻz vaqtida bajarilishini taʼminlash;

Vazirlik faoliyati bilan bogʻliq prognoz koʻrsatkichlarga erishishni taʼminlash uchun markaziy apparat tarkibiy boʻlinmalari ishini tashkil etish;

Vazirlik tomonidan koʻrib chiqish uchun Vazirlar Mahkamasiga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan buyruqlarning tayyorlanish sifati va ekspertizadan oʻtkazilishi;

oliy, oʻrta maxsus va professional taʼlimni rivojlantirish, shuningdek, oliy, oʻrta maxsus va professional taʼlim sohasida hududlarni ijtimoiy-iqtisodiy rivojlantirish va ulardagi muammoli masalalarni hal qilish boʻyicha dasturlar, tadbirlar rejalari, yoʻl xaritalari va boshqa dasturiy hujjatlarning oliy taʼlim tashkilotlari, Vazirlik tizimidagi tashkilotlar va hududiy boshqarmalar tomonidan amalga oshirilishini tashkil etish uchun javob beradi.

3-§. Vazirlik tizimidagi oliy taʼlim tashkilotlari, tashkilotlar va hududiy boshqarmalarning huquqlari va javobgarligi

23. Vazirlik tizimidagi oliy taʼlim tashkilotlari, tashkilotlar va hududiy boshqarmalar oʻzlariga yuklangan vazifalar va funksiyalarni amalga oshirish uchun:

respublika ijro etuvchi hokimiyat organlari va xoʻjalik birlashmalari, mahalliy ijro etuvchi hokimiyat organlarining hududiy boshqarmalaridan oʻz vakolatiga kiradigan masalalarni hal qilish uchun zarur boʻlgan axborotni belgilangan tartibda soʻrash va olish;

oliy taʼlim tashkilotlari, tashkilotlar va hududiy boshqarmalar oʻz tizimidagi taʼlim tashkilotlari faoliyatini muvofiqlashtirish va nazorat qilish;

oliy taʼlim tashkilotlari, tashkilotlar va hududiy boshqarmalar oʻz vakolatiga kiradigan masalalar boʻyicha respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlarining koʻrib chiqishi uchun takliflar kiritish huquqiga ega.

Oliy taʼlim tashkilotlari, tashkilotlar va hududiy boshqarmalar qonunchilik hujjatlariga muvofiq boshqa huquqlarga ham ega boʻlishi mumkin.

24. Vazirlik tizimidagi oliy taʼlim tashkilotlari, tashkilotlar va hududiy boshqarmalar:

yuklangan vazifalar va funksiyalarning sifatli va oʻz vaqtida bajarilishini taʼminlash;

oʻzlarining faoliyati bilan bogʻliq boʻlgan prognoz koʻrsatkichlarga erishishni taʼminlash;

Vazirlikka kiritilayotgan hujjatlar loyihalari va takliflar, shuningdek, qabul qilinadigan qarorlarning sifatli amalga oshirilishi, istiqboldagi natijalari va oqibatlari;

hududlarda aniqlangan muammolarni har tomonlama chuqur tahlil qilish hamda umumlashtirish asosida oliy, oʻrta maxsus va professional taʼlim sohasini Qoraqalpogʻiston Respublikasi, viloyatlar va Toshkent shahrida rivojlantirishga doir takliflarni tayyorlash;

oliy, oʻrta maxsus va professional taʼlim sohasini rivojlantirish boʻyicha dasturlar, tadbirlar rejalari, yoʻl xaritalari va boshqa dasturiy hujjatlarning Qoraqalpogʻiston Respublikasi, viloyatlar va Toshkent shahrida samarali amalga oshirilishi, muammoli masalalar hal etilishi uchun javob beradi.

5-bob. Vazirlik rahbarlarining asosiy funksional vazifalari

25. Quyidagilar vazirning asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlarga rioya etish;

2) Vazirlikning faoliyatini umumiy boshqarishni amalga oshirish va rahbarlik qilish, Oʻzbekiston Respublikasi Prezidenti hujjatlari, Vazirlar Mahkamasining qarorlari va boshqa qonunchilik hujjatlari bilan Vazirlikka yuklatilgan vazifalar va funksiyalarning bajarilishini tashkil etish;

3) Oʻzbekiston Respublikasi Prezidentining hujjatlari, Vazirlar Mahkamasining qarorlari bilan tasdiqlangan Vazirlik faoliyatini yanada takomillashtirish boʻyicha konsepsiyalar, kompleks dasturlar va chora-tadbirlarni amalga oshirish boʻyicha tanqidiy va chuqur tahlillarni oʻtkazish;

4) Vazirlik, uning hududiy boʻlinmalari va idoraviy mansub tashkilotlari, oliy, oʻrta maxsus va professional taʼlim tashkilotlari faoliyati bilan bogʻliq prognoz koʻrsatkichlariga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

5) Oʻzbekiston Respublikasi Prezidenti maslahatchilarining tarkibiy boʻlinmalari va Vazirlar Mahkamasi kotibiyatlari, shuningdek, Vazirlik vakolatiga kiruvchi masalalar boʻyicha tegishli vazirliklar va idoralar bilan hamkorlik qilish, Vazirlar Mahkamasi yigʻilishlarida hamda Rayosat majlislarida masalalarni koʻrib chiqishda ishtirok etish;

6) Oʻzbekiston Respublikasi Prezidenti, Oʻzbekiston Respublikasi Bosh vaziri va uning oʻrinbosarlari (maslahatchisi) topshiriqlarini bajarish;

7) oʻz oʻrinbosarlari vakolatlarini belgilash, ular oʻrtasida vazifalarni taqsimlash, Vazirlikning boshqa mansabdor shaxslari vakolatlarini belgilash, Vazirlik faoliyatining maʼlum bir sohalarini boshqarishda oʻz oʻrinbosarlari va boshqa mansabdor shaxslarning shaxsiy masʼuliyati darajasini belgilash;

8) Vazirlikning faoliyati rejalashtirilishini tashkil etish, davriy ish rejalarini tasdiqlash, ularning bajarilishi yuzasidan nazoratni taʼminlash;

9) Oʻzbekiston Respublikasi Prezidenti va Vazirlar Mahkamasining hujjatlari va topshiriqlari ijrosini tashkil etish va monitoringini olib borishning amaliy tizimini yaratish, Vazirlik faoliyatida ijro intizomini mustahkamlash boʻyicha amaliy chora-tadbirlarni bajarish, shuningdek, Oʻzbekiston Respublikasi Prezidentining va Vazirlar Mahkamasining ijro intizomini mustahkamlash boʻyicha qarorlariga muvofiq topshiriqlarning oʻz vaqtida va sifatli bajarilishi uchun tarkibiy va hududiy boʻlinmalar, idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

10) Vazirlik xodimlari, hududiy boshqarmalari va idoraviy mansub tashkilotlari, oliy taʼlim tashkilotlari xodimlarining tizimli ravishda malakasini oshirishni tashkil etish;

11) Vazirlik tizimida xodimlarni tanlash va joy-joyiga qoʻyish, ularning samarali faoliyat koʻrsatishlari uchun zarur sharoitlarni yaratish, Vazirlik tizimining kadrlar zaxirasini shakllantirish;

12) Oʻzbekiston Respublikasi Prezidentining, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Vazirlikka ishga qabul qilinadigan boshqa kadrlarning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy fazilatlarga ega boʻlishini taʼminlashga qaratilgan chora-tadbirlarni amalga oshirish;

13) faoliyat sohasidagi masalalar boʻyicha normativ-huquqiy hujjatlar loyihalarini sifatli ishlab chiqish, ularning qonunchilik talablariga qatʼiy muvofiq ravishda oʻz vaqtida kiritilishini tashkil etish, shuningdek, ularning Vazirlar Mahkamasida puxta ishlanishida, Vazirlar Mahkamasi rahbariyati huzurida himoya qilinishi va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

14) “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida ”gi Oʻzbekiston Respublikasining qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq Vazirlikning qonun loyihalarini tayyorlash faoliyatini tashkil etish;

15) Vazirlikka taqdim etilgan takliflar va normativ-huquqiy hujjatlar loyihalarining toʻliq va har tomonlama koʻrib chiqilishini taʼminlash, ularni Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamentida belgilangan muddatlarda kelishish (viza qoʻyish);

16) Vazirlikning qonunchilik hujjatlari loyihalarini ishlab chiqish faoliyatini “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlari va boshqa qonunchilik hujjatlariga muvofiq tashkil etish;

17) Vazirlik vakolatiga tegishli masalalar boʻyicha normativ-huquqiy hujjatlarni qabul qilish, zarur hollarda, boshqa vazirlik va idoralar bilan hamkorlikda tegishli qarorlar qabul qilish;

18) Vazirlik rahbarlari va xodimlarining xizmat safarlarini qonunchilik talablariga toʻla muvofiq ravishda tashkil etish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan oqilona foydalanishni taʼminlash;

19) oʻrinbosarlari, oliy taʼlim tashkilotlari, tarkibiy va hududiy boʻlinmalar rahbarlari faoliyatining samaradorligi va natijadorligini doimiy tanqidiy tahlil qilish, Vazirlikning hayʼat yigʻilishlarida ularning shaxsiy hisobotlarini tinglash, muhokama yakunlari boʻyicha zarur choralar koʻrish;

20) Vazirlik xodimlarini ragʻbatlantirish va intizomiy javobgarlikka tortish masalalarini hal etish, alohida oʻrnak koʻrsatgan xodimlarni, oʻrinbosarlarini ragʻbatlantirish va intizomiy javobgarlikka tortish toʻgʻrisida, shu jumladan, ularning egallab turgan lavozimida qolishi maqsadga muvofiqligi masalasini koʻrib chiqish boʻyicha takliflar kiritish, Oʻzbekiston Respublikasining davlat mukofotlari bilan taqdirlashga taqdim etish, ularning shaxsiy masʼuliyatini oshirish yuzasidan tizimli choralarni amalga oshirish;

21) Vazirlik xodimlari tomonidan Vazirlik odob-axloq qoidalariga rioya etilishini nazorat qilish;

22) Korrupsiyaga qarshi kurashishga oid qonunchilik hujjatlari talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

23) Vazirlik xodimlari tomonidan manfaatlar toʻqnashuvi toʻgʻrisidagi qonunchilikka rioya etilishini taʼminlash, jumladan ular tomonidan lavozim majburiyatlarini yoki xizmat vakolatlarini bajarish chogʻida manfaatlar toʻqnashuviga olib keladigan yoki olib kelishi mumkin boʻlgan shaxsiy manfaatdorlikka yoʻl qoʻymaslik choralarini koʻrish;

24) Vazirlik hamda uning tarkibiy va hududiy boʻlinmalari, oliy taʼlim tashkilotlari ishini tashkil etishning ilgʻor shakllarini joriy etishni taʼminlash;

25) jismoniy va yuridik shaxslarning murojaatlarini koʻrib chiqish ishlarini qonunchilikka muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsan qabul qilishni muntazam ravishda oʻtkazish, shu jumladan, jismoniy va yuridik shaxslarning vakillarini joylarga borib qabul qilishni belgilangan muddatlarda va tartibda amalga oshirish;

26) Oʻzbekiston Respublikasi Prezidentining Xalq qabulxonalari bilan samarali hamkorlikni, Vazirlik rahbarlari va xodimlarining ular faoliyatida faol ishtirok etishini tashkil etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlarini oʻz vaqtida va toʻliq koʻrib chiqilishini taʼminlash;

27) davlat sirlari bilan ishlashda qonunchilik talablariga rioya etish;

28) Vazirlik markaziy apparati shtat jadvali va xarajatlar smetasini, shuningdek, Vazirlikning tarkibiy va hududiy boʻlinmalari nizomlarini hamda oliy taʼlim tashkilotlari, idoraviy mansub tashkilotlar ustavlarini tasdiqlash;

29) Vazirlik markaziy apparati xodimlari, tarkibiy boʻlinmalar hamda idoraviy mansub tashkilotlar rahbarlarini qonunchilik hujjatlarida belgilangan tartibda lavozimga tayinlash va lavozimidan ozod etish;

30) oliy, oʻrta maxsus va professional taʼlim boʻyicha yagona davlat siyosatini amalga oshirilishini taʼminlash, vazirliklar, idoralar, mahalliy ijro etuvchi hokimiyat organlari hamda boshqa tashkilotlarning oliy, oʻrta maxsus va professional taʼlim boʻyicha faoliyatini muvofiqlashtirish;

31) Vazirlik, oliy va professional taʼlim tashkilotlari, hududiy boʻlinmalar, idoraviy mansub tashkilotlar mansabdor shaxslari bajarishi majburiy boʻlgan buyruqlar ishlab chiqish va topshiriqlar berish, shuningdek, ularning ijrosini oʻrnatilgan tartibda nazorat qilish;

32) Vazirlik markaziy apparati, hududiy boʻlinmalar, idoraviy mansub tashkilotlarning tasdiqlangan tuzilmalari va shtatlar jadvaliga xodimlarning cheklangan soni va ish haqi fondi doirasida oʻzgartirishlar kiritish;

33) oliy, oʻrta maxsus va professional taʼlim, ilm-fan va innovatsiyalar boʻyicha xalqaro va hukumatlararo aloqalarni kengaytirish va mustahkamlash, xorijiy investitsiyalar va grantlarni jalb etish boʻyicha xalqaro tadbirlarda ishtirok etish.

Vazir qonunchilik hujjatlariga muvofiq boshqa vazifalarni ham amalga oshirishi mumkin.

26. Quyidagilar vazir oʻrinbosarlarining asosiy funksional vazifalari hisoblanadi:

1) Oʻzbekiston Respublikasi Prezidentining tegishli qarori bilan Vazirlikka yuklatilgan vazifa va funksiyalarni amalga oshirish, tegishli tarkibiy boʻlinmalar faoliyatini muvofiqlashtirish;

2) Oʻzbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan Vazirlik faoliyatini yanada takomillashtirish boʻyicha konsepsiyalar, kompleks dasturlar va chora-tadbirlarning ijrosini taʼminlash;

3) vazir vaqtincha boʻlmaganda, tegishli buyruq asosida uning vazifalarini bajarish;

4) Vazirlikning tarkibiy boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash hamda shaxsiy javobgarligini belgilash;

5) Vazirlik va uning tuzilmaviy va boʻysunuvchi boʻlinmalari, oliy, oʻrta maxsus va professional taʼlim tashkilotlari faoliyati bilan bogʻliq prognoz koʻrsatkichlarga erishish yuzasidan chora-tadbirlarni ishlab chiqish va rahbariyatga taqdim etish;

6) Vazirlar Mahkamasida, vazirlik va idoralarda boʻlib oʻtadigan majlislarda vakolat doirasida ishtirok etish;

7) Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari koʻrsatmalarini soʻzsiz bajarish;

8) Vazirlikning tarkibiy boʻlinmalari faoliyatida ijro intizomini mustahkamlash boʻyicha kompleks chora-tadbirlarni amalga oshirish, shuningdek, tarkibiy va boʻysunuvchi boʻlinmalar rahbarlarining shaxsiy javobgarligini oshirish boʻyicha chora-tadbirlar bajarilishini nazorat qilish, shuningdek, ijro intizomi mustahkamlanishi uchun topshiriqlar oʻz vaqtida va sifatli bajarilishi uchun tarkibiy boʻlinmalar rahbarlarining shaxsiy masʼuliyatini oshirish choralarini koʻrish;

9) davlat sirlari bilan ishlashda qonunchilik talablariga rioya qilish.

Vazir oʻrinbosarlari qonunchilik hujjatlariga muvofiq boshqa vazifalarni ham amalga oshirishi mumkin.

27. Quyidagilar Vazirlik markaziy apparati tarkibiy boʻlinmalari rahbarlarining asosiy funksional vazifalari hisoblanadi:

1) tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalarning bajarilishini tashkil etish;

2) tegishli tarkibiy boʻlinmalar va Vazirlik tizimidagi tashkilotlar faoliyatini oʻz vakolatlari doirasida muvofiqlashtirish;

3) prognoz koʻrsatkichlarning bajarilishini muntazam tahlil qilish hamda tarkibiy boʻlinmalar ushbu koʻrsatkichlarga soʻzsiz erishishini taʼminlashga qaratilgan qoʻshimcha chora-tadbirlarni amalga oshirish boʻyicha vazir yoki uning mutasaddilik qiladigan oʻrinbosarlariga takliflar kiritish;

4) Oʻzbekiston Respublikasi Prezidenti va Vazirlar Mahkamasi qarorlari va topshiriqlari ijrosini taʼminlash, Vazirlik tarkibiy boʻlinmalari xodimlarining ijro intizomini mustahkamlash boʻyicha kompleks chora-tadbirlarni amalga oshirish, topshiriqlar oʻz vaqtida va sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish choralarini koʻrish;

5) Vazirlik hayʼati qarorlari, vazir buyruqlari hamda topshiriqlari oʻz vaqtida va sifatli bajarilishini taʼminlash;

6) tarkibiy boʻlinmalarning har choraklik ish rejalari ishlab chiqilishini taʼminlash, ularni tasdiqlash uchun kiritish, koʻrsatilgan vazifalar va tadbirlar oʻz vaqtida va sifatli bajarilishini taʼminlash;

7) tarkibiy boʻlinmalarga yuklangan vazifalar bajarilishini nazorat qilish va muvofiqlashtirish, oliy taʼlim tashkilotlari, Vazirlik tizimidagi tashkilotlar va hududiy boshqarmalar faoliyatiga amaliy va metodik yordam koʻrsatish;

8) tarkibiy boʻlinmalar faoliyatiga oid masalalar yuzasidan qonunchilikni takomillashtirish boʻyicha takliflarni ishlab chiqish va ularni koʻrib chiqish uchun Vazirlik rahbariyatiga kiritish;

9) tarkibiy boʻlinmalarda kadrlarning professional darajasini, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligining kafolatini taʼminlash, kasb malakasini oshirish choralarini koʻrish, kadrlar zaxirasini shakllantirish;

10) normativ-huquqiy hujjatlar loyihalarining tarkibiy boʻlinmalar tomonidan sifatli ishlab chiqilishini tashkil etish, Vazirlikning tarkibiy boʻlinmalarida tayyorlangan hujjatlar loyihalarini keyinchalik Vazirlik rahbariyati tomonidan koʻrib chiqish, imzolash (viza qoʻyish), ularning Oʻzbekiston Respublikasi Prezidenti Administratsiyasining reglamenti va Oʻzbekiston Respublikasi Vazirlar Mahkamasi reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, Vazirlik rahbariyatining topshirigʻi boʻyicha normativ-huquqiy hujjatlar loyihalarini Vazirlar Mahkamasida ishlab chiqishda ishtirok etish;

11) Vazirlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, moliyaviy, iqtisodiy, huquqiy ekspertiza va boshqa ekspertizadan puxta oʻtkazish;

12) tarkibiy boʻlinmalar xodimlari faoliyatining samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish, yakunlari boʻyicha zarur chora-tadbirlar koʻrish;

13) tarkibiy boʻlinmalar xodimlarining odob-axloq qoidalari talablariga rioya etishini taʼminlash;

14) davlat sirlari bilan ishlashda qonunchilik talablariga rioya qilish.

Vazirlik markaziy apparati tarkibiy boʻlinmalari rahbarlari qonunchilik hujjatlariga muvofiq boshqa vazifalarni ham amalga oshirishi mumkin.

28. Quyidagilar Vazirlik tizimidagi oliy taʼlim tashkilotlari, tashkilotlar va hududiy boshqarmalar rahbarlarining asosiy funksional vazifalari hisoblanadi:

1) oliy taʼlim tashkilotlari, tashkilotlar, ilmiy tashkilotlar va hududiy boshqarmalar faoliyatiga umumiy rahbarlik qilish, Oʻzbekiston Respublikasi Prezidenti, Vazirlar Mahkamasining tegishli qarorlari va boshqa qonunchilik hujjatlari, shuningdek Vazirlik buyruqlari bilan ularga yuklangan vazifalar va funksiyalar bajarilishini tashkil etish;

2) oliy taʼlim tashkilotlari, tashkilotlar va hududiy boshqarmalar faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

3) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, ijro intizomini mustahkamlash boʻyicha kompleks chora-tadbirlarni amalga oshirish, shuningdek, Oʻzbekiston Respublikasi Prezidentining va Hukumatining ijro intizomini mustahkamlash yuzasidan qarorlariga muvofiq topshiriqlar oʻz vaqtida va sifatli bajarilishi uchun oliy taʼlim tashkilotlari, tashkilotlar va hududiy boshqarmalar rahbarlarining shaxsiy masʼuliyatini oshirish choralarini koʻrish;

4) Vazirlik hayʼati qarorlari, vazirning buyruqlari va topshiriqlari oʻz vaqtida va sifatli bajarilishini taʼminlash;

5) oliy, oʻrta maxsus va professional taʼlim, ilm-fan va innovatsiyalar, davlat tashkilotlariga qabul masalalari yuzasidan mahalliy ijro etuvchi hokimiyati organlari va kompleks ijtimoiy-iqtisodiy rivojlantirish sektorlari bilan hamkorlik qilish;

6) oʻz oʻrinbosarlari (prorektorlari) vakolatlarini belgilash, ular oʻrtasida vazifalarni taqsimlash, boshqa mansabdor shaxslar vakolatlarini, faoliyatning alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy javobgarlik darajasini belgilash;

7) oliy taʼlim tashkilotlari, tashkilotlar va hududiy boshqarmalar faoliyatini rejalashtirishni tashkil etish, oʻz oʻrinbosarlarining har choraklik ish rejalarini tasdiqlash, ularning bajarilishi yuzasidan nazoratni taʼminlash;

8) oliy taʼlim tashkilotlari, tashkilotlar va hududiy boshqarmalarda kadrlarni tanlash va joy-joyiga qoʻyish, ularning samarali faoliyat koʻrsatishi uchun zarur shart-sharoitlar yaratish, kadrlar zaxirasini shakllantirish;

9) vazir nomenklaturasiga kiradigan boʻsh lavozimlarga taklif etilgan kadrlarning, shuningdek, ishga qabul qilinayotgan boshqa kadrlarning professional darajasini amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligining kafolatini taʼminlash;

10) xodimlarni, oʻz oʻrinbosarlarini ragʻbatlantirish va intizomiy javobgarlikka tortish masalalarini hal qilish, shu jumladan, ular egallab turgan lavozimda qolishi maqsadga muvofiqligiga doir masalalarni koʻrib chiqish, shaxsiy masʼuliyatini oshirish boʻyicha muntazam chora-tadbirlar koʻrish;

11) xodimlar tomonidan odob-axloq qoidalari talablariga rioya etilishini taʼminlash;

12) huquqni qoʻllash amaliyotini va qonunchilikni takomillashtirishga doir chora-tadbirlarni ishlab chiqish va amalga oshirish orqali hududiy boshqarmalar tizimida qonunchilik talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

13) prognoz koʻrsatkichlarning bajarilishini muntazam tahlil qilish hamda ushbu koʻrsatkichlarga soʻzsiz erishishni taʼminlashga qaratilgan qoʻshimcha chora-tadbirlarni amalga oshirish boʻyicha vazirning mutasaddilik qiladigan oʻrinbosarlariga takliflar kiritish;

14) xodimlar faoliyatining samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, yakunlari boʻyicha zarur chora-tadbirlar koʻrish;

15) faoliyatiga oid masalalar boʻyicha qonunchilikni takomillashtirish, shuningdek, davlat xizmatlari samaradorligi, sifatini va ulardan erkin foydalanishni oshirish boʻyicha takliflar ishlab chiqish hamda ularni Vazirlik rahbariyatiga kiritish;

16) jismoniy va yuridik shaxslarning murojaatlarini koʻrib chiqish, qonunchilik bilan belgilangan muddatlarda va tartibda aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy va yuridik shaxslarning vakillarini muntazam ravishda shaxsan, shu jumladan, joylarga borib qabul qilish;

17) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasiga tushgan murojaatlarini oʻz vaqtida va toʻlaqonli koʻrib chiqish;

18) xodimlarning lavozim maoshiga mukofotlar, ustamalar toʻlash, ularga moddiy yordam berish, mukofotlash, ragʻbatlantirish va ularga nisbatan intizomiy chora qoʻllash toʻgʻrisida qaror qabul qilish, davlat mukofotlari va idoraviy mukofotlar bilan taqdirlash toʻgʻrisida Vazirlikka takliflar kiritish;

19) davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

Vazirlik tizimidagi oliy taʼlim tashkilotlari, tashkilotlar va hududiy boshqarmalar rahbarlari qonunchilik hujjatlariga muvofiq boshqa vazifalarni ham amalga oshirishi mumkin.

6-bob. Vazirlik rahbarlarining javobgarligi

29. Vazir:

Vazirlikka yuklatilgan vazifalar va funksiyalarning bajarilishi;

ushbu Nizomning 19-bandida nazarda tutilgan Vazirlikning javobgarlik sohalari boʻyicha;

ushbu Nizomning 25-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

30. Vazir oʻrinbosarlari:

Vazirlikning mutasaddilik qilinadigan tarkibiy boʻlinmalarida Vazirlikka yuklangan vazifalar va funksiyalarning bajarilishi;

ushbu Nizomning 19-bandida nazarda tutilgan Vazirlikning mutasaddilik qilinadigan masalalarga doir javobgarlik sohalari boʻyicha;

ushbu Nizomning 26-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

31. Vazirlik markaziy apparati tarkibiy boʻlinmalari rahbarlari:

tegishli tarkibiy boʻlinmalarga yuklangan vazifalar va funksiyalarning amalga oshirilishi;

ushbu Nizomning 22-bandida nazarda tutilgan markaziy apparatning javobgarlik sohalari boʻyicha;

ushbu Nizomning 27-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

32. Vazirlik tizimidagi oliy taʼlim tashkilotlari, tashkilotlar va hududiy boshqarmalar rahbarlari:

Vazirlik tizimidagi oliy taʼlim tashkilotlari, tashkilotlar va hududiy boshqarmalarga yuklangan vazifalar va funksiyalarning bajarilishi;

ushbu Nizomning 24-bandida nazarda tutilgan Vazirlik tizimidagi oliy taʼlim tashkilotlari, tashkilotlar va hududiy boshqarmalarning javobgarlik sohalari boʻyicha;

ushbu Nizomning 28-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

7-bob. Vazirlik faoliyatini tashkil etish

1-§. Vazirlik rahbariyati

33. Vazirlikka Oʻzbekiston Respublikasi Oliy Majlisi Qonunchilik palatasi maʼqullaganidan keyin Oʻzbekiston Respublikasi Prezidenti tomonidan tasdiqlanadigan va lavozimidan ozod etiladigan vazir rahbarlik qiladi.

34. Vazir maqomiga koʻra Oʻzbekiston Respublikasi Vazirlar Mahkamasi aʼzosi hisoblanadi.

35. Vazir oʻrinbosarlari Oʻzbekiston Respublikasi Prezidenti tomonidan lavozimga tayinlanadi va lavozimdan ozod qilinadi.

36. Vazir boʻlmaganda uning vakolatlari bajarilishi taqsimlangan vazifalarga muvofiq uning oʻrinbosarlaridan biri tomonidan amalga oshiriladi.

37. Vazirlik markaziy apparati tarkibiy boʻlinmalari rahbarlari va xodimlari, shuningdek, Vazirlik tizimidagi idoraviy mansub tashkilotlar rahbarlari, oliy taʼlim tashkilotlari prorektorlari (moliyaviy mustaqillik berilgan davlat oliy taʼlim tashkilotlaridan tashqari), filial direktorlari va ularning oʻrinbosarlari, professional taʼlim tashkilotlari, hududiy boshqarmalar rahbarlari vazir tomonidan lavozimiga tayinlanadi va lavozimidan ozod etiladi.

2-§. Yuklatilgan vazifa va funksiyalarni bajarish, shuningdek Vazirlik markaziy apparati tarkibiy tuzilmalarining uning hududiy tuzilmalari bilan oʻzaro hamkorligi tartibi

38. Vazirlik markaziy apparati tarkibiy boʻlinmalarining oliy taʼlim tashkilotlari, Vazirlik tizimidagi tashkilotlar, shu jumladan ilmiy tashkilotlar va hududiy boshqarmalar bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

Vazirlik markaziy apparatining tarkibiy boʻlinmalari oliy taʼlim tashkilotlari, Vazirlik tizimidagi tashkilotlar, shu jumladan ilmiy tashkilotlar va hududiy boshqarmalar bilan oʻz faoliyati yoʻnalishlari boʻyicha hamkorlik qilish doirasida:

topshiriqlarni oliy taʼlim tashkilotlari, Vazirlik tizimidagi tashkilotlar, ilmiy tashkilotlar va hududiy boshqarmalarga yetkazadi hamda ularning bajarilishini nazorat qiladi;

oliy taʼlim tashkilotlari, Vazirlik tizimidagi tashkilotlar, ilmiy tashkilotlar va hududiy boshqarmalarga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

oliy taʼlim tashkilotlari, Vazirlik tizimidagi tashkilotlar, ilmiy tashkilotlar va hududiy boshqarmalarning faoliyat yuritish amaliyotini tekshiradi, oʻrganadi va umumlashtiradi, uni takomillashtirishga qaratilgan chora-tadbirlarni ishlab chiqadi hamda qabul qiladi;

oliy taʼlim tashkilotlari, Vazirlik tizimidagi tashkilotlar, ilmiy tashkilotlar va hududiy boshqarmalar faoliyatini, shuningdek faoliyati natijalari toʻgʻrisida hisobot va axborot materiallari, statistika maʼlumotlari va boshqa maʼlumotlar oʻrganilishini tashkil etadi;

oliy taʼlim tashkilotlari, Vazirlik tizimidagi tashkilotlar, ilmiy tashkilotlar va hududiy boshqarmalarning ish rejalarini tahlil qiladi, faoliyatini takomillashtirishga doir chora-tadbirlar koʻradi;

oliy taʼlim tashkilotlari, Vazirlik tizimidagi tashkilotlar, ilmiy tashkilotlar va hududiy boshqarmalardan tushgan takliflarni koʻrib chiqadi;

normativ-huquqiy hujjatlar loyihalarini tayyorlashda oliy taʼlim tashkilotlari, Vazirlik tizimidagi tashkilotlar, ilmiy tashkilotlar va hududiy boshqarmalarning ishtirokini tashkil etadi, oliy, oʻrta maxsus va professional taʼlim sohasida qonunchilikni takomillashtirish boʻyicha ulardan tushgan takliflarni koʻrib chiqadi.

39. Oliy taʼlim tashkilotlari, Vazirlik tizimidagi tashkilotlar, ilmiy tashkilotlar va hududiy boshqarmalar markaziy apparatning tarkibiy boʻlinmalari bilan hamkorlik qiladi, shu jumladan:

Vazirlik rahbariyati topshiriqlarining ijrosi haqida axborot beradi;

oliy, oʻrta maxsus va professional taʼlim sohasida qonunchilikni amalga oshirish boʻyicha faoliyat natijalari toʻgʻrisida markaziy apparatga axborot taqdim etadi;

ularning faoliyatini tekshirish va oʻrganish natijasida aniqlangan kamchiliklarni va qoidabuzarliklarni bartaraf etish natijalari toʻgʻrisida maʼlumot beradi;

oʻz faoliyati natijalari toʻgʻrisidagi hisobotlarni belgilangan tartibda va muddatlarda markaziy apparatga taqdim etadi;

oliy, oʻrta maxsus va professional taʼlim, ilm-fan va innovatsiyalar, bilim va malakalarni baholash boʻyicha muammolarni hal qilishga qaratilgan takliflarni markaziy apparatga yuboradi;

kompleks ijtimoiy-iqtisodiy rivojlantirish sektorlari bilan oʻzaro hamkorlik natijalari toʻgʻrisida axborot beradi;

vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida xabar beradi.

40. Vazirlik markaziy apparati tarkibiy boʻlinmalari, oliy taʼlim tashkilotlari, Vazirlik tizimidagi tashkilotlar va hududiy boshqarmalarning oʻzaro hamkorligi jarayonida yuzaga keladigan kelishmovchiliklar vazirning topshirigʻiga binoan tegishli oʻrinbosari tomonidan koʻrib chiqiladi.

Agar koʻrib chiqishdan keyin kelishmovchiliklar hal etilmasa, bevosita vazir ularni bartaraf etish boʻyicha qaror qabul qiladi.

3-§. Vazirlikning boshqa respublika ijro etuvchi hokimiyat organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlar bilan oʻzaro hamkorligi

41. Vazirlik oʻz vazifalari va funksiyalarini amalga oshirishda davlat boshqaruvining boshqa organlari, mahalliy ijro etuvchi hokimiyat organlari, xoʻjalik birlashmalari va boshqa tashkilotlar bilan oʻzaro hamkorlik qiladi.

42. Vazirlik tizimidagi oliy, oʻrta maxsus va professional taʼlim tashkilotlari va boshqa tashkilotlar, hududiy boshqarmalar oʻz vakolatlari doirasida tegishli hududlarning ijtimoiy-iqtisodiy rivojlanishi boʻyicha “yoʻl xaritalari”ni ishlab chiqish va amalga oshirishda kompleks ijtimoiy-iqtisodiy rivojlanish sohalari bilan yaqindan hamkorlik qiladi.

43. Vazirlikning faoliyati Oʻzbekiston Respublikasi Prezidenti Administratsiyasining tegishli tarkibiy boʻlinmasi hamda Vazirlar Mahkamasi tomonidan tahlil va nazorat qilinadi.

4-§. Vazirlikning hayʼati, boshqa kengash, maslahat, ekspert organlari

44. Vazirlikda rahbar (hayʼat raisi), uning oʻrinbosarlari (lavozimi boʻyicha), shuningdek, faoliyatining asosiy yoʻnalishlarini muvofiqlashtiruvchi tarkibiy boʻlinmalar, tizim tashkilotlari va tizimdagi oliy taʼlim tashkilotlari rahbarlaridan iborat tarkibda hayʼat tuziladi.

Hayʼat tarkibining soni va shaxsiy tarkibi Vazirlar Mahkamasi tomonidan tasdiqlanadi.

45. Hayʼatga quyidagi vazifalar yuklatiladi:

Vazirlik faoliyatining ushbu Nizomda belgilangan asosiy yoʻnalishlarini ishlab chiqish va amalga oshirish;

qonunchilik hujjatlarida, Oʻzbekiston Respublikasi Prezidenti hujjatlari va Oʻzbekiston Respublikasi Hukumati qarorlarida belgilangan vazifalar oʻz vaqtida va sifatli amalga oshirilishini taʼminlash uchun Vazirlik tizimi xodimlari va rahbarlarining shaxsiy javobgarligini oshirish boʻyicha choralarni koʻrgan holda tarkibiy va hududiy tuzilmalar hamda idoraviy mansub tashkilotlar rahbarlari, idoraviy mansubligi va tashkiliy-huquqiy shaklidan qatʼi nazar, oliy taʼlim tashkilotlari rektor (direktor)larining hisobotlarini muntazam ravishda eshitilishini tashkil etish;

Vazirlik faoliyati sohasidagi hududiy va tarmoq dasturlari amalga oshirilishining natijadorligini har chorakda va muntazam koʻrib chiqish;

joylarda Vazirlik faoliyati sohasidagi dolzarb masalalar muhokama qilinishini taʼminlagan holda hayʼatning kengaytirilgan sayyor majlislari oʻtkazilishini tashkil etish, shuningdek, yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

Vazirlik markaziy apparati va uning tizimiga kiradigan lavozimlar nomenklaturasini koʻrib chiqish va tasdiqlash;

Vazirlik nomenklaturasiga kiradigan lavozimlarga kadrlarni tanlash, joy-joyiga qoʻyish masalalarini koʻrib chiqish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari bilan belgilangan vazifalar oʻz vaqtida va sifatli bajarilishini taʼminlash uchun Vazirlik rahbarlari va xodimlarining ijro intizomini mustahkamlash va shaxsiy javobgarligini oshirish.

Hayʼat Vazirlik vakolatiga kiritilgan boshqa masalalarni ham koʻrib chiqishga haqlidir.

46. Hayʼat majlisiga respublika ijro etuvchi hokimiyat organlari va xoʻjalik birlashmalari, boshqa tashkilotlar rahbarlari oʻz vakolatiga kiradigan masalalar yuzasidan taklif etilishi mumkin.

47. Hayʼat, agar uning majlisida hayʼat tarkibining yarmidan koʻpi qatnashsa, vakolatli hisoblanadi. Koʻrib chiqilayotgan masalalar yuzasidan qarorlar oddiy koʻpchilik ovoz bilan qabul qilinadi.

48. Vazir va hayʼat aʼzolari oʻrtasida kelishmovchiliklar yuzaga kelgan taqdirda, vazir yuzaga kelgan kelishmovchiliklar haqida Vazirlar Mahkamasiga axborot bergan holda mustaqil ravishda qaror qabul qiladi. Shuningdek, hayʼat aʼzolari ham Vazirlar Mahkamasiga oʻz fikrini maʼlum qilishi mumkin.

49. Hayʼat faoliyati tartibi hayʼat tomonidan tasdiqlanadigan uning reglamenti bilan belgilanadi.

50. Vazirlikda tegishli sohalar, kadrlar buyurtmachilari, olimlar va boshqa tashkilotlar vakillaridan iborat Jamoatchilik kengashi tashkil etiladi. Jamoatchilik kengashi oʻz faoliyatini Kengash tomonidan tasdiqlanadigan reglamentga muvofiq amalga oshiradi.

51. Vazirlik tizimida oliy, oʻrta maxsus va professional taʼlim yoʻnalishlari faoliyatini muvofiqlashtiruvchi kengash tashkil etiladi.

Kengashning faoliyatini amalga oshirish tartibi Kengash toʻgʻrisidagi nizomda belgilanadi.

Kengashning asosiy vazifalari davlat taʼlim standartlari, oʻquv rejalar va fan dasturlari, oʻquv adabiyotlari, malaka talablarini taʼlim jarayoniga tavsiya etish boʻyicha xulosalar berishdan iborat.

8-bob. Vazirlik faoliyati samaradorligi va natijadorligini baholash mezonlari va ish indikatorlari

52. Vazirlik faoliyatining samaradorligi va natijadorligi muntazam ravishda baholab boriladi.

53. Vazirlik faoliyatining samaradorligi va natijadorligiga berilgan baholar Oʻzbekiston Respublikasi oliy taʼlim, fan va innovatsiyalar vaziri tomonidan tasdiqlanadigan Vazirlik faoliyatining samaradorligi va natijadorligini baholash mezonlari va ish indikatorlariga asosan amalga oshiriladi.

54. Vazirlik faoliyatining samaradorligi va natijadorligini baholash yakunlari boʻyicha:

Vazirlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish choralarini koʻrish;

Vazirlik faoliyatining samaradorligi va natijadorligini baholash tartibi va metodikasi qonunchilik hujjatlariga muvofiq belgilanadi.

9-bob. Vazirlik faoliyatini moliyalashtirish va moddiy-texnik jihatdan taʼminlash, uning xodimlari mehnatiga haq toʻlash va moddiy ragʻbatlantirish

55. Quyidagilar Vazirlik va uning tizimidagi oliy, oʻrta maxsus va professional taʼlim tashkilotlari, Vazirlik tizimidagi tashkilotlar va hududiy boshqarmalar faoliyatini moliyalashtirish manbalari hisoblanadi:

Oʻzbekiston Respublikasi Davlat budjeti mablagʻlari;

Oliy taʼlim, fan va innovatsiyalar vazirligining Oliy taʼlim muassasalarini rivojlantirish jamgʻarmasi mablagʻlari;

Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari;

qonunchilik hujjatlariga muvofiq pullik xizmat koʻrsatishdan tushadigan mablagʻlar;

vaqtincha boʻsh mablagʻlarni tijorat banklarining depozitlariga joylashtirishdan olingan daromadlar;

qonunchilik hujjatlari bilan taqiqlanmagan boshqa manbalar.

56. Vazirlik markaziy apparati xodimlarining ish haqlari qonunchilikda koʻzda tutilgan lavozim maoshi, mukofot pullari, qoʻshimcha toʻlovlar, ustamalar va ragʻbatlantirish toʻlovlaridan tashkil topadi.

Vazirlik markaziy apparati xodimlarining lavozim maoshiga har oylik ustamalar, mukofotlar, ularga moddiy yordam berish va ijtimoiy muhofaza qilish xarajatlari Oʻzbekiston Respublikasi oliy taʼlim, fan va innovatsiyalar vaziri tomonidan tasdiqlanadigan nizomga muvofiq toʻlanadi.

57. Vazirlik markaziy apparati xodimlariga oylik ish haqi toʻlash va ularni moddiy ragʻbatlantirish manbalari mehnatga haq toʻlash jamgʻarmasi, Oliy taʼlim muassasalarini rivojlantirish jamgʻarmasi mablagʻlaridan va qonunchilik hujjatlarida taqiqlanmagan boshqa manbalardan iborat.

10-bob. Vazirlikning hisobdorligi

58. Vazir Vazirlikning faoliyati toʻgʻrisida Oʻzbekiston Respublikasi Oliy Majlisi palatalari, Oʻzbekiston Respublikasi Prezidenti, Vazirlar Mahkamasi hamda jamoatchilik oldida bevosita hisobdor boʻladi.

59. Vazirlik Oʻzbekiston Respublikasi Prezidenti Administratsiyasi va Vazirlar Mahkamasi bilan oʻzaro hamkorlik qilish doirasida:

oʻziga yuklangan vazifa va funksiyalarni bajarish bilan bogʻliq normativ-huquqiy hujjatlar hamda boshqa hujjatlar loyihalarini belgilangan tartibda kiritadi;

Oʻzbekiston Respublikasi Prezidenti Administratsiyasi va Vazirlar Mahkamasiga taqdim etish uchun respublika ijro etuvchi hokimiyat organlari, xoʻjalik birlashmalari bilan birgalikda oʻz faoliyat sohasidagi muammolarni hal etish, davlat boshqaruvi tizimini maqbullashtirishga qaratilgan taklif, tavsiya va tahliliy maʼlumotlar tayyorlanishini taʼminlaydi;

oliy taʼlim, fan va innovatsion rivojlanishning eng muhim yoʻnalishlari hamda vazifalarini amalga oshirishda mavjud tizimli muammo va kamchiliklarning muntazam ravishda koʻrib chiqilishini tashkil qiladi.

60. Monitoring va baholash natijalariga koʻra, Vazirlikning alohida oʻrnak koʻrsatgan xodimlarini ragʻbatlantirish choralari koʻriladi, kamchiliklarga yoʻl qoʻygan xodimlarga nisbatan esa intizomiy jazo choralari qoʻllaniladi.

61. Vazirlik har chorak yakuni boʻyicha tegishli hisobot davri uchun respublika oliy, oʻrta maxsus va professional taʼlimini rivojlantirish natijalari toʻgʻrisidagi press-relizni oʻz rasmiy veb-saytida yoritilib borilishini taʼminlaydi.

11-bob. Yakunlovchi qoida

62. Vazirlikni qayta tashkil etish va tugatish qonunchilikda belgilangan tartibda amalga oshiriladi.

Vazirlar Mahkamasining 2024-yil 8-avgustdagi 489-son qaroriga 2-ILOVA

Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi (keyingi oʻrinlarda — Agentlik)ning maqomi, asosiy vazifalari va funksiyalari, vakolatlari hamda tashkiliy asoslarini, shuningdek, rahbarlarining funksional majburiyati va masʼuliyatini belgilaydi.

2. Agentlik:

Oʻzbekiston Respublikasida ilm-fan va ilmiy faoliyat sohasini hamda innovatsion faoliyatni boshqarish va tashkillashtirish, uni amalga oshirishni muvofiqlashtirish, mamlakatning intellektual va texnologik salohiyatini oshirishga qaratilgan davlat xizmatlarini koʻrsatuvchi respublika ijro etuvchi hokimiyat organi hisoblanadi;

oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Oliy taʼlim, fan va innovatsiyalari vazirligi (keyingi oʻrinlarda — Vazirlik)ning buyruqlariga, shuningdek, ushbu Nizomga va boshqa qonunchilik hujjatlariga amal qiladi;

ilmiy-tadqiqot, taʼlim va boshqa muassasalar tomonidan amalga oshiriladigan davlat ilmiy dasturlari va loyihalarining yagona buyurtmachisi hisoblanadi.

3. Agentlikning rasmiy nomlanishi:

a) davlat tilida:

toʻliq nomi — Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi, qisqartmasi — Innovatsiya agentligi;

b) rus tilida:

toʻliq nomi — Agentstvo innovatsionnogo razvitiya pri Ministerstve visshego obrazovaniya, nauki i innovatsiy Respubliki Uzbekistan, qisqartmasi — Agentstvo innovatsiy;

v) ingliz tilida:

toʻliq nomi — Agency for innovative development under the Ministry of higher education, science and innovations of the Republic of Uzbekistan, qisqartmasi — Innovations agency.

4. Agentlik yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, shu jumladan xorijiy valyutadagi shaxsiy gʻazna hisobvaraqlariga ega boʻladi.

5. Agentlikning joylashgan yeri (pochta manzili): Toshkent shahri, Olmazor tumani, Talabalar shaharchasi, Universitet koʻchasi, 7-uy, 100174.

2-bob. Agentlikning tuzilmasi

6. Agentlikning tuzilmasiga quyidagilar kiradi:

Agentlikning markaziy apparati;

Ilmiy-texnik axborot markazi;

Xalqaro molekulyar allergologiya markazi;

Yoshlar innovatsiya markazi;

Innovatsion rivojlanish nashriyot-matbaa uyi;

Yoshlar texnoparklari.

3-bob. Agentlik va uning markaziy apparatining vazifalari va funksiyalari

1-§. Agentlikning asosiy vazifalari va funksiyalari

7. Quyidagilar Agentlikning asosiy vazifalari hisoblanadi:

ilmiy faoliyatga oid davlat dasturlari va ilmiy faoliyatga oid davlat maqsadli dasturlarini ishlab chiqish, ularning ijrosini nazorat qilish hamda ilmiy faoliyatga oid hududiy dasturlar ishlab chiqilishini muvofiqlashtirish;

ilm-fan va taʼlim integratsiyasini mustahkamlash, oliy taʼlimdan keyingi taʼlim institutlarining samaradorligini oshirish, ilmiy darajali kadrlarni tayyorlashga qaratilgan tizimli chora-tadbirlarni amalga oshirish;

xorijiy ilmiy stajirovkalarni tashkil etish, yosh olimlarning xalqaro tajribani oʻrganishlariga koʻmaklashish, ilmiy faoliyatni amalga oshiruvchilarni zamonaviy ilmiy laboratoriya uskunalari bilan jihozlashda yaqindan hamkorlikni amalga oshirish;

ilm-fan va innovatsion faoliyatni raqamlashtirish, axborot xavfsizligini taʼminlash, ilmiy faoliyatga xizmat qiladigan boshqa axborot tizimlari bilan oʻzaro hamkorlikni oʻrnatish;

ilmiy ishlanmalarni tijoratlashtirish loyihalarini tanlash va moliyalashtirish asosida bozorga yangi va raqobatbardosh mahsulotlarning chiqarilishini taʼminlash;

ilmiy va innovatsion loyihalarni amalga oshirishda investitsiya va grantlarni jalb etish, ilmiy va innovatsion faoliyatni moliyalashtirish boʻyicha chora-tadbirlarni amalga oshirish;

yoshlarning innovatsion faoliyatini qoʻllab-quvvatlash, ular tomonidan amalga oshiriladigan startap loyihalariga koʻmaklashuvchi tizimni muvofiqlashtirish;

hududlarning intellektual va texnologik salohiyatini oshirish, ilmiy va innovatsion faoliyat uchun zamonaviy infratuzilmalarni shakllantirish;

iqtisodiyotning real sektori va ishlab chiqarish tarmoqlarining ilmiy ishlanma va innovatsiyalarga boʻlgan ehtiyojlarini aniqlash hamda tarmoq ilmiy-tadqiqotlar ishlarini rivojlantirish asosida ilm-fan va ishlab chiqarish integratsiyasini mustahkamlash;

innovatsion rivojlantirishning strategiyasini ishlab chiqish hamda mamlakatning Global innovatsiya indeksidagi oʻrnini yaxshilash boʻyicha takliflarni ishlab chiqish.

8. Agentlik oʻziga yuklatilgan vazifalarga muvofiq quyidagi funksiyalarni amalga oshiradi:

a) ilmiy faoliyatga oid davlat dasturlari va ilmiy faoliyatga oid davlat maqsadli dasturlarini ishlab chiqish, ularning ijrosini nazorat qilish hamda ilmiy faoliyatga oid hududiy dasturlar ishlab chiqilishini muvofiqlashtirish sohasida:

respublika ijro etuvchi hokimiyat organlari, xoʻjalik birlashmalari va mahalliy ijro etuvchi hokimiyat organlarining davlat buyurtmasiga kiritish uchun iqtisodiyot tarmoqlari va ijtimoiy sohaning mavjud muammolari va real ehtiyojlari hamda hududiy muammolarni hal etishga qaratilgan ilmiy-tadqiqotlar boʻyicha belgilangan tartibda va shaklda taqdim etilgan asoslangan takliflarini umumlashtiradi;

mamlakatni ijtimoiy-iqtisodiy rivojlantirish vazifalari, iqtisodiyot tarmoqlari va ijtimoiy sohaning talab va ehtiyojlarini hisobga olgan holda ilmiy-tadqiqot ishlariga davlat buyurtmasini tanlovlar asosida shakllantiradi;

tanlovlardan muvaffaqiyatli oʻtgan ilmiy faoliyatga oid davlat dasturlari hamda Oʻzbekiston Respublikasi Prezidentining, Oʻzbekiston Respublikasi Oliy Majlisi va Vazirlar Mahkamasining hujjatlari, davlat dasturlari va konsepsiyalarda bayon etilgan vazifa va topshiriqlar asosida davlat ilmiy dasturlarini shakllantiradi va buyurtmachi sifatida shartnomalar rasmiylashtirilishini amalga oshiradi;

ilmiy-tadqiqot ishlariga davlat buyurtmasi boʻyicha bajariladigan ilmiy loyihalarning davlat roʻyxatini yuritadi va ular yuzasidan hisobotlarni qabul qiladi;

davlat buyurtmasi asosida bajariladigan fundamental, amaliy va innovatsion loyihalarning tasdiqlangan rejasiga koʻra bajarilishi yuzasidan monitoring oʻtkazadi;

respublikada faoliyat yuritadigan ilmiy tashkilotlarning ilmiy innovatsion faoliyatini tahlil qiladi va uning natijalariga koʻra ilmiy tashkilotlarning milliy reytingini ishlab chiqadi;

xorijiy davlatlar bilan hamkorlikda xalqaro qoʻshma ilmiy loyihalar tanlovlarini tashkil etadi, tanlovlardan muvaffaqiyatli oʻtgan loyihalarni moliyalashtiradi;

davlat ilmiy dasturlarini shakllantirishga oid normativ-huquqiy hujjatlar loyihalarini ishlab chiqishda ishtirok etadi, asoslangan takliflar va xulosalar tayyorlab Vazirlikka taqdim qiladi;

b) ilm-fan va taʼlim integratsiyasini mustahkamlash, oliy taʼlimdan keyingi taʼlim institutlarining samaradorligini oshirish, ilmiy darajali kadrlarni tayyorlashga qaratilgan tizimli chora-tadbirlarni amalga oshirish sohasida:

ilmiy darajali kadrlarni tayyorlashda oliy taʼlimdan keyingi taʼlim tizimini muvofiqlashtiradi, ilmiy darajaga ega xodimlarni qoʻllab-quvvatlash tizimining samaradorligini oshirish boʻyicha takliflar tayyorlaydi va zarur chora-tadbirlarni amalga oshiradi;

oliy taʼlimdan keyingi taʼlim instituti mavjud oliy taʼlim va ilmiy tashkilotlarga doktorantura va stajyor-tadqiqotchilikka qabul boʻyicha kvotalar ajratadi;

oliy taʼlimdan keyingi taʼlim institutlarida tahsil olayotgan tayanch doktorantlar va doktorantlar faoliyati samaradorligi monitoringini olib boradi;

oliy taʼlim tashkilotlarida ilmiy-tadqiqot ishlarini tashkil etish, ularning samaradorligini oshirish, ilm-fan va taʼlim integratsiyasini taʼminlashga qaratilgan chora-tadbirlarni amalga oshiradi;

oliy taʼlim tashkilotlarining yosh olim, mutaxassis va professor-oʻqituvchilarini respublika ilm-fanini rivojlantirishning ustuvor yoʻnalishlari boʻyicha ilmiy-tadqiqot ishlariga jalb etishga oid tashkiliy ishlarni amalga oshiradi;

respublikada va xalqaro miqyosdagi ilmiy anjumanlar, simpoziumlar, seminarlar va boshqa ilmiy va ilmiy-texnik tadbirlarning yillik rejalarini shakllantiradi va tasdiqlangan rejalarni amalga oshirilishini taʼminlaydi;

v) xorijiy ilmiy stajirovkalarni tashkil etish, yosh olimlarning xalqaro tajribani oʻrganishlariga koʻmaklashish, ilmiy faoliyatni amalga oshiruvchilarni zamonaviy ilmiy laboratoriya uskunalari bilan jihozlashda yaqindan hamkorlikni amalga oshirish sohasida:

ilmiy laboratoriyalarning zamonaviy ilmiy uskunalar bilan jihozlanganligini oʻrganadi, ularni yangilash va zarur sarflash materiallari hamda butlovchi qismlar bilan taʼminlash yuzasidan takliflar ishlab chiqadi;

ilmiy laboratoriyalarni zamonaviy ilmiy uskunalar bilan jihozlash, shuningdek zarur sarflash materiallari va butlovchi qismlar bilan taʼminlash choralarini koʻradi;

mavjud ilmiy laboratoriyalarga oid maʼlumotlar bazasini yuritadi, ilmiy xodimlarning ilmiy uskunalarga boʻlgan ehtiyojlari uchun ilmiy uskunalardan birgalikda foydalanish dasturlarini tayyorlaydi va ularni amalga oshirish boʻyicha qoʻshimcha qoʻllab-quvvatlash chora-tadbirlarini amalga oshiradi;

ilmiy laboratoriyalarni zamonaviy ilmiy uskunalar bilan jihozlash boʻyicha loyihalar portfellarini qabul qiladi, ularni oʻrganadi va moliyalashtirish boʻyicha zarur choralarni koʻradi;

yosh olimlarni xorijiy ilmiy stajirovkalarga yuborish boʻyicha takliflarni qabul qiladi va oʻrganadi, ushbu yoʻnalishda xalqaro hamkorlikni kengaytirish choralarini koʻradi;

yosh olimlarni xorijiy ilmiy stajirovkalarga yuborish boʻyicha tanlovlarni eʼlon qiladi, oʻtkazadi va gʻoliblarni stajirovkalarga yuborish bilan bogʻliq chora-tadbirlarini amalga oshiradi;

g) ilm-fan va innovatsion faoliyatni raqamlashtirish, axborot xavfsizligini taʼminlash, ilmiy faoliyatga xizmat qiladigan boshqa axborot tizimlari bilan oʻzaro hamkorlikni oʻrnatish sohasida:

Agentlik va uning tizimidagi tashkilotlarda raqamli iqtisodiyot va elektron hukumat sohasidagi loyihalarni keng joriy etadi, oʻzining barcha faoliyat yoʻnalishlarida raqamli texnologiyalarni joriy etadi, ulardan samarali foydalanishni normativ, texnologik, axborot va tahliliy qoʻllab-quvvatlash chora-tadbirlarini amalga oshiradi;

Agentlik va uning tizimidagi tashkilotlarda axborot tizimlarini joriy etish uchun zarur telekommunikatsiya infratuzilmani taʼminlash bilan bogʻliq chora-tadbirlarni amalga oshiradi;

Agentlik va uning tizimidagi tashkilotlarda joriy etiladigan axborot tizimlarining axborot va kiberxavfsizlikni taʼminlash, shaxsga doir maʼlumotlardan qonunchilikda belgilangan tartibda foydalanish choralarini koʻradi;

Agentlik tomonidan koʻrsatiladigan davlat xizmatlarini amalga oshirish jarayonlarni maqbullashtirish va raqamlashtirishni hisobga olgan holda elektron shaklga oʻtkazish boʻyicha takliflar tayyorlaydi;

ilm-fan va innovatsiyalar sohasida raqamli iqtisodiyot va elektron hukumatni rivojlantirish yuzasidan takliflarni ishlab chiqadi va Raqamli texnologiyalar vazirligi bilan birgalikda zarur chora-tadbirlarni amalga oshiradi;

Agentlik faoliyatining ochiqligi va shaffofligini taʼminlash boʻyicha dasturiy mahsulotlar va axborot resurslarini yaratish va ularni uzluksiz ishlashini taʼminlash uchun qoʻllab-quvvatlashga qaratilgan tizimli ishlarni tashkil qiladi;

ilm-fan va innovatsiyalar sohasida faoliyat olib borayotgan tashkilotlarni Agentlik va axborot almashishini taʼminlaydigan axborot tizimlarini ishlab chiqadi va rivojlantiradi;

d) innovatsion rivojlantirishning strategiyasini ishlab chiqish hamda mamlakatning Global innovatsiya indeksidagi oʻrnini yaxshilash boʻyicha takliflarni ishlab chiqish sohasida:

xalqaro moliya institutlari ekspertlari, mahalliy ilmiy tashkilotlar xodimlari, mutasaddi vazirlik va idoralarni jalb qilgan holda innovatsion rivojlanishning oʻrta va uzoq muddatli strategiyasini ishlab chiqadi va uni amalga oshirish uchun ishlarni tashkil etadi;

Innovatsion rivojlanish strategiyasida belgilangan bosh maqsad va maqsadli koʻrsatkichlarga erishish boʻyicha zarur choralar koʻradi;

Oʻzbekistonning xalqaro reytinglarda, xususan Global innovatsiya indeksida baholanishini doimiy kuzatish, tizimli tahlilini yuritish, natijalarni yaxshilash boʻyicha tegishli tartibda takliflar ishlab chiqadi;

Agentlikning boshqa tarkibiy boʻlimlari bilan hamkorlikda Global innovatsiya indeksida Oʻzbekiston oʻrnini yaxshilash borasida innovatsiyalarga kiritiladigan investitsiyalar (innovation input) va ularning natijadorligini (innovation output) oshirish yuzasidan zaruriy ishlarni amalga oshiradi;

Global innovatsiya indeksi doirasida tarkibiy indikatorlar maʼlumotlarini shakllantirish va oʻrnini yaxshilash boʻyicha masʼul vazirlik va idoralar bilan hamkorlikda ishlaydi;

Global innovatsiya indeksida muntazam past baholangan, maʼlumoti mavjud boʻlmagan va eskirgan indikatorlar pozitsiyasini yaxshilash choralarini koʻradi;

e) ilmiy ishlanmalarni tijoratlashtirish loyihalarini tanlab va moliyalashtirish asosida bozorga yangi va raqobatbardosh mahsulotlarning chiqarilishini taʼminlash sohasida:

ilmiy ishlanmalarni tijoratlashtirish, tijoratlashtirishga tayyorlash hamda texnologiyalar transferi yuzasidan normativ-huquqiy bazani takomillashtirish va muvofiqlashtirishda ishtirok etadi;

oliy taʼlim va ilmiy-tadqiqot muassasalari tomonidan yaratilgan ilmiy ishlanmalarni saralab oladi, tijoratlashtiriladigan ilmiy ishlanmalar bazasini shakllantiradi;

ilmiy ishlanmalarni tijoratlashtirish yoki ularni moliyalashtirish istagida boʻlgan tadbirkorlik subyektlari bazasini shakllantirishda ishtirok etadi;

yangi, ilmiy hajmdor va raqobatbardosh mahsulotlar ishlab chiqarishga qaratilgan istiqbolli loyihalarni moliyalashtirishni tashkil etadi;

ilmiy muassasalar tomonidan yaratilgan ishlanmalarni saralab olish hamda iqtisodiyot tarmoqlariga joriy etishni (transferini) tashkil etish va tijoratlashtirishga koʻmaklashadi;

xorijiy davlatlarda mavjud ilgʻor, istiqbolli texnologiyalarni respublikadagi soha va tarmoqlarga transfer qilishda ishtirok etadi;

respublikada yaratilgan intellektual mulk obyektlarini huquqiy muhofaza qilishga, jumladan ilmiy-tadqiqot natijasida yaratilgan ishlanmalarni xorijda patentlashga koʻmaklashadi;

oliy taʼlim tashkilotlari va ilmiy-tadqiqot muassasalari tomonidan tijoratlashtirilayotgan ilmiy ishlanmalar natijalarini umumlashtiradi va muvofiqlashtiradi;

j) ilmiy va innovatsion loyihalarni amalga oshirishda investitsiya va grantlarni jalb etish, ilmiy va innovatsion faoliyatni moliyalashtirish boʻyicha chora-tadbirlarni amalga oshirish sohasida:

investitsiya dasturlari doirasida Agentlik tizimida amalga oshirilayotgan investitsiya loyihalari ijrosi va mablagʻlarning oʻzlashtirilishini taʼminlaydi;

kelgusi yil uchun investitsiya dasturlariga kiritish uchun loyihalarni tayyorlaydi, belgilangan tartibda koʻrib chiqilishini taʼminlaydi;

xorijiy investitsiyalar, kreditlar va xorijiy grantlar ishtirokida istiqbolli innovatsion va investitsion loyihalarni ishlab chiqish va amalga oshirish yuzasidan doimiy monitoring olib boradi;

istiqbolli innovatsion va investitsion loyihalar portfelini shakllantirishda hamda investitsiyalar, xalqaro texnik koʻmak va xorijiy grantlarni jalb qilish choralarini koʻradi;

investitsion loyihani amalga oshirish jarayonining tegishli bosqichida investorlarni taalluqli vazirlik va idoralar bilan hamkorlik aloqalarini yoʻlga qoʻyishiga koʻmaklashadi va yuzaga keladigan tashkiliy masalalarni hal etish boʻyicha muzokaralar olib boradi;

investitsiyalar va tashqi begʻaraz koʻmak (grant) jalb qilish boʻyicha xalqaro moliya institutlari, xorijiy davlatlar moliya institutlari, bank tuzilmalari va boshqa iqtisodiy tashkilotlar bilan oʻtkaziladigan muzokaralarda ishtirok etadi;

xalqaro texnik koʻmak va xorijiy grantlarni jalb qilish boʻyicha xalqaro tashkilotlar, xorijiy davlatlar va tashkilotlar bilan muzokaralar oʻtkazish hamda hamkorlikni rivojlantirish yuzasidan takliflar tayyorlaydi;

xalqaro tashkilotlar va xorijiy kompaniyalarning yuqori malakali mutaxassislarini, shuningdek ekspertlarni maslahatchi (konsultant) sifatida jalb qiladi;

xalqaro hamkorlik sohasida manfaatdor xorijiy hamkorlar bilan shartnomalar tuzilishini muvofiqlashtiradi va taʼminlaydi;

xalqaro innovatsion-investitsion forumlar, konferensiyalar va boshqa tadbirlarni oʻtkazishda ishtirok etadi;

ilmiy va innovatsion faoliyatni moliyalashtirish usullarini kengaytirish boʻyicha ilgʻor xorij tajribasiga asosan takliflar hamda innovatsion faoliyat xavflarini baholash boʻyicha tavsiyalar ishlab chiqadi;

z) yoshlarning innovatsion faoliyatini qoʻllab-quvvatlash, ular tomonidan amalga oshiriladigan startap loyihalariga koʻmaklashuvchi tizimni muvofiqlashtirish sohasida:

innovatsion faoliyat sohasidagi “startap” loyihalarini rivojlantirish va ularni akseleratsiya/inkubatsiya jarayonlaridan oʻtkazish uchun yagona maydon tashkil etish va bu orqali startaplarning salohiyatini oshirishga sharoit yaratadi;

innovatsion faoliyatda tashabbusga ega aholining startap loyihalarida ishtirokini taʼminlash choralarini koʻradi;

startap ekotizimini rivojlantirish va startaplarni qoʻllab-quvvatlashda xalqaro hamkorlikni jalb etishda koʻmaklashadi;

startaplarni qoʻllab-quvvatlashda malakali mutaxassislar va ekspertlar ishtirokida mahorat darslari, seminar-trening va oʻquv kurslarini tashkil etadi;

startap ekotizimining ishtirokchilari, shu jumladan, davlat organlari va tashkilotlarining, muassasa va jamiyatlarning startaplar boʻyicha faoliyatiga koʻmaklashadi;

startap loyihalari tanlovini eʼlon qilish va akseleratsiya markazlari tomonidan taqdim etilgan takliflarni koʻrib chiqish hamda akseleratorlik markazlari faoliyatini rivojlantirish boʻyicha takliflar ishlab chiqadi;

i) hududlarning intellektual va texnologik salohiyatini oshirish, ilmiy va innovatsion faoliyat uchun zamonaviy infratuzilmalarni shakllantirish sohasida:

innovatsion hududga aylantirilayotgan tumanlarda innovatsion rivojlantirish boʻyicha kompleks rivojlantirish strategiyalari, dasturlar, konsepsiyalari, uzoq, oʻrta va qisqa muddatli innovatsion rivojlantirish prognozlarini ishlab chiqish hamda amalga oshirishni muvofiqlashtiradi;

innovatsion hududga aylantirilayotgan tumanlarni intellektual va texnologik salohiyatini oshirish, ilmiy va innovatsion faoliyat uchun zamonaviy infratuzilma subyektlarini shakllantirish va yangi texnologiyalarga asoslangan mahsulot ishlab chiqarishni jadal rivojlantirish boʻyicha takliflar ishlab chiqadi;

innovatsion hududga aylantirilayotgan tumanlarda innovatsion faoliyati koʻlamini kengaytirish va iqtisodiyotni diversifikatsiya qilish, shuningdek sohadagi maqsadli koʻrsatkichlarning bajarilishi yuzasidan monitoring olib boradi;

hududlarda yangi innovatsion infratuzilma subyektlari (yoshlar texnoparklari, innovatsiya markazlari, biznes akselerator, biznes-inkubatorlar va boshqalar)ni tashkil etish hamda mavjud infratuzilma subyektlari samaradorligini oshirish boʻyicha chora-tadbirlarni ishlab chiqish va innovatsion salohiyatini oshirishga koʻmaklashadi;

innovatsion hududlarning iqtisodiy va innovatsion raqobatbardoshligini oshirishga yoʻnaltirilgan tadbirlarni amalga oshirish, shu jumladan, import oʻrnini bosuvchi va eksportga yoʻnaltirilgan innovatsion mahsulotlar ishlab chiqarishga ilgʻor zamonaviy texnologiyalarni joriy qilishga koʻmaklashadi;

sohadagi yetakchi ekspertlarni jalb qilgan holda innovatsion hududga aylantirilayotgan tuman hokim oʻrinbosarlari hamda innovatsion infratuzilma xodimlarini innovatsion ekotizimni rivojlantirish boʻyicha seminar-trening oʻtkazish orqali bilim va malakalarini oshiradi;

innovatsion hududga aylantirilayotgan tumanlardagi tadbirkorlik subyektlari va tegishli sohadagi tashkilotlarni har yili oʻtkaziladigan xalqaro innovatsion gʻoyalar haftaligida ishtirokini taʼminlaydi;

innovatsion hududga aylantirilayotgan tumanlarda innovatsion rivojlanishi bilan bogʻliq uslubiy-meʼyoriy qoʻllanmalar, amaliy taklif va tavsiyalar ishlab chiqadi;

k) iqtisodiyotning real sektori va ishlab chiqarish tarmoqlarining ilmiy ishlanma va innovatsiyalarga boʻlgan ehtiyojlarini aniqlash hamda tarmoq ilmiy-tadqiqotlar ishlarini rivojlantirish asosida ilm-fan va ishlab chiqarish integratsiyasini mustahkamlash sohasida:

iqtisodiyotning real sektorining ilmiy ishlanma va innovatsiyalarga boʻlgan ehtiyojlarini oʻrganish asosida aniq muammolar yechimiga qaratilgan maqsadli ilmiy dasturlarni ishlab chiqadi;

ilm-fan va ishlab chiqarish integratsiyasini mustahkamlash, ishlab chiqarish korxonalarini ilmiy tashkilotlar bilan hamkorligini kuchaytirish va ishlab chiqarishga joriy etish boʻyicha loyiha takliflarini tayyorlaydi;

ilgʻor xorijiy tajriba asosida iqtisodiyot tarmoqlarining “yashil” va kam uglerodli rivojlanishga qaratilgan chora-tadbirlarini amalga oshirish, shu jumladan, qayta tiklanuvchi energiya manbalari va energiya samarador texnologiyalarni joriy qilish boʻyicha innovatsion yechimlarni ishlab chiqadi;

iqtisodiyotning real sektori ilmiy-tadqiqot, tajriba-konstruktorlik va texnologik ishlar tuzilmalarini tashkil etishga koʻmaklashish hamda tadqiqot va tajriba-sinov tuzilmalarini rivojlantirish choralarini koʻrish, ilgʻor xorijiy tajribalarni oʻrganish asosida takliflar tayyorlaydi;

iqtisodiyotning real sektori va ishlab chiqarish tarmoqlariga innovatsiyalarni joriy etish, yangi texnologiyalarni ishlab chiqish va tatbiq etishda davlat tomonidan qoʻllab-quvvatlashning taʼsirchan mexanizmlarini joriy etish boʻyicha takliflar tayyorlaydi;

iqtisodiyot tarmoqlarini innovatsion rivojlantirishga oid normativ-huquqiy hujjatlar loyihalarini ishlab chiqadi, koʻrib chiqadi va takliflar tayyorlaydi;

iqtisodiyot tarmoqlarini innovatsion rivojlantirish va yangi mahsulotlarni yaratish boʻyicha tadqiqotlarni yoʻlga qoʻyishda xalqaro tashkilotlar, kompaniyalar va institutlar bilan hamkorlikni kengaytiradi.

Agentlik qonunchilik hujjatlariga muvofiq boshqa vazifalarni ham bajarishi mumkin.

2-§. Agentlik markaziy apparatining vazifalari va funksiyalari

9. Quyidagilar Agentlik markaziy apparatining asosiy vazifalari hisoblanadi:

1) ilmiy va innovatsion faoliyat sohasida yagona davlat siyosatini amalga oshirishga koʻmaklashish;

2) Agentlik hamda uning tarkibiy boʻlinmalari faoliyati bilan bogʻliq prognoz koʻrsatkichlar, maqsadli indikatorlar, sifatga erishish va rivojlantirish dasturlarini samarali amalga oshirishni taʼminlash;

3) Agentlik faoliyati sohasiga tegishli masalalarda vazirliklar va idoralar bilan hamkorlik qilish, Vazirlik yigʻilishlarida masalalarni muhokama qilishda ishtirok etish;

4) Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi, Oʻzbekiston Respublikasi Oliy Majlisi hamda Oʻzbekiston Respublikasi Vazirlar Mahkamasi topshiriqlarini oʻz vaqtida, toʻliq va sifatli bajarish;

5) Agentlik xodimlarini tizimli qayta tayyorlash va malakasini oshirishni tashkil etish;

6) Agentlikning markaziy apparati faoliyatining samaradorligi va natijadorligini tanqidiy tahlil qilish, tahlil natijalariga koʻra zarur chora-tadbirlarni koʻrish;

7) Agentlik hamda uning tarkibiy boʻlinmalari faoliyatiga zamonaviy ish uslublarini joriy etish;

8) ilmiy va innovatsion faoliyat sohasida davlat xizmatlarini koʻrsatish samaradorligi, sifati va erkinligini taʼminlash;

i) jismoniy va yuridik shaxslar murojaatlarini koʻrib chiqish boʻyicha ishlarni samarali taʼminlash, aholi bilan toʻgʻridan-toʻgʻri va ochiq muloqotni yoʻlga qoʻyish;

9) ilmiy va innovatsion faoliyatni rivojlantirish boʻyicha maqsadli dasturlar, ilmiy va innovatsion faoliyat sohasidagi dasturiy-uslubiy va boshqa tartibga soluvchi hujjatlarni belgilangan tartibda tasdiqlash;

10) ilmiy va innovatsion faoliyat sohasida xalqaro va davlatlararo hamkorlikni kengaytirish va mustahkamlash, xorijiy investitsiyalar va grantlarni jalb etish boʻyicha xalqaro xorijiy tadbirlarda Agentlik vakillarining ishtirokini taʼminlash;

11) Agentlik Hayʼati qarorlari, Vazir hamda Agentlik direktori buyruqlari va topshiriqlarining oʻz vaqtida va sifatli bajarilishini taʼminlash;

12) tarkibiy boʻlinmalarda kadrlarni tanlash va joy-joyiga qoʻyish, ularning kasb mahorati, chuqur bilimga egaligi, tajribasi, ishchanlik va odob-axloq hamda maʼnaviyatining yuqori darajasi kafolatlanganligini taʼminlash, ularning kasbiy malakasini oshirish choralarini koʻrish, nazoratdagi tarkibiy boʻlinmalarda kadrlar zaxirasini shakllantirish;

13) ilmiy va innovatsion faoliyat sohasidagi ilgʻor xorijiy tajriba va ilmiy-texnik taraqqiyotda erishilgan natijalarni oʻrganishni tashkil etish, ilmiy va innovatsion faoliyatni yanada rivojlantirishda mazkur tajribani joriy etish;

14) ilmiy va innovatsion faoliyat sohasida xalqaro seminarlar, anjumanlar, koʻrgazmalar oʻtkazilishini tashkil etish hamda boshqa tashkilotlar oʻtkazadigan shu kabi tadbirlarda ishtirok etishni taʼminlash.

10. Agentlikning markaziy apparati oʻziga yuklatilgan asosiy vazifalarga muvofiq quyidagi funksiyalarni amalga oshiradi:

Agentlik rahbari faoliyatini tashkiliy-nazorat va axborot-tahliliy jihatdan taʼminlaydi;

Agentlik zimmasiga yuklatilgan vazifalar va funksiyalarni bajarish doirasida tarkibiy boʻlinmalarning kelishilgan holda ishlashini hamda quyi tashkilotlar bilan oʻzaro hamkorligini taʼminlaydi;

topshiriqlar va qonunchilik hujjatlari ijrosini taʼminlash, yuklatilgan vazifa va funksiyalarni bajarish hamda oʻz tashabbusi bilan Agentlik vakolatlariga taalluqli boʻlgan masalalar boʻyicha normativ-huquqiy hujjatlar va boshqa hujjatlar loyihalarini ishlab chiqadi;

Oʻzbekiston Respublikasi Prezidenti Administratsiyasi va Vazirlar Mahkamasiga taqdim etish uchun ijro etuvchi hokimiyat organlari bilan birgalikda innovatsion rivojlanish sohasidagi muammolarni hal etish, sohani yanada rivojlantirishga qaratilgan taklif, tavsiya va tahliliy maʼlumotlar tayyorlanishini taʼminlaydi;

mamlakatning innovatsion taraqqiyoti uchun birlamchi zarur boʻlgan loyihalarni tayyorlash, amalga oshirish va samaradorligini baholash boʻyicha chora-tadbirlar ishlab chiqadi va amalga oshiradi, Innovatsion rivojlanish strategiyasining yaqin, oʻrta va uzoq istiqbollaridagi ustuvor yoʻnalishlaridan kelib chiqib, takliflarni Vazirlikka, Oʻzbekiston Respublikasi Prezidenti Administratsiyasi va Vazirlar Mahkamasiga taqdim etadi;

innovatsion rivojlanishning eng muhim yoʻnalishlari va vazifalarini amalga oshirishda mavjud tizimli muammo va kamchiliklarni muntazam ravishda koʻrib chiqilishini tashkil qiladi;

tarkibiy boʻlinmalar va quyi tashkilotlarning faoliyatini boshqarish va muvofiqlashtirishni hamda nazoratini, shu jumladan ularning qonunchilik hujjatlari, idoraviy va idoralararo hujjatlarga rioya etilishi ustidan nazoratni amalga oshiradi;

Agentlik vakolatiga taalluqli tezkor, tashkiliy, kadrlar, moliyaviy, ishlab chiqarish-xoʻjalik va boshqa masalalarni hal qiladi.

11. Agentlikning markaziy apparati qonunchilik hujjatlariga muvofiq boshqa funksiyalarni ham amalga oshirishi mumkin.

4-bob. Agentlikning huquq va majburiyatlari

12. Agentlik oʻziga yuklatilgan vazifalarni amalga oshirishda quyidagi huquqlarga ega:

Agentlik vakolatiga kiruvchi masalalar yuzasidan respublika va mahalliy ijro etuvchi hokimiyat organlari hamda xoʻjalik birlashmalarining faoliyatini muvofiqlashtirish;

Agentlikka yuklatilgan vazifa va topshiriqlarni bajarish bilan bogʻliq boʻlgan normativ-huquqiy hujjatlar loyihalari va boshqa hujjatlarni Vazirlikka kiritish;

Agentlik vakolatiga kiruvchi masalalarni hal qilish maqsadida respublika va mahalliy ijro etuvchi hokimiyat organlari, xoʻjalik birlashmalari, respublikaning chet eldagi diplomatik va savdo vakolatxonalari, Markaziy bank va tijorat banklaridan tegishli maʼlumotlarni oʻrnatilgan tartibda soʻrash va olish;

innovatsion gʻoyalar, ishlanmalar va texnologiyalarni joriy etish masalalari boʻyicha respublika ijro etuvchi hokimiyat organlari, ilmiy-tadqiqot, axborot-tahlil muassasalari va boshqa tashkilotlar faoliyatini muvofiqlashtirish;

Agentlik vakolatiga kiruvchi masalalar yuzasidan metodik materiallar va tavsiyalar ishlab chiqish;

ilmiy-tadqiqot ishlariga davlat buyurtmasi asosida loyihalarni tanlab olish uchun tanlovlar eʼlon qilish;

ilmiy tadqiqotlarga va loyihalarga yoʻnaltirish uchun budjet mablagʻlarini taqsimlashda ishtirok etish;

respublika va mahalliy ijro etuvchi hokimiyat organlari hamda xoʻjalik birlashmalari rahbarlari va mutaxassislarini jalb qilgan holda Agentlik vakolatiga kiruvchi masalalar yuzasidan oʻrnatilgan tartibda yigʻilishlar oʻtkazish;

Oʻzbekiston Respublikasi Prezidenti va Hukumatining topshiriqlariga muvofiq xalqaro tashkilotlarda davlat manfaatlarini ifoda etish hamda oʻrnatilgan tartibda va xalqaro huquq meʼyorlari asosida boshqa mamlakatlarning innovatsion rivojlanish masalalari boʻyicha masʼul idoralari hamda ilmiy institutlari bilan bevosita yoki ularning quyi boʻgʻin tuzilmalari bilan hamkorlik shartnomalarini tuzish;

Agentlikka yuklatilgan vazifalarni sifatli va oʻz vaqtida amalga oshirish uchun zarur hollarda mustaqil ekspertlarni, xorijiy mutaxassislarni va tashkilotlarni shartnoma asosida jalb qilish;

binolarga xizmat koʻrsatish, inventarlar va xoʻjalik ashyolari, avtotransport, aloqa vositalari, hisoblash, kompyuter va orgtexnikalarni saqlash va foydalanish boʻyicha ishlarni bajarish, dasturiy taʼminot sotib olish boʻyicha oʻrnatilgan tartibda shartnomalar tuzish;

davlat organlari va boshqa tashkilotlardagi ilm-fan va innovatsiyalarni rivojlanish holatini oʻrganish, innovatsion faoliyatni takomillashtirish boʻyicha takliflarni toʻplash hamda umumlashtirish;

innovatsion faoliyatni uning samaradorlik indikatorlari asosida baholash, ilgʻor texnologiyalarni birinchi navbatda joriy etishni talab qiluvchi tegishli tarmoq va sohalar rivojlanishining asosiy yoʻnalishlarini belgilash;

ijtimoiy-iqtisodiy soha uchun fundamental, amaliy va innovatsion tadqiqotlarni amalga oshirish borasida ilmiy-texnik xizmatlar koʻrsatishga davlat topshiriqlarini shakllantirish;

ilmiy tadqiqotlar, ishlanmalar va texnologiyalar natijalarini tijoratlashtirish, shuningdek, texnologiyalarni transfer qilishga koʻmaklashish;

Agentlik, uning tarkibiy boʻlinma va idoraviy mansub tashkilotlari xodimlari tomonidan ularning tegishli sohadagi faoliyatining asosiy koʻrsatkichlari boʻyicha parametrlar bajarilishi va belgilangan indikatorlarga erishishni hisobga olgan holda ularni moddiy-texnika bazasini yaxshilash, moddiy ragʻbatlantirish tartibi, miqdorlari va shartlarini belgilash;

Agentlik vakolatiga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;

Agentlik vakolatlariga kiruvchi masalalarni hal etish uchun ilmiy tashkilotlar, olim va mutaxassislarni, shu jumladan chet ellik mutaxassislarni shartnoma asosida hamda ekspert sifatida jalb qilish;

ilmiy kadrlar tayyorlash va xodimlar malakasini oshirish boʻyicha idoraviy ilmiy hamda oʻquv markazlari, maslahat va axborot markazlari, ilmiy laboratoriyalarni belgilangan tartibda tashkil etish;

respublikaning ilmiy-tadqiqot, taʼlim va boshqa muassasalari tomonidan amalga oshiriladigan davlat ilmiy dasturlari hamda loyihalari buyurtmalarini ishlab chiqish;

innovatsion gʻoyalar, ishlanmalar va texnologiyalarni hisobga olgan holda tarmoq hamda hududlarni rivojlantirishning kompleks chora-tadbirlari va dasturlarini ishlab chiqish, shuningdek, ularni belgilangan tartibda tasdiqlashga kiritish;

Agentlik, uning tarkibiy boʻlinmalari va idoraviy mansub tashkilotlarning moddiy-texnika bazasi, xodimlarini moddiy ragʻbatlantirish hamda ijtimoiy infratuzilmasini yaxshilash choralarini koʻrish;

Agentlikka yuklatilgan vazifalarni bajarish doirasida davlat organlari va boshqa tashkilotlar, yetakchi loyiha institutlari, ilmiy-taʼlim muassasalarining yuqori malakali mutaxassislari, shuningdek, xalqaro tashkilotlar, chet el kompaniyalari va mutaxassislarini maslahatchi (konsultant) sifatida jalb qilish.

Agentlik qonunchilik hujjatlariga muvofiq boshqa huquqlarga ham ega boʻlishi mumkin.

13. Agentlik:

zimmasiga yuklangan vazifa va funksiyalarning lozim darajada hamda samarali bajarilishi;

tegishli sohada faoliyatning asosiy koʻrsatkichlari boʻyicha parametrlar va belgilangan indikatorlarga erishishning soʻzsiz taʼminlanishi;

tegishli sohani rivojlantirish hamda hududlarning muammoli masalalarini hal etish boʻyicha dasturlar, chora-tadbirlar rejalari, “yoʻl xaritalari” va boshqa hujjatlarning samarali amalga oshirilishi;

fuqarolar va tadbirkorlik subyektlari huquq va qonuniy manfaatlariga rioya etilishi hamda himoya qilinishi uchun javobgardir.

5-bob. Agentlik direktorining funksional vazifalari

14. Quyidagilar Agentlik direktorining asosiy funksional vazifalari hisoblanadi:

1) Oʻzbekiston Respublikasining Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Agentlik faoliyatiga umumiy rahbarlik qilish, Oʻzbekiston Respublikasi Prezidentining tegishli hujjatlari, Oʻzbekiston Respublikasi Vazirlar Mahkamasining qarori va boshqa qonunchilik hujjatlari bilan Agentlik zimmasiga yuklatilgan vazifa hamda funksiyalarning bajarilishini tashkil etish;

3) Agentlik vakolatiga kiruvchi masalalar yuzasidan Vazirlikka taqdim etilgan takliflar va normativ-huquqiy hujjatlar loyihalarini koʻrib chiqishda davlat manfaatlariga qatʼiy rioya etilishini taʼminlash, tayyorlangan hujjatlar loyihalarini tasdiqlash, tegishli hujjatlar qabul qilingandan soʻng ularning bajarilishi ustidan tizimli nazoratni tashkil etishni taʼminlash;

4) Agentlik vakolatiga kiradigan masalalar boʻyicha tegishli davlat organlari va tashkilotlari bilan oʻzaro hamkorlik qilish;

5) Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va yuqori turuvchi tashkilotlar topshiriqlarini ijro etish;

6) Agentlik faoliyatining ayrim yoʻnalishlari va boʻlimlarini, shuningdek, Agentlik tizimidagi boshqa mansabdor shaxslarning vakolatlari va shaxsiy javobgarligi darajasini belgilash;

7) oʻz vakolati doirasida Agentlik tizimi xodimlari uchun majburiy boʻlgan buyruqlar chiqarish va koʻrsatmalar berish;

8) Agentlik markaziy apparatining xarajatlar smetasi va xodimlar shtat jadvalini belgilangan shtatlar doirasida tasdiqlash;

9) Agentlik markaziy apparati tarkibiy boʻlinmalari va tizimidagi tashkilotlar tuzilmasiga belgilangan shtatlar va ish haqi fondi doirasida oʻzgartirishlar kiritish;

10) Agentlik markaziy apparati tarkibiy boʻlinmalari va tizimidagi tashkilotlar toʻgʻrisidagi nizomlarni tasdiqlash;

11) Agentlik xodimlarini qayta tayyorlash va malakasini oshirish tizimini tashkil etish;

12) Agentlik tizimida kadrlarni tanlash, ularning samarali faoliyat yuritishi uchun zarur shart-sharoitlar yaratish, Agentlikning kadrlar zaxirasini shakllantirish;

13) davlat organlari va boshqa tashkilotlar, yetakchi loyiha institutlari, ilmiy va taʼlim muassasalari, xalqaro tashkilotlar va xorijiy kompaniyalarning yuqori malakali mutaxassislarini, shuningdek ekspertlarni konsultant sifatida jalb qilish;

14) malakali xorijiy mutaxassislarni ishga qabul qilish hamda ularga tegishli ish haqi va boshqa toʻlovlarni belgilash;

15) innovatsion gʻoyalar, ishlanmalar va texnologiyalarni joriy etishni nazarda tutuvchi dasturlar hamda chora-tadbirlarning sifatli ishlab chiqilishini tashkil etish;

16) faoliyat sohasi masalalari boʻyicha normativ-huquqiy hujjatlar loyihalari sifatli ishlab chiqilishini tashkil etish;

17) Agentlik vakolatiga kiradigan masalalar boʻyicha normativ-huquqiy hujjatlar loyihalarini ishlab chiqishda ishtirok etish;

18) Agentlikka taqdim etilgan takliflar va normativ-huquqiy hujjatlar loyihalarining toʻliq hamda har tomonlama koʻrib chiqilishini taʼminlash, ularni puxta huquqiy, moliyaviy, iqtisodiy va boshqa ekspertizadan oʻtkazish, shuningdek, belgilangan muddatlarda ularni kelishish (viza qoʻyish);

19) Agentlik rahbarlari va xodimlari xizmat safarlarini qonunchilik hujjatlari talablariga toʻliq muvofiq ravishda tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanilishini taʼminlash;

20) Agentlik xodimlarini ragʻbatlantirish va intizomiy javobgarlikka tortish masalalarini hal qilish, shu jumladan, ular egallab turgan lavozimda qolishi maqsadga muvofiqligi toʻgʻrisidagi masalalarni koʻrib chiqish, ularning shaxsiy javobgarligini oshirishga doir tizimli chora-tadbirlarni amalga oshirish;

21) korrupsiyaga oid qonunchilik hujjatlari talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilik hujjatlarini takomillashtirish boʻyicha chora-tadbirlar ishlab chiqish hamda amalga oshirish yoʻli bilan ular sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

22) jismoniy va yuridik shaxslarning murojaatlari toʻgʻrisidagi qonunchilik hujjatlariga muvofiq jismoniy va yuridik shaxslarning murojaatlarini koʻrib chiqish muddatlariga qatʼiy rioya etilishini taʼminlash;

23) Agentlik va uning idoraviy mansubligidagi tashkilotlar ishini tashkil etishning zamonaviy shakllari joriy etilishini taʼminlash;

24) Agentlik rahbari hamda xodimlarining faol ishtirok etishini tashkil qilish, jismoniy va yuridik shaxslarning murojaatlari oʻz vaqtida hamda toʻliq koʻrib chiqilishini taʼminlash;

25) davlat siri hisoblangan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

26) qonunchilik hujjatlariga muvofiq boshqa vakolatlarni amalga oshirish.

15. Quyidagilar Agentlik markaziy apparati tarkibiy boʻlinmalari boshliqlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

2) tarkibiy boʻlinma toʻgʻrisidagi tasdiqlangan nizom doirasida aniq yoʻnalishlardagi vazifalarning yuqori sifatli va oʻz vaqtida bajarilishini taʼminlash;

3) tarkibiy boʻlinmalarning faoliyatiga bevosita rahbarlik qilish, mazkur boʻlinmaga yuklatilgan vazifa va funksiyalarning bajarilishini tashkil etish;

4) oʻz vakolatlari doirasida Agentlikning idoraviy mansub tashkilotlari faoliyatini muvofiqlashtirish;

5) Oʻzbekiston Respublikasi Prezidenti va Vazirlar Mahkamasining hujjatlari va topshiriqlari hamda Oʻzbekiston Respublikasi oliy taʼlim, fan va innovatsiyalar vazirining buyruqlari bajarilishini taʼminlash, tarkibiy boʻlinmalar xodimlari tomonidan ijro intizomini mustahkamlash boʻyicha kompleks amaliy chora-tadbirlarni roʻyobga chiqarish, shuningdek, qonunchilik hujjatlariga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish chora-tadbirlarini koʻrish;

6) Agentlik Hayʼati qarorlari, Agentlik rahbari buyruq hamda topshiriqlari oʻz vaqtida va sifatli bajarilishini taʼminlash;

7) Agentlik vakolati doirasiga kiruvchi tarmoqlar, sohalar va hududlarni rivojlantirish holatini sifatli baholashni olib borish, ularni yanada rivojlantirish boʻyicha aniq takliflar va amalga oshirish mexanizmlarini Agentlik direktoriga taqdim etish;

8) innovatsion gʻoyalar, ishlanmalar va texnologiyalarni joriy etishni nazarda tutuvchi dastur va chora-tadbirlarni sifatli ishlab chiqishni tashkil etish;

9) tarkibiy boʻlinmalarning yillik ish rejalarini ishlab chiqishni taʼminlash, unda koʻrsatilgan vazifa va tadbirlarning oʻz vaqtida va sifatli bajarilishini taʼminlash;

10) tarkibiy boʻlinmaga yuklatilgan vazifalarning bajarilishini nazorat qilish va muvofiqlashtirish, Agentlikning idoraviy mansub tashkilotlari faoliyatiga amaliy va metodik yordam koʻrsatish;

11) tarkibiy boʻlinmalar faoliyati masalalari boʻyicha qonunchilik hujjatlarini takomillashtirish yuzasidan takliflar ishlab chiqish va ularni Agentlik direktoriga koʻrib chiqish uchun kiritish;

12) tarkibiy boʻlinmalarda kadrlarni tanlash va joy-joyiga qoʻyishda Agentlik direktoriga takliflar taqdim etish, ularning kasb malakasini oshirish choralarini koʻrish, boʻlinmalarda kadrlar zaxirasini shakllantirish;

13) Agentlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta huquqiy, moliyaviy, iqtisodiy va boshqa ekspertizadan oʻtkazish;

14) xizmat safarlarini qonunchilik hujjatlari talablariga toʻliq muvofiq ravishda amalga oshirish, xizmat safarlari asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanilishini taʼminlash;

15) tarkibiy boʻlinmalar xodimlari faoliyatining samaradorligi va natijadorligini tizimli tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

16) tarkibiy boʻlinma xodimlari tomonidan davlat fuqarolik xizmatchilarining odob-axloq qoidalari talablariga rioya etilishini taʼminlash;

17) korrupsiyaga oid qonunchilik hujjatlari talablariga muvofiq boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish boʻyicha Agentlik direktoriga taklif kiritish;

18) davlat xizmatlarining samaradorligi, sifatini oshirish va ulardan erkin foydalanishni taʼminlashga doir takliflarni Agentlik direktoriga kiritish;

19) jismoniy va yuridik shaxslarning murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan joylarga borib qabul qilish;

20) jismoniy va yuridik shaxslarning, jumladan, Oʻzbekiston Respublikasi Prezidentining Virtual qabulxonasidan kelib tushgan murojaatlarini oʻz vaqtida va toʻliq koʻrib chiqish;

21) davlat sirlari bilan ishlashda qonunchilik hujjatlari talablariga rioya qilish.

6-bob. Agentlik direktorining javobgarligi

16. Agentlik direktori:

ushbu Nizom va boshqa qonunchilik hujjatlarida belgilangan vazifalarni sifatli va oʻz muddatida bajarish, shuningdek, Agentlik faoliyatidagi kamchiliklarni bartaraf etish choralarini koʻrishga;

amalga oshirilayotgan dasturlar, strategiyalar va konsepsiyalarning natijalariga, ularning mamlakat va hududlarning innovatsion rivojlanishiga erishishga;

Agentlikda, uning tarkibiy boʻlinmalarida ijro intizomiga qatʼiy rioya qilishini nazorat qilishga masʼuldir.

17. Agentlik markaziy apparati boʻlinmalarining rahbarlari va idoraviy mansub tashkilotlar rahbarlari ularga yuklatilgan vazifa va funksiyalarning, shuningdek, oʻz funksional vazifalarining soʻzsiz bajarilishi uchun shaxsan javob beradi.

7-bob. Agentlik faoliyatini tashkil etish

1-§. Agentlik direktori

18. Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan Agentlik direktori rahbarlik qiladi.

19. Agentlikning markaziy apparati xodimlari, idoraviy mansub tashkilotlar rahbarlari Agentlik direktori tomonidan lavozimiga tayinlanadi va lavozimidan ozod etiladi.

20. Agentlik direktori Oʻzbekiston Respublikasi oliy taʼlim, fan va innovatsiyalar vaziri, Vazirlar Mahkamasiga Agentlik faoliyati toʻgʻrisida hisobot beradi.

2-§. Agentlikning markaziy apparati tarkibiy boʻlinmalarining Agentlikka idoraviy mansub tashkilotlar bilan oʻzaro hamkorligi tartibi

21. Agentlik markaziy apparati tarkibiy boʻlinmalari Agentlikka idoraviy mansub tashkilotlar bilan quyidagi masalalar boʻyicha uzviy hamkorlikni amalga oshiradi:

Oʻzbekiston Respublikasi Prezidenti Administratsiyasi, Oʻzbekiston Respublikasi Oliy Majlisi palatalari, Vazirlar Mahkamasi, Vazirlikning rahbariyati hamda Oʻzbekiston Respublikasi Oliy Majlisining deputatlari soʻrovlarining oʻz vaqtida bajarilishini, jismoniy va yuridik shaxslardan kelib tushgan murojaatlarning oʻz muddatida koʻrib chiqilishini taʼminlash;

Agentlikning idoraviy mansub tashkilotlarining respublika ijro etuvchi hokimiyat organlari hamda xoʻjalik birlashmalari boʻlinmalari bilan ilm-fan va innovatsiyalarni rivojlanish boʻyicha dasturlarni ishlab chiqishda oʻzaro aloqalarini taʼminlash;

hududlarda ilm-fanni va innovatsiyalarni rivojlanish dinamikasining tizimli monitoringini olib borish, hududlarni kompleks innovatsion rivojlanish dasturlari doirasida loyihalar va tadbirlarni amalga oshirish, ularni amalga oshirishda tizimli muammolarni aniqlash, ularni hal etish boʻyicha takliflarni oʻz vaqtida va sifatli ishlab chiqish;

davlat organlari tomonidan koʻrib chiqish va kelishish uchun taqdim etilgan normativ-huquqiy hujjatlar loyihalarini ekspertizadan oʻtkazish va ular boʻyicha xulosalar tayyorlash;

Agentlik markaziy apparati boʻlinmalarining unga idoraviy mansub tashkilotlar bilan oʻzaro hamkorligini taʼminlash markaziy apparat tarkibiy boʻlinmalarining rahbarlari tomonidan amalga oshiriladi.

22. Agentlikning markaziy apparat boʻlinmalari idoraviy mansub tashkilotlar bilan oʻzining faoliyat yoʻnalishi boʻyicha oʻzaro hamkorlik qilib:

idoraviy mansub tashkilotlarga topshiriqlarni yetkazadi va ularning ijrosini nazorat qiladi;

boʻlinmalarning bevosita faoliyatiga oid masalalar boʻyicha Agentlikning idoraviy mansub tashkilotlariga soʻrovnomalar yuboradi va ularning ijrosini nazorat qiladi;

monitoring, oʻrganishlar, zaruriyat tugʻilganda, oʻz vakolati doirasida tekshirishlar oʻtkazadi, Agentlikning idoraviy mansub tashkilotlar faoliyatini umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

Agentlikning idoraviy mansub tashkilotlari faoliyatini tashkil etish va natijalari haqidagi hisobot va axborot materiallari, statistik va boshqa maʼlumotlarni oʻrganishni tashkil etadi;

Agentlikning idoraviy mansub tashkilotlari ish rejalarini tahlil qiladi, ularning faoliyatini rejalashtirishni takomillashtirish boʻyicha chora-tadbirlarni koʻradi;

Agentlikning idoraviy mansub tashkilotlaridan kelib tushgan murojaatlarni koʻrib chiqadi;

innovatsion gʻoyalar, ishlanmalar va texnologiyalarni joriy etishni nazarda tutuvchi dastur va tadbirlarni sifatli ishlab chiqishda Agentlikning idoraviy mansub tashkilotlari ishtirokini tashkil etadi;

normativ-huquqiy hujjatlar loyihalarini tayyorlashda Agentlikning idoraviy mansub tashkilotlari ishtirokini tashkil etadi, Agentlik faoliyatiga oid qonunchilikni takomillashtirish boʻyicha ulardan kelib tushgan takliflarni koʻrib chiqadi.

23. Agentlikning idoraviy mansub tashkilotlari Agentlikning markaziy apparati tarkibiy boʻlinmalari bilan oʻzaro hamkorlik qiladi, shu jumladan:

Agentlik topshiriqlarining ijrosi toʻgʻrisida axborot beradi;

biriktirilgan sohadagi qonunchilik ijrosi yuzasidan faoliyat natijalari toʻgʻrisida markaziy apparatga axborot taqdim qiladi;

ularning faoliyatini monitoring, oʻrganish va tekshirish natijasida aniqlangan ishdagi kamchiliklar va qonun buzilishlarni bartaraf etish natijalari toʻgʻrisida axborot beradi;

innovatsion gʻoyalar, ishlanmalar va texnologiyalarni joriy etishni nazarda tutuvchi dasturlar va tadbirlarni ishlab chiqish toʻgʻrisida takliflar kiritadi;

oʻzining ish natijalari toʻgʻrisidagi hisobotlarni, shuningdek, mavjud muammolarni hal etishga qaratilgan takliflarni belgilangan tartibda va muddatlarda Agentlikning markaziy apparatiga taqdim etadi;

vakolatli organlar tomonidan oʻzining faoliyatida oʻtkazilgan tekshirish natijalari toʻgʻrisida xabardor qiladi.

24. Agentlikning markaziy apparati tarkibiy boʻlinmalari va uning idoraviy mansub tashkilotlarining oʻzaro hamkorlik jarayonida kelib chiqadigan kelishmovchiliklar direktor tomonidan koʻrib chiqiladi. Agar mazkur muhokamadan keyin kelishmovchiliklar tartibga solinmagan taqdirda, ular boʻyicha yakuniy qaror direktor tomonidan qabul qilinadi.

3-§. Agentlikning Hayʼati, ekspert va boshqa maslahat organlari

25. Agentlik faoliyatining asosiy yoʻnalishlarini tayyorlash va amalga oshirish, tarkibiy va hududiy boʻlinmalar, idoraviy mansub tashkilotlar rahbarlari hisobotlarining tizimli asosda eshitib borilishini tashkil etish, qonunchilik, Oʻzbekiston Respublikasi Prezidenti hujjatlari va Oʻzbekiston Respublikasi Hukumatining qarorlarida belgilangan vazifalarning oʻz vaqtida hamda sifatli amalga oshirilishini taʼminlash yuzasidan Agentlik tizimi rahbarlari va xodimlarining shaxsiy javobgarligini oshirish choralarini koʻrish maqsadida kollegial organ — Agentlik Hayʼati (keyingi oʻrinlarda — Hayʼat) tashkil etiladi.

Agentlik direktori (Hayʼat raisi), shuningdek, Agentlik faoliyatining asosiy yoʻnalishlarini muvofiqlashtiruvchi tarkibiy boʻlinmalar va tizimidagi tashkilotlar rahbarlaridan iborat Hayʼat tarkibi shakllantiriladi.

Hayʼat tarkibining soni va shaxsiy tarkibi Agentlik direktori taqdimnomasiga binoan Vazirlar Mahkamasi tomonidan tasdiqlanadi.

26. Hayʼat quyidagilar bilan bogʻliq masalalarni koʻrib chiqadi:

mazkur Nizom bilan belgilangan Agentlik faoliyatining asosiy yoʻnalishlarini amalga oshirish;

Oʻzbekiston Respublikasi Prezidenti, Vazirlar Mahkamasining hamda Oʻzbekiston Respublikasi oliy taʼlim, fan va innovatsiyalar vazirining vazifa va topshiriqlarini sifatli bajarish;

Agentlikning boshqa respublika va mahalliy ijro etuvchi hokimiyat organlari hamda xoʻjalik birlashmalari bilan oʻzaro hamkorligini taʼminlash;

Agentlik tizim tashkilotlar xodimlari va rahbarlarining qonunchilik hujjatlarida belgilangan vazifalarning oʻz vaqtida va sifatli bajarilishini taʼminlash uchun shaxsiy javobgarligini oshirish choralarini koʻrgan holda idoraviy mansub tashkilotlar rahbarlarining hisobotlari muntazam ravishda eshitilishini tashkil qilish;

Agentlik faoliyatining sohalari boʻyicha dasturlarning bajarilishi natijadorligini muntazam ravishda, lekin har chorakda kamida bir marta koʻrib chiqish;

Agentlik faoliyatiga oid masalalarni joyida muhokama qilishni taʼminlagan holda Hayʼatning kengaytirilgan sayyor majlislarini oʻtkazishni tashkil etish, shuningdek, yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

Oʻzbekiston Respublikasi Prezidenti, Vazirlar Mahkamasining qarorlari va topshiriqlari hamda Vazirning qarorlari, buyruqlari va topshiriqlari bilan belgilangan vazifalarning oʻz vaqtida va sifatli amalga oshirilishini taʼminlash uchun Agentlik rahbarlari va xodimlarining ijro intizomini mustahkamlash hamda shaxsiy javobgarligini oshirish;

Oʻzbekiston Respublikasi Hukumatiga kiritiladigan va respublika ijro etuvchi organi sifatida masʼul ijro etuvchi organ hisoblangan qonun loyihalari bilan bogʻliq masalalarni koʻrib chiqish.

27. Hayʼat majlisiga Agentlik vakolatlariga kiradigan masalalar boʻyicha davlat organlari va tashkilotlari rahbarlari taklif etilishi mumkin.

28. Hayʼat uning majlisida tarkibining yarmidan koʻpi qatnashgan taqdirda vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

29. Hayʼat qarorlari Agentlik direktorining buyruqlari bilan amalga oshiriladi.

30. Hayʼat faoliyatining tartibi Hayʼat tomonidan tasdiqlanadigan reglament bilan belgilanadi.

8-bob. Agentlik faoliyatining samaradorligini baholash mezonlari

31. Agentlikning samaradorligi muntazam baholanishi lozim.

32. Vazirlik Agentlik rahbarlari faoliyatini ularga yuklatilgan vazifalarning samarali bajarilishi yuzasidan doimiy monitoring qiladi.

33. Agentlikning samaradorligi va natijadorligiga berilgan baholar Agentlik faoliyatining samaradorligi va natijadorligini baholash mezonlari va ish indikatorlariga asoslanadi.

34. Agentlik faoliyatining samaradorligi va natijadorligini monitoring va baholash yakunlari boʻyicha:

Agentlik hamda tizim tashkilotlarining alohida oʻrnak koʻrsatgan rahbar va xodimlari ragʻbatlantirish (mukofotlash) yoki yoʻl qoʻyilgan jiddiy kamchilik uchun intizomiy javobgarlikka tortish va egallab turgan lavozimidan ozod etilishigacha boʻlgan choralari koʻriladi;

Agentlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.

35. Agentlik faoliyatining samaradorligi va natijadorligini baholash tartibi va uslubiyoti qonunchilik hujjatlarida belgilanadi.

9-bob. Agentlik faoliyatini moliyalashtirish va moddiy-texnik taʼminlash, uning xodimlari mehnatiga haq toʻlash va moddiy ragʻbatlantirish

36. Agentlik faoliyatini moliyalashtirish va moddiy-texnik jihatdan taʼminlash Oʻzbekiston Respublikasi Davlat budjeti va budjetdan tashqari mablagʻlari, Ilm-fanni moliyalashtirish va innovatsiyalarni qoʻllab-quvvatlash jamgʻarmasi hamda qonunchilik hujjatlari bilan taqiqlanmagan boshqa mablagʻlar hisobidan amalga oshiriladi.

37. Ilmiy-texnik axborot markazi, Xalqaro molekulyar allergologiya markazi, “Innovatsion rivojlanish nashriyot-matbaa uyi” DUK, “Yashnobod” innovatsiya texnoparki direksiyasi” DUK hamda Yoshlar texnoparklarini moliyalashtirish va moddiy-texnik taʼminlash hamda saqlash xarajatlari ularning xoʻjalik faoliyatidan tushgan daromadlarini inobatga olgan holda Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan amalga oshiriladi.

38. Agentlik va tizim tashkilotlari xodimlarining ish haqi lavozim maoshi, mukofot pullari, qoʻshimcha haqlar, ustamalar va qonunchilik hujjatlarida nazarda tutilgan boshqa toʻlovlardan iborat.

Agentlik va tegishli tizim tashkilotlari xodimlarining lavozim maoshlariga har oylik ustamalar, mukofotlar, ragʻbatlantirishlar, ularga moddiy yordam berish va ijtimoiy muhofaza qilish xarajatlari davlat budjeti xarajatlar smetasida nazarda tutilgan mablagʻlar va budjetdan tashqari mablagʻlar hamda Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan amalga oshiriladi.

39. Agentlik va tizim tashkilotlari xodimlarining lavozim maoshiga oylik ustamalar, mukofotlar, ragʻbatlantirishlar va moddiy yordam berish, ularni ijtimoiy muhofaza qilish bilan bogʻliq toʻlovlar quyidagi maqsadlar va shakllarda amalga oshiriladi:

a) Agentlik va tizim tashkilotlari xodimlarini moddiy ragʻbatlantirish uchun quyidagi ustamalar toʻlanadi:

xodimlarning funksional vazifalarini bajarishi, bilim darajasi, kasbiy qobiliyatlarini inobatga olgan holda lavozim maoshining 400 foiz (tizim tashkilot xodimlari lavozim maoshining 250 foiz) miqdorlarida xodimlarning oylik lavozim maoshlariga (ragʻbatlantirish koeffitsiyentini inobatga olgan holda) belgilanadigan ustama;

xodimning ilmiy darajaga ega boʻlganligi uchun oylik ustamalari fan nomzodi yoki tegishli fan yoʻnalishlari boʻyicha falsafa doktori (PhD) — lavozim maoshiga nisbatan 30 foiz, fan doktori (DSc) — lavozim maoshiga nisbatan 60 foiz (ragʻbatlantirish koeffitsiyentlarni hisobga olgan holda) miqdorida ustama;

Agentlik uchun muhim boʻlgan yoʻnalishlarda ijobiy natijalar yoki yuqori yutuqlarga erishishda munosib hissa qoʻshganligi, alohida oʻrnak koʻrsatganligi yuzasidan yuqori turuvchi organlar topshirigʻi yoki tarkibiy boʻlinma rahbarlarining bildirgisi (koʻrsatmasi)ga koʻra mehnatga haq toʻlashning eng kam miqdorining oʻn baravarigacha (tizim tashkilot xodimlariga mehnatga haq toʻlashning eng kam miqdorining yetti baravarigacha) bir oylik davrda bir martalik ustama;

Ilm-fanni moliyalashtirish va innovatsiyalarni qoʻllab-quvvatlash jamgʻarmasidan Agentlikka ajratiladigan mablagʻlar hisobidan koʻp yillik mehnati uchun har oylik ustama. Bunda ustama lavozim maoshiga nisbatan, ragʻbatlantirish koeffitsiyentini inobatga olgan holda, mehnat staji 2 yildan 5 yilgacha boʻlsa 0,1 koeffitsiyentda, 5 yildan 10 yilgacha — 0,2 koeffitsiyentda, 10 yildan 15 yilgacha — 0,3 koeffitsiyentda, 15 yildan 20 yilgacha — 0,4 koeffitsiyentda, 20 yildan 25 yilgacha — 0,5 koeffitsiyentda, 25 yildan yuqori — 0,6 koeffitsiyentda qoʻllaniladi;

b) har chorak yakunlari boʻyicha quyidagi miqdorlarda moddiy ragʻbatlantirish toʻlovlari toʻlanadi:

Agentlikning budjet mablagʻlari hisobidan shakllangan shtatlardagi xodimlarga budjet mablagʻlari hisobidan lavozim maoshining (ragʻbatlantirish koeffitsiyentini hisobga olgan holda) 50 foizigacha va budjetdan tashqari mablagʻlar hisobidan lavozim maoshining (ragʻbatlantirish koeffitsiyentini hisobga olgan holda) 150 foizigacha;

Agentlikning budjetdan tashqari mablagʻlar hisobidan shakllangan shtatlardagi xodimlarga budjetdan tashqari mablagʻlar hisobidan lavozim maoshining (ragʻbatlantirish koeffitsiyentini hisobga olgan holda) 200 foizigacha;

tizim tashkilotlari xodimlariga budjetdan tashqari mablagʻlar hisobidan lavozim maoshining (ragʻbatlantirish koeffitsiyentini hisobga olgan holda) 100 foizigacha;

v) Oʻzbekiston Respublikasi davlat bayram kunlari hamda muhim sanalar uchun ragʻbatlantirish Agentlik xodimlariga mehnatga haq toʻlashning eng kam miqdorining oʻn baravarigacha (tizim tashkiloti xodimlariga mehnatga haq toʻlashning eng kam miqdorining yetti baravarigacha);

g) Agentlik va uning tizim tashkilotlari xodimlarini ijtimoiy himoya qilish uchun:

alohida holatlar (oila aʼzosining vafoti, oʻzining yoki farzandining nikoh toʻyi, xodimning farzandli boʻlishi, yubiley sanalari (50, 60, 70 yoshlar) munosabati bilan mehnatga haq toʻlashning eng kam miqdorining oʻn baravarigacha (tizim tashkilotlari xodimlariga mehnatga haq toʻlashning eng kam miqdorining yetti baravarigacha) boʻlgan miqdorida moddiy yordam berishga;

qishloq xoʻjaligi mahsulotlari xarid qilish uchun bir yoʻla mehnatga haq toʻlashning eng kam miqdorining oʻn baravarigacha (tizim tashkilotlari xodimlariga mehnatga haq toʻlashning eng kam miqdorining yetti baravarigacha) boʻlgan miqdorida moddiy yordam berishga;

xodim ogʻir betob boʻlganida (baxtsiz hodisa sababli, kasallik) va xodim vafot etgan hollarda xodim oʻrtacha oylik ish haqining besh baravarigacha (tizim tashkilotlari xodimlariga oʻrtacha oylik ish haqining uch baravarigacha) moddiy yordam berishga;

xizmat avtomobiliga ega boʻlmagan Agentlik va tizim tashkilotlari xodimlari uchun yoʻlkira haqiga har oyda bazaviy hisoblash miqdorining uch baravari miqdorida kompensatsiya toʻlashga;

Agentlik va tizim tashkilotlari xodimlarini ijtimoiy muhofaza qilish va ularning mehnati samaradorligini oshirish maqsadida har oyda ovqatlanish xarajatlarini qisman qoplash uchun bazaviy hisoblash miqdorining uch baravari miqdorida kompensatsiya toʻlashga ruxsat etiladi.

40. Agentlik va tizim tashkilotlari rahbar va xodimlarining lavozim maoshlariga har oylik shaxsiy ustamalar va choraklik ragʻbatlantirishlar miqdorini belgilash quyidagicha amalga oshiriladi:

Agentlik direktoriga — Oliy taʼlim, fan va innovatsiyalar vazirligi tomonidan;

Agentlik xodimlari va Agentlikning tizim tashkilotlari rahbarlariga — Agentlik direktori tomonidan;

Agentlik tizim tashkilotlari xodimlariga — tegishli tizim tashkiloti rahbarining buyrugʻiga muvofiq belgilanadi.

41. Budjet va budjetdan tashqari mablagʻlar hisobidan moddiy ragʻbatlantirish xarajatlari:

Agentlik xodimlari uchun — Agentlik direktorining buyrugʻiga muvofiq;

Agentlikning tizim tashkilotlari xodimlari uchun — tegishli tizim tashkiloti rahbarining buyrugʻiga muvofiq amalga oshiriladi.

42. Agentlik, uning tizim tashkilotlari xodimlarining ish haqlarini toʻlash va moddiy ragʻbatlantirishni amalga oshirishning manbasi boʻlib mehnatga haq toʻlash fondi, budjet va budjetdan tashqari mablagʻlari (Ilm-fanni moliyalashtirish va innovatsiyalarni qoʻllab-quvvatlash jamgʻarmasi), hamda qonunchilik hujjatlarida taqiqlanmagan boshqa manbalar hisoblanadi.

10-bob. Yakunlovchi qoida

43. Agentlikni qayta tashkil etish va tugatish qonunchilikda belgilangan tartibda amalga oshiriladi.

Vazirlar Mahkamasining 2024-yil 8-avgustdagi 489-son qaroriga 3-ILOVA

Oʻzbekiston Respublikasi Oliy taʼlim, fan va innovatsiyalar vazirligi tizimidagi davlat oliy taʼlim tashkilotlarining

T/r Davlat oliy taʼlim tashkiloti nomi 1. Zahiriddin Muhammad Bobur nomidagi Andijon davlat universiteti 2. Andijon davlat chet tillari instituti 3. Andijon davlat texnika instituti 4. Buxoro davlat universiteti 5. Buxoro davlat texnika universiteti 6. Guliston davlat universiteti 7. Jizzax politexnika instituti 8. Qarshi davlat universiteti 9. Qarshi davlat texnika universiteti 10. Berdaq nomidagi Qoraqalpoq davlat universiteti 11. Qoʻqon davlat universiteti 12. Navoiy davlat universiteti 13. Namangan davlat universiteti 14. Namangan davlat texnika universiteti 15. Nukus davlat texnika universiteti 16. Sharof Rashidov nomidagi Samarqand davlat universiteti 17. Samarqand davlat texnika universiteti 18. Samarqand davlat chet tillar instituti 19. Samarqand iqtisodiyot va servis instituti 20. Termiz davlat universiteti 21. Denov tadbirkorlik va pedagogika instituti 22. Termiz davlat muhandislik va agrotexnologiyalar universiteti 23. Toshkent arxitektura-qurilish universiteti 24. Toshkent davlat iqtisodiyot universiteti 25. Islom Karimov nomidagi Toshkent davlat texnika universiteti 26. Olmaliq davlat texnika instituti 27. Alisher Navoiy nomidagi Toshkent davlat oʻzbek tili va adabiyoti universiteti 28. Toshkent davlat sharqshunoslik universiteti 29. “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti 30. Toshkent kimyo-texnologiya instituti 31. Toshkent kimyo-texnologiya instituti Yangiyer filiali 32. Toshkent toʻqimachilik va yengil sanoat instituti 33. Oʻzbekiston davlat jahon tillari universiteti 34. Oʻzbekiston jurnalistika va ommaviy kommunikatsiyalar universiteti 35. Mirzo Ulugʻbek nomidagi Oʻzbekiston Milliy universiteti 36. Mirzo Ulugʻbek nomidagi Oʻzbekiston Milliy universiteti Jizzax filiali 37. Abu Rayhon Beruniy nomidagi Urganch davlat universiteti 38. Fargʻona davlat universiteti 39. Fargʻona davlat texnika universiteti 40. “Toshtech” texnika universiteti

Vazirlar Mahkamasining 2024-yil 8-avgustdagi 489-son qaroriga 4-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlarining

1. Vazirlar Mahkamasining “Oʻzbekiston Respublikasi Oliy va oʻrta maxsus taʼlim vazirligi faoliyatini takomillashtirish toʻgʻrisida” 2004-yil 20-iyuldagi 341-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Fan va texnologiyalar rivojlanishini muvofiqlashtirish va boshqarishni takomillashtirish chora-tadbirlari toʻgʻrisida” 2006-yil 7-avgustdagi PQ-436-son qarori)” 2006-yil 2-oktabrdagi 207-son qaroriga 1-ilovaning 18-bandi .

3. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida” 2010-yil 5-iyundagi 108-son qaroriga ilovaning 47-bandi .

4. Vazirlar Mahkamasining “Oʻzbekiston Respublikasi Vazirlar Mahkamasining “Oʻzbekiston Respublikasi Oliy va oʻrta maxsus taʼlim vazirligi faoliyatini takomillashtirish toʻgʻrisida” 2004-yil 20-iyuldagi 341-son qaroriga oʻzgartirish va qoʻshimchalar kiritish haqida” 2011-yil 26-yanvardagi 18-son qarori .

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Jismoniy va yuridik shaxslarning murojaatlari toʻgʻrisida” 2014-yil 3-dekabrdagi OʻRQ-378-son Qonuni)” 2015-yil 31-martdagi 74-son qaroriga ilovaning 3-bandi .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Yoʻl xoʻjaligini boshqarish tizimini yanada takomillashtirish chora-tadbirlari toʻgʻrisida” 2017-yil 14-fevraldagi PF-4954-son Farmoni)” 2017-yil 7-iyuldagi 472-son qaroriga 1-ilovaning 3-bandi .

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Taʼlim va tibbiyot muassasalarini moliyalashtirish mexanizmini hamda davlat moliyaviy nazorati tizimini yanada takomillashtirish toʻgʻrisida” 2017-yil 21-avgustdagi PQ-3231-son qarori)” 2017-yil 30-dekabrdagi 1039-son qaroriga ilovaning 1-bandi.

8. Vazirlar Mahkamasining “Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi toʻgʻrisidagi nizomni tasdiqlash haqida” 2019-yil 26-fevraldagi 172-son qarorining 2-bandi va 2-ilovasi .

9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Axborot sohasi va ommaviy kommunikatsiyalarni yanada rivojlantirishga oid qoʻshimcha chora-tadbirlar toʻgʻrisida” 2019-yil 2-fevraldagi PF-5653-son Farmoni va Oʻzbekiston Respublikasi Prezidentining “Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi faoliyatini tashkil etish toʻgʻrisida” 2019-yil 2-fevraldagi PQ-4151-son qarori)” 2019-yil 3-iyundagi 457-son qaroriga 1-ilovaning 10-bandi .

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Oʻzbekiston Respublikasi Vazirlar Mahkamasi toʻgʻrisida” 2019-yil 10-dekabrdagi OʻRQ-591-son Qonuni)” 2020-yil 16-apreldagi 234-son qaroriga ilovaning 2-bandi .

11. Vazirlar Mahkamasining “Umumiy oʻrta va oʻrta maxsus taʼlim muassasalari reytingini aniqlash chora-tadbirlari toʻgʻrisida” 2021-yil 3-iyundagi 345-son qaroriga 3-ilovaning 7-bandi .

12. Vazirlar Mahkamasining “Ilmiy va innovatsion faoliyatni boshqarish tizimini tashkil etish chora-tadbirlari toʻgʻrisida” 2021-yil 27-avgustdagi 545-son qarorining 1-bandi va 1-ilovasi .

13. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 122-bandi .

Oʻzbekiston Respublikasining Bosh vaziri A. ARIPOV

Toshkent sh.,

2024-yil 8-avgust,

489-son

(Qonunchilik maʼlumotlari milliy bazasi, 08.08.2024-y., 09/24/489/0599-son; 06.08.2025-y., 09/25/498/0698-son; 08.08.2025-y., 09/25/504/0707-son; 03.07.2026-y., 09/26/353/0680-son)

lex.uz