UzbekAI

Ўзбекистон Республикаси Вазирлар Маҳкамасининг

қарори

НИЗОМ

НИЗОМ

РЎЙХАТИ

Ўзбекистон Республикаси Оила ва хотин-қизлар қўмитаси фаолиятини тартибга солиш соҳасидаги айрим норматив-ҳуқуқий ҳужжатларни тасдиқлаш тўғрисида

Ўзбекистон Республикаси Президентининг 2023 йил 21 декабрда қабул қилинган «Оила ва хотин-қизлар қўмитасининг фаолиятини такомиллаштиришга оид қўшимча чора-тадбирлар тўғрисида»ги ПФ-208-сон Фармони ҳамда «Оилаларни мустаҳкамлаш ва хотин-қизларнинг фаоллигини ошириш бўйича қўшимча чора-тадбирлар тўғрисида»ги ПҚ-401-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг 2023 йил 21 декабрдаги ПФ-208-сон Фармони билан Ўзбекистон Республикаси Оила ва хотин-қизлар қўмитасининг (кейинги ўринларда — Қўмита) бўйсунуви Камбағалликни қисқартириш ва бандлик вазирлигидан Вазирлар Маҳкамасига ўтказилганлиги маълумот учун қабул қилинсин.

2. Қуйидагиларни назарда тутувчи Ўзбекистон Республикаси Оила ва хотин-қизлар қўмитаси тўғрисидаги низом 1-иловага мувофиқ тасдиқлансин:

Қўмитанинг мақоми, асосий вазифалари ва функциялари, ҳуқуқлари ва жавобгарлиги, шунингдек, унинг фаолиятини ташкил этиш тартиби;

Қўмита раҳбариятининг ҳамда ҳудудий бўлинмаларининг асосий функционал вазифалари ва жавобгарлиги;

Қўмита фаолиятини молиялаштириш, унинг ходимлари меҳнатига ҳақ тўлаш ва моддий рағбатлантириш тартиби.

3. Ўзбекистон Республикаси Оила ва хотин-қизлар қўмитаси ҳузурида юридик шахс бўлмаган Ўзбекистон Республикаси Оила ва хотин-қизлар қўмитасини ривожлантириш ва ходимларини моддий рағбатлантириш жамғармаси (кейинги ўринларда — Жамғарма) ташкил этилсин.

4. Ўзбекистон Республикаси Оила ва хотин-қизлар қўмитасини ривожлантириш ва ходимларини моддий рағбатлантириш жамғармаси тўғрисидаги низом 2-иловага мувофиқ тасдиқлансин.

5. Белгилансинки, 2024 йилдан бошлаб ҳар йили Давлат бюджети параметрларида Жамғарма учун 15 млрд сўмгача миқдорда маблағ ажратиш назарда тутилади.

6. Иқтисодиёт ва молия вазирлиги Қўмита билан биргаликда мазкур қарор ижроси юзасидан 2024 йил учун тасдиқланган харажатлар сметасига тегишли ўзгартириш киритилишини таъминласин.

7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари маҳаллий бюджет маблағлари ва қонунчилик ҳужжатлари билан тақиқланмаган бошқа манбалар ҳисобидан Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари, туман (шаҳар) оила ва хотин-қизлар бўлимларининг моддий-техник базасини мустаҳкамлаш чораларини кўрсин.

8. Ўзбекистон Республикаси Ҳукуматининг баъзи қарорлари 3-иловага мувофиқ ўз кучини йўқотган деб ҳисоблансин.

9. Қўмита манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари З.Б. Махкамова зиммасига юклансин.

Вазирлар Маҳкамасининг 2024 йил 12 августдаги 500-сон қарорига 1-ИЛОВА

Ўзбекистон Республикаси Оила ва хотин-қизлар қўмитаси тўғрисида

1-боб. Умумий қоидалар

1. Ушбу Низом Ўзбекистон Республикаси Оила ва хотин-қизлар қўмитасининг (кейинги ўринларда — Қўмита) мақоми, асосий вазифалари ва функциялари, ҳуқуқлари ва жавобгарлигини, шунингдек, фаолиятини ташкил этиш ва ҳисобот бериш тартибини белгилайди.

2. Қўмита оила ва хотин-қизларни қўллаб-қувватлаш, уларнинг ҳуқуқ ва қонуний манфаатларини ҳимоя қилиш соҳасидаги ягона давлат сиёсатини юритадиган алоҳида мақомга эга республика ижро этувчи ҳокимият органи ҳисобланади ҳамда ўз фаолиятида Ўзбекистон Республикаси Вазирлар Маҳкамасига (кейинги ўринларда — Вазирлар Маҳкамаси) бўйсунади.

3. Қўмита ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу Низомга ва бошқа қонунчилик ҳужжатларига амал қилади.

4. Қўмита ўз фаолиятини республика ва маҳаллий ижро этувчи ҳокимият органлари, хўжалик бирлашмалари ва бошқа ташкилотлар билан ҳамкорликда амалга оширади.

5. Қўмитанинг ўз ваколатлари доирасида қабул қилган қарорлари давлат органлари, маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шунингдек, фуқаролар томонидан бажарилиши мажбурий ҳисобланади.

6. Қўмита, Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари юридик шахс ҳисобланади, Ўзбекистон Республикаси Давлат герби тасвири туширилган муҳрга ва бланкаларга, ўз логотипига, мустақил балансига, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида миллий ва хорижий валюталарда шахсий ғазна ҳисобварақларига эга бўлади.

Қўмитанинг туман (шаҳар) бўлимлари Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари орқали марказлашган тарзда молиялаштирилади.

7. Қўмитанинг расмий номи:

а) давлат тилида:

тўлиқ номи — Ўзбекистон Республикаси Оила ва хотин-қизлар қўмитаси, қисқартирилган номи — Оила ва хотин-қизлар қўмитаси;

б) рус тилида:

тўлиқ номи — Комитет семьи и женщин Республики Узбекистан, қисқартирилган номи — Комитет семьи и женщин;

в) инглиз тилида:

тўлиқ номи — The Committee on Family and Women of the Republic of Uzbekistan, қисқартирилган номи — The Committee on Family and Women.

8. Қўмитанинг жойлашган жойи (почта манзили): 100000, Тошкент шаҳри, Мирзо Улуғбек тумани, Исмоилий кўчаси, 1 Г-уй.

2-боб. Қўмитанинг тузилмаси

9. Қўмита тизимига қуйидагилар киради:

Қўмитанинг марказий аппарати;

Қорақалпоғистон Республикаси Оила ва хотин-қизлар қўмитаси, вилоятлар ҳамда Тошкент шаҳар оила ва хотин-қизлар бошқармалари (кейинги ўринларда — ҳудудий бошқармалар);

туман (шаҳар) оила ва хотин-қизлар бўлимлари (кейинги ўринларда — туман (шаҳар) бўлимлари);

Оила ва гендер илмий-тадқиқот институти;

Оила ва хотин-қизларни қўллаб-қувватлаш давлат мақсадли жамғармаси;

республика ва ҳудудий «Хотин-қизлар тадбиркорлик марказлари»;

Зулфия номидаги Давлат мукофоти комиссияси;

маҳалладаги хотин-қизлар фаоллари;

«Олима аёллар» жамияти;

«Саодат» журнали, «Марказий Осиёда жамият, гендер ва оила» халқаро илмий журнали таҳририяти.

10. Ҳудудий бошқармалар Қўмитага ҳамда тегишлича Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига ҳисобот беради.

Туман (шаҳар) бўлимлари тегишли ҳудудий бошқармалар ва туман (шаҳар) ҳокимликларига ҳисобот беради.

Оила ва гендер илмий-тадқиқот институти, Оила ва хотин-қизларни қўллаб-қувватлаш давлат мақсадли жамғармаси, республика ва ҳудудий «Хотин-қизлар тадбиркорлик марказлари», Зулфия номидаги Давлат мукофоти комиссияси, «Саодат» журнали, «Марказий Осиёда жамият, гендер ва оила» халқаро илмий журнали таҳририяти Қўмитага ҳисобот беради.

Қўмита иқтидорли хотин-қизларни қўллаб-қувватлаш масаласида «Олима аёллар» жамияти билан ўзаро ҳамкорлик қилади.

3-боб. Қўмита ва унинг ҳудудий бўлинмаларининг асосий вазифалари ва функциялари

11. Қуйидагилар Қўмитанинг асосий вазифалари ҳисобланади:

хотин-қизларни қўллаб-қувватлаш тизимини кучайтириш, уларнинг ижтимоий-сиёсий фаоллигини ошириш, ҳуқуқларини ҳимоя қилиш ва қонуний манфаатларини ифодалаш;

эркаклар ва хотин-қизларнинг тенг ҳуқуқ ҳамда имкониятларини таъминлаш, хотин-қизлар ва оилани ҳар томонлама қўллаб-қувватлашга оид қонунчилик ҳужжатларини такомиллаштириш бўйича таклифлар ишлаб чиқиш;

давлат хизмати, таълим, илм-фан ва инновация, спорт, соғлиқни сақлаш ҳамда бошқа ижтимоий-иқтисодий соҳаларда хотин-қизларни қўллаб-қувватлаш бўйича чора-тадбирларни ишлаб чиқиш ва амалга ошириш;

иқтидорли хотин-қизларни аниқлаш ва қўллаб-қувватлаш тизимини такомиллаштириш;

хотин-қизларнинг касбий кўникмаларини ошириш, муносиб иш топишига кўмаклашиш, тадбиркорлигини ривожлантириш;

оила аъзоларининг ҳуқуқий маданиятини ошириш, улар ўртасида ҳуқуқбузарликларнинг олдини олиш, ижтимоий ходим ва бошқа давлат хизматчилари билан ҳамкорликда хотин-қизларни тазйиқ ва зўравонликлардан ҳимоя қилиш;

оилаларда соғлом турмуш тарзини шакллантириш, соғлом овқатланиш ҳамда репродуктив саломатлик қоидаларини оммалаштириш;

оила институтини мустаҳкамлаш, ижтимоий-маънавий муҳит барқарорлигини таъминлаш, умуминсоний ва миллий қадриятларни тарғиб қилиш;

миграциядан қайтган, жазони ижро этиш муассасаларидан озод этилган, оғир ижтимоий вазиятга тушиб қолган хотин-қизларнинг ижтимоий мослашувига, улар билан манзилли ишлаш орқали зарур ёрдамлар олишларига кўмаклашиш;

кейс менежментни қўллаган ҳолда, ижтимоий ҳимояга муҳтож хотин-қизларни аниқлаш ҳамда улар билан манзилли ишлаш;

ўзига юкланган вазифаларни ўз вақтида ва сифатли амалга ошириш учун давлат ташкилотлари, халқаро молия институтлари ҳамда фуқаролик жамияти институтлари билан яқиндан ҳамкорлик ўрнатиш;

маҳаллалардаги хотин-қизлар фаоллари фаолиятини мувофиқлаштириш ва уларга бириктирилган жамоатчилик тузилмалари билан ҳамкорликни таъминлаш.

12. Қўмита ўзига юкланган вазифаларга мувофиқ қуйидаги функцияларни амалга оширади:

а) хотин-қизларни қўллаб-қувватлаш тизимини кучайтириш, уларнинг ижтимоий-сиёсий фаоллигини ошириш, ҳуқуқларини ҳимоя қилиш ва қонуний манфаатларини ифодалаш соҳасида:

хотин-қизларни қўллаб-қувватлашга доир давлат сиёсатининг самарали ижросини таъминлаш, уларнинг ҳуқуқлари ва қонуний манфаатларини ҳимоя қилиш ҳамда хотин-қизларнинг ижтимоий-сиёсий ҳаётдаги роли ва фаоллигини ошириш бўйича таклифлар ишлаб чиқади ва тегишли чора-тадбирларни амалга оширади;

хотин-қизларни оила, маҳалла ва меҳнат жамоаларида ижтимоий-ҳуқуқий жиҳатдан қўллаб-қувватлаш, уларнинг ижтимоий-сиёсий фаоллигини ошириш бўйича мақсадли чора-тадбирларни амалга оширишда Қўмитанинг ҳудудий бўлинмалари ишини самарали ташкил этиш чораларини кўради;

хотин-қизларнинг ижтимоий-сиёсий фаоллигини ошириш, уларни қўллаб-қувватлашга доир ислоҳотларнинг мазмун-моҳияти ва аҳамиятини аҳоли ўртасида кенг тарғиб қилади;

оилалар ва хотин-қизлар, айниқса, оғир ижтимоий аҳволга тушиб қолган оилалар ва хотин-қизларни ижтимоий ҳамда моддий қўллаб-қувватлаш, шунингдек, уларнинг таълим олиш имкониятларини кенгайтириш ва эҳтиёжлари қондирилишида ҳар томонлама ёрдам беришни ташкил этади;

хотин-қизлар ҳуқуқлари ва қонуний манфаатларини кўзлаб, судларга ариза (шикоят) ва даъволарни киритади;

хотин-қизлар ҳуқуқларини ҳимоя қилиш соҳасида ижтимоий шериклик тизимини ривожлантиришга, республика ва маҳаллий ижро этувчи ҳокимият органлари билан ҳамкорлик тамойилларининг амалга оширилишига кўмаклашади;

жамият ва давлат ҳаётида фаоллик ва ташаббускорлик кўрсатган, ўзининг самарали меҳнати билан оиланинг тотувлиги ва фаровонлиги мустаҳкамланишига, оналик ва болалик муҳофазасига муносиб ҳисса қўшган, шунингдек, соғлом ва баркамол авлодни вояга етказиш, Ватанга садоқат руҳида тарбиялаш, жойларда маънавий-ахлоқий муҳитни соғломлаштириш ва миллий қадриятларни кенг тарғиб этиш борасида ибратли фаолият олиб бораётган хотин-қизларни «Мўътабар аёл» кўкрак нишони билан тақдирлаш ишларини ташкил этади;

хотин-қизлар ўртасида ҳар йили уларнинг мамлакат ижтимоий-сиёсий ҳаётидаги ўрни ва фаоллигини оширишга қаратилган турли кўрик-танловларни ташкил этади;

идоравий мансуб ташкилотлар фаолиятига умумий раҳбарлик қилади, уларнинг фаолиятини таҳлил қилади, мувофиқлаштиради, мазкур ташкилотлар раҳбарлари билан ҳамкорликда уларнинг самарали ишлашини таъминлайди;

Ўзбекистон Республикаси Президенти ва Вазирлар Маҳкамаси топшириқларига биноан ҳамда ўз ташаббусига кўра норматив-ҳуқуқий ҳужжатлар лойиҳаларини ишлаб чиқади ва белгиланган тартибда кўриб чиқиш учун киритади;

фаолиятнинг белгиланган соҳасига тегишли масалалар бўйича ҳужжатлар қабул қилади;

Ўзбекистон Республикаси Олий Мажлиси Қонунчилик палатаси ва Сенати, Ўзбекистон Республикаси Президенти Администрацияси, Вазирлар Маҳкамасига хотин-қизларни қўллаб-қувватлаш тизимини кучайтириш, уларнинг ижтимоий-сиёсий фаоллигини ошириш, ҳуқуқларини ҳимоя қилиш ва қонуний манфаатларини ифодалаш билан боғлиқ норматив-ҳуқуқий базани такомиллаштириш бўйича таклифларни кўриб чиқиш учун киритади;

вазирликлар ва идоралар, хўжалик бирлашмаларининг оила ва хотин-қизлар масалалари билан боғлиқ муносабатларни тартибга солувчи норматив-ҳуқуқий ҳужжатлари, ривожлантириш дастурлари лойиҳаларини келишади;

ўз ваколати доирасида республикани ижтимоий-иқтисодий ривожлантириш дастурлари лойиҳаларини ишлаб чиқишда иштирок этади;

б) эркаклар ва хотин-қизларнинг тенг ҳуқуқ ҳамда имкониятларини таъминлаш, хотин-қизлар ва оилани ҳар томонлама қўллаб-қувватлашга оид қонунчилик ҳужжатларини такомиллаштириш бўйича таклифлар ишлаб чиқиш соҳасида:

жамият ҳаётининг барча соҳаларида хотин-қизлар ва эркаклар учун тенг ҳуқуқ ҳамда имкониятларга эришишга қаратилган ягона давлат сиёсати амалга оширилишини таъминлашда иштирок этади;

қонунчиликда белгиланган хотин-қизлар ва эркаклар учун тенг ҳуқуқ ҳамда имкониятлар кафолатларини таъминлаш чораларини кўради;

хотин-қизлар ва эркаклар учун тенг ҳуқуқ ҳамда имкониятларни таъминлаш соҳасидаги давлат дастурларини, миллий ҳаракатлар режаларини ва стратегияларни ишлаб чиқиш ҳамда амалга оширишда иштирок этади;

қонунчиликда белгиланган хотин-қизлар ва эркаклар учун тенг ҳуқуқ ҳамда имкониятлар кафолатларини бериш тўғрисидаги статистика маълумотлари ва ахборотларни тўплаш ҳамда таҳлил қилишни ташкил этади;

республика ижро этувчи ҳокимият органларига, ташкилотларга ва уларнинг мансабдор шахсларига хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисидаги қонунчиликнинг бузилишлари, шунингдек, уларни келтириб чиқарувчи сабаблар ва шарт-шароитларни бартараф этиш юзасидан чоралар кўриш ҳақида кўриб чиқилиши мажбурий бўлган тақдимномалар киритади;

қонунчиликда белгиланган хотин-қизлар ва эркаклар учун тенг ҳуқуқ ҳамда имкониятларни таъминлаш бўйича таклифлар ишлаб чиқади;

зарур ҳолларда, хотин-қизлар ва эркаклар учун тенг ҳуқуқ ҳамда имкониятларни таъминлаш масалалари бўйича давлат органлари, илмий муассасалар ва бошқа ташкилотларнинг раҳбарлари ҳамда мутахассисларини жалб қилади, ишчи гуруҳлар тузади ва тегишли чора-тадбирлар ишлаб чиқади;

Ўзбекистон Республикаси томонидан хотин-қизлар ҳуқуқларига оид халқаро ҳужжатларнинг муҳокама қилинишида, шунингдек, гендер тенглик, аёллар масалалари билан шуғулланувчи ташкилотларнинг ҳуқуқлари ва фаолиятининг кафолатларини кенгайтириш, ёшларга ва ижтимоий соҳаларга оид бошқа масалалар юзасидан норматив-ҳуқуқий ҳужжатларнинг ишлаб чиқилишида иштирок этади;

в) давлат хизмати, таълим, илм-фан ва инновация, спорт, соғлиқни сақлаш ҳамда бошқа ижтимоий-иқтисодий соҳаларда хотин-қизларни қўллаб-қувватлаш бўйича чора-тадбирларни ишлаб чиқиш ва амалга ошириш соҳасида:

олий таълим ва илмий-тадқиқот муассасалари билан ҳамкорликда хотин-қизларни илм-фанга кенг жалб этиш, улар ўртасида инновацияларни ривожлантиришга оид чора-тадбирларни амалга оширади;

узлуксиз таълим тизимини ривожлантириш, хотин-қизлар ва эркакларни бутун умр давомида ўқишга бўлган имкониятларини рағбатлантириш, ижтимоий ҳимояга муҳтож хотин-қизларни олий таълим билан қамраб олишни кенгайтиришга кўмаклашади;

хотин-қизларни илмий фаолиятга кенг жалб қилиш, уларнинг замонавий ахборот-коммуникация технологияларига асосланган дастурий ишланмаларини, инновацион ғояларини, ихтирочилик, рационализаторлик фаолиятини қўллаб-қувватлашга қаратилган тадбирларни амалга оширади;

мактабгача таълим, умумий ўрта таълим, соғлиқни сақлаш ҳамда эркаклар улуши кам бўлган бошқа соҳаларга аёллар билан тенг равишда эркакларни жалб қилишга доир фаолиятни қўллаб-қувватлаш борасида таклифлар ишлаб чиқади;

хотин-қизлар томонидан яратилган инновацион ғоялар, технологиялар ва ишланмаларни кенг тарғиб қилиш мақсадида халқаро ва республика миқёсидаги форум, конференция, симпозиум, семинар, танлов ва кўргазмалар ташкил қилиш ҳамда уларда хотин-қизларнинг ўз инновацион лойиҳалари натижалари билан иштирок этиш чора-тадбирларини амалга оширади;

давлат органлари, халқаро донорлар, йирик корхона ва бошқа ташкилотлар томонидан долзарб мавзулардаги лойиҳаларни молиялаштириш мақсадида ўтказиладиган танловларда хотин-қизларнинг ўз лойиҳалари билан иштирок этишларини тарғиб қилади;

олима, тадқиқотчи, ихтирочи ва тадбиркор хотин-қизлар томонидан амалга оширилаётган ишлар натижалари юзасидан кенг оммани хабардорлигини ошириш бўйича турли тадбирлар ташкил этади;

г) иқтидорли хотин-қизларни аниқлаш ва қўллаб-қувватлаш тизимини такомиллаштириш соҳасида:

иқтидорли хотин-қизларни аниқлаш, уларнинг қобилиятларини тўғри йўналтириш бўйича оила, маҳалла, таълим муассасалари ҳамда меҳнат жамоалари билан ўзаро ҳамкорлик механизмини йўлга қўяди;

иқтидорли хотин-қизларни аниқлаш, улар билан манзилли ишлаш, қобилиятларини тўғри йўналтириш ва рағбатлантиришга, сиёсий, ҳуқуқий ва касбий билимларини, бошқарув кўникмалари ва лидерлик сифатларини ривожлантиришга қаратилган ўқувлар ташкил этади;

хотин-қизларнинг ижтимоий фаоллигини ошириш, «Қизларжон» ва бошқа жамоатчилик тузилмаларини қўллаб-қувватлашга қаратилган чора-тадбирларни амалга оширади;

иқтидорли хотин-қизларни раҳбарлик лавозимларига тайёрлаш ва тавсия этишга кўмаклашади;

иқтидорли қизларни аъло хулқи, ноёб истеъдоди, зукколиги, ташаббускорлиги ва ўқишдаги муваффақиятлари асосида белгиланган тартибда Зулфия номидаги Давлат мукофоти билан тақдирлаш ишларини ташкил этади;

мамлакатимизда хотин-қизлар таълимини қўллаб-қувватлаш бўйича берилган имтиёз ва имкониятлар ҳақида тарғибот тадбирларини ташкил қилади;

маҳаллалардаги хотин-қизлар фаоллари томонидан таълим муассасаларидаги ўқувчи қизлар билан уларнинг таълим олишга қизиқтиришга қаратилган тадбирларни ташкил этишига кўмаклашади;

д) хотин-қизларнинг касбий кўникмаларини ошириш ва муносиб иш топишига кўмаклашиш, тадбиркорлигини ривожлантириш соҳасида:

хотин-қизлар, хусусан, ишсиз ва ижтимоий фаол бўлмаган хотин-қизларнинг касбий кўникмаларни ошириш, уларни меҳнат бозорида рақобатбардош касб-ҳунарларга ўқитиш ва муносиб иш топишига кўмаклашади;

хотин-қизларнинг иқтисодий имкониятларини кенгайтириш, бандлигини таъминлаш, тадбиркорликка жалб қилиш, касаначилик ва ҳунармандчиликни ривожлантириш борасидаги ишлар самарадорлигини ошириш чораларини кўради;

хотин-қизларнинг меҳнат шароитларини яхшилаш бўйича иш берувчиларга таклифлар киритиб боради;

маҳаллаларда хотин-қизларни касбга ўқитиш, уларнинг молиявий саводхонлигини ошириш, уларда тадбиркорлик билан шуғулланиш ҳиссини уйғотиш бўйича таклифлар ишлаб чиқади ва тегишли чора-тадбирларни амалга оширади;

тадбиркорлик фаолиятини юритаётган ва йўлга қўйиш истагида бўлган хотин-қизларга тижорат банклари томонидан белгиланган тартибда кредитлар, Оила ва хотин-қизларни қўллаб-қувватлаш давлат мақсадли жамғармаси маблағлари ҳисобидан грантлар ажратилишига кўмаклашади;

маҳаллалардаги хотин-қизлар фаолларининг ҳудуддаги тадбиркорликни ривожлантириш масалалари бўйича туман (шаҳар) ҳокимлари ёрдамчилари билан ҳамкорликда хотин-қизларнинг тадбиркорлик ғояларини амалга ошириш, улар фаолиятига кредит, субсидия ва бошқа ёрдам чораларини жалб қилиш ишларини ташкил этиш юзасидан услубий ва амалий тавсиялар беради;

жойларда хотин-қизларнинг бандлигини таъминлаш, улар ўртасида тадбиркорликни, ҳунармандчиликни ривожлантириш бўйича кўрилаётган амалий чоралар самарадорлигини мониторинг қилади;

республика ва ҳудудий «Хотин-қизлар тадбиркорлик марказлари» фаолияти самарали ташкил этилишига кўмаклашади;

хотин-қизларни ҳунармандчилик, оилавий тадбиркорлик, касаначиликка жалб қилиш бўйича нодавлат нотижорат ташкилотлари билан ҳамкорлик қилади;

е) оила аъзоларининг ҳуқуқий маданиятини ошириш, улар ўртасида ҳуқуқбузарликларнинг олдини олиш, ижтимоий ходим ва бошқа давлат хизматчилари билан ҳамкорликда хотин-қизларни тазйиқ ва зўравонликлардан ҳимоя қилиш соҳасида:

оила аъзоларининг ҳуқуқий маданиятини ошириш, уларнинг ҳуқуқлари ва қонуний манфаатларини ҳимоя қилишга кўмаклашиш, хотин-қизлар ўртасида ҳуқуқбузарликларнинг олдини олишга доир чора-тадбирларни амалга оширади;

хотин-қизларни қўллаб-қувватлашга доир давлат сиёсатининг самарали ижросини таъминлаш, уларнинг ҳуқуқлари ва қонуний манфаатларини ҳимоя қилиш бўйича таклифлар ишлаб чиқади ва тегишли чора-тадбирларни амалга оширади;

давлат ва жамоат ташкилотлари билан ҳамкорликда таълим муассасалари, меҳнат жамоалари ва маҳаллаларда ҳуқуқий маданиятни, шу жумладан, хотин-қизлар ва эркакларнинг тенг ҳуқуқлилигига оид тушунчаларни сингдириш, зўравонликка муросасизлик ҳиссини шакллантиришга қаратилган тарғибот ишларини ташкил этади;

хотин-қизларга нисбатан зўравонликнинг олдини олиш борасида амалий тарғибот ва туркум тадбирларни ташкил этади;

хотин-қизларни тазйиқ ва зўравонликдан ҳимоя қилиш соҳасидаги давлат дастурларини, ҳудудий дастурларни ва қонунчилик ҳужжатларини ишлаб чиқиш ҳамда амалга оширишда иштирок этади;

хотин-қизларга нисбатан тазйиқ ва зўравонлик ҳолатларига олиб келадиган сабаблар ҳамда шарт-шароитларни аниқлаш бўйича тадбирларни ташкил этади ва бундай ҳолатларни бартараф этиш юзасидан амалий чоралар кўради;

хотин-қизларга нисбатан тазйиқ ўтказганлиги ва зўравонлик содир этганлиги учун профилактик ҳисобда турадиган шахслар билан якка тартибдаги профилактика тадбирларини ўтказишда иштирок этади;

низоли вазиятларнинг, тазйиқ ва зўравонликнинг олдини олишга доир дастурлар ҳамда услубий тавсияларни ишлаб чиқади ва амалга оширади;

хотин-қизларни тазйиқ ва зўравонликдан ҳимоя қиладиган тегишли ваколатли органлар ва ташкилотлар билан ҳамкорлик қилади;

тазйиқ ва зўравонликдан жабр кўрган хотин-қизлар ва болаларни қўллаб-қувватлаш ҳамда уларга амалий ёрдам кўрсатиш йўналишида фаолият юритаётган нодавлат нотижорат ташкилотлари билан ўзаро ҳамкорлик қилади;

зўравонликнинг олдини олиш, тазйиқ ва зўравонликдан жабрланган ёки ўз жонига суиқасд қилган ёхуд суиқасд қилишга мойил бўлган хотин-қизларни қўллаб-қувватлаш бўйича халқаро ва хорижий ташкилотлар, илмий-тадқиқот муассасалари билан ҳамкорлик қилади ҳамда ушбу йўналишда илғор хорижий давлатларнинг ижобий тажрибасини жорий этиш чораларини кўради;

хотин-қизлар ўртасида турли салбий ижтимоий ҳаракатлар, айниқса, ўз жонига қасд қилиш, фоҳишабозлик каби ҳолатларнинг сабабларини ўрганиш ҳамда натижалари бўйича маҳаллалар, маҳаллий ижро этувчи ҳокимият органлари, ҳуқуқни муҳофаза қилувчи органлар ва тегишли ташкилотлар билан ҳамкорликда профилактика чора-тадбирлари амалга оширилишини ташкил этади;

маҳаллалардаги хотин-қизлар фаоллари томонидан хотин-қизлар ўртасида ижтимоий профилактика ва мослаштириш ишларида ҳамкорлик қилиш, тазйиқ ва зўравонликка нисбатан муросасизлик муҳитини яратиш, хотин-қизларга нисбатан тазйиқ ва зўравонлик ҳолатларини аниқлаш ишларини профилактика инспектори билан ҳамкорликда ташкил этишга услубий ва амалий кўмаклашади;

ж) оилаларда соғлом турмуш тарзини шакллантириш, соғлом овқатланиш ҳамда репродуктив саломатлик қоидаларини оммалаштириш соҳасида:

«Соғлом она — соғлом бола» шиори остида тегишли давлат ва жамоат ташкилотлари, кенг жамоатчилик билан биргаликда соғлом турмуш тарзини қарор топтириш, репродуктив саломатлик қоидаларини тарғиб этиш, эрта туғруқ ва яқин қариндошлар ўртасидаги никоҳнинг келажак авлод саломатлигига салбий таъсирлари ҳамда ногирон болалар туғилиши хавфи юзасидан тарғибот ишларини олиб боради;

«Тўғри овқатланиш ва соғлом турмуш тарзи» умуммиллий ҳаракати дастурида белгиланган вазифаларни амалга оширишга кўмаклашади;

маҳаллалардаги «Саломатлик мактаблари» самарали фаолият юритишга кўмаклашади, «Саломатлик мактаби» аъзоларини жалб этган ҳолда аҳоли орасида, оила ва хонадонларда соғлом овқатланиш асослари, жисмоний фаоллик, шахсий гигиена қоидаларига риоя қилиш бўйича семинарлар ва амалий тарғибот тадбирларини ташкил этади;

оилаларда хонадон гигиенасига риоя этилиши борасида тарғибот ишларини ташкил этади;

маҳаллаларда хотин-қизлар учун уларнинг ёшини ҳисобга олган ҳолда, турли ижтимоий-маданий ва соғломлаштириш тадбирлари, махсус спорт мусобақаларини ташкил этади;

меҳнат жамоаларида меҳнат қилаётган хотин-қизлар ўртасида спортнинг оммавий турлари ҳамда велоспорт бўйича спорт мусобақалари ўтказилишини ташкил этади;

хотин-қизларни соғломлаштириш, маданият, туризм, болаларни соғломлаштириш ва уларнинг дам олиши масалаларида давлат органлари, маҳаллалар, иш берувчилар, нодавлат нотижорат ташкилотлари ва фуқаролик жамиятининг бошқа институтлари билан ҳамкорликни амалга оширади;

з) оила институтини мустаҳкамлаш, ижтимоий-маънавий муҳит барқарорлигини таъминлаш, умуминсоний ва миллий қадриятларни тарғиб қилиш соҳасида:

оиланинг тарбиявий-таълим салоҳиятини мустаҳкамлаш, оилаларда маънавий-ахлоқий муҳитни яхшилаш, ота-онанинг фарзанд тарбиясидаги масъулияти ва жавобгарлигини ошириш, оиланинг жамият ҳаётидаги аҳамиятини кенг тарғиб этишга қаратилган чора-тадбирларни амалга оширади;

оила институтини мустаҳкамлаш, «Соғлом оила — соғлом жамият» ғоясини ижтимоий ҳаётга татбиқ этиш чораларини кўради;

замонавий оилани ривожлантириш, оиланинг ички муносабатлари, шахслараро муносабатлар, яхши қўшничилик муносабатлари, бой маданий, тарихий мерос ва анъанавий оилавий қадриятлар асосида оила институтини мустаҳкамлаш бўйича таклифлар ишлаб чиқади ва тегишли чора-тадбирларни амалга оширади;

оила-никоҳ муносабатлари соҳасидаги амалиётни ўрганиш ҳамда тажриба алмашиш борасида халқаро ва хорижий ташкилотлар, илмий-тадқиқот муассасалари билан ҳамкорлик қилади;

оилаларга таъсирчан методик, консультатив ва амалий ёрдам кўрсатишнинг самарали тизимини яратиш, медиаторлик институтининг ролини кучайтиришда давлат ва жамоат ташкилотлари билан ҳамкорликда чора-тадбирларни амалга оширади;

никоҳланувчиларни оилавий ҳаётга тайёрлаш, уларга оиладаги низоли ҳолатларни ҳал қилишнинг ҳуқуқий ва психологик асосларини ўргатиш, оилаларни мустаҳкамлаш, эрта никоҳ ва оилавий ажралишларнинг олдини олиш бўйича таклифлар ишлаб чиқади ва тегишли чора-тадбирларни амалга оширади;

фаровон ва барқарор оилаларнинг ҳаётий тажрибасини оммалаштириш мақсадида оила институтини мустаҳкамлаш, оилавий қадриятларни сақлаш ва ривожлантиришга муносиб ҳисса қўшган оилаларни «Ибратли оила» кўкрак нишони билан тақдирлаш ишларини ташкил этади;

«Соғлом оила — соғлом турмуш тарзи» тамойилини тарғиб қилиш мақсадида «оила-маҳалла-таълим» ижтимоий-тарбиявий тизими асосида тарғибот тадбирларини амалга оширади;

миллий ва умуминсоний қадриятларни асраб-авайлаш, мазмунан бойитиш, уларнинг фарзанд тарбиясидаги ролини ошириш, оилаларда тарғиб қилишга қаратилган чора-тадбирларни ишлаб чиқади ва амалга оширади;

маҳаллаларда хотин-қизларнинг маънавияти ва маданиятини юксалтириш, ижтимоий фаолликларини оширишга қаратилган тадбирларни амалга оширади, ёзувчилар, санъаткорлар, рассомлар ва бошқа ижодкорларни таклиф этган ҳолда ижодий кечалар ва китобхонлик тадбирларини ташкил этади;

маҳаллалардаги оила институтини мустаҳкамлаш, хотин-қизлар ўртасида маънавий-маърифий ишларни амалга оширишга масъул бўлган жамоатчилик тузилмалари ишини мувофиқлаштиради;

ўқув-тарбия муассасаларида тарбияланаётган, васийликка, ҳомийликка ва оилага тарбияга олинган (патронат) қизларнинг ижтимоий ҳолатини ўрганиб боради, уларнинг муаммоларини жойида ҳал қилишга ҳамда ўқув-тарбия муассасаларидан кейин ҳаётда ўз ўрнини топишига кўмаклашади;

маҳаллалардаги хотин-қизлар фаолларининг оилалардаги ижтимоий-маънавий муҳитни ўрганиш ҳамда соғломлаштиришга қаратилган чора-тадбирларни амалга оширишда давлат ва жамоат ташкилотлари билан ўзаро ҳамкорликдаги фаолиятини таъминлашга ҳамда оилавий қадриятларни тарғиб этиш, низоли оилаларни соғлом турмуш тарзига қайтариш ва оиланинг қонуний асосларини мустаҳкамлаш борасидаги тарғибот ишларини ташкил этишга услубий-амалий кўмаклашади;

к) миграциядан қайтган, жазони ижро этиш муассасаларидан озод этилган, оғир ижтимоий вазиятга тушиб қолган хотин-қизларнинг ижтимоий мослашувига, улар билан манзилли ишлаш орқали зарур ёрдамлар олишларига кўмаклашиш соҳасида:

миграциядан қайтган, жазони ижро этиш муассасаларидан озод этилган, оғир ижтимоий вазиятга тушиб қолган хотин-қизларнинг ҳуқуқлари ва қонуний манфаатларини таъминлаш ҳамда уларнинг оилаларидаги ижтимоий-маънавий муҳитни шакллантиришда давлат ва жамоат ташкилотлари билан ҳамкорликда чора-тадбирларни амалга оширади;

миграциядан қайтган, жазони ижро этиш муассасаларидан озод этилган хотин-қизларни меҳнат бозорида рақобатбардош касб-ҳунар турларига ўқитиш орқали бандлигини таъминлаш, саломатлигини тиклашга ҳамда жамият ҳаётига мослашувига кўмаклашади;

меҳнат фаолиятини амалга ошириш учун хорижга чиқиб кетган хотин-қизларнинг ҳуқуқлари ва қонуний манфаатларини ҳимоя қилиш тизимини такомиллаштириш чораларини кўради;

меҳнат фаолиятини амалга ошириш учун хорижга чиқиб кетган шахсларнинг уйда қолган вояга етмаган фарзандлари турмуш тарзини ўрганиш ва қўллаб-қувватлашда давлат ва жамоат ташкилотлари билан ҳамкорликда чораларни кўради;

Ўзбекистонлик ватандош хотин-қизлар кенгаши орқали хорижда мураккаб ҳаётий вазиятга тушиб қолган хотин-қизларни моддий ва ижтимоий қўллаб-қувватлаш, уларга ахборот жиҳатидан ва ҳуқуқий ёрдам кўрсатиш ишларини ташкил этади;

л) кейс менежментни қўллаган ҳолда, ижтимоий ҳимояга муҳтож хотин-қизларни аниқлаш ҳамда улар билан манзилли ишлаш соҳасида:

уйма-уй юриш орқали хотин-қизларнинг муаммоларини, хусусан, ижтимоий хизматларга бўлган эҳтиёжини аниқлаб, кейс менежмент асосида муаммоларни ҳал этиш чора-тадбирларини амалга оширади, ушбу йўналишда маҳаллалардаги хотин-қизлар фаолларининг ишини мувофиқлаштириб боради;

«Аёллар дафтари»га киритилган хотин-қизлар билан манзилли ишлашда ҳудудларни ижтимоий-иқтисодий ривожлантириш бўйича секторлар (кейинги ўринларда — секторлар), мутасадди давлат ва жамоат ташкилотлари томонидан аёллар муаммоларининг ҳал этилиши юзасидан мониторинг юритади ва кўмаклашади;

маҳаллалардаги хотин-қизлар фаолларига хотин-қизларнинг муаммоларини ўз вақтида аниқлаш ва бартараф этишда, уларни оғир ижтимоий аҳволдан чиқаришда услубий ва амалий кўмаклашади;

оғир ижтимоий аҳволга тушиб қолган хотин-қизларга, шу жумладан, ногиронлиги бўлган хотин-қизларга ижтимоий-ҳуқуқий, психологик ва моддий ёрдам кўрсатиш тизимини шакллантириш, уларнинг иқтисодий барқарорлигини таъминлаш бўйича таклифлар ишлаб чиқади ва тегишли чора-тадбирларни амалга оширади;

уй-жойга муҳтож, оғир ижтимоий аҳволга тушиб қолган, Ижтимоий ҳимоя реестрига киритилган ҳамда ногиронлиги бўлган хотин-қизларнинг рўйхатини тузиш, зарур ҳужжатларни расмийлаштириш, Оила ва хотин-қизларни қўллаб-қувватлаш давлат мақсадли жамғармаси ҳисобидан бошланғич бадални тўлаб бериш орқали уларни арзон уй-жойлар билан таъминлашда кўмаклашади;

оғир ижтимоий вазиятга тушиб қолган, шу жумладан, ногиронлиги бўлган Ижтимоий реестрига киритилган оилалардаги хотин-қизлар ва уларнинг вояга етмаган фарзандларини жарроҳлик йўли орқали соғлом ҳаётга қайтариш, реабилитация воситалари билан таъминлаш чораларини кўради;

хотин-қизлар муаммолари билан ишлаш тизимини рақамлаштириш орқали хотин-қизларнинг муаммоларини ўрганиш ва уларни тизимли равишда ҳал этиш юзасидан ахборот-коммуникация технологияларини кенг жорий этиш чораларини кўради;

маҳаллалардаги хотин-қизлар фаоллари томонидан хотин-қизларнинг муаммоларини ўз вақтида аниқлаш, ушбу муаммолар юзасидан давлат органлари ва ташкилотларга мурожаат қилиш, ёрдамга муҳтож бўлган ва оғир ижтимоий аҳволга тушиб қолган хотин-қизларга ижтимоий-ҳуқуқий, психологик ва моддий ёрдам кўрсатиш ишларини ижтимоий ходим билан биргаликда ташкил этишга кўмаклашади;

маҳаллалардаги хотин-қизлар фаолларининг асосий вазифалари бажарилишини мониторинг қилиш ва маҳаллаларда ҳал этилмаган тизимли муаммоларини юқори турувчи идораларга киритиб боради;

ижтимоий ҳимояга муҳтож хотин-қизларни қўллаб-қувватлаб келаётган нодавлат нотижорат ташкилотлари билан самарали ҳамкорликни йўлга қўяди;

м) давлат ташкилотлари, халқаро молия институтлари ҳамда фуқаролик жамияти институтлари билан яқиндан ҳамкорлик ўрнатиш соҳасида:

Қўмита тизимида давлат ташкилотлари, фуқаролик жамияти институтлари билан алоқаларни ривожлантириш мақсадида ҳамкорлик чора-тадбирларини ишлаб чиқади ва амалга оширади;

хотин-қизларнинг ҳуқуқ ва қонуний манфаатларини ҳимоя қилиш, уларнинг мамлакат ижтимоий-сиёсий ҳаётидаги ўрни ва фаоллигини ошириш, гендер тенглик кафолатларини таъминлаш соҳаларида нодавлат нотижорат ташкилотларига кўмаклашади;

хотин-қизлар йўналишидаги нодавлат нотижорат ташкилотлари томонидан ишлаб чиқилган истиқболли лойиҳаларни амалга оширишда кўмаклашиш чораларини кўради;

хотин-қизларнинг ҳуқуқ ва қонуний манфаатларини таъминлаш, Ижтимоий реестрига киритилган ва ижтимоий ҳимояга муҳтож оилаларни эҳтиёжмандлик даражасидан чиқариш бўйича жамоатчилик назоратини таъминлашда нодавлат нотижорат ташкилотларини жалб этиш ишларини ташкил этади;

нодавлат нотижорат ташкилотлари билан ҳамкорликда хотин-қизларнинг мамлакатимизни ривожлантиришга бўлган дахлдорлик ҳиссини кучайтириш, рўй бераётган жараёнларни англаш ва муҳокама қилишга жалб этиш, шунингдек, уларни фаол фуқаролик позициясига эга бўлишларига ундайдиган тадбирларни ташкил этади;

заруратга кўра хотин-қизларнинг ҳуқуқ ва қонуний манфаатларини ҳимоя қилиш ҳамда ижтимоий масалаларни ҳал қилиш жараёнларига фуқаролик жамияти институтлари вакиллари, экспертлар ҳамда олимларни жалб этади;

н) маҳаллалардаги хотин-қизлар фаоллари фаолиятини мувофиқлаштириш ва уларга бириктирилган жамоатчилик тузилмалари билан ҳамкорликни таъминлаш соҳасида:

хотин-қизларни оила, маҳалла ва меҳнат жамоаларида ижтимоий-ҳуқуқий жиҳатдан қўллаб-қувватлаш, ижтимоий-сиёсий фаоллигини ошириш, маънавиятини юксалтириш, ёшларни оилавий ҳаётга тайёрлаш, замонавий намунали оилани шакллантириш, унинг маънавий-ахлоқий муҳитини ва анъанавий оилавий қадриятларни мустаҳкамлаш бўйича мақсадли чора-тадбирларни амалга оширади;

хотин-қизлар билан ишлаш бўйича комиссия ҳамда «Ота-оналар университети» жамоатчилик тузилмасининг фаолиятини ташкил этиш ва мувофиқлаштиради;

жамоатчилик тузилмалари таркибига фаол, фидойи, салоҳиятли, шахсий сифатлари билан маҳаллада обрў-эътиборга эга бўлган аҳоли вакилларини жалб этади;

оилавий қадриятларни мустаҳкамлаш, эрта никоҳ ва ажрашишларнинг олдини олиш бўйича самарали чораларни кўриш, оилавий ҳаёт масъулияти, эр-хотин, қайнона-келин муносабатлари ҳақида тушунтириш ишларини олиб боради;

хотин-қизларни ишга жойлаштириш, ҳақ тўланадиган жамоат ишларига, кооперативларга, тадбиркорликка йўналтириш, касб-ҳунарга ва тадбиркорликка ўқитиш, ўзини ўзи мустақил равишда банд қилишни ривожлантиришга доир фаолиятни ташкил этишга масъул идораларга кўмаклашади;

туман (шаҳар) оила ва хотин-қизлар бўлимлари бошлиқлари, ҳоким ёрдамчилари билан биргаликда мувофиқлаштириш.

нотинч ва муаммоли оилаларда хотин-қизлар билан соғломлаштириш ва низоли ҳолатларни бартараф этиш бўйича амалий ишлар олиб бориш, оила аъзолари ва қариндошлар ўртасидаги оилавий муносабатларни яхшилашга қаратилган тушунтириш ишларини ташкил этади;

хотин-қизларга нисбатан жисмоний ёки руҳий зўрлик ишлатиш эҳтимоли мавжуд оилаларда тушунтириш ишларини олиб бориш, бундай ҳолатлар аниқланганда хотин-қизларнинг ҳуқуқлари ва қонуний манфаатларини ҳимоя қилишга кўмаклашади;

оғир ижтимоий аҳволга тушиб қолган хотин-қизлар, шу жумладан, ногиронлиги бўлган аёллар билан якка тартибда ишларни олиб боришда тегишли идоралар билан ҳамкорлик алоқаларини ўрнатиш ва улар билан доимий равишда ахборот алмашади.

Қўмита қонунчилик ҳужжатларига мувофиқ бошқа функцияларни ҳам амалга ошириши мумкин.

4-боб. Қўмита ва унинг ҳудудий бўлинмаларининг ҳуқуқлари ва мажбуриятлари

1-§. Қўмитанинг ҳуқуқлари ва мажбуриятлари

13. Қўмита ўзига юкланган вазифа ва функцияларни амалга ошириш учун қуйидаги ҳуқуқларга эга:

Вазирлар Маҳкамасига ва Ўзбекистон Республикаси Президенти Администрациясига норматив-ҳуқуқий ҳужжатлар лойиҳаларини, шунингдек, Қўмитага юкланган вазифалар ва функцияларни бажариш билан боғлиқ бошқа ҳужжатларни белгиланган тартибда киритиш;

республика ва маҳаллий ижро этувчи ҳокимият органлари, хўжалик бирлашмалари, бошқа ташкилотлар ва уларнинг мансабдор шахслари, шунингдек, фуқаролар учун бажарилиши мажбурий бўлган норматив-ҳуқуқий ҳужжатларни қабул қилиш, зарур ҳолларда, бошқа вазирликлар ва идоралар билан биргаликда қўшма қарорлар ва бошқа ҳужжатларни қабул қилиш;

Қўмитанинг ваколатига кирувчи масалаларда республика ва маҳаллий ижро этувчи ҳокимият органлари, хўжалик бирлашмалари фаолиятини мувофиқлаштириш;

хотин-қизларнинг ҳуқуқлари ва қонуний манфаатларига риоя этилиши бўйича қонунчилик ҳужжатлари бажарилишини зарур ҳолларда, ҳуқуқни муҳофаза қилувчи ва назорат органлари ходимлари иштирокида ўрганиш;

Қўмитага тегишли вазифаларни амалга ошириш учун зарур ҳолларда, давлат органлари, илмий муассасалар ва бошқа ташкилотларнинг раҳбарлари ҳамда мутахассисларини жалб қилиш, ишчи гуруҳлар тузиш;

ўз ваколатларига кирувчи масалалар юзасидан давлат органлари ва ташкилотларидан статистика, таҳлилий материаллар, хулосалар ва бошқа маълумотларни сўраш ва олиш;

давлат органлари ва ташкилотлари раҳбарларига хотин-қизлар ҳуқуқлари ва қонуний манфаатларини таъминлаш ҳамда оилани мустаҳкамлаш борасидаги қонунчилик ҳужжатлари бузилиши, уларни келтириб чиқарувчи сабаблар ва шарт-шароитларни бартараф этиш бўйича кўриб чиқилиши мажбурий бўлган тақдимномалар киритиш;

Қўмитанинг ваколатига кирувчи масалаларда, шунингдек, хотин-қизлар ҳуқуқлари ва қонуний манфаатларини кўзлаб, судларга ариза (шикоят) ва даъволарни киритиш;

хотин-қизларнинг ҳуқуқлари ва қонуний манфаатларини таъминлаш, оилани мустаҳкамлашга доир ташаббуслар билан чиқиш ҳамда таклифлар киритиш;

оилаларни мустаҳкамлаш ва хотин-қизларни қўллаб-қувватлаш соҳасида илмий ва амалий тадқиқотлар ҳамда ишланмаларни амалга ошириш бўйича лойиҳаларни саралаб олиш учун танловлар эълон қилиш ва танлов комиссияларини тузиш;

ўзининг ташкилий тузилмаси доирасида Қўмита ва унинг идоравий тузилмаларига тегишли давлат мулкини белгиланган тартибда текин фойдаланиш ҳуқуқи асосида бир ҳудудий бўлинмадан бошқасига бериш;

Қўмита ходимлари ҳамда унинг ҳудудий бошқармалари ва туманлар (шаҳарлар) бўлимлари томонидан фаолият самарадорлигининг мақсадли кўрсаткичлари (KPI) бажарилишини ҳисобга олган ҳолда моддий рағбатлантириш тартибини, миқдорини ва шартларини белгилаш;

Қўмита ваколатига кирувчи масалалар бўйича таклифларни Ўзбекистон Республикаси Президенти Администрациясига, Вазирлар Маҳкамасига, республика ва маҳаллий ижро этувчи ҳокимият органлари ҳамда хўжалик бирлашмаларига кўриб чиқиш учун киритиш;

давлат органлари ва ташкилотларининг оилаларни мустаҳкамлаш ҳамда хотин-қизларни қўллаб-қувватлашга оид масалаларни кўриб чиқиш билан боғлиқ мажлислари, йиғилишлари, шу жумладан, ҳайъат мажлисларида иштирок этиш;

Қўмита ваколати доирасида халқаро шартномалар ва идоралараро битимлар тузиш, халқаро, ҳукуматлараро битимлар лойиҳаларини тақдим этиш;

Қўмита ваколати доирасида Ўзбекистон Республикаси манфаатларини халқаро миқёсда ҳимоя қилиш;

ўзига юкланган вазифалар доирасида бевосита ёки Қўмитанинг идоравий мансуб бўлинмалари орқали хорижий тармоқ ташкилотлари, илмий ва таълим муассасалари билан ҳамкорлик қилиш;

Қўмитанинг таркибий ва ҳудудий бўлинмаларида ички назорат, коррупцияга оид ҳуқуқбузарликлар ва қонунларга зид бошқа ҳаракатлар, шунингдек, Қўмита тизими ходимлари томонидан касбий ахлоқ қоидалари бузилишининг олдини олиш;

бошқарув ходимларининг белгиланган умумий чекланган сони доирасида Қўмита марказий аппаратининг тасдиқланган тузилмасига ўзгартиришлар киритиш;

таркибий ва ҳудудий бўлинмаларнинг низомлари ҳамда бошқа ҳужжатлари, смета ва штат жадвалларини тасдиқлаш;

Қўмита тизимида кадрларни танлаш, тайёрлаш, қайта тайёрлаш ва уларнинг малакасини ошириш, шунингдек, маҳаллалардаги хотин-қизлар фаолларининг малакасини ошириш жараёнларини самарали ташкил этиш;

Қўмита ваколатига кирадиган масалалар бўйича жорий ва стратегик вазифаларни ёритиш учун белгиланган тартибда ноширлик фаолиятини амалга ошириш, расмий веб-сайтлар, ижтимоий тармоқларда саҳифалар очиш, конференциялар, семинарлар, симпозиумлар, кўргазмалар, ярмаркалар ўтказиш, шунингдек, методик материаллар ва тавсиялар ишлаб чиқиш;

биноларга хизмат кўрсатиш, жиҳоз ва ускуналар, автотранспорт, алоқа ҳамда ҳисоблаш воситалари, компьютер ва ташкилий техника воситаларини сақлаш ва ишлатиш бўйича ишларни бажариш, дастурий таъминотни сотиб олиш тўғрисида белгиланган тартибда шартномалар тузиш;

Қўмита, унинг ҳудудий бўлинмалари ҳамда Қўмитанинг идоравий бўйсунувидаги ташкилотларнинг моддий-техник базасини яхшилаш чораларини кўриш;

қонунчилик ҳужжатларига мувофиқ Қўмитанинг ижтимоий инфратузилмасини яратиш ва такомиллаштириш ҳамда Қўмита, унинг таркибий ва ҳудудий бўлинмалари ходимларини моддий рағбатлантириш ва мукофотлашнинг ягона тизимини шакллантириш.

Қўмита қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

14. Қўмита:

ўзига юкланган вазифалар ва функцияларни самарали бажариш, шунингдек, оилаларни мустаҳкамлаш ва хотин-қизларни қўллаб-қувватлаш бўйича давлат сиёсатини самарали амалга ошириш;

ўз фаолияти билан боғлиқ прогноз кўрсаткичларга сўзсиз эришилишини таъминлаш;

Ўзбекистон Республикаси Президенти Администрацияси ва Вазирлар Маҳкамасига киритилаётган норматив-ҳуқуқий ҳужжатлар лойиҳалари ва бошқа ҳужжатлар, шунингдек, Қўмита томонидан қабул қилинаётган қарорларнинг сифати, пировард натижалари ва амалга оширилиши оқибатлари;

ўз фаолияти соҳасини ривожлантириш бўйича дастурлар, тадбирлар режалари, «йўл хариталари» ва бошқа дастурий ҳужжатларнинг самарали амалга оширилиши;

фуқаролар ва тадбиркорлик субъектларининг ҳуқуқларига риоя этилишини ва уларнинг қонуний манфаатлари ҳимоя қилинишини таъминлаш учун жавоб беради.

2-§. Қўмита ҳудудий бўлинмаларининг ҳуқуқлари ва мажбуриятлари

15. Қўмитанинг ҳудудий бўлинмалари қуйидаги ҳуқуқларга эга:

оилаларни мустаҳкамлаш ва хотин-қизларни қўллаб-қувватлашга оид қонунчилик ҳужжатларининг ижро этилишини, шу жумладан, ҳудудларда хотин-қизларнинг ҳуқуқ ва қонуний манфаатларига риоя этилишини ўрганиш ва таҳлил қилиш;

ўз ваколатларига кирувчи масалалар юзасидан давлат органлари ва ташкилотларининг ҳудудий бўлинмаларидан статистика, таҳлилий материаллар, хулосалар ва бошқа маълумотларни сўраш ва олиш;

давлат органлари ва ташкилотлари раҳбарларига хотин-қизлар ҳуқуқлари ва қонуний манфаатларини таъминлаш ҳамда оилани мустаҳкамлаш борасидаги қонунчилик ҳужжатлари бузилиши, уларни келтириб чиқарувчи сабаб ва шарт-шароитларни бартараф этиш бўйича кўриб чиқилиши мажбурий бўлган тақдимномалар киритиш;

ваколатига кирувчи масалаларда, шунингдек, хотин-қизлар ҳуқуқлари ва қонуний манфаатларини кўзлаб, судларга ариза (шикоят) ва даъволарни киритиш;

давлат органлари ва ташкилотлари ҳудудий бўлинмаларининг оилаларни мустаҳкамлаш ва хотин-қизларни қўллаб-қувватлашга оид масалаларни кўриб чиқиш билан боғлиқ мажлислари, йиғилишлари, шу жумладан, ҳайъат мажлисларида иштирок этиш;

ахборот-таҳлилий материалларни тайёрлаш ва дастурий ҳужжатларни ишлаб чиқиш учун республика ижро этувчи ҳокимият органлари ва хўжалик бирлашмаларининг ҳудудий бўлимлари, шунингдек, илмий ташкилотларнинг юқори малакали мутахассисларини жалб қилиш.

Қўмитанинг ҳудудий бўлинмалари ўз ваколатлари доирасида ўзларига юкланган вазифалардан келиб чиққан ҳолда бошқа ҳуқуқларга ҳам эга бўлиши мумкин.

16. Қўмитанинг ҳудудий бўлинмалари:

ўзларига юкланган вазифалар ва функцияларнинг сифатли ва ўз вақтида бажарилишини таъминлаш;

ўз фаолияти билан боғлиқ бўлган мақсадли кўрсаткичларга эришилишини таъминлаш;

Қўмитага, маҳаллий ижро этувчи ҳокимият органларига киритилаётган ҳужжатлар лойиҳалари ва таклифлар, шунингдек, Қўмитанинг ҳудудий бўлинмалари томонидан қабул қилинаётган қарорларнинг сифати, пировард натижалари ва амалга оширилиши оқибатлари;

ўз фаолияти соҳасини ривожлантириш, муаммоларни ҳал қилиш учун дастурларни, ҳаракат режаларини, «йўл хариталари»ни ва бошқа дастурий ҳужжатларнинг белгиланган тартибда ишлаб чиқилиши ҳамда самарали амалга оширилиши;

тегишли ҳудудда оилаларни мустаҳкамлаш ва хотин-қизларни қўллаб-қувватлаш бўйича давлат сиёсатининг самарали амалга оширилиши ҳолати тўғрисида Қўмитага ҳаққоний таҳлилий ва бошқа ахборотнинг тақдим этилиши;

хотин-қизларнинг ҳуқуқлари ва қонуний манфаатларига риоя этилишини таъминлаш учун жавоб беради.

5-боб. Қўмита раҳбарларининг асосий функционал вазифалари

17. Қуйидагилар Қўмита раисининг асосий функционал вазифалари ҳисобланади:

Ўзбекистон Республикаси Конституцияси ва қонунларига, шунингдек, бошқа норматив-ҳуқуқий ҳужжатлар талабларига риоя қилиш;

Қўмита фаолиятига умумий раҳбарлик қилиш, Қўмитага Ўзбекистон Республикаси Президентининг тегишли фармонлари, қарорлари ва фармойишлари, Вазирлар Маҳкамасининг қарорлари ва фармойишлари, бошқа қонунчилик ҳужжатлари билан юкланган вазифалар ва функцияларнинг бажарилишини таъминлаш;

Ўзбекистон Республикаси Президентининг ҳужжатлари ва Вазирлар Маҳкамасининг қарорлари билан тасдиқланган Қўмита фаолиятини янада такомиллаштириш бўйича концепциялар, комплекс дастурлар ва чора-тадбирларни амалга ошириш бўйича танқидий ва чуқур таҳлилларни ўтказиш;

Қўмитанинг ҳудудий бошқармалари ҳамда таркибий бўлинмалари фаолияти билан боғлиқ истиқболдаги кўрсаткичларга эришишни таъминлаш бўйича амалий чора-тадбирларни ишлаб чиқиш ва қабул қилиш;

Ўзбекистон Республикаси Президенти Администрацияси ва Вазирлар Маҳкамаси, шунингдек, тегишли вазирликлар ва идоралар билан Қўмита фаолиятига тааллуқли бўлган масалалар бўйича ўзаро ҳамкорлик қилиш, Вазирлар Маҳкамаси йиғилишларида ва унинг Раёсати мажлисларида кўриб чиқиладиган масалалар юзасидан қатнашиш;

Ўзбекистон Республикаси Президенти, Ўзбекистон Республикасининг Бош вазири кўрсатмаларини бажариш;

ўз ўринбосарларининг ваколатларини белгилаш, улар ўртасида мажбуриятларни тақсимлаш, Қўмитанинг бошқа мансабдор шахсларининг ваколатларини белгилаш, Қўмита фаолиятининг маълум бир соҳаларини бошқаришда ўз ўринбосарлари ва бошқа мансабдор шахсларнинг шахсий жавобгарлик даражасини белгилаш;

Қўмитанинг фаолияти режалаштирилишини ташкил этиш, даврий иш режаларини тасдиқлаш, уларнинг бажарилиши юзасидан назоратни таъминлаш;

бошқарув лавозимларидаги хотин-қизлар улушини ошириш;

олий таълим муассасаларида талабалар орасида хотин-қизлар улушини ошириш;

хотин-қизларнинг ахборот-коммуникация технологияларидан фаол фойдаланиш кўламини ошириш;

ижтимоий ҳимояга муҳтож хотин-қизларни манзилли қўллаб-қувватлаш;

республикада хотин-қизларнинг иқтисодий имкониятларини кенгайтиришга кўмаклашиш;

тадбиркор хотин-қизларнинг лойиҳаларини қўллаб-қувватлаш ва янги бизнес ғояларига ёрдам бериш орқали янги иш ўринларини ташкил қилиш;

ҳунармандларга эҳтиёжманд, ишсиз хотин-қизларни бириктириш орқали уларнинг бандлигини таъминлашга кўмаклашиш;

Хотин-қизлар бандлигини таъминлаш ва саломатлигини мустаҳкамлаш марказларини ташкил этиш;

Қўмита тизимида рақамлаштиришни жорий этиш;

оила институтини мустаҳкамлаш, ижтимоий-маънавий муҳит барқарорлигини таъминлаш, маҳаллаларда низоларни барвақт аниқлаш, низоли оилаларни соғлом турмуш тарзига қайтариш;

«Соғлом оила-соғлом жамият» шиори остида оилалар фаровонлиги ва барқарорлигини таъминлаш, оилаларни мустаҳкамлаш, масъулиятли ота-оналик ғоясини сингдириш тадбирларини ташкил этиш;

давлат томонидан эҳтиёжманд хотин-қизларга махсус жарроҳлик амалиёти ўтказилишига кўмаклашиш;

иқтидорли хотин-қизларни аниқлаш ва қўллаб-қувватлаш;

хотин-қизлар ўртасида илм-фан ва инновацияларни ривожлантириш бўйича тегишли вазирлик ва идоралар билан ҳамкорликда мақсадли лойиҳаларни амалга ошириш, форум, конференция, танлов, кўргазма, семинарлар, давра суҳбатлари, учрашувлар ташкил қилиш;

оғир ижтимоий аҳволга тушиб қолган ва турар жойга муҳтож хотин-қизларни уй-жой билан таъминлаш;

миграциядан қайтган, жазони ижро этиш муассасаларидан озод этилган, оғир ижтимоий вазиятга тушиб қолган хотин-қизларнинг ижтимоий мослашувига, улар билан манзилли ишлаш орқали зарур ёрдамлар олишларига кўмаклашиш;

жамиятда хотин-қизларга қаратилган тазйиқ ва зўравонликка нисбатан тарғибот тадбирлари орқали муросасизлик муҳитини яратиш;

хотин-қизларнинг ҳуқуқлари ва қонуний манфаатларини қўллаб-қувватлаш, уларнинг ижтимоий-иқтисодий имкониятларини ошириш бўйича халқаро тажрибани ўрганиш;

Қўмита ходимлари, ҳудудий бошқармалар ва идоравий мансуб ташкилотлар ходимларининг малакасини оширишни ташкил этиш;

Қўмита тизимида ходимларни танлаш ва жой-жойига қўйиш, уларнинг самарали фаолияти учун зарур шарт-шароитлар яратиш ҳамда ҳудудий бошқармалар ва идоравий мансуб ташкилотлар кадрлари захирасини шакллантириш;

Ўзбекистон Республикаси Президенти, Ўзбекистон Республикаси Президенти Администрацияси номенклатурасига кирадиган бўш лавозимларга таклиф этилган кадрларнинг, шунингдек, Қўмитага ишга қабул қилинаётган бошқа кадрларнинг профессионаллиги ва ўз ишини билиши, юксак даражадаги ишчанлик ва маънавий-ахлоқий фазилатларга эга бўлишини таъминлашга қаратилган чора-тадбирларни амалга ошириш;

Ўзбекистон Республикаси Президенти, Вазирлар Маҳкамаси топшириқлари бўйича норматив-ҳуқуқий ҳужжатлар лойиҳалари сифатли ишлаб чиқилишини, улар « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлиси Қонунчилик палатасига киритиш тартиби тўғрисида »ги Ўзбекистон Республикаси қонунлари, Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига мувофиқ равишда ўз вақтида киритилишини ташкил этиш, уларнинг Вазирлар Маҳкамасида пухта ишланишида, Вазирлар Маҳкамаси раҳбарияти ҳузурида ҳимоя қилиниши ва Ўзбекистон Республикаси Президенти Администрациясида кўриб чиқилишида иштирок этиш;

« Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлиси Қонунчилик палатасига киритиш тартиби тўғрисида »ги Ўзбекистон Республикаси қонунларига ҳамда Вазирлар Маҳкамасининг 2016 йил 17 октябрдаги 345-сон қарори билан тасдиқланган Давлат ва хўжалик бошқаруви органлари, маҳаллий ижро этувчи ҳокимият органларининг қонун лойиҳаларига доир фаолиятининг намунавий регламентига мувофиқ Қўмитанинг қонун лойиҳаларини тайёрлаш фаолиятини ташкил этиш;

Қўмита ваколатига кирадиган масалалар бўйича буйруқлар, фармойишлар чиқариш, кўрсатмалар бериш ва норматив-ҳуқуқий ҳужжатларни қабул қилиш, зарур бўлганда бошқа вазирликлар ва идоралар билан биргаликда тегишли қарорлар қабул қилиш;

Қўмитага тақдим этилган таклифлар ва норматив-ҳуқуқий ҳужжатлар лойиҳаларининг тўлиқ ва ҳар томонлама кўриб чиқилишини таъминлаш, уларни пухта ҳуқуқий, иқтисодий, молиявий бошқа турдаги экспертизадан ўтказиш, шунингдек, Ўзбекистон Республикаси Президенти Администрациясининг Регламенти ва Вазирлар Маҳкамасининг Регламентида белгиланган муддатларда келишиш (виза қўйиш);

Қўмита раҳбарлари ва ходимларининг хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ҳамда «Хорижий хизмат сафарларида бўлишнинг самарадорлиги ва хорижий делегацияларнинг Ўзбекистон Республикасига ташрифини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3137-сон қарорлари талабларига мувофиқ ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

Қўмита раисининг ўринбосарлари, ҳудудий бошқармалар ва таркибий бўлинмалар раҳбарлари фаолиятининг самарадорлиги ва натижаларини тизимли равишда танқидий таҳлил қилиш, Қўмита йиғилишларида уларнинг шахсий ҳисоботларини эшитиш, натижалар асосида зарур чоралар кўриш;

Қўмитанинг ҳудудий бошқармалари ва идоравий мансуб ташкилотларининг раҳбарлари фаолиятини мувофиқлаштириш ва назорат қилиш;

Қўмита ходимларини рағбатлантириш ёки интизомий жавобгарликка тортиш масалаларини ҳал қилиш, шу жумладан, эгаллаб турган лавозимларда қолишининг мақсадга мувофиқлиги масаласини кўриб чиқиш тўғрисида таклифлар киритиш, уларнинг шахсий жавобгарлигини ошириш бўйича тизимли чора-тадбирларни амалга ошириш;

Қўмита ходимлари томонидан Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари асосида тасдиқланган Қўмита ходимларининг одоб-ахлоқ қоидалари талабларига риоя этилишини таъминлаш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ Қўмита тизимида коррупция ва бошқа қонунбузарликларнинг олдини олиш бўйича чоралар кўриш, шунингдек, ҳуқуқ амалиёти ва қонунчиликни такомиллаштириш чора-тадбирларини ишлаб чиқиш ва амалга ошириш йўли билан уларни аниқлаш, таҳлил қилиш, юзага келтирувчи сабаблар ва шарт-шароитларни бартараф этиш;

Қўмита, ҳудудий бошқармалар ва идоравий мансуб ташкилотларнинг ишларини ташкил этишнинг замонавий шаклларини жорий этишни таъминлаш;

Қўмита ходимлари томонидан манфаатлар тўқнашуви тўғрисидаги қонунчиликка риоя этилишини таъминлаш, жумладан улар томонидан лавозим мажбуриятларини ёки хизмат ваколатларини бажариш чоғида манфаатлар тўқнашувига олиб келадиган ёки олиб келиши мумкин бўлган шахсий манфаатдорликка йўл қўймаслик чораларини кўриш;

жисмоний ва юридик шахсларнинг мурожаатларини кўриб чиқиш ишларини «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ самарали ташкил этиш, жамоатчилик билан бевосита ва очиқ мулоқот ўрнатиш, шахсан қабул қилишни мунтазам равишда ўтказиш, шу жумладан, жисмоний ва юридик шахсларнинг вакилларини белгиланган муддатларда ва тартибда жойларга бориб қабул қилиш;

Ўзбекистон Республикаси Президентининг Халқ қабулхоналари билан самарали ўзаро алоқани ташкил қилиш, уларнинг фаолиятида Қўмита раҳбарияти ва ходимларининг фаол иштирокини, Ўзбекистон Республикаси Президентининг Виртуал қабулхонасидан тушаётган жисмоний ва юридик шахсларнинг мурожаатлари ўз вақтида ва тўлиқ кўриб чиқилишини таъминлаш;

давлат сирлари билан ишлашда қонунчилик талабларига риоя қилиш;

давлат органлари ва бошқа ташкилотларда, Ўзбекистон Республикаси судларида, шунингдек, халқаро ташкилотлар ва хорижий давлат вакиллари иштирокида ўтказиладиган расмий тадбирларда Қўмита номидан иштирок этиш;

зарурат бўлганда, бошқарув ходимларининг белгиланган умумий чекланган сони ва меҳнатга ҳақ тўлаш фонди доирасида Қўмита марказий аппарати, ҳудудий бошқармалари ва идоравий мансуб ташкилотларининг тасдиқланган тузилмасига ўзгартиришлар киритиш;

Қўмита марказий аппаратининг таркибий бўлинмалари, шунингдек, Қўмитанинг ҳудудий бошқармалари ва идоравий мансуб ташкилотлари тўғрисидаги низомларни ҳамда уставларни тасдиқлаш;

Қўмита марказий аппарати ходимлари, ҳудудий бошқармалари раҳбарлари билан қонунчиликда белгиланган тартибда меҳнат шартномаларини тузиш ва бекор қилиш;

Қўмита марказий аппарати, ҳудудий бошқармалари ва туманлар (шаҳарлар) бўлинмалари ходимлари бажариши шарт бўлган буйруқлар ва фармойишлар чиқариш ҳамда кўрсатмалар бериш;

Қўмита тизимида фаолият юритаётган ходимларни рағбатлантириш ва интизомий жавобгарликка тортиш масалаларини ҳал этиш, алоҳида ўрнак кўрсатган ходимларни Ўзбекистон Республикасининг Давлат мукофотлари билан тақдирлашга тақдим этиш, шунингдек, соҳа тармоқларини ривожлантиришда алоҳида ўрнак кўрсатган ходимларни «Мўътабар аёл» кўкрак нишони, фахрий ёрлиқлар билан тақдирлаш ҳамда бошқа рағбатлантириш чораларини кўриш;

Қўмита мол-мулкини қонунчилик ҳужжатларида белгиланган тартибда бошқариш;

Қўмита ходимларини ҳамда ҳудудий бошқармалар ва идоравий мансуб ташкилотлар ходимларини тизимли равишда тайёрлаш ва хорижий давлатларда уларнинг малакасини оширишни ташкил этиш;

Қўмита ваколатига кирадиган масалалар юзасидан Ўзбекистон Республикасининг халқаро шартномаларини имзолаш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини ташкил этиш ва мониторингини юритишнинг амалий тизимини яратиш, Қўмитанинг фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда республика ижро этувчи ҳокимият органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига ва «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига мувофиқ топшириқлар ўз вақтида ва сифатли ижро этилиши учун таркибий ва ҳудудий бўлинмалар ҳамда идоравий мансуб ташкилотлар раҳбарларининг шахсий масъулиятини ошириш чораларини кўриш.

18. Қуйидагилар Қўмита раиси ўринбосарларининг асосий функционал вазифалари ҳисобланади:

Ўзбекистон Республикаси Конституцияси ва қонунлари талабларига, шунингдек, бошқа норматив-ҳуқуқий ҳужжатларга риоя қилиш;

Қўмита раиси вақтинча бўлмаганда, тегишли буйруқ асосида унинг вазифаларини бажариш;

Қўмитанинг ўзи назорат қиладиган идоравий мансуб ташкилотлари фаолиятини мувофиқлаштириш, назорат қилиш ва уларга бевосита раҳбарлик қилиш, уларнинг ходимлари ўртасида вазифаларни тақсимлаш;

Қўмита фаолиятининг ўзи назорат қиладиган йўналишлари бўйича Ўзбекистон Республикаси Президенти ва Вазирлар Маҳкамасининг қарорлари билан тасдиқланган Қўмита фаолиятини янада такомиллаштириш бўйича концепциялар, комплекс дастурлар ва тадбирлар ижросини танқидий ва чуқур таҳлил қилиш;

ўзи назорат қиладиган таркибий бўлинмалар томонидан мақсадли кўрсаткичларга эришишни сўзсиз таъминлаш чораларини кўриш, таркибий бўлинмалар раҳбарларининг ҳисоботларини мунтазам эшитиш ва ушбу кўрсаткичларга эришиш учун уларнинг шахсий жавобгарлигини ошириш;

ўзи назорат қиладиган таркибий бўлинмаларнинг режаларини тасдиқлаш, уларнинг бажарилишини назорат қилишни таъминлаш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини ташкил этиш ва мониторингини юритишнинг амалий тизимини яратиш, Қўмита фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига ва ««Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига мувофиқ топшириқлар ўз вақтида сифатли ижро этилиши учун таркибий ва ҳудудий бўлинмалар ҳамда идоравий мансуб ташкилотлар раҳбарларининг шахсий масъулиятини ошириш чораларини кўриш;

Қўмита ҳайъати қарорлари, Қўмита раисининг буйруқлари ва топшириқлари ўз вақтида ва сифатли бажарилишини таъминлаш;

ўзи назорат қиладиган таркибий бўлинмаларда кадрларни танлаш ва жой-жойига қўйиш бўйича Қўмита раисига таклифлар тақдим этиш, уларнинг профессионаллиги, ўз ишини билиши, юксак даражадаги ишчанлик ва маънавий-ахлоқий фазилатларга эга бўлишини таъминлаш, уларнинг касбий малакасини ошириш, мутасаддилик қилинадиган таркибий тузилмаларда кадрлар захирасини шакллантириш чораларини кўриш;

ўзи назорат қиладиган таркибий бўлинмалар томонидан норматив-ҳуқуқий ҳужжатлар лойиҳаларининг тўлиқ ва сифатли ишлаб чиқилишини ташкил этиш, Қўмита таркибий бўлинмаларида тайёрланган ҳужжатлар лойиҳалари Қўмита раиси томонидан кўриб чиқилиши ва имзоланиши (виза қўйилиши) учун кўриб чиқиш ва виза қўйиш, уларни Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига қатъий риоя қилган ҳолда ва ўз вақтида Вазирлар Маҳкамасига киритилишини таъминлаш, шунингдек, норматив-ҳуқуқий ҳужжатлар лойиҳалари Вазирлар Маҳкамасида кўриб чиқилишида Қўмита раисининг топшириғига асосан иштирок этиш;

Қўмитага тақдим этилган таклифлар ва норматив-ҳуқуқий ҳужжатлар лойиҳалари тўлиқ ва ўз вақтида кўриб чиқилишини таъминлаш, уларни пухта ҳуқуқий, молиявий, иқтисодий ва бошқа экспертизадан ўтказиш;

хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чора-тадбирлари тўғрисида » 2014 йил 5 мартдаги ПҚ-2142-сон ва «Хорижий хизмат сафарларида бўлишнинг самарадорлиги ва хорижий делегацияларнинг Ўзбекистон Республикасига ташрифини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3137-сон қарорлари талабларига тўлиқ мувофиқ ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

ўзи назорат қиладиган таркибий бўлинмалар раҳбарлари фаолиятининг самарадорлиги ва натижадорлигини мунтазам танқидий таҳлил қилиш, Қўмита ҳайъати мажлисларида уларнинг шахсий ҳисоботларини эшитиш, уларнинг якунлари бўйича зарур чора-тадбирларни амалга ошириш;

соҳага оид масалалар бўйича Қўмита фаолиятини ривожлантиришга доир амалий чоралар кўриш, қонунчилик ҳужжатларини такомиллаштириш юзасидан таклифлар ишлаб чиқиш ва уларни Қўмита раисига киритиш;

ўзи назорат қиладиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимда қолиши мақсадга мувофиқлиги масаласини кўриб чиқиш бўйича Қўмита раисига таклиф киритиш, функционал вазифалар ва юкланган вазифалар бажарилиши учун уларнинг шахсий масъулиятини ошириш бўйича тизимли чоралар кўриш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ таркибий бўлинмаларда коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиётини ва қонун ҳужжатларини такомиллаштиришга доир чора-тадбирларни ишлаб чиқиш ва амалга ошириш орқали уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш;

Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари асосида тасдиқланган Қўмита ва унинг ҳудудий бошқармалари ходимлари, ўзи назорат қиладиган таркибий тузилмалар раҳбарлари ва ходимлари томонидан ушбу қоидаларга риоя этилишини таъминлаш;

давлат хизматлари самарадорлигини, улардан эркин фойдаланишни ва уларни кўрсатиш сифатини ошириш ҳамда «Электрон ҳукумат тўғрисида»ги Ўзбекистон Республикаси Қонунини амалга ошириш доирасида замонавий ахборот-коммуникация технологияларидан фойдаланиш;

жисмоний ва юридик шахсларнинг мурожаатларини кўриб чиқиш ишларини «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ самарали ташкил этиш, жамоатчилик билан бевосита ва очиқ мулоқот ўрнатиш, шахсан қабул қилишни мунтазам равишда ўтказиш, шу жумладан, жисмоний ва юридик шахсларнинг вакилларини белгиланган муддатларда ва тартибда жойларга бориб қабул қилиш;

Ўзбекистон Республикаси Президентининг Халқ қабулхоналари билан самарали ҳамкорликни, Ўзбекистон Республикаси Президентининг «Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида» 2016 йил 28 декабрдаги ПФ-4904-сон Фармонига мувофиқ уларнинг фаолиятида фаол иштирок этишни, жисмоний ва юридик шахсларнинг Ўзбекистон Республикаси Президенти Виртуал қабулхонасидан тушган барча мурожаатлари ўз вақтида ва тўлиқ кўриб чиқилишини таъминлаш;

давлат сирлари билан ишлашда қонун ҳужжатлари талабларига риоя қилиш;

ўз фаолияти соҳасида малакали кадрларни тайёрлаш, кадрларни, шу жумладан, хориждаги илғор илмий-тадқиқот муассасалари ва таълим марказларида қайта тайёрлаш ва малакасини оширишни ташкил қилиш;

ўз фаолияти соҳасида хорижий давлатлар, халқаро ва хорижий ташкилотлар билан ҳамкорлик қилиш;

Қўмита тизимининг молиявий-иқтисодий асосларини ҳамда моддий-техник базасини мустаҳкамлаш ва бу борада аниқ чора-тадбирларни амалга ошириш.

Жумладан, соҳа йўналишлари бўйича:

а) Қўмита раиси ўринбосарининг асосий вазифалари (хотин-қизларнинг ижтимоий-сиёсий фаоллигини ошириш, гендер тенгликка эришиш, бандлик ва ижтимоий ҳимоя масалалари бўйича):

хотин-қизлар ўртасида тадбиркорликни ривожлантириш, уларнинг бандлигини таъминлашга кўмаклашиш, касб-ҳунарга ўқитишни ташкил этиш;

республика ва ҳудудий «Хотин-қизлар тадбиркорлик марказлари» фаолиятини самарали ташкил этишида кўмаклашиш;

маҳаллалардаги хотин-қизлар фаоллари ишини мувофиқлаштириш;

ижтимоий ҳимояга муҳтож оилалар ва «Аёллар дафтари»га киритилган хотин-қизлар билан ишлаш;

гендер тенгликни таъминлаш;

хотин-қизларнинг ижтимоий-сиёсий фаоллигини ошириш, уларнинг билим ва кўникмаларини ривожлантириш ҳамда таълим олиш имкониятларини кенгайтириш;

хотин-қизларга нисбатан зўравонликнинг олдини олиш, шунингдек, зўравонликдан жабр кўрган шахсларга ижтимоий, маънавий ва ҳуқуқий ёрдам бериш ишларини ташкил қилиш;

бошқарув лавозимларидаги хотин-қизлар улушини ошириш;

олий таълим муассасаларида талабалар орасида хотин-қизлар улушини ошириш;

хотин-қизларнинг ахборот-коммуникация технологияларидан фаол фойдаланиши кўламини ошириш;

хотин-қизлар ўртасида илм-фан ва инновацияларни ривожлантириш;

маҳаллий Кенгашлар депутатлигига ўтказиладиган сайлов жараёнларида номзод хотин-қизларнинг улушини ошириш;

иқтидорли хотин-қизларни аниқлаш ва қўллаб-қувватлаш тизимини такомиллаштириш;

хотин-қизлар ўртасида илм-фан ва инновацияларни ривожлантириш бўйича тегишли вазирлик ва идоралар билан ҳамкорликда мақсадли лойиҳаларни амалга ошириш, форум, конференция, танлов, кўргазма, семинарлар, давра суҳбатлари, учрашувлар ташкил қилиш;

ижтимоий ҳимояга муҳтож хотин-қизларни манзилли қўллаб-қувватлаш;

давлат томонидан эҳтиёжманд хотин-қизларни махсус жарроҳлик амалиётини ўтказиш;

республикада хотин-қизларнинг иқтисодий имкониятларини кенгайтиришга кўмаклашиш;

хотин-қизлар энг кўп ишлаши мумкин бўлган тармоқларда тегишли вазирлик ва идораларнинг мавжуд иш ўринларига бўлган эҳтиёжидан келиб чиқиб, ишлаш истагида бўлган хотин-қизларни ушбу иш ўринларига жалб этиш орқали бандлигига кўмаклашиш;

барча ҳудудларда «яшил» иқтисодиётни ривожлантиришга хотин-қизларни, хусусан, уй бекаларини жалб этиш;

«Edo.ijro.uz» электрон ички ҳужжатлар алмашинуви тизими орқали ҳужжатлар ижросининг таъминланишини назорат қилиш;

«Ijro.gov.uz» ижро интизоми идоралараро ягона электрон тизими орқали топшириқ ва вазифаларнинг ижросини таъминлаш ҳамда ташкилий ишларни мувофиқлаштириш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини ташкил этиш ва мониторингини юритишнинг амалий тизимини яратиш, Қўмита фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига ва ««Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига мувофиқ топшириқлар ўз вақтида сифатли ижро этилиши учун таркибий ва ҳудудий бўлинмалар ҳамда идоравий мансуб ташкилотлар раҳбарларининг шахсий масъулиятини ошириш чора-тадбирларини кўриш;

б) Қўмита раиси ўринбосарининг асосий вазифалари (оила институтини мустаҳкамлаш, ижтимоий-маънавий муҳитни яхшилаш ва миграция масалалари бўйича):

«Соғлом оила-соғлом жамият» шиори остида оилалар фаровонлиги ва барқарорлигини таъминлаш, оилаларни мустаҳкамлаш, масъулиятли ота-оналик ғоясини сингдириш тадбирларини ташкил этиш;

оила институтини мустаҳкамлаш, ижтимоий-маънавий муҳит барқарорлигини таъминлаш, маҳаллаларда низоларни барвақт аниқлаш, низоли оилаларни соғлом турмуш тарзига қайтариш;

«Ёшларни оилавий ҳаётга тайёрлаш марказлари»да никоҳланувчи шахсларни ўқитиш;

хотин-қизлар ҳуқуқлари ва қонуний манфаатларини кўзлаб, судларга ариза (шикоят) ва даъволарни киритиш;

ноқонуний никоҳ асосида яшаётган оилаларнинг никоҳини қонуний расмийлаштириш чораларини кўриш;

хавфсиз миграцияни ташкил қилиш мақсадида ҳудудларда чет элга ишлаш учун чиқиш истагидаги хотин-қизлар билан суҳбатларни тизимли ташкил қилиш;

оғир ижтимоий аҳволга тушиб қолган ва турар жойга муҳтож хотин-қизларни уй-жой билан таъминлаш;

миграциядан қайтган, жазони ижро этиш муассасаларидан озод этилган, оғир ижтимоий вазиятга тушиб қолган хотин-қизларнинг ижтимоий мослашувига, улар билан манзилли ишлаш орқали зарур ёрдамлар олишларига кўмаклашиш;

жамиятда хотин-қизларга қаратилган тазйиқ ва зўравонликка нисбатан муросасизлик муҳитини яратиш;

ҳудудларда электр энергиясини тежаш мақсадида қуёш панелларидан фойдаланишни тарғиб қилиш;

«Edo.ijro.uz» электрон ички ҳужжатлар алмашинуви тизими орқали ҳужжатлар ижросининг таъминланишини назорат қилиш;

«Ijro.gov.uz» ижро интизоми идоралараро ягона электрон тизими орқали топшириқ ва вазифаларнинг ижросини таъминлаш ҳамда ташкилий ишларни мувофиқлаштириш;

хотин-қизлар масалалари бўйича фуқаролик жамияти институтлари билан ҳамкорлик қилиш;

хотин-қизлар масалалари бўйича бошланғич ташкилотлар фаолиятини самарали ташкил этиш;

оилавий, маънавий-ахлоқий қадриятларни мустаҳкамлаш;

«Ибратли оила», «Мўътабар аёл» кўкрак нишонлари билан тақдирлашга оид чора-тадбирларни ташкил қилиш ва амалга ошириш;

ижтимоий реабилитация ишларини мувофиқлаштириш;

Қўмита тизимида ахборот технологиялари ва рақамлаштиришни жорий этиш;

Зулфия номидаги Давлат мукофоти комиссияси фаолиятини ташкил этишга оид чора-тадбирларни самарали амалга ошириш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини ташкил этиш ва мониторингини юритишнинг амалий тизимини яратиш, Қўмита фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига ва ««Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига мувофиқ топшириқлар ўз вақтида сифатли ижро этилиши учун таркибий ва ҳудудий бўлинмалар ҳамда идоравий мансуб ташкилотлар раҳбарларининг шахсий масъулиятини ошириш чора-тадбирларини кўриш.

19. Қуйидагилар Қўмита марказий аппарати таркибий тузилмалари раҳбарларининг асосий функционал вазифалари ҳисобланади:

Ўзбекистон Республикаси Конституцияси ва қонунлари, шунингдек, бошқа норматив-ҳуқуқий ҳужжатлар талабларига риоя қилиш;

тегишли бўлинма фаолиятига бевосита раҳбарлик қилиш, ушбу бўлинмага юкланган вазифалар ва функцияларнинг бажарилишини ташкил этиш;

Қўмитанинг ҳудудий ва таркибий бўлинмалари фаолиятини ўз ваколатлари доирасида мувофиқлаштириш;

прогноз кўрсаткичларнинг бажарилишини мунтазам таҳлил қилиш ҳамда Қўмитанинг ҳудудий ва таркибий бўлинмалари ушбу кўрсаткичларга сўзсиз эришишини таъминлашга қаратилган қўшимча чора-тадбирларни амалга ошириш бўйича таклифларни Қўмита раисининг назорат қилувчи ўринбосарларига киритиш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини ташкил этиш ва мониторингини олиб боришнинг амалий тизимини яратиш, Қўмита фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига , Ўзбекистон Республикаси Президентининг ««Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига мувофиқ топшириқлар ўз вақтида сифатли ижро этилиши учун таркибий ва ҳудудий бўлинмалар ҳамда идоравий мансуб ташкилотлар раҳбарларининг шахсий масъулиятини ошириш чора-тадбирларини кўриш;

Қўмита ҳайъати қарорлари, Қўмита раисининг буйруқлари ва фармойишлари, унинг ўринбосарлари кўрсатмалари ҳамда топшириқларининг ўз вақтида ва сифатли бажарилишини таъминлаш;

таркибий бўлинмаларнинг ҳар чораклик иш режалари ишлаб чиқилишини таъминлаш, уларни тасдиқлаш учун киритиш, уларда кўрсатилган вазифалар ва тадбирлар ўз вақтида ва сифатли бажарилишини таъминлаш;

таркибий бўлинмаларга юкланган вазифалар бажарилишини назорат қилиш ва мувофиқлаштириш, Қўмита ҳудудий бошқармалари ва идоравий мансуб ташкилотлар фаолиятига амалий ва методик ёрдам бериш;

таркибий бўлинмалар фаолияти соҳаларига оид қонунчилик ҳужжатлари ва ҳуқуқни қўллаш амалиётини такомиллаштириш бўйича таклифларни ишлаб чиқиш ва кўриб чиқиш учун Қўмита раҳбариятига киритиш;

таркибий бўлинмаларда кадрларни танлаш ва жой-жойига қўйишда Қўмита ўринбосарларига таклифлар тақдим этиш, профессионаллиги, ўз ишини билиши, амалий тажрибага, юксак ишчанлик ва маънавий-ахлоқий фазилатларга эга эканлиги кафолатини таъминлаш, уларнинг касбий малакасини ошириш чораларини кўриш, таркибий тузилмаларда кадрлар захирасини шакллантириш;

таркибий бўлинмалар томонидан норматив-ҳуқуқий ҳужжатлар лойиҳаларининг сифатли ишлаб чиқилишини ташкил этиш, таркибий бўлинмаларда тайёрланган ҳужжатлар лойиҳаларини Қўмита раиси томонидан кўриб чиқилиши ва имзоланиши (виза қўйилиши) учун кўриб чиқиш ва виза қўйиш, улар Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига қатъий риоя қилган ҳолда ва ўз вақтида Вазирлар Маҳкамасига киритилишини таъминлаш, норматив-ҳуқуқий ҳужжатлар лойиҳалари Вазирлар Маҳкамасида кўриб чиқилишида Қўмита раҳбарияти топшириғига асосан иштирок этиш;

таркибий бўлинмага тақдим этилган таклифлар ва норматив-ҳуқуқий ҳужжатлар лойиҳаларини тўлиқ ва ҳар томонлама кўриб чиқиш, уларни пухта ҳуқуқий, молиявий, иқтисодий ва бошқа экспертизадан ўтказиш;

хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чора-тадбирлари тўғрисида » 2014 йил 5 мартдаги ПҚ-2142-сон ва «Хорижий хизмат сафарларида бўлишнинг самарадорлиги ва хорижий делегацияларнинг Ўзбекистон Республикасига ташрифини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3137-сон қарорлари талабларига тўлиқ мувофиқ ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

таркибий бўлинмалар ходимлари фаолиятининг самарадорлиги ва натижадорлигини мунтазам равишда танқидий таҳлил қилиш, йиғилишларда уларнинг шахсий ҳисоботларини эшитиш, уларнинг якунлари бўйича зарур чора-тадбирларни амалга ошириш;

Қўмита ходимларининг Қўмита ва унинг ҳудудий бошқармалари ходимлари одоб-ахлоқ қоидаларига риоя этишини таъминлаш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ таркибий бўлинмаларда коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиётини ва қонунчилик ҳужжатларини такомиллаштиришга доир чора-тадбирларни ишлаб чиқиш ва амалга ошириш орқали уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш;

жисмоний ва юридик шахсларнинг мурожаатларини «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ кўриб чиқиш, жамоатчилик билан бевосита ва очиқ мулоқот ўрнатиш, шахсан қабул қилишни мунтазам равишда ўтказиш, шу жумладан, жисмоний ва юридик шахсларнинг вакилларини белгиланган муддатларда ва тартибда жойларга бориб қабул қилиш;

Ўзбекистон Республикаси Президентининг Халқ қабулхоналари билан самарали ҳамкорлик қилиш, Ўзбекистон Республикаси Президентининг «Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида» 2016 йил 28 декабрдаги ПФ-4904-сон Фармонига мувофиқ уларнинг фаолиятида фаол иштирок этиш, жисмоний ва юридик шахсларнинг Ўзбекистон Республикаси Президентининг Виртуал қабулхонасидан тушган мурожаатларини ўз вақтида ва тўлақонли кўриб чиқиш;

давлат сирлари билан ишлашда қонун ҳужжатлари талабларига риоя қилиш;

иш юритиш соҳасидаги намунали ходимларни аниқлаш ва мукофотлаш юзасидан Қўмита раҳбариятига таклифлар киритиш.

20. Қуйидагилар Қўмитанинг ҳудудий бошқармалари раҳбарларининг асосий функционал мажбуриятлари ҳисобланади:

Ўзбекистон Республикаси Конституцияси ва қонунлари, шунингдек, бошқа норматив-ҳуқуқий ҳужжатлар талабларига риоя қилиш;

ҳудудий бўлинмалар фаолиятига умумий раҳбарлик қилиш, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, Қўмитанинг, маҳаллий ижро этувчи ҳокимият органларининг норматив-ҳуқуқий ҳужжатлари билан ушбу бошқармаларга юкланган вазифалар ва функциялар бажарилишини ташкил этиш;

ҳудудий бошқармалар ва туманлар (шаҳарлар) бўлимлари фаолияти билан боғлиқ прогноз кўрсаткичларга эришишни сўзсиз таъминлаш бўйича амалий чора-тадбирларни ишлаб чиқиш ва қабул қилиш;

ҳудудий бошқармалар ва туманлар (шаҳарлар) бўлимлари фаолиятини назорат қилиш ва мувофиқлаштириш;

ҳудудий бошқармалар ва туманлар (шаҳарлар) бўлимлари ходимлари томонидан Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари, фармойишлари ижроси таъминланишини, ижро интизоми мустаҳкамланиши бўйича комплекс амалий чора-тадбирлар амалга оширилиши, шунингдек, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига ва ««Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига мувофиқ топшириқлар ўз вақтида сифатли ижро этилиши учун таркибий ва ҳудудий бўлинмалар ҳамда идоравий мансуб ташкилотлар раҳбарларининг шахсий масъулиятини ошириш чора-тадбирларини кўриш;

Қўмита ҳайъати қарорлари, Қўмита раисининг буйруқлари, фармойишлари ва унинг ўринбосарлари кўрсатмалари ҳамда топшириқлари ўз вақтида ва сифатли бажарилишини таъминлаш;

Қўмита фаолияти соҳасига кирадиган масалалар юзасидан маҳаллий ижро этувчи ҳокимият органлари ва комплекс ижтимоий-иқтисодий ривожлантириш бўйича секторлар билан ҳамкорлик қилиш;

ходимларнинг ваколатларини белгилаш, улар ўртасида мажбуриятларни тақсимлаш, ҳудудий бошқармалар ва туманлар (шаҳарлар) бўлимларини бошқаришда мансабдор шахсларнинг жавобгарлигини белгилаш;

ҳудудий бошқармалар ва туманлар (шаҳарлар) бўлимлари фаолиятини режалаштиришни ташкил этиш, ҳар чораклик иш режаларини тасдиқлаш, уларнинг бажарилиши устидан назоратни таъминлаш;

ҳудудий бошқармаларда ва туманлар (шаҳарлар) бўлимларида кадрларни танлаш ва жой-жойига қўйиш, уларнинг самарали фаолият кўрсатиши учун зарур шарт-шароитлар яратиш, ҳудудий бошқарма кадрлар захирасини шакллантириш;

Қўмита раҳбари номенклатурасига кирадиган бўш лавозимларга таклиф этилган кадрларнинг, шунингдек, ҳудудий бошқармага ишга қабул қилинаётган бошқа кадрларнинг профессионаллиги, ўз ишини билиши, амалий тажрибага, юксак даражада ишчанлик ва маънавий-ахлоқий фазилатларга эга эканлиги кафолатини таъминлаш;

ҳудудий бошқармалар ходимларини рағбатлантириш ва интизомий жавобгарликка тортиш масалаларини ҳал қилиш, шу жумладан, улар эгаллаб турган лавозимда қолиши мақсадга мувофиқлигига доир масалаларни кўриб чиқиш, уларнинг шахсий масъулиятини ошириш бўйича чоралар кўриш;

ҳудудий бошқармалар ходимларининг ва туман (шаҳар) бўлимлари ходимларининг одоб-ахлоқ қоидалари талабларига риоя қилишини таъминлаш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ ҳудудий бўлинмаларда коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиётини ва қонунчилик ҳужжатларини такомиллаштиришга доир чора-тадбирларни ишлаб чиқиш ва амалга ошириш орқали уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш;

прогноз кўрсаткичларнинг бажарилишини мунтазам таҳлил қилиш ҳамда Қўмитанинг ҳудудий бошқармалари ва уларнинг бўлинмалари ушбу кўрсаткичларга сўзсиз эришишини таъминлашга қаратилган қўшимча чоралар кўриш бўйича таклифларни Қўмитага киритиш;

ҳудудий бошқармалар ходимлари ва туман (шаҳар) бўлимлари раҳбарлари фаолияти самарадорлиги ва натижадорлигини тизимли равишда танқидий таҳлил қилиш, йиғилишларда уларнинг шахсий ҳисоботларини эшитиш, уларнинг якунлари бўйича зарур чора-тадбирларни амалга ошириш;

ҳудудий бошқармалар ва уларнинг бўлинмалари фаолиятига оид масалалар бўйича қонунчилик ҳужжатларини такомиллаштириш, шунингдек, давлат хизматлари самарадорлиги, сифатини ошириш ва улардан эркин фойдаланиш бўйича таклифларни ишлаб чиқиш ҳамда кўриб чиқиш учун Қўмита раҳбариятига киритиш;

жисмоний ва юридик шахсларнинг мурожаатларини кўриб чиқиш, аҳоли билан тўғридан-тўғри ва очиқ мулоқотни йўлга қўйиш, мунтазам равишда шахсан қабул қилиш, шу жумладан, сайёр қабуллар ўтказиш;

Ўзбекистон Республикаси Президентининг Халқ қабулхоналари билан самарали ҳамкорлик қилиш, Ўзбекистон Республикаси Президентининг «Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида» 2016 йил 28 декабрдаги ПФ-4904-сон Фармонига мувофиқ уларнинг фаолиятида фаол иштирок этиш, жисмоний ва юридик шахсларнинг Ўзбекистон Республикаси. Президентининг Виртуал қабулхонасидан тушган мурожаатларини ўз вақтида ва тўлақонли кўриб чиқиш;

ҳудудий бошқармалар ходимларининг лавозим маошига мукофотлар, устамалар тўлаш, уларга моддий ёрдам бериш, уларни мукофотлаш, рағбатлантириш ва уларга интизомий чора қўллаш тўғрисида қарор қабул қилиш, уларни давлат мукофотлари ва идоравий мукофотлар билан тақдирлаш тўғрисида Қўмитага таклифлар киритиш;

давлат сирини ёки қонун билан қўриқланадиган бошқа сирни ташкил этувчи маълумотларнинг ҳимоя қилинишини таъминлаш;

маҳаллий ижро этувчи ҳокимият органларида, судларда ва ташкилотларда Қўмитанинг ҳудудий бошқармалари ва уларнинг бўлинмалари манфаатларини ифода этиш;

хотин-қизларнинг ҳуқуқлари ва қонуний манфаатларига риоя этилишини таъминлаш учун жавоб беради.

6-боб. Қўмита раҳбарларининг жавобгарлиги

21. Қўмита раиси:

мазкур Низом ва бошқа қонунчилик ҳужжатлари билан Қўмитага юкланган вазифаларнинг сифатли ва ўз вақтида бажарилиши, шунингдек, Қўмита ишидаги камчиликларни бартараф этиш бўйича чоралар кўрилиши;

амалга оширилаётган дастурлар, стратегия ва концепцияларда кўзланган натижаларга эришилиши, уларнинг оила ва хотин-қизларни қўллаб-қувватлаш, уларнинг ҳуқуқлари ва қонуний манфаатларини ҳимоя қилиш соҳасидаги давлат сиёсатини амалга оширишга таъсири;

тегишли соҳалар ва тармоқларни ривожлантириш бўйича белгиланган параметрлар ва кўрсаткичларга эришишга қаратилган амалий чоралар ишлаб чиқилиши ва амалга оширилиши;

Қўмита тизимида ижро интизомига қатъий риоя этилиши учун жавоб беради.

22. Қўмита раисининг ўринбосарлари:

қонунчилик ҳужжатлари билан юкланган йўналишлар ва соҳалар бўйича вазифалар ва функцияларнинг ўз вақтида бажарилиши ҳамда натижадорлиги;

мутасаддилик қилинаётган йўналишлар бўйича соҳаларнинг барқарор ривожланишини таъминлашга оид чора-тадбирларнинг самарадорлиги ва натижадорлиги учун жавоб беради.

23. Қўмита марказий аппарати таркибий бўлинмалари раҳбарлари:

тегишли таркибий бўлинмаларга юкланган вазифалар ва функцияларнинг ўз вақтида бажарилиши ҳамда натижадорлиги;

фаолият йўналишларига оид қонунчилик ҳужжатлари, Қўмита раҳбарларининг топшириқлари бажарилишининг ҳолати тўғрисида Қўмитага ҳаққоний таҳлилий ва бошқа ахборотларни сифатли тайёрлаш ва ўз вақтида тақдим этиш юзасидан жавоб беради.

24. Қўмита ҳудудий бўлинмаларининг бошлиқлари:

юкланган вазифалар ва функцияларнинг сифатли бажарилишини ташкил этиш;

тегишли ҳудудда оила ва хотин-қизларни қўллаб-қувватлаш, уларнинг ҳуқуқлари ва қонуний манфаатларини ҳимоя қилиш соҳасидаги давлат сиёсати соҳасидаги қонунчилик ҳужжатлари, Қўмита раҳбарларининг топшириқлари ўз вақтида ва сифатли бажарилиши бўйича таъсирчан назоратни амалга ошириш;

тегишли ҳудудда оила ва хотин-қизларни қўллаб-қувватлаш, уларнинг ҳуқуқлари ва қонуний манфаатларини ҳимоя қилиш соҳасидаги давлат сиёсатини амалга ошириш ҳолати тўғрисида Қўмитага ҳаққоний таҳлилий ва бошқа ахборотларни ўз вақтида тақдим этиш юзасидан жавоб беради.

7-боб. Қўмита фаолиятини ташкил этиш

1-§. Қўмита раҳбарияти

25. Қўмитага Ўзбекистон Республикаси Бош вазирининг Ўзбекистон Республикаси Олий Мажлиси Қонунчилик палатаси маъқуллаганидан кейин киритилган такдимномасига биноан Ўзбекистон Республикаси Президенти томонидан лавозимга тасдиқланадиган ва лавозимдан озод қилинадиган Бош вазир ўринбосари — Қўмита раиси раҳбарлик қилади.

Қўмита раиси ўз мақомига кўра Вазирлар Маҳкамаси аъзоси ҳисобланади.

26. Қўмита раисининг Ўзбекистон Республикаси Бош вазирининг тақдимномасига асосан Ўзбекистон Республикаси Президенти томонидан лавозимга тайинланадиган ва лавозимдан озод қилинадиган икки нафар ўринбосари бўлади.

Қўмита раиси бўлмаган вақтда унинг ваколатлари вазифалар тақсимотига мувофиқ раис ўринбосарларидан бири томонидан амалга оширилади.

Қўмита раисининг ўринбосарлари мақоми, меҳнатга ҳақ тўлаш, моддий рағбатлантириш ва тиббий хизмат кўрсатиш шартларига кўра — тегишли равишда вазир ўринбосарларига, Қўмита марказий аппарати ходимлари — Камбағалликни қисқартириш ва бандлик вазирлигининг марказий аппарати ходимларига, Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари раҳбарлари — Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг ўринбосарларига, туман (шаҳар) оила ва хотин-қизлар бўлимлари раҳбарлари — туман ва шаҳар ҳокимларининг ўринбосарларига, Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари ходимлари — Қорақалпоғистон Республикаси Камбағалликни қисқартириш ва бандлик вазирлиги, вилоятлар ва Тошкент шаҳар камбағалликни қисқартириш ва бандлик бошқармалари ходимларига тенглаштирилади.

27. Қўмита марказий аппаратининг таркибий (бошқарма, бўлим, бўлинма ва хизматлар) бўлинмалари, шунингдек, таркибий бўлинмалар раҳбарлари тегишлича Қўмита раисининг ўринбосарлари тақдимномаси бўйича Қўмита раиси томонидан лавозимга тайинланади ва лавозимдан озод этилади.

28. Қорақалпоғистон Республикаси Вазирлар Кенгаши Раисининг ўринбосари — Оила ва хотин-қизлар қўмитаси раиси, вилоятлар ва Тошкент шаҳар ҳокимларининг ўринбосарлари — Оила ва хотин-қизлар бошқармалари бошлиқлари тегишлича Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари томонидан Ўзбекистон Республикаси Бош вазирининг ўринбосари — Оила ва хотин-қизлар қўмитаси раиси билан келишган ҳолда лавозимга тайинланади ва лавозимдан озод этилади.

29. Туман (шаҳар)лар ҳокимларининг ўринбосарлари — оила ва хотин-қизлар бўлимлари бошлиқлари тегишлича Қорақалпоғистон Республикаси Вазирлар Кенгаши Раисининг ўринбосари — Оила ва хотин-қизлар қўмитаси раиси, вилоятлар ва Тошкент шаҳар ҳокимларининг ўринбосарлари — Оила ва хотин-қизлар бошқармалари бошлиқларининг тақдимномасига биноан Ўзбекистон Республикаси Бош вазирининг ўринбосари — Оила ва хотин-қизлар қўмитаси раиси билан келишган ҳолда туман (шаҳар)лар ҳокимлари томонидан лавозимга тайинланади ва лавозимдан озод этилади.

30. Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар Оила ва хотин-қизлар бошқармалари таркибидаги бўлимлар ва туман (шаҳар)лар Оила ва хотин-қизлар бўлимлари мутахассислари лавозимга Ўзбекистон Республикаси Оила ва хотин-қизлар қўмитаси марказий аппаратининг мутасадди бошқарма ва бўлимлари бошлиқларининг хулосаларига мувофиқ тегишлича Қорақалпоғистон Республикаси Вазирлар Кенгаши Раисининг ўринбосари — Оила ва хотин-қизлар қўмитаси раисининг, вилоятлар ва Тошкент шаҳар ҳокимларининг ўринбосарлари — Оила ва хотин-қизлар бошқармалари бошлиқларининг буйруғига биноан лавозимга тайинланади ва лавозимдан озод этилади.

Қорақалпоғистон Республикаси Вазирлар Кенгаши Раиси ўринбосари — Қорақалпоғистон Республикаси Оила ва хотин-қизлар қўмитаси раиси, вилоятлар ва Тошкент шаҳар ҳокимлари ўринбосарлари — вилоятлар ва Тошкент шаҳар оила ва хотин-қизлар бошқармалари бошлиқлари ҳамда туман (шаҳар) ҳокимларининг ўринбосарлари — туман (шаҳар) оила ва хотин-қизлар бўлимлари бошлиқларига 1 нафардан автомобиль ҳайдовчиси ва раҳбар котибаси (ёрдамчи ходимлар) ажратилади.

2-§. Қўмита марказий аппарати таркибий бўлинмаларининг ҳудудий бошқармалар ва идоравий мансуб ташкилотлар билан ўзаро ҳамкорлиги

31. Қўмита марказий аппарати таркибий бўлинмаларининг ҳудудий бошқармалар ва идоравий мансуб ташкилотлар билан ўзаро ҳамкорлиги марказий аппарат таркибий бўлинмаларининг раҳбарлари томонидан таъминланади.

32. Қўмита марказий аппаратининг таркибий бўлинмалари Қўмитанинг ҳудудий бошқармалари билан ўз фаолияти йўналишлари бўйича:

топшириқларни ҳудудий бошқармалар ва идоравий мансуб ташкилотларга етказади ҳамда уларнинг бажарилишини назорат қилади;

Қўмитанинг ҳудудий бошқармалари ва идоравий мансуб ташкилотларига таркибий бўлинмаларнинг бевосита фаолияти масалалари бўйича сўровлар юборади ҳамда уларнинг ижро этилишини назорат қилади;

Қўмитанинг ҳудудий бошқармалари ва идоравий мансуб ташкилотлари фаолиятини ўрганади, умумлаштиради, уни такомиллаштиришга қаратилган чора-тадбирларни ишлаб чиқади ва Қўмита раҳбариятига киритади;

Қўмитанинг ҳудудий бошқармалари ва идоравий мансуб ташкилотлари фаолиятини ташкил этиш ва фаолияти натижалари тўғрисида ҳисобот ва ахборот материаллари, статистика ва бошқа маълумотлар ўрганилиши ва умумлаштирилишини ташкил этади;

Қўмитанинг ҳудудий бошқармалари ва идоравий мансуб ташкилотларининг иш режаларини таҳлил қилади, уларнинг фаолиятини такомиллаштиришга доир чоралар кўради;

Қўмитанинг ҳудудий бошқармалари ва идоравий мансуб ташкилотларидан тушган таклифларни кўриб чиқади;

норматив-ҳуқуқий ҳужжатлар лойиҳаларини тайёрлашда Қўмитанинг ҳудудий бошқармалари ва идоравий мансуб ташкилотлари иштирокини ташкил этади, қонунчилик ҳужжатларини такомиллаштириш бўйича улардан тушган таклифларни кўриб чиқади.

33. Қўмитанинг ҳудудий бошқармалари ва идоравий мансуб ташкилотлари Қўмита марказий аппаратининг таркибий бўлинмалари билан ўзаро ҳамкорлик қилади. Жумладан:

Қўмита раҳбарияти топшириқлари ижроси ҳақида хабар беради;

белгиланган фаолият соҳасида қонунчилик ҳужжатларини амалга ошириш бўйича фаолият натижалари тўғрисида Қўмитанинг марказий аппаратига ахборот тақдим этади;

уларнинг фаолиятини текшириш ва ўрганиш натижасида ишда аниқланган камчиликлар ва қоидабузарликларни бартараф этиш натижалари тўғрисида хабар беради;

ўз фаолияти натижалари тўғрисидаги ҳисоботларни белгиланган муддатларда Қўмитанинг марказий аппаратига тақдим этади;

Қўмита ваколатига тааллуқли соҳалардаги муаммоларни ҳал қилишга қаратилган таклифларни Қўмитанинг марказий аппаратига юборади;

маҳаллий ижро этувчи ҳокимият органлари, ҳудудий давлат органлари, комплекс ижтимоий-иқтисодий ривожлантириш бўйича секторлар билан ўзаро ҳамкорлик натижалари тўғрисида хабар беради;

ваколатли органлар томонидан ўтказилган ўз фаолиятини текшириш натижалари тўғрисида маълумот беради;

жойларда Қўмита ҳайъати йиғилиши, семинар, конференция, танлов, кўрик ва бошқа ташкилий тадбирлар ўтказиш тўғрисида таклифлар киритади.

3-§. Қўмитанинг давлат бошқарувининг бошқа органлари, маҳаллий ижро этувчи ҳокимият органлари, хўжалик бирлашмалари ва бошқа ташкилотлар билан ўзаро ҳамкорлиги

34. Қўмита ўз вазифалари ва функцияларини амалга оширишда давлат бошқарувининг бошқа органлари, маҳаллий ижро этувчи ҳокимият органлари, хўжалик бирлашмалари ва бошқа ташкилотлар билан ўзаро ҳамкорлик қилади.

35. Қўмитанинг ҳудудий бошқармалари ўз ваколатлари доирасида давлат бошқарувининг бошқа органлари, маҳаллий ижро этувчи ҳокимият органлари, хўжалик бирлашмалари, ҳудудларни комплекс ижтимоий-иқтисодий ривожлантириш бўйича секторлар ва бошқа ташкилотлар билан ўзаро ҳамкорлик қилади.

4-§. Қўмита ҳайъати, бошқа маслаҳат, консультатив ва эксперт органлари

36. Қўмитада раис (ҳайъат раиси), унинг ўринбосарлари (лавозими бўйича), шунингдек, унинг фаолиятининг асосий йўналишларини мувофиқлаштирувчи таркибий бўлинмалар ҳамда ҳудудий бўлинма ва идоравий мансуб ташкилотлар раҳбарларидан иборат таркибда ҳайъат тузилади.

Ҳайъат таркибининг сони ва шахсий таркиби Қўмита раисининг тақдимномасига биноан Вазирлар Маҳкамаси томонидан тасдиқланади.

37. Ҳайъатга қуйидаги вазифалар юкланади:

Қўмита фаолиятининг ушбу Низомда белгиланган асосий йўналишларини ишлаб чиқиш ва амалга ошириш;

қонунчилик ҳужжатларида, Ўзбекистон Республикаси Президентининг ҳужжатлари ва Ўзбекистон Республикаси Ҳукуматининг қарорларида белгиланган вазифалар ўз вақтида ва сифатли амалга оширилишини таъминлаш учун Қўмита тизими ходимлари ва раҳбарларининг шахсий жавобгарлигини ошириш чораларини кўрган ҳолда, таркибий ва ҳудудий бўлинмалар ҳамда идоравий мансуб ташкилотлар раҳбарларининг ҳисоботлари мунтазам равишда эшитилишини ташкил этиш;

тизимли равишда Қўмита фаолияти соҳасидаги ҳудудий ва тармоқ дастурлари амалга оширилишининг натижадорлигини ҳар чоракда ва мунтазам кўриб чиқиш;

Қўмита фаолияти доирасидаги долзарб масалаларни муҳокама қилишни таъминлаган ҳолда ҳайъатнинг кенгайтирилган, шу жумладан, жойларда сайёр мажлисларини ўтказишни ташкил этиш, шунингдек, юзага келган муаммоларни бартараф этиш бўйича тегишли қарорларни ишлаб чиқиш ва қабул қилиш;

Қўмита марказий аппарати ва унинг тизимига кирадиган лавозимлар номенклатурасини кўриб чиқиш ва тасдиқлаш;

Қўмита номенклатурасига кирадиган лавозимларга кадрларни танлаш, жой-жойига қўйиш масалаларини кўриб чиқиш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари билан белгиланган вазифалар ўз вақтида ва сифатли бажарилишини таъминлаш учун Қўмита раҳбарлари ва ходимларининг ижро интизомини мустаҳкамлаш ва шахсий жавобгарлигини ошириш.

Ҳайъат Қўмита ваколатига киритилган бошқа масалаларни ҳам кўриб чиқиши мумкин.

38. Ҳайъат мажлисига республика ижро этувчи ҳокимият органлари, хўжалик бирлашмалари ва бошқа ташкилотлар раҳбарлари уларнинг ваколатига кирадиган масалалар юзасидан таклиф этилиши мумкин.

39. Ҳайъат, агар унинг мажлисида ҳайъат таркибининг ярмидан кўпи қатнашса, ваколатли ҳисобланади. Кўриб чиқилаётган масалалар юзасидан қарорлар кўпчилик овоз билан қабул қилинади.

40. Ҳайъат қарорлари Қўмита раисининг буйруқлари билан амалга оширилади.

41. Қўмита раиси ва ҳайъат аъзолари ўртасида келишмовчиликлар юзага келган тақдирда, Қўмита раиси юзага келган келишмовчиликлар ҳақида Вазирлар Маҳкамасига ахборот берган ҳолда мустақил равишда қарор қабул қилади. Ҳайъат аъзолари ҳам Вазирлар Маҳкамасига ўз фикрини хабар қилиши мумкин.

42. Ҳайъат фаолиятининг тартиби унинг ҳайъат томонидан тасдиқланадиган регламенти билан белгиланади.

8-боб. Қўмита фаолиятининг самарадорлиги ва натижадорлигини баҳолаш мезонлари ва иш индикаторлари

43. Қўмита фаолиятининг самарадорлиги мунтазам баҳоланади.

44. Қўмита фаолиятининг самарадорлиги ва натижадорлигини баҳолаш тегишли мезонлар ва ишчи индикаторларга асосланади.

45. Қўмита фаолияти самарадорлиги ва натижадорлигини баҳолаш якунлари бўйича:

Қўмита раҳбарлари ва ходимларини рағбатлантириш (мукофотлаш) ёки уларга нисбатан интизомий жазо чоралари;

Қўмита фаолиятида аниқланган камчиликларни бартараф этиш ва унинг фаолиятини янада такомиллаштириш чоралари кўрилади.

46. Қўмита фаолиятининг самарадорлиги ва натижадорлигини баҳолаш тартиби қонунчилик ҳужжатларида белгиланади.

9-боб. Қўмита фаолиятини молиялаштириш ва моддий-техник таъминлаш, унинг ходимлари меҳнатига ҳақ тўлаш ва моддий рағбатлантириш

47. Қуйидагилар Қўмита фаолиятини молиялаштиришнинг асосий манбалари ҳисобланади:

Ўзбекистон Республикаси Давлат бюджети маблағлари;

Ўзбекистон Республикаси Оила ва хотин-қизлар қўмитасини ривожлантириш ва ходимларини моддий рағбатлантириш жамғармаси маблағлари;

Оила ва хотин-қизларни қўллаб-қувватлаш давлат мақсадли жамғармаси маблағлари;

қонунчилик ҳужжатларида тақиқланмаган бошқа манбалар.

48. Қўмитанинг марказий аппарати, ҳудудий бошқармалари ва туман (шаҳар) бўлимлари ходимларининг иш ҳақи лавозим маоши, мукофотлар, қўшимча ҳақ, устамалар ва қонунчиликда назарда тутилган бошқа рағбатлантирувчи тўловлардан иборат.

49. Қўмита бошқарув ходимларининг Ягона тариф сеткаси бўйича меҳнатга ҳақ тўлашнинг тасдиқланган разрядларига мувофиқ лавозим маошини белгилашда тариф коэффициенти марказий аппаратда — 1,8 бараварга оширилган миқдорда қўлланилади.

Қўмита марказий аппарати, унинг ҳудудий ва идоравий мансуб ташкилотлари ходимларининг лавозим маоши Ягона тариф сеткасининг тасдиқланган разрядлари бўйича белгиланади.

Қўмита ходимларининг иш ҳақи лавозим маоши, мукофотлар, қўшимча ҳақлар, устамалардан ва қонунчиликда назарда тутилган бошқа тўловлардан иборат бўлади.

50. Қўмита марказий аппарати, Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари, туман (шаҳар) оила ва хотин-қизлар бўлимлари ходимларининг умумий иш стажидан келиб чиқиб, Ўзбекистон Республикасининг Давлат бюджети маблағлари ҳисобидан қуйидаги миқдорда кўп йиллик ишлаганлик учун ҳар ойлик устама тўланади (рағбатлантириш коэффициентини инобатга олган ҳолда лавозим маошига нисбатан коэффициентларда):

1 дан 3 йилгача — 0,3;

3 дан 5 йилгача — 0,6;

5 дан 10 йилгача — 0,8;

10 дан 15 йилгача— 1,0;

15 дан 20 йилгача — 1,2;

20 дан юқори — 1,5.

Қўмита ҳузуридаги бюджетдан ташқари жамғарма маблағлари ҳисобидан қонунчиликда белгиланган ишламайдиган байрам кунларида ва бошқа муҳим саналарда мукофотлаш, шунингдек, устама, рағбатлантириш ва қўшимча ҳақ, мукофотлар ва иш ҳақига бошқа тўловлар миқдори Қўмита раиси томонидан белгиланади.

Шунингдек, Қўмита ҳузуридаги бюджетдан ташқари Ўзбекистон Республикаси Оила ва хотин-қизлар қўмитасини ривожлантириш ва ходимларини моддий рағбатлантириш жамғармаси ҳисобидан:

а) энг ташаббускор ва самарали ишлаган Қўмитанинг марказий аппарати ходимларига лавозим маошининг икки юз фоизигача, Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармаларининг ходимларига лавозим маошининг юз фоизигача, туман (шаҳар) оила ва хотин-қизлар бўлимларининг ходимларига лавозим маошининг етмиш беш фоизигача ойлик қўшимча ҳақлар ва устамалар;

Ходимларни қўшимча моддий рағбатлантириш тўғрисидаги низом Ўзбекистон Республикаси Иқтисодиёт ва молия вазирлиги билан келишган ҳолда Қўмита раиси томонидан тасдиқланади.

Қўмита ҳузуридаги бюджетдан ташқари Ўзбекистон Республикаси Оила ва хотин-қизлар қўмитасини ривожлантириш ва ходимларини моддий рағбатлантириш жамғармаси маблағлари ҳисобидан ходимларга қонунчиликда тақиқланмаган бошқа тўловлар ҳам тўланиши мумкин.

Қўмита марказий аппаратининг моддий-техник базасини мустаҳкамлаш бўйича тўловлар жамғарма ҳисобидан амалга оширилади.

Бунда ушбу бандда назарда тутилган тўловлар жамғарма молиявий ҳолатидан келиб чиқиб тўланади.

51. Қўмита марказий аппарати, ҳудудий бошқармалар ва туман (шаҳар) бўлимлари ходимларига ойлик устамалар, моддий ва кўп йиллик меҳнати учун рағбатлантиришлар тарзидаги лавозим маошларига қўшимча тўловлар қонунчилик ҳужжатларига мувофиқ амалга оширилади, шунингдек, Қўмита ҳайъати томонидан тасдиқланади.

10-боб. Қўмитанинг Ўзбекистон Республикаси Олий Мажлиси, Ўзбекистон Республикаси Президенти, Ўзбекистон Республикаси Президенти Администрацияси ҳамда Вазирлар Маҳкамасига ҳисобот бериши

52. Қўмита раҳбарлари ўз фаолияти тўғрисида Ўзбекистон Республикаси Президентига, Ўзбекистон Республикаси Президенти Администрациясининг тегишли таркибий бўлинмаларига ва Вазирлар Маҳкамасига ҳисобот беради.

53. Қўмита раиси ҳар йили Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссиясига Қўмита фаолияти юзасидан ҳамда соҳадаги тизимли муаммолар ва уларнинг ечими тўғрисида ахборот бериб боради.

Қўмитанинг ҳудудий бўлинмалари бошлиқлари ҳар ярим йилда Хотин-қизларнинг жамиятдаги ролини ошириш, гендер тенглик ва оила масалалари бўйича ҳудудий комиссияларга Қўмита ҳудудий бўлинмалари фаолияти юзасидан ҳамда соҳада учраётган долзарб муаммо ва камчиликлар ҳамда уларнинг ечими бўйича ахборот беради.

54. Қўмита Ўзбекистон Республикаси Президенти Администрацияси ва Вазирлар Маҳкамаси билан ўзаро ҳамкорлик қилиш доирасида:

ўзига юкланган вазифалар ва функцияларни бажариш билан боғлиқ норматив-ҳуқуқий ҳужжатлар ҳамда бошқа ҳужжатлар лойиҳаларини белгиланган тартибда киритади;

Ўзбекистон Республикаси Президенти Администрацияси ва Вазирлар Маҳкамасига тақдим этиш учун республика ижро этувчи ҳокимият органлари, хўжалик бирлашмалари билан биргаликда ўз фаолияти соҳасидаги муаммоларни ҳал этиш, давлат бошқаруви тизимини мақбуллаштиришга қаратилган таклиф, тавсия ва таҳлилий маълумотлар тайёрланишини таъминлайди;

оилаларни мустаҳкамлаш ва хотин-қизларни қўллаб-қувватлашнинг энг муҳим йўналишлари ҳамда вазифаларни амалга оширишда мавжуд тизимли муаммо ва камчиликларнинг мунтазам равишда кўриб чиқилишини ташкил қилади;

белгиланган тартибда бошқа функцияларни ҳам амалга оширади.

55. Вазирлар Маҳкамаси раҳбарияти Қўмита раҳбарларининг фаолиятини юкланган вазифаларнинг улар томонидан самарали бажарилиши бўйича доимий мониторинг қилиб боради, Қўмита фаолияти самарадорлигини холисона баҳолайди.

56. Мониторинг ва баҳолаш натижаларига кўра Қўмитанинг алоҳида ўрнак кўрсатган ходимларини рағбатлантириш чоралари кўрилади, жиддий камчиликларга йўл қўйган ходимларга нисбатан эса тегишли жавобгарлик чоралари қўлланилади.

11-боб. Якунловчи қоида

57. Қўмита қонунчилик ҳужжатларида белгиланган тартибда қайта ташкил этилади ва тугатилади.

Вазирлар Маҳкамасининг 2024 йил 12 августдаги 500-сон қарорига 2-ИЛОВА

Ўзбекистон Республикаси Оила ва хотин-қизлар қўмитасини ривожлантириш ва ходимларини моддий рағбатлантириш жамғармаси тўғрисида

1-боб. Умумий қоидалар

1. Мазкур Низом Ўзбекистон Республикаси Оила ва хотин-қизлар қўмитасини ривожлантириш ва ходимларини моддий рағбатлантириш жамғармаси (кейинги ўринларда — Жамғарма) маблағларини шакллантириш ва улардан фойдаланиш тартибини белгилайди.

2. Жамғарма ўз фаолиятини Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа қонунчилик ҳужжатларига, шунингдек, мазкур Низомга мувофиқ амалга оширади.

3. Жамғарма Ўзбекистон Республикаси Оила ва хотин-қизлар қўмитасида (кейинги ўринларда — Қўмита) юридик шахс ташкил этмаган ҳолда тузилади.

4. Жамғарма маблағлари Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида очилган Қўмитанинг шахсий ғазна ҳисобварағида йиғилади.

5. Жамғарма маблағлари Қўмитанинг бюджетдан ташқари махсус ҳисобварағида жамланади.

2-боб. Жамғарма маблағларини шакллантириш тартиби

6. Қуйидагилар Жамғарма маблағларини шакллантириш манбалари ҳисобланади:

2024 йилдан бошлаб ҳар йили Давлат бюджети параметрларида Жамғарма учун 15 млрдгача миқдорда назарда тутиладиган маблағлар;

вақтинча бўш турган маблағларни тижорат банкларининг депозитларига жойлаштиришдан тушадиган даромадлар;

халқаро молия институтлари ва хорижий ташкилотларнинг грантлари;

жисмоний ва юридик шахсларнинг ҳомийлик хайриялари;

қонунчилик ҳужжатлари билан тақиқланмаган бошқа манбалар.

7. Қўмита Жамғармага маблағлар тушишининг тўлиқлигини назорат қилади.

3-боб. Жамғарма маблағларидан фойдаланиш тартиби

8. Жамғарма маблағлари қуйидаги мақсадларга йўналтирилади:

Қўмитанинг вазифаларини самарали амалга ошириш;

Қўмитанинг коммунал, алоқа, қўриқлаш харажатларини қоплаш, автотранспорт харажатлари, уларнинг моддий-техник ҳолатини яхшилаш, таъмирлаш ҳамда сақлаш, шу жумладан, зарур замонавий ускуналар, мебель, инвентарлар билан жиҳозлаш, автотранспорт воситалари ва қурилмаларини харид қилиш ва уларни таъмирлаш ҳамда бошқа товар-моддий қимматликларни харид қилиш;

ахборот-коммуникация, мультимедиа ва тармоқ қурилмалари, техника воситалари ҳамда дастурий таъминотларни харид қилиш, замонавий технологияларни жорий этиш ва сақлаш, почта хизматлари маълумотлар базасини шакллантириш;

Қўмита ходимларини тайёрлаш, қайта тайёрлаш ва уларнинг малакасини ошириш;

ўз хизмат фаолиятида юқори натижаларга эришган Қўмита ходимларини моддий рағбатлантириш ва ижтимоий муҳофаза қилиш, шу жумладан, санаторий-курорт ва тиббий хизмат кўрсатиш, юқори касб маҳорати ҳамда алоҳида ўрнак кўрсатган Қўмита ходимларига лавозим маошининг 2 бараваригача миқдорда ҳар ойлик устамалар белгилаган ҳолда уларни моддий рағбатлантириш ёки бир йўла мукофотлаш;

байрамлар, юбилей муносабати билан ҳамда давлат нишонлари ва унвонлари берилганлиги муносабати билан лавозим маошининг 1 бараваригача миқдорда мукофот пуллари бериш;

Ўзбекистон Республикаси Ҳукумати қарорлари билан белгиланган илмий унвонлар учун белгиланган устамалар ва бошқа турдаги устамаларни тўлаш;

ходимларга моддий ёрдам кўрсатиш (ходимнинг никоҳ ва фарзанд тўйларини ўтказиш, яқин қариндошларининг вафот этиши, соғлиғини тиклаш билан боғлиқ ҳолатлар);

Қўмита раҳбар ва ходимларини хорижий бошқарув идоралари, таълим муассасалари ва бошқа ташкилотларга тажриба ўрганиш ва ҳамкорлик ўрнатиш мақсадларида хорижий хизмат сафарига юбориш;

Ўзбекистон Республикаси Президенти ва Вазирлар Маҳкамасининг ҳужжатлари ва топшириқларида белгиланган вазифаларни амалга ошириш;

Қўмита томонидан ўтказиладиган тадбирларни ташкил этиш билан боғлиқ харажатларини қоплаш;

уй-жой билан таъминланмаган Қўмита марказий аппарати ходимларига амалдаги сарф-харажатлар доирасида уй-жойни ижарага бериш шартномасига мувофиқ уй-жойларни ижарага олганлик (ижарада турганлик) учун белгиланган тартибда ҳар ойлик компенсация тўлаш;

Қўмита ходимларига устама тўловлари кундалик овқатланиш ва транспорт харажати учун компенсация тўловлари ходимга ҳақиқатда ишлаган даври (иш кунлари) учун тўлаш;

ходим вафот этганда, ходимнинг ойлик лавозим маошининг ўн бараваридан ошмаган миқдорда бир йўла моддий ёрдам бериш. Бунда моддий ёрдам турмуш ўртоғига тўлаб берилади, агар ходимнинг турмуш ўртоғи бўлмаса, моддий ёрдам фарзандларига ёки қонуний вакилларига (васийлари ва ҳомийларига) ёхуд уларнинг вояга етмаган фарзандларини асраб олган шахсларга тўланади, шунингдек, ходим турмуш қурмаган бўлса, моддий ёрдам унинг ота-онаси ёки боқимандалари ўртасида тенг улушларда тақсимланади;

қонунчилик ҳужжатларига мувофиқ Қўмита фаолиятини ривожлантиришга йўналтирилган бошқа тадбирлар.

Мазкур бандда назарда тутилган қўшимча тўловларнинг жорий йил учун Жамғарманинг даромадлар ва харажатлар сметасида тасдиқланган параметрлардан ортиб кетмаслигига Қўмита раиси шахсан масъул ҳисобланади.

9. Жамғарма маблағлари Қўмита раиси томонидан тасдиқланган ҳамда белгиланган тартибда рўйхатдан ўтказилган даромадлар ва харажатлар сметасига мувофиқ тегишли ғазна ҳисобварақларидан сарфланади.

10. Жамғарманинг даромадлар ва харажатлар сметаси келгуси йилда молиявий маблағлар тушишининг кутилаётган прогнози ва амалга оширилиши белгиланган тадбирларни ўтказишдан келиб чиққан ҳолда тузилади.

11. Жамғарманинг жорий йилда фойдаланилмаган маблағлари Ўзбекистон Республикаси Давлат бюджетига олиб қўйилмайди ва улардан кейинги йилда фойдаланилади.

12. Жамғарма маблағлари Қўмита раиси томонидан бошқарилади ва тақсимланади.

13. Жамғарма маблағларидан қонунчилик ҳужжатларида тақиқланмаган бошқа мақсадларда Вазирлар Маҳкамасининг ҳужжатларига мувофиқ фойдаланилиши мумкин.

14. Жамғарманинг ҳисобот йилида фойдаланилмаган маблағлари (қолдиқ маблағлар) кейинги ҳисобот йилига ўтади ва мазкур Низомда назарда тутилган тартибда фойдаланилади.

4-боб. Якунловчи қоидалар

15. Жамғарма маблағларининг ҳисоби ва ҳисоботи қонунчилик ҳужжатларида белгиланган тартибда юритилади ва тақдим этилади.

16. Жамғарма маблағларидан оқилона ва мақсадли фойдаланиш қонунчилик ҳужжатларида белгиланган тартибда назорат қилинади.

17. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

18. Ушбу Низомни амалга оширишда юзага келадиган низолар қонунчилик ҳужжатларида белгиланган тартибда ҳал қилинади.

Вазирлар Маҳкамасининг 2024 йил 12 августдаги 500-сон қарорига 3-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган баъзи қарорлари

1. Вазирлар Маҳкамасининг «Ўзбекистон Республикаси Оила ва хотин-қизлар давлат қўмитаси фаолиятини тартибга солиш соҳасидаги норматив-ҳуқуқий ҳужжатларни тасдиқлаш тўғрисида» 2022 йил 4 июлдаги 358-сон қарори .

2. Вазирлар Маҳкамасининг «Ўзбекистон Республикаси Президенти ҳузуридаги Ижтимоий ҳимоя миллий агентлиги ташкил этилганлиги муносабати билан Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш тўғрисида» 2023 йил 15 декабрдаги 665-сон қарорига 1-илованинг 23-банди .

Ўзбекистон Республикасининг Бош вазири А. АРИПОВ

Тошкент ш.,

2024 йил 12 август,

500-сон

(Қонунчилик маълумотлари миллий базаси, 13.08.2024 й., 09/24/500/0610-сон; 08.08.2025 й., 09/25/504/0707-сон; 29.12.2025 й., 07/25/388/1235-сон; 02.02.2026 й., 09/26/35/0101-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

NIZOM

ROʻYXATI

Oʻzbekiston Respublikasi Oila va xotin-qizlar qoʻmitasi faoliyatini tartibga solish sohasidagi ayrim normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining 2023-yil 21-dekabrda qabul qilingan “Oila va xotin-qizlar qoʻmitasining faoliyatini takomillashtirishga oid qoʻshimcha chora-tadbirlar toʻgʻrisida”gi PF-208-son Farmoni hamda “Oilalarni mustahkamlash va xotin-qizlarning faolligini oshirish boʻyicha qoʻshimcha chora-tadbirlar toʻgʻrisida”gi PQ-401-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining 2023-yil 21-dekabrdagi PF-208-son Farmoni bilan Oʻzbekiston Respublikasi Oila va xotin-qizlar qoʻmitasining (keyingi oʻrinlarda — Qoʻmita) boʻysunuvi Kambagʻallikni qisqartirish va bandlik vazirligidan Vazirlar Mahkamasiga oʻtkazilganligi maʼlumot uchun qabul qilinsin.

2. Quyidagilarni nazarda tutuvchi Oʻzbekiston Respublikasi Oila va xotin-qizlar qoʻmitasi toʻgʻrisidagi nizom 1-ilovaga muvofiq tasdiqlansin:

Qoʻmitaning maqomi, asosiy vazifalari va funksiyalari, huquqlari va javobgarligi, shuningdek, uning faoliyatini tashkil etish tartibi;

Qoʻmita rahbariyatining hamda hududiy boʻlinmalarining asosiy funksional vazifalari va javobgarligi;

Qoʻmita faoliyatini moliyalashtirish, uning xodimlari mehnatiga haq toʻlash va moddiy ragʻbatlantirish tartibi.

3. Oʻzbekiston Respublikasi Oila va xotin-qizlar qoʻmitasi huzurida yuridik shaxs boʻlmagan Oʻzbekiston Respublikasi Oila va xotin-qizlar qoʻmitasini rivojlantirish va xodimlarini moddiy ragʻbatlantirish jamgʻarmasi (keyingi oʻrinlarda — Jamgʻarma) tashkil etilsin.

4. Oʻzbekiston Respublikasi Oila va xotin-qizlar qoʻmitasini rivojlantirish va xodimlarini moddiy ragʻbatlantirish jamgʻarmasi toʻgʻrisidagi nizom 2-ilovaga muvofiq tasdiqlansin.

5. Belgilansinki, 2024-yildan boshlab har yili Davlat budjeti parametrlarida Jamgʻarma uchun 15 mlrd soʻmgacha miqdorda mablagʻ ajratish nazarda tutiladi.

6. Iqtisodiyot va moliya vazirligi Qoʻmita bilan birgalikda mazkur qaror ijrosi yuzasidan 2024-yil uchun tasdiqlangan xarajatlar smetasiga tegishli oʻzgartirish kiritilishini taʼminlasin.

7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari mahalliy budjet mablagʻlari va qonunchilik hujjatlari bilan taqiqlanmagan boshqa manbalar hisobidan Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari, tuman (shahar) oila va xotin-qizlar boʻlimlarining moddiy-texnik bazasini mustahkamlash choralarini koʻrsin.

8. Oʻzbekiston Respublikasi Hukumatining baʼzi qarorlari 3-ilovaga muvofiq oʻz kuchini yoʻqotgan deb hisoblansin.

9. Qoʻmita manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.B. Maxkamova zimmasiga yuklansin.

Vazirlar Mahkamasining 2024-yil 12-avgustdagi 500-son qaroriga 1-ILOVA

Oʻzbekiston Respublikasi Oila va xotin-qizlar qoʻmitasi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Oila va xotin-qizlar qoʻmitasining (keyingi oʻrinlarda — Qoʻmita) maqomi, asosiy vazifalari va funksiyalari, huquqlari va javobgarligini, shuningdek, faoliyatini tashkil etish va hisobot berish tartibini belgilaydi.

2. Qoʻmita oila va xotin-qizlarni qoʻllab-quvvatlash, ularning huquq va qonuniy manfaatlarini himoya qilish sohasidagi yagona davlat siyosatini yuritadigan alohida maqomga ega respublika ijro etuvchi hokimiyat organi hisoblanadi hamda oʻz faoliyatida Oʻzbekiston Respublikasi Vazirlar Mahkamasiga (keyingi oʻrinlarda — Vazirlar Mahkamasi) boʻysunadi.

3. Qoʻmita oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga va boshqa qonunchilik hujjatlariga amal qiladi.

4. Qoʻmita oʻz faoliyatini respublika va mahalliy ijro etuvchi hokimiyat organlari, xoʻjalik birlashmalari va boshqa tashkilotlar bilan hamkorlikda amalga oshiradi.

5. Qoʻmitaning oʻz vakolatlari doirasida qabul qilgan qarorlari davlat organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy hisoblanadi.

6. Qoʻmita, Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari yuridik shaxs hisoblanadi, Oʻzbekiston Respublikasi Davlat gerbi tasviri tushirilgan muhrga va blankalarga, oʻz logotipiga, mustaqil balansiga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida milliy va xorijiy valyutalarda shaxsiy gʻazna hisobvaraqlariga ega boʻladi.

Qoʻmitaning tuman (shahar) boʻlimlari Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari orqali markazlashgan tarzda moliyalashtiriladi.

7. Qoʻmitaning rasmiy nomi:

a) davlat tilida:

toʻliq nomi — Oʻzbekiston Respublikasi Oila va xotin-qizlar qoʻmitasi, qisqartirilgan nomi — Oila va xotin-qizlar qoʻmitasi;

b) rus tilida:

toʻliq nomi — Komitet semi i jenshin Respubliki Uzbekistan, qisqartirilgan nomi — Komitet semi i jenshin;

v) ingliz tilida:

toʻliq nomi — The Committee on Family and Women of the Republic of Uzbekistan, qisqartirilgan nomi — The Committee on Family and Women.

8. Qoʻmitaning joylashgan joyi (pochta manzili): 100000, Toshkent shahri, Mirzo Ulugʻbek tumani, Ismoiliy koʻchasi, 1 G-uy.

2-bob. Qoʻmitaning tuzilmasi

9. Qoʻmita tizimiga quyidagilar kiradi:

Qoʻmitaning markaziy apparati;

Qoraqalpogʻiston Respublikasi Oila va xotin-qizlar qoʻmitasi, viloyatlar hamda Toshkent shahar oila va xotin-qizlar boshqarmalari (keyingi oʻrinlarda — hududiy boshqarmalar);

tuman (shahar) oila va xotin-qizlar boʻlimlari (keyingi oʻrinlarda — tuman (shahar) boʻlimlari);

Oila va gender ilmiy-tadqiqot instituti;

Oila va xotin-qizlarni qoʻllab-quvvatlash davlat maqsadli jamgʻarmasi;

respublika va hududiy “Xotin-qizlar tadbirkorlik markazlari”;

Zulfiya nomidagi Davlat mukofoti komissiyasi;

mahalladagi xotin-qizlar faollari;

“Olima ayollar” jamiyati;

“Saodat” jurnali, “Markaziy Osiyoda jamiyat, gender va oila” xalqaro ilmiy jurnali tahririyati.

10. Hududiy boshqarmalar Qoʻmitaga hamda tegishlicha Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga hisobot beradi.

Tuman (shahar) boʻlimlari tegishli hududiy boshqarmalar va tuman (shahar) hokimliklariga hisobot beradi.

Oila va gender ilmiy-tadqiqot instituti, Oila va xotin-qizlarni qoʻllab-quvvatlash davlat maqsadli jamgʻarmasi, respublika va hududiy “Xotin-qizlar tadbirkorlik markazlari”, Zulfiya nomidagi Davlat mukofoti komissiyasi, “Saodat” jurnali, “Markaziy Osiyoda jamiyat, gender va oila” xalqaro ilmiy jurnali tahririyati Qoʻmitaga hisobot beradi.

Qoʻmita iqtidorli xotin-qizlarni qoʻllab-quvvatlash masalasida “Olima ayollar” jamiyati bilan oʻzaro hamkorlik qiladi.

3-bob. Qoʻmita va uning hududiy boʻlinmalarining asosiy vazifalari va funksiyalari

11. Quyidagilar Qoʻmitaning asosiy vazifalari hisoblanadi:

xotin-qizlarni qoʻllab-quvvatlash tizimini kuchaytirish, ularning ijtimoiy-siyosiy faolligini oshirish, huquqlarini himoya qilish va qonuniy manfaatlarini ifodalash;

erkaklar va xotin-qizlarning teng huquq hamda imkoniyatlarini taʼminlash, xotin-qizlar va oilani har tomonlama qoʻllab-quvvatlashga oid qonunchilik hujjatlarini takomillashtirish boʻyicha takliflar ishlab chiqish;

davlat xizmati, taʼlim, ilm-fan va innovatsiya, sport, sogʻliqni saqlash hamda boshqa ijtimoiy-iqtisodiy sohalarda xotin-qizlarni qoʻllab-quvvatlash boʻyicha chora-tadbirlarni ishlab chiqish va amalga oshirish;

iqtidorli xotin-qizlarni aniqlash va qoʻllab-quvvatlash tizimini takomillashtirish;

xotin-qizlarning kasbiy koʻnikmalarini oshirish, munosib ish topishiga koʻmaklashish, tadbirkorligini rivojlantirish;

oila aʼzolarining huquqiy madaniyatini oshirish, ular oʻrtasida huquqbuzarliklarning oldini olish, ijtimoiy xodim va boshqa davlat xizmatchilari bilan hamkorlikda xotin-qizlarni tazyiq va zoʻravonliklardan himoya qilish;

oilalarda sogʻlom turmush tarzini shakllantirish, sogʻlom ovqatlanish hamda reproduktiv salomatlik qoidalarini ommalashtirish;

oila institutini mustahkamlash, ijtimoiy-maʼnaviy muhit barqarorligini taʼminlash, umuminsoniy va milliy qadriyatlarni targʻib qilish;

migratsiyadan qaytgan, jazoni ijro etish muassasalaridan ozod etilgan, ogʻir ijtimoiy vaziyatga tushib qolgan xotin-qizlarning ijtimoiy moslashuviga, ular bilan manzilli ishlash orqali zarur yordamlar olishlariga koʻmaklashish;

keys menejmentni qoʻllagan holda, ijtimoiy himoyaga muhtoj xotin-qizlarni aniqlash hamda ular bilan manzilli ishlash;

oʻziga yuklangan vazifalarni oʻz vaqtida va sifatli amalga oshirish uchun davlat tashkilotlari, xalqaro moliya institutlari hamda fuqarolik jamiyati institutlari bilan yaqindan hamkorlik oʻrnatish;

mahallalardagi xotin-qizlar faollari faoliyatini muvofiqlashtirish va ularga biriktirilgan jamoatchilik tuzilmalari bilan hamkorlikni taʼminlash.

12. Qoʻmita oʻziga yuklangan vazifalarga muvofiq quyidagi funksiyalarni amalga oshiradi:

a) xotin-qizlarni qoʻllab-quvvatlash tizimini kuchaytirish, ularning ijtimoiy-siyosiy faolligini oshirish, huquqlarini himoya qilish va qonuniy manfaatlarini ifodalash sohasida:

xotin-qizlarni qoʻllab-quvvatlashga doir davlat siyosatining samarali ijrosini taʼminlash, ularning huquqlari va qonuniy manfaatlarini himoya qilish hamda xotin-qizlarning ijtimoiy-siyosiy hayotdagi roli va faolligini oshirish boʻyicha takliflar ishlab chiqadi va tegishli chora-tadbirlarni amalga oshiradi;

xotin-qizlarni oila, mahalla va mehnat jamoalarida ijtimoiy-huquqiy jihatdan qoʻllab-quvvatlash, ularning ijtimoiy-siyosiy faolligini oshirish boʻyicha maqsadli chora-tadbirlarni amalga oshirishda Qoʻmitaning hududiy boʻlinmalari ishini samarali tashkil etish choralarini koʻradi;

xotin-qizlarning ijtimoiy-siyosiy faolligini oshirish, ularni qoʻllab-quvvatlashga doir islohotlarning mazmun-mohiyati va ahamiyatini aholi oʻrtasida keng targʻib qiladi;

oilalar va xotin-qizlar, ayniqsa, ogʻir ijtimoiy ahvolga tushib qolgan oilalar va xotin-qizlarni ijtimoiy hamda moddiy qoʻllab-quvvatlash, shuningdek, ularning taʼlim olish imkoniyatlarini kengaytirish va ehtiyojlari qondirilishida har tomonlama yordam berishni tashkil etadi;

xotin-qizlar huquqlari va qonuniy manfaatlarini koʻzlab, sudlarga ariza (shikoyat) va daʼvolarni kiritadi;

xotin-qizlar huquqlarini himoya qilish sohasida ijtimoiy sheriklik tizimini rivojlantirishga, respublika va mahalliy ijro etuvchi hokimiyat organlari bilan hamkorlik tamoyillarining amalga oshirilishiga koʻmaklashadi;

jamiyat va davlat hayotida faollik va tashabbuskorlik koʻrsatgan, oʻzining samarali mehnati bilan oilaning totuvligi va farovonligi mustahkamlanishiga, onalik va bolalik muhofazasiga munosib hissa qoʻshgan, shuningdek, sogʻlom va barkamol avlodni voyaga yetkazish, Vatanga sadoqat ruhida tarbiyalash, joylarda maʼnaviy-axloqiy muhitni sogʻlomlashtirish va milliy qadriyatlarni keng targʻib etish borasida ibratli faoliyat olib borayotgan xotin-qizlarni “Moʻtabar ayol” koʻkrak nishoni bilan taqdirlash ishlarini tashkil etadi;

xotin-qizlar oʻrtasida har yili ularning mamlakat ijtimoiy-siyosiy hayotidagi oʻrni va faolligini oshirishga qaratilgan turli koʻrik-tanlovlarni tashkil etadi;

idoraviy mansub tashkilotlar faoliyatiga umumiy rahbarlik qiladi, ularning faoliyatini tahlil qiladi, muvofiqlashtiradi, mazkur tashkilotlar rahbarlari bilan hamkorlikda ularning samarali ishlashini taʼminlaydi;

Oʻzbekiston Respublikasi Prezidenti va Vazirlar Mahkamasi topshiriqlariga binoan hamda oʻz tashabbusiga koʻra normativ-huquqiy hujjatlar loyihalarini ishlab chiqadi va belgilangan tartibda koʻrib chiqish uchun kiritadi;

faoliyatning belgilangan sohasiga tegishli masalalar boʻyicha hujjatlar qabul qiladi;

Oʻzbekiston Respublikasi Oliy Majlisi Qonunchilik palatasi va Senati, Oʻzbekiston Respublikasi Prezidenti Administratsiyasi, Vazirlar Mahkamasiga xotin-qizlarni qoʻllab-quvvatlash tizimini kuchaytirish, ularning ijtimoiy-siyosiy faolligini oshirish, huquqlarini himoya qilish va qonuniy manfaatlarini ifodalash bilan bogʻliq normativ-huquqiy bazani takomillashtirish boʻyicha takliflarni koʻrib chiqish uchun kiritadi;

vazirliklar va idoralar, xoʻjalik birlashmalarining oila va xotin-qizlar masalalari bilan bogʻliq munosabatlarni tartibga soluvchi normativ-huquqiy hujjatlari, rivojlantirish dasturlari loyihalarini kelishadi;

oʻz vakolati doirasida respublikani ijtimoiy-iqtisodiy rivojlantirish dasturlari loyihalarini ishlab chiqishda ishtirok etadi;

b) erkaklar va xotin-qizlarning teng huquq hamda imkoniyatlarini taʼminlash, xotin-qizlar va oilani har tomonlama qoʻllab-quvvatlashga oid qonunchilik hujjatlarini takomillashtirish boʻyicha takliflar ishlab chiqish sohasida:

jamiyat hayotining barcha sohalarida xotin-qizlar va erkaklar uchun teng huquq hamda imkoniyatlarga erishishga qaratilgan yagona davlat siyosati amalga oshirilishini taʼminlashda ishtirok etadi;

qonunchilikda belgilangan xotin-qizlar va erkaklar uchun teng huquq hamda imkoniyatlar kafolatlarini taʼminlash choralarini koʻradi;

xotin-qizlar va erkaklar uchun teng huquq hamda imkoniyatlarni taʼminlash sohasidagi davlat dasturlarini, milliy harakatlar rejalarini va strategiyalarni ishlab chiqish hamda amalga oshirishda ishtirok etadi;

qonunchilikda belgilangan xotin-qizlar va erkaklar uchun teng huquq hamda imkoniyatlar kafolatlarini berish toʻgʻrisidagi statistika maʼlumotlari va axborotlarni toʻplash hamda tahlil qilishni tashkil etadi;

respublika ijro etuvchi hokimiyat organlariga, tashkilotlarga va ularning mansabdor shaxslariga xotin-qizlar va erkaklar uchun teng huquq hamda imkoniyatlar kafolatlari toʻgʻrisidagi qonunchilikning buzilishlari, shuningdek, ularni keltirib chiqaruvchi sabablar va shart-sharoitlarni bartaraf etish yuzasidan choralar koʻrish haqida koʻrib chiqilishi majburiy boʻlgan taqdimnomalar kiritadi;

qonunchilikda belgilangan xotin-qizlar va erkaklar uchun teng huquq hamda imkoniyatlarni taʼminlash boʻyicha takliflar ishlab chiqadi;

zarur hollarda, xotin-qizlar va erkaklar uchun teng huquq hamda imkoniyatlarni taʼminlash masalalari boʻyicha davlat organlari, ilmiy muassasalar va boshqa tashkilotlarning rahbarlari hamda mutaxassislarini jalb qiladi, ishchi guruhlar tuzadi va tegishli chora-tadbirlar ishlab chiqadi;

Oʻzbekiston Respublikasi tomonidan xotin-qizlar huquqlariga oid xalqaro hujjatlarning muhokama qilinishida, shuningdek, gender tenglik, ayollar masalalari bilan shugʻullanuvchi tashkilotlarning huquqlari va faoliyatining kafolatlarini kengaytirish, yoshlarga va ijtimoiy sohalarga oid boshqa masalalar yuzasidan normativ-huquqiy hujjatlarning ishlab chiqilishida ishtirok etadi;

v) davlat xizmati, taʼlim, ilm-fan va innovatsiya, sport, sogʻliqni saqlash hamda boshqa ijtimoiy-iqtisodiy sohalarda xotin-qizlarni qoʻllab-quvvatlash boʻyicha chora-tadbirlarni ishlab chiqish va amalga oshirish sohasida:

oliy taʼlim va ilmiy-tadqiqot muassasalari bilan hamkorlikda xotin-qizlarni ilm-fanga keng jalb etish, ular oʻrtasida innovatsiyalarni rivojlantirishga oid chora-tadbirlarni amalga oshiradi;

uzluksiz taʼlim tizimini rivojlantirish, xotin-qizlar va erkaklarni butun umr davomida oʻqishga boʻlgan imkoniyatlarini ragʻbatlantirish, ijtimoiy himoyaga muhtoj xotin-qizlarni oliy taʼlim bilan qamrab olishni kengaytirishga koʻmaklashadi;

xotin-qizlarni ilmiy faoliyatga keng jalb qilish, ularning zamonaviy axborot-kommunikatsiya texnologiyalariga asoslangan dasturiy ishlanmalarini, innovatsion gʻoyalarini, ixtirochilik, ratsionalizatorlik faoliyatini qoʻllab-quvvatlashga qaratilgan tadbirlarni amalga oshiradi;

maktabgacha taʼlim, umumiy oʻrta taʼlim, sogʻliqni saqlash hamda erkaklar ulushi kam boʻlgan boshqa sohalarga ayollar bilan teng ravishda erkaklarni jalb qilishga doir faoliyatni qoʻllab-quvvatlash borasida takliflar ishlab chiqadi;

xotin-qizlar tomonidan yaratilgan innovatsion gʻoyalar, texnologiyalar va ishlanmalarni keng targʻib qilish maqsadida xalqaro va respublika miqyosidagi forum, konferensiya, simpozium, seminar, tanlov va koʻrgazmalar tashkil qilish hamda ularda xotin-qizlarning oʻz innovatsion loyihalari natijalari bilan ishtirok etish chora-tadbirlarini amalga oshiradi;

davlat organlari, xalqaro donorlar, yirik korxona va boshqa tashkilotlar tomonidan dolzarb mavzulardagi loyihalarni moliyalashtirish maqsadida oʻtkaziladigan tanlovlarda xotin-qizlarning oʻz loyihalari bilan ishtirok etishlarini targʻib qiladi;

olima, tadqiqotchi, ixtirochi va tadbirkor xotin-qizlar tomonidan amalga oshirilayotgan ishlar natijalari yuzasidan keng ommani xabardorligini oshirish boʻyicha turli tadbirlar tashkil etadi;

g) iqtidorli xotin-qizlarni aniqlash va qoʻllab-quvvatlash tizimini takomillashtirish sohasida:

iqtidorli xotin-qizlarni aniqlash, ularning qobiliyatlarini toʻgʻri yoʻnaltirish boʻyicha oila, mahalla, taʼlim muassasalari hamda mehnat jamoalari bilan oʻzaro hamkorlik mexanizmini yoʻlga qoʻyadi;

iqtidorli xotin-qizlarni aniqlash, ular bilan manzilli ishlash, qobiliyatlarini toʻgʻri yoʻnaltirish va ragʻbatlantirishga, siyosiy, huquqiy va kasbiy bilimlarini, boshqaruv koʻnikmalari va liderlik sifatlarini rivojlantirishga qaratilgan oʻquvlar tashkil etadi;

xotin-qizlarning ijtimoiy faolligini oshirish, “Qizlarjon” va boshqa jamoatchilik tuzilmalarini qoʻllab-quvvatlashga qaratilgan chora-tadbirlarni amalga oshiradi;

iqtidorli xotin-qizlarni rahbarlik lavozimlariga tayyorlash va tavsiya etishga koʻmaklashadi;

iqtidorli qizlarni aʼlo xulqi, noyob isteʼdodi, zukkoligi, tashabbuskorligi va oʻqishdagi muvaffaqiyatlari asosida belgilangan tartibda Zulfiya nomidagi Davlat mukofoti bilan taqdirlash ishlarini tashkil etadi;

mamlakatimizda xotin-qizlar taʼlimini qoʻllab-quvvatlash boʻyicha berilgan imtiyoz va imkoniyatlar haqida targʻibot tadbirlarini tashkil qiladi;

mahallalardagi xotin-qizlar faollari tomonidan taʼlim muassasalaridagi oʻquvchi qizlar bilan ularning taʼlim olishga qiziqtirishga qaratilgan tadbirlarni tashkil etishiga koʻmaklashadi;

d) xotin-qizlarning kasbiy koʻnikmalarini oshirish va munosib ish topishiga koʻmaklashish, tadbirkorligini rivojlantirish sohasida:

xotin-qizlar, xususan, ishsiz va ijtimoiy faol boʻlmagan xotin-qizlarning kasbiy koʻnikmalarni oshirish, ularni mehnat bozorida raqobatbardosh kasb-hunarlarga oʻqitish va munosib ish topishiga koʻmaklashadi;

xotin-qizlarning iqtisodiy imkoniyatlarini kengaytirish, bandligini taʼminlash, tadbirkorlikka jalb qilish, kasanachilik va hunarmandchilikni rivojlantirish borasidagi ishlar samaradorligini oshirish choralarini koʻradi;

xotin-qizlarning mehnat sharoitlarini yaxshilash boʻyicha ish beruvchilarga takliflar kiritib boradi;

mahallalarda xotin-qizlarni kasbga oʻqitish, ularning moliyaviy savodxonligini oshirish, ularda tadbirkorlik bilan shugʻullanish hissini uygʻotish boʻyicha takliflar ishlab chiqadi va tegishli chora-tadbirlarni amalga oshiradi;

tadbirkorlik faoliyatini yuritayotgan va yoʻlga qoʻyish istagida boʻlgan xotin-qizlarga tijorat banklari tomonidan belgilangan tartibda kreditlar, Oila va xotin-qizlarni qoʻllab-quvvatlash davlat maqsadli jamgʻarmasi mablagʻlari hisobidan grantlar ajratilishiga koʻmaklashadi;

mahallalardagi xotin-qizlar faollarining hududdagi tadbirkorlikni rivojlantirish masalalari boʻyicha tuman (shahar) hokimlari yordamchilari bilan hamkorlikda xotin-qizlarning tadbirkorlik gʻoyalarini amalga oshirish, ular faoliyatiga kredit, subsidiya va boshqa yordam choralarini jalb qilish ishlarini tashkil etish yuzasidan uslubiy va amaliy tavsiyalar beradi;

joylarda xotin-qizlarning bandligini taʼminlash, ular oʻrtasida tadbirkorlikni, hunarmandchilikni rivojlantirish boʻyicha koʻrilayotgan amaliy choralar samaradorligini monitoring qiladi;

respublika va hududiy “Xotin-qizlar tadbirkorlik markazlari” faoliyati samarali tashkil etilishiga koʻmaklashadi;

xotin-qizlarni hunarmandchilik, oilaviy tadbirkorlik, kasanachilikka jalb qilish boʻyicha nodavlat notijorat tashkilotlari bilan hamkorlik qiladi;

e) oila aʼzolarining huquqiy madaniyatini oshirish, ular oʻrtasida huquqbuzarliklarning oldini olish, ijtimoiy xodim va boshqa davlat xizmatchilari bilan hamkorlikda xotin-qizlarni tazyiq va zoʻravonliklardan himoya qilish sohasida:

oila aʼzolarining huquqiy madaniyatini oshirish, ularning huquqlari va qonuniy manfaatlarini himoya qilishga koʻmaklashish, xotin-qizlar oʻrtasida huquqbuzarliklarning oldini olishga doir chora-tadbirlarni amalga oshiradi;

xotin-qizlarni qoʻllab-quvvatlashga doir davlat siyosatining samarali ijrosini taʼminlash, ularning huquqlari va qonuniy manfaatlarini himoya qilish boʻyicha takliflar ishlab chiqadi va tegishli chora-tadbirlarni amalga oshiradi;

davlat va jamoat tashkilotlari bilan hamkorlikda taʼlim muassasalari, mehnat jamoalari va mahallalarda huquqiy madaniyatni, shu jumladan, xotin-qizlar va erkaklarning teng huquqliligiga oid tushunchalarni singdirish, zoʻravonlikka murosasizlik hissini shakllantirishga qaratilgan targʻibot ishlarini tashkil etadi;

xotin-qizlarga nisbatan zoʻravonlikning oldini olish borasida amaliy targʻibot va turkum tadbirlarni tashkil etadi;

xotin-qizlarni tazyiq va zoʻravonlikdan himoya qilish sohasidagi davlat dasturlarini, hududiy dasturlarni va qonunchilik hujjatlarini ishlab chiqish hamda amalga oshirishda ishtirok etadi;

xotin-qizlarga nisbatan tazyiq va zoʻravonlik holatlariga olib keladigan sabablar hamda shart-sharoitlarni aniqlash boʻyicha tadbirlarni tashkil etadi va bunday holatlarni bartaraf etish yuzasidan amaliy choralar koʻradi;

xotin-qizlarga nisbatan tazyiq oʻtkazganligi va zoʻravonlik sodir etganligi uchun profilaktik hisobda turadigan shaxslar bilan yakka tartibdagi profilaktika tadbirlarini oʻtkazishda ishtirok etadi;

nizoli vaziyatlarning, tazyiq va zoʻravonlikning oldini olishga doir dasturlar hamda uslubiy tavsiyalarni ishlab chiqadi va amalga oshiradi;

xotin-qizlarni tazyiq va zoʻravonlikdan himoya qiladigan tegishli vakolatli organlar va tashkilotlar bilan hamkorlik qiladi;

tazyiq va zoʻravonlikdan jabr koʻrgan xotin-qizlar va bolalarni qoʻllab-quvvatlash hamda ularga amaliy yordam koʻrsatish yoʻnalishida faoliyat yuritayotgan nodavlat notijorat tashkilotlari bilan oʻzaro hamkorlik qiladi;

zoʻravonlikning oldini olish, tazyiq va zoʻravonlikdan jabrlangan yoki oʻz joniga suiqasd qilgan yoxud suiqasd qilishga moyil boʻlgan xotin-qizlarni qoʻllab-quvvatlash boʻyicha xalqaro va xorijiy tashkilotlar, ilmiy-tadqiqot muassasalari bilan hamkorlik qiladi hamda ushbu yoʻnalishda ilgʻor xorijiy davlatlarning ijobiy tajribasini joriy etish choralarini koʻradi;

xotin-qizlar oʻrtasida turli salbiy ijtimoiy harakatlar, ayniqsa, oʻz joniga qasd qilish, fohishabozlik kabi holatlarning sabablarini oʻrganish hamda natijalari boʻyicha mahallalar, mahalliy ijro etuvchi hokimiyat organlari, huquqni muhofaza qiluvchi organlar va tegishli tashkilotlar bilan hamkorlikda profilaktika chora-tadbirlari amalga oshirilishini tashkil etadi;

mahallalardagi xotin-qizlar faollari tomonidan xotin-qizlar oʻrtasida ijtimoiy profilaktika va moslashtirish ishlarida hamkorlik qilish, tazyiq va zoʻravonlikka nisbatan murosasizlik muhitini yaratish, xotin-qizlarga nisbatan tazyiq va zoʻravonlik holatlarini aniqlash ishlarini profilaktika inspektori bilan hamkorlikda tashkil etishga uslubiy va amaliy koʻmaklashadi;

j) oilalarda sogʻlom turmush tarzini shakllantirish, sogʻlom ovqatlanish hamda reproduktiv salomatlik qoidalarini ommalashtirish sohasida:

“Sogʻlom ona — sogʻlom bola” shiori ostida tegishli davlat va jamoat tashkilotlari, keng jamoatchilik bilan birgalikda sogʻlom turmush tarzini qaror toptirish, reproduktiv salomatlik qoidalarini targʻib etish, erta tugʻruq va yaqin qarindoshlar oʻrtasidagi nikohning kelajak avlod salomatligiga salbiy taʼsirlari hamda nogiron bolalar tugʻilishi xavfi yuzasidan targʻibot ishlarini olib boradi;

“Toʻgʻri ovqatlanish va sogʻlom turmush tarzi” umummilliy harakati dasturida belgilangan vazifalarni amalga oshirishga koʻmaklashadi;

mahallalardagi “Salomatlik maktablari” samarali faoliyat yuritishga koʻmaklashadi, “Salomatlik maktabi” aʼzolarini jalb etgan holda aholi orasida, oila va xonadonlarda sogʻlom ovqatlanish asoslari, jismoniy faollik, shaxsiy gigiyena qoidalariga rioya qilish boʻyicha seminarlar va amaliy targʻibot tadbirlarini tashkil etadi;

oilalarda xonadon gigiyenasiga rioya etilishi borasida targʻibot ishlarini tashkil etadi;

mahallalarda xotin-qizlar uchun ularning yoshini hisobga olgan holda, turli ijtimoiy-madaniy va sogʻlomlashtirish tadbirlari, maxsus sport musobaqalarini tashkil etadi;

mehnat jamoalarida mehnat qilayotgan xotin-qizlar oʻrtasida sportning ommaviy turlari hamda velosport boʻyicha sport musobaqalari oʻtkazilishini tashkil etadi;

xotin-qizlarni sogʻlomlashtirish, madaniyat, turizm, bolalarni sogʻlomlashtirish va ularning dam olishi masalalarida davlat organlari, mahallalar, ish beruvchilar, nodavlat notijorat tashkilotlari va fuqarolik jamiyatining boshqa institutlari bilan hamkorlikni amalga oshiradi;

z) oila institutini mustahkamlash, ijtimoiy-maʼnaviy muhit barqarorligini taʼminlash, umuminsoniy va milliy qadriyatlarni targʻib qilish sohasida:

oilaning tarbiyaviy-taʼlim salohiyatini mustahkamlash, oilalarda maʼnaviy-axloqiy muhitni yaxshilash, ota-onaning farzand tarbiyasidagi masʼuliyati va javobgarligini oshirish, oilaning jamiyat hayotidagi ahamiyatini keng targʻib etishga qaratilgan chora-tadbirlarni amalga oshiradi;

oila institutini mustahkamlash, “Sogʻlom oila — sogʻlom jamiyat” gʻoyasini ijtimoiy hayotga tatbiq etish choralarini koʻradi;

zamonaviy oilani rivojlantirish, oilaning ichki munosabatlari, shaxslararo munosabatlar, yaxshi qoʻshnichilik munosabatlari, boy madaniy, tarixiy meros va anʼanaviy oilaviy qadriyatlar asosida oila institutini mustahkamlash boʻyicha takliflar ishlab chiqadi va tegishli chora-tadbirlarni amalga oshiradi;

oila-nikoh munosabatlari sohasidagi amaliyotni oʻrganish hamda tajriba almashish borasida xalqaro va xorijiy tashkilotlar, ilmiy-tadqiqot muassasalari bilan hamkorlik qiladi;

oilalarga taʼsirchan metodik, konsultativ va amaliy yordam koʻrsatishning samarali tizimini yaratish, mediatorlik institutining rolini kuchaytirishda davlat va jamoat tashkilotlari bilan hamkorlikda chora-tadbirlarni amalga oshiradi;

nikohlanuvchilarni oilaviy hayotga tayyorlash, ularga oiladagi nizoli holatlarni hal qilishning huquqiy va psixologik asoslarini oʻrgatish, oilalarni mustahkamlash, erta nikoh va oilaviy ajralishlarning oldini olish boʻyicha takliflar ishlab chiqadi va tegishli chora-tadbirlarni amalga oshiradi;

farovon va barqaror oilalarning hayotiy tajribasini ommalashtirish maqsadida oila institutini mustahkamlash, oilaviy qadriyatlarni saqlash va rivojlantirishga munosib hissa qoʻshgan oilalarni “Ibratli oila” koʻkrak nishoni bilan taqdirlash ishlarini tashkil etadi;

“Sogʻlom oila — sogʻlom turmush tarzi” tamoyilini targʻib qilish maqsadida “oila-mahalla-taʼlim” ijtimoiy-tarbiyaviy tizimi asosida targʻibot tadbirlarini amalga oshiradi;

milliy va umuminsoniy qadriyatlarni asrab-avaylash, mazmunan boyitish, ularning farzand tarbiyasidagi rolini oshirish, oilalarda targʻib qilishga qaratilgan chora-tadbirlarni ishlab chiqadi va amalga oshiradi;

mahallalarda xotin-qizlarning maʼnaviyati va madaniyatini yuksaltirish, ijtimoiy faolliklarini oshirishga qaratilgan tadbirlarni amalga oshiradi, yozuvchilar, sanʼatkorlar, rassomlar va boshqa ijodkorlarni taklif etgan holda ijodiy kechalar va kitobxonlik tadbirlarini tashkil etadi;

mahallalardagi oila institutini mustahkamlash, xotin-qizlar oʻrtasida maʼnaviy-maʼrifiy ishlarni amalga oshirishga masʼul boʻlgan jamoatchilik tuzilmalari ishini muvofiqlashtiradi;

oʻquv-tarbiya muassasalarida tarbiyalanayotgan, vasiylikka, homiylikka va oilaga tarbiyaga olingan (patronat) qizlarning ijtimoiy holatini oʻrganib boradi, ularning muammolarini joyida hal qilishga hamda oʻquv-tarbiya muassasalaridan keyin hayotda oʻz oʻrnini topishiga koʻmaklashadi;

mahallalardagi xotin-qizlar faollarining oilalardagi ijtimoiy-maʼnaviy muhitni oʻrganish hamda sogʻlomlashtirishga qaratilgan chora-tadbirlarni amalga oshirishda davlat va jamoat tashkilotlari bilan oʻzaro hamkorlikdagi faoliyatini taʼminlashga hamda oilaviy qadriyatlarni targʻib etish, nizoli oilalarni sogʻlom turmush tarziga qaytarish va oilaning qonuniy asoslarini mustahkamlash borasidagi targʻibot ishlarini tashkil etishga uslubiy-amaliy koʻmaklashadi;

k) migratsiyadan qaytgan, jazoni ijro etish muassasalaridan ozod etilgan, ogʻir ijtimoiy vaziyatga tushib qolgan xotin-qizlarning ijtimoiy moslashuviga, ular bilan manzilli ishlash orqali zarur yordamlar olishlariga koʻmaklashish sohasida:

migratsiyadan qaytgan, jazoni ijro etish muassasalaridan ozod etilgan, ogʻir ijtimoiy vaziyatga tushib qolgan xotin-qizlarning huquqlari va qonuniy manfaatlarini taʼminlash hamda ularning oilalaridagi ijtimoiy-maʼnaviy muhitni shakllantirishda davlat va jamoat tashkilotlari bilan hamkorlikda chora-tadbirlarni amalga oshiradi;

migratsiyadan qaytgan, jazoni ijro etish muassasalaridan ozod etilgan xotin-qizlarni mehnat bozorida raqobatbardosh kasb-hunar turlariga oʻqitish orqali bandligini taʼminlash, salomatligini tiklashga hamda jamiyat hayotiga moslashuviga koʻmaklashadi;

mehnat faoliyatini amalga oshirish uchun xorijga chiqib ketgan xotin-qizlarning huquqlari va qonuniy manfaatlarini himoya qilish tizimini takomillashtirish choralarini koʻradi;

mehnat faoliyatini amalga oshirish uchun xorijga chiqib ketgan shaxslarning uyda qolgan voyaga yetmagan farzandlari turmush tarzini oʻrganish va qoʻllab-quvvatlashda davlat va jamoat tashkilotlari bilan hamkorlikda choralarni koʻradi;

Oʻzbekistonlik vatandosh xotin-qizlar kengashi orqali xorijda murakkab hayotiy vaziyatga tushib qolgan xotin-qizlarni moddiy va ijtimoiy qoʻllab-quvvatlash, ularga axborot jihatidan va huquqiy yordam koʻrsatish ishlarini tashkil etadi;

l) keys menejmentni qoʻllagan holda, ijtimoiy himoyaga muhtoj xotin-qizlarni aniqlash hamda ular bilan manzilli ishlash sohasida:

uyma-uy yurish orqali xotin-qizlarning muammolarini, xususan, ijtimoiy xizmatlarga boʻlgan ehtiyojini aniqlab, keys menejment asosida muammolarni hal etish chora-tadbirlarini amalga oshiradi, ushbu yoʻnalishda mahallalardagi xotin-qizlar faollarining ishini muvofiqlashtirib boradi;

“Ayollar daftari”ga kiritilgan xotin-qizlar bilan manzilli ishlashda hududlarni ijtimoiy-iqtisodiy rivojlantirish boʻyicha sektorlar (keyingi oʻrinlarda — sektorlar), mutasaddi davlat va jamoat tashkilotlari tomonidan ayollar muammolarining hal etilishi yuzasidan monitoring yuritadi va koʻmaklashadi;

mahallalardagi xotin-qizlar faollariga xotin-qizlarning muammolarini oʻz vaqtida aniqlash va bartaraf etishda, ularni ogʻir ijtimoiy ahvoldan chiqarishda uslubiy va amaliy koʻmaklashadi;

ogʻir ijtimoiy ahvolga tushib qolgan xotin-qizlarga, shu jumladan, nogironligi boʻlgan xotin-qizlarga ijtimoiy-huquqiy, psixologik va moddiy yordam koʻrsatish tizimini shakllantirish, ularning iqtisodiy barqarorligini taʼminlash boʻyicha takliflar ishlab chiqadi va tegishli chora-tadbirlarni amalga oshiradi;

uy-joyga muhtoj, ogʻir ijtimoiy ahvolga tushib qolgan, Ijtimoiy himoya reyestriga kiritilgan hamda nogironligi boʻlgan xotin-qizlarning roʻyxatini tuzish, zarur hujjatlarni rasmiylashtirish, Oila va xotin-qizlarni qoʻllab-quvvatlash davlat maqsadli jamgʻarmasi hisobidan boshlangʻich badalni toʻlab berish orqali ularni arzon uy-joylar bilan taʼminlashda koʻmaklashadi;

ogʻir ijtimoiy vaziyatga tushib qolgan, shu jumladan, nogironligi boʻlgan Ijtimoiy reyestriga kiritilgan oilalardagi xotin-qizlar va ularning voyaga yetmagan farzandlarini jarrohlik yoʻli orqali sogʻlom hayotga qaytarish, reabilitatsiya vositalari bilan taʼminlash choralarini koʻradi;

xotin-qizlar muammolari bilan ishlash tizimini raqamlashtirish orqali xotin-qizlarning muammolarini oʻrganish va ularni tizimli ravishda hal etish yuzasidan axborot-kommunikatsiya texnologiyalarini keng joriy etish choralarini koʻradi;

mahallalardagi xotin-qizlar faollari tomonidan xotin-qizlarning muammolarini oʻz vaqtida aniqlash, ushbu muammolar yuzasidan davlat organlari va tashkilotlarga murojaat qilish, yordamga muhtoj boʻlgan va ogʻir ijtimoiy ahvolga tushib qolgan xotin-qizlarga ijtimoiy-huquqiy, psixologik va moddiy yordam koʻrsatish ishlarini ijtimoiy xodim bilan birgalikda tashkil etishga koʻmaklashadi;

mahallalardagi xotin-qizlar faollarining asosiy vazifalari bajarilishini monitoring qilish va mahallalarda hal etilmagan tizimli muammolarini yuqori turuvchi idoralarga kiritib boradi;

ijtimoiy himoyaga muhtoj xotin-qizlarni qoʻllab-quvvatlab kelayotgan nodavlat notijorat tashkilotlari bilan samarali hamkorlikni yoʻlga qoʻyadi;

m) davlat tashkilotlari, xalqaro moliya institutlari hamda fuqarolik jamiyati institutlari bilan yaqindan hamkorlik oʻrnatish sohasida:

Qoʻmita tizimida davlat tashkilotlari, fuqarolik jamiyati institutlari bilan aloqalarni rivojlantirish maqsadida hamkorlik chora-tadbirlarini ishlab chiqadi va amalga oshiradi;

xotin-qizlarning huquq va qonuniy manfaatlarini himoya qilish, ularning mamlakat ijtimoiy-siyosiy hayotidagi oʻrni va faolligini oshirish, gender tenglik kafolatlarini taʼminlash sohalarida nodavlat notijorat tashkilotlariga koʻmaklashadi;

xotin-qizlar yoʻnalishidagi nodavlat notijorat tashkilotlari tomonidan ishlab chiqilgan istiqbolli loyihalarni amalga oshirishda koʻmaklashish choralarini koʻradi;

xotin-qizlarning huquq va qonuniy manfaatlarini taʼminlash, Ijtimoiy reyestriga kiritilgan va ijtimoiy himoyaga muhtoj oilalarni ehtiyojmandlik darajasidan chiqarish boʻyicha jamoatchilik nazoratini taʼminlashda nodavlat notijorat tashkilotlarini jalb etish ishlarini tashkil etadi;

nodavlat notijorat tashkilotlari bilan hamkorlikda xotin-qizlarning mamlakatimizni rivojlantirishga boʻlgan daxldorlik hissini kuchaytirish, roʻy berayotgan jarayonlarni anglash va muhokama qilishga jalb etish, shuningdek, ularni faol fuqarolik pozitsiyasiga ega boʻlishlariga undaydigan tadbirlarni tashkil etadi;

zaruratga koʻra xotin-qizlarning huquq va qonuniy manfaatlarini himoya qilish hamda ijtimoiy masalalarni hal qilish jarayonlariga fuqarolik jamiyati institutlari vakillari, ekspertlar hamda olimlarni jalb etadi;

n) mahallalardagi xotin-qizlar faollari faoliyatini muvofiqlashtirish va ularga biriktirilgan jamoatchilik tuzilmalari bilan hamkorlikni taʼminlash sohasida:

xotin-qizlarni oila, mahalla va mehnat jamoalarida ijtimoiy-huquqiy jihatdan qoʻllab-quvvatlash, ijtimoiy-siyosiy faolligini oshirish, maʼnaviyatini yuksaltirish, yoshlarni oilaviy hayotga tayyorlash, zamonaviy namunali oilani shakllantirish, uning maʼnaviy-axloqiy muhitini va anʼanaviy oilaviy qadriyatlarni mustahkamlash boʻyicha maqsadli chora-tadbirlarni amalga oshiradi;

xotin-qizlar bilan ishlash boʻyicha komissiya hamda “Ota-onalar universiteti” jamoatchilik tuzilmasining faoliyatini tashkil etish va muvofiqlashtiradi;

jamoatchilik tuzilmalari tarkibiga faol, fidoyi, salohiyatli, shaxsiy sifatlari bilan mahallada obroʻ-eʼtiborga ega boʻlgan aholi vakillarini jalb etadi;

oilaviy qadriyatlarni mustahkamlash, erta nikoh va ajrashishlarning oldini olish boʻyicha samarali choralarni koʻrish, oilaviy hayot masʼuliyati, er-xotin, qaynona-kelin munosabatlari haqida tushuntirish ishlarini olib boradi;

xotin-qizlarni ishga joylashtirish, haq toʻlanadigan jamoat ishlariga, kooperativlarga, tadbirkorlikka yoʻnaltirish, kasb-hunarga va tadbirkorlikka oʻqitish, oʻzini oʻzi mustaqil ravishda band qilishni rivojlantirishga doir faoliyatni tashkil etishga masʼul idoralarga koʻmaklashadi;

tuman (shahar) oila va xotin-qizlar boʻlimlari boshliqlari, hokim yordamchilari bilan birgalikda muvofiqlashtirish.

notinch va muammoli oilalarda xotin-qizlar bilan sogʻlomlashtirish va nizoli holatlarni bartaraf etish boʻyicha amaliy ishlar olib borish, oila aʼzolari va qarindoshlar oʻrtasidagi oilaviy munosabatlarni yaxshilashga qaratilgan tushuntirish ishlarini tashkil etadi;

xotin-qizlarga nisbatan jismoniy yoki ruhiy zoʻrlik ishlatish ehtimoli mavjud oilalarda tushuntirish ishlarini olib borish, bunday holatlar aniqlanganda xotin-qizlarning huquqlari va qonuniy manfaatlarini himoya qilishga koʻmaklashadi;

ogʻir ijtimoiy ahvolga tushib qolgan xotin-qizlar, shu jumladan, nogironligi boʻlgan ayollar bilan yakka tartibda ishlarni olib borishda tegishli idoralar bilan hamkorlik aloqalarini oʻrnatish va ular bilan doimiy ravishda axborot almashadi.

Qoʻmita qonunchilik hujjatlariga muvofiq boshqa funksiyalarni ham amalga oshirishi mumkin.

4-bob. Qoʻmita va uning hududiy boʻlinmalarining huquqlari va majburiyatlari

1-§. Qoʻmitaning huquqlari va majburiyatlari

13. Qoʻmita oʻziga yuklangan vazifa va funksiyalarni amalga oshirish uchun quyidagi huquqlarga ega:

Vazirlar Mahkamasiga va Oʻzbekiston Respublikasi Prezidenti Administratsiyasiga normativ-huquqiy hujjatlar loyihalarini, shuningdek, Qoʻmitaga yuklangan vazifalar va funksiyalarni bajarish bilan bogʻliq boshqa hujjatlarni belgilangan tartibda kiritish;

respublika va mahalliy ijro etuvchi hokimiyat organlari, xoʻjalik birlashmalari, boshqa tashkilotlar va ularning mansabdor shaxslari, shuningdek, fuqarolar uchun bajarilishi majburiy boʻlgan normativ-huquqiy hujjatlarni qabul qilish, zarur hollarda, boshqa vazirliklar va idoralar bilan birgalikda qoʻshma qarorlar va boshqa hujjatlarni qabul qilish;

Qoʻmitaning vakolatiga kiruvchi masalalarda respublika va mahalliy ijro etuvchi hokimiyat organlari, xoʻjalik birlashmalari faoliyatini muvofiqlashtirish;

xotin-qizlarning huquqlari va qonuniy manfaatlariga rioya etilishi boʻyicha qonunchilik hujjatlari bajarilishini zarur hollarda, huquqni muhofaza qiluvchi va nazorat organlari xodimlari ishtirokida oʻrganish;

Qoʻmitaga tegishli vazifalarni amalga oshirish uchun zarur hollarda, davlat organlari, ilmiy muassasalar va boshqa tashkilotlarning rahbarlari hamda mutaxassislarini jalb qilish, ishchi guruhlar tuzish;

oʻz vakolatlariga kiruvchi masalalar yuzasidan davlat organlari va tashkilotlaridan statistika, tahliliy materiallar, xulosalar va boshqa maʼlumotlarni soʻrash va olish;

davlat organlari va tashkilotlari rahbarlariga xotin-qizlar huquqlari va qonuniy manfaatlarini taʼminlash hamda oilani mustahkamlash borasidagi qonunchilik hujjatlari buzilishi, ularni keltirib chiqaruvchi sabablar va shart-sharoitlarni bartaraf etish boʻyicha koʻrib chiqilishi majburiy boʻlgan taqdimnomalar kiritish;

Qoʻmitaning vakolatiga kiruvchi masalalarda, shuningdek, xotin-qizlar huquqlari va qonuniy manfaatlarini koʻzlab, sudlarga ariza (shikoyat) va daʼvolarni kiritish;

xotin-qizlarning huquqlari va qonuniy manfaatlarini taʼminlash, oilani mustahkamlashga doir tashabbuslar bilan chiqish hamda takliflar kiritish;

oilalarni mustahkamlash va xotin-qizlarni qoʻllab-quvvatlash sohasida ilmiy va amaliy tadqiqotlar hamda ishlanmalarni amalga oshirish boʻyicha loyihalarni saralab olish uchun tanlovlar eʼlon qilish va tanlov komissiyalarini tuzish;

oʻzining tashkiliy tuzilmasi doirasida Qoʻmita va uning idoraviy tuzilmalariga tegishli davlat mulkini belgilangan tartibda tekin foydalanish huquqi asosida bir hududiy boʻlinmadan boshqasiga berish;

Qoʻmita xodimlari hamda uning hududiy boshqarmalari va tumanlar (shaharlar) boʻlimlari tomonidan faoliyat samaradorligining maqsadli koʻrsatkichlari (KPI) bajarilishini hisobga olgan holda moddiy ragʻbatlantirish tartibini, miqdorini va shartlarini belgilash;

Qoʻmita vakolatiga kiruvchi masalalar boʻyicha takliflarni Oʻzbekiston Respublikasi Prezidenti Administratsiyasiga, Vazirlar Mahkamasiga, respublika va mahalliy ijro etuvchi hokimiyat organlari hamda xoʻjalik birlashmalariga koʻrib chiqish uchun kiritish;

davlat organlari va tashkilotlarining oilalarni mustahkamlash hamda xotin-qizlarni qoʻllab-quvvatlashga oid masalalarni koʻrib chiqish bilan bogʻliq majlislari, yigʻilishlari, shu jumladan, hayʼat majlislarida ishtirok etish;

Qoʻmita vakolati doirasida xalqaro shartnomalar va idoralararo bitimlar tuzish, xalqaro, hukumatlararo bitimlar loyihalarini taqdim etish;

Qoʻmita vakolati doirasida Oʻzbekiston Respublikasi manfaatlarini xalqaro miqyosda himoya qilish;

oʻziga yuklangan vazifalar doirasida bevosita yoki Qoʻmitaning idoraviy mansub boʻlinmalari orqali xorijiy tarmoq tashkilotlari, ilmiy va taʼlim muassasalari bilan hamkorlik qilish;

Qoʻmitaning tarkibiy va hududiy boʻlinmalarida ichki nazorat, korrupsiyaga oid huquqbuzarliklar va qonunlarga zid boshqa harakatlar, shuningdek, Qoʻmita tizimi xodimlari tomonidan kasbiy axloq qoidalari buzilishining oldini olish;

boshqaruv xodimlarining belgilangan umumiy cheklangan soni doirasida Qoʻmita markaziy apparatining tasdiqlangan tuzilmasiga oʻzgartirishlar kiritish;

tarkibiy va hududiy boʻlinmalarning nizomlari hamda boshqa hujjatlari, smeta va shtat jadvallarini tasdiqlash;

Qoʻmita tizimida kadrlarni tanlash, tayyorlash, qayta tayyorlash va ularning malakasini oshirish, shuningdek, mahallalardagi xotin-qizlar faollarining malakasini oshirish jarayonlarini samarali tashkil etish;

Qoʻmita vakolatiga kiradigan masalalar boʻyicha joriy va strategik vazifalarni yoritish uchun belgilangan tartibda noshirlik faoliyatini amalga oshirish, rasmiy veb-saytlar, ijtimoiy tarmoqlarda sahifalar ochish, konferensiyalar, seminarlar, simpoziumlar, koʻrgazmalar, yarmarkalar oʻtkazish, shuningdek, metodik materiallar va tavsiyalar ishlab chiqish;

binolarga xizmat koʻrsatish, jihoz va uskunalar, avtotransport, aloqa hamda hisoblash vositalari, kompyuter va tashkiliy texnika vositalarini saqlash va ishlatish boʻyicha ishlarni bajarish, dasturiy taʼminotni sotib olish toʻgʻrisida belgilangan tartibda shartnomalar tuzish;

Qoʻmita, uning hududiy boʻlinmalari hamda Qoʻmitaning idoraviy boʻysunuvidagi tashkilotlarning moddiy-texnik bazasini yaxshilash choralarini koʻrish;

qonunchilik hujjatlariga muvofiq Qoʻmitaning ijtimoiy infratuzilmasini yaratish va takomillashtirish hamda Qoʻmita, uning tarkibiy va hududiy boʻlinmalari xodimlarini moddiy ragʻbatlantirish va mukofotlashning yagona tizimini shakllantirish.

Qoʻmita qonunchilik hujjatlariga muvofiq boshqa huquqlarga ham ega boʻlishi mumkin.

14. Qoʻmita:

oʻziga yuklangan vazifalar va funksiyalarni samarali bajarish, shuningdek, oilalarni mustahkamlash va xotin-qizlarni qoʻllab-quvvatlash boʻyicha davlat siyosatini samarali amalga oshirish;

oʻz faoliyati bilan bogʻliq prognoz koʻrsatkichlarga soʻzsiz erishilishini taʼminlash;

Oʻzbekiston Respublikasi Prezidenti Administratsiyasi va Vazirlar Mahkamasiga kiritilayotgan normativ-huquqiy hujjatlar loyihalari va boshqa hujjatlar, shuningdek, Qoʻmita tomonidan qabul qilinayotgan qarorlarning sifati, pirovard natijalari va amalga oshirilishi oqibatlari;

oʻz faoliyati sohasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning samarali amalga oshirilishi;

fuqarolar va tadbirkorlik subyektlarining huquqlariga rioya etilishini va ularning qonuniy manfaatlari himoya qilinishini taʼminlash uchun javob beradi.

2-§. Qoʻmita hududiy boʻlinmalarining huquqlari va majburiyatlari

15. Qoʻmitaning hududiy boʻlinmalari quyidagi huquqlarga ega:

oilalarni mustahkamlash va xotin-qizlarni qoʻllab-quvvatlashga oid qonunchilik hujjatlarining ijro etilishini, shu jumladan, hududlarda xotin-qizlarning huquq va qonuniy manfaatlariga rioya etilishini oʻrganish va tahlil qilish;

oʻz vakolatlariga kiruvchi masalalar yuzasidan davlat organlari va tashkilotlarining hududiy boʻlinmalaridan statistika, tahliliy materiallar, xulosalar va boshqa maʼlumotlarni soʻrash va olish;

davlat organlari va tashkilotlari rahbarlariga xotin-qizlar huquqlari va qonuniy manfaatlarini taʼminlash hamda oilani mustahkamlash borasidagi qonunchilik hujjatlari buzilishi, ularni keltirib chiqaruvchi sabab va shart-sharoitlarni bartaraf etish boʻyicha koʻrib chiqilishi majburiy boʻlgan taqdimnomalar kiritish;

vakolatiga kiruvchi masalalarda, shuningdek, xotin-qizlar huquqlari va qonuniy manfaatlarini koʻzlab, sudlarga ariza (shikoyat) va daʼvolarni kiritish;

davlat organlari va tashkilotlari hududiy boʻlinmalarining oilalarni mustahkamlash va xotin-qizlarni qoʻllab-quvvatlashga oid masalalarni koʻrib chiqish bilan bogʻliq majlislari, yigʻilishlari, shu jumladan, hayʼat majlislarida ishtirok etish;

axborot-tahliliy materiallarni tayyorlash va dasturiy hujjatlarni ishlab chiqish uchun respublika ijro etuvchi hokimiyat organlari va xoʻjalik birlashmalarining hududiy boʻlimlari, shuningdek, ilmiy tashkilotlarning yuqori malakali mutaxassislarini jalb qilish.

Qoʻmitaning hududiy boʻlinmalari oʻz vakolatlari doirasida oʻzlariga yuklangan vazifalardan kelib chiqqan holda boshqa huquqlarga ham ega boʻlishi mumkin.

16. Qoʻmitaning hududiy boʻlinmalari:

oʻzlariga yuklangan vazifalar va funksiyalarning sifatli va oʻz vaqtida bajarilishini taʼminlash;

oʻz faoliyati bilan bogʻliq boʻlgan maqsadli koʻrsatkichlarga erishilishini taʼminlash;

Qoʻmitaga, mahalliy ijro etuvchi hokimiyat organlariga kiritilayotgan hujjatlar loyihalari va takliflar, shuningdek, Qoʻmitaning hududiy boʻlinmalari tomonidan qabul qilinayotgan qarorlarning sifati, pirovard natijalari va amalga oshirilishi oqibatlari;

oʻz faoliyati sohasini rivojlantirish, muammolarni hal qilish uchun dasturlarni, harakat rejalarini, “yoʻl xaritalari”ni va boshqa dasturiy hujjatlarning belgilangan tartibda ishlab chiqilishi hamda samarali amalga oshirilishi;

tegishli hududda oilalarni mustahkamlash va xotin-qizlarni qoʻllab-quvvatlash boʻyicha davlat siyosatining samarali amalga oshirilishi holati toʻgʻrisida Qoʻmitaga haqqoniy tahliliy va boshqa axborotning taqdim etilishi;

xotin-qizlarning huquqlari va qonuniy manfaatlariga rioya etilishini taʼminlash uchun javob beradi.

5-bob. Qoʻmita rahbarlarining asosiy funksional vazifalari

17. Quyidagilar Qoʻmita raisining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlar talablariga rioya qilish;

Qoʻmita faoliyatiga umumiy rahbarlik qilish, Qoʻmitaga Oʻzbekiston Respublikasi Prezidentining tegishli farmonlari, qarorlari va farmoyishlari, Vazirlar Mahkamasining qarorlari va farmoyishlari, boshqa qonunchilik hujjatlari bilan yuklangan vazifalar va funksiyalarning bajarilishini taʼminlash;

Oʻzbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan Qoʻmita faoliyatini yanada takomillashtirish boʻyicha konsepsiyalar, kompleks dasturlar va chora-tadbirlarni amalga oshirish boʻyicha tanqidiy va chuqur tahlillarni oʻtkazish;

Qoʻmitaning hududiy boshqarmalari hamda tarkibiy boʻlinmalari faoliyati bilan bogʻliq istiqboldagi koʻrsatkichlarga erishishni taʼminlash boʻyicha amaliy chora-tadbirlarni ishlab chiqish va qabul qilish;

Oʻzbekiston Respublikasi Prezidenti Administratsiyasi va Vazirlar Mahkamasi, shuningdek, tegishli vazirliklar va idoralar bilan Qoʻmita faoliyatiga taalluqli boʻlgan masalalar boʻyicha oʻzaro hamkorlik qilish, Vazirlar Mahkamasi yigʻilishlarida va uning Rayosati majlislarida koʻrib chiqiladigan masalalar yuzasidan qatnashish;

Oʻzbekiston Respublikasi Prezidenti, Oʻzbekiston Respublikasining Bosh vaziri koʻrsatmalarini bajarish;

oʻz oʻrinbosarlarining vakolatlarini belgilash, ular oʻrtasida majburiyatlarni taqsimlash, Qoʻmitaning boshqa mansabdor shaxslarining vakolatlarini belgilash, Qoʻmita faoliyatining maʼlum bir sohalarini boshqarishda oʻz oʻrinbosarlari va boshqa mansabdor shaxslarning shaxsiy javobgarlik darajasini belgilash;

Qoʻmitaning faoliyati rejalashtirilishini tashkil etish, davriy ish rejalarini tasdiqlash, ularning bajarilishi yuzasidan nazoratni taʼminlash;

boshqaruv lavozimlaridagi xotin-qizlar ulushini oshirish;

oliy taʼlim muassasalarida talabalar orasida xotin-qizlar ulushini oshirish;

xotin-qizlarning axborot-kommunikatsiya texnologiyalaridan faol foydalanish koʻlamini oshirish;

ijtimoiy himoyaga muhtoj xotin-qizlarni manzilli qoʻllab-quvvatlash;

respublikada xotin-qizlarning iqtisodiy imkoniyatlarini kengaytirishga koʻmaklashish;

tadbirkor xotin-qizlarning loyihalarini qoʻllab-quvvatlash va yangi biznes gʻoyalariga yordam berish orqali yangi ish oʻrinlarini tashkil qilish;

hunarmandlarga ehtiyojmand, ishsiz xotin-qizlarni biriktirish orqali ularning bandligini taʼminlashga koʻmaklashish;

Xotin-qizlar bandligini taʼminlash va salomatligini mustahkamlash markazlarini tashkil etish;

Qoʻmita tizimida raqamlashtirishni joriy etish;

oila institutini mustahkamlash, ijtimoiy-maʼnaviy muhit barqarorligini taʼminlash, mahallalarda nizolarni barvaqt aniqlash, nizoli oilalarni sogʻlom turmush tarziga qaytarish;

“Sogʻlom oila-sogʻlom jamiyat” shiori ostida oilalar farovonligi va barqarorligini taʼminlash, oilalarni mustahkamlash, masʼuliyatli ota-onalik gʻoyasini singdirish tadbirlarini tashkil etish;

davlat tomonidan ehtiyojmand xotin-qizlarga maxsus jarrohlik amaliyoti oʻtkazilishiga koʻmaklashish;

iqtidorli xotin-qizlarni aniqlash va qoʻllab-quvvatlash;

xotin-qizlar oʻrtasida ilm-fan va innovatsiyalarni rivojlantirish boʻyicha tegishli vazirlik va idoralar bilan hamkorlikda maqsadli loyihalarni amalga oshirish, forum, konferensiya, tanlov, koʻrgazma, seminarlar, davra suhbatlari, uchrashuvlar tashkil qilish;

ogʻir ijtimoiy ahvolga tushib qolgan va turar joyga muhtoj xotin-qizlarni uy-joy bilan taʼminlash;

migratsiyadan qaytgan, jazoni ijro etish muassasalaridan ozod etilgan, ogʻir ijtimoiy vaziyatga tushib qolgan xotin-qizlarning ijtimoiy moslashuviga, ular bilan manzilli ishlash orqali zarur yordamlar olishlariga koʻmaklashish;

jamiyatda xotin-qizlarga qaratilgan tazyiq va zoʻravonlikka nisbatan targʻibot tadbirlari orqali murosasizlik muhitini yaratish;

xotin-qizlarning huquqlari va qonuniy manfaatlarini qoʻllab-quvvatlash, ularning ijtimoiy-iqtisodiy imkoniyatlarini oshirish boʻyicha xalqaro tajribani oʻrganish;

Qoʻmita xodimlari, hududiy boshqarmalar va idoraviy mansub tashkilotlar xodimlarining malakasini oshirishni tashkil etish;

Qoʻmita tizimida xodimlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish hamda hududiy boshqarmalar va idoraviy mansub tashkilotlar kadrlari zaxirasini shakllantirish;

Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi nomenklaturasiga kiradigan boʻsh lavozimlarga taklif etilgan kadrlarning, shuningdek, Qoʻmitaga ishga qabul qilinayotgan boshqa kadrlarning professionalligi va oʻz ishini bilishi, yuksak darajadagi ishchanlik va maʼnaviy-axloqiy fazilatlarga ega boʻlishini taʼminlashga qaratilgan chora-tadbirlarni amalga oshirish;

Oʻzbekiston Respublikasi Prezidenti, Vazirlar Mahkamasi topshiriqlari boʻyicha normativ-huquqiy hujjatlar loyihalari sifatli ishlab chiqilishini, ular “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlari, Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga muvofiq ravishda oʻz vaqtida kiritilishini tashkil etish, ularning Vazirlar Mahkamasida puxta ishlanishida, Vazirlar Mahkamasi rahbariyati huzurida himoya qilinishi va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

“ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlariga hamda Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq Qoʻmitaning qonun loyihalarini tayyorlash faoliyatini tashkil etish;

Qoʻmita vakolatiga kiradigan masalalar boʻyicha buyruqlar, farmoyishlar chiqarish, koʻrsatmalar berish va normativ-huquqiy hujjatlarni qabul qilish, zarur boʻlganda boshqa vazirliklar va idoralar bilan birgalikda tegishli qarorlar qabul qilish;

Qoʻmitaga taqdim etilgan takliflar va normativ-huquqiy hujjatlar loyihalarining toʻliq va har tomonlama koʻrib chiqilishini taʼminlash, ularni puxta huquqiy, iqtisodiy, moliyaviy boshqa turdagi ekspertizadan oʻtkazish, shuningdek, Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamentida belgilangan muddatlarda kelishish (viza qoʻyish);

Qoʻmita rahbarlari va xodimlarining xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son hamda “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3137-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

Qoʻmita raisining oʻrinbosarlari, hududiy boshqarmalar va tarkibiy boʻlinmalar rahbarlari faoliyatining samaradorligi va natijalarini tizimli ravishda tanqidiy tahlil qilish, Qoʻmita yigʻilishlarida ularning shaxsiy hisobotlarini eshitish, natijalar asosida zarur choralar koʻrish;

Qoʻmitaning hududiy boshqarmalari va idoraviy mansub tashkilotlarining rahbarlari faoliyatini muvofiqlashtirish va nazorat qilish;

Qoʻmita xodimlarini ragʻbatlantirish yoki intizomiy javobgarlikka tortish masalalarini hal qilish, shu jumladan, egallab turgan lavozimlarda qolishining maqsadga muvofiqligi masalasini koʻrib chiqish toʻgʻrisida takliflar kiritish, ularning shaxsiy javobgarligini oshirish boʻyicha tizimli chora-tadbirlarni amalga oshirish;

Qoʻmita xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Qoʻmita xodimlarining odob-axloq qoidalari talablariga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Qoʻmita tizimida korrupsiya va boshqa qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish chora-tadbirlarini ishlab chiqish va amalga oshirish yoʻli bilan ularni aniqlash, tahlil qilish, yuzaga keltiruvchi sabablar va shart-sharoitlarni bartaraf etish;

Qoʻmita, hududiy boshqarmalar va idoraviy mansub tashkilotlarning ishlarini tashkil etishning zamonaviy shakllarini joriy etishni taʼminlash;

Qoʻmita xodimlari tomonidan manfaatlar toʻqnashuvi toʻgʻrisidagi qonunchilikka rioya etilishini taʼminlash, jumladan ular tomonidan lavozim majburiyatlarini yoki xizmat vakolatlarini bajarish chogʻida manfaatlar toʻqnashuviga olib keladigan yoki olib kelishi mumkin boʻlgan shaxsiy manfaatdorlikka yoʻl qoʻymaslik choralarini koʻrish;

jismoniy va yuridik shaxslarning murojaatlarini koʻrib chiqish ishlarini “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsan qabul qilishni muntazam ravishda oʻtkazish, shu jumladan, jismoniy va yuridik shaxslarning vakillarini belgilangan muddatlarda va tartibda joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali oʻzaro aloqani tashkil qilish, ularning faoliyatida Qoʻmita rahbariyati va xodimlarining faol ishtirokini, Oʻzbekiston Respublikasi Prezidentining Virtual qabulxonasidan tushayotgan jismoniy va yuridik shaxslarning murojaatlari oʻz vaqtida va toʻliq koʻrib chiqilishini taʼminlash;

davlat sirlari bilan ishlashda qonunchilik talablariga rioya qilish;

davlat organlari va boshqa tashkilotlarda, Oʻzbekiston Respublikasi sudlarida, shuningdek, xalqaro tashkilotlar va xorijiy davlat vakillari ishtirokida oʻtkaziladigan rasmiy tadbirlarda Qoʻmita nomidan ishtirok etish;

zarurat boʻlganda, boshqaruv xodimlarining belgilangan umumiy cheklangan soni va mehnatga haq toʻlash fondi doirasida Qoʻmita markaziy apparati, hududiy boshqarmalari va idoraviy mansub tashkilotlarining tasdiqlangan tuzilmasiga oʻzgartirishlar kiritish;

Qoʻmita markaziy apparatining tarkibiy boʻlinmalari, shuningdek, Qoʻmitaning hududiy boshqarmalari va idoraviy mansub tashkilotlari toʻgʻrisidagi nizomlarni hamda ustavlarni tasdiqlash;

Qoʻmita markaziy apparati xodimlari, hududiy boshqarmalari rahbarlari bilan qonunchilikda belgilangan tartibda mehnat shartnomalarini tuzish va bekor qilish;

Qoʻmita markaziy apparati, hududiy boshqarmalari va tumanlar (shaharlar) boʻlinmalari xodimlari bajarishi shart boʻlgan buyruqlar va farmoyishlar chiqarish hamda koʻrsatmalar berish;

Qoʻmita tizimida faoliyat yuritayotgan xodimlarni ragʻbatlantirish va intizomiy javobgarlikka tortish masalalarini hal etish, alohida oʻrnak koʻrsatgan xodimlarni Oʻzbekiston Respublikasining Davlat mukofotlari bilan taqdirlashga taqdim etish, shuningdek, soha tarmoqlarini rivojlantirishda alohida oʻrnak koʻrsatgan xodimlarni “Moʻtabar ayol” koʻkrak nishoni, faxriy yorliqlar bilan taqdirlash hamda boshqa ragʻbatlantirish choralarini koʻrish;

Qoʻmita mol-mulkini qonunchilik hujjatlarida belgilangan tartibda boshqarish;

Qoʻmita xodimlarini hamda hududiy boshqarmalar va idoraviy mansub tashkilotlar xodimlarini tizimli ravishda tayyorlash va xorijiy davlatlarda ularning malakasini oshirishni tashkil etish;

Qoʻmita vakolatiga kiradigan masalalar yuzasidan Oʻzbekiston Respublikasining xalqaro shartnomalarini imzolash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoringini yuritishning amaliy tizimini yaratish, Qoʻmitaning faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda respublika ijro etuvchi hokimiyat organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq topshiriqlar oʻz vaqtida va sifatli ijro etilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish choralarini koʻrish.

18. Quyidagilar Qoʻmita raisi oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

Qoʻmita raisi vaqtincha boʻlmaganda, tegishli buyruq asosida uning vazifalarini bajarish;

Qoʻmitaning oʻzi nazorat qiladigan idoraviy mansub tashkilotlari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

Qoʻmita faoliyatining oʻzi nazorat qiladigan yoʻnalishlari boʻyicha Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan Qoʻmita faoliyatini yanada takomillashtirish boʻyicha konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

oʻzi nazorat qiladigan tarkibiy boʻlinmalar tomonidan maqsadli koʻrsatkichlarga erishishni soʻzsiz taʼminlash choralarini koʻrish, tarkibiy boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

oʻzi nazorat qiladigan tarkibiy boʻlinmalarning rejalarini tasdiqlash, ularning bajarilishini nazorat qilishni taʼminlash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoringini yuritishning amaliy tizimini yaratish, Qoʻmita faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va ““Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq topshiriqlar oʻz vaqtida sifatli ijro etilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Qoʻmita hayʼati qarorlari, Qoʻmita raisining buyruqlari va topshiriqlari oʻz vaqtida va sifatli bajarilishini taʼminlash;

oʻzi nazorat qiladigan tarkibiy boʻlinmalarda kadrlarni tanlash va joy-joyiga qoʻyish boʻyicha Qoʻmita raisiga takliflar taqdim etish, ularning professionalligi, oʻz ishini bilishi, yuksak darajadagi ishchanlik va maʼnaviy-axloqiy fazilatlarga ega boʻlishini taʼminlash, ularning kasbiy malakasini oshirish, mutasaddilik qilinadigan tarkibiy tuzilmalarda kadrlar zaxirasini shakllantirish choralarini koʻrish;

oʻzi nazorat qiladigan tarkibiy boʻlinmalar tomonidan normativ-huquqiy hujjatlar loyihalarining toʻliq va sifatli ishlab chiqilishini tashkil etish, Qoʻmita tarkibiy boʻlinmalarida tayyorlangan hujjatlar loyihalari Qoʻmita raisi tomonidan koʻrib chiqilishi va imzolanishi (viza qoʻyilishi) uchun koʻrib chiqish va viza qoʻyish, ularni Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga qatʼiy rioya qilgan holda va oʻz vaqtida Vazirlar Mahkamasiga kiritilishini taʼminlash, shuningdek, normativ-huquqiy hujjatlar loyihalari Vazirlar Mahkamasida koʻrib chiqilishida Qoʻmita raisining topshirigʻiga asosan ishtirok etish;

Qoʻmitaga taqdim etilgan takliflar va normativ-huquqiy hujjatlar loyihalari toʻliq va oʻz vaqtida koʻrib chiqilishini taʼminlash, ularni puxta huquqiy, moliyaviy, iqtisodiy va boshqa ekspertizadan oʻtkazish;

xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida ” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3137-son qarorlari talablariga toʻliq muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

oʻzi nazorat qiladigan tarkibiy boʻlinmalar rahbarlari faoliyatining samaradorligi va natijadorligini muntazam tanqidiy tahlil qilish, Qoʻmita hayʼati majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlarni amalga oshirish;

sohaga oid masalalar boʻyicha Qoʻmita faoliyatini rivojlantirishga doir amaliy choralar koʻrish, qonunchilik hujjatlarini takomillashtirish yuzasidan takliflar ishlab chiqish va ularni Qoʻmita raisiga kiritish;

oʻzi nazorat qiladigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishi maqsadga muvofiqligi masalasini koʻrib chiqish boʻyicha Qoʻmita raisiga taklif kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli choralar koʻrish;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Qoʻmita va uning hududiy boshqarmalari xodimlari, oʻzi nazorat qiladigan tarkibiy tuzilmalar rahbarlari va xodimlari tomonidan ushbu qoidalarga rioya etilishini taʼminlash;

davlat xizmatlari samaradorligini, ulardan erkin foydalanishni va ularni koʻrsatish sifatini oshirish hamda “Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

jismoniy va yuridik shaxslarning murojaatlarini koʻrib chiqish ishlarini “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsan qabul qilishni muntazam ravishda oʻtkazish, shu jumladan, jismoniy va yuridik shaxslarning vakillarini belgilangan muddatlarda va tartibda joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlikni, Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq ularning faoliyatida faol ishtirok etishni, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan barcha murojaatlari oʻz vaqtida va toʻliq koʻrib chiqilishini taʼminlash;

davlat sirlari bilan ishlashda qonun hujjatlari talablariga rioya qilish;

oʻz faoliyati sohasida malakali kadrlarni tayyorlash, kadrlarni, shu jumladan, xorijdagi ilgʻor ilmiy-tadqiqot muassasalari va taʼlim markazlarida qayta tayyorlash va malakasini oshirishni tashkil qilish;

oʻz faoliyati sohasida xorijiy davlatlar, xalqaro va xorijiy tashkilotlar bilan hamkorlik qilish;

Qoʻmita tizimining moliyaviy-iqtisodiy asoslarini hamda moddiy-texnik bazasini mustahkamlash va bu borada aniq chora-tadbirlarni amalga oshirish.

Jumladan, soha yoʻnalishlari boʻyicha:

a) Qoʻmita raisi oʻrinbosarining asosiy vazifalari (xotin-qizlarning ijtimoiy-siyosiy faolligini oshirish, gender tenglikka erishish, bandlik va ijtimoiy himoya masalalari boʻyicha):

xotin-qizlar oʻrtasida tadbirkorlikni rivojlantirish, ularning bandligini taʼminlashga koʻmaklashish, kasb-hunarga oʻqitishni tashkil etish;

respublika va hududiy “Xotin-qizlar tadbirkorlik markazlari” faoliyatini samarali tashkil etishida koʻmaklashish;

mahallalardagi xotin-qizlar faollari ishini muvofiqlashtirish;

ijtimoiy himoyaga muhtoj oilalar va “Ayollar daftari”ga kiritilgan xotin-qizlar bilan ishlash;

gender tenglikni taʼminlash;

xotin-qizlarning ijtimoiy-siyosiy faolligini oshirish, ularning bilim va koʻnikmalarini rivojlantirish hamda taʼlim olish imkoniyatlarini kengaytirish;

xotin-qizlarga nisbatan zoʻravonlikning oldini olish, shuningdek, zoʻravonlikdan jabr koʻrgan shaxslarga ijtimoiy, maʼnaviy va huquqiy yordam berish ishlarini tashkil qilish;

boshqaruv lavozimlaridagi xotin-qizlar ulushini oshirish;

oliy taʼlim muassasalarida talabalar orasida xotin-qizlar ulushini oshirish;

xotin-qizlarning axborot-kommunikatsiya texnologiyalaridan faol foydalanishi koʻlamini oshirish;

xotin-qizlar oʻrtasida ilm-fan va innovatsiyalarni rivojlantirish;

mahalliy Kengashlar deputatligiga oʻtkaziladigan saylov jarayonlarida nomzod xotin-qizlarning ulushini oshirish;

iqtidorli xotin-qizlarni aniqlash va qoʻllab-quvvatlash tizimini takomillashtirish;

xotin-qizlar oʻrtasida ilm-fan va innovatsiyalarni rivojlantirish boʻyicha tegishli vazirlik va idoralar bilan hamkorlikda maqsadli loyihalarni amalga oshirish, forum, konferensiya, tanlov, koʻrgazma, seminarlar, davra suhbatlari, uchrashuvlar tashkil qilish;

ijtimoiy himoyaga muhtoj xotin-qizlarni manzilli qoʻllab-quvvatlash;

davlat tomonidan ehtiyojmand xotin-qizlarni maxsus jarrohlik amaliyotini oʻtkazish;

respublikada xotin-qizlarning iqtisodiy imkoniyatlarini kengaytirishga koʻmaklashish;

xotin-qizlar eng koʻp ishlashi mumkin boʻlgan tarmoqlarda tegishli vazirlik va idoralarning mavjud ish oʻrinlariga boʻlgan ehtiyojidan kelib chiqib, ishlash istagida boʻlgan xotin-qizlarni ushbu ish oʻrinlariga jalb etish orqali bandligiga koʻmaklashish;

barcha hududlarda “yashil” iqtisodiyotni rivojlantirishga xotin-qizlarni, xususan, uy bekalarini jalb etish;

“Edo.ijro.uz” elektron ichki hujjatlar almashinuvi tizimi orqali hujjatlar ijrosining taʼminlanishini nazorat qilish;

“Ijro.gov.uz” ijro intizomi idoralararo yagona elektron tizimi orqali topshiriq va vazifalarning ijrosini taʼminlash hamda tashkiliy ishlarni muvofiqlashtirish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoringini yuritishning amaliy tizimini yaratish, Qoʻmita faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va ““Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq topshiriqlar oʻz vaqtida sifatli ijro etilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish chora-tadbirlarini koʻrish;

b) Qoʻmita raisi oʻrinbosarining asosiy vazifalari (oila institutini mustahkamlash, ijtimoiy-maʼnaviy muhitni yaxshilash va migratsiya masalalari boʻyicha):

“Sogʻlom oila-sogʻlom jamiyat” shiori ostida oilalar farovonligi va barqarorligini taʼminlash, oilalarni mustahkamlash, masʼuliyatli ota-onalik gʻoyasini singdirish tadbirlarini tashkil etish;

oila institutini mustahkamlash, ijtimoiy-maʼnaviy muhit barqarorligini taʼminlash, mahallalarda nizolarni barvaqt aniqlash, nizoli oilalarni sogʻlom turmush tarziga qaytarish;

“Yoshlarni oilaviy hayotga tayyorlash markazlari”da nikohlanuvchi shaxslarni oʻqitish;

xotin-qizlar huquqlari va qonuniy manfaatlarini koʻzlab, sudlarga ariza (shikoyat) va daʼvolarni kiritish;

noqonuniy nikoh asosida yashayotgan oilalarning nikohini qonuniy rasmiylashtirish choralarini koʻrish;

xavfsiz migratsiyani tashkil qilish maqsadida hududlarda chet elga ishlash uchun chiqish istagidagi xotin-qizlar bilan suhbatlarni tizimli tashkil qilish;

ogʻir ijtimoiy ahvolga tushib qolgan va turar joyga muhtoj xotin-qizlarni uy-joy bilan taʼminlash;

migratsiyadan qaytgan, jazoni ijro etish muassasalaridan ozod etilgan, ogʻir ijtimoiy vaziyatga tushib qolgan xotin-qizlarning ijtimoiy moslashuviga, ular bilan manzilli ishlash orqali zarur yordamlar olishlariga koʻmaklashish;

jamiyatda xotin-qizlarga qaratilgan tazyiq va zoʻravonlikka nisbatan murosasizlik muhitini yaratish;

hududlarda elektr energiyasini tejash maqsadida quyosh panellaridan foydalanishni targʻib qilish;

“Edo.ijro.uz” elektron ichki hujjatlar almashinuvi tizimi orqali hujjatlar ijrosining taʼminlanishini nazorat qilish;

“Ijro.gov.uz” ijro intizomi idoralararo yagona elektron tizimi orqali topshiriq va vazifalarning ijrosini taʼminlash hamda tashkiliy ishlarni muvofiqlashtirish;

xotin-qizlar masalalari boʻyicha fuqarolik jamiyati institutlari bilan hamkorlik qilish;

xotin-qizlar masalalari boʻyicha boshlangʻich tashkilotlar faoliyatini samarali tashkil etish;

oilaviy, maʼnaviy-axloqiy qadriyatlarni mustahkamlash;

“Ibratli oila”, “Moʻtabar ayol” koʻkrak nishonlari bilan taqdirlashga oid chora-tadbirlarni tashkil qilish va amalga oshirish;

ijtimoiy reabilitatsiya ishlarini muvofiqlashtirish;

Qoʻmita tizimida axborot texnologiyalari va raqamlashtirishni joriy etish;

Zulfiya nomidagi Davlat mukofoti komissiyasi faoliyatini tashkil etishga oid chora-tadbirlarni samarali amalga oshirish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoringini yuritishning amaliy tizimini yaratish, Qoʻmita faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va ““Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq topshiriqlar oʻz vaqtida sifatli ijro etilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish chora-tadbirlarini koʻrish.

19. Quyidagilar Qoʻmita markaziy apparati tarkibiy tuzilmalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

tegishli boʻlinma faoliyatiga bevosita rahbarlik qilish, ushbu boʻlinmaga yuklangan vazifalar va funksiyalarning bajarilishini tashkil etish;

Qoʻmitaning hududiy va tarkibiy boʻlinmalari faoliyatini oʻz vakolatlari doirasida muvofiqlashtirish;

prognoz koʻrsatkichlarning bajarilishini muntazam tahlil qilish hamda Qoʻmitaning hududiy va tarkibiy boʻlinmalari ushbu koʻrsatkichlarga soʻzsiz erishishini taʼminlashga qaratilgan qoʻshimcha chora-tadbirlarni amalga oshirish boʻyicha takliflarni Qoʻmita raisining nazorat qiluvchi oʻrinbosarlariga kiritish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoringini olib borishning amaliy tizimini yaratish, Qoʻmita faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga , Oʻzbekiston Respublikasi Prezidentining ““Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq topshiriqlar oʻz vaqtida sifatli ijro etilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish chora-tadbirlarini koʻrish;

Qoʻmita hayʼati qarorlari, Qoʻmita raisining buyruqlari va farmoyishlari, uning oʻrinbosarlari koʻrsatmalari hamda topshiriqlarining oʻz vaqtida va sifatli bajarilishini taʼminlash;

tarkibiy boʻlinmalarning har choraklik ish rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlar oʻz vaqtida va sifatli bajarilishini taʼminlash;

tarkibiy boʻlinmalarga yuklangan vazifalar bajarilishini nazorat qilish va muvofiqlashtirish, Qoʻmita hududiy boshqarmalari va idoraviy mansub tashkilotlar faoliyatiga amaliy va metodik yordam berish;

tarkibiy boʻlinmalar faoliyati sohalariga oid qonunchilik hujjatlari va huquqni qoʻllash amaliyotini takomillashtirish boʻyicha takliflarni ishlab chiqish va koʻrib chiqish uchun Qoʻmita rahbariyatiga kiritish;

tarkibiy boʻlinmalarda kadrlarni tanlash va joy-joyiga qoʻyishda Qoʻmita oʻrinbosarlariga takliflar taqdim etish, professionalligi, oʻz ishini bilishi, amaliy tajribaga, yuksak ishchanlik va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish choralarini koʻrish, tarkibiy tuzilmalarda kadrlar zaxirasini shakllantirish;

tarkibiy boʻlinmalar tomonidan normativ-huquqiy hujjatlar loyihalarining sifatli ishlab chiqilishini tashkil etish, tarkibiy boʻlinmalarda tayyorlangan hujjatlar loyihalarini Qoʻmita raisi tomonidan koʻrib chiqilishi va imzolanishi (viza qoʻyilishi) uchun koʻrib chiqish va viza qoʻyish, ular Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga qatʼiy rioya qilgan holda va oʻz vaqtida Vazirlar Mahkamasiga kiritilishini taʼminlash, normativ-huquqiy hujjatlar loyihalari Vazirlar Mahkamasida koʻrib chiqilishida Qoʻmita rahbariyati topshirigʻiga asosan ishtirok etish;

tarkibiy boʻlinmaga taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta huquqiy, moliyaviy, iqtisodiy va boshqa ekspertizadan oʻtkazish;

xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida ” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3137-son qarorlari talablariga toʻliq muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

tarkibiy boʻlinmalar xodimlari faoliyatining samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlarni amalga oshirish;

Qoʻmita xodimlarining Qoʻmita va uning hududiy boshqarmalari xodimlari odob-axloq qoidalariga rioya etishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

jismoniy va yuridik shaxslarning murojaatlarini “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq koʻrib chiqish, jamoatchilik bilan bevosita va ochiq muloqot oʻrnatish, shaxsan qabul qilishni muntazam ravishda oʻtkazish, shu jumladan, jismoniy va yuridik shaxslarning vakillarini belgilangan muddatlarda va tartibda joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

davlat sirlari bilan ishlashda qonun hujjatlari talablariga rioya qilish;

ish yuritish sohasidagi namunali xodimlarni aniqlash va mukofotlash yuzasidan Qoʻmita rahbariyatiga takliflar kiritish.

20. Quyidagilar Qoʻmitaning hududiy boshqarmalari rahbarlarining asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

hududiy boʻlinmalar faoliyatiga umumiy rahbarlik qilish, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Qoʻmitaning, mahalliy ijro etuvchi hokimiyat organlarining normativ-huquqiy hujjatlari bilan ushbu boshqarmalarga yuklangan vazifalar va funksiyalar bajarilishini tashkil etish;

hududiy boshqarmalar va tumanlar (shaharlar) boʻlimlari faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

hududiy boshqarmalar va tumanlar (shaharlar) boʻlimlari faoliyatini nazorat qilish va muvofiqlashtirish;

hududiy boshqarmalar va tumanlar (shaharlar) boʻlimlari xodimlari tomonidan Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari, farmoyishlari ijrosi taʼminlanishini, ijro intizomi mustahkamlanishi boʻyicha kompleks amaliy chora-tadbirlar amalga oshirilishi, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va ““Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq topshiriqlar oʻz vaqtida sifatli ijro etilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish chora-tadbirlarini koʻrish;

Qoʻmita hayʼati qarorlari, Qoʻmita raisining buyruqlari, farmoyishlari va uning oʻrinbosarlari koʻrsatmalari hamda topshiriqlari oʻz vaqtida va sifatli bajarilishini taʼminlash;

Qoʻmita faoliyati sohasiga kiradigan masalalar yuzasidan mahalliy ijro etuvchi hokimiyat organlari va kompleks ijtimoiy-iqtisodiy rivojlantirish boʻyicha sektorlar bilan hamkorlik qilish;

xodimlarning vakolatlarini belgilash, ular oʻrtasida majburiyatlarni taqsimlash, hududiy boshqarmalar va tumanlar (shaharlar) boʻlimlarini boshqarishda mansabdor shaxslarning javobgarligini belgilash;

hududiy boshqarmalar va tumanlar (shaharlar) boʻlimlari faoliyatini rejalashtirishni tashkil etish, har choraklik ish rejalarini tasdiqlash, ularning bajarilishi ustidan nazoratni taʼminlash;

hududiy boshqarmalarda va tumanlar (shaharlar) boʻlimlarida kadrlarni tanlash va joy-joyiga qoʻyish, ularning samarali faoliyat koʻrsatishi uchun zarur shart-sharoitlar yaratish, hududiy boshqarma kadrlar zaxirasini shakllantirish;

Qoʻmita rahbari nomenklaturasiga kiradigan boʻsh lavozimlarga taklif etilgan kadrlarning, shuningdek, hududiy boshqarmaga ishga qabul qilinayotgan boshqa kadrlarning professionalligi, oʻz ishini bilishi, amaliy tajribaga, yuksak darajada ishchanlik va maʼnaviy-axloqiy fazilatlarga ega ekanligi kafolatini taʼminlash;

hududiy boshqarmalar xodimlarini ragʻbatlantirish va intizomiy javobgarlikka tortish masalalarini hal qilish, shu jumladan, ular egallab turgan lavozimda qolishi maqsadga muvofiqligiga doir masalalarni koʻrib chiqish, ularning shaxsiy masʼuliyatini oshirish boʻyicha choralar koʻrish;

hududiy boshqarmalar xodimlarining va tuman (shahar) boʻlimlari xodimlarining odob-axloq qoidalari talablariga rioya qilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq hududiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

prognoz koʻrsatkichlarning bajarilishini muntazam tahlil qilish hamda Qoʻmitaning hududiy boshqarmalari va ularning boʻlinmalari ushbu koʻrsatkichlarga soʻzsiz erishishini taʼminlashga qaratilgan qoʻshimcha choralar koʻrish boʻyicha takliflarni Qoʻmitaga kiritish;

hududiy boshqarmalar xodimlari va tuman (shahar) boʻlimlari rahbarlari faoliyati samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlarni amalga oshirish;

hududiy boshqarmalar va ularning boʻlinmalari faoliyatiga oid masalalar boʻyicha qonunchilik hujjatlarini takomillashtirish, shuningdek, davlat xizmatlari samaradorligi, sifatini oshirish va ulardan erkin foydalanish boʻyicha takliflarni ishlab chiqish hamda koʻrib chiqish uchun Qoʻmita rahbariyatiga kiritish;

jismoniy va yuridik shaxslarning murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, muntazam ravishda shaxsan qabul qilish, shu jumladan, sayyor qabullar oʻtkazish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi. Prezidentining Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

hududiy boshqarmalar xodimlarining lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash toʻgʻrisida qaror qabul qilish, ularni davlat mukofotlari va idoraviy mukofotlar bilan taqdirlash toʻgʻrisida Qoʻmitaga takliflar kiritish;

davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash;

mahalliy ijro etuvchi hokimiyat organlarida, sudlarda va tashkilotlarda Qoʻmitaning hududiy boshqarmalari va ularning boʻlinmalari manfaatlarini ifoda etish;

xotin-qizlarning huquqlari va qonuniy manfaatlariga rioya etilishini taʼminlash uchun javob beradi.

6-bob. Qoʻmita rahbarlarining javobgarligi

21. Qoʻmita raisi:

mazkur Nizom va boshqa qonunchilik hujjatlari bilan Qoʻmitaga yuklangan vazifalarning sifatli va oʻz vaqtida bajarilishi, shuningdek, Qoʻmita ishidagi kamchiliklarni bartaraf etish boʻyicha choralar koʻrilishi;

amalga oshirilayotgan dasturlar, strategiya va konsepsiyalarda koʻzlangan natijalarga erishilishi, ularning oila va xotin-qizlarni qoʻllab-quvvatlash, ularning huquqlari va qonuniy manfaatlarini himoya qilish sohasidagi davlat siyosatini amalga oshirishga taʼsiri;

tegishli sohalar va tarmoqlarni rivojlantirish boʻyicha belgilangan parametrlar va koʻrsatkichlarga erishishga qaratilgan amaliy choralar ishlab chiqilishi va amalga oshirilishi;

Qoʻmita tizimida ijro intizomiga qatʼiy rioya etilishi uchun javob beradi.

22. Qoʻmita raisining oʻrinbosarlari:

qonunchilik hujjatlari bilan yuklangan yoʻnalishlar va sohalar boʻyicha vazifalar va funksiyalarning oʻz vaqtida bajarilishi hamda natijadorligi;

mutasaddilik qilinayotgan yoʻnalishlar boʻyicha sohalarning barqaror rivojlanishini taʼminlashga oid chora-tadbirlarning samaradorligi va natijadorligi uchun javob beradi.

23. Qoʻmita markaziy apparati tarkibiy boʻlinmalari rahbarlari:

tegishli tarkibiy boʻlinmalarga yuklangan vazifalar va funksiyalarning oʻz vaqtida bajarilishi hamda natijadorligi;

faoliyat yoʻnalishlariga oid qonunchilik hujjatlari, Qoʻmita rahbarlarining topshiriqlari bajarilishining holati toʻgʻrisida Qoʻmitaga haqqoniy tahliliy va boshqa axborotlarni sifatli tayyorlash va oʻz vaqtida taqdim etish yuzasidan javob beradi.

24. Qoʻmita hududiy boʻlinmalarining boshliqlari:

yuklangan vazifalar va funksiyalarning sifatli bajarilishini tashkil etish;

tegishli hududda oila va xotin-qizlarni qoʻllab-quvvatlash, ularning huquqlari va qonuniy manfaatlarini himoya qilish sohasidagi davlat siyosati sohasidagi qonunchilik hujjatlari, Qoʻmita rahbarlarining topshiriqlari oʻz vaqtida va sifatli bajarilishi boʻyicha taʼsirchan nazoratni amalga oshirish;

tegishli hududda oila va xotin-qizlarni qoʻllab-quvvatlash, ularning huquqlari va qonuniy manfaatlarini himoya qilish sohasidagi davlat siyosatini amalga oshirish holati toʻgʻrisida Qoʻmitaga haqqoniy tahliliy va boshqa axborotlarni oʻz vaqtida taqdim etish yuzasidan javob beradi.

7-bob. Qoʻmita faoliyatini tashkil etish

1-§. Qoʻmita rahbariyati

25. Qoʻmitaga Oʻzbekiston Respublikasi Bosh vazirining Oʻzbekiston Respublikasi Oliy Majlisi Qonunchilik palatasi maʼqullaganidan keyin kiritilgan takdimnomasiga binoan Oʻzbekiston Respublikasi Prezidenti tomonidan lavozimga tasdiqlanadigan va lavozimdan ozod qilinadigan Bosh vazir oʻrinbosari — Qoʻmita raisi rahbarlik qiladi.

Qoʻmita raisi oʻz maqomiga koʻra Vazirlar Mahkamasi aʼzosi hisoblanadi.

26. Qoʻmita raisining Oʻzbekiston Respublikasi Bosh vazirining taqdimnomasiga asosan Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan ikki nafar oʻrinbosari boʻladi.

Qoʻmita raisi boʻlmagan vaqtda uning vakolatlari vazifalar taqsimotiga muvofiq rais oʻrinbosarlaridan biri tomonidan amalga oshiriladi.

Qoʻmita raisining oʻrinbosarlari maqomi, mehnatga haq toʻlash, moddiy ragʻbatlantirish va tibbiy xizmat koʻrsatish shartlariga koʻra — tegishli ravishda vazir oʻrinbosarlariga, Qoʻmita markaziy apparati xodimlari — Kambagʻallikni qisqartirish va bandlik vazirligining markaziy apparati xodimlariga, Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari rahbarlari — Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining oʻrinbosarlariga, tuman (shahar) oila va xotin-qizlar boʻlimlari rahbarlari — tuman va shahar hokimlarining oʻrinbosarlariga, Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari xodimlari — Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar kambagʻallikni qisqartirish va bandlik boshqarmalari xodimlariga tenglashtiriladi.

27. Qoʻmita markaziy apparatining tarkibiy (boshqarma, boʻlim, boʻlinma va xizmatlar) boʻlinmalari, shuningdek, tarkibiy boʻlinmalar rahbarlari tegishlicha Qoʻmita raisining oʻrinbosarlari taqdimnomasi boʻyicha Qoʻmita raisi tomonidan lavozimga tayinlanadi va lavozimdan ozod etiladi.

28. Qoraqalpogʻiston Respublikasi Vazirlar Kengashi Raisining oʻrinbosari — Oila va xotin-qizlar qoʻmitasi raisi, viloyatlar va Toshkent shahar hokimlarining oʻrinbosarlari — Oila va xotin-qizlar boshqarmalari boshliqlari tegishlicha Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan Oʻzbekiston Respublikasi Bosh vazirining oʻrinbosari — Oila va xotin-qizlar qoʻmitasi raisi bilan kelishgan holda lavozimga tayinlanadi va lavozimdan ozod etiladi.

29. Tuman (shahar)lar hokimlarining oʻrinbosarlari — oila va xotin-qizlar boʻlimlari boshliqlari tegishlicha Qoraqalpogʻiston Respublikasi Vazirlar Kengashi Raisining oʻrinbosari — Oila va xotin-qizlar qoʻmitasi raisi, viloyatlar va Toshkent shahar hokimlarining oʻrinbosarlari — Oila va xotin-qizlar boshqarmalari boshliqlarining taqdimnomasiga binoan Oʻzbekiston Respublikasi Bosh vazirining oʻrinbosari — Oila va xotin-qizlar qoʻmitasi raisi bilan kelishgan holda tuman (shahar)lar hokimlari tomonidan lavozimga tayinlanadi va lavozimdan ozod etiladi.

30. Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar Oila va xotin-qizlar boshqarmalari tarkibidagi boʻlimlar va tuman (shahar)lar Oila va xotin-qizlar boʻlimlari mutaxassislari lavozimga Oʻzbekiston Respublikasi Oila va xotin-qizlar qoʻmitasi markaziy apparatining mutasaddi boshqarma va boʻlimlari boshliqlarining xulosalariga muvofiq tegishlicha Qoraqalpogʻiston Respublikasi Vazirlar Kengashi Raisining oʻrinbosari — Oila va xotin-qizlar qoʻmitasi raisining, viloyatlar va Toshkent shahar hokimlarining oʻrinbosarlari — Oila va xotin-qizlar boshqarmalari boshliqlarining buyrugʻiga binoan lavozimga tayinlanadi va lavozimdan ozod etiladi.

Qoraqalpogʻiston Respublikasi Vazirlar Kengashi Raisi oʻrinbosari — Qoraqalpogʻiston Respublikasi Oila va xotin-qizlar qoʻmitasi raisi, viloyatlar va Toshkent shahar hokimlari oʻrinbosarlari — viloyatlar va Toshkent shahar oila va xotin-qizlar boshqarmalari boshliqlari hamda tuman (shahar) hokimlarining oʻrinbosarlari — tuman (shahar) oila va xotin-qizlar boʻlimlari boshliqlariga 1 nafardan avtomobil haydovchisi va rahbar kotibasi (yordamchi xodimlar) ajratiladi.

2-§. Qoʻmita markaziy apparati tarkibiy boʻlinmalarining hududiy boshqarmalar va idoraviy mansub tashkilotlar bilan oʻzaro hamkorligi

31. Qoʻmita markaziy apparati tarkibiy boʻlinmalarining hududiy boshqarmalar va idoraviy mansub tashkilotlar bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

32. Qoʻmita markaziy apparatining tarkibiy boʻlinmalari Qoʻmitaning hududiy boshqarmalari bilan oʻz faoliyati yoʻnalishlari boʻyicha:

topshiriqlarni hududiy boshqarmalar va idoraviy mansub tashkilotlarga yetkazadi hamda ularning bajarilishini nazorat qiladi;

Qoʻmitaning hududiy boshqarmalari va idoraviy mansub tashkilotlariga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

Qoʻmitaning hududiy boshqarmalari va idoraviy mansub tashkilotlari faoliyatini oʻrganadi, umumlashtiradi, uni takomillashtirishga qaratilgan chora-tadbirlarni ishlab chiqadi va Qoʻmita rahbariyatiga kiritadi;

Qoʻmitaning hududiy boshqarmalari va idoraviy mansub tashkilotlari faoliyatini tashkil etish va faoliyati natijalari toʻgʻrisida hisobot va axborot materiallari, statistika va boshqa maʼlumotlar oʻrganilishi va umumlashtirilishini tashkil etadi;

Qoʻmitaning hududiy boshqarmalari va idoraviy mansub tashkilotlarining ish rejalarini tahlil qiladi, ularning faoliyatini takomillashtirishga doir choralar koʻradi;

Qoʻmitaning hududiy boshqarmalari va idoraviy mansub tashkilotlaridan tushgan takliflarni koʻrib chiqadi;

normativ-huquqiy hujjatlar loyihalarini tayyorlashda Qoʻmitaning hududiy boshqarmalari va idoraviy mansub tashkilotlari ishtirokini tashkil etadi, qonunchilik hujjatlarini takomillashtirish boʻyicha ulardan tushgan takliflarni koʻrib chiqadi.

33. Qoʻmitaning hududiy boshqarmalari va idoraviy mansub tashkilotlari Qoʻmita markaziy apparatining tarkibiy boʻlinmalari bilan oʻzaro hamkorlik qiladi. Jumladan:

Qoʻmita rahbariyati topshiriqlari ijrosi haqida xabar beradi;

belgilangan faoliyat sohasida qonunchilik hujjatlarini amalga oshirish boʻyicha faoliyat natijalari toʻgʻrisida Qoʻmitaning markaziy apparatiga axborot taqdim etadi;

ularning faoliyatini tekshirish va oʻrganish natijasida ishda aniqlangan kamchiliklar va qoidabuzarliklarni bartaraf etish natijalari toʻgʻrisida xabar beradi;

oʻz faoliyati natijalari toʻgʻrisidagi hisobotlarni belgilangan muddatlarda Qoʻmitaning markaziy apparatiga taqdim etadi;

Qoʻmita vakolatiga taalluqli sohalardagi muammolarni hal qilishga qaratilgan takliflarni Qoʻmitaning markaziy apparatiga yuboradi;

mahalliy ijro etuvchi hokimiyat organlari, hududiy davlat organlari, kompleks ijtimoiy-iqtisodiy rivojlantirish boʻyicha sektorlar bilan oʻzaro hamkorlik natijalari toʻgʻrisida xabar beradi;

vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida maʼlumot beradi;

joylarda Qoʻmita hayʼati yigʻilishi, seminar, konferensiya, tanlov, koʻrik va boshqa tashkiliy tadbirlar oʻtkazish toʻgʻrisida takliflar kiritadi.

3-§. Qoʻmitaning davlat boshqaruvining boshqa organlari, mahalliy ijro etuvchi hokimiyat organlari, xoʻjalik birlashmalari va boshqa tashkilotlar bilan oʻzaro hamkorligi

34. Qoʻmita oʻz vazifalari va funksiyalarini amalga oshirishda davlat boshqaruvining boshqa organlari, mahalliy ijro etuvchi hokimiyat organlari, xoʻjalik birlashmalari va boshqa tashkilotlar bilan oʻzaro hamkorlik qiladi.

35. Qoʻmitaning hududiy boshqarmalari oʻz vakolatlari doirasida davlat boshqaruvining boshqa organlari, mahalliy ijro etuvchi hokimiyat organlari, xoʻjalik birlashmalari, hududlarni kompleks ijtimoiy-iqtisodiy rivojlantirish boʻyicha sektorlar va boshqa tashkilotlar bilan oʻzaro hamkorlik qiladi.

4-§. Qoʻmita hayʼati, boshqa maslahat, konsultativ va ekspert organlari

36. Qoʻmitada rais (hayʼat raisi), uning oʻrinbosarlari (lavozimi boʻyicha), shuningdek, uning faoliyatining asosiy yoʻnalishlarini muvofiqlashtiruvchi tarkibiy boʻlinmalar hamda hududiy boʻlinma va idoraviy mansub tashkilotlar rahbarlaridan iborat tarkibda hayʼat tuziladi.

Hayʼat tarkibining soni va shaxsiy tarkibi Qoʻmita raisining taqdimnomasiga binoan Vazirlar Mahkamasi tomonidan tasdiqlanadi.

37. Hayʼatga quyidagi vazifalar yuklanadi:

Qoʻmita faoliyatining ushbu Nizomda belgilangan asosiy yoʻnalishlarini ishlab chiqish va amalga oshirish;

qonunchilik hujjatlarida, Oʻzbekiston Respublikasi Prezidentining hujjatlari va Oʻzbekiston Respublikasi Hukumatining qarorlarida belgilangan vazifalar oʻz vaqtida va sifatli amalga oshirilishini taʼminlash uchun Qoʻmita tizimi xodimlari va rahbarlarining shaxsiy javobgarligini oshirish choralarini koʻrgan holda, tarkibiy va hududiy boʻlinmalar hamda idoraviy mansub tashkilotlar rahbarlarining hisobotlari muntazam ravishda eshitilishini tashkil etish;

tizimli ravishda Qoʻmita faoliyati sohasidagi hududiy va tarmoq dasturlari amalga oshirilishining natijadorligini har chorakda va muntazam koʻrib chiqish;

Qoʻmita faoliyati doirasidagi dolzarb masalalarni muhokama qilishni taʼminlagan holda hayʼatning kengaytirilgan, shu jumladan, joylarda sayyor majlislarini oʻtkazishni tashkil etish, shuningdek, yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

Qoʻmita markaziy apparati va uning tizimiga kiradigan lavozimlar nomenklaturasini koʻrib chiqish va tasdiqlash;

Qoʻmita nomenklaturasiga kiradigan lavozimlarga kadrlarni tanlash, joy-joyiga qoʻyish masalalarini koʻrib chiqish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari bilan belgilangan vazifalar oʻz vaqtida va sifatli bajarilishini taʼminlash uchun Qoʻmita rahbarlari va xodimlarining ijro intizomini mustahkamlash va shaxsiy javobgarligini oshirish.

Hayʼat Qoʻmita vakolatiga kiritilgan boshqa masalalarni ham koʻrib chiqishi mumkin.

38. Hayʼat majlisiga respublika ijro etuvchi hokimiyat organlari, xoʻjalik birlashmalari va boshqa tashkilotlar rahbarlari ularning vakolatiga kiradigan masalalar yuzasidan taklif etilishi mumkin.

39. Hayʼat, agar uning majlisida hayʼat tarkibining yarmidan koʻpi qatnashsa, vakolatli hisoblanadi. Koʻrib chiqilayotgan masalalar yuzasidan qarorlar koʻpchilik ovoz bilan qabul qilinadi.

40. Hayʼat qarorlari Qoʻmita raisining buyruqlari bilan amalga oshiriladi.

41. Qoʻmita raisi va hayʼat aʼzolari oʻrtasida kelishmovchiliklar yuzaga kelgan taqdirda, Qoʻmita raisi yuzaga kelgan kelishmovchiliklar haqida Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham Vazirlar Mahkamasiga oʻz fikrini xabar qilishi mumkin.

42. Hayʼat faoliyatining tartibi uning hayʼat tomonidan tasdiqlanadigan reglamenti bilan belgilanadi.

8-bob. Qoʻmita faoliyatining samaradorligi va natijadorligini baholash mezonlari va ish indikatorlari

43. Qoʻmita faoliyatining samaradorligi muntazam baholanadi.

44. Qoʻmita faoliyatining samaradorligi va natijadorligini baholash tegishli mezonlar va ishchi indikatorlarga asoslanadi.

45. Qoʻmita faoliyati samaradorligi va natijadorligini baholash yakunlari boʻyicha:

Qoʻmita rahbarlari va xodimlarini ragʻbatlantirish (mukofotlash) yoki ularga nisbatan intizomiy jazo choralari;

Qoʻmita faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

46. Qoʻmita faoliyatining samaradorligi va natijadorligini baholash tartibi qonunchilik hujjatlarida belgilanadi.

9-bob. Qoʻmita faoliyatini moliyalashtirish va moddiy-texnik taʼminlash, uning xodimlari mehnatiga haq toʻlash va moddiy ragʻbatlantirish

47. Quyidagilar Qoʻmita faoliyatini moliyalashtirishning asosiy manbalari hisoblanadi:

Oʻzbekiston Respublikasi Davlat budjeti mablagʻlari;

Oʻzbekiston Respublikasi Oila va xotin-qizlar qoʻmitasini rivojlantirish va xodimlarini moddiy ragʻbatlantirish jamgʻarmasi mablagʻlari;

Oila va xotin-qizlarni qoʻllab-quvvatlash davlat maqsadli jamgʻarmasi mablagʻlari;

qonunchilik hujjatlarida taqiqlanmagan boshqa manbalar.

48. Qoʻmitaning markaziy apparati, hududiy boshqarmalari va tuman (shahar) boʻlimlari xodimlarining ish haqi lavozim maoshi, mukofotlar, qoʻshimcha haq, ustamalar va qonunchilikda nazarda tutilgan boshqa ragʻbatlantiruvchi toʻlovlardan iborat.

49. Qoʻmita boshqaruv xodimlarining Yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshini belgilashda tarif koeffitsiyenti markaziy apparatda — 1,8 baravarga oshirilgan miqdorda qoʻllaniladi.

Qoʻmita markaziy apparati, uning hududiy va idoraviy mansub tashkilotlari xodimlarining lavozim maoshi Yagona tarif setkasining tasdiqlangan razryadlari boʻyicha belgilanadi.

Qoʻmita xodimlarining ish haqi lavozim maoshi, mukofotlar, qoʻshimcha haqlar, ustamalardan va qonunchilikda nazarda tutilgan boshqa toʻlovlardan iborat boʻladi.

50. Qoʻmita markaziy apparati, Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari, tuman (shahar) oila va xotin-qizlar boʻlimlari xodimlarining umumiy ish stajidan kelib chiqib, Oʻzbekiston Respublikasining Davlat budjeti mablagʻlari hisobidan quyidagi miqdorda koʻp yillik ishlaganlik uchun har oylik ustama toʻlanadi (ragʻbatlantirish koeffitsiyentini inobatga olgan holda lavozim maoshiga nisbatan koeffitsiyentlarda):

1 dan 3 yilgacha — 0,3;

3 dan 5 yilgacha — 0,6;

5 dan 10 yilgacha — 0,8;

10 dan 15 yilgacha— 1,0;

15 dan 20 yilgacha — 1,2;

20 dan yuqori — 1,5.

Qoʻmita huzuridagi budjetdan tashqari jamgʻarma mablagʻlari hisobidan qonunchilikda belgilangan ishlamaydigan bayram kunlarida va boshqa muhim sanalarda mukofotlash, shuningdek, ustama, ragʻbatlantirish va qoʻshimcha haq, mukofotlar va ish haqiga boshqa toʻlovlar miqdori Qoʻmita raisi tomonidan belgilanadi.

Shuningdek, Qoʻmita huzuridagi budjetdan tashqari Oʻzbekiston Respublikasi Oila va xotin-qizlar qoʻmitasini rivojlantirish va xodimlarini moddiy ragʻbatlantirish jamgʻarmasi hisobidan:

a) eng tashabbuskor va samarali ishlagan Qoʻmitaning markaziy apparati xodimlariga lavozim maoshining ikki yuz foizigacha, Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalarining xodimlariga lavozim maoshining yuz foizigacha, tuman (shahar) oila va xotin-qizlar boʻlimlarining xodimlariga lavozim maoshining yetmish besh foizigacha oylik qoʻshimcha haqlar va ustamalar;

Xodimlarni qoʻshimcha moddiy ragʻbatlantirish toʻgʻrisidagi nizom Oʻzbekiston Respublikasi Iqtisodiyot va moliya vazirligi bilan kelishgan holda Qoʻmita raisi tomonidan tasdiqlanadi.

Qoʻmita huzuridagi budjetdan tashqari Oʻzbekiston Respublikasi Oila va xotin-qizlar qoʻmitasini rivojlantirish va xodimlarini moddiy ragʻbatlantirish jamgʻarmasi mablagʻlari hisobidan xodimlarga qonunchilikda taqiqlanmagan boshqa toʻlovlar ham toʻlanishi mumkin.

Qoʻmita markaziy apparatining moddiy-texnik bazasini mustahkamlash boʻyicha toʻlovlar jamgʻarma hisobidan amalga oshiriladi.

Bunda ushbu bandda nazarda tutilgan toʻlovlar jamgʻarma moliyaviy holatidan kelib chiqib toʻlanadi.

51. Qoʻmita markaziy apparati, hududiy boshqarmalar va tuman (shahar) boʻlimlari xodimlariga oylik ustamalar, moddiy va koʻp yillik mehnati uchun ragʻbatlantirishlar tarzidagi lavozim maoshlariga qoʻshimcha toʻlovlar qonunchilik hujjatlariga muvofiq amalga oshiriladi, shuningdek, Qoʻmita hayʼati tomonidan tasdiqlanadi.

10-bob. Qoʻmitaning Oʻzbekiston Respublikasi Oliy Majlisi, Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi hamda Vazirlar Mahkamasiga hisobot berishi

52. Qoʻmita rahbarlari oʻz faoliyati toʻgʻrisida Oʻzbekiston Respublikasi Prezidentiga, Oʻzbekiston Respublikasi Prezidenti Administratsiyasining tegishli tarkibiy boʻlinmalariga va Vazirlar Mahkamasiga hisobot beradi.

53. Qoʻmita raisi har yili Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasiga Qoʻmita faoliyati yuzasidan hamda sohadagi tizimli muammolar va ularning yechimi toʻgʻrisida axborot berib boradi.

Qoʻmitaning hududiy boʻlinmalari boshliqlari har yarim yilda Xotin-qizlarning jamiyatdagi rolini oshirish, gender tenglik va oila masalalari boʻyicha hududiy komissiyalarga Qoʻmita hududiy boʻlinmalari faoliyati yuzasidan hamda sohada uchrayotgan dolzarb muammo va kamchiliklar hamda ularning yechimi boʻyicha axborot beradi.

54. Qoʻmita Oʻzbekiston Respublikasi Prezidenti Administratsiyasi va Vazirlar Mahkamasi bilan oʻzaro hamkorlik qilish doirasida:

oʻziga yuklangan vazifalar va funksiyalarni bajarish bilan bogʻliq normativ-huquqiy hujjatlar hamda boshqa hujjatlar loyihalarini belgilangan tartibda kiritadi;

Oʻzbekiston Respublikasi Prezidenti Administratsiyasi va Vazirlar Mahkamasiga taqdim etish uchun respublika ijro etuvchi hokimiyat organlari, xoʻjalik birlashmalari bilan birgalikda oʻz faoliyati sohasidagi muammolarni hal etish, davlat boshqaruvi tizimini maqbullashtirishga qaratilgan taklif, tavsiya va tahliliy maʼlumotlar tayyorlanishini taʼminlaydi;

oilalarni mustahkamlash va xotin-qizlarni qoʻllab-quvvatlashning eng muhim yoʻnalishlari hamda vazifalarni amalga oshirishda mavjud tizimli muammo va kamchiliklarning muntazam ravishda koʻrib chiqilishini tashkil qiladi;

belgilangan tartibda boshqa funksiyalarni ham amalga oshiradi.

55. Vazirlar Mahkamasi rahbariyati Qoʻmita rahbarlarining faoliyatini yuklangan vazifalarning ular tomonidan samarali bajarilishi boʻyicha doimiy monitoring qilib boradi, Qoʻmita faoliyati samaradorligini xolisona baholaydi.

56. Monitoring va baholash natijalariga koʻra Qoʻmitaning alohida oʻrnak koʻrsatgan xodimlarini ragʻbatlantirish choralari koʻriladi, jiddiy kamchiliklarga yoʻl qoʻygan xodimlarga nisbatan esa tegishli javobgarlik choralari qoʻllaniladi.

11-bob. Yakunlovchi qoida

57. Qoʻmita qonunchilik hujjatlarida belgilangan tartibda qayta tashkil etiladi va tugatiladi.

Vazirlar Mahkamasining 2024-yil 12-avgustdagi 500-son qaroriga 2-ILOVA

Oʻzbekiston Respublikasi Oila va xotin-qizlar qoʻmitasini rivojlantirish va xodimlarini moddiy ragʻbatlantirish jamgʻarmasi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Oila va xotin-qizlar qoʻmitasini rivojlantirish va xodimlarini moddiy ragʻbatlantirish jamgʻarmasi (keyingi oʻrinlarda — Jamgʻarma) mablagʻlarini shakllantirish va ulardan foydalanish tartibini belgilaydi.

2. Jamgʻarma oʻz faoliyatini Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa qonunchilik hujjatlariga, shuningdek, mazkur Nizomga muvofiq amalga oshiradi.

3. Jamgʻarma Oʻzbekiston Respublikasi Oila va xotin-qizlar qoʻmitasida (keyingi oʻrinlarda — Qoʻmita) yuridik shaxs tashkil etmagan holda tuziladi.

4. Jamgʻarma mablagʻlari Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan Qoʻmitaning shaxsiy gʻazna hisobvaragʻida yigʻiladi.

5. Jamgʻarma mablagʻlari Qoʻmitaning budjetdan tashqari maxsus hisobvaragʻida jamlanadi.

2-bob. Jamgʻarma mablagʻlarini shakllantirish tartibi

6. Quyidagilar Jamgʻarma mablagʻlarini shakllantirish manbalari hisoblanadi:

2024-yildan boshlab har yili Davlat budjeti parametrlarida Jamgʻarma uchun 15 mlrdgacha miqdorda nazarda tutiladigan mablagʻlar;

vaqtincha boʻsh turgan mablagʻlarni tijorat banklarining depozitlariga joylashtirishdan tushadigan daromadlar;

xalqaro moliya institutlari va xorijiy tashkilotlarning grantlari;

jismoniy va yuridik shaxslarning homiylik xayriyalari;

qonunchilik hujjatlari bilan taqiqlanmagan boshqa manbalar.

7. Qoʻmita Jamgʻarmaga mablagʻlar tushishining toʻliqligini nazorat qiladi.

3-bob. Jamgʻarma mablagʻlaridan foydalanish tartibi

8. Jamgʻarma mablagʻlari quyidagi maqsadlarga yoʻnaltiriladi:

Qoʻmitaning vazifalarini samarali amalga oshirish;

Qoʻmitaning kommunal, aloqa, qoʻriqlash xarajatlarini qoplash, avtotransport xarajatlari, ularning moddiy-texnik holatini yaxshilash, taʼmirlash hamda saqlash, shu jumladan, zarur zamonaviy uskunalar, mebel, inventarlar bilan jihozlash, avtotransport vositalari va qurilmalarini xarid qilish va ularni taʼmirlash hamda boshqa tovar-moddiy qimmatliklarni xarid qilish;

axborot-kommunikatsiya, multimedia va tarmoq qurilmalari, texnika vositalari hamda dasturiy taʼminotlarni xarid qilish, zamonaviy texnologiyalarni joriy etish va saqlash, pochta xizmatlari maʼlumotlar bazasini shakllantirish;

Qoʻmita xodimlarini tayyorlash, qayta tayyorlash va ularning malakasini oshirish;

oʻz xizmat faoliyatida yuqori natijalarga erishgan Qoʻmita xodimlarini moddiy ragʻbatlantirish va ijtimoiy muhofaza qilish, shu jumladan, sanatoriy-kurort va tibbiy xizmat koʻrsatish, yuqori kasb mahorati hamda alohida oʻrnak koʻrsatgan Qoʻmita xodimlariga lavozim maoshining 2 baravarigacha miqdorda har oylik ustamalar belgilagan holda ularni moddiy ragʻbatlantirish yoki bir yoʻla mukofotlash;

bayramlar, yubiley munosabati bilan hamda davlat nishonlari va unvonlari berilganligi munosabati bilan lavozim maoshining 1 baravarigacha miqdorda mukofot pullari berish;

Oʻzbekiston Respublikasi Hukumati qarorlari bilan belgilangan ilmiy unvonlar uchun belgilangan ustamalar va boshqa turdagi ustamalarni toʻlash;

xodimlarga moddiy yordam koʻrsatish (xodimning nikoh va farzand toʻylarini oʻtkazish, yaqin qarindoshlarining vafot etishi, sogʻligʻini tiklash bilan bogʻliq holatlar);

Qoʻmita rahbar va xodimlarini xorijiy boshqaruv idoralari, taʼlim muassasalari va boshqa tashkilotlarga tajriba oʻrganish va hamkorlik oʻrnatish maqsadlarida xorijiy xizmat safariga yuborish;

Oʻzbekiston Respublikasi Prezidenti va Vazirlar Mahkamasining hujjatlari va topshiriqlarida belgilangan vazifalarni amalga oshirish;

Qoʻmita tomonidan oʻtkaziladigan tadbirlarni tashkil etish bilan bogʻliq xarajatlarini qoplash;

uy-joy bilan taʼminlanmagan Qoʻmita markaziy apparati xodimlariga amaldagi sarf-xarajatlar doirasida uy-joyni ijaraga berish shartnomasiga muvofiq uy-joylarni ijaraga olganlik (ijarada turganlik) uchun belgilangan tartibda har oylik kompensatsiya toʻlash;

Qoʻmita xodimlariga ustama toʻlovlari kundalik ovqatlanish va transport xarajati uchun kompensatsiya toʻlovlari xodimga haqiqatda ishlagan davri (ish kunlari) uchun toʻlash;

xodim vafot etganda, xodimning oylik lavozim maoshining oʻn baravaridan oshmagan miqdorda bir yoʻla moddiy yordam berish. Bunda moddiy yordam turmush oʻrtogʻiga toʻlab beriladi, agar xodimning turmush oʻrtogʻi boʻlmasa, moddiy yordam farzandlariga yoki qonuniy vakillariga (vasiylari va homiylariga) yoxud ularning voyaga yetmagan farzandlarini asrab olgan shaxslarga toʻlanadi, shuningdek, xodim turmush qurmagan boʻlsa, moddiy yordam uning ota-onasi yoki boqimandalari oʻrtasida teng ulushlarda taqsimlanadi;

qonunchilik hujjatlariga muvofiq Qoʻmita faoliyatini rivojlantirishga yoʻnaltirilgan boshqa tadbirlar.

Mazkur bandda nazarda tutilgan qoʻshimcha toʻlovlarning joriy yil uchun Jamgʻarmaning daromadlar va xarajatlar smetasida tasdiqlangan parametrlardan ortib ketmasligiga Qoʻmita raisi shaxsan masʼul hisoblanadi.

9. Jamgʻarma mablagʻlari Qoʻmita raisi tomonidan tasdiqlangan hamda belgilangan tartibda roʻyxatdan oʻtkazilgan daromadlar va xarajatlar smetasiga muvofiq tegishli gʻazna hisobvaraqlaridan sarflanadi.

10. Jamgʻarmaning daromadlar va xarajatlar smetasi kelgusi yilda moliyaviy mablagʻlar tushishining kutilayotgan prognozi va amalga oshirilishi belgilangan tadbirlarni oʻtkazishdan kelib chiqqan holda tuziladi.

11. Jamgʻarmaning joriy yilda foydalanilmagan mablagʻlari Oʻzbekiston Respublikasi Davlat budjetiga olib qoʻyilmaydi va ulardan keyingi yilda foydalaniladi.

12. Jamgʻarma mablagʻlari Qoʻmita raisi tomonidan boshqariladi va taqsimlanadi.

13. Jamgʻarma mablagʻlaridan qonunchilik hujjatlarida taqiqlanmagan boshqa maqsadlarda Vazirlar Mahkamasining hujjatlariga muvofiq foydalanilishi mumkin.

14. Jamgʻarmaning hisobot yilida foydalanilmagan mablagʻlari (qoldiq mablagʻlar) keyingi hisobot yiliga oʻtadi va mazkur Nizomda nazarda tutilgan tartibda foydalaniladi.

4-bob. Yakunlovchi qoidalar

15. Jamgʻarma mablagʻlarining hisobi va hisoboti qonunchilik hujjatlarida belgilangan tartibda yuritiladi va taqdim etiladi.

16. Jamgʻarma mablagʻlaridan oqilona va maqsadli foydalanish qonunchilik hujjatlarida belgilangan tartibda nazorat qilinadi.

17. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

18. Ushbu Nizomni amalga oshirishda yuzaga keladigan nizolar qonunchilik hujjatlarida belgilangan tartibda hal qilinadi.

Vazirlar Mahkamasining 2024-yil 12-avgustdagi 500-son qaroriga 3-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan baʼzi qarorlari

1. Vazirlar Mahkamasining “Oʻzbekiston Respublikasi Oila va xotin-qizlar davlat qoʻmitasi faoliyatini tartibga solish sohasidagi normativ-huquqiy hujjatlarni tasdiqlash toʻgʻrisida” 2022-yil 4-iyuldagi 358-son qarori .

2. Vazirlar Mahkamasining “Oʻzbekiston Respublikasi Prezidenti huzuridagi Ijtimoiy himoya milliy agentligi tashkil etilganligi munosabati bilan Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish toʻgʻrisida” 2023-yil 15-dekabrdagi 665-son qaroriga 1-ilovaning 23-bandi .

Oʻzbekiston Respublikasining Bosh vaziri A. ARIPOV

Toshkent sh.,

2024-yil 12-avgust,

500-son

(Qonunchilik maʼlumotlari milliy bazasi, 13.08.2024-y., 09/24/500/0610-son; 08.08.2025-y., 09/25/504/0707-son; 29.12.2025-y., 07/25/388/1235-son; 02.02.2026-y., 09/26/35/0101-son)

lex.uz